المساعد الشخصي الرقمي

مشاهدة النسخة كاملة : العيون متل الفناجين

رأفت ميلاد
15-12-2010, 09:37 PM
الكلام ليك يا المنطط عينيك ..

اليومين ديل شغال (مدير مديرية) زى ما بقول أبوى لامن (يقرق) على زول منفوخ على الفاضى .. شغال جوة تلاجة .. آى ولاى ما بهزر .. (ولاى) دى زى ما بكتبا الحلبى ..

عزاى الوحيد أنى الراجل الوحيد وسط 7 نسوان .. يعنى ما تالتاتن .. تامنتن :) واحدة تركية إسمها (أجيجة) .. بناديها (خجيجة) .. جات تصلحنى ..قلت ليها (أجيجة دى موش مرت النبى محمد؟) .. فنجلت عيونا وقالت لى (تمام) .. قلت ليها (أنا بناديك بلغتى) .. وافقت بإبتهاج ..

وواحدة شافعة بوسنية .. إسمها (مدينة) أتذكرت بابكر مخير .. ومشغلا على حسابى .. التالتة سويسرية إسمها (أنّا) .. أحتجت لطريقة معاملتى لى مدينة .. قلت ليها (مدينة قدر بتى) .. قالت لى (مدينة عمرها 21 سنة) قلت ليها أنا بتى 23 سنة .. (فغرت فاها) الشئ الذى أطربنى وشعرت لسة فينى رقشة ..

الأربعة البقاقين ألبانيات (شكرية وحميدة وياسمين وتفيدة) .. شكرية قصيرونة ومدغلبة .. رغم حركتا الخفيفة صعب الزول يقلها .. سمحة وعيونا مفنجلات .. أول مرة أعرف (العيون متل الفناجين) وصف دقيق لجمال العيون ..
زرتنى بعاين فى عيونا .. جاتنى ببراءة تسأل كنت داير مساعدة .. قلت ليها (شكراً مافى جاجة .. بس عيونك سمحات) .. ضربت لخمة وقالت لى (شنو .. عيونى أنا .. شكراً)..

زاد إهتماما بى .. يوم أتكلمت معاى ملخومة ألبانى .. ضحكت وضحكت معاى .. قالت لى (أنت لغتك شنو) .. لامن قلت ليها عربى هللت وقالت لى يعنى مسلم .. قررت أن لا أخذلها وجاوبت يالإيجاب .. سألتنى عن أسم مبسط أحب أن تنادينى بيهو
قلت ليها (أنتيمو)
احمد زين
15-12-2010, 09:48 PM
وقالت لى يعنى مسلم .. قررت أن لا أخذلها وجاوبت يالإيجاب .. سألتنى عن أسم مبسط أحب أن تنادينى بيهو
قلت ليها (أنتيمو)

ياااااااااااااه
بعد غيبة يا قديس
طولنا من الحكي الطاعم
واصل ... متابعنك
نبراس السيد الدمرداش
15-12-2010, 10:18 PM
قلت ليها (أنتيمو)

اها انتيمو دي اركز ليها
بكرا الصباح بتجي توريك المكشن بلا بصل

مشتاقين يا عمو و الله امس ساعات مع عمو مخير فاقداك
فتحي مسعد حنفي
15-12-2010, 11:20 PM
الساعة اتناشر ونص وأنا مرسلني أجيب لبن عشان يعملو مديدة حلبة للبت الوالدة..شفت جنس المنتشة دي باللاي يامقدس..
كنت جاهز نفسيا أطير عليك بي جوز لكن نجدك اللبن..أرجاني لامن أرجع ليك وأشوف معاك هيئة الأمم الشغال معاها دي وألحقك قبال ما تسلم علي يد قريبة الملك فاروق:D:D
نادر المهاجر
15-12-2010, 11:40 PM
اقتباس:
المشاركة الأصلية كتبت بواسطة رأفت ميلاد http://sudanyat.org/vb/images/buttons/viewpost.gif (http://sudanyat.org/vb/showthread.php?p=312116#post312116)
الكلام ليك يا المنطط عينيك ..

اليومين ديل شغال (مدير مديرية) زى ما بقول أبوى لامن (يقرق) على زول منفوخ على الفاضى .. شغال جوة تلاجة .. آى ولاى ما بهزر .. (ولاى) دى زى ما بكتبا الحلبى ..

عزاى الوحيد أنى الراجل الوحيد وسط 7 نسوان .. يعنى ما تالتاتن .. تامنتن :) واحدة تركية إسمها (أجيجة) .. بناديها (خجيجة) .. جات تصلحنى ..قلت ليها (أجيجة دى موش مرت النبى محمد؟) .. فنجلت عيونا وقالت لى (تمام) .. قلت ليها (أنا بناديك بلغتى) .. وافقت بإبتهاج ..

وواحدة شافعة بوسنية .. إسمها (مدينة) أتذكرت بابكر مخير .. ومشغلا على حسابى .. التالتة سويسرية إسمها (أنّا) .. أحتجت لطريقة معاملتى لى مدينة .. قلت ليها (مدينة قدر بتى) .. قالت لى (مدينة عمرها 21 سنة) قلت ليها أنا بتى 23 سنة .. (فغرت فاها) الشئ الذى أطربنى وشعرت لسة فينى رقشة ..

الأربعة البقاقين ألبانيات (شكرية وحميدة وياسمين وتفيدة) .. شكرية قصيرونة ومدغلبة .. رغم حركتا الخفيفة صعب الزول يقلها .. سمحة وعيونا مفنجلات .. أول مرة أعرف (العيون متل الفناجين) وصف دقيق لجمال العيون ..
زرتنى بعاين فى عيونا .. جاتنى ببراءة تسأل كنت داير مساعدة .. قلت ليها (شكراً مافى جاجة .. بس عيونك سمحات) .. ضربت لخمة وقالت لى (شنو .. عيونى أنا .. شكراً)..

زاد إهتماما بى .. يوم أتكلمت معاى ملخومة ألبانى .. ضحكت وضحكت معاى .. قالت لى (أنت لغتك شنو) .. لامن قلت ليها عربى هللت وقالت لى يعنى مسلم .. قررت أن لا أخذلها وجاوبت يالإيجاب .. سألتنى عن أسم مبسط أحب أن تنادينى بيهو
قلت ليها (أنتيمو)

رأفت الحبيب تحياتي:
والله بختك جوك تمام وضارب الهمبريب بس حالتنا
احنا صعيبة ما تجي نعمل تبادل خبرات في المكاتب
نرسل ليكم وترسلوا لينا .
صاحبك ابو الفتوح حيرسل ليك في الخاص حيقول ليك
شوف لينا فرقة ولو جرسون اعمل حسابك .
بابكر مخير
16-12-2010, 12:02 AM
قلتا كيف يا حمودي

اقتباس:
الطاعم



;););)
:cool::cool::cool:
حافظ اسماعيل احمد
16-12-2010, 09:00 AM
رأفت وفتحي

ان كُـثـــــــــــــــــــــــــــــر الشيب لمحنة
مخير برا القائمة
ناصر يوسف
16-12-2010, 09:33 AM
الكلام ليك يا المنطط عينيك ..

اليومين ديل شغال (مدير مديرية) زى ما بقول أبوى لامن (يقرق) على زول منفوخ على الفاضى .. شغال جوة تلاجة .. آى ولاى ما بهزر ..



سألتنى عن أسم مبسط أحب أن تنادينى بيهو
قلت ليها (أنتيمو)



رأفت يا جميل يا عميق إنتَ ...

غايتو تلاجه وفي عِز سقط لبد دي ما يستحملها إلا زولاً وَسَطِن .. أها الدفو كيييييييييييييييف يا أنتيمو إنتَ ؟؟؟ looool looool
همس الشوق
16-12-2010, 09:53 AM
رأفت يا جميل

ولاي انا بريد حكيك لدرجة المبالغة وكل ما اشوف اسمك في اخر المداخلات بجري اشوف السهل الممتنع

لكن ما عرفتك بس انت شغال في تلاجه ولا ست فله :D
خالد الحاج
16-12-2010, 10:33 AM
وواحدة شافعة بوسنية .. إسمها (مدينة) أتذكرت بابكر مخير .. ومشغلا على حسابى .. التالتة سويسرية إسمها (أنّا) .. أحتجت لطريقة معاملتى لى مدينة .. قلت ليها (مدينة قدر بتى) .. قالت لى (مدينة عمرها 21 سنة) قلت ليها أنا بتى 23 سنة .. (فغرت فاها) الشئ الذى أطربنى وشعرت لسة فينى رقشة ..
[/SIZE]
[COLOR=navy][B]
غايتو حكاية فيك رقشة دي أنا مصدقها :rolleyes:
لووووووووووول
والله يا رأفت دياميتك فكت
ههههههههههههههههههههه
قلت لي فيك رقشة ;):D;)
رأفت ميلاد
16-12-2010, 04:44 PM
المشاركة الأصلية كتبت بواسطة أحمد محمد زين حسين http://sudanyat.org/vb/images/buttons/viewpost.gif (http://sudanyat.org/vb/showthread.php?p=312121#post312121)
ياااااااااااااه
بعد غيبة يا قديس
طولنا من الحكي الطاعم
واصل ... متابعنك


سلامات يا ود محمد الزين وليك وحشة .. وشايل همك ولاى من فتحى للجيلى .. قلت لى لامن مشى السودان أتعدل :) .. هسة بضرب البتاع وحليمة بترجع لقواعدا سالمة .. خاصة كان جانا كوز ضكر ..

تعرف المصيبة بقن كلهن ينادنى (أنتيمو) .. أتخيل (تفيدة) تنادنى أنتيمو .. تفيدة دى من النوع التدقو بلا مغصة زى ما بتقول أمى .. هن كلهن (الألبانيات) قصار ومدغلبات .. عدا تفيدة أحرف جزار ما يطلع منها كلو لحم صافى من الشغت .. ولسانا زفر بين كلمة والتانية تقول (شايزى) .. يعنى (شيت) بتاعة الخواجات .. وبعدين لامن شكرية تستفرد بى .. تناديها وتزفتا ليك بالألبانى ..

وكلو كوم ولامن تنادينى (أنتيمو) كوم ;)
رأفت ميلاد
16-12-2010, 05:12 PM
المشاركة الأصلية كتبت بواسطة نبراس السيد الدمرداش http://sudanyat.org/vb/images/buttons/viewpost.gif (http://sudanyat.org/vb/showthread.php?p=312122#post312122)


اها انتيمو دي اركز ليها
بكرا الصباح بتجي توريك المكشن بلا بصل

مشتاقين يا عمو و الله امس ساعات مع عمو مخير فاقداك


سلامات يا نبرة .. ياخ الأنتيم واثقة من قدراتا وبتقدر اللعبة الحلوة .. أنتى بطلى شغل المديدة دى ..
قلت لى ساعات مع مخير .. يعنى يومك كان مطرشق goood يا حليل الأيقونات البتنطط ..

تعرفى محيرانى (حميدة) .. بعيدة منى وعيونا عسلية زى الكديسة .. كل ما أتلفت عليها ألقاها مراقبانى ومبتسمة .. وبعدين لامن أكون داير أعمل حاجة ما عارفا تجرى تعملا لى .. هادية ومريحة وما شقية زى شكرية .. ما حصل نادتنى ولا أتكلمت معاى .. لكن ضحكت لامن سمعت تفيدة بتسألا عن حاجة .. قالت ليها أسألى أنتيمو :D
فتحي مسعد حنفي
16-12-2010, 05:36 PM
سلامات يا نبرة .. ياخ الأنتيم واثقة من قدراتا وبتقدر اللعبة الحلوة .. أنتى بطلى شغل المديدة دى ..
قلت لى ساعات مع مخير .. يعنى يومك كان مطرشق goood يا حليل الأيقونات البتنطط ..

تعرفى محيرانى (حميدة) .. بعيدة منى وعيونا عسلية زى الكديسة .. كل ما أتلفت عليها ألقاها مراقبانى ومبتسمة .. وبعدين لامن أكون داير أعمل حاجة ما عارفا تجرى تعملا لى .. هادية ومريحة وما شقية زى شكرية .. ما حصل نادتنى ولا أتكلمت معاى .. لكن ضحكت لامن سمعت تفيدة بتسألا عن حاجة .. قالت ليها أسألى أنتيمو :D

انت ياخوي انتقلت للجنس التالت ولا شنو..وهو ذاتو انت شغال وين..المعاك كلهن حريم وانت وسطم..تكونش شغال في بيت خياطة وتطريز!!!!!!!!!!!!
رأفت ميلاد
16-12-2010, 06:50 PM
المشاركة الأصلية كتبت بواسطة فتحي مسعد حنفي http://sudanyat.org/vb/images/buttons/viewpost.gif (http://sudanyat.org/vb/showthread.php?p=312136#post312136)
الساعة اتناشر ونص وأنا مرسلني أجيب لبن عشان يعملو مديدة حلبة للبت الوالدة..شفت جنس المنتشة دي باللاي يامقدس..
كنت جاهز نفسيا أطير عليك بي جوز لكن نجدك اللبن..أرجاني لامن أرجع ليك وأشوف معاك هيئة الأمم الشغال معاها دي وألحقك قبال ما تسلم علي يد قريبة الملك فاروق:D:D


البت الولدت منو .. أمينة :eek::eek: .. بتين وما كلمتنى ياخ ..
ياخ ألف مبروك .. بخش ليك أون لاين هسة ..

قريبة ملكم فاروق قصيرونة زى الألبانيات .. لكن شديدة ولضيضة .. شغلنا مرتبط بالمخازن بالغرفة الجمبنا .. وتلاجة حفظ عديل .. يعنى كان نحن درجة الحرارة صفر .. هناك داون عشرين .. جوة التلاجة فى جلكين مكجنى .. ما عارف حاسدنى على الحريم ولّ على الصفر القاعد فية .. شغلوا بجيب لينا الخام .. ويجى ياخد المخلص .. كل ما أناديه يصهين إلا أدخل ليه فى البردية دى ..

سلطت ليك عليه خجيجة .. قلت ليها الزول ده عنصرى ومكجنى .. بالله تجر ليك الباب الزى الرزة زى الكضب .. وعندها حلقوم ملوكى على ذكر فاروق .. صحبك يجى راسو فوق كرعيهو ..

غايتو يا فتحى كان جابوك لينا كان ما كتلتك الرطوبة بتكتلك سماحة الحريم .. يومداك رجعت البيت لقيتم بغسلوا .. قلعت اللابسو كلو عمل دور غسيل براحة ..
سمراء
16-12-2010, 09:08 PM
اقتباس:
المشاركة الأصلية كتبت بواسطة رأفت ميلاد http://sudanyat.org/vb/images/buttons/viewpost.gif (http://sudanyat.org/vb/showthread.php?p=312116#post312116)

قلت ليها (أنتيمو)






قلت ليها شنو ووووووووووو؟؟؟؟؟؟؟؟؟
انتيمو ؟؟!!
انت عايز الدم يصل مانشيستر ولاشنو يا انتيمو "خجيجية " :mad:
ماااابتعرفنى انا لو زول داقرنى فى انتيمى بسوى شنو ؟؟
والله لا خديجه لا ود ابرق !
بعرفو حاجه ;)
طارق الحسن محمد
16-12-2010, 09:25 PM
قلت لى تمانية ولا سبعة
والله بختك ياديامى
والله هنا
ضكور جـــــــــــــــــــــت
بنغالة وهنود وهلم جرا
وترفع حجر يطلع ليك ضكر
رفعو ضغطنا
:D :D :D
بس والله العيون ديل
علا الزول يمشى مول
حتن نشبع منهن
وجوفنا يتشق من كبرن
وسوادن وعسلن والباقى
كله اســــــــــــــــــــود
وبالعيون بس الواحد يفتح خيال
مع التضاريس التى قد ظهرت
مع ضيق او وسع العباية
وبت ا ..................
جاك زول
:D :D :D :D
مرافي
16-12-2010, 11:18 PM
http://www.moheet.com/image/71/225-300/714721.jpg
مرافي
16-12-2010, 11:22 PM
:D :D :D
بس والله العيون ديل
علا الزول يمشى مول
حتن نشبع منهن
وجوفنا يتشق من كبرن
وسوادن وعسلن والباقى
كله اســــــــــــــــــــود
وبالعيون بس الواحد يفتح خيال
مع التضاريس التى قد ظهرت
مع ضيق او وسع العباية

:D :D :D :D

حالتك سعبة خلاس
طارق الحسن محمد
16-12-2010, 11:36 PM
حالتك سعبة خلاس
فعلا والله
:D :D :D :D
ام التيمان
16-12-2010, 11:48 PM
اقتباس:
المشاركة الأصلية كتبت بواسطة طارق الحسن محمد http://sudanyat.org/vb/images/buttons/viewpost.gif (http://sudanyat.org/vb/showthread.php?p=312606#post312606)
فعلا والله
:D :D :D :D



سافر لى انتيمو
كاوش على الكل
طارق الحسن محمد
17-12-2010, 12:25 AM
اقتباس:
المشاركة الأصلية كتبت بواسطة طارق الحسن محمد http://sudanyat.org/vb/images/buttons/viewpost.gif (http://sudanyat.org/vb/showthread.php?p=312606#post312606)
فعلا والله
:D :D :D :D



سافر لى انتيمو
كاوش على الكل
غايتو انا قفلت على خجيجة
:D :D :D :D
رأفت ميلاد
17-12-2010, 06:23 PM
المشاركة الأصلية كتبت بواسطة نادر المهاجر http://sudanyat.org/vb/images/buttons/viewpost.gif (http://sudanyat.org/vb/showthread.php?p=312146#post312146)
رأفت الحبيب تحياتي:
والله بختك جوك تمام وضارب الهمبريب بس حالتنا
احنا صعيبة ما تجي نعمل تبادل خبرات في المكاتب
نرسل ليكم وترسلوا لينا .
صاحبك ابو الفتوح حيرسل ليك في الخاص حيقول ليك
شوف لينا فرقة ولو جرسون اعمل حسابك


سلامات يا نادر
ياخ متأسف للتأخير .. بطلع للشغل 5 صباحاً عشان ضاربانا عواصف جليدية مبالغ فيها والسواقة توقف شعر الراس .. المشوار فى العادة نص ساعة .. بعملو فى ساعة .. ومن البرد ما بدخل الدفو زى خلق الله .. بدخل برد تانى .. بلبس (أبرول) فوق هدومى اللابسن .. وأنا لابس تحت البنطلون .. البنطلون اللاصق داك زى بتاع الكاوبويات .. ومعاه فنلتو .. وديل فوق الملابس الداخلية .. فى الجزمة شرابين .. بعدين قميص فوقو فنلة صوف مخنوقة .. وفى الراس الطاقية زى بتاعة غفرا الرى مغطية للأضان ..
أها برضو عايز تبادلنى :)

فتحى كان جا هنا بتسلك معاه .. البرد الضاقو عند التشيك .. بردنا دا عندو همبريب .. غايتو إلا يجيبوا أجلو الحريم ..
رأفت ميلاد
17-12-2010, 06:39 PM
المشاركة الأصلية كتبت بواسطة بابكر مخير http://sudanyat.org/vb/images/buttons/viewpost.gif (http://sudanyat.org/vb/showthread.php?p=312153#post312153)
قلتا كيف يا حمودي

اقتباس:
الطاعم



;););)
:cool::cool::cool:


الطاعمين يا بوكو .. أخير من المتضامنين ..
الليلة مدينة ما جات الشغل .. الله يستر عليها فى العواصف دى
تعرف بتنطق إسما زى نطقنا .. التركية بتناديها بنطق كسرة على كل الحروف .. فأستائت منها وقالت ليها إسمى ما كده .. قلت ليها يا مدينة إسمك فى كل اللغات .. وكل زول بنطقو بى طريقتو .. قالت لى ما فهمت .. نطت التركية قالت ليها ما أنتى غبية .. موش إسمك ده مكة ومدينة .. وبرضو كسرت ليك مكة فى كل الحروف ..
رأفت ميلاد
17-12-2010, 06:43 PM
المشاركة الأصلية كتبت بواسطة حافظ اسماعيل احمد http://sudanyat.org/vb/images/buttons/viewpost.gif (http://sudanyat.org/vb/showthread.php?p=312240#post312240)
رأفت وفتحي

ان كُـثـــــــــــــــــــــــــــــر الشيب لمحنة
مخير برا القائمة



يا حافظ نحن المشيبين ديل كلامنا فى لسانا .. كدى شوف كروش الكيزان العندكم .. وبعدين مخير مستثنهو مالك .. فوقو الرقشة القاصدا خالد الحاج :D:D
فتحي مسعد حنفي
17-12-2010, 09:17 PM
الطاعمين يا بوكو .. أخير من المتضامنين ..
الليلة مدينة ما جات الشغل .. الله يستر عليها فى العواصف دى
تعرف بتنطق إسما زى نطقنا .. التركية بتناديها بنطق كسرة على كل الحروف .. فأستائت منها وقالت ليها إسمى ما كده .. قلت ليها يا مدينة إسمك فى كل اللغات .. وكل زول بنطقو بى طريقتو .. قالت لى ما فهمت .. نطت التركية قالت ليها ما أنتى غبية .. موش إسمك ده مكة ومدينة .. وبرضو كسرت ليك مكة فى كل الحروف ..

يازول انت ضربت في الوتر الحساس..كدي أسأل بابكر من الاسم دا وشوف بيسوي فيهو شنوgoood
رأفت ميلاد
18-12-2010, 10:19 AM
المشاركة الأصلية كتبت بواسطة ناصر يوسف http://sudanyat.org/vb/images/buttons/viewpost.gif (http://sudanyat.org/vb/showthread.php?p=312249#post312249)
رأفت يا جميل يا عميق إنتَ ...

غايتو تلاجه وفي عِز سقط لبد دي ما يستحملها إلا زولاً وَسَطِن .. أها الدفو كيييييييييييييييف يا أنتيمو إنتَ ؟؟؟ looool looool


سلامات يا ناصر وليك وحشة كبيرة والكل بسأل من أخبارك ..
قلت لى الدفو كيف .. الدفو عند الله يا خوى .. كان ما السواقة كان جبت معاى الأبيض داك وهيصنا كلنا ..

أحكى ليك عن ياسمين .. سميحة ما عندها عوجة .. لكن تور الله فى حنطورو .. مهودة ونقناقة شديد .. وبعدين لجنة وبتتكلم الألمانى بـ (الآكسن) الألبانى .. مطيط كلام زى عرب الغرب .. داقسة طوالى وغالاطا خلاس .. بناديها ياسمينه .. فرحت عشان بلهجتم بدلعوها كدى ..
لجنتا موش فى حروف .. لكن فى قليب كلام زى الطفل .. وحمارة شعل .. لامن يشتغلوها تهيج وتقول ليهم (أنتو فى شغل ولا إجازة .. الشغل كلو شايلنو أنا وأنتيمو .. وأنتو قاعدين للونسة والضحك)

يا زول الأمانة كيف :)
رأفت ميلاد
18-12-2010, 10:34 AM
المشاركة الأصلية كتبت بواسطة همس الشوق http://sudanyat.org/vb/images/buttons/viewpost.gif (http://sudanyat.org/vb/showthread.php?p=312259#post312259)
رأفت يا جميل

ولاي انا بريد حكيك لدرجة المبالغة وكل ما اشوف اسمك في اخر المداخلات بجري اشوف السهل الممتنع

لكن ما عرفتك بس انت شغال في تلاجه ولا ست فله :D


يا همسة وأنتى ما عارفة مداخلاتك بتفرحنى كيف ..
قلتى لى طلعتى خريجة ست فلة .. وكان دخلتى التقدم تكونى أنتيمو عديل :)

ولاى شغال فى تلاجة وبنات ست فلة هن المطيبات خاطرى .. لكن يا همسة برة البرد داون 10 و 15 .. لامن الواحد يدخل التلاجة يقلع (الكوت) :) .. يعنى أدفأ من تلاجة ربنا .. ياخ مويتى فى العربية تلجت ..

وين مختفية ليك يومين
رأفت ميلاد
18-12-2010, 10:43 AM
المشاركة الأصلية كتبت بواسطة خالد الحاج http://sudanyat.org/vb/images/buttons/viewpost.gif (http://sudanyat.org/vb/showthread.php?p=312272#post312272)
غايتو حكاية فيك رقشة دي أنا مصدقها :rolleyes:
لووووووووووول
والله يا رأفت دياميتك فكت
ههههههههههههههههههههه
قلت لي فيك رقشة ;):D;)


أنت أقعد لى جنس ده .. أنت ما كملت من رقشة الدنيا وشاهد عزو :) .. تتذكر لامن طلعنا وأتجوعلت أبيت تلبس فنلة عزيز الحنكوشة .. لبستها أنا وبقيت أنت ترجف زى القشة من البرد فى المطرة .. أفتو كلو ;)

غايتو كان كنت معانا .. كان قلت ليهن (جوما بل عباس) :D:D
رأفت ميلاد
18-12-2010, 10:55 AM
المشاركة الأصلية كتبت بواسطة فتحي مسعد حنفي http://sudanyat.org/vb/images/buttons/viewpost.gif (http://sudanyat.org/vb/showthread.php?p=312470#post312470)

انت ياخوي انتقلت للجنس التالت ولا شنو..وهو ذاتو انت شغال وين..المعاك كلهن حريم وانت وسطم..تكونش شغال في بيت خياطة وتطريز!!!!!!!!!


خياطة وتطريز فى تلاجة يا مخرف .. ولّ بتقصد ياتو خياطة وتطريز .. برضو ما لافقة :) ..
ذكرتنى بالحلفاوى المشى أمريكا .. ماشى مع قريبو قال ليهو (تعال نزور مهمد صاحبى شغال هنا) .. طلعو ليك ناطحة سحاب بأسانسير قزاز .. صاحبنا راكب يعاين تحت .. الناس صغروا لامن أختفوا .. والعربات بقت زى النمل .. والأسانسير لسة طالع .. صاحبك شفق وقال لأبن عمو (إسمع ياخينا نحن رايحين لى مهمد مين) :D:D
رأفت ميلاد
18-12-2010, 11:07 AM
المشاركة الأصلية كتبت بواسطة سمراء http://sudanyat.org/vb/images/buttons/viewpost.gif (http://sudanyat.org/vb/showthread.php?p=312521#post312521)
قلت ليها شنو ووووووووووو؟؟؟؟؟؟؟؟؟
انتيمو ؟؟!!
انت عايز الدم يصل مانشيستر ولاشنو يا انتيمو "خجيجية " :mad:
ماااابتعرفنى انا لو زول داقرنى فى انتيمى بسوى شنو ؟؟
والله لا خديجه لا ود ابرق !
بعرفو حاجه ;)


يا أنتيمو أنتى الأصل ياخى .. بعدين الجاب خجيجة هسة شنو .. خجيجة دى راجل البيت بتاعنا :) .. أنتيمو المنافس (شكرية) .. والله كان شفتيها مدقلمة كيف .. وخفيفة خفة .. يعنى كان قامت حريقة أول زول بتخارج :D:D
رأفت ميلاد
18-12-2010, 11:26 AM
المشاركة الأصلية كتبت بواسطة طارق الحسن محمد http://sudanyat.org/vb/images/buttons/viewpost.gif (http://sudanyat.org/vb/showthread.php?p=312538#post312538)
قلت لى تمانية ولا سبعة
والله بختك ياديامى
والله هنا
ضكور جـــــــــــــــــــــت
بنغالة وهنود وهلم جرا
وترفع حجر يطلع ليك ضكر
رفعو ضغطنا
:D :D :D
بس والله العيون ديل
علا الزول يمشى مول
حتن نشبع منهن
وجوفنا يتشق من كبرن
وسوادن وعسلن والباقى
كله اســــــــــــــــــــود
وبالعيون بس الواحد يفتح خيال
مع التضاريس التى قد ظهرت
مع ضيق او وسع العباية
وبت ا ..................
جاك زول
:D :D :D :D


ولاى يا طروقة حالتك صعبة زى الطلعو من السجن تتذكرو :D:D
يعنى أنت بتبكى من تحت العباية .. تعمل شنو كان جيتنا فى الصيف .. ولّ كان مشيت ناس عمو عزيز وأعتمرت فى الدام .. حتى الضكور حالتم شلس ..

وبعدين خجيجة شنو القافل عليها .. دى أرجل منى ومنك .. نشوف ليك ياسمين .. مرة جد جد .. ونقناقة كمان :)
رأفت ميلاد
18-12-2010, 09:11 PM
المشاركة الأصلية كتبت بواسطة مرافي http://sudanyat.org/vb/images/buttons/viewpost.gif (http://sudanyat.org/vb/showthread.php?p=312600#post312600)
http://www.moheet.com/image/71/225-300/714721.jpg



سلامات يا مرافى الود

تعرفى يا مرافى النسوان محل ما شغالين بمنعهوهن من المكياج وأى مساحيق .. وبغطوا الشعر بشبكة بيضاء زى المحجبات .. تتصورى الألبانيات ملامحن عربية عديل .. وبدون المساحيق شكلهن مريح شديد .. لكن بعد الشغل يتمكيجن ويلبسن المفتشى :) يبقن زى الإنسختن .. وأغلبن السجارة قصبة .. حتى أنيمتى شكرية ..

الشعر أسود داكن لكن اللون أبيض عديل .. بس قصار عموماً .. غايتو لو أتنقبن ياها صورتك الجبتيها دى
ناصر يوسف
19-12-2010, 09:15 AM
سلامات يا ناصر وليك وحشة كبيرة والكل بسأل من أخبارك ..
قلت لى الدفو كيف .. الدفو عند الله يا خوى .. كان ما السواقة كان جبت معاى الأبيض داك وهيصنا كلنا ..

أحكى ليك عن ياسمين .. سميحة ما عندها عوجة .. لكن تور الله فى حنطورو .. مهودة ونقناقة شديد .. وبعدين لجنة وبتتكلم الألمانى بـ (الآكسن) الألبانى .. مطيط كلام زى عرب الغرب .. داقسة طوالى وغالاطا خلاس .. بناديها ياسمينه .. فرحت عشان بلهجتم بدلعوها كدى ..
لجنتا موش فى حروف .. لكن فى قليب كلام زى الطفل .. وحمارة شعل .. لامن يشتغلوها تهيج وتقول ليهم (أنتو فى شغل ولا إجازة .. الشغل كلو شايلنو أنا وأنتيمو .. وأنتو قاعدين للونسة والضحك)

يا زول الأمانة كيف :)



ياااااااااه يا رأفت

والله ده حكي طاعم بالجد

ياخي سلِم لي علي ياسمينكم هذه وأنثر عليها من أريجِ الياسمين عِطراً وتحية

الأمانة يا رأفت ... وبالأمانة كدي ماني ناسيها

عِلا بس تراهو ياهو سيستم السودان البيلخبط ليك حساباتك وحسابات زمنك

وفجججججججعةً كِدَه تلقي نفسك في دوامة غريبة

لا تعرف إنتَ ماشي وين ولا جايي من وين ولا بتسوي في شنو ..

غايتو ...

حكمة الله نسوي شنو نان يا رأفت

والنعمنو كدي .. أهو بنحاااااااااااااااوِل نلاقي البت الغناااااااااااااااااية د. منال ونجيك بالمفيد


حقيقي مشتاق ليكم يا رأفت

تحياتي للحبايب عيالك وأمهم الكريمة وقول ليها عشاء الأتراك ما بناباهو علا الفيك إتعرفت ترا :p :p :p