دا مضيقا ضيق ياخ.. [الأرشيف] - سودانيات .. تواصل ومحبة

مشاهدة النسخة كاملة : دا مضيقا ضيق ياخ..

مرافي

06-07-2011, 09:52 PM

هل نحن معقدين ولا بنعقد الحياة ولا بنضيقا على الناس..؟؟؟
يعني اي شيء عندنا فيهو راي ومصمصة شفاه
لابعجبنا العجب ولا الصيام في رمضان زاتوا...:) لاذعين في التعليق
ساقني لهذا الموضوع ان اقترحت على اخي ان يشتري بنطلون ابيض للسفر
فرد بنطلون ابيض. !!!!
والله اول تعليق يقولوا لي عامل كدا زي الممرض لابس ابيض...
يعني نحنا كسودانين حادين ولاذعين في حتة اللبس وتعليقنا ياخ والله مضيقا ضيق..
مثال بسيط لبس النظارات الشمسية فلهمة ..!!! ولآمد بعيد كنت اعتقدها كذلك الا ان تبينت انها مهمة جداً لحماية العيون من اشعة الشمس والفكرة الأساسية من استعمال النظارة الشمسية هي أن العدسات المستخدمة في هذه النظارات تقوم
بامتصاص الأشعة فوق البنفسجية والأشعة تحت الحمراء الضارة بالعين
ونحنا ننظر لي البيلبس نظارة شمسية انو مضيقا...:D
الواحد في عرس لو لبس فل سوت مضيقا تقول قايل روحو العريس...:D
دائما في حالة انتقاد لاذع في شكل هظار لكل من يحاول ان يتأنق ..انو مضيقا.:(
لدى بنتي بنطلون لونو بنبي فاقع قلت ليها ماتقولي هنا زي السودان..والله دا تلبسي
هناك (السودان) الا يقولوا عليك لابسة بنطلون عاملة كدا زي بت المولد.:D:D
فبالله ماتضيقيها...:D

سارة

06-07-2011, 09:57 PM

عامل كدا زي الممرض لابس ابيض...

:mad::mad:

فوفو يا قلب سلامات:cool:

قولى لاخوك المفلهم دا والممرضين زاتو ما فاضين ليك:p:p

مرافي

06-07-2011, 10:02 PM

:mad::mad:

فوفو يا قلب سلامات:cool:

قولى لاخوك المفلهم دا والممرضين زاتو ما فاضين ليك:p:p

:D :D
وين يا سرورة مشتااقوون
قال كان عندو لا مؤاخذة حذاء ابيض قالوا لي لابس لك جبص ياخ..:D
برضو ما مرق من التمريض..:)
ودي وشوقي..:cool:

معتصم الطاهر

06-07-2011, 10:32 PM

فطوم

07-07-2011, 02:08 AM

مرافي
هل نحن معقدين ولا بنعقد الحياة ولا بنضيقا على الناس..؟؟؟
يعني اي شيء عندنا فيهو راي ومصمصة شفاه
________________________
بيتهيأ لي احنا ال3 صفات موجودة فينا
وموش بنضيقا على الناس وبس..لا
لوما لقينا زول نضيقا عليه نقوم نضيقا على روحنا
امال يعرفونا سود النية كيفن..
قثدي يعرفونا سودانين كيفن..
كان ما قنا للضيق جاك بلا
و زيدي كمان مع مصمصة الشفاة رفع الحاجب اليسار
مع لوي الخشم عكس الحاجب المرفوع
وحاجات تانية مانعاني كمان
الا اخوك دا غايتو اتلوم معاي ..قثدي مع الابيض شدييييد
دي عملة يعملا بالله مع البياض
غايتو بالغ جنس بوليغة

سارة

قولى لاخوك المفلهم دا والممرضين زاتو ما فاضين ليك:p:p
___________________
والا يا سارة انا زاااتي دا طرفي منو اخوها بعد عصر لي الابيض كدا:mad:

معتصم الطاهر

أسع أختك الصغيرة دى مضيقاها لامن ما فى نفس .. أى محلة مالياها جمال .. تشوف حاجة الا الجمال

أها ضيق زى دا ..يتنفسوا فيهو كيف ؟
____________
يعني ضروري تتنفسو..؟
حبس النفس نوع من ضبط النفس في الحالات ال زي دي

و انا فى العالى بقيت ألبس أى لون رفض ساى كدا ..

خالتى قامت عملت ليها "سروال" لون قميصى

اشتريت قميص تانى من نفس القماش بس فاقع زيادة ...
________________
اهن..
وخالتك سكتت ليك..؟
على سيرة البني يا مرافي
انا في الثانوية كنت بكره استاذ الرياضيات
فالبتالي كجنت الرياضيات شديييد
وكان اللبس بتاعنا بني
فشنو
لحد الليلة انا كلما اشتري حاجة بالبني ينط لي استاذ الرياضيات في بالي
يعني تقدري تقولي الاستاذ عصر على شديد في البني
وسبب لي عقدة مع واحد من ارقى الالوان

مرافي

07-07-2011, 09:53 AM

أسع أختك الصغيرة دى مضيقاها لامن ما فى نفس .. أى محلة مالياها جمال .. تشوف حاجة الا الجمال

أها ضيق زى دا ..يتنفسوا فيهو كيف ؟

و انا فى العالى بقيت ألبس أى لون رفض ساى كدا ..

خالتى قامت عملت ليها "سروال" لون قميصى

اشتريت قميص تانى من نفس القماش بس فاقع زيادة ...

حبيبنا الباش
(اختي الكبيرةlooool ) قالت الجمال هناك في الدوحة وجات معبقة بيهو ..بث
دي قصة الجمال..
اما خالتك دايرة توصل ليك فهم وهو..
والله ياولدي اللون الكريه اللابسو دا ماينفع الا سراويل...:D
واصابتك في قميص..looool

مرافي

07-07-2011, 12:06 PM

________________________
بيتهيأ لي احنا ال3 صفات موجودة فينا
وموش بنضيقا على الناس وبس..لا
لوما لقينا زول نضيقا عليه نقوم نضيقا على روحنا
امال يعرفونا سود النية كيفن..
قثدي يعرفونا سودانين كيفن..
كان ما قنا للضيق جاك بلا
و زيدي كمان مع مصمصة الشفاة رفع الحاجب اليسار
مع لوي الخشم عكس الحاجب المرفوع
وحاجات تانية مانعاني كمان
الا اخوك دا غايتو اتلوم معاي ..قثدي مع الابيض شدييييد
دي عملة يعملا بالله مع البياض
غايتو بالغ جنس بوليغة
والا يا سارة انا زاااتي دا طرفي منو اخوها بعد عصر لي الابيض كدا:mad:

على سيرة البني يا مرافي
انا في الثانوية كنت بكره استاذ الرياضيات
فالبتالي كجنت الرياضيات شديييد
وكان اللبس بتاعنا بني
فشنو
لحد الليلة انا كلما اشتري حاجة بالبني ينط لي استاذ الرياضيات في بالي
يعني تقدري تقولي الاستاذ عصر على شديد في البني
وسبب لي عقدة مع واحد من ارقى الالوان

والله يافطوم ضحكتيني جنس ضحك ياخ ناس الدوحة ديل عثل بث
والله مداخلتك شحمانة فحاسبي الشحم ما يوسخ الابيض ...:D:D
اخوي ماعندو مشكلة مع الابيض والناس (الحلوة ) اللابسة البياض
مشكلتو مع الناس العندها مشكلة مع البياض وقع ليكم انتي وسارة..looool
والبنسلين يا التمرجي نادوا الحكيم يا التمرجي...:cool:
قلتي لي الرياضيات عصرت على البني شديد..:D
يخيل لي مرات كتيرة بنترك اشياء بنحبها شديد خوف لسان الناس
ياخ والله نحنا صعبين صعوبية موباالغة...:(

الأغبش

07-07-2011, 11:25 PM

مرافي

09-07-2011, 10:32 AM

ذكرتيني في مناقشة الدكتوراة صاحبي عايش في الامارات جاب لي بدله شيك كده قال البسها للمناقشة ..قلت ليهو ياخي دي فلهمه ساي ..جبروني لبستها المناقشة تأجلت ..المرة التانية حلفت ما البسها .. شاكلني قال لي مفروض تعمل كرامة قلت ليهو دي برضو حنتبه وفلهمه ساي مافي داعي .. وجليتها ...

صحي نحن مضيقنها علي روحنا قبل ما نضيقها علي غيرنا ...

حباب الاغبش
فعلا والله يعني الواحد يعقدا على روحو قبل التانين...:D
عندك اسم الاغبش دا يعني انحنا جننا الغبشة بالذات الرجال الواحد لو رطب الغبشة
بكريم تبقى منقصة وعدم رجالة شفت معقدنها كيف..:D
مرة ولدي الكبير ابوهو نهرو كان بيتمسح (بجرسلين لزوم البرد )
+++ مرا انت تتمسح كمان..:D
عشان كدا يادكتور خليك الاغبش احسن...:D