المساعد الشخصي الرقمي

مشاهدة النسخة كاملة : تنقـــــــــــــــــــــــــــــــــــــــــــــــ ــــــــــــــو ياخالد

حمدي اب جقادو
16-02-2006, 08:13 AM
اين لحـــــــــــــــــــــــــــــــــن الخميس ؟؟؟


ولا الليله مخمس في الدمام :p
أبو العز الجنوبي
16-02-2006, 08:53 AM
اب جقادو
بمناسبة لحن الخميس، انت طفشت من اقتراحي داك وين؟؟؟؟؟ لحقت الناس الطفشهم ود يوسف؟؟؟؟
اقتراحي بتاع كورسات البرامج في المنتدى الفني؟؟؟؟
دائما بحاول اسمع لحن الخميس لم كان.... لكن عندي مشكلة في الجهاز ، بعد ما وديته الورشة وعملوا ليه صيانه نسوا يعملوا شنو كده ما عارف بقي ما في صوت، قال رجعه لي ثاني عشان نحملها من الاسطوانة، انا عندي اسطوانة (سي دي) بتاعة مزربورد ممكن نعمله منها؟؟؟؟؟؟
حمدي اب جقادو
16-02-2006, 09:00 AM
قلبتها كمبيوتر يالشقي ؟:D
الشكيه لله :D انا عندي اسطوانة (سي دي) بتاعة مزربورد ممكن نعمله منها؟؟؟؟؟؟

ابو العز ياغالي

لو كرت الصوت (بلد) :D يعني مثبته علي المظربورد من الشركه طوالي بظبط معاك اما لو كان الكرت (ادابتر) عادي ابقي شوف اسمو شنو واجري لي ناس قباني في شارع البلديه واديهم اسم الكرت وهم مابقصرو معاك وبدوك الاسطوانه بتاعت التعريف

ملحوظه
في واحد هناك اسمو بكري سمين (قربه):D كده قول ليهو انا من طرف ناس الجقجق انجمينا وصدقني ماحيقصر (الاسطوانه بي خمسه الف مايدقسوك يامان):D
أبو الحُسين
16-02-2006, 09:13 AM
اين لحـــــــــــــــــــــــــــــــــن الخميس ؟؟؟


ولا الليله مخمس في الدمام :p

الغالي جداً جُقْجُقْ...

عمك تنقو دا الأديك تناهو أنا دا...

أقول وأنا جمال أبريدة... لي تلتاشر إسبوع وزيادة أنا ما شُفتو وشفت الفرق البينا كيف... زي من البوستة أُمدرمان لي المحطة الوسطى أمدرمان.. موش قريبة؟؟؟؟

أها لي المدة دي كلها ما شفتو ولا سمت صوتو حتى..!!!! غاطس وين الله أعلم...

يا ربي يا حنَّان ... تلمْلِم الحِبَّان..
نقعُد في قوز منَّان... نحكي الزمان الكان...

لك ودي كله بلا حدود... وللغالي تنقو...
أظهر وبان... وفي حاجات جديدة كتيييييييييييرة بس نشوفك...

أبو الحســــــــــين....
أبومناهل
16-02-2006, 09:37 AM
جقجق
تنقو مره كده قال يوم الجمعة بتقل في النوم . .
خليهو نايم كده لحدي ما يوم كده يصحى واحد قبله ويبشتن الدنيا :D :D
وهو لحن الخميس ده أصلاً حق حبيبنا معتصم ويوم تنقو صحي بدري وحصل الحصل زي 30 يونيو
تنقو خلي النوم وصحصح معانا . . اصلاً ( أم سهى ) ناوية عليكم . . ونحن مع من غلب . .
تسلموا ياشباب
3mk-Tango
16-02-2006, 10:20 AM
بتقول مشتاق لي لحن الخميس ؟

الواحد اصلو ما ياخد ليهو تكيه ؟

..

بجيكم بي رواقة ..