أعود إليكم أحبتي رغما عن أنف إدارة سودانيات ...

[محمد ابراهيم قرض]

دون أن أرتكب أيتها مخالفة ، و رغما عن (التأدب) الشديد
الذي يعرفه كل ناس سودانيات عني (خاصة الجنس اللطيف)،
بحيث أن الغنماية يمكنها أن تأكل ما شاء لها من الهامبرجر
ثم تقش يدينها الناعمتين على طرفي جلابيتي البيضاء و مكوية،
تفاجئني إدارة المنتدى بشطب عضويتي من المنتدى مرة واحدة كدة
دون سابق إنذار مثل القدر الذي يطب عليك فجأة من السماء !!!...

حدث ذلك سادتي في بداية شهر سبتمبر من العام الماضي ..
و لعل بعضكم قد لاحظ إنقطاعي من هذا المنتدى رغما عن
حبي له و إدمانه عليه الشديدين ....

و حيث أن الأخت حنينة تنحدر جذورها من أعمال حوش بانقا ،
و بالتالي لا تمت إلىَ بأيتها صلة ، فلقد حزمت من أمري و توجهت
للتظلم بين يدي الأخ خالد الحاج بإعتبار أنه بلدياتي ينحدر من منطقة
(البركل فوق) ، بينما أنحدر أنا من منطقة (البركل تحت) و هي
عاصمة للبركل فوق بحكم موقعها التحتاني ...

و ليتني ما فعلت .... فلقد أفادني خالد الحاج دون لباقة أو دبلوماسية
تذكر ، و عديل في وشي كده ، أنه هو شخصيا من وقع على قرار
شطبي من منتدى سودانيات و ذلك نسبة (لأسباب موضوعية) على
حد قوله ... ثم لفحت السماعة زوجته المصون و جعلت تؤكد لي
أن شطبي هو قرار نهائي لا رجعة عنه و لو خبطت راسي في
الحيطة ثم دقيته في السماء .... !!!!!!!!!!!!!!

و نواصل حلقات المؤامرة ....

[bayan]

قرض دا ايام طاشي في البورد القديم داك؟
وانا بصفتي من قلب الشايقية مش الطريف التحت ولا الفوق

بس ملصقين ساكت فوقنا( جملة اعتراضية)
اعلن اني عينت نفسي قاضي الجرف للنظر في مظلمتك هذه.
وشكرا
وقع تحت توقيعي
في
في سبيقة ساقة نصر مورا

[محمد ابراهيم قرض]

قرض دا ايام طاشي في البورد القديم داك؟
وانا بصفتي من قلب الشايقية مش الطريف التحت ولا الفوق

بس ملصقين ساكت فوقنا( جملة اعتراضية)
اعلن اني عينت نفسي قاضي الجرف للنظر في مظلمتك هذه.
وشكرا
وقع تحت توقيعي
في
في سبيقة ساقة نصر مورا


بيان العزيزة ..
ما هي دي المحرية فيك ...
و فعلا أنا في الموضوع ده ما بقبل مسك الحبل من النص ..
خلي الصفوف تتمايز ... و خليني أعرف من هم حقيقة
أصدقائي .... شكرا بيان ..

[محمد ابراهيم قرض]

في حقيقة الأمر ، و بصراحة كدة ، لم أتأثر كثيرا بكلام المدعو
خالد الحاج .. فكما ذكرت لكم سابقا أحبتي الكرام ، أن خالد الحاج
يأتي من منطقة (البركل فوق) ، و جميع المهتمون بالتاريخ يعرفون
أن هذه المنطقة هي تلكم المنطقة في شمال السودان التي كانت تأوي
جدود اليهودي (نتنياهو) ، فماذا يتوقع المسكين قرض من قوم جاوروا
و تصاهروا مع بني صهيون ؟؟؟!!!

لكن ما أغاظني حقيقة و هرد من مصاريني ، و طفش من عيوني النوم ،
هو (تطاول) حرم المدعو خالد الحاج بالتأكيد علىَ مرارا و تكرارا أنني
مرفود و مفصول من المنتدى و بصفة نهائية لا رجعة عنها ....

و أنا أحبتي الكرام ، و رغما عن إحنرامي الشديد و تقديري الكبير
للجندر ، إلا أنني لا أقبل مطلقا أن (تتلاسن) عليَ حرمة ما ، مهما
بلغ شأنها و جل قدرها في قلب زوجها !!!..

و تتواصل حلقات فضح المؤامرة ...

[واحة]

العزيز قرض ....

مرحبتين .... بالرغم من ان الموضوع ادهشنى وازعجنى لكنى عرفت الفيها ...

ودا كلام انا ما بقدر عليه فبتحصن من لسانك بندى ..... حتجك .....

بس (بالرغم من احترامك للجندر ..... ما تسمح ...لحرمة وتتبعها (بما)...)

لا فعلاً ألاحترام واضح والتقدير ظاهر ...

وحرم خالنا العزيز ما بتمشى معاها (تتلسن دى ) ... :mad:

وأستعد للجنس اللطيف حين يشهر مخالب القط ...


سلمت ...

واحة

[محمد ابراهيم قرض]

العزيز قرض ....

مرحبتين .... بالرغم من ان الموضوع ادهشنى وازعجنى لكنى عرفت الفيها ...

ودا كلام انا ما بقدر عليه فبتحصن من لسانك بندى ..... حتجك .....

بس (بالرغم من احترامك للجندر ..... ما تسمح ...لحرمة وتتبعها (بما)...)

لا فعلاً ألاحترام واضح والتقدير ظاهر ...

وحرم خالنا العزيز ما بتمشى معاها (تتلسن دى ) ... :mad:

وأستعد للجنس اللطيف حين يشهر مخالب القط ...



واحة إزيك و ليك وحشة و لندى أيضا ..
إنتي عارفة يا واحة إنه نحنا أكلنا الملح و الملاح مع بعض ..
و في الحقيقة كده أنا عايزك تقيفي معاي زي بيان ...
و ده كله عشان الملح و الملاح يا واحة ..

[عصمت العالم]

يا صيدله..
العزيز محمد ابراهيم قرض....

ما انت فرضت مقاطعه اصعب من مقاطعة اسرائيل معنا.وتوقفت كل الحروف و الازمنه..واعلنت حالات الجفاء..وكتحتنا بهبوب الرياح...والاتربه..ونحن ما عارفين سبب التجاهل..والتطاول.وقطع العلاقات..؟؟
مليون تساؤل بيفرض وجوب الايضاح...!!
معليش يا اب الاقراض..ما بتدى حريف..وزمان قالوا بجى الخريف واللوارى بتقيف..والحشاش يملأ شبكتو...
ونحن سننتظر فى ليالى الصيف...!! وانت عارف..ومافى داعى للتفاسير....

ومعليش يا قرض..معليش..وياخساره ..عشمنا فيك..
كنت ظريف ..ومتلاعب..وفنان..وفجاه انقلبت الى مشاكس معاكس مناكف وهلما جرا...


مع عميق الود رغم سوء الاحوال

[محمد ابراهيم قرض]

عصمت العالم:

انت فرضت مقاطعه اصعب من مقاطعة اسرائيل معنا.وتوقفت كل الحروف و الازمنه..واعلنت حالات الجفاء..وكتحتنا بهبوب الرياح...والاتربه..ونحن ما عارفين سبب التجاهل..والتطاول.وقطع العلاقات..؟؟
مليون تساؤل بيفرض وجوب الايضاح...!!
معليش يا اب الاقراض..ما بتدى حريف..وزمان قالوا بجى الخريف واللوارى بتقيف..والحشاش يملأ شبكتو...
ونحن سننتظر فى ليالى الصيف...!! وانت عارف..ومافى داعى للتفاسير....

ومعليش يا قرض..معليش..وياخساره ..عشمنا فيك..
كنت ظريف ..ومتلاعب..وفنان..وفجاه انقلبت الى مشاكس معاكس مناكف وهلما جرا...

رغما عن إنه ليك وحشة شديدة ... لكنك يبدو كالعهد بك
تقف في صف من طردوني و فصلوني أشد طردة و أشد
فصلة ... قايلك بتنحاز مع العدل و تقيف ضد الظلم ..
لكن يا خسارة عشمي فيك أنا يا عالم ...

[dayami]

سلامات اخوي قرض الحاصل شنو مالك وانت ود مدينة كريمة واخونا ود الحاج برضو من كريمه ناوين تفضحونا وسط العالم تقول علينا شنو ولاد كريمه ديل نازلين ضرب تحت الحزام في بعض وبما اني ايضا ابن مدينة كريمة ومتربي فيها ودرست فيها اطالبكم بتهدئة الوضع وعدم التصعيد وكل الامور تنحل بهدوء بقنديله وصحن من الدبكر فيه قراصه حارة. ارجوكم ارجوكم

[معتصم الطاهر]

و توجهت
للتظلم بين يدي الأخ خالد الحاج بإعتبار أنه بلدياتي ينحدر من منطقة
(البركل فوق) ، بينما أنحدر أنا من منطقة (البركل تحت) و هي
عاصمة للبركل فوق بحكم موقعها التحتاني ...

و رغما عن إحنرامي الشديد و تقديري الكبير
للجندر ، إلا أنني لا أقبل مطلقا أن (تتلاسن) عليَ حرمة ما ، مهما
بلغ شأنها و جل قدرها في قلب زوجها !!!..

خليت شنو لهناى داك ؟

[amine]

يا قرض يا ظريف و الله مشتاقين ..
أنا غايتو ما عارف حاجة ..
بس عليك الله كلامك ده صاح ؟؟؟
لأنه مش ممكن أنه خالد الحاج و حرمه أماني
يتصرفوا كده و خاصة معاك أنت ...
لأنه أنت كنت الوحيد زي (( ملح الأندروس ))
بتزيل التخمة و بتريح الأعصاب و بتنشط كل أعضاء الجسم ..
عشان تؤدي وظائفها بكل همة و نشاط ...
كدي قول بسم الله و خت الرحمن في قلبك ..
يا ربي أنا وين ؟؟؟
تحياتي يا حلوين ...
أمين

[mamkouna]

قرض...
أنا داخلة أقول ليك...ود الحاج و حكومتو ديل ماااااااااااااااا بتقدر عليهم...

أنا زمااااااااان شكيت لطوب الأرض...إنو مُنى عيني و أمنية حياتي أشوف بوستاتي معلٌقة في (( المُعلاق )) زيي و زي ناس عالم عباس و إشراق ضرار و ريناس.....لكن لا حياة لمن تنادي... :mad:


لكن ربك رب الخير...
بوستاتي براااااااااااااااااااااها بتتعلق في الصفحة الأولى بالأسابيع...بفضل الله و ....
لساني الطويل و شديدي و لضيضي...!!!! :cool:
و إنت ما شاء الله...ما بوصوك على البكا !!! ;)



على فكرة:-

مشتاقييييييييييييييييييييييييييييييييييين عديل كده.... :o

[mohamed hemaid]

ثبت مما لا يدع مجال للشك أن ما وقع على السيد قرض
من ظلم وطرد اكبر بكثير في فجاعته من موت امير الكويت
فقد استعمل الجاني ود الحاج اساليب جديدة وحديثة لم
يسمع عنها بشر من قبل..وعلى سبيل المثال وليس حصرا
كانت العين الحمراء والتي اصابت قرض عن قرب ومن قاعدة
ود الحاج العسكرية التي قام الاخير بافتتاحها الشهر المنصرم
بابي ظبي ومنها يسهل محاصرة قرض ووضع الحبل حول رقبته
عين اصابت في مقتل..وقد اوردت بعض وكالات الانباء عن عزم
ود الحاج بناء قاعدة اخري بالمملكة السعودية وسيتم نقل العتاد
لها مباشرة من هولاند بواسطة عميل في المانيا لم تعرف هويته بعد
وبهذه المحاصرة لن يجد المدعو قرض بصيص للفرار فالبحر امامه
وهو لا يجيد السباحة بالرغم أن مدينته البركل تحت تشكو للخليفة
مضايقة الفيضانات لها..علي عكس البركل فوق التي عرف عن قاطنيها
الباس والشدة لعراكهم المتواصل مع الزحف الصحراوي والحجارة
المتساقطة من جبل البركل..
وقد ذكر المجنى علينه ان ود الحاج استعمل السلاح الابيض ايضا
في طرد قرض وذلك بتحريش الاخت اماني او العكس..وخطفها
للتلفون يدل على ان ود الحاج لم يكن حاسما في امر قرض وان
الدبلوماسية لا تاتي بالمطلوب..والمعروف للجميع ان سودانيات
الارض الطيبة تسيرها الاخت حنينة والاخت اماني وقد وضع ود الحاج
في الصورة فقط لكي لا يطفش الرجال منها..حتى الادارة لا تقوم
بعمل شي دون الرجوع الي سيداتهم وامهات اولادهم ( اسالوني انا
المجرب مع ام احمد :D )..والعاذب منهم يستشير جارتهم..
فلنتضامن ونتبرع لي قرض ببعض الدولارات وذلك لرد الخسارة التي
المت به بعد ان ثبت ومن غير شك ان اسعار القلابات مرتفع جدا
مقارنة بالشاحنات الاخرى..

حميد..

[عز المزار]

مع خالص احترامى للجميع تحيه واحترام
قبل الحكم ومن الصاح ومن الغلط
نطلب من الزميل خالد الحاج الرد
على هذا البوست حتى تتضح لنا
نحن الرؤيه ونعرف فى اى المجتمعات نحن ؟؟؟؟؟؟؟؟
عهدى بسودانيات وانا لست بقديم فى هذا المجتمع
انه مجتمع هادى وهادف وانا ارتاح كثيرا هنا مقارنه
بكثير من المواقع السودانيه الاخرى فلسودانيات
سلؤك خاص وتادب واحترام
خارج النص
ما هذه اللغه الجهويه والقبليه ؟؟؟؟؟؟؟

[خالد الحاج]

دون أن أرتكب أيتها مخالفة ، و رغما عن (التأدب) الشديد
الذي يعرفه كل ناس سودانيات عني (خاصة الجنس اللطيف)،
بحيث أن الغنماية يمكنها أن تأكل ما شاء لها من الهامبرجر
ثم تقش يدينها الناعمتين على طرفي جلابيتي البيضاء و مكوية، ....

:eek: :eek: :eek:

الشكية لله..

حكاية تأدب شديد دي يا قرض وخاصة مع الجنس اللطيف أنا غايتو ببلعها
إن شاء "الجنس اللطيف" يبلعها ليك :D

الحكاية ومافيها أخونا قرض قدم لطلب الجنسية في السفارة التركية في السلطنة
ورفض طلبه بحجة أن لون العيون ليس كافي؟؟؟

وأخونا قرض لمن لا يعرفه ليس من البركل إلا بعطف أهلها عليه وقبولهم به تبركآ
نسبة للون عيونه وفاءدتهم -العيون- للسياحة بإعتبار أن قرض "خواجة وكده" !!!

وقد ولد قرض عام 1936 لأب تركي من "مخلفات" التركية اللاحقة :cool: وأم من العرب الرحل
وحينما فتح قرض "عيونه" للدنيا إتخلعت المسكينة والدته وتركته بالقرب من خلوة الحاج أبشر
(يلحقني وينجدني) فقد كان رحمة الله عليه رجل فاضل وصبور فقام بإقناع علي السكران بتربية قرض
وكانت حياة أخونا قرض شاقة في صغره لأن علي السكران كان يفرض عليه جمع البلح "الجاو" * وذلك لعمل العرقي!!
وبعد أن أكمل قرض الخامسة من العمر طرده علي السكران لأنه إكتشف نقص "المؤونة" وبعد مراقبة لصيقة إكتشفوا أن قرض يزور "المعمل ليلآ و "يجغم" من المنتج وكانت حجته بتجريب المنتج غير مقنعة لعلي السكران

أدمن قرض تعاطي المنتج فكان لا يستقر في بيت من البيوت التي فتحت له عطفآ وإحسانآ وهي كثيرة؟؟؟
حتي تكفلت به الكنيسة في مروي ثم المعبد اليهودي.. فتعلم قرض وتخصص في الصيدلة مستفيدآ من دروس علي السكران في الكمياء ;)

يعاني قرض من عقدة "اوديب" وهو عدو للمرأة ويستخدم مصطلحات تركية مثل حريم ؟؟؟؟!!!

عاش فترة في الغربة منعمآ لإعتقاد العمانين أنه صالح نتيجة للون عيونه ودموعه الذهبية التي تركت خطوط علي خدوده وإتضح لهم لاحقآ أن ذلك من جراء أكل قرض "للقرض" جوعآ وليس تقشفآ..

ونواصل كان الله هون :mad:

الجاو* : الحشف
وسوء كيلة ودي من عندي

[محمد ابراهيم قرض]

ديامي :

سلامات اخوي قرض الحاصل شنو مالك وانت ود مدينة كريمة واخونا ود الحاج برضو من كريمه ناوين تفضحونا وسط العالم تقول علينا شنو ولاد كريمه ديل نازلين ضرب تحت الحزام في بعض وبما اني ايضا ابن مدينة كريمة ومتربي فيها ودرست فيها اطالبكم بتهدئة الوضع وعدم التصعيد وكل الامور تنحل بهدوء بقنديله وصحن من الدبكر فيه قراصه حارة. ارجوكم ارجوكم

صاحبي ديامي ..
مشكور عاى وقفتك معاي ..
صدقني ما كنت قاصد شيل الحال لكريمة أو البركلين
أو لأي منطقة في الشمالية ... بل كل مناطق السودان عزيزة
علي بما فيهم منطقة دارفور و منطقة أبيي ...
لكن خالد-و خاصة حرمه-بالغوا عديل كده معاي ..
و أنا عارفك ما بترضى لأخوك الحقارة ..
عشان كده (طعم قراصة في قدحا من الدبكر) ما أظن
يحل الموضوع ... لأنه الموضوع ده يا أخوي ديامي
تعدى حدود الأكل بكافة أنواعه حتى و لو كان
بيتزا أو هامبريقر ... الدخلت في أخوك ما سهلة ..
و لكم تحياتي ...

[محمد ابراهيم قرض]

معتصم الطاهر ..

خليت شنو لهناى داك ؟

ود الطاهر ..
رغما عني مشتاق ليك شديد أنت و عكود ..
لكن ما كنت متوقع إنك تقيف معاي ..
أصلكم دايما مع الظالم ضد المظلوم ..
و لنا عودة يا معتصم ...

[محمد ابراهيم قرض]

أمين ...

يا قرض يا ظريف و الله مشتاقين ..
أنا غايتو ما عارف حاجة ..
بس عليك الله كلامك ده صاح ؟؟؟
لأنه مش ممكن أنه خالد الحاج و حرمه أماني
يتصرفوا كده و خاصة معاك أنت ...
لأنه أنت كنت الوحيد زي (( ملح الأندروس ))
بتزيل التخمة و بتريح الأعصاب و بتنشط كل أعضاء الجسم ..
عشان تؤدي وظائفها بكل همة و نشاط ...
كدي قول بسم الله و خت الرحمن في قلبك ..
يا ربي أنا وين ؟؟؟

أمين الرجل الطيب ... و الله ليك وحشة شديدة ...
يا أمين ياخوي كل شئ في زمنا ده جايز ..
الواحد ما يعرف صديقه من عدوه ...
حتى الأخو بقى ياكل أخوهو ، قاتل الله الإنقاذ ..
و أنا زيك كده كنت ما كنت متصور-و لو للحظة واحدة-
أن يحصل ما حصل ...
يا زول الجماعة ديل لا بينفع معاهم أسبرو لا أندروس ..
و لكم حبي و شوقي الشديد ...

[محمد ابراهيم قرض]

ممكونة ...
قرض...
أنا داخلة أقول ليك...ود الحاج و حكومتو ديل ماااااااااااااااا بتقدر عليهم...

أنا زمااااااااان شكيت لطوب الأرض...إنو مُنى عيني و أمنية حياتي أشوف بوستاتي معلٌقة في (( المُعلاق )) زيي و زي ناس عالم عباس و إشراق ضرار و ريناس.....لكن لا حياة لمن تنادي...


لكن ربك رب الخير...
بوستاتي براااااااااااااااااااااها بتتعلق في الصفحة الأولى بالأسابيع...بفضل الله و ....
لساني الطويل و شديدي و لضيضي...!!!!
و إنت ما شاء الله...ما بوصوك على البكا !!!

ممكونة ...
و الله الوحشة شدييييدة و الشوق مطر و زوابع رعدية و تسونامي كمان ..
ود الحاج و حكومته خليهم علي بعد ما طفح الكيل ... بس واصلي وقفتك معاي ...
و زي ما ذكرتي هم ناس بتاعين ناسات ... البيرضوا عنوا يرفعوهوا السما ،
و ناس قرض يرفدوهم أشد رفدة ..

بالمناسبة:
أنا جاي السودان في شهر مارس القادم ...
جهزي التلفونات و العناوين .. المرة دي عندي
بيزينيس تقيل و كالعادة إنتي ما بتقصري
في تنوير أخوك قرض ... تسلمي و تتباركي ...

[محمد ابراهيم قرض]

حميد .
ثبت مما لا يدع مجال للشك أن ما وقع على السيد قرض
من ظلم وطرد اكبر بكثير في فجاعته من موت امير الكويت
فقد استعمل الجاني ود الحاج اساليب جديدة وحديثة لم
يسمع عنها بشر من قبل..وعلى سبيل المثال وليس حصرا
كانت العين الحمراء والتي اصابت قرض عن قرب ومن قاعدة
ود الحاج العسكرية التي قام الاخير بافتتاحها الشهر المنصرم
بابي ظبي ومنها يسهل محاصرة قرض ووضع الحبل حول رقبته
عين اصابت في مقتل..

الله ينصر دينك يا حميد ..
كأنك كنت عايش معاي المأساة كلها بتفاصيلها المريرة ...
كلامك عن (قاعدة أبو ظبي) هو كلام في محله خالص خالص ..
و لامن أتم تفاصيل المؤامرة ح تعرف براااااك ..

وقد اوردت بعض وكالات الانباء عن عزم
ود الحاج بناء قاعدة اخري بالمملكة السعودية وسيتم نقل العتاد
لها مباشرة من هولاند بواسطة عميل في المانيا لم تعرف هويته بعد
وبهذه المحاصرة لن يجد المدعو قرض بصيص للفرار فالبحر امامه
وهو لا يجيد السباحة بالرغم أن مدينته البركل تحت تشكو للخليفة
مضايقة الفيضانات لها..علي عكس البركل فوق التي عرف عن قاطنيها
الباس والشدة لعراكهم المتواصل مع الزحف الصحراوي والحجارة
المتساقطة من جبل البركل..

الله يطمنك يا حميد .. يعني قاعدة أبوظبي براها عملت فيني ما عملت ..
كمان قاعدة تانية في السعودية و عملاء في هولندا و ألمانيا ؟؟؟!!

وقد ذكر المجنى علينه ان ود الحاج استعمل السلاح الابيض ايضا
في طرد قرض وذلك بتحريش الاخت اماني او العكس..وخطفها
للتلفون يدل على ان ود الحاج لم يكن حاسما في امر قرض وان
الدبلوماسية لا تاتي بالمطلوب..

ده ماهو زاتوا المزعلني و هارد مصاريني ...
كلام ود الحاج ما مشكلة لكن المدعوة أماني بالغت معاي
عديل يا حميد ..

والمعروف للجميع ان سودانيات
الارض الطيبة تسيرها الاخت حنينة والاخت اماني وقد وضع ود الحاج
في الصورة فقط لكي لا يطفش الرجال منها..حتى الادارة لا تقوم
بعمل شي دون الرجوع الي سيداتهم وامهات اولادهم ( اسالوني انا
المجرب مع ام احمد )..والعاذب منهم يستشير جارتهم..

بس ... وضعت يدك على الجرح يا حميد ...
و أنا مصاريني الشفيفة إتهردت بالساهل
يا حميد ؟؟؟؟؟

فلنتضامن ونتبرع لي قرض ببعض الدولارات وذلك لرد الخسارة التي
المت به بعد ان ثبت ومن غير شك ان اسعار القلابات مرتفع جدا
مقارنة بالشاحنات الاخرى..

حميد ..
في دي إنت البالغت ..
أسع الجاب سيرة القلابات منو ؟؟؟؟

[محمد ابراهيم قرض]

عز المزار ...
خالص احترامى للجميع تحيه واحترام
قبل الحكم ومن الصاح ومن الغلط
نطلب من الزميل خالد الحاج الرد
على هذا البوست حتى تتضح لنا
نحن الرؤيه ونعرف فى اى المجتمعات نحن ؟؟؟؟؟؟؟؟
عهدى بسودانيات وانا لست بقديم فى هذا المجتمع
انه مجتمع هادى وهادف وانا ارتاح كثيرا هنا مقارنه
بكثير من المواقع السودانيه الاخرى فلسودانيات
سلؤك خاص وتادب واحترام

عز المزار ..
أشكرك كثيرا على مداخلتك الهادفة ..
و لعلمك أنا من أشد الناس حرصا على
سودانيات و احترام الناس في سودانيات
خاصة و أنا (كنت) عضو قديم ، و قديم جدا ..
لكن : هل توافق على ما حدث لي؟؟؟
أ و كنت تودني أن أصمت حيال كل
ما حصل لي يا عز ؟؟؟

[فيصل سعد]

اخونا و حبيبنا و زميلنا قرض :

بعد السلام و التحية و "مجازاة الله لمحنك المتعددة"
الذ حاجة في بوستك "المجلي و المنفلت بنيويا و تكتكيا" دا انو في ناس قايلنو "جد".
و يا خوي انت لو كشوك و رفدوك بالجد "تستاهل اكتر من كدة" و اخيرا خليك مركز
في مظلمتك و ما تلبس الطواقي كلها و بخصوص التعويض انت رقشة كفاية عليك قلابات شنو البتهاهي بيها؟
.... و لك الود اكمله.....

[amine]

محمد أبراهيم قرض .. كتب ....
، قاتل الله الإنقاذ ..
ياخوي مالك عايز تجيب لينا الهوا ؟؟؟
هسه الأنقاذ الحشرا هنا شنو ؟؟
ياخي هسه تجينا فطومة و أنت تنفد بريشك ...
أنت عايز تورطنا ولا شنو ؟؟؟
يلا أهو خالد الحاج رد ليك ...رد عليه أنت كمان ...
مالنا و مال القراية أم دق ... أنت يا الجيلي سامعني ؟؟
يا ربي أنا وين ؟؟؟
تحياتي يا حلوين ....
أمين

[نبيل عبد الرحيم]

المحترمين قرض وخالد
أتمنى أن تهدأ وتصفوا الأمور بينكم ولا يندرج مستوى الحوار بينكم أكثر من ذلك حتى لا يتسع الشقاق بينكم وتضيع الحقيقه ممكن أن تختلفوا فى وجهات النظر وهذا مشروع لكن دون تجريح .
ومنذ عهدى بسودانيات أعجبنى لغة الحوار بين الزملاء حتى إذا أختلفت وجهات النظر .
سمعت عن الأخ خالد دماثت الأخلاق والثقافه , وإذا كان الأخ قرض مظلوم أرجو أن ترفع الظلم عنه أو تشرح لنا أسباب إيقافه.
الأخ قرض عرضت قضيتك أو مظلمتك بطريقه يسستشف منها التجريح لزوجة خالد والجندر لكن نعتبره كلام فى لحظة غضب وإيضا رد خالد نعتبره مردود ونرجوا أن تفتحوا صفحه جديده بما أن لديكم معرفه سابقه..
ولكم أحترامى ومحبتى
نبيل

[محمد ابراهيم قرض]

كتب خالد الحاج:

حكاية تأدب شديد دي يا قرض وخاصة مع الجنس اللطيف أنا غايتو ببلعه
إن شاء "الجنس اللطيف" يبلعها ليك.

خالد:
طردتني و رفدتني ما قلنا حاجة ... كمان عايز تحسدني على محبة
الجنس اللطيف لي ؟؟؟؟
و لعلمك يا خالد ده شئ يتعلق (بالميل القلبي)
و دي حاجة ما في مقدورك تطردها أو تفصلها ...
فمت بغيظك يا خالد و ليزداد حب الجنس الناعم لي
لتزداد أنت غيظا و احتراقا ... و بئس المآل ...

الحكاية ومافيها أخونا قرض قدم لطلب الجنسية في السفارة التركية في السلطنة ورفض طلبه بحجة أن لون العيون ليس كافي؟؟؟

ليس غريبا عليك يا خالد أن تلوي عنق الحقيقة ... و الحقيقة هي أنني
قدمت طلبا لنيل الجنسية التشادية و ذلك إستنكارا من لهجوم الإنقاذ الأخير
الغاشم على تشاد ...
و لعلمك الفلاتة هم أهلنا و أحبابنا ... و كم تقاسمنا معهم (القدوقدو)
و (الأقاشي) .. و ليس من الأصالة و النبالة أن ننسى كل ذلك و نكيل
لهم في الإثم و العدوان ..
و لعلمك أيضا فإن الحكومة التشادية قد وافقت على طلبي بصفة
فورية و تم منحي جوازا (دبلوماسيا أحمرا) و ليس مجرد (استمارة لجوء) بأصقاع
هولندا كما يتفشخر بعض الناس ..

وأخونا قرض لمن لا يعرفه ليس من البركل إلا بعطف أهلها عليه وقبولهم به تبركآ نسبة للون عيونه وفاءدتهم -العيون- للسياحة بإعتبار أن قرض "خواجة وكده" !!!

لعلك تريد إغتيال شخصيتي العظيمة بعد أن طردتني و رفدتني و فصلتني
حتة واحدة .... فإن أهلى و الحمد لله هم الذين قاموا بتشييد جبل البركل
طوبة طوبة ... بل أن عميد عائلتنا (جدو قرض) هو من اخترع آلة عظيمة في ذلك الزمن الغابر
مكنت من تدبيب الجزء العلوي من الجبل فنحن قبيلة لا تنافس يا خالد لأننا نخدم أمة ...
لكنها بالطبع تحسد من قبل أمثالكم ...

وقد ولد قرض عام 1936 لأب تركي من "مخلفات" التركية اللاحقة وأم من العرب الرحل وحينما فتح قرض "عيونه" للدنيا إتخلعت المسكينة والدته وتركته بالقرب من خلوة الحاج أبشر (يلحقني وينجدني) فقد كان رحمة الله عليه رجل فاضل وصبور فقام بإقناع علي السكران بتربية قرض وكانت حياة أخونا قرض شاقة في صغره لأن علي السكران كان يفرض عليه جمع البلح "الجاو" * وذلك لعمل العرقي!!

و مالوا العرقي يا خالد ... هل نتنكر لإرثنا و تراثنا كما تفعل الإنقاذ ؟؟؟
فهذا المشروب العتيد هو من فتح أدمغة الكثير من العباقرة و الأفذاذ
في تاريخ السودان النضالي و الثقافي و الإجتماعي ... و لا ننسى القعدات
الشهيرة في خور عمر و في السلاح الطبي التي تفجرت عبر قواريرهما
ثورتي مايو و يونيو الظافرتين ....

وبعد أن أكمل قرض الخامسة من العمر طرده علي السكران لأنه إكتشف نقص "المؤونة" وبعد مراقبة لصيقة إكتشفوا أن قرض يزور "المعمل ليلآ و "يجغم" من المنتج وكانت حجته بتجريب المنتج غير مقنعة لعلي السكران أدمن قرض تعاطي المنتج فكان لا يستقر في بيت من البيوت التي فتحت له عطفآ وإحسانآ وهي كثيرة؟؟؟ حتي تكفلت به الكنيسة في مروي ثم المعبد اليهودي.. فتعلم قرض وتخصص في الصيدلة مستفيدآ من دروس علي السكران في الكمياء

و هذه مغالطة كبيرة أيضا ... فإن علي السكران لم يطردني كما طردتني
أنت يا خالد بسبب جغمي للمنتج ... و إنما لمطالبتي له بعدم الغش فيه
و لي من الوثائق ما يثبت و يؤكد ذلك ...


يعاني قرض من عقدة "اوديب" وهو عدو للمرأة ويستخدم مصطلحات تركية مثل حريم ؟؟؟؟!!!

بل حريم هي كلمة عربية فصحى ، و تُصرَف على نحو حرم ، يحرم ، حرمة ، حريما ، محروما ،
حرمانا ، حر ماله ..... الخ ....

عاش فترة في الغربة منعمآ لإعتقاد العمانين أنه صالح نتيجة للون عيونه ودموعه الذهبية التي تركت خطوط علي خدوده وإتضح لهم لاحقآ أن ذلك من جراء أكل قرض "للقرض" جوعآ وليس تقشفآ..

هذه الخطوط التي تتحدث عنها ، هي أوسمة من نار و نور على خدودنا
الندية .. فهي شلوخنا الحبيبة المستعرضة التي تدل على شايقيتنا الأصيلة
فلا نخلط مع أصهار العم صهيون ..

و إن عدتم عدنا ...

[محمد ابراهيم قرض]

المسافة:
بعد السلام و التحية و "مجازاة الله لمحنك المتعددة"
الذ حاجة في بوستك "المجلي و المنفلت بنيويا و تكتكيا" دا انو في ناس قايلنو "جد". و يا خوي انت لو كشوك و رفدوك بالجد "تستاهل اكتر من كدة" و اخيرا خليك مركز في مظلمتك و ما تلبس الطواقي كلها و بخصوص التعويض انت رقشة كفاية عليك قلابات شنو البتهاهي بيها؟

المسافة:
أولا مقالي هذا هو مرجعا يعتد به في البنيوية
و التفكيكية و التكتيكية و الجرمندية ...
و أنا عارفك يا المسافة بتتمنى لي الطرد و الفصل
و لعلمك أنا فصلوني من (منتدى) و عدت بقوة القانون ..
ليس مثل (ناس) فصلوهم من العمل و قعدوا يشحدوا
جنب الجامع الكبير ....

[محمد ابراهيم قرض]

أمين:
ياخوي مالك عايز تجيب لينا الهوا ؟؟؟
هسه الأنقاذ الحشرا هنا شنو ؟؟
ياخي هسه تجينا فطومة و أنت تنفد بريشك ...
أنت عايز تورطنا ولا شنو ؟؟؟
يلا أهو خالد الحاج رد ليك ...رد عليه أنت كمان ...
مالنا و مال القراية أم دق ... أنت يا الجيلي سامعني ؟؟
يا ربي أنا وين ؟؟؟
تحياتي يا حلوين ....

أمين:
أول شئ الجيلي ده منو ؟؟؟
و بعدين ما قايلك بتخاف من الإنقاذ ..
قايلك زيي كده أسدا هصورا و قرضا مدبوغا ..
و خالد الحاج و (الأماني العذبة) أنا قااااادر عليهم
بي يدي و ضراعي الشقية ... فيا تقيف معاي يا أمين
يا تطلع منها قبل ما أكشف عنك المستووور يا أمين ...

[محمد ابراهيم قرض]

نبيل عبد الرحيم:
المحترمين قرض وخالد
أتمنى أن تهدأ وتصفوا الأمور بينكم ولا يندرج مستوى الحوار بينكم أكثر من ذلك حتى لا يتسع الشقاق بينكم وتضيع الحقيقه ممكن أن تختلفوا فى وجهات النظر وهذا مشروع لكن دون تجريح .

الأخ العزيز نبيل عبد الرحيم ...
أشكرك كثيرا على حديثك الطيب و قولك الهادف ..
لكن أخي-عبد الرحيم-كان لزاما عليَ أن أطلعكم على ما أصابني
من أذى نفسي و معنوي حتى تتبين المواقف ...
و أوافقك الرأي أن خالد الحاج قد لجأ لإسلوب الغمز و التجريح
و هذا ما أربأ أنا و أترفع عنه و أنا قرض الظريف المؤدب و العفيف ...
لكن كل إناء بما فيه ينضح يا عبد الرحيم ...


سمعت عن الأخ خالد دماثت الأخلاق والثقافه , وإذا كان الأخ قرض مظلوم أرجو أن ترفع الظلم عنه أو تشرح لنا أسباب إيقافه.

أنا زاتي يا عبد الرحيم كنت سامع زيك كدا ... لكن أصابني ما أصابني ..
يجب أخذ الدروس و العبر يا عبد الرحيم ...

الأخ قرض عرضت قضيتك أو مظلمتك بطريقه يسستشف منها التجريح لزوجة خالد والجندر لكن نعتبره كلام فى لحظة غضب وإيضا رد خالد نعتبره مردود ونرجوا أن تفتحوا صفحه جديده بما أن لديكم معرفه سابقه..

أخي عبد الرحيم ..
هذا هو مربط الفرس و بيت القصيد ... حرم أخونا خالد هي قامت
براها و لفحت التلفون و أنا في الأصل كنت بتكلم مع خالد مش
معاها هي ... عليك الله يا عبد الرحيم إنت بترضى النسوان
ياخدوا و يدوا معاك في نضم الرجال ؟؟؟؟؟
و لك تقديري و معزتي و احترامي يا عبد الرحيم
و كتر الله من أمثالك ...

[حمدي اب جقادو]

قرووووضي :D دب بالحنكشيه :D

اولا حمد الله علي سلامه وبركه الشفناك طيب

جاتني هسه رساله في الخاص من الجنس اللطيف بتقول انك (خرّفت) وبقيت ترسل حاجات ماياها :D

ابقي راعي ليهم شويه يادكتور الهناء يالمخرف يالعينك مارقه :D

ولا يمكن تكون بقيت من زبائن ريتا عشان كده حالك اليومين دي مقلوب ؟؟؟ اللهم ياربي عافي قارسيا وقرض من ما ابتليتهم به (امييييييييييييييييييييييييييييييين)

ويلا ابقي شمس مابتغيب

حمدي اب جقادو

http://sudaniyat.net/vb/images/uploads/342_1285443db2c6ab3032.jpg

[Garcia]

اللهم ياربي عافي قارسيا وقرض من ما ابتليتهم به (امييييييييييييييييييييييييييييييين)

:D :D :D :D :D @ حمدي اب جقادو

آه . . ريتا

أي شيء رد عن عينيك عيني
سوى إغفاءتين
وغيوم عسليه
قبل هذي البندقيه
كان يا ما كان
يا صمت العشيه
قمري هاجر في الصبح بعيدا
في العيون العسليه
والمدينة
كنست كل المغنين وريتا
بين ريتا وعيوني . . بندقيه

[معتصم الطاهر]

معتصم الطاهر ..
..
لكن ما كنت متوقع إنك تقيف معاي ..
أصلكم دايما مع الظالم ضد المظلوم ..
و لنا عودة يا معتصم ...

بالمناسبة انت وقفت معاى هنا ..اغتيال شخصية .. (http://sudaniyat.net/vb/showthread.php?t=1134)

[ملكة سبأ]

كتب خالد الحاج :
يعاني قرض من عقدة "اوديب"
وعقدة أوديب كما نعرف أيها السادة والسيدات هي عقدة الابن تجاه ابيه وهي عقدة موجهه بسبب القيود والموانع التي يفرضها الاب على الابن ! :confused:
فعلاما الكبت أيها الخال الوالد يامن ينادي بالحرية ليل نهار ؟!
وبما عقدة اوديب تشير الى الاسطورة اليونانية التي تصور اوديب يقتل اباه ويتبوأ عرش "طيبة " الذي خلا بموته
نهمس في أذن الخال : أعمل حسابك يارجل :D
وهو عدو للمرأة ويستخدم مصطلحات تركية مثل حريم ؟؟؟؟!!!
ونصيح بقرض : أعمل حسابك أيضا يارجل :mad:
هو الحاصل شنو بالظبط كدا ؟!
ولييه خالين ام سهي تكورك ياقرض وهو مصفد بالخارج ؟! :D

[3ashig Alneel]

يا قرض والله حشرتنا في ركن صعب
أي نعم ما بنرضى ليك الحقارة ، وشعارنا البرشك بالموية بنرشو بالدم
لكن كمان خالد دا عندنا ليهو شعارات صعبة ما بنقدر نقولها ليهو بصراحة كدا
والله لا جاب يوم شكرو.
يعني نسوي شنو ، يا أنتو الإتنين غلطانين ، ولا الإتنين صاح ...!!
عشان كدا أحسن تحلوها لينا براكم ... ونطلع معاكم صاح أو غلط المهم كلنا
نكون في جهة واحدة

تخريمة
إنت يا قرض وكت رفدوك التليفونات ليك شنو ، ما كنت تسردب بس !! ;)

[خالد الحاج]

نواصل فضح المستور :mad:

أرسل لي "المدعو" قرض للتوسط له عند الأتراك فالعبد لله ولمدة 12 سنة يشتري اللحم الحلال من الدكان التركي
وهم يقدرون مساهمتي في الإقتصاد التركي :)
لم أري داع للوساطة وطلبت من قرض أن يروق المنقة ويعمل عدسات عشان لون العيون يتحول لي لون زينب
والجماعة يخلو حكاية الإعتقاد في أنو "كديسة" فلم يروق له إقتراحي.

علمت مؤخرآ أن قرض يرسل الوفود لشراء لواري "قلابات" وإكتشفت أنه ونتيجة لرفض الأتراك طلبه التجنس فقد إتجه لليونانيين ؟؟ ووافق اليونانيون أن يمنحوه الجنسية علي أن يساعدهم في دفن النفايات في صحراء العتمور
ومن هنا كانت غضبتي عليه. ومن هنا أيضآ أحذر كل من إتصل بهم "المدعو" قرض لشراء لواري أنهم إنما يسهمون في تشويه كل أجيال الشمال السوداني القادمة وبعد عشرات السنين لن يعاني أهلنا في شمال السودان من التهميش لأنهم ببساطة حا يعانوا من التشويه القرضي اليوناني المشع :eek:

حاول قرض توسيط من يسميهم ب "الجنس اللطيف" وقد تسبب ذلك في دخول حكومتنا بحجة أنها جنس لطيف :o
وطبعآ أصابني هذا الموضوع بألم "سيسيولوجي وتفكيك بنيوي دريدي حاد" وقالوا لي علاجك محال :o

اللهم أرفع عنا البلاء -قرض-
اللهم نسألك اللطف والمغفرة.

[mohamed hemaid]

كلمة حق اريد بها حق..
اخوتي اعضاء سودانيات ..ربما غاب على كثير منكم
بعض التفاصيل المهمة الدقيقة والتي اجد نفسي مرغما
على قولها وكان لابد من ذلك رغم العلاقة الطيبة التي تربطني
مع المدعوين قرض كمجنى عليه وود الحاج الجاني..فقد
عرفتهما من قبل عشرين عاما عندما كانا يلعبان في احتياطي
فريق البركل الموحد آنذاك ( تحت وفوق) وفي المباراة التي فزنا
عليهم فيها بهدفين نظيفين..باستاد كريمة..وتعرفت عليهم اكثر واقرب
أثناء الحفلة التي اعدوها لنا بعد المباراة ومن بعد في المباريات الودية
معهم وفريقنا (المقل)..
اما المرة الثانية كانت بعد ثلاث سنوات وبالتحديد في محكمة كريمة
حيث كنت اعمل..ورغم سرية المعلومات التي بحوزتي لكن ساورد
بعضها لاهميتها..كان الموضوع متعلقا بالاراضي والملكية والميراث
ولتقريب المسالة لكم لابد من شرح جغرافية المكان..فالبركل فوق موطن
ود الحاج يفصله عن البركل تحت مقر آل قرض طريق العربات المؤدي الي
كريمة وقد فصلت المحكمة فيه وقررت ترك 10 امتار لعرض الطريق
وجعلها منطقة خارج النزاع..وياتي اساس المشكلة وهن التميرات واشجار
النخيل التي حبس عنها جبل البركل رياح الشمال فوقفت بعودها شمطاء
لاتثمر الا الجاو المستعمل في صناعة الخمور كما قال ود الحاج وكانت
مغشوشة كما اورد قرض..هنا كانت البداية فآل قرض يدعون ان الارض
موضع النزاع تخصهم وكذلك آل ود الحاج ونشب اثر ذلك صراع وعراك
امتد الي هنا ..وعلى حسب علمي ان تلك الاراضي مازالت بور لايسكنها
الا الحلفا وبعض اشجار العشر..
وحمل المدعوان حقدهم الي هنا الي سودانيات حيث مرتع الهدوء..لماذا ؟
لا ادري..تم ايقاف قرض من المنبر وقد قام بمراسلتي وانا احتفظ بالرسالة
التي نقلت فحواها الي ود الحاج فرد علي برسالة مضمونها ان ربما يكون
هنالك خطأ في السيرفر وأنه لم يوقفه وهذه ايضا رسالة موثقة وموجودة
وحاول قرض مرارا الدخول ولم يستطع واستمر الحال شهورا..وقد تدخلت
عدة مرات وقمت بالتوسط بينهم الا انني لم اكن اعرف شئ عن اتصال قرض
بود الحاج..
لا انكر انني سمعت من قبل باصول قرض التركية وهي مدونة في ارشيف
محكمة كريمة ..وساواصل نشر تفاصيل اخرى مهمة اذا استمر الاثنان في
حوارهم الجارح هذا..
ختاما اشكر الاخ نبيل عبد الرحيم الرجل الشهم الذي رقم حداثته معنا الا انه
قال قولة الحق .تشكر اخي نبيل والاف المراحب..ومعليش جات متاخرة..
اخوتي ود الحاج وقرض كلما ما ارجوه منكم التحلي بالصبر وترك ما تفعلونه
ومن هنا اناشد اخيتنا اماني بشيئين اولهما الاعتذار الغير مشروط لقروضي
للفحها سماعة التلفون وقولة اضرب راسك بالحيطة ..والتاني الضغط علي
ود الحاج ليتحلى بالصبر والصفح عن كل قديم ونسيانه..

الا هل بلغت اللهم فاشهد..
ولي عودة..

حميد..

[haneena]

قرض
لا حولا يا زول
شيل الحس لزومه شنو؟
أولآ..مفروض كان ترسل للجنة حكماء المنبر
عمك تنقو و حنينة
لأنه البراءة..أقصد الحكمة باينة في عينيننا

ثانيآ...
هل لديك أي شهود أو تسجيل للمحادثة آنفة الذكر أعلاه لضمها لملف القضية؟
إن كان فأرجو أن ترفعها لنا ملف صوتي هنا حتي نسمع حنك أماني السنين دة( حنك دي إتعلمتها في النت دة)
و هرشتها لك..لأنه موقف يستحق التسجيل و الشهادة لله

أما عن إطلاق حريم و ما شابه من التعليقات ..فتحسب عليك و حتمآ ستؤثر علي وضعك

ثالثآ..أتابع من مدة تحركاتك المريبة و تنصلك من الرد علي بوست لك هنا( لن أذكره بالإسم و أترك لفطنة القارئ و متابعته التعرف عليه)
و في نفس الوقت رأيناك تصول و تجول في أماكن أخري و لا ترد علي الذين هببوه لك هنا
بينما تسجل حضورآ يوميآ و إسمك مكتوب بالبنط العريض مع المتواجدين اليوم و أمس و غدآ:mad:
و قد لفت حينها نظر ود الحاج لهذا السلوك..فقال..ما تهببيهو ليهو :rolleyes: :)
و قد حدث و لم أهببو ليك :)

إتق الله يا صيدلة فينا..و إلا حرشت عليك كل من في هذا السايبر الكبير
من الذين يصاقرونك في السلطنة و ما جاورها
و ممن يعيشون عبر البحار و المحيطات و في جميع قعور الكرة الأرضية
و لن يفيدك شئ إلا إذا تدخل زهير راسخ و أم سهي شخصيآ

ألا هل بلغت
اللهم فأشهد

صدر تحت توقيعي
حنينة بت أم و أبوحنينة
في اليوم الثامن و العشرين من يناير..كانون الثاني عام ستة و ألفين ميلادية
الموافق التاسع عشر من ذي الحجة عام كم كذا لا أعلم هجرية

و إن عدتم عدنا :mad:

[خالد الحاج]

كتب خالد الحاج :

وعقدة أوديب كما نعرف أيها السادة والسيدات هي عقدة الابن تجاه ابيه وهي عقدة موجهه بسبب القيود والموانع التي يفرضها الاب على الابن ! :confused:
فعلاما الكبت أيها الخال الوالد يامن ينادي بالحرية ليل نهار ؟!
وبما عقدة اوديب تشير الى الاسطورة اليونانية التي تصور اوديب يقتل اباه ويتبوأ عرش "طيبة " الذي خلا بموته
نهمس في أذن الخال : أعمل حسابك يارجل :D

ونصيح بقرض : أعمل حسابك أيضا يارجل :mad:
هو الحاصل شنو بالظبط كدا ؟!
ولييه خالين ام سهي تكورك ياقرض وهو مصفد بالخارج ؟! :D


ولييه خالين ام سهي تكورك ياقرض وهو مصفد بالخارج ؟!

يشهد الله يا ملكي صفيد قرض ده لا أنا ولا حنينة ولا خالد تنقو عندنا فيهو يد
الشكية لله قرض ولوف :D :D :D قاعد في المنتدي القديم شهرين لامن في زول إنتبه ليهو وقال ليهو عوووك :cool:

أما موضوع "الصفيد" فهو شيئ طبيعي في رمضان وجماعتك ناس قرض ديل أصلهم في رمضان قاعدين يصفدوهم لكن بيني وبينك قرض "تصفيدو" طال بعد رمضان ؟؟ ليه ؟؟ الله وحده أعلم. :D

[محمد ابراهيم قرض]

جمدي أبو جقادو:

جاتني هسه رساله في الخاص من الجنس اللطيف بتقول انك (خرّفت) وبقيت ترسل حاجات ماياها

ابقي راعي ليهم شويه يادكتور الهناء يالمخرف يالعينك مارقه

يا خسارة تربيتي فيك يا حمدي ..
بقيت (تالتهن) تنقل في كلام النسوان ؟؟؟؟؟!!!
خليك من كلام (المطموسات) ديل و تعال أقيف
مع عمك قرض .. و يا معانا يا ضدنا زي ما قال بوش ...

[محمد ابراهيم قرض]

قارسيا ...

شيء رد عن عينيك عيني
سوى إغفاءتين
وغيوم عسليه
قبل هذي البندقيه
كان يا ما كان
يا صمت العشيه
قمري هاجر في الصبح بعيدا
في العيون العسليه
والمدينة
كنست كل المغنين وريتا
بين ريتا وعيوني . . بندقيه

يا سلام عليك يا قارسيا ... كلاما حلو و نضما عسل ..
بس دحين أبوجقادوا بيفهم ليك جنس النضم ده ؟؟!!!

[محمد ابراهيم قرض]

معتصم الطاهر :

بالمناسبة انت وقفت معاى هنا .. إغتيال شخصية ..

وحاتك إنت يا معتصم ،في الوكت الكانوا بيغتالوا
فيهو في شخصيتك ، أنا كنت مطرود بإمتياز
و لافي في الزلط ... و لو كنت ما مرفود كنت (ما)
وقفت معاك ... معقول أنا أقصر فيك با معتصم ؟؟؟

[محمد ابراهيم قرض]

ملكة سبأ:

وعقدة أوديب كما نعرف أيها السادة والسيدات هي عقدة الابن تجاه ابيه وهي عقدة موجهه بسبب القيود والموانع التي يفرضها الاب على الابن !
فعلاما الكبت أيها الخال الوالد يامن ينادي بالحرية ليل نهار ؟!
وبما عقدة اوديب تشير الى الاسطورة اليونانية التي تصور اوديب يقتل اباه ويتبوأ عرش "طيبة " الذي خلا بموته
نهمس في أذن الخال : أعمل حسابك يارجل

الله يبارك فيك يا ملكة و يديك و بعلك و عيالك الجنة ..
أهو شهد شاهد من أهل خالد على إنه هو المصاب
بالعقدة العجيبة دي .... الحمد لله أنا لا أشكو من أيتها
عقد و لا دوسنتاريا و لا يحزنون .... تسلمي يا الملكة

[الجيلى أحمد]

قرض
حملة تشويه واغتيال شخصيه...
اعمل حسابك الزول دا بضايرك فى وداحد

[غاندي]

ما الذي يحدث
ما هذا الهراء
لقد سقطت كل الأقنعة والشعارات
لا والذي نفسي بيدي لن أجعل مثل هذا الحدث الجلل يمر دونما محاسبة أو مسائلة، فالقضية أكبر من كل القضايا التي تناتلنا فيها أطراف الحديث في الغمة الأمريفية .. أيها الشقيق (غرض) لقد تآمر عليك القوم وأستقلوا إنشغالي بالغمة الآثنة الذكر، وقد خلي بك أهل الإدارة الأهلية حيث تناوشونك من كل حدب وصوب ، وأفرغوا كناناتهم علي جسدك المهترئ ( أقصد الضعيف) آسف أقصد الأهيف الرقيق، أو قد بلغت الجرأة بابن الحاج أن يتحرش بقلمك الصدوق ويحرمه تنسم هواء الحرية، ولم يكتف بذلك فقد تمادي في أنتهاك حقوقك الإنسانية باستخدامه اسلحة محرمة دولياً في مثل هذه النزاعات ألا وهي القنبلة (العوينية) أو الحريمية الإنشطارية التي لن تلبث أن تمتد آثارها إلي أم سهي وممكونة وبيان وحنينة وكل العوين الآخريات، ربك يستر .. لا تحزن ولا يغتم قلبك فلك إخوة لن يخذلوك وقد كونوا هيئة دفاع أكبر من تلك المكونة لأجل الدفاع عن صدام ‘ وإذا أرسلت في طلبي لكنت معك من الصباح الباكر لكي نتفاكر في خطة الدفوعات التي سوف أبرؤك بها وأدين الخال الحبيب ود الحاج بإذن الله وأجعله ينتحب ويتحسر علي ما آل إليه حاله بعدما إفتري عليك وفصلك كما يفصل الفراش مدير المدرسة ، سوف أغير عليه بليل فأصبحه وبسطه تراب بعدما كانت حرير وأجعل الذي في يده منهم قناة كمن في يده منهم خضاب، سأوسعهم حججاً واهية سوف تمر عليهم مرور الكرة من بين أرجل حارس مرمي غير محترف. سوف لن أتركك للعواصف والصقور ، سنستميل الحمائم إلي جانبنا ثم نشويهم ونضحك علي غبائهم ونعمل بهم قعده بنقيع التمر الذي سوف يجلبه لنا عكود من حوش أبو جهينة. أصبر وصابر ورابط، ومددنا قادم وراياتنا مرفوعة تتقدم جيوشنا التي سوف تضعضع أركان مملكتهم المتصدعة.

وإن عادوا عدنا

ع/ هيئة مناصرة ق رض

[محمد ابراهيم قرض]

عاشف النيل:
يا قرض والله حشرتنا في ركن صعب
أي نعم ما بنرضى ليك الحقارة ، وشعارنا البرشك بالموية بنرشو بالدم
لكن كمان خالد دا عندنا ليهو شعارات صعبة ما بنقدر نقولها ليهو بصراحة كدا
والله لا جاب يوم شكرو.
يعني نسوي شنو ، يا أنتو الإتنين غلطانين ، ولا الإتنين صاح ...!!
عشان كدا أحسن تحلوها لينا براكم ... ونطلع معاكم صاح أو غلط المهم كلنا
نكون في جهة واحدة

عاشق النيل:
نحلها برانا كيف يعني ؟؟؟
و لو أصلو أنا بقدر بحلها براي ، الداعي شنو إنه
عرضت عليكم مظلمتي و طلبت العدل و الانصاف ؟؟؟
ماعندك حل يا عاشق تعشق العدل أو تعشق الظلم ..
و لتعلم أن الصفوف قد تمايزت و استوت ... و الله غالب ..

[محمد ابراهيم قرض]

خالد الحاج:
أرسل لي "المدعو" قرض للتوسط له عند الأتراك فالعبد لله ولمدة 12 سنة يشتري اللحم الحلال من الدكان التركي هم يقدرون مساهمتي في الإقتصاد التركي

بس أنا كرجل تقي و مسلم ، أرى واجبا عليَ
التذكير بأن الميتة و الدم و (لحم الخنزير) حرااااام ...

لم أري داع للوساطة وطلبت من قرض أن يروق المنقة ويعمل عدسات عشان لون العيون يتحول لي لون زينب الجماعة يخلو حكاية الإعتقاد في أنو "كديسة" فلم يروق له إقتراحي.

يظهر إنك ما عندك عقدة أوديب براها ....
كمان عندك عقدة عيون ... حمانا الله شر العقد ...


علمت مؤخرآ أن قرض يرسل الوفود لشراء لواري "قلابات" وإكتشفت أنه ونتيجة لرفض الأتراك طلبه التجنس فقد إتجه لليونانيين ؟؟ ووافق اليونانيون أن يمنحوه الجنسية علي أن يساعدهم في دفن النفايات في صحراء العتمور ومن هنا كانت غضبتي عليه. ومن هنا أيضآ أحذر كل من إتصل بهم "المدعو" قرض لشراء لواري أنهم إنما يسهمون في تشويه كل أجيال الشمال السوداني القادمة وبعد عشرات السنين لن يعاني أهلنا في شمال السودان من التهميش لأنهم ببساطة حا يعانوا من التشويه القرضي اليوناني المشع

يعلم الله اللواري ديل طالباهن حكومة الزغاوة في تشاد ..
و أنا عمري ما سمعت بصحراء العتمور دي و لا حتى
بالنفايات ... يعلم الله بهتان و إشانة سمعة (المادة 15) ..


حاول قرض توسيط من يسميهم ب "الجنس اللطيف" وقد تسبب ذلك في دخول حكومتنا بحجة أنها جنس لطيف وطبعآ أصابني هذا الموضوع بألم "سيسيولوجي وتفكيك بنيوي دريدي حاد" وقالوا لي علاجك محال

لفحان سماعة التلفون مو سمح لو من الجنس الخشن و لا الناعم ...
تقول ما عندها خدمة غير التلفون و لفحانه .. قاتل الله العطالة
و قلة الشغلة ...

[محمد ابراهيم قرض]

حميد:
كلمة حق اريد بها حق..
اخوتي اعضاء سودانيات ..ربما غاب على كثير منكم
بعض التفاصيل المهمة الدقيقة والتي اجد نفسي مرغما
على قولها وكان لابد من ذلك رغم العلاقة الطيبة التي تربطني
مع المدعوين قرض كمجنى عليه وود الحاج الجاني..فقد
عرفتهما من قبل عشرين عاما عندما كانا يلعبان في احتياطي
فريق البركل الموحد آنذاك ( تحت وفوق) وفي المباراة التي فزنا
عليهم فيها بهدفين نظيفين..باستاد كريمة..وتعرفت عليهم اكثر واقرب
أثناء الحفلة التي اعدوها لنا بعد المباراة ومن بعد في المباريات الودية
معهم وفريقنا (المقل)..

حميد .. رغما عن وقفتك الويحيدة معاي ..
لكن قولة الحق إنه فريق المقل كان مطعم
بي لاعبين من البرازيل ... و نحن ما إتغلبنا بالساهل ...

اما المرة الثانية كانت بعد ثلاث سنوات وبالتحديد في محكمة كريمة
حيث كنت اعمل..ورغم سرية المعلومات التي بحوزتي لكن ساورد
بعضها لاهميتها..كان الموضوع متعلقا بالاراضي والملكية والميراث
ولتقريب المسالة لكم لابد من شرح جغرافية المكان..فالبركل فوق موطن
ود الحاج يفصله عن البركل تحت مقر آل قرض طريق العربات المؤدي الي
كريمة وقد فصلت المحكمة فيه وقررت ترك 10 امتار لعرض الطريق
وجعلها منطقة خارج النزاع..وياتي اساس المشكلة وهن التميرات واشجار
النخيل التي حبس عنها جبل البركل رياح الشمال فوقفت بعودها شمطاء
لاتثمر الا الجاو المستعمل في صناعة الخمور كما قال ود الحاج وكانت
مغشوشة كما اورد قرض..

لا فض فوهك يا حميد ... رجعتني للأيام الحلوة ....
تذكر ثورة الجاو الشهيرة الرفعت أسعار
المحروقات و المشروبات ؟؟؟

هنا كانت البداية فآل قرض يدعون ان الارض
موضع النزاع تخصهم وكذلك آل ود الحاج ونشب اثر ذلك صراع وعراك
امتد الي هنا ..وعلى حسب علمي ان تلك الاراضي مازالت بور لايسكنها
الا الحلفا وبعض اشجار العشر..

بس يا حميد نسيت تذكر إنه نحنا هزمناهم شر هزيمة ..
و لما حمي الوطيس احتمى (جدو قرض) بميسرة الجبل
و أخذ يلقي عليهم النبال المسممة فخروا جميهم صرعى ..
أما أنا و رغما عن صغر سني في ذلك الوقت ، كنت أقود
الميمنة و كان حفر الخندق هي فكرتي السديدة التي جعلتنا
ندفنهم و هم أحياء .... زمن و الله ...

وحمل المدعوان حقدهم الي هنا الي سودانيات حيث مرتع الهدوء..لماذا ؟
لا ادري..تم ايقاف قرض من المنبر وقد قام بمراسلتي وانا احتفظ بالرسالة
التي نقلت فحواها الي ود الحاج فرد علي برسالة مضمونها ان ربما يكون
هنالك خطأ في السيرفر وأنه لم يوقفه وهذه ايضا رسالة موثقة وموجودة
وحاول قرض مرارا الدخول ولم يستطع واستمر الحال شهورا..وقد تدخلت
عدة مرات وقمت بالتوسط بينهم الا انني لم اكن اعرف شئ عن اتصال قرض
بود الحاج..

]لع يا حميد ... المشكلة ما كانت في السيرفر ..
السيرفر كان شديد و لضيد ... بس هم كانوا
وقتها رافدني ليهم زمن و داسين منك ...

لا انكر انني سمعت من قبل باصول قرض التركية وهي مدونة في ارشيف
محكمة كريمة ..وساواصل نشر تفاصيل اخرى مهمة اذا استمر الاثنان في
حوارهم الجارح هذا..[/quote

]حميد ... في ذمتك محكمتنا ديك كان فيها إرشيف ؟؟
و أنا ما عوايدي التجريح ... لكن ربنا يقدرك على
بطل مسلسل الجوارح و الكواسر ....

[quote]ختاما اشكر الاخ نبيل عبد الرحيم الرجل الشهم الذي رقم حداثته معنا الا انه
قال قولة الحق .تشكر اخي نبيل والاف المراحب..ومعليش جات متاخرة..

صدقت و الله ... نبيل شهم و كريم ... و هدفه إصلاح
ذات البين ... لكن (صاحبك اللميض) ما مساعدو ...

اخوتي ود الحاج وقرض كلما ما ارجوه منكم التحلي بالصبر وترك ما تفعلونه
ومن هنا اناشد اخيتنا اماني بشيئين اولهما الاعتذار الغير مشروط لقروضي
للفحها سماعة التلفون وقولة اضرب راسك بالحيطة ..والتاني الضغط علي
ود الحاج ليتحلى بالصبر والصفح عن كل قديم ونسيانه..

حميد ... يا دوووب ريحتني ..
اللفحان هو أس المشكلة و أساسها ..
و رد الاعتبار واجب يا حميد ...

الا هل بلغت اللهم فاشهد..
ولي عودة..

من ناحية بلغت ، نعم بلغت ..
لكن ما ظنيتها ليك عودة ..
دي تفويتة سااااكت يا حميد

[محمد ابراهيم قرض]

لحنينة:
قرض
لا حولا يا زول
شيل الحس لزومه شنو؟
أولآ..مفروض كان ترسل للجنة حكماء المنبر
عمك تنقو و حنينة
لأنه البراءة..أقصد الحكمة باينة في عينيننا

هو اللجنة دي بتقدر تخالف تعليمات أماني ؟؟؟
ما اظن .... و عيونك إنشاء الله يسلمن ، و ما تخافي
نحن عندنا المراهم و قطرات العيون بالكوووم ...

ثانيآ...
هل لديك أي شهود أو تسجيل للمحادثة آنفة الذكر أعلاه لضمها لملف القضية؟
إن كان فأرجو أن ترفعها لنا ملف صوتي هنا حتي نسمع حنك أماني السنين دة( حنك دي إتعلمتها في النت دة) و هرشتها لك..لأنه موقف يستحق التسجيل و الشهادة لله

كل الشهادات و الإثباتات مع أخوي حميد ...
لكن رفع الملف الصوتي ده بيسوهوا كيفن ؟؟؟

أما عن إطلاق حريم و ما شابه من التعليقات ..فتحسب عليك و حتمآ ستؤثر علي وضعك

أقول ليك الصراحة ... أنا قنعااااان من وقوفك معاي ..
كلكن طينة و عجينة واحدة ... غايتو مسمنك حنينة على
الفاضي ساااكت ... حليل زمن الحنان يابا ...

ثالثآ..أتابع من مدة تحركاتك المريبة و تنصلك من الرد علي بوست لك هنا( لن أذكره بالإسم و أترك لفطنة القارئ و متابعته التعرف عليه)

أفوووو ... أتهرب من الرد ؟؟؟ أبوك يا إسراء ...
و اعتمادك على (فطنة القارئ) هو اعتماد على حيطة مايلة !!!..

و في نفس الوقت رأيناك تصول و تجول في أماكن أخري و لا ترد علي الذين هببوه لك هنا بينما تسجل حضورآ يوميآ و إسمك مكتوب بالبنط العريض مع المتواجدين اليوم و أمس و غدآ و قد لفت حينها نظر ود الحاج لهذا السلوك..فقال..ما تهببيهو ليهو
و قد حدث و لم أهببو ليك

دحين شوفي المهببو ليك منو ؟؟
برااك (انحشرتي) في البوست ده ...

إتق الله يا صيدلة فينا..و إلا حرشت عليك كل من في هذا السايبر الكبير
من الذين يصاقرونك في السلطنة و ما جاورها
و ممن يعيشون عبر البحار و المحيطات و في جميع قعور الكرة الأرضية
و لن يفيدك شئ إلا إذا تدخل زهير راسخ و أم سهي شخصيآ

أنا كفاية معاي نبيل و حميد ..
و إن كان حميد ده ما ضامنوا شديد ...

الموافق التاسع عشر من ذي الحجة عام كم كذا لا أعلم هجرية

دي أنا بعمل ليها (كوبي) و بعدين (بيست) على موقع
السفارة السعودية ... و شوفي كان قعدتي تاني هناك ...

[محمد ابراهيم قرض]

الجيلي:
قرض
حملة تشويه واغتيال شخصيه...
اعمل حسابك الزول دا بضايرك فى وداحد

الجيلي ..
لا تقلق و لا تخف ... قف.
أخوك حديد في حديد ... قف.
أرجو تحويل المصاريف ... قف.

[haneena]

دحين شوفي المهببو ليك منو ؟؟
برااك (انحشرتي) في البوست ده ...

و حيث أن الأخت حنينة تنحدر جذورها من أعمال حوش بانقا ،
برضو تقول لي ما جبت سيرتي؟؟!!

و كمان بالكضب..و انا لست من حوش بانقا
و هذا إنما يدل علي سوء نية و محاولة بائسة منكم بأنني من حاشية المدعو عمر البشير :(
إن فوتناها ليك شوية شوية تقول شوف عيني شفتها في القناة الفضائية شايلة ليهو شنطة الأوراق
و كمان بتستلم رشاوي لتمكين اليونانيين من دفن فضلاتهم في مناطق العتمور و البركل و ما جاورها

فلا تقول كلامآ ثم تنكره أيها القرض
و هذه نقطة سوداء أخري في ملفك
أقصد ملفاتك:mad:

[محمد ابراهيم قرض]

غاندي ..
ما الذي يحدث
ما هذا الهراء
لقد سقطت كل الأقنعة والشعارات

غاندي .. يا حليلك ...
صدقت و الله ... الهراء يزكم الأنوف ...
و سقطت (الباروكات) برضه من رؤوسهن المصلعات
و ظهرن على حقيقتهن ....

لا والذي نفسي بيدي لن أجعل مثل هذا الحدث الجلل يمر دونما محاسبة أو مسائلة، فالقضية أكبر من كل القضايا التي تناتلنا فيها أطراف الحديث في الغمة الأمريفية .. أيها الشقيق (غرض) لقد تآمر عليك القوم وأستقلوا إنشغالي بالغمة الآثنة الذكر

يا لهذا الحديث الثوري الذي يستنهض الهمم ...
بس مالك و مال الغم و الغمم ..
فهنالك صنانا ينداح وسط العمم ...

وقد خلي بك أهل الإدارة الأهلية حيث تناوشونك من كل حدب وصوب ، وأفرغوا كناناتهم علي جسدك المهترئ ( أقصد الضعيف) آسف أقصد الأهيف الرقيق ..

غاندي .. خليك واضح و محدد ..
يا رهيف أهيف ، يا ضعيف مهترئ ..
أشر لي على الوصف القاصدوا ...


أو قد بلغت الجرأة بابن الحاج أن يتحرش بقلمك الصدوق ويحرمه تنسم هواء الحرية، ولم يكتف بذلك فقد تمادي في أنتهاك حقوقك الإنسانية باستخدامه اسلحة محرمة دولياً في مثل هذه النزاعات ألا وهي القنبلة (العوينية) أو الحريمية الإنشطارية التي لن تلبث أن تمتد آثارها إلي أم سهي وممكونة وبيان وحنينة وكل العوين الآخريات، ربك يستر ..

و كمان ديل بيلفحن التلفونات برضو ؟؟؟
كان كده الشئ ده عدوة انفلونزا طيور ..

لا تحزن ولا يغتم قلبك فلك إخوة لن يخذلوك وقد كونوا هيئة دفاع أكبر من تلك المكونة لأجل الدفاع عن صدام ‘ وإذا أرسلت في طلبي لكنت معك من الصباح الباكر لكي نتفاكر في خطة الدفوعات التي سوف أبرؤك بها وأدين الخال الحبيب ود الحاج بإذن الله وأجعله ينتحب ويتحسر علي ما آل إليه حاله بعدما إفتري عليك وفصلك كما يفصل الفراش مدير المدرسة

ما بتقصر يا الهمام ..
المكانه ورا ما قدام ...

[
سوف أغير عليه بليل فأصبحه وبسطه تراب بعدما كانت حرير وأجعل الذي في يده منهم قناة كمن في يده منهم خضاب، سأوسعهم حججاً واهية سوف تمر عليهم مرور الكرة من بين أرجل حارس مرمي غير محترف.

غيران الليل ده خليهوا للجماعة التانين .
زولك ده بالنهار بيقوم صوف ...

سوف لن أتركك للعواصف والصقور ، سنستميل الحمائم إلي جانبنا ثم نشويهم ونضحك علي غبائهم ونعمل بهم قعده بنقيع التمر الذي سوف يجلبه لنا عكود من حوش أبو جهينة. أصبر وصابر ورابط، ومددنا قادم وراياتنا مرفوعة تتقدم جيوشنا التي سوف تضعضع أركان مملكتهم المتصدعة.

تسلم يا بطل .. انت العليك الرك ...
و البتقيف معاهو ما بيخيب ..
و عكود مو ياها شغلته ...
مش نصرتني و بس يا غاندي ..
بسطتني برضو ... بس زيد عكود ده شوية ...

[أبوجهينة]

عزيزي محمد إبراهيم قرض

عودا حميدا

و تحايا و مودة

أنا لو في محلك .. ما أقرِّبْ من مكان الجريمة .. لغاية ما ناس الإنتربول يجوا و يشوفوا حكاية تآمر ناس البركل فوق :D

ثم لو أنصفوك .. فبها ..
لو ما أنصفوك .. أعمل مع ناس ( البركل تحت )جيش و سميهو ( حركة تحرير المنبر ) تحت قيادتكم ..

لن تقدر شيئا مع أبو و أم جعفر .. مالم تعمل بنصيحتي أعلاه .. :)

يا زول البركة الإنت طيب

[ملكة سبأ]

لكن قولة الحق إنه فريق المقل كان مطعم
بي لاعبين من البرازيل ...

لو كان قلت فريق الزومة كان انا جيت في الشهادي

لكن فريق الزومة لم يكن مطعّم بلاعبين من أى نوع بل بموية سكر بنات مروي شرق

أذكر جيدا صولات فريق الزومة آنذلك وهتاف مشجعيه من أعلى رؤوس باصات الزومة :
الزومة شعار ولن تنهار

كنا نحن بنات مروي شرق يوم المباراة التي دائما تكون بأستاد كريمة ، كنا نتحضر لهذ اليوم باكرا ، فنتفق على ان نندلى عصرا بدري (للواقود) أو حش البرسيم ومن ثم الطلوع قبل مغيب الشمس حتى نتهيأ ، إما لمساندة فريقنا (الشبيبة) والفرح معه في حالة فوزه وملاقاة لاعبية بجرادل موية الليمون .. أو في حالة خسارته والتي كنا نسمعها من عند البنطون من خلال هتاف أبناء الزومة سالف الذكر ، فكنا حينها نلبد خلف (البيبان) لرشقهم بجرادل الليمون أبو سكر مركّز ( حر ونار على جتتهم) :mad:
فكانت خسارة للفريق وخسارة كبيرة في سكر التموين ...

ولا نهتم طالما ان صياح فرح أبناء الزومة ينكتم عندنا بفعل (بليمهم) بعمائمهم خوفا من انطلاق قذائف السكر والليمون المفاجيء من خلف الأبواب ....

لكن لا تستبعدوا البتة ان بنات البركل تحالفن مع بنات مروي شرق للنيل من فريق المقل بعده دعمهن بكمية معتبرة من أرطال السكر التي قد تصل (للراس) :D

وتكون تلك هي حكاية ان فريق المقل كان مطعم ..

[mohamed hemaid]

عذرا اخي قرض فقد وردت بعض الادلّة التي حيرت
الصابون بكل انواعه..وكشفت عن لغز (موية الليمون)
الذي حير هدومنا وجلاليبنا طيلة ايا م الدوري..




لكن لا تستبعدوا البتة ان بنات البركل تحالفن مع بنات مروي شرق للنيل من فريق المقل بعده دعمهن بكمية معتبرة من أرطال السكر التي قد تصل (للراس) :D

وتكون تلك هي حكاية ان فريق المقل كان مطعم ..

الاخت ملكة سبأ..
امتلك من آثار الجريمة البشعة التي ارتكبت في حق لاعبينا
تلاتة جلاليب وعراقيين وعمة وشال وكلها ملطخة بمادة غريبة
صعب التعرف عليها آنذاك ولازالت مبهمة لولا اعترافك
باتحادكن مع بنات البركل بعد عودتكن من لقيط الواقود..فقد تم
استخدام (موية الدفيق) الاخضر الني المحرمة دوليا..فبرقعت الهدوم
ولم يسلم منها الرقم 10 المكتوب على الزي الرياضي الذي ارتديه
فقد ظهرت آثار البقع علي الرقم الابيض..ومما لا شك فيه ان الدفيق
كان مخروت من السبيط ومربوط في اطراف الطرح او مربوط مع الواقود

اطالب الادارة برفع الحصانة الدبلوماسية عن الملكة لمحاكمتها
فقلة السكر والليمون والدفيق ادى الى ارتفاع اسعارها واصابة
الناس بالملاريا.. :D
وشكرا لعدالتكم..

حميد..

[محمد ابراهيم قرض]

الحنينة:
و انا لست من حوش بانقا و هذا إنما يدل علي سوء نية و محاولة بائسة منكم بأنني من حاشية المدعو عمر البشير .. إن فوتناها ليك شوية شوية تقول شوف عيني شفتها في القناة الفضائية شايلة ليهو شنطة الأوراق

من تنكر لأصله ، تنكر لرؤسائه و لشنط أوراق رؤسائه ...

فلا تقول كلامآ ثم تنكره أيها القرض
و هذه نقطة سوداء أخري في ملفك
أقصد ملفاتك

و أنت لا تنهي عن شئ و تأتي بمثله ...
عار عليك لو فعلت شحيمو ...
و إتحداك تعرفي معنى شحيمو ..

[محمد ابراهيم قرض]

أبو جهينة:
أنا لو في محلك .. ما أقرِّبْ من مكان الجريمة .. لغاية ما ناس الإنتربول يجوا و يشوفوا حكاية تآمر ناس البركل فوق ..

أبا جهينة ... لكم شوق و وحشة و نظل نفتقدكم في الأزمات ..
فلقد تكاثر النمل و الذباب و الباعوض على مسرح الجريمة ..
و تحتم الاستعانة بمحلول القرض المركز ذو القوة
الثلاثية للإبادة ...


ثم لو أنصفوك .. فبها ..
لو ما أنصفوك .. أعمل مع ناس ( البركل تحت )جيش و سميهو
( حركة تحرير المنبر ) تحت قيادتكم ..

ديل عين الحقيقة و البديهة فارقوك ..
هم مشلعيبا عُلق في علوك ...
بالبيض و الباذنجان راحوا يفلعوك ..
كان غلبك كفى ..
و قرضك صفة ..
و فيك موهبة ...
و طبع الملوك ... يا أبا جهينة الأنصفوك ...

لن تقدر شيئا مع أبو و أم جعفر .. مالم تعمل بنصيحتي أعلاه ..

مشكلتي الأساسية مع أم جعفر يا جهينة ...
و إن أنسى لا أنسى لفحة التلفون ...

[محمد ابراهيم قرض]

ملكة سبأ:
لو كان قلت فريق الزومة كان انا جيت في الشهادي
لكن فريق الزومة لم يكن مطعّم بلاعبين من أى نوع بل بموية
سكر بنات مروي شرق ..

يا حلاة بنات الزومة يا الملكة و يا حلات سكرن ...
إن وقعن في الجرح ينقحبك لغاية ما يجيب أجلك ..
مش زي بنات مروي شرق الشينات القبيحات الدميمات !!..

كنا نحن بنات مروي شرق يوم المباراة التي دائما تكون بأستاد كريمة ، كنا نتحضر لهذ اليوم باكرا ، فنتفق على ان نندلى عصرا بدري (للواقود) أو حش البرسيم ومن ثم الطلوع قبل مغيب الشمس حتى نتهيأ ، إما لمساندة فريقنا (الشبيبة) والفرح معه في حالة فوزه وملاقاة لاعبية بجرادل موية الليمون ..

لفائدة أعضاء المنبر من غير الشوايقة ، أجد لزاما علىَ
توضيح هذا الأمر الهام على ضوء عادات و تقاليد آل شايق ..
فإن هذا (السلوك) الذي تفضلت به الملكة ، هو ديدن من
باغتهن أعراض و متلازمات (البوار) ... و كن يلجأن لهذا
الفعل حتى في حالة عدم وجود مباريات الكرة ، في محاولة
يائسة للفت نظر الشباب ، و في نيتهن اللئيمة الإصتياد
في ذلك الماء العكر المطعم بالسكر ، ليظفرن بالمغفلين من
الشباب ... و غالبا ما تكون النتيجة ضياع للمجهود
و المشروب معا .... و قاتل الله البوار و البايركس !!!


لكن لا تستبعدوا البتة ان بنات البركل تحالفن مع بنات مروي شرق للنيل من فريق المقل بعده دعمهن بكمية معتبرة من أرطال السكر التي قد تصل (للراس)

لعلك تقصدين بنات البركل فوق .. ذلك لأن بناتنا
الجليلات في البركل تحت لا يغششن مطلقا في المشروب ..
فهن يقدمنه مقطرا معسلا من غير سوء !!....

[محمد ابراهيم قرض]

حميد:
اطالب الادارة برفع الحصانة الدبلوماسية عن الملكة لمحاكمتها
فقلة السكر والليمون والدفيق ادى الى ارتفاع اسعارها واصابة
الناس بالملاريا..

نؤيدكم و نبارك لكم و نشد من أذركم
يا حميد .. مع تحياتنا للشعب الأذربيجاني
الصديق ...

[ملكة سبأ]

امتلك من آثار الجريمة البشعة التي ارتكبت في حق لاعبينا
تلاتة جلاليب وعراقيين وعمة وشال وكلها ملطخة بمادة غريبة
صعب التعرف عليها آنذاك ..

ولم يشأ الأخ حميد ان يذكر السبب الحقيقي في ان احتفاظهم بالممتلكات أعلاه طيلة هذه السنوات ، الا وهو فرحتهم العارمة بشيء من ريحة بنات مروي رغم انها قد تكون كل مايوجد على (حمار الهدوم) :D

ونلمح الكبكبة والرجفي أمام محيا صيد مروي من خلال ما (يردّفونه) من ملابس (تلاااتي جلاليب وعراقيين وعمة وشال) :p

وسبب عدم تعرفكم على موية الليمون فيرجع إلى ان كل ماتعرفونه من أنواع (الشرباتات) موية سكر يغمس بها قشة مبللة بنوع من الريحة تدخرونها لمواسم (الصفاح) ... :D

فقد تم استخدام (موية الدفيق) الاخضر الني المحرمة دوليا..فبرقعت الهدوم
ولم يسلم منها الرقم 10 المكتوب على الزي الرياضي الذي ارتديه
فقد ظهرت آثار البقع علي الرقم الابيض

أما الرشق بموية الدفيق فأصدقك القول انه تكنيك لم نعمد إليه حينها ..

وحكاية برقعة هدومكم نرجح انها لعدم معرفة بنات المقل بأساليب الغسيل وفنون الظهرة أو بالأحرى عدم توفر الظهر إلا في المواسم الكبرى وبالتالي غمس الملابس بعد (البوجين) في محلول حبر أقلام سنة رابعة وهو حبر مغشوش بعمار الخلاوي المكون من سكن (الدواكي) والصمغ :D


اطالب الادارة برفع الحصانة الدبلوماسية عن الملكة لمحاكمتها
فقلة السكر والليمون والدفيق ادى الى ارتفاع اسعارها واصابة
الناس بالملاريا..
وقربت تقول ان الملكي (تطير عيشتها) السبب أيضا في ظهور ثقافة الشاي الجنبقلي الذي سببه إختفاء السكر وتسبب في إرتفاع سعر التمر (المطوطي) .. :D

[ملكة سبأ]

كتب القرض :

يا حلاة بنات الزومة يا الملكة و يا حلات سكرن ...
إن وقعن في الجرح ينقحبك لغاية ما يجيب أجلك ..
:confused:

ودا سكر ولا سم هاري البجيب الأجل دا ؟ :eek:

بنات مروي شرق ياقرض أخوي كان وقعن في الجرح يبرأ

وعن كاس بهيات الطلعة عليك ان تسأل عن نتيجة المسابقة التي أقيمت على هامش إمتحانات سنة ساتة بمدرسة الزومة الإبتدائية والتي تبارت فيها طالبات الصف السادس من البركل تحت (اللائي كانت تبدو على عليهن آثار الكريمات التي تحصلن عليها بواسطة طريقة قدر ظروفك من احدى بنات العباسية) مرورا بالبركل فوق (عبدلاب وعاشاب وعرب) وإلى جلاس

تحصلن بنوت مروي شرق على الكاس عن جدارة وتم تسليمه لهن بواسطة الأستاذ عوض (تجم) ، وهذا الأخير لحقت به هذه الصفة على ما يبدو إثر انشداهه وإفتتانه ببناتنا فانعقد لسانه وأصبح يعرّف هكذا...

ونعود ان لم تعد ...

[ملكة سبأ]

كتب حميد :
وياتي اساس المشكلة وهن التميرات واشجار
النخيل التي حبس عنها جبل البركل رياح الشمال فوقفت بعودها شمطاء
لاتثمر الا الجاو المستعمل في صناعة الخمور كما قال ود الحاج وكانت
مغشوشة كما اورد قرض

أو بفعل قرض ابان اقامته في كنف على السكران

وكتب قرض :
ذلك لأن بناتنا
الجليلات في البركل تحت لا يغششن مطلقا في المشروب ..
[/U]

يعني البنيات طلعن أجدع منه .. :p

وبرضو جايين كان ماجيت

[بندر شاه]

***

http://sudaniyat.net/upload/uploading/Albarkal.jpg


***

[محمد ابراهيم قرض]

كتبت الملكة:
بنات مروي شرق ياقرض أخوي كان وقعن في الجرح يبرأ

وعن كاس ملكات بهيات الطلعة عليك ان تسأل عن نتيجة المسابقة التي أقيمت على هامش إمتحانات سنة ساتة بمدرسة الزومة الإبتدائية والتي تبارت فيها طالبات الصف السادس من البركل تحت (اللائي كانت تبدو على عليهن آثار الكريمات التي تحصلن عليها بواسطة طريقة قدر ظروفك من احدى بنات العباسية) مرورا بالبركل فوق (عبدلاب وعاشاب وعرب) وإلى جلاس

تحصلن بنوت مروي شرق على الكاس عن جدارة وتم تسليمه لهن بواسطة الأستاذ عوض (تجم) ، وهذا الأخير لحقت به هذه الصفة على ما يبدو إثر انشداهه وإفتتانه ببناتنا فانعقد لسانه وأصبح يعرّف هكذا...

إليك يا الملكة الحقائق التالية وفق لما ورد في تقرير الأمم
المتحدة للعام الحالي 2006:

1-نسبة البايرات من بنات مروي شرق = 250%
(يعني حتى من تتم ولادتهن لغاية 12/2006 (مغطيات) في هذا
التقرير بعون الله و توفيقه).
2-نسبة المنتحرات في مروي شرق بسبب البوار = 150%.
3-نسبة القبح و الدمامة بين بنات مروي شرق = 115%.

و هذه معلومات دولية موثقة لا تقبل الإنكار
و المكابرة أيتها الشايقية اللًكة !!!...

[محمد ابراهيم قرض]

بندرشاه ...
يا سلام عليك و يا براوة عليك ..
أضفت على الموضوع رونقا و جمالا و نقلتنا
إلى مواقع محببة للنفس حيث الطيبة و الحنية
و السماحة من غير حدود ..
تسلم يا بندرشاه

[فيصل سعد]

القرض القارضة و المستقرضة:
بعد السلام و التحية:


المسافة:


المسافة:
أولا مقالي هذا هو مرجعا يعتد به في البنيوية
و التفكيكية و التكتيكية و الجرمندية ...

و الجربندية كمان ما تنسى!!!

و أنا عارفك يا المسافة بتتمنى لي الطرد و الفصل

لماذا يا عزيزي مديني و لا مشخت لي في حيطة؟

و لعلمك أنا فصلوني من (منتدى) و عدت بقوة القانون ..
ليس مثل (ناس) فصلوهم من العمل و قعدوا يشحدوا
جنب الجامع الكبير ....

بطل الفصاحة و الكيبورد الكتير و هات من الأخر .. انت فصلوك لانك اعتذرت لصاحبك في الرحلة و قدمت فروض الولاء و الطاعة و عملوا ليك غسيل مخ مما اثر على لهجتك و حنكك و دا يا مان احسن منو كتير الشحدة جنب الجامع الكبير فالحق نفسك سريع؟؟ :D :D :D :D :D :D :D :D

[حمدي اب جقادو]

القرض القارضة و المستقرضة:
بعد السلام و التحية:




بطل الفصاحة و الكيبورد الكتير و هات من الأخر .. انت فصلوك لانك اعتذرت لصاحبك في الرحلة و قدمت فروض الولاء و الطاعة و عملوا ليك غسيل مخ مما اثر على لهجتك و حنكك و دا يا مان احسن منو كتير الشحدة جنب الجامع الكبير فالحق نفسك سريع؟؟ :D :D


اثني ;) :D وممكن كمان احلف بي (سيدي علي عثمان) :p ;)

[ملكة سبأ]

كتب خالد الحاج :
وأخونا قرض لمن لا يعرفه ليس من البركل إلا بعطف أهلها عليه وقبولهم به تبركآ
نسبة للون عيونه وفاءدتهم -العيون- للسياحة بإعتبار أن قرض "خواجة وكده" !!! !!!
اما قرى ما حول البركل فكانت تعرفه بقرض الحلبي ... فمن خلال ماتابعنا من سرد ود الحاج لسيرته نرى كيف ان علي السكران كان يستغله لجمع المواد الخام لصناعة العرقي .. والشيء الذي لم يذكره ان على السكران ايضا كان يفرض على قرض الحلبي توزيع المنتج بعد تجهيزه على الزبائن مستخدما في ذلك حيلة ذكية جدا وتجهيزه بشوال معبأ بالبايركس وفي حقيقة الأمر ان الحيز الأكبر بالشوال كان محشوا بقزاز المنتج !!

كثيرا ما شوهد قرض الحلبي وهو يجوب الشوارع مترنحا تحت وطأة شوال البايركس أو بالأصح (العرقي) او بفعل ما إعتاد ان (يجغمه) خلسة من ورا على السكران ...

لم تفلح النغمة العالية التي كان يطلقها قرض الحلبي خلال تجواله :

ايوااا ... الباااايركس ... نبدل الهدوم

لم تفلح في صرف أنظار بنات مروي شرق عن الهدف الحقيقي من هذه (السرحة) خصوصا انه عندما يصل إلى مروي بالدرب الفوقاني متخطيا حجار شبا والحرزاوين باديا عليه الإنهاك وفعل ام الكبائر .. فكن يتربصن به الدوائر فيرجع مذموما مدحورا .. وكان هذا سبب للنشيد القرضي الذي يردده بسبب وبدون سبب :
قاتل الله البوار و البايركس !!!


فالبايركس عقدة متأصله عنده بسبب مانحته من آثار غائرة على كتفه ..

والبوار في منتج العرقي الذي لم يفلح مطلقا في توزيعه بتلك المنطقة .. مما يؤدي إلى :
1/ سكرة طينة
2/ تحريش النسوان لصغارهن لملاحقته مما يتسبب في هرس كمية معتبرة من البايركس وإسالة كمية لابأس بها من المنتج يكفي لخلق ريحة تطرد الطير .
3/ ومن ثم تقريع على السكران وتوبيخه
4/ والذي أدي إلى تسليمه في نهاية الأمر إلى المعبد اليهودي ..

تلك أيها السادة وبإختصار قصة عقدة قرض تجاه المرأة عامة وبمروي شرق على الأخص

1-نسبة البايرات من بنات مروي شرق = 250%
(يعني حتى من تتم ولادتهن لغاية 12/2006 (مغطيات) في هذا
التقرير بعون الله و توفيقه).
2-نسبة المنتحرات في مروي شرق بسبب البوار = 150%.
3-نسبة القبح و الدمامة بين بنات مروي شرق = 115%.


ومما تقدم أود ان اتقدم بتلميح بسيط عن مأورده قرض الحلبي بالكوت أعلاه :
1/ ولأن وكما سبق ان أوردنا ، بنات مروي شرق أكتشفت حيل قرض وخبث أساليبه في توزيع (العرقي) على الرجال من خلالهن ، فعمدن إلى حيل أكثر خبثا (تليق به) فأخفين وجود الرجال وحالن دون وصوله اليهم ... فصور له مأورده ..

2/ اما عن المنتحرات .. فلنا قصة في ذلك ، كانت مجموعة من قواتنا المعدة خصيصا للتصدي لسموم قرض ترابط أعالي الجبال أوان (سرحته) وبمجرد إلتقاط راداراتها لصوت المدعو (الباااااايركس) حتى تسارع بالهبوط المظلي لتنيه باقي القوات ومن ثم الإستعداد للمواجهة .. لكن فيما يبدو ان قرض الحلبي حينها كان يظن ان الأمر لايخرج من إطار الإنتحار .. مما كان سببا قويا في دحره وهزيمته شر هزيمة .
3/ وعن الدمامة فلا نلومه مطلقا ان يعبر عن غضبه جراء مالحق به من هزائم مادية ومعنوية ، فهذه نيقن تماما انه لن ينساها بالساهل ...
لذلك ولمجرد انني من جنس المرأة أو الحريم كما يطلق علينا ، يزيد على ذلك صدمته في اني من مروي شرق حيث لاقى ما لاقى نجده يكرث كل جهده ليلصق بنا صفات لا تشبهنا بل يذهب إلى أبعد من ذلك في تحالفه البغيض للنيل من حصانتنا الدبلوماسية :

كتب حميد : اطالب الادارة برفع الحصانة الدبلوماسية عن الملكة لمحاكمتها

فانبرى قرض الحلبي تدفعه عقدة سابقة يصرخ بملء فيه وهو يضرب بكلتا يديه على صدره :

نؤيدكم و نبارك لكم و نشد من أذركم يا حميد ..

[ملكة سبأ]

أيتها الشايقية اللًكة

وكـرة ضكـرة :D

[محمد ابراهيم قرض]

المسافة:
بطل الفصاحة و الكيبورد الكتير و هات من الأخر .. انت فصلوك لانك اعتذرت لصاحبك في الرحلة و قدمت فروض الولاء و الطاعة و عملوا ليك غسيل مخ مما اثر على لهجتك و حنكك و دا يا مان احسن منو كتير الشحدة جنب الجامع الكبير فالحق نفسك سريع؟؟

أيوة كده يا المسافة أظهر على حقيقتك
و بان عليك الأمان ...
و بعدين إنت ما كنت معانا في الرحلة ديك ..
و تكون بس زعلان من محافظ الخرطوم (المتعافي)
عشان منع الشحدة قدام الجامع الكبير ...
لكن الشحدة قدام سيوبرماركت (عفراء) أحسن و أفيد كتير .
القعاد تحت المكيفات و دفع الحسنة بالدولار ..
سارع بحجز مكانك ... الأماكن محجوزة !!..

[فيصل سعد]

المسافة:


أيوة كده يا المسافة أظهر على حقيقتك
و بان عليك الأمان ...
و بعدين إنت ما كنت معانا في الرحلة ديك ..
و تكون بس زعلان من محافظ الخرطوم (المتعافي)
عشان منع الشحدة قدام الجامع الكبير ...
لكن الشحدة قدام سيوبرماركت (عفراء) أحسن و أفيد كتير .
القعاد تحت المكيفات و دفع الحسنة بالدولار ..
سارع بحجز مكانك ... الأماكن محجوزة !!..

:D :D :D :D :D :D :D

بالله عليك هسع دا حنك زول مرفود و مكشوش؟؟
طيب لو خلوك سارح بغنم ابليس كان عملت شنو؟

[محمد ابراهيم قرض]

ملكة سبأ:

أما قرى ما حول البركل فكانت تعرفه بقرض الحلبي ... فمن خلال ماتابعنا من سرد ود الحاج لسيرته نرى كيف ان علي السكران كان يستغله لجمع المواد الخام لصناعة العرقي .. والشيء الذي لم يذكره ان على السكران ايضا كان يفرض على قرض الحلبي توزيع المنتج بعد تجهيزه على الزبائن مستخدما في ذلك حيلة ذكية جدا وتجهيزه بشوال معبأ بالبايركس وفي حقيقة الأمر ان الحيز الأكبر بالشوال كان محشوا بقزاز المنتج !!

قرض الحلبي ده ما أنا ... ده أخوي الأصغر مني . ..
طبعا قرض دي هي لقب للعائلة القرضية كلها حفظها الله من الحاسدين و الحاسدات ...
يعني في محمد قرض (محسوبكم الضعيف ) و في أحمد قرض
و طارق قرض و خالد قرض و ... و ....
حتى أمي الله يخليها ، إسمها زينب قرض ....
(أحرشها عليك يا الملكة و لا أحرش عليك أخواتي القرضيات عشان
يغرسوا أضافرهن الطويلة في وشك و يزعمطوا ليك شعرك ؟؟؟) !!!

دحين قرض الحلبي ده ما أنا ، ده أخوي الأصغر مني ..
و هو فعلا كان ممسوووخ زي ما تحدثت عنه ..
لكن يا الملكة لو إنتي (حريم صحيح) ما بتهاجمي أخوي الصغير ..
تعالي هاجميني أنا القدرك (الحقيقة أصغر منك كتير !!!) ...

[محمد ابراهيم قرض]

ملكة سبأ:

كثيرا ما شوهد قرض الحلبي وهو يجوب الشوارع مترنحا تحت وطأة شوال البايركس أو بالأصح (العرقي) او بفعل ما إعتاد ان (يجغمه) خلسة من ورا على السكران ...

لم تفلح النغمة العالية التي كان يطلقها قرض الحلبي خلال تجواله :

ايوااا ... الباااايركس ... نبدل الهدوم

الكلام ده كله صاح ... بس ده ما أنا زي ما كلمتكم ...
ده أخوي الممسوووخ الأصغر مني !!!!...

لم تفلح في صرف أنظار بنات مروي شرق عن الهدف الحقيقي من هذه (السرحة) خصوصا انه عندما يصل إلى مروي بالدرب الفوقاني متخطيا حجار شبا والحرزاوين باديا عليه الإنهاك وفعل ام الكبائر .. فكن يتربصن به الدوائر فيرجع مذموما مدحورا ..

بس قبضتك يا الملكة ... في السرحة دي بالذات أنا كنت
برضه سارح مع أخوي الصغير عشان كانت الدنيا ليل شديد
و أخوي الصغير بيخاااف من الضلمة !!!

لكن الشي المحير وجود بنات مروي شرق في الليل
البهيم داك ... ولامن عرفت السبب بطلت العجب ...
أتاريهن وقعن في دبابيب أخوي الصغير عشان
الممسوووخ كان بيقولهن إنتوا أجمل مافي الوجود
و أرق من النسيم و الكلام الذي منه ... و هن تحت تحت
عارفات إنهن-و في الحقيقة كده-قبيحاااات و دميمااااان ...

وكرتك ضكرة يا الملكة !!!

[ملكة سبأ]

قرض الحلبي ده ما أنا ... ده أخوي الأصغر مني
لو ما الخوف من الملامة كنت قلت أحي انا !! :D

حتى أمي الله يخليها ، إسمها زينب قرض أحرشها عليك يا الملكة
مافيش يمة أرحميني :rolleyes:

و لا أحرش عليك أخواتي القرضيات عشان
يغرسوا أضافرهن الطويلة في وشك و يزعمطوا ليك شعرك ؟؟؟
ومن هنا نكتشف عقدة أخرى لقرض الحلبي وهي ابتلائه (ولامرد لقدر الله) بكمية من الأخوات اللائي يقطعن الخميرة من البيت :p

ونهدي إليهن هذه الأبيات :
قل للقرضية التي أرسلت أظافرها
ان المخالب للوحوش
فهل رأيت للظباء أظافر ؟

لكن يا الملكة لو إنتي (حريم صحيح) ما بتهاجمي أخوي الصغير ..
تعالي هاجميني أنا القدرك (الحقيقة أصغر منك كتير !!!) ...
هجوم شنو ؟! الحالة دي مناورات ، وبلفة تانية مناظر :mad:
وانتو وكت لسة (أمامير) الطقاشة ليكم شنو
نرجع لحكاية الصغرة دي بعدين
هسي امشي جيب لي ولي أمرك

آآآي

تاني مابنضم معاك إلا يجي ولي أمرك

[حمدي اب جقادو]

لو ما الخوف من الملامة كنت قلت أحي انا !! :D

ومن هنا نكتشف عقدة أخرى لقرض الحلبي وهي ابتلائه (ولامرد لقدر الله) بكمية من الأخوات اللائي يقطعن الخميرة من البيت :p

ونهدي إليهن هذه الأبيات :
قل للقرضية التي أرسلت أظافرها
ان المخالب للوحوش



المديده الحــــــــــــــــــــــــــــارة :D

ود القبائل فيكم يكشحها في التاني :D

[ملكة سبأ]

اب جقادو !! http://www.asmilies.com/smiliespic/sad/115.gif

http://www.asmilies.com/smiliespic/crazy/007.gif







http://www.asmilies.com/smiliespic/crazy/nono.gif

[ملكة سبأ]

الكلام ده كله صاح ... بس ده ما أنا زي ما كلمتكم ...
ده أخوي الممسوووخ الأصغر مني !!!!...

وبما اننا متأكدين طرشمية بالمية من شخصكم حينها ، نأخذ هذا الإعتراف لندلل به على ان (المماسيخ ) كُثر بالعائلة القرضية ولربما كان الأصغر سارح بالغرب والأكبر داقش جهة العباسية ومربع 3 (وكرة :D )

في السرحة دي بالذات أنا كنت
برضه سارح مع أخوي الصغير ..
ودا بكون الصغير شديد (الحتالي) لزوم التعاليم وكدا
http://www.asmilies.com/smiliespic/crazy/spying.gif






وكرة ضكرة ساكت ! http://www.asmilies.com/smiliespic/evil/009.gif

[محمد ابراهيم قرض]

المسافة:
بالله عليك هسع دا حنك زول مرفود و مكشوش؟؟
طيب لو خلوك سارح بغنم ابليس كان عملت شنو؟

كان عملت صندوق كارب يا المسافة
و إنت تشيل (الصرفة) الأخيرة عشان
إنت زول ما مضمون ..
و لا إنت غزال ... يا حليف الصون !!!

[محمد ابراهيم قرض]

حمدي:
المديده الحــــــــــــــــــــــــــــارة

ود القبائل فيكم يكشحها في التاني

أمشي يا حلبي يا فتاااااااااان ...
عايز تخرب بيني و بين مليكتي ...
لعلمك الملكة دي هي أول (حرمة) تتشرف بأخذ شاكوش
قرضي كارب من محسوبك الكريم ....
عشان كده يا حمدي أنا و هي ما بنختلف ..
بس أديني إنت كتافك العراض ...
بقرش ليك فشافيشها قرًش قرًش !!...

[محمد ابراهيم قرض]

لو ما الخوف من الملامة كنت قلت أحي انا !!

من غير خوف من ملامة و لا بطيخ و لا يحزنون ... بقول ليك أحي أنا منك يا الملكة ...
حي و حي و كمان حي ووووب ... شفت الرجالة دي !!!!!!


ومن هنا نكتشف عقدة أخرى لقرض الحلبي وهي ابتلائه (ولامرد لقدر الله) بكمية من الأخوات اللائي يقطعن الخميرة من البيت


الحمد لله و عيني باردة و عين ملكة فيها عوود ..
نحن ممكن نعمل فريقين للكرة ... فريق كرة رجال
و فريق كرة نساء ... بس مشكلتنا مع الكدارات و الشرابات ..
ربنا رزق العائلة القرضية كرعين كبااار .. رجال على نساء
مش زي الملكة و أبو عيالها بيتبادلوا الشباشب و الجزم (لا مؤاخذة)
مع أولادهم و بناتهم الصغار ... قالوا ليك البيت كله فيهو عدد (3) جوز فقط ..
لامن أبو العيال يمشي الشغل ، العيال ما يقدروا يمشوا المدرسة ، و لامن العيال
يمشوا المدرسة ، أبو العيال يدك الشغل !!!!!!!!

أديكم حل يا الملكة:
دخلي العيال مدارس مسائية عشان أبو العيال
يقدر يمشي الشغل و يجيب ليكم الرغيف
و الفول و الطعمية !!!!!!!!!!!!!!

[خالد الحاج]

وما زال هذا "المنقرض" سادرآ في غيّه :mad:

لو ما الخوف من الملامة كنت قلت أحي انا !! :D

عفيت منك يا الملكي يا بت أختي :D أماني ما وقع راجل .

غايتو الله يرحم علي السكران ما عرف يربي :rolleyes: :rolleyes:

[معتصم الطاهر]

الموضوع بقى ( شايقى )
أنا برة ..


لى غادى ..

[محمد ابراهيم قرض]

وما زال هذا "المنقرض" سادرآ في غيّه :mad:

أماني ما وقع راجل .

غايتو الله يرحم علي السكران ما عرف يربي :rolleyes: :rolleyes: [/size][/color]

خالد أيها المفعوص ...
أ تحتمي خلف جلباب إمرأة ، أميرة كانت أم ملكة ؟؟؟؟؟؟؟!!!!
قبيحة كانت أم دميمة ؟؟؟؟!!!!!!!
ويحك ... ويحك ثم ويحك ...
و أين هم أفراد قبيلتكم حتى يهدروا
دمك نظيرا لهذه الفعلة الشنعاء ....

[محمد ابراهيم قرض]

الموضوع بقى ( شايقى )
أنا برة ..


لى غادى ..

ما قلتوا نوووووبة !!!!

[غاندي]

أيها القرض القارضة


لقد حمي الوطيس، وإني لك لمن الناصحين أن تعض جلابيتك وتفك البيرق، أو تقعدن من الخاسرين الخاسئين،.

أيتها الملكة أحسن ليك تفكي درب قرض ده، لأننا لو فكينا الهداهد بتاعيننا بجيبو خبرك وخبر ملكك ده في رمشة عين قرضوك يا حبيب.


حاولت أخش في الموضوع يا قرض لكن أكتشفت أنو المشكلة دي من ناس (عقاربك) يعني شياقوز زيك، وأنا مالي
أنا بره

وداعاً يا قرض، شكلك كده لحقت أمات طه

تراح أماني ما أنجلد راجل

[ملكة سبأ]

كتب قرض الحلبي :
عايز تخرب بيني و بين مليكتي ...
لعلمك الملكة دي هي أول (حرمة) تتشرف بأخذ شاكوش
قرضي كارب من محسوبك الكريم ....
عشان كده يا حمدي أنا و هي ما بنختلف ..
بس أديني إنت كتافك العراض ...
بقرش ليك فشافيشها قرًش قرًش !!...

وهنا استميح الشاعر عذرا في ان استعير تعبيره لأقول :
من كضبتك وقعت هديمي في ساقتنا وأخري من جبل البركل وتالتة من جبل ود الكرسني

والأصل : لمن شفتك وقعت هديمي في ساقتنا
أشعار عبد الله الفوطي من ديوان (عيونك تشبه الساسوي الفي السام)

وطبعا الديوان دا بكون مرجع كل افتتاحيات الرسائل التي كتبتها لقرض ابان فترة علاقتنا المزعومة
http://www.asmilies.com/smiliespic/crazy/190.gif

اها شفت ياقرض الحلبي قلنا نجاملك ساكت ونرفع روحك المعنوية مسكتنا كاروشة http://www.asmilies.com/smiliespic/crazy/spying2.gif

ولكوني (حنيت) عليك مرة خلال (سرحاتك) الخائبة هذا لايعني ماتوهمه خيالك الخصب (بتأليف قصص الخيال الجكسي)

والقصة انه وفي احدى المرات حدث ان وقع لقرض الحلبي في كمين بناتنا ، فكان ان نال علقة ساخنة بوسطة المفاريك والمقاشيش ، ولم يسلم ايضا من أذي الصبية الذيت تجمعو حوله وهو يحاول الهرب وهم يعدون خلفهم ويحدفونه بالحجارة ويصيحون :

الحلبي حلاب الديش
قد المركب وسرق العيش

وقيل (والله أعلم) ان الحلبي انتهز سانحة ذهاب فاطني العرجي للحوش الوراني بغرض سقاية البهايم فتسلل بخفة القط إلى (التكل) تدفعه معدة خاوية - كان قوت قرض الحلبي لا يتعدي بعض تميرات الجاو وهى كل مايسمح به على السكران في حالة رضائه التام عنه - نجح الحلبي يومها في حشو بطنه بكل ماوجده بتكل فاطني العرجي ، صنقع بحلة السليقة بعد ان حتّل اللحمة وقرقش عظامها ، أتى على جميع ما بالعُمرة من كسار وقراصة ولم تسلم طرقة فطير كانت نستها فاطني العرجي على الدوكة من طاحونة ضروسة ، ولم يقنعه انتفاخ كرشه وتمددها فأتى بالبنبر وطلع فوقه طمعا مابداخل كورة اللبن الرايب بالمعلاق (المشلعيب) ، ولان الطمع ودر ما جمع زلت رجله بعد ان امسك بالكورة فوقع متمددا على قفاه يغمره اللبن الرايب .. جذب ذلك كديسة الحاجي الغليدي ودارت معركة شرسة اتت بفاطني العرجي هرولة بعد ان استنجدت بجاراتها فكانت العلقة المذكورة ..

كان فعلا منظر قرض الحلبي يومها (وان كان يستحق) يدعو للرثاء وهو يحاول الفرار صائحا :

التووووبة لحبوبة

آكل (...) بلبن عنزي

وكل ما فعلته انا بعد ان صعب على المنظر ، تحدثت إلى الشفع ان يتركوه ونبهته ان يأخذ شوال البايركس المحشو بقزاز العرقي حتى لا تأتيه كارثة أخرى من قبل على السكران ....

فكان لزاما عليك ان تشكرني بدل ان تفشفش فشافيشي ..

تبا لك ناكر الجميل

[mohamed hemaid]

هانذا اعود ومعي من الادلّة ما يشيب منها
الراس.
اولا رغم التهديدات التي وصلتني من جهات ساورد اسمها لاحقا
الا انني ساواصل في سرد الحقيقة بتفاصيلها الدقيقة واسرارها
التي اصابتني بذهول كبير عندما استجمعتها واستخلصت الرابط
بينها..
ايها المدعو قرض..انت تعرف حاستي البوليسية في تقصي الحقيقة
واظهارها..وقد لاحظت كما لايفوت علي القارئ البرئ أن معلوماتك
صارت متناقضة وانحرفت بالموضوع الي جهة ليست في صالحك حتى
انك صرت تنهي عن خلق وتاتي بمثله..كتبت:

حتى أمي الله يخليها ، إسمها زينب قرض أحرشها عليك يا الملكة
و لا أحرش عليك أخواتي القرضيات عشان
يغرسوا أضافرهن الطويلة في وشك و يزعمطوا ليك شعرك ؟؟؟

فها انت تستعمل الاسلحة المحرمة دوليا ..وقد استنكرت ذلك علي
ود الحاج من قبل عند لفحة سماعة التلفون من قبل اماني..وانت علي علم
بطبيعة المنطقة الشرق مروية السمومية اللافحة للوجوه..فتهديدك بغرس
الاضافر في الوجه شئ شنيع..وانت تعرف جيدا ان الوجه منطقة ماهوولة
بالسكان وقد تعبن بنات شرق في حمايتها ولسنين طويلة من الاتربة والتشقق
باستعمال مواد كيماوية مثل البيض والكاسترد وايضا الحلبة المسحونة
وكذلك قليل من طين البحر الكركتي..وهذه مواد اولية لا يمكن صنع قنبلة
نووية منها تطال معسكراتكم المحمية باساطير الفراعنة..فهجومك علي وجه الملكة
ليس له مبرر..واحتمائك خلف القرضيات ( حفظهم الله ) يناقض استغرابك علي
ود الحاج عندما قلت :
خالد أيها المفعوص ...
أ تحتمي خلف جلباب إمرأة ، أميرة كانت أم ملكة ؟؟؟؟؟؟؟!!!!

نحن مع الحق اينما كان..فانت لم تذكر لي عن جولاتك الليلية تلك وحتي عند سؤالي لك
عن علاقتك بتلك الاحداث الليلية التي ادت الي تزعزع امن المنطقة.أنكرت اي صلة لك
بذلك واضفت لي مؤكدا ان هذه ماهي الا لعنات قبور الفراعنة تصيب المناطق البائرة بناتها
وهاهو اعترافك المناقض لاقراضك:
في السرحة دي بالذات أنا كنت
برضه سارح مع أخوي الصغير ..

لذا وجب علي ان اعيد النظر في موقفي تجاهك ..نعم انا ارفض رفدك من سودانيات
ولكن ماضيك المتجهجه الاممي يقول انك تستاهل اكثر من ذلك..وقد كنت علي حق
عندما قلت..
وان كان حميد دا ما ضامنوا شديد..
وكنت تعلم حينها باني قاب قوسين او ادنى من الحقيقة والتي كنت تعرف انها ليست
في صالحك واني لا اجامل في الحقائق..واوكد علي ما اوردته الملكة في قولها:
وهنا استميح الشاعر عذرا في ان استعير تعبيره لأقول :
من كضبتك وقعت هديمي في ساقتنا وأخري من جبل البركل وتالتة من جبل ود الكرسني
والأصل : لمن شفتك وقعت هديمي في ساقتنا
أشعار عبد الله الفوطي من ديوان (عيونك تشبه الساسوي الفي السام)
وطبعا الديوان دا بكون مرجع كل افتتاحيات الرسائل التي كتبتها لقرض ابان فترة علاقتنا المزعومة

فمن دراستي الدقيقة لاشعار شعراء المنطقة..وضح اتسامها بالتشابيه البليغة والتي
اتت كلماتها من الساسوى والهدام والسلم..مما يدل علي يباس المنطقة وجفافها
وانعدام الخضرة فيها..وقد اوردت ذلك في كتابي (النقد الوافي والكلام الشافي)
الباب التاسع ( الفرق بين اشعار الخدار والجبال فرق الليل من النهار)..اما ديوان
عبد الله الفوطي اعجبتي فيه القصيدة التي مطلعها:
قدلة قدلة بالرحط..تشبهي اللمبة الفي الحيَط ..
نظمها عند دخول الكهرباء للمنطقة اوخر التمانينات..
اما افتتاحية الديوان..قصيدة بري مابدورك..
عيونك زي عيون كديستنا برة
ووشك المكرفس بالمكوة مابيتفرّ
وشعرك زي شعر تيسا جايبنو من برا..
انت مكانك ما مدرسة البنات بل جنينة الحيوانات
وفي جنينة الحيوانات ان شافك الاسد وقع مات
ولولمحك القرد يحلف ياهو يا انتي في جنينة البنات..

وأظنه قالها في وصف احدى بنات البركل فوق موطن ود الحاج
اما اقتباس الملكة لوصف كضبتك بالهديمي شئ بليغ حد الاعجاب

ترجعوا نرجع..حميد..

[ملكة سبأ]

كنت قد عزمت على الهدنة بعد ان أعلنها قرض الحلبي داوية :

حي و حي و كمان حي ووووب

وبقى (يطربق) كُتر :D

لكن بظهور راس حربة فريق المقل نعدل قرارنا ونعدكم بمواصلة المسيرة صباح الغد باذن الله

[محمد ابراهيم قرض]

كنت قد عزمت على الهدنة بعد ان أعلنها قرض الحلبي داوية :



وبقى (يطربق) كُتر :D

لكن بظهور راس حربة فريق المقل نعدل قرارنا ونعدكم بمواصلة المسيرة صباح الغد باذن الله

وفقا للأدب و الزوق (الجمين) المعروفان عن المدعو قرض ...
ثم وفقا للعرف المتبع في هذا المنتدى ، كان ينبغي علىَ أن أراعي
(قانون) التسلسل في الرد على المداخلات ، كأن أرد أولا على
غاندي ثم المدعو حميد و هكذا ....

و حيث أن ما توفر لي من (مروة) حالية
يكفي فقط للرد على شخص واحد .. فقد قررت بكامل قواي
العقلية و العصبية ، و بمزيد من سبق الإصرار و الترصد ، أن (أطنش) كل من
غاندي و حميد لأنبري على الرد على الملكة ... فإذا حضرت الملكة بطل
التيمم و تجهجهت الحركة في صينية البلدية ... و ليذهب المفعوصان غاندي و حميد
إلى (الجحيم) الهاري !!!!! مالي و مال الجنس الخشن ؟؟؟؟
و عليك الله قف تأمل وجوههم العجيب دي !!!...

فيا أيتها الملكة المزيفة أنا أعلنت حي ووووووووووووب ..
لكنني لم أقول الروووووووووووووب ...
و شتان بين الووووب و الروووب يا مليكتي ..
و لي عودة لأفندن (حلوة أفندن دي) خطرفاتك عني فندة فندة
و خطرفة خطرفة .. و أكرر أن يذهب المدعوان غاندي و حميد
إلى أقرب جحيما يذكر !!!!!!!!!!!!!!!!!!!!!!!!!!!

[ملكة سبأ]

كتب حميد لقرض مستهجنا :
فها انت تستعمل الاسلحة المحرمة دوليا
فتهديدك بغرس الاضافر في الوجه شئ شنيع

فلا تستغرب ياحميد الم يفضحه ود الحاج قبلا وفضح أساليبه الملتوية والأشنع في سبيل تحقيق رغباته ومصالحه الشخصية ؟ :ووافق اليونانيون أن يمنحوه الجنسية علي أن يساعدهم في دفن النفايات في صحراء العتمور ... وبعد عشرات السنين لن يعاني أهلنا في شمال السودان من التهميش لأنهم ببساطة حا يعانوا من التشويه القرضي اليوناني المشع

فهاهو قرض أيها السادة بعد ان ساهم بنسبة فعالة في زعزعة أمن وسلامة المنطقة من الداخل ينقل حربه الضروس (ضد أهله وناسه لأسف) ينقلها إلى الخارج متحالفا مع أعداء الوطن والعقيدة :mad: لذا كان من الاولى تأليب العشيرة ضده هو واهدار دمه ( كان في شي مفضل :p )

نفيسي بت الفكي حُمد إحمد من اهالي قرية الدوداب الوادعة والتي ينحدر اصلها من وراريق شبا كانت أول ضحايا صفقاته الخاسرة ، كانت قبلها امرأة كباقي الريفيات قوية نشطة تتغذي على السمن والعسل وتشرب اللبن ، لاتفوت (الوكت) تحافظ على فروضها وأورادها ، تستيقظ قبل التنبيه الأولاني تخمر العجين وتحلب البهائم وتشد حمار الحاج ثم تلحقه بفكة ريقه ( لقمة حارة وشاي منعنع) ، تقلب اللبقة وتحش البرسيم وتعتلى أشجار النخيل لتكسّر الواقود وتقلع الآشميق الذي تستخدمه كحبال للبهايم وكرّاب للعناقريب وليف للعدي والحمام وتلميع (الوشوش) http://sudaniyat.net/vb/images/icons/icon12.gif

لاتعرف درب الدكاترة ولا تتعاطى أي نوع من الأدوية غير البلدية ولم ترقد ابدا بفراش المرض .. إلى ان فاجأها الشديد ومانع ، أحست يوما بوخذ تحت ابطها الشمال اخذ يتزايد ويتمدد تدرجا إلى ان أجبرها ان تبدي مخاوفها لجارتها قائلة : الله يكفيني شر الوجع دا آعاشة الايامات دي قاايم عليّ وقدر ما انطارشتو ضمة ابى يروح ... وما خليتلي لبخة مالبختها للورم الماني عارفالو صيبة دا ...

أشتد عليها الألم وأستفحل وإضطرت ان تزور الشفخانة أخيرا لكن بدون فائدة !! فمرضها حيّر الطب والطبيب عندهم ...
قيل في أواخر ايامها أصبحت تتحدث مع الميتين وتنده في جدودا الأولياء وتتبسم فهي مرة جنة لا غلطت لا غلّطت ... وبروحها الشفافة عرفت من تسبب في مرضها وفكت سيرة الميتين وبقت هضربتها كلها قرض .. وصادف ان الأخير كان مارا بالقرب من طاقة نفيسي بت الفكي وهى تناهد لخروج الروح مرة تقلب الشهادي ومرة تكورك قرض ... سقط في يده وعرف ان بت الأولياء عرفت سره وحكاية تامره مع الخواجات ففكر في حيلة يصرف بها تفكير الناس عن ربط مرض بت الفكي وترديدها اسم قرض بإصرار وكانها تود ان تقول شي ولا تستطيع .... برقت عيناه بوميض مخيف وكان قد اعتزم امرا فنزّل شواله المعروف من كتفه وفتحه وأخذ منه صرة لم نتبينها وكورك بالطاقة للحاج راجل بت الفكي وطايبه وأبدى حزنه الشديد لمرض حرمه المصون وخاطبه قائلا : انت آ الحاج اصلو المرض دا ما اتعرفلو علاج؟

- دمعت عينا الحاج وسكت !! :(

- ووجد قرض ان ضعف الحاج وحزنه على شريكة حياته فرصة مؤاتيه لسبك حيلته فأخذ يزود الطرق على وتره الحساس ويثني على الحاجي المابتتخير عنه ويعدد مآثرها ، وصل صوته لبت الفكي وهي تنازع سكرات الموت فأخذت حشرجات صوتها تعلو ولا يُميز منها سوى اسم قرض !!
- انت آ الحاج ماك سامع الحاجي تقولكم سو لها لبخة قرض وهي طول عمرها خبيري في الوصفات البلديي دي !!
ومد يده إلى جيبه وأخرج الصرة التي كانت تحتوي على كمية مقدرة من القرض الذي كان يتقوى منه عندما يكون السكران غاضب عليه (الجوع كافر) :p ، ونجح في صرفهم عن تأويل مراد بت الفكي وأقنعهم بدق القرض وعجنه ومداواة بت الفكي به كما تأمر (ياله من شرير )

عندما وصل ذلك بت الفكي وهي تعالج نزعاتها الأخيرة شهقت بقوة وشخص بصرها إلى السماء تسبقه دعواتها على قرض المؤذي ...

ان كنت هربت من عقاب الدينا فأين تهرب من رب العالمين يا من لا يخشي الله ولا يصون حقوق الدم ... :mad:

حاربوا قرض مدمر البشرية عديم الإنساينة :mad: :mad:




:D
سويتنا بتاعين قصص على آخر عمرنا

[محمد ابراهيم قرض]

غاندي
أيها القرض القارضة
لقد حمي الوطيس، وإني لك لمن الناصحين أن تعض جلابيتك وتفك البيرق،

غاندي ..
أعض جلابيتي بي شنو ؟؟؟
هن وينن السنون العشت فيها معاك هنايا ؟؟؟!!!

أيتها الملكة أحسن ليك تفكي درب قرض ده، لأننا لو فكينا الهداهد بتاعيننا بجيبو خبرك وخبر ملكك ده في رمشة عين قرضوك يا حبيب.

حيرتني يا غاندي ..
إنت معاي و لا مع الملكة المزيفة ؟؟
شوف ... يا أبيض يا أسود ...

حاولت أخش في الموضوع يا قرض لكن أكتشفت أنو المشكلة دي من ناس (عقاربك) يعني شياقوز زيك، وأنا مالي أنا بره

حرام عليك يا غاندي ..
شن بيلم القمري مع السمبر ؟؟!!!
نحن من الشايقية الأصليين ..
لكن أهل الملكة ديل بيسموهم عندنا في البلد
بإسم (الزوارة) ...
و كنا جبناهم كده من عدة أماكن عشان
(يفقسوا) لينا التمر و يشيلوا أهلهم ...
لكن قاموا حتلوا معانا ... و الحتلة الياها ..
يعني بالأفرنجي كده هم (هاف كاست) !!!
مليانين برجم و حصبة و سعال ديكي !!!

تراح أماني ما أنجلد راجل ..

[ملكة سبأ]

فمن دراستي الدقيقة لاشعار شعراء المنطقة..وضح اتسامها بالتشابيه البليغة والتي
اتت كلماتها من الساسوى والهدام والسلم..مما يدل علي يباس المنطقة وجفافها
وانعدام الخضرة فيها

أسمح لى ان اختلف معاك قليلا استاذنا حميد ، فذلك ليس بالدليل على الجفاف بل ان لكل مقام مقال .. لا ننكر وجودنا بين ثلاثة خطوط لإنتاج وتشكيل الشخصية وصياغة الأديب والخطوط هي :
1/ الدرب التحتاني حيث النيل والنخيل والخضرة والتواجد الرومانسي ..

2/ الدرب الوسطاني وهو يميل قليل نحو الدرب التحتاني (منطقتنا) وهو درب العربات ويغلب فيه التواجد الإجتماعي من سفر وأشعار البكا والمناكفات ولقاء الموظفين وابناء المدارس غيرها من انماط الحياة الاجتماعية وقلنا يميل قليلا إلى الدرب التحتاني بحكم الجفرافيا وطبيعة أهل المنطقة الخضراء رغم قسوة المعايش ..

3/ الدرب الفوقاني حيث تطوقنا سلسلة من الجبال بطوق حديدي قاسي لا يعرف سوى المعاملة الغليظة ولا نختاره إلا مجبرين مثل ان يتسلل عبره احد القرضيين :D فيجدنا جميعا بطرفه حتى شعراءنا الذين يبتدعون أشعارا تناسب المقام فلا يوجد ابلغ من تشبيه عيون المدعو مثلما وصفها ود الحاج بلمعان ولون الساسوى (القزاز المكسر) على السام (الحيط) وهو منظر لا يقدره الا من راه وللتقريب الساسوي يكون بداخل الطين الذي بنيت منه الحيط فيظهر ملتصقا بالطين من الخارج ..(من يستطيع الوصف اكثر يتفضل ..) ..

سنعود لأشعار عبد الله الفوطي وقصة الهديمي الوقعت في ساقتنا ... :D

[محمد ابراهيم قرض]

كتبت الملكة:

أشعار عبد الله الفوطي

عليكم الله ده إسم شاعر ولا إسم جرسون قهوة ؟؟!!!

من ديوان (عيونك تشبه الساسوي الفي السام)

دحين ده نضمي ناس متحضرة؟؟!!!

وطبعا الديوان دا بكون مرجع كل افتتاحيات الرسائل التي كتبتها لقرض ابان فترة علاقتنا المزعومة

و لا تزال العلاقة مستمرة رغما عن كيد
الحساد و العزال ، و رغما عن الشاكوش !!!!!!

اها شفت ياقرض الحلبي قلنا نجاملك ساكت ونرفع روحك المعنوية )

مش معنوياتي إترفعت و بس ..
قربت أربط لي (حزام) و أروح أكمل الباقي من شارون !!!

مسكتنا كاروشة
ولكوني (حنيت) عليك مرة خلال (سرحاتك) الخائبة هذا لايعني ماتوهمه خيالك الخصب
(بتأليف قصص الخيال الجكسي

بس يا الملكة المزيفة ...
الكاروشة دي معناها إنه (مشاعرنا متبادلة) ...
أنا ذاتي ... النهار و الليل كله أنكرش ...
ياربي أسأل طبيب .. ولا (مجرب) ؟؟!!!!

[خالد الحاج]

كتبت الملكي:

لاتعرف درب الدكاترة ولا تتعاطى أي نوع من الأدوية غير البلدية ولم ترقد ابدا بفراش المرض .. إلى ان فاجأها الشديد ومانع ، أحست يوما بوخذ تحت ابطها الشمال اخذ يتزايد ويتمدد تدرجا إلى ان أجبرها ان تبدي مخاوفها لجارتها قائلة : الله يكفيني شر الوجع دا آعاشة الايامات دي قاايم عليّ وقدر ما انطارشتو ضمة ابى يروح ... وما خليتلي لبخة مالبختها للورم الماني عارفالو صيبة دا ...

أشتد عليها الألم وأستفحل وإضطرت ان تزور الشفخانة أخيرا لكن بدون فائدة !! فمرضها حيّر الطب والطبيب عندهم ...
قيل في أواخر ايامها أصبحت تتحدث مع الميتين وتنده في جدودا الأولياء وتتبسم فهي مرة جنة لا غلطت لا غلّطت ... وبروحها الشفافة عرفت من تسبب في مرضها وفكت سيرة الميتين وبقت هضربتها كلها قرض .. وصادف ان الأخير كان مارا بالقرب من طاقة نفيسي بت الفكي وهى تناهد لخروج الروح مرة تقلب الشهادي ومرة تكورك قرض ... سقط في يده وعرف ان بت الأولياء عرفت سره وحكاية تامره مع الخواجات ففكر في حيلة يصرف بها تفكير الناس عن ربط مرض بت الفكي وترديدها اسم قرض بإصرار وكانها تود ان تقول شي ولا تستطيع .... برقت عيناه بوميض مخيف وكان قد اعتزم امرا فنزّل شواله المعروف من كتفه وفتحه وأخذ منه صرة لم نتبينها وكورك بالطاقة للحاج راجل بت الفكي وطايبه وأبدى حزنه الشديد لمرض حرمه المصون وخاطبه قائلا : انت آ الحاج اصلو المرض دا ما اتعرفلو علاج؟

- دمعت عينا الحاج وسكت !!

:( :( :(
الله يرحمك يا نفيسي بت الفكي


جمع التوقيعات لتقديم (المدعو) قرض لمحكمة جرائم الحرب الدولية في لاهاي
وبما أن المدعو قرض لم يرعوي ويواصل في مخططه البشع في تسميم أمه
نجمع التوقيعات وعلّي شخصيآ تقديم الأوراق للمنظمات الدولية ومجلس الأمن.

(1) خالد الحاج الحسن

[محمد ابراهيم قرض]

كتبت الملكة:
والقصة انه وفي احدى المرات حدث ان وقع قرض الحلبي في كمين بناتنا ، فكان ان نال علقة ساخنة بواسطة المفاريك والمقاشيش

لعل العين الثاقبة للناقد تلحظ نوعية أسلحة
الدمار الشامل التي كانت تتمتع به بنات
مروي شرق ...

[محمد ابراهيم قرض]

ملكة سبأ:
وقيل (والله أعلم) ان الحلبي انتهز سانحة ذهاب فاطني العرجي للحوش الوراني بغرض سقاية البهايم

هي ما كانت عرجة ... بس كانت بتتعارج عشان تحنن
قلب أخوي الصغير الحلبي ... أصلها بتموووت فيه ...
حتى هي قامت سألته عن المسنجر الخاص بيهو
عشان تعمل معاهو (chat on line) ، لكن قام
سفها و هددها بي شيل الحال !!!

فتسلل بخفة القط إلى (التكل) تدفعه معدة خاوية - كان قوت قرض الحلبي لا يتعدي بعض تميرات الجاو وهى كل مايسمح به على السكران في حالة رضائه التام عنه - نجح الحلبي يومها في حشو بطنه بكل ماوجده بتكل فاطني العرجي ، صنقع بحلة السليقة بعد ان حتّل اللحمة وقرقش عظامها ، أتى على جميع ما بالعُمرة من كسار وقراصة ولم تسلم طرقة فطير كانت نستها فاطني العرجي على الدوكة من طاحونة ضروسة ، ولم يقنعه انتفاخ كرشه وتمددها فأتى بالبنبر وطلع فوقه طمعا مابداخل كورة اللبن الرايب بالمعلاق (المشلعيب)

أصلها فاطمة العرجة كانت من حبها ليهو
راسماله خرطة كاملة و بالتفاصيل ، ما
يقدر يرسمها أعتى المهندسين ... عشان
كده ما تعب كتير ... و تميرات شنو البتختها
ليهو الولهانة الغرقاانة في حبه ... ما خلت
المحمر و المجمر ... و الحلبي ياكل و ياكل
و كمان خلت ليهو تحلية كمان ..

[محمد ابراهيم قرض]

حميد:
هانذا اعود ومعي من الادلّة ما يشيب منها
الراس.اولا رغم التهديدات التي وصلتني من جهات ساورد اسمها لاحقا
الا انني ساواصل في سرد الحقيقة بتفاصيلها الدقيقة واسرارها
التي اصابتني بذهول كبير عندما استجمعتها واستخلصت الرابط
بينها.. ايها المدعو قرض..انت تعرف حاستي البوليسية في تقصي الحقيقة
واظهارها..وقد لاحظت كما لايفوت علي القارئ البرئ أن معلوماتك
صارت متناقضة وانحرفت بالموضوع الي جهة ليست في صالحك حتى
انك صرت تنهي عن خلق وتاتي بمثله

أنا من زماااااان يا حميد ما كنت ضامنك
و أسع ظهرت على أصلك و فصلك ..
كمل (ظهرانك)

[محمد ابراهيم قرض]

حميد:
فها انت تستعمل الاسلحة المحرمة دوليا ..وقد استنكرت ذلك علي
ود الحاج من قبل عند لفحة سماعة التلفون من قبل اماني..وانت علي علم
بطبيعة المنطقة الشرق مروية السمومية اللافحة للوجوه..فتهديدك بغرس
الاضافر في الوجه شئ شنيع..

أنا ما هددت زول ..
أنا كنت بتكلم عن أخواتي !!!

وانت تعرف جيدا ان الوجه منطقة ماهوولة
بالسكان وقد تعبن بنات شرق في حمايتها ولسنين طويلة من الاتربة والتشقق
باستعمال مواد كيماوية مثل البيض والكاسترد وايضا الحلبة المسحونة
وكذلك قليل من طين البحر الكركتي..وهذه مواد اولية لا يمكن صنع قنبلة
نووية منها تطال معسكراتكم المحمية باساطير الفراعنة

في (الحتة دي) بسطني شديييييد ..
يا خاتف لونين !!!

[سارة]

الراقى الجميل قروضى مشتاقووووون وليك وحشة

انا اعلنها وبالفم المليان انى معك قلبا وقالبا رغم رايك الما بيعجب فى الجندر بس بمررها ليك بمزاجى

بالنسبة لخالد الحاج انا عندى معاهو تار قديم ودى فرصة اقف معك واشد من ازرك ثورة حتى النصر

اما حرمهم المصون فيا قرض بصراحة ما تتلوم علا خالد دا انا بلقط ليك الحجار وانت فلع ساكت

كان سجن براك وكان ضمانة بضمنك اها قلت شنو؟؟؟؟؟؟؟؟؟؟؟؟

[mohamed hemaid]

السيد محمد ابراهيم قرض..كتب:
لعل العين الثاقبة للناقد تلحظ نوعية أسلحة
الدمار الشامل التي كانت تتمتع به بنات
مروي شرق ...

نعم لم يفت علي ذلك..وأي نعم فانا أجيد نقد الشعر
ولكن اذا دعت الضرورة أنقد واكل اي شئ يلاقيني..
هنالك فرق كبير فيما يخص اسلحة الدمار الشامل
بين التهديد والاستعمال..وهي السلاح الوحيد الذي تنطبق
عليه قاعدة.( التهديد به ومحاولة امتلاكه اخطر من استعماله)
فكيف فات عليك ذلك؟ انظر فامريكا استعملت هذا السلاح
من قبل وامتلاكها له لا يشكل خطورة..أما المساكين زي ايران
والعراق وكوريا فقط هم من هددوا بامتلاكه فقط وهنا كانت
الخطورة..فبنات مروي شرق استعملن المافريك والمقاشيش
من نوعية تظهر آثارها على المدى البعيد نهجهن في ذلك نهج
الولايات المتجددة امريكيا..
أما قولك:
أنا من زماااااان يا حميد ما كنت ضامنك
و أسع ظهرت على أصلك و فصلك ..
كمل (ظهرانك)
فله تفسيران..الاول اذا كنت تتحدث عن ظهر الهدوم
فانا لا امتلك اي كمية منها ولا حتى ذرة واحد انا اعرف
تلميحاتك جيدا التي تريد منها خداع الراي العام باني امتلك
انواع من الظهر المكعبات اخطر الانواع على الاطلاق..
فارجو منك يا سيد قرض الا تحاول اغرائي بالمال للحياد
الي جانبك فانا رجل نزيه واخدم المصلحة العامة..كما ارجو منك
ان لا تتصل بي نهائيا بعد ذلك وان تشطب كل ارقام التلفونات
التي بحوزتك..لا اريد سمعاع صوتك مجددا فانت لا تراعي فروق
الوقت ..
اما ان كنت تقصد ظهر الليدو فهذا تلميح منك اشد خطورة من الاول
وساذكر تفاصيله لاحقا..وملحوق..
لا يفوتني ان اترحم على روح الشهيدة نفيسي بت الفكي..
تسبب في مرضها وفكت سيرة الميتين وبقت هضربتها كلها قرض
دا كلو بتلقاهو قدام راجيك يا قرض..

جمع التوقيعات لتقديم (المدعو) قرض لمحكمة جرائم الحرب الدولية في لاهاي

عفيت منك يا ود الحاج دايما سباق للخير و(الصالح العام)..
كدا تاكد لي بانك رجعت قرض لي سودانيات بعد رفده لجمع اكبر
عدد من الادلة..الا ختفة اماني للتلفون جعلك في موقف محرج
2/ محمد حميد واسرته..

[ملكة سبأ]

عليكم الله ده إسم شاعر ولا إسم جرسون قهوة ؟؟!!!

:D

بالله ياقرض لسة متذكر الحكايي دي ؟

أيام قهوة خضر النادي بمروي غرب وشغلك في غسل الكبابي وكنس القهوة وطردك منها قبل ان تحقق أمنيتك عمرك بترفيعك إلى وظيفة مساعد جرسون !!

يوم اكتشف خضر النادي انك تخبي ماتسرقه من على السكران داخل واحدة من الكفتيرات وكاد ذلك ان يؤدي إلى كارثة باسكار رواد القهوة دون علمه مما كان سيعرضه إلى المحاكمة تحت المادة (79) ..

عضب يومها خضر وأرغي وأزبد وأمسك بتلابيبك وكاد ان (يفطسك) لولا توسط طالبات مدرسة مروي الثانوية بنات الائي تجمعن اثر صياحك المرعوب ...

لا أود الإسترسال في القصة لكن عجبني وافاءك لحلمك القديم وتعلقك بزملاء المهنة برغم ما أصابك ..
حتى أصبحت لا تفرق بين أسماء الشعراء العظام وأسماء الجرسونات ...



وعندك واحد شاي وصلحو :)

[ملكة سبأ]

دحين ده نضمي ناس متحضرة؟؟!!!

طبعا الحضارة مابتفوتنا شبر لانه وببساطة كان ممكن ننضم نضم ماياهو وكان ممكن نثبت عليك تهمة اب جقادو ونفضحك لله وخلقه :mad: :جاتني هسه رساله في الخاص من الجنس اللطيف بتقول انك (خرّفت) وبقيت ترسل حاجات ماياها!!!
كما جاء في إفادات اب جقادو
وعشان يبرر موقفه كتب قرض :
حتى هي قامت سألته عن المسنجر الخاص بيهو
عشان تعمل معاهو (chat on line) ، لكن قام
سفها و هددها بي شيل الحال !!! !!!

دحين انا من دريبي دا مارقي علي فاطني العرجي وأشوف أصل الموضوع ، ان بقى عندها دليل على اخوك (وهو المتعود على شغل الضرا )

ومع اني عارفي بطنا غريقي وما بتحب تشيل حس الناس .. لكن ياقرض مادام جابتلها هيجمي قدر دا .. وضربني وبكى !! اتحزم وارجي الراجيك ..

والوسطاء يمتنعون ...
:mad:

او كما قال الخال :
غايتو الله يرحم علي السكران ما عرف يربي

[ملكة سبأ]

جمع التوقيعات لتقديم (المدعو) قرض لمحكمة جرائم الحرب الدولية في لاهاي

1/ خالد الحاج الحسن
2/ محمد حميد واسرته
3/ الملكي عن اهالي منطقة مروي شرق

وقعوا لأجل الانسانية ...

[حمدي اب جقادو]

والله انا اوقّع وابصم :D

وانبطح فوق الFingerprint بس اشوف يوم اسود في قرض ده


يوم لونو (كحلي) والعياذ بالله :D

http://www.jamesshuggins.com/i/oth1/signature.jpg

http://blogs.warwick.ac.uk/images/johndale/2005/05/03/fingerprint.jpg

http://www.cse.ucsd.edu/classes/sp02/cse252/hw3files/fingerprint.jpg

[محمد صالح الخضر]

يا أخوانا الحاصل شنو بالضبط؟

الحجي دي واقفي طولت

أنا جديد في الحلي والشلاقة كاتلاني، وخايف أدخل أحجز يلحقني عكاز.

البركالة ديل (ما لم) خاتنو قرض مع قرض

وشايف الحكايي داخلات فيها حررم

كدى واحد يقعد في الواطة ويفقط لي الحاصل شنو ويوريني الخاتي منو

أنا يبقى لي زي متل أتكنّو الحكايي دي سببها الحروم

حجتكم دي يا جماعة قطعت البحر و وصلت دويم ود حاج

دحين ألعنوا الشيطان ودخلوا الحررم ديل جوة بدل ما يقيفن في الشارع كدي ويشيلن حسكم في البلد .

بعد داك كلو شئ بيركب عدلو ]

[محمد ابراهيم قرض]

الراقى الجميل قروضى مشتاقووووون وليك وحشة

انا اعلنها وبالفم المليان انى معك قلبا وقالبا رغم رايك الما بيعجب فى الجندر بس بمررها ليك بمزاجى

بالنسبة لخالد الحاج انا عندى معاهو تار قديم ودى فرصة اقف معك واشد من ازرك ثورة حتى النصر

اما حرمهم المصون فيا قرض بصراحة ما تتلوم علا خالد دا انا بلقط ليك الحجار وانت فلع ساكت

كان سجن براك وكان ضمانة بضمنك اها قلت شنو؟؟؟؟؟؟؟؟؟؟؟؟

إزيك يا سرورة و كيف حالك و وحات الله مشتاقين ...
إنتي كنتي مدسية وين ؟؟؟ فتشت ليك في كل مكان ،
نحت جلمود الصخر ... طفت جميع الأكوان ..

لكن جيتي في وقتك ، فلقد تنادت (الملكة) على قصعتها
و لا تعرف المسكينة أن لحم قرض مر ، مر ، مر يا ولدي .
و متين شفتوا ليكم لحم قرض طاعم ؟؟!!!

و ما شفتي المرجفين أمثال أبوجقادوا و حميد
و غاندي و المسافة و زعيمهم خالد الحاج الأصلوا
في حياته ما راح الحج ، و لا شاف طريق مكة ....

لكن الملكة المزيفة رشتهم ، و جندتهم تحت لواء
الفبركة و التهجم و البهتان ... و دخلوا جميعهم
في حالة من الهذيان يحتار فيها المرحوم حسبو
و تلاميذه ..

لكن ، بوقوفك جنبي يا سرورة ، سوف ينتشي
قلبي المكسر فيك من زمان ، و أزداد بك قوة
و منعة ضد خفافيش الظلام ... فيا بختي و سعدي
بطلتك البهية يا أغلى من عيني و أجمل جكساواتي ..
و المجد و العزة للسودان ...

[محمد ابراهيم قرض]

حميد:
.بنات مروي شرق استعملن المافريك والمقاشيش
من نوعية تظهر آثارها على المدى البعيد نهجهن في ذلك نهج
الولايات المتجددة امريكيا..

البحر ذاتو يا حميد قنع من تخلف بنات مروي شرق
و حلف يفرق بيناتهن و بين البنات المتحضرات
في الغرب .... و قد سألت البحر يوما:
هل بنات مروي شرق منك ...
ضحكت أمواجه و قالت ...
الترابة في خشمي ...

فارجو منك يا سيد قرض الا تحاول اغرائي بالمال للحياد
الي جانبك فانا رجل نزيه واخدم المصلحة العامة..كما ارجو منك
ان لا تتصل بي نهائيا بعد ذلك وان تشطب كل ارقام التلفونات
التي بحوزتك..لا اريد سمعاع صوتك مجددا فانت لا تراعي فروق
الوقت ..ا

و أنت لا تراعي فروق العملة ..
فلقد طلبت منك أن تعينني في شراء قلاب
فأكلت مني باليورو ما قدرت على جمعه
بالدولار .. الله يجازي الكان السبب !!!

عفيت منك يا ود الحاج دايما سباق للخير و(الصالح العام)..
كدا تاكد لي بانك رجعت قرض لي سودانيات بعد رفده لجمع اكبر
عدد من الادلة..الا ختفة اماني للتلفون جعلك في موقف محرج

سباق للخير و الصالح العام؟؟؟
زولك قافل التلفون 24 ساعة عشان ما يفعل الخير ...
قال ده علاج (عائلي) لللفحان ... عجبي !!!

[محمد ابراهيم قرض]

الملكة:
طبعا الحضارة مابتفوتنا شبر لانه وببساطة كان ممكن ننضم نضم ماياهو وكان ممكن نثبت عليك تهمة اب جقادو ونفضحك لله وخلقه

ومع اني عارفي بطنا غريقي وما بتحب تشيل حس الناس .. لكن ياقرض مادام جابتلها هيجمي قدر دا .. وضربني وبكى !! اتحزم وارجي الراجيك ..

نرفض التهديد و الإبتزاز يا أيتها الملكة المزيفة ...
نحن (حماس) ... لا نتلون و لا نتملق و لا نتكيف
إلا بالتمباك ....
نراجع و لا نتراجع ... نجامل و لا نتنازل ...
و لما نقبض مافيش فكاك ..!!!!

[mohamed hemaid]

السيد قرض..
البحر ذاتو يا حميد قنع من تخلف بنات مروي شرق
و حلف يفرق بيناتهن و بين البنات المتحضرات
في الغرب .... و قد سألت البحر يوما:
هل بنات مروي شرق منك ...
ضحكت أمواجه و قالت ...
الترابة في خشمي ... :D :D ..

كنت اظن جفاف البحر له علاقة بامطار الحبشة
اتاريهو بنات مروي شرق اساس المشكلة؟؟
تغيب وتجيب العجيب المفيد.. زدنا من لدنك علما..

و أنت لا تراعي فروق العملة ..
فلقد طلبت منك أن تعينني في شراء قلاب
فأكلت مني باليورو ما قدرت على جمعه
بالدولار .. الله يجازي الكان السبب !!!
وهل تسمي استرجاع الحق اكل.؟.اولا ومن خلال
فرق العملة وصلت قروشك ناقصة قرابة الثلث وتاني انا
خصمت حق التلفونات والمشاوير والسندوتشات والباقي ليك
كلهن كم دولار لستك ما يجيبنو ليك..وانا حزرتك من الاول
وقلت ليك المصاريف عليك وابديت موافقتك التامة وبكامل عقلك

فيا قرض ارجو منك تاكيد او نفي ما قالته الملكة:
أيام قهوة خضر النادي بمروي غرب وشغلك في غسل الكبابي وكنس القهوة وطردك منها قبل ان تحقق أمنيتك عمرك بترفيعك إلى وظيفة مساعد جرسون !!
مع خضر الامين؟!! وانا اقول شايفك وين يا ساسويي العين..

الحبيب محمد صالح الخدر سلامات..
كدى واحد يقعد في الواطة ويفقط لي الحاصل شنو ويوريني الخاتي منو

قرض قرض قرض..

[محمد ابراهيم قرض]

حمدي جقادو:
والله انا اوقّع وابصم
وانبطح فوق الFingerprint بس اشوف يوم اسود في قرض ده
يوم لونو (كحلي) والعياذ بالله

حمدي ...
أسرار زيارتك للسودان فاحت ..
ناس فاتحين بلاغات و ما لامين في قروشهم ...
و ناس إعتمدوا على الثقة ساكت و أسع فاتحين
صيوانات عزا ...
و ناس لسع فاتحين خشومهم ، منتظرين معجزة ...
عشان كده بيجيك اليوم البتنبطح فيهو جد جد فوق
البصمات ... و بصماتك يا جقادوا لافة مع الانتربول
من بلد لي بلد ...
يبقى يوم منو الأسود يا جقادوا ؟؟؟

[محمد ابراهيم قرض]

محمد صالح الخضر
يا أخوانا الحاصل شنو بالضبط؟
الحجي دي واقفي طولت
أنا جديد في الحلي والشلاقة كاتلاني، وخايف أدخل أحجز يلحقني عكاز.
البركالة ديل (ما لم) خاتنو قرض مع قرض

يا سلام عليك يا ود الخضر ..
و يا فرحتي و سعادتي بي قدومك ..
كنت وين ياخي من زمان ...
دحين أدخل لي داخل و اتمهل و الدار دارك ..

وشايف الحكايي داخلات فيها حررم
كدى واحد يقعد في الواطة ويفقط لي الحاصل شنو ويوريني الخاتي منو
أنا يبقى لي زي متل أتكنّو الحكايي دي سببها الحروم

أنا رحبت بيك ساكت يا ود الخضر ...
أنا ما اتوسمت فيك الفطنة و النجابة و الفراسة ...
و ما خزلتني يا ود الخدر .. من أول دخول ليك اكتشفت
إن سبب المشاكل هم مقطوعات الطاري الحررم ...
الله يكفينا شرهن ...

وحاتك إنت واحدة معانا هنا عاملة فيها ملكة على اليمن السعيد ...
و كان اتمعنت في الخلقة ... (العرق) ما بيغباك ...
دحين يا ود الخدر ملكات اليمن ديل فيهم عرقن مدسوس ؟؟!!!

حجتكم دي يا جماعة قطعت البحر و وصلت دويم ود حاج

البحر بس يا ود الخدر ...
اللسان لامن يكون حاد و مدبب
بيعبر القارات و يتمدد في كل الساحات ...

دحين ألعنوا الشيطان ودخلوا الحررم ديل جوة بدل ما يقيفن في
الشارع كدي ويشيلن حسكم في البلد .بعد داك كلو شئ بيركب عدلو

إنت قايلن زي حررم زمان يا ود الخدر ..
ديل تلقاهن متحزمات و فاردات ضراعن ...
و كانت قفلت عليهن الباب .. ينطن
من الشباك ...

حاشية:
لكن ما عجبتني و سريت بالي يا ود الخدر ..
أريتك تداوم على البكان ... و ربنا يحفظك
و يحصنك من ناس جقادوا و حميد ...
أوعى يلفوا راسك ... يسلم لي راسك !!..

[محمد ابراهيم قرض]

حميد:
كنت اظن جفاف البحر له علاقة بامطار الحبشة
اتاريهو بنات مروي شرق اساس المشكلة؟؟

ده كلامك يا حميد ..
ديل متخصصاااات مشاكل ..
قرايتهن مشاكل ..
أكلن و شرابن مشاكل ...
ونستهم ساكت يا حميد مشاكل ..

وهل تسمي استرجاع الحق اكل.؟.اولا ومن خلال
فرق العملة وصلت قروشك ناقصة قرابة الثلث وتاني انا
خصمت حق التلفونات والمشاوير والسندوتشات والباقي ليك
كلهن كم دولار لستك ما يجيبنو ليك..

ياخوي الحق حق .. و البيزبيس بيزبيس !!!
دحين حول لي دويلاراتي ديل ..
إنشاء الله أعملن حلاوة لكوم !!!

[سارة]

انت يا قرض قلت

لكن ، بوقوفك جنبي يا سرورة ، سوف ينتشي
قلبي المكسر فيك من زمان ، و أزداد بك قوة
و منعة ضد خفافيش الظلام ... فيا بختي و سعدي
بطلتك البهية يا أغلى من عيني و أجمل جكساواتي ..
و المجد و العزة للسودان ...


وبينى وبينك انا جيت زولة مشاكل وشايلة وش القباحة قلت البورد دا يا انا يا ود الحاج وشلتو

بس امانى برا من الشلة دى يعنى من الملكة لاب جقادو للجيلى لكل الطابور الخامس دا لكن

يا قروضى زعلتنى وما نمت الليل انا تارنى واحدة من جكساواتك ؟؟؟؟؟؟؟؟؟؟؟؟؟ يعنى

كنت غاشينى الزمن دا كلو :mad: :mad: وانا كنت فاكرة انا براى :( ماشى يا قروض عند الشدة تذهب الاحقادانا بدافع عنك حتى النصر لكن حسابك بعدين :(

[محمد صالح الخضر]

أبشر يا قرض
أماني ما وقف معاك راجل
عكازي مضبب وسكيني في ضراعي

لكن بس الليلي راجع فتيران من الطاحونة

بس انتو أول شئ ابعدو الحررم ديل بعيد
الحروم مقطوعات الطاري يا هن سبب البلاوي دي كلها

القلعت السماعة من راجلا
والقاعدي تسوط في الحلي وتلخبت
والقاعدي تنقل في القوالات
والمابعرفو سوت شنو
والمسمي نفسها ملكة شنو ما بعرفو .. قالت ملكة قالت


لكن يا قرض يا خوي
أنا وليدا للحاج أسمو خالد
ساوولو فيّ خير أنا ما بنساه
عكازي ما بقدر أنزلو فوقو .. لكن (بحظرو) وأهرشو

وبعدين ياقرض عندي سعال .. وخاااااااااااااااااااااااااايف من الاجابة
والله يكضب الشينة

انت حميد ده .. ياهو حميد البيصحو .. والله حميدا واحدا مقلد
ان بقى حميدا تايواني مقلد الحكايي ساهلي
لكن ان بقى يا هو حميد البيهز ويلز
يا خوي الورطة كبيري
الزول ده لسان ما بيتقدر ... سكان الصين ما بيقدروا عليهو

لكن أنت بس ألبد بي العكاز


أسع أنا راجع فتران .. وباكر بتم لك القصة

بس عليك الله وقع لي موضوع حميد ده.. وان شاء يطلع واحدا مقلد

[خالد الحاج]

ود الخضر
مساك الله بالخير... ودي آخر كلمة طيبة تسمعها ما دام ختيت راسك مع ود علي السكران. :mad:

أبشر يا قرض
أماني ما وقف معاك راجل
عكازي مضبب وسكيني في ضراعي

سكينك الفي ضراعك لعلك خاتها لليوم الأسود :eek: :D


بس انتو أول شئ ابعدو الحررم ديل بعيد
الحروم مقطوعات الطاري يا هن سبب البلاوي دي كلها

أمانة يا ود الخضر ما إتلومت.. نحن الزي المدعو قرض ده ما بنرميهو بكل ما عندنا (ندردقو شوية) نظام كديسي وفار.. ولما إتصدت ليهو مليكتنا سبأ والتي لمعلوميتك بدستة رجال وألف قرض قلنا كفاية الملكي تسد عين الشمس. وعليك إن لم تسحب كلمة حررروم الحرب معلنة إلي يوم الدين :mad:

أما عن حميد فرغم أنو ما حميد الفي بالك لكنه أبعد ما يكون عن تايوان وأحيلك إلي كتابه بيمنه (العرجي خرفت وطلقت) ففيه تجد ضالتك ايها الضال. :cool:

يبدو أنك فعلآ جدادة خلا.. لأنك كان سيد بيت ما بتباري مقطوع الطاري الماعندو وجيع.. قرض بن علي السكران. وقالو البباري الجداد بيوديهو وين ;) .

دحين أمهلناك ثلاثة ليالي للإستتابة وبعدها تحل عليك اللعنة :mad:

اللهم إني بلغت... اللهم فاشهد.

الخاااااااال

[mohamed hemaid]

هذه نبذة صغيرة عن محمد صالح الخدر..
من مواليد دويم ود الحاج ( يعني ماتامي ديم زاتو)
عمل في العام 1988 باللجنة المكلفة بتوزيع الاغاثة
علي منكوبي الفيضانات آنذاك..لم يكن سوى مجرد
عامل بسيط او بالاصح عتالي بمعدية مروي في تلك الفترة
عندما حولت السقالة من مدرسة البنات الي دويم ود حاج
فاستغل ود الخدر لخمة المواطن الضعيف بامور الفيضانات
ونهب كل المساعدات ..لم يكتفي ود صالح فقط بذلك بل ذهب
الي ابعد فقد تمت محاكمته بمحكمة مروي ( كامبو) بتهمة
سرقة ممتاكات مدرسة مروي بنين القريبة من دويمهم..هرب
من السجن بمعاونة احد اقاربه وهو معروف لدي الجميع هنا
فقط قارنوا بين (ديم الحاج ) و (خالد الحاج )..وهاهو الدليل


لكن يا قرض يا خوي
أنا وليدا للحاج أسمو خالد
ساوولو فيّ خير أنا ما بنساه
عكازي ما بقدر أنزلو فوقو .. لكن (بحظرو) وأهرشو

محمد صالح شخص يعرف الزوغان والهروب وقد ساعدته اشجار
المسكيت التي تكتظ بها ديم ودالحاج في اجادة فنون اللعبة..
نرجو من ود الحاج عدم التستر على هارب ونطالب بتسليمه للعدالة
وان شكلة خطورة اكبر فتسليمه الي لاهاي مع قرض امر واجب..

انظرو مذا كتب ود الخدر..
عكازي مضبب وسكيني في ضراعي

بس انتو أول شئ ابعدو الحررم ديل بعيد
عكازي ما بقدر أنزلو فوقو .. لكن (بحظرو) وأهرشو
لكن ان بقى يا هو حميد البيهز ويلز
يا خوي الورطة كبيري
الزول ده لسان ما بيتقدر ... سكان الصين ما بيقدروا عليهو
شيل شيلتك يا قرض صاحبك ابعد الناس كلهم وما فضل زول
قدامو غيرك..بل راس للضرب الجاييك..واتحزم للجري..
انت حميد ده .. ياهو حميد البيصحو .. والله حميدا واحدا مقلد
ان بقيت قاصد حميد الحكم عليك بالسجن في مروي ومنعك تشتغل
في جنينة السجن الجنب مدرسة البنات وشغلك بس تنقل المويي بالجوز
للمستشفى فدا نعم انا..اما ان بقيت قاصد حميدا آخر فيا اريت اكون زيو..

ان رجعت رجعنا بفايل المحكمة وقضية اختلاسات وسرقة بيض الدجاج..

[فيصل سعد]

إزيك يا سرورة و كيف حالك و وحات الله مشتاقين ...

و ما شفتي المرجفين أمثال أبوجقادوا و حميد
و غاندي و المسافة و زعيمهم خالد الحاج الأصلوا
في حياته ما راح الحج ، و لا شاف طريق مكة ....
...

طيب يا رجافة يا داقس:
ايها الصديق الذي كان حليفا و انقلب 360 درجة بسبب وعد اسفيري ماسنجري لم يتحقق "راعي حرماني و اخشى عامل السن" و حفنة ريالات عمانية لم تكف لمشاركة رقشة ضيعها في مشاوير المحبة و مساككة الرحلات و التراشق امام اكشاك الليمون البارد بين الخرطوم و القضارف و انتهت "بخفي حنين" . و يحك يا حليف الامنجية و مدعي الحرب علي الدنمارك و يا ركاب السروج و يا شعب كل الحكومات . لماذا تنسى العشرة بتلك السهولة؟ و كيف اصبحنا مرجفين بين عشية و ضحاها؟
و اخيرا لك الود و التقدير و دوام الصحة و العافية و رجاء تخفيف الركل على حمدي ابجقادوا لانه "لا قدرك لا لحم سدرك" و بعدين كان عكلت معاه بركب راسه و بقرضك و بجيب خبرك و نقعد نخش في وساطات و الذي منه و انت عارف الزمن براو ما مساعد. .... شتات خالي محطات...

[حمدي اب جقادو]

طيب يا رجافة يا داقس:
و رجاء تخفيف الركل على حمدي ابجقادوا لانه "لا قدرك لا لحم سدرك" و بعدين كان عكلت معاه بركب راسه و بقرضك و بجيب خبرك و نقعد نخش في وساطات و الذي منه و انت عارف الزمن براو ما مساعد. .... شتات خالي محطات...

المسافه ايها الصديق الوفي

عفيت منك والله

ياها المحريه فيك (انا زمان ماقلت ليك انت ياهو زااااااااااااااااااااااااااااااااااااااتو لكن ابيت توافقني ):D

قرض اليوم الابيض

اقراء الكلام الكتبو ليك المسافه ده كويس (تقراء النوني انت) :D

الملكي

اين انتي يااخت الرجال :D

[محمد ابراهيم قرض]

سارة:
وبينى وبينك انا جيت زولة مشاكل وشايلة وش القباحة قلت البورد دا يا انا يا ود الحاج وشلتو بس امانى برا من الشلة دى يعنى من الملكة لاب جقادو للجيلى لكل الطابور الخامس دا

عفيت منك يا سرورتي و براوة عليك ..
نعم خليك وراهم لغاية ما يتساقطوا واحد واحد ..
و أولهم الملكة المزيفة ... ما هي أصلها رأس الحية يا سرورتي ..
الباقين ديل كمبارس ساكت !!!..

لكن يا قروضى زعلتنى وما نمت الليل انا تارنى واحدة من جكساواتك ؟؟؟؟؟؟؟؟؟؟؟؟؟
يعنى كنت غاشينى الزمن دا كلو وانا كنت فاكرة انا براى

معقووول أزعلك ... هو أنا بقدر ...
(جكساواتي) دي للتضخيم يا سرورة ...
لأنك إنتي عندي بي دشليون ...
و بعدين أنا ما زي حميد و جقادوا ..
ديل قلوبهم لكوندة ... لكن أنا قلبي غرفة
واااااحدة بحرية ، إنتي الوحيدة الفيها !!!

[محمد ابراهيم قرض]

ود الخدر:
أبشر يا قرض
أماني ما وقف معاك راجل
عكازي مضبب وسكيني في ضراعي

و الله راجل و الرجال قليل يا ود الخدر ..
و البتقيف معاهو ما ظنيته ينهزم ...
يسلم لي ضراعك يا ود الخدر ..

بس انتو أول شئ ابعدو الحررم ديل بعيد
الحروم مقطوعات الطاري يا هن سبب البلاوي دي كلها
القلعت السماعة من راجلا
والقاعدي تسوط في الحلي وتلخبت
والقاعدي تنقل في القوالات
والمابعرفو سوت شنو

باقيلك خليتلهن شي .. ياهو ده وصفن ذاتو ..
لا فض فوهك يا الخدر ..

والمسمي نفسها ملكة شنو ما بعرفو .. قالت ملكة قالت

عاد في دي ما قلبت الهوبة عدييييييل ...


لكن يا قرض يا خوي
أنا وليدا للحاج أسمو خالد
ساوولو فيّ خير أنا ما بنساه
عكازي ما بقدر أنزلو فوقو .. لكن (بحظرو) وأهرشو

سواة الخير من خالد ما بتطمن يا ود الخدر ..
ياما تحت السواهي دواهي ... و ياما ناسن كتاااار
لدغوا من موية الشربات ...
أصبر شوية ... بجيك كلامي ...
بس لا تغمض عويناتك الأتنين ..

وبعدين ياقرض عندي سعال .. وخاااااااااااااااااااااااااايف من الاجابة
والله يكضب الشينة .. انت حميد ده .. ياهو حميد البيصحو .. والله حميدا واحدا مقلد ان بقى حميدا تايواني مقلد الحكايي ساهلي
لكن ان بقى يا هو حميد البيهز ويلز يا خوي الورطة كبيري
الزول ده لسان ما بيتقدر ... سكان الصين ما بيقدروا عليهو

يا زول فال الله ولا فالك ...
أقولك : ده حتى ما بيجي ضفرن ليهوا ..
بس أنا عارفك لماضة صاحبنا و لئامتو ما بتغباك ...
علي الأدب ساكت كاتلك يا ود الخدر ...
شن بلم زولنا ده مع حميد سيد الإسم ؟؟؟!!!!

[محمد ابراهيم قرض]

حميد ..
هذه نبذة صغيرة عن محمد صالح الخدر..
من مواليد دويم ود الحاج ( يعني ماتامي ديم زاتو)
عمل في العام 1988 باللجنة المكلفة بتوزيع الاغاثة
علي منكوبي الفيضانات آنذاك..لم يكن سوى مجرد
عامل بسيط او بالاصح عتالي بمعدية مروي في تلك الفترة
عندما حولت السقالة من مدرسة البنات الي دويم ود حاج
فاستغل ود الخدر لخمة المواطن الضعيف بامور الفيضانات
ونهب كل المساعدات ..لم يكتفي ود صالح فقط بذلك بل ذهب
الي ابعد فقد تمت محاكمته بمحكمة مروي ( كامبو) بتهمة
سرقة ممتاكات مدرسة مروي بنين القريبة من دويمهم..هرب
من السجن بمعاونة احد اقاربه وهو معروف لدي الجميع هنا
فقط قارنوا بين (ديم الحاج ) و (خالد الحاج )..وهاهو الدليل

خسئت و هزمت يا مهزوم ..
ود الخدر ده ما زينة الرجال ..
أصبر .. بجيك يوريك ليهو ...

شيل شيلتك يا قرض صاحبك ابعد الناس كلهم وما فضل زول
قدامو غيرك..بل راس للضرب الجاييك..واتحزم للجري..

ألعب بعييييد يا حميد ..
ود الخدر ده زولن نووي ..
ما ظنيتك تقدر عليهو ...
(و الله كان خزلني بعد الحال تبقى مصيبة كبيييييري ؟؟!!!)

[ملكة سبأ]

طالح ود الخضر كتب :
أبشر يا قرض
أماني ما وقف معاك راجل
وأقر بكامل قواه العقلية :أنا جديد في الحلي والشلاقة كاتلاني،
أبشر تب آ قرض الحلبي المعادلة موزونة
كتب حميد:
هرب من السجن بمعاونة احد اقاربه وهو معروف لدي الجميع هنا

العرفة أكيد بس عايز أضيف انهم تخصص سرقة جنا جداد

تساءل ود الحاج :
سكينك الفي ضراعك لعلك خاتها لليوم الأسود ؟
والإجابة : تربية على السكران ما مضمونة
والدندهوبات زي بعض !!

[عكــود]

قرض عظيم المنتدى،

رغماً عن مناكفاتنا التي لا تخفى على الأعين ..
ورغماً عن رأيي فيك سابقاً ..
إلا أني لا أجد مناصّاً من مناصرتك هنا وقد تناولتك الألسن ..
وما خلوا لك صفحة ترقد عليها،

هل تعلم يا قرض أن شاعراً من المنطفة (الله أعلم كان من مروي شرق وللا المقل - للأمانة غير متأكد) تشبّب بمحبوبته منشداً:
داير أنط الحوش دردرب (عاشق وللا حرامي!!)
داير أشوف أم عكشاً دهب (محبوبة وللا بترينة!!)
العكاكيز فوقي رب رب (مستسلم الخِرَيّف!!)
ما بخلّيك إن إنضَرَب (عالم ما تجي إلا بالضرب!!)
إلا سيفاً يقطعني تب (منتهى العوارة!!)
وداير أضوق سجنك يا صنب (ليهو حق، ساكن ماكل شارب، ملح)

وهل تعلم أيضاً أنه وبعد كل هذه البطولات الزائفة عشان خاطر عيون المحبوبة وشعرها المسترسل، قد وصفها لنا كلآتي:
شَعَرِك الحنقوق الضكر
عينِك النخامة في الجر

فتأمل يا صديقي في الشاعر وملهمته وقل:
عجبي!!!

عكــود

[ملكة سبأ]

كتب قرض لسارة :
بطلتك البهية يا أغلى من عيني و أجمل جكساواتي ..
و المجد و العزة للسودان ...

B]بالله شوف مكر الزول دا وضرو ؟! :confused:

ياسارة ياختي خليك زولة مفتحة وراجعي سيرة الزول دا كويس وتاريخه العريق في اللف والدوارن وشغل بالضرا

المرة دي انا بشرحها ليك لكن تبقى آخر مرة !

فقرض وبعقدته الشهيرة تجاه النساء لا تضمينه ابدا :
1/ عندما كتب ( بطلتك البهية ) لم يكن يقصد المعني الظاهر ولكنه كان يدعم كلامه لاتباعه السوء ويضللهم بانك من ضمن اللائي حفيت اقدامهن بالجري خلفه فكتبها وهو يغني :

يابهية وشباب الزمن جنية
وعرس مافي :mad:

2/ وتأكيدا لأعلاه يعلنها صراحة انك من ضمن العديد من جسكوياته وجاء بلفظ أجمل زيادة في التمويه وحتى تنطلي عليك حيلته .. ولا تهتمي عزيزتي فهو معروف عنه ميله وشغفه بتأليف قصص الخيال الجكسي ..

3/ وهاهو يبخسك بقوله (يا اغلى من عيني) وهو يعلم تماما ما قيل في عينيه التي لا تتعدى قيمتها قيمة ساسوي قزاز على السكران المهروس بفعل مفاريك النساء وكيد الصبية ...

4/ وانظري إلى مدى خبث ذلك اللئيم عندما يقول لكي : سحقا سحقا سارة !!
فأي سودان ذلك الذي يدعو له بالمجد والعزة وهو المعروف عنه تآمره ضد الوطن والإنسانية ، وفي سبيلها سارة وقعي معنا :

جمع التوقيعات لتقديم (المدعو) قرض لمحكمة جرائم الحرب الدولية في لاهاي
1/ خالد الحاج الحسن
2/ محمد حميد واسرته
3/ الملكي عن اهالي منطقة مروي شرق
4/ حمدي اب جقادو

وقعوا لأجل الانسانية ...

[أم سهى]

ود قرض
عوافي انشاء الله
ما تقول ماني اتدخلت..
علا بتاوق فوق الفريق ده وبشوف اخر نضمهم وبجي صادة بي عكازتي دي

امضاء
(السرة بت عوض الكريم)

[ملكة سبأ]

قد سألت البحر يوما:
هل بنات مروي شرق منك ...
ضحكت أمواجه و قالت ...
الترابة في خشمي ...

:D

واشريرتي يالمهوّد الغبيان .. ليوم الليلي ما عرفت الكبّت الترابة في خشما دي امك بت قرض ؟

بعد ان طرده خضر النادي وكاد ان يفتك به لولا تدخل بنات مروي الثانوية كما اسلفنا .. فاتنا ان نقول ان هولاء البنات كن بنات مروي شرق .. حالن بينه وبين (شلاليت) جرسونات المقهى وكان دافعهن الشفقة لانهن عايشن مآسي قرض بمنطقتهن وسمعن بمرمطة على السكران له ...

وبخفة قلبه المعهودة وسوء تقديره للأمور وقلة عقله (الملحوس) بفعل الإفراط في تناول العرقي وإفتتانه ببنات مروي شرق وبعد خروجه الضجة من القهوة جلس إلى البحر بالضفة الغربية وعينه على الضفة الشرقية (وانفق الساعات في الشاطيء يشكو ويشرح) :
أنت يابحر أسير أه ما أعظم أسرك
أنت مثلي أيها الجبار لا تملك أمرك
أشبهت حالك حالي وحكى عذري عذرك
فمتــى أنــجــو من الأسر وتنجو؟
لست أدري ! :(
وعلى ذكر الاسر تذكر استعباد على السكران له فأخذ يصرخ وهو يتشنج : متى أنجو؟! .. متي أنجو ؟!
تجمع على صوته جمع غفير من الناس وهو في هذيانه وتفرقوا وهم يحوقلون ويسألون الهداية لقرض السجمان وهم يظنون انه مسطول كالعادة ..

وكان ذلك أوان جرس الإنصراف بمدرسة البنات وعندما لمح بنات الشرق زاد إضطرابه وانفعاله فأخذ يتدردق بالقيف (الشاطي) ويصيح :
يرقص الموج (وبالقهوة) حربا لن تزولا
تخلق (بنات الحور) لكن تخلق الحوت الأكولا

وبهذا يشير إلى (علقته) صباحا وهو في أشد الخجل ، ويصل إليه صوت ضحك البنات عليه فيزداد إضطرابا فيلجأ إلى البحر ويسأل السوال الذي ذكره :
هل يا بحر بنات مروي شرق منك ؟
وبسره قال : ( فهن من الزهرة أشهى ومن شذى الزهرة أطيب )

وفي لحظة سؤاله للبحر وصلت والدته بت قرض بعد ان اخبروها ان ابنها جنّ وفقد المحنة ويحاول الانتحار غرقا ، فاتت مسرعة وعندما وجدت ان الأمر كما قيل لها أخذت تحثو التراب عليها وتولول :
الترابة في خشمي

مازال صدى ضحكات بنات الشرق يجلجل باذنه وهو غائب عن ما حوله وصوت والدته يأتيه طشاش طاش فتوهم المسكين ان الموج يحادثه ...

اصحى يابريش

:D

[ملكة سبأ]

اب جقادو كتب :

الملكي

اين انتي يااخت الرجال

قااااعدي وموجودة

بس ابقي شمشا حارة واهرد لي قرض دا لمن اجي :D

[ملكة سبأ]

كتب عكود :هل تعلم يا قرض أن شاعراً من المنطفة (الله أعلم كان من مروي شرق وللا المقل - للأمانة غير متأكد) تشبّب بمحبوبته منشداً:
داير أنط الحوش دردرب (عاشق وللا حرامي!!)
داير أشوف أم عكشاً دهب (محبوبة وللا بترينة!!)
العكاكيز فوقي رب رب (مستسلم الخِرَيّف!!)
ما بخلّيك إن إنضَرَب (عالم ما تجي إلا بالضرب!!)
إلا سيفاً يقطعني تب (منتهى العوارة!!)
وداير أضوق سجنك يا صنب (ليهو حق، ساكن ماكل شارب، ملح)

في ضمتك آ عكود نطاط الحيط المتعود على اللطيش دا ما ذكّرك زول ؟1

يبقالي كدي متل التكنو الشاعر دا يكون من البركل تحت ;)

اما حكاية ام عكشا دهب دي الله يستر منها

زولك نوالو هبرة كبيري

وبعدين ياعكود الزول لا يحنن قلبك ساكت .. هو البدا والبادي اظلم :mad:

نزل عكازك وجيب قلمك تعال وقع معنا ضد قرض القارضة

[محمد صالح الخضر]

دي حلة شنو دي يا جماعة
اليوم الشقي الدخلنا البكان دا

الرجال متلقين حجج ، تقول ما فيهم زولا عاقل.
الاسمو حميد داك ، مش طلع تايواني وبس، ده يا قرض زي ما كلموني – طلع حميد بتاع الكلب البوليسي. مرة في مروي جابو الكلب البوليسي وقعدوا المتهمين في صف... الكلب ده كل مرة يمسك في واحد .. يغيروا الناس في الصف .. برضو الكلب ده يمسك في الزول ذاتو.. الناس قالوا الزول البيمسكو الكلب ده اسمو حميد.. الكلب شرط هدومو ...
واحد – يا قرض – قال لي ده يا هو حميد ذاتو العامل مشاكل مع قرض. أصلو قالوا بدأ بسرقة التبش والشمام، بعدين الحكاية أتطورت معاهو .. لحدما وصلت مرحلة الكلب البوليسي.

أما ولد الحاج داك الاسمو خالد ، أنا بمسك لساني منو، لأني ما ناكر جميل، لكن بيني وبينك لسانو طويل خلاص، مع انو قلعو السماعة منو

وخليك من الرجال شوف حررم الحلة كمان.
الحرّوم جاسرات ولسانن طويل . شوف ديك المسمي نفسها ملكة، أول ما فتحت خشمها .. قالت : طالح ود الخضر. بالله ده كلام ده يا جماعة .. الشكيي لـ أب ايدا قويي.
أنا أول ما دخلت قلت لكم الشلاقة كاتلاني ، وأزيدكم من الشعر بيت وأقول لكم كمان ما بختا من طروقيي ...
لكن الحق حق .. والمظلوم أنا معاهو
أنا جيت لقيتكم متفزعين فوق قرض دا.. ومتكبسين فوقو حريم ورجال ، وقلت ليكم واحد يقعد في الواطة يفقط لي الكلام، ويوريني الحاصل ... ما فيكم زول عبرني.

قرض دا عبرني وشرح لي القصة من طقطق... ومن ختف السماعة.. للسلام عليكم.
لقيتو مظلوم.

دحين أنا مع المظلوم لحدي ما أعرف القصة كلها ..
وبعدين يا قرض جاك عكود
ابشر بالخير
العكوداب ديل ان جيت للنضمي والكلام يعرفوه .. وان جيت للحارة كمان يا هم رجالها

و بيني وبينك يا قرض كلامك في المسمي نفسها ملكة دي، طلع في محلو
قالت طالح ... تشوف يا قرض اذا ما طفرتها ليك من البلد.
لكن كمان بيني وبينك (تعال لي جاي .. عشان أخاليك .. ما يسمعونا) .. حكاية درديقك في قيف مروي قدام البنات دي شني دي؟!؟

[سارة]

الملكى قالت الله يختينا شر القوالة:-ياسارة ياختي خليك زولة مفتحة وراجعي سيرة الزول دا كويس وتاريخه العريق في اللف والدوارن وشغل بالضرا

المرة دي انا بشرحها ليك لكن تبقى آخر مرة !

فقرض وبعقدته الشهيرة تجاه النساء لا تضمينه ابدا :
1/ عندما كتب ( بطلتك البهية ) لم يكن يقصد المعني الظاهر ولكنه كان يدعم كلامه لاتباعه السوء ويضللهم بانك من ضمن اللائي حفيت اقدامهن بالجري خلفه فكتبها وهو يغني :

يابهية وشباب الزمن جنية
وعرس مافي


الملكى يا بت امى كيفنو حالك؟؟؟؟؟؟؟ الزعل خلانى اتلومت فيكى علا ما بكضب عليك قروضى دا

ما برضى فوقو بريدو ولو سقانى السم بايدو فيعنى فيشان يابت امى ما نتلوم معاكى وكت جيتى

بالذوق ابعدى منه وخليك من مبارت الطابور الخامس من ود الحاج لى اب جقادو لى الجماعة التانين

ديل وامسكى درب الله واحد وما تبارى اللاخابيت والسواطات باقى نتيجتها ما بتسر

قرض يا قرض البدق القرض وبيعالج المرض

ثورة حتى النصر

اجمعوا توقيعاتكم لنصرة حبيب الملايين قروض والاقتصاص من المجرمين سالفين الذكر

سرورة / قروض

[ملكة سبأ]

كتبت سرورة :
علا ما بكضب عليك قروضى دا

ما برضى فوقو بريدو ولو سقانى السم بايدو
وحاة ستي مريم ماك براكي !! :eek:

يكون حوطك آ المصيوبة وماصة وسقاكي ياها وانتي ماجايبي خبر !! ..

أييّ دي مافيها اي كلام .. وريتي اسم امك آ الغبياني ؟

الحقي نفسك من ضوْ وخلي امك توديكي تنضفك من العمل السوا ليكي المسخوت دا !!

غايتو انا كلمتك ومرقت من حق الله ورحم (البورد) ..

ويا حفيظ http://www.asmilies.com/smiliespic/crazy/018.gif

[حمدي اب جقادو]

الطابور الخامس من ود الحاج لى اب جقادو لى الجماعة التانين

سرورة / قروض

ساره والاحباب المتداخلين
صباح الخير (وناس الليل) مساء الفل :D

ساره ياختي

قالو قديما (الماعارف بقول عدس) .. هسه ياساره في زمة اخر اربعين حبوبه ليكي .. انا الود القمر ده بتقال علي طابور خامس ؟؟ انا غايتو ماعندي ليكي رد الا بس اقول ليكي (سجمي خالص) وكمان وووب علي جدا :D

اذا انا طابور خامس وكمان سوّاط .طيب قرض ده حيكون شنو ؟؟؟؟

قرض ياساره وبشهادة الملكي وكل اهالي مروي شرق والمقل وةالعفاض وكل قري جنوب الولايه الشماليه تاريخه كما يلي :

اول حاجه انطرد من الروضه سنة 64 لسؤ السلوك
ثانيا دخل الابتدائي في عمر 9 سنين لانو كان بليد جدا
ثالثا انطرد من سنه سادسه ابتدائي اكثر من 17 مره (لانو كان ببيع عرقي للتلاميذ) وبعلمهم سف الصعوط
رابعا دخل المتوسطه بي واسطه وانطرد من سنه تانيه مرتين وبرضو لي سؤ السلوك (كان ببيع صعوط بالسفه في الفصل)
خامسا قعد في ثانوية مروي 9 سنين وكل مره كان برجع بالواسطه بعد ان قنع المدير من (خير فيه)
سادسا دخل جامعة القاهره الفرع بي واسطه (ويشهد الله) مرق منها زي مادخل
سابعا الان هو يعمل كصيدلي في السلطنه (ودخل السجن) اكثر من 19 مره عشان قاعد يعمل مركبات ماكويسه لطلاب الثانويات

اختي ساره

انا زي ما قلت ليكي في بداية ردي عليكي (فعلا الماعارف بقول عدس)

وخلي ان شا الله اليضوي ليكي

صورة لقرض ايام المتوسطه

http://www.ondmis.dk/cpg132/albums/userpics/normal_001.jpg

[محمد ابراهيم قرض]

المسافة:
طيب يا رجافة يا داقس

نعم أنا داقس و الغبراء كمان ..
فأحذر و أرعوي يا مسافة يا خيال!! ..

لماذا تنسى العشرة بتلك السهولة؟ و كيف اصبحنا مرجفين بين عشية و ضحاها؟

أنا أبيع الدنيا .. كل الدنيا .. في سبيل
عيون سرورتي يا مسافة !!...

و اخيرا لك الود و التقدير و دوام الصحة و العافية و رجاء تخفيف الركل على حمدي ابجقادوا لانه "لا قدرك لا لحم سدرك"

نعم ... جقادوك هذا مخالف لشروط العضوية ..
غير متزوج ... و كمان أقل من 18 سنة ..
دحين البوديهوا شنو يعافر في بوستات (الدخان) ؟؟!!!

[محمد ابراهيم قرض]

جقادو
اقراء الكلام الكتبو ليك المسافه ده كويس

و أنت أقرأ الآتي:
كتب الوجيه قرض:
نعم ... جقادوك هذا مخالف لشروط العضوية ..
غير متزوج ... و كمان أقل من 18 سنة ..
دحين البوديهوا شنو يعافر في بوستات (الدخان) ؟؟!!!

[محمد ابراهيم قرض]

عكود
قرض عظيم المنتدى

يا سلااام يا عكود ..
دي بعلقها في صالون عمارتي الجديدة بمدينة الأزهري !!!

رغماً عن مناكفاتنا التي لا تخفى على الأعين ..
ورغماً عن رأيي فيك سابقاً ..

أهاااااا .... بدين اللخبطة يا عكود .. مالك خربتها ؟؟!!!

إلا أني لا أجد مناصّاً من مناصرتك هنا وقد تناولتك الألسن ..

كده صلحتها شوية !!..

وما خلوا لك صفحة ترقد عليها

قمت دقست تاني يا عكووود !!..


هل تعلم يا قرض أن شاعراً من المنطفة (الله أعلم كان من مروي شرق وللا المقل - للأمانة غير متأكد) تشبّب بمحبوبته منشداً:
داير أنط الحوش دردرب (عاشق وللا حرامي!!)
داير أشوف أم عكشاً دهب (محبوبة وللا بترينة!!)
العكاكيز فوقي رب رب (مستسلم الخِرَيّف!!)
ما بخلّيك إن إنضَرَب (عالم ما تجي إلا بالضرب!!)
إلا سيفاً يقطعني تب (منتهى العوارة!!)
وداير أضوق سجنك يا صنب (ليهو حق، ساكن ماكل شارب، ملح)

تعجبني مقالاتك التي تفوح أدبا و ألقا يا عكود ..
لكن لماذا تظلم العشاق ؟؟؟!!
هذا الراهب في محراب الجمال يا عكود قد بلغت به الصبابة و الهوى مبلغا عظيما ..
فهو في سبيل الظفر برؤية حبيبته-و لو لهنيهات معدودة-لا مانع لديه
أن يرتدي ثوب الحرامي ، و يفتخر ببترينة محبوبته ، و ينال ما ينال
من العكاكيز و السيف يقطع من جسمه إربا إرابا ...
أية عشق و أية وله هذا يا عكود ؟؟؟
من منا يجرؤ على تجشم كل هذه التضحيات الجسام
من أجل عيون حبيبته ؟؟؟!!

وهل تعلم أيضاً أنه وبعد كل هذه البطولات الزائفة عشان خاطر عيون المحبوبة وشعرها المسترسل، قد وصفها لنا كلآتي:
شَعَرِك الحنقوق الضكر
عينِك النخامة في الجر
فتأمل يا صديقي في الشاعر وملهمته وقل:
عجبي!!!

لا أقول عجبي يا عكود .. إنما يزداد إعجابي به ..
فهذا العاشق المجذوب قد خص معشوقته بأغلى ما جادت
به البيئة المحيطة به ، ناهيك عن افرازاته البيولوجية !!!!
فليستحق منا الانحناءة و الثناء يا عكود ...

[محمد ابراهيم قرض]

الملكة
أنت يابحر أسير أه ما أعظم أسرك
أنت مثلي أيها الجبار لا تملك أمرك
أشبهت حالك حالي وحكى عذري عذرك
فمتــى أنــجــو من الأسر وتنجو؟
لست أدري !

يا الملكة أنا كان بفهم جنس الكلام الغلاد ده كان لميت
ناس ود الخدر و عكود ؟؟؟!! أفهموها بقى !!!

[محمد ابراهيم قرض]

ام سهى:
ود قرض
عوافي انشاء الله
ما تقول ماني اتدخلت..
علا بتاوق فوق الفريق ده وبشوف اخر نضمهم وبجي صادة بي عكازتي دي

من الناحية (الرسمية) ، فلقد افرحتني طلتك البهية يا أم سهى ،
و التحية لك و لزهير ...
أما من الناحية (الشعبية) ، فمرحبا بعكازك و عكاكيزك ..
و لنعملها على (فضل ظهور) الأعداء و الموتورين !!..

[محمد ابراهيم قرض]

ود الخدر
الاسمو حميد داك ، مش طلع تايواني وبس، ده يا قرض زي ما كلموني – طلع حميد بتاع الكلب البوليسي. مرة في مروي جابو الكلب البوليسي وقعدوا المتهمين في صف... الكلب ده كل مرة يمسك في واحد .. يغيروا الناس في الصف .. برضو الكلب ده يمسك في الزول ذاتو.. الناس قالوا الزول البيمسكو الكلب ده اسمو حميد.. الكلب شرط هدومو ... واحد – يا قرض – قال لي ده يا هو حميد ذاتو العامل مشاكل مع قرض. أصلو قالوا بدأ بسرقة التبش والشمام، بعدين الحكاية أتطورت معاهو .. لحدما وصلت مرحلة الكلب البوليسي.

كالعادة عجبتني يا ود الخدر ..
أديت صاحبنا حقه تماااااام ..

أما ولد الحاج داك الاسمو خالد ، أنا بمسك لساني منو، لأني ما ناكر جميل، لكن بيني وبينك لسانو طويل خلاص، مع انو قلعو السماعة منو

بس في دي لو طاوعتني يا ود الخدر ما بتجيك عوجة ...
أنا عارف لسانك ماكلك و ضرسك متاورك .... لكن خايف
من الرفدية و الطرد !!...

وخليك من الرجال شوف حررم الحلة كمان.
الحرّوم جاسرات ولسانن طويل . شوف ديك المسمي نفسها ملكة، أول ما فتحت خشمها .. قالت : طالح ود الخضر. بالله ده كلام ده يا جماعة .. الشكيي لـ أب ايدا قويي.

أصلها ما عندها نضمن سمح يا ود الخدر ...
و كان قطعوا منها اللسان ، تموت من سوء التغذية ..
ما ياهو اللسان المديها صحتها و عافيتها دي !!!

وبعدين يا قرض جاك عكود
ابشر بالخير
العكوداب ديل ان جيت للنضمي والكلام يعرفوه .. وان جيت للحارة كمان يا هم رجالها

صدقت يا ود الخدر ..
نسأل المولى يلزموا الثبات ...
باقيلك أنا مجرب ماني طبيب !!؟؟

و بيني وبينك يا قرض كلامك في المسمي نفسها ملكة دي، طلع في محلو قالت طالح ... تشوف يا قرض اذا ما طفرتها ليك من البلد.

أقولك يا ود الخدر:
من القطب الشمالي و لي غادي ..
و كمان كان قلت مثلث برمودا ، يكون أحسن!!! ...

لكن كمان بيني وبينك (تعال لي جاي .. عشان أخاليك .. ما يسمعونا) .. حكاية درديقك في قيف مروي قدام البنات دي شني دي؟!؟

ود الخدر ..
كويس وطيت صوتك و الناس ما سمعونا ..
أماني ما كانت درديقة فحلة ..
أريتها درديقة حبيبتك يا ود الخدر ..

[محمد ابراهيم قرض]

سارة
الملكى يا بت امى كيفنو حالك؟؟؟؟؟؟؟ الزعل خلانى اتلومت فيكى علا ما بكضب عليك قروضى دا ما برضى فوقو بريدو ولو سقانى السم بايدو

و أنا كان ضربتيني نووي عديل يا سرورة ..
مش ح أتنازل عنك مهما يكووووون ...

قرض يا قرض البدق القرض وبيعالج المرض

أموووت و يسولي عرس الشهيد في دلعك لي يا سرورة ...
أديني كمان و كمان !!!....

اجمعوا توقيعاتكم لنصرة حبيب الملايين قروض والاقتصاص من المجرمين سالفين الذكر-
سرورة / قروض ...
-قرض/سرورة ....
-قروضة/سارة ...
قروض/سرور ..

كفانا التوقيعات التمانية ديل يا سرورة ..
يخزن عين العدو !!!...

[ملكة سبأ]

كتب ود الخضر :
دي حلة شنو دي يا جماعة
اسمها حلة عوك .. سمعتبها ؟! http://www.asmilies.com/smiliespic/crazy/091.gif

اليوم الشقي الدخلنا البكان دا
:D

عرض اكتافك وفك البيرق

الناس قبلك زماااان طقو الحي اوووب والسووها بايدهم غلبت اجاويدهم

دحين نصيحة ليك شوف التخارجك من ضوْ

والسلام على من اتبع الهدي ، ووقّع معانا ضد قرض الحلبي ...

شوف ديك المسمي نفسها ملكة، أول ما فتحت خشمها .. قالت : طالح ود الخضر. بالله ده كلام ده يا
جماعة .. الشكيي لـ أب ايدا قويي.
وتفتكر اسم صالح بيجي مع شلة الحلبي ؟
فنحن لا نريد الجمع بين الأضداد ..
اقعد انت وشخت في الواطة دي وادرس الحاكيي كويس والطروقيي خلها ، بتودرك مع زويلك دا !!

تشوف يا قرض اذا ما طفرتها ليك من البلد
هي ياااا ناس جدادة برة :eek:

كدي غيّر بدّل

انا ليوم الليلي مسواهو ليك في الطروقيي والشلاقة .. وبعدين عارفي أساليب قرض ومكرو .. عشان كدا معاينالك من بعيييد وفوق دا مدنك حق الضيافة ...

لا تسوق في الشغلانة متل ما قلتلك ولا تتابع لي قرض الحلبي دا بودرك ... هسى شايفلو صليح هني غير البنيي المسيكيني المحوطة دي .. :D

وكدي امش اخدلك لفة في الفريق دا وتعال .. قبال تلقانا في طرفك http://www.asmilies.com/smiliespic/crazy/155.gif

[ملكة سبأ]

سرورة / قروض ...
-قرض/سرورة ....
-قروضة/سارة ...
قروض/سرور ..

كفانا التوقيعات التمانية ديل يا سرورة ..
يخزن عين العدو !!!...
واحيتي واحيتي !!!

ياود قرض انت اتملس ؟؟

(دي حبوبتي بتتكلم معاك .. رد عليها لمن اجيك انا )
:D

[dayami]

شايفك يا قرض مزنوق زنقة الصبره في بيت الجداد جينا نشد من اذرك
http://www.sudantv.tv/vedio/v17.wmv

[أبومناهل]

العزيز / قرض
متابع البوست من بدايته . . وقلبي معاك وكنت مستنيك تقول يا أبو مروووووه . . وأجي داخل :eek:
بس شكلك ما كنت عارف حجم الخطر المحدق بيك . . ديل أعداء الجمال والحب خليك منهم . . . . وبيني بينك أن شاكي في ولاء ( سارة ) خليك متيقظ . .
وهسع جيت لمن سمعت أن ديامي أعلن الإستنفار والتعبئة العامة . .
وجاهزين جاهزين يا أحلي قرض

[محمد ابراهيم قرض]

الملكة:
وحاة ستي مريم ماك براكي !!

يكون حوطك آ المصيوبة وماصة وسقاكي ياها وانتي ماجايبي خبر !! ..

أييّ دي مافيها اي كلام .. وريتي اسم امك آ الغبياني ؟

الحقي نفسك من ضوْ وخلي امك توديكي تنضفك من العمل السوا ليكي المسخوت دا !!

غايتو انا كلمتك ومرقت من حق الله ورحم (البورد) ..

سرورتي ..
طبعا ما بيفوت عليك كلام الحاسدات و الغايرات ..
خليها كدي تموت و تفطس بغيظها !!!......

[محمد ابراهيم قرض]

أبومناهل
متابع البوست من بدايته . . وقلبي معاك وكنت مستنيك تقول يا أبو مروووووه . . وأجي داخل

مرحب [ابي مناهل ..
يازول أخوك حديد ..
و بعدين معاي ناس بدفع ليهم عملة صعبة عديل ..
ود الخدر و عكود ... باقيلك بيخزلوني ؟؟!!!

وبيني بينك أن شاكي في ولاء ( سارة ) خليك متيقظ . .

شوف يا أبو مناهل ..
أي حاجة و لا سرورتي دي ..
بتمووووت فيني و أنا أكتر ...
و قل منقو ما عاش من يفصلنا !!!.....

[محمد صالح الخضر]

قالت الملكة

اسمها حلة عوك .. سمعتبها ؟! :mad:

يا قرض
شايف الشايفو أنا ده
الزولة دي - خلي بالك - عندها بعاتي
شايف قدام حلة عوك دي في شنو؟
ده بعاتي والله ود أم بعلو يا قرض

الحكايي ما ها طولة لسان بس

عكود وينو .. يا جماعة شوفو عكود
نحن لا بنخاف من بعاتي ولا من ود أم بعلو
لكن يا قرض كدي كورك لسرورة تجي تطق الوي أي بوي عشان تلم الناس نشوف حكاية البعاتي دي شني!

أنا ماشي كدي على البنطون ومعدي واصل سوق القرير وبجيك راجع آ قرض
شدو حيلكم أو عكم تخافو ]

[محمد ابراهيم قرض]

ديامي:

شايفك يا قرض مزنوق زنقة الصبره في بيت الجداد جينا نشد من اذرك

تسلم و تعيش يا ديامي يا صاحبي ..
لكن الجماعة ما دخلت فيهم خلعة كبيرة ..
بيشوفوا المدافع دي و يقولوا يا فكيك ...
عفيت منك يا ديامي ...

[محمد ابراهيم قرض]

ود الخدر:
يا قرض
شايف الشايفو أنا ده
الزولة دي - خلي بالك - عندها بعاتي
شايف قدام حلة عوك دي في شنو؟
ده بعاتي والله ود أم بعلو يا قرض
الحكايي ما ها طولة لسان بس

شايف و بس ؟؟؟
سامع كمان و فايت أضاني ..
و تعيش كتير تشوف و تسمع كتير
يا ود الخدر يا أخوي ..

عكود وينو .. يا جماعة شوفو عكود
نحن لا بنخاف من بعاتي ولا من ود أم بعلو
لكن يا قرض كدي كورك لسرورة تجي تطق الوي أي بوي
عشان تلم الناس نشوف حكاية البعاتي دي شني!

سرورة داخرنها للمهمات الصعبة .. و هي ما بتقصر ..
لكن مالك لميت عكود الشين ده مع سرورة يا ود الخدر؟؟!!!

[سارة]

الملكى كتبت وقالت:-

وحاة ستي مريم ماك براكي !!

أيى ما براى يا بت امى قروض يمينى ومحمد ضمينى :p

[سارة]

الوليد اب جقادو دا الله يختينا شرو كتب:-

ساره ياختي

قالو قديما (الماعارف بقول عدس) .. هسه ياساره في زمة اخر اربعين حبوبه ليكي .. انا الود القمر ده بتقال علي طابور خامس ؟؟ انا غايتو ماعندي ليكي رد الا بس اقول ليكي (سجمي خالص) وكمان وووب علي جدا

اذا انا طابور خامس وكمان سوّاط .طيب قرض ده حيكون شنو ؟؟؟؟

قرض ياساره وبشهادة الملكي وكل اهالي مروي شرق والمقل وةالعفاض وكل قري جنوب الولايه الشماليه تاريخه كما يلي :

انا يا اخوى باكل عدس وبحلى بى قرض وانت سجمك أيضا وبعدين تعال نحدثك كان باريت الملكى

وحات شيخى اب كديس واطاتك أصبحت :D :D :D

[سارة]

ابو مناهل كتب:-

وبيني بينك أن شاكي في ولاء ( سارة ) خليك متيقظ . .

شوف يا ابو مناهل انا وحات الرقد وختى راسو صعيد كان ما بعاين لمناهل وامها :mad: :mad: :mad:

متيمنة ومتنضرة يحلك منى الحلا بلة انا بديك فرصة تفكر وتتراجع قبال ما نطلع فى الجامع ونسمع الماسامع

الا هل بلغت اللهم فأشهد :mad: :mad:

[ملكة سبأ]

عفيت منك ياديامي انت القلتها :

(قرضنا ) في الميدان شهيد :)
http://ahmedhimmat.jeeran.com/comp.jpg

البعاتي تاني إلا يقوم دا يا ودا الخضر

وسجمممممك يا سرورة :eek:

وأسمعت لو ناديت حيا يأ ابو مناهل .. لكن .... !!

[فيصل سعد]

قرض عظيم المنتدى،

عكــود

لعلك تقصد عضيم المنتدى اخي عكود ؟

[ناصر يوسف]

قرض !!!!!

إنت لسه مكافح مع الناس ديل ؟؟

عليك أمان الله أ،ا من الصفحه الرابعه (الجولة ) في الحرب اللذيذه دي قلت أجي صادي وألاقيك مهزوووووم مهزوووووووم
عفيت منك وصحي وزي ما قال المثل :

رب جلد ملسوهو بالقرض
يكون سميييين وأمين وما بتجيهو عوجه تب
وماااااااااااااااا بنقرض ..... أو كما قال المثل فوق المعني كدي

الله يقوييك يا قروض

نحن نقف من خلفكم ونشد من ( إزاركم ) هي معليش أقصد أزركم

[mohamed hemaid]

الحرب فر وكر..
ارجو كرتنا..

لعلك تقصد عضيم المنتدى اخي عكود ؟

المسافة يا حبيب ..
انت الفاهم عكود اكتر من نفسو.. :D

حميد..

[mohamed hemaid]

نحن نقف من خلفكم ونشد من ( إزاركم ) هي معليش أقصد أزركم

ود يوسف يا حبيب..
خليك ورا قرض دا عشان يسهل عليك الجري..

حميد..

[أماني]

بعد التحيه والسلام
انا قلت اشوف اخركم شنو واحد فيكم :mad: :mad:
ما ينصفنى انتو ما قريتو البوست بتاع ود الطاهر
الزوجة المتعددة دى بس انا ذاتى
السكرتيرة
ومديرة الاعمال
مديرة المنزل
المدرسة
وفى الويك اند المكوجى كمان
تجو تقولو لفحت التلفون وانت يا فرض شوف اليرسل ليك الدعوة منو :p

[محمد ابراهيم قرض]

المسافة
لعلك تقصد عضيم المنتدى اخي عكود ؟

بحثت في قاموس العربية و العامية و لم أجد أثرا لكلمة
(عضيم) ... و لكنني وجدتها في قاموس الهوسا و الفلاتة
بمعنى الرجل الشهم الكريم !!...

[محمد ابراهيم قرض]

بعد التحيه والسلام
انا قلت اشوف اخركم شنو واحد فيكم :mad: :mad:
ما ينصفنى انتو ما قريتو البوست بتاع ود الطاهر
الزوجة المتعددة دى بس انا ذاتى
السكرتيرة
ومديرة الاعمال
مديرة المنزل
المدرسة
وفى الويك اند المكوجى كمان
تجو تقولو لفحت التلفون وانت يا فرض شوف اليرسل ليك الدعوة منو :p

أخيرا طلت أم العروس ؟؟؟!!!
يا بهاء الطلة و يا عظيم أجركم يا أماني ..
فلقد صبرتم على (خالد) كله ، و الآن تصبرون
على سليط اللسان المدعو قرض ...
ضمنت الجنة يا أماني !!!...

[محمد صالح الخضر]

هي أماني دي ياها الختفت السماعة؟‍

لكن يا قرض أنا شايفا مرة عاقلي تب
مادام شغالة سكرتيرة ومديرة أعمال ومديرة منزل ومدرسة ومكوجي وبعد داك تعوس وتفرك ، دي مرة ما فيها كلام.

قرض جيب أضانك جاي (أنت زول لسانك طويل خلاس)

[mohamed hemaid]

اماني اختي.
اتجو تقولو لفحت التلفون وانت يا فرض شوف اليرسل ليك الدعوة منو
انا اول زول غيرت راي في قرض..وقلت ليهو
كلامك دا ما صاح التلفون بيكون وقع من خالد
وانت رفعتيهو ليهو..وحكاية اضرب راسك بالحيطة
طلعت هلاويس منو..بعيدك عنك طلع ممسوس..
واوعكم من الدعوة..
القرض في هولندا على مسؤولية صاحب الدعوة.. :D
قرض جيب أضانك جاي (أنت زول لسانك طويل خلاس)

خلوني وحدي بلا أنيس..
حميد..

[ملكة سبأ]

كتب ود الخضر :
هي أماني دي ياها الختفت السماعة؟‍
لكن يا قرض أنا شايفا مرة عاقلي تب

وانت اولي كنت قايل شنو يا ود الخضر

والحرب دي كلها فوق كم ؟ ... لأنه أماني فعلا ما فيها كلام
قرض جيب أضانك جاي (أنت زول لسانك طويل خلاس)
مبروك العودة للحق

تجي توقع معانا ؟؟ :D

كتبت أماني :انا قلت اشوف اخركم شنو واحد فيكم
ما ينصفنى
أماني القومة والقعدة دي كلها عشان خاطرك !!
لمن في النهاية الله أنصفك .. بشهادة شاهد من أهلهم ...

[محمد ابراهيم قرض]

هي أماني دي ياها الختفت السماعة؟‍

لكن يا قرض أنا شايفا مرة عاقلي تب
مادام شغالة سكرتيرة ومديرة أعمال ومديرة منزل ومدرسة ومكوجي وبعد داك تعوس وتفرك ، دي مرة ما فيها كلام.

قرض جيب أضانك جاي (أنت زول لسانك طويل خلاس)

تعرف يا ود الخدر ...
إنت من نطيت علينا كده زي القدر ..
أنا كنت عاااارفك إنك زول ما فيهوا فايدة ...
لكن قلت أشتت ليك موية السكر ...
يمكن أقدر أقعدك جنبي شوية ، و ضل ود الخدر
و لا ضل الحيطة ...

قعدت أدلع فيك و أقول فيك صفات
هي أصلا ما شبهك و لا بتشبهك ...
ما خليت ليك صفة كدة ما بتشبهك
إلا و وصفتك بيها ... الزول السمح ،
الزول الشجاع ، الزول الأمين ، البيقول
الحق ، الزول ... الزول ...الخ ..

أصلوا إنت كان زولا فيهو حبة فايدة ..
ما كان-و من قولة تيت-نزلت (شتيمة) و سل لسان
في النسوان ...

ما خليت ليهم ضهرا ينقلبن عليهوا ...
سواطات و لخباطات و نقالات كلام ..
و دي حاجات أنا لساني العفيف ده أقطعوا
من لغاليغه كان يقولها ...

و كان أصلا فيك حبة فايدة ..
تسيب الملكة كلها و تقيف
مع قرض المفعوص .....

خسئت يا ود الخدر ، و سوف ألقى لك
دريهماتك على الأرض ، و لن تمتد يدي
الشريفة لمصافحتكم !!!!!.............

[محمد صالح الخضر]

قالت ملكة سبأ

مبروك العودة للحق

تجي توقع معانا


أجي أوقع معاكم دي ما بقدر عليها
نحن ما بنتراجع للحريم بي هيني
الواحدة فيهن تطبخ 99 وجبة طاعمي، ما نقولها شكرا ولا مرة واحدة ...
لكن يومها التزيد الملح شويي الحجي تقيف

لكن مسعولين من الخير ... أنتو قرض ده شرد مشى وين؟!؟

[محمد ابراهيم قرض]

أنتو قرض ده شرد مشى وين؟!؟

القرض اليدبغوا بيهوا مصرانك الأعور ...

[محمد صالح الخضر]

يا ريت لو طريت لي خزنة .

الزول ظهر . شايفين قدومو زي قدوم الكلب
وعلى العليهو لسانو زفر .. وسونونو صفر
الخشم بليلي .. والحيلي قليلي

أول مرة لما جيت لقيتم متفزعين عليك .. حنيت عليك وقلت الزول المسكين ده واقف براه ضد الناس دي كلها
كت قايلك زولا عاقل وفيك فايدي
ما كت عارفك متلقي حجج. متلقي حجج شنو .. ده انت الحجي ذاتا

لما عرفت أنك غلطان قلت خليني ما اتراجع للحريم . وو قفت .. عصا جوه وعصا برة
أدي دي وصا وأدي النقارة عصا

لكن بعد ملافظك دي .. ماك الزول البيقيفو معاهو ..

بلا قرض .. بلا دباغ .. بلا زبالة

[محمد ابراهيم قرض]

محمد صالح الخضر
يا ريت لو طريت لي خزنة .

الخزنة تشوفها يا يابا في السينما ..
يا المفلس ... يا محدود الدخل ..
العايش على الديوووون:

بتاع الدكان شاكي منك ..
بتاع الخدار شاكي منك ..
المكوجي شاكي منك ..
ست الكسرة شاكية منك ..
ست الشاي شاكية منك ..
ست المررو شاكية منك ..
سيد اللبن شاكي منك ...
بتاع الترمس شاكي منك ...
الحلاق شاكي منك ...
الجزار شاكي منك ...
بتاع قدر ظروفك شاكي منك ...
حتى (الخدم) شاكيات منك !!!!

[محمد صالح الخضر]

لكن والله يا قرض (قدر ظروفك) دي تدخل في نطاق الابداع السوداني

أهلنا ديل فنانين لكن بس الظروف خاينة. كان مفروض يكونوا أغنى ناس في العالم

قالوا : الوزير دقس، الجمرة الخبيثة ، كرسي الشهيد ، زنقة زنقة ، أنقولا، ومحمد أحمد
محمد أحمد يعني بيت مكون من غرفتين وبرندتين (متخالفتين) وهو ماكان موضة في زمن ما.
عشرات الأسماء التي تدل على عبقريتهم وسخريتهم وروح المرح فيهم..
يخترعون المصطلح في أحلك الظروف، فيغني المصطلح عن كتاب كامل .
لا يسعك الا أن تبدي اعجابك الشديد بعبقرية الذين اخترعوا (قدر ظروفك) وغيرها من المصطلحات .
أنا لا أعرف من هذه المصطلحات الكثير ، لاني خارج الشبكة منذ سنين طويلة .

في الألقاب ... الشعب السوداني اكثر شعب في العالم يستعمل الألقاب. وهذا ناتج من التداخل الشديد بين الناس في المجتمع وهو ما لاتجده في أي مكان آخر في العالم.

ما أعظم ذلك الشعب
قال الطيب صالح :
في ضعفهم قوة .. وفي فقرهم غنى ]

[أماني]

الملكه الماصله منو زيك قدرتى تقعدى قرض فى علبو
ومش زى ناس واحدين :p
تشكرى يا ست الناس
وانت يا ود خضر ليك يوم :mad: :mad:

[محمد ابراهيم قرض]

الملكه الماصله منو زيك قدرتى تقعدى قرض فى علوه
:p :mad: :mad:

عاش قرض في علوه ..
و تشكري يا أماني

[ملكة سبأ]

الجماعة حتو قرض : - ود الخضر ، * قرض
- أنتو قرض ده شرد مشى وين؟!

* القرض اليدبغوا بيهوا مصرانك الأعور
:D
- ريت لو طريت لي خزنة . الزول ظهر . شايفين قدومو زي قدوم الكلب وعلى العليهو لسانو زفر .. وسونونو صفر الخشم بليلي .. والحيلي قليلي .. لكن بعد ملافظك دي .. ماك الزول البيقيفو معاهو .. بلا قرض .. بلا دباغ .. بلا زبالة

* الخزنة تشوفها يا يابا في السينما ..يا المفلس ... يا محدود الدخل .. العايش على الديوووون:
:D

سيك .. سيك
حب الديك
:D
ياجماعة صلو النبي ..
قرض غايتو لقيتك زي الدنيا .. ماعندك أمان تب !!

وغلطتك ياود الخضر نبهناك من الأول وحميد يشيل ويهدي فيك ..اها أشرب :o

و كان أصلا فيك حبة فايدة ..
تسيب الملكة كلها و تقيف
مع قرض المفعوص .....

قرضوك .. الكلام دا بزعل سرورة منك :)

ود الخدر تجي توقع ولا في كلام ؟!

[محمد ابراهيم قرض]

[ملكة سبأ

قرض غايتو لقيتك زي الدنيا .. ماعندك أمان تب !!

و ما خفي أعظم !!!!...

قرضوك .. الكلام دا بزعل سرورة منك

شن بيجيب الملكة لي سرورتي !!!

ود الخدر تجي توقع ولا في كلام ؟

و هل تحفلين بتوقيع المرتزقة و العملاء ؟!!!

[محمد صالح الخضر]

تقول أماني (الما) ختفت التلفون
وانت يا ود خضر ليك يوم

أنا لما عرفت الحقيقة خلاص بقيت محايد .. ما كنت قايل الزول داك اللي اسمو قرض كضاب ونصاب ولسانو سليط.
وبعدين لمان عرفتك مديرة أعمال وسكرتيرة ومكوجي وكمان بتضفري البروش وتجيبي الموية من البحر وتحشي القش.... قلت دي مرة ما فيها كلام.

تاني الزعل شنو؟

لكن يعني أنا زي عندي سؤال كده .. صغيييييير .. بس ما فيهو حاجة .. وخايف أسأل .. بعدين الحكايي تتلخبت شوية... يعني بدون احراج داير أسأل :

انت وكت بتسوي ده كلو .. راجل الجن ده قاعد يسوي شنو وفايدتو شني؟

وتقول ملكة سبأ
الجماعة حتو قرض : - ود الخضر ، * قرض

تفلحي في شيل الحال والحريش
مبسوطة وشمتاني .. مش كده

وتقول الملكة
مبروك العودة للحق

تجي توقع معانا ؟؟

كدى أمهليني يومين تلاتة .. أفكر وأجيك راجع

ويقول قرض
و هل تحفلين بتوقيع المرتزقة و العملاء ؟!!!
مرتزقة وعميل أنا ... على رأي المثل .. الفيك بدربو

[محمد ابراهيم قرض]

ود الخدر:

انت وكت بتسوي ده كلو .. راجل الجن ده قاعد يسوي شنو وفايدتو شني؟

لكن ما عجبني سؤالك ده و سر بالي شدييييييييييييييييد ...
رجالة آخر زمن !!!!........

[3ashig Alneel]

القرض الحسن
الكترة غلبت القوة ، الناس ديل لمو فيك ووقعو فيك
لطيش ، أخير تغير إستراتيجتك ، وتجرب سياسة تانية
عشان باقي لي الناس ديل ما بتقدرو بي أخوي وأخوك
وخاصة الملكة ، عارفا روحا أي زول يشاكلا بطلع غلطان
فعشان كدا قدامك واحد من إتنين:
يا تفرش رسمي وتقول التوبة
يا تحاول تقنع الملكة تقيف في صفك

والله ما رضيت ليك الحاصل دا ، ظالمنك في بداية البوست
وغالبنك 3 صفر في النهاية

[محمد ابراهيم قرض]

القرض الحسن
الكترة غلبت القوة ، الناس ديل لمو فيك ووقعو فيك
لطيش ، أخير تغير إستراتيجتك ، وتجرب سياسة تانية
عشان باقي لي الناس ديل ما بتقدرو بي أخوي وأخوك
وخاصة الملكة ، عارفا روحا أي زول يشاكلا بطلع غلطان
فعشان كدا قدامك واحد من إتنين:
يا تفرش رسمي وتقول التوبة
يا تحاول تقنع الملكة تقيف في صفك

والله ما رضيت ليك الحاصل دا ، ظالمنك في بداية البوست
وغالبنك 3 صفر في النهاية

لا أدري كيف يكون أحدهم عاشق للنيل ..
و يأتي بكل هذا الكم الهائل من الانهزامية و الانهزام ..
إن النيل يتبرأ منكم ... فهو لا يعرف اليأس و الاستسلام ..
و إنها عاصفة عاصفة عاصفة !!....

[mohamed hemaid]

الملكه الماصله منو زيك قدرتى تقعدى قرض فى علبو
ومش زى ناس واحدين :p
تشكرى يا ست الناس
وانت يا ود خضر ليك يوم :mad: :mad:


شوف السويتا فينا يا قرض..اسي اسمي يكون
ينطط في نص الناس الواحدين.. :D

لكن يا اماني وللصراحة قرض واقع في مشكلة كبيرة
ارسل لي عدة رسائل على الهوت ميل والياهو ومكتوب
وثلاثة رسائل في البريد الخاص..بس ما عارف انزلها كيف..
اما مضمون الرسائل يقول..هو غلطان وندمان وسافي التراب
هنالك سوء تفاهم..فانت تعرفين قرض يحب الشربكة والمشابك
فلديه علاقة تجارية مع شخصين يدعى الاول خالد والتاني اسمها
اماني..قام المدعو قرض بسفّ كل راس مال الشركة ..وصارت بينهم
محاكم وشيكات طايرة..ولضعفه الشديد تكنولوجيا ضغط على رقم
خالد واماني شركائه..ظانا انه قد ضغط على رقم شخصكم الكريم
لمعايدتكم والاستفسار عن كيفية استعمال سودانيات الجديدة..
وبطبيعة حاله فهو لايبدا مكالمته ابدا بالسلام وبادر بالسؤال عن
كيفية الاشتراك من جديد..فقال له خالد شريكه انه مرفود من الشراكة
وهجمت اماني الشريك الثالث وقالت له اضرب راسك بالحيطة..
اما حال قرض الآن يقول:

بفتش في عذر مقبول
يخدر جدولا اليابس
ومن البور نسوي حقول..

عذرا لضعف ترجمة الرسائل ..فقد كتبها قرض
بلغة لبنانية فصحى.. :D

واسطة خير..
حميد..