ربط شهر رمضان بالقمر غير مقنع..!!

[أبوبكر عباس]

أسماء الشهور العربية لها علاقة بفصول السنة (دوران الأرض حول الشمس) مثلا:
- رمضان له علاقة بشهور الصيف
- ربيع بالربيع
- جمادى بالشتاء
- شوال بتشول فوقو الناقة
و هكذا....

"فمن شهد منكم الشهر فليصمه"
موش ممكن يكون المطلوب مشاهدته دا نجم أو كوكب؟
منو القال "صوموا لرويته إفطروا لرؤيته"
مقصود بيها الهلال؟

قعدت مع شيخ عوض الكريم خير الله (الله يرحمو) في البطانة ست سنين، الرجل بيعرف العيين (من عينة) ال28 من غير ما يربطن بالتقويم الشمسي (الشهور)
- قال لي كل عينة 13 يوم ما عدا الجبهة 14 يوم
- بعد مدة قلت ليهو (في سري) لو دايرن نحسب بيهن، لابد كل أربعة سنوات نضيف لواحدة من العيين يوم زيادة و كل راس قرن برضو تزيدوا يوم لواحدة من العيين حتى لو ما كان العام بقبل القسمة على أربعة، مثلا شهر فبراير سنة 1900 كان 29 يوم.

السنة الشمسية =365.2564

المهم نرجع للموضوع الاساسي:
الشهور العربية دي بتكون كانت قبل الاسلام زيها و زي العيين دي و مربوطة بالنجوم و فصول السنة، أصلو البدو ديك بيكونوا عملوهاعشان يستفيدو منها في معيشتم

[أبوبكر عباس]

التقويم القمري دا غير مفيد و مُربك
أقترح إلغاء ربط الشهور العربية بالقمر
و إنشاء تقويم مرتبط بمسميات الشهور (الفصول)

[أبوبكر عباس]

حقو أرجع العنوان زي ما كان و أشيل كلمة بس برا
ربط شهر رمضان بالقمر بس.. غير مقنع!
ربط الشهر بالقمر غير مقنع
كلمة "بس" أضفتها كخط رجعة
لكن فكرت فيها تاني لقيتها غير مفيدة

بس

[سمراء]

مافى طريقة كلو كلو ياباباكر
رمضان ده جاى جاى ياصاحبى
اتكرب ساى وبطل الجرسة :D

كمان داير تغير لينا توقيتنا ؟؟!

[أبوبكر عباس]

مافى طريقة كلو كلو ياباباكر
رمضان ده جاى جاى ياصاحبى
اتكرب ساى وبطل الجرسة :D

كمان داير تغير لينا توقيتنا ؟؟!
جقيم موية الوضو قاعد

المزعلني انو مرات بصوموكم في الشتا
أنا بقترح رمضان
يكون في واحد من شهور الصيف بتاعة نجد و الحجاز

تحياتي يا سمرا

[نبراس السيد الدمرداش]

قبيل قلت افقدك في بوست هيثم الشفيع
وقلت اكيد مختفي ليك يومين فوق راي
بس ما قايلاهو قدر تغيير التوقيت و ربط الاشهر بالقمر

مبدئيا كدا رمضان كريم

[أبوبكر عباس]

قبيل قلت افقدك في بوست هيثم الشفيع
وقلت اكيد مختفي ليك يومين فوق راي
بس ما قايلاهو قدر تغيير التوقيت و ربط الاشهر بالقمر

مبدئيا كدا رمضان كريم
هسع يا نبراس أنا داخل ليكم واسطة و بخلي ليكم رمضان دا في محلو، تسعا وعشرين يوم أو تلاتين
لكن إحتمال كبير يكون رمضان دا زمان كان أكتر من كدا
و يمكن كلام محسن يكون صاح و اللغة دي مرقت من السودان و يكون إسم قصير بتاع شعبان دا حقيقي، و ما ليهو علاقة بعواسة الآبري و ضيق الوكت.

قصرت معاكم؟

[فتحي مسعد حنفي]

يابابكر رأيك شنو في تحديد بداية ونهاية شهر رمضان بالنظام الفلكي أي متي يولد هلال الشهر فلكيا..طبعا علم الفلك علم دقيق جدا لدرجة انو حالات الكسوف والخسوف تحدد بالثانية قبل حدوثها بشهور أو أكثر يعني مافي مجال للخطأ..
حكاية صوموا لرؤيته وافطروا لرؤيته في رأيي ليس مقصود بها رؤية العين والا لما صام قاطني القطب الشمالي أو الجنوبي الذين تنعدم الرؤية عندهم لأكثر من ستة أشهر في السنة ولا مجال لرؤية هلال ولا مريخ..
السؤال هنا لماذا لا يحدد أول رمضان فلكيا ويعمم علي كل الدول حتي يصوم كل البشر في نفس الوقت وكذلك يفطروا في نفس الوقت..
عندما كنت طالبا في أوروبا كانت الشمس في الصيف تغرب بعد العاشرة مساء وهذا يعني ان الصيام مشكلة للصائمين وأنا ما كنت منهم الزمن داك..المهم هناك من أفتي بافطار الصائمين مع افطار أقرب دولة مسلمة وكانت تركيا.يعني الناس يفطروا والشمس طالعة ودا معناه ان هناك ظروف نخالف فيها النص الصريح..

[أبوبكر عباس]

يابابكر رأيك شنو في تحديد بداية ونهاية شهر رمضان بالنظام الفلكي أي متي يولد هلال الشهر فلكيا..طبعا علم الفلك علم دقيق جدا لدرجة انو حالات الكسوف والخسوف تحدد بالثانية قبل حدوثها بشهور أو أكثر يعني مافي مجال للخطأ....و الله يا فتحي ما دام ما داير تاخد بالرأي الفقهي بتاعي، بعدم ربط رمضان بالقمر من أساسو،

ما عندي مانع بوافق على تحديد بداية و نهاية رمضان حسب الحساب الفلكي,

برضو دي خطوة لإدخال العقلنة في الدين

[رأفت ميلاد]

تعرف يا بابكر أنا أسمى هنا سليمان .. بالأسم التالت بإعتبارو أسم العائلة .. المنظمات والجاليات المسلمة .. بلموا التبرعات من دليل التلفون .. مثلاً أى واحد أسمو (سليمان) يتصلوا بيهو .. جاتنى خطابات بالفرنساوى والأردو والفارسى ياما .. ده غير التلفونات ..

هسة بديت ليك فى رد أبن ستين كلب .. قبال ما أرسلو جرس التلفون ضرب

أنا: سليمان
المتصل: السلام عليكم
أنا: عليكم السلام ورحمة الله (عرفت الفولة من اللهجة الباكستانية وصرت جاهز)
المتصل: هالو برزر
أنا: هاى
وى آر كوران ...
أنا: آى آم كرستيان
ألمتصل: أوكى سانك يو سو متش
أنا: تشاو
رجعت لقيت ردى فى الكمبيوتر .. قلت ياخ أنا مالى .. وباكر ده زاتو مالو :D:D:D

[azzam_farah]

بابِكر عباس
كيف حالك؟ علك طَيِب


"فمن شهد منكم الشهر فليصمه"
ما ممكن يكون المطلوب مشاهدته دا نجم أو كوكب؟
مُمْكِن، لأن إعْتِماد "الشهر القمري" كان وِفْقًا لِقَول الله تعالى <يَسْأَلُونَكَ عَنِ الأهِلَّةِ قُلْ هِيَ مَوَاقِيتُ لِلنَّاسِ وَالْحَجِّ...> البقرة 189

ولو إعْتمد الناس "الشمس" ما حيكون في عدل.. لأن حيجي رمضان مثلاً لِلسودان في شهر مايو طواااالي وده حرام.. لكِن "القمر" بخلي رمضان، مرة يجي في مايو (الحر) ومرة في يوليو (الخريف) ومرة في نوفمبِر (الشتاء)

وده تَوقيت منطِقي، لأن القمر عِندو أطوار، هي المراحل البِمُر بها القمر (http://sudanyat.org/wiki/%D8%A7%D9%84%D9%82%D9%85%D8%B1) فيتغير شكله المرئي من مرحلة الهلال (http://sudanyat.org/wiki/%D8%A7%D9%84%D9%87%D9%84%D8%A7%D9%84) مرورًا بالبدر (http://sudanyat.org/wiki/%D8%A8%D8%AF%D8%B1) ثم ينتهي بالمحاق (http://sudanyat.org/wiki/%D9%85%D8%AD%D8%A7%D9%82)، وده من دوران القمر حول الأرض (http://sudanyat.org/wiki/%D8%A3%D8%B1%D8%B6). (أنظر المُرفقات أدناه)

أها الشمِس دي نحسِب ليها كيف وهي -أي الشمس- تظهر وتختفي بِدون إحم ولا دسْتور ما ياهو شروق وأصيل وغروب، دي هسِع بصوم بيها كيفِن عاد
ــــــــــــــــــــــ
منو القال "صوموا لرويته إفطروا لرؤيته" مقصود بيها الهلال؟
القال كِده الرسول (ص)، عن أبي هُرَيرة أن النبي (ص) قال:[صوموا لِرؤيتِهِ، وأفْطروا لِرؤيتِهِ، فإن غَبي علَيكُم فأكْمِلوا عِدة شعبان ثلاثين] مُتفق علَيهِ/اللؤلؤ والمرجان-656

وعن ابن عُمر أن الرسول (ص) ذكر رمضان فقال:[لا تصوموا حتى تروا الهلال، ولا تفطروا حتى تروه، فإن غُمّ علَيكُم فاقدروا لهُ] اللؤلؤ والمرجان-653

ــــــــــــــــــــــــــــــــ
العينة: منازِل نزول الأمطار وفيضان النيل وهذه المنازِل هي:
(1) الذراع (الضُراع) 12 يوليو.
(2) النترة 26 يوليو.
(3) الطرفة 9 أغُسْطُس.
(4) الجبهة 23 أغُسْطُس.
(5) الخرتان 4 سبْتمبِر.
(6) الصرفة 17 سبْتمبِر.

(7) العواء 30 سبْتمبِر.
(8) السماك 13 إكْتوبر.
المصدر: قاموس اللهجة العامية في السودانمص 689/عمود1/سطر16

[أبوبكر عباس]

لأن إعْتِماد "الشهر القمري" كان وِفْقًا لِقَول الله تعالى <يَسْأَلُونَكَ عَنِ الأهِلَّةِ قُلْ هِيَ مَوَاقِيتُ لِلنَّاسِ وَالْحَجِّ
عزامتحياتي يا عزام
هل الأهلة جمع هلال؟
ممكن الأهلة تعني مواقع النجوم حسب دوران الارض
وريني حسب الآية دي مواقيت الناس دي:
- بتاعة حصاد و تلقيح التمر
- بتاعة ولادة و تمريح إبلم
- مواقيت رحلتم للشام
لو المواقيت دي بقت بالشهور العربية الحالية ببقى ما عندها معنى غير لعبادتم الجديدة

بجي راجع لبقية المداخلة

[azzam_farah]

بابِكر عباس
كيف حالك؟ علك طَيِب

<يَسْأَلُونَكَ عَنِ الأهِلَّةِ قُلْ هِيَ مَوَاقِيتُ لِلنَّاسِ وَالْحَجِّ...> البقرة 189

هل الأهلة جمع هلال؟
نعم الأهِلَّةِ جمع هِلال. زي ما جا في لِسان العرب لإبن منظور [الهِلالُ: ج: أهِلَّة وأهالِيلُ]

والعرب لامِن سألو الرسول (ص) ما سألوهو بِالصيغة دي:
<يَسْأَلُونَكَ عَنِ الهِلال...>
<يَسْأَلُونَكَ عَنِ القمر...>
سألوهو عن <... الأهِلَّةِ ...> علشان كِده جات الإجابة عن سؤالُمْ:<يَسْأَلُونَكَ عَنِ الأهِلَّةِ...>

كانو بسْالو عن سبب التشكيلات البِظهر بيها القمر هِلالاً بعد هِلال، سببا شنو، مُش كانو بسألوهو عن الهِلال في رقبتو، لأنهُم شايفِنو، قِدامُمْ وظاهِر، كانو بِيسألو عن الحِكمة مِن تطَوُر القمر شنو.
ـــــــــــــــــــــــــــــــــ

وريني حسب الآية دي مواقيت الناس دي: - بتاعة حصاد و تلقيح التمر

البِتلقح النخل مو التمر، التمر ده نتاج عملِية التلقيح، المواقيت ما علشان الحصاد وتلقيح النخل، أو على الأقل ما علشان ديل بس.. جا في تفسير "تقريب القُرآن إلى الأذهان":
ولماذا لم يكن القمر كالشمس في الإنتظام ((قُلْ)) يارسول الله (صلّى الله عليه وآله وسلّم) في جوابهم ((هِيَ مَوَاقِيتُ)) جمع ميقات بمعنى الوقت والزمان ((لِلنَّاسِ)) في عبادتهم ومعاملاتهم ((وَ)) لـ ((الْحَجِّ)) فمن أقرض الى شهر أو باع ليقبض الثمن، أو يدفع الثمن بعد شهرين، أو أراد الصيام والإفطار
ـــــــــــــــــــــــــــــ
بتاعة ولادة و تمريح إبلم
ده إجراء ما دايِرلو قُرآن مُنزل.. الناقة وِكْتين يِزِح فصيلا (الحُوار) بِتبقى تِحت الفحل -يعني طالبه القُرب- وبِتقوم بتْسو خِصالا والجمل بِغريزْتو بِنْقاد لرغبتا.
ــــــــــــــــــــــــــــــ
مواقيت رحلتم للشام
أوريك شنو يا حبيبنا!
رحْلة "الشِتاء" أكانت في الشِتاء!
رحلة "الصِيف" أكانت في الصَيف!
بس
يعني ما بِعاينو لِلقمر وأهِلتو لامِن يِدورو يِرْحلو.. ما بحْتاجو لِقمر ولا لشمس.. بدخل الشِتاء بِقبِلو على اليمن، يدخل الصيف يِقبِلو على الشام والرحلتين ديل بِقن مِن قُبال عام الفيل.

إنت الظاهِر عليك يا خوي ماك صايِم ها السنة! أنْوي السفر وعَوِض بأيامٍ أُخر.. ومُمْكِن العَوض يِكون بإنك تصوم كل خميس وعندك في السنة قريب الـ48 خميس.. بس ما يدخُل عليك رمضان الجاي يِلقاك مو مُعَوِض..

[أبوبكر عباس]

يَسْأَلُونَكَ عَنِ الأهِلَّةِ قُلْ هِيَ مَوَاقِيتُ لِلنَّاسِ وَالْحَجِّ...>البقرة 189
نعم الأهِلَّةِ جمع هِلال. زي ما جا في لِسان العرب لإبن منظور [الهِلالُ: ج: أهِلَّة وأهالِيلُ]


والعرب لامِن سألو الرسول (ص) ما سألوهو بِالصيغة دي:
<يَسْأَلُونَكَ عَنِ الهِلال...>
<يَسْأَلُونَكَ عَنِ القمر...>
سألوهو عن <... الأهِلَّةِ ...> يعني سبب التشكيلات البِظهر بيها القمر هِلالاً بعد هِلال، سببا شنو.
azzam
لو السؤال عن سبب التشكيلات بتاعة القمر
يبدو لي الإجابة بتاعة القرآن ما فيها جديد بالنسبة ليهم!
لانهم أكيد بيعرفوا انو الشهر ببدا بالهلال و بكبر مع الايام لحدي ما يبقى بدر ثم يبدا في التراجع مرة أخرى
و أكيد كانوا بحسبوا بيهو مواعيد الحج

السؤال الباني عليهو يا عزام أنا مرافعتي هو: أسماء الشهور العربية ليها علاقة بفصول السنة
البخلي رمضان دا مرة يجي في الصيف و مرة في الشتاء شنو؟
التوقيت القمري دا لازم تكون ماسك فيهو الحساب، عشان تعرف انت في ياتو شهر و ما أعتقد دا كان متوفر لناس كتار في الزمان داك
يعني مثلا العيين بتعرفها من مواقع النجوم في الفترة من المغرب لحدي الفجر

[azzam_farah]

لو السؤال عن سبب التشكيلات بتاعة القمر
يبدو لي الإجابة بتاعة القرآن ما فيها جديد بالنسبة ليهم!
لانهم أكيد بيعرفوا انو الشهر ببدا بالهلال و بكبر مع الايام لحدي ما يبقى بدر ثم يبدا في التراجع مرة أخرى

الجديد الفيها والكان ما عارفينو العرب، هو ليه القمر عندو ها التشكيلات، السبب شنو إنو القمر بيتطَور.. هُم طبعًا شايفنو، بس ما عارفين العِله.. القُرآن وراهُم العِله والما عارِف سبب الشي ما بمشي عليهو أو بمشي عليهو بنُقْصان، يعني ما بسْتفيد منو الفايدة التامة، أها القُرآن شرح ليهُم ليه القمر بتمرحل
ــــــــــــــــــــــــــــــــــ
السؤال الباني عليهو يا عزام أنا مرافعتي هو: أسماء الشهور العربية ليها علاقة بفصول السنة
أسماء الشهور العربية ليها علاقة بفصول السنة
على إطلاقِهِ غَير صحيح:
(01) مُحرم = وسمي بهذا الاسم لأنه أحد الاشارة الحرم التي حرم القتال فيها.

(02) صَفَر = أن ديار العرب كانت تصفر أي تخلو من اهلها للحرب. وقيل لأن العرب كانت تغير فيه على بلاد يقال لها الصفرية. وقيل : لترك العرب اعداءهم صفرا من الامتعة وقبل : لاصفرار مكة من اهلها.


(03) ربيع الأول = سميا بهذا الاسم في فصل الربيع وظهور العشب.

(04) ربيع الآخر = نفس ربيع الأول.

(05) جُمادى الأولى = جميع الاشهر العربية مذكرة إلا جمادى الاولى والاخرى. وكان جمادى الاولى يسمى قبل الاسلام بإسم جمادى خمسة، وسمي جمادى لوقوعه في الشتاء وقت التسمية حيث جمد الماء.

(06) جُمادى الأخرة = نفس جمادى الأولى.

(07) رجب = كان العرب في الجاهلية يعظمون هذا الشهر بترك القتال، ولا يستحلونه فيه. واسمه من رجب الشئ أي هابه وعظمه وقيل : رجب أي توقف عن القتال.


(08) شعبان = تشعبت القبائل في هذا الشهر ـ وقت التسمية ـ للاغارة بعد قعودها عنها في رجب. وقيل: يتفرق الناس فيه ويتشعبون طلبا للماء.

(09) رمضان = الرمض، والرمضاء هي شدة الحر ـ وقت التسمية ـ.

(10) شوال = ان الابل كانت تشول بأذنابها أي ترفعها وقت التسمية طلبا للاخصاب وقيل : لتشويل ألبان الابل، أي نقصانها وجفافها.

(11) ذو القعدة = ان العرب كانوا يقعدون فيه عن الاسفار. وقيل : قعودهم عن القتال لأنه من الاشهر الحرم.


(12) ذو الحجة = هو شهر الحج. وكان العرب قديما يقيمون فيه حجهم الى الكعبة.
ــــــــــــــــــــــــــــــــــ
السؤال الباني عليهو يا عزام أنا مرافعتي هو: أسماء الشهور العربية ليها علاقة بفصول السنة
البخلي رمضان دا مرة يجي في الصيف و مرة في الشتاء شنو؟


البخلي رمضان مره يجي في الصيف ومرة يجي في الشتاء، هو القمر.. يعني رمضان لو كان بتحسِب بِالشهر الشمسي، كان حيكون في السودان -مثلاً- في شهر مايو، عِز الصيف، وشهر مايو ده في مصر ربيع وفي سوريا خريف وفي لندن ربيع، حيظل الوضع كِده لغاية يوم القِيامة.. لكِن لأن رمضان بتحسِب بالقمري، مرة بيجيك في الصيف ومرة في الشتاء ومرة في الخريف ومرة في الربيع.
ـــــــــــــــــــــــــــــــ
التوقيت القمري دا لازم تكون ماسك فيهو الحساب، عشان تعرف انت في ياتو شهر و ما أعتقد دا كان متوفر لناس كتار في الزمان داك
إذن هو رأيك الشخصي في المَوضوع.. يُحْترم.. فقط لا يسْتنِد على دليل أو مرجع
ـــــــــــــــــــــــــــــــ
يعني مثلا العيين بتعرفها من مواقع النجوم في الفترة من المغرب لحدي الفجر
العينه ما ساعة يد، العينه فترة تمتد 13 يوم وفي عينه واحدة 14 يوم

[أبوبكر عباس]

(09) رمضان = الرمض، والرمضاء هي شدة الحر ـ وقت التسمية ـ.
AZZAM
عزام سلام
كأنك داير تقول لي انو العرب ديل قعدوا في واحدة من السنين (وقت التسمية) و أطلقوا الاسماء دي على الشهور العربية، و بعد عشر سنين قام رمضان البعني الرمض بقى يجي في الشتاء أو الربيع و خلوا التسميات دي على التسمية الأولى!
يا أخي نوع التسميات دي بتجي نتيجة ملاحظات عبر سنين طويلة و بعد داك بتقوم تثبت.

[أبوبكر عباس]

اليهود سألوا الرسول عن الأهلة
"بسألونك عن الأهلة"
دايرين يختبروا الرسول (ص)؟؟

الشهور العربية الاتناشر كانن موجودات قبل الاسلام
و الشهر حسب كلامك و الفهم السائد بيبدأ من ظهور الهلال و بستمر بمراحل القمر المختلفة لحدي ما يختفي و يظهر من جديد مع بداية الشهر التاني (29 - 30 يوم)

أها جات إجابة القرآن:
"هِيَ مَوَاقِيتُ لِلنَّاسِ وَالْحَجِّ"

الجديد الأضافو القرآن شنو؟

ما الناس كانت بتجي الحج في ذي الحجة و بتعرف لمان القمر يكتمل انو الشهر في منصفو و لمان يختفى معناها الشهر إنتهى (شغل بتاع سليقة)

إجابة القرآن دي عشان يكون فيها إعجاز لازم تكون جاوبت عن حاجة بيعرفوها قلة!

[azzam_farah]

بابِكر عباس
كيف حالك؟ علك طَيِب

كأنك داير تقول لي انو العرب ديل قعدوا في واحدة من السنين (وقت التسمية) و أطلقوا الاسماء دي على الشهور العربية، و بعد عشر سنين قام رمضان البعني الرمض بقى يجي في الشتاء أو الربيع و خلوا التسميات دي على التسمية الأولى!


نعم ده معنى [وقت التسمِية]. زي ما الواحِد فينا يعشي البايتات ويقشْقِش الدمعة، تقوم القبيلة تسميهو [الفنجري] يِقوم يِتْعولق، برضو حيكون لقبو ساري فيهو [الفنجري] والناس حتقول: [والله الفنجري ده زول عولاق خلاس].. بس في النِهاية بِقى إسمو [الفنجري] لِوقت التسمِية. وأسماء الشهور العربِية الحالِية، لم تكُن كما هي عِند العرب قبل الإسلام، كانت بِمُسمَيات أُخرى.
ــــــــــــــــــــــــــ

يا أخي نوع التسميات دي بتجي نتيجة ملاحظات عبر سنين طويلة و بعد داك بتقوم تثبت.


وإثْباتًا لِكلامك ده، أنا نزلت معاني الشهور العربية ومُناسبة التسمِية، البتدُل على مُلاحظة السنين الطُوال.
ــــــــــــــــــــــــــ
اليهود سألوا الرسول عن الأهلة

"بسألونك عن الأهلة"
دايرين يختبروا الرسول (ص)؟؟





سَندك شنو إنو اليهود هُمْ السألو الرسول (ص)؟
ـــــــــــــــــــــــــ
أها جات إجابة القرآن:

"هِيَ مَوَاقِيتُ لِلنَّاسِ وَالْحَجِّ"

الجديد الأضافو القرآن شنو؟




ما برضو العرب كانو عارفين إنو القتل والزنا والوأد، أعمال غَير صالِحة، وجا القُرآن قال ليهُم دي أعمال غَير صالِحة.. أها الجديد شنو يعني؟

مُعظم آيات الأخلاق الوارِد في القُرآن الكريم، يقِرُها عقل ما قبل الإسلام ومُدرجة في كُل أدبِيات الحضارات القديمة.

ولو إعْتمدنا كلامك البقول إنو اليهود هُمْ السألو الرسول (ص) الإقْتِباس أدناه:

اليهود سألوا الرسول عن الأهلة


هل بِكون الرسول (ص) في نظرك نجح ولا ما نجح في الإخْتِبار؟!

"بسألونك عن الأهلة"
دايرين يختبروا الرسول (ص)؟؟


ــــــــــــــــــــــــــ

ما الناس كانت بتجي الحج في ذي الحجة و بتعرف لمان القمر يكتمل انو الشهر في منصفو و لمان يختفى معناها الشهر إنتهى (شغل بتاع سليقة)


<يَسْأَلُونَكَ عَنِ الأهِلَّةِ قُلْ هِيَ مَوَاقِيتُ لِلنَّاسِ وَالْحَجِّ...> البقرة 189
سندك شنو إنو الناس كانت قبل الإسلام بتجي الحج في ذو الحجة؟
ـــــــــــــــــــــــــ
الدين الإسلامي ده، طالما إنو المُسْلِمين مؤمنين إنو بنفع لِكُل زمانٍ ومكان، لابُد مِن إنو يعرفوا، إنو في آيات تاريخِية، يعني إنتهى مفعولا بِتطَوُر الوقت، وفي آيات خاصة لِوقْتِهِمْ الذي يحيون فيهِ، وفي آيات مُسْتقبلِية لِغَير وقْتِهِم، مثلاً عِندما نزلت <... انشَقَّ الْقَمَرُ...> القمر 1 دي لو سأل عنها صحابي الرسول (ص) عن انْشِقاق القمر، ظني لو الرسول (ص) شرحا ليهو، الصحابي ده يا زول، بمرُق مِن المِله مره واحدة، لأن شرح الآية دي حقت عصري أنا ده، لتُبْهِرُني وتُعْجِزُني، وأصبح في عَين اليقين لامِن وِكالة ناسا أثبتت إنو القمر ذات يَوم انشق.. نفس الحِكاية مع كلِمة مَوَاقِيتُ نفهما حسب حاجتنا ليها وبس.. بكرة بتظهر مَوَاقِيتُ تانِية أو بتكون بِفهم تاني أو مُتَوسِع وبتصبِح حينها في عِداد المُعجِزة الإنت طلبتها مِن الآية.

إجابة القرآن دي عشان يكون فيها إعجاز لازم تكون جاوبت عن حاجة بيعرفوها قلة!