ندى
28-02-2006, 03:21 PM
الخال .. الطيب .. غاندي .. عكود ... الجيلي وجميع المتشاكلين في بوست غاندي
زعلانة منكم جنس زعل شديييييييييييييييييد عارفين ليه !!!!!!
لأنكم قلبتم علي مواجع كتيرة خلاص
وجع بلادنا الأولادها ما قادرين يتلموا ويتآلفو دي ووجع دارفور الخربوها أولادها
أنا غرابية من دارفور وفي دارفور من الجنجويد بقولها قبل ما تقولوها لي من الضعين عرب الرزيقات ناس موسى هلال .. اصحاب المشاكل كما هو ثابت في أذهان الكثيرين .. جدي ابو أمي متزوج جنوبية عندي منها خيلان كتاااااااااااار بحبهم وبفتخر بيهم شديد وخالي متزوج جعلية عنده منها بنات غاليات علي شديد وواحة صاحبتي أدروبة كاملة الدسم أها السوداني أكتر مني يجي يقول لي ويغالطني
شفت كيف يا غاندي أنا من دارفور الزعلان عشانا دي لكن أنا زعلانة من أولادها اكتر منك وبرضو عاجباني ريحة الدخان والخمرة أها شنو تاني
اتولدنا واتربينا في دارفور وعمرنا ما سمعنا بالبقولو عليهو هسة من تفرقة عنصرية وحاجات كتيرة من البقولو عليها وخربو عشانا البلد وخلو الامريكان يلقو فرصتهم فينا .. عندي صاحبات كتااااااااااااااااااااااار من بنات الفور والزغاوة ووو ... عمتنا متزوجة السلطان بحر الدين سلطان المساليت وعمتنا تانية الله يرحمها كانت متزوجة ولد علي دينار وكتير من بناتنا متزوجات من ا لفور والزغاوة وغيرهم واولادنا كمان متزوجين منهم أها وحدة اكتر من كدة شنو تاني
زعلت عشان دارفور كتير زمان ايام الدراسة وكنت من البقولو انو حق دارفور مهضوم وعندنا نصيب من التنمية لازم الدولة توفرو لينا وكنت من الحريصين على اقتناء الكتاب الاسود و قلنا كتير ونادينا كتير لكن ما اتخيلت انو في يوم من الايام لما ابناء دارفور يثورو يثورو على بعضهم خساااااااااااااااارة والله
شفتو وجع اكتر من كدة
الكان صديقك زمان بقى عدوك هسة
آآآآآآآآآآآآآآآه يا بلد
العمدة موسى كبور الكتلوهو عسكر الحكومة هسة في رمضان الفات دة يبقى ود عمي لزم ولسة دمو ما برد
في وجع اكتر من كدة
شفتو كيف قلبتو علي المواجع ما كنا كويسين وافتكرنا انو لقينا الوحدة البنفتش عليها هنا و اتآلفنا بمختلف الوان الطيف الموجودة بينا لكن يا خسارة والله يا خسارة
أها بعد الكلام الكتير دة كلو العايزاهو منكم زي ما زعلتوني ترضوني تاني
اعتبرو البوست دة ابوجا منطقة للصلح اي واحد يعتذر للتاني ومن غير عتاب ساااااااااااااااي كدة بس
عشان النفوس تهدا وما تعيدو لينا وجع البلد و دارفور هنا
خلو سودانيات دي بيتنا البنرتاح فيهو
خلاص يا أخواني سماح كلكم ... ما تخلو الحكامات يغنن ليكم ويقولو ما رضيتو اختكم
أها يا الخال إنت الكبير والعشم فيك برضو كبير
ومعليش يا غارسيا لو فتحت بوست تاني لكن قصدي الناس تطلع من جو المشاحنات الهناك دة وشرط انو البدخل هنا بس للصلح ما دايرين شكل هنا خالص
اختكم ندى السودانية مية في المية
ملحوظة
آسفة شديد لو كان في كلامي كتير من الدربكة او التشتت لكن لاني بالجد زعلانة منكم زعل شديييييييييييد
زعلانة منكم جنس زعل شديييييييييييييييييد عارفين ليه !!!!!!
لأنكم قلبتم علي مواجع كتيرة خلاص
وجع بلادنا الأولادها ما قادرين يتلموا ويتآلفو دي ووجع دارفور الخربوها أولادها
أنا غرابية من دارفور وفي دارفور من الجنجويد بقولها قبل ما تقولوها لي من الضعين عرب الرزيقات ناس موسى هلال .. اصحاب المشاكل كما هو ثابت في أذهان الكثيرين .. جدي ابو أمي متزوج جنوبية عندي منها خيلان كتاااااااااااار بحبهم وبفتخر بيهم شديد وخالي متزوج جعلية عنده منها بنات غاليات علي شديد وواحة صاحبتي أدروبة كاملة الدسم أها السوداني أكتر مني يجي يقول لي ويغالطني
شفت كيف يا غاندي أنا من دارفور الزعلان عشانا دي لكن أنا زعلانة من أولادها اكتر منك وبرضو عاجباني ريحة الدخان والخمرة أها شنو تاني
اتولدنا واتربينا في دارفور وعمرنا ما سمعنا بالبقولو عليهو هسة من تفرقة عنصرية وحاجات كتيرة من البقولو عليها وخربو عشانا البلد وخلو الامريكان يلقو فرصتهم فينا .. عندي صاحبات كتااااااااااااااااااااااار من بنات الفور والزغاوة ووو ... عمتنا متزوجة السلطان بحر الدين سلطان المساليت وعمتنا تانية الله يرحمها كانت متزوجة ولد علي دينار وكتير من بناتنا متزوجات من ا لفور والزغاوة وغيرهم واولادنا كمان متزوجين منهم أها وحدة اكتر من كدة شنو تاني
زعلت عشان دارفور كتير زمان ايام الدراسة وكنت من البقولو انو حق دارفور مهضوم وعندنا نصيب من التنمية لازم الدولة توفرو لينا وكنت من الحريصين على اقتناء الكتاب الاسود و قلنا كتير ونادينا كتير لكن ما اتخيلت انو في يوم من الايام لما ابناء دارفور يثورو يثورو على بعضهم خساااااااااااااااارة والله
شفتو وجع اكتر من كدة
الكان صديقك زمان بقى عدوك هسة
آآآآآآآآآآآآآآآه يا بلد
العمدة موسى كبور الكتلوهو عسكر الحكومة هسة في رمضان الفات دة يبقى ود عمي لزم ولسة دمو ما برد
في وجع اكتر من كدة
شفتو كيف قلبتو علي المواجع ما كنا كويسين وافتكرنا انو لقينا الوحدة البنفتش عليها هنا و اتآلفنا بمختلف الوان الطيف الموجودة بينا لكن يا خسارة والله يا خسارة
أها بعد الكلام الكتير دة كلو العايزاهو منكم زي ما زعلتوني ترضوني تاني
اعتبرو البوست دة ابوجا منطقة للصلح اي واحد يعتذر للتاني ومن غير عتاب ساااااااااااااااي كدة بس
عشان النفوس تهدا وما تعيدو لينا وجع البلد و دارفور هنا
خلو سودانيات دي بيتنا البنرتاح فيهو
خلاص يا أخواني سماح كلكم ... ما تخلو الحكامات يغنن ليكم ويقولو ما رضيتو اختكم
أها يا الخال إنت الكبير والعشم فيك برضو كبير
ومعليش يا غارسيا لو فتحت بوست تاني لكن قصدي الناس تطلع من جو المشاحنات الهناك دة وشرط انو البدخل هنا بس للصلح ما دايرين شكل هنا خالص
اختكم ندى السودانية مية في المية
ملحوظة
آسفة شديد لو كان في كلامي كتير من الدربكة او التشتت لكن لاني بالجد زعلانة منكم زعل شديييييييييييد