ناكل تورنا وندي زولنا

[د.سيد عبدالقادر قنات]

أنتهت مراسم التحضيرات الخرافية ومن ثم قدمت الدعوات للسادة المدعوين

وحضر من حضر
وأعتذر من أعتذر

وغاب من غاب بدون أعتذار
و البعض لم تتم دعوته لأنه أستلم السلطة عن طريق أنقلاب عسكري


وأقيمت الولائم والذبائح والمشروبات ونصبت السرادقات والحفلات وطرب الحضور
وأنبسطو شديد شديد،

وفرحو ورقصو وغنو واتفرجو وحامو
تنظيم تمام وامن تمام وهدوء تمام

وقرارات تمام التمام


والمحصلة :::::::::::::::::::::::::::::::::::::::::::::::::: :::::::::::::::::::::::



ناكل تورنا

وندي زولنا
أوع يكون الجماعة أتخمو
عشان كده ما جو ودعونا

ما تزعلو
الجايات أكتر من الرايحات

والعمر طويل

[abdu abubakr abdalla]

السيد الدكتور/ سيد عبدالقادر قنات .
تحية طيبة :
فى ناس كبت زوقة من المؤتمر بحجة نزلة برد ألم بهم فى أخر لحظة !.
والظاهر جاءتهم معلومات مؤكدة بعدم نجاح محاولة تنصيب النصاب رئيس للدورة , والمؤكد انو هم ذاتهم الغررو بيه ليعمل كده ويبقى رئيس الدورة ويمشى الامور بطريقة او اخرى وبعد داك نشتغل رزق اليوم بيوم فى كافة القضايا المحلية ولا اللى طلع اقليمية او بقت دولية .

والاغرب فى مستشارين صرحوا قبل القمة بيومين انو السودان قد ضمن المقعد الرئاسى بموافقة اغلبية الدول الافريقية ما عدا ثلاثة او اربعة دول من غرب القارة رافضة عملية تولى السودان للرئاسة وهذا لا يقلق بالنا او كما قال المصدر المصرح وهو وزير الاعلام والاتصالات زهاوى ابراهيم مالك .

والجماعة من شمالنا دول قالو نحن ندعم السودان وقمنا بجهد مضنى لاقناع الدول الافريقية التى لها رأى فى رئاسة السودان للقمة والرئيس مبارك بنفسه اجرى الاتصالات وليس من احد يعترض وكلهم يعرفون حكمة الرئيس مبارك وقدرته على اقناع الاشقاء الافارقة او كما قال مسئول برئاسة الجمهورية ؟

واتضح اخيرا انو الجماعة باعو الترماى للسودان والرئيس البشير ,

وما على الشعب السودانى الا ان يقول كما يقول رواد السينما فى مصر ( ادونا فلوسنا الفيلم طلع اونطة ) .

لك التحية يا دكتور .
عبده