المساعد الشخصي الرقمي

مشاهدة النسخة كاملة : المراة قبل الزواج انثى, وبعد الزواج انسى !! العزابا يقيفو بعييييييد !

حسين يوسف مكى
24-05-2010, 10:31 PM
هل ستظل المراة بنفس جمالياتها حتى بعد الزواج والانجاب؟
ام هناك فى عوامل تعرية عاطفية كيما يصبح وشها زى درب الشكلة؟
او هناك شماعة الوضع الاقتصادى تحرمها من ايام الدلال؟
وللا الراجل هو السبب فى افتعال تلك البلاوى؟

رايكم? ومافى زول يكب الزوغة
زول الله
24-05-2010, 10:36 PM
كيما يصبح وشها زى درب الشكلة

رايكم? ومافى زول يكب الزوغة

ياسقد كيفنك

الزوغة ماحقتنا وحاتك .. هيعععععععع
إلا الـ بالأحمر دي ماوقعت لي !!!:D









اقول قولي هذا واستغفر الله لي ...........
حسين يوسف مكى
24-05-2010, 10:42 PM
ياسقد كيفنك

الزوغة ماحقتنا وحاتك .. هيعععععععع
إلا الـ بالأحمر دي ماوقعت لي !!!:D









اقول قولي هذا واستغفر الله لي ...........



كيفك يا ساعة النسمة ترتاح على هدب الدغش وتنوم؟

دى فجة المشكلة الا تلقى اثر الرجول اها على كده اوزن:D
بسمله
24-05-2010, 10:50 PM
:D:D

درب الشكله دا شكلو كيف

شوف يا استاذى والله لااعى شيئا مما تقول ولكن
اذاذاتزوجت بكون حلوه طوالى ..اذا كنت بحب زوجى
اما اذا اتزوجت ساااى وبس

والله حسب النفسيات غايتو

يوم درب شكله
يوم زقاق مشكله بدهاليزو ..

وانا لله وانا اليه راجعون
الرشيد اسماعيل محمود
24-05-2010, 10:58 PM
هل ستظل المراة بنفس جمالياتها حتى بعد الزواج والانجاب؟
ام هناك فى عوامل تعرية عاطفية كيما يصبح وشها زى درب الشكلة؟
او هناك شماعة الوضع الاقتصادى تحرمها من ايام الدلال؟
وللا الراجل هو السبب فى افتعال تلك البلاوى؟

رايكم? ومافى زول يكب الزوغة
حسين جيناك ..
تعرف انا بتخيل لي النسوان بعد الزواج
زي اللاعب لما يصل الهلال والمريخ طوالي بعمل نايم
ومابيكون زي زمان ايام دوري الروابط والليق..
قبل مايصل القمة تلقي الجمهور كلو ياكابتن..يامعلم..
بس يصل القمة وهاك يامرض..يا مأسورة وهكذا ..
عقلية اللاعبين دي ممكن نسقطا علي عقلية النسوان
عرس وعرسو اها تاني شنو..؟؟:D
يتمكيجن لشنو..؟؟؟
ولمنو..؟؟؟
الدلال والجماليات والمكياج والغنج ديل كللللهم وسائل لغاية..
وطالما الغاية اتحققت الوسائل تروح انشاءالله في ستين..
طبعا دي القاعدة..اكيد في استثناء..
حسب وجهة نظر الكاشف اخوك المتواضعة جدن فيما يخص.
حسين يوسف مكى
24-05-2010, 11:00 PM
:D:D

درب الشكله دا شكلو كيف

شوف يا استاذى والله لااعى شيئا مما تقول ولكن
اذاذاتزوجت بكون حلوه طوالى ..اذا كنت بحب زوجى
اما اذا اتزوجت ساااى وبس

والله حسب النفسيات غايتو

يوم درب شكله
يوم زقاق مشكله بدهاليزو ..

وانا لله وانا اليه راجعون


شوفى يا استاذة ان شاء الله تتزوجى.....

:o وتلقى البوست ده

درب الشكلة المقصود به وجه المراة بعد الزواج

يعنى لا بنفع فيهو زيت سمسم ولا ادوات ميك اب

لكن امانة م فى واحدات كانو فى غاية الجمال

بعد العرس اتقبحن واتشبحن دى يحلوها كيف طيب؟

الا اخير الزول م يعرس زاتو :mad:
حسين يوسف مكى
24-05-2010, 11:05 PM
حسين جيناك ..
تعرف انا بتخيل لي النسوان بعد الزواج
زي اللاعب لما يصل الهلال والمريخ طوالي بعمل نايم
ومابيكون زي زمان ايام دوري الروابط والليق..
قبل مايصل القمة تلقي الجمهور كلو ياكابتن..يامعلم..
بس يصل القمة وهاك يامرض..يا مأسورة وهكذا ..
عقلية اللاعبين دي ممكن نسقطا علي عقلية النسوان
عرس وعرسو اها تاني شنو..؟؟:D
يتمكيجن لشنو..؟؟؟
ولمنو..؟؟؟
الدلال والجماليات والمكياج والغنج ديل كللللهم وسائل لغاية..
وطالما الغاية اتحققت الوسائل تروح انشاءالله في ستين..
طبعا دي القاعدة..اكيد في استثناء..
حسب وجهة نظر الكاشف اخوك المتواضعة جدن فيما يخص.


جاى لحالك وللا معاك مرافق... ده بخسوس الجية.

اما ما افضت فيه واسهبت فانى اتفق معك الى حد ما
بشرط ان تضع فتيات هذا الزمن حدا للعراقيل امام فرسان
الحوبة العاملين نايمين حتى يستطيعون بلوغ المرام مع شخص
يجدد كيها بالمخلوف ان وُجد..
هذا ما لدى حتى خواتيم الشهقة الاخرى
وابقى قريب انت حليفىgoood
بسمله
24-05-2010, 11:18 PM
:D


صاح كلامك

فى بنات حلوات كانو وانتهو بعد الزواج ..والله كان عندنا زمان واحده كدا جميله لامن بى هناك ..لامن لاقيتتا قبل كم يوم لقيتا ليك اتبهدلت واتبشتنت

قلتا ليهم مالا دى يا اخوانا قالو لى الشقاوه ..

انا غايتو عاوزه اتزوج من امريكا اللاتينيه ..لكن مافى طريقه مع هاك من دار جعل ديل غايتو ..


نفسى كدا القى لى ناس يفهمو ليك المشاعر كويس مشالرجل السودانى كل ما تحبيه كل ما يشكوشك
عبدالله وداعه الامين
24-05-2010, 11:22 PM
gooodgooodgoood
بسمله
24-05-2010, 11:24 PM
حسين جيناك ..
تعرف انا بتخيل لي النسوان بعد الزواج
زي اللاعب لما يصل الهلال والمريخ طوالي بعمل نايم
ومابيكون زي زمان ايام دوري الروابط والليق..
قبل مايصل القمة تلقي الجمهور كلو ياكابتن..يامعلم..
بس يصل القمة وهاك يامرض..يا مأسورة وهكذا ..
عقلية اللاعبين دي ممكن نسقطا علي عقلية النسوان
عرس وعرسو اها تاني شنو..؟؟:D
يتمكيجن لشنو..؟؟؟
ولمنو..؟؟؟
الدلال والجماليات والمكياج والغنج ديل كللللهم وسائل لغاية..
وطالما الغاية اتحققت الوسائل تروح انشاءالله في ستين..
طبعا دي القاعدة..اكيد في استثناء..
حسب وجهة نظر الكاشف اخوك المتواضعة جدن فيما يخص.



طبعا دا حاله طبيعيه ونتيجه حتميه لاى شخص بيتعامل مع الزواج انو نهاية الحياه

مش بدايتا ..
الرشيد اسماعيل محمود
24-05-2010, 11:36 PM
:D
انا غايتو عاوزه اتزوج من امريكا اللاتينيه

بسملة بس ركزي علي البرازيل والارجنتين
علي الاقل تطلعي ليك بلاعب كورة زي ميسي ولا رونالدو
يكون اغلب يومو في الكورة والمعسكرات..
ما تلاقيهو الا بعد اسبوع اسبوعين حيث انو نار الشوق بتبقي وقادة
والمشاعر السمحة في الحفظ والصون..
ثم..
كان لقيتي لي واحدة بهناك قولي عووك..
انشاءالله بتاعت كورة شاطئية ذاتو..:D
و..
بخيتة حمارا شرد منها ومالمت فيهو
قعدت متمحنة في الشارع..
جو اتنين عرسان كرت كرتونة مارين بجمبها..
الراجل قال لمرتو والله انا لما اشوفك بشوف الدنيا دي كلللللها..
بخيتة نطت فوق وسألتو:
هي ماشفت لي حماري معاك..:D
بسمله
24-05-2010, 11:44 PM
:Dبسملة بس ركزي علي البرازيل والارجنتين
علي الاقل تطلعي ليك بلاعب كورة زي ميسي ولا رونالدو
يكون اغلب يومو في الكورة والمعسكرات..
ما تلاقيهو الا بعد اسبوع اسبوعين حيث انو نار الشوق بتبقي وقادة
والمشاعر السمحة في الحفظ والصون..
ثم..
كان لقيتي لي واحدة بهناك قولي عووك..
انشاءالله بتاعت كورة شاطئية ذاتو..:D
و..
بخيتة حمارا شرد منها ومالمت فيهو
قعدت متمحنة في الشارع..
جو اتنين عرسان كرت كرتونة مارين بجمبها..
الراجل قال لمرتو والله انا لما اشوفك بشوف الدنيا دي كلللللها..
بخيتة نطت فوق وسألتو:
هي ماشفت لي حماري معاك..:D




:D:D


والله لكن مبالغه ..

انت عارف حاجه تغيظ ..لكن انا بتكلم ساى ..

عارفه لامن يجى وقت الجد مابيحصل ..بكون عاوزه سودانى ياكل معاى العصيده و الكسره..


مره قلت لى بابا عاوزه اتزوج برازيلى قال لى اوع تقولى لى كاكا ..


لكن خلاص..

بنشوف ليك واحده كدا شبه جينفر لوبيز

كيف معاك
:D
الرشيد اسماعيل محمود
25-05-2010, 12:07 AM
:D
عارفه لامن يجى وقت الجد مابيحصل ..بكون عاوزه سودانى
D
وانا عاوز اريبا..:D
ثم..
قلتي لي كاكا حتة واحدة..;)
ياخ ماقلنا ليكم محلبية ميسو دي ماتكتروها..:p
بنشوف ليك واحده كدا شبه جينفر لوبيز
انتي وكت بتشوفي قدر دة ماتشوفيها لي هي ذااااتا :D
بسمله
25-05-2010, 12:14 AM
:D:D


ياكاكا ذاتو ما سائله فيهو

سودانيه تهوى عاشق ود بلد

:p:p


جنيفر؟

غايتو لااعتقد انها تفكر بالزواج يا هذا وخاصة انها بدت سعيده وهى تتحدث عن انجابها لطفلها الاخير ..

شوف برااااااك

عاين انت امشى كاس العالم احضر الافتتاح ..اصلو شكيره جايه تغنى

:D
هيفاء عبدالستار
25-05-2010, 12:50 AM
هل ستظل المراة بنفس جمالياتها حتى بعد الزواج والانجاب؟
ام هناك فى عوامل تعرية عاطفية كيما يصبح وشها زى درب الشكلة؟
او هناك شماعة الوضع الاقتصادى تحرمها من ايام الدلال؟
وللا الراجل هو السبب فى افتعال تلك البلاوى؟

رايكم? ومافى زول يكب الزوغة

يا المكي كيفنك.؟.؟...

هناك فرق بين البت الآنسه والمتزوجه ..

الهرمونات ليها أثر كبير في تغيير شكل المرأه بعد الزّواج والإنجاب ..

أولا زيادة الوزن ..زيادة حجم الأثداء ..إمتلاء الارداف ..و...و...و...

لكن أي إهمال في اللبس أو الِشّعر او المظهر بكون تقصير منها ...
سمورية
25-05-2010, 12:54 AM
جاى لحالك وللا معاك مرافق... ده بخسوس الجية.

اما ما افضت فيه واسهبت فانى اتفق معك الى حد ما
بشرط ان تضع فتيات هذا الزمن حدا للعراقيل امام فرسان
الحوبة العاملين نايمين حتى يستطيعون بلوغ المرام مع شخص
يجدد كيها بالمخلوف ان وُجد..
هذا ما لدى حتى خواتيم الشهقة الاخرى
وابقى قريب انت حليفىgoood
اهل الدار ازيكم
امسيتو طيبين وفي رواية اخري صباحاتكم ورد
قالو اللي ميعرفش يؤؤل عدس
الكانت حلوة وقاااطعة في السماحة دي اسألا قوليها مسؤلياتك في البيت شنو
وقول ماعندهم زول بيساعد في الخدمة في البيت
وقول هي البت الوحيدة
وقول امها زولة مجاااااملة ما بتخلي فرح ولا كره ما بتقوم بالواجب
الكلام دا كله حدو صلاة الضهر وبعد داك بيكون في فترة استراحة
لغاية ما الوردية التانية حقت الغدا تبدا ودي يعني اكيد ما قبل الساعة اربعة
وبعد الشاي وكدا تاني ماعندها اي التزامات اللهم بعدين تعشي امها وابوها
يلا تعال شوف الوقت حقها هي قدر كيف
ولما تحسب الوقت خت كمان في حساباتك انو مافي زول بينقنق في راسا
ولا يرجع من الشغل زهجان من المدير او الحر او الزحمة يقوم يتفشى الزهجة
فيها لو بالغلط قالت ليه الليلة اتأخرت مالك يلا بعد المقدمة الطويييييييلة دي كلها
المابيخليها حليوة شنو
يعني والله قدر ظروفك ساااى بين الضهر والعصر تبقي نجفه
داك كان منظر اما المنظر التاني جيب الكلام الفوق داك كله بي النقة والزهج
وخت معاهم اطفال اعمار متفاوته ناس في المدرسة وشي في البيت
وقطع شك الراجل النقناق لا متعاون ولا كلامو حلو
عليك الله وفي زمتكم السماحة الجات بيها من بيت ابوها ما بتتمحق وتكمل
لكن يلا شوف العندها بيت واطفال وزوج لطيف ومتفهم ومتعاون
و لسه ياهو زاتو الزمان ما ركب الوش التاني
اكيد هي حتكون حريصة علي شكلها وتفاصيلا كلها زي اول
حتي لو كان وقتها ما حقها زى زمان
.......... لا حولااااا دا بري كتير خلاااااس ........
اها ودعتكم الله
wageeda
25-05-2010, 01:24 AM
صباح الطير وين النسوان ركن
كلامك صحييييييييييييييييييييح مائه بالمائه
اهمال وبشتنه شديدة
ولكن تكون معزومه حفله
تتجيه جنس جيها
هويا يا نسوان انتبهن ولموا الفلوس وهاك ياشد وعمليات تخسيس وتجميل
وحافظوا علي الرجال الوشهم زي ............دفتر البلاغات
اها قنبوا عافيه
وجيدة
حسين يوسف مكى
25-05-2010, 07:57 AM
:D


صاح كلامك

فى بنات حلوات كانو وانتهو بعد الزواج ..والله كان عندنا زمان واحده كدا جميله لامن بى هناك ..لامن لاقيتتا قبل كم يوم لقيتا ليك اتبهدلت واتبشتنت

قلتا ليهم مالا دى يا اخوانا قالو لى الشقاوه ..

انا غايتو عاوزه اتزوج من امريكا اللاتينيه ..لكن مافى طريقه مع هاك من دار جعل ديل غايتو ..


نفسى كدا القى لى ناس يفهمو ليك المشاعر كويس مشالرجل السودانى كل ما تحبيه كل ما يشكوشك


انتى زاتك كلامك صح

لكن يا ناس كاكا
تانى ناس هييييييييييييع ديل
يقعو وين؟
حسين يوسف مكى
25-05-2010, 08:00 AM
gooodgooodgoood

استاذى ود وداعة ازمانك حبوور

ياحاج م تكب الزوغة

ليك وحشة يا انيق..

تحياتى alprince75
حسين يوسف مكى
25-05-2010, 08:05 AM
بسملة بس ركزي علي البرازيل والارجنتين
علي الاقل تطلعي ليك بلاعب كورة زي ميسي ولا رونالدو
يكون اغلب يومو في الكورة والمعسكرات..
ما تلاقيهو الا بعد اسبوع اسبوعين حيث انو نار الشوق بتبقي وقادة
والمشاعر السمحة في الحفظ والصون..
ثم..
كان لقيتي لي واحدة بهناك قولي عووك..
انشاءالله بتاعت كورة شاطئية ذاتو..:D
و..
بخيتة حمارا شرد منها ومالمت فيهو
قعدت متمحنة في الشارع..
جو اتنين عرسان كرت كرتونة مارين بجمبها..
الراجل قال لمرتو والله انا لما اشوفك بشوف الدنيا دي كلللللها..
بخيتة نطت فوق وسألتو:
هي ماشفت لي حماري معاك..:D



الرشيد الوجيه !!

عارف ذكرتنى بى طرفة
واحد من عربنا كان متابع مباراة
ورونالدينهو كان سيد الموقف فى الماتش دا
وصاحبنا متابع بكل شغف..
قام قال للناس المعاهو
ها ناس ها انا والله كان عندى ولد
زى الجنا البقولولو رونالدينو دا
والله اتدين (استلف) على الهجمة بس..

كان على الاقل بسملة دى تبقى برازيلية الابناء
وجعلية المشرب..:D
حسين يوسف مكى
25-05-2010, 08:09 AM
:D



:D:D


والله لكن مبالغه ..

انت عارف حاجه تغيظ ..لكن انا بتكلم ساى ..

عارفه لامن يجى وقت الجد مابيحصل ..بكون عاوزه سودانى ياكل معاى العصيده و الكسره..


مره قلت لى بابا عاوزه اتزوج برازيلى قال لى اوع تقولى لى كاكا ..


لكن خلاص..

بنشوف ليك واحده كدا شبه جينفر لوبيز

كيف معاك
:D


اها وكان طلع ليك شهادة لاتينية السودانى دا؟
كدى هسى كان داخلة فى صندوق
قولى عوووك..
والصرفة الاولى للرشيد ده وم تسالى تقولى عاوز بيها شنو:D
حسين يوسف مكى
25-05-2010, 08:14 AM
يا المكي كيفنك.؟.؟...

هناك فرق بين البت الآنسه والمتزوجه ..

الهرمونات ليها أثر كبير في تغيير شكل المرأه بعد الزّواج والإنجاب ..

أولا زيادة الوزن ..زيادة حجم الأثداء ..إمتلاء الارداف ..و...و...و...

لكن أي إهمال في اللبس أو الِشّعر او المظهر بكون تقصير منها ...

مرحبات يا دكتورة

لكن انا عندى تساؤل
كتير جدا بنشوف فى بقية الشعوب
انه مافى اختلاف يذكر قبل وبعد الزواج..
هل ممكن تكون فى عوامل نفسية مثلا؟
او ممكن الغذاء له تاثير؟
وللا الراجل بكون نجاااااااضة؟:D

شكرا جميلا دكتورة..
حسين يوسف مكى
25-05-2010, 08:20 AM
اهل الدار ازيكم
امسيتو طيبين وفي رواية اخري صباحاتكم ورد
قالو اللي ميعرفش يؤؤل عدس
الكانت حلوة وقاااطعة في السماحة دي اسألا قوليها مسؤلياتك في البيت شنو
وقول ماعندهم زول بيساعد في الخدمة في البيت
وقول هي البت الوحيدة
وقول امها زولة مجاااااملة ما بتخلي فرح ولا كره ما بتقوم بالواجب
الكلام دا كله حدو صلاة الضهر وبعد داك بيكون في فترة استراحة
لغاية ما الوردية التانية حقت الغدا تبدا ودي يعني اكيد ما قبل الساعة اربعة
وبعد الشاي وكدا تاني ماعندها اي التزامات اللهم بعدين تعشي امها وابوها
يلا تعال شوف الوقت حقها هي قدر كيف
ولما تحسب الوقت خت كمان في حساباتك انو مافي زول بينقنق في راسا
ولا يرجع من الشغل زهجان من المدير او الحر او الزحمة يقوم يتفشى الزهجة
فيها لو بالغلط قالت ليه الليلة اتأخرت مالك يلا بعد المقدمة الطويييييييلة دي كلها
المابيخليها حليوة شنو
يعني والله قدر ظروفك ساااى بين الضهر والعصر تبقي نجفه
داك كان منظر اما المنظر التاني جيب الكلام الفوق داك كله بي النقة والزهج
وخت معاهم اطفال اعمار متفاوته ناس في المدرسة وشي في البيت
وقطع شك الراجل النقناق لا متعاون ولا كلامو حلو
عليك الله وفي زمتكم السماحة الجات بيها من بيت ابوها ما بتتمحق وتكمل
لكن يلا شوف العندها بيت واطفال وزوج لطيف ومتفهم ومتعاون
و لسه ياهو زاتو الزمان ما ركب الوش التاني
اكيد هي حتكون حريصة علي شكلها وتفاصيلا كلها زي اول
حتي لو كان وقتها ما حقها زى زمان
.......... لا حولااااا دا بري كتير خلاااااس ........
اها ودعتكم الله


سمورية حباب طلتك..

سمورية انا معاك انه فى استهلاك للبنت الغير متزوجة فى بيت باباها
ودى مسئولية اى بنت طبعا باستثناء بنات المصارين البيض
المن نومها ولقت كومها..
لكن ناس ,,انا ,, وحات,, ابوووووى .. ديل مواضيعهن جاطت..
تعرفى يا سمورية انه بحصل العكس وده فى الريف وقرانا بره طبعا
مازى واحدين ضاربين الضللة ساااكت;)
انه فى الارياف والقرى فى بنات بتسمحو بعد الزواج
والبنت نفسها بتشوف اناقتها وانوثتها وانها بعد الزواج
حتى لمة على باقى اخوات نسيبة..:D
جانيت
25-05-2010, 08:20 AM
هاااااااااااااااا البرنس
المرة بعد العرس صحي انسى
جيهه ما بعدها جيهه يعني هسي شفت ليك واحدة ما متزوجة بتتحنن ولا بتتدخن
دي زينة المتزوجات يا سيد
اما المامتزوجات فبيعوضو بالميكب والتسريحات وكده
والعطور النسائية طبعا قمة الزينة من العادية الفرنسية الا نكهة لا فهم :p
المرة بعد الزواج بتحب تكون طبيعية اكتر من الالوان والزيف
وحتى بعد مشغوليات المتزوجات الا انو الزينة دي بتكون من ضمن مشغولياتهم
يعني البتتزين قبل العرس ياها التتزين بعد العرس مع اختلاف نوع الزينة



الا انتو البقيتو ما بتشوفو :D:D
ياخ الواحدة وشها زي قمر 14 بس راجلها بيكون اتعود علي شكلها وبقى يشوفها زي درب الشكلة :mad:
النبي مخطط لي درب الشكلة ده;)
حسين يوسف مكى
25-05-2010, 08:27 AM
هاااااااااااااااا البرنس
المرة بعد العرس صحي انسى
جيهه ما بعدها جيهه يعني هسي شفت ليك واحدة ما متزوجة بتتحنن ولا بتتدخن
دي زينة المتزوجات يا سيد
اما المامتزوجات فبيعوضو بالميكب والتسريحات وكده
والعطور النسائية طبعا قمة الزينة من العادية الفرنسية الا نكهة لا فهم :p
المرة بعد الزواج بتحب تكون طبيعية اكتر من الالوان والزيف
وحتى بعد مشغوليات المتزوجات الا انو الزينة دي بتكون من ضمن مشغولياتهم
يعني البتتزين قبل العرس ياها التتزين بعد العرس مع اختلاف نوع الزينة



الا انتو البقيتو ما بتشوفو :D:D
ياخ الواحدة وشها زي قمر 14 بس راجلها بيكون اتعود علي شكلها وبقى يشوفها زي درب الشكلة :mad:
النبي مخطط لي درب الشكلة ده;)





هاااااااااا بتها جانيت
هوى لا زينة ولا حاجة
امانة م فى واحدات بالكركار والودك والزيت المر
تقولى زى قمر السبعتين.. بتعرفى السبعتين ده كلام
دفعتى قبل ست عقود خلت اى:D
لكن يا جانيت انا بفتكر انه هناك عوامل ادت للبشتنة
اذكرى منها اثنين وبديك الجائزة كلها..

جانيت اى مخطط
هسى فى داعى للزرزرة دى؟:o
خالد الصائغ
25-05-2010, 10:12 AM
هل ستظل المراة بنفس جمالياتها حتى بعد الزواج والانجاب؟
ام هناك فى عوامل تعرية عاطفية كيما يصبح وشها زى درب الشكلة؟
او هناك شماعة الوضع الاقتصادى تحرمها من ايام الدلال؟
وللا الراجل هو السبب فى افتعال تلك البلاوى؟

رايكم? ومافى زول يكب الزوغة

سلامات عزيزنا حسين


بالتأكيد حتفقد جزء من جمالياتها الشكلية بعد الزواج و ده بفعل عامل التعود من قبل زوجها
و بعد الإنجاب بفعل التغييرات الجسدية المصاحبة ليهو

و الفقدان ده حتمي و ما منو مفر رغم إنو مقدارو بختلف من واحدة للتانية

لكن من ناحية تانية المرأة بعد الزواج و الإنجاب تقدر و في يدها تكتسب جمال سماحة من نوع تاني

جمال متعالي علي المقاييس المادية

جمال متعالي علي الواقع بي كل سلبياتو


جمال الدفء الأسري

جمال السكن و المودة و الرحمة


و بتحضرني هنا مقولة لي واحد من أهلنا الديامة بوصي في ولدو

قال ليهو يا ولدي أوعك تعرس المرة عشان سمحة بس و تنسي الباقي

المرة السمحة و بس عاملة زي حلاوة لبان

طعمها حلو في الأول بس


و في رواية تانية

البعرس ليهو مرة عشان سماحتا بس

زي الداير يعيش حياتو ... علي

حلاوة قطن
درديري كباشي الامين
25-05-2010, 10:20 AM
انا برد ليك يا استاذ حسين باسكتش كاتبو صديقنا الحاج متذكر او الهادي بابكر في منتدى الازاعة ..


أسرة معزومة لعرس ...
الزوجة من الصباح مشت الحنانة ورسمت حنتها ...
ومشت الكوافير عملت شعرها كيف كيف ما عارف ...
ودا لسه الفلم ما بدأ ...
الفطور عملتو سريع سريع فول ...
والراجل جا من الشغل ... عايز الغداء ...
قالت ليهو عليك الله سخن الملاح وأعملو ...
حنتي دي ما عايزاها تطلع ...
أنا بسوي ليك الشاي ...
سريع مشت على البوتجاز ... سخنت الموية ... وجابت ليها شاي لبتون ...
وختتهم في الكباية ... وقالت ليهو عليك الله الساعة ستة صحيني ...
أنا تعبانة من قعدة الحنة وقعدة الكوافير ... عشان أجهز ليك سريع سريع ونمشي الحفلة ...
الساعة ستة الزوجة صحت ...
وقعدت قعده واحدة قدام المراية ...
شي فك الخصلة ... وشي تزح الخصلة ...
وتجرب الفستان دا ... لا ياخي دا شافوني بيهو مرة كدا ...
خلاص البلوزة دي حقت التوب دا ... لا ياخ دي شافوني بيها لمن مشيت لي ناس هناية لمن جو من لندن ...
لحدي الساعة تسعة ما خلصت ...
الساعة تسعة ونص ... راجلها بيكورك ليها ...
ياخ ما إتأخرنا ...
بعد دا أنا بمشي براي ...
تمشي شنو براك شنو ياخ ... أنا قاعدة من الصباح إتمكيج ... تقول لي أمشي براي ؟؟؟
كدي تعال شوفني كدا كيف ...
وصاحبنا جا خاشي على زوجتو ...
لمن إنبهر ... وكأنو يشوفها أول مرة ...
عجييييييييب لكن ...
وين الجمال دا من زمان مدسي ؟؟؟
عليك الله كدا سمحه ؟؟؟
سمحه الشوية دي ؟؟؟! إنتي ملكة جمال العالم زاتو ...!
أقول ليك حاجة ...
بالمناسبة دي ياخ ... ما نقعد في البيت ونجيب عشاء من بره ونقعد نتمها في البيت رومانسيات وكدا ...
ياخ عليك الله الحفلة وناس الحفلة ... وعايزاهم يشوفوني كدا ما دام عجبتك ...
ياخ حفلة شنو ؟؟؟ أقول ليك عشاء رومانسي ؟؟؟ تقولي لي حفلة ؟؟؟
المهم الزوجة وافقت ...
وصاحبنا جري مشي يجيب العشاء الجاهز ...
ونرجع للزوجة ...
أول ما طلع الزوج ...
الزوجة فكت ليك التوب ... وغيرت البلوزة بي قميص بيت عااااادي ...
وربطت ليك شعرها ... وجابت ليك دهن كركار ...
وربطت ليك شعرها بي كيس زي الدكاترة لمن يخشو في لبس العملية ...
وجدعت ليك الشبشب العالي وخشت ليك في سفنجة زي الورد ...
ومسحت ليك الروج والظلال وغسلتهم ليك بي صابونة لايف بوي زي الليل ...
وفتحت التفزيون وشغلت ليك قناة إم بي سي أكشن ...
ونشوف الزوج ...
صاحبنا إختار أفخم محلات الطعام وتقديم الوجبات
وجا غاشي أفخم محلات للحلويات ...
وإختار تورتة صغيرة ... وشمعة فاخرة ...
ولم ينسى الولاعة أيضاً إختارها بعناية فائقة ...
وهو يمني نفسو بي عشاء وليلة رومانسية ... يعيد فيها أيام زواجه الأول ...
وجا راجع بسرعة لزوجته ...
ونزل من العربية ...
وشايل العشاء والحلويات ... والتورتة ...
وأول ما جا داخل ...
تنسم عبير ملاح في المطبخ ... وفي نفسه (دا بيكون عند الجيران) ...
تلفت يمنة ويسرة ليفاجأ زوجته ... وتفاجأ هو ... بعدم وجودها ...
وتابع أنفه ... ليجد نفسه في المطبخ مع تلك الرائحة التي تنسمها مع أول دخوله ...
وكانت المفاجأة له لمنظر زوجته ...
وهي وسط المطبخ ... وتقطيع البصل تجهيزا ليوم غد ...
كي لا تنشغل بأشياء أخرى ... وعشان ما تتوسخ تاني بعد العرس ما فاتها ...
وتقوم تمشي الكوافير من بدري عشان تعمل شعرها ...
عشان بكرة الصبحية ...
نبراس السيد الدمرداش
25-05-2010, 11:00 AM
البرنس
من الآخر كدا
انت حكايتك شنو مع الحروم ديل
ممغوس من واحدهgooodgoood
ولا عاوز تتزوج وملاوز looool

على كل حال
ليس هناك مبرر للبشته و الوسخ و عدم الاهتمام
مافي مره او بت ما عندها واجبات مهما كانت
بس في واحده مهمله و تركن للبهدلة و عدم تنظيم نفسها و قتها

الرجل عندو دور في الحته دي
يعني الواحد لما يلقى بعض القصور ممكن ينبه بطريقه جميله
مثلا ممكن يقول ليها هاك امشي الكوفير
او اعملي حنه او قنينة عطر او قميص جميل
هنا هي بتفهم انو في شيء فات عليها مهم بالنسبه لزوجها
موش بكون احسن من يمشي يفتش لواحده تانيه كزوجه او عشيقه بحجة اهمال زوجتو لنفسها
سمورية
25-05-2010, 11:22 AM
البرنس
من الآخر كدا
انت حكايتك شنو مع الحروم ديل
ممغوس من واحدهgooodgoood
ولا عاوز تتزوج وملاوز looool

على كل حال
ليس هناك مبرر للبشته و الوسخ و عدم الاهتمام
مافي مره او بت ما عندها واجبات مهما كانت
بس في واحده مهمله و تركن للبهدلة و عدم تنظيم نفسها و قتها

الرجل عندو دور في الحته دي
يعني الواحد لما يلقى بعض القصور ممكن ينبه بطريقه جميله
مثلا ممكن يقول ليها هاك امشي الكوفير
او اعملي حنه او قنينة عطر او قميص جميل
هنا هي بتفهم انو في شيء فات عليها مهم بالنسبه لزوجها
موش بكون احسن من يمشي يفتش لواحده تانيه كزوجه او عشيقه بحجة اهمال زوجتو لنفسها
نبراس ازيك والله مشتاقين
يازولة كلامك دا بتقوليهو لي منو
العالم دي قاعدة في الضل وينظرو ساي
كلامهم دا كلام ناس بيعاينوا من بعيد
نبراس السيد الدمرداش
25-05-2010, 11:50 AM
نبراس ازيك والله مشتاقين
يازولة كلامك دا بتقوليهو لي منو
العالم دي قاعدة في الضل وينظرو ساي
كلامهم دا كلام ناس بيعاينوا من بعيد

والله نفس الشوق و اكتر
اختفيتي وين انتي
لا في الخاص ولا في العام
شوتي رقم تلفونك في الخاص

اليدو في المويه غير اليدو في النار
و الجوا البحر غير العلى الشط
حسين يوسف مكى
25-05-2010, 12:07 PM
سلامات عزيزنا حسين


بالتأكيد حتفقد جزء من جمالياتها الشكلية بعد الزواج و ده بفعل عامل التعود من قبل زوجها
و بعد الإنجاب بفعل التغييرات الجسدية المصاحبة ليهو

و الفقدان ده حتمي و ما منو مفر رغم إنو مقدارو بختلف من واحدة للتانية

لكن من ناحية تانية المرأة بعد الزواج و الإنجاب تقدر و في يدها تكتسب جمال سماحة من نوع تاني

جمال متعالي علي المقاييس المادية

جمال متعالي علي الواقع بي كل سلبياتو


جمال الدفء الأسري

جمال السكن و المودة و الرحمة


و بتحضرني هنا مقولة لي واحد من أهلنا الديامة بوصي في ولدو

قال ليهو يا ولدي أوعك تعرس المرة عشان سمحة بس و تنسي الباقي

المرة السمحة و بس عاملة زي حلاوة لبان

طعمها حلو في الأول بس


و في رواية تانية

البعرس ليهو مرة عشان سماحتا بس

زي الداير يعيش حياتو ... علي

حلاوة قطن

الصائغ يا بهى الطلعة !!

فعلا كلامك الى حد ما بوافقك فيهو
لكن ياخوي م تضيع كلام سفراء الرومانسية
فى القلوب التى اعياها مُر التنائى والبعاد..
كتير من قبلنا رادو وفى درب الهوى صيدتهم طلعت
حبارى..
انا غايتو م عارف لكن اقل حاجة تكون سمحة دواخل
الشكل يازول خلى جماله نسبى مع قدر ظروفك
وكريم الملعقة الباقى بلفق وبتم.
حسين يوسف مكى
25-05-2010, 12:11 PM
انا برد ليك يا استاذ حسين باسكتش كاتبو صديقنا الحاج متذكر او الهادي بابكر في منتدى الازاعة ..


أسرة معزومة لعرس ...
الزوجة من الصباح مشت الحنانة ورسمت حنتها ...
ومشت الكوافير عملت شعرها كيف كيف ما عارف ...
ودا لسه الفلم ما بدأ ...
الفطور عملتو سريع سريع فول ...
والراجل جا من الشغل ... عايز الغداء ...
قالت ليهو عليك الله سخن الملاح وأعملو ...
حنتي دي ما عايزاها تطلع ...
أنا بسوي ليك الشاي ...
سريع مشت على البوتجاز ... سخنت الموية ... وجابت ليها شاي لبتون ...
وختتهم في الكباية ... وقالت ليهو عليك الله الساعة ستة صحيني ...
أنا تعبانة من قعدة الحنة وقعدة الكوافير ... عشان أجهز ليك سريع سريع ونمشي الحفلة ...
الساعة ستة الزوجة صحت ...
وقعدت قعده واحدة قدام المراية ...
شي فك الخصلة ... وشي تزح الخصلة ...
وتجرب الفستان دا ... لا ياخي دا شافوني بيهو مرة كدا ...
خلاص البلوزة دي حقت التوب دا ... لا ياخ دي شافوني بيها لمن مشيت لي ناس هناية لمن جو من لندن ...
لحدي الساعة تسعة ما خلصت ...
الساعة تسعة ونص ... راجلها بيكورك ليها ...
ياخ ما إتأخرنا ...
بعد دا أنا بمشي براي ...
تمشي شنو براك شنو ياخ ... أنا قاعدة من الصباح إتمكيج ... تقول لي أمشي براي ؟؟؟
كدي تعال شوفني كدا كيف ...
وصاحبنا جا خاشي على زوجتو ...
لمن إنبهر ... وكأنو يشوفها أول مرة ...
عجييييييييب لكن ...
وين الجمال دا من زمان مدسي ؟؟؟
عليك الله كدا سمحه ؟؟؟
سمحه الشوية دي ؟؟؟! إنتي ملكة جمال العالم زاتو ...!
أقول ليك حاجة ...
بالمناسبة دي ياخ ... ما نقعد في البيت ونجيب عشاء من بره ونقعد نتمها في البيت رومانسيات وكدا ...
ياخ عليك الله الحفلة وناس الحفلة ... وعايزاهم يشوفوني كدا ما دام عجبتك ...
ياخ حفلة شنو ؟؟؟ أقول ليك عشاء رومانسي ؟؟؟ تقولي لي حفلة ؟؟؟
المهم الزوجة وافقت ...
وصاحبنا جري مشي يجيب العشاء الجاهز ...
ونرجع للزوجة ...
أول ما طلع الزوج ...
الزوجة فكت ليك التوب ... وغيرت البلوزة بي قميص بيت عااااادي ...
وربطت ليك شعرها ... وجابت ليك دهن كركار ...
وربطت ليك شعرها بي كيس زي الدكاترة لمن يخشو في لبس العملية ...
وجدعت ليك الشبشب العالي وخشت ليك في سفنجة زي الورد ...
ومسحت ليك الروج والظلال وغسلتهم ليك بي صابونة لايف بوي زي الليل ...
وفتحت التفزيون وشغلت ليك قناة إم بي سي أكشن ...
ونشوف الزوج ...
صاحبنا إختار أفخم محلات الطعام وتقديم الوجبات
وجا غاشي أفخم محلات للحلويات ...
وإختار تورتة صغيرة ... وشمعة فاخرة ...
ولم ينسى الولاعة أيضاً إختارها بعناية فائقة ...
وهو يمني نفسو بي عشاء وليلة رومانسية ... يعيد فيها أيام زواجه الأول ...
وجا راجع بسرعة لزوجته ...
ونزل من العربية ...
وشايل العشاء والحلويات ... والتورتة ...
وأول ما جا داخل ...
تنسم عبير ملاح في المطبخ ... وفي نفسه (دا بيكون عند الجيران) ...
تلفت يمنة ويسرة ليفاجأ زوجته ... وتفاجأ هو ... بعدم وجودها ...
وتابع أنفه ... ليجد نفسه في المطبخ مع تلك الرائحة التي تنسمها مع أول دخوله ...
وكانت المفاجأة له لمنظر زوجته ...
وهي وسط المطبخ ... وتقطيع البصل تجهيزا ليوم غد ...
كي لا تنشغل بأشياء أخرى ... وعشان ما تتوسخ تاني بعد العرس ما فاتها ...
وتقوم تمشي الكوافير من بدري عشان تعمل شعرها ...
عشان بكرة الصبحية ...

استاذنا الجميل درديرى سعييد بشوفت حروفك
زمن من وعد مزنك الهتون
من زمن ايام سودان توب طبعا ..

صدقت يا كباشى يمكن اديتنا وصف معاش لحياة
الكثيرين من ضحايا الحياة الزوجية اليوم
مابين تضاد فى انسنة اشيائهم ورومانسية مشبوبة
بمحاذير نظر واهتمام الغير..
تسلم يا انيق.
اخوك alprince75
حسين يوسف مكى
25-05-2010, 12:18 PM
البرنس
من الآخر كدا
انت حكايتك شنو مع الحروم ديل
ممغوس من واحدهgooodgoood
ولا عاوز تتزوج وملاوز looool

على كل حال
ليس هناك مبرر للبشته و الوسخ و عدم الاهتمام
مافي مره او بت ما عندها واجبات مهما كانت
بس في واحده مهمله و تركن للبهدلة و عدم تنظيم نفسها و قتها

الرجل عندو دور في الحته دي
يعني الواحد لما يلقى بعض القصور ممكن ينبه بطريقه جميله
مثلا ممكن يقول ليها هاك امشي الكوفير
او اعملي حنه او قنينة عطر او قميص جميل
هنا هي بتفهم انو في شيء فات عليها مهم بالنسبه لزوجها
موش بكون احسن من يمشي يفتش لواحده تانيه كزوجه او عشيقه بحجة اهمال زوجتو لنفسها


نبراس انيقة الحضوور والحروووف

ممغوس لا ملاوز اى مع سبق الاصرار مع الاحتفاظ
بحقى الجاى وحق من سار قبلنا.:D

هناك ابعاد فى شكل الرومانسية بين كثير من الازواج
بالتالى خذ او اعط لها فهم مغاير
المراة بتعتبر انها بتختفى الرومانسية فى عالمها
مما تسمع كلمة ماما بتبقى زولة عيشة.. ودا غلت سم غلت

اما الرجل فيركن الى تصانيف وتصاريف اعماله التى غالبا
ماتاخذه بعيدا عن جوه الاسرى الخاص..
ودى حالة اخير منها مساككة البوست دهgoood
همس الشوق
25-05-2010, 12:19 PM
يا المكي كيفنك.؟.؟...

هناك فرق بين البت الآنسه والمتزوجه ..

الهرمونات ليها أثر كبير في تغيير شكل المرأه بعد الزّواج والإنجاب ..

أولا زيادة الوزن ..زيادة حجم الأثداء ..إمتلاء الارداف ..و...و...و...

لكن أي إهمال في اللبس أو الِشّعر او المظهر بكون تقصير منها ...
ويا دكتوره الجنسيات التانيه دي ما عندهن هرمونات
بنلاقي المراة منهم متزوجه احلى من قبل
ولم تظهر عليها أي تضاريس او مرتفعات

بجيكم بي رواااااااااااااااقه
موضوع مسخن :D
حسين يوسف مكى
25-05-2010, 12:22 PM
يازولة كلامك دا بتقوليهو لي منو
العالم دي قاعدة في الضل وينظرو ساي
كلامهم دا كلام ناس بيعاينوا من بعيد

سمورية !!

السعيد يشوف فى اللابدين وكابين الزوغة
والشقى يرجا الجاياهو
وانا بين بين غايتو:D
حسين يوسف مكى
25-05-2010, 12:24 PM
ويا دكتوره الجنسيات التانيه دي ما عندهن هرمونات
بنلاقي المراة منهم متزوجه احلى من قبل
ولم تظهر عليها أي تضاريس او مرتفعات

بجيكم بي رواااااااااااااااقه
موضوع مسخن :D


همس وين ماشة ؟
تعالى واصلى ,الغداء على اخوك برنس بتوقيت سودانيات
مع مراعاة فروق الوجبات ديمغرافيا :D:D:D
بسمله
25-05-2010, 12:25 PM
انتى زاتك كلامك صح

لكن يا ناس كاكا
تانى ناس هييييييييييييع ديل
يقعو وين؟


يقعو..

:D


يقعو اقصى الشمال ...

:p
حسين يوسف مكى
25-05-2010, 12:47 PM
يقعو..

:D


يقعو اقصى الشمال ...

:p


كيف وصول
زمن الغنا ؟
وكتين ترحل
مباهج الزكريات
وتوصد ابواب الهنا
وكيف بكون زمن الحراز
العمرو مالاطف مطر
الرحيل والدندنة..
بسمله
25-05-2010, 02:21 PM
:D


:D


:D
حسين يوسف مكى
25-05-2010, 02:29 PM
:D


:D


:D


:p
Dr. Mohammed Hassan
25-05-2010, 03:50 PM
في اخر لقاء تلفزيوني له
سئل الشاعر ابو آمنة حامد رحمه الله ان كان قد كتب في زوجته اي شعر
اجاب نعم لقد كتبت فيها وشوشني العبير

اما ان
فاقول
وشوشني العوير
همس الشوق
25-05-2010, 07:33 PM
جيت قلته احصل الموضوع لقيت النقاش قلب لي رومانسيه وكداا يعني


لكن يا جماعه خلونا نكون واقعيين ... اساسا اي شي التربيه والمجتمع المحيط بيك ... يعني بس نحن شفنا الرومانسيه وين .... ايوه شفنا الاحترام والتقدير للزوج من امهاتنا .... لكن الرومانسيه البتتكلمو عنها دي ... ما شفناها ..... كيف نقدر نعيشها .... مدام نحن البت لو إتكلمت بي مياعه بنهروها ...... وكلمة يا حبيبي دي من المحرمات تقولها الزوجه لزوجها وكان قالتها ليهو في غرفه النور وبصوت هاااااااااامس عشان البره ما يسمعو...... رومانسيه وين ونحن عندنا الاسرة الممتده ... يعني الحوش بتكون ساكنه فيهو العائله كلها ... بي جاي اخوك وبي جاي اختك .... وين الخصوصية ..... وين حريه التعبير....... وين الملايين

قال رومانسيه
تاتاي
25-05-2010, 09:24 PM
اما بالنسبة لي أنا بخصوص الطرح الرئيسي في البوست
قالحمدلله رب العالمين متزوج من فترة ليست بالقصيرة ومبسوووووووووووووط معاها 24 قبراط وكل يوم بيشكل اضافة موجبة لحياتنا ومن هم حولنا يعلمون ذلك

ولو كان في طريقة كان مشيت تاااااني اتقدمت ليها برضو
همس الشوق
26-05-2010, 07:20 AM
اما بالنسبة لي أنا بخصوص الطرح الرئيسي في البوست
قالحمدلله رب العالمين متزوج من فترة ليست بالقصيرة ومبسوووووووووووووط معاها 24 قبراط وكل يوم بيشكل اضافة موجبة لحياتنا ومن هم حولنا يعلمون ذلك

ولو كان في طريقة كان مشيت تاااااني اتقدمت ليها برضو

ولد داا...

أحب هكذا حياة
وكلام زي دا بكون دافع كبير لينا

أنه لسه الحياة الزوجيه بخير

تاتاي ..
سعيدة بقراءة هذه الجزئيه وإن دل إنما يدل على التفاهم والوئام والعطاء من كليكما ... فالحياة الزوجيه هي عطاء من غير إنتظار للمقابل ... حينها يكون الناتج ..كما تفضلت

قلته لي يعني حتمشي تااااااااااااااني ليها هي
مافي طريقه يعني looool
آيات
26-05-2010, 07:38 AM
اما بالنسبة لي أنا بخصوص الطرح الرئيسي في البوست
قالحمدلله رب العالمين متزوج من فترة ليست بالقصيرة ومبسوووووووووووووط معاها 24 قبراط وكل يوم بيشكل اضافة موجبة لحياتنا ومن هم حولنا يعلمون ذلك

ولو كان في طريقة كان مشيت تاااااني اتقدمت ليها برضو

إزيكم ياشباب ....
موضوعكم كارب ...
لكن عجبتوني شديد ياتاتاي
تاني ماتكلم زول ..لأنه بطقوكم عين ..
حسين يوسف مكى
26-05-2010, 07:44 AM
في اخر لقاء تلفزيوني له
سئل الشاعر ابو آمنة حامد رحمه الله ان كان قد كتب في زوجته اي شعر
اجاب نعم لقد كتبت فيها وشوشني العبير

اما ان
فاقول
وشوشني العوير

دكتور محمد يا صباحات شايلة الفرح!!

كويس انو فى شيتن اخضر حرك كوامنك
فى ناس لا بتوشوشو ولا بوشوشو
معناها لا عبير ولا بسمة غرير..
شى من لاشى كفاية:o
حسين يوسف مكى
26-05-2010, 07:51 AM
جيت قلته احصل الموضوع لقيت النقاش قلب لي رومانسيه وكداا يعني


لكن يا جماعه خلونا نكون واقعيين ... اساسا اي شي التربيه والمجتمع المحيط بيك ... يعني بس نحن شفنا الرومانسيه وين .... ايوه شفنا الاحترام والتقدير للزوج من امهاتنا .... لكن الرومانسيه البتتكلمو عنها دي ... ما شفناها ..... كيف نقدر نعيشها .... مدام نحن البت لو إتكلمت بي مياعه بنهروها ...... وكلمة يا حبيبي دي من المحرمات تقولها الزوجه لزوجها وكان قالتها ليهو في غرفه النور وبصوت هاااااااااامس عشان البره ما يسمعو...... رومانسيه وين ونحن عندنا الاسرة الممتده ... يعني الحوش بتكون ساكنه فيهو العائله كلها ... بي جاي اخوك وبي جاي اختك .... وين الخصوصية ..... وين حريه التعبير....... وين الملايين

قال رومانسيه


همس يا شوووق !!

كلامك صح.. وح تظل التربية هى
فيصل الاشياء مابين الاشياء المكتسبة طواعية
والاشياء المغروسة بمفاهيم تربوية.
اغلب الاسر تفتقد الرومانسية ..بالضرورة
يجب ان يكون هناك همس حتى ولو مبحوح النبرة.
يعنى المرا,ة السودانية كعادتها الحبكانات والحنك
والكلام الناعم الراجل بسمعو ايام الخطوبة
وايام الزواج الاولى وتانى يقابلوهو بالشعر المكنوش
وطلبات يوم بكرة وقروش الجمعية وناس فلانة جو
من سودانيات نمشى نزورهم هكذا الحال بعد
الزواج..
تاتاي
26-05-2010, 07:52 AM
ولد داا...

أحب هكذا حياة
وكلام زي دا بكون دافع كبير لينا

أنه لسه الحياة الزوجيه بخير

تاتاي ..
سعيدة بقراءة هذه الجزئيه وإن دل إنما يدل على التفاهم والوئام والعطاء من كليكما ... فالحياة الزوجيه هي عطاء من غير إنتظار للمقابل ... حينها يكون الناتج ..كما تفضلت

قلته لي يعني حتمشي تااااااااااااااني ليها هي
مافي طريقه يعني looool

الاخت همس الشوق
لك التقدير على جميل التناول

بالجد الحياة الزوجية بألف خير ياهمس
والحاجات السالبة البنسمعها حاصلة دي
صدقيني لا تسوي شيء امام الايجابيات
الايجابيات المعاشة في الواقع
امكن نحن كسودانييييييين صعبين شوية
في اظهار العواطف لكنها متوفرة بصورة
تفوق الخيال .....
اقول ليك حاجة في حتة الاظهار دي
والله العظيم لحدي ما ابوي وامي ماتوا
ماحصل اني شفت ابوي بيسلم على امي
في يدها... او قاعدين على انفراد بيتونسوا
رغم انهم عاشوا مع بعض بعمر اخوي الكبير (65)
سنة .... واعلم تماما كمية المحبة والاحترام
الكانت سائدة بينهما الى ان توفت الوادة (رحمها الله )
بعد عام من وفاتها سألت والدي في خطوة اردت ان
ابره فيها ....
ابوي رأيك شنو لو ازوجك واحدة تونسك خاصة ونحن
كتب لينا ان نكون بعيدين منك شوية ؟؟؟؟
اول مرة في حياتي اشوف دمعة ابوي اليوم داك
قال لي : ياولدي كتر خيرك وجميلتك ثابتة وأنك حاسي
بي قدر ده دي كفاية علي ...
امك ياولدي ماااااافي مرة بتملأ مكانها .. كان في البيت
ولا كان في القلب ....
أخذني في حضنة وبكينا طويلا ثم استغفرنا ربنا ودعونا لها
بالرحمة ....

عليهم رحمة الله جميعا
حسين يوسف مكى
26-05-2010, 07:55 AM
اما بالنسبة لي أنا بخصوص الطرح الرئيسي في البوست
قالحمدلله رب العالمين متزوج من فترة ليست بالقصيرة ومبسوووووووووووووط معاها 24 قبراط وكل يوم بيشكل اضافة موجبة لحياتنا ومن هم حولنا يعلمون ذلك

ولو كان في طريقة كان مشيت تاااااني اتقدمت ليها برضو


تاتاى سيد السماحة!!

ادامها الله عليك بهجة وافراح
وحياة مليئة بالنجاحات على كافة الاصعدة..
ده نبا سار ماشاء الله ربنا يسعدكم.
عللا قول يسا اغلى زول نسيبتك على قيد الحياة؟looool
جانيت
26-05-2010, 07:58 AM
امك ياولدي ماااااافي مرة بتملأ مكانها .. كان في البيت
ولا كان في القلب ....
أخذني في حضنة وبكينا طويلا ثم استغفرنا ربنا ودعونا لها
بالرحمة ....

عليهم رحمة الله جميعا

ده شنو يا تاتاي من الصباح كده الله يرحمها
بكيتوني معاكم
بس انا حضنت كيبورديني وبكيت

ياخ زي الوفاء ده في
الله يسالني الرجال بقو يعزلو المرة من صيوان بكاء المسكينة الراحت شمار في مرقة
تاتاي
26-05-2010, 08:05 AM
تاتاى سيد السماحة!!

ادامها الله عليك بهجة وافراح
وحياة مليئة بالنجاحات على كافة الاصعدة..
ده نبا سار ماشاء الله ربنا يسعدكم.
عللا قول يسا اغلى زول نسيبتك على قيد الحياة؟looool

تسلم ياذوق على حلو الكلام
وجميل الدعوات وامنياتي لك
بمثل ماقلت ....
نسيبتي أسأل الله ان يمد في ايامها
يا اخي دي حاجة فوق الوصف بمراحل
تقول لبتها ( زوجتي ) انتِ بتعرفي
شنو ؟؟؟؟

شكرا ليك كتيريا حسن ياممتاز
حسين يوسف مكى
26-05-2010, 08:06 AM
الاخت همس الشوق
لك التقدير على جميل التناول

بالجد الحياة الزوجية بألف خير ياهمس
والحاجات السالبة البنسمعها حاصلة دي
صدقيني لا تسوي شيء امام الايجابيات
الايجابيات المعاشة في الواقع
امكن نحن كسودانييييييين صعبين شوية
في اظهار العواطف لكنها متوفرة بصورة
تفوق الخيال .....
اقول ليك حاجة في حتة الاظهار دي
والله العظيم لحدي ما ابوي وامي ماتوا
ماحصل اني شفت ابوي بيسلم على امي
في يدها... او قاعدين على انفراد بيتونسوا
رغم انهم عاشوا مع بعض بعمر اخوي الكبير (65)
سنة .... واعلم تماما كمية المحبة والاحترام
الكانت سائدة بينهما الى ان توفت الوادة (رحمها الله )
بعد عام من وفاتها سألت والدي في خطوة اردت ان
ابره فيها ....
ابوي رأيك شنو لو ازوجك واحدة تونسك خاصة ونحن
كتب لينا ان نكون بعيدين منك شوية ؟؟؟؟
اول مرة في حياتي اشوف دمعة ابوي اليوم داك
قال لي : ياولدي كتر خيرك وجميلتك ثابتة وأنك حاسي
بي قدر ده دي كفاية علي ...
امك ياولدي ماااااافي مرة بتملأ مكانها .. كان في البيت
ولا كان في القلب ....
أخذني في حضنة وبكينا طويلا ثم استغفرنا ربنا ودعونا لها
بالرحمة ....

عليهم رحمة الله جميعا


تاتاى انت اجمل من جميل.. لهما الرحمة .


احكى ليك يمة عن حالى
لو تقيفى معاى شوية!
عن ماّسى طال مداها
فى قليب مليان اسية
يوم ودعت للناس العوافى
ومسحتى للدمعة السخية
كنت شايف همّى انتى
وشى البنية
زولة ماعاشت مواجع
وعايشة بى نفسا رضية
من زمن قلتيها غنوة
شان وجودا يبقى ليّ
لملمت لى شنطى وحزمت
سفر بلحيل معزب
بى جفاك والحفيّة
لما ختيت رحالى فى بلد
قالوها هىّ
ناس تهاجر لما توصل
والكلام نفس الوصية
عشت فى ساحات وسيعة
ناس مواكب وجد وفية
فى بلد منك مسافة
جذوة الشوق فينى حيّة
بكرة بوصل لى دياركم
وانسى هم الغربة ديّا
اصلى راجع لى صباحك
يمة والمساءات النديّة..



تاتاى تسلم دا نجر لحظى عوضا عن كوامن
اللهفة والشوق السرح بفقدان احب الناس
لكل زول فينا..

وتانى م تجهجهنا كدا.. بحبك جدا:o
تاتاي
26-05-2010, 08:08 AM
ده شنو يا تاتاي من الصباح كده الله يرحمها
بكيتوني معاكم
بس انا حضنت كيبورديني وبكيت

ياخ زي الوفاء ده في
الله يسالني الرجال بقو يعزلو المرة من صيوان بكاء المسكينة الراحت شمار في مرقة

معذرة جانيت ان هبشت فيك كلماتي
عصب المشاعر الدفاقة
واشكر لك المؤازرة والمشاركة
بالدموع

فعلا زي الوفاء ده نااااادر والله

شكرا ليك كتير ياجانيت
حسين يوسف مكى
26-05-2010, 08:09 AM
إزيكم ياشباب ....
موضوعكم كارب ...
لكن عجبتوني شديد ياتاتاي
تاني ماتكلم زول ..لأنه بطقوكم عين ..

حبابك ايات

اها جرى بمبرك وصنقرى فى الضل
تاتاي
26-05-2010, 08:23 AM
الودود حسن .....

يا اخي أحبك الله الذي احببتني فيه وصلة ان شاء الله لن تنقطع
وشكرا ليك كتير على حلو المشاركة وجمسيل الشعور والمشاعر
كلامك ملياااااااااااان محنة وجاي من دواخل صادقة

خلاص تاني مافي جهجهة تب

تسلم كتير ياغالي
تاتاي
26-05-2010, 08:26 AM
إزيكم ياشباب ....
موضوعكم كارب ...
لكن عجبتوني شديد ياتاتاي
تاني ماتكلم زول ..لأنه بطقوكم عين ..

آيات

تحية طيبة ليك

يعجبوك وليداتك ان شاء الله كان هسي وكان لقدام
الحافظ الله يا آيات وبيني وبينك كلما ألاقي فرصة زي
دي في المجتمع بحاول اظهار الحتة دي بالذات عسى ولعل
ان نكون قدوة لآخرين وبالتالي تعم السعادة والهناء بين الناس

شكرا ليك كتير
هيفاء عبدالستار
26-05-2010, 04:39 PM
ويا دكتوره الجنسيات التانيه دي ما عندهن هرمونات
بنلاقي المراة منهم متزوجه احلى من قبل
ولم تظهر عليها أي تضاريس او مرتفعات

بجيكم بي رواااااااااااااااقه
موضوع مسخن :D

همس ياختي كيفنك ..

ياخيتي الخواجيات أدوهن مديدة الحلبه يا يمه ..

ولا رقدن شهرين يشيلو منهن ويختو ليهن ..

الواحه تلد في الشّغل ..وفي التاكسي ..

وتقوم طوالي علي شغلتا ولا مديده ولا شوربة حَمَام ..

نحن أهلنا الجعافره كان البت طلعت من النُّفاس ضعفانه شويه ..

النّسوان يشيلن حالا وحال أمها ..

يقولو ليك دي (مرة الما حمد سيدو, حد ما يمد إيدو , العضُم يصيدو )
همس الشوق
27-05-2010, 09:08 AM
همس يا شوووق !!

كلامك صح.. وح تظل التربية هى
فيصل الاشياء مابين الاشياء المكتسبة طواعية
والاشياء المغروسة بمفاهيم تربوية.
اغلب الاسر تفتقد الرومانسية ..بالضرورة
يجب ان يكون هناك همس حتى ولو مبحوح النبرة.
يعنى المرا,ة السودانية كعادتها الحبكانات والحنك
والكلام الناعم الراجل بسمعو ايام الخطوبة
وايام الزواج الاولى وتانى يقابلوهو بالشعر المكنوش
وطلبات يوم بكرة وقروش الجمعية وناس فلانة جو
من سودانيات نمشى نزورهم هكذا الحال بعد
الزواج..

هي تربيه .. وربما موروث
توارثناه من اهلنا
المراة والرجل رومنسيه في المواقف الصعبه فقط
يعني عايز تعرف زول بعزك كيف .. أمرض .. أو خلي يصيبك اي مكروه لا سمح الله
وقتها بتعرف الناس بتحبك كيف .. ومن ضمنهم زوجتك .. أو الزوج كيف بيقطر حنان لزوجته ...
هي مسأله تعود
لا نبوح بالحب ولكنا نتعامل به
لا نتعاطي الرومانسيه حيه ولكننا نتدقنها في الإحترام والتقدير
همس الشوق
27-05-2010, 09:10 AM
الاخت همس الشوق
لك التقدير على جميل التناول

بالجد الحياة الزوجية بألف خير ياهمس
والحاجات السالبة البنسمعها حاصلة دي
صدقيني لا تسوي شيء امام الايجابيات
الايجابيات المعاشة في الواقع
امكن نحن كسودانييييييين صعبين شوية
في اظهار العواطف لكنها متوفرة بصورة
تفوق الخيال .....
اقول ليك حاجة في حتة الاظهار دي
والله العظيم لحدي ما ابوي وامي ماتوا
ماحصل اني شفت ابوي بيسلم على امي
في يدها... او قاعدين على انفراد بيتونسوا
رغم انهم عاشوا مع بعض بعمر اخوي الكبير (65)
سنة .... واعلم تماما كمية المحبة والاحترام
الكانت سائدة بينهما الى ان توفت الوادة (رحمها الله )
بعد عام من وفاتها سألت والدي في خطوة اردت ان
ابره فيها ....
ابوي رأيك شنو لو ازوجك واحدة تونسك خاصة ونحن
كتب لينا ان نكون بعيدين منك شوية ؟؟؟؟
اول مرة في حياتي اشوف دمعة ابوي اليوم داك
قال لي : ياولدي كتر خيرك وجميلتك ثابتة وأنك حاسي
بي قدر ده دي كفاية علي ...
امك ياولدي ماااااافي مرة بتملأ مكانها .. كان في البيت
ولا كان في القلب ....
أخذني في حضنة وبكينا طويلا ثم استغفرنا ربنا ودعونا لها
بالرحمة ....

عليهم رحمة الله جميعا

ومن شابه أباه فما ظلم
بجد تعاطفت مع موقف والدك

لانه شبيه بموقف والدتي بعد وفاة الوالد رحمة الله عليه
وفي مزح معها ...
يمه .. أيه رايك نعرس ليك
قالت تاااااااااااني بعد ابوكم
قلنا ليها فيها شنو يعني
قالت خلاص انا موافقه
لو لقيتو راجل زي أبوكم

هنا فاض الدمع ..
همس الشوق
27-05-2010, 09:15 AM
همس ياختي كيفنك ..

ياخيتي الخواجيات أدوهن مديدة الحلبه يا يمه ..

ولا رقدن شهرين يشيلو منهن ويختو ليهن ..

الواحه تلد في الشّغل ..وفي التاكسي ..

وتقوم طوالي علي شغلتا ولا مديده ولا شوربة حَمَام ..

نحن أهلنا الجعافره كان البت طلعت من النُّفاس ضعفانه شويه ..

النّسوان يشيلن حالا وحال أمها ..

يقولو ليك دي (مرة الما حمد سيدو, حد ما يمد إيدو , العضُم يصيدو )

لا انا ما بتكلم عن الخواجيات
بتكلم عن الجنسيات العربيه
يعني الواحد يكون ماشي معاها ولدها طويييييييل
وهي تلقيها أناقة وإستايل
نحن مشكلتنا الإهمال
كدي بيني وبينك
الرجال دي ما يكشفوا حالنا
نحن السودانيات ديل مهملات لدرجه
يعني فعلا النسوان المتزوجات ما بتزينن الا للطلعه
وي الطامه الكبرى
الواحده تلقيها اليوم كله حايمه بالجلابيه الطويله
امات سبعه ونص في السوق
والشعر كعكات ما بفكوهن الا وقت الطلعه
ومافي حته جرة كحل يا كافي البلا
حسين يوسف مكى
27-05-2010, 03:00 PM
هي تربيه .. وربما موروث
توارثناه من اهلنا
المراة والرجل رومنسيه في المواقف الصعبه فقط
يعني عايز تعرف زول بعزك كيف .. أمرض .. أو خلي يصيبك اي مكروه لا سمح الله
وقتها بتعرف الناس بتحبك كيف .. ومن ضمنهم زوجتك .. أو الزوج كيف بيقطر حنان لزوجته ...
هي مسأله تعود
لا نبوح بالحب ولكنا نتعامل به
لا نتعاطي الرومانسيه حيه ولكننا نتدقنها في الإحترام والتقدير

دا السودان !!



ودا,, السودان
نورو يشع كما مد البصر
وزيو عدم..
فى باديتو عربانا مكحلة
بى بصيرة زول
لوح قران وكلو علم..
وزايد فوق بلود الغير
نيلا لى الفيافى بيعم..
فيهو جرارى والمردوم
دليبا زى منارتنا
وحنين تُمتُم..
وجنياتا بعقرو السارحة
وفزعا يلم الرايحة
قبال الخلوق تتلم..
ودا السودان..
كضب من قال بيشابيلنا
ومحال يندم..
وكضب البدنى لى خيرنا
الساقينو بى عرق العشير والعم..
حسين يوسف مكى
27-05-2010, 03:01 PM
هي تربيه .. وربما موروث
توارثناه من اهلنا
المراة والرجل رومنسيه في المواقف الصعبه فقط
يعني عايز تعرف زول بعزك كيف .. أمرض .. أو خلي يصيبك اي مكروه لا سمح الله
وقتها بتعرف الناس بتحبك كيف .. ومن ضمنهم زوجتك .. أو الزوج كيف بيقطر حنان لزوجته ...
هي مسأله تعود
لا نبوح بالحب ولكنا نتعامل به
لا نتعاطي الرومانسيه حيه ولكننا نتدقنها في الإحترام والتقدير

همس ي شوق !!

شكرا نديا..
مي هاشم
27-05-2010, 03:19 PM
هل ستظل المراة بنفس جمالياتها حتى بعد الزواج والانجاب؟
ام هناك فى عوامل تعرية عاطفية كيما يصبح وشها زى درب الشكلة؟
او هناك شماعة الوضع الاقتصادى تحرمها من ايام الدلال؟
وللا الراجل هو السبب فى افتعال تلك البلاوى؟

رايكم? ومافى زول يكب الزوغة

كل شي بيتغير بعد الزواج..
إما للأفضل أو للأسوأ..وفي الحالتين توجد تقلبات ناتجة عن الظروف العامة من وضع اقتصادي، نفسي، صحي، وغيرها..

شوف البوست بتاعي الزواج قبله وبعده ..


ولي عودة
حسين يوسف مكى
27-05-2010, 06:54 PM
كل شي بيتغير بعد الزواج..
إما للأفضل أو للأسوأ..وفي الحالتين توجد تقلبات ناتجة عن الظروف العامة من وضع اقتصادي، نفسي، صحي، وغيرها..

شوف البوست بتاعي الزواج قبله وبعده ..


ولي عودة



مي !!

عودا حميما مستطاب..

لعل القادم من دنيا الالفة بين اتنين

يحمل متغيرات تضج بها

ارصفة ملامحه من باب غدا

نكون كما نود..

فعلا المتغيرات نستصحبها

لا شك اننا نغير بعض اشيائنا

ولكن بفهم المتبصر لقادمات الايام

لان مناصفة المشاوير تهب الزوجين

احساسا لا يخالجه امتعاض اذا

كانت القناعة ارضية للانطلاق..

تحياتى النواضر.
شكرا بلا رهان..
نسايم
28-05-2010, 02:49 AM
هل ستظل المراة بنفس جمالياتها حتى بعد الزواج والانجاب؟
ام هناك فى عوامل تعرية عاطفية كيما يصبح وشها زى درب الشكلة؟
او هناك شماعة الوضع الاقتصادى تحرمها من ايام الدلال؟
وللا الراجل هو السبب فى افتعال تلك البلاوى؟

رايكم? ومافى زول يكب الزوغة
حسن
سلام عليكم
انا غتيتو لسة ما دخلت البرنامج دا
لكن في اعتقادي انو شكلا بتتغير
بي حكم الولادة والزمن الا من كانت مشغولة فوق العادة بي جسمها
ودي صدقنى نادرة
ودا مامهم المهم التغيير الداخلي والحب الببقي دفء جميل بيدفئ البيت وينتج اسرة جميلة
رعاية العلاقة بتعتمد علي الاتنين مدي تفاهمهم قبل وبعد الزواج
لازم يكون بيناتهم شوية تفاهم علي شوية اتفاق وتنازلات
والمرأة انثي حتى في الستيين لكن بعتمد اظهار انوثتها عليها هي والطرف التانى
عشان كدا دايما لازم الزوج يشعر شريكته انها اجمل انثي عشان هو ما ينسي
ولا شنو
حسين يوسف مكى
28-05-2010, 09:41 AM
حسن
سلام عليكم
انا غتيتو لسة ما دخلت البرنامج دا
لكن في اعتقادي انو شكلا بتتغير
بي حكم الولادة والزمن الا من كانت مشغولة فوق العادة بي جسمها
ودي صدقنى نادرة
ودا مامهم المهم التغيير الداخلي والحب الببقي دفء جميل بيدفئ البيت وينتج اسرة جميلة
رعاية العلاقة بتعتمد علي الاتنين مدي تفاهمهم قبل وبعد الزواج
لازم يكون بيناتهم شوية تفاهم علي شوية اتفاق وتنازلات
والمرأة انثي حتى في الستيين لكن بعتمد اظهار انوثتها عليها هي والطرف التانى
عشان كدا دايما لازم الزوج يشعر شريكته انها اجمل انثي عشان هو ما ينسي
ولا شنو

نسايم الفرحة اهلا !!

قطعا هناك عوامل تتغير معها
كل الملامح .. ولكن هل هذا التغيير
فقط منوط به انثانا السودانية؟
الرجل عليه توفير الكم العاطفى والوجدانى
حتى يظل الهرم الجمالى كما هو
لنصفه الاخر..
شكرا جميلا نسائم..
نسايم
28-05-2010, 01:55 PM
نسايم الفرحة اهلا !!

قطعا هناك عوامل تتغير معها
كل الملامح .. ولكن هل هذا التغيير
فقط منوط به انثانا السودانية؟
الرجل عليه توفير الكم العاطفى والوجدانى
حتى يظل الهرم الجمالى كما هو
لنصفه الاخر..
شكرا جميلا نسائم..

زميلي محلل شاطر لشخصية الرجل السوداني قال اننا نخاف ان نعثر علي الشخصية الرقيقة داخلنا ... فالرجل حينما يشعر بمشاعر دفء وحبكانية امام ام العيال ما له الا ان يجعر يامرة سوي شاي الترجمة .. انا بحبك.. فعليك الله الزول يدي كيف في زول لسانو مامتصل بي قلبو ...