المساعد الشخصي الرقمي

مشاهدة النسخة كاملة : مي هاشم ... ماذا أصاب البريق ؟

أبومناهل
22-10-2005, 10:42 AM
مي هاشم ... تشكيلية شابة .. تقرض الشعر وتكتب بسلاسة وتملك روح وثابة ومرحة ... مشاركة فعالة في منتدى سودانيات خلبت مشاركاتها الألباب حتى أصبح يشار لها بالبنان ... لروعة كتاباتها وصدقها وكثافتها ... ورقة مشاعرها التي تسكبها حروفاً متألقة على منتدى سودانيات ... وفجأة خفت البريق ... وأصبحت مي هاشم من المقلين في الكتابة ... ونتساءل لماذا يا مي هاشم ؟؟؟ ولعل المانع خير ...........
مي هاشم
23-10-2005, 08:00 AM
أبو مناهل العزيز

شكرا على الكلام الكبير ده،والذي ينطبق على غالبية أهل سودانيات إن لم يكن جميعهم.

القصة وما فيها الزمن،في رمضان الزمن ضيق جدا جدا والسنة دي ماسكة لي بيت عدييييييييل ،ولسة ما متعودة على الحاجات دي (سغيرة ما بقيت ليه)بس الحمد الله،متابعة جدا جدا جدا بس ما بلقى الزمن للرد والمشاركة.


خلي رمضان ينتهي ،وبعد العيد جاكم بَرِي.

شكرا على التفقد تاني
أبومناهل
23-10-2005, 08:53 AM
العزيزة / مي
أول شئ حمداً لله علي السلامة ... وبعدين
بيت عديييييييييييييييييييييييييييييييل كده !!!!!!!!!!!!! مبروووووووووووووك ( حسب تفسيري ) ... وناس سودانيات آخر من يعلم ( بالغتي عدييييييييييل كده ) .... عايزين تفاصيل سريع ( بس أوعى تحبطينا وتقولي ده ما بيتي ) ... وبلهجة العساكر ( سادين خدمة ) ....
عجب الفيا
23-10-2005, 11:08 AM
حقا يا ابو مناهل افتقدنا الحضور الانيق لمي هاشم في الايام الفائتة ،
التحية لك ولها
أبو الحسين
23-10-2005, 12:52 PM
العزيزة / مي
عايزين تفاصيل سريع ( بس أوعى تحبطينا وتقولي ده ما بيتي ) ... ....

الغالي أبو مناهل...

تسأل منك العافية يا اخوي قول آمين...

بما أنني الناطق الرسمي وولي أمر الست مي الهاشم...

أسألني أنا أجاوب ليك... :D :D

بس المرة الجاية لمن توجه السؤال إلي أنا شخشياً.. :) :)

لكم ودي كله بلا حدود....

أبو الحســــــين...
عبدالله الشقليني
23-10-2005, 06:52 PM
لك يا أبو مناهل محبة أنك تذكر الطيبين
وللزمن القصير وسيدته نهدي


الدُنيا الجَميلة غريرَة نَايمَة في غُدرَانَا
الكُحل المَدكَّنْ خِلقَة عِيون فَترَانة
الليل جَاب سِيرَتا ، وريح الفَجُرْ سَكْرَانَة
الجِتَة بِتْصَارعَ الرِويح ..الجِتَّة مَا غَبْيَانَة
مي هاشم
24-10-2005, 07:39 AM
أبو مناهل
هو كان بيتي بجيكم براي؟؟ ;) ..في إيدي وطوالي بسجلو هنا..
لكن سادة خدمة..أريتا خدمة عدوك..لكن البيت الجاي بيتي بإذن الله ..وأكييييييييييييد كان ما وافقتو ما بعملها"هي..بكلمكم لكن لا زم توافقوا"

ما يكون جاك إحباط :o :o
مي هاشم
24-10-2005, 07:40 AM
الأستاذ عجب الفيا
أشكر مرورك الأنيق..وما تفقد عزيز أبدا
مي هاشم
24-10-2005, 07:42 AM
الناطق الرسمي..
وين انت من زمااااااااااااااااااااااان...أنطق ..أنضم..قول أي حاجة تودينا بيت الراجل
مي هاشم
24-10-2005, 07:58 AM
العزيز شقليني

والله مشتاقة لمجادعتك وكلامك الجمييييييييل

بس مع الصيام ده ما بقدر أركّز وادوبي..بعد العيد أفتح بوست مجادعة تاني


خالص الود والتقدير
أبومناهل
24-10-2005, 10:08 AM
الأستاذ / عجب الفيا
تشكر على التحية ... وإفتقادك لمي هاشم يلقي بمسؤلية كبيرة عليها فقد أصبحت ملك لسودانيات ولا يحق لها الغياب بدون عذر
أبومناهل
24-10-2005, 10:17 AM
العزيز / أبو الحسين
وده حصل متين ؟؟؟ يعني مي دخلت في الصف ( السيرا ) ..
والله لو ده حصل يعجبنا ويسر بالنا بلحيل ... بس ح يزعل ناس تانيين ...
أبومناهل
24-10-2005, 10:22 AM
مي بنت هاشم
جاني إحباط وبس ....
لي متين تكوني ( إحتياطي ) ... العمر بيمشي أعملي حسابك !!!
رمضان كريم ورمضان الجايي إن شاء الله يلقاكي ( فارزة عيشتك ) .
ندى
24-10-2005, 12:06 PM
الناطق الرسمي..
وين انت من زمااااااااااااااااااااااان...أنطق ..أنضم..قول أي حاجة تودينا بيت الراجل

هههههههههههههههههههههههههههههههه
فايتنك نحنا بالصبر بس
قلتي لي بس انطق .. أنضم .. قول اي حاجة تودينا بيت الراجل
يا حليلي أنا الراجية لي مواصلات توديني
أتاري بيت الراجل بمشوهو بالنضمي
ههههههه
لك الود
وعاودي البريق
نحن في الانتظار وربنا يجيب العيد عشان نعيد
مي هاشم
25-10-2005, 10:58 AM
ندى
الصبر حاااااااااااااااااااااااار..لكن نسوي شنو..نسكت نصبر

والله بيت الراجل عارفنو والراجل عارفنو ..بس نمشي كيف..راجين الناطق ده بفتح خشمو


الله كريم يا بت أمي..لوكي الصبر
مي هاشم
25-10-2005, 10:59 AM
مي بنت هاشم
جاني إحباط وبس ....
لي متين تكوني ( إحتياطي ) ... العمر بيمشي أعملي حسابك !!!
رمضان كريم ورمضان الجايي إن شاء الله يلقاكي ( فارزة عيشتك ) .




أبو مناهل
إنت قايلني كبيرة ولا شنو؟؟هه قال العمر بيمشي أعملي حسابك
يمكن تلقاني قدر مناهل زاتها كان ما أسغر منها


مالك علينا "بالليل ده"