قاسى قلبك علىّ ليه..؟؟!

[wadosman]

!!!!!!!!!!

http://sudaniyat.net/wadosman/uploading/gasi_gulbak.wma

[فتحي مسعد حنفي]

الأغنية دي ياود عثمان لما المرحوم اسماعيل كتبا.كتب قسي قلبك علي ليه ووردي ما حب يقولا كدا فقام غيرا لي قاسي قلبك عشان ما يحدد الشخصية..وبالمناسبة الأغنية دي كانت بداية لملحمة وسيرة حياتية للشاعر وكتب معاها لو بكاي هماك وختم بي بعد ايه جيت تصالحني..
المتابع لأغاني وردي الكتبا الشاعر وسمعا حسب ترتيب نزولها حيكون عاش فترة من حياة الشاعر كتب فيها تفاصيل حياته بكل صدق ودا سبب خلود كلماته لأنها كانت نابعة من واقعه..
أعتذر للابنة أحلام عن الخوض في حياة والدها الراحل الذي سبق وأن قلت لها انني عرفته شخصيا ونادمته مع الأستاذ الصحفي عبد العزيز حسن(جريدة الزمان)..

[بدور التركي]

قلبي توب توب
دا نهاية حبو ايه!!


بصراحة ومن غير زعل
بعد محمد وردي ما اعتقد
في فنان تاني!!

ياااااااااسلاااااااااام
شكيتك يا ود عثمان
خليتني مشتتة سبعة ودعات00

[فتحي مسعد حنفي]

قلبي توب توب
دا نهاية حبو ايه!!


بصراحة ومن غير زعل
بعد محمد وردي ما اعتقد
في فنان تاني!!

ياااااااااسلاااااااااام
شكيتك يا ود عثمان
خليتني مشتتة سبعة ودعات00

الحمد لله ما طلعو سبعة بعرات..بالمناسبة آلاء بتقول ليكي ما تنسي تجيبي معاك اكسسوارات من تايلاند..والحجة بتقول ليك البن طلع رهيب..

[بدور التركي]

الحمد لله ما طلعو سبعة بعرات..بالمناسبة آلاء بتقول ليكي ما تنسي تجيبي معاك اكسسوارات من تايلاند..والحجة بتقول ليك البن طلع رهيب..

:D;)

والبخور الأسود كيف طلع?

آطلق لينا شوية في مدخل سودانيات
بعدين جاياكم بصور الأسد :D

[آيات]

ود عثمان :
خالص تحياتي
الأغنية دي شكلها إتكبت و إتلحنت في مرحلة حزن صادق لامراء فيه ..
البسمعها بقول الشاعر والملحن عاشوا نفس القصة ..


غلـــــــطة

قسى قلبك علي ليه
لو بحب يبقى ذنبي ايه
قلبي توب ..
توب من عواطفك
ايه نهاية حبه ايه
غلطة كانت غرامي ليك
وا خسارة دموعي فيك
غلطة قلبي سلمتو ليك
ما كان مكانو وما كان يجيك
يوم لقيتك علي ما كان يوم يا مسبب شقاي
عني ايه قالو عني ايه
كنت تايه وكنت غريب
و افتكرتك اعز حبيب
ياما قلبي يخطا ويصيب
والعذاب لي كان نصيب
من عرفتك جفاني حتى النوم يا مبدل شجوني آه
انت حبك جنيت عليه
كان طلعت القمرة وجيت
ولو حلفت برب البيت
ما بريدك ..
ما بريدك مهما بقيت غلطة كانت وكان ابيت
يا الفراقك علي كان مقسوم يا مسبب شقاي انا
انت حبك جنيت عليه

[جانيت]

ياما قلبي يخطا ويصيب
والعذاب لي كان نصيب
انا اكان حصل لي شي بيكون بسببك يا ود عثمان

[wadosman]

الأغنية دي ياود عثمان لما المرحوم اسماعيل كتبا.كتب قسي قلبك علي ليه ووردي ما حب يقولا كدا فقام غيرا لي قاسي قلبك عشان ما يحدد الشخصية..وبالمناسبة الأغنية دي كانت بداية لملحمة وسيرة حياتية للشاعر وكتب معاها لو بكاي هماك وختم بي بعد ايه جيت تصالحني..
المتابع لأغاني وردي الكتبا الشاعر وسمعا حسب ترتيب نزولها حيكون عاش فترة من حياة الشاعر كتب فيها تفاصيل حياته بكل صدق ودا سبب خلود كلماته لأنها كانت نابعة من واقعه..
أعتذر للابنة أحلام عن الخوض في حياة والدها الراحل الذي سبق وأن قلت لها انني عرفته شخصيا ونادمته مع الأستاذ الصحفي عبد العزيز حسن(جريدة الزمان)..

الحبيب فتحى...

عندك الكثير من ذكرياات و حكااوى الزمن الجميل و اياام كانت غير...

عندما تخرج الكلمات نتيجه لانفعال صادق دايما تخرج معبره جدا و هكذا
هى كلمات هذه الاغنيه و التى استطااع صااحب الصوت المسحور وردى
و ذلك بمقدراته اللحنيه الرهيبة ان يلبسها من لحن جميل يتناسب و روح القصيده
و الكلمات لتكتمل بصوته الجميل و تخرج كواحده من الاغنياات الخالده فى مسيره
وردى الطويله الزاخره بجميل الغناء...

شكرا ليك كتير وشكرا على هذه الاضاءه...

يديك العاافيه..

[wadosman]

قلبي توب توب
دا نهاية حبو ايه!!


بصراحة ومن غير زعل
بعد محمد وردي ما اعتقد
في فنان تاني!!

ياااااااااسلاااااااااام
شكيتك يا ود عثمان
خليتني مشتتة سبعة ودعات00

يا بدور القلعه و جوهرا
يلا ارمى الودع كشكشى...;)

وردى فى عنفواان شبااابه و صوته الدفّاف الملئ بالحيوية
و الطرب اللامتنااهى يجبرك للاستماع و الانصاات و انت مغمض العينين
و فعلا وردى فنان استثنائي فهو دايما ما يعطينا قوة اضاافية
للاحسااس بشكل مختلف..!!

شكرا للطله الوريفه و تحلو لنا الشكوى والحب والنجوى..

كل الود..

[wadosman]

ود عثمان :
خالص تحياتي
الأغنية دي شكلها إتكبت و إتلحنت في مرحلة حزن صادق لامراء فيه ..
البسمعها بقول الشاعر والملحن عاشوا نفس القصة ..




آياات...

فعلا يا أيات اغنيه تكاملت اضلاعها الثلاثه فى نفس الوقت لتخرج
كما يجب ان تكون...كلمات معبره خرجت كنتاج لانفعال صادق
و لحن يحمل روح الكلمات و طبيعه القصيده ثم الصوت المسحور
للجميل وردى...!

شكرا على تزيين البوست بكلمات الاغنيه و شكرا ليك و انتى تهربى
معنا الى زمن جميل نبحث فيه عن اغنيااات تمنحنا الدفء و حرااارة النشوة..!

كل الامنياات الطيبه..

[wadosman]

ياما قلبي يخطا ويصيب
والعذاب لي كان نصيب
انا اكان حصل لي شي بيكون بسببك يا ود عثمان

جاانيت...

احتسبى يا زوله...:)
فهذه اغنياات كلما تطفيها الغيوم تبرق مثل المطر
و الاتبلبل يعوم...!!

يديك العاافيه و ما بتجيك عوجه...

[نبراس السيد الدمرداش]

لو بحب يبقى ذنبي أيه

الشكيه لله

[سارة]

قسى قلبك علي ليه؟؟؟؟؟؟؟؟؟؟؟؟؟؟؟؟؟؟؟؟

[فتحي مسعد حنفي]

قسى قلبك علي ليه؟؟؟؟؟؟؟؟؟؟؟؟؟؟؟؟؟؟؟؟


عشان عندي لمبة حمرا لما تولع بخاف:eek::cool:

[فتحي مسعد حنفي]

قسى قلبك علي ليه؟؟؟؟؟؟؟؟؟؟؟؟؟؟؟؟؟؟؟؟


عشان عندي لمبة حمرا لما تولع بخاف ورحم الله امرء عرف قدر نفسه:eek::cool:

[عصمت العالم]

الفنان المرهف الجميل...ود عثمان الباشمهندس..

يا عازف الالحان..
مالك على قلبى.
اشعلت فيه النار.؟؟
ود عثمان
سيبقى ذلك السؤال قائما..باننا نستعذب الالم.
.نعشقه ونتوه فيه..
وندرك ونحس باننا فى حينما تندلق تلك الدموع.
فى سريان نزفها الجريح.نعيش ماساوية الاشياء
وانت سيد اعارفين..
حينما يولد المولد تبكى الام وحينن فرح العرس تبكى الام...
ولحظات السفر يبكى الاحباء والمودعون.وحين الغياب الابدى تتقاطر الدموع
فرحنا.دمعه.
والمنا.دمعه.ونزف حزننا لوعه..
وفى الحب والمنشاعر حدث بلا حرج
وانا برضو بسال...
قاسى قلبك على ..ليه
ربنا يرحم الشاعر الجميل اسماعيل حسن..ابدع وصور وحكى.وبكى..
بدموع الشوق والاحزان.
ولا يزال السؤال قائما..
قاسى قلبك على ليه.؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مي هاشم]

مساء -كالعاده-مليء بالجمال والألم..

[wadosman]

لو بحب يبقى ذنبي أيه

الشكيه لله


نبراس...

برضو اسماعيل حسن رجع و قال:

لو بايدى .. كت طوعت اللياالى
و دى الارادة .. و نحن ما بنقدر نجابه المستحيل !

و نحن معاهو متوكلين على الله و دافرين الليل...!!

يديك العاافيه..

[wadosman]

قسى قلبك علي ليه؟؟؟؟؟؟؟؟؟؟؟؟؟؟؟؟؟؟؟؟

سروره...

ما تشوفى شر ياخى...

اتسعت براحات الغناء الاصيل لطلتك هنا .. و ازدانت روعة الطرب ..

كل الامنياات الطيبه..

[فتحي مسعد حنفي]

نبراس...

برضو اسماعيل حسن رجع و قال:

لو بايدى .. كت طوعت اللياالى
و دى الارادة .. و نحن ما بنقدر نجابه المستحيل !

و نحن معاهو متوكلين على الله و دافرين الليل...!!

يديك العاافيه..

وبرضو قال غصبا عني وغصبا عنك انت حبيتني وهويتك ..لو بايدنا من زمان كنت خليتني ونسيتك..
تعرف يا ود عثمان أنا كنت في يوم من الأيام حافظ كل كلمات أغاني اسماعيل حسن عن ظهر قلب ومستعد كمان أمتحن فيهم شهادة;):D

[wadosman]

الفنان المرهف الجميل...ود عثمان الباشمهندس..

يا عازف الالحان..
مالك على قلبى.
اشعلت فيه النار.؟؟
ود عثمان
سيبقى ذلك السؤال قائما..باننا نستعذب الالم.
.نعشقه ونتوه فيه..
وندرك ونحس باننا فى حينما تندلق تلك الدموع.
فى سريان نزفها الجريح.نعيش ماساوية الاشياء
وانت سيد اعارفين..
حينما يولد المولد تبكى الام وحينن فرح العرس تبكى الام...
ولحظات السفر يبكى الاحباء والمودعون.وحين الغياب الابدى تتقاطر الدموع
فرحنا.دمعه.
والمنا.دمعه.ونزف حزننا لوعه..
وفى الحب والمنشاعر حدث بلا حرج
وانا برضو بسال...
قاسى قلبك على ..ليه
ربنا يرحم الشاعر الجميل اسماعيل حسن..ابدع وصور وحكى.وبكى..
بدموع الشوق والاحزان.
ولا يزال السؤال قائما..
قاسى قلبك على ليه.؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الشفيف عصمت...

لك التحيه و انت صاحب الاكليل و كل الذكريات و الحكاوى الجميله
و نحن نحاول و نعيد المحاوله حتى نسنطيع ان نغسل الاحساس بالحنين
و نعيد الاجترار لتتجدد الاحااسيس....!!

سيظل صدى ذكرياات اغنيات كثيره محفوظا بين الذااكرة و القلب
لتتشابك المعاانى مع الاماانى و يبقى الامل متمسكا بغناااوى زماان
و اشراقات باكر و خفقان قلب يرسو على شاطئ الذكريااات و هو لا زال
ينبض بذلك الاحساس الذى لم يصل لمرحله فرض الكفايه بعد..!!

تسلم يا حبيب...

[Ibrahim]

اغنية حليوة تسلم يا با شمهندس

صوت وردى غاية فى الروعة

goood:D

[wadosman]

مساء -كالعاده-مليء بالجمال والألم..

الفنانه مى رفيقه الطرب و السهر الجميل...

ربنا يجمّل اياامك... و بي جراحنا بي أشواقنا بنضوي الزمان ..!

صوت وردى المسحور يحيى الالم و الجور بالذكريات
و يجعلنا نحس برعشه تهز الاوصال تجعل من الالم
طاقه للتنفيس لنعيش نحن فى سرحاان طويل لا ينتهى ابدا..!!

هكذا هى الأيام......! والعمر غمضة ثواني
و لا نملك الا ان نصبر علي الجرح وإن طال الألم...!!


شكرا ليك كتير و حضورك يسعدنا كثيرا..

كل الود و الامنياات الطيبه....

[wadosman]

اغنية حليوة تسلم يا با شمهندس

صوت وردى غاية فى الروعة

goood:D

ابراهيم يا فنان...

بطلتك الجميله تكتمل الروعه يا حبيب..

تسلم..

[AMAL]

ذنبك علي جنبك

بث



اغنية ولا امتحان كلها اسئلة

في جوايز gooodgoood

[wadosman]

ذنبك علي جنبك

بث
gooodgoood

قالوا حليف الذنب مرهون الخطاايا....!!
و هكذا نحن دايما ترهقنا الامانى الجريحه..ولا شنو..؟؟!


اغنية ولا امتحان كلها اسئلة

في جوايز

gooodgoood

عشان ما يغلبنا السؤال ...الامتحان المره دى مكشوف...:rolleyes:
و طبعا فى هذه الحاله يجوز الحديث مع السايق..:p







مشتااقين يااخى...