أجازة بدون عنوان

[د.سيد عبدالقادر قنات]

تناقلت أخبار المدينة أن الأسبوع القادم سيشهد الأفتتاح الكبير
،
والسبب أننا وصلنا الأكتفاء الذاتي من :
الخوخ والكمثري والعنب والرمان والزيتون وجوز الهند والكافيار والمشمش والتفاح والأناناس والتونة
وصرنا سلة غذاء العالم فيما يختص بال:
القمح
والزيوت بأنواعها
واللحوم بأنواعها
والسكر
والبترول
والدهب
واليورانيوم
والمنسوجات القطنية




وطبعا مؤتمر القمة الأفريقية حيكون مناسبة لأفتتاح :
مصنع طائرات الشبح السودانية
واليخوت البهلوانية
والعربات التي تسير بدون سواق
ومصنع المراكب الفضائية
وحنشوف الفلل الرئاسية

ونحن كنانة لجناهو عشان عندنا مصنع بيصنع السكر من الهوا



وختاما وعشان الشعب الفضل يكون مبسوط ويفرح مليون قيراط ، عندنا مفاجأة :


أجازة مدفوعة الأجر ،
وكمان :
من لزم بيته فهو آمن
ومن سافر خارج العاصمة فهو آمن
ومن قفل عليهو بيتو وبيت جيرانو فهو آمن


أنتو يا الشعب السوداني الفضل لازم ترتاحوا وتاخدو أجازة
وناس القمة حيكونوا مبسوطين جدا للهدوء والسكينة في عاصمة الدولة الرسالية ،
وقراراتم حتحل عقدة أوديب
مش كدي أحسن يا جماعة الخير
ونحن أول ما نستلم رئاسة الأتحاد الأفريقي
السودان حيكون جنة الله في أرضه

بس يا جماعة تلتزمو ببيوتكم !!!!!

[د.سيد عبدالقادر قنات]

خرمجة في الزمن بدل الضايع
نحن يا جماعة الخير ،
طبعا حلينا مشاكل لبنان وسوريا
والجامعة العربية عوزانا نحلحل مشاكل العراق

طبعا تاريخنا ناصع ، ونحن البلد الوحيد في العالم شعبنا عايش في أمن وأستقرار وراحة بال ، وكلنا ناس الشرق والجنوب والغرب والشمال ومثلث حمدي تامين لامين مبسوطين من عكومتنا الرشيدة في قيادتها للعالم أجمع
وعشان كده ودعنا أمس عام الثقافة ،وعلي شرف الوداع مات مننا كم صايع في ميدان مصطفي عقرب ، والسنة دي قلنا تبقي عام الكلام أفريقي وعربي ونيباد وهلمجرا
وعشان ترتاحوا نحن حنكتر ليكم في الأجازات ، ومادايرين زلمي في الخرتوم عشان الجماعة يثروا النقاش
عشان دخل الفرد في السودان الأعلي في العالم تحت الصفر
ونحن نملك قرارنا لأننا نملك قوتنا

ويا القوات الدولية ليكم تسلحنا
والبرشنا باللبن نرشو بالدم الأسود

[جلال محمد جلال]

خرمجة في الزمن بدل الضايع
نحن يا جماعة الخير ،
طبعا حلينا مشاكل لبنان وسوريا
والجامعة العربية عوزانا نحلحل مشاكل العراق

طبعا تاريخنا ناصع ، ونحن البلد الوحيد في العالم شعبنا عايش في أمن وأستقرار وراحة بال ، وكلنا ناس الشرق والجنوب والغرب والشمال ومثلث حمدي تامين لامين مبسوطين من عكومتنا الرشيدة في قيادتها للعالم أجمع
وعشان كده ودعنا أمس عام الثقافة ،وعلي شرف الوداع مات مننا كم صايع في ميدان مصطفي عقرب ، والسنة دي قلنا تبقي عام الكلام أفريقي وعربي ونيباد وهلمجرا
وعشان ترتاحوا نحن حنكتر ليكم في الأجازات ، ومادايرين زلمي في الخرتوم عشان الجماعة يثروا النقاش
عشان دخل الفرد في السودان الأعلي في العالم تحت الصفر
ونحن نملك قرارنا لأننا نملك قوتنا

ويا القوات الدولية ليكم تسلحنا
والبرشنا باللبن نرشو بالدم الأسود

]"نوضع في العصارة كي يخرج منا النفط..
نخبك.. نخبك.. ياسيدتي
لم يتلوث منك سوى اللحم الفاني
فالبعض يبيع اليابس والأخــــضر..
ويدافع عن كل قضايا الكون ويهرب من وجه قضيته..
والقادم أخــــــــــــــــــــــــطر.."
هكــــــــــــذا قد خاطب مظــــــــــــفر النـــــــــــــواب تللك البغي في قصيدته الشهيرة...
والمعـــــــــــــني جلي..
يا ويحنا من القادم.!!![/color]

[د.سيد عبدالقادر قنات]

الأجازة كنا قايلنها هظار وهضربة ملاريا بقت جد جد
تلاته يوم لكل العاملين والعطالي بالعاصمة أجازة مدفوعة الأجر ، ليه ؟
وكمان عندكم نفس تسألوا ؟

السودان الدولة رقم 144 من ناحية ترتيب درجة الفساد عالميا
و95% من الشعب السوداني تحت خط الفقر

وزيادة علي كده نحن عملنا حملات تفريغ للعاصمة الحضارية ( كشة)

وجه العاصمة الحضاري لازم يظهر ويبان أمام الضيوف

عشان كده نحن كشينا ناس :
ستات الشاي
وبياعين المساويك
وبتاعين الأورنيش
والعتاله
والكوارو
والناس الببيعو الأكل
والببيعو الجرايد في عاصمة الثقافة
وكل العطالي من الأطباء والصيادلة والمهندسين والزراعيين والمحامين والمثقفين والأدباء
والسماسرة والمعاقين
وكمان كشينا كل من كان لونه أخضر لون المنقة والباوقة اللزيز تفاحا

وزيادة فى أطمئنان المجتمعين
حرمنا علي الشعب السوداني دخول الخرطوم لمدة تلاته أيام أسوة ببني أسرائيل
ومن أراد الدخول فمن شوارع بعينها ، ما عدا شارع البطل الشهيد علي عبد اللطيف فما زال محرما ألي يوم ظهور عيسي

وبعدين الأفارقة ديل نعمل ليهم كده ليه ؟
بلدانهم كلها فيها
الفقر والجهل والمرض والفساد والرشوة والمحسوبية والتخلف وكلهم جاء عن طريق دبابة وأرث ملكي ودكتاتورية وأنتخابات مزورة
يكفي أفريقيا أنها تحمل فيروس الأيدز والمجاعات والحروب الأهلية

ليس غريب علي قادتها أن يروا الخرطوم علي حقيقتها
هل في ذلك عيب أن يروا الحقيقة مجردة


لماذا التضليل في الحقائق

تودون أكرامهم وضيافتهم في اليخت القصر والفلل الرئاسية وقاعة الصداقة والهلتون وبقية الفنادق ؟؟؟؟

لماذا لا تتركوهم ليروا الحقيقة مجردة ؟


الرئيس بوتفليقة أفتخر بأن حركة المرور في العاصمة الجزائر لم تتأثر ولو لثانية واحدة في مؤتمر القمة العربي الأخير بالجزائر ،

ونحن هنا

أجازة
وقفل شوارع كثر
وشراء يخت قصر
وفلل رئاسية

وعشرات العربات الرئاسية الفخمة

وما خفي أعظم


ولكن ماهي التوقعات للنتائج ؟
للسودان
ولأفريقيا

غدا نشوف المانشتات في صحافة التدليس والنفاق

ومازال جرح دارفور ينزف
وأسود الشرق تزأر
ونيفاشا مربوطة بخيط أوهن من بيت العنكبوت
وأبيي نارها تشتعل
ومثلث حمدي يدعو للفرقة والشتات

وكوفي عنان رفع الكرت الأحمر
ومحكمة لاهاي تنتظر

والقوات الدولية تسرح وتمرح في المليون ميل


ونحن يانا نحن
اللهم نسألك اللطف والتخفيف

[عبدالله الشقليني]

عزيزنا دكتور سيد
تحياتي
والله ما خليت لينا حاجة نكتبها .
الله يساعد .. المُعذبين القاعدين في بلاد الله بدون
أوراق ثبوتية ، وأخوانا في قطاطي الدلاقين
في برد الغَرِب الدامي .

وزي ما قال واحِد عِريبي :

الجماعة ديل أكيد ضَابحين

[د.سيد عبدالقادر قنات]

هم فعلا ضابحين ، ولكن المهم ضابحين شنو ؟؟؟؟






الشعب السوداني الفضل


وبي

جزازة ميته كمان