سجم القرد

[bayan]

حدث ذات يوم في غابة

قيل ان هناك قردا وقع فريسة لاضطهاد النمر نائب الملك الذي كلما يراه يسأله: القرد
طاقيتي وين؟.. فيرد القرد: ياتو طاقية!
فيصرخ النمر ويضربه ضربا مبرحا وهو يردد قلت ليك اديني طاقيتي..

عندما كثرت الاعتداءات على القرد المسكين ذهب و أشتكي لملك الغابة..
فنادي الاسد النمر ولامه قائلا: ياخي قصة الطاقية دي شنو؟!! . انت لو عايز اصلا تدق القرد شوف ليك حاجة تانية لانه بالصورة دي الرعية حتعرف انك ظالم وكدا..
فسأله النمر" ماذا افعل؟
قال الاسد: ارسل القرد الى السوق لشراء موز فاذا احضره اخضر قل له لماذا اخضر
او طويلا قل له لماذا طويلا وهكذا.
فسمع القرد ما دار بين الاسد و النمر
فعندما ارسله النمر لشراء الموز اشترى كل انواع الموز..
رأى النمر الموز فسأله لماذا يبدو طويلا؟
قال القرد: القصير تحت الطويل.
نظر النمر وساله: لماذا القصير اخضر ؟
قال له القرد :الاصفر القصير تحت.
ساله: لماذا الاصفر القصير قويا؟
قال له: الاصفر الرخو تحته.
نظر اليه النمر وقال له:






























القرد وينها طاقيتي...

وجد سجم القرد
مع تحيات بيان..

[حمدي اب جقادو]

والله يابيان ضحكته لمن كحيت (فول الحجات الاكلتو كلو مرق بينخريني):D

مع اني مافاهم انتي قاصده شنو ومنو (لكن يشهد الله نكته زكرتني بي عادل اب جقادو) الله يطراهو بالخير

تحياتي يادكتوره بيان


ومتابع معاك (النشوف البوست ده حيصل لي شنو):D

وابقي شمس مابتغيب

حمدي اب جقادو

[أبومناهل]

العزيزة / بيان
أجمل ما في الحكاية الرمزية أنك تستطيع أن تجزم بأنها تقصد ما يجول بخاطرك ( أنت بالذات ) وتقبل التحوير لأي هدف وغرض . . ولا مش كده . .
وبعدين :
أولاً : أستغرب كيف وصل النمر لمنصب نائب الملك وهو يفتقد لأبسط مقومات وصفات الحاكم الناجح حالياً وهي ( المقدرة على حبك خيوط المؤامرة بطريقة ما تخرش المية ) . . ثانياً : كيف يقبل الملك بوجود شخص قوي كنائب له ألا يخشي هذا الملك أن يصحو من النوم ( متأخر حبة ) ويلقى المارشات شغالة . .
وأعتقد أن هذه الحكاية قديمة . . لأنو حالياً إختلفت مواصفات نائب الملك وإختلفت المواهب المطلوب توفرها في شاغل هذا المنصب . . .
أما القرد فسيظل قرد لأنه رضي لنفسه أن يظل قرد . . وسجم القرد واللي ح يظل قرد . .

[bayan]

العزيز ابو جفادو
بزيارتك بيتنا نور
القصة دي حكاها لي صديق قديم وقلت اشركم فيها لما فيها من مغازي..

ابو مناهل العزيز
موش بالله؟ من حكوها لي انا عيني في السقف افكر في ابعادها ومدى تطابقها مع الواقع..

اديني طاقيتي!

[wadosman]

العزيزة بيان..
قصة لها اكثر من معنى...
لكن انا المستغرب ليهو ليه دايما و بالذات
القرد حاقرين بيهو كدا؟؟؟؟
كل الود ...

[د.سيد عبدالقادر قنات]

د. بيان
القرود أنواع ،
هل هو قرد الطلح ؟
أم قرد ال.........؟
بعدين ملك الغابة ذاتو لمن يعجز قالو القرد يلحس .......................
أوع يكون الملك أستهلك بين يافتطين ؟؟

والمحيرنا أنو النمر دخل في الخط ، ليه ؟
اللبوة الكبيرة أدوها المعاش ولا شنو ؟
واللبوة الصغيرة مولعا نار تحرق البقرب منها










والثعلب غايب ليهو مدة ، أنشاْء الله الداعي خير

[omrashid]

والله يا بيان لي سنين بفتش في الطاقيه عشان الدق كتلني خلاص
لك الود يا عزيزتي وبالمناسبه وينو الويب بتاع الاستاذة ولا احسن تجيبي الطاقيه

[خالد الحاج]

لوووووووووووووول :D :D

وينها طاقيتي...

جنآ تعرفو ههههههههههه
أنا غايتو ما بعرف الطاقية قرد الجن ده وداها وين
لكين لقيت لي مصطلح جديد.. وبجي راجع بعدين أبدأ بي قرض أشوف
طاقيتي وداها وين.

غايتو يا دوك المحن عندك :D :D

[عجب الفيا]

والله يابيان ضحكته لمن كحيت (فول الحجات الاكلتو كلو مرق بينخريني):D


حمدي اب جقادو
انا غايتو يا جقجق بضحك من البارح لليلي

والله يدي دكتورة بيان العافية

الضحك صحة وعافية

واسعل مجرب

[حمدي اب جقادو]

د. بيان
القرود أنواع ،
هل هو قرد الطلح ؟
أم قرد ال.........؟
بعدين ملك الغابة ذاتو لمن يعجز قالو القرد يلحس .......................
أوع يكون الملك أستهلك بين يافتطين ؟؟

والمحيرنا أنو النمر دخل في الخط ، ليه ؟
اللبوة الكبيرة أدوها المعاش ولا شنو ؟
واللبوة الصغيرة مولعا نار تحرق البقرب منها



والثعلب غايب ليهو مدة ، أنشاْء الله الداعي خير


وسعتها شديد يا دوك ;) :D :D

ابقي شمس يلا

جقجق

http://sudaniyat.net/vb/images/uploads/342_2843043df671236ddf.jpg

[bayan]

الاعزاء

ود عثمان

المسألة المحيراني انه القرد دا عايش في الغابة ليه
لا عنده انياب لا عنده اظلاف.. اصتغفر الله كان يكون حيوان اليف..

دكتور قنات

قردنا دا قر د مسكين من النسانيس ناس الخشم بليلة والحيلة قليلة

ام راشد
هوييييييييي ما تسالني انا من طاقيتك.. امشى اسعلي خالد الحاج دا..
بسس حقارتكم في القرد المسكين..

خالد الحاج
ما تعمل لينا مجنون وين طاقية فاطمة احمد ابراهيم..شوفتي يا ام راشد الناس الشداعة طوالي تتش السؤال
كل انواع الطواقي عندنا..

عجب الفيا

سلام ومشتاغون قلت لي طاقيتي وين؟

ابو جقادو
يا زول انت نصيح دا قرد بيستعل من طاقية؟
جيب لينا قرد صغمبوتوتي لكن قردك دا يسعل ا خالد الحاج ذاتو اوبس اقصد الا سد ذاتو خلي النمر..
من طاقيتو...


القصة دي انا بس اجر المناولة حكاها لي صديق عزيز الله يديه العافية ما قصر ضحكنا كلنا

[Osman Hamad]

بيان
دولابى وينو ;) ;)
مشتاقييييييييييييييييييييييييييييييييين كميات يافردة

[mamkouna]

بيان...

راجعي رسائلك الخاصة...

[معتصم الطاهر]

بيان

انت ما لقيتى غير الحكاية دى

عندنا واحدة صاحبتنا قدر ما يزنقوها تقول ليك
"والله انا قبل دا بشتونونى .. عشان كدة بعمل كدة"

اها أول مرة اعرف الحكاية دى جاية من الطاقية ..
اسع القرد منو ؟

[bayan]

عثمممممممممممممممممممممممممممممممممممممممان
وينك يا فردة
انت عايز تعرس وتكوس في العفش على حسابي..

ممكونة
يا اجمل زول جانا زيارة.. مشيت
وقرقرقرقرقرقرقررقرر
معتصم
تعرف لما اشوف ردودك بذكرعندي صاحبي دائما كان بيستخدم عبارة من التذاكي ما قتل..
صاحبتك دي قوليها عندنا صاحبة
طوالي بتقول البيبشتني ما اتولد لسع وكما بتقولها بثقة لانه الاي كيو حقها
مكون من تلاتة ارقام حساب خواجات..وهي قيااااااافة و فايتة الناس مسافة..

ولكم جميعا وقتتا ممتعا دون ان يسألكم احد من طاقيته

[Osman Hamad]

يابيان ماتفكى لى فى الخاص من البمبان الفكتو ليك ممكونة دا ;) ;)

[mamkouna]

يابيان ماتفكى لى فى الخاص من البمبان الفكتو ليك ممكونة دا ;) ;)



لمن نلاقيك في الغنماية أم شنب...ريفي القرد أب ضنب ;) ....
:D :D :D :D

[bayan]

المجرمان عثمان وممكونة

تحية طيبة

وبهذا تعلنكم بيان ان البومبان بقروش فكه او حفظه
على الذي يدفع اكثر...

وسيبدا المزاد بمبلغ 5000 $ ولعثمان باليورو

فاليتنافس المتنافسون...
(وش يقول يا محاسن الصدف)

[Osman Hamad]

لمن نلاقيك في الغنماية أم شنب...ريفي القرد أب ضنب ;) ....
:D :D :D :D

ممكونة يافردة

لكن دى بالغتى فيها :D :D

لك كل الود والحب.

[Osman Hamad]

المجرمان عثمان وممكونة

تحية طيبة

وبهذا تعلنكم بيان ان البومبان بقروش فكه او حفظه
على الذي يدفع اكثر...

وسيبدا المزاد بمبلغ 5000 $ ولعثمان باليورو

فاليتنافس المتنافسون...
(وش يقول يا محاسن الصدف)
يابمبان بقروش بكرة يبقى ببلاش ;) وانا البمبان مادايرو لانى عرفتو بمبان ضارب ;)
بالمناسبة انا البمبان نقشتو :p بالخبرة بس ;)

بعدين أنا لو عندى 5000 يورو، ماكان بكون مطلوق فوقكن كدى لى اسى عزابى وانتِ وممكونة تحقرن بى كدا، البمبان ياكافى البلاء مادايرات تدنى منو رشة ;)

والله بال 5000 يورو دى امشى اعرس بيها من أباط المجنونة عشرة حريم وأجيبن أطلقن فوكن فى سودانيات دى يورنكن المكشم بلا بصل ;)

[جمال تاج السر]

بيان والمتداخون ... سلامات

ياأخوانا في زول خاتي طاقتو عندي يجي يشيلها :D :D :D

http://www.lutra.no/Jakt/CHEVA/store_bilder/2741G_Boston%20Cap_Gron.jpg

[أبو العز الجنوبي]

العزيزة بيان
والله كان وريتينا طاقية حكومة السودان دي وين تكوني ريحتي شعبك ده من........

[bayan]

الاعزاء
جمال

ما قلتو نوبة*؟ بقيت شايلك طاقية حايم بيها عالم جبانات بشكل


ابو العز

طاقيتهم دي طاقية اختفا يا فردة.. ولسان حالها بيقول
الزارعنا غير الله يجي يشلينا

ابو جقادو
الله يديك العافية دي ياها القرود الحليوة التي يمكن ان تسأل عن الطاقية..
عثمان
احم احم.. الشايقي الطالق دا الله يعرس ليه..

الاشارة الى النوبة لا تحمل اي ابعاد عنصرية..

[حمدي اب جقادو]

تم اجراء اللاذم

يلا ابقو شمس

ممكونه

صباح الورد ياغاليه

[Osman Hamad]

تم اجراء اللاذم

يلا ابقو شمس

ممكونه

صباح الورد ياغاليه

تسلم ياسيد الناس :)

[bayan]

تم اجراء اللاذم

بوي ذات واذ فاست!!!
لقيت لعثمان عروس؟
(وش مخلوع من شدة وسرعة ابو جقادو)

[حمدي اب جقادو]

بوي ذات واذ فاست!!!
لقيت لعثمان عروس؟
(وش مخلوع من شدة وسرعة ابو جقادو)


دوك / بيان

الحس المكوه لو فاهم شي !!!!! :confused: :D :D

http://www.sudaniyat.net/upload/uploading/bayaniron.jpg

[bayan]

اب جقادو انا قلت الله يعرس لعثمان دا
انت قلت تم اجراء اللازم
انا افتكرتك لقيت ليه عروس

طاقيتي وين؟

[Osman Hamad]

اب جقادو انا قلت الله يعرس لعثمان دا
انت قلت تم اجراء اللازم
انا افتكرتك لقيت ليه عروس

طاقيتي وين؟

بيان ياست البوست وداقسة
البوست دا الصباح كان بمبانو فوق .. والبمبان عارفينو انا وممكونة واب جقادو ;) ومابنوريييييييييييييييك ;) ;) كية بس ;)

[حمدي اب جقادو]

والله ماداقسه ياود حمد

الدوك عارفه بس عملت نايمه ساكت

اسالني انا ده


احييييك من الاعماق يادوك

جقجق

[حمدي اب جقادو]

بقو اصحاب خلاص يابيان ;) :D

يلا اقفلو البوست ده

http://sudaniyat.net/vb/images/uploads/342_2744843e2006e62579.jpg

[ملكة سبأ]

انا برضو جابتني ريحة شمار ممكونة






طاقيتي ما وقعت عندكم ؟


:D

[حمدي اب جقادو]

الملكي

سيبي العواسه اخيتي

وقولي ربنا يجيب العواقب سليمه

جقجق

[معتصم الطاهر]

معتصم
تعرف لما اشوف ردودك بذكرعندي صاحبي دائما كان بيستخدم عبارة من التذاكي ما قتل..

صاحبتك دي قوليها عندنا صاحبة
طوالي بتقول البيبشتني ما اتولد لسع وكما بتقولها بثقة لانه الاي كيو حقها

مكون من تلاتة ارقام حساب خواجات..وهي قيااااااافة و فايتة الناس مسافة..

ولكم جميعا وقتتا ممتعا دون ان يسألكم احد من طاقيته

أها دى ما طاقيتى وينها ذاتها ؟
أنو صاحبتى دى أذكى زول فى الدنيا
والخواجات شاهدن ليها ..
,انها بتخوف أى زول ..
وعندها دكتوراة ..
و البقية شيوعين ..

قرقرقرقرقرقرقر ( على قول بيان) ..
وطاقيتى وينها على قول ( القرد) ..

[bayan]

طاقيتي ما وقعت عندكم ؟

ملكتنا
ايه التهذيب دا في السؤال عن الطاقية..
انت اسع جبتي اسلوب جديد في السؤال عن الطواقي...

لع طاقيتك ما وقعت عندنا

[جمال تاج السر]

الاشارة الى النوبة لا تحمل اي ابعاد عنصرية..

والله لقيتك هراشة كيف
خايفاهم يسألوك من الطاقية :D :D :D

[bayan]

فوق بمناسبة سؤال معتصم الطاهر بيان عن طاقيته

[bayan]

والله لقيتك هراشة كيف
خايفاهم يسألوك من الطاقية :D :D :D

لووووووووووووول يا جمال

هرشة ساكت كلو ولا ناس العنصرية ديل
بالتعب عايزين نتخارج من الكوزنة

[نزار حسن علي]

الدكتورة


تحياتي وسلامي والله ضحكتينا وبالله لو عندك وقت كثري من هذة المواضيع خلاص نحنا من الغربه فترنا عديل كده