الهوس اللا ديني

[نهلة عمر الشيخ]

هو الوجه الاخر من عملة الهوس الديني
مساوي له في العنف والتطرف ومعاكس له في الاتجاه
وكلاهما خطر على العالم

[نهلة عمر الشيخ]

في بوست سابق لي كتبت المداخلة دي وشكلي جيت عشان اوفي بوعدي
انا مثلا بفكر الان في عدة مواضيع بس برضو لعدة اسباب ما قادرة اكتب فيهن ولا واحد



من ضمن المواضيع البفكر فيها
موضوع عن الهوس اللاديني وموضوع اخر عن تربية الاطفال في عصر العولمة

[الرشيد اسماعيل محمود]

في بوست سابق لي كتبت المداخلة دي وشكلي جيت عشان اوفي بوعدي
وشكلك تاني إتأخّرتي..
في الإنتظار يا نهلة.. الكتابة عن الهوس اللا ديني..
والتي فيما يبدو من العنوان المتعلّق.. ستمرّ عبر الهوس الديني أوّلاً..

[النور يوسف محمد]

بسم الله الرحمن الرحيم

سلام نهلة ..

كثيراً ما أتسائل ..
هل ( التطرف , الغلو , الهوس , التشدد )
بذرة موجودة فى الشخص ذات نفسه أم الفكر الذى يحمله ؟؟
ما الذى يجعل فى أي جماعةٍ ما صقور وحمائم ؟؟
فهمهم وتفسيرهم لفكر هذه الجماعة أم هى تلك البذرة الحادة !!!
إذا قُدّر لمتطرف اليمين التحرك الى الشمال , هل سيكون متطرفاً هناك ؟؟
والعكس أيضاً يثير نفس السؤال ..
إذا أخذ الخط المستقيم شكل الدائرة
فالنقطتين ( فى أقصى اليمين وأقصى الشمال ) هم القرب لبعضهما فى ( دورة ) الحياة ..
الهوس اللادينى , خوف من الدين
الهوي الدينى , خوف على الدين .... والدين لا يخاف منه ولا عليه

وسلام تانى ..

[نهلة عمر الشيخ]

وشكلك تاني إتأخّرتي..
في الإنتظار يا نهلة.. الكتابة عن الهوس اللا ديني..
والتي فيما يبدو من العنوان المتعلّق.. ستمرّ عبر الهوس الديني أوّلاً..
مشغوليات الحياة يا الرشيد بتجبر الانسان يتاخر بعد مرات

بالرجوع لموضوعنا يا الرشيد
قد يظن بعض الناس إنو الهوس اللا ديني مر عبر الهوس الديني او ان الهوس اللا ديني هو افراز طبيعي للمرارات التي خلفها الهوس الديني في حلوق الناس
والحاجة دي في رايي ما صاح -- الصاح انو الهوس الديني مر عبر الهوس اللاديني وليس العكس فالتاريخ القديم يخبرنا ان الانسان تجبر على اخيه الانسان ونصب نفسه عليه حاكما والها
كان الملوك الهه يتعبد اليهم الشعب المغلوب على امره
يقتلون وهم الهه ويغتصبون الثروات وهم الهه وياخذون النساء وهم الهه
ويفعلون كل قبيح وهم في نظر نفسهم ونظر الرعية الهه
وعندما جاءهم الانبياء بالدين الحق المساوي للجميع ( ملوك ورعية ) صعب على الملوك تقبله فهو يهدد كياناتهم ويهدد نفوزهم ولذلك حاربوه بكل ما يملكون من قوة
رفضوا الدين وعذبوا الانبياء وقتلوا اتباعهم وفعلوا بهم الافاعيل
فعلوا كل ذلك خوفا من الدين الذي كان يسعى لتخليص الناس وتحريرهم من الجوع والخوف والخضوع

وطبعا محاربة الدين بالقوة وبمحاولة تشويهه ما جابت نتيجة معاهم فما كان منهم الا ان حاولوا الدخول فيه والسيطرة عليه ليمرروا عبره افكارهم المريضة والمتسلطة والعنيفة
راجع مذكرات مستر هنفر في الحجاز

يعني باختصار يا الرشيد الرافضين للدين والمهووسين به الاتنين نفسيتهم واحدة وضررهم بالعالم واحد
بس الهوس اللا ديني هو السبب في الدين المهووس

طبعا هنالك الرافضين للدين من غير وعي وهم كثر
وهنالك المهووسين به من غير وعي وايضا هم كثر

[الجيلى أحمد]

مشغوليات الحياة يا الرشيد بتجبر الانسان يتاخر بعد مرات

بالرجوع لموضوعنا يا الرشيد
قد يظن بعض الناس إنو الهوس اللا ديني مر عبر الهوس الديني او ان الهوس اللا ديني هو افراز طبيعي للمرارات التي خلفها الهوس الديني في حلوق الناس
والحاجة دي في رايي ما صاح -- الصاح انو الهوس الديني مر عبر الهوس اللاديني وليس العكس فالتاريخ القديم يخبرنا ان الانسان تجبر على اخيه الانسان ونصب نفسه عليه حاكما والها
كان الملوك الهه يتعبد اليهم الشعب المغلوب على امره
يقتلون وهم الهه ويغتصبون الثروات وهم الهه وياخذون النساء وهم الهه
ويفعلون كل قبيح وهم في نظر نفسهم ونظر الرعية الهه
وعندما جاءهم الانبياء بالدين الحق المساوي للجميع ( ملوك ورعية ) صعب على الملوك تقبله فهو يهدد كياناتهم ويهدد نفوزهم ولذلك حاربوه بكل ما يملكون من قوة
رفضوا الدين وعذبوا الانبياء وقتلوا اتباعهم وفعلوا بهم الافاعيل
فعلوا كل ذلك خوفا من الدين الذي كان يسعى لتخليص الناس وتحريرهم من الجوع والخوف والخضوع

وطبعا محاربة الدين بالقوة وبمحاولة تشويهه ما جابت نتيجة معاهم فما كان منهم الا ان حاولوا الدخول فيه والسيطرة عليه ليمرروا عبره افكارهم المريضة والمتسلطة والعنيفة
راجع مذكرات مستر هنفر في الحجاز

يعني باختصار يا الرشيد الرافضين للدين والمهووسين به الاتنين نفسيتهم واحدة وضررهم بالعالم واحد
بس الهوس اللا ديني هو السبب في الدين المهووس

طبعا هنالك الرافضين للدين من غير وعي وهم كثر
وهنالك المهووسين به من غير وعي وايضا هم كثر

يسعد صباحاتك يانهلة

وشكرآ على النافذة
وياريت لو تسترسلى أكتر

حديثك عن تعذيب الأنبياء وربطه بما قمت أنت بتسميتهم بالادينين أمر لن تجدى له سند أو دعامة من المنطق أو التاريخ
فكل الذين حاربوا الأنبياء هم أصحاب ديانات أخرى
أى أن الصراع كان دينى xدينى

يعنى يانهلة
أهل مكة ديل كان عندهم أديان قبل مجئ النبى محمد عليه السلام
ويمكنك القياس على ذلك فى الحقب التى ظهر فيها الأنبياء على اختلافها ..

ياريت بس لو تدعمى وجهة نظرك ببعض الأمثلة من التاريخ البعيد أو الحديث !!

لأنو كلامك شكلو قاطع شديد وتقريرى

يطيب نهارك
ومتابع معاك

[الجيلى أحمد]

كان الملوك الهه يتعبد اليهم الشعب المغلوب على امره
يقتلون وهم الهه ويغتصبون الثروات وهم الهه وياخذون النساء وهم الهه
ويفعلون كل قبيح وهم في نظر نفسهم ونظر الرعية الهه
وعندما جاءهم الانبياء بالدين الحق المساوي للجميع ( ملوك ورعية )

ياتو ملوك ديل يانهلة ؟

غايتو الا لو قاصدة الكيزان فى كلامك الفوق دا :D

ملوك معظم الحقب التاريخية هم أصحاب ديانات وعلى الدوام نصَب الملوك نفسهم آلهة حتى يومنا هذا وان أقاموا صراعآ ضد دين آخر فهو صراع من أجل ضمان بقائهم فى السلطة ,
أى ان الملوك هم أصحاب ديانات
ولو حاربو ديانة أخرى فانهم يحاربون الخطر الذى يهدد سلطاتهم

[الجيلى أحمد]

طبعا هنالك الرافضين للدين من غير وعي وهم كثر
وهنالك المهووسين به من غير وعي وايضا هم كثر

ياريت يانهلة توضحى الضرر الذى ألحقة اللادينين بالعالم ؟

ليس دفاعآ عن أحد
وانما تمسكآ بالمنطق الذى يقود لاستنتاجات منطقية ..

يعنى ياريت تورينا حروبات قادها اللادينين أدت لتمثيل خطر على البشرية
وبالمقابل يمكنك قياس الحروب الدينية التى تجرى حتى اليوم
والتى لعب فيها الهوس بالدين أثر كبير ..

دعك من المهووسين دينيآ
لكن حتى بعض المعتدلين قادرين على القتال حتى الموت لو أحسوا بخطر على دينهم أو اشتموا اهانة له !!

[نهلة عمر الشيخ]

بسم الله الرحمن الرحيم

سلام نهلة ..

كثيراً ما أتسائل ..
هل ( التطرف , الغلو , الهوس , التشدد )
بذرة موجودة فى الشخص ذات نفسه أم الفكر الذى يحمله ؟؟
ما الذى يجعل فى أي جماعةٍ ما صقور وحمائم ؟؟
فهمهم وتفسيرهم لفكر هذه الجماعة أم هى تلك البذرة الحادة !!!
إذا قُدّر لمتطرف اليمين التحرك الى الشمال , هل سيكون متطرفاً هناك ؟؟
والعكس أيضاً يثير نفس السؤال ..
إذا أخذ الخط المستقيم شكل الدائرة
فالنقطتين ( فى أقصى اليمين وأقصى الشمال ) هم القرب لبعضهما فى ( دورة ) الحياة ..
الهوس اللادينى , خوف من الدين
الهوي الدينى , خوف على الدين .... والدين لا يخاف منه ولا عليه

وسلام تانى ..
مداخلة نيرة يا استاذ النور لا تعليق عليها لانني اتفق معك فيها جملة وتفصيلا

[بدور التركي]

دا شنو الهوس دا?(وش مبتسم وضاحك)


يا نهلة نسيتي ملك الحبشة(نجاشى)
ألم يصفه الرسول صل الله عليه وسلم
بأنه ملك صالح لا يظلم عنده أحد?

صباح الخير
وحمد لله على السلامة
وراجعة تاني


جمعة مباركة ياالجيلي
ورشيد
والنور

[بدور التركي]

بسم الله الرحمن الرحيم

سلام نهلة ..

كثيراً ما أتسائل ..
هل ( التطرف , الغلو , الهوس , التشدد )
بذرة موجودة فى الشخص ذات نفسه أم الفكر الذى يحمله ؟؟
ما الذى يجعل فى أي جماعةٍ ما صقور وحمائم ؟؟
فهمهم وتفسيرهم لفكر هذه الجماعة أم هى تلك البذرة الحادة !!!
إذا قُدّر لمتطرف اليمين التحرك الى الشمال , هل سيكون متطرفاً هناك ؟؟
والعكس أيضاً يثير نفس السؤال ..
إذا أخذ الخط المستقيم شكل الدائرة
فالنقطتين ( فى أقصى اليمين وأقصى الشمال ) هم القرب لبعضهما فى ( دورة ) الحياة ..
الهوس اللادينى , خوف من الدين
الهوي الدينى , خوف على الدين .... والدين لا يخاف منه ولا عليه

وسلام تانى ..

تقول أمثولة:
((عاش في الأرض إنسان بأفراحه وأتراحه
وعرف الخير والشر والفرح والألم
وعندما أنتهت طريقه في الحياة الدنيا
أخذه الرب إليه ومنحه إمكانية أن يرى حياته كلها
كالأثار على الرمال
وهناك رأى أثار اثنين
أثاره
وأثار الرب الإله
ولكنه لاحظ أن في بعض الأماكن وهي اللحظات الصعبة في حياته
لا تحمل سوى آثار واحدة فقط
فسأل الرب لماذا تخلى عنه في أصعب أوقات حياته
أجابه الرب:
في أصعب لحظات حياتك كنت أحملك بين يدي))

[نهلة عمر الشيخ]

حديثك عن تعذيب الأنبياء وربطه بما قمت أنت بتسميتهم بالادينين أمر لن تجدى له سند أو دعامة من المنطق أو التاريخ
فكل الذين حاربوا الأنبياء هم أصحاب ديانات أخرى
أى أن الصراع كان دينى xدينى

يعنى يانهلة
أهل مكة ديل كان عندهم أديان قبل مجئ النبى محمد عليه السلام
ويمكنك القياس على ذلك فى الحقب التى ظهر فيها الأنبياء على اختلافها ..

ياريت بس لو تدعمى وجهة نظرك ببعض الأمثلة من التاريخ البعيد أو الحديث !!

لأنو كلامك شكلو قاطع شديد وتقريرى

يطيب نهارك
ومتابع معاك

ويسعد صباحك يا الجيلي
قلت لي حديثي ( لن اجد ) له سند منطقي وتاريخي !!!؟؟؟؟
طيب لو وجدت حتوافق عليهو وللا حتكنكش في رايك وتجي تغالط من اجل المغالطه:D
كان افضل ليك ولي وللحوار تسالني وتقول لي اوجدي لينا يا نهلة سند منطقي وتاريخي ؟
لو سالتني مش كان اخير ليك من احتكار المعرفة وادعاها الواضح في ( لن تجدي ) دي

بعدين لمن تجي تضرب مثل خاص بتاريخ الدين فحقو تضربو لينا من عهد شيث وادريس ونوح وهود وابراهيم وموسى وعيسى
لانو نحن بنتكلم عن تاريخ الدين وليس تاريخ الدين الاسلامي
وتاريخ الدين بقول انو اول نبي مامور بتبليغ الدعوة في الارض كان هو ادريس عليه السلام
ولد في بابل ونزح مكرها لمصر ويمكن لك ان ترجع لاسباب نزوحه
طبعا في زمنو ما كان في ملوك لانو ببساطة ما كان في دول ولا حتى في مدن ولا كان في اي شي لكن كان في انسان متسلط ودموي وهمجي وكان وجود الدين ضروري

بعد ادريس جا نوح والسبب الرئيسي في عدم ايمان قومه به
انهم كانوا بشوفوا انو الدين بتاعو دا بيساوي بينهم وبين الفقراء والمساكين والاراذل زي ما بقولوا
وطبعا في الوقت داك برضو ما كان في ملوك -- كان في سادة واغنياء من ناحية وفقراء وعبيد من ناحية اخرى

بعد داك جات السفينة والطوفان -- وبعد الطوفان تقننت عبادة الاصنام
وفكرة الاصنام اساسا هي ان قوم نوح قاموا بتخليد ذكرى اجدادهم اثرياء و وجهاء القوم الذين اخذهم الطوفان
يعني يا الجيلي عبادة الاصنام بتعني عبادة تماثيل الوجهاء والسادة
ومن ديك وعييك
وطبعا الفكرة ممكن تاخذ مناحي متعددة لكن تظل الفكرة الاساسية هي ان عبادة الاصنام تعني عبادة الناس وتعني المحافظة على اوضاع اجتماعية محددة تخدم مصالح فئات محددة في المجتمع

والقصص طبعاً لا تنتهي لكن خليني اقفز ليك لزمن الملوك والفراعنة
الم يقل فرعون لقومه انا ربكم الاعلى؟ ؟؟

بعدين شايفاك قلت لي ( الصراع كان ديني في ديني )
ما كان ديني في ديني ولا حاجة
كان صراع اصحاب مصالح مع الدين
كان صراع مرضى نفسسين مدعيين للالوهية مع الدين

ما كملت كلامي يا الجيلي بس طالعة مشوار وجاية اواصل

ملحوظة
النرجسيين المدعيين للالوهية لي زماننا الراهن دا موجودين

[أبو دعد]

بوست دسم نعود اليه برواقة

[حسين أحمد حسين]

الأُستاذة نهلة عمر الشيخ،
يا مَليحةَ العقل سلام.

لابد من الإشارة إلى أنَّ هذه المداخلة تمثل فتحاً معرفياً فى التحليل الطبقى (Class analysis) خاصةً ذلك المرتبط بمسألة الهوس الدينى والتى أحسب أنها غير مسبوقة. وهذا الأمر يجعلنا عطشى للمزيد. فشكراً لهذا الذكاء، ولعلنا موعودون ببوست رشيق.

كل الود،
حُسين.

[عادل عسوم]

نهلة عمر الشيخ
سلام ووداد يااخية
اضم صوتي الى من سبقاني (أبودعد) و (حسين) بكون الخيط يضيف جديدا لا اخال الناس قد تطرقوا اليه كثيرا...
اذ الحديث دوما ينصبُّ حول (الهوس الديني)...
سأعود بحول الله
التحية لك ولضيوفك

[نهلة عمر الشيخ]

شكرا لكل من مر من هنا حاجيكم واحد واحد

[نهلة عمر الشيخ]

ياريت يانهلة توضحى الضرر الذى ألحقة اللادينين بالعالم ؟
طبعا السؤال دا ما عندو اي علاقة بالبوست يا الجيلي
واحدة من مشاكل المنتديات انو المتداخلين بيكتبوا مداخلاتهم وبعد داك يقروا البوست:)
نحن هنا يا الجيلي بنتكلم عن المهوسيين اللادينيين وليس عن اللادينين
اللاديني ما عندنا شغلة بيهو دي مشكلتو وظروفو النفسية وقد تكون الاجتماعية خلتو زول من غير دين
بس المهووس باللادين فدا الزول الشغال بسي لمعتقدات الناس وطرق تدينهم ومفتكر نفسو بالطريقة دي بقدم خدمات للانسانية
المهووس باللادين يعمل نفس عمل المهووس بالدين في العالم-- الاتنين ما ديمقراطيين والاتنين جهلة ومغيبين

باختصار ياالجيلي ومع انو سؤالك دا ما موضوعنا زي ما وضحت ليك ولكن عشان خاطرك حاجاوب ليك عليهو
جيم جواب- هتلر كان ملحد ولاديني

[أبو دعد]

و جدت فى المعجم ان كلمة هوس تحمل معانى كثيرة و مختلفة
يقال اسد هواس اى طواف و لا يفترس الا بالليل
و رجل هواس اى رجل اكول
والهوس مصدره هاس يهوس هوسا
و رجل مهووس اى مصاب بالوسوسة
و الهوس فى الطب هو الدوران

[قيقراوي]

استاذة / نهلة

هو الوجه الاخر من عملة الهوس الديني
مساوي له في العنف والتطرف ومعاكس له في الاتجاه
وكلاهما خطر على العالم

كلام زي قِسَم الدهب

اتذكر في نقاش في المغدورة سودانيز اون لاين ضط كوم، عن الدولة المدنية مقابل ( العلمانية الفجّة ) كما اراها انا، كتبت عبارة مقاربة للمفهوم اعلاه :

اسمعوا مني، و بلغوا عني :

" دعاة الدولة الدينية، و دعاة العلمانية الفجّة، قوى متساوية في الرجعية و الشمولية. فقط متضادة في الاتجاه! "

رواه قيقا راوي من ن ن ن راسو دا
المافي شنو هو!؟:D



-- --------

ياخ عاوزين نعيش ناس عاديين، بدون هوس و ايدلوجيات وبطيخ معلب و مستورد جاااهز.. من أين أتى عرب و لّ غرب!
ياخ لو هفت لينا نصلي الخمس اوكات في المسجد. و نطول دقونا و نقصر جلاليبنا و نلبس الحجاب
مالو ياخ! .. بس بدون ما تنصب لنا عيدان المشانق في الميادين العامة ..
او ما نصلي كلو كلو - حسب توقيت المزاج - و برضو نظل مواطنين صالحين .. من غير ما يتأله علينا أحد.
ما للرب للرب و ما لقيصر لقيصر .. حسب ما اعلم فإن الرب لم يفوض صلاحياته في المحاسبة لأحد البشر! ..
" لست عليهم بمسيطر "
و دا خطاب إلهي لخير البشر و خاتم النبيين.
فتاملوا يا اولي الالباب!
و لّ انا غلطان!؟

سنتابع

تشكرات افندم
تشكرات كميات

[حافظ حسين]

ويسعد صباحك يا الجيلي
قلت لي حديثي ( لن اجد ) له سند منطقي وتاريخي !!!؟؟؟؟
طيب لو وجدت حتوافق عليهو وللا حتكنكش في رايك وتجي تغالط من اجل المغالطه:D
كان افضل ليك ولي وللحوار تسالني وتقول لي اوجدي لينا يا نهلة سند منطقي وتاريخي ؟
لو سالتني مش كان اخير ليك من احتكار المعرفة وادعاها الواضح في ( لن تجدي ) دي

بعدين لمن تجي تضرب مثل خاص بتاريخ الدين فحقو تضربو لينا من عهد شيث وادريس ونوح وهود وابراهيم وموسى وعيسى
لانو نحن بنتكلم عن تاريخ الدين وليس تاريخ الدين الاسلامي
وتاريخ الدين بقول انو اول نبي مامور بتبليغ الدعوة في الارض كان هو ادريس عليه السلام
ولد في بابل ونزح مكرها لمصر ويمكن لك ان ترجع لاسباب نزوحه
طبعا في زمنو ما كان في ملوك لانو ببساطة ما كان في دول ولا حتى في مدن ولا كان في اي شي لكن كان في انسان متسلط ودموي وهمجي وكان وجود الدين ضروري

بعد ادريس جا نوح والسبب الرئيسي في عدم ايمان قومه به
انهم كانوا بشوفوا انو الدين بتاعو دا بيساوي بينهم وبين الفقراء والمساكين والاراذل زي ما بقولوا
وطبعا في الوقت داك برضو ما كان في ملوك -- كان في سادة واغنياء من ناحية وفقراء وعبيد من ناحية اخرى

بعد داك جات السفينة والطوفان -- وبعد الطوفان تقننت عبادة الاصنام
وفكرة الاصنام اساسا هي ان قوم نوح قاموا بتخليد ذكرى اجدادهم اثرياء و وجهاء القوم الذين اخذهم الطوفان
يعني يا الجيلي عبادة الاصنام بتعني عبادة تماثيل الوجهاء والسادة
ومن ديك وعييك
وطبعا الفكرة ممكن تاخذ مناحي متعددة لكن تظل الفكرة الاساسية هي ان عبادة الاصنام تعني عبادة الناس وتعني المحافظة على اوضاع اجتماعية محددة تخدم مصالح فئات محددة في المجتمع

والقصص طبعاً لا تنتهي لكن خليني اقفز ليك لزمن الملوك والفراعنة
الم يقل فرعون لقومه انا ربكم الاعلى؟ ؟؟

بعدين شايفاك قلت لي ( الصراع كان ديني في ديني )
ما كان ديني في ديني ولا حاجة
كان صراع اصحاب مصالح مع الدين
كان صراع مرضى نفسسين مدعيين للالوهية مع الدين

ما كملت كلامي يا الجيلي بس طالعة مشوار وجاية اواصل

ملحوظة
النرجسيين المدعيين للالوهية لي زماننا الراهن دا موجودين

يعني كدا هسي فاكرة نفسك يا نهلة لقيتي سند تاريخي و منطقي لكلامك الفوق داك؟

لي عودة بعد الإجابة

[الجيلى أحمد]

تحياتى يانهلة
ونهارك طيب ,

وقتى ضيق فأسمحى لى برد سريع لحين عودة بتمهل

كتبت نهلة :

كان افضل ليك ولي وللحوار تسالني وتقول لي اوجدي لينا يا نهلة سند منطقي وتاريخي ؟
لو سالتني مش كان اخير ليك من احتكار المعرفة وادعاها الواضح في ( لن تجدي ) دي

نهلة

وكنت أنا قد كتبت لها :

ياريت بس لو تدعمى وجهة نظرك ببعض الأمثلة من التاريخ البعيد أو الحديث !!

الجيلى

أظن انو كلامى الفوق دا كان سؤال ..



قلتى لى كيف (احتكار المعرفة ):D

يااخى البورد دا مرات فيهو جمل كدا تكلكل الواحد عديل كدا ..

الجيلى المحتكر يااخى :D:D

[نهلة عمر الشيخ]

ياخ عاوزين نعيش ناس عاديين، بدون هوس و ايدلوجيات وبطيخ معلب و مستورد جاااهز.. من أين أتى عرب و لّ غرب!
وهو كذلك يا قيقراوي
شكرا

[نهلة عمر الشيخ]

يعني كدا هسي فاكرة نفسك يا نهلة لقيتي سند تاريخي و منطقي لكلامك الفوق داك؟

لي عودة بعد الإجابة

مداخلتك دي من نوعية المداخلات البتقول يا اخوانا انا عندي باسويرد في المنتدى دا:)

[نهلة عمر الشيخ]

و جدت فى المعجم ان كلمة هوس تحمل معانى كثيرة و مختلفة
يقال اسد هواس اى طواف و لا يفترس الا بالليل
و رجل هواس اى رجل اكول
والهوس مصدره هاس يهوس هوسا
و رجل مهووس اى مصاب بالوسوسة
و الهوس فى الطب هو الدوران
شكرا على المعلومة المفيدة يا ابو دعد وحاجيك بمعلومات اضافية في ذات السياق

[ممدوح أبارو]

كتبت السيدة نهلة

اقتباس:
المشاركة الأصلية كتبت بواسطة نهلة عمر الشيخ http://sudanyat.org/vb/images/buttons/viewpost.gif (http://sudanyat.org/vb/showthread.php?p=389709#post389709)
مشغوليات الحياة يا الرشيد بتجبر الانسان يتاخر بعد مرات

بالرجوع لموضوعنا يا الرشيد
قد يظن بعض الناس إنو الهوس اللا ديني مر عبر الهوس الديني او ان الهوس اللا ديني هو افراز طبيعي للمرارات التي خلفها الهوس الديني في حلوق الناس
والحاجة دي في رايي ما صاح -- الصاح انو الهوس الديني مر عبر الهوس اللاديني وليس العكس فالتاريخ القديم يخبرنا ان الانسان تجبر على اخيه الانسان ونصب نفسه عليه حاكما والها
كان الملوك الهه يتعبد اليهم الشعب المغلوب على امره
يقتلون وهم الهه ويغتصبون الثروات وهم الهه وياخذون النساء وهم الهه
ويفعلون كل قبيح وهم في نظر نفسهم ونظر الرعية الهه
وعندما جاءهم الانبياء بالدين الحق المساوي للجميع ( ملوك ورعية ) صعب على الملوك تقبله فهو يهدد كياناتهم ويهدد نفوزهم ولذلك حاربوه بكل ما يملكون من قوة
رفضوا الدين وعذبوا الانبياء وقتلوا اتباعهم وفعلوا بهم الافاعيل
فعلوا كل ذلك خوفا من الدين الذي كان يسعى لتخليص الناس وتحريرهم من الجوع والخوف والخضوع

وطبعا محاربة الدين بالقوة وبمحاولة تشويهه ما جابت نتيجة معاهم فما كان منهم الا ان حاولوا الدخول فيه والسيطرة عليه ليمرروا عبره افكارهم المريضة والمتسلطة والعنيفة
راجع مذكرات مستر هنفر في الحجاز

يعني باختصار يا الرشيد الرافضين للدين والمهووسين به الاتنين نفسيتهم واحدة وضررهم بالعالم واحد
بس الهوس اللا ديني هو السبب في الدين المهووس

طبعا هنالك الرافضين للدين من غير وعي وهم كثر
وهنالك المهووسين به من غير وعي وايضا هم كثر


طيب الدين بدأ متين يا ستي؟
وما هو أول دين أنزل؟*
*دا طبعاً لأنك أستثنيتي الاديان الوضعية بما لونته لك بالاحمر
دي مرتكزات ممكن ننظلق منها لحوار أو الواحد يفرمل في المداخلة.:)
تحياتي واحترامي

[ممدوح أبارو]

سلام تاني يا استاذة نهلة
كتب لك في مداخلة سابقة

طيب الدين بدأ متين يا ستي؟
وما هو أول دين أنزل؟*

وما أعتبرت دا رد عشان السند القبيل اتكلم عنو الجيلي
وتاريخ الدين بقول انو اول نبي مامور بتبليغ الدعوة في الارض كان هو ادريس عليه السلام
ولد في بابل ونزح مكرها لمصر ويمكن لك ان ترجع لاسباب نزوحه
طبعا في زمنو ما كان في ملوك لانو ببساطة ما كان في دول ولا حتى في مدن ولا كان في اي شي لكن كان في انسان متسلط ودموي وهمجي وكان وجود الدين ضروري

طيب فكرة الدين دي ما راودت الملوك الالهو نفسهم ديل ؟
بحسبان أن تأليههم لأنفسهم نوع من الدين (عارفك ما متفقة معاي في النقطة دي بدليل حصرك للدين في المُنزل)
اتمني تستمري في البوست لأنو مهم بالجد وبيحسم عندي تساؤلات كتيرة
احترامي

[نهلة عمر الشيخ]

الهوس
تعريف الهوس :
يصنف الهوس على أنه اضطراب عقلي (ذهني) يتميز بالنشاط الزائد والمرح والغرابة ، ويكون الفرد مليئا ً بالحيوية ، لايكاد ينتهي من شيء أو عمل حتى يبدأ في الأخر ، وقد يبدأ في عمل قبل أن ينتهي من الأول وقد يصل نشاطه إلى درجة العدوان والتحطيم ، وتميز أفكاره بأنها غير منتظمة فهو ينتقل من فكرة إلى فكرة بسرعة دون داع وتتميز لغته بالإغراق من التفاصيل التي ليس لها أهمية وقد تظهر بعض الأعراض الثانوية مثل القلق والشك واضطراب الوعي وقد تظهر في الحالات الشديدة الضلالات والهلاوس .
أعراض الهوس :
يوجد أعراض كثير للهوس تظهر في سلوك الفرد وأفكاره ومعتقداته منها :
يصنف الهوس على أنه اضطراب عقلي (ذهني) يتميز بالنشاط الزائد والمرح والغرابة ، ويكون الفرد مليئا ً بالحيوية ، لايكاد ينتهي من شيء أو عمل حتى يبدأ في الأخر
تشتت الأفكار وسطحية التفكير وعدم اكتمال الفكرة ومقاطعة الآخرين بمجرد ورود أفكار جديدة على الذهن .
توجد لديه ضلالات مثل أفكار العظمة وتوهم القوة والغرور الزائد وارتفاع الصوت وسرعته.
ثقة زائدة في النفس والشعور بالسعادة الغامرة والتفاؤل المتحمس الزائد وكثرة المشروعات وتعددها وكلها ليست عملية وغير قابلة للتنفيذ .
العلاقات الاجتماعية الواسعة والسطحية والتحرر الواضح والتبرج والتزيين بإفراط لدى السيدات واللامبالاة بالمعايير الاجتماعية وعدم مراعاة مشاعر الآخرين .
سرعة الاستثارة والتوتر والتهور .
العوامل المؤدية للهوس :
أسباب وراثية وتعتبر أهم العوامل المؤدية للهوس وتمثل حوالي 70% من حالات الهوس حيث ينتشر المرض لدى الأفراد الذين ينتمون إلى آباء وأمهات مرضى الهوس .
أسباب نفسية مثل الصراع النفسي والفشل والإحباط ومحاولة علاج ذلك بالحيل الدفاعية اللاشعورية مثل الإنكار أو النسيان .
وقد يرجع ذلك إلى عادة سلوكية خاصة تم تعلمها نتيجة التعزيز لأنها نجحت أكثر من غيرها في خفض شدة القلق العصابي لدى المريض .
أسباب ترجع إلى الغدد وخاصة الغدد الصماء سواء بالزيادة أو بالنقص أو استئصال الغدة الدرقية .
أشكال الهوس :
يصنف ذهان الهوس تعبا لشدة اضطراب المزاج ولوجود أو عدم وجود الضلالات والهوس إلى :
الهوس الخفيف :
يبدو المريض للأشخاص العاديين طبيعيا ولكن ينتبه ويشعر به الأصدقاء والأقارب من خلال شذوذ التصرفات وتغير السلوك وغير مكترث بالأضرار الناتجة عن عدم المبالاة وقد يتصرف بسرعة في ممتلكاته .
الهوس الحاد :
ويحدث بصورة مفاجئة وفي حالات الهوس الحاد يشتد المرح وقد يأخذ شكل السخرية وينقلب إلى غضب وعدوان مع حساسية مفرطة ، وتضطرب علاقة المريض بالبيئة فلا يراعي الآداب العامة ويتصرف بشكل يخالف التقاليد العامة ويحدث هلوسات وضلالات لكنها تكون مؤقتة وخفيفة .
الهوس المزمن :
تستمر الحالة المزمنة سنوات طويلة دون تغيير وقد تتناوب مع نوبات حادة من المرح إلى الاكتئاب ويختلف عن الهوس الحاد في أنه أقل حدة وأطول بقاء ويكون المريض سعيدا ً راضي النفس ، متدخلا ً في أمور الغير يدبر المقالب ويتلاعب بالجمل ويكثر استخدام الألفاظ النائية وذاكرته قوية ولا يتحمل مسئولياته ولا يمكن الاعتماد عليه يبالغ في الملابس الزاهية يهزأ من عرضه أو شرف زوجته وعديم القمة.
طرق علاج الهوس :
تستخدم المهدئات العظمى في علاج حالات الهوس الحاد والمزمن وقد يستخدم الصدمات الكهربائية قرب نهاية دور الهوس .
ويفضل استخدام العلاج النفسي : ويصلح في حالات الهوس الخفيف وبعض الهوس المزمن ويستخدم العلاج النفسي لاستكشاف الجوانب المرضية في الشخصية والاضطراب في الشعور بقيمة الذات ويمكن استخدام فنيات العلاج النفسي مع استخدام العلاج التدعيمي أي تعزيز أنواع السلوك التكيفي والعلاج التنفيذي أي كف الاستجابات المرضية غير المقبولة ، هذا ويعتبر الهوس أكثر بذره من الاكتئاب وأحيانا ما يتناوب مع نوبات الاكتئاب فتارة اكتئاب وتارة مرح .

منقول

[حافظ حسين]

[B][COLOR="Red"]منقول

طبعاً عارفينه منقول يعني حتكوني جايباه من رأسك ... بس ممكن تختي لينا المصدر عشان نشوف مصدر يعتمد عليه و لا عينة المصادر الحايمة ساي دي:D:D:D

[حافظ حسين]

أها يا نهلة شفتك أتأخرتي علي جيبة المصدر قلنا نجيبه ليك عسي و لعلي نفيد و نستفيد

يلا نجي لمنقول بتاعت نهلة دي يا شباب .... و الله عارفكم حتتهموني أنا ببحت وراء نهلة دي لكن أطمنكم من ناحية ببحت وراها ببحت لسبيبين:
الأول شخصي: و هو إتهامها لي الصريح بالهوس في بوست (قيقراوي يا جابر الخواطر)
الثاني : أستاذه نهلة جابت هنا تعريف عن الهوس , أسبابه, أعراضه و الخ .. و موضوع زي دا موضوع بتاع علم نفس , يعني علم و إتجرب أكتر من مرة و إتثبت و مفروض الناس تأخد بيه ... لكن الموضوع يظل بالنسبة لي حبر مدلوق لمن نهلة أو من يأنس في نفسه الكفاءة يجيب مصادر القصة دي, و أنا ذاتي و ديني بشتغل معاك للبحث عن مصادر....

يلا تعالوا معاي أوريكم نهلة جابت الموضوع من وين و كيف؟
في البداية نهلة كتبت و قوقل كتر خيره غاب و جاب .... أها نهله شكلها عملت كليك في أول خيار لقوقل عن الهوس و جاب ليها القيصر؟

ما في زول يسألني القيصر دا منه , لانو قوقل ذات نفسه عجز يوريني من هو القيصر أو يديني ال سي في بتاعته , المهم قوقل لف و دور و جاب لي خيارات أجارك الله, شئ لعبة القيصر, منتديات القيصر كاظم الساهر , و الخ, يعني القيصر دا زول/ة بكتب بإسم حركي بس ما معروف هو مين.

أها قمت عملت كليك زي نهلة دي في أول خيار جابه قوقل عن الهوس للكاتب القيصر و جاني منتدي عربي إسمه برق, و الموضوع المنقول جاء بضبانته
http://forum.brg8.com/t7661.html
و دا الرابط الخمشت منه الأستاذه , لمزيد من التثقيف في علم النفس.

الشئ الأدهي و الأمر أن القيصر دا برضو ما كاتب أي مرجع لموضوعه دا, و سيادته خاتي أنو مفروض نعرفه طوالي و مثله لا يحتاج لمرجع..... و لا يكون لاطش يا ربي؟

غايتو يا نهلة حلك تورينا القيصر دا منو أو جاب الكلام دا من وين؟

بعدين ما تفتكري كل ما يكتب في النت دا يعتمد عليه يا عميقة :D

فتك بعافية

[نهلة عمر الشيخ]

اعصابك يا دكتور حافظ:D:D
ولمعلومتك انفعالك ما بفيدك الكتبتو كان بايدك:)
مداخلاتك ما مفيدات و واضح القصد منهن تخريب البوست ودا سلوك ما جميل

[نهلة عمر الشيخ]

مش كان افضل ليك ولينا يا حافظ تجي تنتقد الكلام المنقول دا وتورينا انو عميق وللا ما عميق بدل تنطط يمين وشمال :Dمن غير ما نفهمك عايز تقول ؟؟؟

[حافظ حسين]

اعصابك يا دكتور حافظ:D:D
ولمعلومتك انفعالك ما بفيدك الكتبتو كان بايدك:)
مداخلاتك ما مفيدات و واضح القصد منهن تخريب البوست ودا سلوك ما جميل

صدقيني أعصابي في تلاجة أديييييييل كدا ... و ما تخافي علي , و بعدين إنت مش متخصصة في علم النفس و كدا , يا خي للخوة البينا دي و دق الكيبورد يعني لو أعصابي لا قدر الله تلفت مش ممكن القي منك نصيحة نفسية مجانية؟:D

مداخلاتي ما مفيدات ممكن, لكن أخرب البوست دا شوية صعبة يا نهلة, البوست يا دكتورة خربان خلقة الله أصلاً ما محتاج لتخريب مني أنا.... عليك النبي بوست النجر الأخضر يخربه تاني كيف؟
أوعي تكوني حاسبة أنت بوست اللتيق دا مفيد؟
أصحي يا بريش

[حافظ حسين]

مش كان افضل ليك ولينا يا حافظ تجي تنتقد الكلام المنقول دا وتورينا انو عميق وللا ما عميق بدل تنطط يمين وشمال :Dمن غير ما نفهمك عايز تقول ؟؟؟

يا خي مش النطيط يمين و شمال دا من صفات المهوس أو علامات الهوس؟ و تيب يا خي ما تخلونا نطط و تأخدونا قدر عقولنا

يا دكتورة راعي لمرضاك كمان يا خي , أنتقد الكلام المفقوع دا كيف و أنا كزول مهوس علي باب الله.... يا خي أنا ما متخصص في علم النفس و السايكاترك عشان كدا إنتقادي للكلام العميق دا بضحك فيني الدنيا و بخليني أتدخل في خصوصيات العلماء الزيكم ديل يا نهلة..
و تانيا عندك تعالي أنتقد شنو يا نهلة, إنتقد الكلام المطلوق علي الهواء مباشرة دا , كلام يا كافي البلاء و حايد المحن لا فيه مرجع الزول يرجع ليه و لا الزول الملطوش منه معروف ينتقدوه كيف و بعدين يا دكتورة زمانك إنتي فهمك للنقد شنو؟

معليش يا خي عندي سؤال متعلق بمداخلتك الفاتت و نسيت أكتبه لكن ممكن أكتبه ليك هنا, و هو فيما يتعلق بخراب البوست .... عليك النبي و عليك الرسول يا نهلة الزول الفاكيها في روحو زي حالتك دي بتسموه شنو في علم النفس إنتو كناس علماء كدا؟

و الله داير إجابة لوجه الله تعالي ..... و لا حياء في العلم....:D:D:D

غايتو يا نهلة لو وريتني قاعدة وين برسل ليك كتاب إسمه (كيف تختار مراجع يعتمد عليها)

[نهلة عمر الشيخ]

الارهاب وتعمد تخريب البوست يا حافظ ما حل
انا ما عندي مشكلة في انو البوست دا حسب وجهة نظرك خربان ومطلوق في الهواء
دا رايك والمفروض احترمو ليك واناقشك فيهو كمان
بس يا ريت تجي توضح لي وللقراء وين الخراب عشان اصلحو
و وين الكلام المطلوق عشان اراجعو واستفيد
انا جيتك في البوست بتاعك بهناك وانتقدت البوست بتاعك لاسباب محددة وضحتها ليك في البوست --- يعني ما جيتك عشان اخربو ليك --- تخريب البوستات دا كارهاهو عند علا الدين يوسف في سودانيز اونلاين


بالنسبة للمراجع فنصيحتي ليك اتخلص من العقلية النمطية البتخليك ما تقبل كلام الا يتكتب من ناس محددين
اتعود تقبل اي كلام وخلي الفيصل مخك وتفكيرك
ويا زول طالما انت مصر على المراجع هاك شوف كلام ناس الموسوعة الحرة (وكيبيديا) وحتلقى تحت الكلام مجموعة روابط بتوديك للمراجع
http://ar.wikipedia.org/wiki/هوس

[نهلة عمر الشيخ]

ويقولوا ليك نحن ديمقراطيين واختلاف الراي عندنا لا يفسد للباذنجان قضية:eek:

[ممدوح أبارو]

الأستاذة نهلة
خليك من حافظ الما أتي لحوار دا ، انا كتبت ليك سؤالين واطمع رد


احترامي

[أبو دعد]

اعصابك يا دكتور حافظ:D:D
ولمعلومتك انفعالك ما بفيدك الكتبتو كان بايدك:)
مداخلاتك ما مفيدات و واضح القصد منهن تخريب البوست ودا سلوك ما جميل

سئل احد العارفين عن اعجب ما رأى قال:
قلب عرف الله ثم عصاه

[أبوبكر عباس]

بالنسبة للمراجع فنصيحتي ليك اتخلص من العقلية النمطية البتخليك ما تقبل كلام الا يتكتب من ناس محددين
نصيحة أخوية

[نهلة عمر الشيخ]

الأستاذة نهلة
خليك من حافظ الما أتي لحوار دا ، انا كتبت ليك سؤالين واطمع رد


احترامي

احترامي يا استاذ ممدوح
بخصوص سؤالك فانا اتحدث في هذا البوست عن الدين المنزل من الله ولكن لا مانع لدي من ان تطرح انت وجهة نظرك وستجد عندي كل الاحترام والمناقشة

[نهلة عمر الشيخ]

سئل احد العارفين عن اعجب ما رأى قال:
قلب عرف الله ثم عصاه
سلامات يا ابو دعد
ان كنت تقصد بحديثك هذا حافظ حسين فعن نفسي ارفض هذا الحديث جملة وتفصيلا
لا يصح ان ترمي الناس بالمعصية او بالكفر او باي شي من هذا القبيل
ما دار بيني وبين حافظ حسين مجرد حوار واختلاف عادي في وجهات النظر ويجب ان يظل كذلك
تكفير الناس واتهامهم بالمعصية شي ما جميل ويعتبر نوع من انواع الهوس الديني
من يدري فمانراه نحن عاصي قد يكون اكثرنا قربا من الله
وفي النهاية يا ابو دعد صلاح وفساد العباد لا يعلمه الا الله

[مي هاشم]

من يدري فمانراه نحن عاصي قد يكون اكثرنا قربا من الله
وفي النهاية يا ابو دعد صلاح وفساد العباد لا يعلمه الا الله

سلام للكل..
ده أعظم كلام أقراه اليوم ...

[حافظ حسين]

الارهاب وتعمد تخريب البوست يا حافظ ما حل
انا ما عندي مشكلة في انو البوست دا حسب وجهة نظرك خربان ومطلوق في الهواء
دا رايك والمفروض احترمو ليك واناقشك فيهو كمان
بس يا ريت تجي توضح لي وللقراء وين الخراب عشان اصلحو
و وين الكلام المطلوق عشان اراجعو واستفيد
انا جيتك في البوست بتاعك بهناك وانتقدت البوست بتاعك لاسباب محددة وضحتها ليك في البوست --- يعني ما جيتك عشان اخربو ليك --- تخريب البوستات دا كارهاهو عند علا الدين يوسف في سودانيز اونلاين


بالنسبة للمراجع فنصيحتي ليك اتخلص من العقلية النمطية البتخليك ما تقبل كلام الا يتكتب من ناس محددين
اتعود تقبل اي كلام وخلي الفيصل مخك وتفكيرك
ويا زول طالما انت مصر على المراجع هاك شوف كلام ناس الموسوعة الحرة (وكيبيديا) وحتلقى تحت الكلام مجموعة روابط بتوديك للمراجع
http://ar.wikipedia.org/wiki/هوس

ايوا كدا تمام و ماشة كويس يا دكتورة جبتي لينا ويكبيديا و دي خطوة للأمام شديد
أما نصيحتك الطلعها السيد بابكر عباس أخوية دي , النصايح و الله ما بنابها و كما ورد في الأثر نصف رأيك عند أخيك/أختك (أختك دي ما وردت في النص لكن لزوم جندرة و كدا).
لكن أقول ليك و الله كنت ما بسألك من أي مراجع لو كتبتي خواطر يومية, أو سيرتك الزاتية , لكن وقت تجيبي تنظير متكامل لموضوع زي الهوس قطع شك بسألك عن مراجعك و بحاسب علي الفالدتي بتاعها و بقيمها .....

يا نهلة زول يجي يقول ليك جيبي لينا مراجع تجي تقول ليه خليك منفتح و ما تنمط نفسك بقراية لناس محددين, يا خي دا كلام شنو , و الله لا منمط نفسي علي ناس محددين لا حاجة بقرأ من طرف بدليل إني بقرأ ليك إنتي و بابكر عباس ذاته.

المهم دي أخر لي مداخلة في هذا الخيط المنوط به إجتثاث الهوس من المجتمع , لكن بقرأ ساي من منازلهم .... بس ما في ضمان لو أتكتب أي كلام مطلوق ساي بتداخل...

[قيقراوي]

سلامات يا ابو دعد
ان كنت تقصد بحديثك هذا حافظ حسين فعن نفسي ارفض هذا الحديث جملة وتفصيلا
لا يصح ان ترمي الناس بالمعصية او بالكفر او باي شي من هذا القبيل
ما دار بيني وبين حافظ حسين مجرد حوار واختلاف عادي في وجهات النظر ويجب ان يظل كذلك
تكفير الناس واتهامهم بالمعصية شي ما جميل ويعتبر نوع من انواع الهوس الديني
من يدري فمانراه نحن عاصي قد يكون اكثرنا قربا من الله
وفي النهاية يا ابو دعد صلاح وفساد العباد لا يعلمه الا الله


المافي شنو هو!؟

انحناءة تليق يا سيدتي

و انها تحية مستحقة - و ليتها تليق - يا حافظ
اتمنى الا تحسبها نكاية





----

و بالجد فكر في المداخلة السابقة للاستاذة نهلة جيداً ..
التمنيط و العقلية النمطية آفة عديييل كدا ..
و بوستك الموسوم بـ قيقراوي يا جابر الخواطر (http://sudanyat.org/vb/showthread.php?p=392242&posted=1#post392242) دا زاتو داخل في باب التنميط بالمناسبة السعيدة دي!:D
شفت كيف!؟
يعني عشان ابديت رائي في مسألة البوست دا، طوالي كرفستني ، و حشرتني في كرتونة ( مسلمي جبر الخواطر) بدون ما تستتيبني ذاتو!:D
يا زول!؟
هو انت قايل ( الهوس ) دا كيفنو اول!؟:p

ياخ انا ما كرهني قولة ( شيوعي ) دي الا المهووسين دينياً ديل!
الواحد لمن تقول ليو انا شيوعي، طوالي ملامحو تتغير لوش الشفقة عليك و بئيس مصيرك ..
لأنو في عقل بالو طوالي بكون قتح ليو جنة و نار قطاع خاص .. تخصه تماماً
و أقام نفسو في مقام ليس مخصصاً لبشري، و حكم عليك بحشرك في نار خيالو دي!
يا للهول!! .. هذا لا يطاق! ( او كما قال في مسلسل الاطفال )
الرهيب لو كان ( كوز ) عدييييل ( قاتل و سارق ، و مغتصب محصنات، او على اقل تقدير مؤيد للظلم ) و يدخل نفسو الجنة و انت يكبك في لظى و جحيم من صنع خيالو المهووس!!
فتأمل .. و تجهم..
و ادي ربك العجب!

يا مهووسي الدين تعالوا الى كلمة سواءاً بيننا الا نعبد إلا الله
و ندين له بكامل الربوبية .. و كفوا عن التأله علينا ..
الاله الواحد الذي حرّم الظلم على نفسه .. وحده لا شريك له ..

الدين لله و الوطن للجميع
فكفوا عما انتم فيه من غي!
يرحمكم و يرحمنا الله

[الرشيد اسماعيل محمود]

هو انت قايل ( الهوس ) دا كيفنو اول!؟:p
ياخ انا ما كرهني قولة ( شيوعي ) دي الا المهووسين دينياً ديل!
الواحد لمن تقول ليو انا شيوعي، طوالي ملامحو تتغير لوش الشفقة عليك و بئيس مصيرك ..
لأنو في عقل بالو طوالي بكون قتح ليو جنة و نار قطاع خاص .. تخصه تماماً
و أقام نفسو في مقام ليس مخصصاً لبشري، و حكم عليك بحشرك في نار خيالو دي!
يا للهول!! .. هذا لا يطاق! ( او كما قال في مسلسل الاطفال )
الرهيب لو كان ( كوز ) عدييييل ( قاتل و سارق ، و مغتصب محصنات، او على اقل تقدير مؤيد للظلم ) و يدخل نفسو الجنة و انت يكبك في لظى و جحيم من صنع خيالو المهووس!!
فتأمل .. و تجهم..
و ادي ربك العجب!
يا مهووسي الدين تعالوا الى كلمة سواءاً بيننا الا نعبد إلا الله
و ندين له بكامل الربوبية .. و كفوا عن التأله علينا ..
الاله الواحد الذي حرّم الظلم على نفسه .. وحده لا شريك له ..
الدين لله و الوطن للجميع
فكفوا عما انتم فيه من غي!
يرحمكم و يرحمنا الله
مداخلة تستحق وسام الإمتياز..
تحيّة تليق يا قيقا..

[أبوبكر عباس]

مداخلة تستحق وسام الإمتياز..
تحيّة تليق يا قيقا..
يا أخي قيقراوي دا من جا سودانيات وساب روابط المعجبات مكرها، بقى مثقف جدا

[قيقراوي]

يا أخي قيقراوي دا من جا سودانيات وساب روابط المعجبات مكرها، بقى مثقف جدا

لوووووووب

الجرذان لا تستطيع مقاومة قطعة الجبنة
مقولة لاكبر مهووس لا دينيlooool

تاني لوووووووووووووب
وين ياااا!؟:D

مناهل إبراهيم .. أُغنية الوطن الجميلة، التي تملأك فأل (http://174.36.244.211/cgi-bin/sdb/2bb.cgi?seq=msg&board=340&msg=1309617288)

الليلة بهناك من ن ن ن ن الصباح:D



-------

الرشيد يا رشيد
بالجد كلام الرويعي دا ما تديهو البحر ..

الجمال هنا دا اصلن ..
سودانيات .. وطن الجمال

الم تسمع المقولة الشائعة :
الجمال موجود في كل مكان ... لكن الجمال الاصلي في السودان

و لسة على وعدي لسماح الكون المتجسد في انسان ..
بسفر " أنسنة الاسماء "
فمحسن، محسن و مجوّد ..
و الرشيدُ، رشيد

شفت كيف؟

[طارق صديق كانديك]

هو انت قايل ( الهوس ) دا كيفنو اول!؟:p

ياخ انا ما كرهني قولة ( شيوعي ) دي الا المهووسين دينياً ديل!
الواحد لمن تقول ليو انا شيوعي، طوالي ملامحو تتغير لوش الشفقة عليك و بئيس مصيرك ..
لأنو في عقل بالو طوالي بكون قتح ليو جنة و نار قطاع خاص .. تخصه تماماً
و أقام نفسو في مقام ليس مخصصاً لبشري، و حكم عليك بحشرك في نار خيالو دي!
يا للهول!! .. هذا لا يطاق! ( او كما قال في مسلسل الاطفال )
الرهيب لو كان ( كوز ) عدييييل ( قاتل و سارق ، و مغتصب محصنات، او على اقل تقدير مؤيد للظلم ) و يدخل نفسو الجنة و انت يكبك في لظى و جحيم من صنع خيالو المهووس!!
فتأمل .. و تجهم..
و ادي ربك العجب!

يا مهووسي الدين تعالوا الى كلمة سواءاً بيننا الا نعبد إلا الله
و ندين له بكامل الربوبية .. و كفوا عن التأله علينا ..
الاله الواحد الذي حرّم الظلم على نفسه .. وحده لا شريك له ..

الدين لله و الوطن للجميع
فكفوا عما انتم فيه من غي!
يرحمكم و يرحمنا الله

متعك الله بالحكمة .. !!

شكرا ياقيقراوي فهذا الحديث غشيته الحكمة من بين يديه وكان المنطق من خلفه .. !!


تحياتي واحترامي