بعد 43 عامآ من المطارده:القبض على الأب الروحى للمافيا الإيطاليه

[الجيلى أحمد]

عاشت صقليه بدهشه وأفواه مفغره بالأمس خبر القبض على زعيم المافيا الروحى في مدينة كورليوني فى صقليه
الذى أستطاع تمويه البوليس لمدة 43 عامآ ..43 عامآ والشرطه
لاتملك له إلا صوره واحده قديمه حين كان فى الثلاثين من عمره..
برناردو بروفنزانو هكذا يدعى الأب الروحى لألمافيا..
وولد بروفنزانو (73 عامآ) في مدينة كورليوني وهي من معاقل المافيا الإيطالية. ويعتقد أنه أمسك بزمام الأمور في المنظمة بعد القبض على زعيمها السابق سلفتوري ريينا عام 1993في مدينة باليرمو. .
ويعرف بروفنزانو بالجرار أو التراكتور لما عرف عنه من تخليص حساباته بالرصاص.

هناك تخوفات فى الشارع السيسيلى من موجة إغتيالات وأنهار دماء فبعض المحللون يعزوون القبض على (الجرار) بسبب وشايه وهو مايوجب حتمآ الثأر بين بيوتات ألمافيا هنا فى صقليه..

http://sudaniyat.net/vb/images/uploads/518_24514443d50f70625d.jpg
رسم تقريبى لزعيم ألمافيا الإيطاليه (كورليونى)...
http://sudaniyat.net/vb/images/uploads/518_24512443d51662ff31.jpg
الأب الروحى كورليونى ساعة القبض عليه أمس

[haneena]

سلام الجيلي
سمعت بالخبر امس كالآتي...
Godfather of the Mafia arrested
الغريبة إختفي من اخبار الشركة المذودة للخدمة بعد ساعات قليلة

هذا خبر جميل و سئ كما ذكرت
ربنا يكون في عونكم يا زول سيسيليا و ما نشوف ما حدث في الأفلام يترجم مرة أخري علي أرض الواقع

خد لك ساتر

[عكــود]

الجيلي،

يا زول إنت الموكّرك في البلاد دي شنو؟
غايتو أعمل حسابك
إنت باقي عندك حوامات كدي بالليل وسماع أغاني في أماكن عجيبة
دحين ياخوي أبو عركي ملحوق
خليهو اليومين ديل
واتكامل علي أهلك من ضو

عكـــود

[أبومناهل]

الجيلي

يا أخي أنا من زمان كنت فاكرك إنك إنت هو

البتاع بتاع المافيا . . .

فلما سمعت متأخر إنه تم القبض على زعيم

المافيا في صقلية . . جيت جاري جري . .

على سودانيات عشان أنزل بوست بعنوان . .

القبض على زميلنا الجيلي في إيطاليا . .

بس لقيتك سبقتني ونزلت الخبر . . عشان تطمئنا

لأنو عارفنا كنا ح نقلق عليك :D :D

حاشية :

حنينة وعكود :

إنتو بتوصوا في منو ؟ !

إنتو ما جيبين خبر بس . .

دي تعليمات من شيخ / الجيلي

لجماعته . . وشكلو الجيلي بيستغل سودانيات

لتمرير التعليمات لجماعته . .

[الجيلى أحمد]

سلامات حنينه..

فعلآ الخبر جميل وسئ..

المافيا هنا لها حكايا ووضعيه غريبه.. بكل ذلك النسيج
(الإجرامى) وفى نفس الوقت الأخلاقى,برباط محير بين ممارسة
الجريمة المنظمه والحمايه..
قوانين المافيا لها أيضآ أخلاقيات يتحدث عنها الناس هنا بكثير
من الإعجاب (حماية الضعيف,إعطاء الفقراء,عدم التعرض للمرأه
والطفل ومعاقبة من يأتى على ذلك....الخ)..
وهى شبيهه بطبائع الهمباته عندنا فى السودان..(بإختلافات بالطبع)..
لكنها تبقى منظمه إجراميه تعمل على ترسيخ الجريمه المنظمه وتقويض
الإقتصاد الوطنى (الإيطالى)..

سنحاول الكتابه عن المافيا ماسمح الوقت..

ولك تحياتى عاطرها

[الجيلى أحمد]

عكود يااخوى..
أبوعركى ملحوق.. :D :D
الناس ديل الأيام الفاتت كانوا مسخنين..
لكن الأحوال هدأت بعد أن تأكد أن الشرطه هى التى قامت
بالمهمه كامله بتخصيصها لوحدات فى الدرك للمهمة..
بالإضافه لتفريغ كودار مراقبه وتجسس على مدار سنوات طويله
لإقتفاء أثر الرجل المزهل (فائق الذكاء)..وقد إستخدموا لذلك
أحدث أجهزة التجسس والمراقبه..
غايتو حاجه تحير..
زول يكون قاعد 43 سنه فى جزيره وملاقيين ليهو اتر..!!

[عكــود]

سنحاول الكتابه عن المافيا ماسمح الوقت..
يا ريت يا جيلي ..
يا ريت لو تكتب عنهم والله
ده عالم غريب، غامض وملئ بالإثارة
وقد أعجبني تشبيهك لهم بالهمباتة
نعجب كثيراً باخلاقهم
كرمهم
شجاعتهم
مغامرتهم
أشعارهم
فروسيتهم
ونكره إمتهانهم جريمة السرقة،
تأكد أن الشرطه هى التى قامت
بالمهمه كامله
قلت لي الجماعة هبطوا في الواطة ولمّوا مسدساتهم عليهم ..
متخيّل المتطرفين منهم بيكونوا زعلانين قدر شنو ..
حفلة دُشمان وطرشقت،
:D :D

عكــود

[الجيلى أحمد]

أبومناهل..


إسمك الحقيقى وعرفناهو..
عنوانك جبناها..

أبقى عشره على رويحتك... :mad: :mad: :mad: