المساعد الشخصي الرقمي

مشاهدة النسخة كاملة : من صقلية ألى bergen مرورآ ببلفاست ...!!!!

amine
22-10-2005, 11:40 PM
تحياتي يا الجيلي وساره و لنا جعفر و أماني ..
يلا يا الجيلي كمل الباقي و أرفع البوست ...
تحياتي يا حلوين ..
أمين
الجيلى أحمد
23-10-2005, 08:53 AM
عمدة بلفاست

والله مشتاقين

بجيكم راجع بى مهله..
ونقه دقاقه
عمر صديق
23-10-2005, 03:39 PM
سلام
اهل الدار الاعزاء الجيلى امين وفى انتظار البقية
والله ليكم وحشة
مع السلامة يا حلوين
الجيلى أحمد
24-10-2005, 09:18 PM
عمر صديق

سلامات
ليك وحشه

يظهر انو بقية الجماعه عندهم مشكله فى الوصول
للموقع الجديد..ويظهر انو امين فى زيارتو الآخيره
لبوركينا فاسو قام بتعطيل بعض الاسماء..

شنو ياامين
ساره وين
عمر صديق
24-10-2005, 10:20 PM
الاخ الجيلى
اظن امين ده ما عطل الاسماء
لكن حسب ظنى انو يكون
الموضوع فيهو سر


بقى دقيقتين ما بكملا على بعض داخل البوست
مع خالص التحايا
amine
25-10-2005, 11:23 AM
الأخوة الجيلي و عمر صديق ..
صبحكم الله الخير ..و الله كان عندي شوية مشاغل كده ..
فأنا لما كتبت هذا البوست أردته أن يكون بتوقيع الجيلي
لأنه هو صاحب البوست القديم ...فياريت لو خالد الحاج
و حمدي أبجقادو يرجعوا البوست القديم لأنه كان البداية
و جاء متسلسلآ ...
يا الجيلي الظاهر أنه لسه في ناس ما أستوعبوا فكرة
البيت الجديد ده ..ومعظمهم ما قدروا يخشوا هنا ..
زي ما عملت أنت و أنا كذلك ...كنا بنشيل و نردم
في البورد القديم ..وركبنا بساط الريح ............ :cool: :cool:

تحياتي يا حلوين ..
أمين
عمر صديق
27-10-2005, 01:33 AM
الاخ الامين
الاخ الجيلى
ابدا ولا رايكم شنو بحميد
او بالقدال
ود النوق دبر كور عليهو يشفق
ويبقى يتباطا فى خطبة مشيهو يلفق ان جاه العلوق صيح نفاقو تلفق اصبح جدوة ل ما شافلى صفقة جديد ة يها يصفق
يا عتيت البرماد نط الحيط بالزانة
وعذرا للذاكرة
asadalla
28-10-2005, 10:06 PM
الحبيب امينو
ما زلت ابحث عن عطرك وابحث عنك فى كل الارجااء
فقط ما عرفته انك قسوت كثيرا على قلبى وتناسيت كل شئ ربما
وربما قد كاان حلمااا وانقضى
وربما طيف جميل من حياتك قد
مضى
ولربماااااااااااااا
ولربماااااااااااا
فقط انا مشتاااق وبى لوعة ؟؟؟؟؟؟؟؟؟؟؟؟؟؟؟
عكــود
30-10-2005, 08:36 AM
الجيلي/أمين،

سواتكم دي ما بتنفع..
تظهروا يوم وتغيبوا عشرين..
(أب جقادو بقت عندو نفس العادة بتاعتكم دي :confused: )
أمين سببو معروف :cool: ..
وعمر صديق ظنو في محلو:
اظن امين ده ما عطل الاسماء
لكن حسب ظنى انو يكون
الموضوع فيهو سر
بقى دقيقتين ما بكملا على بعض داخل البوست

بس إنت مالك يا الجيلي؟

عكــود
الجيلى أحمد
30-10-2005, 09:19 AM
بس إنت مالك يا الجيلي؟




العيد ياعكود العيد

الكسوه
الشفع...
الهديمات

العيد زاتو ياعكود المانعك تقول قاصد منو :D
عبدالله الشقليني
30-10-2005, 03:49 PM
يا سلام على الكلام الإسفيري ،
أنكُتُوا الحبايب ، ونفضوهم من العجاج
عمر صديق
03-11-2005, 09:47 PM
سلامات وكل سنة وانتو طيبين
اتمنى ان تتحقق امانى الجميع
وكل عام وانتم بخير
يظل الامل من اجل التوق لزمن افضل لايوجد فيه مكان للعسس والمتاجرين باسم الدين
وكل سنة وانتو طيبين
amine
05-11-2005, 09:38 PM
الحبيب امينو
ما زلت ابحث عن عطرك وابحث عنك فى كل الارجااء
فقط ما عرفته انك قسوت كثيرا على قلبى وتناسيت كل شئ ربما
وربما قد كاان حلمااا وانقضى
وربما طيف جميل من حياتك قد
مضى
ولربماااااااااااااا
ولربماااااااااااا
فقط انا مشتاااق وبى لوعة ؟؟؟؟؟؟؟؟؟؟؟؟؟؟؟

يا سلام يا أسد الله يا سيف الله المسلول ...
قسوت أنا على نفسي وعلى من يحبوني ..
غصبآ عني غفوت و نسيت ولكن لا تناسيت ...
هو حلم أتاني في يقظة لم تكن بتول ...
فالأحلام و الأطياف تزورنا كل يوم و لكن لمسة الحزن لم تبارحنا ...
أحبكم كلكم و كل عيد و أنتم بألف خير ..
تحياتي يا حلوين ..
أمين
amine
05-11-2005, 09:53 PM
الجيلي/أمين،

سواتكم دي ما بتنفع..
تظهروا يوم وتغيبوا عشرين..
(أب جقادو بقت عندو نفس العادة بتاعتكم دي :confused: )
أمين سببو معروف :cool: ..
وعمر صديق ظنو في محلو:


بس إنت مالك يا الجيلي؟

عكــود

و الله يا عكود أخوي ريحتني جنس راحة ....
هههههههههههههه أنا سببي معروف و الحمد لله مش كده ؟؟؟
بس أبجاقدو ده القادينا و هو راكب الفيل الأفريقي ظاااااااااااااااتو ...
يغيب ماله ؟؟ و الجيلي أخوي ضارب الأسباغيتي و نسى أم عيرا عيرا ...
علا نجيب ليه ود حميد و أم ضرع ظااااااااااااااتها ....
بس و الله عمر صديق قرب يصيب الهدف ....بس جلا بنقطة واحدة بس ...
عيد مبارك ...
ويا عكود ممنونك على الرسالة الظريفة ... و أن شاء الله يكون الرد وصلك ؟؟؟
تحياتي يا حلوين ..
أمين
amine
05-11-2005, 10:01 PM
يا سلام على الكلام الإسفيري ،
أنكُتُوا الحبايب ، ونفضوهم من العجاج

يا سلام يا أستاذنا الشقليني ....
الكلام الأسفيري أتى من هذه النافذة ...
فأنت الذي فتحتها و ما علينا غير نفض الغبار ...
أحبة كثر أفتقدناهم و أنت الذي أنعشت ذاكرتنا المرتهلة كي نتذكرهم ...
فعودوا يا أحبة و عيد مبارك و ربنا يجعل كل أيامكم أعياد ...
تحياتي يا حلوين ..
أمين
amine
01-12-2005, 01:42 AM
يا جماعة البوست ليه حكمتوا عليه بالتناسي ؟؟
الليلة أنا شفت سارة و أماني طلوا في الحوش ... :) :)
يلا يا سارة و أماني خشوا البيت بيتكم ....
يا ربي أنا وين ؟؟؟
تحياتي يا حلوين ...
أمين
سارة
01-12-2005, 09:53 PM
سلام يا حلويييييييييييييين
بصراحة عايزين نعمل ربة كاربة بمناسبة النيو لوك فى سودانيات
وبمناسبة ومن غير مناسبة عشان عاجبانا روحنا وعاجبنا منتدانا رايكم شنو
كل واحد يدفع شيرينق ما تجوا وتبقوا ناس ميتات
الجيلى أحمد
01-12-2005, 11:19 PM
سلام
العمده وساره وناس جوه
ساره هوى
دا ما بردآ بسووا فيهو ربه!!
هسع الدلاليك كان رخت يشدوها وين
amine
07-12-2005, 12:31 AM
سلام يا حلويييييييييييييين
بصراحة عايزين نعمل ربة كاربة بمناسبة النيو لوك فى سودانيات
وبمناسبة ومن غير مناسبة عشان عاجبانا روحنا وعاجبنا منتدانا رايكم شنو
كل واحد يدفع شيرينق ما تجوا وتبقوا ناس ميتات

يا سلام يا سارة يا تومتي العزيزة ...
و الله نورتي (( الباسطة )) قصدي البوست ...
وعن الربة و الله أنا جاهز وروحنا و منتدانا عاجبننا و الله ...
بس أنا حرم أدفع ريال ظاااااااااااااتو أبشرو ....
يا سارة خشي في دفتر الحضور و الغياب علشان تشوفي أنا كتبت شنو ؟؟؟
بس يا ربي أنا وين ؟؟؟
تحياتي يا حلوين ...
أمين
amine
07-12-2005, 12:36 AM
سلام
العمده وساره وناس جوه
ساره هوى
دا ما بردآ بسووا فيهو ربه!!
هسع الدلاليك كان رخت يشدوها وين

ههههههههههههههه يا الجيلي أخوي أنت بقيت في الدلاليك كان أترخت ؟؟؟
ياخوي أنت قول ما عايز تدفع الشيلنغ ده ؟؟؟ ياخوي و الله بنعمل ليك تخفيض ...
أدفع قرشين ونص بس و أنحنا بنسخن الدلاليك ...أههه.....قصرنا معاك ؟؟؟
بس وين لنا جعفر و أماني ؟؟
يا ربي أنا وين ؟؟؟
تحياتي يا حلوين ...
أمين
amine
13-05-2006, 03:04 AM
أها يا الجيلي أخوي أنا قصرت معاك ؟؟؟
نكت ليك البوست ده من أسفل سافلين يلا قوم بالباقي و ما تخاف لأنه عمر صديق حيساعدك ....
يلا جيب معاك ناس طارق و أبو مناهل و حتى جقجق ظاااااااااااااااتو ماشي الحال ...و كمان ما تنسى ود الخليفة ...و أنا أسألني من سرورة ...بس لنا جعفر وينها ؟؟؟ أماني بت خالتي ما تخاف عليها حتخش ...
يلا فتكم بعافية ...
يا ربي أنا وين ؟؟؟
تحياتي يا حلوين ...
أمين
asim_mash
14-05-2006, 03:29 PM
الرائع بروعة الوطن
الجليل الاخ امين
لك التحية ..
اين انت اخى واين موطنك ولى زمن اسالك عنك ...
اتمنى اذا حضرت الى ارض الضباب ان تتصلى بى ..
اتمنى ان اقابلك قبل مغادرتى الى نيويورك .....

تسلم اخى
أبومناهل
14-05-2006, 04:20 PM
أها يا الجيلي أخوي أنا قصرت معاك ؟؟؟
نكت ليك البوست ده من أسفل سافلين يلا قوم بالباقي و ما تخاف لأنه عمر صديق حيساعدك ....
يلا جيب معاك ناس طارق و أبو مناهل و حتى جقجق ظاااااااااااااااتو ماشي الحال ...و كمان ما تنسى ود الخليفة ...و أنا أسألني من سرورة ...بس لنا جعفر وينها ؟؟؟ أماني بت خالتي ما تخاف عليها حتخش ...
يلا فتكم بعافية ...
يا ربي أنا وين ؟؟؟
تحياتي يا حلوين ...
أمين
حبيبنا أمين
سلامات ياغالي . .
أها يا أمين دخلنا في البوست خفيف الدم ده ..
بس عندنا مطلب أساسي . . وأنا أتحدث نيابة عن ( طارق وجقجق وعمر صديق )
المطلب هو تغيير مسمي البوست . . إلى صقلية إلى إنجمينا مروراً بـ الرياض ـ الخبر ـ القاهرة ـ بيروت .
بخصوص bergen أنا شايف سارة مسجلة غياب عشان كده ( يتم فصلها ) وبالنسبة لـ بلفاست
فقد تم الإستعاضة عنها ببيروت ويقال في بعض الروايات ( باماكو ) سنة يا أنا :D :D :D
دي مطالبنا العادلة التي لا ولن نرضى عنها ببديل . . . ولا مجال للضغوط .
دي مطالب عادلة في مقابل أن ندخل هذا البوست بدون ( قزاز ) . :D :D
في حال موافقتكم سيكون التوقيع تحت رعاية شيخك البزوروه الحفايا والعرايا . .
وثورة حتى النصر
عمر صديق
15-05-2006, 07:43 PM
يا الله
عليك يا
ابو مناهل
يا انسان
يا زول يا حبوب
الله
تحياتى لك يا غالى
حمدي اب جقادو
16-05-2006, 08:47 AM
الجيلي/أمين،

سواتكم دي ما بتنفع..
تظهروا يوم وتغيبوا عشرين..
(أب جقادو بقت عندو نفس العادة بتاعتكم دي :confused: )
أمين سببو معروف :cool: ..
وعمر صديق ظنو في محلو:


بس إنت مالك يا الجيلي؟

عكــود

عكود ياشقيقي

والله يااخوي زي ماانت شايف براك (قالو البباري الجداد بمشي الكوّش):D

وانا بعيد عنك والسامعين الناس ديل وادني وين ماعارف :D
سارة
18-05-2006, 07:22 PM
ابو مناهل قال:-

بخصوص bergen أنا شايف سارة مسجلة غياب عشان كده ( يتم فصلها ) وبالنسبة لـ بلفاست
فقد تم الإستعاضة عنها ببيروت ويقال في بعض الروايات ( باماكو ) سنة يا أنا

خليكم شاهدين :mad: :mad: :mad: :mad: :mad: اى دشمان يحصل ما دايرين حجازة

بس خلينى احوم شوية واجيك راجعة



ملحوظة صغيرونة

الجيلى اخوى كيف حالك انت اب جقادو دا مرق سليم من انجمينا؟؟؟؟؟؟؟؟؟؟

وامين سقط وين؟؟؟؟؟؟؟؟؟؟
amine
20-05-2006, 03:50 PM
وانا بعيد عنك والسامعين الناس ديل وادني وين ماعارف
وادنك وين يا بتاع القدوقدو بروب ؟؟؟ هههههههههههه قال ما عارف ...!!!
هوووووووووي يا حمدي أخوي مش أنت ظااااااااااااااااااااااتك الشفت صورتك في التفيليزيون ؟؟؟
ما تعمل لي حالك مسيكين ...يا بتاع الأنقلابات ...آآآآآآآآآآآآآآييي تمسكن حتى تتمكن ....
يا ربي أنا وين ؟؟؟
تحياتي يا حلوين ...
أمين
amine
20-05-2006, 04:08 PM
ابو مناهل قال:-



خليكم شاهدين :mad: :mad: :mad: :mad: :mad: اى دشمان يحصل ما دايرين حجازة

بس خلينى احوم شوية واجيك راجعة



ملحوظة صغيرونة

الجيلى اخوى كيف حالك انت اب جقادو دا مرق سليم من انجمينا؟؟؟؟؟؟؟؟؟؟

وامين سقط وين؟؟؟؟؟؟؟؟؟؟
هههههههههه يا أبو مناهل شيل شيلتك ...وحات شيخي داك البزورورهو الحفايا و العرايا أني ماني منتظرك
لعنو سرورة جات و عكازها ماسكاهو في أباطها ...علا تشيل و تبصق في السفة بتاعتها ...وحات الأمام الهادي شيل شيلتك عديل كدي ...ياخوي أني لا بعرفك ولا حاجة ....ههههههههههههههههه و الليلة جنس ورطة ...!!!
يا سرورة وحات مهدي الله أبو زينب أني زولن مسيكين بس بعيد عنك أني باريت أبو مناهل و أبو جقادو علشان كدي أني سقطت ....يلا يا أبو مناهل و جقجق أنا حأستعمل معاكن الشيفرة بتاعت نميري و أبو القاسم محمد أبرأهيم ....(( ش ش أ ش ))) يعني شيل شيلتك أنا شردت ....و الليييييييييييييييييييييييييييييييلة ....
يا ربي أنا وين ؟؟؟
تحياتي يا حلوين ...
أمين
سارة
20-05-2006, 04:12 PM
امين ها يا ابو الصبيان فى الظومة دا كلام

هههههههههه يا أبو مناهل شيل شيلتك ...وحات شيخي داك البزورورهو الحفايا و العرايا أني ماني منتظرك
لعنو سرورة جات و عكازها ماسكاهو في أباطها ...علا تشيل و تبصق في السفة بتاعتها ...وحات الأمام الهادي شيل شيلتك عديل كدي ...ياخوي أني لا بعرفك ولا حاجة ....ههههههههههههههههه و الليلة جنس ورطة ...!!!
يا سرورة وحات مهدي الله أبو زينب أني زولن مسيكين بس بعيد عنك أني باريت أبو مناهل و أبو جقادو علشان كدي أني سقطت ....يلا يا أبو مناهل و جقجق أنا حأستعمل معاكن الشيفرة بتاعت نميري و أبو القاسم محمد أبرأهيم ....(( ش ش أ ش ))) يعني شيل شيلتك أنا شردت ....و الليييييييييييييييييييييييييييييييلة ....
يا ربي أنا وين ؟؟؟
تحياتي يا حلوين ...
أمين

تشرد أفو أفو كان كدى انا متكلة لى على حيطة منيلة بستين نيلة

انت خليك من عكازى وصعوطى قول لى اخبارك كيف
amine
20-05-2006, 04:30 PM
امين ها يا ابو الصبيان فى الظومة دا كلام



تشرد أفو أفو كان كدى انا متكلة لى على حيطة منيلة بستين نيلة

انت خليك من عكازى وصعوطى قول لى اخبارك كيف
هههههههههههههههههه يا سرورة أنا كنت عايز أورط أبو مناهل ....أتاريني أنا الوقعت في الورطة ظااااااااااتها ....بس يا سرورة وحات الأمام الهادي أنا قبل ساعتين و نص بالظبط مشيت علشان التيليفون ..
أها ما يجيني غير الكامبو يوتر و يقول بلغة أني ما فهمتها وحات مهدي الله أبو زينب ...أها طلبت مرتين و تلاتة لعنو حس البنية عجبني شديد ...مع أنه أني ما فاهم حاجة وحات البزوروروه الحفايا و العرايا ...أها في النهاية عرفت أنو رقمك خارج الخدمة ....
هههههههههههههههه أني حفرت الحفرة علشان أبو مناهل ....أها وقعت فيها أنا ....يلا يا أبو مناهل أديني أيدك علشان ....مش روح التعاون حلوة ؟؟؟ و تييييييييييييييب ...!!!
يا ربي أنا وين ؟؟؟
تحياتي يا حلوين ...
أمين
سارة
20-05-2006, 04:46 PM
شوف يا زول انا امك يا الوليد انا تلفونى مستحيل يكون خارج الخدمة

بس انا الليلة بكملوا ليك فى راسك دا

يا ربى تلفونى وينو؟؟؟؟؟؟؟؟؟؟؟؟؟؟
amine
20-05-2006, 05:45 PM
شوف يا زول انا امك يا الوليد انا تلفونى مستحيل يكون خارج الخدمة

بس انا الليلة بكملوا ليك فى راسك دا

يا ربى تلفونى وينو؟؟؟؟؟؟؟؟؟؟؟؟؟؟
هههههه يا أبو مناهل الكلام ده ليك علشان ما تقزع عيونك ...
أها سرورة أتحزمت و جاتك ....و الليلة يحلك الحلال ...
بس ياخوانا الجيلي أبو عيونن غلالالالالالالاد مشى وين ؟؟؟
هوووووووووووي يا أبو مناهل أنا قلت الجيلي أبو عيونن غلالالالالالالالالالالالالالالالاد ....
أنا قلت فطومة أم عيونن غلالالالالالالالالالالالالالالالالالاد ؟؟؟؟؟ و تييييييييييييييييييب ...!!!!
لاحولة ماكي قولة ...!!!! أنا الدخلني هنا شنو ؟؟؟
يلا أتحزم أنت كمان لأنه سرورة الليلة ناوية ليك عديل كدي ....هههههههههههههههه
ياخوي خليك زي نميري ....و أبو القاسم خليه زي ما هو والي كسلا ....ههههههههههههههه
عالم جبانات و الله ...
يا ربي أنا وين ؟؟؟
تحياتي يا حلوين ...
أمين
أبو خليفه
20-05-2006, 06:33 PM
أمين
الجيلي
ساره
عمر صديق
أبومناهل
.....
.....
.....

ياشباب هوووووووووووووووووووووي

ياناس الحله الغادي سلام
بصراحه بوستاتكم تحيّر

لفلفه وخمات وجمات
تعال إتكي وأسمع جنس ده

وتفضي الخانه
تلقي جنابو سيد الخانه
فارش دارو لي أسيادو بيت كرخانه
غافل ضبحة الفجر وجري السلخانه

كفكف دمعتك العبره فوت خنقانه
عسلك سال بحر فوقو النحل ونانه

ويوت مين ضاق غرف جازاك دبابير دانه
سارة
20-05-2006, 07:12 PM
ابو خليفةقلت

ياشباب هوووووووووووووووووووووي

ياناس الحله الغادي سلام
بصراحه بوستاتكم تحيّر

بوستاتنا تحير وضيفنا ببيت ويقيل

حبابك اها انا واحدة من الشباب وكلمة شباب دى خت تحتها طوبه
أبومناهل
21-05-2006, 06:21 AM
هووووووووووووي يا أمين
أنا ساره لاقيتها بي هناك
وكسرت ليها التلج . . وإنتهينا . .
أنا مرقت منها بس إنت خلي شيخك
بتاع الحفايا والعرايا ينفعك . . أو خلي
نظرية أبو القاسم محمد إبراهيم تنفعك . .
ومن اليوم وإنت طالع أنا في صف سارة . .
في الحق والباطل . . وإنت ش ش ( وبث ) .
أبومناهل
21-05-2006, 06:28 AM
سارة السارة
ما تخلي أمين يدق إسفين بيني وبينك . .
أصلو أمين ده زول شراااااااااااني عشان كده
وقع في شر أعمالو . . ( يمهل ولا يهمل ) .
amine
23-05-2006, 10:27 AM
بوستاتنا تحير وضيفنا ببيت ويقيل

حبابك اها انا واحدة من الشباب وكلمة شباب دى خت تحتها طوبه
ههههههههههههههه يا أبو الخليفة حبابك عشرة ياخوي ...
أت جيت لينا بجاي ؟؟ أها شفت الشباب كيف ؟؟ يلا خت الطوبة ...
و شيل شيلتك مع ساره علشان الورطة يعني وحات شيخي الماحي أبو شرا ..
يا ربي أنا وين ؟؟؟
تحياتي يا حلوين ...
أمين
amine
23-05-2006, 10:57 AM
هووووووووووووي يا أمين
أنا ساره لاقيتها بي هناك
وكسرت ليها التلج . . وإنتهينا . .
أنا مرقت منها بس إنت خلي شيخك
بتاع الحفايا والعرايا ينفعك . . أو خلي
نظرية أبو القاسم محمد إبراهيم تنفعك . .
ومن اليوم وإنت طالع أنا في صف سارة . .
في الحق والباطل . . وإنت ش ش ( وبث ) .
كويس يا أبو مناهل ياخوي ...يعني تكسير التلج مشى معاك ؟؟؟
و بعدين ياخوي شيخي الكارب ده أنا ظاااااااااااااتي بقيت أخاف منه لعنو بيني و بينك الصيف جانا ..
علا عينك ما تشوف ولا نور لعنو كما خلقتني يا رب ...يلا خليك في الخبر يا عشطانين هههههههه
و نظرية أبو القاسم أني خليتها من زمااااااااااااان بس كنت عايز أخوفك بيها ...بث لقيتك أت ظاااااتك ودأمبعلو و بتكسر تلج ...يعني خليت لناس عمر صديق شنو ؟؟أول مرة أشوف لي ناس كبااااااااااااار و بكسروا تلج ...ههههههههههههههه
يا ربي أنا وين ؟؟؟
تحياتي يا حلوين ...
أمين
amine
23-05-2006, 11:05 AM
سارة السارة
ما تخلي أمين يدق إسفين بيني وبينك . .
أصلو أمين ده زول شراااااااااااني عشان كده
وقع في شر أعمالو . . ( يمهل ولا يهمل ) .
هوووووي يا أبو مناهل أسفين شنو ؟؟؟ وحات اللمام الهادي أت زولن مفلقص خلاث ..
بقولو وتد ولا برمندي ظاااااااااااااتو ...أت ما عارف تومتي سارة أتقابلنا قبال تلاته سنوات في الحلة البغادي ديك ...أها قامو طردونا و ساره ختفت منهن الدلوكة و جينا جارين لحدي ما سمعنا الربة في الحوش ده ..
أها من ديك أنحنا هنا ...آآآآي أخرب سمعتي الله يخرب البيت الجنب بيتك (( مش بيتك أت )) يعني جارك هههههههههه شفت كيف (( ده تكسير تلج من نوع آخر ))
يا ربي أنا وين ؟؟؟
تحياتي يا حلوين ...
أمين