برنامج أغاني وأغاني يمنع الصلاة

[اروي حامد عبد الله حامد]

تتجه وزارة التوجيه والاوقاف بولاية الخرطوم لإصدار بيان حول برنامج " اغاني واغاني" الذي يبث في رمضان في قناة النيل الأزرق وقال الأمين العام لمجلس الدعوة بالوزارة د. صلاح الدين عوض في مؤتمر صحفي عقده امس ان البرنامج يمنع أداء الصلاة في مواعيدها معلنا إكتمال كافة الاستعدادت لانطلاقة برامج اللجنة العليا لشهر رمضان المعظم مشيرا لانتهاء ترتيبات لافطارات في المستشفيات والسجون ومجمعات الطلاب الوافدين وبرامج مصاحبة مع ديوان الزكاة لتوزيع كرتونة الصائم


صحيفة الوان الصادرة صباح اليوم 26/7/2011م

[اروي حامد عبد الله حامد]

برنامج يمنع الصلاة

كثرة في الاونة الأخيرة التشريعات والفتاوي من قبل وزارة التوجيه والاوقاف ومن مجلس الافتاء السوداني في شتي ضروب الحياة ولكن معظمها الأكبر تخدم بعض الأغراض

[مهند الخطيب]

عادي ...... ممكن يدخل تحت فقه المرحلة ...

لكن الاقرب لي يكون الجماعة ديل عندهم مشكلة مع mtn الشركة الراعية بس....

التنابلة ....

[آيات]

تتجه وزارة التوجيه والاوقاف بولاية الخرطوم لإصدار بيان حول برنامج " اغاني واغاني" الذي يبث في رمضان في قناة النيل الأزرق وقال الأمين العام لمجلس الدعوة بالوزارة د. صلاح الدين عوض في مؤتمر صحفي عقده امس ان البرنامج يمنع أداء الصلاة في مواعيدها معلنا إكتمال كافة الاستعدادت لانطلاقة برامج اللجنة العليا لشهر رمضان المعظم مشيرا لانتهاء ترتيبات لافطارات في المستشفيات والسجون ومجمعات الطلاب الوافدين وبرامج مصاحبة مع ديوان الزكاة لتوزيع كرتونة الصائم


صحيفة الوان الصادرة صباح اليوم 26/7/2011م

أروى .. كيفك
قد قال عثمان بشرى يوماً لصديقتي :من أروى تشرب ماتروى
هسي مع أسمك ده كيف في رمضان ؟؟:D
وفعلاً .. في رأي أن هذا الوقت غير مناسب .. يعني قبل ماتكمل فطورك .. تلقى البرنامج بدأ .. يعني آولو فطور .. وآخرو تراويح .. والإ تحضر الإعادة مع السحور
يبدو لي أن تغيير زمن البرنامج مهم ..ومرات الواحد بكون فاطر بره او معاه ناس .. يعني بعد التراويح مناسب جدا
ياربي البيان ده فيه شنو ؟؟ غايتو كان وقفوه الترابة في خشمنا:eek:
تصومي وتفطري على خير

[آيات]

التنابلة ....
:D:D

[عكــود]

سلام يا أروى،

صراحة مواعيدو ما مناسبة أبداً، خاصّة معانا هنا.
يبدأ مع بداية الإقامة تماماً، و ينتهي مع السلام عليكم لآخر ركعة تراويح.

ناس وزارة التوجيه و الأوقاف متابعين (ما شاء الله عليهم).

[اروي حامد عبد الله حامد]

عادي ...... ممكن يدخل تحت فقه المرحلة ...

لكن الاقرب لي يكون الجماعة ديل عندهم مشكلة مع mtn الشركة الراعية بس....

التنابلة ....

وكذلك فقه الضرورة للربا

ولكل فقهه والله يامهند دي شكلها بداية تطبيق الشريعة :D

[اروي حامد عبد الله حامد]

أروى .. كيفك
قد قال عثمان بشرى يوماً لصديقتي :من أروى تشرب ماتروى
هسي مع أسمك ده كيف في رمضان ؟؟:D
وفعلاً .. في رأي أن هذا الوقت غير مناسب .. يعني قبل ماتكمل فطورك .. تلقى البرنامج بدأ .. يعني آولو فطور .. وآخرو تراويح .. والإ تحضر الإعادة مع السحور
يبدو لي أن تغيير زمن البرنامج مهم ..ومرات الواحد بكون فاطر بره او معاه ناس .. يعني بعد التراويح مناسب جدا
ياربي البيان ده فيه شنو ؟؟ غايتو كان وقفوه الترابة في خشمنا:eek:
تصومي وتفطري على خير

ايات سلامات
اسمي في رمضان الماعايز يناديني بناديني looool

مامشكلة في الوقت يا ايات ممكن عادي يعيدوا برمجته لكن كان الحديث في الآونة الأخيرة عن فكرة البرنامج وكثرة الاتهامات لمقدمه بكمية من التهم وآخرها انو الناس في عمره دا بيحترموا نفسهم ويشوفوا ليهم مصلاية بس كل الاصابع تشير الي ايقافه نهائياً وليس لاعادة برمجة الزمن.
آيات ما لاحظتي لي ملصاقات MTN الفيها فرفور وعصام وطه ورماز وافراح الشعب :D رماز وافراح مغطيات بالسودا بمادة من جهة ما ولاحظتا الحاجة دي في كم دعاية تظهر وجه المرأة.

[اروي حامد عبد الله حامد]

سلام يا أروى،

صراحة مواعيدو ما مناسبة أبداً، خاصّة معانا هنا.
يبدأ مع بداية الإقامة تماماً، و ينتهي مع السلام عليكم لآخر ركعة تراويح.

ناس وزارة التوجيه و الأوقاف متابعين (ما شاء الله عليهم).



سلامات ياعكود

وبلحك مافضل فيه شوية :D

معاكم ياعكود بس ممكن تحضروا الإعادة غير كدا مافي حاجة اتخيل لي بتمنع الآنسان من أداء فريضته يعني معقول عشان اغنية ما امشي صلاة التراويح غير كدا في التلفزيون القومي من بعد رفع اذان المغرب تبدأ البرامج الترفيهية
اشمعني
تقريباً دا من انجح البرامج التي عملت علي جذب عدد كبير من المشاهدين داخل وخارج السودان في الآونة الأخيرة.
بس السؤال دي السنة الخامسة تقريباً للبرنامج ما كانت في ملاحظة للوقت ليه؟

[عكــود]

سلام تاني يا أروى،

ما هو عشان مافي حاجة بتمنع الزول يؤدّي فريضته، قلنا و قتو ما مناسب وإعادتو برضو وقتها ما مناسب، و البرنامج مشاهدينو كُتار، و زي ما قلتي من أنجح البرامج.
ممكن بشوية مضايرة يعملوهو في وقت مناسب، الناس تؤدّي الفريضة و تشوف البرنامج في وقت مريح. ليل رمضان ما طوييييل.
عدم الإحتجاج من زمان، بس ما لقينا فرصة نقول راينا في زمنو والله.
_____

البلح راااقد و الحمد لله،
الزوول ما وصّل لكم حقّكم المرسلو معاهو؟ looool

[wadosman]

_____

البلح راااقد و الحمد لله،
الزوول ما وصّل لكم حقّكم المرسلو معاهو؟ looool

ما يغشك يا اروى..looool
دا بلح عمن اول...بلح السنه دى ما مرق لسه
المرق بس المدين و المشرق ...:)

[جيجي]

النصيحة
النسكافي الب المواسير ومن دون سكر ماهم الناس
لكن اغاني واغاني دي المظاهرات قايمة قايمة

[عكــود]

ما يغشك يا اروى..looool
دا بلح عمن اول...بلح السنه دى ما مرق لسه
المرق بس المدين و المشرق ...:)هي أروى أسااااساً قاصدة الرُطب،
ناس مدين و مشرق . .
ما دام مرقَن عندكم،
أكرمها بكرتونة في قبايل رمضان ده
إن شاء الله ود لقّاي!

الرسّلتو مع الزوول، خُلاص و برحي. :D

[عبد الجليل سليمان]

المشكلة يا أروي انو وزير الإعلام - كمال عبيد – وبحسب الصحف- تعرض إلى ضغط شديد من قبل بعض المتشددين السلفيين– الذين طالبوه بإلغاء البرنامج، على خلفية ان عدد (الركع السجود) في صلاة التراويح أضحى في تناقص مستمر – بسبب البرنامج، والآن هنالك مداولات حول هل تغيرت مواعيده إلى ما بعد التراويح أم يلغي نهائياً ، وبالتالي أغاني وأغاني – لن يكون كعادته هاضماً – ليوم صوم وعمل عسير.
لكن عارفها يا أروى إنو السودانيين ديل لو عرفوا انو (صلاة التراويح) هي السبب الذي الغي بموجبه برنامجهم الرمضاني المفضل – قوة رأس سكت- ما في زول ح يمشي الجامع – زي ما قالت احدى الزميلات .

[عكــود]

ياخي بالميّت يأجلّولنا فقرة رماز ميرغني!
:D
___
غايتو لو لغوهو،
إحتمال كبير كراع الزوول التانية تتكسِر!

[سارة]

ياخي بالميّت يأجلّولنا فقرة رماز ميرغني!
:D
___
غايتو لو لغوهو،
إحتمال كبير كراع الزوول التانية تتكسِر!


:D:D:D
غايتو انا شمتانة من هسى لو منعوا البرنامج

يعنى برانا نموت بعدم الشوف السواسية مطلوبة خاصة فى رمضان:p

أروى تشرب ما تروى على قول ايات كيفنك ياخ

[طارق صديق كانديك]

ياخي بالميّت يأجلّولنا فقرة رماز ميرغني!
:D
___
غايتو لو لغوهو،
إحتمال كبير كراع الزوول التانية تتكسِر!

:D:D

---
والله لو أجلوه بكونوا عصروا على كتيرين .. واحتمال يخشوا مرحلة كسير الكرعين دي :)

[طارق صديق كانديك]

أروى كيف حالك وضيوفك ..

أكيد وراء هذا القرار المتوقع ماوراءه .. هذا البرنامج مستمر في ذات الوقت منذ سنين وهذا الضمير المؤمن الذي استيقظ فجأة لابد له من محرك آخر .. !!

على العموم تقاطعت مصالحنا ( كمشاهدين) مع كلام الوزاره .. فعلا زمنو مجهجنا يعلم الله ... !!

تحياتي

[سمراء]

رمضان ده اشمعنى الناس فوقو بتتهافت على التلفزيون ؟
ياخ المفروض التلفزيون ده زاتو يأجزو ليه فى رمضان :D
هو فوقو شنو زاتو !

حتى ناس الاخبار ، والاخبار زاته التأجز ..مالو !؟

يخلونا نشوف شعائرنا الدينية بدون شوشرة ومحقة بندويدث زاتو:D

حاتقولو ايه العلاقة بين رمضان والباندويدث ..صاح ؟
ايواااااااا
لانو حاتحضرو البرنامج بالليل وتجى تقدونا بيهو بالنهار هنا !:D:D

__________
معاً من اجل بيع اجهزة التلفزيونات تضامنا مع وجيدة الشديدة :D

[آيات]

ايات سلامات
اسمي في رمضان الماعايز يناديني بناديني looool

مامشكلة في الوقت يا ايات ممكن عادي يعيدوا برمجته لكن كان الحديث في الآونة الأخيرة عن فكرة البرنامج وكثرة الاتهامات لمقدمه بكمية من التهم وآخرها انو الناس في عمره دا بيحترموا نفسهم ويشوفوا ليهم مصلاية بس كل الاصابع تشير الي ايقافه نهائياً وليس لاعادة برمجة الزمن.
آيات ما لاحظتي لي ملصاقات MTN الفيها فرفور وعصام وطه ورماز وافراح الشعب :D رماز وافراح مغطيات بالسودا بمادة من جهة ما ولاحظتا الحاجة دي في كم دعاية تظهر وجه المرأة.

لكن يااروى .. إذا كان المشكلة ليست الزمن !!- (فعنوان البوست هو برنامج أغاني وأغاني يمنع الصلاة !!!


وفعلاً ياأروى مقدم البرنامج قد تعرض لهجوم شديد من أئمة المساجد ..منذ رمضان الماضي .. وقد تحدث عنه أمام مسجد الصحافة .. أن هذا لرجلٍ على حافة القبر .. فماذا دهاه يجمع الصبية ..ويتغني ويبهدل في روحو ..
هههه فرد عليه ..على ماأذكر كمال ترباس .. بأن نحن جلال الصحافة عندنا فيهو راي.. (هههه شوفي ده كمان )
وفعلاً لاحظت على إعلانات MTN تعتيم باللون الأسود..والشوارع تعج بالإعلانات المصورة والملئ بالنساء.. أعادني ذلك إلى فترة الطيب مصطفى في التلفزيون القومي .. وإيقاف المجلات الخارجية ..والسواد الذي كان يظلل ماتردنا منها خفيةَ.
.

[آيات]

ياخي بالميّت يأجلّولنا فقرة رماز ميرغني!
:D
___
غايتو لو لغوهو،
إحتمال كبير كراع الزوول التانية تتكسِر!

هههههه بمالناسبة دي ويين .. الباش معتصم وعبد الله وداعة

انا غايتو كان أجلو لي شريف الفحيل وفرفور يكونو ماقصروا

[اروي حامد عبد الله حامد]

سلام تاني يا أروى،

ما هو عشان مافي حاجة بتمنع الزول يؤدّي فريضته، قلنا و قتو ما مناسب وإعادتو برضو وقتها ما مناسب، و البرنامج مشاهدينو كُتار، و زي ما قلتي من أنجح البرامج.
ممكن بشوية مضايرة يعملوهو في وقت مناسب، الناس تؤدّي الفريضة و تشوف البرنامج في وقت مريح. ليل رمضان ما طوييييل.
عدم الإحتجاج من زمان، بس ما لقينا فرصة نقول راينا في زمنو والله.
_____

البلح راااقد و الحمد لله،
الزوول ما وصّل لكم حقّكم المرسلو معاهو؟ looool

عكودنا والله انتو احتجوا ساكت العوجة مابتجينا بس احتجاج وزارة التوجيه والاوقاف حتوقف لينا البرنامج :D

ياخ هو الزوول رجلو جبرت مايكون بلحنا راح في حق الله دا لما يصلنا بكون اتحور

[جيجي]

رمضان ده اشمعنى الناس فوقو بتتهافت على التلفزيون ؟
ياخ المفروض التلفزيون ده زاتو يأجزو ليه فى رمضان :D
هو فوقو شنو زاتو !

حتى ناس الاخبار ، والاخبار زاته التأجز ..مالو !؟

يخلونا نشوف شعائرنا الدينية بدون شوشرة ومحقة بندويدث زاتو:D

حاتقولو ايه العلاقة بين رمضان والباندويدث ..صاح ؟
ايواااااااا
لانو حاتحضرو البرنامج بالليل وتجى تقدونا بيهو بالنهار هنا !:D:D

__________
معاً من اجل بيع اجهزة التلفزيونات تضامنا مع وجيدة الشديدة :D

انا غايتواالدور دا معتكفة
ومن هسه عارضة التلفزيون واللابتوب للبيع
والموبايل
ونمرتوا

[سمراء]

اقتباس:
المشاركة الأصلية كتبت بواسطة جيجي http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=394990#post394990)
انا غايتواالدور دا معتكفة
ومن هسه عارضة التلفزيون واللابتوب للبيع


عليك الله شوفى لى معاك بيعة لى 2 جوز اولاد شواطين :D

[اروي حامد عبد الله حامد]

ما يغشك يا اروى..looool
دا بلح عمن اول...بلح السنه دى ما مرق لسه
المرق بس المدين و المشرق ...:)

لا لا عكود مابغشني يا ود عثمان
والبلح المرق من ذمته انا راضية بيه ;)


النصيحة
النسكافي الب المواسير ومن دون سكر ماهم الناس
لكن اغاني واغاني دي المظاهرات قايمة قايمة

غايتو يا جيجي السنة دي رفعو اسعار السكر
وقطعو الموية
ووقفو اغاني واغاني

رمضان السنة دي مسييييييييييييخ

[جيجي]

عليك الله شوفى لى معاك بيعة لى 2 جوز اولاد شواطين :Dكدا حتخربي علي السوق
غايتوا لو ما اتباعوا برسل ليك ميرغني سيد العدة:p

[اروي حامد عبد الله حامد]

المشكلة يا أروي انو وزير الإعلام - كمال عبيد – وبحسب الصحف- تعرض إلى ضغط شديد من قبل بعض المتشددين السلفيين– الذين طالبوه بإلغاء البرنامج، على خلفية ان عدد (الركع السجود) في صلاة التراويح أضحى في تناقص مستمر – بسبب البرنامج، والآن هنالك مداولات حول هل تغيرت مواعيده إلى ما بعد التراويح أم يلغي نهائياً ، وبالتالي أغاني وأغاني – لن يكون كعادته هاضماً – ليوم صوم وعمل عسير.
لكن عارفها يا أروى إنو السودانيين ديل لو عرفوا انو (صلاة التراويح) هي السبب الذي الغي بموجبه برنامجهم الرمضاني المفضل – قوة رأس سكت- ما في زول ح يمشي الجامع – زي ما قالت احدى الزميلات .

سلامات ياعبد الجليل

انا اساساً فكرة انو بيمنع الصلاة ما واقعة لي واضافة ليها كمان الركوع والسجود بقي في تناقص ، الضغوطات مستمرة من الجانبين يا عبد الجليل والدليل الفتاوي البي التفصيل علي حسب الحدث وكل يراعي مصلحته.

علي ما اعتقد انو ما كل السودانيين بيصلو التراويح وممكن عادي الناس تتجه لي برامج أخري يعني مابقت علي اغاني واغاني

[wageeda]

رمضان ده اشمعنى الناس فوقو بتتهافت على التلفزيون ؟
ياخ المفروض التلفزيون ده زاتو يأجزو ليه فى رمضان :D
هو فوقو شنو زاتو !

حتى ناس الاخبار ، والاخبار زاته التأجز ..مالو !؟
يخلونا نشوف شعائرنا الدينية بدون شوشرة ومحقة بندويدث زاتو:D

حاتقولو ايه العلاقة بين رمضان والباندويدث ..صاح ؟
ايواااااااا
لانو حاتحضرو البرنامج بالليل وتجى تقدونا بيهو بالنهار هنا !:D:D

__________
معاً من اجل بيع اجهزة التلفزيونات تضامنا مع وجيدة الشديدة :D



انا غايتواالدور دا معتكفة
ومن هسه عارضة التلفزيون واللابتوب للبيع
والموبايل
ونمرتوا[/QUOTE]

[QUOTE=سمراء;394991]عليك الله شوفى لى معاك بيعة لى 2 جوز اولاد شواطين :D





جيبهم لي يا سمرمر وجيجي في سوق الشمش
لاني بدور لي كوميشن :D:D:D

[اروي حامد عبد الله حامد]

ياخي بالميّت يأجلّولنا فقرة رماز ميرغني!
:D
___
غايتو لو لغوهو،
إحتمال كبير كراع الزوول التانية تتكسِر!

الليلة سجمنا
ياعكود لو ناس الفتاوي سمعوك بيقطعوا الارسال عدييييييييييييل looool

:D:D:D
غايتو انا شمتانة من هسى لو منعوا البرنامج

يعنى برانا نموت بعدم الشوف السواسية مطلوبة خاصة فى رمضان:p

أروى تشرب ما تروى على قول ايات كيفنك ياخ

خلاص يا سرورة اتواسينا ارتحتي انشاء الله
وجنس تسوية هي

بالجنبة كدا:-
يعلم الله شوق الشوق ورمضان عندك قائم ولا حيلغوه


:D:D

---
والله لو أجلوه بكونوا عصروا على كتيرين .. واحتمال يخشوا مرحلة كسير الكرعين دي :)

كانديك سلامات

كسير الكرعين هين بتجبر
لكن كسير القلوب جبارته شنو

[اروي حامد عبد الله حامد]

رمضان ده اشمعنى الناس فوقو بتتهافت على التلفزيون ؟
ياخ المفروض التلفزيون ده زاتو يأجزو ليه فى رمضان :D
هو فوقو شنو زاتو !

حتى ناس الاخبار ، والاخبار زاته التأجز ..مالو !؟

يخلونا نشوف شعائرنا الدينية بدون شوشرة ومحقة بندويدث زاتو:D

حاتقولو ايه العلاقة بين رمضان والباندويدث ..صاح ؟
ايواااااااا
لانو حاتحضرو البرنامج بالليل وتجى تقدونا بيهو بالنهار هنا !:D:D

__________
معاً من اجل بيع اجهزة التلفزيونات تضامنا مع وجيدة الشديدة :D



غايتو ياكنكلوشة الفيك اتعرفت
بما انك ماعندك زمن للتلفزيون وكدا ماتخلي الحقد الطبيقي بتاعك دا
انت عارفة ياسمرمر التلفزيون دا بيعين ناس كتاااااااااااااار علي الصيام
واكتر منهم علي نقض الصيام :D (ناس التكسير مثالاً)

فشنو العزمو شديد لا تلهيه الملهيات عن اقامة شعائره الدينية والفرائض وكسب الحسنات

واعانك الله وايانا علي ذلك

الهيئة العليا للدفاع عن التلفزيون looool:D

[جيجي]

الليلة سجمنا
ياعكود لو ناس الفتاوي سمعوك بيقطعوا الارسال عدييييييييييييل looool



خلاص يا سرورة اتواسينا ارتحتي انشاء الله
وجنس تسوية هي

بالجنبة كدا:-
يعلم الله شوق الشوق ورمضان عندك قائم ولا حيلغوه




كانديك سلامات

كسير الكرعين هين بتجبر
لكن كسير القلوب جبارته شنواول مرة اعرف انك مالضيضة
ياخ ديل بتتكسر كرعينهم بس

[اروي حامد عبد الله حامد]

لكن يااروى .. إذا كان المشكلة ليست الزمن !!- (فعنوان البوست هو برنامج أغاني وأغاني يمنع الصلاة !!!
.

يا ايات لو الزول عايز الحاجة بيلقي ليها بصارة لكن لما تقولي لي الحاجة دي بتمنع الصلاة معناها قطعتي لي الشك باليقين بالمنع ودا عنوان الخبر في الوان.

غايتو يا ايات قطعو لي ود البنا في راسي دا looool

[اروي حامد عبد الله حامد]

اول مرة اعرف انك مالضيضة
ياخ ديل بتتكسر كرعينهم بس

جيجوش خليهم زاتو الكسير في رمضان من مفطراته :D

[عبدالمنعم الطيب حسن]

الحكومة تصادر اي حاجة مفرحة
وتخفف على الشعب المسكين دا
اغاني واغاني
برنامج لطيف وترفيهي بامتياز
ليس هناك علاقة بين زمن الصلاة وهذا البرنامج
ولكنه التشدد
حضرت رمضان الماضي كله في السودان
نحضر جميعا البرنامج وبعد داك الماشي صلاة التراويح
يمشي والماعوز على كيفو
متين التراويح بقت فرض ؟
انه زمن الغلو
زمن التطرف
وزمن محاصرة كل ما يبهج الشعب ...
اتمنى عرض البرنامج في مواعيده ....
وسلام لسيدة البوست وكل المتداخلين/ات

[الأغبش]

الناس ديل مالم عايزين يجهجهونا ساكت ...
البرنامج زمنو معانا مية المية .. بعد الفطور وقبل التراويح ..
يعني ظابط مع مواعيد القهوة وأصبح جزء من طقوسها ..
تحضر آخر غنية وأنت متوضي :p ..
بعدين القناة اختارت الوقت ده لأنو وقت ذروة المشاهدة ..
لأنو بعد التراويح أي زول بمشي يشوف برنامجو شنو ..

الحكاية دي وراها التلفزيون القومي أكيد ... أو المغتربين :D

[طارق صديق كانديك]

تحضر آخر غنية وأنت متوضي :p ..

:D:D

إلا يستضيفوا ( قيقم) :)

[احمد سيداحمد]

:D:D

إلا يستضيفوا ( قيقم) :)
هو الزول ده وين يا طارق
لي سنين ما شفت وشو

[طارق صديق كانديك]

هو الزول ده وين يا طارق
لي سنين ما شفت وشو

صباحك خير يا اسمر

والله علمي علمك

[اروي حامد عبد الله حامد]

الحكومة تصادر اي حاجة مفرحة
وتخفف على الشعب المسكين دا
اغاني واغاني
برنامج لطيف وترفيهي بامتياز
ليس هناك علاقة بين زمن الصلاة وهذا البرنامج
ولكنه التشدد
حضرت رمضان الماضي كله في السودان
نحضر جميعا البرنامج وبعد داك الماشي صلاة التراويح
يمشي والماعوز على كيفو
متين التراويح بقت فرض ؟
انه زمن الغلو
زمن التطرف
وزمن محاصرة كل ما يبهج الشعب ...
اتمنى عرض البرنامج في مواعيده ....
وسلام لسيدة البوست وكل المتداخلين/ات

سلامات استاذ عبد المنعم

ذكرتني مقولة مهندس قال "لفيت العالم دا كلو لقيت في شعوب بتحقد علي حكومتها الا في السودان لقيت حكومة بتحقد علي الشعب" :D
انا زاتي مشيت راجعتا كنت قايلة التراويح فرض بي الفتاوي الماليها حد ولا عد
غايتو وسيلة الترفيه الوحيدة الفضلة لينا الكورة :D بكرة يقولو ملابسهم بتكشف العورة

[اروي حامد عبد الله حامد]

الناس ديل مالم عايزين يجهجهونا ساكت ...
البرنامج زمنو معانا مية المية .. بعد الفطور وقبل التراويح ..
يعني ظابط مع مواعيد القهوة وأصبح جزء من طقوسها ..
تحضر آخر غنية وأنت متوضي :p ..
بعدين القناة اختارت الوقت ده لأنو وقت ذروة المشاهدة ..
لأنو بعد التراويح أي زول بمشي يشوف برنامجو شنو ..

الحكاية دي وراها التلفزيون القومي أكيد ... أو المغتربين :D

اغبش وين اراضيك ولعلك بخير
كلامك سليم غايتو ناس الهيئة ديل الا كان بقدموا صلاة التراويح وكاد يكون البرنامج عصر عليهم
في اتجاه لي تغيير خارطة البرامج في التلفزيون القومي والاذاعات القومية بعد بث برامج تلهي المسلمين عن القيام بي عباداتهم وبث البرامج الترفيهيه بعد صلاة التراويح

غايتو يا الفوازير جاك زول

[اروي حامد عبد الله حامد]

:D:D

إلا يستضيفوا ( قيقم) :)

هو الزول ده وين يا طارق
لي سنين ما شفت وشو

اسمر يا اسمر وكانديك سلامات

والله كان استضافوا قيقم حيكون دا برنامج الرئيس المفضل :D

واذا سألتم عن الفنان قيقم هو موجود بس خلي الظهور في القنوات الرسمية ولسه شغال في افتتاحات الكباري والطرق ومتواجد بصورة دورية في سباق الخيل (امدرمان)

[بابكر مخير]

تتجه وزارة التوجيه والاوقاف بولاية الخرطوم لإصدار بيان حول برنامج " اغاني واغاني" الذي يبث في رمضان في قناة النيل الأزرق وقال الأمين العام لمجلس الدعوة بالوزارة د. صلاح الدين عوض في مؤتمر صحفي عقده امس ان البرنامج يمنع أداء الصلاة في مواعيدها معلنا إكتمال كافة الاستعدادت لانطلاقة برامج اللجنة العليا لشهر رمضان المعظم مشيرا لانتهاء ترتيبات لافطارات في المستشفيات والسجون ومجمعات الطلاب الوافدين وبرامج مصاحبة مع ديوان الزكاة لتوزيع كرتونة الصائم


صحيفة الوان الصادرة صباح اليوم 26/7/2011م

"الخمر" حاربوها بالصلاة خمسة مرات تشمل طوال اليوم..
دآ حيعملوا معاهو شنهو :confused::confused:
أوع يبطلوا ليهو :eek:

[منال]

"الخمر" حاربوها بالصلاة خمسة مرات تشمل طوال اليوم..
دآ حيعملوا معاهو شنهو :confused::confused:
أوع يبطلوا ليهو :eek:

هههههههههههههه
تعرف يا ابونا الضجة دى كلها بتوضح انو العلماء و ناس الاوقاف ديل
بتاعين غنا و جبجبه وسماعين و سمعهم سنين وما عايزين مواعيد البرنامج تفوتم يخشوا الجامع و يجوا
البرنامج منتظر مزاجهم العالى للاستماع لبرنامج خفيف على معدة الصائم بس متين؟
بعد مزاجم يحكم

أروينا يا اروينا
هسه البرنامج دايرلو بيان فى جمهورية السودان كلو ممكن