عوض بابكر معتق كحقيبة فننا

[ناصر يوسف]

جلسن شوف يا حلاتن
صباح الجمعة من كل أسبوع يكون قش الحوش ورشه بالمويه ونضافة الراديو وده كلو عشانك يا عوض بابكر وعشان ندخل في غيبوبة الفرح الجميل و نكون في محراب (حقيبة الفن) ...

عوض بابكر الذي أعرف

منذ ولوجنا (للحيشان التلاته) الإذاعه / التلفزيون / المسرح ... ونحن صغارا بعد وجدناه أمامنا بكل حيويته وأريحيته هذا العوض بابكر ... فنان صقلته الإذاعة السودانية ، ولدته هذه الإذاعة واحتضنته بكل حنانها وأرضعته من ثدي الفنون والثقافة التي كانت عليها الإذاعة حينها .. في الحوش الأول تجده عوض بابكر بقفشاته وإستمتاعه بمرور بادي محمد الطيب .. وبمجرد رؤيته لهذا الفارع فنا (بادي) تجده يناديه وبأعلي صوته [ بادي بادي هوي ... أقيف يا زول ] وحينها كنا نلملم أنفسنا متجهين صوب الكافتيريا وتحت شجيرات النيمات الوارفات (تم إعدام كل أشجار الإذاعة الآن) وسبب توجهنا صوب مكان وجود عوض بابكر هو أننا موعودن بجلسة تسامر نهارية بكافتيريا الإذاعة ومع من ؟ مع قامتين هما عوض بابكر وبادي محمد الطيب فيطيب يومنا بسبب هذا التوالف الفني الدقيق الرقيق الذي يسكن دواخلنا العطشي لكل ماهو أصيل وجيد من بحور فننا السوداني العتيق..
في الحوش الثاني (المسرح القومي بأمدرمان) تجده مع عم خالد وفتة العدس الرهيبة أو القرقور والمشهر بهما العم خالد تجده عوض بابكر يطلق قفشاته الحلوة المذاق وبجرأة لسانه المتبري منه وهو في مجادعات مع بريش (صالح الأمين )أو جمال حسن سعيد أو حاكم سلمان أو .... ونذداد إلتصاقا حينها بالفن وتسمو نفوسنا حبا فيه وحبا في الحيشان التلاته...
في الحوش التالت (التلفزيون) تجده مشدودا بعض الشئ فعوض بابكر لا يكن للتلفزيون ذاك الحب وذاك العشق الدفين لمحبوبته الأولي الإذاعة السودانية ولا لحبه للمسرح القومي بمن فيه من أحبابه ..
عوض بابكر علمنا ونحن في بادئ أيامنا في الإذاعة السودانية أن نتعامل مع الأشياء ومع الدنيا بكل الوضوح وأن لا نخنق لساننا في قول كل شئ وأمام أي أحد حتي ولو كان المدير العام نفسه .. وكان الصدق هو الذي تربينا عليه في الإذاعة السودانية وبسبب عوض بابكر هذا الفنان ..

عوض بابكر الذي أعرف
معد برامج من الطراز الأول
مقدم برامج من الطراز الأول
عازف عود من الطراز الأول
عازف كمان من الطراز الأول
مغني من الطراز الممتاز فوق الأول ...

هل سمعتموهو يغني يوما ؟ ولمن يغني ؟ هل سمعه أحدكم وهو يغني للراحل المقيم (خضر بشير) ؟؟؟؟؟ شئ من الخرافة ما كنت أحسه وأشعر به عندما يغني عوض بابكر أي أغنية لخضر بشير .. إنه يهوم بك في عوالم جد بعيدة عن واقع الحال هناك حيث السمو الروحي بكل الألق ...
هو ذا عوض بابكر الذي أعرف
رجل بحجم الفرح

وأدعوكم بكل الحب وأقول لكم :


قشوا الحوش ورشوهو بالمويه ولمعوا الراديو عشان يوم الجمعه عازمكم لمتابعة (حقيبة الفن)

[أبو الحُسين]

جلسن شوف يا حلاتن
عوض بابكر هذا الفنان ..

عوض بابكر الذي أعرف
معد برامج من الطراز الأول
مقدم برامج من الطراز الأول
عازف عود من الطراز الأول
عازف كمان من الطراز الأول
مغني من الطراز الممتاز فوق الأول ...

وأدعوكم بكل الحب وأقول لكم :


قشوا الحوش ورشوهو بالمويه ولمعوا الراديو عشان يوم الجمعه عازمكم لمتابعة (حقيبة الفن)


الغالي جداً ناصر يوسف...

حقيقة ما قلته عن هذا العملاق العوض البابكر... جزء بسيط جداً عن ما يحويه هذا القامة من ألق وجمال... فهذا العوض بابكر هو مدرسة متفردة من المدارس النادرة التي يعجز اللسان عن وصفها...

لكن وكما قلت لنا وتلبيةً لعيزومتك المحببة...
أها ... رشينا الراكوبة... وملينا الأزيار من أمبارح صاااااااااااااااقطي واتحكرنا فوق العنيقريبات الهبابية ومتظرنك يا الساعة حداشر تجي وتجينا يا حقيبة الفن...

لك وللغالي عوض بابكر ودي كله بلا حدود... وأرجو أن توسع الفكرة شوية...

أبو الحســـــــين....

[ناصر يوسف]

الحبيب أبو الحسين
حبابك مليون في هذا العشق الفني لهذا الهرم الإعلامي الفني الكبير عوض بابكر ولعلي فقط وددت لو أفتح باب التداخل للذين يعرفون عوض بابكر أكثر مني .. ولكم وعد بجراء حوار متكامل معه هذا العوض بابكر من أجل سودانيات . والدعوة لك أخي أبو الحسين ولكم جميعا وقبل جلوسي في حضرته إن كانت لديكم أي أسألة للقامة عوض بابكر (مالك خزان حقيبة الفن)

[دي مابيور]

العزيز ناصر
سلام
أهجت فيّ ذكريات إلي تلك الديار . . أم درمان .. ذكري تحمل عبق
حي اب روف ود اللّدر , ( فريق ) محمد بشير عتيق وخالد ابو الروس .
ساعدني الحظ لحضور كثير من الجلسات التي درج عوض بابكر علي إقامتها مع أصدقائه
من ام درمان , بمنزل الأخ ياسر يوسف كان يجئ من شمبات مع صديقه المرحوم عوض حبيب ,
ابن حبيب صاحب الطرمبه المشهوره بإسمه في بحري وهو أيضاً من أبناء شمبات وكان إدارياً بنادي التحرير .
أذكر واحده من هذه الجلسات ضمت معهم الفنان بادي محمد الطيب والمكاشفي , إبن الفنان خضر بشير ,
الفنان عاصم البنّا والفنان أحمد شاويش ..فتصور روعة المشهد .
عوض بابكر متمكن وتحصيله الأكاديمي الفني اضاف الي موهبته الكثير ,يميزه حضو ر قوي.
يا ناصر يا ريت لو تدعوه لحوار حول الحقيبه هنا ,
الزول ده موقعها وعنده فيها نضم سمح .
ودي

[معتصم الطاهر]

ناصر
سلام
يعرف الافاضل الأفاضل

والفنانون الفنانين

ويا سلام على عوض ..

مرجع و باحث ..

[ناصر يوسف]

العزيز ناصر
سلام
أهجت فيّ ذكريات إلي تلك الديار . . أم درمان .. ذكري تحمل عبق
حي اب روف ود اللّدر , ( فريق ) محمد بشير عتيق وخالد ابو الروس .
ساعدني الحظ لحضور كثير من الجلسات التي درج عوض بابكر علي إقامتها مع أصدقائه
من ام درمان , بمنزل الأخ ياسر يوسف كان يجئ من شمبات مع صديقه المرحوم عوض حبيب ,
ابن حبيب صاحب الطرمبه المشهوره بإسمه في بحري وهو أيضاً من أبناء شمبات وكان إدارياً بنادي التحرير .
أذكر واحده من هذه الجلسات ضمت معهم الفنان بادي محمد الطيب والمكاشفي , إبن الفنان خضر بشير ,
الفنان عاصم البنّا والفنان أحمد شاويش ..فتصور روعة المشهد .
عوض بابكر متمكن وتحصيله الأكاديمي الفني اضاف الي موهبته الكثير ,يميزه حضو ر قوي.
يا ناصر يا ريت لو تدعوه لحوار حول الحقيبه هنا ,
الزول ده موقعها وعنده فيها نضم سمح .
ودي

ــــــــــــــــــــــــــــــــــــــــــــــــــ ــ

العزيز دي مابيور

شكرا لمرورك وتعليقك المتميز . وشخص مثلك قد شهد تلك الجلسات وبصحبة ما ذكرت من أسماء ... فوالله لهو من المحظوظين لأنهم شهدوا من الزمن الجميل أجمله ونهلوا منه أحلي ما يمكن للإنسان أن ينهله من زمنه .. فهنيئا لك بتلك الذكريات الباقيات في دواخلك لتكون لك بمثابة البلسم الشافي ضد كل المواجع التي قد تعتريك يوما ما وحفظك الله من كل المواجع أيها الجميل النبيل ..
تشكراتي التريانات بالحيل.

[أبومناهل]

العزيز / ناصر يوسف
تسلم يالطيب بسيرة الطيبين ... عوض بابكر أعجب بفن الحقيبة فبذل جهده من أجل توثيقها وأفنى زهرة أيامه في التنقيب عنها وعن خباياها ... يعجبني جداً لأنه ملم بكل جوانب هذا الحقبة التاريخية من فننا الراقي ... أتابع برامجه المميزه في ألإذاعة والتلفزيون والبرامج التي يكون ضيفاً فيها لما في حديثه من روعة وسلاسة ومزج بين المتعة والفائدة... ما يذكر طرف من أغنية إلا وتجده يعرف شاعرها وملحنها والمناسبة التي قيلت فيها وأول مرة تم تسجيلها فيه و ... و ... وزخم من المعلومات لا تجدها إلا عنده ... عوض من الدرر القليلة المتبقية في حوش الإذاعة والتلفزيون والتي أثرت وجداننا .
ولك تحية خاصة عزيزي ناصر لأنك أتحت لنا فرصة لأن نقول قليل من كثير في حق هذا المبدع ... وأحيي لفتتك البارعة لتسليط الضوء على هذا المبدع ... وفعلاً كما قال أستاذنا المهندس معتصم الطاهر ... يعرف الأفاضل الأفاضل والفنانون الفنانون ... تسلم يالغالي

[ناصر يوسف]

ود الطاهر إليك مني بعض التشكرات والإحترامات فمثلك كالعوض البابكر معدن كما الذهب الخالص لا يصدأ..
شكرا وتاني برضو شكرا يعني شكرنين أتنينينك .... كما كنا نجمع العربية ونحن صغارا بعد .
لك الحب

[ناصر يوسف]

سيدي أبو مناهل
مذ عرفت قلمك أحسست بشئ في داخلي يدندن بعضا من حروف المد الفني العتيق .. وشهادتك في حق مالك خزان الحقيبة عوض بابكر شئ من لدنك وقلمك المطواع لكل ما هو جميل .. حياك الله وأهداك ورود الإبتسامات علي بابك كل صبح ومساء ..
وتحياتي لكل بورداب الرياض (ما بين العليا والملك فهد ومنفوحة التي كما أمدرمان و ... وكل أحياء الرياض بكل بهائها وجمال عمرانها وحميمية اللقاء بين السودانيين هناك .)حفظكم الله وسدد خطاكم هناك ..
تشكراتي التريانات بالحيل

[فيصل سعد]

التحية للاستاذ / عوض بابكر الاعلامي الفذ و الرجل الكنز العارف و العالم بحقيبة الفن ثراثا و معنى و جمال و مسيرة و الذي جمل وجداننا بسرده الحميم و تقديمة الناجح اذاعيا و تلفزيونيا.

http://www.l44l.com/up/uploads/29842adfea.jpg (http://www.l44l.com/up)

[فيصل سعد]

WIDTH=400 HEIGHT=350

[ناصر يوسف]

[color=#FF0000]فيصل يا بن سعد


شكراً جزيلاً لإثراءك هذا البوست المدفون

يا ملك الــ (بِحيت ونكيت المدفون) [ /color]

[فيصل سعد]

[color=#FF0000]فيصل يا بن سعد


شكراً جزيلاً لإثراءك هذا البوست المدفون

يا ملك الــ (بِحيت ونكيت المدفون) [ /color]

لا شكر على واجب حبيبنا ابو رحيق
منتظرين حوارك مع هاشم بعد يرجع من الدوحة..

[سمراء]

فووووووووق ....
من اجل عوض بابكر الزول المليان حكى حقيبة
لننهل من ذلك النهر
ناصر عارفه راسك بقى اخير منو راسى ده
بس اجتهد واصل
وبطل السفسفة الانت فيها دى
حق راسك كلو وقع فى كرشتك ياخ :D

[ناصر يوسف]

فووووووووق ....
من اجل عوض بابكر الزول المليان حكى حقيبة
لننهل من ذلك النهر
ناصر عارفه راسك بقى اخير منو راسى ده
بس اجتهد واصل
وبطل السفسفة الانت فيها دى
حق راسك كلو وقع فى كرشتك ياخ :D



حولااااااااااااااااااااااا

بالله إنتي كمان لحقتي الحبيب فيصل سعد ؟؟؟


إنَّا لله ياخ

قابلت الزول الجميل عوض بابكر قبل أيام وتناقشنا في أمر الفنان الراقي جداً

أحمد هاشم

ويا ريت لو المزاج يروق يا سمراء ويا فيصل سعد حتي نعود لمثل هذه الفلتات الفنية

حواراً ونقداً وطرحاً يُفيد الناس

شكراً ليكي يا سمراء فلقد أوقدتي في داخلي بعضاً من أشياء وقد ماتت بفعل القرف العام الذي ظل يطوقني ويطوق أبناء السودان الحبيب

[عثمان]

يا سمراء أنا بضم صوتك ليكي
ومشكورة جداً على مجهودك المقدر
وقدرتي تنكتي لينا بوست زي ده
ياناصر ياخي أنا أول ما أسمع أو أشوف
صورة الأستاذ "عوض بابكر" في إذاعة
تلفزيون جريدة تلقاني طاير وراه ياخي ده
راجل تريان جمال
يا ناصر يوسف قبل فترة شاهدتك في التلفزيون القومي
في ملتقى أظنو فني ثقافي أفرحتني جداً والله
بس بالله بطل كسل:)

[ناصر يوسف]

يا سمراء أنا بضم صوتك ليكي
ومشكورة جداً على مجهودك المقدر
وقدرتي تنكتي لينا بوست زي ده
ياناصر ياخي أنا أول ما أسمع أو أشوف
صورة الأستاذ "عوض بابكر" في إذاعة
تلفزيون جريدة تلقاني طاير وراه ياخي ده
راجل تريان جمال
يا ناصر يوسف قبل فترة شاهدتك في التلفزيون القومي
في ملتقى أظنو فني ثقافي أفرحتني جداً والله
بس بالله بطل كسل:)


عثمان

تحية ندية وشوق

عوض بابكر نوع من البشر يأسرك غصباً عنك

وعوض إنسان بحجم وعمق الإنسانية

عوض بابكر زول منتمي للبيت الكبير ( الإذاعة السودانية الأم )

مستحيل ما يجي علي الحوش الكبير ده يومييييييييييياً

لكم أُحبه هذا الرجل الأمَه عوض بابكر ولكم أجله وأحترمه

بالنسبة لي أنا يا عثمان ... ماااااااا خلاص ..

إنتهت الرواية وأُغلقت الحكاية

ختيت في بكاني طوبة إلي حين ....

بس متين يحين الحين ده ؟؟؟ علموا عند الله ;) ;) ;)

[ناصر يوسف]

عوض بابكر أفضل من يتحدث عن الراحل المقيم فينا بفنه وأدبه الصوفي الرصين

شيخي خضر بشير رضي الله عنه وأرضاه وأسكنه فسيح جناته

إليكم هذا الإهداء

خضر بشير ( كيف يجهلوك )

http://www.youtube.com/watch?v=6zg9px4psTQ