شخصيات ضيعت السودان...باب المساهمة مفتوح للجميع

[شفيف]

فى هذا البوست أتلمس رأيكم حول من هى الشخصيات التى كان لها نصيب وافر فى ضياع السودان ولماذا؟

فى الإنتظار

[أبو الحُسين]

فى هذا البوست أتلمس رأيكم حول من هى الشخصيات التى كان لها نصيب وافر فى ضياع السودان ولماذا؟

فى الإنتظار

الغالي شفيف...

بدل شخصيات دي يبقى لي أحسن أنظمة... أو جماعات بدون ذكر أسماء من باب الإحترام والتقدير وكدي...

لك من المودة أحلاها وأعذبها...

ويبقى لي السودان مافي واحد ضيعوا غير الجعجعة حقتنا الفي الفاضي دي يا اخوي...

أبو الحســـــــين....

[شفيف]

ابو الحسين
شكرا على الاقتراح
ولكنى قصدت بشخصيات بالتحديد لضعف التنظيم الحزبى بالسودان وهيمنت زعماء هذه الاحزاب عليها
لذلك دور الفرد هنا كان أكبر من دور المجموعة

اضرب لك مثلا

السيد الصادق المهدى قال قبل الانتفاضة أن قوانين سبتمبر لا تساوى الحبر التى كتبت به ولما جاء للحكم لم يستطع إلغائها خوفا من رد فعل الاسلاميين مع انو الشارع كان ينتظر منه ذلك و أعضاء داخل حزبه كانوا ينتظرون منه ذلك ولكنه قرر وحده عدم إلغائها وقرر وحده ايضا التحالف مع الترابى فى حكومة الوحدة الوطنية رغم رفض اغلبية الحزب لهذا التحالف.

[فيصل سعد]

بريطانيا.
مصر.
قوات الشعب المسلحة.

لكم من المودة أحلاها وأعذبها.

[عجب الفيا]

ومثال ايضا يا شفيف :

احزاب التجمع والحركة الشعبية
قررت عن طيب خاطر ان تمنح الانقاذ ستة سنوات غير قابلة للنقض
وتجلس معها في حكومةواحدة وبرلمان واحد
لتضفي الشرعية بذلك على كل سنواتها وكل جرائمها
ولتهييء لها الاستعداد جيدا للفوز بالانتخابات الشرعية القادمة .
التي ستكسبها هذه المرة بالصناديق وليس بالدبابات !!!!!!!!!!!!!!!!!!!!!!!!!

[أبو الحُسين]

بريطانيا.
مصر.
قوات الشعب المسلحة.

لكم من المودة أحلاها وأعذبها.



معليش مداخلة خارج الموضوع...

الغالي المسافة...

شايفك كترت من إستخدام المودة أحلاها وأعذبها...

وإنت عااااااااااارفني قبل كدي رفعت دعوى ضد ناصر في إستخدام عنوان البوست حقي (الحالة ديك بس إستخدم شبه العنوان موش العنوان نفسو!!!)... الشايقية ماضيهم المشرق حاضرهم الأخضر ومستقبلهم الواعد...!!! :p :D

ولسع دعواي قايمة تجي إنت تستخدم النصوص حقتي صرااااااااحةً :D :p :mad: :)

لك وللأخ شفيف والإخوة المتداخلين من المحبة كما الشهد...

أبو الحســـــــــين...

[الطيب بشير]

الصادق
الميرغني
الترابي
نـقــد
البشير
النميري
سوار الذهب
الجزولي
ميرغني النصري

[أبو الحُسين]

الصادق
الميرغني


الطيييييييييييييييب هيييييييييييي...

اللهم أرضى عنهم وأرضاهم...

يتلفتو عليك هسع يعوجو حنكك!!!

لك من المودة ماهو أحلااااااااااها وماهو أعذبها...

أبو الحســـــــين...

[الطيب بشير]

الطيييييييييييييييب هيييييييييييي...

اللهم أرضى عنهم وأرضاهم...

أبو الحســـــــين...
يا حبيب
السيد الصادق المهدي و السيد محمد عثمان الميرغني
فوق راسي..كزعماء طرق صوفية
ان شا الله ربنا يرضى عنهم
رضاء الرضا
و ينفعنا بي جاهم..يعيشوا و يدرّسوا التسامح الصوفي
و يرزقهم في الدنيا طولة العمر و القروش و الصحة
و في الآخرة الرحمات و البركات و الغفران
و
يبعدهما :D عن طريق السياسة السودانية :D

[Dr. Mohammed Hassan]

بسم الله الرحمن الرحيم

90% من الاعلاميين والصحفيين

[أبو الحُسين]

بسم الله الرحمن الرحيم

90% من الاعلاميين والصحفيين

أهاااااااااااااااا شوف جاتك في عِبك يا الطيب أخوي..!!! وأدها مني تسعة تاني يا دكتور محمد الحسن!!! :D :D

أها خُم صُر... :) :D ;) :( :p

ولكم ودي كله بلا حدود... ونسأل الله يخرج بلادنا من الفتن والمصائب ياااااااااااارب...

أبو الحســــــــــــين...

[الطيب بشير]

أهاااااااااااااااا شوف جاتك في عِبك يا الطيب أخوي..!!! وأدها مني تسعة تاني يا دكتور محمد الحسن!!! :D :D
أها خُم صُر... :) :D ;) :( :p ..
لووووول يا جمال
الجماعة غاروني سريييييع كدة؟ :)
أنا بركـّـز على الواحد في الماية اللي انتو برّأتوهم ديل :D ..و ديل ماااانحن :rolleyes:
الأداء المهني للإعلاميين السودانيين يتناسب مع جهلنا العام
و ع شان أجيبها للدكتور (تارّة) لدينا أطبّاء يضربون المرضى..كفّيت عدييييييل باليد اليمين و الشمال فيها سيجارة...لووووول...الكلام دة قع يزعّـل شقيقي الأكبر د/ نصرالدين زعل شديد ..الأمر لا يتجزّأ..ناس المساحة لما يجوا يسلموك قطعة الأرض عليك العربية و الفطور...ناس البوليس لما تجي تفتح بلاغ بيقولوا ليك إشتري فلسكاب للتحرّي...بتاع سودانير عمل حجز (أووكـي) لي ستة ركاب زيادة على اعتبار أن البعض (قــد) يتغيب!!و دة ما حصل ..اتنين زيادة من الركاب شرّفوا و ركبوا الطيّارة..الكابتن قال لشباب ضعاف: يا جماعة زحّـوا ليهم شويّـة :p ...
و دة السودان
مقارنةالتلفزيزن ساهلة لأنو بالريموت بتشوف المنافس بتاعو
لكن هل مطار هيثرو يشبه مطار الخرطوم؟
هل استاد الخرطوم يشبه بتاع فرنسا الجهّزوهو و ما عجب اللجنة الدولية؟
لكن الساسة اللي ضيّعوا السودان نقارنهم بمن سبقهم من زعمائنا فيطفّفون
الإعلام، قبل الإنقاذ، كان فيهو ناس كتاااااار كويسين
و هسع مولّعين في دول تانية
الإنقاذ جابت ناس قريعتي راحت ديل
زي ما أبو عركي قااااااعد في البلد و التلفزيون فرحان بالقيقم!!
لا تنفصل..

[أبو الحُسين]

لووووول يا جمال
الجماعة غاروني سريييييع كدة؟ :)

..

الغالي جداً شيخنا الطيب...

الله لا غارك يا اخوي ولا أصابك بي مكروه... قول آمين...

لكن بيني وبينك ... ديل الحالة دي الخُلفاء... المراغنة الكبار لسع ما جوك...

أعمل حسابك يا اخوي... وقول يا أبو هاشم...

ونسأل الله يسترنا ويحمينا في الدنيا والآخرة يااااااااارب...

لك من المودة والمحبة كحلاوة...
لا إله إلا الله الأمان الأمان... محمد رسول الله السلطان السلطان...

أبو الحســــــــين...

[شفيف]

الاخوة المتداخلين

لكم الود و اتطلع للمزيد
عن نفسى عندى لستة طويلة بس لمن يجى الوقت

[أبو العز الجنوبي]

العزيز شفيف
تحياتي لك
اعتقد أن المسألة ليست مسألة افراد أو أشخاص ساهموا في تردي حال البلد، بل هناك اسباب واشياء كثيرة ساهمت في ذلك، بمعني انها منظومة متكاملة من الأسباب، فيها اشخاص، احزاب، حكومات، مؤسسات عسكرية ومدنية، اعلام، شعب ..... الخ.
والقائمة تطول...
أما أن نقوم بتحميل كل الأخطاء لأشخاص بعينهم فهذا غير منطقي، ولا يستقيم الحكم به...
مع مودتي

[شفيف]

ابو العز
نحن ما مختلفين حول ما ذكرت
لكن نريد القول بوضوح أن هناك زعامات كان لها دور بارز فى وصول السودان لما هو عليه
دور الشخص فى التاريخ هو حقيقة لا يمكن انكارها
هل يمكن انكار غاندى او مانديلا او هتلر؟ صحيح انهم نتاج ظروفهم لكن دورهم وقيادتهم كانت مهمة لما حدث

[أبو العز الجنوبي]

العزيز شفيف
ولا اختلف معك، صحيح للأشخاص دور، لكن الا تري من الأفضل تناول المسألة بكاملها دون أن تجزأ؟؟
اقول ذلك لسبب بسيط، لأنه إذا قمنا بكتابة اشخاص فقط باعتبارهم من ضيعوا البلد نكون قد وقعنا في خطأ فادح بتجاهلنا لكل الأسباب الأخرى...
فمثلا لأ احد ينكر الوقائع التالية التي اثرت على مسار حركة البلد وتطورها:
1.شعاري الاستقلال (السودان للسودانيين / والسودان تحت التاج المصري)
2. زيارة محمد نجيب والأحدات التي تلتها.
3. اداء حكومة 54 ودور مصر فيها.
4. اداء حكومة ما قبل انقلاب نوفمبر.
5. انقلاب نوفمبر 58
6.انتفاضة 64
7.الفترة الانتقالية.
8.حكومات الديمقراطية الثانية.
9.فشل النخب الحاكمة والأغلبية المحكومة في فهم و ممارسة ديمقراطية حقيقية..
10. انقلاب نميري 69.
11. احداث الجزيرة ابا وودنوباوي.
12. حركة يوليو 71
والقائمة تطول.......آخرهم هؤلاء الناس الذين لا ندري من اي كوكب جاءوا؟؟؟
كل تلك الأحداث كان لها تأثيرها الايجابي والسلبي على حركة حياة الوطن... فلا نستطيع بالجزم بأن أشخاص بعينهم هم المتسببون في ضياع السودان..

[شفيف]

ابو العز الجنوبى
شكرا لك على ايراد هذه الاحداث المهمة والتى فعلا كونت تاريخ السودان الحديث.
اتفهم ما تقول ولكن لكى اوضح اكثر أنا قصدت بهذا البوست الشخصيات لكى تتحمل مسئولياتها ولا تهرب منها
ما ضرنا فى الماضى غياب مبدأ المحاسبة. شخص يرتكب ما يرتكب من الاخطاء الكبيرة بحق الوطن و يكون عايش بين الناس ولا كأنو حاجة حصلت مما يغرى أى شخص بعمل نفس الشئ مستقبلا.

فى اشخاص اتيحت ليها الفرصة أكثر من مرة وبرضو كررت أخطاء قاتلة فى حق البلد وديل ممكن يعودو للحكم تانى . هل ده معقول؟

[3ashig Alneel]

الخليفة عبد الله التعايشي

الذي لولا ضيق أفقه لكان للسودان الآن شأناً لا يضاهى
وجهة نظر ...!!

[ناصر يوسف]

العزيز شفيف والأصدقاء المتداخلين

سلام صادق من القلب


سؤال البوست من ضيَع السودان

والإجابة وبكل الصدق وبكل شجاعة أقولها لكم




أنــــــــــــــــــــــــــــــــــا



أنا الذي ضيعت السودان لثرثرتي وتنظيري وعدم فاعليتي الموجبة تجاه السودان

ولذلك أسباب وأسباب متفرقات

ولكن من ضيَع السودان


أنـــــــــــــــــــــــــــــــا

[معتصم الطاهر]

ســــــــــــوار الدهـــــــــــــــــــــــــــــــب

[عبدالعزيز خطاب]

من ضيع السودان

هم

شعراء الحقيبة

ذوبوه عاطفة وعشقا وإنكسار للحبيبة

وبكى كتيييييييييير.. الواحد كان يشتغل وبدل ما يجود عمله تلقاه يغنى ويبكى ويضيع العمل ويضيع هو فى الاحساس ويضيع السودان!!

ياشفيف ياخوى كان فى زول لقى السودان من ضياعه عليك الله كلمنى..

الأسياد ربنا يمتعهم بالصحة والعافية .. ويلحقونى وينجدونى من غربة كانوا هم السبب فيها

مودتى

[خالد الأيوبي]

يا جماعــــة ..

ما مهم .. الضيعـو مـنو ؟

المهم هســـــع القاعـــد يفتش عليه منــو ؟

[شفيف]

آسف يا شباب
كنت مشغول شوية

عاشق النيل
سلام

كثير من الناس لديهم نفس الرأى ولكن ذلك تاريخ قديم ويصعب محاكمة قادته بمفاهيم الحاضر .
ما قصدته هو الشخصيات المتنفذة فى تاريخ الدولة الحديثة من الاستقلال وحتى الآن.

ناصر يوسف

فهمتك يا حريف. انت تقصد الشخصية السودانية بمكوناتها الضعيفة والهشة. اتفق معك انها من الاسباب الاساسية لضياع البلد

[شفيف]

معتصم الطاهر

سوار الدهب من الشخصيات التى اسهمت فى ضياع السودان. لقد خان الامانة مرتين. المرة الاولى عندما حنث بقسم رئيسه ومولاه المخلوع جعفر محمد نميرى والثانية عندما تحالف سرا مع الكيزان و هو الذى وافق عليه الشعب السودانى ليكون رئيسا للمجلس العسكرى الانتقالى.
رفض المجلس العسكرى برئاسة سوار الذهب دوائر القوى الحديثة واتى بدوائر الخريجين التى فصلت بالمقاس على الجبهة الاسلامية القومية و تسبب ذلك فى دخولها البرلمان واختلال موازين القوى السياسة فى بلدنا حتى الآن.
حتما سوف يجىء اليوم الذى تتكشف فيه هذه الاسرار فالتاريخ لا يرحم

[شفيف]

خالد الايوبى

سلام

كوسو كان تلقاهو....السودان خلاص ضاع

[شفيف]

لاحظت هنا انو اكثر المتداخلين لم يدلو بأسماء
يا جماعة ما تخافو لسان المتحزبين

ديل كان ما دايرين يشوفو لغاية حسع اخير الناس يشوفو ليهم
منتظر أسماء.. أسماء

[شفيف]

معقول يا جماعة...

كم يوم منتظر الترشيحات..
لو ما قادرين تقولوا من ضيع السودان
ما حنلم فى الفضل منو..لو فضل فى حاجة

[أبو الحُسين]

الأسياد ربنا يمتعهم بالصحة والعافية .. ويلحقونى وينجدونى من غربة

الغالي جداً عزو...

إنشاء الله يا اخوي يسِد نفس عدوك قول آمين...

هم مادام أسياد (اللهم أرضى عنهم)... وطالبُم يلحقوك وينجدوك... كيفِن يكون ضيعوا السودان؟؟؟!!! لووووووووووول!!! :) :mad: ;) :( :D

والله يا اخوي عِترة النبي صلى الله عليه وسلم دي... فيها الخير لا يوم القيامة... هُم حبل الله المتين... وهم السفينة البي ينجى بيها الدركان...

نسأل الله يلزمنا محبتهم يااااااااارب....

وسجل إسمك أوعى يروح... دي الختمية سفينة نوح...

لوووووووووووووووووووووووول!!! :( ;) :p :mad: :)

ونسأل الله يا اخوي يولي من يصلح... قول آمين...

لك من المحبة والمودة كحلاوة...

إله العرش صلي على نبيكا... إمام المرسلين غاية منالي...

أبو الحســــــــين...