عين ممكونة و المعز و شمس أبجقادو و مرفق بادي..

[الطيب بشير]

عين ممكونة و المعز و شمس أبجقادو و مرفق بادي..
أصبحـت مثل الماركة التجارية، كلما رأيت عينآ حلوة ـ وحـيدة ـ أذكر توقيع الدكتور معز عمر بخيت..
لك عين كل ما أخفيت سـرآ
حدثتني..
إن تريدي كـتم سـر..
فاغمضي عينيك عني..
و لا أحتاج أن أقول كم أعجبني الكلام.. و ترتاح مع التوقيع صورة عين شديدة، فيها رموش من النوع البكشكش... :rolleyes: .و هي شـبيهة لحد كبير بالإيميج الموجود تحت إسم ممكونة، لا أدري هل هنالك تطابق أم أنهما عينان نضاحتان بكل جميل، و لا أدري هل هنالك تنسيق جمالي بين المعز و الممكونة و لا أدري أيهما أسـبق عينآ لكني أعلم يقينآ أن المنظر إرتبط بهما.
شمس أبجقادو الما بتغيب دي برضها مرتبطة بيهو، مع إنو يا حمدي الشمس لو ما غابت دي قصـة تانية :p :eek: ، لكن التعليق يذكرنا بك دائمآ.. أما إحترام بادي ومودته فيأتيان دائمآ مرفقات، و بالطبع أصبحت المفردة مرتبطة بمهند بادي حتى حين يتم كتابتها رسميآ فهي لا تزال تذكرنا به..
هل هناك المزيد من الأعضاء، برأيكم، لديهم ماركات تجارية؟
تحضرني بعض العبارات لكني أريد أن أعرف ملاحظاتكم أولآ..
مرفق،
تقديري للجميع. :D .

[mamkouna]

عزيزي أبو بشير
سلامات...
ملاحظين اليومين ديل في كثافة شديدة في إختيار المواضيع اللذيذة و المتنوعة..و أنا أعزي ذلك إلى..
1/ وجود السيدة الفضلى نسيبتكم...حائلاً بينك و بين السيدة الفضلى حرمكم مما يجعلك في حالة فراغ ( عائلي ) إلى أجلٍٍ غير مسمى... :eek:
2/ وجود السيدة الفضلى نسيبتكم و رغبتك في إفساح المجال لها للونسة مع بتها الطوٌلت منها...بالإدعاء بإنو عندك شغل كتيييييييييييييير في الكومبيوتر... ;)
3/ الإستفادة من وجود السيدة الفضلى نسيبتكم في مدكم ب كم هائل من المعلومات و الذكريات و التى سرعان ما تتحول إلى بوستات شيقة على شاكلة....بيوت البكيات و الوصف بالغنيات..و السالب و (( الموجب)).. :D
4/ رغبة في الهروب من تحمل مسئولية ( بشير ) بالإدعاء بإنك مشغول شديييييييييد و عندك شغل جايبو معاك البيت... :mad:

على العموم في كل الأحوال نحن المستفيدين...إبتداءً من بوستات المجاملات إلى عود الطلح البشتن القَشرة...إلى بيوت البكيات...مروراً بعين ممكونة..!!!


بالنسبة لعيني...ح أجيك راجعة و أحكي ليك قصتها بالتفصيل الممل...

[mamkouna]

جيت راجعة بسرعة...مش؟؟؟!!!

الحصل يا سيدي إني أول ما إشتركت في عالم المنتديات...دخلت منتدى ( سجيمان )...لقيت كل الناس عندهم صور إلا أنا...قمت شكيت لناس البورد...قام أنور كنغ أهداني العين دي...(( مع إنو عيني الأصلية محوصة زي ما قال سجيمان :( ))...

.المهم يا سيدي العين دي إرتبطت بيها إرتباط أكثر من إرتباطك ب (( موحى )) و بحس بيها زي إحساسك ب (( بشير ))...

طبعاً زي ما عارف...دكتور معز ضعيف قدام العيون و الرموش و اللذي منو ;) ..و بما إنو عيني (( الصناعية )) سمحة...و توقيع معز سمح برضو...عشان كده إرتبطو عندك يا أبو بشير مع بعض...
الظاهر عليك زي البروف...بتحب الحاجات السمحة :rolleyes: !!!!!

[حمدي اب جقادو]

د/ الطيب بشير سلامات
واسعد الله صباحاتك بكل ماهو جميل (ده لو مامصنقر قدام جهازك لحد هسه):D

انا اضم صوتي الي صوت (البت الشفته) ممكونه (الربطو فوقا الكلبه) واتفق معاها 100% في كل تحليلاتها بخصوص (كثرة) بوستاتك المولعه اليومين دي .

واكتر شي ممكن اتفق معاها فيهو (انو السيده حماتكم) اليومين دي حاقناك في عمرك ده (وانت فضلت جهاز الكمبيوتر علي الحوامه في الشوارع التي ارهقتها كاترينا)

وهاك الحقنه دي :D

http://www.btinternet.com/~fireballxl5/medical/pics/injection.jpg
اما بالنسبه للموضوع الاساسي وحكاية الشمس المابتغيب فاليك عني:

زماااااااااااااااااااااااااان في الزمن الماهسه اخوك كان عامل فيها زول شفت (ومقطّع السمكه وريشاتها) وفي الكليه كنت عامل فيها (مره كوز-ومره شيوعي-ومره حسب امه- ومره جمهوري) المهم حسب الميول السياسيه للبنيه البتقع تحت عيني (طبعا كنا بنعمل السياسه حنك دخول لي قلوب العذاري) :D

وفي مره قعدته في احدي الشلاتر مع واحده (سكر بس) من بنات الامه وكانت نضامه وكلامها غلاد غلاد وانا ياكافي المحن ضايع كلو كلو وبس ربك رب قلوب جاء (حاج محمد فراش المدير ولازي العجله بتاعتو وكاتب فيها من وراء العباره اياها) وبس لقطها ليك وبقيت قاعد منتظر اول مااستاذنتني وقالت ماشه قمت شتت ليها العباره دي ومنها وحاتك لليله شبكة فيني :D

بس للامانه هي عباره جميله لو اتمعنت فيها (مع انها مسروقه)

ويلا تاني ابقي شمس مابتغيب يالطيب

وسلامات

حمدي اب جقادو

[الطيب بشير]

فراغ ( عائلي )

ممكونة إزيك و مرحب بيك
حلوة حكاية فراغ عائلي دي، لكن لقيتك (عـرافـة) :D
إفساح المجال لها للونسة مع بتها الطوٌلت منها...
قصـدك الشـماااااار؟ :o :o .. و الله يا ممكونة مرات لحدي ما أنا أستغرب، نق نق نق ود ود ود..نهار بي حالو، لكن يزول العجب لو عرفتي إنو سـوما هي البت الوحيدة و سط أخوانها، و أمها لما ولدتها كانت في مطلع العشرينات لذا فقد (نشـأتا) صـديقتين.
رغبة في الهروب من تحمل مسئولية ( بشير )
أما مسؤولية بشير فهي ـ قرميـش الجـمـر ـ و ليس حـصـى فقط كما يقول المثل..و اكتشفت إنو سوما كان عندها برنامج مع بشير أنا ماااا عندي ليهو رقبة :D :D
أعجبتني قصـة عينك يا ممكونة، و أنا حكايتي مع العيون العاجبة سيدا طويلة طول عمري :rolleyes: :rolleyes: ، لكنها انتهت بزواج أجمل عيون عندك يا أجمل الحلوين..

[الطيب بشير]

د/ الطيب بشير :confused:
تاااني يا حمـدي؟
ما قلنا لسـة يا فردة. :cool:
:cool: :cool:
.

صـورة الحقـنة تاريخية يا جقجق
يا خرابة دة شـنو؟
و الله عليك جنس محـن
وحاتك لليله شبكة فيني
قلت لي بتلقى البنات في أركان النقاش لووووول دي فاتتنا
نحن بنات السياسة ديل كنا بنفتكرهم رجال
و حلوة عبارة عمك الفراش، الناس ديل حكمة و آيـة
و ابقى شمس أصـيل مذهـبة العطاء

[جلال محمد جلال]

[QUOTE
وهاك الحقنه دي :D

http://www.btinternet.com/~fireballxl5/medical/pics/injection.jpg
إيهي إييييييييييييييييييييييك 7 سي سي؟؟ ياخي حرام عليك..
طيب خليها 2..3...ولاحــــــــتي إنشاء الله 5
خلي الراجل يعرف يشيل نفســـــــــــــــــو.

[الطيب بشير]

7 سي سي؟؟
:mad: :mad:
الأخ جلال محمد جلال
مرحـب بيك
شـفت أب جقادو مصـايبو؟
لا و كمان سبعة سي سي ..
دايرين الصـبر

[الطيب بشير]

**أبو جهـينة و المشـاء يتقاسمان الدعاء

(أرقـد عافـية) :D

*** خالد الحاج عندو (يديك العافية يا ابن عمي) :cool:

** تاني منو؟

[جلال محمد جلال]

:mad: :mad:
شـفت أب جقادو مصـايبو؟
لا و كمان سبعة سي سي ..

الظاهـــــــــــــر الراجل مرعوب من أنفلونزا الطيور ...
الله يعينك ياأبوالطيب.
نسأل الله أن يخفف عنكم ويلات الحقنة، ويجعل إبرتها الغليدة دي برداً وسلاماً عليكم،ويجعل لكم فيها الشفاء والعافية.

[معتصم الطاهر]

...قام أنور كنغ أهداني العين دي
:rolleyes: !!!!!

مع انو حسب ذكريات حدائق المعمار وحسب الشمار .. الأصل بزلق ؟
...(( مع إنو عيني الأصلية محوصة زي ما قال سجيمان :( ))...
:rolleyes: !!!!!

هو كمان ما بشوف؟
حوراء مش حوصاء ..

|--*¨®¨*--|العيون العاجبة سيدا ..|--*¨®¨*--|

[mamkouna]

مع انو حسب ذكريات حدائق المعمار وحسب الشمار .. الأصل بزلق ؟

كان ما مصدقني...أسأل أنور بخيت...
sorry... :o
قصدي...معز كنغ...
sorry...تاني.. :o

قلت لي الشمار ياتو....؟؟؟!!!! :rolleyes:

[الطيب بشير]

الظاهـــــــــــــر الراجل مرعوب من أنفلونزا الطيور ...
الله يعينك ياأبوالطيب.
نسأل الله أن يخفف عنكم ويلات الحقنة، ويجعل إبرتها الغليدة دي برداً وسلاماً عليكم،ويجعل لكم فيها الشفاء والعافية.

جلال هـوووي
إنت بالتريـغـة دي بتجيب لينا الـAir
Looooool

[الطيب بشير]

هو كمان ما بشوف؟
حوراء مش حوصاء ..

و الله يا معتصم كلنا نفسنا نشـوووووووووف
ممكوووونة
و حنييييينة
و المسجد الأقصى..
:rolleyes:
غايتو ممكن أمشي لندن و إسراطـين بجوازي الأمريكي
لكن ناس بطـن بيتي ديل إلا تغني ليهم
زعوك وييييييين..شتلوك وييييييين يا العنب..

[الطيب بشير]

قلت لي الشمار ياتو....؟؟؟!!!!
أقـووول؟
ممكونة، أمس، ضربت تلفون
يللا و.. :eek: ..

[الطيب بشير]

**أبو جهـينة و المشـاء يتقاسمان الدعاء

(أرقـد عافـية) :D

*** خالد الحاج عندو (يديك العافية يا ابن عمي) :cool:

** تاني منو؟

تاني منو :mad: ؟

[Osman Hamad]

يالله انا وين..
تحياتى ياحلوين...

أمين...الود اللذيذ.

[الطيب بشير]

تحياتى ياحلوين...

أمين...الود اللذيذ.

برافـو عثمان خـمـج :eek:
تحياتى الود اللذيذ أمين
تاني منو?

[mamkouna]

غايتو ممكن أمشي لندن و إسراطـين بجوازي الأمريكي
لكن ناس بطـن بيتي ديل إلا تغني ليهم
زرعوك وييييييين..شتلوك وييييييين يا العنب..

و إنت قايل شنو...!!!؟
بطن بيتي ما بندخل إلا بجواز إسراطيني.... :eek:

إنت قايل ( شارون ) جاتو الجلطة وين؟؟؟؟!!!!!

[الطيب بشير]

ندخلها آمنين يا ممكونة؟
نسلم على الممكون و نعرفك على موحى قبل بشير و أمهم في الأخير..و الأمم الممتحنة ظاتو لو حبيتيLOOOOOOOL :D ..إنت يا ممكونة بنية عسـل، لا شـك، بيد أنك مثيرة للهوا :eek: و المقالب :rolleyes: :rolleyes: ...الله غالب..

[حمدي اب جقادو]

الطيب ياحبيب الناس (ماعايز اقول يادوك ;) )

ممكونه دي تاني بس يجبها رب العالمين ;)

وهاك الطفشه والحرده دي ;) :D

[عكــود]

أبو الطيب هاك ديل:
يشهد الله
الشكية لله
خالد الحاج

الشوق قواسيب قواسيب
أبو الحسين

تحياتي التريانات بالحيل
ناصر يوسف

عكــود

[الطيب بشير]

لـوووووول يا عكود
تغيب فترة و تجي تشارك في الفاتك
شكلك زي المغترب الحايم للفواتح القديمة :p
شكرآ لإضافة قواسيب الحسين و شكية خالد و ترى ناصـر