المساعد الشخصي الرقمي

مشاهدة النسخة كاملة : % نسايم أشواقى \ ود اليمنى \ مهداة ل الأخ عكود %


بندر شاه
25-10-2005, 09:50 AM
نسايم أشواقى

ود اليمنى

مهداة للأخ عكود


http://sudaniyat.net/upload/uploading/NasaiemAshwagiMP.mp3


*+*


رابـــط للحـــفظ (http://sudaniyat.net/upload/uploading/NasaiemAshwagiMP.mp3)

*+*

عكــود
25-10-2005, 10:55 AM
يا الله يا بندر شاه..
جزيل الشكر لك، فالأغنية جميلة وفيها من الصور الحبيبة إلى النفس، الكثير،
ود اليمني علاوة على أدائه الراقص، يميّزه أيضاً إبتدار أغانيه بالرميات والتي تعتبر كمقبلاّت،

فسراع يا نسايم أشواقي، ودّن لي السلام مطبوق
لي أهلنا وجميع حبّانّا، للحلّي التحت والفوق
هبّي علي الشمال تلقيهو، المال فوق جريدو يتوق
يتراقص مع نغمات قماريهو التسوّي القوق
بي طيبة الحنان يلقاك، يهش ليك ويطول لي فوق

تسلم بندر شاه،

عكــود

طارق الحسن محمد
26-10-2005, 12:47 AM
بندر شاه ........................ عكود براهو ؟ ؟ ؟ ؟ ؟ ؟ ؟ ؟ ؟ ؟ ؟

أبو الحُسين
26-10-2005, 08:38 AM
يا الله يا بندر شاه..
جزيل الشكر لك، فالأغنية جميلة وفيها من الصور الحبيبة إلى النفس، الكثير،
ود اليمني علاوة على أدائه الراقص، يميّزه أيضاً إبتدار أغانيه بالرميات والتي تعتبر كمقبلاّت،


عكــود

الغالي جداً بندر شاه...
تسلم يا اخوي على رائعة ود اليمني... وشكراً للإخوة المتداخلين...

أحب أضيف بعض من سمات الغالي ود اليمني (ونهضته بأغنية الشايقية) نسال الله يديهو الصحة والعافية...

زي ما قال أخونا عكود أن الرجل تميز برمياته كمقبلات ودي يا اخوي الوحيدة بعد غيرها من المحسنات في أغنية الطنبور بعد تطورها هي التي ساهمت في نشر ثقافة أُغنية الطنبور في أوساط غير شايقية كالخرطوم مثلاً ومناطق الصعيد...
يكلمنا الأخ صديق أحمد (نسأل الله يعافيه) عند زيارته الأخيرة للدمام في جلسة صفاء... قال لمن ظهرنا أنا ومحمد جبارة ومحمد كرم الله... كانت الساحة مليانة تَب... مافي أي طريقة لظهورنا إلا الصبر والمجاهدة يقول ... كانت الشمالية حاضِننَّها إسحاق كرم الله (الشقيق الأكبر لمحمد كرم الله) والنعام آدم... والخرطوم حاضِنها عثمان اليمني يعني مافي أي منافس معاهو.. قمت أنا قلت ليهو ليه... عثمان اليمني ملك الخرطوم لوحده واتربع في قلوب أهلها.؟؟؟ قام قال لي المقولة العجيبة دي... أولاً إيقاع عثمان اليمني يميل للتُقُل كذلك أغانيه لذلك ترى مفهومة بالإضافة إلى مخارجه الصحيحة في إخراج الكلمات الشايقية الركيكة بصورة مفهومة... ثانياً الرميات دي كمقدمة للأغنية تُعطي المستمع مساحة كبيرة لفهم ما يرمي إليه... ثالثاً ودا يخص الشايقية إيقاعه المتميز... وقد يكون أجمع النقاد في مجال أُغنية الطنبور أن الفنان الوحيد الملتزم بالإيقاع من بداية الحفلة ليييييييييييييي نهايتها يكاد يكون عثمان اليمني...

التحية للرائع عثمان اليمني ونسأل الله في هذا الشهر الفضيل أن يعطيه الصحة والعافية ويحفظ ليهو وليداتو....

ولكم جميعاً إخوتي الكرام ودي كله بلا حدود...

أبو الحســــــين...

تخريمة:
الغالي طارق ... ليه عكود بس؟؟؟؟
لأن الغالي عكود يمثل أبناء الشايقية في هذا البورد وبعدين ما تنسى السوراب ديل هم عُمَدنا ومشايِخنا ولة نسيت ناس ود سورج وعبده كاشِف ود بشير أغا؟؟؟!!!! :D :D عشان كدي لازم يتقدم....

وبجيكم راجع لو ربنا مد في الأيام...

طارق الحسن محمد
26-10-2005, 11:20 PM
الغالى ود الحسين كلامك فى محله ..... وانا عارفه وواقع لى .... بس انحنا ما شايقية كمان ونحنا ضمنيأ كدى عكود داء ياهو راسنا فى البورد داء ومقدمنه علينا اكيد والعكوداب زى ما قلت ووضحت ياهم عمدنا ومشايخنا ما فيها شك دى ابدأ بس كنت دائر من الغالى بندر شاه يجملنا زى مستمعين برنامج ما يطلبه المستمعون لمن واحد يطلب اغنية ويقول اهديها الى فلان الفلانى وعلان العلانى ويقوم يكمل البيعرفهم كلهم يقوم يقوليك وجميع اهل اللعوتة مثلأ( لو فى واحد هنا من اللعوتة ما يزعل القصة ضرب مثل بس ) داء القصدته ... ويا غالى نحنا الشايقية ديل المقامات عندنا محفوظة دائمأ ودمت

بندر شاه
27-10-2005, 02:23 AM
يا الله يا بندر شاه..
جزيل الشكر لك، فالأغنية جميلة وفيها من الصور الحبيبة إلى النفس، الكثير،
ود اليمني علاوة على أدائه الراقص، يميّزه أيضاً إبتدار أغانيه بالرميات والتي تعتبر كمقبلاّت،

فسراع يا نسايم أشواقي، ودّن لي السلام مطبوق
لي أهلنا وجميع حبّانّا، للحلّي التحت والفوق
هبّي علي الشمال تلقيهو، المال فوق جريدو يتوق
يتراقص مع نغمات قماريهو التسوّي القوق
بي طيبة الحنان يلقاك، يهش ليك ويطول لي فوق

تسلم بندر شاه،

عكــود


الأخ عكود ، شكراً

تصور يا عكود عندى كاسيت اغانى للفنان عبد الرحمن عبدالله وقد استهل بعض الأغانى برميات من بتاعت و د اليمنى ...
يعنى تسمع الرميه و تتصور الأغنيه من الشماليه وتبدأ الأغنيه فتنقلك الى غرب السودان الحبيب ؛ ياخ والله السودان دا كان جنه ...
تكرم يا عكود

بندر شاه
27-10-2005, 02:49 AM
بندر شاه ........................ عكود براهو ؟ ؟ ؟ ؟ ؟ ؟ ؟ ؟ ؟ ؟ ؟



الأخ طارق ، شكراً
معليش ياخ امسحى لى فى وشى ...

وعشان ماتزعل بهدى ليك دى مخصوص

البنيه ام زين

الفنان ود اليمنى

http://sudaniyat.net/upload/uploading/AlbiniaMP.mp3

*+*

رابــط للحــفظ (http://Sudaniyat.net/upload/uploading/AlbiniaMP.mp3)

بندر شاه
27-10-2005, 04:07 AM
الغالي جداً بندر شاه...
تسلم يا اخوي على رائعة ود اليمني... وشكراً للإخوة المتداخلين...

أحب أضيف بعض من سمات الغالي ود اليمني (ونهضته بأغنية الشايقية) نسال الله يديهو الصحة والعافية...

زي ما قال أخونا عكود أن الرجل تميز برمياته كمقبلات ودي يا اخوي الوحيدة بعد غيرها من المحسنات في أغنية الطنبور بعد تطورها هي التي ساهمت في نشر ثقافة أُغنية الطنبور في أوساط غير شايقية كالخرطوم مثلاً ومناطق الصعيد...
يكلمنا الأخ صديق أحمد (نسأل الله يعافيه) عند زيارته الأخيرة للدمام في جلسة صفاء... قال لمن ظهرنا أنا ومحمد جبارة ومحمد كرم الله... كانت الساحة مليانة تَب... مافي أي طريقة لظهورنا إلا الصبر والمجاهدة يقول ... كانت الشمالية حاضِننَّها إسحاق كرم الله (الشقيق الأكبر لمحمد كرم الله) والنعام آدم... والخرطوم حاضِنها عثمان اليمني يعني مافي أي منافس معاهو.. قمت أنا قلت ليهو ليه... عثمان اليمني ملك الخرطوم لوحده واتربع في قلوب أهلها.؟؟؟ قام قال لي المقولة العجيبة دي... أولاً إيقاع عثمان اليمني يميل للتُقُل كذلك أغانيه لذلك ترى مفهومة بالإضافة إلى مخارجه الصحيحة في إخراج الكلمات الشايقية الركيكة بصورة مفهومة... ثانياً الرميات دي كمقدمة للأغنية تُعطي المستمع مساحة كبيرة لفهم ما يرمي إليه... ثالثاً ودا يخص الشايقية إيقاعه المتميز... وقد يكون أجمع النقاد في مجال أُغنية الطنبور أن الفنان الوحيد الملتزم بالإيقاع من بداية الحفلة ليييييييييييييي نهايتها يكاد يكون عثمان اليمني...

التحية للرائع عثمان اليمني ونسأل الله في هذا الشهر الفضيل أن يعطيه الصحة والعافية ويحفظ ليهو وليداتو....

ولكم جميعاً إخوتي الكرام ودي كله بلا حدود...

أبو الحســــــين...

تخريمة:
الغالي طارق ... ليه عكود بس؟؟؟؟
لأن الغالي عكود يمثل أبناء الشايقية في هذا البورد وبعدين ما تنسى السوراب ديل هم عُمَدنا ومشايِخنا ولة نسيت ناس ود سورج وعبده كاشِف ود بشير أغا؟؟؟!!!! :D :D عشان كدي لازم يتقدم....

وبجيكم راجع لو ربنا مد في الأيام...



الأخ أبو الحسين ، شكراً

يا سلام عليك والله موسوعه فى التراث ، بس داير أضيف الفنان " عبد الرحمن بلاص " للنعام آدم لأنهم كانوا دايماً فى برنامج ربوع السودان فى اعتقادى انهم رواد الأغنيه فى اذاعة امدرمان و أغنية بلاص "بلاب يا بلال ...تسافر بره للتعليم تحصل ... تجينا نجحت فى ساحتنا تقدل ... " واغنية النعام " الزول الولوف فلى طبعه دايماً هادىء " و " لاشوفة ترد الروح و لا رداً يطمن ... اريتك تبقى طيب انت انا البى كله هين " من الأغانى الخلده والعالقه بالذاكره طوال هذه السنين ...

وفى الشماليه كمان وين الساده وين ؟ وين ناس " بنده " وين ؟ ...

وذى ماقلت لى عكود اتصور بالله عبد الرحمن عبد الله يبدأ أغانيه بى رميات ود اليمنى ...
وردى يغنى اشعار المرحوم اسماعيل حسن ... و أغانى محمد كرم الله ... قول يا لطيف

أغانى التراث من أعذب الأغانى فيها حنين وفيها كلام يفرح و يبكى ... فيها حكم ...
بالله اسمع " البنيه ام زين " اعلاه اللحن والكلمات بالإضافه للأداء الرائع لود اليمنى ...


عزيزى أبو الحسين شكراً على الطله ... و دمت
...

طارق الحسن محمد
28-10-2005, 01:37 AM
الصديق العزيز والشفيف .... بندر شاه.............. التحايا الجميلة لك ، والف شكرأ على هذا الاهداء الرائع والذى بروعتك صار اروع.،..... عزيزى .... كانت مشاغلة سغيرووووووووووونة ليك وللعمدة الغالى عكود..... ،عمومأ مادام جابت ليها اهدأت زى دى يانى تانى المانى مخليك .... ،واهدى هذه الاغنية الجميلة الى عمدتنا عكود والغالى جدأ ود الحسين ... وخالد الحاج بن عمى ... ، والشايقية مبدعون بالفطرة ، والله لمن نزلت اغنية اليمنى الاولى كنت دائر اقول ليك لو عندك شى لعبد الر حمن بلاص نزل لينا ليهو حاجة تصدق ! !، والليلة جبت سيرته ! ! ،،بلاص مدرسة خاصة فى غناء الشايقية واسلوب مميز ولو لنه خرمج فى الاخر لمن جاب بتاعين المارشات العسكرية وجاط الدنيا ! ! فى اغنية يا نسمة وشكرأ حميمأ لك

عكــود
29-10-2005, 09:09 AM
العزيز بندر شاه،

تشكر على "البنيّة ام زين" أيضاً..
إستمعت لرميات المبدع عبد الرحمن عبدالله (شفاه الله بركة هذا الشهر الكريم) خاصة رميته والتي يغنيها صديق أحمد:
متين يا ربي..أنا يتحلّ قيدي
ومتين يا يمّه تفرحي بي جديدي

ما أجمله وهو يصدح بعدها ب شقّيش قول ليا مروّح، قمّة الطرب والجمال..
أما النعام وبلاص فهما بلا شك من الروّاد المجوّدين للفن الشايقي..
وهل ذكرت بنده؟ يا سلاااام يا بندر شاه، كانت لا تتم المناسبات، شرق النيل أو غربه،
إلا إذا رزمت نقّارة بنده وصدح صوته مصاحباً و:
يا قلبي..يا قلبي..يا قلبي يا الكتلوكا
بي حب الجِدَيْ الفي جزاير لوكا
مع جرّة لوكا ورجعة للوراء في حركة مسرحية واليد اليسار على النقارة واليمين ممسكة بالعصا الرقيقة لزوم ضبط الإيقاع، بعد أن يمسك بقلبه عند ال "كتلوكا"

الأعزّاء طارق وأبوالحسين،
تسلموا للكلام الجميل، وإنتو ياكم الساس وياكم الراس..
ويا طارق فيك الخير والله، ضمّيت بندر شاه قام نزّل لنا البنية ام زين..
لا تغيب أبداً من بوستات بندر شاه..
فهو هودج من الجمال المقيم،

عكــود

بندر شاه
31-10-2005, 05:20 AM
العزيز بندر شاه،

تشكر على "البنيّة ام زين" أيضاً..
إستمعت لرميات المبدع عبد الرحمن عبدالله (شفاه الله بركة هذا الشهر الكريم) خاصة رميته والتي يغنيها صديق أحمد:
متين يا ربي..أنا يتحلّ قيدي
ومتين يا يمّه تفرحي بي جديدي

ما أجمله وهو يصدح بعدها ب شقّيش قول ليا مروّح، قمّة الطرب والجمال..
أما النعام وبلاص فهما بلا شك من الروّاد المجوّدين للفن الشايقي..
وهل ذكرت بنده؟ يا سلاااام يا بندر شاه، كانت لا تتم المناسبات، شرق النيل أو غربه،
إلا إذا رزمت نقّارة بنده وصدح صوته مصاحباً و:
يا قلبي..يا قلبي..يا قلبي يا الكتلوكا
بي حب الجِدَيْ الفي جزاير لوكا
مع جرّة لوكا ورجعة للوراء في حركة مسرحية واليد اليسار على النقارة واليمين ممسكة بالعصا الرقيقة لزوم ضبط الإيقاع، بعد أن يمسك بقلبه عند ال "كتلوكا"

الأعزّاء طارق وأبوالحسين،
تسلموا للكلام الجميل، وإنتو ياكم الساس وياكم الراس..
ويا طارق فيك الخير والله، ضمّيت بندر شاه قام نزّل لنا البنية ام زين..
لا تغيب أبداً من بوستات بندر شاه..
فهو هودج من الجمال المقيم،

عكــود


الأخ عكود ، شكراً

وكل سنه وانت طيب وبخير +++ وان شاء الله تعود الأيام بالصحه والهناء +++

وبهدى ليك كمان شق أيش قول لى مروح للفنان عبدالرحمن عبدالله

أرجو الدخول هنا للإستماع ل عبد الرحمن عبدالله (http://media.putfile.com/ShigeshMP3)

معليش ، بدون الرميه ...

أبو الحُسين
31-10-2005, 08:41 AM
كنت دائر اقول ليك لو عندك شى لعبد الر حمن بلاص نزل لينا ليهو حاجة تصدق ! !، والليلة جبت سيرته ! ! ،،بلاص مدرسة خاصة فى غناء الشايقية واسلوب مميز ولو لنه خرمج فى الاخر لمن جاب بتاعين المارشات العسكرية وجاط الدنيا ! ! فى اغنية يا نسمة وشكرأ حميمأ لك

الغالي طارق الحسن...

لك التحية والسلام يا اخوي... طبعاً زعلانيييييييييييييين وما لاقين كان أنا كان ود عمك جابر وأهله جيراننا...

موضوع شيخنا عبد الرحمن بلاص ... أبشِّرَك (يا عملات السعوديين) قبل يومين كنا نسمع فيهو أنا وجابر بلا خمج... شريط محمل ومكمل جبتو معاي من الإجازة من تسجيلات الكمالي القديمة بكريمة... وموجود بس الله يجيبك لينا نسمعك ليهو...

لكن أسمع من هنا الفسالي يا ها الفسالي!!!!... ممنوع خروج الشريط من الشِّقة!!! يعني كلما تشتهي غناء بلاص ما عليك إلا تجي جاري جري الخُبر شارع الظهران عمارة بيت الكباب الطابق الثالث (الدكتور العوذلي) الشقة 38!!! :D :D

لك ودي كله بلا حدود وللغالين بندر وعكود وجاييكم راجع مع شوية تحليل كدي لمسار أُغنية الطنبور...

أبو الحســـــــــين....

طارق الحسن محمد
31-10-2005, 11:51 PM
الغالى والشفيف ..... بندر التحايا النواضر لك ، وشكرأ على امتاعك لنا ودائمأ ..... ، والله اى محل الناس يهبشوك فوقو الا يلقو لييك فيهو عصاء ...,,,,,, (عينى باردة) ، وزى ما بيقولو من بستان زهرة لكن والله بستانك داء تانى يانا الما طالعين منو ! ! ! يعنى جككنا فيهو عديل كدة ودقينا فوقو خيمتنا ... سلمت وسلمت روحك الشفييفة .......... والله يا بندر شاه عندى شريط لحسن عطية والله شى لا يوصف بس للاسف الشديد ولانى جاهل بالشى اب زرايرأ كتار داء عاجز انه تشاركونى متعة الاستماع ليها ... ، وحقدت على العمدة عكود عديل كدددددددددددة لانه عرفت ينزل غنية ، وبمساعدة جقادو ، بس نسوى شنو جق جق مطنشنى طناش عجيب خلاص ، بس اليوم جاتنى معايدة منه ، لكن فى البورد ما لامى فوقو ، الله يجيبو طيب لينا ونعرف زى عرفتكم وعرفة عمدتنا ودمت

طارق الحسن محمد
01-11-2005, 12:04 AM
الغالى والعزيز ابو الحسين سلام كبار كبار الى شخصك الجميل ............... يابن عمى شريط بلاص يانى الشليلو منك شايلو ،، والقصة شوية حنك بس وشوية حنيستين سغاررررررررر كدى والموضوع بيتم ،، ! ! ! ! ! !، وتاكد تمامأ انى والله جاييك جاييك ، والله دائمأ فى البال والخاطر والقلب ، بس رمضان داء شهر بيجوط برمجتى جدأ ،،، ليلك نهار ونهارك ليل ،، وما تعرف تسوى شنو ؟؟ تشوف فيهو الناس وتلاقيهم ولا تشتغل ،، المهم اهو الفطر جاء ،،و جاييك جاييك ،، وتحياتى لا بن عمى جابر ، وقوليهو (( دائر ك على جنبة كدى )) وسلمت لنا ......................... ودمت لنا ابدأ

طارق الحسن محمد
01-11-2005, 12:07 AM
الغالى بندر شاه .................................................. ..... شوف بريدك ..... ليك رسالة ! ! !

عكــود
01-11-2005, 06:39 AM
العزيز بندر شاه،

ألف شكر على عبد الرحمن عبد الله..
والبحر، يا خيري، ما ب يابى الزيادي،

التحيات لطارق وأبو الحسين،

عكــود

طارق الحسن محمد
01-11-2005, 11:53 PM
العمدة عكود سلام مجيه ليك والدنيا عيد ،،،،،،،،،،،،، تصدق بندة داء ما سمعته ابدأ ! ! ! ! ياريت لو فى امكانية تنزل غنية ليهو وتدينا ولو جزء يسير من تاريخه وسلمت ..................

عكــود
02-11-2005, 11:59 AM
الحبيب طارق،

بنده كان من المبدعين في الستينيات ويمكن حتى بداية السبعينات..
كان مميزّاً جدّاً في ضبط الإيقاع، فقد كان يغني وهو جالس وأمامه النقّارة..يداعبها بيده وبعصا رقيقة، فيُسمع صوتها وصوته في الضفّة الأخرى من النيل وبوضوح تام..كما كان يتميّز بصوته القوي وحنجرته الذهبية وأداؤه المسرحي لأغانيه..
رأيته يغني مرّة واحدة ونحن أطفال لم ندخل المدرسة بعد، كان ذلك في طهور عند آل بشير أغا، وما زالت صورته راسخة في ذهني وهو يؤدي الحركة المسرحية التي وصفتها عاليه.
أما طلبك تسجيل لبنده، فيمكنك إدراك الإجابة من النبذه عاليه..فقد كان يغني دون ميكرفون حتى، ناهيك عن وجود مسجّل في تلك النواحي في ذلك الزمان،

تحياتي وكل عام وأنت وبندر شاه وأبو الحسين بكل خير وعافية،

عكــود