لو ما قصة رغيف تطلع شنو طيب؟؟

[hamza]

قصيدة طلعت في فترة كموضة وشعار في صيحات وهتافات الكيزان ...

بحيث كان مطلعها يقول

ايا زول اقيف

القصة ما قصة رغيف .....

اها دا زمان زمن الحرب .... اذا سلمنا ان القصة ما قصة رغيف ...

يا ربي هسي بعد الحرب وقفت والبترول طلع

لسه تكون القصة ما قصة رغيف ؟؟



حرب الجنوب كانت تكلف (الشعب السوداني ) وليس حكومة جمهورية السودان يوميا 2 مليون دولار ... هذا الرقم سمعته بأذني من وزير المالية السابق الدكتور عبد الوهاب عثمان .. والان الحرب توقفت بحيث ان توقفها يوفر لخزائن الدولة 60 مليون دولار شهريا زائدا ايرادات البترول والخ ... ولا يزال الغلاء طاحنا ... والاسعار في ارتفاع مستمر وبمتوالية هندسية ... والامر مخيف فعلا ...

والحكومة لا تمنح الشعب سوي مخلفات البترول (الاسفلت) الذي تقدم عطاءات انشاء الطرق التي يفرح بها المواطن الي شركاتها .. وحتي هذه الطرق التي يتم انشاءها لا تكون بمواصفات متميزة لتهلك وتصبح عبارة عن حفر حتي تجدد كل عام ويضطر المواطن الي تحمل العبء الضريبي وحده برغم فرحته المغشوشة ....




فهل نحن في زمن اصبح فيه سقف امنيات المواطن السوداني هو (شارع ظلط ) ؟؟؟

تبنا لله والرسول :(

تحياتي وودي

[زول الله]

قصيدة طلعت في فترة كموضة وشعار في صيحات وهتافات الكيزان ...
بحيث كان مطلعها يقول
ايا زول اقيف
القصة ما قصة رغيف .....
اها دا زمان زمن الحرب ....

فهل نحن في زمن اصبح فيه سقف امنيات المواطن السوداني هو (شارع ظلط ) ؟؟؟

:(

تحياتي وودي
حمزة المواطن السوداني فقد أرضية أمنياته -إلا من تكوزن أو رحم ربي-
وسقف الأمنيات صار رغيفاً اسمراً وشربة ماء
هو زمن الرضا بالابتلاء دون حتى محاولة الدعاء لتخفيفه - زمن ممحوق

ثم توضيحاً فـ القصة ماقصة رغيف طلعت قبل الكيزان
ونشرت في جريدة الشماشة أو صوت الشارع تقريباً
ايام حكومة الاحزاب التي ايضاً لاخافت فينا ربنا ولاخلقو
وقد كُتبت ذات مظاهرات بسبب شح الرغيف والدقيق
يقول مطلعها:
آآآ زول أقيف
القصة ماقصة رغيف
القصة قصة شعب راكع من زمان عايز يقيف
مغلول ومقهور بالسلاح فوق راسو سيف
......الخ

وهي بنظمها هذا لاتروق للكيزان ولاتنتمي إليهم - والله أعلم











اقول قولي هذا واستغفر الله لي ..............

[معتصم الطاهر]

الحرب تكلف 2 مليون دولار

و السلام يكلف 20 مليون دولار


أها البلد كلها زفت ..إلا شوارع الزلط ما فيها زفت ..

[أميرى]

فهل نحن في زمن اصبح فيه سقف امنيات المواطن السوداني هو (شارع ظلط )

ياخ كتبت مداخلة طويلة ومسحتها

المهم ازيك

[حافظ اسماعيل احمد]

سلامات
همزة وصل نقطة سطر جديد
فطر سطر واخد صدر

القصة ما قصة رغيف القصة قصة جيش عنيف

قصة الرغيف عندنا نحن عندهم القصة سخيف
Hummer -GXr الطابق الخامس والزوجة الرابعة

[hamza]

حمزة المواطن السوداني فقد أرضية أمنياته -إلا من تكوزن أو رحم ربي-
وسقف الأمنيات صار رغيفاً اسمراً وشربة ماء
هو زمن الرضا بالابتلاء دون حتى محاولة الدعاء لتخفيفه - زمن ممحوق

ثم توضيحاً فـ القصة ماقصة رغيف طلعت قبل الكيزان
ونشرت في جريدة الشماشة أو صوت الشارع تقريباً
ايام حكومة الاحزاب التي ايضاً لاخافت فينا ربنا ولاخلقو
وقد كُتبت ذات مظاهرات بسبب شح الرغيف والدقيق
يقول مطلعها:
آآآ زول أقيف
القصة ماقصة رغيف
القصة قصة شعب راكع من زمان عايز يقيف
مغلول ومقهور بالسلاح فوق راسو سيف
......الخ

وهي بنظمها هذا لاتروق للكيزان ولاتنتمي إليهم - والله أعلم
اقول قولي هذا واستغفر الله لي ..............



زول الله

مشكلة الشعب السوداني اصبحت في صمته المريب ...
وخضوعه المذل الذي جعل السلطان يطمع ولا يتورع في اذلاله ...
فالمسألة ليست في فساد الحكومات انما في الصمت الشعبي الفاسد ...


اما بخصوص القصيدة فحرفها الكيزان وفصلوها كما يفصلون ايات القرآن الكريم
حسب ما يحبون وحرفوها كالاتي :

آآآآ زول اقيف
القصة ما قصة رغيف
القصة قصة كوز نضيف


شكرا صديقي

[hamza]

الحرب تكلف 2 مليون دولار

و السلام يكلف 20 مليون دولار


أها البلد كلها زفت ..إلا شوارع الزلط ما فيها زفت ..

هههههههههههههههه

والله يا معتصم اضحكتني بصورة لا تتخيلها ...

لكن حقا فاتورة السلام اعلي ...لان الكل يعتبر نفسه جالب السلام او داعية اليه ...

وكل يطلب حسابه ....

بس وين الوطنية ؟؟؟

ام الوطنية اصبحت هم امتلاء الجيوب فقط ؟؟

شكرا صديقي معتصم

[hamza]

ياخ كتبت مداخلة طويلة ومسحتها

المهم ازيك

مسحتها ليه يا اميري ؟؟؟

عموما مرحب بيك ويا ريت تجي تنزلها تاني اخوي

تحياتي

[hamza]

سلامات
همزة وصل نقطة سطر جديد
فطر سطر واخد صدر

القصة ما قصة رغيف القصة قصة جيش عنيف

قصة الرغيف عندنا نحن عندهم القصة سخيف
Hummer -GXr الطابق الخامس والزوجة الرابعة

يا ساتر يا رب

اخي حافظ

درست في العلوم السياسية ان الانسان ينقسم الي اربعة اقسام

1: كفء ومؤتمن

2: كفء وغير مؤتمن

3: غير كفء ومؤتمن

4: غير كفء وغير مؤتمن

ولكن كل الانظمة الشمولية تعمل بالخيار الثالث ..

فالامانة هنا يقصد بها الثقة التنظيمية وليست الثقة التأهيلية ...

وهي ان توقفت عن الطابق الخامس والزوجة الرابعة والعربات اخر موديل كويس

المشكلة اكبر من ذلك ...

فالبحر لا يرفض السيول اطلاقا ...

وبحر الكيزان لا يرفض الاموال خصوصا اذا كانت سايبة ...

والناس تفتش عن حلم تواري داخل كروش الكيزان ..

فأني لهم ذلك ؟؟؟

تحياتي اخي

[الرشيد اسماعيل محمود]

لو ما قصة رغيف تطلع شنو طيب؟؟
تطلع..تطلع..
مافي خيارات...؟؟:D
حمزة مساء الفل..
و..
القصة ماقصة رغيف.

[hamza]

تطلع..تطلع..
مافي خيارات...؟؟:D
حمزة مساء الفل..
و..
القصة ماقصة رغيف.

الخيارات انو يا تطلع روح الشعب

يا تطلع روح الشعب ....

مساء الجمال الرشيد

والقصية قصة رغيف ...:D