المساعد الشخصي الرقمي

مشاهدة النسخة كاملة : ابداكي كيف؟ -4 - (بسمة القمر الندي) يتبع

عبدالله وداعه الامين
08-01-2006, 05:37 PM
الدنيا جد فرحانه بيك
يا زايده في الوانه لون
يا راسمة عشقك في الارض
يا طاعنة سهمك في العيون
وريني بس ابداكي كيف؟
او حتى بعدك كيف اكون؟
والدنيا غيرك ما بتسر
يا احلى من كل الجنون
ببداهه بيك وانتي الفرح
يا شايله من فرحي السكون
اتوسدك وانتي القمر
يا شاربه من بسمو الحنون
الرقه والذوق السمح
والالفة و الطبع البكون
انشوده الزمن البحن
والبهجة يا كل الشجون

يابسمة القمر الندي
وعصفوره الفرح الجميل
بالله بس نبداكي كيف؟
يا شاربه من لون الاصيل
ومعطره الكون بي بهاك
ومنوره الدنيا التشيل
الروعه من وشك براك
وتنور الناس القبيل
يتشابو يسرقو دهشتك
يا داهشة لي زمنك عديل
ورينا بس نبداكي كيف؟
يا لابسه من فرحك تقيل
ياقادلة بي فوق الارض
وانا في سماك والدنيا ليل
لو حنا يوم مطرك علي
برويني بس منك قليل
يا ستي اديني الفرح
واندفقي في اعماقي نيل
بتمدى في غيمك وانوم
ارتاح علي الشوق النبيل


عبدالله وداعه الامين
لندن ‏2006‏‏-‏01‏‏-‏08‏
د.سيد عبدالقادر قنات
08-01-2006, 06:06 PM
الأخ ود الأمين
كل عام وأنتم بخير

والدنيا بعدك مابتسر
هو نحن تفتكر عايشين ولا دايشين
ولا......
كيف خروف العيد عندكم
ا
عبدالله وداعه الامين
21-01-2006, 07:35 PM
الأخ ود الأمين
كل عام وأنتم بخير

والدنيا بعدك مابتسر
هو نحن تفتكر عايشين ولا دايشين
ولا......
كيف خروف العيد عندكم
ا

وانت بالف خير د. سيد عبدالقادر

وربنا يحقق كل امنياتك

اكتفي في سؤالك بحالة تعجب كبيره وشكرا لك على الطلة الحلوة

لك تحياتي و ودي وشكرا هطول

عبدالله
حمدي اب جقادو
24-01-2006, 12:32 PM
فوووووووووق ياعبدو

اسعد الله اوقاتك كما تسعدنا دايما (ياحبوب)