mohamed hemaid
06-03-2006, 05:42 PM
الكرسي المكسر .... وود عمتي
العرس الليل اخوي قرررب ...... قمنا مسكنا البيوت بلطناهن وجيرناهن وعدلنا مراح البهايم ورفعنا الحيطة اللتو لا فوق وكفاي الجداد سوينا لو سلك زيادي بى صفحاتو ... وعدلنا المخروب كلو .. العناقريب شنطناهن وغيرنا لن الحبال والفيهو جقد مكسور عدلناهو ما خلينا شي ......... وأمي داخلي ومارقي وما قاعدة تسوي في شي ..... كلما تشوف لها شيتاً مخروب داير العدل... ان بقى الليل رجال تناديني انا .... وان بقى الليل حريم تنادي اخواتي .... أها انا بى نفسي قلت الحمد لله ما فضل لنا شي ... دابي كدي بالي ارتاح ... قاعد في أمان الله أمي نادتني .... يا ولد ... إنت الكرسي المكوع متل المرأة الخاتي حنتها فوق كرعيها داك ماك دار تعدلو شي ..؟ قت لها يا امي هو اصلو فد كرسي والليل خيزران كمان ... والبيت ما شاء الله ملان عناقريب والبروش والاكاليم مالات البلد دار يسوي لنا شنو ..؟ وين نطيرو ..؟ الدار يقعد فيهو منو ..؟ قالت لي أسكت اعدلو ما بيضر ... قدر ما اتزاوغت منها ابت تخليني .... اقول لها خلاص سمح باكر بعدلو ... يجي يوم باكر تطريني ياهو .. يا ولد الكرسي لا اسع قاعد بلا عدل...؟ قوم إتنفض لا فوق شوف لك ليهو طريقه ..!! آخر شي شلتو ورحت بو السوق للنجار .. لقيت النجار ماهو في ... قالوا سافر وبيرجع بعد اسبوعين ... جيت قت لها ما لقيت النجار ... قالت لي امش شوف لك مسامير دقهن فيهو خلو اليشيل حيلو شويي ... مشيت جبتهن وجبت لي شاكوش ومنشار ... جيت دار أدقهن لقيت كرعينو مهرودات يا الله يا الله يمسكن المسمار ... ماخد لي فيهو يبقى خمسة أيام .... افطر وأقييل واتغدى وانا بارك مع الكرسي ..كلما أسندو بى صفحة القى الصفحى البى غادي رقدت في الواطا .... الكراع اللتا هبرت ... متل الغنماية الماكلي العُشَر ... من شدة ما غلبني هادي الكريسي نامن مسكني القطايع ... في النهاية قمت جبت لي عيدان اللات نيم سويتن مخلوفات ودقيتن ليهو حتن دابو بقى يعني كدي شايل حيلو لكن ما هو بالحيل .. بس انا كايس الشي البيفكني منو .... بى قلبي قلت الحمد لله الانصلح ... الله فكاني من دقديق المسامير والشاكوش ... أصابعي الباكل بهن كلهن بقن منفنفات بى قدام متل الهرودي ومدرنات بالدم تقول كانن محننات , حد ما اوزن الشاكوش قصاد المسمار القاهو بى قدرة قادر هبر فوق اصابعي ... كجنت الكراسي لا يوم الله كلما اشوف لي كرسي اعاين لو بى قعر عيني عشرة .. عشرة .. قبال العرس بى يومين كدي ..... ولد عمتاً لينا جاء دار يقصنا ويشوفنا سوينا شنو ... وهو ما شاء الله تبارك الله عيني باردي .... فردة ضراعو الواحدي اللت إيدو قدر المخدة اللتي البنوم فوقها .. وكت يجيك ماشي من بعيد تعاين لو تقول الزول ده خايج لو في طين ... يومو اليجينا فيهو ده أشيل الهم لى عنيقريباتنا .. أها جاء داخل اليوم داك ... أمي مشت لفحت الكرسي جابتو ليهو وتسوي لو اتفضل .... إتفضل آ حسب الله ... انا إنشهدت وإستغفرت ... و الوسيعي دي ضاقت بي ... قعدتو فوق الكرسي هو ينضم و يأشر بى إيديهو والكرسي يزوزي تحتو متل الشافع الشايل لو جوز موية فوق كتفو .... وانا اعاين بى قعر عيني وماني قادر اقول شي .. القعدة طالت ونحنا ننضم الرجال يقعدوهن وين ؟ والبروش كان نقصن نكملن من وين ؟ .... زولك كراعو اليمين خدرت بقت منملي من القعدة الطويلي ... من فلقصتو العليهو .. دنقر بشويش دار يمسكا بى ايدو يرفعها عشان يخلفها فوق التانية ... والكرسي بقى يسوي وا ضيقي .... انا شلت نفسي وختيتو ... الكلمة في خشمي ما مرقت دار اقول لو يا زول أقيف الكرسي ده ماهو نصيح .... بلا لقيت لك الزول متكوم قبلي في الواطا متل البقجة الصارين فيها الهدوم ... إتمحنت في الطريقة الترفعو لي من الواطا شني ..؟ علا مشيت جبت لو البمبر الليل امي إتكا فوقو يا الله يا الله وقف على حيلو .... امي جات من هناك تكورك فوقي ... الله يخربك أب خدمتن مايلي ... قت لها .. يمه ..... انا الشاكوش وباقي المسامير رميتن في الادبخانة
ضحكنا وضحكت سودانيات باجمعها..
من منا لا يتذكر كرسي الخيزران؟
من منا لا يذكر لفحي ملكة سبأ ؟
من منا لم يطالب بانضمام هذا العملاق؟
هاهو بيننا الآن وسط اهلو وناسو معزز على كرسي
وهيط وراكز.. :D
رحبوا معي بالقادم الينا عبد العظيم الطاهر..
الاف المراحب بيك ياود الطاهر..
وعليك الله ابرا القلم بالصفحتين..
حميد..
العرس الليل اخوي قرررب ...... قمنا مسكنا البيوت بلطناهن وجيرناهن وعدلنا مراح البهايم ورفعنا الحيطة اللتو لا فوق وكفاي الجداد سوينا لو سلك زيادي بى صفحاتو ... وعدلنا المخروب كلو .. العناقريب شنطناهن وغيرنا لن الحبال والفيهو جقد مكسور عدلناهو ما خلينا شي ......... وأمي داخلي ومارقي وما قاعدة تسوي في شي ..... كلما تشوف لها شيتاً مخروب داير العدل... ان بقى الليل رجال تناديني انا .... وان بقى الليل حريم تنادي اخواتي .... أها انا بى نفسي قلت الحمد لله ما فضل لنا شي ... دابي كدي بالي ارتاح ... قاعد في أمان الله أمي نادتني .... يا ولد ... إنت الكرسي المكوع متل المرأة الخاتي حنتها فوق كرعيها داك ماك دار تعدلو شي ..؟ قت لها يا امي هو اصلو فد كرسي والليل خيزران كمان ... والبيت ما شاء الله ملان عناقريب والبروش والاكاليم مالات البلد دار يسوي لنا شنو ..؟ وين نطيرو ..؟ الدار يقعد فيهو منو ..؟ قالت لي أسكت اعدلو ما بيضر ... قدر ما اتزاوغت منها ابت تخليني .... اقول لها خلاص سمح باكر بعدلو ... يجي يوم باكر تطريني ياهو .. يا ولد الكرسي لا اسع قاعد بلا عدل...؟ قوم إتنفض لا فوق شوف لك ليهو طريقه ..!! آخر شي شلتو ورحت بو السوق للنجار .. لقيت النجار ماهو في ... قالوا سافر وبيرجع بعد اسبوعين ... جيت قت لها ما لقيت النجار ... قالت لي امش شوف لك مسامير دقهن فيهو خلو اليشيل حيلو شويي ... مشيت جبتهن وجبت لي شاكوش ومنشار ... جيت دار أدقهن لقيت كرعينو مهرودات يا الله يا الله يمسكن المسمار ... ماخد لي فيهو يبقى خمسة أيام .... افطر وأقييل واتغدى وانا بارك مع الكرسي ..كلما أسندو بى صفحة القى الصفحى البى غادي رقدت في الواطا .... الكراع اللتا هبرت ... متل الغنماية الماكلي العُشَر ... من شدة ما غلبني هادي الكريسي نامن مسكني القطايع ... في النهاية قمت جبت لي عيدان اللات نيم سويتن مخلوفات ودقيتن ليهو حتن دابو بقى يعني كدي شايل حيلو لكن ما هو بالحيل .. بس انا كايس الشي البيفكني منو .... بى قلبي قلت الحمد لله الانصلح ... الله فكاني من دقديق المسامير والشاكوش ... أصابعي الباكل بهن كلهن بقن منفنفات بى قدام متل الهرودي ومدرنات بالدم تقول كانن محننات , حد ما اوزن الشاكوش قصاد المسمار القاهو بى قدرة قادر هبر فوق اصابعي ... كجنت الكراسي لا يوم الله كلما اشوف لي كرسي اعاين لو بى قعر عيني عشرة .. عشرة .. قبال العرس بى يومين كدي ..... ولد عمتاً لينا جاء دار يقصنا ويشوفنا سوينا شنو ... وهو ما شاء الله تبارك الله عيني باردي .... فردة ضراعو الواحدي اللت إيدو قدر المخدة اللتي البنوم فوقها .. وكت يجيك ماشي من بعيد تعاين لو تقول الزول ده خايج لو في طين ... يومو اليجينا فيهو ده أشيل الهم لى عنيقريباتنا .. أها جاء داخل اليوم داك ... أمي مشت لفحت الكرسي جابتو ليهو وتسوي لو اتفضل .... إتفضل آ حسب الله ... انا إنشهدت وإستغفرت ... و الوسيعي دي ضاقت بي ... قعدتو فوق الكرسي هو ينضم و يأشر بى إيديهو والكرسي يزوزي تحتو متل الشافع الشايل لو جوز موية فوق كتفو .... وانا اعاين بى قعر عيني وماني قادر اقول شي .. القعدة طالت ونحنا ننضم الرجال يقعدوهن وين ؟ والبروش كان نقصن نكملن من وين ؟ .... زولك كراعو اليمين خدرت بقت منملي من القعدة الطويلي ... من فلقصتو العليهو .. دنقر بشويش دار يمسكا بى ايدو يرفعها عشان يخلفها فوق التانية ... والكرسي بقى يسوي وا ضيقي .... انا شلت نفسي وختيتو ... الكلمة في خشمي ما مرقت دار اقول لو يا زول أقيف الكرسي ده ماهو نصيح .... بلا لقيت لك الزول متكوم قبلي في الواطا متل البقجة الصارين فيها الهدوم ... إتمحنت في الطريقة الترفعو لي من الواطا شني ..؟ علا مشيت جبت لو البمبر الليل امي إتكا فوقو يا الله يا الله وقف على حيلو .... امي جات من هناك تكورك فوقي ... الله يخربك أب خدمتن مايلي ... قت لها .. يمه ..... انا الشاكوش وباقي المسامير رميتن في الادبخانة
ضحكنا وضحكت سودانيات باجمعها..
من منا لا يتذكر كرسي الخيزران؟
من منا لا يذكر لفحي ملكة سبأ ؟
من منا لم يطالب بانضمام هذا العملاق؟
هاهو بيننا الآن وسط اهلو وناسو معزز على كرسي
وهيط وراكز.. :D
رحبوا معي بالقادم الينا عبد العظيم الطاهر..
الاف المراحب بيك ياود الطاهر..
وعليك الله ابرا القلم بالصفحتين..
حميد..