المساعد الشخصي الرقمي

مشاهدة النسخة كاملة : ضيف على مائدة سودانيات ...! - 22 - Hassan Farah


الصفحات : [1] 2 3 4 5 6 7 8

أبو أماني
27-07-2009, 06:38 PM
gooodأحبائي الأعزاء ..
أحباء سودانيات .. لكم صادق الود والتحايا القلبية .. حقا قد سرني وأثلج صدري عمق صداقتي بكم ذهاء ما يقارب السنة أو يزيد .. قضيتها بينكم في سعادة وحبور .. وأحسست وأنا بينكم وبكم بدفء الأسرة وأحلى وشائج الإخاء والمحبة .. حيث صرتم بالنسبة لي كأفراد أسرتي رحما بل أكثر من ذلك..بحيث أقضي الساعات الطوال في رحابكم المرحة العامرة قبل وأكثر مما أقضيه مع أسرتي .. فلكم الشكر على ما وهبتموني من حب صادق إمتزج في شراييني وصار يغزو القلب ويعمر غرفه الأربع ويهرب ليعود ثانية ليمدني بالحياة .

فكرت مليئا في شكل مستقبل علاقة كل سوداني في سودانيات بالآخر! وهالني أن تكون علاقة صادقة حميمة كهذه عرضة للعيش والعمران طويلا عبر الفضاء الإسفيري والعالم الأثيري ..! وتصورت حياة شخوصها في اللاشئ وفنائهم في اللاشئ ..تماما كما يحدث يوميا بالنسبة لممثلين وممثلات نشاهدهم عبر الشاشات البيضاء والبلورية .. نعايشهم ونعاصرهم ثم يتلاشوا في اللاشئ حقيقي حزت في نفسي هذه الخاطرة .. وفكرت ثانية !..

أضع بين أياديكم عتبة أولي لتجسيد علاقة كل منا بالآخر .. وهو بوستر تتم استضافة عضو فيه ليكون مصدر حوار تعارفي يحكي لنا ما عن له أن يرويه عن نفسه فنزداد قربا منه أكثر وأكثر ومعرفة به وثيقة أكثر .. نعرف موقعه الحالي .. رقم موبايله .. عدد أفراد أسرته .. طموحاته الآنية والمستقبلية .. بعض مشاكله الخاصة التي يمكن الخوض فيها .. والمشاركة في علاجها بعض الجوانب المضيئة من حياته الماضية والتي يحلو له الخوض فيها مع الأحباء .. الخ ..

إن راقت لكم فكرتي هذه فأقترح أن يقوم كل ضيف حل بالبوستر في نهاية حلقته بترشيح من يحل بعده ضيفا على مننتسبي سودانيات .. وهكذا دواليك .. تبقى المعضلة في إختيار عضو الشرف الأول .. وأقترح أيضا أن يقوم صاحب البوستر بإختياره .. درج كبارنا على إختيار كبير القوم ليتولى ضربة البداية في كل مشروع أو عمل .. وحيث أن مجتمع سودانيات يحفل بالكبار شكلا وموضوعا وليس من بينهم من يتفضل على الآخر .. فأسمحوا لي أن أختار أكبر الأعضاء (سنا) .. فليكن ضيف الحلقة الأولى العميد الأستاذ :-

:Dخـــالـــد الحــــاج:confused:
مساهمتي الأولي معه المطالبة بنبذة صغيرة عن عميدنا والبطاقة الشخصية وتعريف مختصر ولكم جميعا خالص حبي وإعتزازي وإحترامي ...

سارة
27-07-2009, 07:14 PM
امانة ما وقع راجل

انا من دربى دا بمشى اعدل دماغى واجيب سعوالاتى واجيكم واسئلتى يا خال كلها اجبارى


ابو امانى والله بس المرة دى ( عفيت منك )gooodgooodgoood

المليجي
27-07-2009, 07:51 PM
ابو اماني الراجل الهمام
دائما سباق للخيرات
والمرة دي عملتها مائدة عدييييل كدا
انا من اسي حربط لي حجر في بطني
وحستنى زول يدردق لي الدور
واجيكم خاشي بنفس مفتوحه
تحياتي يا وهاج
على قولتك (اتشاااااااوات)gooodgoood

بابكر مخير
27-07-2009, 10:29 PM
أبو أماني
سلام
يابا ظنيتو الشافك فتحتا ليك مطعم عدييييييييييل ما كضب،،
إبتديتا بي قهوة نشاط وحسي مائدة سودانيات،، غايتو حيكومتك ظنيتك شاغلها مطبخ full-time...
أنا ما بستغرب يوم تفتح لينا بوست بي إسم أسماء في صينية كنافة (يا عمر الجوزلي وأسماء في صحن فولنا):D:D

تعرف فيصل سعد كان فتح ليهو بوست وظنيتو سماهو الكرسي الساخن،،
لكنه دقس شوية،،


أكان بكبر العمر، كان تكون الأول،،
خلودي ولدهو لساتو إعداد وين لي ناس وليداتهم وكلاء وزارات معاش:p

ربنا يحفظكم ليهم ولينا ويحفظهم ليكم ولينا

تحفة حوا
28-07-2009, 07:16 AM
أبو أماني يا أظرف زول
افكار حلوة زي دي ما بتجي من زول ساهل
لكن بوستيك دا زي الشامبو
2*1
هنا يجي الضيف ويجلس على مائدة سودانيات ونحنا نسألوا
وهو يمتنع عن الاجابة متى أراد (كرسي بارد وحنين )

وحقو تفتح بوست تاني للمشاكل عشان صاحب المشكلة يرسلا ليك في الخاص وانت تعرضا في العام بدون ذكر اسم صاحب المشكلة
والكل يحاول يساعد بي رايو (مشكلتك لها حل )

أبو أماني
28-07-2009, 02:34 PM
أبو أماني
سلام
يابا ظنيتو الشافك فتحتا ليك مطعم عدييييييييييل ما كضب،،
إبتديتا بي قهوة نشاط وحسي مائدة سودانيات،، غايتو حيكومتك ظنيتك شاغلها مطبخ full-time...
أنا ما بستغرب يوم تفتح لينا بوست بي إسم أسماء في صينية كنافة (يا عمر الجوزلي وأسماء في صحن فولنا):D:D

تعرف فيصل سعد كان فتح ليهو بوست وظنيتو سماهو الكرسي الساخن،،
لكنه دقس شوية،،


أكان بكبر العمر، كان تكون الأول،،
خلودي ولدهو لساتو إعداد وين لي ناس وليداتهم وكلاء وزارات معاش:p

ربنا يحفظكم ليهم ولينا ويحفظهم ليكم ولينا



ده قولك يا الحبيب تكعيب :-
يابا ظنيتو الشافك فتحتا ليك مطعم عدييييييييييل ما كضب،،
إبتديتا بي قهوة نشاط وحسي مائدة سودانيات،، غايتو حيكومتك ظنيتك شاغلها مطبخ full-time...
وماعندي عليو تعقيب ماك عارف البئر وغطاءها .. أها تاني شنو كمان؟ خلى الطابق مستور..

وتاني قلت :-تعرف فيصل سعد كان فتح ليهو بوست وظنيتو سماهو الكرسي الساخن،،
لكنه دقس شوية،،
بس ده عندي عليو تعقيب .. الحقيقة فكرة الكرسي الساخن قديمة وتعم معظم المنتديات .. وهذا قريب الشبه بس بيختلف في المحتوى والمضمون .. فالقصد من الأول مناكفات بريئة ومساجلات بين الزملاء .. بينما الهدف الأساسي من هذا البوستر .. هو تعميق الصلات وتوثيق المعرفة كل بالآخر..نريد التقارب..ومعرفة أبسط الحقائق عن أحب الناس..فهلا تكرمت أستاذي (الخال) البلال البسر البال .. وادلوت بدلوك ؟؟.. goood

أبو أماني
28-07-2009, 02:38 PM
أبو أماني يا أظرف زول
افكار حلوة زي دي ما بتجي من زول ساهل
لكن بوستيك دا زي الشامبو
2*1
هنا يجي الضيف ويجلس على مائدة سودانيات ونحنا نسألوا
وهو يمتنع عن الاجابة متى أراد (كرسي بارد وحنين )

وحقو تفتح بوست تاني للمشاكل عشان صاحب المشكلة يرسلا ليك في الخاص وانت تعرضا في العام بدون ذكر اسم صاحب المشكلة
والكل يحاول يساعد بي رايو (مشكلتك لها حل )

كلامك غاية الروعة وعين الإعتبار .. بس أديها صنة لو .. لم يستجيب العميد أو كانت الوتيرة سالبه سوف نعيد النظر سويا في إقتراحك الرائع .. وحقوق الطبع محفوظة .. تسلمي يا تحفة:confused:

مرافي
28-07-2009, 10:36 PM
العزيز ابواماني .
والله سبقتني في الفكرة..امكن مانفس الفكرة...لكن بيني وبين نفسي كنت بفكر..انو المنتدى
بقى للانسان زي بيتو وناس المنتدى زي اهلو لكن ..للاسف علاقة عبر الاثير.. والكيبود.!!نعرف بعضنا (نناكف) بعضنا ،لكن للاسف واحد شاف التاني مافي!!!!وكنت اسائل نفسي..كيف بنتلاقى..وكيف الامكانية للشيء ده..كل انسان يضع للاخر صورة من نسج الخيال ..وهم يعني
يعني.الواحد لو لقى التاني في الشارع ما يعرفو للاسف...واقول كيف اللقاء واللمه .زي المحال كده..منتشرين في كل القارات وكلنا تجمعنا سودانيات عبر الكلمات وكل واحد هويتو كلماتو وردودو.وكتير مننا اسماءهم وهمية ...ورغم تواصلنا كل يوم...ورغم الحب الذي يجمعنا لكننا بعيدين مكاناً..فكيف اللمة وكيف التلاقي..ياناس سودانيات...والله الواحد نفسو يقابل كل اعضاء سودانيات وجهاً لوجه...مني نتمناه ..وياربي الشوفة متيييين لناس سودانيات...

بابكر مخير
29-07-2009, 09:23 AM
ده قولك يا الحبيب تكعيب :-
يابا ظنيتو الشافك فتحتا ليك مطعم عدييييييييييل ما كضب،،
إبتديتا بي قهوة نشاط وحسي مائدة سودانيات،، غايتو حيكومتك ظنيتك شاغلها مطبخ full-time...
وماعندي عليو تعقيب ماك عارف البئر وغطاءها .. أها تاني شنو كمان؟ خلى الطابق مستور..

وتاني قلت :-تعرف فيصل سعد كان فتح ليهو بوست وظنيتو سماهو الكرسي الساخن،،
لكنه دقس شوية،،
بس ده عندي عليو تعقيب .. الحقيقة فكرة الكرسي الساخن قديمة وتعم معظم المنتديات .. وهذا قريب الشبه بس بيختلف في المحتوى والمضمون .. فالقصد من الأول مناكفات بريئة ومساجلات بين الزملاء .. بينما الهدف الأساسي من هذا البوستر .. هو تعميق الصلات وتوثيق المعرفة كل بالآخر..نريد التقارب..ومعرفة أبسط الحقائق عن أحب الناس..فهلا تكرمت أستاذي (الخال) البلال البسر البال .. وادلوت بدلوك ؟؟.. goood

إتا وصلك الشمار،،
لكن المطعم كان حق أخويا،،
أريتو كان حقي;) كان عوازيم طواااااااااااااالي لمن أفلس...
بعدين شوقي بدري ما قالها قبال كدي "بابكر، كلامك ما بتفهم" وأنا يابا قصدي من دي كانت التورية، أنو أوري الناس كرمك والملان قدحك، لي درجة أنو السيدة الفضلى، ما بتمرق من المطبخ،، الحبيب وقع ليييييييييييييك "طاخ ودقا الدلجة؟؟"...
بعدين ياهو فكرتك صايبة، (قوووووووووووون تكون سجلتو براك في ود الهادي يعني آلشآ على قول المصاروآ) وما في سبب أنه ما تكتر البوستات البتوثق الخوة والصداقة بين الأعضاء وربنا يديمها محبة...
وما شايف وما شفتا ولا قصدتا أنه ما يكون في تاني وتالت، لكن بس لزوم التحشري وبقت عليا، جيت أظارف، ظبزتها وأنا ما عارف...
بس ما قلتا ليا حكاية الكُوبر ما إتعرضتا ليها ليييييييييييه؟؟
ولا حرقووووووووووووو

سلام يابا

بدور التركي
29-07-2009, 09:49 AM
فكرت مليئا في شكل مستقبل علاقة كل سوداني في سودانيات بالآخر! وهالني أن تكون علاقة صادقة حميمة كهذه عرضة للعيش والعمران طويلا عبر الفضاء الإسفيري والعالم الأثيري ..!

انا كدا مستقبلي ضاع وسطكم
يعني حسى لو كنت سودانية واحمل الجواز السوداني
ما كنتوا عاملتوني بالقسوة دي:confused:
طيب اعتبروني اخت سودانية ولو بالكضب:p

خالد الحاج
29-07-2009, 10:21 AM
إزيك يا أبا أماني
إنت يا أخي الحكايا لو بالكبر ناس عمك بابكر مخير وشوقي بدري ورأفت ميلاد وحتى جيل ناس معتصم الطاهر والعمدة عكود ..مالك ديل هارب منهم ؟
ما قالوا ليك الخال من الجيل الوسيط :D
علي العموم مرحب بأي أسئلة و "تحقيقات" :(
حبابكم عشرة ...

بدور التركي
29-07-2009, 10:35 AM
اهلا وسهلا بالضيف الجميل

ستعود للتحقيقات...

همس الشوق
29-07-2009, 10:41 AM
أبو أماني ياخ فكرة عظيمة كما عهدناك


بس



لو



بديت لينا بالناس السينغل goood

شبارقة
29-07-2009, 11:05 AM
مرحب بأي أسئلة و "تحقيقات" :(
حبابكم عشرة ...

شكراً يا أبو أماني وشكرا ً للضيف الأول في هذا اللقاء الخال / خالد

وأسمحوا لي بأن أرمي أول حجر في البحيرات الساكنة في الدواخل ....

أها يا خال ممكن في البداية كده تدينا سيرة ذاتية مختصرة ... وشكرا ً

أبو أماني
29-07-2009, 02:39 PM
أبو أماني ياخ فكرة عظيمة كما عهدناك


بس



لو



بديت لينا بالناس السينغل goood

السينغل من الجنسين .. مخلينهم في اللآخر .. راجيين الحلو .. من الجنسين .. أسع خلينا نشطب على البضاعة الديو تو إكسبايري .. يعني ممكن أخوك يترشح التاني ..ما تفهمونا بقى بعدين إتي يا بت أمي مالك شغالة بالسينغل .. ما عينك مليااااانة تحمدي سيدك .. ولا بتفكري في ... أيوااااا فهمت !!!! goood دقي يا مزيكة goood

أبو أماني
29-07-2009, 02:43 PM
انا كدا مستقبلي ضاع وسطكم
يعني حسى لو كنت سودانية واحمل الجواز السوداني
ما كنتوا عاملتوني بالقسوة دي:confused:
طيب اعتبروني اخت سودانية ولو بالكضب:p

هي يا الما .. ناقشة شئ .. على الليمان إتي بي جواز بجنسية بدونهم .. سودانية مية المية في عين اليرضى واليابا .. وكان للجنسية كفاية الدموع السائلة ليل ونهار في توقيعك دي .. خوفي يا ياسمين تطلعي بعد خلودي .. مباشرة .. شيلي شيلتك يمة .. تشاووووو goood

أبو أماني
29-07-2009, 02:45 PM
امانة ما وقع راجل

انا من دربى دا بمشى اعدل دماغى واجيب سعوالاتى واجيكم واسئلتى يا خال كلها اجبارى


ابو امانى والله بس المرة دى ( عفيت منك )gooodgooodgoood

أدخلي على الخال .. تووووووووش .. وبالحتة الفيها .. الحزام كمان .. يلا وأنا وراك .. goood

أبو أماني
29-07-2009, 02:49 PM
ابو اماني الراجل الهمام
دائما سباق للخيرات
والمرة دي عملتها مائدة عدييييل كدا
انا من اسي حربط لي حجر في بطني
وحستنى زول يدردق لي الدور
واجيكم خاشي بنفس مفتوحه
تحياتي يا وهاج
على قولتك (اتشاااااااوات)gooodgoood

الدور جايييك جايييك .. بس هسع دي .. عاوزنك تجيه لنا الخال الحبوب ده بسوعالين تلاتة فروم ذا هاوس أو ذا كلاوي .. وعليك الله ما ترحموا خسوسا لو عرفتو إنه هلالابي .. يلا يا مليجي .. عاوزك تكون (مليجي) بالجد .. لك مودتي goood

أبو أماني
29-07-2009, 02:59 PM
إتا وصلك الشمار،،
لكن المطعم كان حق أخويا،،
أريتو كان حقي;) كان عوازيم طواااااااااااااالي لمن أفلس...
بعدين شوقي بدري ما قالها قبال كدي "بابكر، كلامك ما بتفهم" وأنا يابا قصدي من دي كانت التورية، أنو أوري الناس كرمك والملان قدحك، لي درجة أنو السيدة الفضلى، ما بتمرق من المطبخ،، الحبيب وقع ليييييييييييييك "طاخ ودقا الدلجة؟؟"...
بعدين ياهو فكرتك صايبة، (قوووووووووووون تكون سجلتو براك في ود الهادي يعني آلشآ على قول المصاروآ) وما في سبب أنه ما تكتر البوستات البتوثق الخوة والصداقة بين الأعضاء وربنا يديمها محبة...
وما شايف وما شفتا ولا قصدتا أنه ما يكون في تاني وتالت، لكن بس لزوم التحشري وبقت عليا، جيت أظارف، ظبزتها وأنا ما عارف...
بس ما قلتا ليا حكاية الكُوبر ما إتعرضتا ليها ليييييييييييه؟؟
ولا حرقووووووووووووو

سلام يابا

فاهمك يا أخوي وخابزك وعاجنك وكان حدرت لي وإت ساكت بعرفك بدور بخلدك شنو .. وماني بعتب عليك تب .. ما العتب مرفوع بين الحبائب .. بياخذوه ناس الحيكومة بس .. الله لاجاب طاريها يا حبيب قساي وشريك همي وبلاي .. ومتل ماني فاهمك لقيتك خابزني وعاجني برضو .. ووحات خووتك المقامها عقب الشهادة .. كلامك في المتبخ ما وقع واطا ..وأحمد الله بيت أخوك ما بيقل عن بيتك.. بيت ضيفان وحبان وحبائب رحمن والمرآة مكتبها أياهو المتبخ.. وحاشاك أبو سيدة النساء (زنوبة) من التحشر والكلام الشين .. يا الكلك زين .. ياعجب العين وفي حكاية الكبر .. كضبا كاضب .. وكيف يكبر من يحمل قلب طفل رضيع .. تسلم يا الحبيب تكعيب ويسلموا بيك كل الحداك .. لك حبي .. عليك الله .. مارس معزتك عند الخال وخلو يبل راسو ..ويجينا بي جاي .. الجري ده ما حقنا .. تشاوووووgoood

أبو أماني
29-07-2009, 03:05 PM
إزيك يا أبا أماني
إنت يا أخي الحكايا لو بالكبر ناس عمك بابكر مخير وشوقي بدري ورأفت ميلاد وحتى جيل ناس معتصم الطاهر والعمدة عكود ..مالك ديل هارب منهم ؟
ما قالوا ليك الخال من الجيل الوسيط :D
علي العموم مرحب بأي أسئلة و "تحقيقات" :(
حبابكم عشرة ...

عارفك من الجيل الوسيط ومن دورنا كده .. لكين يا الحبيب لقيت كل الكبار القلتهم خاتنك في الرأس عمة وشال يتباهوا بيك .. قلت يا أخوانا .. الحكاية تراها ما بالسن والعمر .. حاجة كدي من الله فوق .. أركز آل .. حبيب .. وجاوب على كل المداخلات البتخصك فوق بداية بأول البوستر .. وثق .. ستجدنا في داخلك حيث قال المرحوم إسماعين حسن ..
جوووه الجوووة .. زغرد فوقها صوت الناي ... وكان يرمز للسويداء حيث تقيم يا فخيم .. :(

بابكر مخير
29-07-2009, 05:48 PM
إزيك يا أبا أماني
إنت يا أخي الحكايا لو بالكبر ناس عمك بابكر مخير وشوقي بدري ورأفت ميلاد وحتى جيل ناس معتصم الطاهر والعمدة عكود ..مالك ديل هارب منهم ؟
ما قالوا ليك الخال من الجيل الوسيط :D
علي العموم مرحب بأي أسئلة و "تحقيقات" :(
حبابكم عشرة ...

خلودي،
تعرف يابا وأبو أماني،
عندي أخويا علي (ما عارف ليه ما بحب ذكر الآلقاب، بفتكر مناداة الزول بإسمهو بتغني، خاصة لمن يكون قدر الإسم ويشرفه).. المهم كان وهم أطفال مع عزوز ويوسف وشلة من أطفال الأسرة عندهم لعبة،، السؤال عن حاجات عملها الواحد ولمن ما يجاوب صاح،، طبعن في واحد أو أكتر يكون عارف القصة ومعاصر الحث، يطوع/وا ويقول غلط وينكشف أنه الواحد/ة خبآ الحقيقة، بيقوم أبو علوة بيديهو صقعة بالمسطرة في ضهر اليد...
دحن نخلي بالنا والإجابة تكون بصدق وإلااااااااااااااااااااااا،،
علي أخويا موجوووووود والمساطر ما أكترها:D




آها خلودي
برآآآآآآآآآآآآآآآآآآآآك درتها وهاك أنا بفرع ليك الأسعلة....

* بتتباهى بالإنتماء القبلي..
* إختيارك اللون السياسي في كبر ولا أيام المراهقة...
* تفتكر السودان ولا هولندا مستقبل وليداتك...


بداية جافة،
صعبة وسخيفة، لكنها بتهون كل قاسي جآي...
سلام ومحبة

خالد الحاج
29-07-2009, 11:10 PM
سلامات يا شباب
نبدأ بأسئلة أبو أماني وشبارقة...

الاسم : خالد الحاج الحسن الحسين صالح ....
من مواليد البركل بالمديرية الشمالية عام 1961 شهر فبراير يوم 28 ...
يعني عمري 48 سنة
أو
2625 أسبوع
أو
17683 يوم
أو
424392 ساعة
أو
25463532 دقيقة

أما الثواني فخليناها للانتظار... "مليت ثواني الانتظار" أو كما قال خليل اسماعيل..:(

التعليم ..
الابتدائية : السجانة
المتوسطة : الخرطوم جنوب
الثانوية : الخرطوم بحري
الجامعي : الاسكندرية + الأفرويشن جامعة الخرطوم.

متزوج ...

أربعة أطفال ...
حباب
جعفر
سارة
نهلة

أعمل في مؤسسة (Rock Wool) في مدينة رورموند حيث أقيم حاليا في الجنوب الهولندي.

خالد الحاج
29-07-2009, 11:25 PM
آها خلودي
برآآآآآآآآآآآآآآآآآآآآك درتها وهاك أنا بفرع ليك الأسعلة....

* بتتباهى بالإنتماء القبلي..
* إختيارك اللون السياسي في كبر ولا أيام المراهقة...
* تفتكر السودان ولا هولندا مستقبل وليداتك...


بداية جافة،
صعبة وسخيفة، لكنها بتهون كل قاسي جآي...
سلام ومحبة

سلامات يا بابو..
لا أتباهي بانتمائي القبلي بتلك الصورة السلبية التي تثير النعرات فكلنا لآدم وآدم من تراب.. لكني أفخر بانتمائي لقبيلة لها تأريخ متجزر وأصول راسخة وصفت بالحنية وتشايلوا كتف الغنا الميَل فكان منهم
اسماعيل حسن
حمد سعيد دفع الله
محمد الحسن سالم حميد
السر عثمان الطيب
خالد الباشا

......
وكان منهم النعام آدم
ومنهم
محمد كرم الله
محمد النصري
....
...............

سؤالك الثاني:
كان والدي شيوعيا وهو من خريجي مدرسة عطبرة الصناعية وهذه مدينة الحديد والنار وصانعة الثورات حينها...
صار الوالد في أواخر أيامه صوفي وتبع الشيخ عبد الله البدري بمدينة بربر وصار من حيرانه...
كانت النشأة في منزل اعتاد رؤية البوليس (لم يكن حينها يوجد أمن) .. والمنشورات ورائحة مكنات الرونيو..
أما الانتماء فهو من صغر لكن الانتماء الفعلي للحزب الشيوعي فقد جاء متأخرا جدا.

أما سؤالك الأخير يا بابو فهو سؤال المليون والله ...

هولندا لا تحمل لي ولأبنائي إلا الشقاء .. أي والله ...
صدقني يا ابن عمي لو وجدت وظيفة في السودان تكفيني شر السؤال ما انتظرت يوما واحدا في هولندا والله علي ما أقول شهيد ..
يا بابكر يا أخوي نحن هنا شتلات استوائية مزروعة في مناخ قطبي :(

رد الله غربتنا جميعا ...

بابكر مخير
30-07-2009, 01:54 AM
سلامات يا بابو..
لا أتباهي بانتمائي القبلي بتلك الصورة السلبية التي تثير النعرات فكلنا لآدم وآدم من تراب.. لكني أفخر بانتمائي لقبيلة لها تأريخ متجزر وأصول راسخة وصفت بالحنية وتشايلوا كتف الغنا الميَل فكان منهم
اسماعيل حسن
حمد سعيد دفع الله
محمد الحسن سالم حميد
السر عثمان الطيب
خالد الباشا

......
وكان منهم النعام آدم
ومنهم
محمد كرم الله
محمد النصري
....
...............

سؤالك الثاني:
كان والدي شيوعيا وهو من خريجي مدرسة عطبرة الصناعية وهذه مدينة الحديد والنار وصانعة الثورات حينها...
صار الوالد في أواخر أيامه صوفي وتبع الشيخ عبد الله البدري بمدينة بربر وصار من حيرانه...
كانت النشأة في منزل اعتاد رؤية البوليس (لم يكن حينها يوجد أمن) .. والمنشورات ورائحة مكنات الرونيو..
أما الانتماء فهو من صغر لكن الانتماء الفعلي للحزب الشيوعي فقد جاء متأخرا جدا.

أما سؤالك الأخير يا بابو فهو سؤال المليون والله ...

هولندا لا تحمل لي ولأبنائي إلا الشقاء .. أي والله ...
صدقني يا ابن عمي لو وجدت وظيفة في السودان تكفيني شر السؤال ما انتظرت يوما واحدا في هولندا والله علي ما أقول شهيد ..
يا بابكر يا أخوي نحن هنا شتلات استوائية مزروعة في مناخ قطبي :(

رد الله غربتنا جميعا ...

الحبيب الغالي
شكرن ودآ الكنتا متوقعه!
أن يكون الصدق هو خالص إجابتك...

أعجبني يا الحبيب

يا بابكر يا أخوي نحن هنا شتلات استوائية مزروعة في مناخ قطبي :(

تشبيه نادر أن يجي من مهندز;)
وأعجبني اللون اللبني (شفتا يا أبو أماني "حفر إيدك وغرق ليك":D:D)

قمر دورين
30-07-2009, 07:56 AM
أبو أماني
لك تحيّة محمّلة برحيق زهر نديّ في موسم الربيع....

فكرة البوست جميلة جداً....
وعبارة (ضيف على المائدة ) تختزن الحنين والكرم والأصالة بين جنبيها.....
نتابع....:)

مرافي
30-07-2009, 02:58 PM
العزيز خالد..عرفنا الجانب الاجتماعي الاسرة ..ربنا يحفظهم ..والانتماء
السؤال..فكرة المنتدى كيف بدأت ومتى؟؟؟وبكم عضو بدأ؟؟
وسر التسمية..سودانيات..التاء للتانيث ولا دلالة للسودان يعني اشياء سودانية؟؟؟
خاصة وانتو الشوايقة حنيينين لكل رمز للأم..:D
المهجر مابه وماعليه يعني نصيحة لكل واحد شادي الرحال لارض المهجريمني النفس بتحقيق
المنى واولهم نفسي!!
افتكر كفاك وشكراً..لييك

خالد الحاج
31-07-2009, 11:36 AM
العزيز خالد..عرفنا الجانب الاجتماعي الاسرة ..ربنا يحفظهم ..والانتماء
السؤال..فكرة المنتدى كيف بدأت ومتى؟؟؟وبكم عضو بدأ؟؟
وسر التسمية..سودانيات..التاء للتانيث ولا دلالة للسودان يعني اشياء سودانية؟؟؟
خاصة وانتو الشوايقة حنيينين لكل رمز للأم..:D
المهجر مابه وماعليه يعني نصيحة لكل واحد شادي الرحال لارض المهجريمني النفس بتحقيق
المنى واولهم نفسي!!
افتكر كفاك وشكراً..لييك

حبابك مرافي..

كنا جميعا أعضاء في الشقيقة س.اون لاين .. بل كنت أحد إدارييها وتركت بصمات واضحة فيها مثل الأقسام (بوستات مميزة) و (قضايا التعذيب) ..هما من أفكاري وتنفيذي.
اختلفت مع الأخ بكري أبوبكر في كيفية إدارة المنتدي إذ أن الأخ بكري كان يري أن المشاكل والتجاوزات التي تصل حد الشتائم تجلب القراء..
من ناحيتي كنت أري أن لا بد من وجود قوانين تحفظ للكل حقه .. عضو وقارئي وإدارة.
من هنا جاءتني الفكرة في انشاء سودانيات والاسم يعني (أشياء سودانية) ...
طرحت الفكرة علي مجموعة من الأصدقاء لأن فكرة أن يكون صاحب القرار فرد لم تكن تروقني فأردته عمل جماعي..
كان هؤلاء الأصدقاء هم :
الطيب بشير
حنينة
رجاء العباسي
راوية العباسي
علاء تمبس
فتحي البحيري

وعند التنفيذ لم يبق منهم إلا حنينة التي اقتنعت بالفكرة..
وتكونت سودانيات في بداية سنة 2004

عانت سودانيات في مسيرها من الكثير من المشاكل.. تعلبنا عليها ولا نزال هنا كما ترين ...


بخصوص سؤالك عن الغربة ...
لا أدري ماذا أقول .. أذكر هنا مقولة الطيب صالح علي لسان مصطفي سعيد في روايته الخالدة موسم الهجرة إلي الشمال حين قال للراوي في وصيته حول أبناءه :
(جنبهم مشقة السفر ) ...
صدق طيبنا الصالح والرجل ينطق عن تجربة غربة طويلة ...
هي قطعة من نار لا يقدر عليها إلا مجبورا كقول أهلنا في غرب السودان (المجبور بملح بالعسل) ...
نصيحتي لك ... (تجنبي مشقة السفر )
وتذكري قول درويش :
القمح مـرٌّ في حقول الآخرين

والماء مالح ، والغيــم فولاذ ٌ

وهذا النجم جارح

وعليك أن تحيــــا وأن تحيــــــا

وأن تعطي مقابل حبـّة الزيتون جلدك

رأفت ميلاد
31-07-2009, 12:22 PM
إزيك يا أبا أماني
إنت يا أخي الحكايا لو بالكبر ناس عمك بابكر مخير وشوقي بدري ورأفت ميلاد وحتى جيل ناس معتصم الطاهر والعمدة عكود ..مالك ديل هارب منهم ؟

ياخوى أنا حاشرنى هنا مالك .. أنا دى ما شلتى .. نحن مع الأيقونات وعضوية شلة البحر ناس كانديك وأبو ريم وعادل عسول :D وناس عثمان الطيب والشباب البفرح ده .. ناس شليل وشبارقة وفيصل سعد ما سائلين فيهم .. ود عثمان داك زول بتلصق ساكت .. ياهو دفعة ناس ود الطاهر ..

سؤالى الأول : الصلعة دى تساقط شعر ولا طاقية إخفاء ؟ :mad:

خالد الحاج
31-07-2009, 12:50 PM
ياخوى أنا حاشرنى هنا مالك .. أنا دى ما شلتى .. نحن مع الأيقونات وعضوية شلة البحر ناس كانديك وأبو ريم وعادل عسول :D وناس عثمان الطيب والشباب البفرح ده .. ناس شليل وشبارقة وفيصل سعد ما سائلين فيهم .. ود عثمان داك زول بتلصق ساكت .. ياهو دفعة ناس ود الطاهر ..

سؤالى الأول : الصلعة دى تساقط شعر ولا طاقية إخفاء ؟ :mad:

سلامات يا دفعة :D
تبرا إنت من الكبر ...
الصورة بتاعة البروفايل دي آخر صورة أخدتها يا رأفت .. بالعربي كده ما عندي صلعة لكن شعري صار أبيض كلبن كاني :D
حكاية الصلعة كالآتي :
جاء شوقي لزيارتي ومعه محجوب شريف ومجدي الجزولي وحسن الجزولي..
في الصباح قام مجدي الجزولي داير يعمل لي قطعية بقت زي "كارل لويس" أو "ال ... جنَ" :D
وكعلاج قمنا جزيناه صلعة ...
المهم يا زول الحكاية من ديك بقت عادية كل مدة أحلق صلعة تيمنا بشوقي بدري "يلحقنا وينجدنا" ;)

همس الشوق
31-07-2009, 02:33 PM
الخال

سعيده بصفحي لكتاب يحمل بين جوانحه كل الشفافية والصدق والإعتزاز بالنفس والوطن والإنتماء

ولكن !!!!!!

سؤال يطرح نفسه كثيرا في بلاد المهجر حيث الإنتماء الطوعي والتجنس

اولا
هل تحمل الجواز الهولندي ؟
وهل ترى ان تحقيق الإنتماء لتلك البلدان يكفل لك ولأسرتك العيش بسلام فيها وخارجها ؟


ثانيا
الغربة لها وجهنا
مشرق
وعابس

كلنا تكبدنا مشاق تلكما الوجهان

فماذا اضافت لك هولندا؟
وماذا اخذت منك ؟

بجيك راجعة

تحفة حوا
31-07-2009, 09:32 PM
ود الحاج ازيك
شنو أخبار حباب ؟
من هو فنانك المفضل ؟
وماهي أجمل أغنية عندك ؟
وماهي حكمتك التي تتبعها ؟

خالد الحاج
01-08-2009, 10:05 AM
الخال

سعيده بصفحي لكتاب يحمل بين جوانحه كل الشفافية والصدق والإعتزاز بالنفس والوطن والإنتماء

ولكن !!!!!!

سؤال يطرح نفسه كثيرا في بلاد المهجر حيث الإنتماء الطوعي والتجنس

اولا
هل تحمل الجواز الهولندي ؟
وهل ترى ان تحقيق الإنتماء لتلك البلدان يكفل لك ولأسرتك العيش بسلام فيها وخارجها ؟


ثانيا
الغربة لها وجهنا
مشرق
وعابس

كلنا تكبدنا مشاق تلكما الوجهان

فماذا اضافت لك هولندا؟
وماذا اخذت منك ؟

بجيك راجعة

حباب همس الشوق

اولا
هل تحمل الجواز الهولندي ؟
وهل ترى ان تحقيق الإنتماء لتلك البلدان يكفل لك ولأسرتك العيش بسلام فيها وخارجها ؟

نعم أحمل الجنسية الهولندية مع احتفاظي بجنسيتى السودانية.
مسألة العيش بسلام حمالة أوجه يا بت أختي..
إن كنت تعنين العيش من حيث الأكل والشراب والتعليم والصحة فالإجابة نعم.
لكن السلام يا بت الأخت ماهو أكل وشراب.. "ليس بالخبز وحده يحي الإنسان"
الغربة تسرق منك أجمل ما فيك "الانتماء" ..
تخيلي أنك تعيشين في قرية أقاصي الجنوب الهولندي.. لا أهل ولا أصدقاء ولا أسرة تزورك
ينحصر نشاطك بين العمل والمنزل .. وكل اصدقاءك ومؤنسي وحشتك هم جهاز كمبيوتر يمدك ككيس جلكوز بمعني أن تشعر بانسانيتك .. محزن مش كده ؟

الأبناء من ناحية أخري هم مصيبتنا الكبري..
سارة ابنتي عمرها 12 سنة .. طلبت أن تقص شعرها وهو طويل نوعا وجميل.. رفضت أنا
وردت سارة علي بلغة غير جميلة رديت عليها برفع صوتي ورميتها بمجلة كانت في يدي فأسرعت جارية ناحية الشارع ولم تعد إلا بعد أن أحضرها البوليس بعد منتصف الليل :(
لم أقسو في حياتي علي ابنائي وأعاملهم برفق ...
http://www.albrkal.com/upload/uploads/sarah122.jpg

طبعا هذا لم يقنع البوليس فاتصلوا بمنظمة تسمي (كندر بشخيرمنج) حماية الطفل..
هؤلاء اعتبروها قضيتهم وهاك يا تحقيق وأمش وتعال...
نبشوا حتى سجلي الطبي وسجلي العدلي...
أسوق هذه القصة فقط كي أشرح ما نعاني أحيانا من غربة الجسد والروح..
لا تزال التحقيقات جارية وهي مآساة تأخذ من روحي وجسدي ولا أقول إلا الشكية لله :(
هولندا أخذت عمري وسلامي النفسي يا ابنة الأخت.

يديك العافية.

عادل عسوم
01-08-2009, 10:36 AM
ياخوى أنا حاشرنى هنا مالك .. أنا دى ما شلتى .. نحن مع الأيقونات وعضوية شلة البحر ناس كانديك وأبو ريم وعادل عسول :D وناس عثمان الطيب والشباب البفرح ده .. ناس شليل وشبارقة وفيصل سعد ما سائلين فيهم .. ود عثمان داك زول بتلصق ساكت .. ياهو دفعة ناس ود الطاهر ..
:mad:
شكلك يارأفت (الخبر والدمام) ديل عندك فيهن (في القلوب منازل) looool...
والقصة ماااااااأظنها (تِلصّق) في ناس كانديك وابوريم و(عادل عسول) :D
أما ودعثمان الظاهر عليك ماشفتو بالجينز والتي شيرت (المارون كلر)...صدقني ماهو سائل في ناس عثمان الطيب زاتن :confused:
تسلم ياحبيب
...
..
.
سؤال للأخ خالد:
ماهي الأسس التي تبني عليها صداقاتك؟
مودتي

خالد الحاج
01-08-2009, 10:39 AM
ود الحاج ازيك
شنو أخبار حباب ؟
من هو فنانك المفضل ؟
وماهي أجمل أغنية عندك ؟
وماهي حكمتك التي تتبعها ؟

إزيك يا تحفة حوا
عساك بخير

حباب بخير وقد صارت إمرأة شابة :
http://www.albrkal.com/upload/uploads/hubab.jpg

أستمع للعديد من الفنانيين وليس هنالك فنان محدد..
أجمل أغنية (سوقني معاك يا حمام) للفنان محمد النصري فهي أنشودة في شكل ملحمة وطنية وعاطفية ..
أهديك أياها :

((سوقني معاك يا حمام ..


سوقني معاك يالحمام
... ...
محمد الحسن سالم حميد
......

سوقني محل ما الحبيبة
قريبة تراعي الغرام
غريبة الأشواق حبيبة
يجيبا منام في منام
... ...
سوقني محل ما المحنة
أيادي تقطر سلام
سماحة الحياة فوق أهلنا
وبلادي تقرقر وئام
... ...
غلابه وأمان مو الطيابة
ضكارى بصارى وكرام
حبابه الحبان في بابه
وتدخلوا عليّ الحرام

فقارى ولكن غنايا
غنايا بهذا الغمام
بهذا النيل كم تغايا
وتيرابا النرميهو قام
... ...
إرادة القمره البتقدر
براها تضوي الضلام
شعاع شمشاً ياما خدّر
وإذا يبَّس لا يُلام
... ...
فيابا خرابا الحرابة
وخرابة فكر سوسي سام
خرابة الكل نفسو تأبى
عقابه .. تلِم عم سام
... ...
ولِيد مخلوق للقرايي
خزين مدخور للجِسام
تتمر نيتو التخايي
إلاما مذهلل إلام

درب من دم ماب يودي
حرِب سُبّه .. حرب حرام
تشيل وتشيل مابِ تدِّي
عُقب آخرتا إنهزام
... ...
بطانة الشيطان قديمِة
وبعد دا منو العرشو دام

إذا الإنسان ما لو قيمِة
علي إيش خلَّفُو سام وحام
... ...
تعالوا الدم ما هو مويةِ
ولا ها ترايي المسام
أخويا وطراوة الخوة إبتسام
... ...
تعالوا نحانن بعضنا
تعالوا نحانن بعضنا
نخل قلبو على التُمام
نبضنا يشهل أرضنا
وأرضنا تجِم العضام
... ...
تعالوا بدل نبني ساتر
نخيب ظن الصدام
نطَّيب للعازه خاطر
نقوم لأطفاله سام
... ...
أخير كرّاكةً بتفتح
حفير وتراقد الركام
أم الدبابة البتكشح
شخير الموت الزؤام
... ...
تعال لي غابتك يا خيرا
تعال لها يا أسده الهمام
بدل دوشكة يغني طيره
محل قنبلة عش نعام
... ...
بلد صمَّي وشعب واحد
عصية على الإنقسام
أبيه وبكراها واعد
صبية ومشهاده تام
... ...
بساطه أحمدي كم يشيلنا
وتشهِّلنا على الدوام
نَقِل ليلنا تقوِّي حيلنا
ودليلنا تمام التمام
... ...
نلقّم سقف المتاهة
نجم هدّاي في الضلام
ونطعِّم حرف النزاهة
لإيئلافك يا حمام

ديموقراطية وأمان
سوا .. سوا عالين مقام
مواريثنا المن زمان
محصَّنة في أروع نظام
... ...
بريدك يا زول بريدك
بعشقك حتّى الهيام
أريحيتك عد تزيدك
مهابة وليك القيام
... ...
عهدي معاك يا حمام
حبِيْب الرُسل الكرام
رسول الأمراء العظام
عصامي على ما يرام
... ...
ماب تهدِل في خنادق
ولا ب تقدِل فوق حطام
ولا ب تنزل في فنادق
وسطنا مراعيك قُدام
... ...
فيا ملدوغ من أديس
معوَّق في كوكدام
تعال عمِّر فينا ميس
كفانا طشيش الكلام
جناحيك جنوب شمال
وأمش طوِّف يا حمام
محِل غصن العزّة مال
عليك وعليهُو السلام

حكيم الطير يا مهبِّر
شُراكة القَتَلة اللئام
متين بإسم الحق تكبِّر
وبالرحمة تصلِّي إمام
... ...
فلاحة العالم تعمر
محبّة مودة ووئام
يقص الايد التدمر
تشمِّر ساعد السلام
... ...
سوقني زمن كُلُّو عافي
نتاجو عِلم خيرو عام
بري آيمة من المنافي
وطن وافي على الدوام
قِبلة غناي))

http://www.albrkal.com/upload/uploads/sognymaaak.wma

بالله تمعني في الكلمات وماذا تقول ..:(

سارة
01-08-2009, 10:45 AM
اولا بالتبادى نسلم

وبعدين نجيب السوعالات؟؟؟؟

اول شاكوش اخته فى حياتك؟؟؟؟؟

دا فكة ريق وبس

خالد الحاج
01-08-2009, 10:50 AM
شكلك يارأفت (الخبر والدمام) ديل عندك فيهن (في القلوب منازل) looool...
والقصة ماااااااأظنها (تِلصّق) في ناس كانديك وابوريم و(عادل عسول) :D
أما ودعثمان الظاهر عليك ماشفتو بالجينز والتي شيرت (المارون كلر)...صدقني ماهو سائل في ناس عثمان الطيب زاتن :confused:
تسلم ياحبيب
...
..
.
سؤال للأخ خالد:
ماهي الأسس التي تبني عليها صداقاتك؟
مودتي

إزيك يا عادل وعساك بخير يا باش والأسرة الحبيبة..
الأصدقاء...
هم الثروة الحقيقة يا عادل .. أي والله..
لي أصدقاء بعدد حبات الرمل.. ولا أسس لدي يا عادل في اختيار الأصدقاء..
كل انسان عالم بذاته.. وعليك أن تقبل الآخرين علي أساس أن الكمال لله وحده وأن فيك من النواقص ما يشفع لللآخرين إن انشغلت بها ..
ما يحزنني يا عادل أنني خسرت بعض الأصدقاء وهم عندي أحب إليَ من نفسي والله..
السبب عيب فيني .. أتخيل دوما أن أصدقائي يتفهمون نواياي ويفهمون ما أقصد...
أرمي الكلام أحيانا وأنا أعتمد علي "احساسي الضخم بهم جواي" وبثقة تصل لمرحلة الغفلة فإذا بي أغضبهم مني...
هل تعلمت من التجارب..؟؟ أبدا والله فقد تكرر الأمر..
العيب في أخوك يا عادل قطع شك فحكمة أهلنا تقول "كان اتنين قالوا ليك راسك مافي أهبشو" ..
أسأل الله حسن الظن ومحبة الناس فهي ما نخرج به من هذه البسيطة و "الكفن مالوش جيوب" أو كما قال أولاد بمبا ..
يديك العافية يا زول يا حبيب..

أبو أماني
01-08-2009, 01:23 PM
الشكر لكل الزملاء والأصدقاء الذين أثروا الحوار بأسلوب راق ينم عن المصدر .. وحقيقي يا خلودي ..سعدت بمتابعة المشاركات والمساهمات وأستفدت كثيرا بمعلومات ومعي آخرين لم نكن ندريها .. وياما في الجراب يا حاوي ..(جصط ريلاكس ..فييل هووم أند تيك يور تايم ويز أص ) صدقني يا الحبيب من فرط إنسجامي لم أجرو على المداخلة الآن على الأقل .. نتابع وأرجو أن يأتي ردك على الجميع .. حسب ما أتصور.. وأن تكون المداخلات حسب ما تتمنى و.. آآآآدي تكية ..! :)

خالد الحاج
01-08-2009, 02:03 PM
اولا بالتبادى نسلم

وبعدين نجيب السوعالات؟؟؟؟

اول شاكوش اخته فى حياتك؟؟؟؟؟

دا فكة ريق وبس
إزيك يا سرور
إنت ما بتخلي البحيت ؟ غايتو يوم بتتلدغي looool

أول شاكوش كان بعد التخرج من الجامعة وفي لجنة الاختيار للخدمة العامة في الخرطوم..
خاتي سفتي وواقف قدام البورد أقرا في نتائج المعاينات ومنتظر "البلومة"
جاتني تحمل في يدها مجموعة كروت لدعوة زواجها .. أي والله ..:(
قالت لي : أنتظرك لي متين أنا في زول جاهز اتقدم لي ...
كنت حينها لا يزال والدي يدفع لي حق المواصلات والتمباك :(
غايتو يا سارة الله يجازيك ..

سارة
02-08-2009, 07:00 AM
ناسف للبحيت ولكن لابد من ما ليس منه بد

بس عليا الليمان دى بلومة غبيانة ومطرطشةgooodgoood

ما علينانجى للسوعالات:

1- لو رجع الزمن بك عشرون سنة للوراء ماهو الشى الذى كنت تتمكنى اعادة النظر فيه

وما هو القرار الذى تنميت انك اتخذته؟؟؟

2- لو اعطيت اليك ثلاث وردات لمن تهديها ؟؟؟؟؟

3- تشرفت يوما بزايارتكم وسعدت بوجودى فى دارك العامرة رغم قصر المدة لاحظت انك

انسان بسيط جدا وطيب واكتر شىء لفت نظرى انك ما النوع النقناق فى قصة الاكل ولا دا وينو

ولا دا ما سمح( هل دى طبيعتك ولا كانت كشكرة )gooodgoood


اجيك تانى ولا كفاية





عليك دينك تسلم على الحكومة وافراد الطاقم الحلوين

أبو أماني
04-08-2009, 09:47 AM
ناسف للبحيت ولكن لابد من ما ليس منه بد

بس عليا الليمان دى بلومة غبيانة ومطرطشةgooodgoood

ما علينانجى للسوعالات:

1- لو رجع الزمن بك عشرون سنة للوراء ماهو الشى الذى كنت تتمكنى اعادة النظر فيه

وما هو القرار الذى تنميت انك اتخذته؟؟؟

2- لو اعطيت اليك ثلاث وردات لمن تهديها ؟؟؟؟؟

3- تشرفت يوما بزايارتكم وسعدت بوجودى فى دارك العامرة رغم قصر المدة لاحظت انك

انسان بسيط جدا وطيب واكتر شىء لفت نظرى انك ما النوع النقناق فى قصة الاكل ولا دا وينو

ولا دا ما سمح( هل دى طبيعتك ولا كانت كشكرة )gooodgoood


اجيك تانى ولا كفاية





عليك دينك تسلم على الحكومة وافراد الطاقم الحلوين

الخال البلال البيسر البال .. مالو طنننش ؟؟ البنية السكرية اللهيجا عسل ما سعلتك سوعال مالك يا ود أمي طنشت وعملت رايح .. ما هي براها كلنا مستنين بلهفة مريخاب في المطار مستنين يشوفوا كأس خارجي من شرفة المطار .. يلا يا الحبيب .. ما تعووق علينا .. وتغيب .. نحن في الإنتظار ... goood goood goood

بدور التركي
04-08-2009, 10:22 AM
متابعين الحوار الجميل

مرافي
04-08-2009, 01:42 PM
3- تشرفت يوما بزايارتكم وسعدت بوجودى فى دارك العامرة رغم قصر المدة لاحظت انك

انسان بسيط جدا وطيب واكتر شىء لفت نظرى انك ما النوع النقناق فى قصة الاكل ولا دا وينو

ولا دا ما سمح( هل دى طبيعتك ولا كانت كشكرة )gooodgoood


اجيك تانى ولا كفاية



عليك دينك تسلم على الحكومة وافراد الطاقم الحلوين



سلااام للكل
نان ياناصحة..دي ما كشكرة سااااكت
في راجل مانقناق في الاكل يختي...!!!!!
مستحــــــــــــــــــــــــــــيل
يكون ايام زيارتك ..كان مقطعو في حشاو..لزوم الضيافة:D
ولا شنو..قولك ياخالد ...
دام الجميع بالعافية وعدم النقة.looool:Dgoood

قوت القلوب
04-08-2009, 09:34 PM
ولِيد مخلوق للقرايي
خزين مدخور للجِسام
تتمر نيتو التخايي
إلاما مذهلل إلام


دي ظابطة معاك

كلاماتو حنينة
وبتحكي حال البلد

بس طول بالك يااخوي
ولمم اطرافك وروح على البلد
بدل تلقى البيت فضى عليك


وبعدين دي ماجكسوية
بس لكن دي كانت بتتونس
ساكت بتقضي وكتgoood
اقول ليك خسرانة هي والله
ولا شاكوش على راسهاهي وقع

اها انا هنا للمساندة
من عصير ومناديل وكده
لانو اماني مافي
ومحاحاة ناس الزرزرة

خالد الحاج
04-08-2009, 09:49 PM
ناسف للبحيت ولكن لابد من ما ليس منه بد

بس عليا الليمان دى بلومة غبيانة ومطرطشةgooodgoood

ما علينانجى للسوعالات:

1- لو رجع الزمن بك عشرون سنة للوراء ماهو الشى الذى كنت تتمكنى اعادة النظر فيه

وما هو القرار الذى تنميت انك اتخذته؟؟؟

2- لو اعطيت اليك ثلاث وردات لمن تهديها ؟؟؟؟؟

3- تشرفت يوما بزايارتكم وسعدت بوجودى فى دارك العامرة رغم قصر المدة لاحظت انك

انسان بسيط جدا وطيب واكتر شىء لفت نظرى انك ما النوع النقناق فى قصة الاكل ولا دا وينو

ولا دا ما سمح( هل دى طبيعتك ولا كانت كشكرة )gooodgoood


اجيك تانى ولا كفاية





عليك دينك تسلم على الحكومة وافراد الطاقم الحلوين

البلومة يا سرور عاقلة وحسبتها كويس... وأنا الله مرقني :D
لو رجعت عشرين سنة ما أفتكر أغير حاجة والله ...

وردة علي قبر أمي وأخري علي قبر والدي والأخيرة لحباب خالد الحاج ..

الأكل مشكلة يا سرور فأنا أسلوب أكلي مختلف تماما من أبنائي فهم لا يحبون "الطبائخ والمسبكات" ويفضلون "الجنك فود" ...
أجد نفسي أطبخ أحيانا غير هذا آكل الموجدود وإن لم يرضيني واضعا أمامي الحكمة (ليس بالخبز وحده يحي الانسان) .

تعالي يا سرور وكت ما تريدي يشيلك الراس يا ابنة العم .

خالد الحاج
04-08-2009, 09:51 PM
سلااام للكل
نان ياناصحة..دي ما كشكرة سااااكت
في راجل مانقناق في الاكل يختي...!!!!!
مستحــــــــــــــــــــــــــــيل
يكون ايام زيارتك ..كان مقطعو في حشاو..لزوم الضيافة:D
ولا شنو..قولك ياخالد ...
دام الجميع بالعافية وعدم النقة.looool:Dgoood

النصيحة لله يا مرافي ما قاعد أنقنق بالعكس لما أزعل "بكضم" أي والله
شفتي زول ما يتكلم 15 يوم ؟ ...

خالد الحاج
04-08-2009, 09:53 PM
دي ظابطة معاك

كلاماتو حنينة
وبتحكي حال البلد

بس طول بالك يااخوي
ولمم اطرافك وروح على البلد
بدل تلقى البيت فضى عليك


وبعدين دي ماجكسوية
بس لكن دي كانت بتتونس
ساكت بتقضي وكتgoood
اقول ليك خسرانة هي والله
ولا شاكوش على راسهاهي وقع

اها انا هنا للمساندة
من عصير ومناديل وكده
لانو اماني مافي
ومحاحاة ناس الزرزرة
إزيك يا هويدا
عساك بخير يا ابنة العم..
خلي الطاجن مغطي..:(
الشكية لله ......

بسمله
04-08-2009, 09:55 PM
خالد الحاج

رجل بعمق بلادنا و طيبه اهلنا شخصيه لا يمكن تجاوزها بسهوله ..
و لانى فى سودانيات منذ ان بدأت فشهادتى فيه مجروحه
سعدت كثيرا بلقائه الثر ..
و سعدت اكثر بهذا البوست و الذى اتاح لى فرصه النظر اليه عن قرب

شكرا لك يا ابا امانى

و شكرا كثيرا لخالد ..
:)

عبدالعزيز خطاب
04-08-2009, 11:03 PM
ياخال

سلام شوق

أسئلتي:-

1- هل قناعاتك مازالت راسخة بإنتماءك للحزب الشيوعي؟؟

2- هل الثوابت في الفكر السياسي تشيخ بفعل السنين؟؟ لا أقصد سنين عمرك (الندية) وإنما تداول الأيام والمتغيرات ودورة الشخوص في سلالم الهيكل الحزبي!!

3- ماهي رؤيتك المستقبلية في مساهمتك للمراحل الآنية لسودان ما قبل وبعد الأنتخابات وإستفتاء تقرير المصير؟؟ والقدر الذي ستسهم به سودانيات؟؟؟؟

4- هل مازلت متشبس بكل القناعات التي حملتها من مشاركتك بمؤتمر الإعلاميين ؟؟

5-أولاد أختك كم؟؟؟؟؟؟؟؟؟؟؟؟goood

محبتي التي تعرفها
الميت

خالد الحاج
05-08-2009, 07:53 AM
خالد الحاج

رجل بعمق بلادنا و طيبه اهلنا شخصيه لا يمكن تجاوزها بسهوله ..
و لانى فى سودانيات منذ ان بدأت فشهادتى فيه مجروحه
سعدت كثيرا بلقائه الثر ..
و سعدت اكثر بهذا البوست و الذى اتاح لى فرصه النظر اليه عن قرب

شكرا لك يا ابا امانى

و شكرا كثيرا لخالد ..
:)
ألف شكر عزيزتي بسملة لحسن ظنك في خالك..

خالد الحاج
05-08-2009, 08:10 AM
ياخال

سلام شوق

أسئلتي:-

1- هل قناعاتك مازالت راسخة بإنتماءك للحزب الشيوعي؟؟

2- هل الثوابت في الفكر السياسي تشيخ بفعل السنين؟؟ لا أقصد سنين عمرك (الندية) وإنما تداول الأيام والمتغيرات ودورة الشخوص في سلالم الهيكل الحزبي!!

3- ماهي رؤيتك المستقبلية في مساهمتك للمراحل الآنية لسودان ما قبل وبعد الأنتخابات وإستفتاء تقرير المصير؟؟ والقدر الذي ستسهم به سودانيات؟؟؟؟

4- هل مازلت متشبس بكل القناعات التي حملتها من مشاركتك بمؤتمر الإعلاميين ؟؟

5-أولاد أختك كم؟؟؟؟؟؟؟؟؟؟؟؟goood

محبتي التي تعرفها
الميت

إزيك يا عزيز اللذيذ..
1- هل قناعاتك مازالت راسخة بإنتماءك للحزب الشيوعي؟؟

بالنسبة لسؤالك الأول يا عزيز ما أستطيع قوله لك الآن هو الآتي :

* نعم لا أزال عضوا في الحزب الشيوعي.
* عضويتي في الحزب مجمدة بطلب مني إلي أن أتلقي ردا في شكوي مرفوعة من قبلي لقيادة الحزب وامتد انتظاري منذ شهر فبراير ولا جديد .
أما عن القناعات فصبرا... انتظرني شهرا وستقرأ رأي ...

2- هل الثوابت في الفكر السياسي تشيخ بفعل السنين؟؟ لا أقصد سنين عمرك (الندية) وإنما تداول الأيام والمتغيرات ودورة الشخوص في سلالم الهيكل الحزبي!!

هذا سؤال كبير يا عزيز والإجابة عليه باختصار قد تسرق المعاني وتؤدي للتجريم..
علي كل حال هل يكفيك القول أن خيبة أمل كبيرة تتملكني بعيد المؤتمر الخامس للحزب وأن التغيرات التي حدثت لا تتوازي والمرجو .. اللهم إلا أن كان قيام المؤتمر نفسه يعتبر انجازا استثنائيا نكتفي بإعلان فرحتنا به .!!


3- ماهي رؤيتك المستقبلية في مساهمتك للمراحل الآنية لسودان ما قبل وبعد الأنتخابات وإستفتاء تقرير المصير؟؟ والقدر الذي ستسهم به سودانيات؟؟؟؟

قناعتي الشخصية هي العمل ولآخر نفس لتكريث روح وحدوية وترسيخ السلام.. وقد كان هذا هو ديدن سودانيات الراسخ الذي لم يتغير...
نعم الوضع السياسي الراهن لا يبشر بمستقبل مطمئن خاصة فيما يتعلق بتقرير المصير لكن الدول لا تقاس بحجمها يا عزيز انما بمدي تماسكها وما تقدمه من رفاهية وسلام وأمن لمواطنيها ... فإن كان لا بد من انفصال فاليتم ذلك في صورة حضارية وبسلام .



4- هل مازلت متشبس بكل القناعات التي حملتها من مشاركتك بمؤتمر الإعلاميين ؟؟

وهل هنالك تغييرا تراه يحتم علي تغيير قناعاتي ؟
كان مؤتمر الإعلاميين فرصة لي للمشاهدة عن قرب والحكم (فرست هاند) علي أوضاع الوطن بعد أن ظللت أكتب منذ 1995 من علي البعد معتمدا علي ما تجود به وسائل الإعلام ..

5-أولاد أختك كم؟؟؟؟؟؟؟؟؟؟؟؟goood

أولاد أختي اتنين يا عزيز واحد مات رحمة الله عليه والتاني عاااااااايش

بابكر مخير
05-08-2009, 08:25 AM
أولاد أختي اتنين يا عزيز واحد مات رحمة الله عليه والتاني عاااااااايش

ما سؤال، لكن تعليق أو نقول ملاحظة..
فيكا يا خلودي بشوف الزول الديمة مشغول،
حياتك يغلب عليها طابع الجدية،،
ممكن أقول في بعض الأحيان أنك مهمووووووووووووووم (في شني يابا الدنيا حلوة وخلي بالك قصيرة)
لكن بالرد دآ،،
بقت نظرياتي مشقلبة،،
حلوة ذي حلاوة الزول الرديت عليهو،،
غايتو ظنيتك من نسيم هولندا الداشر قنب (كنابيس) بقيت رويان....gooodgoood
وخلى مقياسي إنقلب..:D:D
سلامي للمحظوظين بيك، صباح ونهار ومساء،،،

أبو أماني
05-08-2009, 04:43 PM
الخال.. د.. لك الصادق من القلب .. متابعين وسعداء بكل ما يدور منك ومن المتداخلين إجاباتك .. أدب رفيع ونظم بديع .. بس العزيز عبد العزيز بن الخطاب لم توفي سؤاله حقه كما أظن .. فهو قال .. وأنت قلت ..
اقتباس:
5-أولاد أختك كم؟؟؟؟؟؟؟؟؟؟؟؟

أولاد أختي اتنين يا عزيز واحد مات رحمة الله عليه والتاني عاااااااايش
__________________

ضنيته .. قاصد شيتن كتر .. وعلامات الإستفهام الكتيييرة دي تشير .. وضنيتك قصدت الزوغة فأولاد أختك يا (خال) لا حصر لهم..عجبا.. ينقص الدال من إسمك ويظل الإسم كامل المعني والمضمون ..

لا تستبق الأحداث فهناك في جعبتنا..الكثير المثير الخطر.. وحاليا الله يعينك يافردة على القدامك ديل شايف الحبيب تكعيب بوكو .. بيسخن على الخط .. في أمان الله .. ووداعته .. تشاو

بابكر مخير
06-08-2009, 07:28 AM
الخال.. د.. لك الصادق من القلب .. متابعين وسعداء بكل ما يدور منك ومن المتداخلين إجاباتك .. أدب رفيع ونظم بديع .. بس العزيز عبد العزيز بن الخطاب لم توفي سؤاله حقه كما أظن .. فهو قال .. وأنت قلت ..
اقتباس:
5-أولاد أختك كم؟؟؟؟؟؟؟؟؟؟؟؟
أولاد أختي اتنين يا عزيز واحد مات رحمة الله عليه والتاني عاااااااايش
__________________
ضنيته .. قاصد شيتن كتر ..
وعلامات الإستفهام الكتيييرة دي تشير .. وضنيتك قصدت الزوغة فأولاد أختك يا (خال) لا حصر لهم..عجبا.. ينقص الدال من إسمك ويظل الإسم كامل المعني والمضمون ..
لا تستبق الأحداث فهناك في جعبتنا..الكثير المثير الخطر.. وحاليا الله يعينك يافردة على القدامك ديل شايف الحبيب تكعيب بوكو .. بيسخن على الخط .. في أمان الله .. ووداعته .. تشاو

أبو أماني،
ست الأماني الحلوة وجميلة..
أنا أولاد أختو بعرفهم كلهم،،
ما هم إخياني، سودانيات وسودان بالذات وكل سوداني بالجنسية وال(ميلاد) "أهو إسم واحد فلت منهم";)..
لكن يابا لو شفتا أولاد خالتو هو،،،
أبتديهم من زملآ المهنا ناس كمال "الكبير وكبير" وأمر علي البندر الهو في الأصل منبع الدر وأصل بيكا لي رب البهجة والجمال، مفرح القلب ومسعد الخلق "أسعد البرير"...
غايتو هو يفرح وإتا تفرح والشئ البيفرح برضو وبزيد الفرحة؟؟؟؟






















































اللون الهلالابي،
الله يسرك يابا في ما يغرك....

"بمناسبة هلالابي؛ المرة الوحيدة القعدتا فييها لمدة ساعات في إجزخانة خاصة،، جاءت وحدة وطلبت حبوب الهلالابي،،،،، ما عرفتا المقصود!!! أخوك زول حكومة بث دواء دون أسماء تجارية،،، قام لحقني المساعد في الإجزخانة وجاب صندوق لونو لبني لحبوب منع الحمل،، وعليه رسمة قمر كامل وهلال،،،"

طارق صديق كانديك
06-08-2009, 08:02 AM
شكراً كثيراً أبو أماني .. !!

الجميل خالد الحاج

متعك الله بالصحة والعافية أنت وعصافيرك الندية أينما حللتم .. !!

أشهد أني قرأتك بجوانحي فوجدتك تحمل الوداد كله .. !!

فقط لك تحية مستحقة .. !!

مع تقديري

طارق صديق كانديك
06-08-2009, 08:08 AM
ياخوى أنا حاشرنى هنا مالك .. أنا دى ما شلتى .. نحن مع الأيقونات وعضوية شلة البحر ناس كانديك وأبو ريم وعادل عسول :D وناس عثمان الطيب والشباب البفرح ده .. ناس شليل وشبارقة وفيصل سعد ما سائلين فيهم .. ود عثمان داك زول بتلصق ساكت .. ياهو دفعة ناس ود الطاهر ..

:mad:

(( النديد)) :D رأفت ميلاد

صباح الأيقونات على البحر كن أم على مفترق الشوق


أما والبحر أمامنا وفي معيتنا الجمال ... لن نستثني منه شيئاً .. !!

سعيدين بأن نكون في خاطرك يا جميل ... !!

عاطر مودتي

أبو أماني
07-08-2009, 06:53 PM
شكراً كثيراً أبو أماني .. !!

الجميل خالد الحاج

متعك الله بالصحة والعافية أنت وعصافيرك الندية أينما حللتم .. !!

أشهد أني قرأتك بجوانحي فوجدتك تحمل الوداد كله .. !!

فقط لك تحية مستحقة .. !!

مع تقديري

وكما قرأتني قرأتك يا صديقي العزيز .. شكرا على الكلام الحلو الجميل ولا عجب فطيب المصدر يفوح أريجه يعبق الأرجاء .. يهمني في المقام الأول والأخير .. أن نساهم جميعا في إعتصار ما نود معرفته من ضيف مائدتنا الدسمة .. وحررررم مافي زول يقوم منها .. أرجو الحلو ... تحياتي يا عسل .. لك ولجميع المشاركين أعلاه وعلى القائمة الحبيب تكعيب بوكو goood

أبو أماني
07-08-2009, 06:59 PM
أبو أماني،
ست الأماني الحلوة وجميلة..
أنا أولاد أختو بعرفهم كلهم،،
ما هم إخياني، سودانيات وسودان بالذات وكل سوداني بالجنسية وال(ميلاد) "أهو إسم واحد فلت منهم";)..
لكن يابا لو شفتا أولاد خالتو هو،،،
أبتديهم من زملآ المهنا ناس كمال "الكبير وكبير" وأمر علي البندر الهو في الأصل منبع الدر وأصل بيكا لي رب البهجة والجمال، مفرح القلب ومسعد الخلق "أسعد البرير"...
غايتو هو يفرح وإتا تفرح والشئ البيفرح برضو وبزيد الفرحة؟؟؟؟






















































اللون الهلالابي،
الله يسرك يابا في ما يغرك....

"بمناسبة هلالابي؛ المرة الوحيدة القعدتا فييها لمدة ساعات في إجزخانة خاصة،، جاءت وحدة وطلبت حبوب الهلالابي،،،،، ما عرفتا المقصود!!! أخوك زول حكومة بث دواء دون أسماء تجارية،،، قام لحقني المساعد في الإجزخانة وجاب صندوق لونو لبني لحبوب منع الحمل،، وعليه رسمة قمر كامل وهلال،،،"

حقيقي يا دوك .. مداخلاتك ومساهماتك الدسمة الموجزة التي تذكرني بلسعات محمد على كلاي تذكرني أيضا بالإمتحانات في مرحلة الثانوي العالي .. يا أخي والله وووالله إت ما في منك إتنين في البلد دي .. تصدق يا مؤمن؟ محاورتك للخال العزيز خالد وإثارة كوامن الذكريات بأصدقاء الصبينة والشباب .. محاورة ذكية بلا شك تستفز مشاعر ضيفنا الكريم وتجعله يسهب دونما يقصد وهذا غاية ما نصبو إليه دمت لينا .. نبراسا مضيئا .. وفكرا راجحا وحاديا للدرب أبا جعفر المنصور .. ولأبي جعفر الآخر (خالد) كل الود .. وننتظر ردوده على المشاركين بفارغ الصبر ..أرقدوا عافية goood..

همس الشوق
07-08-2009, 07:38 PM
حباب همس الشوق



نعم أحمل الجنسية الهولندية مع احتفاظي بجنسيتى السودانية.
مسألة العيش بسلام حمالة أوجه يا بت أختي..
إن كنت تعنين العيش من حيث الأكل والشراب والتعليم والصحة فالإجابة نعم.
لكن السلام يا بت الأخت ماهو أكل وشراب.. "ليس بالخبز وحده يحي الإنسان"
الغربة تسرق منك أجمل ما فيك "الانتماء" ..
تخيلي أنك تعيشين في قرية أقاصي الجنوب الهولندي.. لا أهل ولا أصدقاء ولا أسرة تزورك
ينحصر نشاطك بين العمل والمنزل .. وكل اصدقاءك ومؤنسي وحشتك هم جهاز كمبيوتر يمدك ككيس جلكوز بمعني أن تشعر بانسانيتك .. محزن مش كده ؟

الأبناء من ناحية أخري هم مصيبتنا الكبري..
سارة ابنتي عمرها 12 سنة .. طلبت أن تقص شعرها وهو طويل نوعا وجميل.. رفضت أنا
وردت سارة علي بلغة غير جميلة رديت عليها برفع صوتي ورميتها بمجلة كانت في يدي فأسرعت جارية ناحية الشارع ولم تعد إلا بعد أن أحضرها البوليس بعد منتصف الليل :(
لم أقسو في حياتي علي ابنائي وأعاملهم برفق ...
http://www.albrkal.com/upload/uploads/sarah122.jpg

طبعا هذا لم يقنع البوليس فاتصلوا بمنظمة تسمي (كندر بشخيرمنج) حماية الطفل..
هؤلاء اعتبروها قضيتهم وهاك يا تحقيق وأمش وتعال...
نبشوا حتى سجلي الطبي وسجلي العدلي...
أسوق هذه القصة فقط كي أشرح ما نعاني أحيانا من غربة الجسد والروح..
لا تزال التحقيقات جارية وهي مآساة تأخذ من روحي وجسدي ولا أقول إلا الشكية لله :(
هولندا أخذت عمري وسلامي النفسي يا ابنة الأخت.

يديك العافية.

يا ربيييييي
مبالغة
هي فاتورة التربية في بلاد العم سام

للأسف سمعت مواقف كتيره عن تمرد الأبناء هناك

ولكن ...

اذا إفترضنا نية الرجوع الى الوطن في يوما ما

كيف سيتكيف الأبناء على العيش في السودان ؟؟؟؟
وهل النية موجوده خصوصا بعد هذا الموقف المخيف....؟؟؟؟

أبو أماني
09-08-2009, 06:00 PM
يا ربيييييي
مبالغة
هي فاتورة التربية في بلاد العم سام

للأسف سمعت مواقف كتيره عن تمرد الأبناء هناك

ولكن ...

اذا إفترضنا نية الرجوع الى الوطن في يوما ما

كيف سيتكيف الأبناء على العيش في السودان ؟؟؟؟
وهل النية موجوده خصوصا بعد هذا الموقف المخيف....؟؟؟؟



أولا رد على البنية يا خال .. وثانيا هنالك عدة مداخلات أعلاه لم ترد عليها ثالثا وأخيرا هانت بعد ردودك على كافة ضيوفك .. ممكن في ختام طلتك البهية ترشح لينا على مزاجك الضيف رغم إثنين .. والذي تسبغ عليه شرف أن يأتي منك .. وبعدك .. لك خالص مودتي goood :D :D

خالد الحاج
09-08-2009, 06:14 PM
يا ربيييييي
مبالغة
هي فاتورة التربية في بلاد العم سام

للأسف سمعت مواقف كتيره عن تمرد الأبناء هناك

ولكن ...

اذا إفترضنا نية الرجوع الى الوطن في يوما ما

كيف سيتكيف الأبناء على العيش في السودان ؟؟؟؟
وهل النية موجوده خصوصا بعد هذا الموقف المخيف....؟؟؟؟




الأعزاء
بابكر مخير
طارق صديق
أبوأماني
المسألة ليست أكثر من "دبرسة" مقيمة أجاركم الله ...
غياب غير مقصود والله ...
محبة مقيمة يا بابكر وطارق تعلمانها ...


العزيزة همس الشوق..
سارة لا تزال طفلة وما حدث لم أوصله وصفا لمرحلة "التمرد" لكنها تجربة قاسية علي كل حال..
أما عن الرجوع للوطن فهي رغبة لازمتني لأعوام طوال -14 عام- هي مدة وجودي في هولندا..
المسألة لم تعد تتجسد في "شخصي" الضعيف انما في الأولاد.. وكل يوم يمر يصير القرار أصعب..
شخصيا لم تعد مسألة العيش في الغرب تشكل لدي ذاك البريق المرتبط ب "الشباب"...
شاهدت الغرب وسافرت لأكثر من عشرون دولة حول العالم ...
صدقيني ليس هنالك جديد يشاهد ..
قال عالم أنثربولجي : (كي تفهم نفسك جيدا عليك ب "أكسبلور" عوالم أخري )...
النتيجة أن الانسان اينما كان وكيفما كان شكله ولونه وذهنيته هو هو الانسان ...
النتيجة ..
أشتاق لحياة بسيطة .. سلام الجار وقولة اتفضل ..حرم تشرب شاي.. وكل سنة وانت طيب ، ويا آخي كفارة ...
و..... بس ...
حتى هذه أصبحت عزيزة المنال ...
الشكية لله .

خالد الحاج
09-08-2009, 06:17 PM
أخيرا عليك بأحد هؤلاء يا أبا أماني...
النور يوسف
رأفت ميلاد
لنا جعفر
هاشم طه
حسن فرح
بابكر مخير..

أبو أماني
09-08-2009, 06:49 PM
أخيرا عليك بأحد هؤلاء يا أبا أماني...
النور يوسف
رأفت ميلاد
لنا جعفر
هاشم طه
حسن فرح
بابكر مخير..

حقا ابهجتنا واسعدتنا بإستضافتك الرائعة المتميزة وخرجنا منك بحصيلة وافرة من أشياء حميمة كنت تكنزها لنفسك ومن تعزهم فاقنعك أبو أماني باننا منهم .. ترشيحك سيكون فهرست كما جاء من بنانك الرائع .. لك الود الصادق والحب الصاخب والشوق الدافق للقائك والأسرة الكريمة لهم تحياتي .. وليشمر لنا العزيز النور يوسف المرشح الأول عن ساعديه .. بدايتي مع ضيفي الجديد .. سؤال واحد تمهيدي : أود التعرف إليك أنا وباقي من لا يعرفونك يا نورنا الضاوي فهلا تكرمت ومديت رأسك جاي؟ .goood.goood.goood

somiaadam
09-08-2009, 08:56 PM
إزيك يا سرور
إنت ما بتخلي البحيت ؟ غايتو يوم بتتلدغي looool

أول شاكوش كان بعد التخرج من الجامعة وفي لجنة الاختيار للخدمة العامة في الخرطوم..
خاتي سفتي وواقف قدام البورد أقرا في نتائج المعاينات ومنتظر "البلومة"
جاتني تحمل في يدها مجموعة كروت لدعوة زواجها .. أي والله ..:(
قالت لي : أنتظرك لي متين أنا في زول جاهز اتقدم لي ...
كنت حينها لا يزال والدي يدفع لي حق المواصلات والتمباك :(
غايتو يا سارة الله يجازيك ..
اخونا خالد بالله عليك
ده محل الشواكيش طبعا لانو لجنه الاختيار دي اساسا كان حيدوك فيها شاكوش يعني
يبقوا اتنين الله يكون في عونك (الجنه)دي جايبين سيرتها مالكم مورما فشفاشنا :mad:

ياريت تحكي لينا ما أمكن من تجارب كانت لها أثر في تغيير مجري حياتك أذا حصلت
ولسه جاينك للباقي..بس شويه كده

somiaadam
09-08-2009, 08:59 PM
شكرا للرائع ابو اماني علي الافكار الرائعه
أعزرني كتبتها بعد المشاركه

أبو أماني
10-08-2009, 08:33 AM
اخونا خالد بالله عليك
ده محل الشواكيش طبعا لانو لجنه الاختيار دي اساسا كان حيدوك فيها شاكوش يعني
يبقوا اتنين الله يكون في عونك (الجنه)دي جايبين سيرتها مالكم مورما فشفاشنا :mad:

ياريت تحكي لينا ما أمكن من تجارب كانت لها أثر في تغيير مجري حياتك أذا حصلت
ولسه جاينك للباقي..بس شويه كده

طبعا بعد إعلان ختام زيارتك أعلاه وصلت المداخلة الرائعة الهامة من العزيزة أستاذه سمية آدم ولازم يأتي الرد منك شافيا ومسهبا لانه آخر رد بعد إنعتاقك .. لكما خالص الود

أبو أماني
12-08-2009, 10:32 AM
We are waiting... I hope not 4 long... chawoooo

خالد الحاج
12-08-2009, 05:58 PM
ياريت تحكي لينا ما أمكن من تجارب كانت لها أثر في تغيير مجري حياتك أذا حصلت
ولسه جاينك للباقي..بس شويه كده

سمية آدم ..
حبابك يا خية..
هناك محطات عديدة ... لكن المحطة التي أقف فيها "الآن" هي التي غيرت مجري حياتي..
باختصار وأرجو أن لا تقولي لي أشرح (اكتشفت بعد سنوات طوال أني لم أشتري الوهم فقط انما اسهمت في تسويقه) :(
أزيدك (هينين) علي قول أهلي الشايقية ... أني بعد هذه المحطة لا انتمي إلا للوطن .

ويا أبا أماني أنا ماني جاييك هنا تاني دحين أقبض في النور يوسف أو هاشم طه أو رأفت ميلاد.. أيا كان صيدك فأنت الكسبان ..
والسلالالالالام .

أبو أماني
13-08-2009, 05:55 PM
سمية آدم ..
حبابك يا خية..
هناك محطات عديدة ... لكن المحطة التي أقف فيها "الآن" هي التي غيرت مجري حياتي..
باختصار وأرجو أن لا تقولي لي أشرح (اكتشفت بعد سنوات طوال أني لم أشتري الوهم فقط انما اسهمت في تسويقه) :(
أزيدك (هينين) علي قول أهلي الشايقية ... أني بعد هذه المحطة لا انتمي إلا للوطن .

ويا أبا أماني أنا ماني جاييك هنا تاني دحين أقبض في النور يوسف أو هاشم طه أو رأفت ميلاد.. أيا كان صيدك فأنت الكسبان ..
والسلالالالالام .

النور يوسف .. أخوي هوووي .. السلام عليك .. أظنك سمعت وشفت وقريت الكلام الفوق والفوقو كمان .. دحين ما تطول علينا الغياب .. وإلا على القسم أرفع عليك دعوة في منظمة حقوق الإنسان نيابة عن كل مريديك من ظهر منهم ومن بطن .. لو داير نعزف السلام الجمهوري لطلتك حاضرين .. يا أمير ... أبقى لا داخل .. وسوعالي معلق فوووق .. تشاووو goood goood goood

أبو أماني
15-08-2009, 10:45 AM
أنا غايتو ماعارف .. لاكين زي ما رشحت لي ثلاثة أربعة أنفار وحيرتني .. وزولك النور يوسف ما قع يظهر ولا حتي في الحوار .. تحدد لي زول بعينه وتخته قدام المشاركين .. أها بتسوها .. ولا أحرش عليك بتي سارة؟ ..gooodgooodgoood

احمد زين
15-08-2009, 11:08 AM
أنا غايتو ماعارف .. لاكين زي ما رشحت لي ثلاثة أربعة أنفار وحيرتني .. وزولك النور يوسف ما قع يظهر ولا حتي في الحوار .. تحدد لي زول بعينه وتخته قدام المشاركين .. أها بتسوها .. ولا أحرش عليك بتي سارة؟ ..gooodgooodgoood

والله يا عم ابو اماني ما دام صاحبنا النور ماعايز صاحبك هاشم طه مع تسخينته دي بيكون مناسب لانه مع السخانة بتاعته دي ردودو بيتكون جميلة ولاذعة في نفس الوقت لاسيما وهو يمتلك نواصي الكلم .... ولا شنو؟

بدور التركي
15-08-2009, 11:13 AM
جوزيف النور
منتظرين:p
لا تدعنا
نعتصر
الشوق اعتصارا
قبل جاي:)

أبو أماني
15-08-2009, 03:51 PM
والله يا عم ابو اماني ما دام صاحبنا النور ماعايز صاحبك هاشم طه مع تسخينته دي بيكون مناسب لانه مع السخانة بتاعته دي ردودو بيتكون جميلة ولاذعة في نفس الوقت لاسيما وهو يمتلك نواصي الكلم .. ولا شنو؟

بس أديها صنة شوية.. جوزيف النور زي ما قالت الملكة بدور فوق .. طنشنا كلنا.. وكان الله قدرو طنش الملكة .. يبقي (البايعك بيعو) ..المرشح التالي طووووالي أبو مهيد..وهو لانو صاحبي وعارفو .. ما ضنيتو يخذل صديق العمر .. وحقا عمره ما خذلني في يوم من الليام حاشاهو أبو مهيد عادل الميل وشداد العنقريب.. هي بس .. شداد الميل عيلا كان هيني في سودانيات (بث!)!!.. يا أخوانا تحفة حواء دي بتكتكت بي تحت التوب مالها؟؟؟ وشايف مرافي قبلت غااااادي .. البنات ديل بيضحكن في شنو يا .. سارة؟.. الخرابة .. سارة ظاااطها ختت إيدها في خشمها وجرت .. gooodالمطرق .. gooodالللللللللgoood !!!

النور يوسف محمد
16-08-2009, 10:02 AM
بسم الله الرحمن الرحيم
الأخ أبو أمانى
التحيات الزاكيات
لك ولمن حولك وللزمن الجميل
شكراً خالد على التنبيه بالرغم من متابعتى للبوست . جد والله
أبو أمانى . كيفك
آخر العهد بك فى مداخلة لى يوم 10/8 بوست الفضائية ص 5
أعتقد أن تزاحم المشاركات لم تسعفك بالرد عليها , أعرف أنك لا تهمل
شكرا لكم
إنا دون من معى بكشف الترشيح .. وللأبجدية رأى
سأكون معكم .....آمل أن أكون خفيفاً
بالرغم من أن رهق الزمان أضعف دواعى الإبتسام
شكراً لكم

أبو أماني
16-08-2009, 10:15 AM
بسم الله الرحمن الرحيم
الأخ أبو أمانى
التحيات الزاكيات
لك ولمن حولك وللزمن الجميل
شكراً خالد على التنبيه بالرغم من متابعتى للبوست . جد والله
أبو أمانى . كيفك
آخر العهد بك فى مداخلة لى يوم 10/8 بوست الفضائية ص 5
أعتقد أن تزاحم المشاركات لم تسعفك بالرد عليها , أعرف أنك لا تهمل
شكرا لكم
إنا دون من معى بكشف الترشيح .. وللأبجدية رأى
سأكون معكم .....آمل أن أكون خفيفاً
بالرغم من أن رهق الزمان أضعف دواعى الإبتسام
شكراً لكم

الحبيب .. عتابنا ليك بدافع حب بالتقرب إليك لا أكثر .. وتجاهل مداخلتك غير وارد إطلاقا وكنت حصيفا في تفهم مسببات عدم ردي عليها فقسما هو ما قلت بالظبط .. لك العتبيى حتى ترضى .. أما كونك تستسلم لرهق الزمان فهذا ما لا أحب سماعه من شخص عزيز على قلوبنا جميعا .. وإياك وأن تفكر في أي حرف سين يشكل كلمة إستسلام .. أما إدعائك بأن تآمل كونك خفيفا على القلوب .. تأخرت عن المائدة كثيرا ولاعذر لك الآن..لنبدأ بالتعارف..من أنت؟؟ ..العزيز النور يوسف محمد .. وهي أول الغيث

elle
16-08-2009, 11:19 AM
شكرا أستاذي أبو أماني على هذه النافذة التي أريتنا من خلالها بعض الجوانب الخافية من شخصية طالما تمنيت أن أعرف عنها.

تحياتي أستاذ خالدالحاج

ومرحبا أستاذ النور يوسف محمد.

أتطلع للمزيد



إحترامي

النور يوسف محمد
16-08-2009, 12:27 PM
بسم الله الرحمن الرحيم
لله فى خلقه شؤون !!!!
كيف قادتنى قدماى الى قمندانية بحرى !!!
وكيف اهتديت لها وأنا من أمرـ كل الشرطة ـ لفى ضلال مبين !!
كيف وأنا أصلاً من قريةٍ رؤية شرطى فيها ( نذير شؤم !)
ولا بد من أمرٍ جلل يقع حتى يأتى (الكومر) الى حيث قريتنا ,
الغائبة عن أعين الخدمات المجردة عند منحنى النيل فى منطقة السبلوقة .
............................
النور يوسف محمد
مواليد 18/04/1559 م
قرية السبلوقة ( المسيكتاب جنوب ) الشلال السادس
(الأولية ) قرية الحقنة ربفى ودحامد جنوب شندى
( الوسطى ـ المتوسط) قرية حجر الطير
( الثانوى ) عطبره, الجيلى , المقرن
كلية الشرطة ـ برى حيث تخرجت برتبة الملازم فى 1981 م
وجل عملى فى مجال التحقيق والبحث
.................................
ضيفكم أبو البنات وهن أربع زهرات ( أخاف عليهن من نسمة الهواء البارده
آرام ـ الصف الثانى مدرسة الخرطوم القديمة الثانوية ـ العمارات
ألاء ـ الصف الخامس مدارس الموهبة والتميز ـ عابدين حماد
أروى ـ الصف الثالث أساس
مثانى ـ الصف الأول أساس
............................
أعمل الآن بمدينة الرياض ـ المملكة العربية السعودية
ت 00966503627939

تحفة حوا
16-08-2009, 12:35 PM
بسم الله الرحمن الرحيم
لله فى خلقه شؤون !!!!
كيف قادتنى قدماى الى قمندانية بحرى !!!
وكيف اهتديت لها وأنا من أمرـ كل الشرطة ـ لفى ضلال مبين !!
كيف وأنا أصلاً من قريةٍ رؤية شرطى فيها ( نذير شؤم !)
ولا بد من أمرٍ جلل يقع حتى يأتى (الكومر) الى حيث قريتنا ,
الغائبة عن أعين الخدمات المجردة عند منحنى النيل فى منطقة السبلوقة .
............................
النور يوسف محمد
مواليد 18/04/1559 م
قرية السبلوقة ( المسيكتاب جنوب ) الشلال السادس
(الأولية ) قرية الحقنة ربفى ودحامد جنوب شندى
( الوسطى ـ المتوسط) قرية حجر الطير
( الثانوى ) عطبره, الجيلى , المقرن
كلية الشرطة ـ برى حيث تخرجت برتبة الملازم فى 1981 م
وجل عملى فى مجال التحقيق والبحث
.................................
ضيفكم أبو البنات وهن أربع زهرات ( أخاف عليهن من نسمة الهواء البارده
آرام ـ الصف الثانى مدرسة الخرطوم القديمة الثانوية ـ العمارات
ألاء ـ الصف الخامس مدارس الموهبة والتميز ـ عابدين حماد
أروى ـ الصف الثالث أساس
مثانى ـ الصف الأول أساس
............................
أعمل الآن بمدينة الرياض ـ المملكة العربية السعودية
ت 00966503627939

:eek:
:D
ربنا يخلي ليك زهراتك يارب
بس لاحظت من مدارسهن انهن بعيدات عنك ( بالسودان )
رايك شنو في الغربة والاطفال بعيدين عن أبوهم ؟

مرحبا بك معانا في الرياض

ابوريم
16-08-2009, 01:40 PM
النور!
مواليد 18/04/1559 م
عمرك كم؟

فيصل سعد
16-08-2009, 01:48 PM
السلام و التحية و التقدير لصاحب البوست
و لضيفه العزيز استاذنا النور يوسف محمد :

سؤالي لك ضيفنا العزيز خاص بالادب السوداني عموما شعرا و مسرحا و نثرا و حكاوي و قصص و روايات و رسم و فنون و موسيقى و غناء ، اولا هنالك مقولة تقول ان الآداب و الفنون لا تزدهر الا بتوفر الحريات و العدالة و الديمقراطية .. و تضمحل و تتدنى و تنهار في الدكتاتورية و القهر و التسلط ، فارجو ان تدينا اضاءة و لمحة و رؤية في هذا الموضوع .

و ثانيا ما هي علاقة الآداب و الفنون بالسياسة؟ و ما هو مدى الارتباط ؟ و متي و كيف يكون احدهم خصما على الآخر ؟ و متي و كيف يتحدان و يعيشان في تجانس و انسجام ؟ و متي و كيف يختلفان و يكونوا في تناحر و نفور؟

على جنب :

في نفس العام الذي تخرجت فيه انت من كلية الشرطة دخلت انا الخرطوم الثانوية القديمة، و لكن ربما نكون تقابلنا يا رجل ، فانا كنت اعاون والدي الراحل في ادارة بوفيه و مطعم كلية الشرطة الذي نافسنا و فزنا بتوكيله و ادرناه 1978-1982 ، و كذلك كنا نملك و ندير البقالة في شارع المعرض امام الكلية في منزل الراحل الدكتور علي المك رحمه الله.

اطيب التحايا ..

النور يوسف محمد
16-08-2009, 03:17 PM
:eek:
:D
ربنا يخلي ليك زهراتك يارب
بس لاحظت من مدارسهن انهن بعيدات عنك ( بالسودان )
رايك شنو في الغربة والاطفال بعيدين عن أبوهم ؟

مرحبا بك معانا في الرياض

بسم الله الرحمن الرحيم
عندما جئت الى هذه البلاد كانت معالم الذات قد تشكلت
نضجاً وعمراً
فأمِنت تبدل الأشياء .. ونظرت حولى
فآثرت أن لا أخوض مع بناتى هذا المعترك
ورضيت أن أعانى كثيراً أو قليلاً ... وربما هم أيضاً يعانون
اصدقك القول أن هذا هو أرقى وغبنى
رغم انهم يمكثون معى 4 شهور فى إجازتهم
وأقضى معهم 45 فى اجازتى , يلازمنى شعور من يفقد أمنه وأمانه
هذا الأمر مازال هو النقاش المتجدد الذى يتصاعد أحياناً الى حد الأزمة
(وأنا راكب رأسى ) , علّ صغيرتى تستبين نصحى ضحى الغد
شكراً تحفة

أبو أماني
16-08-2009, 03:37 PM
شكرا أستاذي أبو أماني على هذه النافذة التي أريتنا من خلالها بعض الجوانب الخافية من شخصية طالما تمنيت أن أعرف عنها.

تحياتي أستاذ خالدالحاج

ومرحبا أستاذ النور يوسف محمد.

أتطلع للمزيد



إحترامي

لا أحد يتصور مدى سعادتي إحتفاءً بأول مداخلة لي شخصيا من شخصية أعزها غيبا وأتابع كل مساهماتها..شكرا على طيب الكلام وعذبه..فماذا يتوقع الإنسان أن يكون داخل خلية النحل؟ تابعي الغوص معنا في بحر يذخر بكل النفائس .. ننتظر النور فما زالت كهربتنا كاطعة..! goood

النور يوسف محمد
16-08-2009, 05:30 PM
النور!
مواليد 18/04/1559 م
عمرك كم؟
بسم الله الرحمن الرحيم
يا أبا ريم
نحنا آثرنا الجمع فكانت آرام وأخواتها
تعجبنى ملاحظة التفاصيل الصغيرة
التى تنم عن ذكاء ............ وشئ من خبث
(إنت تبرى منو )
التحايا موصولة لأسامه الكرور
ولك الصفاء والقمر المنير

مواطن
16-08-2009, 06:57 PM
العزيز النور ..

لدي سؤالان خفيفان :
الأول (سؤال مركب) : ماهي الظروف التي أحاطت بتركك لسلك الشرطة وماذا تعمل الآن.
الثاني : كيـف أنضـممـت إلى سودانيات ؟

التحايا لأبي رامي ..

النور يوسف محمد
16-08-2009, 07:38 PM
السلام و التحية و التقدير لصاحب البوست
و لضيفه العزيز استاذنا النور يوسف محمد :

سؤالي لك ضيفنا العزيز خاص بالادب السوداني عموما شعرا و مسرحا و نثرا و حكاوي و قصص و روايات و رسم و فنون و موسيقى و غناء ، اولا هنالك مقولة تقول ان الآداب و الفنون لا تزدهر الا بتوفر الحريات و العدالة و الديمقراطية .. و تضمحل و تتدنى و تنهار في الدكتاتورية و القهر و التسلط ، فارجو ان تدينا اضاءة و لمحة و رؤية في هذا الموضوع .

و ثانيا ما هي علاقة الآداب و الفنون بالسياسة؟ و ما هو مدى الارتباط ؟ و متي و كيف يكون احدهم خصما على الآخر ؟ و متي و كيف يتحدان و يعيشان في تجانس و انسجام ؟ و متي و كيف يختلفان و يكونوا في تناحر و نفور؟

على جنب :

في نفس العام الذي تخرجت فيه انت من كلية الشرطة دخلت انا الخرطوم الثانوية القديمة، و لكن ربما نكون تقابلنا يا رجل ، فانا كنت اعاون والدي الراحل في ادارة بوفيه و مطعم كلية الشرطة الذي نافسنا و فزنا بتوكيله و ادرناه 1978-1982 ، و كذلك كنا نملك و ندير البقالة في شارع المعرض امام الكلية في منزل الراحل الدكتور علي المك رحمه الله.

اطيب التحايا ..
بسم الله الرحمن الرحيم
فيصل الفيصل
بدايةً , كيف لى أن أتناول هذا الطرح وفى المدينة ألف مالك
صديقك أبا المهيد إن نثر أترع .. وإن نظم أبدع
يأتيك من عميق البوح .. من صلب الحروف .. كجهينةَ عنده الخبر اليقين
هاشم أخى هو أفصح منى لساناً .... وأنا الذى لا يكاد يبين
........................
وإن لم يكن هناك بد ...أخى
فالأدب نبتة يغرسها الخالق فى قلوب من اصطفى
بعيد مستقرها عصيُ على تتر الزمان
تنمو وتذدهر رغم عسف الساسة وظلم العباد ,
يمكنهم أن بحاصرواالقبس المضئ ولكنهم أبداً لن ينالوا من جذوة النار
فكم من روائع أتت من وراء القضبان
فقط ..
إذا أمنا على مستودعها من ذل النوال وشظف السؤال
..........................................
نعم فعصور الظلام تفرخ مسخاً مشوهاً وأدباً ضحلاً
وتدفع الى المقدمة بغثاءٍ من صنع أيديهم
ولكنها كائنات ظاهرة القسمات والملامح سرعان ما تتلاشى كفص ملح
..............................
أما تلك التى على الجنب
أياً كان ......
فهو حديث الشجون
تلك البقالة كانت السبب فى كثير من الجزاءات التى تعرضنا عليها
أنا شخصياً سكنت برى الشريف أيام المقرن الثانوية محطة 10
وبالطبع لى كثير من الزملاء ( السنى , شمس الدين , مجدى منصور ,عبد الرحيم ود برى
أغتقد أن هناك أكثر من مسار تلاقينا فيه
شكرى وتحياتى للأسرة

النور يوسف محمد
16-08-2009, 10:53 PM
العزيز النور ..

لدي سؤالان خفيفان :
الأول (سؤال مركب) : ماهي الظروف التي أحاطت بتركك لسلك الشرطة وماذا تعمل الآن.
الثاني : كيـف أنضـممـت إلى سودانيات ؟

التحايا لأبي رامي ..


بسم الله الرحمن الرحيم
عزيزى هاشم
لك أفانين الزهر وطلائع النخل
بعد الإلتحاق بالشرطة
والتى كنا نرى ـ فيما يرى النائم ـ أنها الحضن الأخير
كان ...
(الحكم الصادر من طغاة مديتنا فى مجلسه العالى المرموق )
يعالجنا بالنزوح , فصرنا شتاتاً فى بلاد الله الواسعة
فى اكتوبر من عام 90 صدر كشف إحالة للصالح العام لكوكبة نيرة من الزملاء إثر اجتماع ضباط الشرطة الشهير مع وزير الداخلية فى مقر الإحتياطى المركزى حيث أمطروه حديثاً كالرصاص والإنقاذ إذ ذاك لها ناب وأضراس وسنون
وقبلها كانت مجزرة الشرطة الأليمة والتى راح ضحيتها لفيف من ضباط الشرطة الأماجد
ولأنى كنت فى إجازتى السنوية كنت خارج هذه القوائم النقية
عدت غريباً أفقد الإنتماء والعشيرة فقدمت استقالتى فى بداية يناير 91
فى 26 يناير جاءنى رد وزارة الداخلية
(ترفض الإستقالة حيث أن وزارة الداخلية ما زالت فى حاجة الى خدماتكم )
فى الأول من فبراير أي بعد خمسة أيام فقط !!!!!
تم إخطارى بإحالتى للصالح العام فى كشف وحدى
لا أحد قبلى فانسب له
ولا أحد بعدى فينسب لى
ومن ثم الى بيوت الأشباح .... والدعوة الصريحة للنزوح
أعمل منذ أن وصلت المملكة فى شركة سعودى أوجيه فى
وظيفة Senior administrator
........................................
جذبنى الى سودانيات (فى ذلك الوقت) قوة الطرح ودسامة العرض ومحاور عن أدب الطيب صالح وإدوارد سعيد ولفت نظرى شوق بدرى والجيلى ( الشيوعى حطب النار :)) آمال الشيخ ودكتوره اشراقة وشخصكم المتواضع
وبالرغم من معرفتى السابقة بخالد إلا أنه نفسه لم يعرفنى الى أن انتظمت عضواً فى المنبر واسألوه إذا تبسم
شكراً أيها الكتااااااااااااااااااااااب كتابة الجن
أبو أرام ياخ
بت تساوى مية ولد

خالد الحاج
16-08-2009, 11:31 PM
العزيز النور
مساء النور

سأحكي قصة هنا ربما تكون خافية حتى علي النور نفسه ، وما كنت لأحكيها لولا أنه أشار إليها "علي استحياء" وهذا هو النور الذي أعرف ...

في التسعينيات وعلي ما أذكر عام 1991 ذهبت إلي منزل الخال المرحوم علي ميرغني حيث تقطن أسرتي الثانية وصديق العمر عوض الله سيد سليمان ..
وجدت البيت في حالة استنفار .. ودعاني عوض الله لمرافقته في مشوار..
ذهبت معه أو في الحقيقة (ردفته معي في الفسيبا) وذهبنا إلي منزل مارتن ملوال في الخرطوم في شارع يقع بين الجمهورية والبلدية . منازل حكومية منذ أيام الأنجليز ..
استقبلنا الرجل بترحاب سوداني أصيل وكان علي علم بحضورنا من الخال علي ميرغني رحمة الله عليه ورضوانه..
كان غرض الزيارة معرفة مكان حبيبنا النور يوسف واطلاق سراحه "إن أمكن" ...
قال العقيد مارتن ملوال عضو مجلس الثورة حينها لنا : وجدت مكان النور يوسف ، وسوف يتم غدا إطلاق سراحه . فقط عليه التزام الصمت .
وقد كان..
خرج النور يوسف من بيوت الأشباح وهو في حالة يرثي لها ..

"هل كنت تعلم بهذا يا النور؟ "

(ليت النور حكي فقصته تدمي القلب وهو يصمت عنها شموخا وعزة نفس) ..




أمر آخر .. هبشت فيه النور في رسالة داخلية و "طنشني" ...:)
لا أعلم إن كنت أحرجه هنا لكني سأنتهز الفرصة "انتهازية" يا النور يا أخوي :)

كان النور يوسف أحد المحققين الرئيسين في قضية اغتيال التلميذة (أميرة الحكيم) عليها الرحمة
وإن تكرم وحكي لنا عن أسرار ووقائع تلك الحادثة التي هزت الشارع والمجتمع حينها نكون أول من استنطق النور.. وإن كان للنور رؤاه التي تجعله يلتزم الصمت فأنا شخصيا أعفيه من السرد..

أخيرا..
للنور محبة مقيمة "تعتقت" علي مر السنين وازدادت عمقا وهو عندي من خيار الناس والله الشاهد , سعيد أنا بوجوده هنا ...

عادل عسوم
17-08-2009, 06:56 AM
التحية في البدء لأبي أماني على حراك بثه ولم يفتأ في اديم هذا المنتدى الجميل بأهله...
والتحية والوداد لضيفنا جميل الكلمات والمرادات النور
أراك لك اروى ولي اروى :)
أسأل الله ان يحفظهن وكل الابناء ويجعلهم جميعا قرة عين
بما أن جلّ عملك السابق-في سلك الشرطة-كان في التحقيق والبحث:
هل من هنّات تراها في مجتمعنا السوداني تجدها مسببة ومودية الى جرائم قمت بالتحقيق فيها؟
وماهي مرئياتك لعلاجها وأصلاحها ان وجدت؟
ماهو رأيك في المطالبة العالمية بالغاء عقوبة الأعدام؟
مودتي

فيصل سعد
17-08-2009, 08:10 AM
أما تلك التى على الجنب
أياً كان ......
فهو حديث الشجون
تلك البقالة كانت السبب فى كثير من الجزاءات التى تعرضنا عليها
أنا شخصياً سكنت برى الشريف أيام المقرن الثانوية محطة 10
وبالطبع لى كثير من الزملاء ( السنى , شمس الدين , مجدى منصور ,عبد الرحيم ود برى
أغتقد أن هناك أكثر من مسار تلاقينا فيه
شكرى وتحياتى للأسرة

مجدد التحايا ايها الاخ العزيز ، و شكرا للردود، و لعن الله الغربة و دروبها التي شتتنا في الاصقاع، السني محمد ابراهيم سنيرنا و كابتننا في فريق المستقبل و جارنا في نفس الشارع بكوريا ، و تجمعنا معه صلة القرابة جذورها ضاربة في البشاقرة غرب، و انا دفعة و صديق اخوه الراحل ابو العزائم طيب الله ثراه، مجدي منصور ود الحاجة جار و قريب و دفعة قدامنا في بري الاميرية، و ربما تكون انت يا النور دفعة اخوانا ماجد سليمان مضوي او صلاح سبيل او عمر شين، ما قلت ليك ناس بري ديل مشربكين يا حبوب !!

لك الود المقيم ..

أبو أماني
17-08-2009, 03:43 PM
ليس لآني صاحب البوستر ومبتدعه .. ولكن يعلم الله في سماه .. إنني أقرأ فيه صفحات توثيقية لنضال أغر يتجنب أبطاله مجرد ذكره حياء وأدبا وتواضعا يكفي أنني كل يوم أبدأ هذا البوستر من أوله وأتابع في تأني كل ما يرد فيه من ..حقائق أبطالها ..فطاحل تاريخنا المشرق بعشرات المواقف والبطولات ..نورا كنت كما أريد لك أن تكون يا عزيزي نور .. فلماذا لا تضئ لنا دهاليز خفيه .. نتوقف لمعرفة خفاياها وخباياها .. لا تقطعوا إستمتاعنا بربكم واصلو السجال ..

الحبيب الغالي الخال .. سمعتك وأنت تقول فيما قلت :-

خرج النور يوسف من بيوت الأشباح وهو في حالة يرثي لها ..
"هل كنت تعلم بهذا يا النور؟ "
(ليت النور حكي فقصته تدمي القلب وهو يصمت عنها شموخا وعزة نفس) ..
أمر آخر .. هبشت فيه النور في رسالة داخلية و "طنشني" ...
لا أعلم إن كنت أحرجه هنا لكني سأنتهز الفرصة "انتهازية" يا النور يا أخوي
كان النور يوسف أحد المحققين الرئيسين في قضية اغتيال التلميذة (أميرة الحكيم) عليها الرحمة
وإن تكرم وحكي لنا عن أسرار ووقائع تلك الحادثة التي هزت الشارع والمجتمع حينها نكون أول من استنطق النور.. وإن كان للنور رؤاه التي تجعله يلتزم الصمت فأنا شخصيا أعفيه من السرد.. أخيرا.. للنور محبة مقيمة "تعتقت" علي مر السنين وازدادت عمقا وهو عندي من خيار الناس والله الشاهد , سعيد أنا بوجوده هنا ...
أضم صوتي لصوت عزيزنا قائد الإنتهازية الموجهة لمصلحة الجميع .. وصدقا إن كان الأمر كذلك .. فكلنا إنتهازيون .. بحمد الله ..نواصل الصمت وننتظر في لهفة ونتابع في تروي.. تحياتي وتشكراتي لكل المتداخلين في هذا البوست فقد أثروا الحوار فيه بصورة بديعة ودعوتي للباقين بالمشاركة .. ياخدوا حقهم من هسي .. لأنه حيجي عليهم يوم .. وتحياتي للجميع

عمر الكرور
17-08-2009, 05:44 PM
الشفيف والحبيب النور
النور أديب ضل طريقة للشرطة وشرطي ناحج أجرم في حقه وحق الشرطه وابعد منها للأغتراب أين يجد النور نفسه

مواطن
17-08-2009, 07:12 PM
بسم الله الرحمن الرحيم
عزيزى هاشم
لك أفانين الزهر وطلائع النخل
أبو أرام ياخ
بت تساوى مية ولد
العزيز النور {أبو آرام حفظها الله}.
نعـم قرة عينك تساوي 100 ولد ، جعلها الله من السعديات.
أما (أبو رامي) فهو صاحب الدعوة - المضيف.
أعتذر عن التشـويـش الغير مقصـود
لك ودي

عمر الكرور
17-08-2009, 07:21 PM
الاخ النور
ما دام لسه ما ردريت نلحقك بكم سؤال
أعرف أنك شاعر مرهف لك كمية من القصائد الجميله عاوزين نعرف لماذا لم تنشر تلك القصائد وأعطينا أحب القصائد لنفسك .
بحكم معرفتي بك أعرف لك سابقة في التحقيق عن جريمة قتل حدثت بالسعودية وأكتشفتها أنت في السودان وأتمتت التحقيق بالسعودية ياريت لو حكيت لينا عنها

النور يوسف محمد
17-08-2009, 09:37 PM
العزيز النور
مساء النور

سأحكي قصة هنا ربما تكون خافية حتى علي النور نفسه ، وما كنت لأحكيها لولا أنه أشار إليها "علي استحياء" وهذا هو النور الذي أعرف ...

في التسعينيات وعلي ما أذكر عام 1991 ذهبت إلي منزل الخال المرحوم علي ميرغني حيث تقطن أسرتي الثانية وصديق العمر عوض الله سيد سليمان ..
وجدت البيت في حالة استنفار .. ودعاني عوض الله لمرافقته في مشوار..
ذهبت معه أو في الحقيقة (ردفته معي في الفسيبا) وذهبنا إلي منزل مارتن ملوال في الخرطوم في شارع يقع بين الجمهورية والبلدية . منازل حكومية منذ أيام الأنجليز ..
استقبلنا الرجل بترحاب سوداني أصيل وكان علي علم بحضورنا من الخال علي ميرغني رحمة الله عليه ورضوانه..
كان غرض الزيارة معرفة مكان حبيبنا النور يوسف واطلاق سراحه "إن أمكن" ...
قال العقيد مارتن ملوال عضو مجلس الثورة حينها لنا : وجدت مكان النور يوسف ، وسوف يتم غدا إطلاق سراحه . فقط عليه التزام الصمت .
وقد كان..
خرج النور يوسف من بيوت الأشباح وهو في حالة يرثي لها ..

"هل كنت تعلم بهذا يا النور؟ "

(ليت النور حكي فقصته تدمي القلب وهو يصمت عنها شموخا وعزة نفس) ..




أمر آخر .. هبشت فيه النور في رسالة داخلية و "طنشني" ...:)
لا أعلم إن كنت أحرجه هنا لكني سأنتهز الفرصة "انتهازية" يا النور يا أخوي :)

كان النور يوسف أحد المحققين الرئيسين في قضية اغتيال التلميذة (أميرة الحكيم) عليها الرحمة
وإن تكرم وحكي لنا عن أسرار ووقائع تلك الحادثة التي هزت الشارع والمجتمع حينها نكون أول من استنطق النور.. وإن كان للنور رؤاه التي تجعله يلتزم الصمت فأنا شخصيا أعفيه من السرد..

أخيرا..
للنور محبة مقيمة "تعتقت" علي مر السنين وازدادت عمقا وهو عندي من خيار الناس والله الشاهد , سعيد أنا بوجوده هنا ...
بسم الله الرحمن الرحيم
الأخ خالد . مساء الخير
التحايا لك وللمدام والعصافير الجميلة
القصة فى مجملها طبعاً ليست خافية علي
ولكن معك فى هذه التفاصيل الحميمة خفيت على لأنها كانت (شغل ) أخوان لا يعرفون مناً ولا أذى
أما الخال الموسيقار (على ميرغنى ) فهو رجل من سفَر آخر
رجل ينتمى الى فصيلة الجبال الشم والبنايات السوامق تعلمت منه الإتزان والكلام الراسى والنأى عن الأضواء
الأضواء يا صديق ( تجهر ) الإنسان عن رؤية نفسه وحقيقة اآخرين
هو من مهد الدروب وقاد الى القمم عمالقة الفن السودانى ـ وردى ـ سيد خليفة ـ عثمان حسين ـ أحمد المصطفى ـ عبد القادر سالم
هو من تنازل ـ طوعاً ـ عن رئاسة إتحاد الفنانين لوردى حين فاز فى أنتخابات الإتحاد
كم يتملكنى الفخر أن أنتمى الى هذه الدار المعطونة فى تراتيل الفجر ونفحات الصباح
الدار التى يفوح عبق الفن من بين جنباتها
التحية لهم فى البعيد
الوالدة نعمات ميرغنى أمد الله فى أيامها ومتعها بالصحة
سامية ( كولا كما كان يحلو لوردى مناداتها )
وكولا هى ( الغزال ) يا سامية فى لغة مسادير البطانة
دكتوره سمية ـ والله مشتاقين
ثم أخى عوض الله الذى ألقى دوماً مؤنة التحفظ بين يديه
..................................................
فيما يخص قضية اغتيال (أميرة الحكيم ) أعدك بأن أتطرق لها فى بوست منفصل لكن من محور ( أثر الصحافة والوضع السياسى على مجريات التحقيق )ولن أتطرق الى التفاصيل إلا تلك التى تمليها الضرورة
اشكرك على شعور تعلم أين أضعه
لك ودى

النور يوسف محمد
17-08-2009, 10:37 PM
التحية في البدء لأبي أماني على حراك بثه ولم يفتأ في اديم هذا المنتدى الجميل بأهله...
والتحية والوداد لضيفنا جميل الكلمات والمرادات النور
أراك لك اروى ولي اروى :)
أسأل الله ان يحفظهن وكل الابناء ويجعلهم جميعا قرة عين
بما أن جلّ عملك السابق-في سلك الشرطة-كان في التحقيق والبحث:
هل من هنّات تراها في مجتمعنا السوداني تجدها مسببة ومودية الى جرائم قمت بالتحقيق فيها؟
وماهي مرئياتك لعلاجها وأصلاحها ان وجدت؟
ماهو رأيك في المطالبة العالمية بالغاء عقوبة الأعدام؟
مودتي

بسم الله الرحمن الرحيم
الحبيب عادل
لك من الود أصنافاً وألوانا
السلوكيات التى التى تنسب الى ( جماعة ) والتى تجذرت مما تواتر عليه المجتمع يصعب أن توصف بالهنات أو المسالب وحين ننشد تغيرها إنما نسعى لهدم بنيان أمة
والمجتمع السودانى يتمتع بحصانة ذاتية ضد ما شذ من جرائم
أعجبنى تعليق لصاحب هذا البوست على جريمة قتل إبن لأبيه
وبصورة ما هذا ما أحاول أن أوصله لك
المفارقة أخى عادل أن بعض السمات النبيلة (الثقة المفرطة وافتراض البراءة فى الكل) تقود فى كثير من الأحوال الى جرائم
وهذا سلوك يعانى منه المجتمع السودانى
.............................
عقوبة الإعدام
كما تعلم فهو موضوع شائك ومحل كثير من البحوث والدراسات
وللمؤيدين حججهم ومنها
ضرورة تناسب العقوبة مع بشاعة الجرم
كما للمعترضين حججهم ومنها
أن الإعدام عقوبة سالبة للحياة لا مجال لمراجعتها
غير أنى أود أن أوجز...
أنا أؤيد عقوبة الإعدام فى جرائم القصاص فقط كحق لأولياء الدم وليس للدولة
لاأؤيد عقوبة الإعدام فى كافة الجرائم خاصةً تلك المدرجة تحت مسمى أمن الدولة
والقوانين التى تصدر بأوامر مؤقتة وحالات الطوارى والأحكام العسكرية حيث ثبت أنها مجال للتصفيات السياسية البغيضة
تحبات لك وللملكة أروى

النور يوسف محمد
17-08-2009, 10:45 PM
العزيز النور {أبو آرام حفظها الله}.
نعـم قرة عينك تساوي 100 ولد ، جعلها الله من السعديات.
أما (أبو رامي) فهو صاحب الدعوة - المضيف.
أعتذر عن التشـويـش الغير مقصـود
لك ودي

بسم الله الرحمن الرحيم
الأخ هاشم
عفواً
اكتشفت ذلك لاحقاً بعد قراءة لأحد مداخلاتك
بس كانت المشاركة أخذت موقعها , أضف
ما زلنا متعودين على ( أبو أمانى )
يديك العافية

النور يوسف محمد
17-08-2009, 11:24 PM
الشفيف والحبيب النور
النور أديب ضل طريقة للشرطة وشرطي ناحج أجرم في حقه وحق الشرطه وابعد منها للأغتراب أين يجد النور نفسه
بسم الله الرحمن الرحيم
الأخ عمر الكرور
تحيات لك ولأسرتك الرائعة
بدايةً دعنى أتحفظ على ( أديب ) دى
ليس تواضعاً ولكنها الحقيقة
نعم هى الحقيقة ...
أي والله
أعشق الأدب نعم
تأسرنى الحروف وتمتلكنى النصوص المتمردة
ولا أميل الى الباهت من الناس والقول
وأجد نفسى فى كل حديث رصين
.........................................

الشرطة
يكفى أنها ... التكوين والنضج
..........................
تحياتى
لك ولها
وللرصافة والجسر

النور يوسف محمد
18-08-2009, 12:23 AM
الاخ النور
ما دام لسه ما ردريت نلحقك بكم سؤال
أعرف أنك شاعر مرهف لك كمية من القصائد الجميله عاوزين نعرف لماذا لم تنشر تلك القصائد وأعطينا أحب القصائد لنفسك .
بحكم معرفتي بك أعرف لك سابقة في التحقيق عن جريمة قتل حدثت بالسعودية وأكتشفتها أنت في السودان وأتمتت التحقيق بالسعودية ياريت لو حكيت لينا عنها

بسم الله الرحمن الرحيم
عمر
ايها الحبيب , , أخو الحبيب
عذراً
لا أريد أن أرهق فيك ظناً ولا أن أجرح لك ذوقاً
لكنى أشعر أن كل ما كتبت دون مستوى النشر
للشعر عندى قداسة وأنا لا أملك طهره ونقاءه
هنا يا صديق فى هذا المنبر أساطين الكلمة
أن بحثت عنا فعليك بالصفوف الخلفية
أمرى لله
سانشر لك واحده مكرهاً لا ....


ماذا على الأيام
لو وقفت قليلاً
فى خشوع وامتثال ...
ماذا عليها لو أعادت ..
حديثاً لنا
من أحاديث الشمال ..
خجولاً ...
بالكاد يهمس
أو يناجى أو يقال ..
ماذا على تلك اللحيظات العجال
ماذا عليها لو بكت أسفا ً
على حلم تسربل بالمحال
..........................................
يا شروداً .......
مثل كلمات مضت ...
يا عصية ......
كقو ا فى الشعر
تأبى ...
... على الروح الشجية
إن بدت فى دنياك
ومضة ,,,,,,,,,,
فاشعليها ,,,,,
واصبغي كل المدائن
بالأمانى السرمدية
واذكرينى... ... ... فأنا عمق القضية


أيها المسفوح ..
عمداً ...
فى ضلالات الخرافة
أيها الموجود ..
ظلاً ...
لاتعى معنى المسافة
أيها السارى غريباً فى الدروب
ما الذى أعماك عن سحر الغروب
ما الذى
أنساك شطآن الرصافة



قال فى صوت ..
مهدج ...
إنها خمر معتق
عصيٌ ارتشافه
.......................

أين روحك
,,,,,,,,,,, من رؤاها
أين عمقك
,,,,,,,,,,, من مداها
أين ظلك
,,,,,,,,,,, من نداها
إنها كنز الدنى
غاب عن عينيك
سر اكتشافه




أعيريني ....
من فيضك الدفاق ..
أذن .....
أو سكون أو ثبات
فما أنا ..
إلا خيال ........... يرتجى
وبقايا من ذكريات ..
أشتهي فيما أشتهي
لقمة خبز .....
وشئ من دندنات
وقطار الشوق إن
ولى بعيدا ....
وارتحل ..
حتماً سيجمعنا الممات
....................................
هذه من القضايا المميزة والبالغة التعقيد والتى امتد فيها مسرح الأحداث الى ما وراء البحار
أنا وإن قدت فيها فريق التحقيق فلن أنسى نفر رائع كان خلفى داعماً وسنداً وبجهودهم جميعاً
اختيرت القضية كأفضل مثال للتحقيق المميزعلى مستوى المنطقة العربية وأودعت سجلات كلية الشرطة بغية تدريسها للطلبة والدراسين من الضباط
إن وجدت متسعاً سأتناولها بالتليق والتحليل
شكراً

محمد الطيب يوسف
18-08-2009, 12:59 AM
كنت موقن أنك مختلف

شكراً لهذه المساحة التي جعلتني أدرك من هو ( النور يوسف محمد) في انتظار هذا التتالي الممتع

أبو أماني
18-08-2009, 04:34 PM
بربك يا عزيز .. أفتح لنا بستان حياتك الوريف الزاهر هذا على مصراعيه .. وأدعونا للتجول فيه بحرية تامة برفقتك .. ولا مجال .. لحظر التجول .. وما يدعو إليه من فعل أو قول أو عمل حقا يا صديقي .. إن التعرف إليك والتقرب منك .. متعة تجعل المرء يندم على ما فاته قبل لقائك! فلك مني خالص الحب والشكر والتقدير .. ولا تمل إن الحفنا في السؤال فهو دليل حب وإعزاز لإنسان يستحق منا التقدير والإعجاب .. قو أهيد .. تشاووووو

فيصل سعد
18-08-2009, 05:43 PM
مجدد التحايا للاخ النور و مضيفه
ابو اماني، و تقبلوا هذا الاهداء لكم
و للجميع هنا في هذه الاستراحة
و في انتظار عودتكم ..


وطنّا حبيبنا
رغم البين
هي الأشواق
حنينا إليكَ زين ..
يا زين يظل دفّاق
ما حوجتنا وندِّيك
وغيمنا عليك
دوَام ساساق
يلاقي البينا
بين واديك
أناقي غزيرة
ماها أفراق
نحبّك من
طرف من جم
برغم قطائع الإملاق
ماب تنذم علاقة دم
وفاء وتاريخ
على الإطلاق
إذا ما الغربة لمتنا
على ذات
الخلق وأخلاق
وطن وين كان
في ذمتنا
فكيف يبقى
الزمن فرّاق

هي الأشواق ..
وما بين السماء
والأرض
مد أشواق
وما طال المطر بيصب
طبيعي إنو البحر ما راق
كما إنو العكار من طين
كمان من طين
يجي الروّاق
صحيح إنو
المطر رائق
ولكن السحاب
قد ضاق
خبارو الريح
بشِن سائق
وكت كبد
التراب مشتاق
إذا ما العشق
منسابق
ومنطابق
على الأعماق
كذلك حضرة
العشاق
مع غيبوبة
الأشواق

"كلمات محمد الحسن سالم حميد،
لحن و غناء صديقنا حمزه سليمان"

http://www.sudaniyat.net/forum/Upload/Watna.wma

النور يوسف محمد
19-08-2009, 08:23 AM
كنت موقن أنك مختلف

شكراً لهذه المساحة التي جعلتني أدرك من هو ( النور يوسف محمد) في انتظار هذا التتالي الممتع
بسم الله الرحمن الرحيم
أخى محمد
هذه كلمات فوق قدْرى وقُدرتى
ليتنى أتشابى الى ظنك الجميل
فأنا دون ما جال بالخاطر
شكراً يا محمد على ما تتحفنا به من روائع

النور يوسف محمد
19-08-2009, 08:43 AM
مجدد التحايا ايها الاخ العزيز ، و شكرا للردود، و لعن الله الغربة و دروبها التي شتتنا في الاصقاع، السني محمد ابراهيم سنيرنا و كابتننا في فريق المستقبل و جارنا في نفس الشارع بكوريا ، و تجمعنا معه صلة القرابة جذورها ضاربة في البشاقرة غرب، و انا دفعة و صديق اخوه الراحل ابو العزائم طيب الله ثراه، مجدي منصور ود الحاجة جار و قريب و دفعة قدامنا في بري الاميرية، و ربما تكون انت يا النور دفعة اخوانا ماجد سليمان مضوي او صلاح سبيل او عمر شين، ما قلت ليك ناس بري ديل مشربكين يا حبوب !!

لك الود المقيم ..

بسم الله الرحمن الرحيم
الصديق فيصل
تحياتى
ألم أقل لك أن هناك مسارات لقاء
( صلاح سبيل وعمر شين الدفعه الورانا )
والسنى صديق ولكن لم ألتقيه منذ مدة وماجد بعرفه حق المعرفة
وأظن العميد كمال حسن الحاج برضو جاركم لأنو ساكن قريب من ناس السنى
على العموم لنا فى برى وامتداد ناصر وكوريا كثير من الذكريات
الجميلة طبعاً
شكراً لك
ولهذا التآلف .. فالأرواح جنودٌ مجندة

النور يوسف محمد
19-08-2009, 08:55 AM
بربك يا عزيز .. أفتح لنا بستان حياتك الوريف الزاهر هذا على مصراعيه .. وأدعونا للتجول فيه بحرية تامة برفقتك .. ولا مجال .. لحظر التجول .. وما يدعو إليه من فعل أو قول أو عمل حقا يا صديقي .. إن التعرف إليك والتقرب منك .. متعة تجعل المرء يندم على ما فاته قبل لقائك! فلك مني خالص الحب والشكر والتقدير .. ولا تمل إن الحفنا في السؤال فهو دليل حب وإعزاز لإنسان يستحق منا التقدير والإعجاب .. قو أهيد .. تشاووووو


بسم الله الرحمن الرحيم
شكراً أبو أمانى
سأحاول أن (أحاور ) هذا الزمن الممحوق
وأعكف على كتابة محطات من الذاكرة آمل أن أدرجها فى هذا البوست اليوم أوبكرة
وآمل أيضاً أن نراكم فى عطلة عيد الفطر المبارك

سارة
19-08-2009, 10:33 AM
انا هنا لاسجى التحية للضيف والمضيف وضيوفهم

مستمتعة بالمتابعة


دم بخير اخى النور انت ومن معك

لك ولاروى اجمل التحايا

فيصل سعد
19-08-2009, 04:13 PM
بسم الله الرحمن الرحيم
الصديق فيصل
تحياتى
ألم أقل لك أن هناك مسارات لقاء
( صلاح سبيل وعمر شين الدفعه الورانا )
والسنى صديق ولكن لم ألتقيه منذ مدة وماجد بعرفه حق المعرفة
وأظن العميد كمال حسن الحاج برضو جاركم لأنو ساكن قريب من ناس السنى
على العموم لنا فى برى وامتداد ناصر وكوريا كثير من الذكريات
الجميلة طبعاً
شكراً لك
ولهذا التآلف .. فالأرواح جنودٌ مجندة


يا صديقي انت كدة وصلت تب ،العميد كمال حسن الحاج
عمي ابن خال والدي له الرحمة و المغفرة، و اعتقد كمال مستقر
ببورتسودان منذ الثمانينات و انا آخر مرة لاقيته قبل 25 عام
ايام "بقالة الجزاءات" ديك :D:D و لعن الله الغربة و دروبها يا صديقي ..
عموما نحن لا زلنا في بري المحس شارع المعرض جنوب الطرمبة
و انت ماشي على سوق اربعة تعد تمنية بيوت
تلقانا قدامك منزل ارضي به سبيل بعشرة ازيار
و ناويين اجازة في يوليو 2010 ان شاء الكريم،
و يسعدنا و يشرفنا لقاك يا رجل يا حبوب ..
ما اديتنا رايك في الغنية النشيد ؟؟

مجدد التحايا يا سيادتك
و ابقوا طيبين ..

النور يوسف محمد
19-08-2009, 08:57 PM
بسم الله الرحمن الرحيم
محطات فى الذاكرة
مدينة نيالا ـ برام
.................................
فى بداية تخرجى نقلت الى مدينة نيالا عاصمة مديرية حنوب دارفور قبل أن يعبث الساسة بجغرافية المكان ومنها الى مركز شرطة برام معقل قبيلة الهبانية ومنطقة نفوذ الناظر على الغالى , وما أدراك ما على الغالى
رجل خُبزت طينته بصلصال المهابة الوقار
يحدثك كأنما يستمع إليك ,, وحين تحدثه لا يستمع فحسب لكنه يصغى
وتتبع لشرطة برام منطقة تلس موطن قبيلة الفلاتة وعمودية الناظر أدم السمانى
ولك أن تعجب من دقة اختيار رجال الإدارة الأهلية , معايير تشارف الكمال
ومنطقة قريضة دار المساليت وهى الآن مركز التمرد
ومن مركز برام كنا نشرف أيضاً على مناطق الردوم وحفرة النحاس وكفياقنجى
مثلث المخدرات المشئوم
عندما أزور هذه القرية النائية فى أقص الجنوب الغربى عند خط تقسيم المياه أتذكر رائعة الفنان خليل اسماعيل
( يوم بيوم نبيع الكمبا فى كفياقنجى يوم بيوم )
...........................................
ومن برام يممت شطر مدينة كاس عند السفح الغربى لجبل مرة حيث قبيلة الفور والشرتاى منصور عبد القادر وجنة الله فى الأرض قلول ومارتجلو ونيرتتى
وكنت دوماً أقضى أوقات الفارغ وما أكثرها فى استراحة قلول صحبة الغفير عبد الرحمن أتيم وشلالات المياه المتدفقة الى أن شارفت أن أتقن لغة الفور فكنا نخرج فى مساءات البراءة واللهو المتمرد نرقص على ضوء القمر
(أيواه كوى , امسلتنق كى
سلتنق كى , كلنكنق وى
السى جالو
سلام سلام ..سيستونق )
....................................
وفى منطقة كاس عاصرت انفتاق بذور التمرد والنزاعات القبلية وأكثر القضايا شراسة بين الأبالة من قبيلة المهرية فى رحلتى النشوق والدمر والمزارعين من قبيلتى الفور والبنى هلبة وكنت شاهداً كيف أحال الساسة هذه القضايا الى وقود لحرب طويلة عصفت بتراب الأقليم وأمنه ومزقت نسيجه
كيف ترك الساسة إفرازات النزاع بكل قيحه وقبيحه لتعالجه شرطة فقيرة منهكة
كيف تناسى القائمون على الأمر الإفرازات الإجتماعية والنفسية والإقتصادية والقهر والغبن وحصروا النزاع فى قضايا جنائية يقدمونها الى محاكمات موؤدة
ثم تنشط وفود تهدئة الخواطر ومؤتمرات الصلح المشبوهة لتغرس أخر المسامير فى نعش العقد الإجتماعى للمنطقة
...............................................
فى يومً عالق بالذاكرةة دخلت أحد فرقان المهرية أبحث عن الأسلحة فوجدت الفريق خالياً إلا من فتيات
ووسط أسمالهن البالية استدارت وجوه كالقمر فى ليلة صفاه
هنا تنسى العشق والهيام لتبقى أسيراً فى حضرة الجمال
ولا يسعك إلا أن تسبح البارى
سبحان الله , سبحان الله
الذى خلق وذرأ وبرأ
( لا تتعب النار عوذبت )
( ألبل زرقا .. أكان ما لقينالا شغل متل هناك ده ... بتنحرس لنا كيكيف )
فى لغة تعيدك الى الدخول وحومل وبادية نجد , وروائع الملك الضليل
ولما دخلت الخدر خدر عنيزة
قالت لك الويلات إنك مرجلى

نواصل

أبو أماني
20-08-2009, 03:47 PM
بسم الله الرحمن الرحيم
محطات فى الذاكرة
مدينة نيالا ـ برام
.................................
فى بداية تخرجى نقلت الى مدينة نيالا عاصمة مديرية حنوب دارفور قبل أن يعبث الساسة بجغرافية المكان ومنها الى مركز شرطة برام معقل قبيلة الهبانية ومنطقة نفوذ الناظر على الغالى , وما أدراك ما على الغالى
رجل خُبزت طينته بصلصال المهابة الوقار
يحدثك كأنما يستمع إليك ,, وحين تحدثه لا يستمع فحسب لكنه يصغى
وتتبع لشرطة برام منطقة تلس موطن قبيلة الفلاتة وعمودية الناظر أدم السمانى
ولك أن تعجب من دقة اختيار رجال الإدارة الأهلية , معايير تشارف الكمال
ومنطقة قريضة دار المساليت وهى الآن مركز التمرد
ومن مركز برام كنا نشرف أيضاً على مناطق الردوم وحفرة النحاس وكفياقنجى
مثلث المخدرات المشئوم
عندما أزور هذه القرية النائية فى أقص الجنوب الغربى عند خط تقسيم المياه أتذكر رائعة الفنان خليل اسماعيل
( يوم بيوم نبيع الكمبا فى كفياقنجى يوم بيوم )
...........................................
ومن برام يممت شطر مدينة كاس عند السفح الغربى لجبل مرة حيث قبيلة الفور والشرتاى منصور عبد القادر وجنة الله فى الأرض قلول ومارتجلو ونيرتتى
وكنت دوماً أقضى أوقات الفارغ وما أكثرها فى استراحة قلول صحبة الغفير عبد الرحمن أتيم وشلالات المياه المتدفقة الى أن شارفت أن أتقن لغة الفور فكنا نخرج فى مساءات البراءة واللهو المتمرد نرقص على ضوء القمر
(أيواه كوى , امسلتنق كى
سلتنق كى , كلنكنق وى
السى جالو
سلام سلام ..سيستونق )
....................................
وفى منطقة كاس عاصرت انفتاق بذور التمرد والنزاعات القبلية وأكثر القضايا شراسة بين الأبالة من قبيلة المهرية فى رحلتى النشوق والدمر والمزارعين من قبيلتى الفور والبنى هلبة وكنت شاهداً كيف أحال الساسة هذه القضايا الى وقود لحرب طويلة عصفت بتراب الأقليم وأمنه ومزقت نسيجه
كيف ترك الساسة إفرازات النزاع بكل قيحه وقبيحه لتعالجه شرطة فقيرة منهكة
كيف تناسى القائمون على الأمر الإفرازات الإجتماعية والنفسية والإقتصادية والقهر والغبن وحصروا النزاع فى قضايا جنائية يقدمونها الى محاكمات موؤدة
ثم تنشط وفود تهدئة الخواطر ومؤتمرات الصلح المشبوهة لتغرس أخر المسامير فى نعش العقد الإجتماعى للمنطقة
...............................................
فى يومً عالق بالذاكرةة دخلت أحد فرقان المهرية أبحث عن الأسلحة فوجدت الفريق خالياً إلا من فتيات
ووسط أسمالهن البالية استدارت وجوه كالقمر فى ليلة صفاه
هنا تنسى العشق والهيام لتبقى أسيراً فى حضرة الجمال
ولا يسعك إلا أن تسبح البارى
سبحان الله , سبحان الله
الذى خلق وذرأ وبرأ
( لا تتعب النار عوذبت )
( ألبل زرقا .. أكان ما لقينالا شغل متل هناك ده ... بتنحرس لنا كيكيف )
فى لغة تعيدك الى الدخول وحومل وبادية نجد , وروائع الملك الضليل
ولما دخلت الخدر خدر عنيزة
قالت لك الويلات إنك مرجلى

نواصل

واصل بحق المعبود..فوالله إن لم تفعل لأجبرناك قسرا.. ولا تشبعنا لهاثا خلف سطورك الساحرة هذه .. وبربك لا تدعنا للهوى .. يعصف بنا مدا وجذرا .. لله درّك يا نوري ..

أبو أماني
22-08-2009, 04:21 PM
ما بك يا صديقي العزيز.. تحجم .. نتقلب على نار هادئة بإنتظار البدائع ...gooodgooodgooodgooodgoood

النور يوسف محمد
23-08-2009, 02:15 AM
بسم الله الرحمن الرحيم
العاصمة القومية /2
وبعد أن قضيت أربعين شهراَ فى غرب البلاد متنقلاً بين سهوله ووديانه عدوده ومراحيله جباله وتلاله
نقلت الى العاصمة القومية للعمل فى قسم المباحث والأمن
ومن هذا القسم الذى يشرف على كافة الأعمال الجنائية من بحث وتحقيق رأيت عاصمة البلاد
ولك أن تتخيل كيف تتشكل عندك الرؤى وأنت تنظر جانباً قاتماً من المدينة
وجدت أمامى فى هذا القسم رجل المباحث المدهش والذى يبدو الجميع أقزاماً أمامه
( النقيب العجيب عبد المجيد سعيد ) عليه رحمة ربى ورضوانه
وفريد عصره وأوانه العلم المنارة سعادة الفريق محمد الحسن يوسف
ولا أرى حرجاً أن أعيد ما كتبته سابقاً عن هذين المعلمين



كتب النور يوسف
المكان : بقاع نائية فى الذاكرة الحزينة
الزمان : أيام منسية من الزمن الجميل

بندر شاه ,,,,,
فى رواية الطيب صالح ( ضو البيت )
وحفيده مريود ,,,,
ذلك الرجل الذى عقد صلحاً بين الماضى والحاضر
هو نفسه النقيب عبد المجيد سعيد
بندر شاه المباحث
الرجل الذى عقد صلحاً من نوع آخر بين الخير والشر فى ذاته
فلا تكاد تميز الخبيث منه والطيب
................................................
وكما تتمدد الأشياء ( من سائل وجماد )
وخلافاً لكل بنى البشر
اكتسب عبد المجيد خاصية التمدد
فهو الرجل المتمدد
ودونما جيش من المخبرين
ولا هذه الوسائل التقنية اللعينة
تنوم المدينة وتصحو على مرأى من سمعه وبصره
لا تدرى وليٌ من أولياء الله الصالحين
أم هو عفريت من الجان

وعلى مدى ثلاثة عقود ومن ما دون رتبة الجندى عمل عبد المجيد
فى المباحث وتدرج فى الرتب الى رتبة النقيب . حتى انتهى به المطاف رئيساً لتيم المخدرات بالمباحث المكون من مجموعة صغيرة من الأفراد تدين له بالولاء التام .
ـــــــــــــــــــــــــــــــــ
فى منزله الأنيق شمال حديقة القرشى ,عند نهاية شارع بيويوكوان
يمكنك أن تدرك السبب !!!!!, يزوره أخلاط من البشر لا يجمع بينهم جامع , الوزير
والمدير والغفير ,التجار والباعه ,المهندسين ,الموظفين الضباط وصف الضباط والجنود
من الجيش والشرطة والسجون , ومن على كرسيه الوثير يقضى لكل منهم حاجته ويلبى له رغبته , ويمكنك أن تدرك السبب!!!!!
يزوره الأخيار والفجار والأطهار والأشرار ولكل منهم مآرب ومطالب ولكن عبر بوابة عبد المجيد الجهنمية , ويمكنك أن تدرك السبب !!!!
ظرفاء المدينة ونجوم المجتمع المخملى , يشدهم الى عالم عبد المجيد سعيد شئٌ ما ويمكنك أن تدرك السبب !!!!!الكادحين المنسيين من طبقات المجتمع الدنيا فى العشش وكرتون مايو والديم من السائقين والجزارين والعتالين تربطهم بعبد المجيد علاقات مريبة ويمكنك أن تدرك السبب !!!!
المدمنين والنشالين وقطاع الطرق وكل الخارجين على القانون يجدون تحت مظلة عبد المجيد نوع مشروط من الأمل والحماية , ويمكنك أن تدرك السبب !!!
العاملات واللاتى اضطررن الى التقاعد من شتى جنسيات الأرض فإن عبد المجيد يمثل لهن قطب الرحى ومركز الأحداث ويمكنك أن تدرك السبب !!!!!


من هذا المنزل والذى يعد أعجوبة من أعاجيب الزمان يدير عبد المجيد مملكته ويرسم أهدافه ويحقق غاياته لا يبالى اتبع فى ذلك سبيل الرحمن أم طريق الشيطان !
ــــــــــــــــــــــــــ
ويتمدد العجب ليشمل كل ملامح حياته
فعلى مائدته ـ فطور الجمعة ـ تجد كل ما لذ وطاب
القراصة والعصيدة , أم فتفت والفسيخ والتركين , الجبنة الرومية والمضفرة وجبنة الدويم , الفول والطعمية والكشرى وحتى الكافيار , الزيتون والعنب والرومان وكافة أنواع الفاكهه و وكل أنواع العصيرات حتى عندما كان البيبسى فى الخرطوم ترفاً
وبعد كل هذا لا يمكنك أن تجزم هل هو من طائفة الكرام أم من زمرة اللئام
من طرائف عبد المجيد
عبد المجيد سعيد نفسه طرفه من طرائف الزمان وكثير من طرائفه لاتصلح للنشر غير انى سأذكر بعضاً منها
فى مرة تعرض الأستاذ شدو وهو من الأصدقاء المقربين للفريق المرحوم أبراهيم أحمد عبد الكريم الى محاولة سرقة ويبدو أن الموضوع كان بسيط من وجه نظر السيد الفريق فاستدعى عبد المجيد وقال ليهو روح الى منزل شدو واعملوا ليكم Show of force ) بس عشان الراجل يطمئن شوية وتعالوا
أخونا عبد المجيد مشى هناك وبحركاته المعروفة ( يا استاذ كيف حالك وانشاء الله سلامات والموضوع دة حصل كيف ودخل ومرق , بعدين شدو قال ليهو تعال يا عبد المجيد عشان أوريك المداخل والمخارج . رد عليهو عبد المجيد وبنفس تلك الحركات ( لا يا استاذ مافى داعى لأنو أصلو الفريق قال يعملوا بس شو اوف فورس ونرجع )
وهاك يا لوم وعتاب والجماعة يا استاذ معليش أصلوا عبد المجيد ده راجل دنقلاوى والعربى فى تلتلة بس يكون ما فهمنا !!!
وعبد المجيد بينى وبينكم يفهما طائره


واحد من أهل القانون كان يستأجر منزلاً من عبد المجيد فى الديم ورفض إخلاء المنزل رغم طلبات عبد المجيد المتكرره ـ يبدو أن الرجل يجهل مقدراته أوأنه كان يثق بنفسه أكثر من اللازم .
صادف الأيام ديك كانت أيام محاكم الطوارى ونميرى يصب جام غضبه على الجمهوريين والشيوعيون والبعثيين
واستوت الطبخه والجماعه إياهم بليل نثروا كل منشورات العداء للنظام داخل الحوش
والرجل بحكم الصداقة يتصل ( يا عبد المجيد تجيينى ضرورى )
ويحكى عبد المجيد ( انفردت بيهو شوية وقلت ليهو يا استاذ بتطلع متين واخارجك قال اليوم اليوم قبل المساء البيت يكون فاضى )
الطريف إنو الرجل بعد اسبوع جانا فى المكتب وقام عبد المجيد يسلم عليهو ( ازيك يا استاذ يا اخى مالك مستعجل كان تقعد شوية !!! )

.................................................. ....................
عبد المجيد سعيد
يعرف مكامن الوجع فى نفوس البشر
فتارةً يكون رقيقاً كالنسمة
وتارةً يكون عنيفاً كأمواج تسونامى
كل شىء فى دنياه له مقابل ,,,,, حتى المشاعر
وقبل كل ذلك فهو رجل تأسره الكلمة الطيبة
صحبته سنين وكان ما بينى وبينه من الود والإحترام
لغز ,,, حتى بالنسبة لأولئك الذين يدينون له بالولاء التام
ـــــــــــــــــــــــــــــــــــــــ


اللهم إن عبد المجيد فى جوارك وأنت خير جار
اللهم إنه فى رحابك وأنت الكريم الغفار
اللهم إن كان قد عصاك فيما يحب
فأحسب أنه قد أطاعك فيما تحب
اللهم أقل عثرته وأغفر زلته

النور يوسف محمد
23-08-2009, 02:18 AM
ويبقى العمل مع فريد عصره وأوانه
الظاهرة , سعادة اللواء محمد الحسن يوسف
موسم النضج والحصاد
( إن لم تخنى الذاكره فإن وقائع هذا البلاغ تشبه الى حد ما فيلم شاهدته فى برنامج سينما سينما , يعاد استجواب المجنى عليه على ضوء هذه المعلومة )
هذه إحدى تعليقات سعادته فى بلاغ شغل الرأى العام
وقد كان فالرجل ينظر الى ما وراء الأشياء من ستر رقيق

كنت أجله حينما هابه الآخرون
وأجد نفسى فى منهجه وذاتى فى خيارات عمله المرهقة
ومدارات فكره العصية
كان حازماً والناس يريدون (براح) فيه يسرحون ويمرحون
كان يعرف أن للوقت قيمة , وللشاكين حقوق , وأن العمل أمانة
كان يفتى فى الإدارة والتحقيق ويثور لساعةٍ أضاعها هدراً أحد الغافلين
كان ذو بصمة واضحة على مجريات العمل الشرطى أينما حلّ وأقام
كان مساعدوه يعرفونه جلياً , فاستقامت الأطراف, واستوت صفوف الرتب
كان يقود الجميع الى سوح الأداء طوعاً أو كرهاً
كان قرعاً مؤلماً على اولئك ( الباهتين ) وعلى الذين لا يشكلون رقماً صحيحاً فى ميادين الحقيقة
كان شبحاً مخيفاً لفئة ومعلماً ومنارة لمن أراد أن يكون
كان بحق ( Phenomenon )
......................................
بالرغم من أنى لا أميل كثيراً الى ذكر أحداث بعينها , يقينى أنها فرعيات فى مسيرة الرجل المكتملة البناء , دعونى أتناول هذه الحادثة لمدلولاتها على أهمية الزمن فى فكر هذا الرجل الشامخ .
فى 03/07 من سنة ما ,, كنت أتابع معلومات فى غاية الأهمية ( عفواً فالذاكرة أصابها الوهن تماماً كالذمم فى هذا الزمن المبطئ) .
وظللت أكتب عن مستجداتها يوماً بيوم , الى أن كان يوم 15/07
فى ذلك اليوم وصلت المعلومات الى درجة من الخطورة حيث وضح ضلوع أحد (الكبار ) فى تفاصيل الحادثة .
ويبدو أن كل تقاريرى السابقة قد انتهت عند السيد مساعد المدير اللواء ( ... ) بعد رفعها من مدير قسم المباحث السيد العقيد ( ... ) دونما أن يكلفوا نفسهم عناء إخطاره ولو بالعلم.
استدعانى السيد مساعد المدير وقال لى نحنا بصدد رفع هذه المعلومات للسيد الفربق فقط نطلب منك تعديل تاريخ بداية المعلومات الى (13) بدلاً من(03 )
أي مجرد رقم واحد تضعه حتى تكون المسألة مقبولة له ,وإن هى إلا (48) ساعة فقط وطلبوا منى أيضاً أن أذهب معهم .
ألم أقل لكم أن مساعدوه يعرفونه
كان يوماً مشهوداً , أصابنى رشاشه , ولا تسأل عن أولئك !!!!!!
وأنا ألملم بقية الورق الذى تطاير خطر لى أن أقول له الحقيقة ولكنى لم أفعل !!!
كثيرةٌ هى الأحداث ولكن ! تبقى الدروس والقيم
ويوم أن اغتالوا الرجل , تنفس الفساد وعشعش
فى ذلك اليوم كان كل ضباط المباحث والعاصمة القومية منهمكون فى تسديد بلاغات الهروب المدونة ضد مجهول ,
نزل الخبر علىّ والله كالصاعقة فى حين على آخرين كان برداً وسلاما
رجعوا الى مكاتبهم سريعاً وآثرت أن أكمل المهمة
.................................................. ...

النور يوسف محمد
23-08-2009, 02:24 AM
وحتى أجد لنفسى موطئ قدم بين ضباط النخبة الذين شكلوا قوام هذا القسم كان لا بد لى أن أبتكر نمطاً مختلفاً فآثرت نهج التمرد
التمرد على المأولف
كنت أضرب بالنظم وما تعارف عليه عرض كل شئ
فى سبيل الوصوول الى حقيقة
ربما تكون عصية على فكر تقليدى بائس
فترانى مرةً مع متهم فى حفل عشاء صاخب
وأحياناً أُخر معه فى منزله وبين ذويه
وآخر أعطيه إذن للأيام ذوات العدد ينعم بالحرية دونما رقيب ولا حسيب
ولا أميل الى إقامة عداء مع المتهمين الذين أحقق معهم بل أسعى جاهداً الى بناء جسور من الود والتلاقى حتى يألفنى وينسى المثل القائل
( أكان أصيعك بويس أقطعو )
وحبلى دوماً قريباً من العنق
..............................
سادتى مارست التحقيق فى مئات القضاياوكنت موفقاً فى كثيرٍ منها لا لذكاءٍ أدعيه ولكت كنت أعطيها كل وقتى بإسلوب ونهج متمرد
كنا وكما قلت فى تمام الوضوح
بشراً نخطئ ونصيب ولكن لا ننافق
نسوق ليلنا الى وضح النهار لا نمسكه هلى هون ولا ندسه فى التراب
شكراً لكم
شكراً أبو أمانى

منال
23-08-2009, 07:47 AM
ماذا على الأيام
لو وقفت قليلاً
فى خشوع وامتثال ...
ماذا عليها لو أعادت ..
حديثاً لنا
من أحاديث الشمال ..
خجولاً ...
بالكاد يهمس
أو يناجى أو يقال ..
ماذا على تلك اللحيظات العجال
ماذا عليها لو بكت أسفا ً
على حلم تسربل بالمحال
..........................................
يا شروداً .......
مثل كلمات مضت ...
يا عصية ......
كقو ا فى الشعر
تأبى ...
... على الروح الشجية
إن بدت فى دنياك
ومضة ,,,,,,,,,,
فاشعليها ,,,,,
واصبغي كل المدائن
بالأمانى السرمدية
واذكرينى... ... ... فأنا عمق القضية


أيها المسفوح ..
عمداً ...
فى ضلالات الخرافة
أيها الموجود ..
ظلاً ...
لاتعى معنى المسافة
أيها السارى غريباً فى الدروب
ما الذى أعماك عن سحر الغروب
ما الذى
أنساك شطآن الرصافة



قال فى صوت ..
مهدج ...
إنها خمر معتق
عصيٌ ارتشافه
.......................

أين روحك
,,,,,,,,,,, من رؤاها
أين عمقك
,,,,,,,,,,, من مداها
أين ظلك
,,,,,,,,,,, من نداها
إنها كنز الدنى
غاب عن عينيك
سر اكتشافه




أعيريني ....
من فيضك الدفاق ..
أذن .....
أو سكون أو ثبات
فما أنا ..
إلا خيال ........... يرتجى
وبقايا من ذكريات ..
أشتهي فيما أشتهي
لقمة خبز .....
وشئ من دندنات
وقطار الشوق إن
ولى بعيدا ....
وارتحل ..
حتماً سيجمعنا الممات
....................................
هذه من القضايا المميزة والبالغة التعقيد والتى امتد فيها مسرح الأحداث الى ما وراء البحار
أنا وإن قدت فيها فريق التحقيق فلن أنسى نفر رائع كان خلفى داعماً وسنداً وبجهودهم جميعاً
اختيرت القضية كأفضل مثال للتحقيق المميزعلى مستوى المنطقة العربية وأودعت سجلات كلية الشرطة بغية تدريسها للطلبة والدراسين من الضباط
إن وجدت متسعاً سأتناولها بالتليق والتحليل
شكراً

رمضان كريم
النور الجابنى ليك هنا القصيدة دى و قفت كتيييييييييير عندها و ما بقول حاجة جديدة متمكن انت يا سيدى لانك مميز فى الشخصية ذاااتها و تركيبها يحفظك الله يا ابو البنيات لى حدهن gooodgoood

بدور احكى ليك الايام دى نشاطنا كتير مع ناس الشرطة لانو بنعمل فى العنف ضد المرأة ... وكان لابد لنا ان نطرق ابواب الشرطة بالعنف كله ... و لاقيت ناس كتار مختلفين و متنوعين لكن رتبوا لينا لقاء مع معاشى الشرطة بدار الشرطة ببرى - لانو مفروض نشتغل وسطهم برضو ... كنت فى التيم الذى التقى مكى حسن ابو ... عباس مدنى ...فيصل خليل و اخرون
وبدت الموضوع بونسة عادية جدن و قاموا اعمامى ديل اتناولوا الموضوع بتاع الونسة و نسونى الموضوع الجيت من اجله ولمن استدركت من جمال الونسة جبت موضوعى بفوق عالى جدن و طبعا بذكائهم نقشو انى برمى لشنو عمى مكى ابو قال لى يا بتى او حفيدتى اى راجل يمد ايدو على المرا ده ما راجل ده البنعرفو نحن كسودانين و الله صفقت و قرقرت لمن خجلت من حضرة اعمامى ديل ... و من هنا اتتمنا تصورنا لكيفية العمل وسط اجهزة الشرطة
ديل قادة الشرطة الذين نتشرف بهم ... دعكتهم الايام و عركوا الحياة ... وكانو يحملوا خدمة الشعب فى حدقات عيونيهم ...

النور فى انفتاح كبير فى حياتنا العامة ... و كمان ولجت المرأة كليات الشرطة بمختلف تخصاصاتها ... المشكلة وين يدو المرأة خصوصية فى التعامل ... و لبه الكشات و التفتيش كلو مبنى على الرجال فقط ... و الادهى كمان لمن جلسنا مع المجندات اكتشفنا هضم حقوقهن بقدر مذرى و مخجل كمان ... حتى فى الاجازات و الاستحقاقات ... الشرطة ملف كبير لابد ان نفتحه لنقرائه جميعا
مودتى

فيصل سعد
25-08-2009, 12:02 PM
سادتى مارست التحقيق فى مئات القضايا و كنت موفقاً فى كثيرٍ
منها لا لذكاءٍ أدعيه ولكت كنت أعطيها كل وقتى بإسلوب
ونهج متمرد. كنا وكما قلت فى تمام الوضوح
بشراً نخطئ ونصيب ولكن لا ننافق
نسوق ليلنا الى وضح النهار لا نمسكه
هلى هون ولا ندسه فى التراب
شكراً لكم
شكراً أبو أمانى


لك الشكر ايها الاخ العزيز
و لو انه كنا دايرين المزيد من معينك الثر،
و الشكر لابو اماني و كل الاحبة هنا ..

نتمنى ان تواصل عزيزنا ابو اماني في هذا البوست
تمديدا و تمتينا لاواصر التواصل و المودة و المحبة
هنا في "سودانيات" ، و اسمح لي ان اعاونك و اساعدك
في هذا المشوار بمحاورة شخصيات هنا في البال و الخاطر،
و لكن قبل ذلك اسمح لي ان اقدم نفسي طائعا مختارا كضيف
على هذه المائدة العامرة، و سجن سجن غرامة غرامة :D:D
و في انتظار اسئلتكم من خفيف و ثقيل العيارات و نسأل الله
التوفيق، و انا في انتظارك يا حبوب .. بعد ان تقوم بتشطيب
اللقاء السابق مع اخونا النور يوسف محمد ...

كونوا بخير ..

أبو أماني
25-08-2009, 03:21 PM
لك الشكر ايها الاخ العزيز
و لو انه كنا دايرين المزيد من معينك الثر،
و الشكر لابو اماني و كل الاحبة هنا ..

نتمنى ان تواصل عزيزنا ابو اماني في هذا البوست
تمديدا و تمتينا لاواصر التواصل و المودة و المحبة
هنا في "سودانيات" ، و اسمح لي ان اعاونك و اساعدك
في هذا المشوار بمحاورة شخصيات هنا في البال و الخاطر،
و لكن قبل ذلك اسمح لي ان اقدم نفسي طائعا مختارا كضيف
على هذه المائدة العامرة، و سجن سجن غرامة غرامة :D:Dو في انتظار اسئلتكم من خفيف و ثقيل العيارات و نسأل الله
التوفيق، و انا في انتظارك يا حبوب .. بعد ان تقوم بتشطيب
اللقاء السابق مع اخونا النور يوسف محمد ...

كونوا بخير ..

كانت لفتة بارعة منك يا فيصل أن تعلن نفسك ضيفا في بادرة ظريفة هي الأولى من نوعها .. مضحيا بالسجن أو الغرامة ونكاية بكم ستنال العقوبتين معا ولو أني والبعض نشعر بأن مداخلتك قطعت علينا جميعا سلسبيلا سلسا من ذكريات حميمة لشخص نكن له كل الريد والإعزاز شخص عندما ساعدتنا الأقدار والظروف أن يجالسنا في ألفة أسرية محببة فانطلق يراعه الثر يزين جنبات هذا البوستر برائع الوقائع والذكريات دعونا الله في السر أن لا يتوقف .. وأن لا يدخل على مجلسنا زائر بالسلام فيقطع حديث ذي شجون من إنسان ملك شجوننا .. هو ليس عتاب لك فيصل بل تحسر .. لأن القدر ختم اللقاء وكنا نطمع في المزيد .. ومن حقنا أن نتحسر على من ذهب .. وأن نهلل للضيف الضجة القادم .. فوالله يا أحبابي سودانيات .. عندما أتحدث لكم عن نفحات من الزمن الجميل .. يكون هذا الفيصل .. صبيا يافعا .. يشكل جزء من جزيئات واقعه آنذاك .. اترككم في وداع ضيفنا المخضرم الأستاذ النور .. ونرحب بالضيف القادم على مائدة سودانيات وقبلها أشكرك على تلك الأريحية الطيبة ..وأنتظر مساعدتك لي بكل لهفة وأنت لها يا بن الأكرمين .. ضيفنان الأستاذ أسير المحبسين (السودان/كندا):-
فيصل سعد أحمد الشيخ goood goood goood

خالد الحاج
25-08-2009, 07:39 PM
الحبيب أبو أماني..
قبل الوصول لمحطة فيصل سعد لا "تطلقوا سراح سعادتو" النور يوسف..
النور هذا بحر من الذكريات والأدب الرفيع مع إلمام بالجميل من كل شيء..
أسألوه عن الشعر فله فيه بحر وأنهار وجداول..
أسألوه عن عن الغناء .. هو صاحب الأذن التي تختار استماعا "نجيض" كلمة ولحن ..
أسألوه عن الجمال..
عن الشقاوة...
باختصار .. ليس بعد .. لا يزال النور يحتاج "درديق" صدقوووووووني ..

النور يوسف محمد
25-08-2009, 08:08 PM
الحبيب أبو أماني..
قبل الوصول لمحطة فيصل سعد لا "تطلقوا سراح سعادتو" النور يوسف..
النور هذا بحر من الذكريات والأدب الرفيع مع إلمام بالجميل من كل شيء..
أسألوه عن الشعر فله فيه بحر وأنهار وجداول..
أسألوه عن عن الغناء .. هو صاحب الأذن التي تختار استماعا "نجيض" كلمة ولحن ..
أسألوه عن الجمال..
عن الشقاوة...
باختصار .. ليس بعد .. لا يزال النور يحتاج "درديق" صدقوووووووني ..
بسم الله الرحمن الرحيم
خالد زيك وكيفنك
ياخ بطل شمـ....................!!!
فيصل ده زولى
والكلام الدايرو كلو بلعبو معاهو (ون تو )
بس وصيهو يكون حريف والكوره على المقاس
وعد
بأن أكون قريباً من الكيبورد
وحديث من بيت الكلاوى

طيبان
25-08-2009, 09:47 PM
صديقي النور..

حدثنا قليلا عن سريلانكا ..
انتظرتك كثيرا ولم تكتب عنها (مالم يحدث ذلك في غيابي) ..
أحب أن أقرأ نذراً من أدب الرحلات عندك ..
لصديقاتي الصغيرات الجميلات ..سأهدي ما تكتب ..
نكتة خاصة :-
ألّوية ذات (حنّة) احتفت بك كثيرا ..وناكفت أمها قائلة
ياماما ابوي دا صغّير ياخ ..شوفي صاحبو يادوب داير يعرّس:p:p:p

_____

حبيبنا فيصل
أهي فرصة تبل راسك كويّس..
يبدو إنو حلّاقينك كتار..:) ..أنا غايتو ح اشتغل صبي حلاق gooodgoood
____

ويا أبوأماني ..عشت طيّب

أسامة معاوية الطيب
26-08-2009, 08:12 AM
ياسلاااااام ياخي
هسي الزول يشكر واللا يقرا سااااكت ويمشي واللا يكتب واللا يسوي شنو ؟
فكرة هائلة وطريفة من أبو أماني ( الرائد الذي جهجه أهله )
ضيوف قامات ... وأنا أستلذ بما يكتب هذا الجنابو الفارع النور يوسف ... ذاكرة صلدة ... وقلم فتّان ... مشاكس وبارع ... وذكريات جديرة بالقراءة
وخالد الحاج ... الخال الذي فاق كثيرا مقامات الوالد ... وإشاراته الذكية واللماحة
التفاعل الواعي من المتداخلين
يعني بصراحة كدا دا بوست في السلك ...
وأنا مستمتع الآن ... وقاااااعد راجي أبو الفواصل ... وسودانيات عالم جميل جدا جدا

النور يوسف محمد
27-08-2009, 02:00 AM
صديقي النور..

حدثنا قليلا عن سريلانكا ..
انتظرتك كثيرا ولم تكتب عنها (مالم يحدث ذلك في غيابي) ..
أحب أن أقرأ نذراً من أدب الرحلات عندك ..
لصديقاتي الصغيرات الجميلات ..سأهدي ما تكتب ..
نكتة خاصة :-
ألّوية ذات (حنّة) احتفت بك كثيرا ..وناكفت أمها قائلة
ياماما ابوي دا صغّير ياخ ..شوفي صاحبو يادوب داير يعرّس:p:p:p

_____

حبيبنا فيصل
أهي فرصة تبل راسك كويّس..
يبدو إنو حلّاقينك كتار..:) ..أنا غايتو ح اشتغل صبي حلاق gooodgoood
____

ويا أبوأماني ..عشت طيّب


بسم الله الرحمن الرحيم

يا صديق
عودتى من( سرنديب )
صادفت تلك الغفوة الشتوية .. فاحجمت مزن الكلام عن الهطول
وكما قلت لك فإن أهل تلك البلاد (تريانين ) كأنما الماء يجرى فى عروقهم
سأكتب لك
فلست أنت بالذى يرد له طلب
سأكتب لك ولكن فى بوست منفصل
عن (تيلينا ) والشاى إذا تنفس
سأكتب لك عن (كاندى ) و(نورإليا)
سأكتب لك عن الجمال الضاحك و(الحشا) المبروم
سأكتب لأجلك وخاطر الصغيرة ألاء
سأكتب لكم عن أيام مطيره زادتها (بللاً) بعض كلمات الغزل
so
.
..
ندعونا نرحب بضيفنا القادم

النور يوسف محمد
27-08-2009, 02:23 AM
ياسلاااااام ياخي
هسي الزول يشكر واللا يقرا سااااكت ويمشي واللا يكتب واللا يسوي شنو ؟
فكرة هائلة وطريفة من أبو أماني ( الرائد الذي جهجه أهله )
ضيوف قامات ... وأنا أستلذ بما يكتب هذا الجنابو الفارع النور يوسف ... ذاكرة صلدة ... وقلم فتّان ... مشاكس وبارع ... وذكريات جديرة بالقراءة
وخالد الحاج ... الخال الذي فاق كثيرا مقامات الوالد ... وإشاراته الذكية واللماحة
التفاعل الواعي من المتداخلين
يعني بصراحة كدا دا بوست في السلك ...
وأنا مستمتع الآن ... وقاااااعد راجي أبو الفواصل ... وسودانيات عالم جميل جدا جدا

بسم الله الرحمن الرحيم
مرةً ثانية
أمير الحرف والكلمة الوطن
.........................
سبحان الله
مررت بخاطرى قبل بضعة أيام
حين (ولادة) شوق لنصٍ مكتمل النمو
(ود تسعه وتسعه )
حدثت نفس بأن أكتب لك فى الخاص, أو عنك فى العام
لكن عذراً
فالتفكير يقتل المبادرة على قول دكتور الأغيش
اشتاقك والله
شكراً اسامة

أبو أماني
27-08-2009, 04:15 PM
بسم الله الرحمن الرحيم
خالد زيك وكيفنك
ياخ بطل شمـ....................!!!
فيصل ده زولى
والكلام الدايرو كلو بلعبو معاهو (ون تو )
بس وصيهو يكون حريف والكوره على المقاس
وعد
بأن أكون قريباً من الكيبورد
وحديث من بيت الكلاوى

حقيقي يا أبوالنور كلام الخال عين العقل والصواب وكما أسلفت في معرض ردي على الحبيب فيصل سعد .. أشعر بأننا لم نرد بعد هذا المعين العذب الثر .. بل أنت يا حبيب القسا .. كتاب حب مفتوح .. وتركتنا طوال المدة الماضية في صفحتك الأولى .. فهل من مزيد وهلا غردت أيها الغريد .. فما زال ليل سودانيات طفلا يحبو ..وما على الحبيب تكعيب فيصل سوى الإنتظار خاصة بعد حصوله على العهد أعلاه بالتواصل (ون تو) مع أحرف مهاجم عرفته سودانيات .. لكم جميعا حبي الخالص وشوقي اللا متناهي للغوص في أعماقكم .. we are waiting goood

فيصل سعد
27-08-2009, 04:24 PM
و ما على الحبيب تكعيب فيصل سوى الإنتظار خاصة بعد حصوله
على العهد أعلاه بالتواصل (ون تو) مع أحرف مهاجم عرفته سودانيات ..
لكم جميعا حبي الخالص وشوقي اللا متناهي للغوص في أعماقكم .. we are waiting goood

عوجة تب مافي يا حبوب،،
و على اقل من مهلك و نتمني ان
تواصلوا مع النور يوسف، و انا عندي مأمورية
طارئة اربعة يوم و نتلاقى في الويكند ان شاء الكريم،
و التحايا الطيبة للجميع و رمضان كريم ..

أبو أماني
29-08-2009, 09:26 AM
الحبيب النور .. ما تقول داقسين .. والله متابعين وبكل حواسنا كمان .. قبال نقاطعك بمداخلات عابرة كنا واقفين هنا ده ...

افتراضي

وحتى أجد لنفسى موطئ قدم بين ضباط النخبة الذين شكلوا قوام هذا القسم كان لا بد لى أن أبتكر نمطاً مختلفاً فآثرت نهج التمرد
التمرد على المأولف
كنت أضرب بالنظم وما تعارف عليه عرض كل شئ
فى سبيل الوصوول الى حقيقة
ربما تكون عصية على فكر تقليدى بائس
فترانى مرةً مع متهم فى حفل عشاء صاخب
وأحياناً أُخر معه فى منزله وبين ذويه
وآخر أعطيه إذن للأيام ذوات العدد ينعم بالحرية دونما رقيب ولا حسيب
ولا أميل الى إقامة عداء مع المتهمين الذين أحقق معهم بل أسعى جاهداً الى بناء جسور من الود والتلاقى حتى يألفنى وينسى المثل القائل
( أكان أصبعك بويس أقطعو )
وحبلى دوماً قريباً من العنق
..............................
سادتى مارست التحقيق فى مئات القضايا وكنت موفقاً فى كثيرٍ منها لا لذكاءٍ أدعيه ولكت كنت أعطيها كل وقتى بإسلوب ونهج متمرد
كنا وكما قلت فى تمام الوضوح
بشراً نخطئ ونصيب ولكن لا ننافق
نسوق ليلنا الى وضح النهار لا نمسكه هلى هون ولا ندسه فى التراب
شكراً لكم
شكراً أبو أمانى
.. . . . . . . . . . . . . . . .
أها يا الحبيب ما يطول إنتظارنا .. باقي صائمين وحرانين وعاوزين شيتن يبل الريق وما يجرح صيامنا.. وحديثك أمانة مو حلو .. بتبخل علينا يابا ؟القول قولك آآآ الزين ... وكل سنة وإت طيب .. تشاوووووو gooodgooodgoood

أبو أماني
31-08-2009, 09:29 PM
لا أملك أن أزعل ممن أحب .. ولكني أمارس الدلال عليك يا النور وأهدد بالزعل منك فعلا لو إستمر تجاهلك لمناشداتي المتواترة .. دون أن تأبه .. وتذكر أني أخرت وصول العزيز فيصل للمائدة .. أسبوعا بإنتظارك .. لك الود مهما كانت الظروف .. نحن نقدر مع تشديد الدال .. ولن أقول تشاوووو لأني لسع ومعاي كتيرين .. منتظرين وعلى رأس القائمة صديقك الودود خالد أها بتقدر على جنس ده ؟؟؟ goood

النور يوسف محمد
01-09-2009, 01:40 PM
بسم الله الرحمن الرحيم
العزيز أبو أمانى
لا والله
أنا على الوعد يا صديق
بس رمضان تتغير معه الترتيبات وتكثر المجاملات
وبعدين أنا بنقى فى الشيء الببل الروح وما بجرح الصيام
ياخى والله دى مش صعبة بس
فى اليومين ديل أوراق من الذاكرة
الفريق ابراهيم أحمد عبد الكريم
الكابتن الفذ طارق أحمد أدم
أبو أمانى
الله لا جاب اليزعلك

النور يوسف محمد
02-09-2009, 01:15 AM
بسم الله الرحمن الرحيم

فى الخرطوم سكنت فى ميز رويال جوار مستشفى الخرطوم
شارع السيد عبد الرحمن
وهو فى الحق قصيدة
هو جماع ما التقى من مجون السلطة
وزهو الشباب
وكلمات لم تكتب بعد فى سفر النبل
والشرف وربما ... الفجور
شارع السيد عبد الرحمن حيث يقع ميز رويال
هو تماماً كشارع الساردين المعلب
فى رائعة جون اشتاينبك
يمكن للمرء أن يجد فيه كل ما يحتاجه لينعم بالسعادة
من تبغ وطعام وخمر
والسلعة الوحيدة التى قد لا تتوافر فيه يمكن أن يلتمسها فى داخل ردهات الميز
ساعات الصباح الأولى لميز رويال
تبدأ عند مغيب الشمس
عندما يكون
الجو هدأ وناموا العدى
وساعة الوصال ما أسعده
يتم تجهيز الملعب بما يتيسر
من كراسى الخيزران , وسراير الحديد
وما تبقى من سهرة البارحه
ويتوافد الضيوف
فأبواب الميز مشرعة ,,, والكل مرحب به
والناس فيه شركاء
.....................
ميز رويال
مدرسة فى السلوك المنتمى ,,, واللامنتمى
ذابت فيه كل الفوارق
واجتمعت فبه كل متناقضات الحياة
يرى فيه كل أحد أنه السيد والزعيم
ٌ لو قال شخص ما أن ساكنى هذا الميز
( مغامرون ,,, ومتهورون ,,, وحفنة صعاليك )
لكان صادقاً
ولو قال نفس هذا الشخص أن ساكنى هذا الميز
(ملائكة ,, وشرفاء ,, ورجال أطهار,,, وقديسون )
لكان صادقاًً أيضاً
(ثم لا يتغير المعنى فى كثير أو قليل)

النور يوسف محمد
02-09-2009, 01:22 AM
بسم الله الرحمن الرحيم
الأحبة
ودددت لو أنها كانت على شاكلة الأسئلة والتى ربما أجد فيها (فسحة )
لتنشيط الذاكرة وألا تأخذ منحى الإنفراد بالحديث عن ذكريات ربما لا تشكل فى معظمها قاسماً مشتركاً فأصاب بالحرج
لذا فقد عمدت الى الحديث عن شخصين اعتقد أنهم معروفين بالضرورة لدى الكافة
الجنرال الأديب أبراهيم أحمد عبد الكريم
فوق ما يعرفه الجميع عن سعادة الفريق ابراهيم أحمد من طول باع فى الأدب وضروبه مشاركاً فى برنامج فرسان فى الميدان
وتفرده فى الإلمام بشعر الحقيبة عبر برنامجه المعروف (نسايم الليل ) كان رجلاً ذو ذاكرة جبارة وكان العمل معه فى غاية المتعة
اللافت للنظر أنه جمع بين رقة وظرف الأدباء وذكاء رجل المباحث اللماح وانضباط العسكرى فى تناغم مذهل
فى يوم من الأيام ذهبت مع أحد المتهمين فى جريمة قتل الى مجاهل امبدة ومع بعض أفراد من تيم المباحث لتفتيش منزله
فى أثناء التفتيش عثرت على مستد فى غاية الأهمية يربط المتهم بالقضية موضوع التحقيق ربطاً محكماَ
( المستند كان عبارة عن فاتورة ذهب تخص القتيل ) عندها طلب منى المتهم إذناً بأن يريد أن (يستحم ) فأذنت له
لكنه هرب !!
وتبعه الأفراد الذين كانوا معى !!
وتغيب الشمس على فى ذلك المكان وأنا وحدى لا متهم ولا عساكر !!!
فرجعت الى مكاتب المباحث فى المديرية حزيناً منهزماً
لا أدرى أين عساكرى ولا أين المتهم
وأنا فى ذلك الموقف البائس استدعيت لمقابلة الفريق
صدقونى وقفت أمامه وأنا أبكى من (الحرقة والغبن ) كطفل حرم من قطعة حلوى
لم يكن فظاً ولا غليظ الحرف , بل كان لين الجانب وحلو الحديث
قال لى إن هروب هذا المتهم هو قمة (نجاح ) هذه المهمة
اذهب الى المنزل والصباح رباح
(الإجراء التقليدى هو إيقافى من العمل وسين وجيم وكيف ولماذا ومتى وأين وتضيع القضية ) لكنى لم اذهب الى المنزل
وبصحبة فردين من أعز أصحابى من عساكر المباحث غادرت الخرطوم ولم أعد لها إلا بعد 36 ساعة ومعى المتهم
بعد أن تمكنت من إلقاء القبض عليه فى ضهارى قرى الجزيرة بالقرب من العزازى ولم أكن لا أنا ولا هم قد نمنا بعد
الفريق ابراهيم كان دقيقاً فى كل مناحى حياته كان يدون كل شئ منذ صحيانه وحتى خلوده الى النوم
حديثه فى المنزل والى مرؤسيه والى اصدقائه مواعيده وتعليماته وملاحظاته عن العمل وعن مساعديه
كان يدير العمل الشرطى بعقلية الأديب
كان معلماً ومنارة فى تاريخ الشرطة السودانية
عليه رحمة ربى ورضوانه

النور يوسف محمد
02-09-2009, 01:32 AM
بسم الله الرحمن الرحيم
اللاعب الفذ المهذب طارق أحمد أدم
بدأت معرفتى بهذا الإنسان الفنان عن طريق صديقى وقريبى العقاد عبد الغنى الحاج والذى شغل فى نادى الهلال منصب ما
فى وقتٍ ما إن لم تخنى الذاكرة والعقاد هو ابن عمنا عبد الغنى الحاج صاحب أول مدرسة لتعليم قيادة السيارات فى السودان إذ أنشئت فى العام 1958 م
وكنا وطارق لا نفترق إلا للنوم وهو كلاعب ملتزم اعتاد أن ينوم باكراً فهو لا يحب السهر الذى نحنا كنا ( أسيادو )
وبعد أن نقوم بتوصيله الى منزله فى الديم يبدأ عندنا برنامج المساء والسـهرة
وطارق الذى قاد فريق الهلال والمنتخب القومى من نجاح الى نجاح لا يستطيع والى الان أن يقود سيارة
وعبثاُ حاولت أنا والعقاد الخبير فى تعليم قيادة السيارات أن نعلمه ولكن كأننا نحرث فى البحر
كانت الهواية المفضلة له ( العضة ) فى نادى بنك السودان الكائن وقتها فى شارع البلدية بعد مكاتب الإتحاد العام والذى كان يعمل فيه العامل (أبوزيد)
العامل (أبوزيد) هذا تجرى فيه دماء زرقاء هلالابى منذ أن قدر القمر منازل حتى عاد كالعرجون القديم وكان يعزنى بدرجة تفوق الوصف (الريد قسم )
ويوم أن رأى كابتن طارق معى تحولت تلك المعزة الى وله وشغف فكنت آمر فأطاع وأقول فيسمع
الطريف فى الأمر أنه فى يوم ما انهزم الهلال بهدفين أحرزهما أبراهومه ( بتاع المسلمية ) كان طارق منفعلاً بصورة لم أشهده فيه طيلة معرفتى به
( حتى خرج عن طوره الرصين )
وحين ذهبنا الى العشاء فى النادى وأثناء النقاش اكتشف (ابوزيد ) أننى مريخابى !
صار يردد فى ذهول
النور إنتى مريخابى ؟؟ معقول ياخى انت مريخابى ؟
صدمته من مريخيتى كان وقعها أقسى على نفسه من هزيمة الهلال فى ذلك اليوم
طارق احمد أدم كان إنساناً خلوقاً مهذباً لم تزده الشهرة إلا تواضعاً فكسب حب الجماهير السودانية قاطبة المريخاب قبل الهلالاب
التحية له اين ما كان

أبو أماني
02-09-2009, 02:51 PM
ألهث وراء سطور يراعك الخصيب .. لهاث أبنا الغرب النشامى كاكي وسماعين في مجاهل العالم الخارجي بحثا عن تعلية إسم ورفع علم السودان .. أعذرني أي مداخلة تقطع سلسبيل ما يرد من حديث .. وعليه نمارس عادة طفولية .. أدمناها سنينا غابرة ..وتحن نتهافت عقب العشاء في ليل شتوي نلتحف البطاطين وفي الكانون قطعتين من خشب الطلح أو الشاف .. بجوار عنقريب حبوبة .. نجلس في نشوة ولهفة واضعين اليد اليمنى تحت الحنك ناظرين لحبوبة (السارة) بانبهار في إنتظار ماذا حدث لفاطنة السمحة عندما خرج منها حسن الشاطر .. يبدو إنك يا عزيزي قد وقعت في خير أعمالك وأحب أحبابك .. (حبوبة النور)! .. خيرا جانا وجاك .. واصل.. ما شايف عادل عسوم رغم النعاس مفنجل عيونه داير يعرف باقي القصص ؟.. goood goood goood

أبو أماني
06-09-2009, 03:21 PM
أبو النور وحاة غلاوتي عندك ما تموت لي البوستر بتاعي ده .. شايفو ينتهي بمداخلاتي ويتنقل للصفحة التالية .. أبو النور خليك ظريف .. استجب فقط للمطالب الأخيرة وفي ختامها قدم لنا الأخ الأستاذ فيصل سعد وكان الله يحب المحسنين .. ما تعمل فيها ما بتقدر وصائم وبتاع .. يعني شنو صايم ما أهو ده فتحي مسعد البطبقك مرتين ( العمر قصدي ) بيقول انو صائم .. والسمسمية أكان قدموها ليو في بترينة عرض .. يكرضم ويكرج اسنانو ويقبل منها غااادي .. نسيت أبارك ليك الشهر الكريم وتصوم وتفطر على خير (ده كسير تلج يا تحفة حواء) إتي قايلاني ما بعرف ؟ هيييييع انا تلميذك يا أمال الشيخ .. نسوي شنو يا جماعة لو زول زي ده لسانو يقطر عسل ويراعه يقطر شهد يكتب لينا يبهرنا ويقوم طووووالي يفتح لينا .. نسو شنو؟ وتشاووووو goood goood goood

النور يوسف محمد
07-09-2009, 12:51 AM
بسم الله الرحمن الرحيم
العشاء الأخير
فى تلك الشقة الصغيرة
شارع 49 العمارات .. كانت تدندن
( ما بنسى ليلة كنا تايهين فى سمر
بين الزهور .. أنا وانت والنور والقمر )
والقمر يومها كان شادياً وحضوراً
كانت تدندن
فينصت لها سوابل النهار المدبر وطوارق الليل المقبل
وصوتها الحزبن ينعى لنا الزمن الجميل
قال عنها ذات حزنٍ جارف
هي هي ,
ماء السماء , ونضرة الأرض
هي أنثى الورود , و حرائر البقول وأول الثمار .
هي كل شئ يمكنك أن تشتهيه و يحتويك
فى رواحك وغدوك وفى صهيل خيل مبتغاك
كانت تدندن
( عشقت الكلمة يا أسمر .. ومشيت على دربها الأخضر
ما خلاص فارقنا سكتكم فيها براك اتبختر .. يا زول ما براك اتبختر
ظالمنى ليه فى الحب بكلامك السكر .. وغرست ليه فى القلب بعد الحنان خنجر
يا كاتم الريدة وكاتل المحنه غدر
الماضى ما برجع لكنى بذكر .............................. يا سيدى
عشقت أسلوبك أسلوبك إنت خطر ..
بتسمع كلام الناس وتسيب أعز بشر ......................... يا سيدى )
ولا تدرى أين مد الأشياء وجزر الكلام
كانت تدندن
فتسكن ما تحرك وتحرك ما سكن .. ثم لا قبل ولا بعد
ويغادر منك الجسد الى حيث كادوقلى محطتك الأخيرة
حين يبقى قلبك رهين تلك الدندنات
................................
كادقلى أو كاد يقلى كما يحلو لبعضهم
قرية قابعة فى ذاكرة الجبال
مدينة حين يبتسم السماء و يغشاها الخريف
لا تمنحك الأمان ولا تناصبك العداء
تجبر بخاطرك و تواسيك ولا تحزن لماضيك
ويربت ليلها على كتفك متى أسرفت فى اجترار الذكريات
فى كادوقلى تواجه التمرد كل صباح وتعيش مع الموت فتألفه ويألفك
حتى يغلب عليك الظن أنه بإمكانك تحديد تاريخ الرحيل
وبعد ستة أشهر تغادرها الى المجهول
ولا تجزم أن الذى كان فى رئاسة شرطة المديرية
هو أنت أم ذلك الخيال الذى انتزع من بين ..... تلك الدندنات
.........................................
وتعود الى الخرطوم موعدك مع الكأس الأخيرة
التى تجرعتها مثل غيرك من الشرفاء
لتغادر الشرطة عشقك السرمدى ولسان حالك يقول
(يا احبابي في بلد الاشياء
في بلد المشي على اربع
هذا اخر عهدي بوجوهكم السمحة
بعقولكم العطشى للانجاب الفكري الممنوع
فالحكم الصادر من قضاة مدينتكم في مجلسه المرموق
عالجني بالموت..)
وفى الذاكرة أيام مريرة فى بيوت الأشباح
سيظل منها عالقاً بذهنى الى يوم يبعثون
دمعات سخينة نزلت من عيون أبى ـ رحمة الله تغشاه فى الخالدين ـ
وما رأيت منه دمعاً قبل هذا أو بعد ذلك أبداً أبداً
................................................
وبعدها الى بلاد الله الواسعة بعد أن ضاق الحال والمقال
( لعمرك ما ضاقت بلاد بأهلها ولكن أخلاق الرجال تضيق )
...................
التحية لك أبو أمانى
والتحية لكم جميعاً
واعذرونى إن كنت ضنيناً
ولك الوعد أبو أمانى مرة ثانية
أن أبقى قريب
..........
الأخ فيصل
لك كرسى الإعتراف وهذا الكيبورد
وأبدأ بسم الله .... من هو فيصل سعد ؟؟؟؟؟

فيصل سعد
07-09-2009, 04:54 AM
بسم الله، و الحمد لله،
و الصلاة و السلام على رسول الله ..

شكرا عزيزنا النور يوسف على الاضاءات و حروفك المنثورة في هذا البوست التعريفي، الرجاء المواصلة و عدم الانقطاع عن "سودانيات" عالم التواصل و المودة. التحية و التقدير لصاحب هذا البوست النفاج الذي يطل فيه الزملاء و الزميلات تعريفا و تواصلا و نتمنى ان يحقق البوست اهدافه المنشودة ..

فيصل سعد احمد الشيخ ادريس، من مواليد بري المحس في 14 يناير 1964، والدي الراحل الاستاذ / سعد احمد الشيخ من الرعيل الاول من شباب جيل الاستقلال الذين رفعوا العلم مرفرفا خفاقا مع الزعيم الازهري و رفاقه الميامين الابرار، من الجيل الاول من الصحفيين السودانيين صاحب و مؤسس وكالة اخبار الخرطوم، أول وكالة انباء سودانية، المؤممة 1970 بقانون التأميمات و المصادرات الظالمة و الجائرة في العهد المايوي البغيض المندحر، و رئيس تحرير "سودان استاندرد" اول صحيفة سودانية صدرت باللغة الانجليزية، مراسل وكالة رويتر بالخرطوم، مدير التحرير بوكالة الانباء الكويتية منذ العام 1980 و مدير مكتبها بالخرطوم حتى وفاته في 1988. عمي الراحل مصطفى الشيخ من مؤسسي اتحاد الشباب السوداني و من طلائع القوى الاشتراكية في السودان، خبرته معتقلات و سجون البلاد مناضلا و منافحا صلدا و مقاوما للقهر و البطش و جبروت الحكام ، جدي احمد الشيخ ادريس من اوائل موظفي القضاء و المحاكم قبل و بعد السودنة، و جدي المشرف الشيخ ادريس شيخ الخضرجية بسوق 4 ببري المحس، جدي عبد الرحمن حاج احمد "شيخ الحلة" ببري المحس او شيخ البركس كما تحلو تسميته و رئيس مجلس بلدي البراري، جدي ابراهيم علي ابراهيم من اوائل خريجي كلية غردون التذكارية، معلما طاف البلاد طولا و عرضا و تبوأ مدير كسلا الثانوية و وادي سيدنا و مدير كلية التربية كسلا، و مدير مكتب تعليم الخرطوم و مسجل الجامعة الاسلامية و مدير مكتبة امدرمان المركزية، و جدي عثمان علي ابراهيم معلما بارزا و من اوائل الرأسمالية السودانية الغير مرتبطة بالاستعمار، لهم الرحمة و المغفرة و الاجر و الثواب عند رب كريم مقتدر.

الوالدة سميرة ابراهيم علي، من امدرمان بيت المال، و جذور عائلة الوالدة و الوالد نابعة من جزيرة توتي على ضفاف نيلنا الخالد العظيم، و اهلنا موجودين و مترامي الاطراف في توتي و الخرطوم 1 ، 2، 3 ، السجانة، الديم، الامتداد، الصحافة، سوبا، جبرة، الجريف، امدرمان ، شمبات ، حلة حمد و خوجلي ، الحلفايا، المزاد، الاملاك، الحاج يوسف، الجيلي، الدروشاب، الفتيحاب ،الشجرة ، اللاماب ، البشاقرة ، التكلة ، التكينة و على ضفاف نيلينا الابيض و الازرق و ما بينهما.

بحكم ظروف عمل الوالد و تنقله سكنا بري المحس و الدرايسة "كوريا"، العمارات، الخرطوم 2 و بيت المال، درست الابتدائي بالديم شرق الابتدائية "أ" و عبد المنعم الابتدائية، الثانوي العام بالخرطوم الاهلية و بري الاميرية ، و الثانوي العالي بالخرطوم القديمة و المؤتمر الثانوية، تخرجت بدلوم NSCE برمجة و تشغيل كمبيوتر من معهد الشرق الاوسط لدراسات الحاسب الآلي (ICL) بقاهرة المعز في العام 1986 ، و منذ ذلك الحين "انجبتني مريم اخرى قطارا و حقيبة"

و نواصل ..

فيصل سعد
07-09-2009, 07:11 AM
http://sudaniyat.net/up/uploading/fai.jpg

شبارقة
07-09-2009, 09:40 AM
شكرا ً لجنابو الأستاذ / النور يوسف ومرحبا ً بحبيبنا فيصل سعد ويسعدني أن أكون أول المتداخلين ;)

أها يا فيصل ... حصل خضتا فى وحل المطر والطين ؟
ومن الترعة سويت شراب الهين ؟
وحصل قيلتا فى ضل دومة بى فرعين ؟
وحصل شاققتا عرق النيل مع الوزين ؟
وحصل مشي الأسفلت جربتو بالكرعين ؟
وركوب اللورى فى شمسا ً تصر العين ؟
وحصل عانيت وقوف الصف وراء التموين؟
:D:D

إذا كانت نـُص إجاباتك بـلا ... نديك قرشك طوالي وتنزل في المحطة الجاية :D

فيصل سعد
07-09-2009, 09:45 AM
شكرا ً لجنابو الأستاذ / النور يوسف ومرحبا ً بحبيبنا فيصل سعد

أها يا فيصل ... حصل خضتا فى وحل المطر والطين ؟
ومن الترعة سويت شراب الهين ؟
وحصل قيلتا فى ضل دومة بى فرعين ؟
وحصل شاققتا عرق النيل مع الوزين ؟
وحصل مشي الأسفلت جربتو بالكرعين ؟
وركوب اللورى فى شمسا ً تصر العين ؟
وحصل عانيت وقوف الصف وراء التموين؟
:D:D

إذا كانت نـُص إجاباتك بـلا ... نديك قرشك طوالي وتنزل في المحطة الجاية :D

سلام يا رجل و يسعدنا مرورك الجميل،
بس ما تعصر علينا شديد و نص الاجابات
نعم هي نص الاجابات لا و يا معلم، نحن
كان ما متنا شقينا المقابر :D:D

فيصل سعد
07-09-2009, 10:10 AM
"و اذكروني كل ما حلق طائر في الجو ،
و كلما داعبت اوراق الاشجار نسمة رقيقة،
فذكراكم هي ملء حياتي"



- القاهرة 1984 ، و نحن برالمة لنج اشقياء و شقيانين نتلمس بواكير خطاوي الغربة و الترحال ، تحركنا و المساء مبكرا انا و صديقي و ابن عمي احمد مصطفي الشيخ و الصديق عصام حسن و ثلاثتنا من بري، و الاصدقاء زملاء السكن الاخ طارق عبد المنعم قدم الخير ابن الركابية ام درمان و اخونا محمد احمد مختار العمدة (الاطرش) من ابناء دوكة بالقضارف و سنايرنا على الامين على (جكسا) و على احمد حسن (جنابو) من ابناء الخرطوم تلاتة و عمدتنا و مطربنا و فاكهة مجالسنا عوض قريد "ترباس" من ابناء الحلة الجديدة، و جارنا محمد النصيح من ابناء سنار ، و بعض الاصدقاء ضيوفنا من الاسكندرية الاخ ناجي التجاني السوري من امدرمان و الاخوين كمال و شعيب من ابناء بحري ، تحركنا من شقتنا بالمهندسين متوجهين الي حضور حفل اتحاد الطلبة السنوي الذي يحييه الموسيقار محمد وردي بدار الاتحاد بالجيزة.. في طريقنا مررنا على سكن اخونا السنير و العضو القيادي بالاتحاد و رئيس رابطة امدرمان عبادي محجوب "المخرج التلفزيوني حاليا" في ضاحية الهرم ، وجدنا معه الشاعر عبد القادر الكتيابي، و الفنان يوسف الموصلي، و بعض الاخوة العازفين ، و مجموعة من زملائهم بمعهد الموسيقى، و بعض من المعارف و الحسان الغيد ايقونات ذلك الزمن الجميل من ارض الكنانة الشقيقة و بعض زميلات الدراسة العزيزات ، في جلسة اختلط فيها الادب و الثقافة و الغناء العذب و الفن و الابداع سجلنا حضورنا و حجزنا مقاعدنا للسهرة الصباحية بعد الحفل، و توجه الجميع الي حفل الاتحاد ... اخذت ورقة من عبادي مكتوب فيها كلام تذكرت منه فقط عنوان هذه المداخلة .

كانت قعدة آخر الليل صباحية حافلة و محفلة بكل موارد البهجة و المرح، و ذات جو دافئ و حنين عامرا بالالفة و المودة و النقاء و الروح و الجمال و السحر الحلال. قضينا ليلة ساهرة مع الموسيقى و الطرب و دوزنة روائع الموصلي "يا ذاتي من عبر القرون جيتك انا شايل معاي شوق السنين مسدار غناء" و "مهما فيك طولت صابر يا سنين عمري الشقية ... و مهما طال فيك حظي عاثر و ذوبت روحي الاسية .. ما بقول انا راح اواني عارفه ببسم لي زماني .. و سعدي برجع لي تاني بالاماني السندسية " و تخللت القعدة اجواء القفشات و الفرح و الفكاهة و اجواء المطبخ و الحلل المدورة في نيران البوتجاز و شواء كوانين البلكونة و ضجة الصحاب في تجهيز المزز السريعة و ملحقاتها من كبد و شطوط و سلطات و رصرصة و توضيب الطلبات الجاهزة من فلافل القاهرة و فطائرها و كشريها الطاعم .. و اختتم عبادي تلك الاجواء الحميمة بدرر الحقيبة و "افكاري حيارى ضاعت باختيارها حبيبي آه و قلبي تاه في يوم الزيارة " و كانت افكار و فاتن يرددوا و يردد الجميع معهم في تلك الوصلة الغنائية الرائعة تطريبا و تغريدا من المبدع الباسم الفنان عبادي و هو يترنم " و هو حسنه صار فوق الجميع" و حقيقة كانت قعدة و جلسة الفة و مودة و شجن و محبة و محنة و طرب فوق الجميع ..

التحية لتلك الرفقة الحنينة و الحميمة من اصدقاء ذلك الزمن الجميل، و عذرا لمن سقط اسمه سهوا ،، و اقول لهم ذكراكم على الدوام هي ملء الحياة و دفئها ،، و الذكرى ناقوس يدق في عالم النسيان،، و اكيد اكيد حنتقابل ،، مع عميق الود و كثيف الشوق و عارم المحبة..




WIDTH=400 HEIGHT=350

تحفة حوا
07-09-2009, 11:15 AM
فيصل سعد واخيرا
goood
شنو البديت لينا بالكلام الكبار دا
كدي استنا النسألك بالاول

أول شي سيرة عطرة والله واستمتعنا بالقراءة جد
تانيا : الناحية العاطفية الهارب منها دي
تتكلم براك ولا نسألك :D
تالتا : بجيك راجعة

فيصل سعد
07-09-2009, 11:20 AM
سلام يا ست الكل،
سيرة البحر دي نخليها للنهاية،
عشان يكون ختامه مسك و كدا،،
شكرا للمرور ، و راجينك قدام ..

فيصل سعد
07-09-2009, 11:39 AM
لمسة وفاء و تقدير و شوق و سلام لاصدقاء طفولة و زملاء دراسة و اصدقاء عمل و غربة و اهل اصحاب و دفعة و جيران اعزاء، فرقت الغربة و الترحال و المنافي و ظروف الحياة ما بيننا و بينهم و انقطع التواصل ، التحية لهم اين ما كانوا و الحب و المودة لهم في كل ظروفهم مقرونة باطيب التمنيات و احلى الامنيات :

زملاء دراسة في الذاكرة :

سيف اليزل خليفة بابكر ، الديم شرق الابتدائية
احمد عبد القادر ، الديم شرق الابتدائية
فيصل عباس فضل ، الديم شرق الابتدائية
سليمان عبد الباقي محمد ، الديم شرق الابتدائية
نادر محجوب بابكر السيد ، بري الاميرية
الحاج عبد الله فرج الله ، بري الاميرية
عصام عمر قسومة ، بري الاميرية
امير حسن البداني ، بري الاميرية
السني ابو العزائم عباس ، بري الاميرية
خالد عمر محمد الامين ، بري الاميرية
صلاح هاشم سوار الدهب ، بري الاميرية
احمد صديق عبد اللطيف ، بري الاميرية
امير الفاتح حمودي ، بري الاميرية
عبد العزيز الريح قسومة ، بري الاميرية
محمد ادريس كنة ، الخرطوم القديمة
عبد الماجد عمر محمد الطيب ،الخرطوم القديمة
قيسوني اسماعيل ،الخرطوم القديمة
السني محمد ابراهيم ،الخرطوم القديمة
سامي على ،الخرطوم القديمة
شمس الدين ابو قرون ،الخرطوم القديمة
احمد المامون الامين، المؤتمر الثانوية

اصدقاء و اصحاب و جيران في الذاكرة :
"بيت المال"

امير جلال الغول ، دارصليح عبد الرازق ، سعد خليل سعد ، سالة عبد الله ، خالد حسين الغول ، جعفر حامد الشلالي ، صلاح عبد الرازق ، جمال فضل الله "فريني" ، اسامة فضل طه "حريقة" ، خالد عبد الرحمن ابراهيم "النالة" ، خالد عثمان سالم "كديس" ، عماد فضل الله "ماردونا" ، عماد كردش ، ياسر محجوب ، اسامة احمد عبدة "إندرة"، عصام سيد احمد "الجقر" ، عبد القوي دراج، ابراهيم عثمان "كلملم" ، حسين موسى "جربوكس" ، كامل محمد فضل السيد ، فرزدق برعي ، الفاتح السراج ، فيصل علي ابراهيم ، حسن يوسف الغول ، عمر مصطفى سلمان ، محمد خليل سعد ، ياسر محمد عثمان ، عصام حسن، طارق ميرغني ،، محمد ساتي ،يوسف عماد الدين خاطر، الرحمة و المغفرة للاعزاء المرحوم صديق توسكا ، المرحوم علاء الدين النوش و المرحوم جمال سالة..

اصدقاء و اصحاب و جيران في الذاكرة :
"بري"

مامون الريح ، محجوب عبد الله ، خليل الريح ، هشام عمر قسومة ، الاشقاء عابدين، ناجي ، نادر، مرتضى، معاوية و عبد القادر محجوب بابكر السيد ، طارق و مكي و خالد جميل صالح عكاشة، عادل علي ،عبد العظيم الريح ، محمد احمد خير السيد "شوولي" ، اسامة الزين آدم ، وليد السيد ، الفاتح ربيع ، عبد الحليم التكينة ، يسن بانقا ، عبد الرحمن حريز ، محمد عبد الباقي "التقر" ، الفنان احمد الطيب ، عارف قسومة ، مجاهد عوض ، يسن خالد ، معاذ يسن ، عبد الحميد الريح ، صلاح الدقنا ، علي عبد الباقي ، امير عوض ، احمد علي ،هشام جلال، نادر حسن ، مجدي منصور، زاهر شمام، بشير لولية ، مجدي منصور ، طارق محمود ، عبد المنعم الريح، محمد صديق عبد اللطيف ، عماد الحاج المشرف ، عباس عبد الله ، حسبو تاج الدين ، حسن حتيكابي ، صالح محجوب ، ايمن عبد الرزاق، ياسر حسن علي، مكي جميل ، صلاح جحا، جمال بابكر ، اسامة الفاتح ، محمد عمر اسحاق، و الكابتن نصر الدين حبيب له الرحمة و المغفرة،

عمات و خالات في الذاكرة:

آمال ابراهيم علي ، صفية المشرف ،كوثر بابكر احمد ، سعاد حمد، اقبال ابراهيم علي ، الهام بابكر ، سوسن ابراهيم علي ، دعاء عثمان علي ،بثينة ادهم ، عفاف بابكر احمد، وفاء عثمان على ،خالدة الريح ،اكرام ادهم ، رابحة الطاهر ، سونا مبارك ، عزة حسن احمد عبد القادر، كوكب الطاهر ، احسان مامون ، اسماء محمد احمد، سليمى جبارة ، وصال عثمان علي ، انصاف خلف الله، انشراح محمد حسن ، وداد بابكر خليل ، وداد خضر احمد ، سعاد عبد الله ، رقية بابكر ، سميرة بابكر ، بت وهب عبد الله ، رقية ابراهيم عبد الكريم، عفاف بابكر علي عمر ، علوية السيد مضوي ، سلوى عباس ، علوية النور

اعمام و خيلان في الذاكرة:

محمد الحسن ابراهيم علي ، ابراهيم الطاهر احمد ،مجدي محسي ، عزالدين علي المحسي ،الحاج المشرف ،علي عثمان علي، عادل الطاهر احمد ،محجوب عبد الله ، حسن كمير، محمد ادهم ، عاصم ابراهيم علي ، مصطفى مبارك "ابجيبين" ، احمد الطاهر ، عماد الطاهر ،علي ادهم ، مجتبي محسي ، وليد عثمان علي ، حسين بابكر، هاشم ابراهيم علي ،علي المشرف ، احمد الطيب السني ، زكي بابكر احمد ،عثمان محجوب زكي، عبد الغني غندور ، بشير طه صالح ، مروان حامد الرشيد ، محمود قسم السيد ،صلاح ساتي احمد ، عبد السلام عكاشة و كمال بابكر علي عمر.

اصدقاء غربة (مصر ، الامارات ، كندا)

عادل محمد ابراهيم "مدني" ، امير يونس "مدني" ، وليد/حسان/اباذر/معتز/موفق/ابو عبيدة محمد عبد الله "القضارف" ، صابر ابوبكر سعيد "كرمة البلد" ، سيد خلف الله "امدرمان" ، طارق قدم الخير"امدرمان" ، نصر الدين نوري "امدرمان" ، ضياء الدين حسن ادريس "المسلمية" ، فيصل حمد "القضارف" ، امير مساعد "سنجة" ، عبد الجليل حسين "الصحافة" ، عبد الاله زمراوي "كرمة البلد" ، ، عز الدين عبيد الله "كسلا" ، يوسف امين "الخرطوم 2" ، صبري محمد حسن "مدني" ، عبد المجيد عوض ساتي "بحري"، هشام المجمر "بحري" ، محمد دهيس "سنار" ، طارق نمر "كسلا" ، بشير اسماعيل "الابيض" ، كمال الشيخ "المسلمية" ، الفاتح يسن "صواردة" ، يحي فضل الله "كادقلي" ، مصطفي مدثر "امدرمان" ، فقيري حمد "بورتسودان"

اساتذة و معلمين في الذاكرة :

محمد احمد عبد القادر ، عبد الرحيم الشيخ ، حسين الغول ، عبد القادر كرف ، ابراهيم علي ، حسن عبيد ، عثمان علي ، عمر قسومة ، علي السيد ، مصطفي بوستك ، علي التلب ، قرنفلي ، سناري ، سيد احمد نقد الله ، حسن عبد الحليم ، ابراهيم الطاهر ،عوض يسن ، محمد حمزة ،النوراني الحاج الفاضلابي ، بشير الريح قسومة ، احمد جمال ، محمد الطيب ، شمس الدين الغول، صديق عبد اللطيف ، عمر ارباب.

و التحايا و التقدير كذلك مقرونة باسمى آيات الاحترام و المحبة، لكافة الزميلات و الزملاء و الاهل و المعارف و الصحاب بهذا المنبر العظيم الوطن "سودانيات" عالم التواصل و المحبة ..

sudaniyat.net/up/uploading/alteer_almohagir.wma

.... نواصل ....

فيصل سعد
08-09-2009, 06:24 AM
مشاوير و سنوات و حكاوي الصبا ، او ،
في ذكري المدرسة الابتدائية .. " الديم شرق الابتدائية بنين - الختمية أ "


- يوليو 1970 توجهت صباحا و في يوم غريب لا يشبه سابق ايام طفولتي و جهالتي ، الى المدرسة الابتدائية و انا ابن السادسة، مرتديا الرداء الكحلي و القميص اللبني، منتعلا شبط باتا الاسود، و حاملا شنطة مدرسية صغيرة و زمزمية ماء و سندوتش صنعته امي على غير العادة، و التي اقنعتني منذ مدة و اكدت لي في المساء السابق بانني ذاهب الى مدرسة جديدة ليس بها فطور و حلوى، و ان اخواني الصغار سيذهبون الى روضتنا القديمة لصغر سنهم مع والدهم "رحمه الله رحمة واسعة"، اما انا فساذهب بمفردى للمدرسة الجديدة و التي لا تبعد كثيرا عن البيت..

و كان قبل ذلك قد حدث بعض التلكك والمماطلة و الممانعة مني في شأن ذلك التغيير و تلك المدرسة الجديدة و فراق اخوتي، و ربما جاهرت بالمعارضة و عدم الرضا و اعلنت عدم الذهاب ، و لكن كل ارهاصات ذلك الحردان و نشاف الراس المبكر، قد حسمها جدي الاستاذ الناظر ابراهيم علي"رحمه الله رحمة واسعة" في ذلك الصباح الغريب بعد ان "جراني من اضاني" بكل حسم و مودة و حنين، و دلف بي الى داخل المدرسة..

بعد دردشة صباحية مع بعض زملائه الاساتذة، تركني بالمدرسة و اعطاني شلنا او ريالا لا اذكر بالتحديد، و ربما قال لهم "ليكم اللحم و لينا العضم".. و امرني بان احضر هنا صباح كل يوم للعلم و الدراسة و التحصيل و انا لا اعلم و لا افهم شيئا عن تلك المعاني في ذلك الوقت..

و لا افهم ايضا سوى انني فارقت روضة اخوتي و اصحابي الى غير رجعة، و انه وجب علي الحضور يوميا لهذا المكان الجديد، الذي اخذني احد المعلمين الى الفصل قائلا لمعلم آخر "دا حفيد مفتش التعليم اهتم بيه مع اخوانه ديل"..

كذلك وجب احترام و تنفيذ رغبة و اوامر ذلك الوالد الحنون، الذي اتى بي لهذا المكان و انصرف في سبيله، تاركا في جيبي شلنا او ريالا، و غارسا في دواخلي اطمئنان و تحفيزا و رغبة في العلم و المعرفة لا تقدر بثمن، ربما لم افهمها في ذلك الوقت المبكر، و لكنها نمت و ترعرعت في مسيرة الايام، و كانت الدافع الرئيسي في مواصلة كل المشاوير و الخطاوي فيما بعد ..

كان اليوم الاول طويلا و مليئا بالارتباك و الغموض، و غريبا برؤية وجوه جديدة و اختلاف عوامل الزمان و المكان و تغير السائد و المعتاد ،، و لكنه لا يخلو من فرحة و دهشة، و تباين مشاعر مختلفة من غبطة و سرور و خوف و رهبة و قلق.. و في طابور صباح اليوم الاول هذا، بدأت الامور تتسهل و بدأ القلق في الزوال، برؤية بعض ابناء الحي، و بعض أصدقاء الروضة، و بعض الاهل و الاقارب و المعارف، و صادفنا و زاملنا بعضهم في نفس الفصل ..

و هكذا بدأت و تشكلت النواة الاولى في مسيرة العلم و التحصيل، و تنمية و صقل القدرات و الهوايات، و بدايات تشكيل الشخصية و انطلاق مسيرة الفهم و التعامل مع الحياة، و بداية معرفة و تكوين و انشاء الاصدقاء و الصحاب الجدد ..

و من الاشياء التى لا تنسى في ذلك اليوم ، السبورة و الطباشير و المساحة ، حاجات الفول و التسالي، و القونقوليز و قراصة النبق و حلاوة شعيرية، و حلاوة عكاز، و اكياس الداندرمة، و العرديب ،و جرس المدرسة، و علم السودان و نشيده، و صوت العصافير تغرد في الاشجار، و الف باء تاء ثاء .. و بعض زملاء الصف الاول سيف اليزل خليفة بابكر ، فيصل عباس فضل ، نادر عبد الحفيظ، سليمان عبد الباقي محمد ، عماد عبد الحميد، نادر عبد العزيز ،اسماعيل عبد الحي ، عثمان علي البصير، الهادي قنجاري ، عمر عبد العزيز حسن، بطرس لبيب يوحنا، المرحوم سعد محي الدين ، و المرحوم ياسر نصر الحاج علي طيب الله ثراهم ..

فيصل سعد
08-09-2009, 06:26 AM
مشاعر

صادق هواي في ريدك
حائر فؤادي و شاكي
هائم في بحر امواجك
ما لاقي الا جفاك
ياهو السفر خلانا
سارحين دوام في تباكي

راجين الامل يطرانا
رغم الظروف القاسية
و تتحملي و تتناسي
كل لحظات جافية
الفرحة تغمر قلبك
طيبة و مشاعر صافية
و كل لحظة ندية
تغشاك بهجة و عافية
تضحك معاك الدنيا
و تبقى زيك وافية

فيصل سعد
القاهرة 1984


حسرة

المسافة البينا طالت
و زادت الاشواق في بعدك
و الليالي الفينا سادله
صحت الآهات زمن

نحنا شلناك و رحلنا
و كم تعبنا كتير بسهدك
الا ذكراك و عهودك
صبرونا سنين شجن

ليه تجافي و تقسي انت
تهجرينا تقلي ودك
و نبقى في حسرة ضياع
رماد حريق يزداد محن

تهنا في الدنيا و عذابها
سألنا بس ما لقينا ردك
حتى احلامنا الزمان
ضاعوا من الجور سهن

فيصل سعد
ابوظبي 1988


فجر الحنان

عيونك لما ترحل بي
تسوقني تمشي بعيد
بسافر ليها بالآهات
حاضن هواي و سعيد
يا فجر الحنان غيرك
ما اظني تاني بريد

انا من زمن ولهان
و بخيالي سرحت
راجيك يوم ما تطل
و انا ياما اتحملت
شوفتك زوال آلامي
و بالبهجة اتوسدت

يا روح الامل جاوب
اشفي كل جراح
سيب الدلال و تعال
خلي الهموم تنزاح
و بحبنا نغرد
كالبلبل الصداح

فيصل سعد
العين 1997


مودة

بدلي الاشواق في ريدنا
بحنان رقة مشاعر
صحي ناعسات امنياتنا
في لهفة الطول مساهر
لمي احزان السنين
عطريها شذى الازاهر
يا مودة في ريدنا سامية
ماضي مستقبل و حاضر

قلبي تتشتت هواجسه
و يرجع احساسك يكون
بالاماني و بالتهاني
ضجة في صمت السكون
تملأ دنياي ابتسامتك
تبقى زاهية بكل لون
و انت تغمري قلبي فرحة
و تسعدي الروح و العيون

فيصل سعد
لوس انجلوس ، 1990

فيصل سعد
08-09-2009, 06:58 AM
ذكريات في سيرة الغربة و الترحال
خططناها سنة سنتين ، الآن دقت فوق العشرين،
و اصبحت هجرة، و ربما "ون وي ترافيك" و الشكية لله

والدنا الراحل كان يعمل بالكويت 1980 - 1986 هاجر و الاسرة ما عدا اخوكم، الطالب المجتهد في ذلك الوقت، و كنت ساكن مع جدي و حبوبتي في بيت المال، و بزور الاهل و بزوروني في الاجازات، حسب التساهيل،، المهم تخرجت 1983 من الخرطوم القديمة و كسحت الكويت، و قلت للوالد انا القراية دا حدي معاها هنا، و ساعدنا بوظيفة و كدا، قال نجوم السماء قراب، المهم بعد نقة، رجعت امدرمان، و من هناك جدي كسح بي القاهرة، و شربكني في معهد كومبيوتر سنين و معتمد و بروفشنال، تابع لاكبر هاردوير مانوفاكشرور في ذلك الوقت (IBM) و ربما حتى الآن في هذا القلوباليزم،،

قضيت سنتين تلاتة زي السم في قاهرة المعز، خلصت و ظرفت شهاداتي بعد الاعتمادات و التوثيقات، و يا الكويت جاك بلاء، فتحنا الموضوع تاني مع الجلك، و العزيز الراحل لاوز بالدبلوما و قال ما كفاية، "اللهم طولك يا روح" ، و استرسل و اشار انه مافي خبرة عملية و السودان اولى بالجهد و العطاء، و البلد و ناس البلد، و طين البلد و تمر البلد، و طير البلد و كل ما في البلد بيحتاجوا علمكم و شبابكم، و يجب ان تناضلوا القهر و البطش المايوي، و تساهموا في الحرية و انارة دروب العتمة و التيه والضلال، و ما في سبب لاغتراب و هجرة الشباب، و خش لينا في مليون تفصيلة و سالفة، شيئ واقع لينا و مفهوم و مستدرك، و اشياء كثيرة فوتناها بالصمت و التبلم و هزة الراس و الموافقة بالايجاب.. قضيت ايام اجازتي معاو و مع امي و اخواني ، و رجعت امدرمان خشمي ملح ملح، و فاقد تركيز و توازن و ملخوم و حالتي تحنن الطير..

بواسطة عم عزيز و غالي ، تم قبولي و تعينت بارت تايم و متدربا بكمبيوتر الهيئة القوميةالكهرباء و المياه بماهية 280 جنيه في الشهر، متكيف و مبسوط و متجدع و متشرشح بمزاج، كورة و سينما و مسرح و قاعة صداقة و جرين فيلدج و معارض و رحلات و بحر و صيد سمك و قعدات للطيش :D:D و ما خلينا لا حنة لا صبحية لا قيدومة ما كتلناها، كذلك دخلنا اتحاد الشباب و ساهمنا في طباعة و توزيع بيانات و منشورات المعارضة الجادة و الرصينة الله يطراها بالخير، و تلمسنا دروب و مسالك المعارضة الوطنية السرية الجادة و المنظبطة و العميقة.. رغم كل ذلك الزخم ظل هاجس الاغتراب و الدولار ابصلعة باقيا في الضلوع و الراس، و مأجلا مؤقتا الى حين..

جدي الله يرحمه برضوا، كنت مريحوا تمام الراحة، مراسيل و صفوف بنزين، و صفوف عيش، و جير و بوهية، و سوق خضار و متكيف مني شديد، و عارفني داير افرتق من البلد و واقف معاي داعما و مساندا للطيش، كلم ولده الكبير (خالي) في امارة ابوظبي و قال ليو ود اختك دا شوف ليو طريقة سوقوا معاك يكون نفسة، و رسل ليو زيارة و تذكرة في اقرب فرصة، و الخال وعد خيرا، و نفذ وعده فيما بعد تماما و زيادة ، قلت لجدي الوالد حيرفض الاغتراب و انت عارفو، قال لي ما تقلق و ابوك انا بقنعه ليك تماما، و قدامك بالتلفون دا حتسمع باضانك دي و بديك موافقة فورية،، المهم في مساء صافي و بعد جو مغيم و ممطر اتصلنا انا و جدي بالوالد في الكويت و بعد السلام و التحايا دار شيئ كهذا الحديث بين والدي و جدي :

- الصحة و الاحوال و كيفكم كلكم.
- بخير و في امان الله كيف انت و العقاب.

- الحمد لله مافي عوجة تب بس الرطوبة شديدة الايام دي.

- ان شاء الله المصاريف بتصلكم في انتظام و مكفية و مغطية معاكم.

- لا تمام جزاكم الله خيرا، و نحمد فضله و نشكرة، مانا محتاجين حاجة تب، و ما تتعبوا و ترهقوا نفسكم و ما تنشغلوا بينا كتير.

- مافي تعب و لا حاجة و دا اقل من الواجب يا حاج.

- كيف الاولاد و امهم و مدارسهم و باقي الاهل المعاكم.

- لا تمام كلهم بخير، ابن الكلب داك ان شاء الله كويس و ما مغلبكم و كدا ؟


- لا كويس ، لكن من ناحية مغلبنا مغلبنا و انا ضارب ليك بسببو

- استر يا رب،، مالو المرة دي ان شاء الله خير.

- الايام دي قاعد مباري اهلنا السدنة ديك، و طالع و نازل معاهم، و انا لاقيت ود خالي الوزير و ود عمك الوزير التاني داك في اكتر من مناسبة، و لمحوا لي انه عندهم تعينات و ترشيحات جديدة في مناصب في الخارجية و الجهاز و الاتحاد الاشتراكي و ولدنا دا مختوت في راس القائمة و اسمه في اول الكشف و الريس صدق عليه، و المسألة مسألة وكت .

- النظام في آخر ايامه و بقى يتخبط و كمان داير يورط الشباب ديل، و دي مسرحية و محاولة تجميل صورتهم القبيحة و قذارتهم و وحشيتهم و فسادهم، ما كفاية طفشونا نحن، كمان دايرين يضايقونا في اولادنا، اها و هو رايو شنو ؟؟

- يظهر و الله اعلم هو ما عنده علم بالموضوع دا، لكن الناس ديل انت عارف مغرياتهم خطيرة، قروش و عربات، بذخ و صرف مفتوح، رشاوي و بلاوي زرقاء، و قمة الفساد و الرشوة، و المقاومة صعبة لشباب في سنهم .

- الغريبة انا عمه بديني عنه معلومات ممتازه في شغله، و نشاطوا و انه زول مسؤول و منظبط و محترم و قلبو حار و زول خير.

- عمه ما قال ليك الا الحقيقة ، و هو كذلك، لكن انا ضارب ليك اشاورك في المعلومات السمعتها من ناسنا ديك و نتشاور .

- و الله دي عوجة لو حصلت، انت رأيك شنو ؟

- و الله انا عملت احتياطات قبل ما اضرب ليك، و كلمت خالو في ابوظبي و رسلت ليه شهاداته و اوراقه و جوازه، و شرحت ليو بدون اي تفاصيل، يساعد الزول دا باي طريقة، و وعد خير ..

- احسن حاجة عملتها يا حاج، لكن انا بفتكر نطفشوا من البلد دي و انا بجيبه يقعد معاي هنا مؤقتا ، بدل ما يتورط مع الناس ديل و ما يقدر يتخارج .. كدي لو هو موجود اديني اكلمه ..

- جدا ، دقيقة واحدة ، و ما تشيل هم ربك بسهلها و بعين، و ناس مايو الرمم ديل ولدنا دا يشمو قدحة ..

- السلام عليكم يا بوي كيفكم ان شاء الله طيبين .

- اهلا و سهلا كيفك و كيف احوالك، و احوال اهلك و كيف شغلك.

-كلهم بخير و يسلموا عليكم، كيف امي و اخواني

- تمام، منتظرينك تجيهم زيارة، انا حأرسل ليك التذكرة و التأشيرة على الخطوط الكويتية
بعد بكرة، استلمهم و احجز و اركب تعال الاسبوع الجاي اخد ليك شهر شهرين معانا .

-جدا مافي عوجة، بمشي ليهم بعد باكر، و بحجز بعد اسبوعين و بجيكم ان شاء الله

- اسبوعين لشنو، ما تجي الاسبوع الجاي .

- بس داير احضر جواب اجازة و كمان احضر هلال مريخ على كاس الدوري الممتاز و ارتب اموري و بسافر بعد اسبوعين ان شاء الله.

-و هو كذلك، سلم على جدك و حبوبتك و خيلانك و خالاتك و اعمامك و عماتك، سلام

- و عليكم السلام، في امان الله ..

شكرت جدي لدعمه و عونه و حكمته، وغادرت انا للكويت، ثم الى ابوظبي بعد وفاة الوالد موظفا محترما بمزاج :D:D،، بعد زوال النظام المايوي، جلسنا انا و ابي و جدي و تطرقنا لهذا الموضوع كذكريات و ونسة عابرة، و تفاجئت انا بان الموضوع لم يكن دعما و مزحا او كذبة بيضاء من جدي العزيز، بل كان حقيقة و واقع معاش في تلك الفترة، مما زاد احترامي و عرفاني و وفائي و اكباري لهذين الرجلين العظيمين رحمهما الله و احسن اليهما ..

منال
08-09-2009, 07:58 AM
ود سعد مرحبتين

البدايه فى الديم شرق ... فكيت الخط فى الديم

ديامى

سيرة مليانه حكى وذكريات


عاين يا فيصل بطلب منك حكى عن الغنا السمح ... ولمن تجيب الاغنيه اربطها لينا مع ذكريات و حكينا ياسلام يا فيصل ... سمعتم الفن فى زمن الجمال و النغم والشعر .

بعدين ما تدس خربشة حروفك المترعه دى نزلها هنا


تخريمه
ما بقطع الخيط المنضوم ... لكن بجيك اخستقك بث :D:D

مودتى

فيصل سعد
08-09-2009, 08:05 AM
ود سعد مرحبتين

البدايه فى الديم شرق ... فكيت الخط فى الديم
ديامى
سيرة مليانه حكى وذكريات
بعدين ما تدس خربشة حروفك المترعه دى نزلها هنا
تخريمه
ما بقطع الخيط المنضوم ... لكن بجيك اخستقك بث :D:D
مودتى

وين لقيتك لامن اباك،
خستقي يا بت قشة ما تعتر ليك،
قلتي لي المنقة كيف،
احب العصير زاتو :D:D

بعدين يا منو لون زينب
البتكتبي بيو دا، عامل لي طشاش
و مجهجهني في رمضان وكدا،
لون شديد و انت ذاتك شديدة :D:D

عكــود
08-09-2009, 08:22 AM
التحيّة للحبّوب أبي أماني.
إستمتعت فعلاً بالبوست الرويان . .
بحروف خالد . .
رشاقة يراع النور وغزير تجاربه . .
مداخلات الأعضاء . .
وقيادة أبو أماني السلسة للبوست.

والآن . .
مع حبيب الجماهير سعدنا الفيصل،
أترك نفسي يا فيصل مع إنسياب وتداعي ذكرياتك والخواطر . .
فأنت رجلٌ وفيّ، مُرهف وصادق.

بس جاييك بالأسئلة لي قدّام،
هسّع أُخد راحتك يا حبيب.

تسلم ويدوم صفاك.

ألف باقة حب لأبي أماني.

فيصل سعد
08-09-2009, 08:36 AM
مرحب بعمدة الديار
و حارسها الامين،،
مرورك و طلتك تفرح،
و تسعد، و قطع شك تبهج ..

في انتظارك و انتظار اسئلتك
و التداعيات و الخواطر كملت تب ..
ايها الاخ العزيز الاكرم ..

ودي و اعزازي ..

خالد الحاج
08-09-2009, 10:15 AM
دي رحلة عمر والله يا فيصل..
ممتع الحكي عندك ..
بجيك بي مهلة ..

فيصل سعد
08-09-2009, 10:32 AM
ماك محتاج
شكر يا خال،
لكن طلتك
تكيف 24 قيراط،
و تفك خرمة سنين،،
و في رجاك ..

عكــود
08-09-2009, 11:08 AM
جيتك تاني يا فيصل ما دام أدّيتني الضوء الأخضر.

تجربتك مع مؤسّسية سودانيات،
ما لها وما عليها؟
ما هي الأشياء التي يجب:
1/- تركها؟
2/- البدء بالعمل بها؟
3/- المحافظة عليها؟

أسألك هذه الأسئلة وأنت قد عاصرت دورتين مشاركاً فعّالاً في منظومة الإدارة كمشرف على منتدى الحوار.

رغم جدّية العمل في الإشراف والصبغة الرسميّة له، لكن لا يخلو الأمر من المواقف الطريفة، هل قابلتك؟

مع تحيّاتي.

معتصم الطاهر
08-09-2009, 12:13 PM
بصراحة
وانت مشرف من هم الذين تقرأ لهم و فى بالك ( استيكة) ...


ثانيا
ومهم جدا

الشواكيش .. من الخرطوم القديمة حتى القاهرة ..

فيصل سعد
08-09-2009, 12:22 PM
جيتك تاني يا فيصل ما دام أدّيتني الضوء الأخضر.

تجربتك مع مؤسّسية سودانيات،
ما لها وما عليها؟
ما هي الأشياء التي يجب:
1/- تركها؟
2/- البدء بالعمل بها؟
3/- المحافظة عليها؟

أسألك هذه الأسئلة وأنت قد عاصرت دورتين مشاركاً فعّالاً في منظومة الإدارة كمشرف على منتدى الحوار.

رغم جدّية العمل في الإشراف والصبغة الرسميّة له، لكن لا يخلو الأمر من المواقف الطريفة، هل قابلتك؟

مع تحيّاتي.


مرحب بيك سعادة الامين العام، و شكرا لعودتك و يدك ملانة تب
و بخصوص هذه الاسئلة، اجيبك بكل شفافية و وضوح كما يلي:

طبعا انا لا يمكنني التقييم منفردا، و لكن اديك رأي و وجهة نظري الخاصة،
تتحمل الخطأ و الصواب، و لكن قطع شك لا تأتي من فراغ و عبث :

تجربتي مع مؤسسية سودانيات، انها بدأت بمبادرة كريمة من مالك المنبر، بعد ان تفاقمت خلافات كثيرة و متعددة موضوعية و غير موضوعية في كل المستويات (ملاك، امانة عامة، و عضوية) و حدثت هرجلة و شد و جذب و صراعات تشابكت في تلك المستويات، و حدث ما حدث من دمار، ضرب العصب الحي في اوتار هذا المنبر و اصاب دعائم بنيته التحتية.

بذل جهد خارق و عمل جماعي منظم، باض و افرخ و خرج علينا بمشاريع مواثيق و لوائح و قوانين، خضعت لنقاشات مستفيضة و تم تمحيصها و غربلتها في جو ديمقراطي، و بني عليها الميثاق الحالي و متفرعاته من نظم و لوائح .

تبعها ديمقراطية انتخاب مجلس الادارة و الامانة العامة، رغم حداثة التجربة و ضعف العدد الانتخابي (عدد المصوتين) من مجموع العضوية، الا ان المؤسسية ولدت متينة و راسخة و مرنة للتطوير و التحديث.

اقول لك و بالصوت العالي، ان المشاكل و العقبات الادارية في هذا المنبر، ليست في المواثيق و اللوائح و القوانيين و الانتخاب و التصويت، بل في عدم التنسيق الجيد و الاتصال بين مستويات الادارة و الاعضاء و عدم وضوح الرؤية الكافية في الصلاحيات و التضارب في العمل التشريعي و الاستشاري و التنفيذي.

و ايضا هنالك عدم صبر، و تقاعس و ركلسة، و قبول الرأي الآخر ضعيفا، و هناك عدم التزام، و قصر نظر، و ضيق نفس لدى بعض الاداريين الذين تعاقبوا في هذا العمل. هذه هي المعضلات التي تواجه العمل الاداري هنا، و تحتاج وقفة و مراجعة مع النفس، و قطع شك حلولها ليست مستعصية، و لكن يجب توفر ارادة حقيقية و رغبة ذاتية لمواجهتها و تجنبها و تجاوز اخطارها، و المنهج الصحيح يقود للحل الصحيح.

هذه الاخفاقات الادارية، تضعف و تربك دفة العمل، و نضطر مجبرين في احيان كثيرة، بان نتجاوز صلاحياتنا و نقرر و ننفذ خارج مهامنا لاستمرار و تسيير العمل في هذا المنبر، و هذا النهج رغم خطله الواضح وضوح الشمس و البائن للعيان مفروض علينا و غير مفضل و غير مستطاب من جانبنا كمشرفين .

اقول لك هذا الرأي و انا اقدر و احترم صادقا كل الزملاء و الزميلات الذين عملوا و يعملون معنا في هذا المنبر، و اثمن عاليا جهودهم المقدرة و ما بذلوا من وقت و سكبوا من عرق في دفع عجلة هذا المنبر، و انا احرص من اي شخص آخر هنا على ان يكون النجاح حليفهم و التوفيق و السداد نتيجة ما يبذلون من جهود مقدرة و معترف بها و مشهودة.

يجب علينا جميعا اعضاء و ادارة ان نترك الركلسة و غض الطرف و اللامبالاه، و ان نظل اخوة و اخوات و زملاء بحسن نية، و حسن ظن، و قلوب صافية، نتحاور و نختلف بتقدير و مودة، و يجب ان نبدأ بزيادة جرعات المشاركة و الحوار و التواصل، و الله الموفق ..

الجدية في العمل واجبة و ضرورة، و الطرائف كثيرة و متعددة و لكن اكثرها كانت مع ابو اليشا الله يديو العافية و يطراو بالخير و احسن تخليو يحكيها ليك بنفسه ان لم تكن موثقة في البوستات الاولى في منتدى الادارة و نحن برالمة في ذاك الزمان :D:D:D

فيصل سعد
08-09-2009, 12:37 PM
بصراحة
وانت مشرف من هم الذين تقرأ لهم و فى بالك ( استيكة) ...
ثانيا
ومهم جدا
الشواكيش .. من الخرطوم القديمة حتى القاهرة ..

سلامات يا هاش يا باش،،
تلاتة اربعة استيكات اتوماتيك
تنتصب صاحية على الدوام امام
كل من خالد الحاج، بابكر مخير
و محمد ابو عاقلة و الرابعة
خليها في سرك :D:D

بعدين يا فكهاني، انت لو
قاصد استيكة تانية، فاللهم اني صائم و كدا :D:D

اما الشواكيش فحتقضي باقي
يومك حساب و عدد، يا زول
فيهم واحد بسببه اعلنت الاضراب
عن الزواج، لدرجة الحاجة الله
يديها العافية، قالت لي امشي جيبها
ان شاء الله من اديس :D:D

ارقد عافية ..

الجيلى أحمد
08-09-2009, 05:09 PM
متابع وبس
(مؤقتآ) :D

جميل يافيصل

ابومشعل
08-09-2009, 11:00 PM
الاستاذ / فيصل سعد

صباحاتك كلها خير

قبل الولوج في نفق التساؤلات العميقه دعنا نبدأ بمحوري الخرطوم القديمه وابناء بري .
وسؤالنا الاول عن الانهر ابوبكر وعمر وخالد وعثمان ؟ في ايهما كانت سباحتكم ؟
وهل كان لكم علاقة - على اي مستوى كان - بابناء مايو فخر الدين وابن نفيسه محمد ابراهيم او دريج ابراهيم دريج ؟ وحسن عبد المنعم مدير بنك السودان ائنذاك ؟؟ .
ابناء بري عادل يوسف وعادل حسن وعبد السميع اللميع ؟
واستاذ الفاضلابي مدى قربكم منه وطريقته المتميزه ؟
استاذ فتح الرحمن سيداحمد ؟؟


تخريمة : وصلتنا رسالتكم وهى على العين والراس ، ونشكر لكم سعة صدركم وصبركم علينا حتى اوصلنا رسالتنا لهم وكانت النتيجه فتاكة وهي المبتغي والمراد بعد ان جعلناهم كالممسك بالاسد ان جاوره ( وب ) وان اطلقه ( وبين ) .

ولنا عودة .

معتصم الطاهر
09-09-2009, 12:07 AM
فيصل

سلامات

تداخلت المسائل ..عفوا


سؤال ..
هل للعاءلة تأثبر عليك فى مسألة التوجه السياسى ؟

رأيك فى الحزب الشيوعى حاليا

هل يحتاج السودان لحزب جديد بمفهوم وطنى جديد ؟

فيصل سعد
09-09-2009, 10:01 AM
متابع وبس
(مؤقتآ) :D

جميل يافيصل

مرحب يا زعيم
الالفة و المودة،
و بالحيل راجين طلتك
بعد فك المؤقت و المؤقتة و المؤقتات ..
يديك العافية ..

فيصل سعد
09-09-2009, 10:13 AM
الاستاذ / فيصل سعد

صباحاتك كلها خير

قبل الولوج في نفق التساؤلات العميقه دعنا نبدأ بمحوري الخرطوم القديمه وابناء بري .
وسؤالنا الاول عن الانهر ابوبكر وعمر وخالد وعثمان ؟ في ايهما كانت سباحتكم ؟
وهل كان لكم علاقة - على اي مستوى كان - بابناء مايو فخر الدين وابن نفيسه محمد ابراهيم او دريج ابراهيم دريج ؟ وحسن عبد المنعم مدير بنك السودان ائنذاك ؟؟ .
ابناء بري عادل يوسف وعادل حسن وعبد السميع اللميع ؟
واستاذ الفاضلابي مدى قربكم منه وطريقته المتميزه ؟
استاذ فتح الرحمن سيداحمد ؟؟


تخريمة : وصلتنا رسالتكم وهى على العين والراس ، ونشكر لكم سعة صدركم وصبركم علينا حتى اوصلنا رسالتنا لهم وكانت النتيجه فتاكة وهي المبتغي والمراد بعد ان جعلناهم كالممسك بالاسد ان جاوره ( وب ) وان اطلقه ( وبين ) .

ولنا عودة .

حبابك ابو مشعل، نهرنا عثمان
بالخرطوم القديمة 1980-1982
و مرشد الصف كان استاذ النوراني الحاج الفاضلابي
و ناظرنا حسن عبيد و وكيلنا مصطفى عابدين
لهم الرحمة و المغفرة، اما ابناء مايو المذكورين
لم نتعرف عليهم، و لكن جاورنا في الصف صديقنا
عبد الماجد عمر محمد الطيب و كان نعم الاخ و
نعم الصديق، و مدير بنك السودان الذي عرفناه
كان جدنا الاستاذ / محمد علي المحسي المراجع
القانوني و استاذ المحاسبة بكلية الاقتصاد بجامعة
الخرطوم، و في قيادات مايو كان جدودنا زين العابدين
محمد احمد عبد القادر و ابوالقاسم هاشم لهم الرحمة.
و شكرا لتفهمك الرسالة، و شكرا لوجودك هنا و
مشاركتك ..

خالد الحاج
09-09-2009, 10:33 AM
طبعا يا فيصل أنا أقدم رجل وأأخر التانية للتداخل هنا ..
ما عارف ليه لكن تحلو لي الشتارة لما الموضوع يتعلق بيك أو بعكود والباش :)
الديم شرق أتنين ؟
قريت فيها سنة في الابتدائية عندما سكنا الديم لمدة عام ...
وسؤالي ليك يا فيصل ...
بتعرف كشك "يس" بتاع الجرايد ؟
وبتعرف "يس" نفسه ؟:D
الزول ده عندو كشك جرايد تاني .. أي والله .. برضو جوار مدرسة..
في الركن الشمالي الشرقي من مدرسة الخرطوم جنوب 2 المتوسطة ...
ولصق الكبانية :D
بجيك راجع لو قلت لي تعال ..looool

فيصل سعد
09-09-2009, 11:24 AM
فيصل
سلامات
تداخلت المسائل ..عفوا
سؤال ..
هل للعاءلة تأثبر عليك فى مسألة التوجه السياسى ؟
رأيك فى الحزب الشيوعى حاليا
هل يحتاج السودان لحزب جديد بمفهوم وطنى جديد ؟


مرحبا بعودتك
مجددا يا باش:

نعم للعائلة تأثير كبير للتوجه السياسي، انا كثير من جدودي واعمامي و خيلاني وعماتي و خالاتي، اعضاء بارزين و ناشطين في الحزب الشيوعي السوداني، و انا منذ ان فتحت في الصبا الباكر، و في اعتاب سنين الدراسة الاولى، كنت زائرا و مترددا اسبوعيا و مرافقا لاهلنا الكبار رجالا و نساء، لسجن كوبر و عدد من معتقلات البلاد، حاملا الخبز و الشاي و القهوة و الاشواق و الجرائد و التحايا للمعتقلين من اهلنا و رفاقهم، و رضعت مبكرا غبن و كراهية القهر و البطش و جبروت الانظمة الدكتاتورية.

من ناحية اخرى تاريخيا، نحن من اسرة متعددة المشارب الروحية، و ان طغت الختمية عددا، و لكن جدتنا رابحة انصارية من الجزيرة ابا، و جدودنا آل العباس و آل طيب الاسماء انصار و موالين لحزب الامة، و جدودي ابراهيم و عتمان علي يقدرون و يجلون الشيخ محمد الحسن الادريسي، و والدي و اهله ملازمين الهندي و اصدقاء و اهل و رفاق للشريفين الحسين و زين العابدين، و كذلك تجمعنا صلة رحم متينة بشيخ علي عبد الرحمن الضرير، و شيخ ادريس ارباب العقائد جد جدودنا، و على ضؤ ما ذكرت توزع توجه العائلة السياسي بين الامة و الاتحادي و الشيوعي، و كثير من المستقلين، و انا بينهم، و لكن لم نفارق النضال الوطني و دروبه و ظللنا منافحين الظلم، و جاهرين بالحق، و صادحين بالعدل و المساواة، جميعنا حملنا هذا الوطن في حدقات العيون، و ذقنا في سبيل عزته و كرامته، التعسف و شظى العيش و التشتت في المنافي.

انا خرجت من السودان مظلوما و مغبونا، و تعرضنا لمصادرات تاريخية ظالمة و جائرة، و في فجر الديمقراطية طالبنا بحقوقنا، و لم نجد الانصاف، و رفعنا امرنا لرب العالمين موحدين و موقنين في رحمته و عدله و انصافه، و تركنا السياسة و فارقنا دروبها، لانها لم تجلب لنا سوى الهم و الغم، و سقط فيها رجال لنا، بشرف و عفة يد و لسان، ماتوا و رحلوا في صمت و الحسرة تملأ قلوبهم، و قلوبنا من بعدهم، و نسأل الله ان يشملهم بعطفه و احسانه، و ان يجزيهم عنا خير الجزاء، و ان يعوضهم بقدر ما قدموا و اخلصوا و تفانوا في خدمة بلادهم.

بخصوص الحزب الشيوعي حاليا، فهذا امر يهم و يخص اعضاءوه و منتسبيه، و لكن السياسة و كثير من مناحي امور بلادنا المتعددة، اقتصاديا و اجتماعيا و تنمويا، تحتاج الى ترميم و اعادة بناء و هيكلة جديدة، و هذا الدمار المبرمج الذي حدث في هذا العهد الغاشم، ولد مهاما جساما و تحديات كبيرة، تحتاج عزيمة و اجماع وطني، و صدق و اخلاص، و تحتاج همة و تجرد و نكران ذات و عمل دؤوب، من جميع الحادبين على المصلحة العامة للبلاد و اهلها، للخروج لبر الامان، و كيف السبيل؟ هذا هو السؤال الذي يجب ان يتم التفاكر فيه، و التجمع و الالتفاف حوله !!

اطيب التحايا ..

فيصل سعد
09-09-2009, 11:35 AM
طبعا يا فيصل أنا أقدم رجل وأأخر التانية للتداخل هنا ..
ما عارف ليه لكن تحلو لي الشتارة لما الموضوع يتعلق بيك أو بعكود والباش :)
الديم شرق أتنين ؟
قريت فيها سنة في الابتدائية عندما سكنا الديم لمدة عام ...
وسؤالي ليك يا فيصل ...
بتعرف كشك "يس" بتاع الجرايد ؟
وبتعرف "يس" نفسه ؟:D
الزول ده عندو كشك جرايد تاني .. أي والله .. برضو جوار مدرسة..
في الركن الشمالي الشرقي من مدرسة الخرطوم جنوب 2 المتوسطة ...
ولصق الكبانية :D
بجيك راجع لو قلت لي تعال ..looool

سلامات يا خال و حبابك الف،
انا ما بعرف لا ياسين و لا كشكه،
لكن على ما اذكر و نحن في تالتة
و رابعة بنفطر في دكان اللوز ،،
و كشك الجرايد البعرفه كان في السور
الجنوبي الغربي لنادي الاسرة "كشك توتو كورة"
و كان يملكه عمنا سعد احمد عيسي، او "سعد بلنجة"
كما تحلو تسميته، و انا كنت شغال في هذا الكشك
في الاجازة و كدا :D:D

يا زول اظهر و ما تنقطع، و لو ناوشت تاني، جيب
معاك قصة بتاع المواتر في سوق الموردة !!
ولا ادينا اضاءة في قعداتكم في الديم،
لما كانوا بغنوا ليك سخسيا و كدا :D:D

فيصل سعد
09-09-2009, 12:11 PM
عد فات زمن العيون
الالفة و الحضن الملاذ
و رهافة الحس البلون
ضحكة الناس العزاز

الراحل مصطفى سيد احمد،
و الشاعر المرهف صلاح حاج سعيد،،

اهداء للاحباب هنا،
و كل عام و سودانيات و انتم بخير..

http://sudaniyat.net/up/uploading/adda_faat.mp3

أبو أماني
09-09-2009, 03:19 PM
هيا يا الحبيب .. فوفو .. غرد .. وأفرد جناحيك فالفضاء والفناء كليهما ملكك الحر .. طوف عل بيت المشرف بكوريا ومنه خرم على أبي حشيش زمان .. قاطع أرجع على المحس .. قابل عبد الله موية .. والمرحوم عبد الله لوفت .. تعال راجع كوريا قابل أبناء عوض الجولط بقوا رجال ملئ البصر .. أدقش الدرائسة محل دكان الطيب الجعلي تلقي المرحوم شريف عنطوز يحمل صفيحة السحور وتحيط به سبعة ثمانية كلاب سيامية (الحكاية مش كدايس بس) واصل يا مبدع .. وشنف الآذان بما قال أهلك ناس زمان وأأأأدي .. على قولة العزيزة أمال .. (تكية)!
gooodgooodgoood

احمد زين
09-09-2009, 04:23 PM
أخي فيصل
الآن فقط عرفت انه لك الحق في ترشيح نفسك ضيفا على مائدة سودانيات
الحكي جميل وسلس ونتابعه باهتمام وما لفت انتباهي حكاية الغبينة المرقت بيها من البلد دي
وهناك سؤال مهم وهو
علاقة فيصل بالريف السوداني شنو ؟ لانو الملاحظ حتى الآن فيصل من بري الى قطر الى امدرمان والامارات وهكذا

فيصل سعد
09-09-2009, 04:47 PM
علاقة فيصل بالريف السوداني شنو ؟ لانو الملاحظ حتى الآن فيصل من بري الى قطر الى امدرمان والامارات وهكذا

حبابك يا ابو حميد
و نهارك فل،،

الريف السوداني مطبوع و متحكر في الضلوع،
كيف لا ؟ و نحن ترعرعنا مع اهل كرام، في
فيافي البشاقرة و العديد و التكلة و التكينة، و الجزيرة
و كسلا و القضارف ..

كذلك امدرمان و بري و توتي لم تخلو من نزعات ريفية،
و رغم دخول المكننة و التكنلوجيا،
ظلت اخلاق و ثقافة و مشاعر اهلها تغوص
في بصمات و ملامح و عبق الريف و مشرئبة
من نفاحته جيلا بعد جيل .

يديك العافية..

فيصل سعد
09-09-2009, 04:53 PM
هيا يا الحبيب .. فوفو .. غرد .. وأفرد جناحيك فالفضاء والفناء كليهما ملكك الحر .. طوف عل بيت المشرف بكوريا ومنه خرم على أبي حشيش زمان .. قاطع أرجع على المحس .. قابل عبد الله موية .. والمرحوم عبد الله لوفت .. تعال راجع كوريا قابل أبناء عوض الجولط بقوا رجال ملئ البصر .. أدقش الدرائسة محل دكان الطيب الجعلي تلقي المرحوم شريف عنطوز يحمل صفيحة السحور وتحيط به سبعة ثمانية كلاب سيامية (الحكاية مش كدايس بس) واصل يا مبدع .. وشنف الآذان بما قال أهلك ناس زمان وأأأأدي .. على قولة العزيزة أمال .. (تكية)!
gooodgooodgoood

العزير ابو اماني، شكرك واجب
و مستحق، و جهدك مقدر في
اركان هذه الديار، لك و لاسرتك
اطيب التحايا، و عميق الوداد
و المحبة، و الحقنا بعد كدا
بالضيف الرابع، اذ وصلنا الى
المحطة الاخيرة في هذا المشوار
الحميم، مجدد الشكر و التقدير
لك و للجميع هنا، و كل عام و
انتم بخير،، و في امان الله ..

أبو أماني
10-09-2009, 02:54 PM
العزير ابو اماني، شكرك واجب
و مستحق، و جهدك مقدر في
اركان هذه الديار، لك و لاسرتك
اطيب التحايا، و عميق الوداد
و المحبة، و الحقنا بعد كدا
بالضيف الرابع، اذ وصلنا الى
المحطة الاخيرة في هذا المشوار
الحميم، مجدد الشكر و التقدير
لك و للجميع هنا، و كل عام و
انتم بخير،، و في امان الله ..



حليلك يابا .. هوا طلوع الحمام زي دخولو ؟؟ ده أحنا ماشفناش حاقة لسه ياراقل .. أمال فين الجيكس اللي كان عامل للحاقة سميرة ..مالنخوليا .. خالتي سميرة خالتي سميرة .. وين فيصل؟ .. أمي قالت لي أمشي لفيصل سعد يدرسك .. وأياميها كان أبو الفياصل مقدد ليو ماده كدي ومجضمها تمام .. التقول على رياضيات .. المهم باب الشارع ببري كوريا مابقيف من الخبت .. فيصل في .. والشاب كان لذيذوني ومسمسم .. أعمل حسابك كلمة مسمسم دي بتجيب ليك هواء مع عمك فتحي مسعد .. المهم يافردة ..ما تتذاكى على فطاحلة سودانيات .. الله يطول عمرك يا سارة والله عاجباني عجب .. أظهر وبان عليك الأمان وهات ما في الجراب يا حاوي .. قال يكب الزوغة قال .. إذا كان وقفنا ليك الغفير جمب الباب الشفيف (الرهيف) طارق الحسن .. شيل شيلتك ..تشاوووووgoood goood goood

فيصل سعد
10-09-2009, 08:11 PM
ابو اماني بطل تهويش، و ما تقعد تأدرس لينا
بقطعك الاخدر دا و قنابلك و داناتك المفبركة :D:D
الكع هات الضيف الرابع، و انا برشح ليك رأفت ميلاد،
مع انك ما تستاهل و كدا :D:D

تحياتي يا ملك ملوك عصر الجمال ..

منال
11-09-2009, 08:28 PM
فيصل ازيك

دقيقه ماشى وين لسه بدرى و الغنا وين ... سالنا وتانى نبدا نخستقك

ود سعد فى لغة تداول بين الشباب كدا منها عبارات بستخدموها لمن تكون .... :D;)
ماها راندوك

منها يقول ليك الزول ده عندو جرادة
شليل = عندو جرادة كبيرة (هو عارف)
ود سعد = جرادة متوسطة

وتانى بقولو ( ده زول عندو كاك كبير)
المطلوب ان تختار خمسه من ( منتدى سودانيات ) العندهم جرادة
و عشرة من العندهم كاك


وبمناسبة الغنا و لكن ما هزيت الجراب لسه
سميرة دنيا غنت
اغالب دمعى و اتصبر و اقول يا الله صبرنى على فراقك يا اغلى الناس

اغلى الناس و الفراق ( بالحياة يا ود سعد) كدى ورينا الفراق


فيصل ما تكب الزوغا انت ضيف اصبر شويه
مودتى

فيصل سعد
11-09-2009, 09:22 PM
المطلوب ان تختار خمسه من ( منتدى سودانيات ) العندهم جرادة
و عشرة من العندهم كاك

اغالب دمعى و اتصبر و اقول يا الله صبرنى على فراقك يا اغلى الناس
اغلى الناس و الفراق ( بالحياة يا ود سعد) كدى ورينا الفراق



سلامات يا منو ، و خلي بالك انت دايرا
تجيبي لينا مشاكل و تعملي لينا
حيصبيص :D:D و كدا ، و ناسك
ديل زمنا كنا بنقول "عندهم طيرة"
او سحلبة او مبادئ جنكرة
على خفيف شعرة و سبيبة كدا، و
المرحلة الثانية انك تفط سطر
او سطرين ثلاثة و كدا .. ادينا انت
خمسة من حبايبنا هنا و انا بكمل
ليك الخمسة الباقيين و انا و انت
و شليل برة الحساب و كدا :D:D

الغناء جاييك في الطريق، بالنسبة لاغالب دمعي و اتصبر
سميرة جضمتها تمام، و لعلمك الاغنية كتبها الراحل
عوض جبريل لكمال ترباس و مصنفة من اجمل اغنياته..

قلتي لي ضيف ؟؟
ضيف وين و المضيف
يفلق و يداوي، لكن انت و
هو تلقوها عند الغافل ..
و بالمناسبه هو ذاتو جرادو طن :D:D


كوني بخير ..

طارق الحسن محمد
11-09-2009, 09:54 PM
أبو أماني ياخ فكرة عظيمة كما عهدناك


بس



لو



بديت لينا بالناس السينغل goood
https://www.ruready.net/RUReady/images/misc/hand_point_up.jpg

طارق الحسن محمد
11-09-2009, 10:05 PM
طبعا يا فيصل أنا أقدم رجل وأأخر التانية للتداخل هنا ..
ما عارف ليه لكن تحلو لي الشتارة لما الموضوع يتعلق بيك أو بعكود والباش :)
الديم شرق أتنين ؟
قريت فيها سنة في الابتدائية عندما سكنا الديم لمدة عام ...
وسؤالي ليك يا فيصل ...
بتعرف كشك "يس" بتاع الجرايد ؟
وبتعرف "يس" نفسه ؟:D
الزول ده عندو كشك جرايد تاني .. أي والله .. برضو جوار مدرسة..
في الركن الشمالي الشرقي من مدرسة الخرطوم جنوب 2 المتوسطة ...
ولصق الكبانية :D
بجيك راجع لو قلت لي تعال ..looool

يس

الممرض ايضا

وردية ليل
فى مستشفى العيون

ووردية صباح

قى المكتبة

( راجل طيب والله )

:D :D :D

http://www.abunawaf.com/store5/jd5.jpg

معتصم الطاهر
11-09-2009, 10:16 PM
فيصل

" سودانيات " فقدت أقلاما مميزة .. وأصدقاء نعزهم و أحباب نريدهم

و أنت فى نهاية دورة .. ما دورك فى اعادة استكتابهم ..!!

طارق الحسن محمد
11-09-2009, 10:28 PM
سلامات يا خال و حبابك الف،
انا ما بعرف لا ياسين و لا كشكه،
لكن على ما اذكر و نحن في تالتة
و رابعة بنفطر في دكان اللوز ،،
و كشك الجرايد البعرفه كان في السور
الجنوبي الغربي لنادي الاسرة "كشك توتو كورة"
و كان يملكه عمنا سعد احمد عيسي، او "سعد بلنجة"
كما تحلو تسميته، و انا كنت شغال في هذا الكشك
في الاجازة و كدا :D:D

يا زول اظهر و ما تنقطع، و لو ناوشت تاني، جيب
معاك قصة بتاع المواتر في سوق الموردة !!
ولا ادينا اضاءة في قعداتكم في الديم،
لما كانوا بغنوا ليك سخسيا و كدا :D:D

نحن في تالتة
و رابعة بنفطر في دكان اللوز
دكان محمد اللوز ناصية ويفتح شرق وفى الزاوية الــ مقابلة له عكسيا
دكان عمك عبيد وفى نفس صف دكان عمك عبيد الطاحونة وهى البتفتح مباشرة فى باب مدرسة الديم شرق 4 الابتدائية للبنات

كشك يسن
ملاصق لسور مدرسة البنات الابتدائية من الناحية الغربية والاقرب لمدرسة الديم شرق 1 ( مدرسة الزبالة )

كشك يس
التانى فى الركن الشمالى الشرقى للمعهد المواصلات السلكية والاسلكية ومواجه لركن حديقة القرشى الجنوبى الغربى

شفت الجغرافيا هنا كيف يا فيصل
تخريمة :
فى حالة غياب يس عن المكتبة بتاع مدرسة الديم
يحل محله ( ويقوم بكل واجبته ) زول طويل ذو شنب كث اسمه سليمان
وبــــــــــــــــــــــــــــــــرضو عنـــــــــــــــــــــــده عجلة
تحياتى يا جميل

فيصل سعد
11-09-2009, 10:35 PM
ما شاء الله يا سنغل :D:D
و عيني باردة ..

سلام يا جميل ..

فيصل سعد
11-09-2009, 10:39 PM
فيصل
" سودانيات " فقدت أقلاما مميزة .. وأصدقاء نعزهم و أحباب نريدهم
و أنت فى نهاية دورة .. ما دورك فى اعادة استكتابهم ..!!

سلامات يا صديقي، و الله يدينا اجر المحاولة،
لكن الحرنة كانت تقيلة ، و رغم ذلك الناس
تحاول للم الشمل، و احترام من قرر الخروج
دون عودة .. و تبقى سودانيات منبرا حرا و عالم
من المودة و التواصل ..

تحياتي ..

فيصل سعد
12-09-2009, 06:17 AM
وبمناسبة الغناء و لكن ما هزيت الجراب لسه،
سميرة دنيا غنت :

اغالب دمعى و اتصبر
و اقول يا الله صبرنى
على فراقك يا اغلى الناس

اغلى الناس و الفراق ( بالحياة يا ود سعد) كدى ورينا الفراق



اهداء للعزيزة/ منال، و فعلا فراق الموت
بتلاك باليقين و الايمان صبرا و احتسابا، و
فراق الازمنة و الامكنة بتباصر بالامل شوقا
و حنينا و اتياع،" فراق الزين و نار البين
حموني النوم و انا مساهر" و لكن الكعب جد
فراق الزول و هو قاعد جنبك و الشكية لله..

http://sudaniyat.net/up/uploading/agalib.mp3

منال
12-09-2009, 08:23 AM
سلامات يا منو ، و خلي بالك انت دايرا
تجيبي لينا مشاكل و تعملي لينا
حيصبيص :D:D و كدا ، و ناسك
ديل زمنا كنا بنقول "عندهم طيرة"
او سحلبة او مبادئ جنكرة
على خفيف شعرة و سبيبة كدا، و
المرحلة الثانية انك تفط سطر
او سطرين ثلاثة و كدا .. ادينا انت
خمسة من حبايبنا هنا و انا بكمل
ليك الخمسة الباقيين و انا و انت
و شليل برة الحساب و كدا :D:D

كوني بخير ..

هههههههههههه
لقيتك زغبير لكن gooodgoood

و البركة الجات فينا ثلاثة الهلال امس دى (منو - التنقوش و فوفو) و ما بغير لون زينب للموج الكاسح و الرد كاسل نخلى لناسو و عااااااارفين الجرادة حااااااايمة و شليلنا لابد فى رمضان

و نعفيك ياخى ونحول السؤال لفتحى مسعد (ابو امانى خليك صاحى)

ادخل من خمسة فى عين العدو ولهم التحيات
ديل العندهم جرادة

الجيلى احمد - مرافئ- رشا حاتم - ابوى -عبدالجليل loooolloooollooool

ود الشيخ
وكت انبلبلتا اخير تعوم loooolloooollooool

وتقولو كلو

وبجى اطمجك بس

الغنا ... الغنا
ناس الربا ديل

http://sudaniyat.net/up/uploading/Sm3na_com_aziz_ghonay.rm

فيصل سعد
12-09-2009, 09:29 AM
ادخل من خمسة فى عين العدو ولهم التحيات ديل العندهم جرادة :
الجيلى احمد - مرافئ- رشا حاتم - ابوى -عبدالجليل loooolloooollooool

ود الشيخ
وكت انبلبلتا اخير تعوم loooolloooollooool
وتقولو كلو
وبجى اطمجك بس




و الخمسة الباقين من ناس الجرادة، هم كما هو معلوم مسبقا
"اوبفيوسلي " و كدا :D:D :

هاشم و عادل و طارق و فخري و ابو ريم ..

لهم عاطر التحايا
و كثيف الشوق
و عميق المودة ...

و السلام عليكم،
و العفو و العافية،
و في امان الله ..


http://sudaniyat.net/wadosman/uploading/tagog.wma



و نهديكم جميعا
لحن الختام
" تاجوج" كجراي/وردي ..

قليبي المنو اصلو شقاي ريدي
يزيد الهم علي يسفح وريدي
بيعشق بالألم نبرة قصيدي
دي تاجوج ما اتلقت يا خملة زيدي

تمر المحنة زي ضل السحابة
حروف اسمك نغم يسبي الغلابة
حروف اسمك بشارة خير حبابة
حروف اسمك حليفة و نار صبابة

مع الأيام يزيد حسنك نضارة
عشان عينيك تخضر الصحارى
بوصف ليكي ألحان العذارى
نعيش باقي العمر في الريد سكارى

نخوض بحر الهموم نبحر نعدي
نقابل بالثبات موج التحدي
سنين العمر تاخد وما بتدي
ودربك لشواطئ النور يودي

منال
12-09-2009, 10:14 AM
اليك و الكلام الجارى

لافوق ده

يا فيصل بحازول فى اغنية الشغالين فؤادى و سميرة دنيا
ما اترفعت
غايتو اقبلا العيديه ودى جغمسه

ÇáãáÝ ãæÌæÏ ãÓÈÞÇ

أبو أماني
15-09-2009, 09:37 AM
كلامك أوامر يا ملك .. بس على شرط تختار لينا واحد سينغل مدنكل كده ونحن معاك .. يلا يا الحبيب ود سعد قرررب يودع .. لك معزتي ...goood

فيصل سعد
15-09-2009, 10:14 AM
حبابك ابو اماني ، و اقبض قوي في رأفت ميلاد
اهو قاعد اونلاين ، و لك للجميع هنا وافر الشكر و
التقدير، و نرحب بالعزيز رأفت ميلاد ضيفا عزيزا على
هذه النافذة و نبدأ معك بنبذة عن السيرة الذاتية ، فاهلا و
مرحبا بك ضيفا عزيزا كريما و تفضل ...

طارق الحسن محمد
16-09-2009, 06:05 AM
يا زميل
( دى دبل كيك )
زايغوين
؟
لسه فى اسئلة معلقة فى مشلعيب
دائرها البيجاوبها
اولن بالتبادى
يس عرفتو ؟
;)
سيف اليزل خليفة دفعتك كيف
وهو دفعتى
انت درست فى الختمية ولا الديم شرق 2
؟ ؟
هل تتذكر هولا
استاذ عبد الرحيم , ومحمد الامين , واحمد السنوسنى , وتوفيق , وبول , احمد حسب الله واحمد البشير والناظر عبد الرحمن
والغفراء
عم هارون رحمة الله عليه
وعم
عبدالله

؟ ؟ ؟

فيصل سعد
16-09-2009, 06:27 AM
يا زميل
( دى دبل كيك )
زايغوين
؟
لسه فى اسئلة معلقة فى مشلعيب
دائرها البيجاوبها
اولن بالتبادى
يس عرفتو ؟
;)
سيف اليزل خليفة دفعتك كيف
وهو دفعتى
انت درست فى الختمية ولا الديم شرق 2
؟ ؟
هل تتذكر هولا
استاذ عبد الرحيم , ومحمد الامين , واحمد السنوسنى , وتوفيق , وبول , احمد حسب الله واحمد البشير والناظر عبد الرحمن
والغفراء
عم هارون رحمة الله عليه
وعم
عبدالله

؟ ؟ ؟

نعم درست في الختمية يا حبوب ، استاذ عبد الرحيم كان مرشد الصف في اولى و ثانية و ثالتة على ما اعتقد و كان ساكن جنوب المدرسة في نفس الشارع، و استاذ محمد الامين كان المرشد بعد ذلك، سيف اليزل دفعتي 6 سنين يا معلم و اسأله كيف جننا كاروهات زريبة الفحم بتاعه العم خليفة في مشاوير بين الديم و الامتداد و الصحافة الجديدة في ذلك الوقت، و دفعتنا برضو نادر عبد الحفيظ كان يسكن جنوب المقابر في شارع ميركاتو حاليا و اصبح نجما كرويا شهيرا حرمته اصابة حادث موتر من ان يتبوأ هداف السودان الاول، و لعبنا في الشبيبة في الرابطة بميدان الجيل و مدربنا "فيصل لاسكو" و زاملنا البعيو اخوان و المرحوم يوسف دحية و سعد محي الدين من اولاد الخرطوم 2 و سكنا بجوارهم في النجيلة الثالثة شرق السفارة الجزائرية و الشارع يتجه شرقا الى المدرسة التجارية و يصل الى شارع المطار، اما ناس ياسين و جماعتوا فديل تسأل منهم الخال سنير و خبير عجلات و مواتر و فيسبات و كدا :D:D يا ابو الطرق يا لذيذ :D:D

أبو أماني
16-09-2009, 02:44 PM
نعم درست في الختمية يا حبوب ، استاذ عبد الرحيم كان مرشد الصف في اولى و ثانية و ثالتة على ما اعتقد و كان ساكن جنوب المدرسة في نفس الشارع، و استاذ محمد الامين كان المرشد بعد ذلك، سيف اليزل دفعتي 6 سنين يا معلم و اسأله كيف جننا كاروهات زريبة الفحم بتاعه العم خليفة في مشاوير بين الديم و الامتداد و الصحافة الجديدة في ذلك الوقت، و دفعتنا برضو نادر عبد الحفيظ كان يسكن جنوب المقابر في شارع ميركاتو حاليا و اصبح نجما كرويا شهيرا حرمته اصابة حادث موتر من ان يتبوأ هداف السودان الاول، و لعبنا في الشبيبة في الرابطة بميدان الجيل و مدربنا "فيصل لاسكو" و زاملنا البعيو اخوان و المرحوم يوسف دحية و سعد محي الدين من اولاد الخرطوم 2 و سكنا بجوارهم في النجيلة الثالثة شرق السفارة الجزائرية و الشارع يتجه شرقا الى المدرسة التجارية و يصل الى شارع المطار، اما ناس ياسين و جماعتوا فديل تسأل منهم الخال سنير و خبير عجلات و مواتر و فيسبات و كدا :D:D يا ابو الطرق يا لذيذ :D:D

أيوا ..ما قلت ليك إنت أديب والجابك لي ذاته مأدب ؟؟ شوفتوه دردق الكورة لفيصل كييف .. ياأخي أنت رأس حربة خطير والله .. وشايف يا بن عمي فيصل .. شابكني أها ماشي ..أها أنا ماشي .. تمشي شنو اقول عليك يايابا .. أقعد .. ما تبقى نزق .. أسع دي ذكريات حلوة زي دي كان راحت علينا سااااكت.. فضفض يا عم ولاحدش حووش.. طروقة.. عليو.. ما تخليه الجنا عامل ليها .. ضبان ضكر .. وريو المستخبي .. وأنا ظااااطي لابت ليو .. تشاووووgoood goood goood

فيصل سعد
16-09-2009, 10:47 PM
سلامات ابو اماني،، و مالك داير تقلب
البوست فيش و تشبيه، و ما تقعد تباري
الشمارات و تألف و تنجر في ود اخوك،
رشحنا ليك رأفت ميلاد كضيف رابع، لبدت و
زغبرت و ما اديتنا خبر، الحاصل شنو؟؟

تخريمة: انت من تلاتة 11 سبتمبر احوالك لا تسر، هون عليك
يا رجل و الكورة غالب مغلوب، و الزعيم زعيم في كل الظروف ..

ارقد عافية ..

فيصل سعد
17-09-2009, 07:38 AM
http://sudaniyat.net/up/uploading/AED1.jpg

طارق الحسن محمد
18-09-2009, 06:43 AM
نعم درست في الختمية يا حبوب ، استاذ عبد الرحيم كان مرشد الصف في اولى و ثانية و ثالتة على ما اعتقد و كان ساكن جنوب المدرسة في نفس الشارع، و استاذ محمد الامين كان المرشد بعد ذلك، سيف اليزل دفعتي 6 سنين يا معلم و اسأله كيف جننا كاروهات زريبة الفحم بتاعه العم خليفة في مشاوير بين الديم و الامتداد و الصحافة الجديدة في ذلك الوقت، و دفعتنا برضو نادر عبد الحفيظ كان يسكن جنوب المقابر في شارع ميركاتو حاليا و اصبح نجما كرويا شهيرا حرمته اصابة حادث موتر من ان يتبوأ هداف السودان الاول، و لعبنا في الشبيبة في الرابطة بميدان الجيل و مدربنا "فيصل لاسكو" و زاملنا البعيو اخوان و المرحوم يوسف دحية و سعد محي الدين من اولاد الخرطوم 2 و سكنا بجوارهم في النجيلة الثالثة شرق السفارة الجزائرية و الشارع يتجه شرقا الى المدرسة التجارية و يصل الى شارع المطار، اما ناس ياسين و جماعتوا فديل تسأل منهم الخال سنير و خبير عجلات و مواتر و فيسبات و كدا :D:D يا ابو الطرق يا لذيذ :D:D

يا حبيب والله ردك دا ريحنى شوية وشلعل ذكريات انا خائف البوست دا ما ينتهى ولا تنزل من الكرسى الجمر دا

نبدا بالختمية
الختمية ومدرسة الديم شرق 2 مدرستين جوه حوش واحد كل بيفصل بينهم سور من شجر التمر هندى قبل دمجهما وجعلها مدرسة ذات نهرين .. طابور الختمية كان بيكون فى الحوش الجنوبى للمدرسة من جهة بابها الرئسى البيفتح فى ميدان صغير فى شكل L ومعنى كدة برضو انه باب المدرسة بيفتح فى الجزء الشمالى لبيت استاذ غبد الرحيم وهو من اسرة التربيا التى تقيم فى هذا المنزل
وطابور الديم شرق كان بيكون فى الميدان الذى يتوسط المدرستين
استاذ محمد الامين درسنى رياضيات وكان ساكن الديم وانتقل للصحافة وعبارته الشهيرة ( امور اللف والدوران دى ما على ) لن انساها ابدأ
سيف البزل خليفة زاملته فى رابعة لانى كنت فايته بسنة دراسية واضطرت لاعادة السنة الرايعة بعد تعرضى لحادث لزمت فيه سرير المستشفى لثلاث اشهر تقريبأ وكان فى هذه الدفعة على ما اذكر مجدى خضر طه وسيد ابراهيم وسيد بتذكره لانه كان اول الفصل ومن العمارات ومجدى خضر طه لانه جارنا الهيتة بالهيتة
سيف اليزل كان ابوه عنده محل لبيع الحطب والفحم فى زريبة الديم وكذلك زميل اخر كان اسمه جلال
تانيا
نادرعبد الحفيط ود حلتى ويسكن بيوت الحجر شمال حى الزهور وجنوب مقابر فاروق وغرب بوستة العمارات خلف بقالة امل بستة بيوت بالعدد كان اول شى بيلعب فى فريق الحلة وهو الامل
تالتا
السفارة الجزائرية دى بعرف مكانها تماما وعندما غادرت مقرها الى مكان اخر تحول المبنى الى شركة خدمات امنية كانت توظف فقط الاخوة الجنوبيين
وذكرياتى مع السفارة الجزائرية كانت رحلات فى العطلة الصيفية كنا نتجمع اربع او خمسة اولاد من الحلة ونبدا رحلات تقافية حقيقية الى كل السفارات التى نعرفها فى حى العمارت بدأ بالسفارة السعودية . وكنا نظفر باعداد من الكتب الدينية ومجلة الفيصل وسفارة كوريا الدينقراطية وكنا نحمل بكم هائل من الكتب التى تمجد الرفيق والزعيم المحبوب كيم ايل سونغ وصوره والمشهد يتكرر ايضا فى السفارة الصينية ومجلتهم المشهورة الصين اليوم
وصور الزعيم الثورى ماو تسى تونغ والسفارة الكويتية والتى كانت تبرنا باعداد محترمة من مجلة العربى ومكتب منظمة التحرير الفلسطينية والذى كان يقع شمال مقابر فاروق ويفتح على صينيتكم ومجلتهم العاصفة

والسفارة الجزائرية كانت خاتمة رحلتنا وبعدها نعود الى ديارنا شاقين المقابر ( طبعا بالنهار ) بعد ان نكون قد شربنا من ازيار غفير الباب الشمالى واغتسلنا من حنفياتها
( مش سفاح صنعا الوقت داك كان شغال غفير الباب الشمالى ؟ ؟) عمومأ كانو هم مجموعة من ابنا الفور
دى واحدة من رحلاتنا الاساسية والمهمة الى العمارات ( ذات الطابع الثقافى:D )
اما النوع الاخر لرحلاتنا الى العمارات فكانت ذات ( طابع نفاياتى ونفعوى :D)
اقوليك كيف كانت كدة
كنا نخرج من بيوتنا مستهدفين شى واحد ومحدد جدا فى العمارات الا وهو
الكــــــــــــــــــــــوش
اى والله الكوش
نباريها كوشة كوشة لدرجة اننا كنا نسميها باسماء محددة للتفريق والتحديد
ولانه الدنيا كانت بخيرها الكوش دى كانت تحمل فى دواخلها ماهو بالنسبة لنا شى ثمين
اى والله
كنا نجد العاب وقد حدثت لها بعض التلفيات البسيطة يعنى من النوع الممكن تصلحوه انت ولا تديه لاخوك الكبير ولا زول شفت فى الحلة يرجعها لوضعها الطبيعى او تلف وكسر من النوع الذى لايوثر فى ادئها او شكلها كثيرأ او ممكن تطنشه لانه المسالة فى الاساس ملح ومن الكوشة
:D
تعرف ونحنا فى واحدة من رحلاتنا للكوش دى والله بتذكر فى كوشة على شارع مدنى مع شارع 17 او 15 او بينهم مش متاكد فى زول مننا اسمه مزمل مختار بقى يكوركك وهو يعلن ان لقى حمبوكة ( بلونة برندوق اليوم :D) وكانت هذه الحمبوكة ذات شكل ولون غريب جدأ ولم نرة مثله جميعأ من قبل . وبالنسية لنا كانت الحنابيك والصفافير والبلى من الالعاب التى ياستطاعتنا شراءوها والحصول عليها لذا نحن لدينا باع وخبرة فى كل انواع الحنابيك
عشان كدة كنا مستغربين لشكل هذه الحنبوكة
المهم انه صاحبنا مزمل طول الطريق والسكة فرحان بالحنبوكة لانه كانت هى فقط حصيلته من من رحلة ( التكويش ) ويشيل وينفخ فى الحمبوكة .. بشيل وينفخ .. يشيل وينــــــــــــفخ
حتى وصلنا الحلة .. قدام بيتهم لقينا اخوه الكبير وهو طبعا حريف كوش وحريف اى شى كونه زول كبير واول ما شاف اخوه فرحان وبيينفخ فى الحنبوكة
صرخ فيه باعلى صوت عنده
ارمى العفن الفى خشمك دا
اندهشنا وبهت مزمل بهتة عظيمة ورمى الحنبوكة وهو زعلان ومندهش من طلب اخوه برمى الحنبوكة
واخرج الحنبوكة من فمه ونظر ونظرنا معه با ستغراب شديد الى اخيه
وساله
ليه امرقها من خشمى
وبادره مرة اخرى
ارميها من ايدك يا معفن
رماها وزاد استغرابأ فزدنا دهشة معه
فيها شنو الحنبوكة دى .. سال مزمل اخوه مدثر
بعد ان رمى الحنبوكة فى الارض وكل واحد
فينا قفل على الحمبوكةتحسبأ ان كان الامر مقلب او مجرد
هرشة من مدثر لاخيه مزمل
ولكن كل خطط الاستيلاء على الحنبوكة نزعت من
روءسنا بعد ان القى مدثر قنبلته فى نفس و اذن مزمل
ونحن بعد ان قال :
انت عارف الوسخ الخاتيه فى خشمك دا شنو ؟
مزمل متشائلا : مش حنبوكة ؟
مدثر: حنبوكة فى عينك يا حمار
مدثر مردفأ :
دى ما حنبوكة دى ... دا ديوركس
مزمل: ديوركس يعنى شنو
مدثر : ديوركس بتاع الــــــــــــــ ....
مزمل : يدخل فى حالة من الغثيان وتويــــــــــــــع
ونحنا دخلنا فى حالة هستيرية من الضحك على مزمل
ونفخه لحمبوكته
( الكوندوم )

طارق الحسن محمد
18-09-2009, 10:25 PM
أيوا ..ما قلت ليك إنت أديب والجابك لي ذاته مأدب ؟؟ شوفتوه دردق الكورة لفيصل كييف .. ياأخي أنت رأس حربة خطير والله .. وشايف يا بن عمي فيصل .. شابكني أها ماشي ..أها أنا ماشي .. تمشي شنو اقول عليك يايابا .. أقعد .. ما تبقى نزق .. أسع دي ذكريات حلوة زي دي كان راحت علينا سااااكت.. فضفض يا عم ولاحدش حووش.. طروقة.. عليو.. ما تخليه الجنا عامل ليها .. ضبان ضكر .. وريو المستخبي .. وأنا ظااااطي لابت ليو .. تشاووووgoood goood goood

ابو امانى الجميل
الزول طلع ولد دفعة
دحين ما تفكو
لسع عنده كتير شكله
والغريبة
نكر ياسين
;)
دا بيتنسى ؟
لا والله وحاتك ما بيتنسى زولأ زى دا
بالله اساله قول ليهو
كنت بتشترى مجلة ميكى وسمير
والمغامرين الخمسة
والشياطين الثلاثة عشر من
ويـــــــــــــــن
؟ ؟ ؟ ؟
ولا كنت معديها
ركـــــــــــــــوب حمير
;)
؟ ؟ ؟
ولســــــــــــــــــــــــــــع
رافت قاعد هنا وما ماشى بعيد
وملحوق
ســــــــــــــــــــــــــمــــــــــــــــح

معتصم الطاهر
19-09-2009, 12:04 AM
فيصل سلامات


سؤال ..

من ترشح ( 4) ليمثلوا/يمثلن الادارة القادمة .. ( الادارة الحالية يمتنعون) ..
و لماذا ؟

فيصل سعد
19-09-2009, 01:25 AM
بالله اساله قول ليهو
كنت بتشترى مجلة ميكى وسمير
والمغامرين الخمسة
والشياطين الثلاثة عشر من
ويـــــــــــــــن
؟ ؟ ؟ ؟
ولا كنت معديها
ركـــــــــــــــوب حمير



يا ود عمك الزمن البحكي ليك عنه داك،
انا لا بعرف اقرأ لا اكتب، فما تسرح بغنم
ابليس اكتر من كدا يا كج، و ما تتشفتن علي
و بطل تهويش و تكويش يا ود يا مقرم و ما
تبيع الموية في حارة السقايين، و لك من
المودة احلاها و اعذبها بالصودا و التلج
كمان يا قروبير :D:D

فيصل سعد
19-09-2009, 02:04 AM
فيصل سلامات
سؤال ..
من ترشح ( 4) ليمثلوا/يمثلن الادارة القادمة .. ( الادارة الحالية يمتنعون) ..
و لماذا ؟

سؤال صعب شديد يا باش، الاجابة الحقيقية
عليه بتجيب زعل و لوم و ربما احقاد و
ضغائن ، ما سودانيين و العمل العام عندنا
رتيق و لتيق و معليش و باركوها و هلمجرا،،
لذلك بعد اذنك الكريم، ارجو ان تعفيني من هذا
السؤال بطيب و عفو خاطر يا اخي العزيز .

ولكن رغم ذلك، و رغما عن كل الظروف و الملابسات،
لابد من التأكيد بان مجلسكم الموقر الحالي (معتصم،لنا، آمال، و منال)
طيب اداء، و تعاون، و تخطيط، و علما و قدرات، وضعيف تنسيق و تواصل اداري
و قاعدي، و طولة بال و نفس، و هذه سنة الحياة فما تشيل هم، و التجربة و الاحتكاك
بيولدوا و بيصقلوا الخبرات بالتراكم، بالاضافة الي المجهودات السابقة المقدرة
للجيلي احمد منفردا، و منافحا لوضع الاساسات و السقالات و الدعائم،
و الاداء الطيب المجود للاخ مهند الرباطابي في الامانة العامة .. تحت رعاية
الاخ عكود الامين العام لسودانيات و دوره و جهده المقدر في التنسيق و لملمة
اطراف الخيوط و السير بهذا المنبر الى بر الامان ..

هذه حقائق يجب تدوينها لحفظ الحقوق، و للذكرى و التاريخ ..
و هذه هي المدرسة التي تعلمنا فيها العمل الاداري و الاشرافي
و سنوصلها لمن اراد من الاجيال القادمة ..

ان كانت هنالك مناشدة، فهي ان يبقى احد اعضاء
هذا المجلس و يترشح من جديد للفوز، و ليعمل في
مواصلة تنفيذ المتبقى من الخطط و الاعمال، و حتي لا يبدأ الناس من
اول جديد، و المناشدة الاخيرة لجميع الزملاء و الزميلات الكرام الافاضل
في هذا المنبر و لي و لك ايضا (( الما داير يشتغل و يتعب و يبذل
و يقدم لهذا الصرح، احسن انه ما يترشح))

و لك وافر الشكر و التقدير..

أبو أماني
22-09-2009, 05:23 PM
يا ود عمك الزمن البحكي ليك عنه داك،
انا لا بعرف اقرأ لا اكتب، فما تسرح بغنم
ابليس اكتر من كدا يا كج، و ما تتشفتن علي
و بطل تهويش و تكويش يا ود يا مقرم و ما
تبيع الموية في حارة السقايين، و لك من
المودة احلاها و اعذبها بالصودا و التلج
كمان يا قروبير :D:D

حقيقي البوستر كان ماشي آخر حلاوة وطارق الجنب .. جاب الديب من ديلو وخلى فيصولة مرة دفاع ومرة هجوم .. وكنا مستمتعين جد .. بس الظاهر زولنا إنعصر جد وعاوز يتخارج .. وكمان لعب ورقه صاح .. أغرانا بلقاء الوسيم الوجيه عذب اللسان رفيع الشأن ..رأفت ميلاد وقعد يحنك فينا .. وخلانا محتارين نتابع في السمسمية الفصيلية الرائعة دي ونحلق بها مع ود سعد في عوالم آخر .. ولا نلتفت للمهلبية والباسطة الراجيانا ولم يرجاها اللعاب .. فسال لعابنا أنهارا بإنتظار الـــرائع أبدا ..
رأفت ميلاد
أولا الشكر كل الشكر للزعيم الخال البلال البسر البال (خالد الحاج) والذي ساهم في ميلاد هذه المائدة المتخمة بالمطائب .. وثانيا كل الشكر لأخي وصديقي الأديب الأستاذ الرائع على الصعيدين الملكي والعسكري أبو النور حفظه الله لنا ولسودانيات ذخرا ولإبن عمي العزيز ود بري البار .. فيصل سعد والذي أثرى المائدة برائع الأصناف .. وأخيرا رحبوا وللمرة الرابعة في مائدة سودانيات العامرة بما لذ وطاب .. بالشخصية النادرة .. وإنشاء الله تقدروا تجاروه فهو حريف .. ومابنقدر ..حبيبنا .. رأفت ميلاد ...

الحبيب رأفت .. على خفيف .. كده لو تسمح وبصفتك الأب الروحي لي بسودانيات ممكن تديني نبذه مختصرة عن شخصية وكاريزما .. الحبيب .. رأفت ميلاد
ولنا عودة ..goood تشاووووووو goood

فيصل سعد
23-09-2009, 07:35 AM
التحايا للجميع و كل عام و انتم بخير.

و التحية للاخ العزيز رأفت ميلاد، و مرحبا به
على هذة النافذة، و السؤال الاول بعد المقدمة
و كدا :D:D الكتابة في اكثر من منتدى ؟؟
ما لها و ما عليها سلبا و ايجابا ؟؟

السؤال الثاني، ماذا اضافت سويسرا و ماذا اخذت
من رأفت و الاسرة الكريمة ؟؟ و يا حبذا ان اسهبت
لنا في التجربة، حتى نخرج بمقارنه غربة الخليج و
غربة اوروبا و غربة اميركا الشمالية .. و هل الظروف
الاقتصادية و السياسية تختلف في اسباب و سيرة الغربة
و الترحال و المنافي ؟

السؤال الثالث، ما هي رؤية رأفت ميلاد في الوضع
السياسي الحالي و الراهن، و ماهي التوقعات و المستقبل
القريب و البعيد، و ماهي مقترحات الحلول للازمة السياسية
السودانية حسب اعتقادك الشخصي ؟

و السؤال الرابع، اين يقف رأفت ميلاد سياسيا اليوم ؟ من
يؤيد و يدعم افكارا و طرحا و ايدلوجية، و من يعارض و
يشجب ، و السؤال مطروح بصورة عامة و لا نريد اي تفاصيل
تنظيمية بتاتا ..

لك الشكر، و حتما سنعود لك بأسئلة اخرى رياضية و اجتماعية
و فنية ، و قطع شك لن ننسى مدني و امدر و كافة المحطات الاخرى
و كله باوانه حلو :D:D

معتصم الطاهر
23-09-2009, 11:20 AM
رأفت

سلامات

اسمح لى بالدخول الى عالم الدين

عشتم كأقباط وسط المسلمبن ..

1- رغم السماح الديني .. ما هي المضايقات التى تعرضتم لها .. من المسلمين

2- ما هي المضايقات التى تعرضت لها من الأقباط .. بصداقتك للمسلمين ..

3- هل جاءتك دعوات للاسلام .. و لماذا لم تسلم و انت تذكر دائما ثقلك بالذنوب ( كهزل) ..

معتصم الطاهر
23-09-2009, 12:34 PM
WIDTH=400 HEIGHT=350


WIDTH=400 HEIGHT=350

WIDTH=400 HEIGHT=350

WIDTH=400 HEIGHT=350

رأفت ميلاد
24-09-2009, 01:05 PM
أبو أمانى ده شنو ده
كدى أولاً كل سنة وأنت طيب وأمانى وأخوانها وأمها بألف خير

فاجئتنى والله .. نحن وناس بكور بدونا مسنجر .. وبلكوزهم بقعر العكاز كم مرة كدة
غايتو طولت منك .. قدر ما لاكزتك ماهببتو لى .. قلت الراجل قرش ملحتى من يوم الفضائية ديك ..

يا زول العفو والعافية

أقول شنو عن نفسى هسة .. نفسى باهلا فى كل حتة سبب بلا سبب

العمر : أصغر من شوقى وبابكر وفتحى
المهنة: ضاعت مع الزمن ..
التعليم: فراعى واعى "كلية التجارة والإدارة"
الأوطان:أمدرمان .. مدنى .. بورتسودان ..
مسقط الرأس: وادى حلفا
الهواية: صيد السمك .. وقراءة التاريخ

اللون السياسى: مافيش "حزب الأغلبية"

أولادى أربعة .. بتين وولدين

وبس

رأفت ميلاد
24-09-2009, 02:01 PM
فيصل ياخ واحدة واحدة
أنا فاضى وما عندى مانع .. بس البقنع الست وعيالا شنو .. بسوى الأكل وأغسل العدة .. وطلبات العيال وسواق الست .. وبعد ده ما تسمع غير .. بتعمل شنو أنت يومك كله قدام الكمبيوتر :)
و التحية للاخ العزيز رأفت ميلاد، و مرحبا به
على هذة النافذة، و السؤال الاول بعد المقدمة
و كدا :D:D الكتابة في اكثر من منتدى ؟؟
ما لها و ما عليها سلبا و ايجابا ؟؟

تعرف النت بقى التواصل الوحيد .. بديته بسودانيز وإتعلمت الشكل تمام .. جيت سودانيات عشان أشاكل لى "زولة" .. بقت من أعز أصدقائى .. ناس خالد فرتقوها فى راسنا وبقى لينا راسين .. هنا وفى سودان راى .. قبلها كنت فى سودانات مع شاموق .. ما إستمتعت لدخولى الإدارة .. وبقيت لابس كرفته ..
سجلت فى منتديات كثيرة ولم أستطيع الإستمرار .. وبعضها لم أتداخل قط ..
بين التلاتة منتديات دى حصلت على علاقات أعتز بها .. وإستفدت منها كثيراً .. ولكل منتدى نكهته الخاصة به .. التوفيق بصراحة فى نفس الوقت صعب .. الجو العام والمواضيع المطروحة هى سيدة الموقف .. فأحياناً "ينغمس" الواحد فى مكان دون غيره .. والأيام دى نايم فى العسل مع سودانيات
السؤال الثاني، ماذا اضافت سويسرا و ماذا اخذت
من رأفت و الاسرة الكريمة ؟؟ و يا حبذا ان اسهبت
لنا في التجربة، حتى نخرج بمقارنه غربة الخليج و
غربة اوروبا و غربة اميركا الشمالية .. و هل الظروف
الاقتصادية و السياسية تختلف في اسباب و سيرة الغربة
و الترحال و المنافي ؟

تعرف سويسرا كانت خصماً على .. الذى إستفدت منه فترة تأمل لحياة كاملة .. سالبها وموجبها .. أتيت هنا ناضج ولذلك يصعب الإنصهار والتنازل عن جزء من الهوية .. بالإضافة أن سويسرا إنغلاقها من الداخل مثله من الخارج تماماً .. زيادة على اللغات الألمانية والفرنسية الذى ثصعب التعامل لغياب الإنجليزية تماماً ..
عموماً التجربة هنا لن تستفيد بها للمقارنة الأوربية فهنا جسم منفصل .. الخصم الحقيقى فى الأبناء .. ولا أقصد فصلهم عن الوطن فهذه قصة مسلم بها ومصير .. ويجب أن تكون لهم هوية .. لكن طبيعة المحلية فى البلاد تحد من آفاق العالمية .. وتحجم الإبداع ..
سأواصل يا فيصل .. وصل تلفون بطلب الشوفير :)

دوت مجاك
24-09-2009, 03:42 PM
عمنا رافت ميلاد
سلامات كتير بالحيل

وكل سنة وانت طيب ووليداتك وبنياتك بخير وعافية وامهم ست الكل
فى فكرة عودة نهائية للسودان ؟

رأفت ميلاد
24-09-2009, 09:50 PM
السؤال الثالث، ما هي رؤية رأفت ميلاد في الوضع
السياسي الحالي و الراهن، و ماهي التوقعات و المستقبل
القريب و البعيد، و ماهي مقترحات الحلول للازمة السياسية
السودانية حسب اعتقادك الشخصي ؟
:D:D
والله يا فيصل قراءة مستقبل السودان صعبة .. كل مرة مفاجأة أخطر من السابقة .. وناس الداخل وصلوا مرحلة اللامبالاة .. لصعوبة الأرزاق من ناحية ومن ناحية توفر الأموال فى السوق .. فأصبح الناس فى دوامة متحركة بلهث شديد .. وإكتفى الناس بما يصيبوه .. حتى لو كان زاد أيام قلائل .. توازينا مع حال مصر فى 67 .. كان السودانية يسافرون والحزن يعصرهم على الهزيمة .. يملأهم الشعور لمواساة الشعب المصرى .. يتلقفوهم المصريين بإبتزاز آخر قرش فى "محفظتك" .. لما تجيب سيرة الحرب .. يرد عليك المصرى : "ياعمى الحرب فى القنال .. خلينا نفرفش" .. هذا حالنا الآن .. قضية دار فور على صفحات المنتديات والصحف العالمية ولا وجود لها فى الشارع السودانى ..
ولكن إعتقادى الأكبر سيأتى يوم إنفجار .. وسيبرز قائد لا محالة .. ولا رجاء فى المعروض الذى ليس له إحترام من الشارع ..

و السؤال الرابع، اين يقف رأفت ميلاد سياسيا اليوم ؟ من
يؤيد و يدعم افكارا و طرحا و ايدلوجية، و من يعارض و
يشجب ، و السؤال مطروح بصورة عامة و لا نريد اي تفاصيل
تنظيمية بتاتا ..
:D:D
سياسياً لا يوجد "موقف" .. قررت أن يكون لى معالم .. إنخرطت فى حركة سياسية .. وجدت بها مشاكل لا تحصى ولا تعد .. لا أزال أحجم لسانى وأكتفى بالمراقبة .. المعارك الجانبية تضيع معركة الوطن .. أكتفى بالمعارك المطروحة .. التأليب على النظام بمناسبة وغير مناسبة .. وتعرية النظام مركزاً فى تدمير سلاحه الدينى الذى يحجم به الناس .. وكشف نفاقه وكذبه .. هذا صوت لم أبتدعه ولكنه موجود بقوة ..

سارة
24-09-2009, 10:09 PM
تعرف يا رأفت من زمان راجية فيك اليوم دا ( وش خبيث جدن جدن )

بس قلت يا بت روقى واحلى امانة ما وقع راجلgooodgooodgoood


من يقرأ كتاباتك كانه يقرأ قلبك صفحة صفحة

وتحت حروفك كل المواقف تضحك وتبكى من اين لك هذه الصفات

هل هى امدرمان والمسالمة ولا حاجات تانية حاميانى

على فكرة السؤال دا اجبارى ولا يسمح باى زوقان

بجيك يا ملك انت اصلك قريب من نفسى

رأفت ميلاد
24-09-2009, 11:20 PM
رأفت

سلامات

اسمح لى بالدخول الى عالم الدين

عشتم كأقباط وسط المسلمبن ..

1- رغم السماح الديني .. ما هي المضايقات التى تعرضتم لها .. من المسلمين

2- ما هي المضايقات التى تعرضت لها من الأقباط .. بصداقتك للمسلمين ..

3- هل جاءتك دعوات للاسلام .. و لماذا لم تسلم و انت تذكر دائما ثقلك بالذنوب ( كهزل) ..
سلام يا معتصم
تعرف عندى رغبة إجاوبك بسجيتى شديد .. أسألتك دى إذا عاشرتى من قدم لم تكن تخطر فى بالك ..
نحن كمسيحيين لم نتعرض لأى مضايقات .. خاصة "كأولاد ميلاد" .. وباقى العائلة فى المسالمة .. نحن تربينا بين المسلميين تماماً .. يعنى لم يكن هناك أى إحساس بفوارق مجتمع .. تظهر أحياناً جداً .. أذكر ونحن أطفال كان فى شجرة وحيدة بين الطريق من ود الشافعى منطقتنا الى قرية ود النعيم المدرسة .. تُعرف ب "شدرة النص" .. شاع إنها "مسكونة" .. فى طريقنا من المدرسة تآمر علىّ الأولاد .. عندما صرنا تحت الشجرة .. "سلوا سيطانم" وأمرونى أن أتشهد حتى يخرج الشيطان .. رفضت وقامت معركة وطيسة وكنت وحدى فى مواجهة خمسة مسلحين .. طبعاً "أكلت" علقة ساخنة .. هم كانوا أولاد ودالشافعى "الحلة" المزاعين .. أخذنا بتارى منهم بمساعدة أولاد ود الشافعى "المحطة" أولاد العمال ..
هكذا كنا نفرض نفسنا داخل المجتمع على طبيعتنا .. وهنا فى المنتديات يسألنى كثيرون عن أسماء قبطية بإعتبارى قبطى .. كما علق صديقى محمد عبد الرحمن طه فى أمريكا ضاحكاً .. وهو يقرأ لى هنا "الناس ديل عاملنك قبطى أحمااار .."
عندما قابلت صحيفة الفجر شقيقى سليمان رحمه الله .. وخاطبوه أول كقبطى قائد فى قوات المعارضة .. قال لهم "أنا هنا بسودانيتى ولا أمثل الأقباط .. هم للأسف تعودوا أن يعيشوا مواطنيين من الدرجة الثانية" .. كثير من الناس يتفاجأوا عندما يعلموا أننا مسيحيين ..
عن أهل أمدرمان أيضاً وضع متفرد .. أقباط بحرى والخرطوم منغلقين نوعاً .. ولكن فى المسالمة خاصة وأمدرمان عامة الوضع مختلف .. مثلاً الصديق جورج بنيوتى زميل المنبر .. قد يوحى إسمه "بخواجة" ولكن إذا جالسته ستجده إبن بلد أكثر منك ..
طفح قبطيتنا على السطح الآن .. وتعابير مثل السماح الدينى ومعايشة الأديان .. أشياء مستحدثة جلبها هؤلاء "الوهم" ..
عرض المضايقات فى مناسبات مختلفة أصبح مهماً فى المرحلة الحالية .. فى حرب إنتزاع العنصرية فى النفوس .. التى أصبح الناس يناقشونها بيقظة حقيقية .. فنحن لا نعرضها تظلماً ولكن فائدة عامة للضمير ..
لم تأتينى دعوة للإسلام كما ربما تتخيل .. ولكنى تأثرت بمن حولى من قيم .. مثلآ مولانا يوسف حبيب الله وأستاذ عبد الرحمن وأستاذ على التوم وغيرهم من الأفاضل .. وذلك فى فترة المدرسة الوسطى .. وصلت الى مرحلة الصلاة والصوم .. وفى الثانوى سألنى يوماً الأستاذ الفاضل حسن عبد الوهاب عن شيئ فى الإنجيل .. فجاوبته بأننى لا أعرف الإنجيل .. فوبخنى قائلاً "يا إبنى حافظ على دينك" .. تأثرت كثيراً وعكفت على الإنجيل وتابعته إقتناعاً ..

رأفت ميلاد
24-09-2009, 11:33 PM
حبيبنا دوت مجاك كل سنة وأنت طيب
بحب أناديك "جوك" وهى كانت كلمة حميمية فى زمنا
وكل سنة وانت طيب ووليداتك وبنياتك بخير وعافية وامهم ست الكل
فى فكرة عودة نهائية للسودان ؟
إلا ابقى كوزاً ليهو قيمة أتعب الناس بوجودى :)
العودة أصبحت بين الحلم والخيال .. محتاجين شوية كجور من عندكم .. النية عمرها ما إنقطعت

رأفت ميلاد
25-09-2009, 09:40 AM
تعرف يا رأفت من زمان راجية فيك اليوم دا ( وش خبيث جدن جدن )

بس قلت يا بت روقى واحلى امانة ما وقع راجلgooodgooodgoood


من يقرأ كتاباتك كانه يقرأ قلبك صفحة صفحة

وتحت حروفك كل المواقف تضحك وتبكى من اين لك هذه الصفات

هل هى امدرمان والمسالمة ولا حاجات تانية حاميانى

على فكرة السؤال دا اجبارى ولا يسمح باى زوقان

بجيك يا ملك انت اصلك قريب من نفسى
وينو السؤال يا سرورة .. ده وصف أنا ما بستحقه والله .. أنا زول عادى .. شخصيتى تتبدل بشخصية الزول القدامى .. شاعرى فى موطأ الشعر .. شرس فى الغضب .. خبيث فى كثير من الأحيان .. وشرير أحايين أخرى .. أستحق لقب إنسان بجدارة
إذا كانت شخصيتى تجدينها معك هكذا .. ذلك يعنى صفاء وجمال نفسك أنت .. فما تتبلى على

محبتى فى صف العجايز

بابكر عباس
25-09-2009, 12:33 PM
مساء الخير رأفت

ما هو تأثير تجربة الإنقاذ على إيجابية و أحلام رأفت ميلاد؟

منال
25-09-2009, 03:06 PM
الضيف رافت منور

كمية الاسئلة دايرة بس اروق المنقه
مرهقه كتير و بجيك اخستقك gooodgoood

الا بتخيلك الان كده وانت بتغنى للجمهور
ومغمض عيونك و لمن تفتح بتشوف تفاعل جمهورك من غناك السمح و تطريبك
انت بتكون غنيت شنو بالضبط و لى منو؟ وفى اى زمن او عقد من الزمان تختاره.

فى سؤال حايم فى راسك فى كل لحظة بجيك ناطى ...كدى ختو هنا و جاوب عليهو؟
مودتى

رأفت ميلاد
25-09-2009, 03:16 PM
مساء الخير رأفت

ما هو تأثير تجربة الإنقاذ على إيجابية و أحلام رأفت ميلاد؟
أخخخخخخخ
كأنك تقول لى يا بابكر كل هذه السلبية وولدتها بك تجربة الإنقاذ .. وهذا صحيح بدون مواربة .. لم تكن السياسة همى فى يوم من الأيام .. ولا معارك المواطنة ولا النقاش فى الأديان ألتفت إليها يوم .. كان همى الأدب .. القصة والشعر والشغف بالتاريخ .. وأجمل لحظات حياتى .. سنارة جوة البحر حتى بدون "نقار" .. أسررت البحر بما يملأ مجلدات ..
تعرف يا بابكر فارقت السودان من قبل فى زمن نميرى ونحن نشرب البيرة فى أراك هوتيل .. عدت والصادق فى الحكم .. لم أحضر عدالة ناجزة ولا إنفاضة ولا سوارالدهب .. لم يكن هروب ولكن "جات كده" .. الإنقاذ صدمتى الأولى عن قرب .. لم يهيأنى لها نميرى مثل الآخرين .. فكانت صدمة "قندران" ..

تحفة حوا
25-09-2009, 06:31 PM
الاخ رأفت
لاعايزة اسألك ولا اتغاتت
جيت اقول سلام وبس

بالجنبة :
تياب سويسرا وين ليك :D

رأفت ميلاد
25-09-2009, 06:59 PM
الضيف رافت منور

كمية الاسئلة دايرة بس اروق المنقه
مرهقه كتير و بجيك اخستقك gooodgoood

الا بتخيلك الان كده وانت بتغنى للجمهور
ومغمض عيونك و لمن تفتح بتشوف تفاعل جمهورك من غناك السمح و تطريبك
انت بتكون غنيت شنو بالضبط و لى منو؟ وفى اى زمن او عقد من الزمان تختاره.

فى سؤال حايم فى راسك فى كل لحظة بجيك ناطى ...كدى ختو هنا و جاوب عليهو؟
مودتى
يا منال يا رايقة .. ده حالتو مرهقة .. يعنى كان ماخدة ليك نومة عصرية كان كيف ..
ضحكتنى مغنى ومغمض دى .. لامن تجينى حاجة طايرة .. ويطيرا من الراس .. سؤال شنو الحايم .. هو فضل راس :(

السؤال .. زى ما قال عثمان حسين "لى متين لى متين"
الحواب .. "براى سويتا فى نفسى زى" ما قال وردى :D:D

رأفت ميلاد
25-09-2009, 07:42 PM
الاخ رأفت
لاعايزة اسألك ولا اتغاتت
جيت اقول سلام وبس

بالجنبة :
تياب سويسرا وين ليك :D
تحفة حوا كل سنة وأنتى طيبة
إنتى لسة ما تبتى من التياب :D:D
مصانع التياب فى مدينة سانت قالن St.Gallen على حدود النمسا .. الثياب غير قاصرة على السودان .. أيضاً موريتانيا والصومال وتشاد وشمال أفريقيا .. التجار مقيمين والمصانع سويسرية ..

عندى كم صاحب من تجار التياب هنا .. ممكن أديك عناوينم وأرسل ليك كتلوجات .. بدون مسئولية لما يترتب عن ذلك .. من صرف أوراق توديك لى بيت أهلك :D:D

تحياتى

hatim ALi
25-09-2009, 08:01 PM
مصانع التياب فى مدينة سانت قالن St.Gallen على حدود النمسا .. الثياب غير قاصرة على السودان .. أيضاً موريتانيا والصومال وتشاد وشمال أفريقيا .. التجار مقيمين والمصانع سويسرية ..



ه
حبيبنا رأفت سلامات
قعدوك في الكرسي الساخن :D:D
لكن عارفك قدرو و زيادة

جابني بي جاي سيرة التياب دي

طبعاٌ التوب اللابسنوا السودانيات دا مستورد من مورتانيا - الفكرة يعني - و في اعتقادي البسيط انه جاء ابان هجرة الشناقيط الى السودان في طريقهم الى (الحج) لاحظ انتشار التوب في درب الحجيج تشاد و افريقيا الوسطى و كمان الموانئ السودان و الصومال

مركز الهوية العربية لا يعترف بالتوب و يرى في (العباية) الزي الأليق بالمرأة لاعتبارات بالأساس - مناخية - لاحقاٌ تم الباسها (توب) ديني مع انتشار الوهابية في السعودية مصدر الوعي (الديني) لدول الخليج و ما جاورها

في اعتقادي البسيط ايضاً ان تبني (السودانيات) للتوب (المورتاني) كانت محاولة ناجحة للمزج بين الثقافة (العربية) و الثقافة (الافريقية) السائدة.

ملاحظة بسيطة على الرغم من انتاج (القطن) سابقاٌ بالسودان قبل تدمير (مشروع الجزيرة) لم تقم صناعة حقيقية للتياب في السودان و الى يومنا هذا تأتي التياب من (سويسرا) و حالياً بقا في تياب (مضروبة) بتجي من الصين . بالله شوف درجة وعي المنتجين السويسرين يصنعوا حاجة لا عندها علاقة بي ثقافتهم و لا بي نساء بلادهم فقط بحثاٌ عن اسواق ناشئة في العالم الثالث بحثاٌ عن الربح ، و المنتجين المحليين بتاعننا من الاستقلال قاعدين فراجة !

____________
سؤال كدا بالجنبة

احكي لينا عن تجربتك كسوداني - مسيحي - في السعودية ؟

تحياتي

رأفت ميلاد
25-09-2009, 11:13 PM
مرحب يا حاتم
ه
حبيبنا رأفت سلامات
قعدوك في الكرسي الساخن :D:D
لكن عارفك قدرو و زيادة

هو أنا البسخنه ليهم صاح .. غايتو أبو أمانى إختار التوقيت الخطأ .. مسخنين خلقة اليومين ديل
ه

جابني بي جاي سيرة التياب دي

طبعاٌ التوب اللابسنوا السودانيات دا مستورد من مورتانيا - الفكرة يعني - و في اعتقادي البسيط انه جاء ابان هجرة الشناقيط الى السودان في طريقهم الى (الحج) لاحظ انتشار التوب في درب الحجيج تشاد و افريقيا الوسطى و كمان الموانئ السودان و الصومال

مركز الهوية العربية لا يعترف بالتوب و يرى في (العباية) الزي الأليق بالمرأة لاعتبارات بالأساس - مناخية - لاحقاٌ تم الباسها (توب) ديني مع انتشار الوهابية في السعودية مصدر الوعي (الديني) لدول الخليج و ما جاورها

في اعتقادي البسيط ايضاً ان تبني (السودانيات) للتوب (المورتاني) كانت محاولة ناجحة للمزج بين الثقافة (العربية) و الثقافة (الافريقية) السائدة.

شكراً على التنوير يا حاتم ويا ريت يضيف لينا زول على أصل التوب السودانى .. كساء المرأة بالثوب الملفوف على الجسم يوجد عند البجا والفلاتة وكثير من الأفريقيات .. لدى نساء وسط السودان فضفاض نوعاُ .. وقديماً أذكر كان من الفراد الخفيفة .. وتتراوح سماكته بدرجات الحداد .. توب "الزراق" كان أيضاً له مدلولاته .. ويلبسه عادة كبار السن .. أما الثوب الحالى حديث .. ولكنه تطور بسرعة بداية بالتوتال الإنجليزى

ملاحظة بسيطة على الرغم من انتاج (القطن) سابقاٌ بالسودان قبل تدمير (مشروع الجزيرة) لم تقم صناعة حقيقية للتياب في السودان و الى يومنا هذا تأتي التياب من (سويسرا) و حالياً بقا في تياب (مضروبة) بتجي من الصين . بالله شوف درجة وعي المنتجين السويسرين يصنعوا حاجة لا عندها علاقة بي ثقافتهم و لا بي نساء بلادهم فقط بحثاٌ عن اسواق ناشئة في العالم الثالث بحثاٌ عن الربح ، و المنتجين المحليين بتاعننا من الاستقلال قاعدين فراجة !
[/B]
يا حاتم التوب الأصلى محلى ومن إنتاج محلى .. حتى ألوانه صبغة محلية .. أرجع لبوست أستاذ شوقى بدرى (رمضان زمان فى أمدرمان 2) .. تطور الى الخارج مؤخراً بعد توفر الإتصال بالعالم الخارجى وتقدم صناعة النسيج عننا كثيراً ..
عن سويسرا سمعت بأن "غرزة" النسيج عندهم دقيقة جداً .. وذلك غير النعومة والجمال يساعد المرأة فى التحكم فى إرتدائه لليونته .. وعرفت بقائه فى سويسرا دون سواها لكبر حجم المكنات وتعقيدها فأصبحت تحتاج خبرة خاصة .. إنتقل التجار الى مناطق الإنتاج جعلها عادة حتى الآن رغم تقدم التكنلوجيا .. ولكن تمرس السويسرين فى صناعة الثوب لم يتخطوا التصنيع الى التصميم .. كل تصميمات "الموضة" من ألوان ونقشات وما إلى ذلك يقوم به سوداننيون .. وبرغم شهرة التوب السويسرى لدينا يفجأ السويسريين عندما يعلمون إنه يُصنع لديهم ..
ه

سؤال كدا بالجنبة

احكي لينا عن تجربتك كسوداني - مسيحي - في السعودية ؟

تحياتي
يا حاتم أنا كنت فى جدة .. وهى مدينة مفتوحة دون سواها .. لا تجد مضايقات والسعودين هناك .. فى حينه ولا أدرى الآن .. لم يكونون متعصبين .. فى حداثة حضورنا كنا نهاب "المتطوعين" عند المناداة للصلاة .. فكنا نهرب من أمامهم .. إطريت فى مرة دخول مكان الوضوء فى سوق الندى .. لكن مؤخراً تمرسنا فى كيفية تفاديهم ..
الطريف فى أول إغترابى كان كفيلى خارج البلاد .. إستخرجت إقامتى بواسطة "معقب" بطريقة تنقصها القانونية خوفاً من "الكشة" .. إستخرج لى إقامة مسلم لأنهم لا يتوقعون سودانى مسيحى .. عندما أخبرته وقد أصبح صديقى لاحقاً .. قال الغامدى .. "والله لو أعرف ما أستخرجتها ليك" :) .. رفض إرجاعها وفضلت معى سنة الى حين التجديد ..
خلال هذه السنة كنت أرغب فى زيارة مكة .. سألت هل هى ممنوعة أم حرام .. لم أجد إجابة قاطعة ولم أذهب ..

تحفة حوا
26-09-2009, 07:46 AM
تحفة حوا كل سنة وأنتى طيبة
إنتى لسة ما تبتى من التياب :D:D
مصانع التياب فى مدينة سانت قالن St.Gallen على حدود النمسا .. الثياب غير قاصرة على السودان .. أيضاً موريتانيا والصومال وتشاد وشمال أفريقيا .. التجار مقيمين والمصانع سويسرية ..

عندى كم صاحب من تجار التياب هنا .. ممكن أديك عناوينم وأرسل ليك كتلوجات .. بدون مسئولية لما يترتب عن ذلك .. من صرف أوراق توديك لى بيت أهلك :D:D

تحياتى

:mad:
دا بدل تقول لي ابشري يا بت اخوي التوب أرسلوا ليك بالدي اتش ال يلحق ليك باقي العيد
الفيك اتعرفت :mad:
دي اعلان تفليسة ساي قال بيت اهلك قال
كلو الا كدا توب يفوت ولا نفوت احنا :D

بالجنبة :
الاسلام ما عايز دعوة وانت زول فاهم حاجات كتيرة
وعموما حسي انا بقول ليك رايك شنو تسلم ؟
وان شاء الله ربنا يهديك ويهدينا جميعا
دعوة للاسلام دايرة ليك بيها الخير وبس والله

رأفت ميلاد
26-09-2009, 02:10 PM
:mad:
دا بدل تقول لي ابشري يا بت اخوي التوب أرسلوا ليك بالدي اتش ال يلحق ليك باقي العيد
الفيك اتعرفت :mad:
دي اعلان تفليسة ساي قال بيت اهلك قال
كلو الا كدا توب يفوت ولا نفوت احنا :D

بالجنبة :
الاسلام ما عايز دعوة وانت زول فاهم حاجات كتيرة
وعموما حسي انا بقول ليك رايك شنو تسلم ؟
وان شاء الله ربنا يهديك ويهدينا جميعا
دعوة للاسلام دايرة ليك بيها الخير وبس والله
يا تحفه توب شنو البرسلو ليك .. نحن توب زراق .. لما إترقينا مع أبو قجيجه .. أختفى رجلك بوصلك وأدفع ليك .. مشوار فركة طيارة ..

شكراً على دعوتك الصالحة .. أراجع فتحى مسعد وأرجع ليك .. أشوف حاله قبل وبعد :D

تحياتى

فتحي مسعد حنفي
26-09-2009, 02:53 PM
الحبيب رأفت فتحي مسعد قرر الجلوس علي مقاعد المتفرجين عشان عندو ملف رأفت كامل حتي ما خفي عن الناس ودا طبعا من عدة مصادر من بينهم أمن الدولة:D
أفتكر تحفة حوة ما بالغت لامن طلبت توب لكن بالغت في حكاية الدي اتش ال عشان غالي وانا بقول ترسل ليها توبين وممكن تجيبهم معاك القاهرة وانا حأرسلهم بعد مصادرة واحد للمدام..
أما حكاية اسلامك دي انا ما شايفها ضرورية عشان شايفك أكثر اسلاما من الكثير من المسلمين وبعدين المسيحية لامن نزلت كانت بتخاطب المشركين مش اليهود والاسلام كذلك نزل ليخاطب عبدة الأصنام والمشركين مش المسيحيين والدليل علي ذلك هو السماح للمسلم بالزواج من الكتابية دون اجبارها علي ترك دينها وهو ما حدث مع أم المسلمين ماريا القبطية..
خلليك زي ما انت يامقدس فأنت من خير المسلمين فالمسلم هو من سلم الناس من لسانه وسلم مصيره للخالق القدير..

معتصم الطاهر
26-09-2009, 04:54 PM
الحبيب رأفت فتحي مسعد قرر الجلوس علي مقاعد المتفرجين عشان عندو ملف رأفت كامل حتي ما خفي عن الناس ودا طبعا من عدة مصادر من بينهم أمن الدولة:D
أفتكر تحفة حوة ما بالغت لامن طلبت توب لكن بالغت في حكاية الدي اتش ال عشان غالي وانا بقول ترسل ليها توبين وممكن تجيبهم معاك القاهرة وانا حأرسلهم بعد مصادرة واحد للمدام..
أما حكاية اسلامك دي انا ما شايفها ضرورية عشان شايفك أكثر اسلاما من الكثير من المسلمين وبعدين المسيحية لامن نزلت كانت بتخاطب المشركين مش اليهود والاسلام كذلك نزل ليخاطب عبدة الأصنام والمشركين مش المسيحيين والدليل علي ذلك هو السماح للمسلم بالزواج من الكتابية دون اجبارها علي ترك دينها وهو ما حدث مع أم المسلمين ماريا القبطية..
خلليك زي ما انت يامقدس فأنت من خير المسلمين فالمسلم هو من سلم الناس من لسانه وسلم مصيره للخالق القدير..

فتحى سلامات
ما دايرين نقلب البوست دعوة رأفت للاسلام
لكن والله رأفت إضافة للاسلام و نصرة له .. فهو كما ذكرت مقدس .. و يسلم الناس من كل جوارحه ..

بعدين يا خوى بهاء بجلالة قدرو ( رحمه الله ) كان (10%) انت طوالى عملتها (50%) .. والله ياهو !!!!
.. يا زول جيب (3) تياب اتنين لتحفة وواحد لمدام فتحى مباشرة عشان ما يكون عندو حث الفشخرة .. رغم انو يستاهل كلو خير ..

فتحي مسعد حنفي
26-09-2009, 06:19 PM
فتحى سلامات
ما دايرين نقلب البوست دعوة رأفت للاسلام
لكن والله رأفت إضافة للاسلام و نصرة له .. فهو كما ذكرت مقدس .. و يسلم الناس من كل جوارحه ..

بعدين يا خوى بهاء بجلالة قدرو ( رحمه الله ) كان (10%) انت طوالى عملتها (50%) .. والله ياهو !!!!
.. يا زول جيب (3) تياب اتنين لتحفة وواحد لمدام فتحى مباشرة عشان ما يكون عندو حث الفشخرة .. رغم انو يستاهل كلو خير ..



ياباشمهندس السلام ليك وكل سنة والأسرة الكريمة بألف خير.
وانت ما داير لأختنا قوت القلوب توب ولا شنو!!
ياخ بالعكس أنا طلبت من رأفت يفضل زي ما هو لأني شايفو مسلم أكتر من كيزان السودان مجتمعين..وأتفق معاك في باقي كلامك..

النور يوسف محمد
27-09-2009, 12:38 AM
بسم الله الرحمن الرحيم
أيها الكائن المنتدياتى
ماذا تقول فى ( مريد ) قرأك من بضعة سطور؟؟
حينما تجنح الى طرفٍ قصى من الرؤية يجرك الى مركز الأحداث أدبُ جم
وعندما تتنازعك الأفكار يعرف الحياء منك سبيله الى منتصف الدائرة
فتعود أكثر شموخاً ..
قلت لى ذات مرة
أتحور حسب البيئة .. شرير إذا إستدعى الحال .. حالم مع الحالمين .. على سجيتى مع من أحب ..
سؤالى
ماذا يتبقى فى نفس رأفت حين الخلاف ؟؟؟
.....................................
ثم ـ أم درمان
هل خلق منها أبناءها أسطورة ؟؟
إن فاتك الإنتماء إليها فقد فاتك الكثير !!!!!!!!!!!!!
من ناحيتى أحس بأن أبناء مدينتى ( أم درمان ومدنى)
يتملكهم شئُ من الزهو بانتماءهم المكانى ـ مجرد إحساس !!!!
أخيراً
أنت رائع اللغة وجميل التواصل
تحياتى للأسرة

أبو أماني
27-09-2009, 11:43 AM
بسم الله الرحمن الرحيم
أيها الكائن المنتدياتى
ماذا تقول فى ( مريد ) قرأك من بضعة سطور؟؟
حينما تجنح الى طرفٍ قصى من الرؤية يجرك الى مركز الأحداث أدبُ جم
وعندما تتنازعك الأفكار يعرف الحياء منك سبيله الى منتصف الدائرة
فتعود أكثر شموخاً ..
قلت لى ذات مرة

سؤالى
ماذا يتبقى فى نفس رأفت حين الخلاف ؟؟؟
.....................................
ثم ـ أم درمان
هل خلق منها أبناءها أسطورة ؟؟
إن فاتك الإنتماء إليها فقد فاتك الكثير !!!!!!!!!!!!!
من ناحيتى أحس بأن أبناء مدينتى ( أم درمان ومدنى)
يتملكهم شئُ من الزهو بانتماءهم المكانى ـ مجرد إحساس !!!!
أخيراً
أنت رائع اللغة وجميل التواصل
تحياتى للأسرة

أهلا بك أخي الحبيب للقلب والروح والنفس .. رأفت .. وأنت تحاكي زهرة يانعة محملة كئوسها بالرحيق العذب .. تتقاطر حولك الفراشات من كل حدب وصوب .. كل تريد أن تنهل من هذا الرحيق .. أثق بأن المساجلات معك .. أدبا يقطر إبداعا .. أبحر في يمك المتلاطم بحب يكنه لك الكل ولا تبخل بالرد على أضعف خلق الله كلهمو .. العبد لله تعالى .. لك معزتي .. ولكل الأدباء والعلماء الذين ينثرون رشيق مدادهم هنا معزتي الخالصة وحبي المتفرد ..
goood تشاوووو goood

رأفت ميلاد
28-09-2009, 09:26 AM
الحبيب رأفت فتحي مسعد قرر الجلوس علي مقاعد المتفرجين عشان عندو ملف رأفت كامل حتي ما خفي عن الناس ودا طبعا من عدة مصادر من بينهم أمن الدولة:D

هسة فى سبب تانى يخلينى ألغى السفرة أكتر من كده :eek:
أفتكر تحفة حوة ما بالغت لامن طلبت توب لكن بالغت في حكاية الدي اتش ال عشان غالي وانا بقول ترسل ليها توبين وممكن تجيبهم معاك القاهرة وانا حأرسلهم بعد مصادرة واحد للمدام..

ياخوى مشوار التياب أقرب منه القاهرة .. كان بصل حدود النمسا كان لاقيت ود مخير .. نحن ناس شوكلاته .. وسمسمية بالعدم .. ما تلعب صالح ورقك .. والكشتية ناقصة "دو" ما لاقيه فى سلقط ملقط .. :D:D

بجيك بالدرب

رأفت ميلاد
28-09-2009, 09:58 AM
حبيبنا النور
أسعد الله أيامك .. شكراً لطيب كلماتك
بسم الله الرحمن الرحيم
سؤالى
ماذا يتبقى فى نفس رأفت حين الخلاف ؟؟؟

أتفادى الخلاف .. رغم أنى متهم دائماً بأنى أتبناه .. ولكنى أخرج بالكثير عندما أستنفر الرأى الآخر ..
أما عن الخلاف الذى تعنيه .. أكون كما ولدتنى أمى .. أفضل أعدائى من يكون أحمق منى .. أما الذين هم أفضل منى .. يجعلونى أندم على اليوم الولدتنى فيه أمى ..
بسم الله الرحمن الرحيم
ثم ـ أم درمان
هل خلق منها أبناءها أسطورة ؟؟
إن فاتك الإنتماء إليها فقد فاتك الكثير !!!!!!!!!!!!!
من ناحيتى أحس بأن أبناء مدينتى ( أم درمان ومدنى)
يتملكهم شئُ من الزهو بانتماءهم المكانى ـ مجرد إحساس !!!!

الإنتماء لأى مكان يولد الفخر .. وبإنتمائى للمدينتين .. أجد فى إنتماء أمدرمان الهدوء .. الذى ينقلونه معهم أين ما حلوا .. يكتشف الناس أنك من أمدرمان دون إعلانهم .. أهل مدنى يعلنون إنتمائهم فخر أمامهم .. مما يجعلهم أكثر شهرة ..
أسهل أن تعيش فى أمدرمان بلا ضوضاء .. ولكنك وإن طال الزمن تجد نفسك غريب عنهم .. أما أهل مدنى لا يقبلوك .. ومع الزمن تصير منهم ..
مجرد إنطباع .. بدون حيثيات

مودتى

رأفت ميلاد
28-09-2009, 10:13 AM
أهلا بك أخي الحبيب للقلب والروح والنفس .. رأفت .. وأنت تحاكي زهرة يانعة محملة كئوسها بالرحيق العذب .. تتقاطر حولك الفراشات من كل حدب وصوب .. كل تريد أن تنهل من هذا الرحيق .. أثق بأن المساجلات معك .. أدبا يقطر إبداعا .. أبحر في يمك المتلاطم بحب يكنه لك الكل ولا تبخل بالرد على أضعف خلق الله كلهمو .. العبد لله تعالى .. لك معزتي .. ولكل الأدباء والعلماء الذين ينثرون رشيق مدادهم هنا معزتي الخالصة وحبي المتفرد ..
goood تشاوووو goood
سلام يا أبو أمانى
شكراً ياخ على النفاج والريح الحلو .. بس جبت لينا الكلام .. الحجة قرت كلامك ده .. قالت "الزول ده ماخد فيك مقلب" :( حرقتا ( وأنت تحاكي زهرة يانعة محملة كئوسها بالرحيق العذب ) ..
لكن قصة ( تتقاطر حولك الفراشات من كل حدب وصوب ) دى حيرتنى والله .. الجن ثلاتة وقطعن وشهن .. أوع ناس فتحى ومعتصم ديل يكونوا فراشات :D:D

إعلانك ما قوى ياخ .. شوف لينا شوية أيقونات تفرفشنا .. بدل الدايرين يهدونا ديل .. (بتشديد الدال) تقوم تحفة تاخد الكلام لنفسها :D:D

شكراً ليك كتير

أسامة الكاشف
28-09-2009, 10:36 AM
تحايا حارة للجميع
جينا من الإجازة لقينا المنتدى باقي نور
ما قدرت أقوم لمن كملت الخمستاشر صفحة مرة واحدة
ويارأفت مدني دي موضوع مختلف
ما فيها ده من وين ولا جنسو شنو ولا دينو شنو
علاقات (حتى وقت قريب جداً) خالصة من كل شائبة
شارعنا في ود أزرق يبدأ من بيوت "النقادى" وحتى جارنا ناتالي
حتى دخلنا الثانوي حتى عرفنا إنو عبده وعادل مسيحيين
مدني (مشروع الجزيرة) جمعت أطياف متباينة وألفت بينها
بالله أحكي لينا عنها شوية


حاشية:
بالله الخال ده اغترب ليه 14 سنة بس
وبعد ده ضارب الروري
نحن شنط الحديد متكلينها في البلكونة
من 1992 والملايات الفيها بقت رماد
والأولاد دخلوا الجامعة ولسه مكانك سر
خلينا نأمل إن بكرة يكون أحلى
وياو ود سعد حكاك لذيذ
وجنابو النور إن شاء الله يفي بي وعده
ويفتح لينا بوست خاص
لأنو التداعي ده في حد ذاتو توثيق لتجربة جيل
وإرث وأمانة يجب تسليمها للأجيال القادمة

وتعظيم سلام لأبو أماني

طارق الحسن محمد
28-09-2009, 04:42 PM
رافت يا منقة

طبعا مبارى البوست انا من اوله
ويا خوى شايفك وشايف الناس
شابكنك وشابكم مدنى والجزيرة
وسويسرا وامدرمان

دحين يا خوى ات الديم دا
مالك مطنشه
بالله شفتنتك دى ماشفتنة ديامة ؟

والله تشربو شايينا وتكسرو كبابينا
؟ ؟
تخريمة :
قصة التوب وما التوب مع حاتم وتحفة حواء
دا كان ممكن يكون مدخل يا رافت عشان تورينا علاقة
حى المسالمة وبيع الفراد
وفرصة لى عشان اسال برضو
عن النقادة
والاقباط
ليه ديل نقادة فى امدرمان
وديل اقباط فى بحرى والخرطوم
؟ ؟
انا لانى ديامى والديم عاشو فيهو كتير من الاقباط
اعتدت معاشرتهم وصداقتهم والغريبة كان عندى زول منهم
صحبى اسمه رافت برضو
مهندس ميكانيكى وشاطر جدا ابوه الله يرحمه
كان شغال فى ميتشل كوتس وبيتهم بالتحديد فى الزاوية الشمالية الغربية
فى نهاية حى الزهور اى من الشارع الممتد من ميدان الاتحاد شمالا والذى بقسم الزهور الى نصفين متساويين
ولكن كان ايضا مصيره الهجرة

فتحي مسعد حنفي
28-09-2009, 05:40 PM
قصة التوب وما التوب مع حاتم وتحفة حواء
دا كان ممكن يكون مدخل يا رافت عشان تورينا علاقة
حى المسالمة وبيع الفراد
وفرصة لى عشان اسال برضو
عن النقادة
والاقباط
ليه ديل نقادة فى امدرمان
وديل اقباط فى بحرى والخرطوم




بعد اذنك يارأفت أرد علي طارق في الحتة دي عشان أفتكر معلوماتي عن القبطة أكتر من الأقباط القشرة الزيك;)
بالنسبة للفراد فمركز صناعة وبيع الفراد هي شندي وعشان المسالمة كان فيها عدد كبير من الأقباط كانوا النقادة وبالذات الفرع المسيحي منهم بيستعينو بأقاربهم الفي أمدرمان عشان يصرفوا ليهم بضاعتهم.
طبعا انت فاهم أنا بقصد نقادة شندي.وبالمناسبة كلمة نقادي لا تعني قبطي..فنقادة بلدة صغيرة في صعيد مصر فيها الأقباط وفيها المسلمين وكلهم نقادة وبرضو بيشتهروا بالفسيخ ويصنعوهوا من سمك البوري والكاس والكلاب يسمونها ملوحة وهو الفسيخ السوداني لانعدام سمك البوري في السودان..
أفتكر دا بيوضح الفرق بين النقادة المتمركزين في امدرمان والأقباط المتمركزين في بحري في حلة حمد والأملاك والبقية في أجزاء الخرطوم المتفرقة..يعني باختصار قصر لقب نقادي علي الأقباط هو خطأ شايع..

طارق الحسن محمد
29-09-2009, 04:50 AM
قصة التوب وما التوب مع حاتم وتحفة حواء
دا كان ممكن يكون مدخل يا رافت عشان تورينا علاقة
حى المسالمة وبيع الفراد
وفرصة لى عشان اسال برضو
عن النقادة
والاقباط
ليه ديل نقادة فى امدرمان
وديل اقباط فى بحرى والخرطوم




بعد اذنك يارأفت أرد علي طارق في الحتة دي عشان أفتكر معلوماتي عن القبطة أكتر من الأقباط القشرة الزيك;)
بالنسبة للفراد فمركز صناعة وبيع الفراد هي شندي وعشان المسالمة كان فيها عدد كبير من الأقباط كانوا النقادة وبالذات الفرع المسيحي منهم بيستعينو بأقاربهم الفي أمدرمان عشان يصرفوا ليهم بضاعتهم.
طبعا انت فاهم أنا بقصد نقادة شندي.وبالمناسبة كلمة نقادي لا تعني قبطي..فنقادة بلدة صغيرة في صعيد مصر فيها الأقباط وفيها المسلمين وكلهم نقادة وبرضو بيشتهروا بالفسيخ ويصنعوهوا من سمك البوري والكاس والكلاب يسمونها ملوحة وهو الفسيخ السوداني لانعدام سمك البوري في السودان..
أفتكر دا بيوضح الفرق بين النقادة المتمركزين في امدرمان والأقباط المتمركزين في بحري في حلة حمد والأملاك والبقية في أجزاء الخرطوم المتفرقة..يعني باختصار قصر لقب نقادي علي الأقباط هو خطأ شايع..

العزيز فتحى
والله كفيت ووفيت
ومادام جبت سيرة الفسيخ
خلى رافت يورينا علاقته بالفسيخ شنو
؟ ؟
ولا هى علاقة زول بتاع جبادة بس
؟ ؟
مودتى يا جميل

أبو أماني
30-09-2009, 04:30 PM
العزيز فتحى
والله كفيت ووفيت
ومادام جبت سيرة الفسيخ
خلى رافت يورينا علاقته بالفسيخ شنو
؟ ؟
ولا هى علاقة زول بتاع جبادة بس
؟ ؟
مودتى يا جميل

هوا فيييين القدع .. رأفت ميلاد ..؟؟ سايب المعقبين ملطوعين على البوست كمين يوم وهو ولا هواش هنا .. بطل كسل يا عم .. ويلا رد علي توحه ملك السمسمية .. وطروقة ملك الذوق (والشعور)!.. ولو أنو الأخيرة دي مش ظاهرة في الصورة يعني !!.. ولا أقول لك .. طب سيب دول يمكن يعني أرفينك في عيشتك وكده .. على الأقل تكرم وفادة الأستاذ الكبارة الأريب الأستاذ أسامة الكاشف .. ده طلتو عليا بالدنيا .. وعلى النعمة من نعمة ربنا .. أنا طلة الأستاذ أسامة على بوست من بوستاتي .. بالنسبالي ليلة القدر وحلت عليا .. يلا تعظيم سلام للقدعان goood goood goood

رأفت ميلاد
30-09-2009, 04:40 PM
هوا فيييين القدع .. رأفت ميلاد ..؟؟ سايب المعقبين ملطوعين على البوست كمين يوم وهو ولا هواش هنا .. بطل كسل يا عم .. ويلا رد علي توحه ملك السمسمية .. وطروقة ملك الذوق (والشعور)!.. ولو أنو الأخيرة دي مش ظاهرة في الصورة يعني !!.. ولا أقول لك .. طب سيب دول يمكن يعني أرفينك في عيشتك وكده .. على الأقل تكرم وفادة الأستاذ الكبارة الأريب الأستاذ أسامة الكاشف .. ده طلتو عليا بالدنيا .. وعلى النعمة من نعمة ربنا .. أنا طلة الأستاذ أسامة على بوست من بوستاتي .. بالنسبالي ليلة القدر وحلت عليا .. يلا تعظيم سلام للقدعان goood goood goood
أبو أمانى سلام
والله مستمتع لكن شوية زنقة .. بطل مرة مرة .. بجيك بعدين .. تحياتى لضيوفك ومرحب بيهم

رأفت ميلاد
30-09-2009, 06:19 PM
ويارأفت مدني دي موضوع مختلف
ما فيها ده من وين ولا جنسو شنو ولا دينو شنو
علاقات (حتى وقت قريب جداً) خالصة من كل شائبة
شارعنا في ود أزرق يبدأ من بيوت "النقادى" وحتى جارنا ناتالي
حتى دخلنا الثانوي حتى عرفنا إنو عبده وعادل مسيحيين
مدني (مشروع الجزيرة) جمعت أطياف متباينة وألفت بينها
بالله أحكي لينا عنها شوية

مرحب بيك يا أسامة الكاشف وكل سنة وأنت طيب
مدنى تحتاج مجلدات .. عن أقباط مدنى صراحة لم يتوانى لى الإختلاط بهم .. كنا بالإتصال بالمرحوم "منسى" فى فترة سكن قريبة لنا معه أثناء عملها فى مدنى .. توفيت لديه وبعدها والدته ثم هو فى فترة زمنية متقاربة ..
منسى من الممكن أن تكون لا تعرفه .. لأنه من الجيل الذى يسبقنا .. كان فى تقاعده مدير السينما الوطنية ولديه مشاريع زراعية .. قصة وفاته شغلت الرأى العام فى مدنى حيث تم دفنه عدة مرات ..
منسى كان وحيداً يرعى والدته المسنة التى لا يعرف الناس إسمها ومناداتها بإسم أم منسى .. رحل تاركاً خلفه ثروة فظهر له أقرباء لم نسمع بهم من شتى أنحاء البلاد .. وبدأت منازعات الإرث فى محاكم مدنى .. فجأة ظهرت إمرأة تحمل وثائق تثبت أن منسى قد أسلم وتذوجها .. بدون تريث تم نقل جثمانه من مقابر النصارى للمسلمين .. طعن الورثة فى المرأة وكسبوا القضية .. تم إرجاع الجثمان .. وإستأنفت المرأة وكسبت وتكررت المسألة .. تم تأكيد كذبها ونصبها وأعيد الجثمان ..
منسى الذى كان الكثيرون الذين يجهلون مسيحيته الشخص الوحيد الذى عرفته فى مدنى ..
تعرفت على نادر وشقيقته ناهد فى جامعة القاهرة وزرتهم فى منزلهم فى مدنى فى إحدى زياراتى ..

أما عن بركات كان عمى يوسف صالح جورج رحمه الله .. وهو إبن عم أبى فى جده الثالث .. ويتداخل معنا .. باقى عوائل الأقباط وأعتقد هم أربعة .. لم أخالطهم فأبنائهم كانوا يصغروننا كثيراً ..

والعودة الى مدنى لن تكفيها مداخلة .. أفتح لينا باب وأحزر بابكر عباس :D

تحياتى

رأفت ميلاد
30-09-2009, 07:32 PM
رافت يا منقة

طبعا مبارى البوست انا من اوله
ويا خوى شايفك وشايف الناس
شابكنك وشابكم مدنى والجزيرة
وسويسرا وامدرمان

دحين يا خوى ات الديم دا
مالك مطنشه
بالله شفتنتك دى ماشفتنة ديامة ؟

والله تشربو شايينا وتكسرو كبابينا
؟ ؟

يا فردة أنت الدردقتنى هنا وزغت .. لكن أخير أديتنا فرصة .. عشان كان قلبنا الديم كلهم بقعدوا فراجة .. الديم رندوق جوة القلب .. وكما قيل حى ضل طريقه بعيداً من أمدرمان .. كما يتغزل فينا أولاد أمدرمان .. ولكنه يظل متفرداً بناسه ومكانه وطن كامل داخل وطن ..

انا لانى ديامى والديم عاشو فيهو كتير من الاقباط
اعتدت معاشرتهم وصداقتهم والغريبة كان عندى زول منهم
صحبى اسمه رافت برضو
مهندس ميكانيكى وشاطر جدا ابوه الله يرحمه
كان شغال فى ميتشل كوتس وبيتهم بالتحديد فى الزاوية الشمالية الغربية
فى نهاية حى الزهور اى من الشارع الممتد من ميدان الاتحاد شمالا والذى بقسم الزهور الى نصفين متساويين
ولكن كان ايضا مصيره الهجرة
الغريبة يا طارق ما إتعرفت على أقباط كتار فى الديم .. كان عندى صاحبى إسمه جورج .. بنته مع بتى فى المدرسة .. كنت باخدا مع بتى بوديهم بيت الجنوبى عمك "نسيت إسمه" بيتم فاتح على الليق على منطقة ناس طارق أحمد آدم بتاع الهلال .. يذاكروا مع أولاده .. بيتم كبير وكان فيه جيش من الأطفال وعنده بنات معلمات ..
غايتوا كان أكتر زول فى الديم كنت قارش ملحتو كان قبطى .. نسيت إسمه .. كان عنده بص وعنده أصابع غلاد كده .. رغم زوجته كانت فى الحلة لطيفة بس هو ما بنبلع :D
تخريمة :
قصة التوب وما التوب مع حاتم وتحفة حواء
دا كان ممكن يكون مدخل يا رافت عشان تورينا علاقة
حى المسالمة وبيع الفراد
وفرصة لى عشان اسال برضو
عن النقادة
والاقباط
ليه ديل نقادة فى امدرمان
وديل اقباط فى بحرى والخرطوم
؟ ؟
عن الفراد طبعاً فتحى أفحمك .. ماهو زاتو نقادى من شندى .. عشان كده لما نزحوا فتشوا أهلهم فى حلة حمد :D:D
معلومات فتحى قطعاً أفضل منى .. لكن رغم الفراد أرقاه فى شندى .. لم يقتصر أهل المسالمة فقط بالبيع وكانت لهم مصانعهم .. مشتاق لى لفردة باردة ..
كتبت عن تقسيمات الأقباط فى السودان فى مداخلة مع الأخ بابكر عباس قبل عدة أيام


الأقباط بقسموهم تلاتة .. "أقباط حاف كده" وديل هجرات قديمة غالباً فى شمال السودان .. مناطق القولد والمحس عموماً .. أتوا مع فتح مصر فى زمن عمرو بن العاص .. وهربوا أمام جيوش عبدالله بن السرح .. هجرتم لى أمدرمان والى عطبرة وبورتسودان زمن الإنجليز .. حلب زى القاعدة معاى دى ..
الفئة التانية "الأقباط النقادية" وهم هجرات حديثة نوعاً من منطقة "نقادة" فى صعيد مصر .. بلبسوا جلابية قصيرة زى الأنصار وعمة متر .. وبدأو الهجرة أغلبهم هروب من التار .. أتوا فقراء وإستقروا أغلبهم فى شندى .. مهنتهم كانت صناعة الفراد والفسيخ .. عصاميين وصاروا من أثرياء أمدرمان ..
الفئة الأخيرة الهم نحنا "الأقباط أولاد البلد" من جزئين .. الهجرة الأولى من كردفان مع جيش المهدى .. وهؤلاء أهلى .. والجزء الثانى من القضارف .. عندما نزع الخليفة كل ممتلكاتهم لتمويل الحروب .. وبعثوا بهم الى الخرطوم .. نزلوا فى منطقة المقرن عدة أيام .. كان يمكن بيعهم عبيد لولا أجارهم جدنا الأمير يوسف خليل "مخائيل" لدى الخليفة .. ومُنحت لهم منطقة المسالمة ونًصب يوسف خليل أمير عليهم ..
بالمناسبة أتوا من منطقة حول القضارف معروفة بالمسالمانية .. ومن هنا أتى إسم المسالمة وليس كما يعتقد الكثيرون نسبة لإسلامهم ..
هؤلاء إنصهروا معنا بالزواج وكانو لبنة المسالمة .. ومؤخراً إنضم لهم الفئتين الأخريتين ..
العزيز فتحى
والله كفيت ووفيت
ومادام جبت سيرة الفسيخ
خلى رافت يورينا علاقته بالفسيخ شنو
؟ ؟
ولا هى علاقة زول بتاع جبادة بس
؟ ؟
مودتى يا جميل
تعرف يا طارق أكلت الفسيخ على كبر .. وباكله مطبوخ بالصلصة والفول السودانى .. الأقباط بمصمصوا نيى .. أشهى فسيخ أكلته فى بيت شوقى بدرى ظابطاه عشة .. لكن بالونسة مع شوقى لقيته أخطر من فتحى وبياكله نى :)
تعرف مهنة الفسيخ بدت بالنقادية وتعلمها أهل المسالمة منهم أقباط على مسلمين .. كانت للإستهلاك ولكنها دخلت التجارة .. أشهر الفسيخ صناعة الأقباط إنتقل مؤخراً الى بحرى .. أعرف قبطية فى حى الزهور جمبكم تركت البنك وتفرغت للفسيخ وصنعت منه ثروة ..

يوم ذهبت أصطاد يا طارق فى الغبش .. وهى منطقة بعد الشيخ الياقوت لمن لا يعرفها .. صادفت أصحاب مركب يرسون على البعد فى منطقة ليست مرسى .. عندما مالت الشمس للمغيب أتوا إلىّ .. قالوا لى هم لديهم متعهد يأتى ببكس يأخذ منهم سمك الكأس والكوار ولم يأتى اليوم .. لديهم سمك إذا رغبت .. بصراحة تعاطفت معهم وأخذته بالسعر البخس الذى عرضوه .. بدلاً من تلفه .. وهى موده بينى وبين السماكه دائمه ..
ذهبت المنزل وفى مخزن صغير كان يوجد "بلاص" من الفخار خاص والدة زوجتى المرحومة .. كانت تعمل فيه المش وتوزعه على الأحباب .. إتصلت تلفونياً بإبنة عمتى فى المسالمة .. شرحت لى الطريقة .. جلست أعمل فيه ونصية خالتك فاطمة بجانبى حتى منتصف الليل .. كبسته فى ذلك "البلاص" داخل كيس نايلون .. وصنعت له غطاء محكم من الفلين الأبيض بعد ضغط الكيس من الداخل بطوبة محروقة .. وأعدته الى المخزن .. بعدها نسيته تماماً .. بعد مدة ليست قصيرة وجدته زوجتى مصادفة .. رغم أننى فى حينه لم أكن أأكله شهد ناس الديم بأنه ممتاذ ..
يا ريت كان واصلت كان بقيت مليونير :D:D

تحياتى

طارق الحسن محمد
01-10-2009, 06:17 AM
والله شكلى كدة انا الحا انكت العندك فى البوست دا
عشان استمتع والناس تستمتع بحكى عجوز الاقباط
رافت
:D:D
اها يا رافت انا زاتى كنت زول سنارة
وكنت بحب اصطاد فى حتتين
الاولى وهى المفضلة ولا ابحث
عن بديل لها الا اذا وجدت من سبقونى لها
وهى حجر كبير داخل الموية بحوالى مترين وشوية
تحت طلمبة ضخ مياه مجطة المقرن
وهى طبعا على النيل الازرق يمينك وانت متجه الى كبرى امدرمان
ولانها منطقة حجرية كانت مرتع خصب للبلطى
المنطقة التانية اسفل كبرى امدرمان الحديدى من جهة هلتون مش مدينة
الملاهى
وكنا دائما نجد المرحوم الممثل عوض صديق فى هذا المكان
المنطقة التالتة الجريف بين الاصلاحية وبداية الحلة
وطبعا سنارات هناك ما بتنفع وكان بيكون صيد بتاعة ركلسة وونسة
وطشمة لانه كلة رماى بس
اها
النسعلك
كنت بتشترى السنارات والتقالات والعوامات من وين
؟ ؟

بابكر مخير
01-10-2009, 09:09 AM
روفي
قالوا ليك كرسي ساخن.
مشيت بأمورك، دخلتا بي جآي ومرقتا بي هناك وخليتا ونسة وضحك..
السؤال الجد في الكرسي السخن؟؟
عندي :mad::mad:
سين سؤال؟؟
قعدتا في لندن كمين يوم وبرآآآآآآآآآآآآآآآآآآآآآآآآآآآآآآآآآآآكآ...
كلمتا الجماعة بي الحصل وبي صدق ذي الحسي ممشيهو علينا؟؟؟
ما تقول ليا جهاد وكان معاي..
دي عليا أنا ما بتمر، لأني؟؟
عاجنك وخابزك وداسي الكان في جيتك الأولى...



















شيل شيلتك وأنا بررررررررررررررررررررررررآ

رسالة خاصة للسيدة العزيزة الغالية..
عاااااااااارفك الكلام دآ كلو ما بغير فيك شي،،
ما زولي كتاب مفتوح عندك ودمتي

رأفت ميلاد
01-10-2009, 10:02 AM
والله شكلى كدة انا الحا انكت العندك فى البوست دا
عشان استمتع والناس تستمتع بحكى عجوز الاقباط
رافت
:D:D
اها يا رافت انا زاتى كنت زول سنارة
وكنت بحب اصطاد فى حتتين
الاولى وهى المفضلة ولا ابحث
عن بديل لها الا اذا وجدت من سبقونى لها
وهى حجر كبير داخل الموية بحوالى مترين وشوية
تحت طلمبة ضخ مياه مجطة المقرن
وهى طبعا على النيل الازرق يمينك وانت متجه الى كبرى امدرمان
ولانها منطقة حجرية كانت مرتع خصب للبلطى
المنطقة التانية اسفل كبرى امدرمان الحديدى من جهة هلتون مش مدينة
الملاهى
وكنا دائما نجد المرحوم الممثل عوض صديق فى هذا المكان
المنطقة التالتة الجريف بين الاصلاحية وبداية الحلة
وطبعا سنارات هناك ما بتنفع وكان بيكون صيد بتاعة ركلسة وونسة
وطشمة لانه كلة رماى بس
اها
النسعلك
كنت بتشترى السنارات والتقالات والعوامات من وين
؟ ؟

والله وطلعت فردة جد جد ..
قبال ما نخش فى الصيد أديك وصفة "عضة" وسيبك من العدس .. وشغل عزابة ويا حليل العزوبية ..
سمك الهامور بعد تشليخه مسحه بخلطة "عرديب وتوم وملح وفلفل وشمار وفلفل حلو" .. عليه حبة زيت زيتون .. دخله الفرن عشرة دقايق وأقلبو عشرة دقايق أخرى ..

دى وصفة عرفتها فى قيفة فى إيطاليا .. شفت التتطور ده كيف :)

غايتو حجر المقرن ده بنكون إتلاقينا .. تحت كبرى أمدرمان مرة واحدة أجرنا مركب أنا وسليمان وكانت وحسة .. ساعدونا سماكة وإشترينا منهم "بنى" كان أشهى سمك إستطعمتوا .. خلاف ذلك كنا بنروح الطابية فى أمدرمان زمن الفيضان .. وتصادقنا على شلة مورداب فلته ..
بدأت العلاقة بمناكفات .. تمددت لزيارات .. واحد كارثة حكى أصدقائه يوم البوليس قبضه فى خور أبو عنجة شايل كيس .. أمره بالذهاب معه للنقطه .. ذهب معه بدون نقاش .. فى الطريق كان العسكرى يتقدمه ليعطيه فرصة للهرب ولكنه يسرع معه الخطى .. ذهب العسكرى بعيداً عنه مدعى أنه يريد التبول .. وقف فى إنتظاره .. ما كان من العسكرى إلا الجرى .. فجرى خلفه وهو ينادى بأعلى صوته "يا جنابو الكيس" .. رماه له وهو يلعن اليوم الذى قابله فيه :D

أماكن الصيد الدائمة كانت على النيل الأزرق وغالباً المنشية والجريف .. أما فى العطلات وأيام الجمعة نذهب السبلوقة على النيل أو الغبش على النيل الأبيض .. لهذه الرحلات نأتى بالصارقيل من توتى لحجمه الكبير وطول حياته .. لا نحفره ولكن نشتريه من عيال منخصصين فى "بقج" قماش ..

فى الشتاء الصيد شحيح ونكتفى بالذهاب الى المنشية .. وتكون الونسة هى المتعة .. واصحاب الهواية "زقالين" فى حكاوى مغامراتهم .. كان معنا عمك صياد قديم من برى وقصصه مشوقة .. فى يوم وهو يحكى أتى "نقار" قرقور على سنارته .. لفت نظره .. قال لى "شايفه ومستمتع .. لى أسبوعين مستنيه" :D
تعرفنا على البحر على شلة صينيين .. علمناهم الصيد بالصارقيل والرماى .. وأصبحوا يبيتوا رماياتهم فى البحر .. سألت أحدهم وهو أظرفهم وأفصحهم .. عن قدومهم للسودان إختيارى هو أو إجبارى .. قال إجبارياً يجب أن يعملوا أربعة سنوات خارج الصين .. يُعرض عليهم أفلام فيديو عن المناطق المتاحة ويقوموا بالإختيار .. قال عن السودان عُرض عليهم فلم كله غزلان وأسود وطيور وحيوانات برية .. وعندما أتينا لم نجد سوى غنماية :D:D
من قصصه الطريفة قال عند وصولهم إنقطع التيار الكهربائى .. نزل يبحث عن الخفير .. وجد أسفل السلم غرفة يخرج منها دخان .. فتح الباب فوجد زوجة الخفير جالسة فى الحفرة .. خرج مهرولاً ونادى زملائه وأغرقوا المرأة بالماء :D:D

السنارات يا بهجة كنا نبحث عنها من مصادر شتى ونوصى المسافرين وسليمان رحمه الله كان لديه حصيلة جيدة أتى بها من أمريكا .. أفضل المصادر وأجودها لدى أولاد الشجرة ..
أما التقالات كانت صناعة محلية نصنغها بأنفسنا .. نسيّح مراكم بطالريات العربات الرصاصية ونصبها فى قراطيس ورق حسب الحجم المطلوب .. تُوضع قراطيس الورق داخل طين مبتل حديثاً لاأن الرصاص المنصهر بدون الطين يخترق الورق قبل أن يتجمد .. داخل قرطاس الورق يوضع سلك فى شكل حلقة .. أتقنا العملية هذه أجود من المصنّع ..

فشيتنى ياخ الليله

رأفت ميلاد
01-10-2009, 11:54 AM
روفي
قالوا ليك كرسي ساخن.
مشيت بأمورك، دخلتا بي جآي ومرقتا بي هناك وخليتا ونسة وضحك..
السؤال الجد في الكرسي السخن؟؟
عندي :mad::mad:
سين سؤال؟؟
قعدتا في لندن كمين يوم وبرآآآآآآآآآآآآآآآآآآآآآآآآآآآآآآآآآآآكآ...
كلمتا الجماعة بي الحصل وبي صدق ذي الحسي ممشيهو علينا؟؟؟
ما تقول ليا جهاد وكان معاي..
دي عليا أنا ما بتمر، لأني؟؟
عاجنك وخابزك وداسي الكان في جيتك الأولى...



















شيل شيلتك وأنا بررررررررررررررررررررررررآ

رسالة خاصة للسيدة العزيزة الغالية..
عاااااااااارفك الكلام دآ كلو ما بغير فيك شي،،
ما زولي كتاب مفتوح عندك ودمتي
بكور مشتاقين وليك وحشة
هسة بى تلميحاتك دى بتلعب فى صالح ورقك ساكت .. مبارى قهاوى الحبش فى أبو ظبى :D:D
أنا لندن دى شفت فيها شنو سوى أنفاقكم السلالما تانى دور ديك .. غايتو يادوبك شفت الحبشية السمحة الشالت نمرة تلفونك ديك goood
خلاف كده شنو .. ياها كباية القهوة فى شنو ستريت داك .. مودينى شارع نسوانه مدمدمات كأننا فى كابول ما لندن ..

وبعدين ما تشيل هم التصليح بالبنفسجى .. الناس ديل أكتر ناس عارفين البير وغطاها :D:D

يا أبو أمانى أنا فى زمتك وأطلب الحماية

منال
02-10-2009, 08:40 AM
يا منال يا رايقة .. ده حالتو مرهقة .. يعنى كان ماخدة ليك نومة عصرية كان كيف ..
ضحكتنى مغنى ومغمض دى .. لامن تجينى حاجة طايرة .. ويطيرا من الراس .. سؤال شنو الحايم .. هو فضل راس :(

السؤال .. زى ما قال عثمان حسين "لى متين لى متين"
الحواب .. "براى سويتا فى نفسى زى" ما قال وردى :D:D

ازيك رافت

السؤال و الجواب فى السلك و الله عبرت عن السيتويش تماما :D:D:D:D:D:D:D:D

و عن حالى برضوloooollooool

قلت اهديك اعنية كبيتو كلو فى بوست الضمير يا لاابيض ضميرك

رأفت منذ مرحلة كتابة اسمو ع السبورة و ما قبلها كمان
جكس كم مرة

و كان الحب مرة و احدة طبعا متين؟

مرات بشوف انك ليك اهتمامات بالمسرح و الدراما بجانب كنوز الفن

رأفت ميلاد
02-10-2009, 10:47 AM
ازيك رافت

السؤال و الجواب فى السلك و الله عبرت عن السيتويش تماما :D:D:D:D:D:D:D:D

و عن حالى برضوloooollooool

قلت اهديك اعنية كبيتو كلو فى بوست الضمير يا لاابيض ضميرك

رأفت منذ مرحلة كتابة اسمو ع السبورة و ما قبلها كمان
جكس كم مرة

و كان الحب مرة و احدة طبعا متين؟

مرات بشوف انك ليك اهتمامات بالمسرح و الدراما بجانب كنوز الفن
أها يا منال كده أجيك أقعد وأدلدل كرعينى .. تعبونى أولاد آدم الناشفين ديل ..
جكس كم مرة دى فى زمنا كانت مافى .. الحب كان الشغل الشاغل .. يعنى حياة داخل حياة .. أهدافه كانت هى ممارسته كالهواء .. ده ما أنا دى كانت دنيا شكلها كده .. وكله من بعيد لبعيد .. واللقاءات مسروقة وصغيرة لا تتعدى مصافحة .. واحدة فى الحلة وتانية فى الحلة القدامية وتلاتة أربعة فى طريق المدرسة .. وفى كل مدرسة واحده .. وكل حفلة واحدة .. وفى كل رحلة واحدة ..
فى إتنين كسرن ضلعة .. الأولى ما جايبة خبر لحدى هسة .. والتانية كتبت فيها قصيدة ووصلتا .. شجعتنى ولقت دورى ميت .. أول مقابلة طار الكلام وحمرت العيون وبقيت صم بكم .. فتحت لى طوالى .. :o

عن المسرح والغناء جزء من الحياة المصادفة فى المشوار .. بدون إطلاع أو متابعة بحثية ..
إنغمست فى مرحلة ما فى صداقات بواسطة صديق مشترك "صديق شايقى" فى الحصاحيصا .. بشلته هناك .. مشروع الصحفى "فى حينه" هاشم كرار .. وعبدالمنعم "السنيح" الساخط .. هو من بوادر أوائل الشمالين فى الحركة الشعبية .. والفنان المتلمس طريقه "فى حينها" مصطفى سيد أحمد .. وطالبة معهد الموسيقى والمسرح "فى حينها" سمية حسن .. إنخرطت مع هؤلاء فى جلسات أدبية .. سياسية .. فنية .. دسمة مليئة بالفتوة والشباب والأفكار الحديثة المتفجرة "أيضاً فى حينها" ..

علاقتى مع المسرح أيضاً مصادفة .. سكنت عدة سنوات فى حى الملازمين فى النقلة بين مدنى والخرطوم .. قبل الإنخراط مع شباب الملازمين وحى الشهداء والإشلاق .. كنت فى غربة .. دوماً فى زيارة مدنى أو إنتظار زوار من مدنى .. المسرح القومى كان أقرب أماكن الترفيه من المنزل .. وكان المسرح فى أوجه .. أصبح برنامج دائم .. خطوبة سهير .. فى إنتظار عمر .. الدهاباية .. نبتة حبيبتى .. تاجوج .... وهلمة ..

أذكر يوم كان معى صديقى محمد عبد الرحمن طه من مدنى .. مررنا على نادى التراب .. فأحسنوا الترحيب به .. خرجنا الى المسرح ومزاجه عالى .. كانت المسرحية على نمط مستحدث ومبتكر .. إسمها "نحن نفعل هذا .. أتعرفون لماذا ؟" .. كان عرض نقدى صارخ .. مثلاً بدون مقدمات يواجه الممثل المشاهدين .. مستنكر أى لحظة تجاوب بالتصفيق .. بإستنكار ويصفهم مثلاً بالفراغ .. وفجأ يهب ممثل مندس داخل الجمهور .. يواجهه بفظاظة .. ويصرخ آخر "رجعوا لينا قروشنا" .. وتعم فوضى مقصودة .. ثم عودة للمسرح ..
كان أمامنا ثلاثة فتيات .. فى كل هذا يتشاغلن "بالونسة" .. وأكل التسالى .. كنت مندمج مع الأحداث بكل جوارحى .. حانت منى إلتفاته فوجدت محمد يضع رأسه بين يديه مطرقاً .. سألته ماذا به .. رد: (أنا "واضعاً أصبعه وهو يحسب على ظهور البنات" والتلاتة ديل ما فاهمين أى حاجة) :D:D:D

الآن عندما أخاطب خطاب وسلمى سلامة والسنى دفع الله وتماضر شيخ الدين فى المنتديات .. تعود لى هذه الأيام خضراء

منال
02-10-2009, 11:16 AM
أها يا منال كده أجيك أقعد وأدلدل كرعينى .. تعبونى أولاد آدم الناشفين ديل ..
جكس كم مرة دى فى زمنا كانت مافى .. الحب كان الشغل الشاغل .. يعنى حياة داخل حياة .. أهدافه كانت هى ممارسته كالهواء .. ده ما أنا دى كانت دنيا شكلها كده .. وكله من بعيد لبعيد .. واللقاءات مسروقة وصغيرة لا تتعدى مصافحة .. واحدة فى الحلة وتانية فى الحلة القدامية وتلاتة أربعة فى طريق المدرسة .. وفى كل مدرسة واحده .. وكل حفلة واحدة .. وفى كل رحلة واحدة ..
فى إتنين كسرن ضلعة .. الأولى ما جايبة خبر لحدى هسة .. والتانية كتبت فيها قصيدة ووصلتا .. شجعتنى ولقت دورى ميت .. أول مقابلة طار الكلام وحمرت العيون وبقيت صم بكم .. فتحت لى طوالى .. :o

عن المسرح والغناء جزء من الحياة المصادفة فى المشوار .. بدون إطلاع أو متابعة بحثية ..
إنغمست فى مرحلة ما فى صداقات بواسطة صديق مشترك "صديق شايقى" فى الحصاحيصا .. بشلته هناك .. مشروع الصحفى "فى حينه" هاشم كرار .. وعبدالمنعم "السنيح" الساخط .. هو من بوادر أوائل الشمالين فى الحركة الشعبية .. والفنان المتلمس طريقه "فى حينها" مصطفى سيد أحمد .. وطالبة معهد الموسيقى والمسرح "فى حينها" سمية حسن .. إنخرطت مع هؤلاء فى جلسات أدبية .. سياسية .. فنية .. دسمة مليئة بالفتوة والشباب والأفكار الحديثة المتفجرة "أيضاً فى حينها" ..

علاقتى مع المسرح أيضاً مصادفة .. سكنت عدة سنوات فى حى الملازمين فى النقلة بين مدنى والخرطوم .. قبل الإنخراط مع شباب الملازمين وحى الشهداء والإشلاق .. كنت فى غربة .. دوماً فى زيارة مدنى أو إنتظار زوار من مدنى .. المسرح القومى كان أقرب أماكن الترفيه من المنزل .. وكان المسرح فى أوجه .. أصبح برنامج دائم .. خطوبة سهير .. فى إنتظار عمر .. الدهاباية .. نبتة حبيبتى .. تاجوج .... وهلمة ..

أذكر يوم كان معى صديقى محمد عبد الرحمن طه من مدنى .. مررنا على نادى التراب .. فأحسنوا الترحيب به .. خرجنا الى المسرح ومزاجه عالى .. كانت المسرحية على نمط مستحدث ومبتكر .. إسمها "نحن نفعل هذا .. أتعرفون لماذا ؟" .. كان عرض نقدى صارخ .. مثلاً بدون مقدمات يواجه الممثل المشاهدين .. مستنكر أى لحظة تجاوب بالتصفيق .. بإستنكار ويصفهم مثلاً بالفراغ .. وفجأ يهب ممثل مندس داخل الجمهور .. يواجهه بفظاظة .. ويصرخ آخر "رجعوا لينا قروشنا" .. وتعم فوضى مقصودة .. ثم عودة للمسرح ..
كان أمامنا ثلاثة فتيات .. فى كل هذا يتشاغلن "بالونسة" .. وأكل التسالى .. كنت مندمج مع الأحداث بكل جوارحى .. حانت منى إلتفاته فوجدت محمد يضع رأسه بين يديه مطرقاً .. سألته ماذا به .. رد: (أنا "واضعاً أصبعه وهو يحسب على ظهور البنات" والتلاتة ديل ما فاهمين أى حاجة) :D:D:D

الآن عندما أخاطب خطاب وسلمى سلامة والسنى دفع الله وتماضر شيخ الدين فى المنتديات .. تعود لى هذه الأيام خضراء

رافت يا جميل
الجكس دقه قديمه لكن كلو حنان و كلك كلك حلو او قول مفردة جديدى لكن الحب انتو عيشتو بحق و حقيقه وخفقان ولهفة و شوق

نحن ناس مسيج و مس كول و الشات
وبرضو نقة ونسه


لكن يا رأفت انت ما زول الزمن الجميل ذااااااااتو ... ياخى اتفكفك من الجماعة ديل و حكينا من غير اسئلة و رتوش
و عن المسارح نحكى gooodgoood

تعرف هسه لمن نكون محبطين و مليانين قرف و زهج نشوف الجماعة طلاب \ت فنون ولا ناس الموسيقى و الدراما و نمش جماعة السودان
قعاد نجيله و ضحك
و نفرق الكبسه و نزيح الهم و يملونا فرح و جمال
و يفتحوا جواك سيل بتاع تساؤلات مغرضة
و مداخل مستفزة
و لوحة سيراليه
و اطار صورة مفقود
و اللوحة راحت
و تقعد تنبش و نمعط النجيلة
و الشباب الجكي
بمعط النجيله فى الخلط
لكن شلتنا نمط لمت تكبر الهموم
و تحوم الرسائل و تجوطتك و تقعد براك و الهم عصف ريحا كسح زهرة صباك
و ليلا فتح شرفة وجع

و انتو قمرنا الفارق سماك

ياخى انت مليان ابداع
اتجدع هنا و حكينا


خلى الهم يزول شويه كده

أسامة الكاشف
03-10-2009, 08:39 AM
العزيز أبو أماني
الشرف لينا نحن
مستمتعين ومتابعين رغم ان رأفت ما بل شوقنا لي مدني
لكن سماح مقدرين الزنقة

أبو أماني
05-10-2009, 04:06 PM
العزيز أبو أماني
الشرف لينا نحن
مستمتعين ومتابعين رغم ان رأفت ما بل شوقنا لي مدني
لكن سماح مقدرين الزنقة

إسامة الكاشف .. يا أخي والله بريدك زي عيوني (رغم كونهم دوقاق!) .. أها يا الحبيب رأفت مالك كطعت علينا حبل النشوة في الإستماع لحديثك العذب المموسق .. في هووم ويرك دخل في النص ولا شنو؟ باقي خابرك زي أخوك جاي .. ولا أخوك غااادي .. خلو هو خابر روحو براو تلقاك راقد ريح .. بس أم العيال ضنيتها ما تقول يا رأفت .. وقبل تكمل الراء وتصل الفاء تكون واقف ديدبان .. وتقررررب تسو تعظيم سلام ..ما ده جيلنا .. كمان داير تنكر؟ بنعز نسواننا ونحترمهن ونشيل كلامك فوق روسينا .. أها يا أخوي طلب رخيييص من زول غالي .. عاد في أغلى من أسامة الكاشف .. بل شوقنا في مدني وذكريات مدني وصدقني ممكن بعدها تحصل على إفراج غير مشروط .. ولا نقرر التأبيدة.. يلا يا السمح .. ورينا السمح .. تشاوووو goood

رأفت ميلاد
05-10-2009, 09:57 PM
إسامة الكاشف .. يا أخي والله بريدك زي عيوني (رغم كونهم دوقاق!) .. أها يا الحبيب رأفت مالك كطعت علينا حبل النشوة في الإستماع لحديثك العذب المموسق .. في هووم ويرك دخل في النص ولا شنو؟ باقي خابرك زي أخوك جاي .. ولا أخوك غااادي .. خلو هو خابر روحو براو تلقاك راقد ريح .. بس أم العيال ضنيتها ما تقول يا رأفت .. وقبل تكمل الراء وتصل الفاء تكون واقف ديدبان .. وتقررررب تسو تعظيم سلام ..ما ده جيلنا .. كمان داير تنكر؟ بنعز نسواننا ونحترمهن ونشيل كلامك فوق روسينا .. أها يا أخوي طلب رخيييص من زول غالي .. عاد في أغلى من أسامة الكاشف .. بل شوقنا في مدني وذكريات مدني وصدقني ممكن بعدها تحصل على إفراج غير مشروط .. ولا نقرر التأبيدة.. يلا يا السمح .. ورينا السمح .. تشاوووو goood
أبو أمانى سلام
براك قلتها نحن تحت الحكم المؤبد طائعين مختارين .. أها بكرة تأبيدتى .. أقصد عيد زواجى الميمون بلغ ال 28 سنة .. وصاغرين للطلبات .. فى زمتك ما بستحق نوط الشجاعة للخدمة الطويلة وآخد إفراج لحسن السير والسلوك :mad:

وبعدين أسامة الكاشف ده كان باريته يانى الكيكت وبيضت فى بوستك ده .. والبعدى يحجز 2010 .. دى مدنى ياخ .. مرتع الصبا .. ونشوة الشباب ..

يا أسامة أفتح لينا باب عديل وبجيب ناس من مدنى يحيروا ليك ناس أسيوط ..

مودتى

فتحي مسعد حنفي
05-10-2009, 11:32 PM
أبو أمانى سلام
براك قلتها نحن تحت الحكم المؤبد طائعين مختارين .. أها بكرة تأبيدتى .. أقصد عيد زواجى الميمون بلغ ال 28 سنة .. وصاغرين للطلبات .. فى زمتك ما بستحق نوط الشجاعة للخدمة الطويلة وآخد إفراج لحسن السير والسلوك :mad:

وبعدين أسامة الكاشف ده كان باريته يانى الكيكت وبيضت فى بوستك ده .. والبعدى يحجز 2010 .. دى مدنى ياخ .. مرتع الصبا .. ونشوة الشباب ..

يا أسامة أفتح لينا باب عديل وبجيب ناس من مدنى يحيروا ليك ناس أسيوط ..

مودتى



تعرف يا رأفت التأبيدة 25 سنة وكدا انت فتها بي 3 سنين قضيتها تايه بين القارات وبهدلت معاك الست الطيبة المبارياك دي وبصراحة دي فرصة عشان أكون أول المهنئين للمدام بالعيد الثامن والعشرين وبتمني ليها من القلب ربنا يصبرها علي قسمة ألله..قال سويسرا قال.:D
تصدق أنا قفلت ال 29 سنة ويوم 8\4\1980 كان يوم زواجي يعني برضو فايتك بي سنة..
غايتو يارأفت ويا مدام ليكم مني أجمل التهاني وانشالله تعيشو وتحتفلو بي زواج عيالكم وتربوا ليهم عيالهم.. وتبقوا جدو وتيتة...

عثمان
06-10-2009, 02:41 PM
الجميل رأفت ، والله يا رأفت ما تتخيل المتعة البلقاها لما أقرأ ليك
وبحس بالجد كدة السودان بيتمثل فيك بكل ما فيهو من جميل عشان
كدة في إحساس لازم أقوله في حقك ودي حاجة انا حاسس بيها من بديت
أقرأ ليك إنت (إنسان ووطن) ، بالجد ما عارف أمسكك من وين في البوست دا
لأنو حاسس ما ح أشبع منك لكن في عبارة قولتها إنت وقفتها عندها
كان همى الأدب .. القصة والشعر والشغف بالتاريخ .. وأجمل لحظات حياتى .. سنارة جوة البحر حتى بدون "نقار" .. أسررت البحر بما يملأ مجلدات ..
كنت بتقول للبحر شنو والبحر كان بيرد ليك بشنو كدي وشوش لي وأنا عارفك شقي ومجنون:)
التحية/ عثمان الطيب

رأفت ميلاد
06-10-2009, 03:17 PM
تعرف يا رأفت التأبيدة 25 سنة وكدا انت فتها بي 3 سنين قضيتها تايه بين القارات وبهدلت معاك الست الطيبة المبارياك دي وبصراحة دي فرصة عشان أكون أول المهنئين للمدام بالعيد الثامن والعشرين وبتمني ليها من القلب ربنا يصبرها علي قسمة ألله..قال سويسرا قال.:D
تصدق أنا قفلت ال 29 سنة ويوم 8\4\1980 كان يوم زواجي يعني برضو فايتك بي سنة..
غايتو يارأفت ويا مدام ليكم مني أجمل التهاني وانشالله تعيشو وتحتفلو بي زواج عيالكم وتربوا ليهم عيالهم.. وتبقوا جدو وتيتة...
تعرف يا فتحى بين الأقباط والسادات ود مفقود .. الزواج كان فى المكتبة القبطية .. عند إعلان الحداد جو ناس النادى قطعوا النور .. وأنا هايص فى عرسى لا جايب ليك خبر لىسادات ولا نميرى .. طيرت ليك شكلة .. جابو البوليس .. أفتأ ليهم أى ترخيص قبل الحداد قائم .. لكن لاوزوا برضه وأنت عارف أهلك القبطة :D:D
تمينا حفلتنا ضلمة وفضلنا الأهل وأولاد الحلة .. أها أخوك إستشهد مع السادات فى ليلة واحدة :D:D

تسلم يا فتحى

أبو أماني
06-10-2009, 03:28 PM
كتب الحبيب رأفت :-
بكور مشتاقين وليك وحشة
هسة بى تلميحاتك دى بتلعب فى صالح ورقك ساكت .. مبارى قهاوى الحبش فى أبو ظبى
أنا لندن دى شفت فيها شنو سوى أنفاقكم السلالما تانى دور ديك .. غايتو يادوبك شفت الحبشية السمحة الشالت نمرة تلفونك ديك
خلاف كده شنو .. ياها كباية القهوة فى شنو ستريت داك .. مودينى شارع نسوانه مدمدمات كأننا فى كابول ما لندن ..

وبعدين ما تشيل هم التصليح بالبنفسجى .. الناس ديل أكتر ناس عارفين البير وغطاها

يا أبو أمانى أنا فى زمتك وأطلب الحماية
__________________رأفت ميلاد

ثم رد قائلا :-
أبو أمانى سلام
براك قلتها نحن تحت الحكم المؤبد طائعين مختارين .. أها بكرة تأبيدتى .. أقصد عيد زواجى الميمون بلغ ال 28 سنة .. وصاغرين للطلبات .. فى زمتك ما بستحق نوط الشجاعة للخدمة الطويلة وآخد إفراج لحسن السير والسلوك :mad:

وبعدين أسامة الكاشف ده كان باريته يانى الكيكت وبيضت فى بوستك ده .. والبعدى يحجز 2010 .. دى مدنى ياخ .. مرتع الصبا .. ونشوة الشباب ..

يا أسامة أفتح لينا باب عديل وبجيب ناس من مدنى يحيروا ليك ناس أسيوط ..

مودتى

والله حقيقي يا الحبيب الغالي كنت على وشك الإستجابة لمناشدتك الحاااارة الفوق دي .. وكت ناوي أعتقك وأحميك من غزوات من يحملونك داخل الرموش والحدقات حبا خالي من أية أغراض .. لاكين مداخلتك التي تلتها ومناكفة العزيزة منال ليك خلتني أراجع موقفي ومابدس عليك .. الشمار حرقني .. حرقة الصفراب من ناس مازيمبي .. دحين أأأأخوي بعد أبارك لك العيد الزاهر الثامن والعشرين من عمر أسرتك المجيدة .. أقول ليك بكل حزم وإصرار واصل عزفك المنفرد على هذا البيانو الذهبي المسمى يراعك الفذ.. سلمت يمينك يا سوداني يا أصيل وأأأأأأدي .. تكية والقهوة في الصينية والشيشة جمبها وهداك توحة حبيبي ماشي على وطابق عادل عسوم بيده التقول طالبو قروش .. هو أكيد ما طالبو قروش .. بس أكيد البيدفع الحساب دائما .. عدولة ..هديل جايين علىّ .. طبعا توحة زولك وبتعرفو كيويييس .. أكيد السمسية معاه في المخبى السري .. ده الأعده .. ها تحلوو يا قدعان .. (سامحني حبكت معاي ..عارفك قارش ملحتهم)! ما تقوم آلوووية الحبيبة بت فتحي الحبيب.. تجينا ناطة .. أعملوا ساتر ... تشاوووو goood goood goood goood goood ملحوووز:-
إرتفع عدد الوجوه الضاحكة أو الراقصة رقصة حارس مازيمبي إلى خمسة تضامنا مع الوصيف الدائم في محنته .. الفي بالي محروووووق مني شديد .. بس نقول .. هاردلك .. الله يجازي الهجين!! .. وتااااني خمسة عشان ما تنسوا .. أصلكم نسايين :
goood goood goood goood goood

رأفت ميلاد
06-10-2009, 04:05 PM
الجميل رأفت ، والله يا رأفت ما تتخيل المتعة البلقاها لما أقرأ ليك
وبحس بالجد كدة السودان بيتمثل فيك بكل ما فيهو من جميل عشان
كدة في إحساس لازم أقوله في حقك ودي حاجة انا حاسس بيها من بديت
أقرأ ليك إنت (إنسان ووطن) ، بالجد ما عارف أمسكك من وين في البوست دا
لأنو حاسس ما ح أشبع منك لكن في عبارة قولتها إنت وقفتها عندها

كنت بتقول للبحر شنو والبحر كان بيرد ليك بشنو كدي وشوش لي وأنا عارفك شقي ومجنون:)
التحية/ عثمان الطيب

أبو عفان وطلعت ولدنا
عشق البحر بدأ فى بوتسودان .. ونحن أطفال داخلين بورتسودان بالقطار .. البحر يظهر كأنه معلق فى الهواء والأرض من تحته .. تكتمل الصورة إذا كان به سفينة عملاقة كأنها معلقة بين السماء والأرض .. يصيبنى من على البعد بالذهول ..
كان فى حينها خالى زكريا رحمه الله سكرتير نادى الإتحاد .. نظموا رحلة للنادى الى عروس .. وصاحب اللورى خالى منير رحمه الله .. بدون تنظيم أخذونى معهم .. عند وصولنا جهز لى خالى خيط وهرولت به الى البحر .. كان هناك سمكة قرش بحجم الزراع كأنها تنتظرنى .. تشبثت بالخيط وأنا أصرخ لخالى رافضاً مساعدة الجميع .. أتى يجرى تعيقه رجله التى أُصيبت فى حادث سيارة فى صباه .. ساعدنى فى سحب السمكة الشرسة من البحر ..

كانت رابط من العمق إختلط بخيال المجهول .. أرتميت فيه .. وإحتميت به .. وإحتكمت له .. حتى توحدنا تماماً ..

ما قاله لى أكثر من ما قلته له .. ناجيته .. صرخت فى وجهه .. أشعرت له .. وكان خير من يحفظ السر ..

مودتى

رأفت ميلاد
07-10-2009, 09:28 AM
والله حقيقي يا الحبيب الغالي كنت على وشك الإستجابة لمناشدتك الحاااارة الفوق دي .. وكت ناوي أعتقك وأحميك من غزوات من يحملونك داخل الرموش والحدقات حبا خالي من أية أغراض .. لاكين مداخلتك التي تلتها ومناكفة العزيزة منال ليك خلتني أراجع موقفي ومابدس عليك .. الشمار حرقني .. حرقة الصفراب من ناس مازيمبي .. دحين أأأأخوي بعد أبارك لك العيد الزاهر الثامن والعشرين من عمر أسرتك المجيدة .. أقول ليك بكل حزم وإصرار واصل عزفك المنفرد على هذا البيانو الذهبي المسمى يراعك الفذ.. سلمت يمينك يا سوداني يا أصيل وأأأأأأدي .. تكية والقهوة في الصينية والشيشة جمبها وهداك توحة حبيبي ماشي على وطابق عادل عسوم بيده التقول طالبو قروش .. هو أكيد ما طالبو قروش .. بس أكيد البيدفع الحساب دائما .. عدولة ..هديل جايين علىّ .. طبعا توحة زولك وبتعرفو كيويييس .. أكيد السمسية معاه في المخبى السري .. ده الأعده .. ها تحلوو يا قدعان .. (سامحني حبكت معاي ..عارفك قارش ملحتهم)! ما تقوم آلوووية الحبيبة بت فتحي الحبيب.. تجينا ناطة .. أعملوا ساتر ... تشاوووو
ملحوووز:-
إرتفع عدد الوجوه الضاحكة أو الراقصة رقصة حارس مازيمبي إلى خمسة تضامنا مع الوصيف الدائم في محنته .. الفي بالي محروووووق مني شديد .. بس نقول .. هاردلك .. الله يجازي الهجين!! .. وتااااني خمسة عشان ما تنسوا .. أصلكم نسايين :
goood goood goood goood goood
تعرف يا أمانى البت منال تخجك خج وتطلع الجواك .. بس تقهمك فى النهاية بجنس الكلام ده:

خلى الهم يزول شويه كده
عليك الله الناس ديل الهم الجابه ليهم شنو :confused: .. ياخ جيل مولود بهمومه .. لما أقارن زمنا وسهولته .. لا كان فى غنى ولا فوارق إجتماعية ..
هسة حشرت لى عادل عسوم خليتنى أكوس .. هو رجع من العمرة (بفتح العين) :D:D

تعرف يوم فى أستاد المريخ والمريخ مغلوب .. طلعت ماشى البيت فى المسالمة .. لقيت نفسى فى وسط حمد النيل .. الناس ديل هسة فى غربة لا يعلم بيها إلا الله .. غايتوا خمسة ما بستحقوقها .. حقوا كانت تكون عشرة gooodgooodgooodgooodgoood

أبو أماني
07-10-2009, 04:17 PM
تعرف يا أمانى البت منال تخجك خج وتطلع الجواك .. بس تقهمك فى النهاية بجنس الكلام ده:

عليك الله الناس ديل الهم الجابه ليهم شنو :confused: .. ياخ جيل مولود بهمومه .. لما أقارن زمنا وسهولته .. لا كان فى غنى ولا فوارق إجتماعية ..
هسة حشرت لى عادل عسوم خليتنى أكوس .. هو رجع من العمرة (بفتح العين) :D:D

تعرف يوم فى أستاد المريخ والمريخ مغلوب .. طلعت ماشى البيت فى المسالمة .. لقيت نفسى فى وسط حمد النيل .. الناس ديل هسة فى غربة لا يعلم بيها إلا الله .. غايتوا خمسة ما بستحقوقها .. حقوا كانت تكون عشرة gooodgooodgooodgooodgoood

يا أخي والله حقيقي ما عارف اقول ليك شنو .. إن لك سحرا ..يجذب الناس إليك جذبا يضاهي قوة قطبي الميغناطيس .. يعني أنا لو عمدتك عرابا لي من قولة تيت .. عند استقبالك لي كأول مداخلة بسودانيات .. كنت على حق .. وبدليل صادق هو القلب .. الذي يمثل البصيرة .. فما كنت أعرف أحدا سوى هاشم الذي تظاهرت بعدم معرفته بداية .. حتى أرد إليه بعض ما يدين به من مقالب .. تعرف يا رأفت .. إن لك خاصية لا تتوفر لدى الكثير من الناس .. وهي إنك من أصل قبطي .. يحمل في داخله الإسلام والمسيحية ..والقبلات الأربعة من المليون ميل مربع وذاك من خلال شخصيتك المتفتحة الشمولية .. تعرف يا الحبيب .. أول مرة أرى نفسي عاجزا عن تحديد إستمرارية ضيافة الضيف بسودانيات .. فأترك لك العنان أن تعلن أنت ذلك متى ما شعرت بأننا صرنا مملين .. بس رجائي أن تحدد لينا شخصية خليفتك عندما تعزم على المغادرة والتي أتمني أن لا تكون قريبا .. وممكن يختار من أي من الجنسين .. ولك خالص محبتي وتقديري .. تصور حتى كلمة (تشاووو) الدرجت أقولها دايما ليك ما قدرت أقولها !! ما قلت ليك إنت تحفة .. لا..ما ناديتك إنتي .. بالله تحفة حواء على الهبشة طوالي قالت هوي وجات جارية وقات لي نعم يا أبو أماني عاوز حاجة؟.. غايتو ناس كبكابة بشكل .. بس ما يشوفوا ليهم زول جذاب زييي ..هدية من رأفت ميلاد للجماعة إياهم .. gooodgooodgooodgooodgoood

رأفت ميلاد
07-10-2009, 06:03 PM
يا أخي والله حقيقي ما عارف اقول ليك شنو .. إن لك سحرا ..يجذب الناس إليك جذبا يضاهي قوة قطبي الميغناطيس .. يعني أنا لو عمدتك عرابا لي من قولة تيت .. عند استقبالك لي كأول مداخلة بسودانيات .. كنت على حق .. وبدليل صادق هو القلب .. الذي يمثل البصيرة .. فما كنت أعرف أحدا سوى هاشم الذي تظاهرت بعدم معرفته بداية .. حتى أرد إليه بعض ما يدين به من مقالب .. تعرف يا رأفت .. إن لك خاصية لا تتوفر لدى الكثير من الناس .. وهي إنك من أصل قبطي .. يحمل في داخله الإسلام والمسيحية ..والقبلات الأربعة من المليون ميل مربع وذاك من خلال شخصيتك المتفتحة الشمولية .. تعرف يا الحبيب .. أول مرة أرى نفسي عاجزا عن تحديد إستمرارية ضيافة الضيف بسودانيات .. فأترك لك العنان أن تعلن أنت ذلك متى ما شعرت بأننا صرنا مملين .. بس رجائي أن تحدد لينا شخصية خليفتك عندما تعزم على المغادرة والتي أتمني أن لا تكون قريبا .. وممكن يختار من أي من الجنسين .. ولك خالص محبتي وتقديري .. تصور حتى كلمة (تشاووو) الدرجت أقولها دايما ليك ما قدرت أقولها !! ما قلت ليك إنت تحفة .. لا..ما ناديتك إنتي .. بالله تحفة حواء على الهبشة طوالي قالت هوي وجات جارية وقات لي نعم يا أبو أماني عاوز حاجة؟.. غايتو ناس كبكابة بشكل .. بس ما يشوفوا ليهم زول جذاب زييي ..هدية من رأفت ميلاد للجماعة إياهم .. gooodgooodgooodgooodgoood

شكراً ليك كتير يا أبو أمانى على هذه المساحة ..إستمتعت كثيراً بوجودى هنا .. وتآنست بحسن ضيافتك وطيب كلماتك ..

ياريت نتشرف بالسيدة أمال الشيخ
.. بصراحة تعيش فى عقلى بمغالطات متباينة .. بين الأريحية والقفشة وسرعة البديهة .. وبين الصرامة والجدية التى تصل حد الغلظة أحياناً .. بدون تطويل أتمنى التعرف على أمال عن قرب أكثر ..


ودى

أبو أماني
07-10-2009, 06:27 PM
شكراً ليك كتير يا أبو أمانى على هذه المساحة ..إستمتعت كثيراً بوجودى هنا .. وتآنست بحسن ضيافتك وطيب كلماتك ..

ياريت نتشرف بالسيدة أمال الشيخ
.. بصراحة تعيش فى عقلى بمغالطات متباينة .. بين الأريحية والقفشة وسرعة البديهة .. وبين الصرامة والجدية التى تصل حد الغلظة أحياناً .. بدون تطويل أتمنى التعرف على أمال عن قرب أكثر ..


ودى

صدقا .. ختامك موجع .. بس المخدر القدمته لمعالجة الوجع .. كان خيارك لهذه الشخصية التي لها وجود في وجدان كل فرد في سودانيات .. يشرفني أن تحل على المائدة أول ضيفة من العواتك .. وبالذات هذه الروعة التي تمشي على قدمين .. فعندما تقول أمال الشيخ فأنت في عالم يضج بالبهجة والحبور ..ويشع بالإنبهار .. أمال الشيخ .. أهلا بكي ضيفا عزيزا على (مائدة) سودانيات العامرة .. بالخير والحب والتواصل .. بس ما تنزلي بتقلك كلو .. وما تنسي الدايت .. لكي صادق تقديري لشخصك الكريم .. ومن قبله كل الحب للعزيز رأفت ..

سؤالي الأول للعزيزة أمال ..
من هو الشخص الذي تكني له معزة خاصة في قلبك من سودانيات .. توجد ثلاثة خيارات للإجابة ...
(1) أبو أماني ..
(2) أبو أماني ..
(3) أبو أماني .. ... أأأأأأي فاكيها في روحي .. إتو الدخلكم شنو .. كدي أسمعوا جواب أمال ..

لنا عودة ..لست أدري لماذا هذه المفردة تذكرني ب.. لنا جعفر..تكونش بت عمها بنفس الإسم؟ لها التحية والود الخالص.. تشاوووووو
goood goood goood goood goood

أبو أماني
10-10-2009, 01:58 PM
هذا ومازال جميع رواد ومنتسبي سودانيات يطالعون على البعد بنهم شديد إطلالة شمس الشموس وشهدها البديع .. السيدة الأستاذة / أمال الشيخ .. فهل يطول إنتظار المحبين يا تري ؟؟ وإلآم؟

أبو أماني
10-10-2009, 03:23 PM
تلاحظ أن الكثير من المنتسبين لسودانيات في حالة عزوف عن المنتدي وغياب إمتد شهورا .. الحاصل شنو يا جماعة الحبيب عكود يناشد .. الحبيب بكور يكورك .. وأماني يتسول عديييل كده ويطالب الناس يتحركوا .. وين .. روبس .. هاشم طه .. عكود .. الخال الحبوب فاتح لينا فتح المعز لمهاجمي مازيمبي .. السفير العزيز جمال والحبيب جمال الهدندوي وحرمه المصون نعمات .. إشراقة .. نور .. وناس كتاااااااااااررررر .. الله يرجعهم لينا سالمين .. كمان اليومين ديل العزيزة أمال الشيخ عاملة ضبان ضكر .. أقول لآمال ..
سامحيني في الإعتقاد وهو أقرب للظن .. وإن بعض الظن إثم سامحنا الله لو أخطاءنا .. فأنا لا أعرف أمال الشيخ إلا عبر الأثير ولكن أعتقد برغم ما حباك الله به من أدب وعلم وثقافة ومنبت كريم .. وحيث إن الكمال لله وحده فإن لديك كسائر الآخرين نقائص .. أعتقد منها .. يعني :-
(1) حبة غرور وعزة نفس زائدة حبتين ..
(2) حادة الطبع نوعا ما .. سريعة الغضب ..وسريعة مراجعة النفس ..
(3) حليمة ولكنك شرسة عند الغضب ..
(4) توجد سحابة حزن دفين .. تطوف حول عينيك ..!
(5) لديك أمنية تتمنى تحقيقها وترين إنها صعبة المنال ..
أمال والله العظيم ثلاث .. كونها (خمسة) أسئلة جاءت بالصدفة ..goood وكوني ختمتها بإسم خطيبتي (منال) برضو بالصدفة !! والله العظيم ما قصدي مكاواه ولا حاجة .. يلا باااي (( خمسة من ده goood في واحد بكم ؟؟؟