سنة يا الحيطة .. ( رواية فى سبعة حلقات ) ..

[معتصم الطاهر]

حكاية الحيطة التى ذهبت بأمين الى بلفاست..

وهى أقدم حيطة فى مبنى حكومى فى مدينة كوستى ..

ولكن فلنعرف أمين اولا .. وبعدين حيطة الجِن دى ..

طول فارع على رأسه ( قجة ) تزيد من الطول حبة .. وفى صوته جلال و طيبة ..
اكتسب من القرية أصالتها والمدينة العامرة حينها حضارتها ..
فجاء صوته بقوة أهل القرية وهدوء أهل المدينة.

.كان من أوسم طلاب المدرسة..و التى كان طلابها أكثر طلاب المدينة وسامة وأناقة ولباقة ..
لكنه تفرد .. بوسامة رجولية ..وصوت قوى .. وابتسامة نقية لتكتمل الصورة ..
ولأنه نجح بتفوق فقد ذهب به والده الى الخرطوم حيث اشترى رداء بنى وقميص أبيض جاهزين من المسرّة وجزمة من توموشيك .. و كبك من باتا .. وشرابات من شارع الجمهورية ..
فتميز على انداده الجدد ..

كانت مدرسة كوستى الأميرية الوسطى ( بنين) تقبل الثمانين طالبا أوائل مركز كوستى التابعة لمديرية النيل الأزرق.
و المدرسة الأهلية ثقبل ثمانين آخرين ( أربعين فى كل فصل .. مش صف ..) وأربعين مش 120 ..

وكان ( أولاد الأميرية ) يقدلون فى الشوارع دون ( أولاد الأهلية ) لأسباب عدة ..
أولها أنهم ليسوا أولاد داخلية فهم أما أبناء مدينة كوستى أو لهم أقارب فيها. أو أبناء الموظفين .

ثانيا: أن أستاذ الخير ساتى مدير المدرسة ( يفتّش) مكوة الرداء أيضا .. و لا يجامل فى بياض القميص ..
فكان ( أولاد الأميرية ) أحسن هنداما لا ينافسهم إلا موظفى باركليز بنك .. والمحامى الوحيد حينها ..

ثالثا : الحيطة ..
والحيطة هذه للبعض أهم من كل المدرسة..
ومن هؤلاء أمين ..
فقد قررت إدارتى السكة حديد والنقل النهرى بناء مدارس لأبناء العاملين فيها والفقراء من أبناء المدن والقرى ، فقامت بتشييد مدرسة الخدمات بنين ومدرسة البنات لصق مدرسة أمين ..

بنوها ليس الهيتة بالهيتة ..

بل تركت حيطة واحدة هى حيطة البلوك الأسمنتى بالمدرسة القديمة .. وقبل أن يفتح العام الدراسى كان بالحائط 40 فتحة صلة ووصلة بعدد العشاق ..

حاولت إدارتا المدرستين قفل الفتحات ولكن الفتحات كانت تزداد مع كل قصة عشق جديدة ..

وانفرد أبناء سنة رابعة بالفتحات الشرقية لوجودها فى آخر المدرستين وبين الأشجار .. بينما لأولاد ثالثة ( الفتحات فى ضهر الفصول ) مما ترك للثوانى والبرالمة فتحات تطل على الأساتذة وعلى شباك مكتب المدير ..

حيث كان أول خرم لأمين نال عليه (7 جلدات فى المكتب) و تمزيق الخطاب ،

ولكن الأمر ظل سرا إلا من "عادل صديق" الفردة الذى نقلها لأولاد الحلة الجديدة فقط وهم قليلون فى المدرسة الأميرية.

فى حلقاتنا القادمة

لمن يكتب أمين ..؟
هل ينجح أمين فى الارسال ؟
من هو عم هارون ؟
عرض رسالة من رسائل أمين .. بالأسكانر ..

موسيقى تصويرية ..

[معتصم الطاهر]

وبما أن أمين ( راسو قوى ) وأعند من أن توقفه 7 جلدات نيم .. فقد ركب راسو ( و قدّ خُرم تانى ) مقابل مكتب شعبة الرياضيات اعتمادا على انشغالهم الفطرى وأستاذ الحاج ولى أمر الفصل ..

وكالعادة ضرب على حيطة البلوك الأسمنتى ثلاث نقرات /مسافة/ نقرتين/كحة ..
وجاءته نحنحة من الطرف الآخر .. ففرح أمين وقال بصوت حنكوشى لايتناسب مع صوته القوى ليخرج الصوت كحشرجة مخلوطة بصراخ :"( منى النقل)..
وأطلق عليها النسب لمكان عمل والدها ( النقل النهرى) ..فإسم "منى " كان متداولا بكثرة حينها .. وحتى يتم "الفرز" أطلق ملحق نسب لكل منى .. فهناك / منى ربك ، ومنى بت الشاويش/ ومنى السنجك ( والدها صاحب أكبر حقة صعوط) / ومنى التِـقِـل " والاسم باين من عنوانو .. ومنى عبقرينو .. وكانت ذكية ومنكشة ..( تأثير مجلة ميكى وكدا ) ..

المهم نرجع لمحور حديثنا ..

لما نطق بالاسم .. جاءته النحنحة مرة ثانية من الطرف الآخر فاذا به يمد يده ليضع الخطاب المنمق المعطر( بغلافه الوردى ) ذى الاطار المنقوش بورود صغيرة وفى الركن اليسار الأسفل وردة حمراء أكبر حجما ..و مكتوب على الركن العلوى الأيمن ( BY AIRMAIL ) وأمين لا يمكن أن يشترى ظرف عادى .. لذا اشتراه من مكتبة الفجر ولا بد أن يكون ( BY AIRMAIL.. ) حتى لو كان سيسافر مسافة شِبر ونص ..
مد أمين يده حتى لمس بوعه* الحائط آملا فى أن يمس يد الحبيبة وفعلا قبضت يد على كفه ..
لكنها يد قوية ليست مثل أيادى البنات .. يد عم هارون خفير مدرسة البنات ..

ولوى يد أمين بطريقته الموجعة و أول ما قاله له كلمة الشهيرة ( كُــد الدومة ) ..-/ وللحناكيش مثل عزو والصغار هنا .. هى أن يقوم أحدهم بلوى مرفقك بطريقة موجعة حتى تمتثل لأمره وتعض كوعك كأنك تأكل الدوم ( والدوم ثمر سودانى) ..-/

كان عم هارون يفعل هذا لكل من يقترب من بوابة المدرسة أو يغازل البنات فيمسك به و يجرسو قدام البنات ويختفى هذا الجِرسة نهائيا ..

ولكن كيف يكد أمين دومتو وبينه وبينها حائط من البلوك الأسمنتى ..
وعرف أمين أنه لايمكن أن ينحل إلا بثلاث طرق ( هناك طريقة رابعة تعلمها بعد ثلاث سنوات)

الأولى وهى أن يأتى الناظر ويلقى القبض عليه ( RED HANDED) متلبسا ومتلبشا ..

الثانية أن يكُد الدومة .. وهذه تمنعه منها الحيطة ولو استطاع لفعل وتطير" منى" و يغرق النقل النهرى من بحرى حتى نمولى ..

الثالثة وهى يحلو الحلّ بلة .. وهو لا يعرف وقتذاك كيف إنحلّ بلة هذا ..

ولم يكن له خيار غير الناظر و ( عشرة جلدات) وهذه المرة فى الطابور وبجريد النخل..
ولم يحتاج الأمر لعادل صديق لنشر الخبر .. لكنه ( حسب اقتراح حسين عطا الله ود ربك.. ابن السنة الثالثة وصديق البرالمة ) فقد أقام له جلسة مديح فى فسحة الحصة الخامسة .. وكان عادل الصديق مادحا مجيدا قبل أن يتحول للغناء لود الأمين و أغانى الشايقية .. فمدح له " يا راحلين الى منى بغيابى.."

فى حلقاتنا القادمة ..

تعرفوا على عوضية قشارات ..
عادل الصديق يطلّق المديح لأجل أمين
أمين والعنكوليب ..]

[الجيلى أحمد]

اتابعك يامعتصم
والله الميرود قصتو قصه

[معتصم الطاهر]

[line]الحلقة الثالثة ..




وصنّ أمين مدة تحرقه الأشواق والأشواك .. وكاتم مغصتو وريدو ..
حتى جاء اليوم الذى ولّعت نيران الريدة .. فقد وصل الشمار الى ( منى النقل) و عجبها الجنا الفارس الذى وقف للبطان عشلن خاطرها وقد وصلها أن عدد الجلدات (27 جلدة ) فأرسلت له منديل أبيض مشغول بالكروشيه و فى ركنه سهم بخيط أحمر يشق قلبا دامى ينزق نقطتين واحدة كبيرة تحتها حرف الألف والأخرى أصغر تحتها حرف ميم ..

ورغم الجهود المضنية لإقناع أمين بالعدول عن السير فى هذه العلاقة ..إلا أن تحاريش بعض الأصدقاء ومغصة الجلدة فى الطابور كانتا أكبر من أى تحذير ..
زاده الأمر بّلة ، عندما تدخل قريبه الذى كان يحلم بعلاقة مع صديقتها عوضية بنت القشارات ،
وهنى النقل وعوضية قشارات كانتا صديقتين ..

كانت علاقتهما مبنية على التباين فى كل شيء ..
اللون ، المنشأ، الشعر ، السكن ، وظيفة الأب والشطارة التى كانت تمتاز بها عوضية .. ولكنهما تلتقيان فى الجمال فكلاهما متفردة فيه ..
فحين كانت عوضية قشارات تمتاز بكبر الأشياء عندها
كانت منى النقل من نوع ( البِلِّى ) ..
حتى فواكههما تلتقى فى الحمضيات لكنها تتباين بين القريب فروت والليمون.

وحب أمين ليس أعمى فقط بل مسكو عكاز أيضا ..

أخرج أمين كل المال المدكّن فى كتاب جزء عم الموضوع فى طاقة الديوان الجنوبية ..
وهو عبارة عن خمسة فرينيات*
وجمع له أصدقائه شلن * كامل،
فذهب أمين يوم الخميس الى قرية ربك وأشترى ( 5 ربط) عنكوليب * وشحنها فى لورى حتى كوستى وباعها لأولاد الحلة ليربح ريال بالإضافة الى رأس المال .
واستلف عجلة رالى لسرعتها و ذهب الى البوستة واشترى طابعا
وبين البوستة والمكتبة الوطنية فرندة ..

اشترى أمين من المكتبة ثلاثة كتب
هى الرسائل العصرية..
رسائل العشاق ..
و رسائل أخوان الصفا ( المهم عنوان الكتاب رسائل)
وظرف وردى سادة هذه المرة الا من ( BY AIRMAIL )
ووضعه عليه الطابع وثبته بالبصاق .. بعد فتش كثيرا عن ريقه الذى لم يجده ..

وبدأ يقرأ حتى ضربه النعاس
وصحى قبل الديك ليجد الرسالة المطلوبة فى كتاب الرسائل العصرية
الرسالة الخامسة فى قسم رسائل العشاق ..
وخلطها بمعرفته فى اللغة وما اكتسبه من خبرة فى الخطاب السابق ..
و مزجها ببعض الرسائل التى كان يكتبها لأعمامه فى البلد ..
[line]
مدكّن .. يعنى ملموم فى مكان الجن اللحمر ما يعرفوا
الفربنى .. هو اب قرشين ..
شلن .. خمسة قروش ..
العنكوليب .. نبات كشجر العيش وله طعم كقصب السكر
[line][line]
يتوقف ارسالنا ..
يومى الخميس والجمعة
لتقبل الردود ..

[mamkouna]

و الله متابعين المسلسل الأميني المدبلج ده....جنس متابعة....

[معتصم الطاهر]

اتابعك يامعتصم
والله الميرود قصتو قصه
[والغريق لى قدام ..

[معتصم الطاهر]

و الله متابعين المسلسل الأميني المدبلج ده....جنس متابعة....


يا ممكونة ..
شفت كلب الصادق

أرحم من الجاييى ..

[جلال محمد جلال]

حكاية الحيطة التى ذهبت بأمين الى بلفاست..

وهى أقدم حيطة فى مبنى حكومى فى مدينة كوستى ..

ولكن فلنعرف أمين اولا .. وبعدين حيطة الجِن دى ..

طول فارع على رأسه ( قجة ) تزيد من الطول حبة .. وفى صوته جلال و طيبة ..
اكتسب من القرية أصالتها والمدينة العامرة حينها حضارتها ..
فجاء صوته بقوة أهل القرية وهدوء أهل المدينة.

.كان من أوسم طلاب المدرسة..و التى كان طلابها أكثر طلاب المدينة وسامة وأناقة ولباقة ..
لكنه تفرد .. بوسامة رجولية ..وصوت قوى .. وابتسامة نقية لتكتمل الصورة ..
ولأنه نجح بتفوق فقد ذهب به والده الى الخرطوم حيث اشترى رداء بنى وقميص أبيض جاهزين من المسرّة وجزمة من توموشيك .. و كبك من باتا .. وشرابات من شارع الجمهورية ..
فتميز على انداده الجدد ..

كانت مدرسة كوستى الأميرية الوسطى ( بنين) تقبل الثمانين طالبا أوائل مركز كوستى التابعة لمديرية النيل الأزرق.
و المدرسة الأهلية ثقبل ثمانين آخرين ( أربعين فى كل فصل .. مش صف ..) وأربعين مش 120 ..

وكان ( أولاد الأميرية ) يقدلون فى الشوارع دون ( أولاد الأهلية ) لأسباب عدة ..
أولها أنهم ليسوا أولاد داخلية فهم أما أبناء مدينة كوستى أو لهم أقارب فيها. أو أبناء الموظفين .

ثانيا: أن أستاذ الخير ساتى مدير المدرسة ( يفتّش) مكوة الرداء أيضا .. و لا يجامل فى بياض القميص ..
فكان ( أولاد الأميرية ) أحسن هنداما لا ينافسهم إلا موظفى باركليز بنك .. والمحامى الوحيد حينها ..

ثالثا : الحيطة ..
والحيطة هذه للبعض أهم من كل المدرسة..
ومن هؤلاء أمين ..
فقد قررت إدارتى السكة حديد والنقل النهرى بناء مدارس لأبناء العاملين فيها والفقراء من أبناء المدن والقرى ، فقامت بتشييد مدرسة الخدمات بنين ومدرسة البنات لصق مدرسة أمين ..

بنوها ليس الهيتة بالهيتة ..

بل تركت حيطة واحدة هى حيطة البلوك الأسمنتى بالمدرسة القديمة .. وقبل أن يفتح العام الدراسى كان بالحائط 40 فتحة صلة ووصلة بعدد العشاق ..

حاولت إدارتا المدرستين قفل الفتحات ولكن الفتحات كانت تزداد مع كل قصة عشق جديدة ..

وانفرد أبناء سنة رابعة بالفتحات الشرقية لوجودها فى آخر المدرستين وبين الأشجار .. بينما لأولاد ثالثة ( الفتحات فى ضهر الفصول ) مما ترك للثوانى والبرالمة فتحات تطل على الأساتذة وعلى شباك مكتب المدير ..

حيث كان أول خرم لأمين نال عليه (7 جلدات فى المكتب) و تمزيق الخطاب ،

ولكن الأمر ظل سرا إلا من "عادل صديق" الفردة الذى نقلها لأولاد الحلة الجديدة فقط وهم قليلون فى المدرسة الأميرية.

فى حلقاتنا القادمة

لمن يكتب أمين ..؟
هل ينجح أمين فى الارسال ؟
من هو عم هارون ؟
عرض رسالة من رسائل أمين .. بالأسكانر ..

موسيقى تصويرية ..
تري هل سمع العزيز الغالي م. معتصم برواية تدعي(الضفة
الأخـــــــــــري)؟؟؟

[محمد ابراهيم قرض]

و يا لها من مرحلة مميزة من مراحل
مراهقة الشباب يا معتصم ...
و حب المدارس له مزاق خاص و نكهة
معتبرة حيث يفتخر الطرفان بما يعتمل
في النفوس ، كل لأصدقائه و صديقاتها ..
و يا ويل لمن ليس له/لها حبيبة/حبيب !!..

[ندى]

يا ما تحت السواهي دواهي
وينو الجواب بتاع الاسكنر :mad: :mad: :mad:
عايزة الدليل عشان ارجع ليهو صورو وجواباتو
إهي إهي إهي
أمين الغشاش
غشاني وقال لي ما حبيت غيرك
وصدقتوا
إهي إهي
غايتو الرجال ما ليكم أمان


بالجد مستمعين يا هندسة
أحكي

[amine]

يا جماعة و الله معتصم أخوي ده كلامه قريب من الواقع و لكنه مزاد من التحلية و حسن الأخراج ...
فلكم هذه الصورة وفي الأميرية و لكم أن تعرفوا أمين و معتصم هنا ....بس في الحالة دي عايزين جقجق
أذا الصورة ما نزلت مظبوط .http://sudaniyat.net/vb/images/uploads/516_541843f7c12cc7e49.jpg[/color
[color=#003399]المهم يا معتصم واصل بس عليك الله رأيك شنو في بابا سامي ؟؟؟ مش عندهم أحلى باسطة ؟؟؟
آآآآآآآآآآآآآآآآآآآخ يا آآآآل صديق البلولة ....
يا ربي أنا وين ؟؟؟
تحياتي يا حلوين ...
أمين

[amine]

ومدرسة البنات لصق مدرسة أمين ..
ههههههههههههههههه يا معتصم أخوي أنت قصدك القومية بنات ؟؟؟
يا ربي أنا وين ؟؟؟
تحياتي يا حلوين .....
أمين

[amine]

يا ما تحت السواهي دواهي
وينو الجواب بتاع الاسكنر :mad: :mad: :mad:
عايزة الدليل عشان ارجع ليهو صورو وجواباتو
إهي إهي إهي
أمين الغشاش
غشاني وقال لي ما حبيت غيرك
وصدقتوا
إهي إهي
غايتو الرجال ما ليكم أمان


بالجد مستمعين يا هندسة
أحكي
هههههه يا ندى و الله ذكرتيني حكاية (( غشاني يا عمدة و قال لي ................... )) ...
بس عليك الله شوفي الصورة ديك لما كان معتصم أستاذنا في الأميرية الجنب القومية بنات ...
عليك الله ما نقشتيهو ؟؟؟
يا ربي أنا وين ؟؟؟
تحياتي يا حلوين ...
أمين

[amine]

و الله متابعين المسلسل الأميني المدبلج ده....جنس متابعة....

الممكونة و صابرة كيف حالك يا أختي ؟؟؟
بس عليك الله شفتي في حياتك أستاذ يحكي عن تلميذه كده ؟؟
أنتي ما شفتي صورة الأميرية ولا شنو ؟؟؟
بالمناسبة الصورة دي كانت جنب حيطة القومية بنات ,,,
يا ربي أنا وين ؟؟؟
تحياتي يا حلوين ...
أمين

[amine]

و يا لها من مرحلة مميزة من مراحل
مراهقة الشباب يا معتصم ...
و حب المدارس له مزاق خاص و نكهة
معتبرة حيث يفتخر الطرفان بما يعتمل
في النفوس ، كل لأصدقائه و صديقاتها ..
و يا ويل لمن ليس له/لها حبيبة/حبيب !!..
هههههههههههههههههه يا قرض ياخوي أنت مالك ؟؟؟
عندك وردي ولا ميرود ؟؟؟
ياخوي أنت معانا ولا مع التانيين ؟؟؟
يا ربي أنا وين ؟؟؟
تحياتي يا حلوين ...
أمين

[amine]

جلال محمد جلال كتب ....
تري هل سمع العزيز الغالي م. معتصم برواية تدعي(الضفة
الأخـــــــــــري)؟؟؟
الأخ جلال .. هل العين تعلى على الحاجب ؟؟؟
مش هو أستاذي و أنا تلميذه ؟؟؟ و تيب ...!!!
يا ربي أنا وين ؟؟؟
تحياتي يا حلوين ...
أمين

[عكــود]

وصنّ أمين مدة تحرقه الأشواق والأشواك .. وكاتم مغصتو وريدو ..
معتصم ..
يعجبني هذا السهل الممتنع عندك
فحين كانت عوضية قشارات تمتاز بكبر الأشياء عندها
كانت منى النقل من نوع ( البِلِّى ) ..
حتى فواكههما تلتقى فى الحمضيات لكنها تتباين بين القريب فروت والليمون.
منى النقل وعوضيّة قشّارات ديل، ما سمع بهن عثمان حمد؟وكان عادل الصديق مادحا مجيدا قبل أن يتحول للغناء لود الأمين و أغانى الشايقية
لا أنسى صوته أيّام الدورة المدرسية في تلك الأيام
و "بتتعلّم من الأيّام مصيرك"

ومتابع،

عكــود

[معتصم الطاهر]

حبيبتى الغالية م ( رسم قلب )


أرسل لك تحايا حارة .. اذا مرت بالحديد صهرته .. واذا مرت بالقدور فورتها واذا مرت بفلسطين حررتها واذا مرت بالجبال هدتها .. واذا مرت بك وقفت مدهوشة .. كما يحرن حمار سيد اللبن ..
وأرسل لك تحايا متل أنفاسك الشابة ..
اذا مرّت بالصحراء خضرتها .. واذا مرت بالحدائق أزهرتها واذا مرت بالمدارس نجحتها ..واذا مرت بالسعدة لونتها .. واذا مرت بالنقل النهرى صار نقل جوى .. فقط ما ينقلوا والدك ..

كيف حالك وأحوالك فى هذه المدة التى لم أراك فيها ..
وإذا سألتم عنى فأنا بخير لا افقد شئ سوى عدم روياكم الغالية ..

حبيبتى

كيف هذه الأيام التى لم أراكم فيها .. لعلك بخير ..
أما أنا فقد مرت على اوكات صعبة خلاص ..
ولكن فى سبيلك اشق الفيافى وأنا حافى ...واقطع البحر عوم ضهر ...
واتحدى حتى القمر فى السهر .. فهو يسهر دورين وانا أسهر شهر ..

واتركك فى أمان الله والرسول وتحرسك الملائكة ..

المحب دايما وابدا ..
حرف الألف ..

ملحوظة ..
تحياتى لساعى البريد ..
[line]

* بالدليل الدامغ ... منى التِـقِـل ترسل الخطاب اسكانر
* وتكشف أسرار العلاقة ..
* وتكشف عنوان منى النقل
* مراسلتنا فى الخرطوم ستلتقى بمنى النقل ..

[ناصر يوسف]

:p

هههههههههههههههههههههههههههههههه

:p

ههههههههههههههههههههههههههههههه


:p

هههههههههههههههههههههههههههههههه

:p

هههههههههههههههههههههههههههههههه

:p


أها وبعدين .....

[معتصم الطاهر]

يا ما تحت السواهي دواهي
وينو الجواب بتاع الاسكنر :mad: :mad: :mad:
عايزة الدليل عشان ارجع ليهو صورو وجواباتو



وبالدليل القاطع ..
الخطاب ..


http://up3.w6w.net/upload/19-02-2006/w6w_20060219134832ed169960.JPG

[معتصم الطاهر]

نقر أمين على الحائط ثلاث نقرات /مسافة/ قرتين / كحة /
وجاءه الرد هذه المرة نحنحة ناعمة ..
ولكن أمين الملدوغ مرتين .. قال فى سره "على هامان يا فرعون .."

- إنتى منو!
وجاء الرد مرة أخرى نحنحة ..
فقال أمين " لو ما قلتى ما حَ أمد يدى " .. ( يطلع عم هارون ولا امكن الناظرة)
فجاء الرد
- أنا طالبة
- ورينى فستانك ..
- أها شوف .. ( ورأى أمين الفستان البنى ذو الجيوب البيضاء)..

اطمأن قلب أمين ( ولسه قلبو ماكلو مع شوية حسكنة) .. ولكنه كان قد أضاع زمنا طويلا .. وجاء الصوت من الطرف الآخر " خالتى رضينا الفراشة جات"
فمد أمين يده عبر البريد السريع و صرّح بسرعة باسم المحبوبة ..
" منى النقل"
ولما كانت البنت من فصل أول زهراء ..
فقد سمعت الاسم " منى التِقِل" ..
صادف الاسم هوى فى نفسها .. فمنى التِقـل كانت بعبعا لها ..تأكل منها السندوتش و واللالوب والنبق .. بل إنها يوما وفرت "حق الفطور " لتشترى كاس ايسكريم من العربة المدفورة ولما جاءها به عم هارون فرحت به ونسيت قرصة جوعها ..
إلا أنه حالما أدار عمهرون ظهره خطفته منها " منى التِقِل" وأعطتها بدلا منه نظرة حادة و باقى دومة مكدودة وملوثة تماما بلعاب : منى التقل" وما زالت باقى أنفاسها الثقيلة تتفسح بين شعيرات المنطقة المكدودة ..
ولن تنسى أبدا أنها رأتها تأخذ عنوة ( حقارة عديل كدا) من بنت "ست آمنة مدرسة العربى" ريشة الحبر -.. وكانت هذه جرأة لا يقوم بها الا من وصلت حد أن يقال عنها " مِشرِط" ..
وتعتمد منى التقل فى كل هذا على سلاطة لسان أمها .. الذى سلق المدرسات لأن بنتها عوقبت يوم أخذتها معها للزار فى قرية ( الليّة ) .. قائلة أنها لن تجعل بنتها جاهلة فى ( امور زى دى ) ..
وهددتهن بأنها "ستفتح العلبة وتشوف خيطهن وتعقدوا ليهن" ..
فقد كانت

خطفت البنت الخطاب المعطر وطارت به لمنى التقل ..
والعهدة على الراوية ( علوية أخبار) أن البنت من شدة سرعتها طار منها " الشُرّاب وهى لابسة الجزمة"
دخلت الصف مهرولة .. وكانت حينها "منى التقل" تجلس على الدرج الأول .. تدلدل رجليها والدرج يئن ويقنِت* ويسب .. ولا تدرى أى الأصوات أعلى .. غير أنها لم تهتم كثيرا .. فوقفت أمام منى التقل متلاحقة الأنفاس .. وصدرها يقوم ويقع ..
لما رأتها منى التقل بهذه الحالة سالتها " مالِك ..!"
والبنت تشيل فى النفس الأبا يتختَ..
" يا بت ما تفتحى خشمك دا .. مالك "
" إمكن داير يدفعوا ليها حق فتح الخشم " وضحكت البنات .. بعضهن للنكتة والآخريات مجاملة وخوفا ..

وبيد مرتعشة مدت البنت الظرف ..
وكانت المفاجأة ..
ظرف ملوّن وعليه طابع .. فئة القرشين .. طابع بريد جوى ..
ومكتوب عليه .. الى حبيبتى ميم
وتحت
شكرا لساعى البريد ..



خطفته منى التقل وسارت به ( وراء الفصول ) وقرأته .. ولكنها حقيقة لم تفهم كثيرا ..
فنادت أقرب ( شافعة) .. لتقرأ لها الخطاب جيدا ..
ولم تكن هذه الشافعة إلا .. منى النقل ...

فى حلقاتنا القادمة
* قصة الخطاب من وجهة نظر ( منى التقل) ..
* من أين أتى تعبي ( انا وين يا ربى) ؟

[معتصم الطاهر]

تري هل سمع العزيز الغالي م. معتصم برواية تدعي(الضفة
الأخـــــــــــري)؟؟؟

عفوا لم أسمع بها

هلا تدلنى على اسم الكاتب لأحصل عليها ..

شكرى ..

[معتصم الطاهر]

ههههههههههههههههه يا معتصم أخوي أنت قصدك القومية بنات ؟؟؟
يا ربي أنا وين ؟؟؟
تحياتي يا حلوين .....
أمين

سنة يا الحيطة

عرفتها كيف دى .. يا خِبرة ..

[معتصم الطاهر]

الممكونة و صابرة كيف حالك يا أختي ؟؟؟
بس عليك الله شفتي في حياتك أستاذ يحكي عن تلميذه كده ؟؟
أنتي ما شفتي صورة الأميرية ولا شنو ؟؟؟
بالمناسبة الصورة دي كانت جنب حيطة القومية بنات ,,,
يا ربي أنا وين ؟؟؟
تحياتي يا حلوين ...
أمين

استاذك يا دفعة

انت قايل الناس ديل بنسوا بى سرعة ولا شنو ؟؟؟؟

[ناصر يوسف]

" يا بت ما تفتحى خشمك دا .. مالك "
" إمكن داير يدفعوا ليها حق فتح الخشم " وضحكت البنات .. بعضهن للنكتة والآخريات مجاملة وخوفا ..







هههههههههههههههه


لكن يا هندسه فتح الخشم ده ما داير ليه قفله ..


ـــــــــــــــــــــــــــــــــــــــــــــــ

وعمك أمين (في حكاية معتصم أستاذي دي ... ) ما تخليه يمشي لينا فيها شويه كده .... قلت لي ... د ف ع ه .... أمانة ما أتلومت يا مستر أمين ...


ــــــــــــــــــــــــــــــــــــ

معتصم

راجع بريدك وأفدني

[معاوية عزالدين أبراهيم]

الأخ جلال .. هل العين تعلى على الحاجب ؟؟؟
مش هو أستاذي و أنا تلميذه ؟؟؟ و تيب ...!!!
يا ربي أنا وين ؟؟؟
تحياتي يا حلوين ...
أمين [/QUOTE]
الاستاذ / معتصم الطاهر
تسلم لامتاعنا ومنتظرين الغريق
العزيز / الامين
افو افو سويتوا استاذك
يا رااااااااااااااااااجل
لقد ضحك (مجدى) حتى ادمع وانت تحاول كد الومة
محبتى وودى

[جلال محمد جلال]

عفوا لم أسمع بها

هلا تدلنى على اسم الكاتب لأحصل عليها ..

شكرى ..[/font][/size][/color]
AMAZING !!!! REALLY!!!! YOU SAID HAMAN SAYS WHAT???PLS DOT BE WORRY THAT
(ماكنت لأفضح من ستره الله.)

[nadus2000]

فحين كانت عوضية قشارات تمتاز بكبر الأشياء عندها
كانت منى النقل من نوع البلي
حتى فواكههما تلتقى فى الحمضيات لكنها تتباين بين القريب فروت والليمون.

يا هندسة حقوقنا محفوظة!!!

[amine]

وبالدليل القاطع ..
الخطاب ..


http://up3.w6w.net/upload/19-02-2006/w6w_20060219134832ed169960.JPG
ههههههههههههههه يا معتصم و الله قطعت مصاريني بالضحك ....
بالله دي هي الرسالة الملغومة ظااااااااتها ؟؟؟ بس يا ربي خطي ده مالو شين و ملولو :؟؟؟confused: :confused: :confused:
يا ربي أنا وين ؟؟؟
تحياتي يا حلوين ...
أمين

[محمد كبر]

صديقي معتصم الطاهر.. حبابك

حليلك و انت من ناس قبيل.. و قبيل زمن جميل بالحيل..
و اللــه يا صديق حالتك تحنن و انت بتشرح في (المدكن)و(الفريني)و(الشلن)و(العنكوليب)..و ذكرتني حسن موسى لمن احتجا على شرح ابكر ادم للعنقريب.. بالجد هو قاموس يتسرب نحو دائرة النسيان بسرعة جنونية.. حتى العنوان (سنه يا الحيطة).. كلفني نص ساعة شرح.. ومقدمة كاربة في سيوسيولوجيا المشاغلة في الزمن الحميم.. و المشاغلة ذاتها(تصدق)كلفتني ربع ساعة شرح .. عشان في النهاية يسألوك بكل براءة (و هم الأولاد كانوا بيعملوا كده ليه؟).. اتقول العالم دي لا شاغلت ولا اتشاغلت..
يسألني اللـه .. يا معتصم ضحكت .. في زمن الضحكة بقت فيهو بالكاد..

و يا لها من تحية..
زمان الأستاذ ضبط ليهو تحية مشابهة ( و هم الأساتذة بيعملوا كده ليه).. و وقفونا طابور نص النهار ( و اظنك تذكر مثل تلك الطوابير الإستثائية.. و هي محل هوا خرافي)..و صاح الوكيل: دي تحية ولا قنبلة ذرية ( وفي ذاك الوقت لم يعرف العالم عن القنبلة النووية بعد..ولا الأسلحة الكيماوية و البيولوجية)..ثم تلاهو استاذ العربي قائلا: يا اولاد حبوا زي ما تحبوا لكن بالرقة و الرواقة(شفت الحظ ده كيف.. نحن كان بيشجعونا على الحب ..و الحب الصاح الما خمج)..

لكن السؤال: منو القريب فروت و من الليمون ؟( التفريق مهم جدا يا حبة)..
و سبحان الذي أسرى بعبده امين من (منى النقل) الى (منى التقل)..

و ننتظر..

ملوحظة:
رواية (الضفة الأخرى ) لصديقنا أبكر ادم .. لكن خيانات الحب الطفولي المشاغب .. ورد ذكرها بتفاصيل في روايته(الطريق الى المدن المستحيلة) و التي كان مسرحها مدرسة الدلنج الأميرية الثانوية العامة.. و هي تفاصيل مشابهة الى تفاصيل ( سنة يا الحيطة).. لكن الأخيرة تميزت بالنكتة و المزحة و كل ادوات الضحك المعافى.. في حين أن تفاصيل الأولى(الطريق الى المدن المستحيلة) .. فيها كثير من السخرية .. و طابعها السياسي الواضح للجميع..

[amine]

استاذك يا دفعة

انت قايل الناس ديل بنسوا بى سرعة ولا شنو ؟؟؟؟

أيوة يا معتصم أستاذي و نص و (( فريني )) كمان ....
مش في مثل بقول (( من سبقك بدفعتين ..قم له ووفه التبجيلا )) وتيب ...!!!
و المثل التاني البقول ... أحترم من أكل أم جقوقة قبلك ؟؟؟ و تيب ...!!!
و بعدين عادل صديق ده (( جورج )) مش كان بجيب أعلى معدل في التنقليزي و يفط حصة الدين ؟؟؟ و تيب ...!!!
بس عاشة قشارات دي قريبة (( آمنة جبور )) ؟؟؟ ههههههههههه
يا ربي أنا وين ؟؟؟
تحياتي يا حلوين ...
أمين

[amine]

سنة يا الحيطة

عرفتها كيف دى .. يا خِبرة ..
عشان عمك هارون أبو أيدن عريييييييييضة داك هههههههههههههههههه
أكد الدومة أنا ولا آكل أم عيراعيرا و معاها التحلية بالطمير الأصفر الحااااااامض داك ؟؟؟
(( يا سلوى أبوكي بوتيك موجود )) ؟؟؟
يلا خلاص أنت الليلة معزوم في بابا سامي (( أحلى باسطة )) ولا حلويات سلا ؟؟؟
يا ربي أنا وين ؟؟؟
تحياتي يا حلوين ....
أمين

[amine]

وعمك أمين (في حكاية معتصم أستاذي دي ... ) ما تخليه يمشي لينا فيها شويه كده .... قلت لي ... د ف ع ه .... أمانة ما أتلومت يا مستر أمين ...

ده شنو ده يا ناصر أخوي ؟؟ أنت كمان جرفتك االموجة ولا شنو ؟؟؟
كان كدي علا نجيب ليك عم هارون الله يرحمه ... بس أني سمعت تحت تحت
عنو قام بعاتي بعيد عنك زي حكاية حميد و جقجق البعاعيت ... أن شاالله ما يقروا كلامي دي ...
يا ربي أنا وين ؟؟؟
تحياتي يا حلوين ...
أمين

[amine]

الأخ جلال .. هل العين تعلى على الحاجب ؟؟؟
مش هو أستاذي و أنا تلميذه ؟؟؟ و تيب ...!!!
يا ربي أنا وين ؟؟؟
تحياتي يا حلوين ...
أمين
الاستاذ / معتصم الطاهر
تسلم لامتاعنا ومنتظرين الغريق
العزيز / الامين
افو افو سويتوا استاذك
يا رااااااااااااااااااجل
لقد ضحك (مجدى) حتى ادمع وانت تحاول كد الومة
محبتى وودى[/QUOTE]
هههههههههههه يا معاوية يعني أنت بتشك أنو معتصم أستاذي ؟؟
ياخي ده نوع من الأحترام الممزوج بالتبجيل ....بس قول لمجدي ... الطيب صالح بسلم عليهو
علشان يكد (( دومة ود حامد )) أحسن ليهو من دومة عم هارون البعاتي ...
يا ربي أنا وين ؟؟؟
تحياتي يا حلوين ...
أمين

[amine]

AMAZING !!!! REALLY!!!! YOU SAID HAMAN SAYS WHAT???PLS DOT BE WORRY THAT
(ماكنت لأفضح من ستره الله.)

أجلال أخوي مالك علينا ؟؟ أنحنا يا علا و يامين عرفنا فكينا حروف (( مش خروف )) العربي المشبرح ..
تقوم تقلبا لينا تنقليزي ؟؟؟ بس ياخوي تنقليزيك دي مالو كلماتو ناقصي ؟.؟؟ و الله أنتو يا الخواجات شكيتكن علي البزوروهو الحفايا و العرايا ....بس أوعى تقول لي الشيخ الكارب ده هو حوض السباحة ..!!! ;) ;)
It's really amazing what you have said ...what hamman said??? please don't be worried about that ....
يا ربي أنا وين ؟؟؟
تحياتي يا حلوين ....
أمين

[amine]

و سبحان الذي أسرى بعبده امين من (منى النقل) الى (منى التقل)..

هههههههههه يا محمد كبر أخوي أنت وينك ؟؟؟ بتغيب كتير خلاث ....
بس و الله (( منى النقل البحري )) و (( منى التقل البري )) بقوا لي زي ود أمبعلو ...
فعشان تكتمل الرواية ..!!! فلابد من شخصيات وهمية .... فمنى النقل شخصية نهارية ...
ومنى التقل ليلية (( بعاتية )) ..أرسلهم لي معتصم ... ومن أمبارح قلبني النوم عديل ..
يا ربي أنا وين ؟؟؟
تحياتي يا حلوين ...
أمين

[نولا]

استاذنا معتصم ....

السرد مبالغة .... ورهيب


امين ....

انا الطلعته مغشوشه يا اخوانا :eek: :eek: :eek:

هسي انا في حالة غيبوبه ررررررهيبه .. ريحة الدعاش ما بتقومني منها :D :D :D


ياربي انا زاتي وين ؟؟؟؟

:D :D :D

[خالد الحاج]

http://sudaniyat.net/vb/images/uploads/3_1347643f995523c4b2.gif

طبعآ يا باش متابع أسلوبك "الشقي" الجميل.

أعتقد والله أعلم أن أمين واحد من الإتنين اللابسين نضارات ديل والزمن داك النضارة السوداء "قشرة وكده" :cool:

الزول اللابس الطاقية ده قطع شك معتصم :D :D

الغريب يقولو عليكم عجائز؟؟؟ والصورة دي دليل علي أنكم لسه شباب لأنو علي الأقل الزمن داك كان في تصوير .. :D أبيض وأسود أيوة لكن المهم كان في تصوير لوووووووووووووووووول

[ناصر يوسف]

وبالدليل القاطع ..
الخطاب ..


http://up3.w6w.net/upload/19-02-2006/w6w_20060219134832ed169960.JPG

ـــــــــــــــــــــــــــــــــــ


إنت يا معتصم


المدفق في الجواب ده شنو ؟؟

يكون باقي الداندرمه ؟؟ ولا بقايا سفة سعوط وكده ؟؟

...

لكن التعبير مااااااااااا عندكم يا أمين .... :p :p

[عبدالله الشقليني]

أنا على الطرف المُحب
الذي يُقبِل القلم الذي
يكتُب هذا القص الحَميمي
بلغته الجديدة .. يتلون بالدهشة .
سأعود بالرأى وبالمحبة مُجدداً

[جلال محمد جلال]

ملوحظة:
رواية (الضفة الأخرى ) لصديقنا أبكر ادم .. لكن خيانات الحب الطفولي المشاغب .. ورد ذكرها بتفاصيل في روايته(الطريق الى المدن المستحيلة) و التي كان مسرحها مدرسة الدلنج الأميرية الثانوية العامة.. و هي تفاصيل مشابهة الى تفاصيل ( سنة يا الحيطة).. لكن الأخيرة تميزت بالنكتة و المزحة و كل ادوات الضحك المعافى.. في حين أن تفاصيل الأولى(الطريق الى المدن المستحيلة) .. فيها كثير من السخرية .. و طابعها السياسي الواضح للجميع.



العزيز محمد كــــــــــــبر ...
تحياتي
شـــــــــكراً لأنك( جبت من الآخـــــر)..
أما موضوع رواية( الضفة الأخــــــــري) و(الطريق إلي المدن المستحيلة) فهذا عن ( سبق الإصرار والترصـــــــــد ) لأن "الإشـــــــــارة قد تغني عن العباره " وذلك لما لا يخفى علي مثلك.!!!! وأحيلك الي مشاركتي التي أعقبت مداخلة م. معتصم تعليقاً علي المشاركــــــــة.
أما لماذا ؟؟؟
فلأن التفاصيل كما أشرت أنت من نفس القبيلة وياللدهشة !! فإما أن الكاتب الأول (الرائع أبكر آدم إسماعيل) والأخ معتصم ينفردان بتوارد خـــــــواطر لا نظير له... أو ما أظنه، ( وبعض الظن من حسن الفطن)
أقــــــــــول هذا رغمًا عن محاولتكم الكريمة لم الزجاج المتناثر بتوضيح بعض نقاط عدم التشابه بين النصين وهذا في رأيي المتواضع لا ينفي إستفادة أحــــــــدهما (هكذا بلا أسماء) من سردية الآخــــــــــــر. ويبقى الحكم للجميع.
شكرا أخي كــــــــــــبر..
وسؤال أخير شخصي هل لك أي علاقة بكردفان وهضابها وعائلة ( كبر) الشهيرة بها؟

[amine]

استاذنا معتصم ....

السرد مبالغة .... ورهيب


امين ....

انا الطلعته مغشوشه يا اخوانا :eek: :eek: :eek:

هسي انا في حالة غيبوبه ررررررهيبه .. ريحة الدعاش ما بتقومني منها :D :D :D


ياربي انا زاتي وين ؟؟؟؟

:D :D :D
فعلآ يا نولا ...يعني السرد رهيب و ممتع في نفس الوقت ..
بس يا ربي الغشاكي ده منو ؟؟؟ كلميني (( يا مرايا ))...
و الله يبعدك من حال الغيبوبة الما بتشيلها ريحة الدعاش ...
ذكرتيني السؤال ... يا ربي أنتي زاتك وين ؟؟؟
يا ربي أنا وين ؟؟؟
تحياتي يا حلوين ...
أمين

[amine]

الغريب يقولو عليكم عجائز؟؟؟ والصورة دي دليل علي أنكم لسه شباب لأنو علي الأقل الزمن داك كان في تصوير .. أبيض وأسود أيوة لكن المهم كان في تصوير لوووووووووووووووووول
ده منو ده يا خالد الجاب كلمة عجايز دي هنا ؟؟؟ أوعى تكون جبتها من راسك ...عشان ما أحرش ليك عزيز خطاب ... (( سنة يا أب ردا )) ... قال لي مرضة الداندرمة لسع ما فكتك ....وقال لي حتى في البرد القلالالالالالالالالالالالالالالالالالالاد داك كمان بتحجز الكوتة بتاعتك (( متعودة داااااااااااااايمآ )) ..بس عزيز خطاب ده هو ظااااااااااااااتو وين ؟؟؟ بس بيني و بينك أنت نقاش خلاث ... عرفت معتصم وينو في الصورة ....هههههههههههههههههههههههه
أشتقنا لفطومة
يا ربي أنا وين ؟؟؟
تحياتي يا حلوين ...
أمين

[معتصم الطاهر]

العزيز محمد كــــــــــــبر ...
تحياتي
شـــــــــكراً لأنك( جبت من الآخـــــر)..
أما موضوع رواية( الضفة الأخــــــــري) و(الطريق إلي المدن المستحيلة) فهذا عن ( سبق الإصرار والترصـــــــــد ) لأن "الإشـــــــــارة قد تغني عن العباره " وذلك لما لا يخفى علي مثلك.!!!! وأحيلك الي مشاركتي التي أعقبت مداخلة م. معتصم تعليقاً علي المشاركــــــــة.
أما لماذا ؟؟؟
فلأن التفاصيل كما أشرت أنت من نفس القبيلة وياللدهشة !! فإما أن الكاتب الأول (الرائع أبكر آدم إسماعيل) والأخ معتصم ينفردان بتوارد خـــــــواطر لا نظير له... أو ما أظنه، ( وبعض الظن من حسن الفطن)
أقــــــــــول هذا رغمًا عن محاولتكم الكريمة لم الزجاج المتناثر بتوضيح بعض نقاط عدم التشابه بين النصين وهذا في رأيي المتواضع لا ينفي إستفادة أحــــــــدهما (هكذا بلا أسماء) من سردية الآخــــــــــــر. ويبقى الحكم للجميع.
شكرا أخي كــــــــــــبر..
وسؤال أخير شخصي هل لك أي علاقة بكردفان وهضابها وعائلة ( كبر) الشهيرة بها؟

الأخ محمد جلال

اولا شكرا على كل حال
لم أطّلع على رواية د. أبكر آدم .. وهو للعلم صديق .. ولنا ذكريات حلوة..
وكاتب له مد .. فى بحور الكتابة ..

وبالقطع لم يستفد منى لأنها وردت قبل كتابتى ..

أما لغة الستر ولم الزجاج
فأنا لا أحتاج ..سترا منك ولا لم زجاج من غيرك
ومحمد كبر هذا الأديب الأريب علينا قراءته بتمعن

فلى مساهماتى ولا أقارنها بأحد ..
أما هذه القصة فلها أماكنها وواقعها ( مع تعديل فى الأسماء)
وأرجو ان لا يكون هناك حائط فى قصة د. أبكر
لأن بين مدرستى الأميرية بنين والقومية بنات حائط ما زال قائما ..
فلا تبنى جدارا هنا .. أرجوك

[معتصم الطاهر]

ـــــــــــــــــــــــــــــــــــ


إنت يا معتصم
المدفق في الجواب ده شنو ؟؟

يكون باقي الداندرمه ؟؟ ولا بقايا سفة سعوط وكده ؟

لكن التعبير مااااااااااا عندكم يا أمين .... :p :p

المتدفق دا .. ريحة ( هناى) لأنها كانت فى سحارة ( منى التقل) بت الكودية ..
جاييك فى الحكى

[amine]

المدفق في الجواب ده شنو ؟؟

يكون باقي الداندرمه ؟؟ ولا بقايا سفة سعوط وكده ؟؟

...

لكن التعبير مااااااااااا عندكم يا أمين ....
يا ناصر أخوي داندرمة شنو و سعوط شنو ؟؟
ياخي ده آيسكريم ...و السعوط أسأل منه خالد الحاج ...
و بعدين خشمنا ده خسم سعوط ياخي ؟؟؟ :confused: :D :confused:
أما عن التعبير ..!!! شفت اللسان ده كيف ؟؟؟
يا ربي أنا وين ؟؟؟
تحياتي يا حلوين ...
أمين

[amine]

وأرجو ان لا يكون هناك حائط فى قصة د. أبكر
لأن بين مدرستى الأميرية بنين والقومية بنات حائط ما زال قائما ..
فلا تبنى جدارا هنا .. أرجوك
يا ربي أنا قلت حاجة ؟؟؟
يلا عليك الله يا معتصم أخوي واصل المسلسل ده ....
شفت كيف خالد الحاج نقشك ؟؟؟ هههههههههههههه
يا ربي أنا وين ؟؟؟
تحياتي يا حلوين ...
أمين

[ناصر يوسف]

المتدفق دا .. ريحة ( هناى) لأنها كانت فى سحارة ( أمين التقل) بت الكودية ..
جاييك فى الحكى


شايفو يا معتصم الهناي ده زاااتو خاتيهو في قزازة الكولا الفي صورتو النزلها في بوست حمدي ابجقاو ولا ما كدي يا أميييين

بالله هسي الهناي ده وييييييييييييييييين ؟؟
تسلم يا حلو


أمين قلت لي عمك هارون قام بعااااااااااااااااااتي
يا أميييييييييييييييييييييييييي تعالي ألحقيني ...

[محمد كبر]

صــديقي جلال محمد جلال.. حبــابك
كل سنة و انت طيب..

بعد اذن الصديق معتصم الطاهر و ضيوفه الكرام..

بالنسبة لسؤالك..
أقول.. نعم أنا من كردفان و هضابها و جبالها..
اسمي محمد النور كبر

لي علاقة بمعظم مدن كردفان .. خصوصا جنوب كردفان.. الدلنج ( حيث تقيم اسرتي هناك حاليا) .. و فيها ترعرت.. و قريت لغاية الثانوية العامة.. و درست العالي في كادقلي الثانوية بنين (تلو شرق)..
اسرتي الكبيرة .. (رعاوية بقر).. يتواجودون في مدن .. لقاوة .. ابوزبد .. و قليل بالفولة..
ولدت في بابنوسة ..
وزرت المجلد ..و ابيي..
أشقائي .. الأستاذ سليمان النور كبر ( خريج معهد التربية الدلنج)
و معلا النور كبر ( خريج جامعة الدلنج)
و اولاد عمي .. كبرمحمد كبر ( خريج جامعة طنطا)
و الأستاذ ابوبكر محمد كبر ( اداب الخرطوم) و هو دفعتي في الجامعة حيث تخرجت في القانون..
أتمنى .. أن نكون ما تقصد..

و لك الود
كبر

[mohamed hemaid]

ود الطاهر اخوي..
والله مبالغة في الحكي..
مد أمين يده حتى لمس بوعه* الحائط آملا فى أن يمس يد الحبيبة وفعلا قبضت يد على كفه ..
لكنها يد قوية ليست مثل أيادى البنات .. يد عم هارون خفير مدرسة البنات

دي ذكرتني بقصة القبض علي القرد في (قد) شجرة الحراز.. :D :D


والعهدة على الراوية ( علوية أخبار) أن البنت من شدة سرعتها طار منها " الشُرّاب وهى لابسة الجزمة"

:D :D

والله يا امين اتاريك( مقددا)..
وان اقول الزول دا ما عارف نفسو وين ليه؟
كدّ الدوم بيسوي اكتر من كدي يا امين..

ود الطاهر سؤال اقتصادي..
القدود الفي الحيطة دي متوارثة وللا كل جيل
يقدد براهو؟ وكان كلو زول يقد براهو هل الحيطة
مازالت واقفة ؟وللا بقت شبكة؟..
معليش مجموعة اسئلة لكن ما تعطلك من القص الجميل..

حميد..

[Ishrag Dirar]

[QUOTE=معتصم الطاهر][line]الحلقة الثالثة ..





حتى فواكههما تلتقى فى الحمضيات لكنها تتباين بين القريب فروت والليمون.

..
[line]
]




[font=Tahoma][size=5][color=#FF0000]ماذا دهي البرتقال ؟؟

[ملكة سبأ]

نقرات /مسافة/ نقرتين/كحة ..

دي لغة الزيرو ون عندهم زمااان :D

راع ياهندسة والله http://sudaniyat.net/vb/images/icons/icon14.gif

[جلال محمد جلال]

الأخ محمد جلال

اولا شكرا على كل حال
لم أطّلع على رواية د. أبكر آدم .. وهو للعلم صديق .. ولنا ذكريات حلوة..
وكاتب له مد .. فى بحور الكتابة ..

وبالقطع لم يستفد منى لأنها وردت قبل كتابتى ..

أما لغة الستر ولم الزجاج
فأنا لا أحتاج ..سترا منك ولا لم زجاج من غيرك
ومحمد كبر هذا الأديب الأريب علينا قراءته بتمعن

فلى مساهماتى ولا أقارنها بأحد ..
أما هذه القصة فلها أماكنها وواقعها ( مع تعديل فى الأسماء)
وأرجو ان لا يكون هناك حائط فى قصة د. أبكر
لأن بين مدرستى الأميرية بنين والقومية بنات حائط ما زال قائما ..
فلا تبنى جدارا هنا .. أرجوك
الأخ/ مــــــــــعتصم:
تحياتي..
أرجو – بعد إذنك- أن يتسع صدرك قليلاً تجاه المقارنة التي أوردناها في مشاركة سابقة.. فأنا- ولله الحمد والمنة، واحسبك كذلك ايضاً- من الذين لايحكمون غير ضمائرهم فيما يقولون ويفعلون .
كما ارجو صادقاً أن تطلع علي الرواية التي تمت الإشارة اليها آنفاً وبعد ذلك دعنا نواصل الحديث.
وحـــــــــتي ذلكم الحين لك سلامي وتحاياي .
وأرجو أن يتسع صدرك أكثر عبر (هذا البوست) كي أحيي الأخ كبر .
سلامي أخ كبر بريدي الإلكتروني هو([email protected] ) أتمني لو ترسل لي عبره بريدك الإلكتروني كي نواصل.

[معتصم الطاهر]

:D :D

ود الطاهر سؤال اقتصادي..
القدود الفي الحيطة دي متوارثة وللا كل جيل
يقدد براهو؟ وكان كلو زول يقد براهو هل الحيطة
مازالت واقفة ؟وللا بقت شبكة؟..
معليش مجموعة اسئلة لكن ما تعطلك من القص الجميل..

حميد..

القصة وما فيها أن الطلاب انتبهوا فصار لكل فصل ركيزة ..
يعنى بين كل ركيزتين سنة اولى ب -- ثم تانية ألف ..
وما زال الحائط قائما ..
بس تغيرت لغة التخاطب ..

[معتصم الطاهر]

[QUOTE=معتصم الطاهر][line]الحلقة الثالثة ..

حتى فواكههما تلتقى فى الحمضيات لكنها تتباين بين القريب فروت والليمون.

..
[line]
]

]ماذا دهي البرتقال

البرتكان دا حقى براى ..
خشم أمين دا خشم برتكان!!
مش كفاية بابا سامى ( صاحب أحلى باسطة فى كوستى) ..

[معتصم الطاهر]

دي لغة الزيرو ون عندهم زمااان :D

راع ياهندسة والله http://sudaniyat.net/vb/images/icons/icon14.gif

الملكة هنا ..
دعونا ننحنى أولا .. لجلالها ..

[معتصم الطاهر]

الأخ/ مــــــــــعتصم:
تحياتي..
أرجو – بعد إذنك- أن يتسع صدرك قليلاً تجاه المقارنة التي أوردناها في مشاركة سابقة..
.

أين المقارنة
يا جلال ..
أدناه !!!!!

AMAZING !!!! REALLY!!!! YOU SAID HAMAN SAYS WHAT???PLS DOT BE WORRY THAT
(ماكنت لأفضح من ستره الله.)

هذا تهام وليس مقارنة بل يزيد الأمر فى أنه تجريح
اذ تقول على هامان يا فرعون ؟؟
ماذا تعرف عن معتصم ..؟

ام هذا ...

أقــــــــــول هذا رغمًا عن محاولتكم الكريمة لم الزجاج المتناثر بتوضيح بعض نقاط عدم التشابه بين النصين وهذا في رأيي المتواضع لا ينفي إستفادة أحــــــــدهما (هكذا بلا أسماء) من سردية الآخــــــــــــر. ويبقى الحكم للجميع.


يا جلال
أنت فى سودانيات ..
عليك أن تقرأها جيدا ..
ثم تقرأ أعضاءها ..

[معتصم الطاهر]

إفادات شاهد عصر ...
منى التقل .. تعمل الآن فى شرطة دولة خليجية .. لفتتها احدى السودانيات للقصة ، لتشابه الاسم .. حصلت على عنوانى البريدى من الموقع وأرسلت لى الخطاب ( ذاتو) ..
لذا تأخرنا فى نشر النص ..
ويمكننى أن أنشر ( CAPTURE ) للرسالة لولا شروط المنبر ..

وهذه رسالة الشاويش منى ...

عندما وصلتنى الرسالة من البنت المسخوطة ( عشة القشة ) كنت فى أحكى للبنات قصة حب وهمية .. بطلتها أنا وبطلها (أمين ) ود سنة ثالثة وهو حارس مرمى مدرسة الأميرية ولاعب كرة طائرة ..
لم يكلمنى أمين غير مرتين .. وكان ولد بُقاقة ..
مرة فى السينما عندما كان الفيلم الهندى زحمة فمد لى الشلن لأقطع له تذكرتين .. قائلا .. "لو سمحتى يا آنسة"
وأنا التى دائما ما ينادوننى " تعالى يا مقصوفة الرقبة"
" يا بت ما تجى تجيك الكِشة "

لما جاءت هذه البنت ( عشة القشّة)
والتى كنا نغنى لها
" عشة القشة
الجمل رفسها
قطع نفسها".... الخ ..

ومدّت الخطاب .. كنت كمن تحقق حلمها ..
"دا من أمين .." قالتها ..

وودت لو أحضنها ولكن البت المفعوصة تراجعت .. وسلمتنى الرسالة كأنها تتحاشى لمس يدى ..
كنت أحقر بها وهاهى اليوم تحقق أمنيتى

كم من البنات تأتيهن الرسائل عبر الحيطة؟
إدعيت الخجل .. والكبكبة
ودسست الرسالة فى صدرى ...

وبسرعة خرجت من الفصل .. قبل أن تخرج روحى أريد أن أقرأ الرسالة ..
لا شيئ مثل أن يتحقق الحلم ..
أحسست بكل ايقاعات الظار امتزجت فى مقطوعة واحدة ..

"وحاتك أحمد البشير الهدندوى بقى زى لولية الحبشية .. بس لابس برينطة الخواجة و شايلة سيف العربى ..

وخطفت الجواب وجريت ... وورائى أسمع صوت دُرج يقع ..كررررو .. وبنت تخبط الحيطة
وصوت باب الفصل يضرب المؤشر الخشبى ..

ولم أحس الا بنفسى فى الحوش الوراء ..
فتحت الخطاب
كانت الورقة ملونة تحيطها زهور.. تماما كما مناديل " عديلة الشايقية" ..التى كانت تبيع الطواقى
ومناديل الحرير بالخيط العشرى وفى دقيقة تكتب لك اسم الحبيبة أوالحبيب ..

كانت الرسالة أنيقة ..
ومكتوبة بلونين ..
أحمر يدل على الدم الجارى فى العروق
وأزرق سماوى .. يطير بى جنحاتو ..

وكان الخط جميل جدا ..

ولكن اللغة كانت صعبة .. لغة أولاد ثالثة وخاصة أولاد الأميرية الشطار ..
أقرب طالبة كانت منى بت النقل ..
الشويفعة كانت بتّاوق لى من بعيد.. جرّيتها من طرحتها وقلت ليها " إقرأى"

لكنها فاجأتنى قبل أن تقرأ دنقرت فى الرسالة
"ربما عندها نظر "
لكنى اكتشفت أنها شمّت الخطاب ..
لم أنتبه لرائحة الخطاب .. هل للخطابات رائحة ..؟
أخذته منها الخطاب وشممته
ليس فليردامور
ولا بت السودان
عطر عديل كدا .. ( تشبه تلك الرائحة التى أشمها عندما يقف البص فى محطة الكنيسة) ..

ارجعت لها الخطاب وقلت لها
( أقرى القر الينفخك) ..
بدأت الرسالة من أسفلها
قرأت الاسم أولا ..
"حرف الألف .. أمين .."
خطفت الرسالة مرة أخرى .. قرأت .. ليس هناك اسم ..
" سأسألها بعدين .. دا ما وكتو "

بدأت تقرأ ..ترددت.. ثم بدأت تقرأ بصوت جميل يشبه صوت سهام المغربى فى مسلسل الساعة أربعة إلا ربع ..
كان كلام جميل ولذا احتفظت به ..

فى نهاية اليوم وقفت فى ركن المدرسة مقابل بيت د. جرجس حتى يمر أمين بعجلته الصفراء ..
ولما جاء ورآنى توقفت دقات قلبى وصرت أبحلق فيهو .. حتى لكزتنى ( عوضية قشارات) ..
ابتسمت له ورفعت الخطاب الى صدرى وضممته ..

نظر الى أمين باستغراب ..
وقام سدّارى ..
فهمت أن ( النمرة غلط) ..

فحرف الألف يمكن أن لا يكون أمين هذا ولكن أى أمين ..؟
هل هو الأمين أبن تاجر القماش ..؟ لكن هذا له صاحبة كبيرة فى حلتا ولا يمكن أن يكون بتاع حركات زى دى ..
يكون أمين الزغاوى ..؟ وأمين الزغاوى لا يعرف كتابة الخطابات ..بل هو ولد إيدو طويلة ..
يكون أمين داك ..؟
الولد المسكين صاحب عادل المداح وود سالمين ..

أمين المسكين .. ياهو ذاتو ..حظى ..!!!

ولكن لمدة اسبوع لم يظهر أمين ..
بل ترك الشارع .. وعرفت أنه يخرج من المدرسة بالباب الغربى ..
وصار يلبس نظارة سوداء ..
بل وصار يضع خلالا فى شعره ..
استغربت ..

وأنا أحكى للمدرسة كلها .. وبنات المدرسة يجاملنى حتى جاءتى عوضية قشارات بالخبر اليقين

أمين مربّط مع منى النقل
شوف الشافعة .. جعلتها تقرأ لى الخطاب فإذا بها تخطف حبيبى..
أتاريهو
أمين أب تِفّة ..
و حكيت للبنات حكاية البنت التى خطفت حبيبى ..
وأقسمت لأنتقم من كل البنات ..

اذا يحب الرجال فى المرأة ..؟

الجمال .. وطبعا أنا جميلة وملظلظة .. وكثيرون يحبون ( المرة الكتيرة) ..
المال .. ( وهذا لا أملكه)
وظيفة الأب .. وأنا لم أرى والدى .. ونعيش من فتح علبة الظار وعربة الكارو التى يسوقها أخى ..

فقررت أن ابنى لنفسى مالا ووظيفة ..
لذا عندما سمعت بأن البوليس سيعين أنفار شرطة كنت أول من تقدم
وأنا الآن شاويش فى شرطة الحراسات العامة ..
ومغتربة ولى بنت وولد ..
أما زوجى فهو ( أمين البعيو )
وهو يسبقنى بدفعتين ..

اما أمين داك .. فغضبت من شخصيته المتحولة إذ أنه حالما وصله خطاب من منى بنت النقل إلا ونسى العشرة ..
وقررت فضحه فضيحة كبيرة ..
تتحدث بها جميع المدارس .. وقد حدث .. ليس كما اشتهى لكنها فشتنى ..

أخيرا ..
عرفت أنك تعرف عنوان أمين
فها أنا ارسل لك عنوان منى النقل وتلفونها ..

أو ( أبلة منى ) ..


وشكرا .. لهذه الذكريات الجميلة ..

[الجيلى أحمد]

:وكان ولد بُقاقة ..


:confused:
نظر الى أمين باستغراب ..
وقام سدّارى ..
فهمت أن ( النمرة غلط) ..

:D :D
:D :D

[الجيلى أحمد]

اما أمين داك .. فغضبت من شخصيته المتحولة :eek:

الثابت :بلفاست
المتحول : بيروت

[معتصم الطاهر]

الجيلى الحلو

ما عارف عندى شعور بأنى بعرفك عديل كدة

دى محاولات لتذكر الزمن البشبهكم..
ياخى ما تجى راجع ..

[ناصر يوسف]

نظر الى أمين باستغراب ..
وقام سدّارى ..
فهمت أن ( النمرة غلط) ..



:p :p :p :p


دي زكرتني أيام وادي سيدنا لما كنت بكتب للزملاء خطاباتهم الغراميه (أنا كنت زول كتاب شديييييييد الزمن داك )ولما كنت في الإبتدائيه كنت بقفل نمرة مادة الإنشاء 10 من 10 أي والله العظيم وما عشان كنت ود المدير أبوي (الله يرحمه)
أها يوم من الأيام جاني زميلا لي وأداني جواب من حبيبته وقال لي داير أرد ليها (وهنا تشابهت علي الحبيبات) وبدل ما أكتب إسم حبيبتو كتبت إسم حبيبة زميل تاني كنت برضوبكتب ليه جواباتو لي حبيبتو ... أها صاحبي ما قرأ الجواب , شالو ليك وفرحان وشوية بصاق لصق ليكم جوابو وكام يا فكيك ووداهو ليها ... أها جاني بعد كم يوم كده ويشيل ويضرب ليكم فيني

حبيبتو لما قرت إسم البت التانيه المكتوب ليها في جوابها شاكلتو ونهرتو وقالت ليه يا غشاش ـ فلانة دي منو ؟؟ دي واحده من الغاشيهن كتاااااااار ؟؟ ــــ

ومن ديك وتاني توبه لي حبوبه ما كتبت لي أي واحد جواب أو رد جواب ماشي للحبيبه .....


ــــــــــــــــــــــــــــــــــــــــــ


أمين


شد حيلك
وررررووووووك

مني التقل إتلقت ومني النقل عنوانها إتلقي

شيل شيلتك مع معتصم الطاهر ده حيغتس حجرك الما معروف هو وين
تسلم يا حلو

[amine]

:confused: [QUOTE=Ishrag Dirar]

البرتكان دا حقى براى ..
خشم أمين دا خشم برتكان!!
مش كفاية بابا سامى ( صاحب أحلى باسطة فى كوستى) ..
هههههههههههههههه يا معتصم عليك الله الفرق شنو بين البرتكان و باسطة بابا سامي ؟؟؟
أو بالأحري الفرق شنو بين البرتقالة و أنعام صديق البلولة ؟؟؟
أنت عايز تجرجرني عشان نحكيك عن حلويات سلا مش كده ؟؟؟ مش كلهم في شارع الدويم ؟؟؟ و تيب ...!
بس يا معتصم أخوي أني شايف في ناس مندسين هنا من (( الكي جي بي )) و عايزين يلخبتوا لينا البوست ده ..ياخوانا عليكن الله شاركونا في الكلام الحلو دي ولا أفتحو ليكن باب تاني ...
أنت يا خالد الحاج قفلت باب الرسائل الخاصة ولا شنو ؟؟؟ طيب يا خالد أنا حأرسل ليك عنوان بريدي الألكتروني في رسالة خاصة ...بس أوعى تضيع الرسالة ....يوووووووووووووووه الله يطراكن بالخير يا منى و منى (( بس منى التانية دي منو )) ؟؟ أوعى يا معتصم تقول لي دي منى التقل ... :confused: :confused: :confused:
يا ربي أنا وين ؟؟؟
تحياتي يا حلوين ...
أمين

[amine]

أخيرا ..
عرفت أنك تعرف عنوان أمين
فها أنا ارسل لك عنوان منى النقل وتلفونها ..
ههههههههههههه يا ربي أمين ده ظاااااااااااتو وين ؟؟؟
تحياتي يا حلوين ...
أمين

[amine]

:confused:


:D :D
:D :D
يا الجيلي أخوي أنت عجبتك كلمة (( بقاقة )) دي ؟؟؟
طيب رأيك شنو ؟؟؟ أشتقنا ليك يااااا فطوووووووووووووووووومة ؟؟؟ :confused: :confused:
يا ربي أنتي وين ؟؟؟
تحياتي يا حلوين ....
أمين

[amine]

الثابت :بلفاست
المتحول : بيروت
ههههههههههههههه الجيلي أنت ذكرت الثابت و المتحول و لكن نسيت الغير ثابت و الغير متحول :confused: :confused: :confused: يعني بوركينا فاسو و كوستي نسيتها ظااااااااااتها ؟؟
مش مفروض أمشي و أشوف الناس البقولوا (( غشاني يا عمدة وقال لي ............. )) ؟؟؟ و تيب ..!!!!
يا ربي أنا وين ؟؟؟
تحياتي يا حلوين ...
أمين

[amine]

الجيلى الحلو

ما عارف عندى شعور بأنى بعرفك عديل كدة

دى محاولات لتذكر الزمن البشبهكم..
ياخى ما تجى راجع ..
يا معتصم أخوي أنت الظاهر عليك نسيت القاسم المشترك بينا التلاتة ...!!!!
أنتو فطومة دي مشت وين يا ربي ؟؟؟
تحياتي يا حلوين ....
أمين

[amine]

أمين


شد حيلك
وررررووووووك

مني التقل إتلقت ومني النقل عنوانها إتلقي

شيل شيلتك مع معتصم الطاهر ده حيغتس حجرك الما معروف هو وين
تسلم يا حلو
ده شنو ده يا ناصر أخوي ؟؟؟ أنت قايلني عايز وصية في شد الحيل ولا شنو ؟؟؟
ياخوي منى التقل دي بتهضرب بي من زمان و الشويفعة منى النقل قااااااااااااااعدة جنبي ...
ومنى التقل المعضلة ديك ...!!!! أها معتصم قال ليك بقت ضابط شرطة في دبي ...
أها شفت الفرق وين ؟؟؟ ههههههههههههههه و أنا شيلتي شلتها من زماااااان بس خلي معتصم
أخوي يكد الدومة الكان بدينا ليها عم هارون الأنقلب بعاتي ... :confused: :confused: ..
بس بيني و بينك معتصم ظاااااااااااااااتو هرب من البوست ده ... و بقي يلعب 14 و ممكن يكون
حريق ... و يقول خمسييييييييييييييييييييييييييييييييييييييييييييييي ين ...بس وين الجوكر البايظ ؟؟؟
و أنت عايز معتصم يغتس حجري أكتر ماهو غاتس ؟؟؟ ههههههههههههه
يا ربي أنا وين ؟؟؟
تحياتي يا حلوين ...
أمين

[نزار كروم]

سنه يا الهيته !!!
يا سلام يا معتصم ،،، كوستي ...
رجعت بي الزكرى لاكثر من ثلاثين عاما مضت ، طبعا زمن الطفولة!!!
مدرسة نمرة 2 والمدير يوسف الطيب وكركاب والخدمات بنات، نادي التنس والخريجين
أستاذ سالمين والسراج وسينماء منيب وعمك شوربة والرابطة كوستي وجميل كوستي والرديف ع نضيف والقائمة تطول ،،،
وأرجو ان ابحث هنا ومن يدلني على زميلي بنمرة 2 الفونس فرح وهو من الاقباط
وأيضا أبحثوا معي زملائي بمدرسة مربع 8 حي النصر عماد أحمد محمد أعتقد درس الصيدلة وأسامة كيريا يعمل بأحد البنوك بالخرطوم
ولك مودتي معتصم ،،،

[amine]

سنه يا الهيته !!!
يا سلام يا معتصم ،،، كوستي ...
رجعت بي الزكرى لاكثر من ثلاثين عاما مضت ، طبعا زمن الطفولة!!!
مدرسة نمرة 2 والمدير يوسف الطيب وكركاب والخدمات بنات، نادي التنس والخريجين
أستاذ سالمين والسراج وسينماء منيب وعمك شوربة والرابطة كوستي وجميل كوستي والرديف ع نضيف والقائمة تطول ،،،
وأرجو ان ابحث هنا ومن يدلني على زميلي بنمرة 2 الفونس فرح وهو من الاقباط
وأيضا أبحثوا معي زملائي بمدرسة مربع 8 حي النصر عماد أحمد محمد أعتقد درس الصيدلة وأسامة كيريا يعمل بأحد البنوك بالخرطوم
ولك مودتي معتصم ،،،
نزار كروم كيف حالك يا ود الكوة ؟؟؟
بالله ذكراك لكوستي تمتد لأكثر من ثلاثين عامآ ؟؟ يوووووووه و الله أنت ختري عديل كده ...و تجي و تقول ده كان زمن الطفولة ؟؟؟ بالله أنت كنت في نمرة 2 ؟؟ و كركاب ده منو ؟؟ أنت قصدك ركاب ؟؟
طيب الدخل الخدمات هنا شنو ؟؟ محور البوست هو الأميرية بنين و القومية بنات ...أستاذ سالمين كان في الأميرية ...وسينما منيب عبد ربه في حي النصر مش كده ؟؟؟ طيب شنو الجاب الرديف و عرقيهو النضيف هنا ؟؟ مش نميري قال عصير البلح في كوستي يدور العربية ؟؟؟ و تيب ...!!! الرابطة كوستي أنت قصدك كباكا ...ولا قصدك الوطن و عوض طاش ؟؟؟ بس عن الأخوة الأقباط أنا أعرف هلال سلطان و التيمان رأفت و بهجت ....أما عن حي النصر مربع 8 بتعرف محطة الطاحونة ؟؟؟ دي كانت بتاعتنا ...بتعرف ناس عبد العزيز عكاشة ؟؟؟ بتاعين حلاوة مولد ؟؟؟
ياخوي خلاس بكرة أنا نعست و الله وتصبح على خير و أن شاء الله منى التقل أم أيدينآ عراض ديك ما تزورك في منامك ....
يا ربي أنا وين ؟؟؟
تحياتي يا حلوين ...
أمين

[نزار كروم]

أمين ياخي سلامات
يا خوي انت بتحقق كدة معاي مالك وانا ياسيدي دخلت البوست ده لا ناقة لي فيه ولا تقل !!!!
بس شميت ريحت كوستي وانداحت الزكريات وقلت على الاقل تبحثوا معي عن أصدقاء اعزاء
على النفس فرقتنا الايام لاكثر من ربع قرن ،،،
ويا ربي انا وين ؟؟؟ وقعت في البوست ده بالغلط ولا شنو ؟؟؟
أكرر لك التحيه ولاهم يحزنون !!!

[أبو العز الجنوبي]

معتصم
أداء رائع كروعة اهل السودان..
والله متابعين وما بنقدر على الفترة الطويلة دي...
كمل عليك الله

أمين :
انت حكاية القومية دي شنو العايز توصلها دي؟؟؟
احبكم واحب كوستي كمان بس مع مدرسة منيب وآمنة قرنده...

[amine]

أمين ياخي سلامات
يا خوي انت بتحقق كدة معاي مالك وانا ياسيدي دخلت البوست ده لا ناقة لي فيه ولا تقل !!!!
بس شميت ريحت كوستي وانداحت الزكريات وقلت على الاقل تبحثوا معي عن أصدقاء اعزاء
على النفس فرقتنا الايام لاكثر من ربع قرن ،،،
ويا ربي انا وين ؟؟؟ وقعت في البوست ده بالغلط ولا شنو ؟؟؟
أكرر لك التحيه ولاهم يحزنون !!!
يا سلام عليك يا نزار ود الكوه ...ياخي و الله ده لا تحقيق ولا حاجة . بس ده كان من شوقي لكوستي .
ومن اليوم الغاب فيه النزير بيرو بقينا معتصم و أنا فقط ...وفجأة ظهرت أنت يا أخي نزار زي التريا لما تقع ...و الربع قرن ده هو القاسم المشترك بيننا ...بس و الله يا نزار وقعت في البوست ده و بالصورة الصحيحة لمن غلط ...ياخي أنحنا لاقينك ؟؟؟
يا ربي أنا وين ؟؟؟
تحياتي يا حلوين ...
أمين

[amine]

أمين :
انت حكاية القومية دي شنو العايز توصلها دي؟؟؟
احبكم واحب كوستي كمان بس مع مدرسة منيب وآمنة قرنده...
يا أبو العز مالك ياخوي عايز تزيد الوجع ؟؟؟
ياخي القومية دي هي القومية بنات الجنب الأميرية الدرس فيها معتصم و أنا ...يعني كانت (( الهيتة بالهيتة ))
ونحن كذلك نحبك كما حبنا لكوستي ...ومدرسة منيب عبد ربه و السينما بتاعته كمان في حي النصر ...وآمنه قرنده في الحلة الجديدة ..بس أنت نسيت مدرسة آمنة جبور نمرة 6 ..ليه ما ذكرتها ؟؟؟ ولا عشان مكانها مشبوه ؟؟؟ هههههههههههههه
يا ربي أنا وين ؟؟؟
تحياتي يا حلوين ...
أمين

[أبو العز الجنوبي]

والله ابداع عديل يا معتصم
انا امبارح قعدت اكتب وارد عليك ورسلتها ... لكن جيت الليلة الصباح ما لقيت ردي... يا ربي فات وين؟؟
بس ما تكون مني التقل خطفته...
كدى قول لينا انت عارف امين وين، وعارف انت وين، لكن انت عارف مني النقل وين؟ ومنى التقل وين؟
يا ربي المنوات ديل وين؟؟؟
مع الاستئذان من امين..
واصل انحنا كلنا في انتظارك

[معتصم الطاهر]

غدا حلقة جديدة ..

منى النقل تحكى حكايتها
من الحيطة حتى ...

[عمر صديق]

ابداع ابداع ابداع
وابداع يشمل المؤلف وبطل الرواية
شيكيت محنك يا امين اتارى انت بتكتر فى موية السكر من ايام الوسطى
لا حول ولا قوة الابالله العلى العظيم من قرون مضت من ايام كانت مدرسة وسطى
وكمان تشيل وتوصى فينى كتر موية السكر ياعمر
والغريب فهمت اشارتك عبر ما يعرف بالتخاطر
حتى الدقى بطلتا وربنا هدانى وتاب على
النسعلك يا امين انت القزايز الحمر حمر
وبقت تنزل على عينك يا تاجر فى البوستات رغم انف الادارة
تمشيا مع الخرطوم عاصمة للثقافة العربية ولا شنو
ولا نظام حندكة لينا نحن المساكين الكادحين العائدين مع الظلام
لينا الله وعيشة السوق والله بعباد لطيف
اقول ليك ياامين انا طافش لكن لوين ماعارف
تقبل فائق احترامى وتحياتى العطرة

[amine]

غدا حلقة جديدة ..

منى النقل تحكى حكايتها
من الحيطة حتى ...
يا معتصم أخوي وحات الأمام الهادي أنت زول عايز تشوه سمعتي .....ههههههههههه
عليك البزوروه الحفايا و العرايا كان تذكر في الحلقة الجاية بابا سامي و نمرة ستة بتاعت آمنة جبور
عشان أبو العز الجنوبي يشبع ضحك مش باسطة مع حليب .....
يا ربي أنا وين ....
تحياتي يا حلوين ...
أمين

[amine]

ابداع ابداع ابداع
وابداع يشمل المؤلف وبطل الرواية
شيكيت محنك يا امين اتارى انت بتكتر فى موية السكر من ايام الوسطى
لا حول ولا قوة الابالله العلى العظيم من قرون مضت من ايام كانت مدرسة وسطى
وكمان تشيل وتوصى فينى كتر موية السكر ياعمر
والغريب فهمت اشارتك عبر ما يعرف بالتخاطر
حتى الدقى بطلتا وربنا هدانى وتاب على
النسعلك يا امين انت القزايز الحمر حمر
وبقت تنزل على عينك يا تاجر فى البوستات رغم انف الادارة
تمشيا مع الخرطوم عاصمة للثقافة العربية ولا شنو
ولا نظام حندكة لينا نحن المساكين الكادحين العائدين مع الظلام
لينا الله وعيشة السوق والله بعباد لطيف
اقول ليك ياامين انا طافش لكن لوين ماعارف
تقبل فائق احترامى وتحياتى العطرة
ههههههههههه يا عمر أخوي وحات مهدي الله أبو زينب أني أتعترت في في حوش ود الطاهر ده بالغلت
أها لقيتو بلكلم عني ...بس ياخوي كد الدومة و عمنا هارون اللنقلب بعاتي كلامو عدل بلحيل بس قوم لي منى التقل و قال بقت ظابط شرطة حداهم في ضبي ...يعني قال لي شيل شيلتك ....طيب يا عمر أخوي مش في متلآ بقولوهو ...(( العدو أمامك و البحر خلفك )) ؟؟؟ وتيب ...!!!! أها معتصم أخوي خت منى بت التقل قدامي و أم عيونآ غلالالالاد وراي عرفتها ؟؟؟؟ أها أنا أمشي وين ؟؟؟
وبعدين ياخوي أنت قالو ليك أنا بتاع قزايز ولا بتاع قزايز ؟؟؟ ياخوي أسعل أبجقادو البعاتي بتاع القدوقدو و أبو مناهل و طارق ود الحسن ....بس عليك الله يا ود الصديق أخوي ما تجيب لي سيرة عصير العنب
لعنو بعيد عنك بتجيني قشعريرة ....يوووووووووة أن شالله منى النقل ما تسمعني .....
يا ربي أنا وين ؟؟؟
تحياتي يا حلوين ...
أمين

[أبو العز الجنوبي]

يا معتصم يا ود الطاهر
زي ما حلفك أمين احلفك ما تنقطع وتطول كده، نفسنا انقطع...
ويعني زي ما قال امين عايز اشبع ضحك، وكان اتاخرت ياني الماشي لعماري الشايقي... الباقي انت عارفو

[معتصم الطاهر]

يا هندسة حقوقنا محفوظة!!!

جلى .. حبيب البلى

يا زول حقوقكم محفوظة ولنا فقط حق النشر ..
وكفاية بلى النمسا داك ما اتفشينا فيك ..

[معتصم الطاهر]

صديقي معتصم الطاهر.. حبابك

حليلك و انت من ناس قبيل.. و قبيل زمن جميل بالحيل..
و اللــه يا صديق حالتك تحنن و انت بتشرح في (المدكن)و(الفريني)و(الشلن)و(العنكوليب)..و ذكرتني حسن موسى لمن احتجا على شرح ابكر ادم للعنقريب.. بالجد هو قاموس يتسرب نحو دائرة النسيان بسرعة جنونية.. حتى العنوان (سنه يا الحيطة).. كلفني نص ساعة شرح.. ومقدمة كاربة في سيوسيولوجيا المشاغلة في الزمن الحميم.. و المشاغلة ذاتها(تصدق)كلفتني ربع ساعة شرح .. عشان في النهاية يسألوك بكل براءة (و هم الأولاد كانوا بيعملوا كده ليه؟).. اتقول العالم دي لا شاغلت ولا اتشاغلت..
يسألني اللـه .. يا معتصم ضحكت .. في زمن الضحكة بقت فيهو بالكاد..



كبر يا صديقى ..
صدقنى الأمر يحتاج لشرح
وما حدث لك يحدث لى
لذا اضطررت لأن يدخل كل أولادى جامعات وداخلية ( ودى ضرورى) ..
تعرف نكتة العتوت
اها حصلت لى ..

[معتصم الطاهر]

هذا ما كتبته (منى صالح المحسى ) الشهيرة بمنى النّقل ..


معتصم .. ود ربك ..
تذكرتك جدا ..

شكرا للذكريات وكلام الحلو عشانى ..
ثم

أمين..!!!!!!
حبيبى الذى ما زلت أنتظره
(إن شاء الله راجل مرة ..)
لا تغضبوا أو تحتج أى منكن
هو كما قال الشاعر ( ما الحب إلا للحبيب الأول)
أمين فتح عينى على الدنيا وما أشوف إلا بعينيه
وما فى راجل بملأ مكانه فى قلبى ..
ونرجع للحكاية ..
عندما رأيت( البنت عشة) تخطف الجواب ..وتجرى به نحو (أولى مدام كورى) خفت
ندمت على أنى لم استلم الخطاب
فأنا خوافة وخجولة ..
فكنت كلما ذهبت الى الحائط يتصبب العرق
ترتجف يداى
وتتلخبط بيولجياتى ..
فأنا حتى تلك اللحظة لا أستطيع الوقوف أمام الحائط ..اقصد راجل
كما لا أستطيع الوقوف أمام أمين أو النظر فى عينيه حتى اليوم

وخرجت بعد قليل منى التقل تحمل الخطاب
جريت وراءها
أردت أن اقول لها إن هذا الخطاب لى .. هذه الرسالة لى ..
ولكن من يستطيع .. فهى منى التقل ..!!

أتذكر أنها عندما غضبت من (عجب ريدنا) رغم أنها صديقتها ما كان منها إلا وجلست عليها وعفصتها ..

ولكن الريدة الكثيرة منحتنى شجاعة ..
وتحركت نحوها..فرفعت رأسها ورأتنى
وأشارت للخطاب
هززت رأسى
فقالت لى : ( تعالى هنا تجيك الكِشّة )
ومدت نحوى الخطاب.. قائلة..( أقرى القُر الينفخك)
و مسكت الخطاب وكأنى أحمل جناى الذى أنتظره من أمين حتى اليوم
وشممت رائحة جميلة .. عطره برائحة الفل وما زال ذلك العطر يذكرنى بأمين حتى اليوم
ولكنها خطفت الخطاب ويبدو أن رائحة الكركار فى شعرها كانت أقوى ولم تشم العطر أولا
وقرأت الخطاب
اول خطاب فى حياتى
ولكنها أخذته بعد أن قرأته لها ..
ما زالت تظن أنه لها
كرفسته ووضعته بين صدرها ..

غضبت غضب المحبين ورددت على أمين برسالة ..
و التقينا بعدها ..
كان يخرج بالباب الغربى ويسير قربنا ..
نتبادل النظرات
كانت تسير معى صديقتى ويرافقه عادل جورج
كنت أقول لصديقتى ( مشتاقين)
ويرد هو على عادل ( بالأكثر ..)
حتى تجرأ يوم وأمسك بيدى
يومها عرفت معنى الحب عندما يكون واقعا
(سُحت عديل كدة ..)
وتبادلنا الخواتم والمناديل
وكراسات كنا نكتب فيها مذكراتنا
وأرسل لى نوتة فيها أسئلة جميلة
اجتمعت مع صديقاتى وقفلنا علينا الغرفة وبدأت أرد عليه..
كنا نختار الردود التى سيحبها
العطر المفضل : طبعا الفل
اللون المفضل : الأسمر .. ياه من سمار أمين ..
ولكنى لم أستطيع ارضاؤه فى الفنان المفضل ولا الأغنية
فانا أحب صلاح بن البادية وأغنية كلمة ..
خفت أن يفهم أنها رسالة منى ولكنى كتبت اضافة له
أحب أغنية كلمة خاصة المقطع
( عرفت الحب وفاء واخلاص وداد وحنان وورود وسلام)

وهكذا عشنا أياما جميلة حتى عرفت منى التقل بالأمر..وأخبرت ابن عمى
البنت سواطة كيف ؟
وهو طالب فى مدرسة التجانى ..
رغم ان فيها أولاد أغنياء لكنهم شرامة ..

وفعلا وجدنا نسير قرب بعض ولكنى رأيته وانسحبت بسرعة
وعلمت أنها كانت ستكون ( شكلة كبيرة ) .. ولكنها انتهت بصداقة لم أعرف تفاصيلها ؟؟؟

قبل أن يحضر ابن عمى الى المنزل وكان يسكن فى قطاطى السكة حديد وكنا نسكن فى السنيور
ذهبت الى حنان صديقته وأحضرت له منها خطاب وانتظرته أمام المنزل
وقبل أن يدخل الى النملية ناولته الخطاب
ولم يخبر أبى ...

وقلت لقاءاتنا مع أمين واقتصرت على الحفلات والخطابات التى بدأت تقل حتى دخل أمين الثانوى
ونقل أبى الى بحرى
وهناك دخلت كلية المعلمات
وما زلت فى انتظار أمين

[amine]

في أنتظار الحلقتين المتبقيتين ...
يا ربي أنا وين ؟؟؟
تحياتي يا حلوين ...
أمين

[معتصم الطاهر]

يا زول ما خايف

دا بجيب الفضايح
وبدق الصفايح ..

[amine]

يا زول ما خايف

دا بجيب الفضايح
وبدق الصفايح ..
يا دفعة أنا ما بخاف ...
بس على شرط ما تجيب سيرة منى التقل الملهوفة ديك ...
لأنه بتجيب لي القشعريرة بعيد عنك هههههههههههههههه
يا ربي أنا وين ؟؟؟
تحياتي يا حلوين ...
أمين
ملحوظة ...لك رسالة خاصة أقرأوها الآن و رد على ضوءها ...

[عبد العظيم الطاهر]

يا لها من ذكريات جميله ..... ذكريات سن المراهقة .....

متابعين .........


واصل

[amine]

يا لها من ذكريات جميله ..... ذكريات سن المراهقة .....

متابعين .........


واصل
و الليلة أمانة ما مات راجل ...أولاد الطاهر أتفقوا علي أنا الزول الغلبان ...
أولآ لك التحايا يا أخي عبد العظيم و آسف جدآ لعدم الترحاب بك ....قرأت لك و قرأت مداخلاتك ...
و لكن زي ما تقول كده السهو و النسيان الحالة المرضية دي دقت بابنا عديل كدي و الله ..
بس ياخوي أنت أوعى تكون قريب منى النقل ؟؟؟ لأنه منى التقل مش مشكلة لأنها ظابط شرطة في دبي
يعني بتاخد حقها بيدها ...و هي مشت دبي عشان تكون قريب لمعتصم ...تعرف ليه ؟؟؟ لأنه هرب منها أيام الثانوية العامة وكدة ....أها قامت لحقتو ليك هناك و بقت ظابط ظااااااااااااااااااااتو ...علشان كدي الزول ده يشيل و يرمي البلاوي فوقي أنا ...هههههههههههههه الحمد لله أنا بعيد منه و من منى التقل دي ..
ياخوي أنا زول منى النقل و بس ...مالي و مال بيوت الأشباح ...!!!
تعرف يا عبد العظيم لو تتذكر حاجة أسمها ودأمبعلو الكانوا بخوفونا بيها زماااااااااااااااان ؟؟؟ دي منى التقل ظااااااااااااااتها بتاعت معتصم ...هههههههههههههههههه
يا ربي أنا وين ؟؟؟
تحياتي يا حلوين ...
أمين

[amine]

viva la rasta

رفع البوست للأسباب التالية ....
بمناسبة قدوم كاتب الرواية معتصم للطاهر و اللقاء به في مدينة ربك ثاني أيام عيد الأضحى المبارك
و كذلك عودة الكنار المهاجر ضابط شرطة (( منى التقل ))
و منى النقل لحضور زواج أبنتها لبنى
و لكن العم هارون ......رحل ....!!! رحمة الله عليه
يا ربي أنا وين ؟؟؟
(( بين رمال حلتنا ))
تحياتي يا حلوين ...
أمين جونية

[معتصم الطاهر]

ذكريات قادمة

بمناسبة زيارتنا لتك المناطق

وأولئك الناس ( الحلوين) ..

[معتصم الطاهر]

القومية الوسطى ( ما فى زول دون الخمسين قرأ الوسطى) ... صارت القومية الثانوية بنات ...

[فيصل سعد]

للسلام و التحية، حضرنا لهوت ميلكم و ما لقيناك :D
فتشنا بوسطتنا ما لقينا عضام منك، و ما نسيناك :D
فشخبتنا بالفحم على حيطتكم دي و ما جفيناك :D
و كان ما جات المطرة كنا استنيناك :cool::cool:

[معتصم الطاهر]

فيصل

مســـــــــــــــــــــــــــافة
بيني و بين هذا البوست
سأواصــــــــــــل الكتابة فيه ..


شكرا لك ..
يا بتاع النبش ..

[فيصل سعد]

فيصل

مســـــــــــــــــــــــــــافة
بيني و بين هذا البوست
سأواصــــــــــــل الكتابة فيه ..


شكرا لك ..
يا بتاع النبش ..

عفوا لك يا ارباب ، الحمد لله بنبش بوستات زملائي و بنفضها من الغبار :D ما زيك يا نباش السفاهة و الفواكه :D:D يا نائب حاخام البكاء الاعظم :D:D يا رجافة يا جرسة يا مكسر :eek::eek::eek:

[معتصم الطاهر]

:D ما زيك يا نباش السفاهة و الفواكه :D:D يا نائب حاخام البكاء الاعظم :D:Deek::eek::eek:

كدا .. ولحدى هنا معقول ..

D:D يا رجافة يا جرسة يا مكسر :eek::eek::eek:
وهنا تشابهت عليك ... بيوت البكا ..

هذا وصف يجمع الادميرال ..
والجنرال ..
خالد وعكود ..

[فيصل سعد]

وهنا تشابهت عليك ... بيوت البكا ..

هذا وصف يجمع الادميرال ..
والجنرال ..
خالد وعكود ..

لا في دي معاك حق تب :D:D

[amine]

سلام يا معتصم وباقي الجماعة الطيبين ...
أنتو الواحد ما يعرف ينام معاكم في المدرسة دي ولا شنو؟؟؟
معليش أنا تائه و الله و لقيت الضل البارد ده و قلت آخد لي تكية
وما سمعت ليك ألا طااااااااااااااااخ و طرااااااااااااااااااخ ... اتاريه أنا كنت بحلم بعم هارون ماسك يدي بقد الحيطة ....و تاني قمت جاري لمن لقيت نفسي في حي البوستة أمدرمان و بكورك ...المينا البري نفر نفر ...... جنوووووووووووووون مش كده ؟؟
أمين جونيه
تحياتي يا حلوين !!!!
يا ربي أنا وين ؟؟؟

[الجيلى أحمد]

brother Amien

good to see you brother

[معتصم الطاهر]

حيطة مدرسة القومية ( الوسطى ) سابقا الثانوية حاليا ..

http://www.l44l.com/up/uploads/65c898bdce.jpg (http://www.l44l.com/up)


غرفة عم هارون الخفير ..

http://www.l44l.com/up/uploads/11ba662288.jpg (http://www.l44l.com/up)

[amine]

[الجيلي سلامات يا أخي و الله مشتاقين ....
ويا معتصم بالغت و الله في الصور دي .. يعني ممكن نقول عم هارون مر من هنا ؟؟؟
تحياتي يا حلوين !!!!
يا ربي أنا وين ؟؟؟
أمين جونية

[معتصم الطاهر]

أمين هاك الهدية دى ..

بابا سامي 2000

http://www.l44l.com/up/uploads/408c087a5b.jpg (http://www.l44l.com/up)

[مهند بشير]

نظر الى أمين باستغراب ..
وقام سدّارى ..
فهمت أن ( النمرة غلط) ..



:p :p :p :p


دي زكرتني أيام وادي سيدنا لما كنت بكتب للزملاء خطاباتهم الغراميه (أنا كنت زول كتاب شديييييييد الزمن داك )ولما كنت في الإبتدائيه كنت بقفل نمرة مادة الإنشاء 10 من 10 أي والله العظيم وما عشان كنت ود المدير أبوي (الله يرحمه)
أها يوم من الأيام جاني زميلا لي وأداني جواب من حبيبته وقال لي داير أرد ليها (وهنا تشابهت علي الحبيبات) وبدل ما أكتب إسم حبيبتو كتبت إسم حبيبة زميل تاني كنت برضوبكتب ليه جواباتو لي حبيبتو ... أها صاحبي ما قرأ الجواب , شالو ليك وفرحان وشوية بصاق لصق ليكم جوابو وكام يا فكيك ووداهو ليها ... أها جاني بعد كم يوم كده ويشيل ويضرب ليكم فيني

حبيبتو لما قرت إسم البت التانيه المكتوب ليها في جوابها شاكلتو ونهرتو وقالت ليه يا غشاش ـ فلانة دي منو ؟؟ دي واحده من الغاشيهن كتاااااااار ؟؟ ــــ

ومن ديك وتاني توبه لي حبوبه ما كتبت لي أي واحد جواب أو رد جواب ماشي للحبيبه .....


بالغت يا ناصر
خربت بيت الناس ياخي
الشكيه لله
انا عارفك يا جبان بتكون عملتها قاصد
شكلو اللعب كان عاجبك و قمت قصيت لي صاحبك :rolleyes:
حركتك جبــــــــــــــــــــــــانه:D:D:D

[عبد الجليل سليمان]

ولأنه نجح بتفوق فقد ذهب به والده الى الخرطوم حيث اشترى رداء بنى وقميص أبيض جاهزين من المسرّة وجزمة من توموشيك .. و كبك من باتا .. وشرابات من شارع الجمهورية ..
فتميز على انداده الجدد ..

حليل المسرة وحليل توموشيك وحليل باتا
رائع يا جميل ...