المساعد الشخصي الرقمي

مشاهدة النسخة كاملة : مسابقة رمضان ... (صورة وغنية )

mime
21-10-2005, 09:07 PM
الحلوين ... ان شاء الله طيبين
وكل رمضان وانتو كويسين

نخش طوالي في المسابقة
(1)الصورة :
الصورة لاتنين من البورداب مشهورين
السؤال :
في اي منشط من مناشط البورداب في رمضان تم التقاط هذه الصورة ؟؟
http://sudaniyat.net/upload/uploading/board.jpg
(يمكن الاستعانة بحميم ،، وما أظنو يعرفها برضو )
(2) الغنية :
الاغنية من الاغاني العربية القديمة
http://sudaniyat.net/upload/uploading/emta.mp3
نرجو ذكر اسم المطربة صاحبة الاغنية الاصلية ؟؟؟
مساعدة : اسمها الاصلي أمل (ما أمل حجازي )
من أغانيها برضو : ليالي الانس في فيينا
*يمنع دخول أبان عمما كبار في موضوع الغنية
عثمان احمد
23-10-2005, 09:13 AM
كان في بيت حاج جمال تاج السر
أبو الحسين
23-10-2005, 09:46 AM
الغالي جداً مايم...

أولاً الجائزة شنو؟؟؟ مافيها تذاكر ذهاب وإياب من السعودية السودان وبالعكس؟؟؟!!!!

أها إجابتي يبقى لي كدي وإن كان ما تبقى لي كضْبة...
ديل ثنائي الموردة (ميرغني المأمون وأحمد حسن جمعة)!!!

أها إجابة صحيحة ولة لأ؟؟؟!!!

لك ودي كله بلا حدود...

أبو الحســـــــين....
Garcia
23-10-2005, 10:26 AM
مايم ... سلامات
رمضان كريم وصوما مقبولا ...
انتا الاغنية دى مش غنوها فى الفلم داك ....
على ما اعتقد المطربة صباح ....
صاحبة اغنية ليلة بكى فيها القمر برضو :cool:
haneena
23-10-2005, 10:43 AM
الأخ مايم
رمضان كريم

إجاباتي

السؤال الأول
أعتقد إن المنشط كان الفطور الرمضاني للبورداب بالوطن ( و الله أعلم)

الؤال الثاني
المطربة هي أسمهان ..إسمها الأصلي آمال الأطرش و هي أخت فريد الأطرش( المرحومين)
و قد كانا أميرين من عائلة الأطرش الدرزية المعروفة و الذين هربا لمصر لثأرات و غيره..و قد كانا عزيز قوم ذل
و الأغنية من فيلم غرام و إنتقام الذي تقاسمت بطولته مع يوسف وهبي.. و قد توفت قبل أن تكمله في حادث إنقلاب عربة دار الهمس بأن أم كلثوم هي مدبرته
و كانت نهاية الفيلم بنفس الطريقة و بجنون يوسف وهبي و آخر مشهد أظن كان يعزف علي آلة الكمان في حالة تغييب كامل

تخريمة
أول مرة أسمع بأسمهان و الحادث كان و عمري 7 سنوات
أذكر كنا في زيارة للقاهرة و كانت لنا شغالة شامية أرمنية..كان هذا الفيلم بالذات يعرض و لا أنسي تعليقها
(دي أسمهان..قتلتها أم كلثوم لأنها كانت حتتفوق عليها و تكون سيدة الغناء العربي)

عشعش الكلام في ذهني و لم أنساه حتي اليوم و كل ما أسمع أغانيها أو أشاهد لها فيلم أتذكر مقولة هذه السيدة
و عندها عرفت أن الفن ليس كله طرب و منافسة شريفة
بل هناك دماء و أشياء أخري تراق في الخفاء

معليش مايم علي التخريمة
بس هي مجرد ذكريات من طفولة حلوة

أها الجائزة شنو؟؟
mime
24-10-2005, 10:07 PM
كان في بيت حاج جمال تاج السر

ما بالغتا يا هندسة ؟؟؟ :eek: :eek:
معقولة بس ؟؟؟؟
بقت عليك البقت علي شارلي شابلن ؟؟؟
قالوا الانجليز كانوا عاملين مسابقة لي تقليد شارلي شابلن ، شارلي شابلن لما خشا المسابقة جا التالت

انتا في بيت ناس جمال ما جيت بالجلابية و(العمة)
جيت لابس بنطلون وقميص ، خايف تنسا العمة :D

غايتو نقول شنو ، معليش يا جماعة الكبر خشا

المهم ربنا يجيبك بالسلامة
mime
24-10-2005, 10:13 PM
أبو الحسين يا عسل

كيفك

الجايزة تذكرة في بص التوفيق (الخرتوم- كريمة ) ومافي بالعكس
عشان تقعد في البرندة :D :D
انتا حركاتك الشترا دي ما بتبطلها ؟؟؟
نحنا ما قلنا ديل منو ، قلنا الصورة دي اخدناها وين :D
وبعدين ديل حميم والمهندس ،
آل ميرغني آآآآآآآل

اها خلينا من المسابقة ، أصلك ماك نافع فيها ، وقول لي :
فطور الهوليداي إن كان فيهو ملاح ويكة ؟؟ :p
mime
24-10-2005, 10:16 PM
جارسيا الفنان

لكم أفتقدك يا صديقي

بس معليش ، رمضان ده خشا في العضم عديل
لكين يا جارسيا ، ما لقيتك ما ناقش حاجة كلو كلو
رمضان كيف عندكم مع البرد ده ؟؟؟؟
mime
24-10-2005, 10:28 PM
حنينة الحنينة

كيفك ؟؟

غايتو يا حنينة الاجابة التانية مبالغة ريحتني راحة شديدة تستاهلي الجايزة بس الاجابة الاولى ما صاح ،

لانو فطور البورداب كان في الحدايق ، ما في سراير هناك ، ودي بالغتي فيها
وطبعا أنا زعلان لانو انتي اتكلمتي مع المهندس والسفير وناصر يوسف وسلمى الشيخ سلامة وبكري علي ومريم الاخرى وعبير وحميم وعبدالغني ومهند الجيلي، لحدي جمال تاج السر اتكلمتي معاهو ، انا ما سمعتا صوتك لاني كنتا مع تلفون من برة ، عشان كده مطلوبة تلفون في العيد
لو كانوا الاجابتين صاح كان اديناك الجايزة (تذكرة اياب لي الوطن وبس )
لكين عشان جاوبتي نص السؤال نقوم نديك الجايزة عصيدة بي ملاح روب :D :D (تجي براك تستلميها من جمال )
أبو الحسين
25-10-2005, 07:26 AM
أبو الحسين يا عسل


اها خلينا من المسابقة ، أصلك ماك نافع فيها ، وقول لي :
فطور الهوليداي إن كان فيهو ملاح ويكة ؟؟ :p

آل ويكة آل!!! :D :D :eek: :eek:

الشوق بحور يا اخوي...

لك ودي كله بلا حدود...

أبو الحســـــــين...
عكــود
25-10-2005, 07:41 AM
الجايزة تذكرة في بص التوفيق (الخرتوم- كريمة ) ومافي بالعكس
عشان تقعد في البرندة
انتا حركاتك الشترا دي ما بتبطلها ؟؟؟
نحنا ما قلنا ديل منو ، قلنا الصورة دي اخدناها وين
وبعدين ديل حميم والمهندس ،
آل ميرغني آآآآآآآل
اها خلينا من المسابقة ، أصلك ماك نافع فيها ، وقول لي :
فطور الهوليداي إن كان فيهو ملاح ويكة ؟؟ :p
:D :D :D
Garcia
25-10-2005, 03:25 PM
مساعدة : اسمها الاصلي أمل (ما أمل حجازي )

لم الاحظ مساعدتك دى يا مايم الا اسى ... بس تعال نصلحك يا سيدى
اسمها الاصلى : أمال فهد الاطرش .... وفاتها للان غير معروف من نفذها ..
اضافة لاتهام ام كلثوم فهناك روايتن : ان الملك فاروق كان يريد الزواج بها
لكنها رفضته ... الثانية وهى انها كانت جاسوسة للاستخبارات البريطانية ..
كل هذه حقائق مثبتة فى اكثر من ثلاثة كتب ...