حنى يا دنيا واقبلى الأعذار

[سمراء]

خاينة يادنيا وظالمة يادنيا
قاسية يادنيا وشينة يادنيا
قلنا ننصبر لالا مابنقدر
الصبر قاسى والمحبة قدر


حنى يادنيا واقبلى الاعزار

http://www.albrkal.com/upload/uploads/abotalebb.mp3

قلنا للقمرة ماتسافرى من بكرة
ختى فى قلبو شتلة الزكرى

بمناسبة المود الكعب والحزن الابا يمرق من جواى ...ظالمة يادنيا
ابو طالب

[عصمت العالم]

العزيزه سمراء..

يبدو ان ابخرة شجو الشجن
قد احترقت.وسرحت انفاسها
وجعلت صراخ همسك يرتفع
وملآت ازمنة الكون....
............
انشاء الله المود....ينعدل.
وتبقى الصداقه قرابه...
ويقلب الى فرح مزركش وضى

[سمراء]

العزيزه سمراء..

يبدو ان ابخرة شجو الشجن
قد احترقت.وسرحت انفاسها
وجعلت صراخ همسك يرتفع
وملآت ازمنة الكون....
............
انشاء الله المود....ينعدل.
وتبقى الصداقه قرابه...
ويقلب الى فرح مزركش وضى

استاذنا الجميل عصمت

كنت دائما ، وماذلت اردد بان الحزن يأخذ اعز مالدينا !
وهاهو الان ياخذ منى الفرح ، والامل بغد اجمل ..

حزينة انا الان استاذى عصمت
وقلبى يدمى الم

لم استطع مقاومة اكثر من ذلك ..
تعبت من خداع الذات ولبس ، ثياب الفرح التى تخبى تحتها رماد لم تنطفى ناره
والتى تشتعل مع اول هبة نسمة فوق العادة ...

[مبر محمود]

ومن "حزن الحظ" أن السعادة حالة غير دائمة، والا لكنا سئمناها .
عموماً أنا متفائل بقرب قيام الساعة
وكل الذي أتمناه
أن لا يكون هنالك وقت بين موتي وبين القيامة يكفي لتحويلي الي إسفلت .

سمرا .. هنئاً لكِ بحزنك

[جيجي]

الله يغفر ليك من ضياع ريدنا:mad:
:mad:


يابت امي استغفري
حال الرجال:(

[سمراء]

ومن "حزن الحظ" أن السعادة حالة غير دائمة، والا لكنا سئمناها .
عموماً أنا متفائل بقرب قيام الساعة
وكل الذي أتمناه
أن لا يكون هنالك وقت بين موتي وبين القيامة يكفي لتحويلي الي إسفلت .

سمرا .. هنئاً لكِ بحزنك

انه بالفعل ( حظ الحزن ) ان نجعل من موسمه فرح بقرب الاخرة
الحزن يامبر يجعلنى ارى الاشياء (بحقيقتها) واحجامها الطبيعية ، كما انه يجلى دواخلى وينظفها من قاذورات الفرح الزائف ...
فلنحزن اذا ....
طالما هناك متسع فى الروح له ،،

ياريت القيامة تقوم ...الان !!

[سارة]

سمراء وضيوفها الكرام

عليكى امان الله
ومن (حزن الحظ) حقوق النشر للحبيب مبر من حزن الحظ انو ما عندنا حظ
ياخ ديشكم ياخ
العذاب ضقنا والشقى وعشنا


لكن حقى ما عافياهو كلو كلو:mad::mad:

[سمراء]

الله يغفر ليك من ضياع ريدنا:mad:
:mad:
يابت امي استغفري
حال الرجال:(

الحبيبة جيجى
كنت اتمنى ان يكون للرجال يد فى حزنى هذا ...
ولكن للاسف ليست لديهم مساحه تكفى ، لامنحهم جميل حزنى !!
حزنى من الدنيا نفسها ..!!
لانها تمارس معى شقاوة الاطفال فى سحب اشيائى !!
اليوم سحبت منى احساس غالى جدا ، وهو الفرح الذى اتستر به وكشفت عورة نفسى !!
امام نفسى التى هربت منها زمن ليس بالقليل ..

اليوم اكرهها بقدر مافعلت بى من قبل ...والان !
اكثر من ذى قبل !!

[أميرى]

تااااااااااااااااااااااااااااني

ــــــــ
يعني نحتوا مع الطربانة دي ولا نجهز مناديل ورق!!

[سمراء]

سمراء وضيوفها الكرام
عليكى امان الله
ومن (حزن الحظ) حقوق النشر للحبيب مبر من حزن الحظ انو ما عندنا حظ
ياخ ديشكم ياخ
العذاب ضقنا والشقى وعشنا
لكن حقى ما عافياهو كلو كلو:mad::mad:

سرورة حبية قساى وشريكة بلاى...ياقلب ابيض
ماتتخيلى محتاجه ابكى فى كتفك قدر شنو !!
موجوووووووووووعة اختك اليوم ياسرورة ...طفح الحزن والفرح فقد مقاومتو
وتعب من شيل الفرح والمرح الكاذب ..
الدنيا داهمتنى بوفاة شخص اقل مايقال صديق صدوق ياسرورة :o
من العملات النادرة ان تجد شخص يقترب منك ليحميك من نفسك اولا

بس بنقول الحمدلله

اخخخخخخخخ ياسرورة

[سمراء]

تااااااااااااااااااااااااااااني

ــــــــ
يعني نحتوا مع الطربانة دي ولا نجهز مناديل ورق!!

امشى جهز القهوة السادة احسن
الفراش ده لسع ما اترفع يا اميرى


__________________
اميرى اختك حزنانة شديد ....والحزن تعبنى بالجد ..مابقدر عليهو ياياسر !

[أميرى]

__________________
اميرى اختك حزنانة شديد ....والحزن تعبنى بالجد ..مابقدر عليهو ياياسر !

والله بغلبني اكتب كلام التعازي ديك
(قلبي ميت بعيد عنك )
بس عارفة حتعملي شنو مش؟

ـــــــ
مسح الله عنك كل أحزانك يا عسل

[سمراء]

بس عارفة حتعملي شنو مش؟

ـــــــ
مسح الله عنك كل أحزانك يا عسل

ايوة عارفه ...ومشيت ولفيت حول اسوار الفرح عشان اتاوق ليهو ..
لقيت اسوارو مكهربة ..والحراس صاحيين !!
مافى طريقه غير انى اوقف اللف حولو
وانتظر الفرج لما الحراس يتعبو !!

[مبر محمود]

بس عارفة حتعملي شنو

ما حتعمل شئ يا صديقي
هي فقط تحزن بصوت مرتفع
كي تطمئن بأن أوجاعها ما زالت بخير
وأن هنالك ما تحيا من أجله
فعلى الساده أصحاب القلوب الرقيقة
وضع كريمات المساء، وإلباس قلوبهم ملابس دافئه وإخراجها في نزهة
حتي لا تصاب بشرتها باي تجاعيد
وعلي الذين تقل أعمارهم عن ثلاثين جرحاً، مراعاة فارق الحزن

________
يا أميري أنا حزن سمرا دا إتبنيتو فياخ ما تفشلوا لينا

[أميرى]

ايوة عارفه ...ومشيت ولفيت حول اسوار الفرح عشان اتاوق ليهو ..
لقيت اسوارو مكهربة ..والحراس صاحيين !!
مافى طريقه غير انى اوقف اللف حولو
وانتظر الفرج لما الحراس يتعبو !!

حكمة الله يا سمراء الفرح حر بلا أسوار
دربك ساقك فجة الحزن و.......غشاك
والفرح يا سمراء الآن ينتظر عند أقرب ناصية علي بعد خطوتين من ابتسامة
ستأتي.....

ـــــــ
بس لو الحرس ناس الهدف ما أوعدك تجي

[Dr. Mohammed Hassan]

سمراء

استهدي واستغفري

ةعليك بي واحد ود عماري جيد

او

زيارة ليمونة في ود نوباوي

امرأة تبيع رحيق الذرة

[سمراء]

ما حتعمل شئ يا صديقي
هي فقط تحزن بصوت مرتفع
كي تطمئن بأن أوجاعها ما زالت بخير
وأن هنالك ما تحيا من أجله
________
يا أميري أنا حزن سمرا دا إتبنيتو فياخ ما تفشلوا لينا

ما اجمل من شخص يشاركك حزنك ، ويتبانهو
عارف يامبر من طفولتى ..ولحد الان بتحدى الحزن ، وبغير ليك معالمو
ففى اقسى لحظاتو ..بتلقانى مشغلة المسجل باعلى صوت ..واغنية ابعدما تكون عن الحزن وكانى بقول ليهو اها تدخل بى وين ؟
واستمرت معاى السخرية دى حتى الان ، بس للاسف احيانا كتيرة بشعر انو الاعصاب
ماعادت فى قوتها ولا شدها الطبيعى...
فتخزلنى فى احيان كتيرة ...
وهاهى الان تسرح وتمرح فى خيلاء بداخلى
"
"

ولكن ما اجمل الحزن حينما يأتيك بصديق صدوق
..
مبر هل تحتاج لتوكيل لتمارس ذلك التبنى ؟

..

[سمراء]

حكمة الله يا سمراء الفرح حر بلا أسوار
دربك ساقك فجة الحزن و.......غشاك
والفرح يا سمراء الآن ينتظر عند أقرب ناصية علي بعد خطوتين من ابتسامة
ستأتي.....

ـــــــ
بس لو الحرس ناس الهدف ما أوعدك تجي

ايوة ..

حكمة الحزن .......مطلوق !!
والفرح ......محروس !!

حكمة غريبة والله

وماذلت فى انتظار ملامح تلك الابتسامة يا اميرى

[سمراء]

سمراء

استهدي واستغفري

ةعليك بي واحد ود عماري جيد

او

زيارة ليمونة في ود نوباوي

امرأة تبيع رحيق الذرة

دكتورنا الانيق
لا الليمون الليله شفعت
ولا حتى العمارى بكون دواء عععععععععععععع

فقط هى امرأة الرحيق ربما تكون اجدى ..

ولكن اين الذرة ؟؟!!

[أميرى]

ما حتعمل شئ يا صديقي
هي فقط تحزن بصوت مرتفع
كي تطمئن بأن أوجاعها ما زالت بخير
وأن هنالك ما تحيا من أجله
فعلى الساده أصحاب القلوب الرقيقة
وضع كريمات المساء، وإلباس قلوبهم ملابس دافئه وإخراجها في نزهة
حتي لا تصاب بشرتها باي تجاعيد
وعلي الذين تقل أعمارهم عن ثلاثين جرحاً، مراعاة فارق الحزن


أخشي إنها لفت وجاءت متعبة وسكاكاتها تعني الحزن الآن
وأوجاعها يا صاحبي ستمر عليها ليلة قد تطول ولن تكون
النجوم حاضرة عندها وشكواها ستتبعثر مابينها و...بينها
والسادة اصحاب القلوب الرقيقة ربما تلزمهم رقاع دعوة
ليست بأسمائهم المعلومة ربما بأسماء أوجاع قادمة
شايفها؟؟؟
والذين تقل أعمارهم عن ثلاثين جرحا كما طلاب الطب قديما
حين كان يصدح المخاطب ناس المجمع بي جاي
والبنات وناس طب بي جاي
فهل نبت شارب الجراح هباء!!!

يا أميري أنا حزن سمرا دا إتبنيتو فياخ ما تفشلوا لينا

فسمه وأعدل عند تقسيم تركة الوجع
ودع لنا نصيب الحاضر فإن من حقه هدية

ثم
ووووووووب انا دخلني هنا شنو

[أميرى]

والله انا شبكتي طاشة شكلها
ياخ انا من قبيل فاكر البوست دة بتاع سارة
وبقول سمراء بترد على الناس مالها طيب

ـــــــ
شكيتكم علي الله

[مبر محمود]

مبر هل تحتاج لتوكيل لتمارس ذلك التبنى ؟
..

أنا رائي تطرحيهو في مزاد، والبدفع "حنين" أكتر يشيلو
وأنا زول نجيض في المزايدات، وأكيد حأرسيهو ليك علي أميري





الأن هو "أميري" وبعد المزاد سيتحول الي "تأبط حزناً"

[الرشيد اسماعيل محمود]

الحبيبة جيجى
كنت اتمنى ان يكون للرجال يد فى حزنى هذا ...
ولكن للاسف ليست لديهم مساحه تكفى ، لامنحهم جميل حزنى !!
!!
يعني طلعنا براءة..!!!
طيب في كان داعي للاعتقال التعسفي

[جيجي]

طب بطلي الردحي
واقعدي في الواطة دي وورينا انتي مالك بالتفصيل عشان نقوم ناول الطوب للجماعة البتبنوا ديل:D

[جانيت]

سمورة الامورة
انت كنتي مالك صحي


gooodgooodgooodgooodgoood



ابو النفيسة زاتو

[سمراء]

فوق ...من اجل تكرر الحالة

[أشتر]

فوق ...من اجل تكرر الحالة

نفسي اطبطب عليك لكن كيف ؟؟؟

[أشتر]

نفسي اطبطب عليك لكن كيف ؟؟؟
تعديل مع الاقتباس

هم بقولو أتبتب ولّ أطبطب ؟؟؟؟
أعتقد أتبتب ...
أطبطب دي شكلها كدا راجعة للطوب ...

غايتو لو مفردها طوبة تبقى جناية !!!!!

[سمراء]

نفسي اطبطب عليك لكن كيف ؟؟؟

كفاية سؤالك ده يا اشتر
اعتبرتو اكبر (طوبة ) على قلبى
وتسلم لى كتير

______________________________
شوف يا اشتر النضم الفى القصيدة ده بعوق كيف !!

عليك الله لو لقيت ليهو تسجيل جيبو لى

مالى أنا كل ما أقول فى نفسى إتلمينا
ألقى أقدارى تضحك .. لى تقول كضِّاب
وكل ما أعمل حساب لظروفى
زى الما عملت حساب
مالو فراقنا مترقبنا .. دون خلق الله
واقف ديمة عند الباب
نعمل إيه .. عشان يختانا جاى أو جاى
وبينَّا وبينو يبقى حجاب
ونشوف الدنيا موكب فرحة
غني ليّا فى ترحاب
وتدنى عليِّا آمالن .. بشوفا سراب
ويهل سعدى .. ونجم سعدى ..
بعد ما منِّى طوَّل غاب
وأقيف خاشع .. وأقول يا الله
كل النَّاس يكونوا أحباب
***
بكتب ليك وأطوِّل فى كتاباتى
يفيض إحساسى وأملا الدنيا
بى كلمات خطاباتى
بجمع ليك لغات الدنيا وأكتب ليك
بى لغة العجم مرات ..
وبالعربى الشديد وفصيح ..
وبى لغة الملايكة أحيان ..
وبالسريانى والتسبيح ..
وفوق كل ذرة فى ها الكون ..
بكتبا ليك وارسلا فوق جناح الريح
***
بكتب ليك على الأشجار .. وفى الأنهار ..
ومحل ما تمشى قدامك
تلاقى حروف رسالاتى
لأنك إنتى من ذاتى .. وفى ذاتى .. وياك ذاتى
ومهما كتبت ما بقدر أعبر ليك عن الجوايا
مهما طاوعت أقلامى كلماتى
***
وليه ما أكتب وإنتى الماضى بى أحزانو
بى أفراحو والمستقبل الآتى
كتاباتك شوية خلاص .. ورسالاتك شوية خلاص
علىَّ الفى منامى أحلام .. علىّ الفى صحاى وسواس
وأنا الراجيكى تكتبى لىَّ .. كم دفتر وكم كرَّاس
منَّها داير أفصِّل جبة وانْدروشْ ..
وكمان طاقيِّى فوق الراس
ومن كلماتا أسوى السبحى والبخرات وكم حجبات
أداريبن عيون النَّاس
كمان تقروقة .. فى محراب هواكى اجلس مع الجُلاّس
واخلى الباقى واتغتابو .. كان بعدك غشانى نُعاس
***
أنا الراجيكى تكتبى لى ..
كتاباتك تكون فى الظلمة لى نبراس
أنا العايش فراقك لى ..
وأشوفك فى عيون النَّاس
وعازرك لو كتبتى قليل ..رضيان بيهو
ما دام بى وفا وإخلاص
أريت يومن فرقنى معاك ..
يكون محذوف من التاريخ ..
وتبقى أيامنا ستة .. ونبقى فيها قراب
أريت بلدن تحرمك منى ..
لو ما إنتى تبقى خراب
يسكن فى خرابا البوم ..
ويتصايح عليها غراب
وصاقعة تقع تدكها ما تفضل فيها
ذرة تراب ..
تولِّع فيها نار الله ..
وتصبح كوم رماد وهباب
تمسخها لعنة من عند الله ناسها
تصير قرود وكلاب ..
وتمرقى إنتى والنَّاس المعاكى قراب..
وما دعيت خاتي الا الفراق اسباب .

[جانيت]

اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=343649#post343649)
تعديل مع الاقتباس


هم بقولو أتبتب ولّ أطبطب ؟؟؟؟
أعتقد أتبتب ...
أطبطب دي شكلها كدا راجعة للطوب ...

غايتو لو مفردها طوبة تبقى جناية !!!!!





السؤال محول لي نانسي عجرم :p
التبتبة دي للشفع وعقد الجلاد بيقول ليك تبتبها تبتبها لمن تكبر (وهنا لايجوز قولها لي اللخت)
والطبطبة دي بت عم التبتبتة بس للكبار وممكن تتقال لي اللخت

البت دي لو ما قلبت مزاجنا ما بترتاح:mad:

[أشتر]

كفاية سؤالك ده يا اشتر
اعتبرتو اكبر (طوبة ) على قلبى
وتسلم لى كتير

______________________________
شوف يا اشتر النضم الفى القصيدة ده بعوق كيف !!

عليك الله لو لقيت ليهو تسجيل جيبو لى

قريتا مرتين وفي المرتين اتلعثمتا في كم حتة ...
احسن تشوفي ليها واحد من ناس مرقنبو قرنبو يسجلا ليك زي الترتيب ...
كلام لكن ..

[همس الشوق]

هو ياتو يوم الدنيا ما كانت غداره

[أشتر]

هو ياتو يوم الدنيا ما كانت غداره
ولو ما غدرت ما كنا عرفنا طعم الفرح ..

بعدين الغدر دي كلمة كبيرة ياخ ... جدا ..
هو ما غدْر بقدر ما هو قَدَر ...
ولازم نؤمن بيهو ..
ولّ كلامي دا مركرك ؟؟؟

[همس الشوق]

ولو ما غدرت ما كنا عرفنا طعم الفرح ..

بعدين الغدر دي كلمة كبيرة ياخ ... جدا ..
هو ما غدْر بقدر ما هو قَدَر ...
ولازم نؤمن بيهو ..
ولّ كلامي دا مركرك ؟؟؟


القدر ..يا أشتر حتما ولازم علينا الرضا بيهو
وقالوا الرضا بالمكتوب عبادة

لكن الغدر حاااااار ياخ ... حار جداً
وقلنا نتصبر
لا لأ ما بنقدر

[جانيت]

اقتباس:
المشاركة الأصلية كتبت بواسطة جانيت http://sudanyat.org/vb/images/buttons/viewpost.gif (http://sudanyat.org/vb/showthread.php?p=343669#post343669)

السؤال محول لي نانسي عجرم :p
التبتبة دي للشفع وعقد الجلاد بيقول ليك تبتبها تبتبها لمن تكبر (وهنا لايجوز قولها لي اللخت)
والطبطبة دي بت عم التبتبتة بس للكبار وممكن تتقال لي اللخت

البت دي لو ما قلبت مزاجنا ما بترتاح:mad:





طيب ادونا حق الترجمة ول بي العدم حق الفتل :mad: