من نوادر أصحاب شوقي بدري (أولاد أمدرمان)

[فتحي مسعد حنفي]

بدأت علاقتي بشلة الأخ شوقي بعد سفر شوقي الي تشيكوسلوفاكيا وكنت وقتها طالبا في جامعة القاهرة الفنن كما كنا نسميها..
كانت الدراسة في الجامعة مسائية تنتهي في التاسعة مساءا كنت بعدها أتوجه بسيارتي الي أمدرمان بمعية أخونا التجاني محمد التجاني سلوم وصديقي زاهر عبدالله خوجلي وابراهيم العقيلي (كركور) وهو من أبناء بانت..
رغم اني كنت من سكان الخرطوم بحري والكبري كان واحد وقتها وذلك قبل كبري شمبات الا اني كنت أذهب يوميا الي أمدرمان لمدة سنة كاملة دون انقطاع حتي أصبت باليرقان قبل سفري الي تشيكوسلوفاكيا بشهرين وسافرت بعد العلاج الطبي والكي لدي ود مختارالي تشيكوسلوفاكيا0.
في تلك الفترة تعرفت علي رواد بيت طه امام(شقيق القاضي عبد المجيد امام) الذي أعلن العصيان المدني العام في بداية ثورة أكتوبر.. وأصبحت عضوا في الشلة التي كانت تضم كل ألوان الطيف من شباب أمدرمان فمنهم الطالب ومنهم الموظف ومنهم العامل ومنهم المخنجي(بائع البنقو)ومنهم أولاد كبريات عوائل أمدرمان من بيت المهدي وبيت بابكر بدري وبيت زروق وغيرهها.
كان لكل فرد من تلك الشلة مواصفات خاصة وجميعهم يتشاركون في صفات الرجولة والظرف وسرعة البديهة..يعني باختصار شلة يندر تجميعها من انحاء أم در في مكان واحد..لكل واحد منهم نوادر تملأ كتب..
دعونا نبدأ بعثمان عبد المجيد(كوارع أو جيمس كما كان البعض يطلق عليه)الذي سافر فيما بعد الي الاتحاد السوفييتي للدراسة..الراجل الذي طار ورك في راس الدولاب..كلام عجيب مش كدا:confused::confused:لا أعلم ان كانت السمسمية في ذاك اليوم شديدة فقد جاء بها الفخ شخصيا. والفخ راجل تخين عندما يتحدث كان صوته يأتي وكأنه من أعماق بئر..
المهم الجماعة كانوا قاعدين وكلهم حلفوا انو عثمان كان قاعد في السرير ووراهو دولاب وفجأة عثمان طار من السرير ورك فوق راس الدولاب والجميع غير مصدقين لما رأوه..الطريف ان شقيقي مجدي حتي اليوم عندما أقول له عثمان جيمس يرد علي: عثمان الطار ورك في الدولاب.
هذه القصة أوردتها لالقاء الضوء علي هذه الشخصية التي لا تستبعد منها القيام بأي شيئ غريب..
كان لعثمان غراب أمسك به صغيرا بعد أن وقع من العش.احتفظ به وصار يطعمه وأسماه ويكو ولما كبر كان يحط علي عامود كهرباء بجوار البيت وفي وقت أكله كان عثمان يطلق له صفيرا خاصا فيأتي الغراب طائرا فاردا جناحيه ويحط علي ركبة عثمان الذي يكون قد حضر له اللحم مقطعا الي قطع صغيرة ويطعمه بنفسه في فمه...وعندما يأتي شخص جديد لزيارة عثمان ويريد أن يتخلص منه كان يعطيه السمسمية وبعد أن يسري مفعولها في الضيف يصفر عثمان ويأتي الغراب ويدخل الي الغرفة فاردا جناحيه فيخاف الضيف ويلبد ويغطي رأسه بيديه ويطلق الصيحات والبسملة.. ولعثمان حكايات كثيرة منها حبه للكلاب وتربيتها وسوف أكتفي هذه المرة وسأعود بحكايات أخري عنه وعن باقي الشلة..

[عثمان]

عم فتحي عليك الله ما تكون بخيل أنا قاعد منتظرك بعدين الشغل البقطارة دا بيشحتف :D

تحياتي/ عثمان الطيب

[معتصم الطاهر]

أولا
التحية والشوق

جئنا لنرحب بمقدمك و نقول ليك طولت الغيبة

بعدين نرجع ليك بعدما تكمل

حركات حلب ..

[فتحي مسعد حنفي]

عم فتحي عليك الله ما تكون بخيل أنا قاعد منتظرك بعدين الشغل البقطارة دا بيشحتف :D

تحياتي/ عثمان الطيب


يا عثمان المرة دي عشان خاطرك لكن بعد كدا ما حتتكرر عشان ما معقول أكب العندي كلو وبعد داك أقوم أشحت..

عثمان كان عندو كلب وولف وفي تلك الفترة لم يكن كثيرين يملكون وولف فيما عدا الخواجات وقليل من السودانيين هواة تربية الكلاب وعثمان كان منهم..
هذا الكلب كان غريب كصاحبه فقد كان في غاية الذكاء ويفهم الكلام وينفذ كل الأوامر لدرجة انو عثمان دربو زي الكلاب البوليسية البطلع المخدرات وكان عثمان عندما يذهب لشراء السمسمية يأخذ معه الكلب واذا اعتذر المخنجي بأن البضاعة قاطة كان عثمان يطلب من الكلب البحث فيبدأ الكلب في شم أرجاء البيت وان كانت هناك بضاعة مخبوءة فأكيد ركس وهو اسم الكلب كما أعتقد..ركس كان بيطلعها من أي حتة وفي مرة أخرج الكلب السمسمية من بئر كانت مربوطة بداخلها بحبل..
والكلب كان مدرب لقيادة الكلاب الأخري التي كان عثمان يملكها فكان عثمان يخرج العصرية راكبا العجلة والكلب أمامه ووراء الكلب 6 كلاب آخرين يمشوا وراء القائد وعثمان علي العجلة وراءهم يلقي الأوامر : شمال..يمين...ستوب والناس في الشارع كانوا قد اعتادوا علي هذا المنظر..
في مرة الكلب اختفي وكاد عثمان أن يجن وبدأ يبحث عن الكلب وجند أصدقاءه للبحث معه ولكن مرت الأيام ولا أثر للكلب..قرر عثمان أن يلف العاصمة المثلثة مشيا وقسم الأحياء في امدرمان الي أحياء وشوارع وبدأ رحلة البحث وهو يعلم ان الكلب اذا كان في الشارع سوف يشم رائحته أو يسمع ندائه.ولكن انتهي من أمدرمان دون نتيجة وبدأ في البحث في الخرطوم وهذه العملية استغرقت ثلاثة أشهر دون كلل أو ملل الي ان كان يوما في لأحد شوارع السجانة فسمع زمجرة الكلب وهيجانه داخل أحد البيوت فخبط علي الباب وفتحت له امرأة عجوز والكلب زاد هيجانه بعد فتح الباب والمرأة صرخت فيه دا شنو البتسوي فيهو يابوبي. فرد عليها عثمان بوبي يامرا يا لب.. ونادي علي ركس باسمه طالبا منه ان يحضر وركس قام طوالي قطع السلسلة وجا ونط في عثمان والمرا طوالي قفلت الباب وقالت ليهو من ورا الباب:؛ والله ياولدي الكلب دا لقيناهو تايه وجيعان قدام البيت فقمنا دخلناه وأكلناهو مستنيين لغاية ما يجي صاحبو..سوقو ياولدي عشان باين انت سيدو..
هذا هو غثمان جيمس ..هل قابلتم مثله في أي مكانgoood

[فتحي مسعد حنفي]

أولا
التحية والشوق

جئنا لنرحب بمقدمك و نقول ليك طولت الغيبة

بعدين نرجع ليك بعدما تكمل

حركات حلب ..



طلتك ولا القمر ياباش.لكن ياخ عيني وجعتني من الطبزة..انت مالك ومال الحلب..
أنا في الحقيقة ما غبت كتير لكن الظاهر كدا حأغيب جد جد من آخر الشهر..عندي سفرة لي بلاد الخواجات وانشاءالله أقابل شوقي ورأفت مادام السفرة ملح وانا ماشي مرافق لي واحد ماشي يشتري حاجات من هناك.يعني كمان فيها عمولة ممكن تفك العرجة..
وبعد رجوعي ولو الله وفق ناوي اقعد اسبوع في القاهرة ومنها للسودان سيدا آخد لي اسبوعين تلاتة..وكان فضلت حبة قريشات بعد تسديد الديون المتراكمة يمكن آخد لي خفسة لي الدوحة وبعد داك أسلم النمر في انتظار زول تاني كايس مرافق انشالله للحج..

[بابكر مخير]

جيمس
عثمان عبد المجيد علي طه، إبن أم سلمة بابكر بدري،،
القصد من ذكر الأب أولن، مع أنه الحأحكية مربوط بي جهة الأم، بي سبب؟؟؟؟
بابكر عبد المجيد علي طه في يوم تخرجه من الكلية العسكرية وكأن أول الدفعة، إستلم السيف بطريقة قوية جدن (بيقولو عليها كسر السيف)،
الحضور في دار الرياضة أمدرمان صفق كما السونامي في قوة الصوت والناس هللت وكان من بين الحضور العم عبد المجيد علي طه وأمامه رجل يتحدث مع آخر جالس معه،،
وقال الرجل وليته لم ينطقها،،،
دآ ما ود بت بابكر بدري،،،
طفق العم وإنتصب وهو عسكري أشد من إبنه،،
وقال للرجل؛
هو بابكر بدري دآ كان راجل بتو؟؟؟


طيب
قصة عثمان جيمس،،
كان طالب في الأحفاد ولي سبب، طلب منه أن يحضر ولي أمره أو يرفد....
زعل وهاج وماج،،، والسمسمية تغلي في دماغه...
دخل عند العميد يوسف بدري (خاله) وقال للعميد:
أنا ما عايز المدرسة، لكني عايز نصيبي في ورثة جدي بابكر....
وبهدؤ العميد الذي يهدي السونامي (برضو، تاني ما الكلمة عاجباني) قال ليهو:
هآ، أمشي المجلس البلدي وشوف جدك خليكم شنو؟؟؟
عثمان جيمس والفردة التانية ليهو،، محمد مهدي مسعود الحلو (الجاك بالانس)..
ما متذكر بالضبط، ياتو واحد في التلاتة، شنقيطي بدري ولا شوقي أوعثمان جيمس، قال لجاك بالانس:
بس يدوني خمس دقايق جو دماغك، أعرف فيهو شنو ويشيلو عمري...

[فتحي مسعد حنفي]

[


طيب
قصة عثمان جيمس،،
كان طالب في الأحفاد ولي سبب، طلب منه أن يحضر ولي أمره أو يرفد....
زعل وهاج وماج،،، والسمسمية تغلي في دماغه...
دخل عند العميد يوسف بدري (خاله) وقال للعميد:
أنا ما عايز المدرسة، لكني عايز نصيبي في ورثة جدي بابكر....
وبهدؤ العميد الذي يهدي السونامي (برضو، تاني ما الكلمة عاجباني) قال ليهو:
هآ، أمشي المجلس البلدي وشوف جدك خليكم شنو؟؟؟
عثمان جيمس والفردة التانية ليهو،، محمد مهدي مسعود الحلو (الجاك بالانس)..
ما متذكر بالضبط، ياتو واحد في التلاتة، شنقيطي بدري ولا شوقي أوعثمان جيمس، قال لجاك بالانس:
بس يدوني خمس دقايق جو دماغك، أعرف فيهو شنو ويشيلو عمري...[/color][/size][/B][/QUOTE]


أول حاجة يابابكر أنا كنت مستغرب من تأخيرك في المشاركة لأنك أحد أقرباء جيمس وبتعرف معظم الأسماء الجات في البوست...
حكاية الدخول في راس جاك دي حكاها شوقي وفعلا القالا واحد من الاتنين الذكرتهم..وجاك ود الحلو دا براهو حكاية..
تعرف واحنا في كورس اللغة في ماريانسكي لازني مرة اتشاكل مع استاذ اسمو بيتل..بعد الشكلة مشي البار وطشم تمام وجا الساعة اتناشر الداخلية والداخلية بابها بيقفل الساعة 9 مساء لغاية تاني يوم الصباح..ود الحلو جا وضرب الجرس مرة واتنين وجات المدرسة الماسكة وردية ليل فتحت ليهو الباب وهو واقف قداما يطوطح.. وقال ليها (NOW S or S) المدرسة تسالو انت قاصد شنو وهو يكررليها في الجملة وفي الآخر قال ليها..(SENEC or SUDAN) ولمن لا يعلم سنيتس دا اسم كورس لغة في سلوفاكيا.. نسيت أقول ليك سبب الشكلة..الاستاذ كان بيعلم الطلبة نطق حرف رجي بالتشيكي وطبعا لامن تنطفها بتنطق الراء والجيم في بعض وود الحلو كل لما ينطق بيطلع النطق حرفين والاستاذ يقول ليهو: (NO PANE HILO SAY RJE) وود الحلو برضو ينطقها غلط وفي الآخر لامن زهج قال للاستاذ:(هيلو NOT حلو SAY) ودورت الشكلة..
أنا طبعا اتعمدت ما أذكر انو أم عثمان من آل بدري وأفتكر كانت أول واحدة اتعلمت وكانت بتعرف انجليزي..

[بابكر مخير]

[
أنا طبعا اتعمدت ما أذكر انو أم عثمان من آل بدري وأفتكر كانت أول واحدة اتعلمت وكانت بتعرف انجليزي..[/color][/size]

الحبيب توحة
المحبة والسلام
طبعن كبيرة بنات بابكر العاشت وعايشناها هي السارة وقدر ذكر عنها جدك بابكر بدري الكتير وهي الساعدتو في مدرسة رفاعة، طالبة ومعلمة وكانت تتحدث الإنجليزية،، كتير من أصدقائنا حين يلتقوهو يخرجو بزهو كبير لمعرفتهم لها،،،
يا أخي حبوبتكم (وهي خالتي لكن كان ممكن تلدي الوالدة في العمر) بتتكلم إنجليزي،،،
هي والدة شقيقنا كمال بدري طيب الله ثراه وفاطمة والدة المعز،، الأخوة الأكبر لشوقي...

عن ود (الهِّلو) جاك بلانس،، هو الآن في المملكة ورجل مطوع كبييييييييير،
عمر بن الخطاب version القرن العشرين والحادي والعشرين،،
شدة وبأس بي طريقة غير حقت أبو الفاروق..
ربنا قادر أن يهدي الجميع
ولنا من عند نبينا (ص) الشفاعة
والتمني بالرضاء والمغفرة..
ولك
سلام

[فتحي مسعد حنفي]

أولاد زروق
-------
اتنين من أظرف وأغرب مخاليق ألله وهم ص.زروق وط.زروق واسمحوا لي أن أتحدث عنهم دون ذكر الاسم الأول حتي لا يعتبر كلامي هذا تشهيرا بهم خصوصا وأن ما أنشره يعتبر طرائف من زمن الجاهلية..

نبدأ ب أخونا ط. زروق الشخص الذي كنت أجلس معه يوميا ولمدة سنة دون أن أعرف شكله..
كلام غريب لكن له سبب منطقي ..فمنزل أخونا طه امام لم تكن به كهرباء وكنا نجلس في نجيلة في حوش المنزل ومع المحسنات الجمالية لم نكن نري بعض بوضوح الا اننا بالصوت كنا نعرف من يتكلم..وأول مرة أري فيها ملامح ط. كانت بعد سنة من معرفتنا ببعض وكان ذلك بالصدفة..فقد كنت يوما في الخرطوم مع الأخ طه امام بالقرب من ميدان أبو جنزير فجاء شخص وسلم علي طه وعلي وقال جايين من وين وماشين وين يا عبيد وكلمة ياعبد كنا نطلقها علي بعض وحتي أنا الحلبي كانوا ينادوني بياعبد. عندما سمعت الصوت عرفت صاحبه وقلت له بالله انت فلان فرد علي أمال حأكون منو يافتحي..طبعا هو عرفني عشان لوني فاتح ببين في الضلمة لكن هو ما بيظهر بدون نور..وكانت تلك هي المرة الأولي التي أري فيها ط. علي الطبيعة ومازالت صورته تلك في ذاكرتي حتي اليوم فأنا لم أقابله مرة أخري نهارا فكنت مثل الأعمي الذي فتح فجأة ورأي أمامه ديك ورجع عمي تاني بعد ثواني فأصبح شكل الديك هو كل ما يربطه بالأشياء وصار يسأل عن الأشياء بالمقارتة بلون الديك وطول الديك وحجم الديك..
من طرائف أخونا ط. انه كان يذهب بعد القعدة بسيارته الموريس ماينر وكان يصل الي منزله بسلام فهو عندما يمسك بالدريكسون تطير الشلعة من راسو ويسوق بحذر.
في يوم بعد القعدة وكانت قعدة مدنكلة أخونا مشي وطلع معاه أحد الأخوان ودور ليهو عربيتو وقعدو ورا الدركسون وخلاهو بعد أن تمني له سلامة الوصول..
أخونا وهو ماشي شاف ليهو عربية ماشة قدامو وقال يمسك في خطراتا عشان ما يصدم ليهو شجرة أو عامود وفضل ماشي ورا العربية وفجأة ما يحس الا وهو خابط العربية من ورا..
هنا الطشمة طارت ونزل من العربية عايز يطلع السواق غلطان.وقام يكلمو بغضب وقال ليهو
دا شنو ياخ في زول بيوقف كدا بدون ما يدي اشارة..الراجل عاين ليهو باستغراب وقال ليهو : ياخ دايرني أدي اشارة جوة جراش بيتي أخونا خبط الراجل جوة قراش بيتو:Dgoood
دا أخونا ط. زروق ونرجع ليكم تاني مع ص. زروق بس بدون استعجال عشان الزهايمر شغال..

[مجدي مسعد حنفي]

يافتحي انت مستني تكمل الموضوع بعد ماتسافر وترجع بالسلامه
ولا الذاكره عايزه تزييت عشان تشتغل تمام
اها ماتشمت فيك الناس وتخليهم يقولوا الزهايمر كبس عليهو.

[فتحي مسعد حنفي]

يافتحي انت مستني تكمل الموضوع بعد ماتسافر وترجع بالسلامه
ولا الذاكره عايزه تزييت عشان تشتغل تمام
اها ماتشمت فيك الناس وتخليهم يقولوا الزهايمر كبس عليهو.



يامجدي ياخوي الحكاية ما زهايمر لكن ضعف المتابعة والمشاركة بتحسس الزول بأنو فارض نفسو علي الناس بي كلام ما مفيد.. وبيجيب الاحباط ودي حاجة انت شخصيا اشتكيت منها قبل كدا.
عموما مداخلتك دي رجعت لي بعض الزكريات ومنها حكاية عن المرحوم عبدالله طه أفتكر انت كنت معاي لامن حكاها في بيت عثمان عبدالمجيد..

في مرة كانوا الجماعة سهرانين في المقرن والشربة كانت تقيلة وأخونا عبدالله تعب ونعس وكان تاني يوم شغال فقام استأذن من الجماعة وقال ليهم قايم أنوم برة في العربية..
طلع وشاف عربية الطيب زروق المورس وفتح الباب ونام في الكنبة الورا..
بعد شوية جاتو صحية لقي نفسو جوا العربية والعربية جوا أوضة..عاين ورا العربية لقي باب قراش وقدام العربية باب صغير وفهم انو العربية مقرشة جوة قراش فقام فتح الباب الصغير ودخل لقي نفسو في حوش والدنيا منورة وفي نص الحوش سريرين واحد فيهو راجل والتاني فيهو مرا..وقف في نص الحاش وصفق وقال: هوي يا ناس البيت انتو..
الراجل والمرا قومو مخلوعين بالراجل الفي بيتهم دا وشكلو محترم ما حرامي..الراجل قال ليهو انت منو يازول والجابك هنا شنو..
عبدالله قال ليهو : انت المنو والجابني أنا هنا شنو ..انا كنت نايم في عربية صاحبي وصحيت لقيت روحي جوا قراش.
الراجل قال ليهو : تبقي انت نمت في عربيتي مش عربية صاحبك علي العموم حصل خير.قومي يا مرا سوي لينا شاي ولا قهوة نفك الفي راسنا دي..وقعدوا شربو الشاي والراجل بعد داك وصل عبدالله بيتهم عشان هو بيتو كان في الثورة.
الصدفة انو عربية الراجل كانت برضو موريس ونفس اللون وعبدالله افتكرا عربية الطيب لامن دخل نام فيها وسيد العربية كان مليان شري وما لاحظ في زول نايم ورا..

[مجدي مسعد حنفي]

انا غايتو متاكد الحكاوي البتحكيها دي ماممكن تكون حكاوي فارغه
لكن اكيد كل زول بيقراها حيطلع منها بي فايده كبيره ودا حيختلف من زول
لي زول وحسه الحكاوي دي ماممكن تكون مسلسلات وافلام ومسرحيات قمه
في الكوميديا وانا زاتي لو ماكنت شاهد على كتير من الحكايات دي بسبب ارتباطي
الشديد بيك في الفتره ديك كان ممكن افتكر انها مبالغات وحكاوي مساطيل لكن الحمدلله
انت عارف انا عمري مااتسطلت بالرغم من ان اصحابي كلهم بدون استثاء سطلجيه .

[أسامة الكاشف]

والله يا فتحي متابعين
كلمة كلمة
ومداخلة مداخلة
لكن نوع الكتابة دي تقراهو
تستمتع بيهو
وتلبد تحت القشgoood

[فتحي مسعد حنفي]

[والله يا فتحي متابعين
كلمة كلمة
ومداخلة مداخلة
لكن نوع الكتابة دي تقراهو
تستمتع بيهو
وتلبد تحت القش



قش شنو يازول واللاهي دا كان ملبوك .استعمال سلاطين..المهم الله يجبر بي خاطرك وما يجو أهل الناس ديل يرفعو علي قضية رد شرف..
تعرفوا من أغرب الحكايات الحصلت وكنت انا أحد المشاركين فيها حكاية أخونا كركور..(ابراهيم عقيلي)
مرة كنا سهرانين كالعادة في بيت أخونا طه في العباسية والقعدة جرت لي 3 صباحا عشان كان فيها زيدان وعمر الشاعر..ولما فرتقنا الجماعة قالوا لي بالله يافتحي وصل معاك أخونا دا..
وأخونا دا كان ساكن في الثورة وأنا ماشي بحري والكبري كان واحد يعني لازم عن طريق الخرطوم.طبعا أنا احتجيت وقلت ليهم ياخوانا البوديني الثورة شنو وأجي راجع تاني لي كوبري الخرطوم..لكن الظاهر ما كان في فايدة من الرفض وفي الآخر رضخت وقلت أمري لله نمشي نوصل الراجل الثورة وفي الرجعة ننزل كركور في بانت ونكمل علي بحري.
المهم مشينا الثورة ونزلنا الراجل ورجعنا بانت ننزل كركور في بيتم الجنب السينما.ولما وصلنا وقفت العربية مستني كركور ينزل لكن مافي باب اتفتح ولا زول نزل فاتلفت وقلت ليهو ياكركور انت نمت ولا شنو ..ما تنزل ياخ خلينا نمشي..وياللهول..لقيت القاعد الزول بتاع الثورة وكركور مافي.وطبعا عرفتو انو كركور نزل في الثورة وأخونا دا أظنو نام وما انتبه انو وصل.
غايتو سبيت ليهم الاتنين ورجعت الثورة تاني أفتش علي كركور وقلت أكيد يكون السواري قبضو ووداهو النقطة..لكن ربك رب الخير لقيت كركور واقف يتلفت مخلوع في المكان النزل فيهو وأول ما شاف العربية قال ليتا: دا شنو يا عبيد انتو نزلتوني وين؟
المهم نزلنا بتاع الثورة ودورنا تاني لي بانت وطبعا كركور عشان كان كل يوم بينزل أول واحد لامن العربية وقفت افتكر نفسو وصل وفتح باب العربية ونزل بدون ما يعاين هو نازل وين..

تقول لي قش يا أسامة..:D. دا كان من الصنف الخللا برعي يدور الفيسبا بتاعتو ويطش في الخلا يفتش بيتهم والجرايد تاني يوم كتبت انو برعي تعرض لي فقدان ذاكرة ودي حكاية الناس العجايز الزينا بيتذكروها كويس... واحنا كنا الوحيدين الفاهمين الفلم...

[عثمان]

يا عثمان المرة دي عشان خاطرك لكن بعد كدا ما حتتكرر عشان ما معقول أكب العندي كلو وبعد داك أقوم أشحت..



مشكور يا عم فتحي على شعورك الطيب ، متابعك يا عمك المرة دي سامحتك عشان ما تشحت:D

تحياتي/ عثمان الطيب

[عثمان]

[والله
تقول لي قش يا أسامة..:D. دا كان من الصنف الخللا برعي يدور الفيسبا بتاعتو ويطش في الخلا يفتش بيتهم والجرايد تاني يوم كتبت انو برعي تعرض لي فقدان ذاكرة ودي حكاية الناس العجايز الزينا بيتذكروها كويس... واحنا كنا الوحيدين الفاهمين الفلم...

الله يجازي محنك يا عم فتحي فاقعني ضحك من الصباح لكن معقول يا عمك (تقوم بيكم التلاتة) أي واحد ما عرف التاني نزل وين ولا الحاصل شنو ، برضك تقول لي قش يا أسامة أخوي.

تحياتي/ عثمان الطيب

[فتحي مسعد حنفي]

الله يجازي محنك يا عم فتحي فاقعني ضحك من الصباح لكن معقول يا عمك (تقوم بيكم التلاتة) أي واحد ما عرف التاني نزل وين ولا الحاصل شنو ، برضك تقول لي قش يا أسامة أخوي.

تحياتي/ عثمان الطيب



في الحقيقة ياعثمان كنا خمسة مكبسنين ناس نايمة وناس سارحة ومافي زول جايب خبر هو ماشي وين وانا كنت سايق عربيتي (الكفتيرة) وهو اسم اطلقو عليها أخونا الشفيع السيد الموجود في الدنمارك منذ ستينات القرن الماضي والاسم اتعمل عشان مكنة العربية كانت خفيفة وبتدخن من المكنة فكنت تشوف الدخان طالع من الكبوت وانا ماشي زي كفتيرة الشاي لامن الموية الفيها تغلي..زيادة علي كدا الدركسون كان فيهو بوش دورة كاملة ولازم تركز شوية عشان لامن تجي تلف لازم تلف الدركسون لغاية ما يشبك وبعدين تلف العجل.
تعرف زي ما قال أخوي مجدي في حاجات لما تحكيها تلقي الناس طوالي ينطوا ليك في حلقك علي أساس انك كضاب ..واحد يقول ليك الجاك وواحد يقول أكتل العقرب دي.ودي مصطلحات الزمن داك للكضب والكضاب..
أها أسمع دي: أقسم بالله العظيم وبكل الكتب السماوية وبحياة أولادي وترب أبوي وأمي اني في مرة رجعت من أمدرمان الي بحري بالعربية بدون دركسون عشان الترس العاشق ومعشوق خرط وبقي يلف علي الفاضي..والحكاية دي في ناس لسة عايشين يشهدوا عليها..كانت الساعة تلاتة صباحا والشوارع فاضية والعربية الجماعة بينزلو يضبطو اتجاه اللساتك ولامن نجي نلف ينزلوا يلفوا اتجاه اللساتك للجهة العايزين نلف ليها وبعد ما نلف برجعوا اتجاه اللساتك للوضع المستقيم..وعلي هذه الحال قطعنا كبريين ..
وفي الحقيقة الواحد لو ما كان ضارب موية الزينداوية وماكل سمسمية تمام ما كان بتجيهو الشجاعة يعمل حاجة زي دي..
أ كيد في ناس كتير ما مصدقين الحكاية دي لكن كل كلمة فيها حقيقة..

[rubs]

في الحقيقة ياعثمان كنا خمسة مكبسنين ناس نايمة وناس سارحة ومافي زول جايب خبر هو ماشي وين وانا كنت سايق عربيتي (الكفتيرة) وهو اسم اطلقو عليها أخونا الشفيع السيد الموجود في الدنمارك منذ ستينات القرن الماضي والاسم اتعمل عشان مكنة العربية كانت خفيفة وبتدخن من المكنة فكنت تشوف الدخان طالع من الكبوت وانا ماشي زي كفتيرة الشاي لامن الموية الفيها تغلي..زيادة علي كدا الدركسون كان فيهو بوش دورة كاملة ولازم تركز شوية عشان لامن تجي تلف لازم تلف الدركسون لغاية ما يشبك وبعدين تلف العجل.
تعرف زي ما قال أخوي مجدي في حاجات لما تحكيها تلقي الناس طوالي ينطوا ليك في حلقك علي أساس انك كضاب ..واحد يقول ليك الجاك وواحد يقول أكتل العقرب دي.ودي مصطلحات الزمن داك للكضب والكضاب..
أها أسمع دي: أقسم بالله العظيم وبكل الكتب السماوية وبحياة أولادي وترب أبوي وأمي اني في مرة رجعت من أمدرمان الي بحري بالعربية بدون دركسون عشان الترس العاشق ومعشوق خرط وبقي يلف علي الفاضي..والحكاية دي في ناس لسة عايشين يشهدوا عليها..كانت الساعة تلاتة صباحا والشوارع فاضية والعربية الجماعة بينزلو يضبطو اتجاه اللساتك ولامن نجي نلف ينزلوا يلفوا اتجاع اللساتك للجهة العايزين نلف ليها وبعد ما نلف برجعوا اتجاه اللساتك للوضع المستقيم..وعلي هذه الحال قطعنا كبريين ..
وفي الحقيقة الواحد لو ما كان ضارب موية الزينداوية وماكل سمسمية تمام ما كان بتجيهو الشجاعة يعمل حاجة زي دي..
أ كيد في ناس كتير ما مصدقين الحكاية دي لكن كل كلمة فيها حقيقة..
:D:D
اولا سلام يا عم فتحى ..ودى اول مداخله لى معاك لكن اى حاجه بتكتبها انا بقراها لكن دى عجبتنى لمن ما قدرته افوتها .هاهاهاه والله دى ماااااااااااا اظنها سمسيه ... بالغتو والحقيقه بالغو الفو اللساتك ... ياخى ذكرتنى واحد اسمو يوسف زكى الله يرحمو ومعاه صحبو اسمو يوسف امين برضو حكايتهم فى شبه فيها اوعا اكون من شلتكم ...
واصل... كلامك جد بخلى الواحد ناسى خشمو مفتوح من كترت الضحك :D:D:D

[فتحي مسعد حنفي]

:D:D
اولا سلام يا عم فتحى ..ودى اول مداخله لى معاك لكن اى حاجه بتكتبها انا بقراها لكن دى عجبتنى لمن ما قدرته افوتها .هاهاهاه والله دى ماااااااااااا اظنها سمسيه ... بالغتو والحقيقه بالغو الفو اللساتك ... ياخى ذكرتنى واحد اسمو يوسف زكى الله يرحمو ومعاه صحبو اسمو يوسف امين برضو حكايتهم فى شبه فيها اوعا اكون من شلتكم ...
واصل... كلامك جد بخلى الواحد ناسى خشمو مفتوح من كترت الضحك :D:D:D


شكرا ليك علي المجاملة البترفع الروح المعنوية للواحد وبتخللي الواحد يواصل عشان ضعف المشاهدة بتعمل احباط والواحد يكسل ويحس انو بيكتب لي روحو..أما موية الزنداوية والسمسمية فديل ليهم ناسهم الفاهمين المعني الحقيقي شنو وأحسن تخلليك بعيد;)goood

[طيبان]

العم فتحي

اتمناك طيب ..
ياخي أم درمان دي كانت فيها المحن والله :)...مجتمعا مترابط بشكل غريب رغم إنو كل واحد من جهة ..
أشكر عبرك أولا عمنا شوقي بدري ..فهذا الرجل حبّبني في أم درمان كثيرا بحكاياته الواقعية وذاكرته القوية وتوثيقه لأناس شكلوا ذاكرة ام درمان .
وأشكرك كمان لي طريقتك الجميلة في الحكي ..دي مواقف طريفة وشكلو الزمن داك السمسميّة زاتا كانت بي خيرا ..;)
كل حكاية أجمل من التاني وتجبر الواحد يضحك من القلب ..لكن حكاية الزول الدقش ليهوعربية واحد تاني جوّة القرّاش والعربية البينزلوا الجماعة يلفّوا لساتكا دي حاجة ماتخلص والله ..:D
شكلو كان زمن جميل ..الله يعيد ويديم بهجة أيامك ياعم فتحي ...
____

أحكي الله يرضي عليك ...

[فتحي مسعد حنفي]

العم فتحي

اتمناك طيب ..
ياخي أم درمان دي كانت فيها المحن والله :)...مجتمعا مترابط بشكل غريب رغم إنو كل واحد من جهة ..
أشكر عبرك أولا عمنا شوقي بدري ..فهذا الرجل حبّبني في أم درمان كثيرا بحكاياته الواقعية وذاكرته القوية وتوثيقه لأناس شكلوا ذاكرة ام درمان .
وأشكرك كمان لي طريقتك الجميلة في الحكي ..دي مواقف طريفة وشكلو الزمن داك السمسميّة زاتا كانت بي خيرا ..;)
كل حكاية أجمل من التاني وتجبر الواحد يضحك من القلب ..لكن حكاية الزول الدقش ليهوعربية واحد تاني جوّة القرّاش والعربية البينزلوا الجماعة يلفّوا لساتكا دي حاجة ماتخلص والله ..:D
شكلو كان زمن جميل ..الله يعيد ويديم بهجة أيامك ياعم فتحي ...
____

أحكي الله يرضي عليك ...

طيبان ذاتو بي جاي..
دا معناه البوست ابتدا يطلع براعم مع اني كنت قايل البذور ماتت تحت الواطة..
انشاءالله بكرة انزل ليك واحدة من المولد طوالي من دكان النفراوي مباشرة عشان تشوف قلعة صلاح الدين الأنا شفتها محل ساعة المجلس البلدي معاي.ودي ذاتا من محن تجربتي للسمسمية أول مرة.لكن المشكلة بعد داك اني بقيت أفتش للقلعة دي لكن حلفت بي دين أبوها ما تجي تاني ..المشكلة يا طيبان الحكاوي كتيرة لكن ما كلها بتتحكي عشان في ناس ممكن يزعلو ويقول ليك ليه تفضحنا بعد ما الله تاب علينا..وديل كلهم أولاد ناس من أكبر بيوت امدرمان ..أسامي تخلع وزي ما قال شوقي أخونا انو الله يرحمو محمد عبد الرحمن المهدي بعد ضربة النميري لي الجزيرة أبا قال لي أهلو : يللا فرتقوا المولد دا وأدوني ورثة أبوي.
من محن أخونا شوقي بدري انو لغاية يوم الليلة ما خت سيجارة ولا كاس في خشمو مع انو كان فريز درجة اولي ممكن علي ضمانتو تشيل السمسمية البيعزلا ليك وانت مطمن انها درجة أولي..
ومزاجو يقعد مع ناس السمسمية ولو ما بتعرفو وجيت داخل علي الشلة بتفتكر شوقي مصقوع ومطين زي الناس القاعد معاهم..
خليتك بي عافية..

[سارة]

المهم مشينا الثورة ونزلنا الراجل ورجعنا بانت ننزل كركور في بيتم الجنب السينما.ولما وصلنا وقفت العربية مستني كركور ينزل لكن مافي باب اتفتح ولا زول نزل فاتلفت وقلت ليهو ياكركور انت نمت ولا شنو ..ما تنزل ياخ خلينا نمشي..وياللهول..لقيت القاعد الزول بتاع الثورة وكركور مافي.وطبعا عرفتو انو كركور نزل في الثورة وأخونا دا أظنو نام وما انتبه انو وصل.
غايتو سبيت ليهم الاتنين ورجعت الثورة تاني أفتش علي كركور وقلت أكيد يكون السواري قبضو ووداهو النقطة..لكن ربك رب الخير لقيت كركور واقف يتلفت مخلوع في المكان النزل فيهو وأول ما شاف العربية قال ليتا: دا شنو يا عبيد انتو نزلتوني وين؟
المهم نزلنا بتاع الثورة ودورنا تاني لي بانت وطبعا كركور عشان كان كل يوم بينزل أول واحد لامن العربية وقفت افتكر نفسو وصل وفتح باب العربية ونزل بدون ما يعاين هو نازل وين

gooodgooodgooodgoood

دى خطيييييييرة يا عمو والله انا على شوية يطردونى من الوردية:D:D

يديك الف عافية

[فتحي مسعد حنفي]

gooodgooodgooodgoood

دى خطيييييييرة يا عمو والله انا على شوية يطردونى من الوردية:D:D

يديك الف عافية


قسما عظما القال سارة مرا بي ألف راجل تب ما كضب..هسع في واحدة اتجرأت تخش البوست المشبوه دا غيرك:confused:عفيت منك وأنا حأخت النرويج في برنامج رحلتي في شهر يونيو عشان مداخلتك دي..بس التلفون بالخاص..وحأجيب ليك 2 كيلو تسالي..:)

[أسامة الكاشف]

أها نحن قاعدين مستنينك من أمبارح
وإنت عامل أضان الحامل طرشة
حارسين ليك البوست
وإنت ساكي التاشيرة:p
"بالله شيل معاك لاب توب عشان تواصل من الطيارات برضو"
ما تتأخر

[طارق صديق كانديك]

استاذنا الجميل فتحي مسعد

حكي .. بمزاااج جدا

متابعين ياخ ماا تطول علينا .. !!

تحياتي

[rubs]

قسما عظما القال سارة مرا بي ألف راجل تب ما كضب..هسع في واحدة اتجرأت تخش البوست المشبوه دا غيرك:confused:عفيت منك وأنا حأخت النرويج في برنامج رحلتي في شهر يونيو عشان مداخلتك دي..بس التلفون بالخاص..وحأجيب ليك 2 كيلو تسالي..:)
انت ياعم شوقى قايلنى (ميل ) ولاشنو :confused:؟؟؟ والله (في-ميل ):)

[عثمان]

العم فتحي ... طابت أوقاتك ، حلفتك بتربة أمك وأبوك كان ما واصلت يا عمك أنا قاعد في لي في طوبة عديييييييل وحاااااااارسك والله بس ما تطول عشان التسالي ما يخلص;)


تحياتي/ عثمان الطيب

[عثمان]

انت ياعم شوقى قايلنى (ميل ) ولاشنو :confused:؟؟؟ والله (في-ميل ):)

أختنا روبس دا شنو العملتيهو دا عم فتحي عملتيها عم شوقي ;) ، أها يا عم فتحي بتتخارج كيف الليلة ، أقول ليك حاجة زودها كيلو :D.

تحياتي/عثمان الطيب

[فتحي مسعد حنفي]

أختنا روبس دا شنو العملتيهو دا عم فتحي عملتيها عم شوقي ;) ، أها يا عم فتحي بتتخارج كيف الليلة ، أقول ليك حاجة زودها كيلو :D.

تحياتي/عثمان الطيب


يا عثمان هو أنا لاقي أبقي شوقي..ياريت ياخ اكون زيو..وبعدين ياخ انت ما فهمتها ودي ما يفهمها الا واحد بتاع سمسمية..
أولا أنا ختيت البوستين ورا بعض وممكن الزول يتلخبط عشان آخر مداخلتين كتبتهم أنا. ودا ممكن يربك..
الاحتمال التاني انو الحكاية مقصودة.1) يا عم فتحي زي ما انت غلطت فيني أنا غلطت فيك:D
2)لفت نظر لجميع المهتمين بالجندر: روبس في ميل ياخوانا ما ميل ..في ميل من الأميال زي ما قال عبد الحليم حافظgoood

[فتحي مسعد حنفي]

انت ياعم شوقى قايلنى (ميل ) ولاشنو :confused:؟؟؟ والله (في-ميل ):)



خلاص كدا واحدة بواحدة أنا عملتك ميل وانتي عملتيني شوقي ويبقي الجاتك في اسمك سامحتك..
هسع انتي كنتي عايزاني كيف أعرفك في ميل؟ وكدي اشرحي لي الاسم دا لفائدة الجميع وعموما انا بتذكر انو الموضوع دا في زول ناقشو معاك لكن برضو ما كنت متأكد..لكي العتبي وأمسحيها في شوقي;)

[فتحي مسعد حنفي]

استاذنا الجميل فتحي مسعد

حكي .. بمزاااج جدا

متابعين ياخ ماا تطول علينا .. !!

تحياتي

أهلا طارق..:) ياخ أنا النت عندي ما متوفر طوالي وبفتحو بالفلاش وبعض مرات آلاء بتي بتشيلو معاها الاذاعة..وبكون بدون نت.
بعدين انا الحاجات دي ما عندي جاهزة يعني بنزل طوالي من الذاكرة ودا بيحتاج لي مزاج خاص وأنا المحسنات الجمالية بطلتها واليومين ديل تفكيري كلو في السفر ولكن برضو حأحاول ما أتأخر..
بالمناسبة وين هاشم طه:confused:بالله افقدو لينا عشان باين الراجل دا ما براهو ويمكن في زول مزعلو..

[فتحي مسعد حنفي]

أها نحن قاعدين مستنينك من أمبارح
وإنت عامل أضان الحامل طرشة
حارسين ليك البوست
وإنت ساكي التاشيرة:p
"بالله شيل معاك لاب توب عشان تواصل من الطيارات برضو"
ما تتأخر



والله مشاغل يا أسامة ..انت عارف التاشيرات الشينجن بقت زي امتحانات التخرج والطلبات كتيرة وشوقي رسل لي دعوة لكن برضو عايزين كشف حساب بنكي وحجز تزاكر وفندق وتأمين صحي وانترقيو وبعد دا كلو تنتظر 14 يوم للرد بالقبول أو الرفض..
لاب توب شنو ياخ البشيلو:eek:أنا ما بصدق آخد اجازة من النت أقوم اشيل النت معاي.. لاحظ أنا بكتب في 5 منتديات ويوميا بكتب في كل منتدي حاجة .أصلو أنا راسي دا مكتب:confused:
وزي البوست دا أنا ما ممكن انزلو في أي منتدي تاني لكن هنا الناس بعرفوني وعندي أصدقاء كتار بيعرفوني شخصيا وعارفين انو دي حكايات من زمن الجاهلية الأولي..عشان في جاهلية تانية في أوروبا..

[فتحي مسعد حنفي]

ًص.زروق

أهو دا كان الغموض ذاتو..
جنن أخوهو المرحوم مبارك زروق كان مابي الشغل ومبارك كل ما يوديهو يشغلو في مكان يقوم أخونا يشتغل شهر وأول ما يقبض الماهية يمشي طوالي يشتري بيها كلها سمسمية ويرجع البيت يشيل تبروقة ومصحف وابريق مليان موية ويطلع برج الحمام الفي بيتهم في غرفة في السطوح ويقعد هناك لغاية ما السمسمية تخلص والتبروقة والمصحف غاشي بيهم أهلو وكنت لامن تمشي تسأل عنو أهلو يقولو ليك في خلوة بتاخد ليها كام يوم وما عارفين الزول بيسوي شنو فوق والأكل كانو بيطلعوهو ليهو فوق.
في يوم من الأيام واحنا قاعدين العصر في بيت طه في يوم جمعة شغالين عسلية بالتلج أخونا دا جا داخل علينا رابط يدو الشمال وقافل عينو الشمال ونخرتو الشمال وأضانو الشمال بي لصقة وبيعرج بي كراعو الشمال.
طبعا احنا قلنا الزول دا مالو .هل ضربتو عربية من الجنب الشمال ولا شنو:confused:فقمنا سألناهو يازول مالك في شنو؟ قام بكل هدوء وجدية جاوبنا: تعرفو يا عبيد أنا أمبارح جاتني رؤيا انو ملك الحسنات في اليمبن وملك السبئات في الشمال فقررت أعطل ملك السيئات سنة عشان ما يكتب حاجة وأخلي بتاع الحسنات بس الشغال..
المهم الزول دا أنا قعدت كم شهر قبل ما أسافر وكان لسة موقف ملك السيئات وسافرت وهو في نفس الحالة وألله أعلم الحصل بعد داك شنو عشان ما لاقيتو تاني..
مرة كنا قاعدين في القيف جنب البحر في حتة خضراء والجماعة كانوا بيلولوا في السمسمية ومنتشيين بالهمبريب الجاي من البحر وفجأة جا راجل عجوز الظاهر كان صاحب الزراعة وقام يكورك: انتو يا صعاليك دا شنو البتعملو فيهو دا والله الا أجيب ليكم البوليس عشان يربيكم..الجماعة قالوا ليهو معليش يا حاج احنا متأسفين وماشين خلاص.وفعلا قلنا يللا ياجماعة قبل العجوز دا يجيب لينا الحكومة وأخدنا بعضنا ومشينا وبعد كم خطوة أخونا صً.رجع للراجل وقال ليهو: طيب يا عم عن اذنك ممكن أشرب موية وأشر علي البحر..الراجل مات بالضحك وقال ليهو وقت ما بتقدرو عليهو بتشربوهو مالكم..
كفاية كدا..

[مجدي مسعد حنفي]

يافتحي انا مافهمت الراجل ليه ضحك لما صاحبك
طلب يشرب مويه من البحر الظاهر مخي تخين .

[فتحي مسعد حنفي]

ا.عبد الجبار

سوف أخرج هذه المرة عن دائرة أمدرمان وأختار أحد أصدقاء شوقي ولكنه من أبناء الأبيض كان زميلا لنا في داخلية استراهوف في براغ..
في الغربة يتشارك الطلاب زكرياتهم قبل أن يغادروا السودان للدراسة وعادة ما تكون تلك الزكريات بلا أسرار وتتسم بالصراحة وبالذات اذا تم استلطاف بين شخصين كانت لهما نفس الهوايات والعادات..
حكي لي أ.حكايتين من أيام الأبيض وتجربته مع السمسمية..
حكي انه في مرة كان يتعاطي السمسمية مع بعض الأصدقاء الذين كانوا يدرسون في خور طقت .يعني لا أهل في الأبيض وكانوا في كل جمعة يأتون ويقضون اليوم مع صديقهم.
وفي ذلك اليوم اتفقوا علي تناول الغذاء في منزل صديقنا..
كانوا جميعهم مصاقيع جالسين في انتظار الغداء.وأول ما الغدا اتختا علي الطربيزة جا أبو أخونا داخل عليهم والجماعة كلهم صمتو واتبرجلو..عشان المصقوع بكون خايف لو اتكلم بيتكشف ..المهم الأب قعد معاهم والغدا كان كسرة وملاح أخضر وصحن الباشري في النص..الجماعة بدو ياكلو الكسرة خلصت فالاب نادي واحد من أولاد البيت وقال ليهو أمشي يا ولد جيب كسرة قوام..الولد مشي وجاب الكسرة والجماعة نازلين أكل وزول بينطق بي كلمة مافي والجو متوتر وخلصو أكل وفضلو قاعدين في السفرة وكان في صينية كنافة مختوتة جنبهم.الأب مد ايدو وخت صينية الكنافة في الطربيزة.يقوم صاحبنا يشيل كورية الملاح ويكبها في الكنافة..من الصقعة افتكر انو دي الكسرة الطلبوها جات وعايز يوري انو فاهم وواعي..طبعا تخيلو الحصل بعد داك وأولاد طقت تاني ما عتبو البيت دا..
الحكاية التانية قال في مرة كانت السمسمية شديدة والدنيا عصرية وكان خاتي ليهو عنقريب في الضل ومع السخانة فكر يخش ياخد ليهو دش وطبعا حمامات السودان في الحوش وهو وأخوهو كانو قاعدين سوا في الحوش..
أخونا دخل الحمام وأخد الدش وبعد شوية جا مارق أخوهو عاين ليهو وقال ليهو دا شنو يازول وأشر ليهو علي جسمو.أخونا لامن دنقر وعاين لقي نفسو بي جلابيتو بتشر موية طبعا لانو استحمي بدون ما يقلع الجلابية.عاين وقال لا حول الله ورجع دخل الحمام تاني لانو عرف انو عمل حاجة غلط وبعد دقبقتين جا مارق عريان ملط..يعني صلح الغلط.

[فتحي مسعد حنفي]

يافتحي انا مافهمت الراجل ليه ضحك لما صاحبك
طلب يشرب مويه من البحر الظاهر مخي تخين .



ياخي في زول يستأذن عشان يشرب من البحر..أخونا من الصقعة كان خايف لو شرب من البحر بدون ما ياخد اذن الراجل يزعل. والراجل ضحك عشان عرف انو الزول دا مصقوع ..

[بابكر مخير]

يافتحي انا مافهمت الراجل ليه ضحك لما صاحبك
طلب يشرب مويه من البحر الظاهر مخي تخين .



ياخي في زول يستأذن عشان يشرب من البحر..أخونا من الصقعة كان خايف لو شرب من البحر بدون ما ياخد اذن الراجل يزعل. والراجل ضحك عشان عرف انو الزول دا مصقوع ..


أولاد أبويا
الصقعي ما خشم بيوت
وإتو إتنينتكم ولاد بيوت طيبة وكريمة،،،
في صقعة سمسمية ودي حقت البكر..
وفي صقعة، سقطوبا من الآير كونديشن ودي حقت اللساتو في الصغر..
بعدين ياتوحة،،
شنو المزاج الما عندك؟؟؟
ما هو في الفريزر،،:eek::eek:
طلع
قرمة
تفك الخرمة...
وواصل لينا..
متابعيين ومستنين بقية الشلة وشيتن وصلت التشيك، ظنيتك باكر علي الأسلوفاك،،
وفارس،،، يا حليلو،، وإن كان هو أقرب للتِقِل (شنقيطي الله يرحمه، كان يده الشمال ولا شمال الهزبر) من لي شوقي...
سلام

[فتحي مسعد حنفي]

أولاد أبويا
الصقعي ما خشم بيوت
وإتو إتنينتكم ولاد بيوت طيبة وكريمة،،،
في صقعة سمسمية ودي حقت البكر..
وفي صقعة، سقطوبا من الآير كونديشن ودي حقت اللساتو في الصغر..
بعدين ياتوحة،،
شنو المزاج الما عندك؟؟؟
ما هو في الفريزر،،:eek::eek:
طلع
قرمة
تفك الخرمة...
وواصل لينا..
متابعيين ومستنين بقية الشلة وشيتن وصلت التشيك، ظنيتك باكر علي الأسلوفاك،،
وفارس،،، يا حليلو،، وإن كان هو أقرب للتِقِل (شنقيطي الله يرحمه، كان يده الشمال ولا شمال الهزبر) من لي شوقي...
سلام


انت يابابكر الوداك تهبش في الفريزر عندي شنو ولا انت زي ما قالوا المصريين ما بتتبلا فولة في خشمك:(
التشيك انا لسة ما قبلت عليهم لكن عندي تجربة خاصة بتلم التشيك والسلوفاك حصلت لي شخصيا ومافي مانع اقولا عشان مافي زول يقول شايل حس الناس وناسي روحو..
تعرف يابابكر في أحد الأصياف..مش دي برضو جمع صيف ولا كيف:confused: أعتقد في بداية التمنينات براغ كلها صرفت ماهية التلاتة شهور والفلس ضرب الكل وكنا بنتلقط الأخبار عن الداخليات الفيها زول استلم قروش من أهلو وأنا قروشي الكان أبوي برسلها لي من دبي اتأخرت..
مشيت داخلية ياروف الفيها أحمد أدم وفي السكة مريت علي البنك اسأل عن حوالتي..وهناك باني سوبوتكوفا الكانت بتعرفني شخصيا قلبت في الورق وقالت لي قروشك جات لكن بالغلط رسلناها براتسلافا عشان زميلتي ما لاحظت انو انت سبت سلوفاكيا وعنوانك اتغير وما قرت باقي الورق وقامت حولت القروش لي براتسلافا..قلت ليها طيب هسع نعمل شنو؟قالت لي انا حأرسل لي البنك هناك عشان يرجع القروش لي براغ ودا حياخد حوالي اسبوعين..لا حول الله اسبوعين كيف وأعمل شنو في الجوع..
المهم قلت أمري لله وواصلت طريقي لي ياروف وهناك لقيت الجماعة كلهم مقشطين وفرقة المديح كلها هناك ..هاشم صالح وابراهيم الجزولي ومحمد محجوب عثمان وعبد السلام بابكر ومليجي وتاني منو ما متذكر..المهم عرفت انهم مفلسين ما عندهم حق الرغيف والمصيبة أنا ركبت الترماي بآخر كرونة يعني ما عندي حق الرجعة وأنا ساكن في فيترنيك أخر البلد من الناحية التانية.يعني مشوار عايز ليهو بالميت 4 ساعات مشي..
غايتو قلت أقعد مع الجماعة انشالله أتغدا بي عشرة وست..حوالي الساعة اتنين الباب خبط ودخل علينا زول سوداني طويل وضخم ومشلخ دنقلاوي وقال السلام عليكم..الجماعة كلهم نطوا وأخدوه بالحضن وأنا ما بعرفو..عرفوني بيهو وقالوا لي دا دكتور عثمان الجزار من بلغاريا..
الدكتور قعد وفتح الهاند باج وطلع منها شبشب وجلابية وفرشة أسنان والباقي كلو قزاز كونياك وجبنة بلغارية..طبعا احنا ما كضبنا ودورنا شلعي والمزة جبنة ونسينا الغدا والفلس..
لامن جات الساعة 11 بالليل أخوك بقي زي يني..شلعة يحكو بيها..قلت للجماعة أنا ماشي داخليتي عشان دي مواعيد آخر ترماي..الجزار أداني كرونة حق الرجعة وطبعا بعد الكم ساعة ديل اتصاحبنا..ووعدتو أجيهو تاني يوم أشوف باقي القزايز دي نعمل معاها شنو..
مشيت أترتح ووصلت محطة الترماي وبعد دقايق ترماي 9 وصل وركبت فيهو وبعد شوية دقست عشان المشوار طويل وأنا تقريبا نازل في نهاية الخط..
فجأة لقيت ليك زول بهزني من كتفي وبقول لي قوم احنا خلاص وصلنا ..عاينت ليهو وسألتو دي فيترنيك قال لي فيترنيك شنو وصلنا براتسلافا..أخوك نط وقام يجضم في روحو عشان يتأكد دي حقيقة ولا حلم..عاينت لقيت نفسي قاعد فعلا في قطر ومحطة براتسلافا الما بغباها برة الشباك والقطر علي وقوف..سألت الراجل أنا الجابني هنا شنو..الراجل ضحك وقال لي انت كنت سكران سكرة شديدة والكمساري جا وحاول يصحيك عشان التزكرة لكن انت كنت زي الميت فقام فتش جيوبك لقي الهوية بتاعتك فقال دا طالب أجنبي أكيد ما بكون ركب بدون تزكرة وخلاك ومشي..أههها وابتديت أفكر الحصل شنو والموضوع دا حصل كيف..وفي الآخر وصلت للتفسير المنطقي الوحيد وهو انو الترماي كل ما يجي داخل محطة السواق بالمكرفون بيقول اسم المحطة وترماي 9 بيجي بي محطة القطر براها سترشيد البتقوم منها قطارات براتسلافا..وأنا مع الطشمة لامن سمعت اسم المحطة نزلت ودخلت محطة القطر فتشت قطر براتسلافا والوقت كان بدري.عزلت لي قمرة فاضية ودخلت رقدت فيها والباقي لا علم لي به والمسافة بتاخد 6 ساعات زي ما عارف..
المهم طارت السكرة وجات الفكرة...أسوي شنو واتزكرت قروشي الفي البنك والساعة 6 صباحا والبنك في وسط البلد ودي ما مشكلة ممكن أمشي المشوار دا عشان طبعا جيبي ما فيهو ولا كرونة توصلني..
المهم اتوكلت ودورت الييادة لغاية ما وصلت البنك الكان مواعيد شغلو 8 ونص..قعدت في سلم البنك لغاية ما فتح ودخلت البنك أول واحد مع الموظفين وأنا خايف يكونو رجعو القراش لي براغ..لكن ربك رب الخير ستر ولقيت مذكرة براغ لسة ما وصلتم..
استلمت الحوالة وطوالي علي كافتيريا كنت بغير فيها القروش لما كنت في سينتس وبجي براتسلافا..
فطرت تمام وفكيت السكرة بي اتنين بيرة وركبت مشيت المحطة عشان أرجع براغ ولقيت في قطر بقوم الساعة 12 الضهر وفعلا ركبت القطر ووصلت براغ الساعة 6 مساء وطوالي علي ياروف للجماعة السألوني أها وصلت كيف أمبارح ولما حكيت ليهم اني جاي من براتسلافا طبعا ما صدقوني لغاية ما طلعت ليهم وص الاستلام من بنك براتسلافا ومن اليوم داك الناس بقو يحكو انو فتحي مسعد سافر براتسلافا بالترماي..ودي حقيفة عشان انا ركبت الترماي ونزلت في براتسلافاgoood:D:D المهم قعدت معاهم لغاية ما القزاز كمل وقروشي كملت ورجعت داخليتي وابتديت من الأول اشمشم الداخليات الفيها زول جاتو قروش من أهلو..

[مجدي مسعد حنفي]

الله يلعن السكر وسنينو
في اول الكلام قلت الحكايه دي حصلت ليك في اوائل التمانيات
لكن اظن انت قاصد اواخر السبعينات وعلى مااذكر انت سبت البلد ديك
وجيت السودان نهائي في اواخر تمنيه وسبعين وجيت الامارات في مايو تسعه وسبعين
مش كدا ولا انا غلطان .
غايتو الله يستر من تطور الزهايمر وحقو لو سافرت تشوف ليك علاج للموضوع دا .

[فتحي مسعد حنفي]

الله يلعن السكر وسنينو
في اول الكلام قلت الحكايه دي حصلت ليك في اوائل التمانيات
لكن اظن انت قاصد اواخر السبعينات وعلى مااذكر انت سبت البلد ديك
وجيت السودان نهائي في اواخر تمنيه وسبعين وجيت الامارات في مايو تسعه وسبعين
مش كدا ولا انا غلطان .
غايتو الله يستر من تطور الزهايمر وحقو لو سافرت تشوف ليك علاج للموضوع دا .


كلامك صح 100% هي فعلا أوائل السبعينات بس لامن يبقي عمرك زي عمري حتلقي العشرة سنين دي ولا حاجة..شكرا للتصحيح وأنا فعلا من 79 كنت في الامارات..

[بابكر مخير]

كلامك صح 100% هي فعلا أوائل السبعينات بس لامن يبقي عمرك زي عمري حتلقي العشرة سنين دي ولا حاجة..شكرا للتصحيح وأنا فعلا من 79 كنت في الامارات..

إتا تعال
إحنا دحن إتلاقينا هنا في اللإمارات الفترة ديك:confused:
قول لي مجود:o
شوف صراع الجبابرة دآ:(
خرف، زهايمر:eek::eek:
بس خليها علي الله
loooollooool

[فتحي مسعد حنفي]

إتا تعال
إحنا دحن إتلاقينا هنا في اللإمارات الفترة ديك:confused:
قول لي مجود:o
شوف صراع الجبابرة دآ:(
خرف، زهايمر:eek::eek:
بس خليها علي الله
loooollooool


زهايمرك عينة يابابكرgooodانت نسيت اتلاقينا صدفة في أبو ظبي قدام مركز الأجبان وأنا ما كنت عارفك في الامارات وحتي وريتني عثمان بدري والمرحوم قاسم مخير شغالين وين في دبي وأنا مشيت ليهم عثمان في الجريدة وقاسم في الشرطة..
الله يحفظ باقي الذاكرة الفضلت ليك..

[شوقي بدري]

البوست بتاع فتحي مسعد حنفي عن اصحاب شوقي بدري, خلا مرتي تقول لي بعد ما قرتو (يعني صاحبك فتحي ورا انو انتو الاولاد الكان الناس بحذرو اولادهم منهم ياخي دي حاجة ما معقولة. هذا الموضوع ياخذ سنة لكي ينتهي .
نبدا بكوارع او كع كما كنا نناديه اختصارا. في الثمانينات ذهبت لمنزلهم في شارع العرضة. وطبعا رحت داخل تووش. وكانت شقيقته مريم عبدالمجيد علي طه وهي مدرسة تقول لاحد التلاميذ كلم ابوك البليد ده يرسل معاك المصاريف عشان ادرسك يا بليد لو تقدر تنجح. ومريم سيدة طويلة القامة قوية الشخصية تتمتع بجمال واضح. ولقد تزوجت بصديق شقيقها بابكر عبدالمجيد علي طه اول الدفعة العاشرة في الكلية الحربية. وزوجها هو الضابط خليل ولها اثنين من الاولاد يتمتعون بقامات طويلة احدهم قد صار معترف في كرة السلة.
وعندما شاهدتني مريم التفتت نحوي وقالت بحده(وانت ماشي وين طوالي ده بيتكم؟) فواصلت سيري قائلا ايوه ده بيتنا. ولم اكن قد قابلتها منذ زواجها في بداية الستينات. فقالت لي انت يا راجل مجنون ولا قليل ادب؟ فزدت من حيرتها قائلا ده بيتنا والمطبخ الجوه ده ارضيته بلتطها انا. وعندما اقتربت مني متنمرة وخوفا ان اواجه صفعة قلت لها ده بيت ام سلمة بدري وانا شوقي ابراهيم بدري. فظهرت اجمل ابتسامةعلى وجهها وقالت انا كان لازم اعرف من الشياكة دي و الاناقة دي لازم تكون ودخالي ابراهيم.
في الستينات انتقلت العمة امسلمة بدري للسكن مع ابنها بابكر عبدالمجيد علي طه في منازل الجيش وعمر كان معنا في تشيكوسلفاكيا والبنات قد تزوجن ومامون كان في الكلية الحربية. وعثمان حول المنزل الكبير في شارع العرضة الى نادي تمارس فيه كل نشاطات الدنيا. وفي احد الايام حضر عبدالمجيد علي طه المشهور بالهرماس وهو السوداني الوحيد الذي وصل الى رتبة ميجور في الجيش وكان مشهود له بالشجاعة والصرامة . وعندما شاهد ما حدث لمنزله وهو عادة يقيم في العمارة طه. غضب وصار يصرخ في عثما ن ان اضربك رصاص ان املاك دخان...وعثمان كان يقول لنا انا( والله كنت ضارب واولبكة مافي حته مامليانة دخان ابوي ده ما عرف كان حا يدخل الدخان بتاعو وين ..انا كلي كنت دخان ..) وقام بابكر بتأجير المنزل في الاول للسيرك الهندي الذين كانوا في الخرطوم لعدة شهور وكان الناس ياتون بالباصات من خارج العاصمة لمشاهدة العرض. ثم اجر المنزل لمجموعة ضخمة من الطلبة النيجيرين الذين اتوا للدراسة في المعهد العلمي, جامعة امدرمان الاسلامية الان و. وبسبب قرب المنزل من المعهد.
كانوا جميعا مولانات احدهم الاخ سليمان وهو ابن زعيم كبير في نيجيريا وكان له جواز دبلوماسي ولكن هؤلاء الخلفة تخرجوا بشهادة من كوارع.
عثمان كان يسكن معنا في بعض الاحيان. حيث يجد حريته كما كان يسكن مع صديقه ابوالجوج في العرضة واخرين. وفي احد الايام حضر في الصباح ورقد على السرير في منزلنا ووضع صباعه الاوسط في فمه ونظر الى العرش. فقال له شقيقي الشنقيطي (انت يا عب عندك مشكلة) لانه كان يعرفه جيدا ووضح ان والدته قد اعتطته فلوس لكي ياتي ببنا ء لكي يبلط المطبخ . وعثمان ضرب الفلوس في مقيل مدنكل. وعندما سأله الشنقيطي (يا عب كيف تعمل كده) ورده كان (والله لو كنت قابلت الحاجة الانا قابلتها كان عملت زيي). هسي انا اقول شنو لي امي فقال له الشنقيطي قول ليها( لو كنتي قابلتي الحاجة الانا قابلتها كنتي عملتي زيي).
اقترح الشنقيطي ان اقوم ان بتبليط المطبخ لانه عندي طالوش ومحارة. وهذه اهم ادوات التبليط ولكن كان ينقصني الغربال لغربلة الرمل. الا انني كنت اعرف انه في امكاني ان استلف غربال رملة . المشكلة كانت الاسمنت. والمطبخ يحتاج لاثنين شوال اسمنت او مئة كيلوغرام. فاقترح الشنقيطي ان نذهب لمليونير المنزل الطيب سعد الفكي وهو خياط في سوق الشوام. وصار له فيما بعد ابناء يحملون اسماء الشنقيطي وشوقي واسعد ولي ابن يحمل اسم الطيب. ودفع الطيب 150 قرش باريحية. ولكن اكتشفنا اننا نحتاج ل 15 قرش للكارو لم تكن متوفرة. فذهبنا الى عبدالعزيز صاحب المغلق جنوب حائط زريبة العيش. ولانني زبون دائم فلقد اعطانا شوالين اسمنت ب 135 قرش بدلا عن 150 قرش وقمت بتبليط البلاط . وعندما حضرت الحاجة اعجبت بالنتيجة. وطالب عثمان بخمسين قرش زيادة والخمسين قرش تعني وزنتين.
صاحب الاسم الاصلي لكوارع هو شقيقه محمد عبدالمجيد علي طه اكبرهم. ولقد كتب عنه ابن خالته البروفسور الطيب ميرغني شكاك رحمة الله عليه وكان يتمتع بخفة الظل والشيطنة. وعندما جلدوه في الطابور. كان من المفروض ان يحسب بعد كل سوط .3.2.1 الى عشرة كنوع من العقاب. السوط الاول كان قاسيا فقال واحد والسوط التاني كان اصعب فصرخ... تمانية.. فضحك كل الطابور حتى المدرسين. وسمعت منه عندما زرته في منزله بالقرب من سينما العرضة عندما رجع الى امدرمان للاستقرار انه شاهد المدرس وهو يخبط في منزل احد العاهرات فوقف بالقرب منه وقال له محييا ...ازيك يا استاذ...اتحرج الاستاذ وبدأ يصرخ .... يا بتاع الكوارع ... يا بتاع الكوارع ..وانطلق وهو يطارد صاحب كوارع وهمي. وقديما كان بتاع الكوارع يجوب الاحياء حاملا جردلا او جردلين والكوارع الواحد بي تعريفة.
في الصباح اتى المدرس الفصل وهو مدرس جغرافيا فتنحنح محمد بصوت عالي فقام الاستاذ بطرده من الحصة. وقام الاستاذ برسم خرطة افريقيا وبجانبها جزيرة مدقشقر. وسأل الاستاذ دي شنو ودي شنو فصرخ محمد من خلال النافذة .. يا استاذ دي نيفة والجنبها كوارع...كوارع. فناداه الاستاذ وقال لزملائه اخوكم محمد في الحقيقة بحب الكوارع. وبعد الحصة عصر الاستاذ شلن لكوارع الا انها صارت اسمه بقية حياته ثم انتقل الاسم لعثمان فيما بعد.
جدتي الرسالة بت احمد ود ارديس الانصارية كانت تناديه بكبارع بدل كوارع. وصار هذا اسم الاثنين وسط العائلة. ومحمد كانت له مواقع ومشاهد في هذه الدنيا تضائل امامها مصائب عثمان. فعندما وضعت العمة امسلمة بدري ابنها مامون في 1947 . نادت امنا السارة بدري عمر ابراهيم بدري واعطته فلوس وطلبت منه الذهاب الى عمنا التاجر يوسف ميرغني شكاك والذي يلبي طلبات كل قبيلة الرباطاب, لشراء اغراض النفاس من خروف وسمن الى اخره. وعمر كان شديد الادب وهو ابن بنت السلطان فجده سلطان في رمبيك وهو ابن بنت السلطان منقلا عمر مرجان. وطلبوا من عمر ان ياخذ معه محمد للشيل والرفقة وان لا يعطي الفلوس ابدا لمحمد في يده. وما ان خرجا من الدار حتى بدأ محمد في الاستفزازات .. يا قراده يا سخيف يا متحشر قروشك ولا قروش امي.. امسكا انا... وعمر صامد ومتحملا الاساءات واللكيز والاستفزاز. وهم في الفضاء الذي صار جامع فيصل شاهد محمد رجلا محترما كبير السن فقال له يا عم انحنا ماشين نشتري حاجات بتاعت امي والقروش قروش امي ومرسلانا نجيب حاجات من السوق والثقيل ده ماسكا وانا خايفو يروحا وما عاوز يديني ليها. فأفتى الرجل بأن محمد هو الاجدر بمسك الفلوس . فدفع عمر بالفلوس لمحمد الذي ما ان قبض عليها حتى اطلق سيقانه للريح ولم يرجع لايام عديدة. وعندما سئل عمر كيف فرط بالرغم من التحذير كان جوابه ان محمد استفزه واساءه . واشعره بانه متطفل . محمد كوارع الكبير عمل ككاتب في الحصاحيصا. وطبعا كان غير منضبط. ولم يعرف المفتش الانجليزي مع من يتعامل. فقام بتعنيف محمد والصراخ في وجهه ومحمد كان عندو صداع من الصباح كالعادة من قعدة الليل. فاخذ مكنة الكتابة اللتي كانت وقتها ثقيلة ولبسها للخواجة في راسو. محمد صاحب البلد وجده طه الذي سميت عليه العمارة. وحكم عليه بستة شهور سجن بتهمة الاعتداء على موظف اثناء تاديته الواجب بدلا عن الشروع في القتل . ولم يقضي كل المده في السجن.
في الثمانينات صار عثمان المدير المالي في مكتبي في العمارات شارع 1 المجاور لفندق الارز. وبعد سفري كان تصلني تلكسات بالشكوى من المدير المهندس عق عبدالله علي عبدالله ومدير الاتصالات الهندي والمدير العام التجاني محمد التجاني عبداللطيف وآخرين و. وفي اول اجتماع قال لهم كوارع . انتو بطالبو بالمنقة والفواكه والفطور ومناديل الورق والبسكويت والتمر البجيبن شوقي كل يوم في المكتب. الحاجات دي موجودة في السوق العاوز يجيبا يجيبا بي قروشو. وكمان بطالبو بورق توليت العندو ورق تواليت في بيتو منو. وعندما لم يجب احد قال عثمان طيب ما تجننونا ساكت.. وعبدالله علي عبدالله كان غاضبا لان عثمان اعطاه مرتبه امام السكرتيرة فقال له عثمان المرة الجاية حا اقمز ليك تجني بره. شان اديك ماهيتك.. وانفض الاجتماع.
وسنعود للآخرين

[فتحي مسعد حنفي]

دخان...وعثمان كان يقول لنا انا( والله كنت ضارب واولبكة مافي حته مامليانة دخان ابوي ده ما عرف كان حا يدخل الدخان بتاعو وين ..انا كلي كنت دخان ..) وقام بابكر بتأجير المنزل في الاول للسيرك الهندي الذين كانوا في الخرطوم لعدة شهور وكان الناس ياتون بالباصات من خارج العاصمة لمشاهدة العرض. ثم اجر المنزل لمجموعة ضخمة من الطلبة النيجيرين الذين اتوا للدراسة في المعهد العلمي, جامعة امدرمان الاسلامية الان و. وبسبب قرب المنزل من المعهد.


الله يجازيك ياشوقي شرطني بالضحك لغاية ما المرا جات من جوا قالت ياراجل انت بتضحك براك مالك..المرا قايلاني
جنيت..
تعرف ياشوقي أنا هدفي من فتح البوست دا كان فعلا عشان أجرك للكتابة وأطلع الجواك مدسوس عشان أنا عارف انك لامن تكتب عن ناس وعندك احساس انو في زول عارفك بتتكلم عن شنو ومنو.بتتشجع تكتب وممكن كمان تذكروا بعض وأنا متأكد انو كل شخصية أنا ذكرتها انت عندك عنها حكايات كتيرة عشان الناس ديل ما كانو ناس عاديين والكتابة عن نوادرهم بتحتاج لي كتب.
شكرا علي هذه المساهمة الثرية بس أوعك تنشل مني البوست وبعد ما كنت البطل أبقي صاحب البطل وحتي صاحب البطل أنا موافق المهم ما أكون فوزي صاحب استيف العوير والحمدلله الشباب ديل ما سمعو بي فوزي ولا بي استيف ذاتو.. واصل ياشوقي الله يخليك غلي الأقل تريح صاحبك شوية

[سارة]

عمو شوقى شخشياgooodgoood

يادا النور يا دا النور القعدة باين عليها حتطول وانا ان شاء الله بيكتب رئيس الوردية

تقرير السوادوالرماد:( لكن الرهيفة التنقد انا غايتو ما بمرق من هناالا تجيبوا لى سمسمية ولا

كوارعgoood

الا هل بلغت اللهم فاشهد

[فتحي مسعد حنفي]

عمو شوقى شخشياgooodgoood

يادا النور يا دا النور القعدة باين عليها حتطول وانا ان شاء الله بيكتب رئيس الوردية

تقرير السوادوالرماد:( لكن الرهيفة التنقد انا غايتو ما بمرق من هناالا تجيبوا لى سمسمية ولا

كوارعgoood

الا هل بلغت اللهم فاشهد


انتي الطمع عليكي شنو؟ما قلت ليك بجيب ليك 2 كيلو تسالي وممكن اضيف ليكي معاهم فول اسواني زي بتاع الحجات..المهم تبعدي من السمسمية والكوارع عشان ممكن ناصر يوسف يشيل حسك فيهمgoood

[فتحي مسعد حنفي]

أسمعي يا زوجة أخوي شوقي..ما دام انتي بتفتحي البوست دا وبتقريهو وكمان صنفتينا يبقي تكوني عادلة وتسمعي دفاع المتهم الأول الهو أنا حسب كلام شوقي..
أنا ما ناكر اني كنت زول منحرف وبسوي كل الكانو الأمهات بحذروا منو لكن كنت بضر في نفسي وما بضر في زول تاني..لكن راجلك كان رباط عديل الناس بخافوا منو وعلي الرغم من انو ما كان لا بيسكر لا بيتسطل لكنو عثمان كوارع كان ملاك بالنسبة ليهو .
وبعدين المهم انو احنا ناس اتغيرنا وبقينا محترمين..
ابقي بي عافية وسلمي علي الوليدات:)

[سارة]

انتي الطمع عليكي شنو؟ما قلت ليك بجيب ليك 2 كيلو تسالي وممكن اضيف ليكي معاهم فول اسواني زي بتاع الحجات..المهم تبعدي من السمسمية والكوارع عشان ممكن ناصر يوسف يشيل حسك فيهمgoood


:(:(

انادايرة سمسمية زى حقت صاحبكم الاخد الاذن من البحرgooodgoood

وبعدين ناصر يوسف خلى عم شوقى يكمل كلامو بجى احكى ليك قصة الجزمة الفى ضهر العربية ودقى يا مزيكا

بمناسبة الفيزا وزيارة عم شوقى والله تلحق تجى لعم شوقى وما تجينى انا :mad:

بقوم اركب مكنة الحلب الملخبتة مع الفلاتة وليك امان الله اجدع بلطجى فى شلتكم ما بيحلك منى

وكان لى الفيزا هينة بندبرها اها قلت شنو

[ابوريم]

لكن ضعف المتابعة والمشاركة بتحسس الزول بأنو فارض نفسو علي الناس بي كلام ما مفيد.. وبيجيب الاحباط ودي حاجة انت شخصيا اشتكيت منها قبل كدا.
فتحي
القال ليك منو؟ بنتابع ونقرا لكن نشارك دي تحتا خطين بس قول لي كيف؟ نقعد نقزز بي الحكاوي الممتعة وننفعل معاها نشهق مرات ومرات نستغرب واخرى ننفقع من الضحك وفي غاية الاستمتاع.
بعدين ياخي المنتدى دة نصو اظن من مواليد تمانين وجاي - والحكاوي دي نحن العجايز ديل مواليد النص التاني من الستينات ما عاصرناها - منو البقدر يخش كتاب التاريخ يضيف ليهو.
تسلم يا عزيز وواصل السرد والحكي انت , وصاحب الاصحاب البتكتب عنهم (شوقي بدري) وربنا يديكم العافية ويطول في عمركم.

[فتحي مسعد حنفي]

:(:(

انادايرة سمسمية زى حقت صاحبكم الاخد الاذن من البحرgooodgoood

وبعدين ناصر يوسف خلى عم شوقى يكمل كلامو بجى احكى ليك قصة الجزمة الفى ضهر العربية ودقى يا مزيكا

بمناسبة الفيزا وزيارة عم شوقى والله تلحق تجى لعم شوقى وما تجينى انا :mad:

بقوم اركب مكنة الحلب الملخبتة مع الفلاتة وليك امان الله اجدع بلطجى فى شلتكم ما بيحلك منى

وكان لى الفيزا هينة بندبرها اها قلت شنو

ما قلت ليك مرا بي ألف راجل..بس ما تدقي صدرك شديد عشان ما تجيك كحة:Dالسمسمية بتاعة اخونا الاستأذن عشان يشرب من البحر دي لو جربتيها الشافك طشيتي كداري لي بلد تاني ما كضب..وفي حكاية لامن نتقابل ممكن أحكيها ليك عشان هنا ما بينفع..الجماعة بيدوني كرت أحمر..ودا بس عشان تعرفي نصيحتي ليك تبعدي عنها لي شنو..أصلو واحدة تشيكية عملت زيك وقالت الا تجرب وعينك ما تشوف الا النور البت ضربت السكلي وقامت تجري في كوريدور الداخلية والخواجات طلعو من الأوض يشوفو العبيد ديل عملو شنو للبت..افتكرونا دايرين ناكلها.
أها نبقي في زي دا يابت برنارد..:confused:

[فتحي مسعد حنفي]

فتحي
القال ليك منو؟ بنتابع ونقرا لكن نشارك دي تحتا خطين بس قول لي كيف؟ نقعد نقزز بي الحكاوي الممتعة وننفعل معاها نشهق مرات ومرات نستغرب واخرى ننفقع من الضحك وفي غاية الاستمتاع.
بعدين ياخي المنتدى دة نصو اظن من مواليد تمانين وجاي - والحكاوي دي نحن العجايز ديل مواليد النص التاني من الستينات ما عاصرناها - منو البقدر يخش كتاب التاريخ يضيف ليهو.
تسلم يا عزيز وواصل السرد والحكي انت , وصاحب الاصحاب البتكتب عنهم (شوقي بدري) وربنا يديكم العافية ويطول في عمركم.


يازول طولة عمر شنو بعد ما قرضتنا..وقال شنو من مواليد النصف التاني من الستينات يعني أنا لما دخلت الجامعة انت لسة ما ولدوك وتقول لي عجايز..أها بالمناسبة شوقي دا أصغر مني بي شهور.يعني ندايد زي ما بقولوا حبوباتنا..لكن لامن شوقي كان بيخوف صعاليك أمدرمان أنا ما كنت بخش السينما براي والدور التاني بسمع بيهو سمع..وشوقي بالمناسبة راجل مؤدب جدا ومسيخ جدا كان كرهك زح منو وكان رادك يبقي بختك وبيحب الأصول جدا واحترام الكبار سنا ومقاما..في مرة كان قاعد مع أخونا فتحي محمود(الحاوي) صاحب كفتيريا البلو نايل سابقا قبال ما الكيزان يكسروها..كانو في بيتو في العمارة الكويتية وكان معاهم حيدر بورسودان..فتحي قام دخل جوا البيت يعمل حاجة فقام حيدر بورسودان قعد في كرسيهو.
طوالي شوقي قال ليهو قوم من كرسي المعلم ما تقعد فيهو .. حيدر بورسودان قام مخلوع كيف زول يتكلم معاهو كدا وهو الفنان المشهور المتعود الناس يدلعوهو..ودا طبعا بيوريك انو الناس بالنسبة لي شوقي مقامات مش لو بقي حيدر بورسودان..لو بقي حيدرأباد ذاتو لازم يعرف حجمو..
شكرا ياشاب يا ظريف علي المرور وما تبقي تغيب كتير..

[عثمان]

وسنعود للآخرين
العم الرائع .. طابت أيامك ، يا عمك العودة دي متين ما منتظركم ، العزيزة سارة شنو عمك فتحي دا ما دوريهو خليهو يفته لينا شوية كدة قبل ما يجيكم بغادي;)

تحياتي/ عثمان الطيب

[Hassan Farah]

انت يابابكر الوداك تهبش في الفريزر عندي شنو ولا انت زي ما قالوا المصريين ما بتتبلا فولة في خشمك:(
التشيك انا لسة ما قبلت عليهم لكن عندي تجربة خاصة بتلم التشيك والسلوفاك حصلت لي شخصيا ومافي مانع اقولا عشان مافي زول يقول شايل حس الناس وناسي روحو..
تعرف يابابكر في أحد الأصياف..مش دي برضو جمع صيف ولا كيف:confused: أعتقد في بداية التمنينات براغ كلها صرفت ماهية التلاتة شهور والفلس ضرب الكل وكنا بنتلقط الأخبار عن الداخليات الفيها زول استلم قروش من أهلو وأنا قروشي الكان أبوي برسلها لي من دبي اتأخرت..
مشيت داخلية ياروف الفيها أحمد أدم وفي السكة مريت علي البنك اسأل عن حوالتي..وهناك باني سوبوتكوفا الكانت بتعرفني شخصيا قلبت في الورق وقالت لي قروشك جات لكن بالغلط رسلناها براتسلافا عشان زميلتي ما لاحظت انو انت سبت سلوفاكيا وعنوانك اتغير وما قرت باقي الورق وقامت حولت القروش لي براتسلافا..قلت ليها طيب هسع نعمل شنو؟قالت لي انا حأرسل لي البنك هناك عشان يرجع القروش لي براغ ودا حياخد حوالي اسبوعين..لا حول الله اسبوعين كيف وأعمل شنو في الجوع..
المهم قلت أمري لله وواصلت طريقي لي ياروف وهناك لقيت الجماعة كلهم مقشطين وفرقة المديح كلها هناك ..هاشم صالح وابراهيم الجزولي ومحمد محجوب عثمان وعبد السلام بابكر ومليجي وتاني منو ما متذكر..المهم عرفت انهم مفلسين ما عندهم حق الرغيف والمصيبة أنا ركبت الترماي بآخر كرونة يعني ما عندي حق الرجعة وأنا ساكن في فيترنيك أخر البلد من الناحية التانية.يعني مشوار عايز ليهو بالميت 4 ساعات مشي..
غايتو قلت أقعد مع الجماعة انشالله أتغدا بي عشرة وست..حوالي الساعة اتنين الباب خبط ودخل علينا زول سوداني طويل وضخم ومشلخ دنقلاوي وقال السلام عليكم..الجماعة كلهم نطوا وأخدوه بالحضن وأنا ما بعرفو..عرفوني بيهو وقالوا لي دا دكتور عثمان الجزار من بلغاريا..
الدكتور قعد وفتح الهاند باج وطلع منها شبشب وجلابية وفرشة أسنان والباقي كلو قزاز كونياك وجبنة بلغارية..طبعا احنا ما كضبنا ودورنا شلعي والمزة جبنة ونسينا الغدا والفلس..
لامن جات الساعة 11 بالليل أخوك بقي زي يني..شلعة يحكو بيها..قلت للجماعة أنا ماشي داخليتي عشان دي مواعيد آخر ترماي..الجزار أداني كرونة حق الرجعة وطبعا بعد الكم ساعة ديل اتصاحبنا..ووعدتو أجيهو تاني يوم أشوف باقي القزايز دي نعمل معاها شنو..
مشيت أترتح ووصلت محطة الترماي وبعد دقايق ترماي 9 وصل وركبت فيهو وبعد شوية دقست عشان المشوار طويل وأنا تقريبا نازل في نهاية الخط..
فجأة لقيت ليك زول بهزني من كتفي وبقول لي قوم احنا خلاص وصلنا ..عاينت ليهو وسألتو دي فيترنيك قال لي فيترنيك شنو وصلنا براتسلافا..أخوك نط وقام يجضم في روحو عشان يتأكد دي حقيقة ولا حلم..عاينت لقيت نفسي قاعد فعلا في قطر ومحطة براتسلافا الما بغباها برة الشباك والقطر علي وقوف..سألت الراجل أنا الجابني هنا شنو..الراجل ضحك وقال لي انت كنت سكران سكرة شديدة والكمساري جا وحاول يصحيك عشان التزكرة لكن انت كنت زي الميت فقام فتش جيوبك لقي الهوية بتاعتك فقال دا طالب أجنبي أكيد ما بكون ركب بدون تزكرة وخلاك ومشي..أههها وابتديت أفكر الحصل شنو والموضوع دا حصل كيف..وفي الآخر وصلت للتفسير المنطقي الوحيد وهو انو الترماي كل ما يجي داخل محطة السواق بالمكرفون بيقول اسم المحطة وترماي 9 بيجي بي محطة القطر براها سترشيد البتقوم منها قطارات براتسلافا..وأنا مع الطشمة لامن سمعت اسم المحطة نزلت ودخلت محطة القطر فتشت قطر براتسلافا والوقت كان بدري.عزلت لي قمرة فاضية ودخلت رقدت فيها والباقي لا علم لي به والمسافة بتاخد 6 ساعات زي ما عارف..
المهم طارت السكرة وجات الفكرة...أسوي شنو واتزكرت قروشي الفي البنك والساعة 6 صباحا والبنك في وسط البلد ودي ما مشكلة ممكن أمشي المشوار دا عشان طبعا جيبي ما فيهو ولا كرونة توصلني..
المهم اتوكلت ودورت الييادة لغاية ما وصلت البنك الكان مواعيد شغلو 8 ونص..قعدت في سلم البنك لغاية ما فتح ودخلت البنك أول واحد مع الموظفين وأنا خايف يكونو رجعو القراش لي براغ..لكن ربك رب الخير ستر ولقيت مذكرة براغ لسة ما وصلتم..
استلمت الحوالة وطوالي علي كافتيريا كنت بغير فيها القروش لما كنت في سينتس وبجي براتسلافا..
فطرت تمام وفكيت السكرة بي اتنين بيرة وركبت مشيت المحطة عشان أرجع براغ ولقيت في قطر بقوم الساعة 12 الضهر وفعلا ركبت القطر ووصلت براغ الساعة 6 مساء وطوالي علي ياروف للجماعة السألوني أها وصلت كيف أمبارح ولما حكيت ليهم اني جاي من براتسلافا طبعا ما صدقوني لغاية ما طلعت ليهم وص الاستلام من بنك براتسلافا ومن اليوم داك الناس بقو يحكو انو فتحي مسعد سافر براتسلافا بالترماي..ودي حقيفة عشان انا ركبت الترماي ونزلت في براتسلافاgoood:D:D المهم قعدت معاهم لغاية ما القزاز كمل وقروشي كملت ورجعت داخليتي وابتديت من الأول اشمشم الداخليات الفيها زول جاتو قروش من أهلو..
حكاوى لطيفة يا بوحليب --اولا تذكرنى تضامن الطلاب فى جيكوسلفاكيا تلك الايام-- بعدين ياخى انت لحد التمانينات ابوك كان بيرسل قروش-- المرحوم الشنقيطى كانوا اهلو برضو بيحولوا ليهو-- بعد ما يستلم التحويلة يقوم يوزعها على الشباب ويتبقى عنده مايكفى لتذاكر المينزا-- هو كان ساكن فى بودلى-- مرة واحد ضيف جا داخل عليه- من ديك البيكونوا مارين نحو المانيا -- الشنقيطى فى غرفته لا فى كفتيرة-- لا فى سكر-- لا شاى-- حب يكرم الضيف-- قال ليهو تشرب شاى-- الضيف لم يعترض-- الشنقيطى اتجه نحو الباب ليبحث عن مكونات الشاى وقبل ان يخرج عاجله الضيف-- والله اقول لك-- سوى لى كاكاو-- تفتكر ما كان رد الشنقيطى--
اما حكاية سفرك لبراتسلافا بعد سكرة ينى اظنك لاطشة من حكاوى موسكو-

[سمراء]

ياخ ده بوست دسم عديل كده ...

باسطة حلوانى بحرى بس :D

يلا ياعمو فتحى انداح بالله

[عباس الشريف]

بالله البوست ده اتنكت من وين الله اجازيك يا سمراء كان ساهرتو بينا

[مجدي مسعد حنفي]

ياسلام عليكي ياسمراء تعرفي الحمدلله اني فتحت البوست دا
وانا قاعد براي في البيت عشان كان ممكن المره والاولاد يفتكروني
جنيت من الضحك الضحكتو وانا بقرا في النوادر مع اني قريتا قبل كدا
لكن الحكاوي فعلا غريبه ومضحكه بالجد وياريت فتحي يرجع يكمل باقي
الحكاوي لانها كتيره وممتعه فعلاً .

[معتصم الحارث الضوّي]

العزيز فتحي
غايتو لو جيت اسكندينافيا وما جيتنا في إنجلترا حأشن/نشن عليك حرب أهلية!
كلها فركة كعب فعليك الله ما تستكثرها علينا.

قلتَ إنك كنت ممنوع من دخول السودان بعد أحداث يوليو، معناها في زيارتك للمجر اتعرفت على ناس فضل الله ومأمون الحلفاوي وعباس.. إلخ الكانوا ضمن دفعة طلبة الطيران الحربي، وهي طبعا الدفعة المشئومة الرسلوا برقية تأييد لحركة هاشم العطا، وبعد عودة نميري الروس قاموا وزعوهم على الدول الإشتراكية، فكان نصيب المجر منهم السابقة أسماؤهم.

الله يرحم زمن الإشتراكية في المجر، فبدولار واحد كنا بنشتري ستة علب سجائر!
واصل يا سيدي

ما بعد الختام: مرطبات عبد القادر حاج السيد، ترزي الشقيقان، بار ويصة (رحمة الله على الأحياء والأموات منهم). ما ذكرياتك عن تلك الرموز الشخصية/المكانية؟

[فتحي مسعد حنفي]

العزيز فتحي
غايتو لو جيت اسكندينافيا وما جيتنا في إنجلترا حأشن/نشن عليك حرب أهلية!
كلها فركة كعب فعليك الله ما تستكثرها علينا.

قلتَ إنك كنت ممنوع من دخول السودان بعد أحداث يوليو، معناها في زيارتك للمجر اتعرفت على ناس فضل الله ومأمون الحلفاوي وعباس.. إلخ الكانوا ضمن دفعة طلبة الطيران الحربي، وهي طبعا الدفعة المشئومة الرسلوا برقية تأييد لحركة هاشم العطا، وبعد عودة نميري الروس قاموا وزعوهم على الدول الإشتراكية، فكان نصيب المجر منهم السابقة أسماؤهم.

الله يرحم زمن الإشتراكية في المجر، فبدولار واحد كنا بنشتري ستة علب سجائر!
واصل يا سيدي

ما بعد الختام: مرطبات عبد القادر حاج السيد، ترزي الشقيقان، بار ويصة (رحمة الله على الأحياء والأموات منهم). ما ذكرياتك عن تلك الرموز الشخصية/المكانية؟

كيف يامعتصم:confused:مجموعة قرقيزيا ديل كلهم أصحابي: دفع الله الدود وعباس أب قفيس ومأمون الحلفاوي والفاضل حرقاص وعلي النمس وعبد العظيم الحصان وحسن المصري وكل المجموعة الوقفت معاي في مدة التمانية شهور القعدتها في المجر بسبب ضربي لعسكري شرطة في بودابست سنة 1976.
شباب رائعين وعنوان مشرف للرجولة السودانية في أبهي صورها..
أما حكاية زيارتي لي انجلترا فدي اجبارية لوجود أختي في ابيجافيني بالقرب من كارديف ولازم أزورا كل ما أمشي أوروبا..

[رأفت ميلاد]

المشاركة الأصلية كتبت بواسطة فتحي مسعد حنفي http://sudanyat.org/vb/images/buttons/viewpost.gif (http://sudanyat.org/vb/showthread.php?p=145544#post145544)
يامجدي ياخوي الحكاية ما زهايمر لكن ضعف المتابعة والمشاركة بتحسس الزول بأنو فارض نفسو علي الناس بي كلام ما مفيد.. وبيجيب الاحباط ودي حاجة انت شخصيا اشتكيت منها قبل كدا.

يا توحة متابعين والله .. لكن أنت عارف الحالات الإنصرافية بتتوه البوستات .. يعنى لامن يجى زول يستفز الناس زى صاحبك الكوز ده .. بخلى الأعصاب مشدودة ..ويخلى الناس محصورة فى حتة واحدة ..
واصل ياخ .. والبوست ده كان نزل هسة .. يوم بعد ما الحالة تهدأ تلقى فيصل نكتو :)

[عثمان]

يا عم فتحي زعلاااان منك شديد أنا والله
يعني أنا كنت عامل مداخلة تمت ليها سنة
وما اشتغلت بي الشغلة وكنت خاتي طوبتي وقاااعد حارسك من زمان
لكن ولا هببتو لي ساي "هسي عشان سمراء ورأفت ميلاد نكتو ليك البوست يعني؟"

أصلو أنا من زمان في المنتدى ده حاسس بحكاية الشلالايات دي زولي أكون معاه ما زولي الله معاه

على العموم ربنا يديم عليك نعمة الصحة والعافية أنت وأسرتك
تحياتي/ عثمان الطيب

[فتحي مسعد حنفي]

يا عم فتحي زعلاااان منك شديد أنا والله
يعني أنا كنت عامل مداخلة تمت ليها سنة
وما اشتغلت بي الشغلة وكنت خاتي طوبتي وقاااعد حارسك من زمان
لكن ولا هببتو لي ساي "هسي عشان سمراء ورأفت ميلاد نكتو ليك البوست يعني؟"

أصلو أنا من زمان في المنتدى ده حاسس بحكاية الشلالايات دي زولي أكون معاه ما زولي الله معاه

على العموم ربنا يديم عليك نعمة الصحة والعافية أنت وأسرتك
تحياتي/ عثمان الطيب

شلاليات شنو ياعثمان؟ياخ أنا حلة الشلالية ذاتا ما قاعد أشقها عشان ديل ناس شرانيين بيتفقو عليك بالرطانة وتجي تلقي جاتك ضربة ما تعرفا من وين:D
هسة في ذمتك انت بتشبه سمراء عشان تخت روحك في مقارنة معاها:p:D
أما رأفت فدا زول احنا جاتنا أوامر نتعامل معاهو معاملة خاصة عشان ما دايرين مشاكل مع الأقباط..
يازول هو البوست دا أنا ذاتي نسيتو لو ما جا زول رجعو تاني..

[عثمان]

شلاليات شنو ياعثمان؟ياخ أنا حلة الشلالية ذاتا ما قاعد أشقها عشان ديل ناس شرانيين بيتفقو عليك بالرطانة وتجي تلقي جاتك ضربة ما تعرفا من وين:D
هسة في ذمتك انت بتشبه سمراء عشان تخت روحك في مقارنة معاها:p:D
أما رأفت فدا زول احنا جاتنا أوامر نتعامل معاهو معاملة خاصة عشان ما دايرين مشاكل مع الأقباط..
يازول هو البوست دا أنا ذاتي نسيتو لو ما جا زول رجعو تاني..

يا عم فتحي أنا آسف والله فعلاً أنا اتعمت إنو مداخلتي تكون خشنة معاك
لإنو إحساسي بيك إنك راجل أصيل وبتقدر

[فتحي مسعد حنفي]

يا عم فتحي أنا آسف والله فعلاً أنا اتعمت إنو مداخلتي تكون خشنة معاك
لإنو إحساسي بيك إنك راجل أصيل وبتقدر



أها وطلعت كيف:):o

[محمد معتصم فضل]

فضايح بي الجملة لكن
لكن يا جدودي ما خليتو لينا حاجة نعملا
الحمد لله عرفنا , عشان الواحد ما يخت نفسو في موقف بايخ ويحاول يعمل مفتح عليكم
لكم التحية والتجلي...
ومنتظرين ابداعاتكم .

[Hassan Farah]

اقتباس:
المشاركة الأصلية كتبت بواسطة فتحي مسعد حنفي http://sudanyat.org/vb/images/buttons/viewpost.gif (http://sudanyat.org/vb/showthread.php?p=333521#post333521)
شلاليات شنو ياعثمان؟ياخ أنا حلة الشلالية ذاتا ما قاعد أشقها عشان ديل ناس شرانيين بيتفقو عليك بالرطانة وتجي تلقي جاتك ضربة ما تعرفا من وين:D
هسة في ذمتك انت بتشبه سمراء عشان تخت روحك في مقارنة معاها:p:D
أما رأفت فدا زول احنا جاتنا أوامر نتعامل معاهو معاملة خاصة عشان ما دايرين مشاكل مع الأقباط..
يازول هو البوست دا أنا ذاتي نسيتو لو ما جا زول رجعو تاني..
-------------------------------
انت يا عجوز تلقاك مشيت تهبش فى حلة الشلالية.... وديك ناس وعرين .... وعندهم حاجات كدا حلا وحمار....تقابلك ( ف...) من الصباح حرم تلقى ريالتك تسيل وتتبهط فى مكانك وتنسى المشوار الماشى ليهو

[بدر الطائف]

واحد مسطول والجو حار شديد لقى ليهو زير موية فى الشارع حضنة وقال ليهو وييييييين يامرطب:D
اصطباحيه قلنا نمر ونسلم فى البوست اللذيذ ده..

[جيجي]

اصطباحيه قلنا نمر ونسلم فى البوست اللذيذ ده..:L خلاص ضميناك للهئية:)

[فتحي مسعد حنفي]

فضايح بي الجملة لكن
لكن يا جدودي ما خليتو لينا حاجة نعملا
الحمد لله عرفنا , عشان الواحد ما يخت نفسو في موقف بايخ ويحاول يعمل مفتح عليكم
لكم التحية والتجلي...
ومنتظرين ابداعاتكم .



يامحمد معتصم هسة الفضايح شن لزوما:confused: ياخ البوست دا اتنسي وأنا ذاتي نسيتو تقوم انت تجي تنكتو لينا من دهاليز التاريخ مالك ياخ.:eek:;)

[فتحي مسعد حنفي]

اقتباس:
المشاركة الأصلية كتبت بواسطة فتحي مسعد حنفي http://sudanyat.org/vb/images/buttons/viewpost.gif (http://sudanyat.org/vb/showthread.php?p=333521#post333521)
شلاليات شنو ياعثمان؟ياخ أنا حلة الشلالية ذاتا ما قاعد أشقها عشان ديل ناس شرانيين بيتفقو عليك بالرطانة وتجي تلقي جاتك ضربة ما تعرفا من وين:D
هسة في ذمتك انت بتشبه سمراء عشان تخت روحك في مقارنة معاها:p:D
أما رأفت فدا زول احنا جاتنا أوامر نتعامل معاهو معاملة خاصة عشان ما دايرين مشاكل مع الأقباط..
يازول هو البوست دا أنا ذاتي نسيتو لو ما جا زول رجعو تاني..
-------------------------------
انت يا عجوز تلقاك مشيت تهبش فى حلة الشلالية.... وديك ناس وعرين .... وعندهم حاجات كدا حلا وحمار....تقابلك ( ف...) من الصباح حرم تلقى ريالتك تسيل وتتبهط فى مكانك وتنسى المشوار الماشى ليهو


حلا آي لكن حمار دي واسعة شوية..الشلالية أصلهم من الشلال ربع ساعة من أسوان يعني نوبيين يبقي الحمار يجيبوهو من وين:confused::confused:

[Hassan Farah]

اقتباس:
المشاركة الأصلية كتبت بواسطة فتحي مسعد حنفي http://sudanyat.org/vb/images/buttons/viewpost.gif (http://sudanyat.org/vb/showthread.php?p=480434#post480434)

حلا آي لكن حمار دي واسعة شوية..الشلالية أصلهم من الشلال ربع ساعة من أسوان يعني نوبيين يبقي الحمار يجيبوهو من وين:confused::confused:
------------------------------
انت نسيت اخينا المرحوم عبدالله على عبدالله خريج موسكو

[فتحي مسعد حنفي]

اقتباس:
المشاركة الأصلية كتبت بواسطة فتحي مسعد حنفي http://sudanyat.org/vb/images/buttons/viewpost.gif (http://sudanyat.org/vb/showthread.php?p=480434#post480434)

حلا آي لكن حمار دي واسعة شوية..الشلالية أصلهم من الشلال ربع ساعة من أسوان يعني نوبيين يبقي الحمار يجيبوهو من وين:confused::confused:
------------------------------
انت نسيت اخينا المرحوم عبدالله على عبدالله خريج موسكو


أبداوالله ياحسن الاسم دا ما بتذكرو ويمكن كان شلالي يكون معروف في الحلة بي نك نيم..

[محمد معتصم فضل]

ههههههههههههههههههه
يا جدو فتحي ما تزعل كل القصة عندي كم جد لقيتم في الشلة
وياداب انا عرفتا ليه انا بريد امدرمان
خلي بالك الشغلة جينات
والله لمن اجي العباسية ولا العرضة بحس زي اني قاعد في بيتنا
لكن بي الجد ابداااااااااااااااااااع ومافي كلام
بي مناسبة جدو كوارع جدي وافتــــــــــــــــــــــــــــــــــــــخر .

[بله محمد الفاضل]

غلبني أقول حاجة جد
بوست يطشم بيك
ويقطع مصارينك
ويحلحل صواميلك
وايك وايك وايك


...

[فتحي مسعد حنفي]

ههههههههههههههههههه
يا جدو فتحي ما تزعل كل القصة عندي كم جد لقيتم في الشلة
وياداب انا عرفتا ليه انا بريد امدرمان
خلي بالك الشغلة جينات
والله لمن اجي العباسية ولا العرضة بحس زي اني قاعد في بيتنا
لكن بي الجد ابداااااااااااااااااااع ومافي كلام
بي مناسبة جدو كوارع جدي وافتــــــــــــــــــــــــــــــــــــــخر .

والله كان كوارع وعمر عبد المجيد جدودك تبقي انت ياولدي ملقط ساكت.هسة ديل ناس تفتخر بيهم:confused:يمين بالله ديل كان أخواني بتبرا منهم عديييييل. هي ناقصة رباطاب :D:D:p

[هشام ديدي]

شلاليات شنو ياعثمان؟ياخ أنا حلة الشلالية ذاتا ما قاعد أشقها عشان ديل ناس شرانيين بيتفقو عليك بالرطانة وتجي تلقي جاتك ضربة ما تعرفا من وين:D
هسة في ذمتك انت بتشبه سمراء عشان تخت روحك في مقارنة معاها:p:D
أما رأفت فدا زول احنا جاتنا أوامر نتعامل معاهو معاملة خاصة عشان ما دايرين مشاكل مع الأقباط..
يازول هو البوست دا أنا ذاتي نسيتو لو ما جا زول رجعو تاني..

يا عمنا سلام

الزوول عثمان قاصد شلليات ما شلاليه..بالمناسبه ديل نسب مع المريوماب حله حمد

وعم الشفيع السيد العمده مقبول متزوج شلاليه شقيقه المرحوم محمد خوجلي صالحين.

يا عمنا بالمناسبه انت من زمن الشفيع في حله حمد :D

والله مستمتع مع الكل بهذا السرد الجميل منك تحياتي

[محمد معتصم فضل]

ههههههههههههههههههههه
انا قمتا لقيتم اهلي وناسي
انتا الوداك عليهم شنو :D
ولا الطيور علي اشكالها ترك:confused::confused:

[فتحي مسعد حنفي]

يا عمنا سلام

الزوول عثمان قاصد شلليات ما شلاليه..بالمناسبه ديل نسب مع المريوماب حله حمد

وعم الشفيع السيد العمده مقبول متزوج شلاليه شقيقه المرحوم محمد خوجلي صالحين.

يا عمنا بالمناسبه انت من زمن الشفيع في حله حمد :D

والله مستمتع مع الكل بهذا السرد الجميل منك تحياتي

حكاية انو الشفيع متزوج شلالية دي أول مرة أسمع بيها..
في الحقيقة أنا دفعة المرحوم عمر السيد(شرشور) والشفيع أكبر مننا بي سنتين ودرسنا الثانوي سوا وبعدين هو مشي روسيا وأنا مشيت تشيكوسلوفاكيا الا أنه لم يوفق هناك فترك روسيا وجاء الي براغ وقعد معانا فترة ثم غادر الي الدنمارك القاعد فيها لغاية اليوم..لغاية الوقت داك الشفيع ما كان متزوج والوحيد الاتزوج كان المرحوم عمر الذي توفاه الله بعد شهور قليلة من زواجه ومحمد نور الأخ الأكبر مازال عازبا حتي اليوم وعلي توفي صغيرا وهو كما أظن دفعة طارق ديدي ويقال انه مات منتحرا في الدنمارك وان كنت أستبعد ذلك وهو ما أكده لي أيضا معاوية حسين ود ناس الصعيدي قريب المرحوم لول..ما تستغرب لمعرفتي بكل هذه التفاصيل ففي زمنا كان أي واحد من أولاد حلة حمد بيعرف ناس الحلة كلهم نساءا ورجالا صبيان وبنات وكانت الحلة عبارة عن أسرة كبيرة وأنا شخصيا كنت بعرف ناس حلتكم كلهم .زناس فيصل حسين وناس عزت وعصمت طاهر رمزي وكل آل أحمد كمال وبيت جدي كان لصق بيت ناس حمزة.

[اشرف السر]

سلام يا عم فتحي

بوست لذيذ جدا

ساهرت بينا ياخ

والظاهر نوعنا دا مخو خفيف
قراية ساي انصقعت



واصل...

[فتحي مسعد حنفي]

سلام يا عم فتحي

بوست لذيذ جدا

ساهرت بينا ياخ

والظاهر نوعنا دا مخو خفيف
قراية ساي انصقعت
واصل...

اتلع من دورك..في زول بمشي النخيل يكون راسو ومخو خفيف..سلم لي علي عمر صديق..:eek::confused::L

[اشرف السر]

سلم لي علي عمر صديق..:eek::confused::L

:D:D:D:D

يصل ان شاء الله

تصدق (انا) ما عارف بيتهم بي وين!!gapgap

[فتحي مسعد حنفي]

:D:D:D:D

يصل ان شاء الله

تصدق (انا) ما عارف بيتهم بي وين!!gapgap



أمشي المهندسين وأقيف في الزلط وكورك ياعمر صديق بجيك مارق ولا تمش:Dي النخيل وتسأل الشباب الهناك بدلوك.ولا أقول ليك أمشي أسأل ناس الأدب البتقعدو معاهم ممكن تلقاهو قاعد معاهم بيناقشوا في كتاب..:D

[هشام ديدي]

حكاية انو الشفيع متزوج شلالية دي أول مرة أسمع بيها..
في الحقيقة أنا دفعة المرحوم عمر السيد(شرشور) والشفيع أكبر مننا بي سنتين ودرسنا الثانوي سوا وبعدين هو مشي روسيا وأنا مشيت تشيكوسلوفاكيا الا أنه لم يوفق هناك فترك روسيا وجاء الي براغ وقعد معانا فترة ثم غادر الي الدنمارك القاعد فيها لغاية اليوم..لغاية الوقت داك الشفيع ما كان متزوج والوحيد الاتزوج كان المرحوم عمر الذي توفاه الله بعد شهور قليلة من زواجه ومحمد نور الأخ الأكبر مازال عازبا حتي اليوم وعلي توفي صغيرا وهو كما أظن دفعة طارق ديدي ويقال انه مات منتحرا في الدنمارك وان كنت أستبعد ذلك وهو ما أكده لي أيضا معاوية حسين ود ناس الصعيدي قريب المرحوم لول..ما تستغرب لمعرفتي بكل هذه التفاصيل ففي زمنا كان أي واحد من أولاد حلة حمد بيعرف ناس الحلة كلهم نساءا ورجالا صبيان وبنات وكانت الحلة عبارة عن أسرة كبيرة وأنا شخصيا كنت بعرف ناس حلتكم كلهم .زناس فيصل حسين وناس عزت وعصمت طاهر رمزي وكل آل أحمد كمال وبيت جدي كان لصق بيت ناس حمزة.

عم فتحي/السلام عليكو

الشفيع السيد عندو 3 اعمام اخوان ابوه لزم العمده مقبول الصديق هو احد اعمام
الشفيع والعمده مقبول الصديق متزوج شلاليه. ده القصد ما الشفيع:D
الشفيع علي ما اعتقد متزوج سويديه.
تحياتي

[فتحي مسعد حنفي]

عم فتحي/السلام عليكو

الشفيع السيد عندو 3 اعمام اخوان ابوه لزم العمده مقبول الصديق هو احد اعمام
الشفيع والعمده مقبول الصديق متزوج شلاليه. ده القصد ما الشفيع:D
الشفيع علي ما اعتقد متزوج سويديه.
تحياتي


صح أعمام الشفيع هم العمدة مقبول والمرحوم عبد الرحمن الصديق الحكم الدولي وأبو المعالي..ومقبول الصديق كان متزوج مريومابية ومرة في زعلة قام اتزوج بت ناس رستم وبعد فترة طلقا..

[هشام ديدي]

:D
صح أعمام الشفيع هم العمدة مقبول والمرحوم عبد الرحمن الصديق الحكم الدولي وأبو المعالي..ومقبول الصديق كان متزوج مريومابية ومرة في زعلة قام اتزوج بت ناس رستم وبعد فترة طلقا..

انت يا زوول خباراتك دي عجيبه..لكن احتراماتي

لكن ما كانت مريومابيه ..ولا من آآل رستم ....كانت ما كانت ....ومن بعدها ناسب

الشلاليه آآآل صالحين.انت قريب من بيتنا زمان :D غايتو جنس حنيه يا حنين وبعيد من بلدك:p

لكن ابعد من الشلاليه والشر زي ما بيؤلو:D

عمنا تصبح علي خير

[فتحي مسعد حنفي]

:D

انت يا زوول خباراتك دي عجيبه..لكن احتراماتي

لكن ما كانت مريومابيه ..ولا من آآل رستم ....كانت ما كانت ....ومن بعدها ناسب

الشلاليه آآآل صالحين.انت قريب من بيتنا زمان :D غايتو جنس حنيه يا حنين وبعيد من بلدك:p

لكن ابعد من الشلاليه والشر زي ما بيؤلو:D

عمنا تصبح علي خير

طبعا أنا ما مغالطك لكن فعلا لغاية ما أنا طلعت من السودان ما كان ناسب ناس خوجلي صالحين ودي أكيدة عشان محمود خوجلي صالحين الأخ الأصغر لمحمد كان صاحبي ولعبنا باسكت سوا في الكوكب وأكيد لو كنت في السودان كنت حضرت العرس..أنا قريب من بيوت حلة حمد كلها وبيت ناس صالحين كان في آخر صف في حلة الشلالية وفاتح علي السهلة أو ميدان الكورة الهسة بقي فيها الجامع يعني كان فاتح علي حلة خوجلي والقبة علي الشمال..

[هشام ديدي]

أيضا معاوية حسين ود ناس الصعيدي قريب المرحوم لول.........................


ياعمنا معاويه حسين ياتو معاويه شاموري ولا معاويه اصطباحيه:D

اسال سمير وهو يجاوبك احترامي

[هشام ديدي]

طبعا أنا ما مغالطك لكن فعلا لغاية ما أنا طلعت من السودان ما كان ناسب ناس خوجلي صالحين ودي أكيدة عشان محمود خوجلي صالحين الأخ الأصغر لمحمد كان صاحبي ولعبنا باسكت سوا في الكوكب وأكيد لو كنت في السودان كنت حضرت العرس..أنا قريب من بيوت حلة حمد كلها وبيت ناس صالحين كان في آخر صف في حلة الشلالية وفاتح علي السهلة أو ميدان الكورة الهسة بقي فيها الجامع يعني كان فاتح علي حلة خوجلي والقبة علي الشمال..

يا عمنا بارك الله فيك ومحمود صالحين يحتاج الدعاء من الجميع الان ..

وجزاك الله خير .

[فتحي مسعد حنفي]

أيضا معاوية حسين ود ناس الصعيدي قريب المرحوم لول.........................


ياعمنا معاويه حسين ياتو معاويه شاموري ولا معاويه اصطباحيه:D

اسال سمير وهو يجاوبك احترامي

معاوية ولد حسين بوب الساكنين في زقاق ناس رستم وأفتكر البعيو المكانيكي خالو.أما معاوية التاني أفتكر انت قاصد معاوية ولد حسين بتاع السمك أخو فيصل بتاع توزيع الأدوية..
سمير اليومين ديل طوالي في مركب الريس رمضان..
مالو محمود خوجلي؟أنا ما سمعت عنو حاجة من السبعينات..

[بله محمد الفاضل]

غلبني أقول حاجة جد
بوست يطشم بيك
ويقطع مصارينك
ويحلحل صواميلك
وايك وايك وايك


...

فطونا فطونا
وديل فاتوا خلونا



أداء:
سلمى كروباويgap


أوعى يا بابكر تديني كوتة زائدةlooool

[رأفت ميلاد]

بوست الأجيال

حقو أى زول يسجل فى سودانيات .. يكون من شروط قبول العضوية قراية البوست ده .. عشان يدخل على مسؤليته :D:D

[فتحي مسعد حنفي]

بوست الأجيال

حقو أى زول يسجل فى سودانيات .. يكون من شروط قبول العضوية قراية البوست ده .. عشان يدخل على مسؤليته :D:D


تصدق يارأفت أنا لامن أقرا الكلام دا بستغرب وبقول معقول الكلام دا كلو أنا شاركت فيهو ولسة حي؟الظاهر انو فعلا عمر الشقي بقي..