المساعد الشخصي الرقمي

مشاهدة النسخة كاملة : بتقولى لا ( كلمات) الاغنية - اهداء لجقجق نجم الاسبوع


Garcia
16-02-2006, 09:39 AM
بتقولى لا
كلمات: عثمان خالد
غناء : عبدالعزيز المبارك

بتقولى لا.. بتقولى لا
بتقولى لا لقليب عليك يقطر حنان ويذوب وله
بتقولى لا لقليب رهيف ماظنو لالالا بيحمله

بتقولى لايا بهجة ياغاليه ياست القلوب يامذهله
وحياة شبابك ذبت في عينيك حنان ومغازله
سافرت فى رحلة مشاعر ملهمه ومتامله

شفت الورود من وجنتيك غيرانه جات متوسله
حتى القمر غار من صفاك واصبح يردد فى الصلاه
جاك المساء ادى الفروض داعب شفايفك وغازله
شال لون جميل من وجنتيك مسح خدودك وبلله

اصبح يلملم فى النجوم وينظم عقوده ويغزله
طرز لى جيدك بالحريراحلى العهود وبتقولى لا
انا بيك بدغدغ فى القلوب ياحلوه احرف واشكله
املاها رقه ودندنة وعناق حنان ومبادله
اسقيك حنان ماظنو كان فى الدنيا او كانت صله

انا بيك لو قلبك يحن عالم يجن من الوله
اسقيك حنان ما اظنوا كان دى الدنيا او كانت صله
وازرع هواك بين النجوم روضة حنان وادللة
واحكيك لحون يا غالية لو سالت والعود غازله
واخلى كل الكون اقول فنان ادوب و اغزله
بتقولى لا يا لهفة المشتاق وطعم الحلا


* وفى انتظار واحد يقدمها بأداء عبدالعزيز المبارك ... والشكر موصول مقدما

3mk-Tango
16-02-2006, 10:24 AM
جارسيا تحياتي ..

والله جقجق يستاهل الاغنية دي عشان يتنجض شوية ...

الاغنية عندي فيديو لكن ما لاقي موقع فيهو مساحة كافية عشان ارفعها ..

بحاول لحدي بعدين ..

حمدي اب جقادو
16-02-2006, 10:41 AM
حبيبنا القارسيا :D

تتناثر الحروف عبقاً جميلاً وصياغة مميّزة ...

ما أروع تلك الحروف الماسيّــه التي سطّرها لنا

قلبك الصادق وإحساسك النابض .. حروفاً

تلألأت في سماء الحبّ من روعتها وسلاسة معانيها

وشفافيتّها كلمات تخللت الوجدان وعانقت القلوووب من

جمالها عزيزي الغالي أهنئك من أعمااق قلبي على روعة اختيارك

لنا بنانك السّاحــره من حروفاً كــــالؤلؤ المنثور على صفحات الحــبّ

عزيزي ليس لي سوى أن أسجّل إعجابي بهذه المقطووعه الموسيقيه

التي لحّنها لنا قلبك الصافي وحبّك الوافي كلي أحترام

وتقدير لشخصك الغالي على قلوبنا عزيزي وشكرا للاهداء العبق

تحيّــه مكلّله بشذى أنفاسك أقدّمها لشخصك

بره الشبكه :D

لكن التورية ماعندك ياشفت :D :p

قارسيا ابقي شمس مابتغيب

حمدي اب جقادو

Garcia
16-02-2006, 10:46 AM
والله جقجق يستاهل الاغنية دي عشان يتنجض شوية ...

الاغنية عندي فيديو لكن ما لاقي موقع فيهو مساحة كافية عشان ارفعها ..

بحاول لحدي بعدين

مش كدة ياتنقو .. جقجق قلبو ابيض وجميل ..
وصور احفاد النجاشى بوضت اعصابو .. :D :D
واكون شئ جميل قدرت تنزلها فيديو .. وبالعدم صوت بس ..
وشيل شيلتك يا جقجق ... ;)

Garcia
16-02-2006, 11:01 AM
الغالى / جقجق ... نهارك سعيد
هناك كلمات كلما مر عليها الزمن زادت بريقا وجمالا ..
وصدق من قال ان الكلمات لا تموت ابدا ...
كل مرة تعيد القراءة تكتشف معنى بديع وجميل ...
ونترحم معا على كاتب تلك السطور الرحل / عثمان خالد
ونسأل الله له الرحمة والمغفرة ....
وكانت لفتة بارعة من عبدالعزيز المبارك .. حين اهدى ذلك الشريط
لاسرة الراحل المقيم ...

-- -----------------------------------------------------------
برة الشبكة : انا برئ من توريتك يا جقجق :D :D
وتسلم يا جميل .... وابقى كلما انت دوما ..

مخرج : ومن كلمات شاعرنا تحديدا ...
اهديك حروف ما قالا زول .. ولا اظن اقولا وراى بشر

Dr. Mohammed Hassan
16-02-2006, 01:10 PM
بتقولى لا
كلمات: عثمان خالد
غناء : عبدالعزيز المبارك

بتقولى لا.. بتقولى لا
بتقولى لا لقليب عليك يقطر حنان ويذوب وله
بتقولى لا لقليب رهيف ماظنو لالالا بيحمله

بتقولى لا ياغاليه ياست القلوب يامذهله
وحياة شبابك ذبت في عينيك حنان ومغازله
سافرت فى رحلة مشاعر ملهمه ومتامله

شفت الورود من وجنتيك غيرانه جات متوسله
حتى القمر غار من صفاك واصبح يردد فى الصلاه
جاك المساء ادى الفروض داعب شفايفك وغازله
شال لون جميل من وجنتيك مسح خدودك وبلله

اصبح يلملم فى النجوم وينظم عقوده ويغزله
طرز لى جيدك بالحرير وبتقولى لا
انا بيك بدغدغ فى القلوب ياحلوه احرف واشكله
املاها رقه ودندنة وعناق حنان ومبادله
اسقيك حنان ماظنو كان فى الدنيا او كانت صله

انا بيك لو قلبك يحن عالم يجن من الوله
اسقيك حنان ما اظنوا كان دى الدنيا او كانت صله
وازرع هواك بين النجوم روضة حنان وادللة
واحكيك لحون يا غالية لو سالت والعود غازله
واخلى كل الكون اقول فنان ادوب و اغزله
بتقولى لا يا لهفة المشتاق وطعم الحلا


* وفى انتظار واحد يقدمها بأداء عبدالعزيز المبارك ... والشكر موصول مقدما

كسرتو
جهجهتو
وكاد ان يشرب موية الغسيل :D
( ويك اند شرط)

Garcia
16-02-2006, 01:19 PM
كسرتو
جهجهتو
وكاد ان يشرب موية الغسيل
( ويك اند شرط)
مش كدة بالله يا محمد .. من الصباح رايحة ليهو سونقاية سمحة كدة :D :D :D :D
وفجرناها ليهو قنبلة عديل كدة ...

3mk-Tango
17-02-2006, 04:23 PM
يا جقجق أرفع السماعات ..

:D :D

http://sudaniyat.net/upload/uploading/bitgolela13.wma

Garcia
17-02-2006, 04:41 PM
يا جقجق أرفع السماعات ..

ياتنقو رفعنا السماعات .. والقلوب خفقت اشد خفقان .. من هذا الكلام المذهل ..
بعظمة عثمان خالد ( رحمه الله ) وروعة عبدالعزيز المبارك .. والحان
الفاتح كسلاوى البديعة ...
جقجق اظهر وورينا العليك .. تنقو تسلم على الاضافة الجميلة لهذا البوست ...