مراويد المطر !!

[حسين يوسف مكى]

مراويد المطر !!


متغطى بى توب الصبر

ساند قفاك على الغربة

والزمن الخطر

فاتل ضراع الامنيات

حازم رؤاك على السفر

تنهش خطى التسفار رحاك

واقواس قزح تسرق

مراوييد المطر

غيمة ضياع متكبرتة

ترقص على انّة وتر

والنيل يعافر فى الجروف

زعلان يضج لامن فتر

هجدت عيون البسمة فيك

نست الملامح والصور.



حسين يوسف مكى
جدة /5/12/2010

[خالد الحاج]

جميل ..
تأثرني العامية في الشعر..
شكرا حسين علي دوزنة مساءنا الأشتر .

[الرشيد اسماعيل محمود]

سلام عليك ياحسين..
جميل ياخي..
والله كلام غاية في الإبداع.
خليك قريب.

[elle]

أسعدني هذا الألق الفنان البسيط







لك أندى تحياتي

[حافظ اسماعيل احمد]

مراوييد المطــــــــــر

سوف تفيض علينا الاشواق بالحروف
وبسمة قوس قزح بلسم تروي الظمأ
لك التحية

[جانيت]

حسن وديوسف مكي بركة العودة

كلام وصل حد الروعة يا انيق

واصل وما تنقطع

[محمد حسن الشيخ العالم]

اقتباس:


غيمة ضياع متكبرتة

ترقص على انّة وتر

والنيل يعافر فى الجروف

زعلان يضج لامن فتر








حسين

لا ادري اي صور اخاذة يمكن ان تضاهي هذا التصوير
اعجبني جدا غنج الغيمة
واصرار النيل على التعالي حد الزعل.

لا فض فوك

[حسين يوسف مكى]

اقتباس:
المشاركة الأصلية كتبت بواسطة خالد الحاج http://sudanyat.org/vb/images/buttons/viewpost.gif (http://sudanyat.org/vb/showthread.php?p=312085#post312085)
جميل ..
تأثرني العامية في الشعر..
شكرا حسين علي دوزنة مساءنا الأشتر .




خالد يا زوول جميل.. مالى البرااح والافئدة
دايما مستف دواخلنا بالفرح.. ومسرج خيول اللهفة
شان تصل ثبل الميعاد.
عليك شهقة كل القلووب الحائمة حولك كتّر الجية.
كلمة شكرا م بتكفى ..يا فنجرى.

[حسين يوسف مكى]

اقتباس:
المشاركة الأصلية كتبت بواسطة الرشيد اسماعيل محمود http://sudanyat.org/vb/images/buttons/viewpost.gif (http://sudanyat.org/vb/showthread.php?p=312087#post312087)
سلام عليك ياحسين..
جميل ياخي..
والله كلام غاية في الإبداع.
خليك قريب.



الرشيييييييد كعادتك.. لما حرووفك تشمق صمت الوجع
صدقنى بكون باقى الكلام بلسم
وعشان انت زول جمييل وانا بحب كلماتك المبللة بى شهد العاشقين
ياخ كتر لينا من عبق روائعك.

بالجنبة كدا:
ماعندك سفوفة تودر حرقان الزمن فينا؟
تسسسسلم كتير استاذى الانييييق يا ود سماعين.

[حسين يوسف مكى]

اقتباس:
المشاركة الأصلية كتبت بواسطة elle http://sudanyat.org/vb/images/buttons/viewpost.gif (http://sudanyat.org/vb/showthread.php?p=312183#post312183)
أسعدني هذا الألق الفنان البسيط







لك أندى تحياتي



حتى عودة النهر للعصافير الصغيرة
واوبة النوارس الى افياء التلاقى
اهديك لون البنفسج وكل اشياء الجمال.

[حسين يوسف مكى]

اقتباس:
المشاركة الأصلية كتبت بواسطة حافظ اسماعيل احمد http://sudanyat.org/vb/images/buttons/viewpost.gif (http://sudanyat.org/vb/showthread.php?p=312230#post312230)
مراوييد المطــــــــــر

سوف تفيض علينا الاشواق بالحروف
وبسمة قوس قزح بلسم تروي الظمأ
لك التحية


وهل لنا غيرفيوض
الامانى وانواء الروعة المتجهة يمنة ملاذ؟
بك جددت عهدا للامانى القادمات
ان بين ظهرانينا رجل يحمل محبة بحجم وطن..
دا انت .

[حسين يوسف مكى]

اقتباس:
المشاركة الأصلية كتبت بواسطة جانيت http://sudanyat.org/vb/images/buttons/viewpost.gif (http://sudanyat.org/vb/showthread.php?p=312235#post312235)
حسن وديوسف مكي بركة العودة

كلام وصل حد الروعة يا انيق

واصل وما تنقطع


جانييت الحنينة !!

وصلا لدمووع الفرح بلقياكم استعرت من بحر
الدواخل رافدا لتلك الحالة.
كتر خيرك .. يا بت ملوووك النيــــــــــــــــــــــــــــــــــــــــل.

[حسين يوسف مكى]

اقتباس:
المشاركة الأصلية كتبت بواسطة محمد حسن الشيخ العالم http://sudanyat.org/vb/images/buttons/viewpost.gif (http://sudanyat.org/vb/showthread.php?p=312253#post312253)
اقتباس:










حسين

لا ادري اي صور اخاذة يمكن ان تضاهي هذا التصوير
اعجبني جدا غنج الغيمة
واصرار النيل على التعالي حد الزعل.

لا فض فوك


ود العالم

فتات من بقايا الذكرى عالقة بين الذات
وجسد الزمن.. م انفكت اسارير الصباح
ولا خمدت نيران التوق الى وطن حالم.
فقط نشتم على ارصفة الرووح نتانة الغياب
فهل نساوم فى عشق اهة بيعدت بزمن بخس؟

ياخ يدييك لمن يرضييييييييك.. انت زوول سمح.

[nezam aldeen]

فاتل ضراع الامنيات


ياربي البيت دا مبني في خطة إسكانية في ديوان السحاب

ياخ غنت عارف السحاب ذاتو لمن فتل ضراعات امنياتو

كان بيقول ( ياقمرة جاييك بالعديل )

تعتقد القمرة كانت قايلة شنو

انو السحاب ياهو الضباب


ياخ أمن كتااااااااااااب
أكتر من السحاب الفي مخيلة الضباب