و..شل شل شل كب لى جالون

[الجيلى أحمد]

http://sudaniyat.net/vb1/images/uploads/518_258243f6e62aeca89.jpg

البشير أمير المؤمنين
النميرى أمير المؤمنين
الترابى شيخ المجوس

ودى ماسورة البترول

[Aboremaz]

[يا [ الجيلي يا خوي ذاكر درس استاذ حمدي :D ونزل الصورة كويس
عشان نقدر نرد عليك

[الجيلى أحمد]

[يا [ الجيلي يا خوي ذاكر درس استاذ حمدي :D ونزل الصورة كويس
عشان نقدر نرد عليك

كدا كيف ??
دا بعد الدرس الخصوصى :D

[أبومناهل]

لذلك سيكون هذا البترول وبال على الشعب السوداني إلى أن تقوم الساعة

[Garcia]

اتلما المتعوس والمنحوس على خايب الرجاء ...
هؤلا الاوغاد ضيعوا 32 عاما من تطور وازدهار الوطن ...
فليذهبوا للجحيم بلا رجعة ....

[معتصم الطاهر]

يا إلهى

هل يمكن أن يكون أسوأ من هذا ..

وثالثهم الشطان ..

[Aboremaz]

شفت (الريالات )؟ :(

[جلال محمد جلال]

من لم يعقد الأسي والحسرات لسانه فليتكلم!!!1
لك الله ياوطني ..
( وطني ..
أيها الأرمد ترعاك السما..
أصبح الوالي هو الكحال فأبشر بالعمى)
<مـــــــــــطر>

أسمح لي أخي أن أدع مـــــــــــطراً يتكلم:

************************************
في أوروبا بالتمادي . . .

يصبح اللص مديراً للنوادي،

وبأمريكا، زعيماً للعصابات وأوكار الفساد،

وبأوطاني التي من شرعها قطع الأيادي،

.يصبح اللص . . . زعيماًُ للبلاد .

*************************************

مقاعد المسرح قد تنفعل،

قد تتداعى ضجرا،

قد يعتريها الملل،

لكنها لا تفعل،

لأن لحما ودما من فوقها لا يفعل؛

ياناس هذي فرقة يضرب فيها المثل،

غبائها معقل، وعقلها معتقل،

والصدق فيها كذب، والحق فيها باطل،

ياناس لا تصفقو، يا ناس لا تهللو،

ووفرو الحب لمن يستأهل،

فهؤلاء كالدمى: ما ألفوا، ما أخرجوا، ما دققوا، ماغربلوا؛

وفي فصول النص لم يعدلوا؛

لكنهم قد وضعوا الديكور والطلاء ثم مثلوا؛

وهكذا ظل الستار يعمل،

يرفع كل ليلة عن موعد،

وفوق عرقوب الصباح يسدل،

وكلما غير في حواره الممثل،

مات وحل البدل،

رواية مذهلة لا يحتويها الجدل،

فالكل فيها بطل، وليس فيها بطل،

.لا ينظف المسرح أن لم ينظف الممثل
****************************************
لا سياسة
وضعوا فوق فمي كلب حراسة ،

وبنوا للكبرياء في دمي سوق نخاسة ،

وعلى صحوة عقلي أمروا التخدير أن يسكب كأسة ،

ثم لما صحت: "قد أغرقني فيض النجاسة " ،

قيل لي : " لا تتدخل في السياسة " ؛

تدرج الدبابة الكسلى على رأسي إلى باب الرئاسة ،

وبتوقيعي بأوطان الجواري ،

يعقد البائع والشاري مواثيق النخاسة ،

وعلى أوتار جوعي ، يعزف الشبعان ألحان الحماسة ،

بدمي ترسم لوحات شقائي ،

فأنا الفن وأهل الفن ساسة ،

فلماذا أنا عبد، والسياسيون أصحاب قداسة ؟

قيل لي : " لا تتدخل في السياسة " ؛

شيدوا المبنى وقالوا أبعدوا عنه أساسة ،

أيها السادة عفوا، كيف لا يهتز جسم عندما يفقد رأسه ؟
************************************************** *******
السلطان

لا يمكن أن يفهم طوعاً

أنك مجروح الوجدان

بل لا يفهم ما الوجدان !

السلطان مصاب دوماً

بالنسيان وبالنسوان

مشغول حتى فخذيه

لا فرصة للفهم لديه

ولكي يفهم

لا بد ببعض الأحيان

أن تُـسعفه بالتبيان

أن تقرصه من أذنيه

وتعلقه من رجليه

وتمد أصابعك العشرة في عينيه

وتقول له : حان الآن

أن تفهم أني إنسان

يا ... حيوان !

<<أحمد مطــــــــــــــــــر>>

[د.سيد عبدالقادر قنات]

حكامنا يركبونا حميرا ويستبدون بأمورنا أيما استبداد
وينهبون أموالنا ويبددون مصالحنا ويحرموننا من الحرية
ونحن خائفون لا نحرك أصبعا ولا ننطق حرفا ( حرية صحافة وكلمة للفضفضة فقط وزهير بالأمس)
نشكو ونبثها للواحد الأحد

ولكن
الحرية لا ينالها الآملون فيها والعاشقون لها
الا بعد تضحية وبذل وفداء
وأن الهامشيين أذا أجتمعوا ونظموا صفوفهم كالبنيان المرصوص
أصبحوا قوة لا تقاوم ولا تقهر
والشعب الأعزل الذي يضرب ويسام الخسف والذل والهوان
ما أجتمع مرة ألا وكتب له النصر والفوز وتحققت له الحرية
وضربته ستكون القاضية

اليوم توجد حالة قلق عام وأحباط وتوتر ناتج عن حلم لم يتحقق
وطموحات لم تتجاوز مرحلة الأمل
قتلت الفرحة قبل أن تحبو
قتل قرنق المخلص والأمل

وحصلت الدبرسة
وعام مضي والوضع أسوأ مما كان

ولكن
ألا تعتقدون أن هذا القلق والأحباط هو وقود الثورة ودالتها
وكلما قوي دافع الأنسان ورغبته في التغيير
ازداد اصرارا وقويت عزيمته لتحقيق ذلك الهدف

والهدف الأوحد اليوم هو
التغيير
ذلكم سيد وهذا حقير
ذلكم خادم وهذا امير
ذلكم خامل وذا مشهور
والمساواة منطلق مقهور

(لا يغير الله ما بقوم حتي يغيروا ما بأنفسهم)

يديك العافية

[الجيلى أحمد]

اتلما المتعوس والمنحوس على خايب الرجاء ...
هؤلا الاوغاد ضيعوا 32 عاما من تطور وازدهار الوطن ...
فليذهبوا للجحيم بلا رجعة ....

A-MAN

[عز المزار]

الجيلى
روائع التحايا
ولن يفلت المجرمون
هؤلاء القتله جميعا يوم حسابهم قرب
قرب نضمى
حتى لا ننسى كل شهدائنا الذين سقطوا
على ايدى هؤلا الجلادين
المجد والخلودلكل شهداء بلادى

[ناصر يوسف]

إنتو في ده ولا آخرة المخيره المسعله بقت واااااااااااااااضحه

الجماعه الهنا والهناك .... سمعتو بي خبرهم ؟؟


جماعتكم مااااا إتشاكلوا في قسمة التورته وفتوهو قرض ـــــ محمد إبراهيم قرض والله ما قاصدك إنت ....

[أبو الحُسين]

http://sudaniyat.net/vb/images/uploads/518_258243f6e62aeca89.jpg

البشير أمير المؤمنين
النميرى أمير المؤمنين
الترابى شيخ المجوس

ودى ماسورة البترول


الغالي جداً الجيلي...

أمير المؤمنين وييييييييييييييين ونحن وين؟؟؟

وبعدين يا اخوي شيخ المجوس دي ما كتيرة؟؟؟

يبقى لي الواحد قدر ما يختلف مع الناس... الإلتزام واجب يا اخوي...

لكم ودي كله بلا حدود...

أبو الحســــــــــــين....

[د.سيد عبدالقادر قنات]

بس الماسورة دي لو وصلناها من بيت ريتا
كان الشعب السوداني عمل كبري من بورتسودان لجدة

وبعدين مسعولين من الخير
وين ارياب والدهب المجمر ؟

وامس ريسنا قال الحكومات المابتدفع المرتبات تمش ،
بس ما قال تمش وين
وبعدين حكومة الخرتوم زاتا المقعدا شنو

ولا خلوها مستورة
ونحن شكيناهم علي الله
طيب الشعب يشكيهم لي منو

[الجيلى أحمد]

أبو الحسين
سلامات

نوجه هنا الرسالة للترابى
بشأن إسلامهم الذى أفنوا به عباد الله:

That religion has been abused in sudan..
and we'll never allow that to happpens again,
we refuse your version of Islam ,aversion of destruction , burning ,killing and waging
war that killed millions of innocent citizens..
Islam that destroyes it's forms ,mosques,holly books and Imams..

No to that type of faith that you're preaching for.

راجع خطابنا ستجده مهذبآ ..
أما عن شيخ المجوس ..فليس فى قاموسى إلا هذه الشاكله لوصفه
وعوده لإستكمال الرد..

وليك الموده

[الجيلى أحمد]

بس الماسورة دي لو وصلناها من بيت ريتا


شوف ليك زول يطلع بره البلد بعد داك :) !!



الماسوره دى ساقيه الواطه خراب

لأنها بتكب فى الجيوب والجزالين الغلاد..

محمد أحمد ومجوك
يشموهو قدحه

وين مع بنى أميه

[الجيلى أحمد]

سلامات ابو الحسين

(شيخ المجوس) ليس فيها أهانة إلا لمن يستحقها
من قاتل ومغتصب وكاذب ومنافق (باسم الدين)..
هذه ليس موجهه لعموم الناس ولو أنها كذلك للامنا فيها
ضميرنا قبل إيعاذ من أحد..فمن ذاق الظلم يخبر كم هو قاس..

(أمير المؤمنين) لم نأتى بها من عندنا هذا الشيخ المبذول فتنة
هو من ولاهم وعمدهم ..32 عامآ وهو يضحك بنفس اللهاث المتآمر
على الذكورة ..
لم توكل لنا الأمم مهام خلافتها فى الجهل..
ولو جعلناهم يشربوا من هذه (الماسورة) بأفواههم - وأعنيها خارج توريات اللغه- فلن يرضى ذلك ولو واحدة من الأمهات الثكلى..النساء المغتصبات
..الأرض المحروقه......وأرواح الشهداء..

نحن هنا نجاهد اللغه لتكون مقبوله..

رغم كل شئ

[ناصر يوسف]

أبو الحسين

كدي راجع توقيعي الممهور تحت الماخله دي وفي كل مداخله


تسلم يالجيلي ولك الشكر

[الجيلى أحمد]

ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس

يسلم ضميرك ,ناصر

[نولا]

الجيلي ...

ســــــــــــــــــــلامات

وبأوطاني التي من شرعها قطع الأيادي،

.يصبح اللص . . . زعيماًُ للبلاد .

لا مـــــــــــزيد

[د.سيد عبدالقادر قنات]

والليد الكانت أجواده
يا مقطوعة يا شحادة

[الجيلى أحمد]

سلامات نولا

فلندق النواقيس
ولنقرع الأجراس

16 عامآ اولى
16 عامآ ثانيه

الكثيرين منا لم ينتبهوا إلى المجموع
32

موش فى الحساب
موش فى العدد

المشكله لم تعد عودة الديمقراطيه فحسب ,وإنما ممارستها

32 عامآ

أجيال عاصرت
وأخرى تربت ونشأت

32 عامآ


الديمقراطيه وتوابعها وعى يمارس حتى فى الطقس اليومى قبل

ولوجه إلى مؤسسات السياسه..



البترول عزيزتى وغيره من ثروات هو مهلكة للشعوب
لو أدار امراء وائمة المجوس ماسورته

[أبو العز الجنوبي]

الجيلي
اكان جبت صورة حمدي تكون كملت المقصرة
والناس دي عملت ما عملت.... واذا شتمناهم مليون سنة لن نستطيع ان نأخد حق الشعب السوداني منهم... مش مجرد كلمة واحدة ...
فلا ننسى اعزائي عندما سطو على السلطة بليل ماذا قالوا ؟؟؟
1- انحنا شلناها بقوة والعايزها يجي يشيلها بالقوة- بالله عليك الله ده منطق زول يبقي رئيس الناس؟؟؟ سبحان الله... هنت يا شعب وهان عليك الهوان...
وبترول ... بترول ...
آآآي صاح قدروا طلعوهو في السبعتاشر سنة دي لكن هو حقهم؟؟؟
وين قروش البترول ؟؟

ووين ذهب ارياب؟؟؟
واين ذهبت موارد السودان الباقية... اين مشروع الجزيرة؟ بل اين الشعب السوداني؟؟؟؟؟
وبعد ده كله كمان بتبكي وتقول تدخل اجنبي؟؟؟
طيب القوات الافريقية المن بورندي ونيجيريا ماها اجنبية؟؟؟
وإذا كنت انت عامل لي فيها اسد على شعبك. ياخ الناس الفي قلوبها رحمه دي جايه تحجزك من شعبك وتحميه..
الشتيمة شوية يا ناس ما تحتجوا عليها.

[أبو الحُسين]

الجيلي
.... واذا شتمناهم مليون سنة لن نستطيع ان نأخد حق الشعب السوداني منهم... مش مجرد كلمة واحدة ...


. ياخ الناس الفي قلوبها رحمه دي جايه تحجزك من شعبك وتحميه..
الشتيمة شوية يا ناس ما تحتجوا عليها.

الغالي عزيزنا و عزنا...

يا اخوي الشتيمة عمرها مافيها خير... وكم كم شتائم رجعت وبال علي القايلها... وبعدين أُذكر نفسي وإياكم بحديث المصطفى صلى الله عليه وآله وسلم... بأن المسلم ليس بالسباب ولا اللعان ولا الفاحش ولا البذئ...

وأنا ما سياسي إخوتي الكرام... عشان مافي واحد يقول إني بدافع عن زيد ولة عبيد... وقبل كدة إختلفت كثيراً مع الأخ عادل عبد العاطي هنا في سودانيات وعلاء الدين يوسف في سودانيز أوف لاين كلو في شنو؟؟؟ في الكلمات الماها موزونة...

و يبقى لي إحترام الناس واجب وربنا سبحانه وتعالى كرم بني آدم.. فكلمات المجوس والتيوس دي يبقى لي دا ماهو محلها!!!

أما موضوع الناس في قلوبها رحمة دي جاية تحجز الأسد من شعبه وتحمي الشعب السوداني...
يبقى لي برضو ما حالفك الصواب فيها أخي العزيز أبو العز... ليش؟؟؟ لأن الناس ديل تاريخهم يبقى لي بقى واضح... واتكشفوا للناس!!! بس نسأل الله يولي علينا الفيهو خير...

ولكم ودي كله بلا حدود... كل مناشدتي مراعاة شعور الآخرين ... لأن أنا والله لمن يجي واحد يتكلم في سيدي عُثمان ولة الصادق المهدي ولة الترابي ما قاعد أرضى موش لأني بنتمي لأحد هؤلاء السادة... لأ.. بس لأنو عندهم مكانة في قلوب الناس وبس ونحن من واجبنا مراعاة شعور الآخرين... فالإنتقاد الجاد مطلوب بس نختار أجمل الكلمات وأحلاها... عشان نعيش حلوين ....

ولكم تاااااااااااني الحب والود ملاييييييييييييييييييين...

أبو الحســــــــــــــين....

[أبو العز الجنوبي]

العزيز ابو الحسين
تحياتي لك وخالص الود
نعم انا معاك والله مسألة الشتائم دي هي في الاصل ما كويسه، لكن ان بقت على ناس اصلها ارتكبت في حق الناس الكثير الاحتجاج عليها ما هو لازم...
وبعدين الناس الانكشفت دي منو؟؟؟
الناس الفي الحكومة؟؟ ام الناس الجاية من بره؟؟؟
يا ود الحسين انا ما بقدر ادافع عن حاجة ما مقتنع بيها، وقول الحق سأقوله امام اجعص واحد.. لأن في النهاية مصلحة البلد فوق كل شيء...
وبصراحة التعملوا الحكومة دي فينا ما عاجبني وبقوله بالفم المليان.. مش مجرد ملاحظات...
وربنا سبحانه وتعالي قال( ولكم في القصاص حياة يا أولي الالباب) ثم مبدأ العين بالعين عيبه شنو عشان ما نطبقه على الناس دي
مع تحياتي

[أبو الحُسين]

العزيز ابو الحسين
تحياتي لك وخالص الود
وبعدين الناس الانكشفت دي منو؟؟؟
الناس الفي الحكومة؟؟ ام الناس الجاية من بره؟؟؟

مع تحياتي

الغالي جداً أبو العز يا عزنا...

لك التحية والود... ونحن يا اخوي متفقين... مافي شتائم مافي إساءات ودا الخير كلو.....

أما الناس البتسأل عنهم ديل هم موش ناس الحكومة يا اخوي... ديل الناس الجايين من برة!!! اللي إنكشفت فضائحهم في أفغانستان والعراق وعرفهم العدو قبل الصديق...

ديل يا اخوي لو دخلو السودان... وقعتنا حا تبقى صعبة خلاااااااااااااااااااص... نسأل الله يرد كيدهم في نحرهم...
حتى لا يأتينا اليوم الإتمنوا فيهو العراقيين حكم صدام من هؤلاء دعاة الحرية والديموقراطية!!!

ولك المودة والقومة ليك...

أبو الحســــــــــــين....

[الجيلى أحمد]

فلا ننسى اعزائي عندما سطو على السلطة بليل ماذا قالوا ؟؟؟
1- انحنا شلناها بقوة والعايزها يجي يشيلها بالقوة- بالله عليك الله ده منطق زول يبقي رئيس الناس؟؟؟ سبحان الله... هنت يا شعب وهان عليك الهوان...
وبترول ... بترول ...
آآآي صاح قدروا طلعوهو في السبعتاشر سنة دي لكن هو حقهم؟؟؟
وين قروش البترول ؟؟

ووين ذهب ارياب؟؟؟
واين ذهبت موارد السودان الباقية... اين مشروع الجزيرة؟ بل اين الشعب السوداني؟؟؟؟؟
وبعد ده كله كمان بتبكي وتقول تدخل اجنبي؟؟؟
طيب القوات الافريقية المن بورندي ونيجيريا ماها اجنبية؟؟؟وإذا كنت انت عامل لي فيها اسد على شعبك. ياخ الناس الفي قلوبها رحمه دي جايه تحجزك من شعبك وتحميه..
الشتيمة شوية يا ناس ما تحتجوا عليها.

أبو العز
ليك التحيه
وقومه
وتبه


عودة تفصيليه لمداخلتك ..
فقد نبشت الجروح وهى عاريه..

[الجيلى أحمد]

سلامات أبو العز
والاخوه المتداخلون هنا


ماذا تتوقع ممن كانوا (ولم يذلوا) فى حل من الإلتزام بحماية الديمقراطيه
..لقد رفضت الجبهه التوقيع على إعلان (الدفاع عن الديمقراطيه..)
ومنطق القوه الذى تجاهر به الجبهه (لاتملكه) بل يعتمد الأمر لديهم
على الخديعه والخسه والكذب وكل أشكال النفاق (وهم فى ذلك حل من الإسلام
الذى يفترون عليه) -إنظر كيف يخوضون الحروب والصراعات لتعرف أنه
علينا محاربتهم ليس فقط لإستيلائهم على السلطه بل حماية لدين الله
من هاتكى العروض ومغتصبى النساء وحارقى الأرض والقرى باطفالها ورضعها..

قرأت قبل فتره فى كتاب (سقوط المشروع الحضارى فى السودان) لدكتور
حيدر إبراهيم تلخيص لمقابله صحفيه مع إبراهيم السنوسى وهو من
القيادات النافذه والمتشدده داخل الحركه (الإسلامويه) لقد كان الرجل
صريحآ بعد أن تغيرت الامور ووجد نفسه خارج السلطه بصحبة (شيخ المجوس)
لذلك جاءت إجاباته عن التعذيب وبيوت الأشباح والممارسات غير الإنسانيه
,لتعترف وتبرر أفعال الحكام (الإسلامويين) وعلى الرغم من محاولته التهرب
من الإجابه عن الأسيئله الخاصه بالتعذيب إلا أن الصحافيه التى أجرت الحوار
كانت حاذقه واستنطقته جيدآ وأدخلته فى مآزق أخلاقيه كان يحاول تجنبها
ففى سؤال يقول "يرى البعض أن إنتهاكات حقوق الإنسان التى تمت فى عهدكم
كانت سببآ فى إنهيار العلاقات مع دول الجوار والعالم الأوروبى, مارائكم??
فيجيب"عجبت أن تكون إنتهاكات حقوق الإنسان كانت سببآ لسوء العلاقات
بين السودان والدول العربيه وأمريكا وهل كان السودان وحده محلآ لانتهاكات
حقوق الإنسان والعالم العربى ليس محلآ لإنتهاكات حقوق الإنسان :) "
بهذه الطريقه يحاول الإسلامويون تبرير الخطأ بخطأ آخر فهل تبرر تلك الإنتهاكات
أن يقوم أصحاب المشروع الحضارى بمجاراتهم وهم الآتون بمشروع ربانى وأخلاقى
يؤكد دايمآ تمايزهم واختلافهم (فقه الضروره) فهم فى هذه الحالات الحرجه
يساوون أنفسهم مع الآخرين العاديين..
وفى سؤال آخر يجيب بضيق واضح "وأنا لست من المنكرين بأننى واحد من قيادات
الإنقاذ وكل الذى حدث من إنتهاكات لحقوق الإنسان كان بإجتهادات وكنا نرى
فيه مصلحه للإسلام وللسودان حين أقدمنا على إستلام الحكم وإن كان فيه خطأ
فليغفر لنا الله سبحانه وتعالى وإن كان فيه صواب فإن الله يجزينا عليه
ثوابآ وهذا شئ طبيعى"
(حاورته عفافأبو كشوه,الصحافه 9 سبتمبر 2000 )

عليكم الله ذى دا الواحد الواحد موش مفروض يمسكوا ي....

[الجيلى أحمد]

1- انحنا شلناها بقوة والعايزها يجي يشيلها بالقوة- بالله عليك الله ده منطق زول يبقي رئيس الناس؟؟؟.

أبوالعز
من آخر الأخبار

البشير يدعو لإنتخابات مبكره...

بتعرف حاجه إسمها
الإنبطاح

مع الإبقاء على المرواغه حتى وإن تعلق الأمر بمصير الوطن

[الطيب بشير]

بتعرف حاجه إسمها
الإنبطاح مع الإبقاء على المرواغه حتى وإن تعلق الأمر بمصير الوطن

صــعــبـــــــــــــــــــــــــــة و الله يا جيلينا
لكن يستاهلوا الضــبــح بعد البـطـــــح :mad:

[الجيلى أحمد]

الطيب يااخوى

سمعت ليك بى (فطيسه) ضبحوها...

الناس ديل بيخارجو فى الروح..
لكن عايزين يخارجو روح البلد كلها..

يعنى زول بيفرفر وكمان بيسأل
القروش ..الملايين..الفيلل
البترول :mad:

[عكــود]

الناس ديل بيخارجو فى الروح..
لكن عايزين يخارجو روح البلد كلها..
يعنى زول بيفرفر وكمان بيسأل
القروش ..الملايين..الفيلل
البترول
ذكّرتني يا الجيلي ب
"الرازّة* ونطّاحة"
أو كما قال المثل،

* الرازّة: بهيمة أقعدها المرض ولم تعد تقوى على الوقوف
الشرح لزوم جنيات البندر
يعني جنابو برّه رغم ما يدّعيه
:D

عكـــود

[عبدالله الشقليني]

عزيزنا الجيلي :
يقولون البِت ... رول .

الرول عِرفناهو ،
وين البِت؟

[الطيب بشير]

الرازّة: بهيمة أقعدها المرض ولم تعد تقوى على الوقوف
Appreciated Ammo
:eek:
بس ياريت تشرح المفردة الغريبة التانية بالمرّة ياي.. :cool: .عمـّـو عكود أوريجينال خالص...ياي

[الطيب بشير]

و الله يا الجيلي
الزعلة من عكود خلّتني أتلـّـب فوقو قبالك :(
البشير في واحدة من تجلّياتو قال عاوز ينقلب علي المفسدين و يرجّع للشعب السوداني جزء مما سرقه..و العهدة على فتحي البحيري في القرية المجاورة..أنا كتبت انو دي بداية كويسة..أدّونا حقّنا في الأوّل بعدين نشوف (البحصل) شنو..طبعآ الجيلي و كل الواقفين على يسار الحق يرون القصاص بالرصاص .. و نحن نرى الconflict resolution ..ع شان كدة الشـوف بيختلف و الهدف واحد..

[الجيلى أحمد]

"الرازّة* ونطّاحة"


هى تمامآ كذلك ياعكود..

تتخيل إنو البلد ماشى على حريق وكل همهم القريشات
والبترول,وأريتا كان حقتم..دى أموال الشعب يالصوص


ذكرتنى بى قصة حمار (ود أمحرين)
دى إلا أحكيها ليك فى الخاص ,ناس جنابو بشيلو حالنا :rolleyes:


Appreciated Ammo
:D :D

[الجيلى أحمد]

الرول عِرفناهو ،
وين البِت؟

حبيبنا الشقلينى

دى تقسيمه عجيبه :rolleyes:

[الجيلى أحمد]

طيب القوم..
أنا سمعت برضو تجليات المشير..
لكن الواحد بيعتبر كلامهم ذى كلام الطاشمين...
يعنى يمكن بكل سهوله بكره ينكرو أى كلمه قالوها..
ولكم فى شيخ المجوس عبرة ..

وبعدين ياالطيب يااخوى (المشير) دا موش عندو إتفاقيات موقعه
مع ناس الحركه..الناس دى بتلعب سيجه..

[الطيب بشير]

(المشير) دا موش عندو إتفاقيات موقعه مع ناس الحركه..الناس دى بتلعب سيجه..
الجيلي ياخ الناس ديل عندهم اتنين و خمسين في الماية من قروش البترول!
قالوا عاوزين يملخوا منها شيء بسيط للشعب السوداني :(
ما تبقى (فقري)..ركـّـز معاي في فكرة المرحلة و ما المرحلة ديك
خلي المفصولين يرجعوا
و المغبونين يلقوا تعويض
و الأحزاب تســـــــــــــــــــــــــــــــــــــــتعد أكتر
بعد داك بالإنتخابات النزيهة بيروحوا فيها
اتذكرت لي نكتة بتساعد في الشرح
لكن عيلا في الماسنجر لأنّها زي راسك المكودس دة :p

[الجيلى أحمد]

الناس ديل يالطيب من يومهم بجوطو الأمور..
يعنى لولا الزنقه بتاعت دارفور لما سمعنا بتسويات من هذه الشاكله..

..
المشير- بيقول إنو عايز يسرع الإنتخابات-شكلها حاتبقى علينا شوربه بارده-
وفى نفس الوقت يملخ شويه من قروش البترول للشعب..

إنتخابات مبكره على هذه الطريقه طبعآ ضحك على الدقون..

وإرجاع أموال البترول للشعب أمر يدعو للضحك فهذه الأموال حتمآ
ذاهبه لمؤسسات الجبهه (يعنى يالطيب ساقية جحا)..
الحل يكمن فى تسليم الحكم لحكومة إنتقاليه تقوم بالإعداد للإنتخابات
وبالطبع الوصول فى الأول لإتفاق عادل بشأن دارفور..