المساعد الشخصي الرقمي

مشاهدة النسخة كاملة : دنــــــدنات بالوتـــــــر -فقط لاصحاب المزاج العالى


الصفحات : [1] 2

سمراء
07-05-2010, 09:41 PM
http://www.nilecommerce.net/images/musical/oud/web/od131.jpg




آآآآآآى بث :D
ود عثمان البوست ده مابتحمل اى دوشة ميوزيك صاخبة
دايرنو دندنات بالوتر ، يلا شد وترك وتعال
خلينا نشد العصب السابع ونمخمخ بمزاااااااااج

وياريت البداية تكون من الجابرى عليه الف رحمة ونور

سمراء
07-05-2010, 09:45 PM
http://i174.photobucket.com/albums/w106/younispc/design/music_png_icon.jpg


ديل نهى اليوم

نادر السماني
07-05-2010, 09:49 PM
شنو يا ود عثمان حننتظر كتير؟؟؟

سمراء
07-05-2010, 09:53 PM
للاستمتاع لحد مايجى ود عثمان - غايتو القحه ولا صمة الخشم

WIDTH=400 HEIGHT=350


http://www.youtube.com/watch?v=WJBIuoUVTa4

wadosman
07-05-2010, 09:56 PM
شنو يا ود عثمان حننتظر كتير؟؟؟

ياخى النت معصلج معانا

ما القى عندك زيت فرمله؟؟!...:)

wadosman
07-05-2010, 10:00 PM
http://sudaniyat.net/wadosman/uploading/mazlom_fi_hubi.wma

زول الله
07-05-2010, 10:00 PM
سمرمر كيفنك وعساك فاينة ياخ
وعشان الاعواد الراقية الجبتيها دي جاياك حاجة كاربة كدا
.. جاري التحميل





اها عدلناها
ابت عديييييل كدا
امتداد غير مدعوم
هو اصلو امتداد بيت المال ؟

سمراء
07-05-2010, 10:04 PM
http://www.mesdar.com/sd-agani/ahmedaljabri/ahmedaljabri.jpg


مظلوم في حبي مالي ، ايه ذنبي الجنيتو ؟
حبيت لكن نسوني ونسوا عهدي الرعيتو

الحب في قلبي خالد
ما ممكن يزول
مهما تجنى واشي
واتنكر عزول

ياسلااااااااااااااااااام عليك ياود عثمان

سمراء
07-05-2010, 10:08 PM
سمرمر كيفنك وعساك فاينة ياخ
وعشان الاعواد الراقية الجبتيها دي جاياك حاجة كاربة كدا
.. جاري التحميل

اها عدلناها
ابت عديييييل كدا
امتداد غير مدعوم
هو اصلو امتداد بيت المال ؟



فااااااااااااينة ياخ
فااااااينة طالما الشى الوحيدالفضل لى شغال
وهو احساسى بالجمال

ارح ادينا

wadosman
07-05-2010, 10:08 PM
http://www.mesdar.com/sd-agani/ahmedaljabri/ahmedaljabri.jpg





ياسلااااااااااااااااااام عليك ياود عثمان

اها العشا شنو..؟؟؟ عشان نشوف البعدها..;)

سمراء
07-05-2010, 10:12 PM
اها العشا شنو..؟؟؟ عشان نشوف البعدها..;)

كواااااااااااااارع
يععععععععععععععععععععععع

العشاء طرررررررررب .....بس

بالمناسبة فى اغنية لى شادول اليومين دى مطلعه عينى وعاملاها توقيع
بغنوها بتين هن صباح وانصاف مدنى بس الاحسن واحده فيهم صباح
اها ......بتقدر !!:D

منال
07-05-2010, 10:15 PM
اها العشا شنو..؟؟؟ عشان نشوف البعدها..;)

رز باللبن :D:D

صحن الفول راح عليك و الباسطه طاشه من الجابرى

ود عثمان كيف حالك

سمراء
07-05-2010, 10:19 PM
رز باللبن :D:D

صحن الفول راح عليك و الباسطه طاشه من الجابرى

ود عثمان كيف حالك

رز باللبن ناكلهم فى حنتك يامنو يارقيقه :D

الشوق من حاصف

والله ياشليل الله يطراك بالخير :rolleyes:

wadosman
07-05-2010, 10:22 PM
كواااااااااااااارع
يععععععععععععععععععععععع

العشاء طرررررررررب .....بس

بالمناسبة فى اغنية لى شادول اليومين دى مطلعه عينى وعاملاها توقيع
بغنوها بتين هن صباح وانصاف مدنى بس الاحسن واحده فيهم صباح
اها ......بتقدر !!:D

ههههههه

سكه مدنى دى بنخاف منها يااخى...:rolleyes:


جايب لى كوارع و دايرانى اجيب ليك جوز الحمام دا..؟؟:(

سمراء
07-05-2010, 10:24 PM
ههههههه

سكه مدنى دى بنخاف منها يااخى...:rolleyes:


جايب لى كوارع و دايرانى اجيب ليك جوز الحمام دا..؟؟:(

اهااااااااااااا خلاص خليناها بتـــــــزاء
يلا ارح بطل محركة اهو وصلنا الصفحه التانية :D

wadosman
07-05-2010, 10:25 PM
رز باللبن :D:D

صحن الفول راح عليك و الباسطه طاشه من الجابرى

ود عثمان كيف حالك

منوله...

ياخى الشوق كيمان...كيمان

اها وين السمسم بتاعنا..؟؟!! ولا انا نسيت انتى قلبتى غربا

بالله هسى جمال الوالى كان ساق وارغو دا للفاشر مش
كان اتخارج منو فى سوق المواسير..؟؟gooodgoood

منال
07-05-2010, 10:26 PM
سمراء و العود

غايتو مصطفى له الرحمه عندو وزنة عود
دقه لمن تصحينى ان كت نايمه
و تساهر بى صباحى


الجلوس

http://sudaniyat.net/up/uploading/algalosaa.mp3

و مدوزنه



http://sudaniyat.net/up/uploading/alrahil_fi_allail.mp3

تعرفى نقرة بشير عباس للعود مع البلابل
و عوض احمودى الايام دى مع الشباب

نطلع و نزل و نشهق
انا لله

و نتلولح

العود الساحر

منال
07-05-2010, 10:31 PM
رز باللبن ناكلهم فى حنتك يامنو يارقيقه :D

الشوق من حاصف

والله ياشليل الله يطراك بالخير :rolleyes:

سمرمر حنتى تأكل فيها جاتو :D:D مع نغم سميرة دنيا (حنكشه سااى)
ولد ده

ده شنو هسه تخلينى اقوم اجلبطا بى ليل ده loooollooool
ديك المسطره بس كيف تكبس

شليلنا عيان وصوتو مصرج له كامل الشفاء
ممكون و صابر

سمراء
07-05-2010, 10:35 PM
سمراء و العود

غايتو مصطفى له الرحمه عندو وزنة عود
دقه لمن تصحينى ان كت نايمه
و تساهر بى صباحى

تعرفى نقرة بشير عباس للعود مع البلابل
و عوض احمودى الايام دى مع الشباب

نطلع و نزل و نشهق
انا لله

و نتلولح

العود الساحر

الله يرضى عليك يامنال ..مصطفى ده كوم براهو كان عندى ليهو تسجيلات نادرة للاسف راحت شمار ساى
عارفه يامنال ابوى ربطنى بالعود من عمرى صغير جدا بعزف لى وكنت بغنى وبلحن معاى اناشيد المدرسة ..ولحد الان ماقادرة اتجاوز الالة دى
بالجد متعه وبتخليك تعيشى مع الكلمات اكتر

تسلمى يارايقه ....وزيدينى عشقا

منال
07-05-2010, 10:37 PM
منوله...

ياخى الشوق كيمان...كيمان

اها وين السمسم بتاعنا..؟؟!! ولا انا نسيت انتى قلبتى غربا

بالله هسى جمال الوالى كان ساق وارغو دا للفاشر مش
كان اتخارج منو فى سوق المواسير..؟؟gooodgoood

ود عثمان السمسم ذاتو قلبنا :mad::mad:

وارغو دايرين يتخلصو منو
بمناسبة المريخ - شفت صورة البشير وارهو النجمه فى لوحات الاستاد
لمن يودو التوج و يتفرجو من المدرجات
الوالى ده لصق نجمة داؤد خلى بالك كيتن لناس كده

سمراء
07-05-2010, 10:37 PM
سمرمر حنتى تأكل فيها جاتو :D:D مع نغم سميرة دنيا (حنكشه سااى)
ولد ده
ده شنو هسه تخلينى اقوم اجلبطا بى ليل ده loooollooool
ديك المسطره بس كيف تكبس
شليلنا عيان وصوتو مصرج له كامل الشفاء
ممكون و صابر

بس ماتكترى المحلبية ....الجاتو هين looool
يابت انتى اعمليها والفنانة خليها على بس

وشلو مالو سلامتو ؟ اوع يكون الكوماج اثر فيهو :eek:

منال
07-05-2010, 10:42 PM
منوله...

ياخى الشوق كيمان...كيمان

اها وين السمسم بتاعنا..؟؟!! ولا انا نسيت انتى قلبتى غربا

بالله هسى جمال الوالى كان ساق وارغو دا للفاشر مش
كان اتخارج منو فى سوق المواسير..؟؟gooodgoood

الشوق الشوق

السمسم ذاتو قلبو :mad::mad: تجار شطار
وارغو ماسورة قلت يتخلصو

انت تعال الوالى خاتى البشير فى لوحات الاستاد وارهو نجمه
بيودى التوج نجمة داؤد

لكن النجمه و لا هجمهgooodgoood
دى حكومة شنو ياخ

wadosman
07-05-2010, 11:08 PM
الشوق الشوق

السمسم ذاتو قلبو :mad::mad: تجار شطار
وارغو ماسورة قلت يتخلصو

انت تعال الوالى خاتى البشير فى لوحات الاستاد وارهو نجمه
بيودى التوج نجمة داؤد

لكن النجمه و لا هجمهgooodgoood
دى حكومة شنو ياخ

انتو البورد دا غطس قبل شويه..؟ ولا انا مطشش.؟:confused:

مواطن
07-05-2010, 11:23 PM
http://www.nilecommerce.net/images/musical/oud/web/od131.jpg

وياريت البداية تكون من الجابرى عليه الف رحمة ونور [/size][/color]
ونعم البدء يا سمراء ..
فيك شيء لله .. كما في صديقي أيمن شيئ لله ..
قال ليّ يا مواطن أنا بقيت أخاف منك عديل .. قلت ليه منو اليخاف من التاني .. أنا البضرب تلفون .. إنت أقعد لقط في النمر بس ..
الجابري إختيار القلب الرهيف .. من أجمل الأصوات الإذاعية لا سيما في طبقة القرار .. الشهادة قدمها المرحومان التيجاني مختار وعثمان الشفيع في ليلة ساهرة كنت ضيفاً ومضيفاً فيها ولم أضف شيئاً سوى متعة الأنس الوضيئ. أما في طبقة الجواب فيبرز الشفيع وإبن البادية كأفضل الأصوات .. وللأسف لم يتمتع أحد بملكة جواب الجواب من المغنين السودانين وهي من أصعب الطبقات الصوتية، وإن إقترب منها إبن البادية في مقطع "فنن لا ولا فنن ثم يتدلى منها إلى "هزني الوجد والشجن وفي الهوى قلبي إغترب"
أحب الإستماع لدى الجابري أغنية "حد يشعر بالسعادة " والتي تبرز فيها طبقة القرار لديه بوضوح ونقاء ممتعين.
شكراً سمراء وشكراً ود عثمان ..

wadosman
07-05-2010, 11:26 PM
http://sudaniyat.net/wadosman/uploading/sied_alasim_aoud.wma

سمراء
08-05-2010, 11:01 AM
ونعم البدء يا سمراء ..
فيك شيء لله .. كما في صديقي أيمن شيئ لله ..
قال ليّ يا مواطن أنا بقيت أخاف منك عديل .. قلت ليه منو اليخاف من التاني .. أنا البضرب تلفون .. إنت أقعد لقط في النمر بس ..
الجابري إختيار القلب الرهيف .. من أجمل الأصوات الإذاعية لا سيما في طبقة القرار .. الشهادة قدمها المرحومان التيجاني مختار وعثمان الشفيع في ليلة ساهرة كنت ضيفاً ومضيفاً فيها ولم أضف شيئاً سوى متعة الأنس الوضيئ. أما في طبقة الجواب فيبرز الشفيع وإبن البادية كأفضل الأصوات .. وللأسف لم يتمتع أحد بملكة جواب الجواب من المغنين السودانين وهي من أصعب الطبقات الصوتية، وإن إقترب منها إبن البادية في مقطع "فنن لا ولا فنن ثم يتدلى منها إلى "هزني الوجد والشجن وفي الهوى قلبي إغترب"
أحب الإستماع لدى الجابري أغنية "حد يشعر بالسعادة " والتي تبرز فيها طبقة القرار لديه بوضوح ونقاء ممتعين.
شكراً سمراء وشكراً ود عثمان ..

مواطن الانسان الشفيف ...
المرحوم الجابرى من الفنانين البستمتع جدا جدا لاغنياتهم بالعود ...وذى ماقلته من الاصوات الغير متكررة ونادرة جدا ،وحتى الاغنيات الاتغنى بيها لو راجعته كلماته بتلقى فيها شجن عميق مافى زول ببقدر يعكسهم مهما كان الاداء ..

والاهداء اليك مواطن : بس ياريت يجيبه لينا صوت ود عثمان

حدي يشعر بالسعادة
و يمشي يختار البعاد
حكمة والله و حكاية
تشغل اذهان العباد
ناس بتتعذب وحيدة
ناس بتنعم بالوداد
*****
قبل ما تشوفك عيوني
بيك سعدت و قلبي راق
نظرة فى مرآة خدودك
احلى من كسب الميعاد
يا جمال يا عاطفة صادقة
انت بتحب العناد
ولا بتحاول بدلك
تشغل الروح و الفؤاد
****
احكي لي قصة غرامك
كيف بديت حبك زمان..؟
و كيف بديت فى الحب كلامك..؟
يا ينابيع الحنان
كنت بتبادل المحبة
ولا بتعاند الاحبة..؟؟
و مقصدك انبل مراد
***
ناس بتنعم بالمودة
و ليها مجد الحب يعود
ناس تحاول ليها مدة
ما لقت غير الصدود
حكمة والله و حكااية
ادهشتني من البداية
كيف تكون بكرة النهاية..؟
لو عنادك شفت زاد

wadosman
08-05-2010, 11:11 AM
والاهداء اليك مواطن : بس ياريت يجيبه لينا صوت ود عثمان

حدي يشعر بالسعادة
و يمشي يختار البعاد
حكمة والله و حكاية
تشغل اذهان العباد
ناس بتتعذب وحيدة
ناس بتنعم بالوداد
د

يلا قولى الشاعر و الملحن منو
و الجائزه تذكره سفر لمدنى...:)

مبر محمود
08-05-2010, 11:17 AM
اللصوص !
اللصوص يا سمراء
كانوا هناك .. رأيتهم فرداً فرداً
يجلسون خلف عازف العود
ويسرقون الأغنيات مقطعاً تلو مقطع

http://sudaniyat.net/up/uploading/mana_aladb.mp3

إستمعى لخميرة ترويب العقول دا
وإتكرفي ريحة عودو
خدر بشير أحد عجائب دنيتنا السودانية

معنى الأدب والفطنة
فيك روح التمدن بادية . .. . وبادية !
سمراء يا لصة .. تحياتي

wadosman
08-05-2010, 11:24 AM
ونعم البدء يا سمراء ..
فيك شيء لله .. كما في صديقي أيمن شيئ لله ..
قال ليّ يا مواطن أنا بقيت أخاف منك عديل .. قلت ليه منو اليخاف من التاني .. أنا البضرب تلفون .. إنت أقعد لقط في النمر بس ..
الجابري إختيار القلب الرهيف .. من أجمل الأصوات الإذاعية لا سيما في طبقة القرار .. الشهادة قدمها المرحومان التيجاني مختار وعثمان الشفيع في ليلة ساهرة كنت ضيفاً ومضيفاً فيها ولم أضف شيئاً سوى متعة الأنس الوضيئ. أما في طبقة الجواب فيبرز الشفيع وإبن البادية كأفضل الأصوات .. وللأسف لم يتمتع أحد بملكة جواب الجواب من المغنين السودانين وهي من أصعب الطبقات الصوتية، وإن إقترب منها إبن البادية في مقطع "فنن لا ولا فنن ثم يتدلى منها إلى "هزني الوجد والشجن وفي الهوى قلبي إغترب"
أحب الإستماع لدى الجابري أغنية "حد يشعر بالسعادة " والتي تبرز فيها طبقة القرار لديه بوضوح ونقاء ممتعين.
شكراً سمراء وشكراً ود عثمان ..

لك التحيه اخ مواطن و ليك وحشه يااخى..

ما ذكرته صحيح مائه المائه و هذه مشكله يعانى منها كثير من الفنانين
الظهروا اليومين ديل و عندك مثلا عصام محمد نور و فرفور الاتنين عندهم
مشكله مع القرار و ذلك لطبيعه صوت الاتنين و هو التينور العالى...!!

الفنان الراحل ابو داوؤد عرف عنه انه ملك القرارات و الجوابات و ذلك للمدى
الوهيط الذى يتمتع به فى صوته الجميل...

شكرا ليك مره اخرى و نعود اليك ان شاء الله باغنيه حكمه والله و حكاايه..

تسلم..

سمراء
08-05-2010, 11:24 AM
يلا قولى الشاعر و الملحن منو
و الجائزه تذكره سفر لمدنى...:)

لو غيرته الجائزة ....بوريك looool
اها منتظراك

wadosman
08-05-2010, 11:28 AM
لو غيرته الجائزة ....بوريك looool
اها منتظراك

خلاص بدل تذكره البص..ليموزين..!!;)

wadosman
08-05-2010, 11:31 AM
بقن سؤالين...!

اها دى كتبها منو..؟؟ و لحنها منو..؟؟

و الجائزه كما هى...looool

http://sudaniyat.net/wadosman/uploading/glupi_almotiam.wma

سمراء
08-05-2010, 11:35 AM
اللصوص !
اللصوص يا سمراء
كانوا هناك .. رأيتهم فرداً فرداً
يجلسون خلف عازف العود
ويسرقون الأغنيات مقطعاً تلو مقطع
إستمعى لخميرة ترويب العقول دا
وإتكرفي ريحة عودو
خدر بشير أحد عجائب دنيتنا السودانية

معنى الأدب والفطنة
فيك روح التمدن بادية . .. . وبادية !
سمراء يا لصة .. تحياتي

الله عليك ياكبير اللصوص ياخ
يامبر خدر بشير ده كوم برااااهو ...اى اغنيه عندو ليها طريقه مختلفه
زول جميل بصورة ماعادية ...
هو كمان برضو من الناس المافى زول بقدر يقلدو ...حتى محمد ولدو انا بعتبرو مشوه لاعمال ابوهو رحمو الله ....تسلم ياخ
وياريت المزيد

وبصفه خاااااااصة .....الاوصفوك ...بحبها موووووووت بصوتو

wadosman
08-05-2010, 05:46 PM
اها لمن نمشى المطار و نشوف اخبار التونسيه دى تصل متين..؟؟!:rolleyes:

غايتو يا مريخاب الليله الله يكون فى عونكم...looool

wadosman
08-05-2010, 11:04 PM
المريخ ركب التونسيه...:)

تانى توبه الواحد يدخل ليهو كوره...:mad:

غايتو جنس حجاره و جنس فليق....قال صفوه..قال..:confused:

عبدالعزيز خطاب
09-05-2010, 12:58 AM
الله عليك ياكبير اللصوص ياخ
يامبر خدر بشير ده كوم برااااهو ...اى اغنيه عندو ليها طريقه مختلفه
زول جميل بصورة ماعادية ...
هو كمان برضو من الناس المافى زول بقدر يقلدو ...حتى محمد ولدو انا بعتبرو مشوه لاعمال ابوهو رحمو الله ....تسلم ياخ
وياريت المزيد

وبصفه خاااااااصة .....الاوصفوك ...بحبها موووووووت بصوتو

شنو الثغااااااااله دي يا سموره يا أموره

أدينا معاك فرسسسسسسسسسسه ننزل ليك من بيت الكبد زاته وكمان البنكرياس

سعال بالله

إنت دفعت الإيتيم بتاعك :confused:looool

بوستك في السلك والله

عمو لزيز

نبراس السيد الدمرداش
09-05-2010, 01:16 AM
رغم انو بوست غير موفق نوهااااااااااااااائي
لكن
تقعد في ركن البورد و تسمع

نادر السماني
09-05-2010, 01:24 AM
رغم انو بوست غير موفق نوهااااااااااااااائي
لكن
تقعد في ركن البورد و تسمع

عالم سِمِّيْعَة

سمراء
09-05-2010, 07:01 AM
سعال بالله
إنت دفعت الإيتيم بتاعك :confused:looool
بوستك في السلك والله
عمو لزيز

اها دى السغالة زاااااااته ياعمو لزيز انت :D
داير كمان تركبنى مع الانتيم بتاعى ده فى سرج واحد !!
انت عارف انا ولدونى يوم شنو بالنسبة ليهو ؟ يوم الحكومة شختت ليهو وشتت برة ;)

ماتضربو برستيجنا الفنى بالله ورانا لسه مشاريع

سمراء
09-05-2010, 07:03 AM
رغم انو بوست غير موفق نوهااااااااااااااائي
لكن
تقعد في ركن البورد و تسمع

اااااخ انا من الحسس لمن يتكسر ...وينكر looool
يابت جرى بنبرك ساكت ...وجمبك صندوق المناديل راقد

سمراء
09-05-2010, 07:04 AM
عالم سِمِّيْعَة

عليك الله هسع دى شكلتها كيف بالله !!

ثم انها فى رواية اخرى ....نبذ عديل كده :D

نادر السماني
09-05-2010, 07:20 AM
عليك الله هسع دى شكلتها كيف بالله !!

ثم انها فى رواية اخرى ....نبذ عديل كده :D

خليك مع الرواية الأولى
صباح الخير والنقرشة

سمراء
09-05-2010, 07:25 AM
خليك مع الرواية الأولى
صباح الخير والنقرشة


صباح النور والدندشة ..
صباح البنفسج ....
ياخ برضو لو الواحد لقى ليهو كورس بتاع تشكيل ...مابطال معاهو looool

جانيت
09-05-2010, 07:30 AM
جيت لقيت باب الغرام فاتح دخلت






كان معاه الكاميرا الخفية gooodgooodgoood
بس كدة شرب المقلب زي البوست المتيم ده

نادر السماني
09-05-2010, 07:35 AM
صباح النور والدندشة ..
صباح البنفسج ....
ياخ برضو لو الواحد لقى ليهو كورس بتاع تشكيل ...مابطال معاهو looool

والنور مشتاقين ليه
الشدة : سلوك تكافلي ذو أبعاد استعراضية في جوانبه وهي (تبديل مع حرف الذال في اعلى يسار اللوحة ) وبفتح التاء (شدَّتْ ) لعبة وتسمى (حرْينا ) .
وحصتي أم قوش بدأت فنقف الآن ونواصل لاحقا .

سمراء
09-05-2010, 07:37 AM
جيت لقيت باب الغرام فاتح دخلت


جنو صباحاتك بنفسج ..... انت اقعدى كل ماتلقى باب فاتح اتحشرى لمن تبقى عليك
بس اوعك تكونى شربتى من شراب الريد looool
سجمك بتتسممى

جانيت
09-05-2010, 07:43 AM
جنو صباحاتك بنفسج ..... انت اقعدى كل ماتلقى باب فاتح اتحشرى لمن تبقى عليك
بس اوعك تكونى شربتى من شراب الريد looool
سجمك بتتسممى

صباحاتك فرح يا حبيبة
انت ما قريتي الكاميرا الخفية دي
طلع مقلب بعدين ماما قالت لي ما اي حاجة يدوك ليها تشربيها:p
تصدقي كان قاصده شراب الريد :D
بت يا خرمجة من غير ريد بتقدري تعيشي :eek:

wadosman
09-05-2010, 11:48 AM
بالله كتروا المناديل للمواطن...;)

http://sudaniyat.net/wadosman/uploading/al_s3ada.wma

سمراء
09-05-2010, 12:33 PM
بالله كتروا المناديل للمواطن...;)
[align=center]


المواطن براهو ياخ ؟ ماكلنا مع المواطن فى خندق واحد :D
بس عليك بالاكسترا كلينكس

عصمت العالم
09-05-2010, 12:45 PM
الرائعه سمراء

فى كثر من الاوقات..
حين يطش الخيال
ويسرح فى غيابات الزمن
يستجدى ويستهدىويتوسل
فى انين الاحتياجات الوجدانيه
حين يتمدد الحزن فى رعش الاحساس
وترف الدمعه الحرى فى العيون
ويشترك البكاء والنواح فى سوناتا
الاسى
بترتد وتتردد كل الاوجاع وهى تصرخ فى جنون
تسال ؟؟
ويحتار السؤال؟؟
ولعل الاغنيه قد همست فى صراخها
وهى تصف تلك الحاله..

حد يشعربالسعاده
ويمشى يختار البعاد

واحكى احكى لى
قصة غرامك
كيف بديت حبك زمان
وكيف بديت كيفن بديت؟؟

ولو كنت بتعاند الاحبه؟؟؟
سؤال مجروح الخاطر؟؟


سمراءالرائعه
انه وحيح الوجج
وبكاء العذاب
سيدتى
لك السحر وجمال الاسحار
وقيد الامنيات البيض

مبر محمود
09-05-2010, 05:11 PM
الأوصفوك "بالعود" غلبني ألقاها تب
عندي تسجيل ليها بالعود في جهازي، لكن الصوت فيهو ضعيف بالحيل .
عموماً .. لا عليك، نشوف ليك تعويض ..

...

عمك مصطفى بطران آ سمراء ؟
أحد نُجباء شعر الحقيبة
كتب أُغنية "اطرد الأحلام يا جميل وأصحى"
وأردف عليها بكتابة " قوم بينا نلاقي مناظر، تفرح وتسر الخاطر" .
أغنيتان يأخذأنك معهما فلا تعود أبداً !
صدقاً يا سمراء .. فكثيراً ما يتم إختطافنا بواسطة لحن .

http://sudaniyat.net/up/uploading/gom bina.wma

wadosman
09-05-2010, 08:41 PM
و ظهور منافس قوى يا سمراء


اها عليك تزيدى العداد و تظبطى العشا...:rolleyes:

مجدي مسعد حنفي
10-05-2010, 08:32 AM
الله يسامحك ياسمراء وانت ياود عثمان
حسه انا قمت من الصباح قلت افتح المنتدى يمكن افك حالة الاكتئاب
العندي لقيت البوست دا والمصيبه اني وصلت للصفحه الاخيره وياريتني
ماوصلت لاني سمعت الجابري وهو بيقول حد يشعر بالسعاده .......
وبدل مايخف الاكتئاب زاد :(:confused::mad:

wadosman
10-05-2010, 09:20 PM
وين ست البوست...؟!:confused:

سمراء
10-05-2010, 09:24 PM
سمراءالرائعه
انه وحيح الوجج
وبكاء العذاب
سيدتى
لك السحر وجمال الاسحار
وقيد الامنيات البيض

انه بالفعل استاذنا عصمت وحيح وانين
ووجع يخترق الدواخل ويجعلنا نفترش الحزن وشاح
ونتكى على امل خائب قد لا يحين

وتسلم من كل بلاء استاذنا

سمراء
10-05-2010, 09:29 PM
عمك مصطفى بطران آ سمراء ؟
أحد نُجباء شعر الحقيبة
كتب أُغنية "اطرد الأحلام يا جميل وأصحى"
وأردف عليها بكتابة " قوم بينا نلاقي مناظر، تفرح وتسر الخاطر" .
أغنيتان يأخذأنك معهما فلا تعود أبداً !
صدقاً يا سمراء .. فكثيراً ما يتم إختطافنا بواسطة لحن .
[/align]

مبر حقيقه امتعتنى بهذا اللحن البسيط وعميق فى نفس اوقت !!
ياخ الناس ديل رغم انهم فى زمن كانت الوسائط محدودة وشكل الحياة عموما ...الا انهم اساطين فى مجال الكلمة الذكية والعبارة الانيقه واللحن الجميل ...
ابداع بالجد
يلا ارح كمل جميلك

سمراء
10-05-2010, 09:31 PM
و ظهور منافس قوى يا سمراء


اها عليك تزيدى العداد و تظبطى العشا...:rolleyes:

اها ده شكلو كلام زوغه عدييييييييل كدا !!
ود عثمان كلنا هنا فى خدمة الوطن الفؤاد ....فكن كما عهدتك
ارح

سمراء
10-05-2010, 09:34 PM
الله يسامحك ياسمراء وانت ياود عثمان
حسه انا قمت من الصباح قلت افتح المنتدى يمكن افك حالة الاكتئاب
العندي لقيت البوست دا والمصيبه اني وصلت للصفحه الاخيره وياريتني
ماوصلت لاني سمعت الجابري وهو بيقول حد يشعر بالسعاده .......
وبدل مايخف الاكتئاب زاد :(:confused::mad:

مجدى الشفيف ..والله لكن بالجد اغانى تقطع القلب القاسى
الجابرى ده يامجدى عندو طريقه واداء بتشبهو براهو ...بالزات فى الاغنية دى تحديدا
احساس عميق
اقعد عافية وسامحنا

wadosman
10-05-2010, 09:37 PM
اها ده شكلو كلام زوغه عدييييييييل كدا !!
ود عثمان كلنا هنا فى خدمة الوطن الفؤاد ....فكن كما عهدتك
ارح

غايتو الاوصفوك دى الا بعشوه كاااربه.....:rolleyes:

wadosman
10-05-2010, 09:45 PM
الله يسامحك ياسمراء وانت ياود عثمان
حسه انا قمت من الصباح قلت افتح المنتدى يمكن افك حالة الاكتئاب
العندي لقيت البوست دا والمصيبه اني وصلت للصفحه الاخيره وياريتني
ماوصلت لاني سمعت الجابري وهو بيقول حد يشعر بالسعاده .......
وبدل مايخف الاكتئاب زاد :(:confused::mad:

الاخ مجدى...

لك التحيه و التقدير و انت صاحب الذوق الرفيع

شكرا ليك كتير و راحتك بالكامل يا حبيب...

سمراء
10-05-2010, 09:48 PM
غايتو الاوصفوك دى الا بعشوه كاااربه.....:rolleyes:

غدوة كيف looool؟؟؟
ياخ العشاء حرق .....ود عثمان مشتاقين
اها بعد الاوصفوك ممكن اطلب ؟

دايرة اغنية

مانيسناك جاى تعمل ايه معاا بعدما ودرتنا

wadosman
10-05-2010, 09:55 PM
غدوة كيف looool؟؟؟
ياخ العشاء حرق .....ود عثمان مشتاقين
اها بعد الاوصفوك ممكن اطلب ؟

دايرة اغنية

مانيسناك جاى تعمل ايه معاا بعدما ودرتنا
عشاك قنعانين منو و برضو ولا مشتاقين ولا عثمان مصطفى زاتو...;)

غايتو عملا لى الله هاك الاوصفوك..

http://sudaniyat.net/wadosman/uploading/al_aosfok.wma

سمراء
10-05-2010, 10:06 PM
عشاك قنعانين منو و برضو ولا مشتاقين ولا عثمان مصطفى زاتو...;)

غايتو عملا لى الله هاك الاوصفوك..

][/align]

بالله عليك الله شفتة الاغنية دى كيف !!
انت عارف انا سمعتها من مجموعة فنانين منهم ابن البادية ...بس تصدق ماعجبتنى
الا عند خضر بشير !!

الزول ده عندو طريقه فى التطريب بتحدا بيها اى انسان ..

اها عشان ماتحرد ساى ...رايك شنو اعشيك زغنى :D
والله دى الا زغنى

wadosman
10-05-2010, 10:13 PM
بالله عليك الله شفتة الاغنية دى كيف !!
انت عارف انا سمعتها من مجموعة فنانين منهم ابن البادية ...بس تصدق ماعجبتنى
الا عند خضر بشير !!

الزول ده عندو طريقه فى التطريب بتحدا بيها اى انسان ..

اها عشان ماتحرد ساى ...رايك شنو اعشيك زغنى :D
والله دى الا زغنى

الاغنيه دى طبعا حصلت فيها شمطه لى رب السماء بين ود الباديه
و محمد خضر بشير...المهم ما علينا و مافى داعى ندخل فى التفاصيل
و اتفق معااك انها عند خضر بشير عندها طعم و نكهه خاصه جدا...

يا زوله زغنى نص الليل...يعنى بعدين الواحد ينوم كيف..؟؟؟
دى شكلها زوغه عديل كدا...المهم الفيك اتعرفت...:mad:

سمراء
10-05-2010, 10:22 PM
الاغنيه دى طبعا حصلت فيها شمطه لى رب السماء بين ود الباديه
و محمد خضر بشير...المهم ما علينا و مافى داعى ندخل فى التفاصيل
و اتفق معااك انها عند خضر بشير عندها طعم و نكهه خاصه جدا...

يا زوله زغنى نص الليل...يعنى بعدين الواحد ينوم كيف..؟؟؟
دى شكلها زوغه عديل كدا...المهم الفيك اتعرفت...:mad:

ود البادية شكلو اتسلبط فيها ....صاح
وبعدين بصراحه محمد خضر داير يسترزق على حساب تاريخ ابوهو ..بس للاسف خسر
لانو بشوه فى تاريخ ابوهو بترديدو لاغانيه
يعنى الناس ديل اخير ليهم يتهجرو ويخلو الزول ده لى اغانيه براااهو

الزغنى القال ليك بحمى النوم منو كمان ؟؟ طبعا وراهو طوالى كاس زبادى
تفتش ليهو فى بطنك ماتلقاهو
اللهم الا الشطة دى غايتو :D

wadosman
10-05-2010, 10:29 PM
ود البادية شكلو اتسلبط فيها ....صاح
وبعدين بصراحه محمد خضر داير يسترزق على حساب تاريخ ابوهو ..بس للاسف خسر
لانو بشوه فى تاريخ ابوهو بترديدو لاغانيه
يعنى الناس ديل اخير ليهم يتهجرو ويخلو الزول ده لى اغانيه براااهو

الزغنى القال ليك بحمى النوم منو كمان ؟؟ طبعا وراهو طوالى كاس زبادى
تفتش ليهو فى بطنك ماتلقاهو
اللهم الا الشطة دى غايتو :D

ياخى دا فيلم طويل و حكايه ما ليها نهاايه ابدا
غايتو قانون الملكيه الفكريه الجديد و حقوق ايه ما عارف كلها خلقت مشاكل
بين الفنانين و الملحنين و الشعراء..
الكثير من ابناء الشعراء شايلين دفاترهم و قاعدين جمب اتحاد الفنانين
و يلا الاغنيه الفلانيه بالشى الفلانى و القصه اصبحت تجاره عديل كدا..

المهم ما علينا..

سمراء
10-05-2010, 10:33 PM
ياخى دا فيلم طويل و حكايه ما ليها نهاايه ابدا
غايتو قانون الملكيه الفكريه الجديد و حقوق ايه ما عارف كلها خلقت مشاكل
بين الفنانين و الملحنين و الشعراء..
الكثير من ابناء الشعراء شايلين دفاترهم و قاعدين جمب اتحاد الفنانين
و يلا الاغنيه الفلانيه بالشى الفلانى و القصه اصبحت تجاره عديل كدا..

المهم ما علينا..

كيف ماعلينا !!!
ياخ كان كدى انا عندى عمى زمان فنان والله ...حقو امشى اشوف حقو وين :D
من الصباح اكان كدى بتلقانى متفنه جمب المصنفات ...
رزق الهبل على المجانين قالو looool

wadosman
10-05-2010, 10:38 PM
كيف ماعلينا !!!
ياخ كان كدى انا عندى عمى زمان فنان والله ...حقو امشى اشوف حقو وين :D
من الصباح اكان كدى بتلقانى متفنه جمب المصنفات ...
رزق الهبل على المجانين قالو looool

الزوله الاسمها آيات شغاله فى الملكيه الفكريه
بس اعملى ليها توكيل و ما تنسى تقاسمينا معااااااااااااك...;)

حافظ اسماعيل احمد
10-05-2010, 10:41 PM
السلام عليكم ودعثمان وسمراء
كيف اخباركم
قلتو لي توزيعة راس اثنين بس مش كدة
شكوها ووزيعوها من جديد داير عشرة واحدة عشان نعسان

يلا ودعثمان ( مالك مجافي الناس عايش براك في غربة ) لمحمود علي الحاج

الايامات الغربة حاااااااااااااااااااااااااااارة

wadosman
10-05-2010, 10:45 PM
السلام عليكم ودعثمان وسمراء
كيف اخباركم
قلتو لي توزيعة راس اثنين بس مش كدة
شكوها ووزيعوها من جديد داير عشرة واحدة عشان نعسان

يلا ودعثمان ( مالك مجافي الناس عايش براك في غربة ) لمحمود علي الحاج

الايامات الغربة حاااااااااااااااااااااااااااارة

يا زول بننزلك على اسكور سمراء اصلها قربت تحرق...;)


كيفك يا حبيب..؟؟ و طلباتك مجابه يا مشوار سمحنا..

سمراء
10-05-2010, 10:50 PM
السلام عليكم ودعثمان وسمراء
كيف اخباركم
قلتو لي توزيعة راس اثنين بس مش كدة
شكوها ووزيعوها من جديد داير عشرة واحدة عشان نعسان

يلا ودعثمان ( مالك مجافي الناس عايش براك في غربة ) لمحمود علي الحاج

الايامات الغربة حاااااااااااااااااااااااااااارة

حافظ ازيك ياخ وابقى مارق :D
قلت جاى وقايلو مايطلبه المساهرين ؟؟ لالالا وحاتك ده حصرى للعود وبس
شوف امرق بى باقى فتتك دى وارجانى بهناك عشان نجيب ليك طلبك الجميل

وبعدين ده منو المجافيك ده ؟؟....كور عليك ياحافظ والله مابتستاهل looool

حافظ اسماعيل احمد
10-05-2010, 10:52 PM
سمراء شنو الزول دا غلبك كدا ووداك المصنفات الادبية
لكن بيني وبينك لعاب
انا قلت بالغنية دي يطلع من السالب جراني خمسين

سمراء
10-05-2010, 10:54 PM
يا زول بننزلك على اسكور سمراء اصلها قربت تحرق...;)


كيفك يا حبيب..؟؟ و طلباتك مجابه يا مشوار سمحنا..

:eek::eek::eek:

هوى اسكور شنو ؟؟؟ انت نسيت انو البوست ده حق شنو ؟
ياخ داك بتاع السهر لمايطلبه المشاهدون

ود عثمان ماتجوبك لى بوستينى الموجه ده ياخ looool

سمراء
10-05-2010, 10:55 PM
سمراء شنو الزول دا غلبك كدا ووداك المصنفات الادبية
لكن بيني وبينك لعاب
انا قلت بالغنية دي يطلع من السالب جراني خمسين

يغلب منو ؟
والله ده يغلب روحو بس looool
هسع انا لحد الان مجرراهو خمسينين :D

wadosman
10-05-2010, 10:58 PM
سمراء شنو الزول دا غلبك كدا ووداك المصنفات الادبية
لكن بيني وبينك لعاب
انا قلت بالغنية دي يطلع من السالب جراني خمسين

اتاريك يا حافظ يا اخوى داخل فوق رأى
سمراء دى حرقت و حرّقت العشا زااتو...looool
غايتو احسن تشوف ليك حيطه تانى تتكل عليها....goood

حافظ اسماعيل احمد
10-05-2010, 11:02 PM
حافظ ازيك ياخ وابقى مارق :D
قلت جاى وقايلو مايطلبه المساهرين ؟؟ لالالا وحاتك ده حصرى للعود وبس
شوف امرق بى باقى فتتك دى وارجانى بهناك عشان نجيب ليك طلبك الجميل

وبعدين ده منو المجافيك ده ؟؟....كور عليك ياحافظ والله مابتستاهل looool

والله كويس انت تتعشي بالاوصفوك ونحن نتعشي بالفتتوك
عليك الله هسي انتي مشتاقة لي كم نفر هنا بس ما تذكري زول
عشان ما تتلومي ( تبقي الملامة علي , ياحبي زي كأنك ملام ياسلام عليك ياسلام , ومابلومكم )

حافظ اسماعيل احمد
10-05-2010, 11:10 PM
اتاريك يا حافظ يا اخوى داخل فوق رأى
سمراء دى حرقت و حرّقت العشا زااتو...looool
غايتو احسن تشوف ليك حيطه تانى تتكل عليها....goood

وزع وزع العشاء دا زماااااااااااااااااااااااااان كان في مطبخ سمسم بطلع بدري
اول مرة اشوف سهرة بدون عشا سمراء الحقي الرز قبلي ناس المصنفات يغقفلو
شنو ياودعثمان رجع الجوكر دا وجيب لينا الغنية شايفك

wadosman
10-05-2010, 11:19 PM
وزع وزع العشاء دا زماااااااااااااااااااااااااان كان في مطبخ سمسم بطلع بدري
اول مرة اشوف سهرة بدون عشا سمراء الحقي الرز قبلي ناس المصنفات يغقفلو
شنو ياودعثمان رجع الجوكر دا وجيب لينا الغنية شايفك

هههههههههه

شكلك موكح شديد يا زول

خلاص خليك قريب..بجيب ليك الاغنيه حالا

بس لازم تقول لينا المجافيك دا منو..؟؟؟ عشان عندنا معاهو كلاااام كتير..;)

wadosman
10-05-2010, 11:38 PM
يلا يا حاافظ...امسك الدريكسون دا...:)

http://sudaniyat.net/wadosman/uploading/malk_mogafi_alnas.wma

wadosman
16-05-2010, 12:41 AM
اهل الدار...؟؟:confused:

wadosman
16-05-2010, 12:45 AM
ابو امنه حامد...ما نسيناااك..

سارة
16-05-2010, 12:55 AM
حتى الطيور بتوالف ما بعيش وحيد عصفور
ماشى الزمان والناس ان دار زمانهم دور

wadosman
16-05-2010, 01:02 AM
حتى الطيور بتوالف ما بعيشر وحيد عصفور
ماشى الزمان والناس ان دار زمانهم دور

;)

زولك طلب مالك مجافى الناس...و عييييييك

سارة
16-05-2010, 01:04 AM
;)

زولك طلب مالك مجافى الناس...و عييييييك


gooodgoood بكون شالتو نومة

wadosman
16-05-2010, 01:08 AM
gooodgoood بكون شالتو نومة

gooodgoood

تلاته يوم..؟؟!:confused:

سمراء
16-05-2010, 07:45 AM
ابو امنه حامد...ما نسيناااك..

صبااااااااااااااااااااااحك ياود عثمان اريتو صباحى ..
تجديد هواء ، ومناظر طبيعه خلاااااابة ..تقول لى الخرطوم بلد السموم الله يقرفه ياخ
غايتو حاولنا نخزن اكبر كميه بتاعه مناظر جوانا .

اها يلا مانسيناك ...والاهداء ليك انت شخصيا وسرورة حبيبتى
وحافظ يمتنع عن الدخول والاستمتاع :D

منتصر محمود حامد
16-05-2010, 08:18 AM
http://sudaniyat.net/up/uploading/rafeea.wma


صباحك زين سمراء..

سمراء
16-05-2010, 08:23 AM
صباحك زين سمراء..

منتصر صباحك شوق والله
وكيف الاخبار بعد الغيبة الطويلة دى ؟

وتشكر على الالق الصباحى ياجميل

سمراء
16-05-2010, 08:49 PM
ود عثمان وينك يافنان !!

شنو يعنى الليلة ننوم ساى بث ؟

wadosman
16-05-2010, 10:33 PM
صبااااااااااااااااااااااحك ياود عثمان اريتو صباحى ..
تجديد هواء ، ومناظر طبيعه خلاااااابة ..تقول لى الخرطوم بلد السموم الله يقرفه ياخ
غايتو حاولنا نخزن اكبر كميه بتاعه مناظر جوانا .

اها يلا مانسيناك ...والاهداء ليك انت شخصيا وسرورة حبيبتى
وحافظ يمتنع عن الدخول والاستمتاع :D

و الدنيا ليل.....!!!:confused:

wadosman
16-05-2010, 10:35 PM
ود عثمان وينك يافنان !!

شنو يعنى الليلة ننوم ساى بث ؟

شايف الصفحة راااابه....looool

wadosman
16-05-2010, 10:36 PM
ما نسيناااك....!!

http://sudaniyat.net/wadosman/uploading/ma_nisinak.wma

نبراس السيد الدمرداش
17-05-2010, 01:26 AM
قلبي غافر ليك ذنوبك
سيبو بس تنشف جراحو

تسلم يا فنان

سمراء
17-05-2010, 07:40 AM
ما نسيناااك....!!




ما نسيناك
ابو آمنة حامد
أحمد الجابري
-- ----------
مانسيناك جاي تعمل إيه معانا بعد ما بدلتنا
وماسقيناك أحلي ما في عمرنا
من عواطف مالقيناك جاي تعمل أيه؟
الرهيف قلبو بعيش في شكه اكثر من يقينو
تستبيهو نظرة جارحة وتحترق بالحب سنينو
قلبو عايش في العيون الشاربة من حبو وحنينو
وناكرة حتي إنو إنسان يسعي لي قلبي يعينو
ماكفاهو العذاب الهو فيهو ليه تزيد الأمو اكتر
وليه عينو العمرها ماخانتك تبكي تسهر
وليه توشح فجرو بالأحزان بعد ماقلبو نور
اضحي جرح الفرقة في قلبو الحزين من حبو أكبر
قلبي غافر ليك ذنوبك سيبو بس تنشف جراحو
الحنين العايش لحبك بت تسخر من نواحو
سيبو مرة يغسل احزانو بالأمل يشرق صباحو
وكيف يطير لعشو عصفور منكسر مكسور جناحو

A.A.ALI
17-05-2010, 01:01 PM
الأوصفوك "بالعود" غلبني ألقاها تب
عندي تسجيل ليها بالعود في جهازي، لكن الصوت فيهو ضعيف بالحيل .
عموماً .. لا عليك، نشوف ليك تعويض ..

...

عمك مصطفى بطران آ سمراء ؟
أحد نُجباء شعر الحقيبة
كتب أُغنية "اطرد الأحلام يا جميل وأصحى"
وأردف عليها بكتابة " قوم بينا نلاقي مناظر، تفرح وتسر الخاطر" .
أغنيتان يأخذأنك معهما فلا تعود أبداً !
صدقاً يا سمراء .. فكثيراً ما يتم إختطافنا بواسطة لحن .

http://sudaniyat.net/up/uploading/gom bina.wma



الزول الغنااااااااااااااااااااااى دا عبدالرحيم سليمان

سمراء
17-05-2010, 01:07 PM
الزول الغنااااااااااااااااااااااى دا عبدالرحيم سليمان

استاذنا A.A.ALI الف حمدلله على سلامتك وكفارة ماتشوف شر
وياريت تدينا نبذة عن عبد الرحيم سليمان دا لو امكن

مشكور

سمراء
17-05-2010, 09:56 PM
اناقه الحرف وجزالة الصوت مع دندنة الوتر
تجعلنا نحلق فى عوالم من الجمال ونحن نعيشها لحظة بلحظة مع ملك الوتر
الانسان الراحل المقيم الجابرى

ود عثمان ماذلنا ننتظر فيضك لهذا الانيق .......و

هات يازمن
جيب كل احزانك تعال جيب المحن

Dr. Mohammed Hassan
17-05-2010, 10:02 PM
http://server8.sm3na.com/789/Sm3na_com_haneni_leek.rm

سمراء
17-05-2010, 10:15 PM
حنينى اليك وليل الغربة ابكانى
ما اروعك دكتورنا الشفيف محمد حسن

ابكيتنى وانا فى غربتى وسط اهلى

wadosman
17-05-2010, 10:22 PM
فيها عشا ولا ما فيها..؟؟؟!!

بعدين نتفاااهم...:rolleyes:

فيصل سعد
17-05-2010, 10:27 PM
فيها عشا ولا ما فيها..؟؟؟!!

بعدين نتفاااهم...:rolleyes:

شرحو، عشاء و تحلية
و ببسي و توصيلة،
و اوفرتايم كمان :D:D

سمراء
17-05-2010, 10:29 PM
فيها عشا ولا ما فيها..؟؟؟!!

بعدين نتفاااهم...:rolleyes:

العشاء حايكون شراكة ياخ

كوارع من حاجه سكينة رايك شنو ؟looool

wadosman
17-05-2010, 10:29 PM
شرحو، عشاء و تحلية
و ببسي و توصيلة،
و اوفرتايم كمان :D:D

كلك عقل يا ملك

رش الحوش علينا و كدا...:rolleyes:

سارة
17-05-2010, 10:30 PM
عشونا معاكم يا جماعة الخير

سمراء
17-05-2010, 10:31 PM
شرحو، عشاء و تحلية
و ببسي و توصيلة،
و اوفرتايم كمان :D:D



سيدا جا goood
سيدا جا goood

وينك ياباذخ ووين ايامك ياخ ليك وحشة

اها الليلة غايتو بنزيدالعشاء شوية :D
زغنى للبازخ

سمراء
17-05-2010, 10:32 PM
عشونا معاكم يا جماعة الخير

سرورة ياخ تعالى ساعدينى بالسلطة
والشطوط
السهرة شكلها حاتكون غير
ارح

wadosman
17-05-2010, 10:34 PM
عشونا معاكم يا جماعة الخير

خلاص يا سروره حقك محفوظ

اها سمك من عوضيه كيف..؟؟ احسن ليك من كوارع سكينه..looool

غايتو اخر زمن...الاكل كلو بقى باسامى النسوان...:confused:

wadosman
17-05-2010, 10:36 PM
اها هااكم الشطه دى...ان شاء الله ما تنوموا زااتو...:cool:

http://sudaniyat.net/wadosman/uploading/hoog_alriah_aoud1.wma

سمراء
17-05-2010, 10:39 PM
اها هااكم الشطه دى...ان شاء الله ما تنوموا زااتو...:cool:
[align=center]


الله يسامحك ياجابرى حى وميت
ويسامحك ياود عثمان

غايتو الله فى

فيصل سعد
17-05-2010, 10:43 PM
سيدا جا goood
سيدا جا goood

وينك ياباذخ ووين ايامك ياخ ليك وحشة

اها الليلة غايتو بنزيدالعشاء شوية :D
زغنى للبازخ

و دي ليكم انت
و سارة و نبراس
و جانيت و هيفائنا،
خاصة و خالصة و مختصة ..

http://sudanyat.org/agani2/eljabri_3oud_foaadi.WMA

و ارقدوا عافية ..

الأغبش
17-05-2010, 10:44 PM
الحفله دي انتهت وللا الكراسي المجدعه دي باقي شكله وتاني بتدور ..



الحفله طبعا مش الشكله

سارة
17-05-2010, 10:57 PM
الحفله دي انتهت وللا الكراسي المجدعه دي باقي شكله وتاني بتدور ..



الحفله طبعا مش الشكله

غبوش كيفنك آزول

والله مشتاقيييييييييييييييييييين

ود عثمان ياخ انت بقيت زول كعب كعوبية شديدة خلاس

شنو كلو يوم تجيب لينا عشاء بالسطور وتخلينا مصارينا تكورك:mad::mad:

سارة
17-05-2010, 10:58 PM
ود سعد يا قلب

انت يا يابا تتعلى ما تتدلى

wadosman
17-05-2010, 11:01 PM
غبوش كيفنك آزول

والله مشتاقيييييييييييييييييييين

ود عثمان ياخ انت بقيت زول كعب كعوبية شديدة خلاس

شنو كلو يوم تجيب لينا عشاء بالسطور وتخلينا مصارينا تكورك:mad::mad:

سألتو عن فؤادى....اجابنى ماهو عارف

شفتى تحليه ود سعد كيف..!

الأغبش
17-05-2010, 11:10 PM
غبوش كيفنك آزول

والله مشتاقيييييييييييييييييييين

ود عثمان ياخ انت بقيت زول كعب كعوبية شديدة خلاس

شنو كلو يوم تجيب لينا عشاء بالسطور وتخلينا مصارينا تكورك:mad::mad:

سروره ... بالأكتر والله


كدي خلي حفله الجماعه ديل وجري ليك كرسي علي جمبه كده وتعالي نطق الحنك ..

wadosman
18-05-2010, 10:31 PM
؟؟؟؟؟!

اهل الدار..؟!:confused:

سارة
18-05-2010, 11:00 PM
ياريت والله يا غبوش

مشتاقة لى ونسة وشاى مغربية لبنو مقنن

ود عثمان كيفنك يا زول

wadosman
18-05-2010, 11:08 PM
ياريت والله يا غبوش

مشتاقة لى ونسة وشاى مغربية لبنو مقنن

ود عثمان كيفنك يا زول

سروره...ازيك ياخى

اها العشا على منو.؟؟؟:confused:

نبراس السيد الدمرداش
18-05-2010, 11:08 PM
و دي ليكم انت
و سارة و نبراس
و جانيت و هيفائنا،
خاصة و خالصة و مختصة ..

تسلم يا حبوب
و بصوت الجابري كمان
ربنا يديك لما يرضيك

ود عثمان
ازيك
غايتو ورطتك في العشاء بهناك مع حسين

سرور
رايك شنو في شاي مع لقيمات في حوشنا
اهلي بسلموا عليك وامي بتسال منك

حافظ
وينك مختفي ؟؟

wadosman
18-05-2010, 11:10 PM
ود عثمان
ازيك
غايتو ورطتك في العشاء بهناك مع حسين



نبراس...

كيفك..؟؟

حسين دا بتاع بابا حسين...؟:confused:

wadosman
18-05-2010, 11:13 PM
الليله السهره مع زيدان و بالعود بس...

اها كيف معااكم..؟؟;)

نبراس السيد الدمرداش
18-05-2010, 11:14 PM
نبراس...

كيفك..؟؟

حسين دا بتاع بابا حسين...؟:confused:


بدون خرخره
بابا حسين
بابا كوستا
بابا نويل
بابا يارو
بابا غنوج
بابا يوحنا
اي بابا في البابوات ديل
الليله العشاء عليك

wadosman
18-05-2010, 11:15 PM
ما حصل فارقتو دربك.....!!

http://sudaniyat.net/wadosman/uploading/fargto_drbak.wma

wadosman
18-05-2010, 11:16 PM
الليله العشاء عليك

و شلت املى على السراااب...:rolleyes:

سارة
18-05-2010, 11:18 PM
تسلم يا حبوب
و بصوت الجابري كمان
ربنا يديك لما يرضيك

ود عثمان
ازيك
غايتو ورطتك في العشاء بهناك مع حسين

سرور
رايك شنو في شاي مع لقيمات في حوشنا
اهلي بسلموا عليك وامي بتسال منك

حافظ
وينك مختفي ؟؟

عليك دينك تبوسى لى امك فى راسها وتقولى ليها دى من سارة

نبراس السيد الدمرداش
18-05-2010, 11:20 PM
و شلت املى على السراااب...:rolleyes:


اسي كان ما خرخار
في سراب نص الليل
والله الا دي شمسا هايم بيها براك

اهم حاجه تجيب لينا كنوز محبه

wadosman
18-05-2010, 11:22 PM
اهم حاجه تجيب لينا كنوز محبه


دى بالذات الا بـــ زغنى...looool

نبراس السيد الدمرداش
18-05-2010, 11:28 PM
عليك دينك تبوسى لى امك فى راسها وتقولى ليها دى من سارة

عيوني يا ست البنات


دى بالذات الا بـــ زغنى...

بس كدا جدا
ليك علي احلى اكلة زغني
بس الحساب عليك ;)

wadosman
18-05-2010, 11:29 PM
و عملا لله دا لينك للحفظ:

لينك للحفظ و الاستماااع (http://sudaniyat.net/wadosman/uploading/fargto_drbak.wma)

wadosman
18-05-2010, 11:30 PM
بس كدا جدا
ليك علي احلى اكلة زغني
بس الحساب عليك ;)


كدا انا تماام معااى

اها نظام الفنان زيدان كيف..؟؟؟looool

نبراس السيد الدمرداش
18-05-2010, 11:36 PM
كدا انا تماام معااى

اها نظام الفنان زيدان كيف..؟؟؟looool

انا قدرتي الزغني
زيدان دا نمشي بيهو على وجيده بغادي
ولا نشوف ليهو شامبيون

wadosman
18-05-2010, 11:39 PM
انا قدرتي الزغني
زيدان دا نمشي بيهو على وجيده بغادي
ولا نشوف ليهو شامبيون

والله وجيده دى حيرتنا زاااتو...;)
امشى شوفى عملت لينا شنو فى الابيض ضميرك...looool


رايك شنو زيدان نوديهو للحلبى رأفت..؟؟:cool:

wadosman
18-05-2010, 11:42 PM
ساره دا عملتى ليها شنو..؟؟؟:)
ما تكون مشت على الفنانين بهنااك...:rolleyes:

نبراس السيد الدمرداش
18-05-2010, 11:46 PM
والله وجيده دى حيرتنا زاااتو...;)
امشى شوفى عملت لينا شنو فى الابيض ضميرك...looool


رايك شنو زيدان نوديهو للحلبى رأفت..؟؟:cool:

وجيده تحير بلد
قلبتو بيره خالي كحول و سااااااااقطه

والله صدق بنفع معاهو يكيفوا كيف
و نتكيف نحن سمع

نبراس السيد الدمرداش
18-05-2010, 11:47 PM
ساره دا عملتى ليها شنو..؟؟؟:)
ما تكون مشت على الفنانين بهنااك...:rolleyes:

ما تستبعد
اصلها بتاعت مريسة و لقيماتlooool

wadosman
18-05-2010, 11:50 PM
ما تستبعد
اصلها بتاعت مريسة و لقيماتlooool

شيلى شيلتك معااها...:o


طيب ما تشوفى لينا بت هاشم بجاى
اليومين رافعه قزاز فى العلالى...;)

wadosman
18-05-2010, 11:52 PM
كنوز محبه..

http://sudaniyat.net/wadosman/uploading/kinooz_muhba.wma

نبراس السيد الدمرداش
18-05-2010, 11:54 PM
شيلى شيلتك معااها...:o


طيب ما تشوفى لينا بت هاشم بجاى
اليومين رافعه قزاز فى العلالى...;)

انا و السرور بنتفاهم
اصلنا شربناها سوا في قندهار

بت هاشم دي
نكلم الحبوب فيصل يندها
و فاقده عيوني زول looool

نبراس السيد الدمرداش
18-05-2010, 11:56 PM
تتعلى ما تتدلى
الباشمهندس الفنان

wadosman
19-05-2010, 12:00 AM
انا و السرور بنتفاهم
اصلنا شربناها سوا في قندهار

بت هاشم دي
نكلم الحبوب فيصل يندها
و فاقده عيوني زول looool

بتكون سامعه و....


بالله فيصل دا فى الليل ما تناكقيهو لينا
اصلو بيكون لابس الكرفته...:)

نبراس السيد الدمرداش
19-05-2010, 12:02 AM
بتكون سامعه و....


بالله فيصل دا فى الليل ما تناكقيهو لينا
اصلو بيكون لابس الكرفته...:)

كرفته خالي كحول
ولا النظام شنو

سارة
19-05-2010, 12:04 AM
والمريسة واللقيمات مالن ؟؟عيبن شنو؟؟؟؟

ود عصمان :mad::mad:

سيبو دربى خلاس كفاية

wadosman
19-05-2010, 12:12 AM
كرفته خالي كحول
ولا النظام شنو

صاحبك قاعد مع الاسد بهنااك...goood

wadosman
19-05-2010, 12:14 AM
والمريسة واللقيمات مالن ؟؟عيبن شنو؟؟؟؟

ود عصمان :mad::mad:

سيبو دربى خلاس كفاية

ههههههههه

ياخى انا واقف فى صفك

اخر الجزا...:rolleyes:

نبراس السيد الدمرداش
19-05-2010, 12:17 AM
صاحبك قاعد مع الاسد بهنااك...goood

ياخ حيرتوا الاشبال

عبدالله وداعه الامين
19-05-2010, 12:17 AM
والمريسة واللقيمات مالن ؟؟عيبن شنو؟؟؟؟

ود عصمان :mad::mad:

سيبو دربى خلاس كفاية

ياخ ذكرتيني نكتة الحلفاوي المسخوت :D

قال:
والله في شغلتين ماجابوهم لينا الا الفلاتا ديل :D
الكندكة ورمضان goood


اعرفي الاولى يا ثرورة العرورة وليك جائزة :D

وكان ماعرفتيها من دربي دا مفارق دربك:D

سارة
19-05-2010, 12:21 AM
ياخ ذكرتيني نكتة الحلفاوي المسخوت :D

قال:
والله في شغلتين ماجابوهم لينا الا الفلاتا ديل :D
الكندكة ورمضان goood


اعرفي الاولى يا ثرورة العرورة وليك جائزة :D

وكان ماعرفتيها من دربي دا مفارق دربك:D


اسمها الفندكة يا كرور وانتوا وكت لقيتو زول يهديكم لى رمضان

كمان عندكم نفس

وانا زمان خليتو دربك

ود عثمان دابقى جن رمرمة يقوم من صحن فول يقع

فى حلة كوارع

سارة
19-05-2010, 12:22 AM
ياخ حيرتوا الاشبال



اخير الاسد من راجل عواطف

wadosman
19-05-2010, 12:23 AM
;)ياخ ذكرتيني نكتة الحلفاوي المسخوت :D

قال:
والله في شغلتين ماجابوهم لينا الا الفلاتا ديل :D
الكندكة ورمضان goood


اعرفي الاولى يا ثرورة العرورة وليك جائزة :D

وكان ماعرفتيها من دربي دا مفارق دربك:D


ابو عبده..

كيفك..؟؟

جيت فى الوقت المناسب...اصلى من قبيل واقف بين يافطتين..;)

wadosman
19-05-2010, 12:25 AM
ود عثمان دابقى جن رمرمة يقوم من صحن فول يقع

فى حلة كوارع

قلتى لى الفندكه يعنى شنو...؟؟goood

نبراس السيد الدمرداش
19-05-2010, 12:29 AM
;)

ابو عبده..

كيفك..؟؟

جيت فى الوقت المناسب...اصلى من قبيل واقف بين يافطتين..;)

والله اليافطتين ديل
احسن ليك
وقول نبراس قالت

عوبد مساءك خير

قبل ننوم شوف لينا بقيت ظالم
looool

wadosman
19-05-2010, 12:30 AM
اها يا سروره دى مخصوص عشاانك...

http://sudaniyat.net/wadosman/uploading/akon_frhan.wma

سارة
19-05-2010, 12:38 AM
والله اليافطتين ديل
احسن ليك
وقول نبراس قالت

عوبد مساءك خير

قبل ننوم شوف لينا بقيت ظالم
looool


قولى ليهوlooool

عليك امان الله يافطتن يتصوروا بيناتن

قادر الله



يختى ود عثمان دا زمان ما كان شرانى كدى؟؟؟؟؟

اوعى يكونوا ادوهو الجماعةgooodgooodgoood

سارة
19-05-2010, 12:41 AM
نشكركم على الاهداء ونعلن هدنة من اتجاه واحدlooool

wadosman
19-05-2010, 12:44 AM
قولى ليهوlooool

عليك امان الله يافطتن يتصوروا بيناتن

قادر الله



يختى ود عثمان دا زمان ما كان شرانى كدى؟؟؟؟؟

اوعى يكونوا ادوهو الجماعةgooodgooodgoood

هههههههههه

انا هين

صاحبى دى اختفى سريع كدا مالو...وديتوهو وين..؟؟؟
فندكتوهو ولا شنو..؟؟looool

عبدالله وداعه الامين
19-05-2010, 12:44 AM
ودي عشان نبروسة كيتا لي ناس كدا :p


وزهور تملا دنياي بي الاماني تفوح



http://sudaniyat.net/up/uploading/begeet-salim.wma

http://sudaniyat.net/up/uploading/begeet-salim.wma


و غريب انا غير اهلي
قلبا حزين مجروح
وحيد مجروح

نبراس السيد الدمرداش
19-05-2010, 12:44 AM
قولى ليهوlooool

عليك امان الله يافطتن يتصوروا بيناتن
قادر الله
يختى ود عثمان دا زمان ما كان شرانى كدى؟؟؟؟؟
اوعى يكونوا ادوهو الجماعةgooodgooodgoood

يبرى و يستبرا ودعثمان
من الجماعه
فوقو النبي

بشاغل فينا ساي

wadosman
19-05-2010, 12:45 AM
نشكركم على الاهداء ونعلن هدنة من اتجاه واحدlooool

هدنه ما فيها عشا ما شغاله معاانا....:)

عبدالله وداعه الامين
19-05-2010, 12:47 AM
نبروسة شكيتك لي الله ياخ



ياخ مالك علي عليك الله
و الوداني اسمع كلامك واسمع الاغنية دي شنو؟ :(

نبراس السيد الدمرداش
19-05-2010, 12:48 AM
يخليك و يديك لما يرضيك يا عوبد

ود عثمان
لا اله الا الله
محمد رسول الله
قبيييييييييييييل قلت ليك العشاء عليك
كان خايف تلحق عاطف راجل هويدا
اشتري لينا جاهز

wadosman
19-05-2010, 12:48 AM
يبرى و يستبرا ودعثمان
من الجماعه
فوقو النبي

بشاغل فينا ساي

يا سلااام عليك

و برضو نعلن الهدنه من جانبنا...;)

wadosman
19-05-2010, 12:50 AM
يخليك و يديك لما يرضيك يا عوبد

ود عثمان
لا اله الا الله
محمد رسول الله
قبيييييييييييييل قلت ليك العشاء عليك
كان خايف تلحق عاطف راجل هويدا
اشتري لينا جاهز

اها سيره عااطف تانى جات..:mad:

مافى عشا ليكم الليله...looool

عبدالله وداعه الامين
19-05-2010, 12:50 AM
هههههههههه

انا هين

صاحبى دى اختفى سريع كدا مالو...وديتوهو وين..؟؟؟
فندكتوهو ولا شنو..؟؟looool

والله يا ود عتمان يا ذوق لو فندكوني كان احسن

انا لله من زيدان دا ياخ
وبقيت ظالم دي


انت عارف
طلبتا نبراس
وبدل ما اجيبها سمعتها مرتين حتى جبت ليكم باقيها
وهسه وشي يلعن ....

ياخ الغنا البتفطع في الحشى دا بوجع

عبدالله وداعه الامين
19-05-2010, 12:51 AM
انا العشا جاهز
بس والله زيدان مرقو لي من نفسي بي بقيت ظالم دي

wadosman
19-05-2010, 12:52 AM
والله يا ود عتمان يا ذوق لو فندكوني كان احسن

انا لله من زيدان دا ياخ
وبقيت ظالم دي


انت عارف
طلبتا نبراس
وبدل ما اجيبها سمعتها مرتين حتى جبت ليكم باقيها
وهسه وشي يلعن ....

ياخ الغنا البتفطع في الحشى دا بوجع

ياخى البوديك لجهة الاغانى الزى دى فى الليل شنو
انا شفت طلب نبراس و طنشت منها

الزول دا كتب هوج الريااح و تذكار عزيز واها بعد كدا
الجواب يكفيك عنوانو...

نبراس السيد الدمرداش
19-05-2010, 12:53 AM
يا عوبد
طول بالك
لسه ما زال في جراب زيدان الكتير
رايك شنو في قلبك ليه تبدل

خلاص نحن قبل نتشاكل
و نكسر كراسي الناس
نعلنها هدنه جماعيه

wadosman
19-05-2010, 12:55 AM
اصلو قالوا الاتبلبل يعوم...يلا زى ما تجى تجى:mad:

http://sudaniyat.net/wadosman/uploading/bintasf.wma

سارة
19-05-2010, 01:05 AM
هسى الواحد حس الجوعة والحالة البقى فيها بعد شغلتكم دى

كان اشتكاكم لى الله ما خاتى عليكم



يا ود عثمان بقيت ظالم نسيت النــــــــــــــــــــــــــــــــــاس

عبدالله وداعه الامين
19-05-2010, 01:07 AM
يا ود عثمان قالوا البباري اليافطات واحد من 2

يادقشتو عربية وفرمتو :D

ويا صنقع وبقى مباري المكتوب فوق ويلقط في الورقgoood



عشان كدا
الخلاء ولا اليافط الفسل:D

نبراس السيد الدمرداش
19-05-2010, 01:09 AM
هوي تصبحو على خير
ود عثمان دا نوى على الحفله

سجن سجن غرامه غرامه

عبدالله وداعه الامين
19-05-2010, 01:09 AM
هسه الواحد يجيب قزازتو ويقعد يبكي معاكم
واللا الراي شنو؟

سارة
19-05-2010, 01:10 AM
يا ود عثمان قالوا البباري اليافطات واحد من 2

يادقشتو عربية وفرمتو :D

ويا صنقع وبقى مباري المكتوب فوق ويلقط في الورقgoood



عشان كدا
الخلاء ولا اليافط الفسل:D

يا كرور امشى اتخمت احسن ليك:mad::mad:

عبدالله وداعه الامين
19-05-2010, 01:13 AM
يا كرور امشى اتخمت احسن ليك:mad::mad:

هوووي ها مالك؟


جبتيني هنا انتي واللا جابوني رجليني؟
اسمها اتخمد يا فلاتا هوي :mad:

نبراس السيد الدمرداش
19-05-2010, 01:14 AM
هسه الواحد يجيب قزازتو ويقعد يبكي معاكم
واللا الراي شنو؟


يا عوبد اسي ود عثمان ينكت ليك
داوي ناري
صندوق ما يحلك خلي قزازة

عبدالله وداعه الامين
19-05-2010, 01:17 AM
يا عوبد اسي ود عثمان ينكت ليك
داوي ناري
صندوق ما يحلك خلي قزازة

يا نبراس
انا عندي 500 قيقا اغاني وفديوهات
يعني كل العندو او اغلبو عندي
بس الفي قزازتي كلكم ما عندكم :D


عشان كدا احسن لي قزازتي ياخ وما تغشيني:D

نبراس السيد الدمرداش
19-05-2010, 01:20 AM
يا نبراس
انا عندي 500 قيقا اغاني وفديوهات
يعني كل العندو او اغلبو عندي
بس الفي قزازتي كلكم ما عندكم :D

عشان كدا احسن لي قزازتي ياخ وما تغشيني:D

الاداك يدينا
ما تشوف صاحبتك معاك طيب
looool

wadosman
19-05-2010, 01:22 AM
ههههههههههههه

فى شنو..؟؟؟؟؟


غايتو سمراء بكره تلقى البص وصل بربر خلاص....goood

عبدالله وداعه الامين
19-05-2010, 01:22 AM
الاداك يدينا
ما تشوف صاحبتك معاك طيب
looool

والله تامري يا نبراس
عاوزة 500 قيقا ملانا اغاني
واللا عاوزة الاغاني بس؟


اتدللي ونحنا نطيع

wadosman
19-05-2010, 01:24 AM
هسى الواحد حس الجوعة والحالة البقى فيها بعد شغلتكم دى

كان اشتكاكم لى الله ما خاتى عليكم



يا ود عثمان بقيت ظالم نسيت النــــــــــــــــــــــــــــــــــاس

سروره انتى مشيتى على وجيده ولا شنو..؟؟؟

مش كان احسن ليك عااطف...looool

سارة
19-05-2010, 01:25 AM
هووى ها انا شغالة سبعة صباحا شكيتكم
يلا العفو والعافية

wadosman
19-05-2010, 01:28 AM
امتهان...قبل النوم...looool

http://sudaniyat.net/wadosman/uploading/imthan.wma

نبراس السيد الدمرداش
19-05-2010, 01:29 AM
والله تامري يا نبراس
عاوزة 500 قيقا ملانا اغاني
واللا عاوزة الاغاني بس؟


اتدللي ونحنا نطيع

انا كنت مضربه على القاروره(القزازه)

عبدالله وداعه الامين
19-05-2010, 01:33 AM
انا كنت مضربه على القاروره(القزازه)



لا لا كدا انتي خاشة على طمع

ياخ قالوا رفقا بي القوارير
ورفقا بي قارورتي دي ياخ

الشراكة في كل شيء الا هي

اديناك عرض ومحدود قبل ما نغير راينا :D

سمراء
19-05-2010, 07:16 AM
صباح الدندنه والنعنشه من حيث أتت ,
وصباح الناس الحلوة البتشرح القلب ,
وصباحكم انتو ...صباح العافية للميرود
وصباح القهوة للخرمان

وصباحى ....ياهو انتو ديل
صباح البنفسج ، والناس البنفسج

ديشكم كلكلم يا الساهرتو وخليتونى :D

ود عثمان زيدان ده غلبك تنظرنى بيهو ؟

سمراء
19-05-2010, 07:37 PM
ود عثمان الجميل ماذلنا خلف خط الافق ننتظر سفنك الراحلة شنو الليله العشاء ده يبور ساى :D

wadosman
19-05-2010, 11:15 PM
ود عثمان الجميل ماذلنا خلف خط الافق ننتظر سفنك الراحلة شنو الليله العشاء ده يبور ساى :D

اها جينا...:)

wadosman
19-05-2010, 11:26 PM
شنو يعنى عاملين فيها تقال...؟؟!:cool:

هسى نقوم نقلبها حفله عذابه...looool

نبراس السيد الدمرداش
19-05-2010, 11:40 PM
شنو يعنى عاملين فيها تقال...؟؟!:cool:

هسى نقوم نقلبها حفله عذابه...looool

ود عثمان كيفنك
شنو يعني الهرشه دي

wadosman
19-05-2010, 11:41 PM
ود عثمان كيفنك
شنو يعني الهرشه دي

نعمل ليكم شنو..؟

وين صااحبتك..؟؟ مشت على وجيده ولا شنو..؟؟:)

wadosman
20-05-2010, 11:25 AM
البوست بقى فى الدلاله ولا شنو..؟؟!looool

سمراء
20-05-2010, 11:39 AM
البوست بقى فى الدلاله ولا شنو..؟؟!looool

لالالالالا دلالة شنو ياحبة !
البوست ده عاوزين ننافس بيهو فى مهرجان الثقافه الجاى فى
وين ياربى حايكون :confused:
يلا ارح واصل وبطل الغلبة والكسل

wadosman
20-05-2010, 01:12 PM
لالالالالا دلالة شنو ياحبة !
البوست ده عاوزين ننافس بيهو فى مهرجان الثقافه الجاى فى
وين ياربى حايكون :confused:
يلا ارح واصل وبطل الغلبة والكسل

يا زوله الليله لو ما فيها زغنى
و مويه سااااقطه...:( ما جاايين كلو كلو...;)

سمراء
20-05-2010, 01:15 PM
يا زوله الليله لو ما فيها زغنى
و مويه سااااقطه...:( ما جاايين كلو كلو...;)

متأكد يازول !!ابنجو ؟
ولا ما اضبح ديكى ساى على الرهاب ....
اصلو فضل واحد :D

wadosman
20-05-2010, 01:18 PM
متأكد يازول !!ابنجو ؟
ولا ما اضبح ديكى ساى على الرهاب ....
اصلو فضل واحد :D

الديك و عرفناهو

عندكم تلاجه للمويه السااقطه ولا ما عندكم..؟؟!:)

سمراء
20-05-2010, 01:25 PM
الديك و عرفناهو

عندكم تلاجه للمويه السااقطه ولا ما عندكم..؟؟!:)

لو داير خط بث مباشر طوالى ...عندنا
يعنى نركب ليك خرطوش مباشر

انت بس جيب التلج وتعال :D

نبراس السيد الدمرداش
20-05-2010, 01:39 PM
مويه فاضيه
ولا شفافه يا ود عثمان
عشان نحدد موقفنا من السهره

wadosman
20-05-2010, 01:40 PM
لو داير خط بث مباشر طوالى ...عندنا
يعنى نركب ليك خرطوش مباشر

انت بس جيب التلج وتعال :D

خلاص ما عندنا مشكله
عليك بالملوخيه...:p

wadosman
20-05-2010, 01:42 PM
للناس العندها سمااعات...goood

http://sudaniyat.net/wadosman/uploading/liah_kul_alazab.wma

wadosman
20-05-2010, 01:43 PM
مويه فاضيه
ولا شفافه يا ود عثمان
عشان نحدد موقفنا من السهره

مويه بيضاء

انت يا لابيض ضميرك...;)

نبراس السيد الدمرداش
20-05-2010, 01:50 PM
مويه بيضاء

انت يا لابيض ضميرك...;)

يا زول معناها سهرتنا ظابطا
كتر من التلج بس

عود لينا يا ليل الفرح

سمراء
20-05-2010, 02:00 PM
يا زول معناها سهرتنا ظابطا
كتر من التلج بس

عود لينا يا ليل الفرح

نيبو انا يوم داك طالباك كيك وحاجات جمبو كتااار كده
جيبيهم لى معاك يافردة :D
مامعروف يمكن الزغنى مايزبط

wadosman
20-05-2010, 10:59 PM
ليه كل العذاب..؟ ليه كل الالم..؟!

بزرع فى المحبه.. و حصاادى العشم..!!

سارة
20-05-2010, 11:10 PM
لو تعرف ياظالــــــــــــــــــــــم بحبك قدر ايه

ديشكم كلكم

سمراء
20-05-2010, 11:14 PM
ليه كل العذاب..؟ ليه كل الالم..؟!

بزرع فى المحبه.. و حصاادى العشم..!!

قالو البهوا دائما ياما يشوف كتير
وشفتة غلاوتو عندك وحبيت الالم

انت اظنك بعد زرعته ماسقيت الزراعه ياود عثمان :D

مساءك جميل

wadosman
20-05-2010, 11:16 PM
لو تعرف ياظالــــــــــــــــــــــم بحبك قدر ايه

ديشكم كلكم

سروره غشت وجيده و جاتنا

الليله شكلها سهره مدنكله...:rolleyes:

wadosman
20-05-2010, 11:18 PM
قالو البهوا دائما ياما يشوف كتير
وشفتة غلاوتو عندك وحبيت الالم

انت اظنك بعد زرعته ماسقيت الزراعه ياود عثمان :D

مساءك جميل

سمراء...

نحن ناس ملح و ملاحات سااكت
غايتو البنقدر عليهو بنخت ليكم فيه شويه يود...looool
يمكن الجرح يبرأ...

عذب و زيد عذاابك يا سلطان زماانك...!!
والله كلاااااااااااام...

نبراس السيد الدمرداش
20-05-2010, 11:18 PM
كل ما اجيك داني كايس لحنانك
تبعد مني تقسى و تذيد الالم

نبراس السيد الدمرداش
20-05-2010, 11:22 PM
نيبو انا يوم داك طالباك كيك وحاجات جمبو كتااار كده
جيبيهم لى معاك يافردة :D
مامعروف يمكن الزغنى مايزبط

جدا يا فرده
و بظبط ليك الزغني
بس انتي شوفي لي موضوع المويه السااااااااقطه
و التلج

wadosman
20-05-2010, 11:23 PM
كل ما اجيك داني كايس لحنانك
تبعد مني تقسى و تذيد الالم

و لو سالونى ليه..؟؟

هلا نبراس...

سمراء
20-05-2010, 11:27 PM
جدا يا فرده
و بظبط ليك الزغني
بس انتي شوفي لي موضوع المويه السااااااااقطه
و التلج


عليك الله بعد الشفناهو الليله ده ...موش لينا حق كان شربنا !!
موية ساااااااااااااااااااااااااااااقطة :D
اححححححححححح ياخ يانيبو قلبى واجعنى شديد يا اخية

سارة
20-05-2010, 11:29 PM
كل ما اجيك داني كايس لحنانك
تبعد مني تقسى و تذيد الالم

دى واجعانى وجع فى قلبى

نبروسة يا عسل شكرا على التلفون

يس القى فرقة بكلمك


ود عثمان يسعد مساك


سمورة حبيبة فلبى اين انتى

سمراء
20-05-2010, 11:29 PM
لو تعرف ياظالــــــــــــــــــــــم بحبك قدر ايه

ديشكم كلكم

سرورة حبيبة القسا
مشتااااااااااااااااااااااااااااااقه ليك ياخ
وينك يا ام الفرح

فاقداك

wadosman
20-05-2010, 11:31 PM
من العياار التقيل..!!

http://sudaniyat.net/wadosman/uploading/aziz_doniaia.wma

سمراء
20-05-2010, 11:41 PM
الف رحمة ونور على الرائع ابراهيم عوض
والف رحمة ونور علينا نحن زااااااتنا

و

وبهرب منك وبحاول من اجلك انسى
امهد ليك تتخلص منى
القى خطاى تجمعنى معاك
ولو تعرف عائش على عطفك وكل حياتى من املاكك

wadosman
20-05-2010, 11:46 PM
الف رحمة ونور على الرائع ابراهيم عوض
والف رحمة ونور علينا نحن زااااااتنا



و الصحه و العاافيه للشاعر الملحن الطاهر ابراهيم
الذى اثرى مكتبه الغناء السودانى بالجميل من الاغنيااات...

نبراس السيد الدمرداش
20-05-2010, 11:55 PM
فعلا من العيار الثقيل
و ثقيل جدا جدا

بس
بهرب منك

مبر محمود
21-05-2010, 12:00 AM
آ ناس مساءتكم زينة

عندي غنية مصاحباني الأيامات دي
دندنات وتر الا معاها حبة كمنجة وحبة إيقاع
غايتو سمراء لو أدتني الإذن بجيبها ليكم تب

سمراء
21-05-2010, 12:25 AM
آ ناس مساءتكم زينة

عندي غنية مصاحباني الأيامات دي
دندنات وتر الا معاها حبة كمنجة وحبة إيقاع
غايتو سمراء لو أدتني الإذن بجيبها ليكم تب

ياهلا مبر ومساءتك ندية
بديك الاذن بشرط واااااحد يامبر ! تمرق لى الكمنجات دى برة وتخلى شاسى ساى :D
والعود يكون اساسى !
ولو قلبك تعمل كده وحرقك شديد ...خلاص جيبو يازول -نسوى شنو عاد قلته حبة بس;)

wadosman
21-05-2010, 12:27 AM
فعلا من العيار الثقيل
و ثقيل جدا جدا

بس
بهرب منك

يلا طيب حركوا لينا العشا
الجوع قتلنا يااخى....:mad:

سمراء
21-05-2010, 12:30 AM
يلا طيب حركوا لينا العشا
الجوع قتلنا يااخى....:mad:

العشاء ماراح مع ديكى الضبحتو لى خالك بهناك داك :Dكنا عاوزين نزبط الزغنى ونعزم فيصل سعد الباذخ :D
هسع حيرتنى الا اجيب لى كيك من (عااااااااااااااطف ) انستر بيهو قدامك
غايتو جنس جووووعة لكن !!

نبراس السيد الدمرداش
21-05-2010, 12:39 AM
العشاء ماراح مع ديكى الضبحتو لى خالك بهناك داك :Dكنا عاوزين نزبط الزغنى ونعزم فيصل سعد الباذخ :D
هسع حيرتنى الا اجيب لى كيك من (عااااااااااااااطف ) انستر بيهو قدامك
غايتو جنس جووووعة لكن !!

يا سمراء بالله ما تزعلي الفنان
خلينا نستمتع بالسهره
اسي كان حرد السهره نقبل وين
اوع تجي بهناك عند عوبد
لانك شترا

بعدين سيرة عاطف دي بتلبش ود عثمان

wadosman
21-05-2010, 12:39 AM
العشاء ماراح مع ديكى الضبحتو لى خالك بهناك داك :Dكنا عاوزين نزبط الزغنى ونعزم فيصل سعد الباذخ :D
هسع حيرتنى الا اجيب لى كيك من (عااااااااااااااطف ) انستر بيهو قدامك
غايتو جنس جووووعة لكن !!

ولا اقول ليك شوفى حاجه من وجيده بهنااك
يمكن النعاس يطير من عيونا ديل...:rolleyes:

مبر محمود
21-05-2010, 12:41 AM
علاقتي بمحمود لم تكن علي ما يرام
الي أن صادفت صوتة يتسكع هنا

http://sudaniyat.net/up/uploading/Mhmod - Hat Lena Sbah.mp3

wadosman
21-05-2010, 12:43 AM
علاقتي بمحمود لم تكن علي ما يرام
الي أن صادفت صوتة يتسكع هنا




يخجل البدر...يخمد المصبااح


شغل جميل يااخى...

سمراء
21-05-2010, 12:46 AM
علاقتي بمحمود لم تكن علي ما يرام
الي أن صادفت صوتة يتسكع هنا


بالجد روعة يامبر ..انت عارف محمود ده خلى ليهو الحقيبة واتفرج !
انا شخصيا محمود بكيفنى لدرجة عالية جدا ، وبالزات اغنية ياعُمر..ابداع
شكرا يامبر على النفحه الباردة دى

wadosman
21-05-2010, 12:46 AM
يا سمراء بالله ما تزعلي الفنان
خلينا نستمتع بالسهره
اسي كان حرد السهره نقبل وين
اوع تجي بهناك عند عوبد
لانك شترا

بعدين سيرة عاطف دي بتلبش ود عثمان


ما قالوا ليكم عاطف دا راقد ليهو فوق رأى...:rolleyes:

wadosman
21-05-2010, 12:49 AM
و اخر اغنيه لزيدان...طبعا قبل النوم
و طبعا بعد دى خوه فرتق...كل يوم الواحد بايت القوا...:mad:

http://sudaniyat.net/wadosman/uploading/amli_alkabeir.wma

مبر محمود
21-05-2010, 12:50 AM
شكرا يامبر على النفحه الباردة دى

شكراً يا سمراء لإستثنا الكمنجة والسماح لها بالدخول

سمراء
21-05-2010, 12:52 AM
و اخر اغنيه لزيدان...طبعا قبل النوم
و طبعا بعد دى خوه فرتق...كل يوم الواحد بايت القوا...:mad:
[align=center]


يازول الديك داك ماحمرناهو ورسلناهو ليك دليفرى ..ماوصلك ؟
يكون بتاع الموتر طشة ياربى looool

الله يخدر ضراع كيبوردك ياخ

وتصبحو ياحلوين بالف خير

نبراس السيد الدمرداش
21-05-2010, 12:53 AM
ما قالوا ليكم عاطف دا راقد ليهو فوق رأى...:rolleyes:

حليل جدي
هو راقد لمتين؟؟
خايفه رايو يكون كمل زاتو مع هويدا

سمراء
09-06-2010, 08:57 PM
مساء الجمال لكل الرائعين اصحاب المزاج العالى ...
الذين تهفو انفسهم الى دوزنات من ايقاع العود ...

معكم وبكم تحلى السهرة ...

وين ود عثمان :D

ود فداسي
09-06-2010, 09:16 PM
دا بنبري وهاااااااااااااااااااااااااااااااااااااادي قعده


الليله الا تجرو ،،،:p

سمراء
09-06-2010, 09:20 PM
دا بنبري وهاااااااااااااااااااااااااااااااااااااادي قعده


الليله الا تجرو ،،،:p

مرحب بيك ياشايقست ....وبركة الحفرة الطفوها عشان تمرق looool
اها هسع جيت جاهز للحفلة ؟
ولا جاى رمرمة ساى بث :D

____________
جاهز دى بخصوص معدات الحفلة اياها ديك ...وكده looool

ود فداسي
09-06-2010, 09:28 PM
مرحب بيك ياشايقست ....وبركة الحفرة الطفوها عشان تمرق looool
اها هسع جيت جاهز للحفلة ؟
ولا جاى رمرمة ساى بث :D

____________
جاهز دى بخصوص معدات الحفلة اياها ديك ...وكده looool

ياخ انا جاهز من العصر


ربوها ساي ولازم تعزمو

جميع انواع الحمام :D

سمراء
09-06-2010, 09:32 PM
ياخ انا جاهز من العصر


ربوها ساي ولازم تعزمو

جميع انواع الحمام :D

قاعدين نربها
والحمام بجى براهو :D

بس انت اقعد رااااائق

عكــود
09-06-2010, 09:36 PM
على سبيل التحيّة والسلام . .

ود فداسي
09-06-2010, 09:36 PM
قاعدين نربها
والحمام بجى براهو :D

بس انت اقعد رااااائق

انا كان بقدر اروق ما كان جبت

بنبري الشمش حيه :D


انا بمسك البارد عن عشان فيهو كسير تلج للحمام وكدا ;)


وش خدودو محمره

سمراء
09-06-2010, 09:40 PM
على سبيل التحيّة والسلام . .

هو نحن زاتو بنقدر نمخمخ لو انت مامريت ياصاحب الزوق العالى
اها حا اهديك بى دخلتك دى زول رائع واكيد حاتعجبك ...

اها تتخيلو منو ؟

عكود مساء الجمال عليك

عكــود
09-06-2010, 09:46 PM
يسعد لي ها المسا يا سمرا . . وتشكري على مجاملتك اللطيفة.

رغم إنّي كنت ناوي زوغة، لكن "هديّة من إيدِك مقبولة"
وأكيد البيجي منّك كلّو "ملاك وجميل".

سمراء
09-06-2010, 09:52 PM
انا كان بقدر اروق ما كان جبت
بنبري الشمش حيه :D
انا بمسك البارد عن عشان فيهو كسير تلج للحمام وكدا ;)
وش خدودو محمره

اها دى حركاتك الخلتهم يطفو الحفرة بدرى بدرى :D
قلنا ليك هنا فى روقاااااااااااان وطربانه صامته ياخ

بس ماعليك الا تجغم او تشفط وانت ساكت looool

سمراء
09-06-2010, 09:56 PM
رغم إنّي كنت ناوي زوغة، لكن "هديّة من إيدِك مقبولة"
وأكيد البيجي منّك كلّو "ملاك وجميل".




مالقيت احلى من دى يازعيم

http://www.albrkal.com/upload/uploads/anatmjroh.MP3

والزعيم بالعود

عكــود
09-06-2010, 10:08 PM
فلا هطلت عليّ ولا بأرضي سحائب لست تنتظم البلاد

الله يجيبك يا الجيلي و "الحب لهيب في الجوف"!

تسلمي يا "حوريّة في السودان"
ظبطتي مزاجي تمام، وتصبحوا على خير،
أبوديفيد ما بزيدو ولا بُنط!
خاصّة ساعة يكون تسجيل نضيف متل ده.

بالنسبة لي الأغاني السودانيّة تنقسم إلى قسمين . .
أغاني أبو داؤود، و
أغاني أخرى (مع الإعتذار للجميع)

ود فداسي
09-06-2010, 10:22 PM
يا ناس بالله دا الرابط بتاع الاغنية دي ممكن تنزلوها لينا هنا

غلبتني عديييييييييييييييييييييييييييييييييييييييييييل

http://www.youtube.com/watch?v=YXIixMgqTQk

سمراء
09-06-2010, 10:22 PM
تسلمي يا "حوريّة في السودان"
ظبطتي مزاجي تمام، وتصبحوا على خير،
أبوديفيد ما بزيدو ولا بُنط!
خاصّة ساعة يكون تسجيل نضيف متل ده.



بركة العجبتك وانا زاتى حقو اسقف بعد كلامك الفوق ده ياعكود ..
طبعا الان بسمع فى اغنية نسمات الشمال ابداااااااااع بصورة موبالغه
الزول ده انا بحبو بصورة مختلفه !!

بس زوغتك دى ماااااحبابه والله looool

مازال الليل طفلا يلهو

معتصم الحارث الضوّي
09-06-2010, 10:26 PM
عكود
معناها أنا وأنت في نفس الحزب :)

طلب خاص: زرعوك في قلبي بالعود.
مودتي

سمراء
09-06-2010, 10:30 PM
عكود
معناها أنا وأنت في نفس الحزب :)

طلب خاص: زرعوك في قلبي بالعود.
مودتي

الانيق معتصم مساء الجمال ....
وكلنا يبدو فى العشق ..ابو داؤود
وطلبك حاضر ان شاءالله
ابقى طيب

زول الله
09-06-2010, 10:44 PM
بالله الطرب دا كلللللو وانا طاشي ؟؟؟
غايتو ماعافي ليك كلو كلو يابت اللذينا
اطربينا وكلكلينا وطلعي زيت أبوأهلنا زاتو ياخ احححححححححح:(:(
بالله ختينا في الصف بتاعك وشوفي لينا من الاسطورة دا همسات من ضمير الغيب تطلع زيتي

انا لوضمنت رضاك اكون سعيد ممنوح يامن تسر رؤياك تفرح تنسي النوح ..
دا ماتلج .... دا دغريييي والرهيفة التنقد













اقول قولي هذا واستغفر الله لي ولهذه السمراء ...................

سمراء
09-06-2010, 10:50 PM
بالله الطرب دا كلللللو وانا طاشي ؟؟؟
غايتو ماعافي ليك كلو كلو يابت اللذينا
اطربينا وكلكلينا وطلعي زيت أبوأهلنا زاتو ياخ احححححححححح:(:(
بالله ختينا في الصف بتاعك وشوفي لينا من الاسطورة دا همسات من ضمير الغيب تطلع زيتي

انا لوضمنت رضاك اكون سعيد ممنوح يامن تسر رؤياك تفرح تنسي النوح ..
دا ماتلج .... دا دغريييي والرهيفة التنقد



اوووووووو الزول الغتيت شديد !
هسع عليك الله انت بتقل شنو عن الفطاحلة ديل قول لى !
اجرى بطل لوةلوة وجيب لينا طلباتنا الزمان ديك ..

لو مامزكرة نزكرك ....الجابرى ....مانسيناك !
اتزكرتها ولا عامل ميت براك looool
اقول قولي هذا واستغفر الله لي ولهذا الزول المرض ...................

معتصم الحارث الضوّي
09-06-2010, 11:04 PM
عسجدية الحرف سمراء
لك باقات التقدير وقلادات المودة.
أغرقونا بلا هوادة في فيوض أبو داوود، ففيها الانتقال من مقام إلى مقام أسمى وأعمق.

سمراء
09-06-2010, 11:54 PM
عسجدية الحرف سمراء
لك باقات التقدير وقلادات المودة.
أغرقونا بلا هوادة في فيوض أبو داوود، ففيها الانتقال من مقام إلى مقام أسمى وأعمق.

يبدو ان بط النت يريد ان يحرجنا مع اول طلب لك يا معتصم ..
ولكن لن نستسلم ، باذن الله ستهبط زخات مطر الطرب مع اول تباشير الفجر
وستنافس قهوتك الصباحية فى عدل المزاج ...

ونبقى مع الوعد باذن الله ...........