ياااااااااااااااااااهو .... حسب الله جا .... احتفلوا مع ملكة هناي

[ملكة سبأ]

قبل شوية كان حايم في حارات الانترنت ...

لمحتو وانا مستعجلة ...

أظنو كدا زي الجا خلاص !! ...

ابقو عليهو عشرة .. لمن أجي بعد بكرة ...

كان جيت لقيتكم ما مسكتوه وضبحتو ليهو الله قال بي قولكم ...

- معتصم الطاهر رئيس لجنة الضيافة - شد حيلك

- ياخال جيب الحبش :D

- وعكود واهله مايخلو ليهم طنبور حايم

- وعمك تنقو نخليها على ذوقك

- ناس العالم وعالم والشقليني والمطر يجو يطرزو الحوش دا بالحروف ...

- يلا يا بنيات كلكلن معزومات للربة ....

معليش مستعجلللللة والله لكن اي زول القي مادخل يده هنا يشيل شيلته ..

زرزور المدين ارح ....

[خالد الحاج]

- ياخال جيب الحبش :D

:o :o :o

ألف ألف مرحب بالعودة الميمونة

وبجي راجع أخت أغنية هنا

يعني بالعربي (حاااااااااااااااااااجز) :D

[dayami]

اها ي ا الملكة طنبورنا بدا ووسعنا الدايره



يا المشتهِنَّك وفي غيابك بالنا بيك ضُمَّة انشغل

النوم وراك يبقالنا شر .. فارق عيونَّا ، خلاص رحل

ضايقين متين ترجع تعود .. نسأل ، متين قطرك يصل

حارسين شويفعنا البجيب لينا البشارة يجيب أمل

يجري ويناهد من بعيد .. شايِلُّو شنطة ، وبي عَجَل

يفرح يقول .. خلّيتو جايي وراي يسالم في الأهل

والساعة ديك عاد البلد تنجارا قاصداك يا السَّمِح

الناس توسوس لي بعض .. يي داك وصل .. واللهِ صِح

حتى اللِّي كان محزون وباكي الليلة عاد هشَّ وفِرِح

في يوم رجوعك يا حِبَيِّب روحنا تب يبرا الجَّرِح

الساقي بعد العنكبوت الفوق حِطيبا خلاص بنى

بعد الكآبة ومسحة الحزن العليها مهيمنة

مرقت تلاقيك زي عروس متعطِّرة ومتزيِّنة

جدولنا من بعد اليباس الكان موجِّع تقْنَتُو

بعد السنين العاشا في بُعدك بيكتم أنَّتو

بعد العذاب الفي غيابك كان يزيد لي محنتو

بلقاك فِرِح .. جاك زي عريس يادوب جديد بي حِنَّتو

القمري من بعد الألم والحسرة والنوح والجراح

بعد الدموع السايلة دايماً وعمرو في كفكيفا راح

في يوم رجوعك جفنو من بعد السهر دابو استراح

فوق السبيط زوزا ورقص .. طربان يزغرد للصباح

رسَّل غنيواتاً حُنان .. في روعة صفَّق بالجناح

أوتار طنابيرنا الأبت يا حِبِّي في غيبتك ترن

حلفت محال ما تجيب نغم .. يفرِح قلوبنا ويسعِدِن

عادت هي متل ايام زمان تشرح نفوسنا وتبهِجِن

[Dr. Mohammed Hassan]

بسم الله الرحمن الرحيم

(معليش مستعجلللللة والله لكن اي زول القي مادخل يده هنا يشيل شيلته ..)

ما معزومين
وما خايفين
بس عندنا زوق
تحايا وود

[معتصم الطاهر]

الملكة

وجبنا كل الحلاوة ( نعم ما قدر الضيف ولا الملكة ولا هناى)
لكن
طلباتك أوامر
مع انو طلباتك بقت بالترهيب الحبيب ..

متاكاة الباب
عندى مداخلة كدى فتحتى ليها ؟؟
شنو يعنى
نظام تقل ..!!
http://sudaniyat.net/vb/showthread.php?t=895&page=3

[أماني]

الملكه حبابك وحباب حسب الله
والله انا جيت خايفه من التهديد
وكمان قلت اقدم السبت يمكن نجيكم فى الاجازة وتقومو تفتحو لينا

[3mk-Tango]

الملكة اكيد تقديم لمن يستحق التقديم وكل البجي من طرفك دربو وردي ..

انا علي البساط الاحمر والتدريب علي الرقصات ..

حبابو الف حسب الله وكلنا في الانتظار ..

[ملكة سبأ]

وبجي راجع أخت أغنية هنا

قبل كدا ياخال لحق الزول دا الباص ويرد

لانو بيشابي ببرة

الصقت يا خااااال :D :D

[ملكة سبأ]

اها ي ا الملكة طنبورنا بدا ووسعنا الدايره

وابشر بالخير يا dayami

[ملكة سبأ]

ما معزومين
وما خايفين
بس عندنا زوق
تحايا وود

د. محمد حسن منو قال ما معزومين ؟

اها النقول ليك انت اول المعزومين

وعندكم ذوق دي قطع شك

والله زي ماقلت كنت مستجلة والدعوة للإحتفال لكل الأعزاء هنا

[ملكة سبأ]

مع انو طلباتك بقت بالترهيب الحبيب

:D

عالم ماتجيش الا بالترهيب !!

وشكرا على حلاوة الوصل وليك تحايا هناي لمن يجي

اما عن المداخلة بالجد كانت فايتة على .. وحاجيك فيها ....

[محمد كبر]

ســــنة..!!
يعــــني أنا ، ممــــكن أجي هــــنا ...!!

[قوت القلوب]

الملكة صاحبة الجلالة والمقام الرفيع

مرحبتين حبابو
دا اليوم السعيد الليلة جابو

وبعد الغياب
نضبح
ودا ك يا الشربوت

والشيات عجاجا يلوي
الف حمد على سلامة صاحب الجلالة هناي

[محمد كبر]

صـــديقتي مــلكة ســــبأ..( ولا نقــول بغيرها ، لأن صديقي معتصم الطاهر مشـــنق طاقية في معية صديقي خالد الحاج.. و صديقي عكــود .. و هم في قمة الصفاء .. يمتطون صفقة.. و دندنة تليق بكل بالضيوف.. و تحت تحت معتصم يتأبط فرحا و مكاواة في اٍنتظار هنــاي ، أو كما قال)..
كل سنة و اٍنتي طيبة .. و الجميع .. بخير ..

عفوا لهذه الشـــلاقة .. و هي أشبه بالمتاوقة التي لمتك في الحايم في النت .. و لكني سعيد لأني بعد جهد تذكرت أسرار الدخــول.. و قلت بالمرة في جاه الملوك نلوك .. و نصبت من نفسي محتفى به في هذه الساحة .. شفتوا قوة العين دي كيف..!!

[محمد كبر]

صــــديقتي قـــوت القـــلوب.. حبـــابك

كل سنة و انتي ســـعيدة .. و قــوت للســـنابل الأيقــونات..


و بعـــدها ..
كنت خاطيك واحدة من دفاعاتي الترسانية في مواجهة ناس واحدين كده..
لكن اللــه غالب .. !!

وينك يا تمبس ..؟

أهــا .. كن طلع ما هــو؟ ..غايتو أنا علي بالشــربوت .. و التكـــاي كمان..

شكرا يا صديقة ..

[الطيب بشير]

مرحبتين حباب هناي و الملكة
و ألفين زايدة حبة ع شان الرائع محمد كـبـر
و منورين بالحـيل..

[محمد كبر]

صـــديقي الطيب..يا طيب..حبابك

كل الأماني الممكنة.. و كل الفرح اليغشاك و الأسرة .. و كل سنة و انت بخير يا حبيب

شكرا على المطايبة ..

[haneena]

أخييييييييييييرآ
وصل حسب الله و مزيكته!!!
حباب صديقي كبر...
ما كنا راجين من زمان و كلمة السر رسلناها لينا شهور

حمد الله علي السلامة و كل سنة و إنت و الأسرة بكل خير وعافية
تحياتي لهن جميعآ

[محمد كبر]

صــديقتي حنـــينة.. حبابك
كل سنة و انتي بخير..
شكرا على المطايبة و المســاعدة..

اللــه يقدرني .. أبقى حسب اللــه ذاتو..

[ملكة سبأ]

وسنة يا انا

انت هنا ؟


وسلام كبيييييييير لصديقنا منقو :cool:

اقصد مرسي والشوق ود الكلب

محمد النور كبر

منور سودانيات والحلاّل الجنبها

وبقوة عين نحن برضو نقول ليك عليك دين كبييير ... اتفضل احضر الحفلة دي وانصرف لتسديده

وعوّض غيابك بالحضور المكثف ولمدة مانروى من صبيب قلمك

تأبيدة مش ؟

نحن في الإنتظار ..

[ملكة سبأ]

الملكه حبابك وحباب حسب الله
والله انا جيت خايفه من التهديد
وكمان قلت اقدم السبت يمكن نجيكم فى الاجازة وتقومو تفتحو لينا

ام جعفر العزيزة

افتح ليكم دا كلام !
افتح ليكم يا سلام !

وهو نحن بنقدر يا .. ولا لاقنكم ؟!

التحايا والسلام ليك يأماني ولناس سرورة العسل

[ملكة سبأ]

الملكة اكيد تقديم لمن يستحق التقديم

عمك تنقو

اها لقيتني كيف ؟ يستحق ولا أكتر ؟
حبابو الف حسب الله وكلنا في الانتظار ..

سامع يا حسب الله ؟

[haneena]

ملكة سبأ
نسيت أسلم
مبروك الوصول و ليك الحلاوة علي البشارة

الإمضاء
زرزور المدين

[ملكة سبأ]

صــــديقتي قـــوت القـــلوب.. حبـــابك

كل سنة و انتي ســـعيدة .. و قــوت للســـنابل الأيقــونات..

أو كما قال صديقنا كبر

ومعتمدين عليك في الشربوت الما خمج

[ملكة سبأ]

و ألفين زايدة حبة ع شان الرائع محمد كـبـر
و منورين بالحـيل..

وزدتنا نور الطيب بشير

وبالمناسبة يا كبر الزول دا جابو ليه بنية

وبالمناسبة برضو مبروكة انشاء الله

وان كانت متأخرة :(

[ملكة سبأ]

ملكة سبأ
نسيت أسلم




دا كلام ؟ :(
المهم

بكرة وبعده وبعده إجازة الحكومة

الاربع والخميس اذن

لكن خلي لينا الحلاوة لحدي يوم السبت

[Osman Hamad]

ملكة سبأ
انا جابنى الهرِش ;)

ومرحب بحسب الله الهرشونا عشانو ;)

[عكــود]

الملكة،
كنت محضّر طنابيري وراجي حسب الله ..
لكن هسّع لمّيتن علي ..
فالترحيب بالعزيز كبر ..
يستوجب الإحتفال بفرقة ماسيّة ..
ولا أريد أن أعاشي بالبليلة،

نوّرتنا وشرّفتنا يا
كبــــــــــــر ..
فاقدل بيننا،

عكــود

[محمد كبر]

صــديقي عثمان حمد .. حبــابك
اللـــه ما جاب العين الحمرا يا صديق ..
كن على السوط .. أنا ح أقطعو و ادسو..
كتر خيرك

[محمد كبر]

صــديقي عكــود.. حبــابك
عارف يا عكود.. حبوبتي أم سماح أم عسكرية .. كانت تحلف بتربة ابوها نصر السكران ( سكران بالشجاعة) انو البليلة (تحديدا بليلة الدخن )هي قدح النبي .. و لمن نقول ليها.. أرض النبي ما هي أرض دخن.. تقول لينا امشوا يا عيال الكرملين..!!
كتر خيرك على الترحيب الجميل ..
و الله يجيبك يا حسب اللــه

[خالد الحاج]

صديقي الجميل كبر
حقيقي مشتهنك...
وحقيقي بالنا بيك ضمه إنشغل...
والأغنية دي إهداء مني ليك ولي ملكة هناي...

http://sudaniyat.net/Agani/moshtahinak.ra

[المجدلية]

يا خال

إنت مش قلت حاجز في الصفحة الأولى :)
شنو الاحتلال الموسيقي دا
بلاي شيل غنيتك دي ختها هناك
خلينا نهجج برانا هنا :D


ملكة سبأ
أنا جيت عشان أحتفل معاك وأسلم على
حسب الله
متأخرة لكن معليش ;)


العزيز محمد كبر
مليون مرحب بيك وطال بينا النوى

WIDTH=500 HEIGHT=350

[محمد كبر]

صديقي خالد الحاج.. حبابك
كتر خيرك على الترحيب .. و النغم الحميم..
و..
كل شوق و انت طيب ..

[محمد كبر]

صديقتي المجدلية.. حبابك
بالجد بطاقاتك .. تشهي الواحد الغياب من تاني ( رغبة غريبة مش؟)..
كتر خيرك ..على الترحيب بالعودة..
أما البطاقة.. غلبني أقول عنها..
و كتر خير القال ( نزار قباني)..
الصمت في حرم الجمال جمال..

و الله يكتر الجميل .. البخليك تبقى في ذات نفسك جمال.. أو كما قال..
شكرا..

[ملكة سبأ]

سلامات حسب الله وضيوفه الكرام