شرطة ولاية الخرطوم تنفذ حملة لتفريغ(( ميدان مصطفي محمود)السوق العربي

[د.سيد عبدالقادر قنات]

نفذت ولاية الخرطوم بمشاركة شرطة النجدة والعمليات وأمن المجتمع ( النظام العام) والمباحث الجنائية ومباحث الولاية والشرطة الأمنية والمرور والنجدة ووحدات مكن القوات المسلحة ، حملة تفريغ للسوق العربي تحت مسمي :
أزالة كل مظاهر الفوضي والحركة التجارية الغير منظمة
بقصد أعادة تنظيم وسط السوق العربي
وضبط معتادي السرقة والنهب والأحتيال والمخدرات ( ملخص لما ورد في صحيفة الأيام )
عمنا شوقي ،
اخوتنا في سودانيات ،
زوار سودانيات ،
أمس ذكرنا في بوست ما ، أن الكشة جايانا عشان التحضيرات للقمم
وبرابرة يا عبيد موجودة عندنا في حوشنا مش في ميدان مصطفي محمود
أليسو هم مواطنون سودانيون لحما ودما ؟ هل هم من الدرجة التانية ؟
هل هي العنصرية والجهوية ؟
ليه بس نكشهم ؟ أليس لهم الحق في التواجد حتي داخل حوش القصر الجمهوري ؟
لا يغير الله ما بقوم حتي يغيروا ما بأنفسهم
يا جماعة أفتونا :::
ناس فرعون كشونا وكتلونا
واهلنا كشونا وطردونا من العاصمة القومية
اها نقبل علي وين
تل ابيب أرحم
ونحنا في انتظار جوابكم
قبال القمم والناس يتفسحو بالمركب الكبير وينوموا في الفلل ويزورو سد مروي وكنانة

ونحن يانا نحن
ولو ماعاجبكم اشربو من البحر
او بلو ورقكم دا ونشفوه
ونحن محروسين بالقوات الدولية وراضية عاشوري وأيان برونك هم فقرانا وجارين لينا السبحة الألفية
وخلوها مستورة بس ، لأنو نحن ادينا الفراعنة القرين لون عشان يفرتقوقم في القاهرة ونحن نكشكم في العربي ، يعني ادوار مقسمة

[عبدالمجيدصالح]

«®°·.¸.•°°·.¸¸.•°°·.¸.•°®»دي بلد ,,,, دي - سيد عبد القادر قنات
ما قلنا البلد ,,,, اخير منها اسرائيل لو ما قام واحد ارهابي فلسطيني فجرناِ
قال قمة افريقية ,,,,, قال .المجتمعن ليها شنو والبلد حقوقها منتهكة.[QUOTE]«®°·.¸.•°°·.¸¸.•°°·.¸.•°®»

[عبدالمجيدصالح]

عليك الله سيد عبدالقادر شوف عدد الضحايا والمفقودين بمجزرة القاهرة
في " الدولة المنهارة ,,لاتعليق" ل عبدالمجيد
"القاهرة تدق والخرطوم تحك" ]
دي بلد عجيبة ,, زمان كان نشوف النجدة والعمليات ,, هشع الدوشكة والاسلحة التقيلة لزومها شنو
"بلاد كل ما ابتسمت حط علي شفتيها التراب"
المهم كل المهمشين الان في السوق العربي يتعرضوا للضرب المبرح بالعصي والهراوات "نفس القاهرة " ضرب لحدي الموت
ولا تعليق
يرجا من المنظمات العاملة في حقوق الانسان رصد هذه الانتهاكات,,,,

مع الملاحظة انو الشارع الماشي علي محطة "ابو جنزير" يوجد بها عربة بولس نجدة وعمليات يسال المار الي اين ذاهب
فما عليك الي ان تقول الي "النار" فضلا هل يمكن .
مع الملاحظة ان البوليس المسوؤل "تخين "الجسم "كانه فلسطيني"

[د.سيد عبدالقادر قنات]

بقصد أعادة تنظيم وسط السوق العربي
وضبط معتادي السرقة والنهب والأحتيال والمخدرات :
قالو تنظيم قالو
بس نسأل لو نلقي زول يجاوب :
من باع شارع البطل الشهيد علي عبد اللطيف ؟
من ربح مع صقر قريش ؟
من أختلس بك نيما
من باع بنك الخرطوم
من باع السوق الحر ، أو الحرة
من باع البريد والبرق
من حج بقروش الفقراء والمرضي والمساكين والجوعي والعريانين والحفيانين
وخلوها مستورة
والجايات اكتر من الرايحات
وناس دارفور ليهم الله
وناس الشرق يقبلو علي وين

ونحن ناس المثلث ، أهل البلد
في واحد يقدر يفتح خشمو
والله يحصل:
شهداء العيلفون
ود.علي فضل
ومجدي محجوب
وشهداء رمضان
ومجزرة جوبا وبورتسودان والخدير وسوبا ومسجد الحتانة والثورة وكمبو مدني ومجزرة بورتسودان
وبيوت الأشباح ليست في أبو غريب
أسالو منها د. زهير السراج بس فتح خشمو وقال اليخت وبرنامج ما يطلبه المستمعون
وسمع وشاف وضاق واكل
بس خليكم في كلامكم دا
ونحن بكرة حنكون رؤءسا الأتحاد الأفريقي
هاهاهاها

[خالد الحاج]

العزيز دكتور سيد
لأول مرة يمر علي حدث ولا أستطيع المساهمة فيه برأي أو مداخلة حتي وهو موضوع مجزرة القاهرة
ما حدث هناك وصمة عار لن تموحوها الأيام ولا ذاكرة الشعب السوداني الضعيفة والتي يعول عليه أولاد بمبه.
كيف يتحدثون عن السودانين وأنهم يعيشون علي حساب المواطن المصري؟؟ من الإحصاءات الأخيرة والتي يصدرها بنك مصر إتضح أن السودانيين يشكلون النسبة الأعلي من الذين يودعون أموال في البنوك المصرية بغرض التوفير كما أنهم يسهمون بدرجة كبيرة في تنشيط السياحة.. عجبي..
أما ما حدث في ميدان أبوجنزير والسوق العربي فالغريب هنا إستغرابكم لما حدث أكتر من الحدث نفسه؟؟
هذه الحكومة لا تستحي ولا تخاف الله .. ولن أفاجأ بأي تصرف منها أيآ كان نوعه.

[Garcia]

الشئ المضحك انه السودان سيتولى رئاسة القمة الافريقية ... بالله فى مهزلة اكثر من كدة
حكومة سجلها غزر وملئ بالفساد .. وتريد ان تتولى قمة قارة بأكملها ...
من حق تشاد ودول اخرى ان ترفض .. لانها حكومة ليست مشرفة لمواطنيها فهل ستلعب دور ..
يرضى طموح شعوب من كيب تاون حتى القاهرة ..
هى تسعى لذلك لتجميل وترميم سمعتها السيئة و النتنة من احداث دارفور مرورا بما حدث فى القاهرة .
والقائمة تطول وبلا حدود ...
ولك التحية د. سيد عبدالقادر قنات

[الجيلى أحمد]

ناس الجبهه ديل بى رعونتهم وتصرفاتهم الهمجيه والخرقاء المتكرره
اصابو دهشتنا بالعطب ..

[abdu abubakr abdalla]

الدكتور: عبدالقادر أبوقنات . مالك داير تقوم مواجع عمنا : شوقى بدرى هو لسة فاق من غبينة مجزرة القاهرة ؟!وتواطوء نظام الخرطوم فى قتل وتشريد وسجن المواطنين السودانيين دون ذنب جنوه الا عدم اعتراف حكومة جمهورية السودان بأدميتهم وبالتالى لا حقوق لهم عليها .
وجاى تجيب البلاوى دى تنشرها هنا ؟
مالك ما تتعب من ملاحقة الحقيرين ؟
كان هنا فى القاهرة بسبب قرب عيد الاضحى , وكأس الامم الافريقية , وشكوى اهل المهندسين من وجود الزناجرة تؤذى مشاعرهم الحساسة لذا قاموا بالواجب ! بمحوا السودانيين من على ميدان مصطفى محمود .
طيب الجماعة عندنا فى السودان ما شايفين انو الجاين للمؤتمر هم افارقة زيهم وزى القاعدين فى السوق الشعبى , يعنى شباب من ابو عشر , ومن النشيشبة والمسعودية . وقليل من الجنوب وبعضهم من دارفور والباقى باقى على الزمن تشيلهم والرزق يودى ويجيب .
بس حقيقى انا زعلان . والله لو طبق فيهم نظرية الفلسطينية مش حأكون زعلان عليهم كلهم .
جاتهم داهية تشيلهم !!

[kbeida]

د/سيد عبدالقادر
لقد قمت مسبقا بنشر تقرير كامل من HRW جاء فيه :
Sudan: A Shameful Place for an African Summit
African Union Should Sanction, Not Reward, Khartoum’s Crimes

(New York, November 17, 2005) — By allowing Khartoum to host its summit in January, the African Union would tarnish its credibility and condone the Sudanese government’s complicity in crimes against humanity in Darfur, Human Rights Watch warned today in a letter to African heads of state.
وبدون تعليق.
لك الود والتحية.
كبيده

[ود البدوي]

الله قادر علي ناس أم بادر.
خلاصة الموضوع إنو الناس الغلابة المساكين الفقرا زول شغال بيهم مافى.
كل يوم نسمع بى مشروع جديد. وتشكيل وظيفى جديد
شركات وهمية, ومصاعن وهمية كتيرة جداً. والمغالط اليمشى السوق العربى وتحديداً قرب الضرائب.
الشركات الوهمية دى ما كشوها ليه.
العساكر قلوبم مافيها رحمة وكأنو الواحد فيهم مغالط ويبرز فى عضلاتو قدام ناس السوق ويتكيف لما يطلعوهو كشة
حاجة بخيتة تلقاها فارشة ليها طواقى جنب محلات شاكر يجى العسكرى يفرتق ليها طواقيها واحدة واحدة.
المصيبة مافى العساكر المصيبة فى(التناكر الكبيرة).
أسالوا لو ما عارفين الظلم الحاصل عن ناس كنانة الزمان قبل 89
الناس الشغالين شغل صاح وأول من سودنوا أقسامهم فى كنانة. أمانة وعفة. ونزاهة.ومرجعية . وخبرة كبيرة فى المجال, الآن لافين فى الشوارع وشغالين مزارعين ومنهم من مات كمداً,جابوا( ناسم)شغلوهم, والغريبة خلوا ناس الأكل قاعدين. وأنا على علم بهم.
طبعا هم إتحركوا وما سكتوا وصلوها إلى أكبر مكان ممكن تصل ليه.وتوعدوا نائب الرئيس بأنهم سيوصلوها إلى (الأمم المتحدة ومجلس الأمن)هنا طبعا إرتعدوا وانتفضوا. ما خلاص ديل الناس الجارين السبحة ذاتم
والطريف فى الأمر إنهم حتى الآن ماعارفين يعملوا شنو؟ لو أدوهم حقوقم طبعاً ميزانية الإمارات عديل. وطريقة لى رجعتم مافى
لأنو فى ناسم شغالين. حاولوا يرجعوهم بدول أى حقوق لكن ديل رفضوا طبعا؟ والموضوع نوقش من ضمن بنود الإتفاقية. شوف الورطة دى بالله. يعملوا شنو يا جماعة؟

[جلال محمد جلال]

يا ســــــــــــــــــــــــادة:
"ينتهي العــــــــــــزاء بإنتهاء مراســــــــــــــــــــــــــم الدفـــــــــــن"!!