****ناس بريطانيا....بمناسبة وداع شخص عزيز لدينا*****

[haneena]

سلام للجميع و ربنا يذيد أيامكم أفراح
بمناسبة وداع عزيز لدينا ..يا حليلو قال ناوي السفر
يا حليلو


رجاءآ الإتصال بموبايل 07940140314 بأسرع فرصة ممكنة لو سمحتم/ن للتنسيق

نشوفكم الويك إند الجاي إن شاء الله

[حمدي اب جقادو]

انتو البوست ده مافي زول برد فيهو ليه؟؟

يعني علي الاقل ناس لندن ليه ماردو

حنينة ياابنة العم

والله دي ماامور لخبطه وعواسه من اخوك حمدي لكن البوست ده انا لي يومين بقراء فيهو ومافي اي رد :D


انا بصراحه الشمار كاتلني وحارقني وعايز اعرف الزول المسافر ده منو ؟؟؟ ممكن؟:D

ولا اتصل بالرقم ده ؟؟:D

[معتصم الطاهر]

يا حرف الحيم
يا جقجق

قالوا يتصلوا
ما يردوا
يعنى الموضوع فيهو سرية ومفاجغات ..

رغم إنو كدة المحتفى ظاتو عرف
وأخوك شبه عرف ..

انت الشمار كاتلك عديل بس ..

[محمد ابراهيم قرض]

ممكن لو سمحت أشارك ؟؟!!!

[د.سيد عبدالقادر قنات]

والله نحن مامن لندن ،
لكن ضربنا التلفون ،
وكنا عاوزين نشارك عبر السحاب ،
لكن ما في زول هبب لينا ،
والغريب الآنسر مشين تقول ليك :
أنا حاليا غير موجودة في المكتب
أتصل بزميلتي فلانة
طيب يادكتورة الدعوة دي أم غمتي شديد ولا
الخصوصية مسيطرة عليها
والله كنا عاوزين نسمع صوتكم
ونسألكم من
بلد الضباب
والعلم
معليش الجايات أكتر من الرايحات
وتحياتنا للجميع
يديك العافية

[haneena]

حمدي أب جقادو
معتصم الطاهر
قرض الناس قرِض
د. سيد قنات

تحياتي
و البوست نور بوجودكم و حراستكم المشددة له

حتي نزيل اللبس( و لو إنو حقو كان نخليكم كدة :D )
أختنا ندي مصطفي علي تغادرنا نهائيآ
و ندي زميلة لنا هنا من بداية سودانيات و إن كانت إنشغلت اخيرآ

إن شاء الله الإحتفال قائم و الداير يكلمنا يتصل علي موبايل أحد أخوانا أعلاه
نتوقعكم و ما يبقي كلام ساكت بس

[محمد ابراهيم قرض]

الحنينة:
أختنا ندي مصطفي علي تغادرنا نهائيآ

مالها يا ربي ..
طردوها و لا فصلوها ؟؟!!!!

[د.سيد عبدالقادر قنات]

يا د.حنينة الحنينة
في زول الأيام دي بي راجع
ألا يكون الشديد القوي
هو السبب
أهلا بيها وتزيد الفضلو
أسرة
يديك العافية

[haneena]

قرض
لا فصلوها لا حاجة
أحسن من كدة بكتيييييييييير؟؟!!

د.سيد
يحول كلامك إلي ندي علي
و شخصيآ حأسألها سؤالك دة

[haneena]

قارسيا
رجاءآ الإتصال بالموبايل أعلاه للأهمية

ملحوظة..
صاحب الموبايل يشكو قلة الفئران علي موبايله :rolleyes:

تحياتي

[الطيب بشير]

قارسيا
رجاءآ الإتصال بالموبايل أعلاه للأهمية

ملحوظة..
صاحب الموبايل يشكو قلة الفئران علي موبايله :rolleyes:

تحياتي
الفكرة إنو قارسيا فار؟ :confused:
فار من العدالة؟ :D :D

[wadelnil]

سلام يا شباب
لقد تم الاتفاق على مطعم آشبلى
العنوان
189 New Kent Road Elephant & Castle
- SE1 4AG -
Telephone: 02073789009

وهنا الخريطه
http://www.streetmap.co.uk/newmap.srf?x=532250&y=178750&z=1&sv=532250,178750&st=4&ar=N&mapp=newmap.srf&searchp=newsearch.srf

الذمان:
الساعه 9:00 مسآ الى ماشاء الله ...............................
اقعدو عافيه..........................

[haneena]

علم يا ود النيل يا زول يا هميم
نشوفكم هناك و إن شاء الله موعودين بليلة جميلة

[خالد الحاج]

قلتوا لي كيف كيف :)

[haneena]

قلتوا لي كيف كيف
ياهو ذااااتو يا ود الحاج :p
:D :D
مافيش حد أحسن من حد

[الجيلى أحمد]

قارسيا
رجاءآ الإتصال بالموبايل أعلاه للأهمية


قارسيا

إتا إلا ينهروك
:D :D


نتمنى لكم حفلآ بهيجآ..
لكم التحايا جميعآوللأخت ندى

[haneena]

فاجأنا خالد( و في رواية أخري طافش :D ) الحاج بظهوره فجأة في لندن و بإتصال تليفوني مفاجئ :eek:

ود الحاج..من خلي عادته قلت سعادته و أنا أعرف كيف تعشق الأنجيرا و الغناء الأثيوبي :)


مرحب حبابك


الجيلي...
سلامك وصل لي ندي و إن شاء الله نستمتع

أما قارسيا...نهدي له أغنية
بيقولوا الغايب عذرو معاه
و هو فعلآ معذور

تحياتي

[Garcia]

العزيزة / حنينة
لك كل التحايا وكنت اتمنى حضور يوم غدا .. لكن للظروف احكام ..
ومرحب بقدوم خالد الحاج الى لندن .. واكيد يوم زى بكرة ما بتفوت ..
اتمنى ليكم قضاء امسية سعيدة ...

خارج النص : ابو الطيب قلت لى فار من العدالة :D :D
الجيلى نحن الا بنهرة يا صاحبى :D

[haneena]

قارسيا
حمد الله علي السلامة
ربنا يسهل و نشوفك رغم علمي بالظروف
تحياتي لخنساء و الشباب

[عبدالله وداعه الامين]

تسجيل حضور هنا وهناك

تسلمي حنينة و ود النيل لي المجهود الجبار
ويا ود الحاج جاني سلامك و خبر وصولك بالتلفون ودايما انا ما محظوظ معاك
بس اكيد حنتقابل الليلة
شكرا ليك ودايما مدهشني
تسلمو كلكم

عبدالله