يا نجوم الليل أشهدي ..

[معتصم دفع الله]

إهداء للجمــــــــيع ..



http://www.sudaneseonline.com/uploadvideo/protected/Naj.wmv

[walid taha]

يا سلام يا مووو
طولنا من الحاجات دى...

بالله ما عندك فى شريط يا حبيب :p وياريت على creative ;)

أظهر

[Asma Abdel Halim]

وقيل يا معتصم أن أحد الصوفية سمع مطلعها اتياً من بيت عرس فسهر الليل يبكى ويتهجد إذ انها تناسب أجمل ما قيل فى مناجاة الذات الإلهية.

[haneena]

يا نجوم الليل أشهدي
علي لوعتي و تسهدي
علي بكاي و تنهدي

يا سلام يا مووووووووو
هذا ما عنيته ببوستي الليل
دائمآ ما يرتبط الليل بالنجوم و السهر
و لكن لليل بعد آخر..كما قالت أسماء عبد الحليم عن الجانب الصوفي فيه
حيث تهجع الأنام و تسهد وحيدآ
حيث لا مناجاة إلا للنفس و من وقر في القلب

تذكرت الاغنية..أول مرة سمعتها زماااان بصوت عبد العزيز المبارك
نبوية الملاك أبدعت..هذه الملائكة التي تبصر ببصيرتها حين حرمت نعمة البصر

استمتعت يا معتصم فلك أجر إشراكنا في هذا الجمال

يا أخي نحنا و الله حاسدنكم عدييل...
قناة النيل دي فاقدنها لأنها ما بتصلنا بي جاي
يا بختكم و الله

صورة أسرية توضح إستمتاع أسري بالأغنية

http://sudaniyat.net/haneena/SP32-20060413-133855.gif

[muatez jafeer]

معتصم تحياتى وودى وحمد الله على سلامة الرجوع
تذكر لمن كنا فى دار الكشافة البحرية مع الرائعين ناس الخرطوم لمن قلت ليك الحاجات اللبتنزله من قناة النيل الازرق دى عندنا هنا بتطاقش ليها التلفونات اهى دى ضربو لى ليها تلفون
شكرا كتير ومعى اصدقاء اخرين استمتعنا بهذا الجمال

[معتصم دفع الله]

يا ولي بالله روق شوية ..
ما تكتر التطلبات ..
الشريط بندبر أمره ..
لكن كريتيف مافي ليك ..

غايتو صحبة كلف .. : :p

[معتصم دفع الله]

الأخت أسماء ..
تحياتي .
شكراً لحضورك الأنيق ..
معليش التعديل تم لتصحيح الخطأ الوارد في الرواية ..
ولك العتبى حتى ترضين ..

محبتي وتقديري ..

[معتصم دفع الله]

حنينة الجميلة ..

ما أجمل الليل ..
هناك حيث السكون ..
والنجوم شاهدة علينا ..
نناجيها وتناجينا ..
نعم هناك بعد صوفي في الليل ..
كما ذكرت الأخت أسماء عبدالحليم ..
والشواهد كثيره على ذلك ..

وعن قناة النيل الأزرق ..
خلاس نكلمهم ليكم عشان يبثوها عندكم .. ;)

تحياتي لهذه الأسرة الجميلة ..
وخصوصاً البنت الامورة دي ..

[معتصم دفع الله]

الجميل معتز
حمداً لله على سلامة الرجوع ..
ومشتاقين كتير ..
وتحية لناس الخرطوم الحلوين ..
ولكل الشباب المعاك البتابعونا ..
اها زي الكلام الحلو دا بختنا في حتة سعبة خلاس ..
وكلامك ما نسيتو متذكره كويس ..
يعني ناس النيل الأزرق ديل كان قفلوا الضحك بيشرطنا .. ;) ;) ;)

سلام ومحبة يا ذوق ..

[3mk-Tango]

انا ما كلمتك وقلت ليك تقطع العرق وتسيح دمو بدل تجي تدخل مع اخوانك في الدوامة دي تاني ؟

اسة دي حاله دي ؟ ناقصة هي ؟؟؟

سمعت بي : وافقين تحننو وراكبين تجننو ؟

ياهو زاتو بس ..

[serenader]

تصحيح بسيط يا أخونا معتصم دفع الله.. المغني المقصود هو الأمين برهان، وليس كرومة..

[ود البدوي]

الليل مدَّ رواقه المضروبــــــــا ستر الظلام قبائلاً وشعوبا
قد ألبس الأفق الرحيب ظلامه فبدت عيون النجم فيه ثقوبـــا
يا ليل قد لبس السوادَ مهابــةً وأنار في شعب الغرام دروبـا
سلطان عزك ظاهرٌ ومؤكــــدٌ عمَّ الكوائنَ مشرقاً وغروبــــا
ألأجل ذاتك أم لسلطان الهوى يا ليل صرت محبباً مرغوبــــا
وبأيِّ لونٍ قد صبغتَ ملابسـاً ونسجت من نهج الوداد ضروبا
فسوادُ لونك للكتابةِ مانعٌ وسواد عيني أبصر المكتوبـــا
والليل كما قال أحد المتصوفة آيةٌ في الآفاق (وهو الليل الذي هو زوج النهار)وآية في الأنفس(وهو ليل الحجاب بين العبد وربه)
وأياً كان فقد أطبق الليل على صاحبه ظلاماً حتي بدت نجومه التي يجب أن تشهد علي بكائه وتنهده كأنها ثقوب من شدة الظلام.
نعوذ بالله من ليل الفتن ...........

[تاجوج]

الليل
ذلك الستار المخملي الذي أبى إلا أن يترصع بملايين الماسات ولؤلؤة بحجم الضياء...قبل أن يسدل بذاته علينا ليلملمنا بين كفيه
ذلك السواد الذي يبعث على الرهبة بقدر ما يبعث على الطمأنينة.. سكون يبعث على التلاشي بقدر ما يبعث على الحضور.. جمال يبعث على البوح بقدر ما يبعث على الصمت
ذلك القدر الذي كتبنا تناقضنا وألغانا تعبيرا
أخي معتصم..لك التحية على روعة ما نسمع..فلولاه لأختزلنا الإحساس بجمال الأشياء
ؤسلامتك

[عالم عباس]

أيها الناس
ما مررت بهذا المعتصم إلا ووجدته كحامل المسك،
إما أن يحذيك
أو تبتاع منه
أو تجد عنده ريحاً طيبة

ثمة أناس في هذا المنتدى، هم أريج هذا المنتدى، أينما حلوا تحل معهم الأفراح و الندى و الغناء العذب
هؤلاء هم فراديس الأرواح

ويا عيني لما تشاهدي *** أقري السلام واستشهدي


آآآآآهـ هـ هـ يا نجوم الليل اشهدي
على لوعتي و تسهدي
على بكاي وتنهدي!!!

[معتصم دفع الله]

دا كلو من تمبس يا عمك ..
سواها فيني ..
جيت لقيتو فارش ليهو فراش طويل عريض ..
أنا قلت ياخي الزول دا صاحبي لازم أجاملو ..
أها جا شتات تم الناقصة وعمل ليهو مناحة في سفنجة ..
شفت آخر الزمن والحالة الوصلنا ليها ..
منتظرين جيتكم قبل ما نرفع الفراش ..
كلم معاك بقية العصابة ..

[معتصم دفع الله]

العزيز serenader
تحياتي ..
شكراً للتوضيح ..
الحقيقة هناك خلط قد وقعت فيه ..
والأغنية المقصودة هي " يا ليل أبقالي شاهد " للشاعر أبو صلاح ..
ونسبة لوجه الشبه بين الأغنيتين وقع الخطاء ..

دم بألف خير ..

[معتصم دفع الله]

شكراً ود البدوي ..
كلامك جميل ..
والحديث عن الليل يطول ويطول ..
فهو ستر للإنسان فيه القيام ..
وفيه المناجاة والدعاء ..
وكم كانت النجوم شاهدة على سهرنا وتسهدنا ..
وكان الشاعر أبوصلاح حاضراً ..

يا ليل أبقالي شاهد على نار شوقي وجنوني

يالليل صار ليك معاهد طرفي اللي ومنامي زاهد
دنالي سهري وأشاهد فوق لي نجمك ظنوني

يا جميل لي سهري واجد وأراك نائم وهاجد
مين لي عيني ناجد بي دموعي الغرقوني

لا تكون بالنظره جاحد حلمك في المية واحد
منك لي قلبي شاحد بين ايديك يا حنوني
خده البي مطارقه فاصد جامع كل المقاصد
طرفه الكحول وراصد بي سهامه الألموني

براق سنك يساعد القيم المزنه راعب
ساكن قلبي ومباعد تشتاق شوفتك عيوني
حبك في الجوف يطارد ما بين صادر ووارد
يا حبيبي اللي فارد نظراتك يأسروني

بعدك لي عقلي فاقد وقربك جوه جوفي واقد
حبك على طلمس عاقد أشوقك ضيعوني
على نار شوقي وجنوني

ودا البيت الخلى الشيخ قريب الله يذوب ولهاً ..
لا تكون بالنظره جاحد حلمك في المية واحد

لك محبتي وخالص تقديري ..

[معتصم دفع الله]

الملكة تاجوج ..
تحية المحبة والسلام ..

هذا هو الليل ..
كيف نرسم على فضائه لوحات في ذاكرتنا ..
فهو شاهد على سكناتنا وحركاتنا ..
أناتنا واشتياقنا ..
وفيه أحلامنا المؤجلة ومستحيلة ..

كوني بألف خير ..

[معتصم دفع الله]

سيدتي ..
سيدة الحسن القهار
وسيدة الروعة
عفوا ان دنستُ جلال حضورك
بالكلمات التقليديه
باللفظ الأخاذ الجرس
وبالآهات المكتومة
وبكل التنميق وبالقول المنظوم
وغير المنظوم
عفوا من هاتيك الوعة
ها أنذا ما بقيت عندى غير الكلمات
ويا خسرانى لو القاك وليست
بين يدى سوى الكلمات
البارحة الأشواق تمطت
حتى ضاقت عنها جدران القلب
روعتْ قليلا
اذ كنت وحيدا أشهق فى فجوات الليل
وخفت نواك
سألت هواك
دعوات الله سـرارا وجهـارا
حتى أنّ الصدر وضاق
ويا ربـاهـ
هذا حب موت ، موت حب’’
ونذرتُ أصلى حتى يتبين خيط الليل
وخيط الفجر
قدّمت النذر
فناء الذات ، وذوبان الروح بذات المحبوب
وكان الله رحيماً و حفياً بى
فدعائى كان من الاعمـاق
وكان الصدق يرنٌّ على كلماتى
مثل نواقيس القداس على بِيَعٍ الرهبان
ما بين مسـامير السهد المغروسة فى جفنىٍّ
وبين الارق التام
كان كما لا يشبه كل الحلام
انسل شعاع هب رقيقا مضطربا
وحييا كان
وانساب الى منتصف الحجرة،
ثم توقف هوناً ما
كنت كما المحموم المتقلب هوناً ما
وكان الوسن رقيقا
يتكدس مثل كرات الثلج الناعم فى الأجفان
لا أجزم بالأيقاظ ولكن قطعاً
ما كنت النائم ساعتها
او ان شئت الدقة ، كالوسنان
واذا بالصوت الملكوتى الرقراق يرنّ
كموسيقى الجنه
نفس الصوت الهزّ الوتر العاشر
بعد الألف باعماقى
نفس الصوت الريان
صوت بلورىُّ يسرى فى الشريان
ليرقرقه فتشع الفرحة كالأنهار
على صدر الخلجان
كان وكان وكان...
يالله وياللروعة!
وأفقتُ، صحوتُ،سموتُ،
أهذى أنت؟ أهذى أنت؟
أهذا طيفك - ياللوعة
وهذا صوتك ، يالله!
كان كما يشبه واد من أحلام
وتعانقنا
وتركنا دار الكلمات المنطوقة والمهموسة
والكلمات القاصرة المعنى
والرقطاء اللون
وتكلمنا بالصمت المفصح
والصمت الثرثار
والصمت الوهاج، الصمت الجوهر
ذاك الصمت النار
وضممتك فى صدرى
حتى خلتك أنت أنا
وأنا حين تلاشيت بصدرك أنت
آه،
كنا انقى من ملكين اثنين
واصفى من نور
يتسلل وهناً من مصباح
فى مشكاة ، عند جدار من بلور..
بات الليل سخيّا
كدّس كل الأنجم فى ارجاء الحجرة
وتسللت اللحظاتُ المسرفةُ البهجاتِ
وغابت عن تقدير الأزمان
االآن
أصنع سداً ياقوتيا يفصل بين الآتى
يملأ ذاتى بالأبداع..وبين الكان

جزء من قصيدة لأستاذنا عالم عباس ..

كلما قرأت لأستاذنا عالم عباس ..
ترقص دواخلي طرباً ..
وأعيش النشوة ..
والإنتماء لهذا الشاعر الإنسان ..
شكراً لكلماتك الرائعات ..

ولك كل الود والتقدير ..

[serenader]

ما أحسن من الرجوع عن الخطأ إلا الاعتراف به..
شكراً على تنبيهك على هذا الخلط المقيت.. وهاك يا مذاكرة تاني في الحقيبة

[معتصم دفع الله]

يا serenader

أضغط على اللنك دا - البوست لم يكتمل ..
http://www.sudaneseonline.com/cgi-bin/sdb/2bb.cgi?seq=msg&board=50&msg=1135707172&func=flatview

شكراً لمداخلاتك القيمة ..
ولك خالص تحياتي ومحبتي ..