وعد المطر..

[سجمان]

الجو انكتم عقب النسايم انّقحن
والغيمات تقال من البروق انلقحن
الطين اليبس شقاقو يامن نقحن
اندهكن هُرب بي فد مطيرة انوقحن

أشلح يا برق قرّح سحابتك وفلّع
وكب المي دمير خل النبات متخلع
يا بوحميد اخوي قول للسديرو مقلّع
لي طلة وشيك لو ثانية بس متطلّع

المطر.. بربخ التربة وعمود الشعر الفقري.. بسيط جداً.. فاره (مشتاق ليك) وانا ما وعدتك ساكت .. براك سويت الدرب ساساق وعاذرك فإن المناخ عديم الضل (لأول مرة تكون شكر) يخشك ويرجع عطشان وعشان ناس قريعي راحت مات سمبّر مواعيدك قبل الوصول يجيدك لأنو المطرة ماب ترجاك.. ترجاها تشيل الزبدة وترجع ويا كمان قعدت القعدة الياها وفي هذه الحالة كونك دنيئاً صفة حميدة لنفسك والمطر ما هاميهو.. واعمل حساب ضفرك لأنو الضفر ما بطلع من الموية..
ثم إني عبيت ليك فتيل (كلونيا المطر) محفوف بالدعاش والمناظر.. ثم كشحت الباقي يا حاق، يا حاق بك ما حاق في رحلة الدمازين.. فيا هذا ذق وبال وعدك للمطر..
الآن أصبح المطر في مأزق حرج وحرّجنا معاهو .. قال ماب جيك.. وطلة وشيك أحسن من تترجاهو .. وكان عفالك أنا ما عافيك..
ياخ اشتهينا وما خلينا مع الأيام لو حبة نزوة .. ولا يهمك..
بتكفينا السبعة القالم يوسف.. ومؤسف جداً إنك قاعد وما هاميك الوعد القلتو لذات المطرة والنتيجة (حضرنا ولم نجد من نشعل ذاكرته بهذا المناخ)..
وأنا يا صديقي رغم التتويج من خط الإستوا لم يسعفني الحظ.. فالمطر هنا ممزوج يحمل عدة أعباء.. لغة لم أسطع فك طلاسمها والقلم أصابو الإعياء..
أما المرات القادمات ما ح تلقى البضاير نمل العيشة ويمرق أم سيسي والذي كان يشهر البهجة في وش النباب ففففففففي دمازينو بقى ممحوق وما جايب مريسة تامزينو .. ولا بحوق في الزريعة "وكركورة المنقة" التحت الزير.. فـ تخلي قحف خيالك يسرح من غير العلّم الضريسة الإنجاب في دقداق الحلة العادمة التكتح.. وكان ملّينا مروة المطرة المرة الجاية بترجاك بي زهور ارتفيشال وحبة بذور أنتي بايوتك لجفاف الحال ومطرة مجففة من ضرع الأغنيات الصبحت باهتة ولا مقروءة..
فتك بي عافية وبجيك صاد لي مطرتي براي، خليها مطرتك الشريتا وزدتها بلة:D

[منال]

ا
الآن أصبح المطر في مأزق حرج وحرّجنا معاهو .. قال ماب جيك.. وطلة وشيك أحسن من تترجاهو .. وكان عفالك أنا ما عافيك..
ياخ اشتهينا وما خلينا مع الأيام لو حبة نزوة .. ولا يهمك..
بتكفينا السبعة القالم يوسف.. ومؤسف جداً إنك قاعد وما هاميك الوعد القلتو لذات المطرة والنتيجة (حضرنا ولم نجد من نشعل ذاكرته بهذا المناخ)..
وأنا يا صديقي رغم التتويج من خط الإستوا لم يسعفني الحظ.. فالمطر هنا ممزوج يحمل عدة أعباء.. لغة لم أسطع فك طلاسمها والقلم أصابو الإعياء..
أما المرات القادمات ما ح تلقى البضاير نمل العيشة ويمرق أم سيسي والذي كان يشهر البهجة في وش النباب ففففففففي دمازينو بقى ممحوق وما جايب مريسة تامزينو .. ولا بحوق في الزريعة "وكركورة المنقة" التحت الزير.. فـ تخلي قحف خيالك يسرح من غير العلّم الضريسة الإنجاب في دقداق الحلة العادمة التكتح.. وكان ملّينا مروة المطرة المرة الجاية بترجاك بي زهور ارتفيشال وحبة بذور أنتي بايوتك لجفاف الحال ومطرة مجففة من ضرع الأغنيات الصبحت باهتة ولا مقروءة..
فتك بي عافية وبجيك صاد لي مطرتي براي، خليها مطرتك الشريتا وزدتها بلة:D


الان ... الان المطر اعلن المأزق الما بتخفى بطين الوحل و ريحة الدعاش
جفت مطمورة قضارف الخير و كوركت الجوع كافر
و التماسيح دخلت راسها ذات ليل فى مواسير المياه مؤكدة العطش
وسوط المطر اعمل خطوطه فى استواء فاضح للفقر ...القعد مرتاح
الله فى ... الله فى



تعرف مطرتى براى خلتنى اقلب السرج هنا
تعال جية العصافير قربت يا سجمان

[طارق صديق كانديك]

الجو انكتم عقب النسايم انّقحن
والغيمات تقال من البروق انلقحن
الطين اليبس شقاقو يامن نقحن
اندهكن هُرب بي فد مطيرة انوقحن

أشلح يا برق قرّح سحابتك وفلّع
وكب المي دمير خل النبات متخلع
يا بوحميد اخوي قول للسديرو مقلّع
لي طلة وشيك لو ثانية بس متطلّع

المطر.. بربخ التربة وعمود الشعر الفقري.. بسيط جداً.. فاره (مشتاق ليك) وانا ما وعدتك ساكت .. براك سويت الدرب ساساق وعاذرك فإن المناخ عديم الضل (لأول مرة تكون شكر) يخشك ويرجع عطشان وعشان ناس قريعي راحت مات سمبّر مواعيدك قبل الوصول يجيدك لأنو المطرة ماب ترجاك.. ترجاها تشيل الزبدة وترجع ويا كمان قعدت القعدة الياها وفي هذه الحالة كونك دنيئاً صفة حميدة لنفسك والمطر ما هاميهو.. واعمل حساب ضفرك لأنو الضفر ما بطلع من الموية..
ثم إني عبيت ليك فتيل (كلونيا المطر) محفوف بالدعاش والمناظر.. ثم كشحت الباقي يا حاق، يا حاق بك ما حاق في رحلة الدمازين.. فيا هذا ذق وبال وعدك للمطر..
الآن أصبح المطر في مأزق حرج وحرّجنا معاهو .. قال ماب جيك.. وطلة وشيك أحسن من تترجاهو .. وكان عفالك أنا ما عافيك..
ياخ اشتهينا وما خلينا مع الأيام لو حبة نزوة .. ولا يهمك..
بتكفينا السبعة القالم يوسف.. ومؤسف جداً إنك قاعد وما هاميك الوعد القلتو لذات المطرة والنتيجة (حضرنا ولم نجد من نشعل ذاكرته بهذا المناخ)..
وأنا يا صديقي رغم التتويج من خط الإستوا لم يسعفني الحظ.. فالمطر هنا ممزوج يحمل عدة أعباء.. لغة لم أسطع فك طلاسمها والقلم أصابو الإعياء..
أما المرات القادمات ما ح تلقى البضاير نمل العيشة ويمرق أم سيسي والذي كان يشهر البهجة في وش النباب ففففففففي دمازينو بقى ممحوق وما جايب مريسة تامزينو .. ولا بحوق في الزريعة "وكركورة المنقة" التحت الزير.. فـ تخلي قحف خيالك يسرح من غير العلّم الضريسة الإنجاب في دقداق الحلة العادمة التكتح.. وكان ملّينا مروة المطرة المرة الجاية بترجاك بي زهور ارتفيشال وحبة بذور أنتي بايوتك لجفاف الحال ومطرة مجففة من ضرع الأغنيات الصبحت باهتة ولا مقروءة..
فتك بي عافية وبجيك صاد لي مطرتي براي، خليها مطرتك الشريتا وزدتها بلة:D

شوقن منو جفلة يعلم الله .. !!

تكتب وتنتني كل المعاني المخبوءة واللواتي تبرجن .. !!

ثم
تصارف للبروق فتغالب فيك وتغالبنا .. !!

أما قبل ، فلك الوداد وفاقدنك كتير يعلم الله

[سجمان]

الان ... الان المطر اعلن المأزق الما بتخفى بطين الوحل و ريحة الدعاش
جفت مطمورة قضارف الخير و كوركت الجوع كافر
و التماسيح دخلت راسها ذات ليل فى مواسير المياه مؤكدة العطش
وسوط المطر اعمل خطوطه فى استواء فاضح للفقر ...القعد مرتاح
الله فى ... الله فى

تعرف مطرتى براى خلتنى اقلب السرج هنا
تعال جية العصافير قربت يا سجمان


منال عيني
سلامات يا أنيقة الأمنيات..

المواسير بأنواعها تدخل رأسها في التراب (وعييييينك يا تاجر) بس دا كلو ما بيعنيني في شي الآن.. أما ما سيأتي فله مناخه الذي سيأتي فيه..
لأن تنتظر المطر عشان يتبل الطين بالطبع هذا لا يضيفك إلى فصيلة الصارقيل المستغل إيما استغلال في قطع عيش السمك..
فشنو خلينا علي مطرتنا دي وابعدينا من الصرقلة:p بالله فالمقام هنا أدبي فما تسيسوا لينا المطر بالله أنا جني وجن المطرة الجاتا استسقا حتين جاتنا:D


ودي وشوق؛؛

[سجمان]

شوقن منو جفلة يعلم الله .. !!
تكتب وتنتني كل المعاني المخبوءة واللواتي تبرجن .. !!
ثم
تصارف للبروق فتغالب فيك وتغالبنا .. !!
أما قبل ، فلك الوداد وفاقدنك كتير يعلم الله

ياخ ماف حاجة بترحّل بالبوستات إلا الأشواق النواضر يا صديقي (زي ما قال لي صاحب هذا الموعد سابقا) شوق لو لا قاك أنا بنصحك تضاير منو عشان ما يعوقك..
ثم عن حديث المطر.. فلي في محبته شهود أربع..
هدوء بال.. وانعاش خيال.. وسمح مقال.. وتسهيل محال..

وانت لك حق في هذا الوعد من إبريل الماضي فجاء المطر ولم تأتِ جحافلكم انت والمسخوت الذي باع القضية وبقى زي تيس المناصير داك:D
لا نخّس سنونو لا خلا الناس تشرب بيبسي.. أهو نحن عايشين جات المطرة لا الأشواق اتبلت ولا الشايلين ذكراهم جووووووة مع النسمات اتدلت..

ودي وشوقي الحاتل؛؛

[أشتر]

وجيتك قدر ...
مرهونه بالزاد والمطر
وفرضت إني ألقاك زي مطر ...
نقّط على سافل هواي ...
وفي رحم المسامات إنتشر ...
أو شطب ألوان دماي !!!
برضو بلقاك في دماي ...
موجه وبحر ...
أوراق شدر ...
خدّرت جواي فرضتك ضُل مقيل ...

...

القعـــماز موهّـــــط في حشـــــانا ممحّن !!!
مزمز مـخ هــواي وجدعني غــادي ملجّن !!!
باريـت الصـبر قالــــو البســــوقو مـيقّن !!!
والخوف إن كِمل ... ياني المشلهت جِدّن !!!

الحكاية ... الود حراز .. وقاااااااام المطر شتّت .. وبدل يسد أضانو واحدة بطينة والتانية بعجينة كعادة الفقراء في بلادي .. قام ختّ طوبة في سكّتو المعطوبة لامن ألف واجيهو .. وعترت في نص الصحاري الشاسعة والصيف المقيل !!! لا كنبلت مُدُني ولااااااا طمبجت في الريق غرغرينا ..
إن الوقوع في تجاويف القدر من الأمور الحتمية التي لا يد لنا فيها ولا كراع ...
فـ شنو ... أعلنتْ حالة السردبة وقوفها الممكن في تعاريج ما استفاق حين تفاقمت الأزمة بين ما أريد وما تريد ... قامت أدتني ضهرا !!!!
إتا قايل القدم دا برفعو ساي كدا ;):D
عليك الله كم قدم ناوين إرفعو ومت رفع ؟؟؟ يب يداً طويييييلة وما لحقت الكعكول (غمزة لامن محوّصة) looool ؟؟؟ وكاااك مكاكاة شديدة :D
في حين الزمن تقيلاً يمضي وربما واقف بي في حتة تبدو عليها آثار السنة الفاتت ... ليان الذاكرة .. وخيوط أمل أبرمها كلما رفع الشتات راسو ...
الذكريات يااللخو ... هي العصب الذي يشد أزري عندما تقع المصائب .. هي بعض تصاريفي وأقوالي أمام الله ... صادقة ياخ ...
أها ..
نعلو دي شطة المرقتك دي ؟؟؟
ولّ قحتك دودة ساي في شكل سعال عن الصحة وعن الأخلاق ؟؟؟
غايتو الواحد لو قسمتو في (باع) .. مب تقع واطة ...

[سمراء]

ود المطر !!
سجم الطين الماهبش كرعيك ، وانت جارى عليهو !
مالك مستعجل ونفسك قائم ؟
ولا هااااا ! ده عبير " كلونيا المطر" العبيتو وشالتك " الريحة " معاها هنووووك looool...
غايتو ....نحتسب الجيرة فى الله ، ونقول يمكن بكرة القبلى يشيل !
وتشيلة سحابتك ريح وتجيبك لينا بشارة تصب فى الجوف البور ومشقق بالاشواق ..

يازول هاطل وين ؟

[منال]

أنا جني وجن المطرة الجاتا استسقا حتين جاتنا:D




احتفائى بهذا الاقتباس الماس مع ونستنا سوا سوا حول التغيرات المناخيه و الاوزون المقدود
وسرجى المقلوب مو فى شان
الخائن المدعو المطر أجل موعد تشقاقات الطين الواعدة و جانا يقدل فى المواسير
ولذا قلنا زمان
ونسة الكيبورد تجمل عيونك بس ما طاعمة زى اللايف

ما بى تتنسى صاح:D

لأن تنتظر المطر عشان يتبل الطين بالطبع هذا لا يضيفك إلى فصيلة الصارقيل المستغل إيما استغلال في قطع عيش السمك..
كلام سمح
ما تسيس حروفى ساااى
على مسئولية شوفك هههههههه

اليشهدك يشهد مواعيد الوفا ويذرع تواريب المطر

والمقام الادبى براهو ما بحلك ...تواجدك فى العلمى أفادنى


قام
غيم الوداد صب
و الجاب أشتر سيرة الشطة
وسلاف المطر

[سجمان]

وجيتك قدر ...
مرهونه بالزاد والمطر
وفرضت إني ألقاك زي مطر ...
نقّط على سافل هواي ...
وفي رحم المسامات إنتشر ...
أو شطب ألوان دماي !!!
برضو بلقاك في دماي ...
موجه وبحر ...
أوراق شدر ...
خدّرت جواي فرضتك ضُل مقيل ...

...

القعـــماز موهّـــــط في حشـــــانا ممحّن !!!
مزمز مـخ هــواي وجدعني غــادي ملجّن !!!
باريـت الصـبر قالــــو البســــوقو مـيقّن !!!
والخوف إن كِمل ... ياني المشلهت جِدّن !!!

الحكاية ... الود حراز .. وقاااااااام المطر شتّت .. وبدل يسد أضانو واحدة بطينة والتانية بعجينة كعادة الفقراء في بلادي .. قام ختّ طوبة في سكّتو المعطوبة لامن ألف واجيهو .. وعترت في نص الصحاري الشاسعة والصيف المقيل !!! لا كنبلت مُدُني ولااااااا طمبجت في الريق غرغرينا ..
إن الوقوع في تجاويف القدر من الأمور الحتمية التي لا يد لنا فيها ولا كراع ...
فـ شنو ... أعلنتْ حالة السردبة وقوفها الممكن في تعاريج ما استفاق حين تفاقمت الأزمة بين ما أريد وما تريد ... قامت أدتني ضهرا !!!!
إتا قايل القدم دا برفعو ساي كدا ;):D
عليك الله كم قدم ناوين إرفعو ومت رفع ؟؟؟ يب يداً طويييييلة وما لحقت الكعكول (غمزة لامن محوّصة) looool ؟؟؟ وكاااك مكاكاة شديدة :D
في حين الزمن تقيلاً يمضي وربما واقف بي في حتة تبدو عليها آثار السنة الفاتت ... ليان الذاكرة .. وخيوط أمل أبرمها كلما رفع الشتات راسو ...
الذكريات يااللخو ... هي العصب الذي يشد أزري عندما تقع المصائب .. هي بعض تصاريفي وأقوالي أمام الله ... صادقة ياخ ...
أها ..
نعلو دي شطة المرقتك دي ؟؟؟
ولّ قحتك دودة ساي في شكل سعال عن الصحة وعن الأخلاق ؟؟؟
غايتو الواحد لو قسمتو في (باع) .. مب تقع واطة ...

كم حجانا الغيم بي جيتك..
وكم صدقنا كلام المطرة
إنو الريح لو غابت غبنا..
وبرق الشوق النابح..
مو رضيان بمكابح..
مما فت بقى مهنضبنا..
خلي حرازك مرة يصادق..
دين المطرة يصلي معاها..
ونسمع مرة يقولنا تبنا
يا اتلمينا معاك والغيمة..
ولّ الغيم عِنْ شيخ كاتبنا..

لو مرة جربت تمرق حفيان خاتر وامنياتك زي الفول المدمس ووشيك ينعل قفا البقومو الدغش من سمّاكة وخدرجية .. وتجيك المطرة تلبسك خاتر وتمسح غباش وشيك وتتمر أمنياتك بتعرف إنو الواحد فعلاً اشتاق ليك .. ثم ما تخدرني بي رفعان الكراع لأنو ضمير مستتر مرهون بي قنيلة وفتيل مايقوما looool:p وزي ما قت لك المطر الجاب الناس باكر بذيع سيرتك وتبقى قاعد أم فكو وتبقى سيرتك هي الكلام هو البخفف ليك عذابات الضنا..
حاول تصنت جيد فالصدى لا يفيد السامعين ومرات بطنش ماب جيك صاد أسألني أنا لليلي مطرطق إضني وحاتك ولا طقشن حجارة ونسة ساكت..
فيا صديق أصلاً نحن متعودين علي الفشفاش يمكن المرة دي يفش شوقنا فيهو، أو نستنشق ما تبقى من استيم الثريدlooool فشنو أنزل قصرب وارمي الحترب في المطرة.. وعلي وعد المطرة.. كبّر عقلك وكيسك انا جاييك يا زول في ميسك.. المتاوقة ولا صمة الخشم..
وبرضو القسمة ما معروفة وين فطّول (باعك) برضك ماب تقع واطة..

برضو ما اتقطعت وسيلة..
والغمام لو كنت صادق..
بكرة اشواقك بشيلة..
الشمش كايسالا توب..
المكان كايس مقيلة
والعوين في الحلة جت
شايفة في النسمات حَلَيلا..
أبقى عشرة علي الهناك
وبلغ اشواقي الحليلة..
والمطور الجات تزورك
لو توفيلا بـ نزورك..
بكرة بتقول يا حليلا..

[سجمان]

ود المطر !!
سجم الطين الماهبش كرعيك ، وانت جارى عليهو !
مالك مستعجل ونفسك قائم ؟
ولا هااااا ! ده عبير " كلونيا المطر" العبيتو وشالتك " الريحة " معاها هنووووك looool...
غايتو ....نحتسب الجيرة فى الله ، ونقول يمكن بكرة القبلى يشيل !
وتشيلة سحابتك ريح وتجيبك لينا بشارة تصب فى الجوف البور ومشقق بالاشواق ..

يازول هاطل وين ؟


أوووووووووو حبوبة المطر:D:D
وين يا فردة..
يا قندول الريد الحتة
وحضن الوردة..

ياخ هذه البلد مرهقة المناخ والمناخين عليها تحسبهم أيقاظ وهم هنود.. يحسبون كل ذي برمودا من الفرنجة... ومن هذا المبدأ محركو علينا الحياة والعيشة مشلهتة ما من قل دينار.. ولكن فلس في الأردو وعلم الإشارة ذريع..
فسريع رسلي لي أخوك كيس تمباك وفتة فول من الجمبك يعلم الله ليهو وحشة كما لكم في الحشاوات عدة (أفرغة):D وجنس غباش ما لاقي مسوح الشوفة..
بالله كتري من الفتريتة وسوي عصيدتين في اليوم .. والتانية ركزي فيها يمكن نفسي الفيها تجيلك مارقة وتفرح بيك..:cool:

شوقنا مخنق قومي اتنفلي:)

[جيجي]

على سيرة المطر
ناس بتلعب الحبنديرة *في ظل المطر
الطشي
ونزز في بستانه
عبيره وشوقه
وخلى الدنيا جفاف وتصحر
وشقق حلق الروح الراجية مجيه
---

المطر البجي من غيرك
المطر المابرزرز فيني شهيقك
ولا رجف قلب الريد بي هيفك
ولا نقط في حسي رحيقك
وحتى دعاشك خلى مقيله
ياخ شن خيره



*دي غايتوا اظنها اسم لعبة في المطر

[صلاح نعمان]

قمة المتعة


(حضرنا ولم نجد من نشعل ذاكرته بهذا المناخ)..

[سجمان]

احتفائى بهذا الاقتباس الماس مع ونستنا سوا سوا حول التغيرات المناخيه و الاوزون المقدود
وسرجى المقلوب مو فى شان
الخائن المدعو المطر أجل موعد تشقاقات الطين الواعدة و جانا يقدل فى المواسير
ولذا قلنا زمان
ونسة الكيبورد تجمل عيونك بس ما طاعمة زى اللايف
ما بى تتنسى صاح:D
كلام سمح
ما تسيس حروفى ساااى
على مسئولية شوفك هههههههه

اليشهدك يشهد مواعيد الوفا ويذرع تواريب المطر

والمقام الادبى براهو ما بحلك ...تواجدك فى العلمى أفادنى

قام
غيم الوداد صب
و الجاب أشتر سيرة الشطة
وسلاف المطر

يا منال اول شي سامحي لي خيالي دا وين ما ودّا وجاب..
ونحن بنعتمد علي المطر في فنقيل عيونو الماب نشوفا مفنقلة
إلا لمن ترك فوقو نقطة نقتين..
فمات عاتبيهو ياخ..
ثم إن ما يفعله الأوزون للعموم مثلما يفعله المطر بخيالاتنا.. فتجدينا نستهلك الأوزون كما نستهلك المطر شفتو الجحود دا كيفن والحكمة في إنو (المطر ماااااااااااشي والبني أدم يهوهو)looool

أما عن حديث الاسبايسي فهذا جحرنا أنا واشتر..
فتقومي تتسارقي عشان ما تعطسي كتير:cool:

ثم الشوق ماب تقاس بي سنين الضو..
قنبي عافيي..

[بله محمد الفاضل]

غايتو
قطع شك
اسمي مكتوب
مش جابو سيرة البلل


والله ليك وحشة يا سجم
أبقى غرقان
وأمرقنا

[الأغبش]

مع إنو الواحد مفروض هنا يجر شخيت وما يدخل بين المطره ووعدها الطلع بندق بحر ..ومن زاوية أكثر تلطيفاً لم يتم الرفع ..مع إنو قالو ليك ساعدها بي جكة وشكلك كده نايم مع إنك فوق خط الإستواء ..وصاحبك النزل تحتو داك هو الصاحي ..وأشواقو هي الفوق .. أما إذا دار محور سؤالكم عن ناس خليتوها تخاتف في باقي الشوق الواقع من الفائض فنحن علي مايرام ولا ينقصنا شئ سوى رؤية حروفكم العطشانه دي ..

سجم .. بقيت فلم هندي جد جد .. مطره وخائن ..:p
كتحتح .. الجايه من السماء فات تك ..أبقي علي الموهطين ديل ..

[سجمان]

على سيرة المطر
ناس بتلعب الحبنديرة *في ظل المطر
الطشي
ونزز في بستانه
عبيره وشوقه
وخلى الدنيا جفاف وتصحر
وشقق حلق الروح الراجية مجيه
---

المطر البجي من غيرك
المطر المابرزرز فيني شهيقك
ولا رجف قلب الريد بي هيفك
ولا نقط في حسي رحيقك
وحتى دعاشك خلى مقيله
ياخ شن خيره



*دي غايتوا اظنها اسم لعبة في المطر

ما فترت لا ناوش
أصابعيني الخدر..
وكتبت في آخر المطاف..
فوق صفحة الغيم..

(استراحات الشموس
الهايمة فوق..
منتكية في ضل الضحى..
والمطرة في فترة "بِرِك"
بين الهطول والوقفة..
يرتاح السحاب)
عقب الإله يديهو مصرة
هبوبو تكدح تنفضو..
وتشرو فوق..
ويجيني مارق قوس قزح..
لميتين تجيني وترسمي..
بي حرفك النغم البحوق..
خلق الله "جت"
منتشية بالحرف الوشي
طربانة في لحظة نشوق..

[سجمان]

قمة المتعة


(حضرنا ولم نجد من نشعل ذاكرته بهذا المناخ)..


ليتني استحق مرور "الذواكر" اليانعات..
إذاً لوضعت فوح الياسمين على جنبات عهني
ليستقبل مرورك بالإتاحة الممكنة ..
فقط جنبني قصم الظهر ثم مر بي هادئاً لتفرح أغنياتي..

شكراً مطروز بي مطرة..

[سجمان]

غايتو
قطع شك
اسمي مكتوب
مش جابو سيرة البلل


والله ليك وحشة يا سجم
أبقى غرقان
وأمرقنا

أنت حاضر فينا كذرتي هايدروجين موكسدة..
وتفعل فينا فعل السحاب وحرفك يقدح
في الذاكرة نور ونار,
نشتهيك كوعد المطر
وعهدنا بك تشيد نبض
الأغاني الفاتنات..

خجلى حروفي
والشوق زاد الطيب بلةlooool

[سجمان]

مع إنو الواحد مفروض هنا يجر شخيت وما يدخل بين المطره ووعدها الطلع بندق بحر ..ومن زاوية أكثر تلطيفاً لم يتم الرفع ..مع إنو قالو ليك ساعدها بي جكة وشكلك كده نايم مع إنك فوق خط الإستواء ..وصاحبك النزل تحتو داك هو الصاحي ..وأشواقو هي الفوق .. أما إذا دار محور سؤالكم عن ناس خليتوها تخاتف في باقي الشوق الواقع من الفائض فنحن علي مايرام ولا ينقصنا شئ سوى رؤية حروفكم العطشانه دي ..

سجم .. بقيت فلم هندي جد جد .. مطره وخائن ..:p
كتحتح .. الجايه من السماء فات تك ..أبقي علي الموهطين ديل ..


هههه هعهعهعهع:D:D

سأكتب هنا عما يليني فلست المعني بدلق الماء على الجحور..
يا غبوشي ياخ فكرة إنو العطرابة بتمرق مع الرشوشة دي نظرية
مية المية.. فقلنا "نعطرب" "على وزن نكهرب" لي أخوك داك الجو شوية.. ورغم إنو العطرابة فاتت إضنينو القال ساديهن بي طينة وعجينة إلا وحاتك
الداير "يشمو" بشمو ولكن بيني وبينك قومة النفس حارقة في هذه
الأواني looool"بالمناسبة الجمع دا أنا قاصدو كدا " ما يجوني ناطين بتاعين
اللغة ينظّروا لي" لأنو البني آدم أصلو ماعون وماهل كمان..

حاشية:
طبعاً رسلنا المطرة قدامنا قلنا تلطف لينا الجو.. مع إنو المسعلة يوم واحد
لكن برضو الله لا قطع العشم..
ياخ صاحبك نايم في "السريد:D" الإ وحاتك استيمو ساكت ما شماهو وزي ما قت لي صاحبك طارق الزول دة "لا نخّس سنونو ولا خلانا شربنا الكولا"

مشلعيب:
ياخ والله فاقدين رمضان وفطورك المربوط بالكهربة وسيرة المطرة ظاتو:D:D
بس انت ساكت ما سمعت كلام حمودي ولدك هعهعهعهعه..
رمضان كريم ياخ..

[الأغبش]

هههه هعهعهعهع:D:D

سأكتب هنا عما يليني فلست المعني بدلق الماء على الجحور..
يا غبوشي ياخ فكرة إنو العطرابة بتمرق مع الرشوشة دي نظرية
مية المية.. فقلنا "نعطرب" "على وزن نكهرب" لي أخوك داك الجو شوية.. ورغم إنو العطرابة فاتت إضنينو القال ساديهن بي طينة وعجينة إلا وحاتك
الداير "يشمو" بشمو ولكن بيني وبينك قومة النفس حارقة في هذه
الأواني looool"بالمناسبة الجمع دا أنا قاصدو كدا " ما يجوني ناطين بتاعين
اللغة ينظّروا لي" لأنو البني آدم أصلو ماعون وماهل كمان..

حاشية:
طبعاً رسلنا المطرة قدامنا قلنا تلطف لينا الجو.. مع إنو المسعلة يوم واحد
لكن برضو الله لا قطع العشم..
ياخ صاحبك نايم في "السريد:D" الإ وحاتك استيمو ساكت ما شماهو وزي ما قت لي صاحبك طارق الزول دة "لا نخّس سنونو ولا خلانا شربنا الكولا"

مشلعيب:
ياخ والله فاقدين رمضان وفطورك المربوط بالكهربة وسيرة المطرة ظاتو:D:D
بس انت ساكت ما سمعت كلام حمودي ولدك هعهعهعهعه..
رمضان كريم ياخ..

قلت لي لست معني بدلق الماء علي الجحور ..
ومطيرتك الجاي سايقا لوعود ميتة لتحيي بها أشواق صاحبك المكبوتة دي تطلع شنو ؟؟
تشرك وتحاحي .. (لو ده هو كان أضاف وتكاكي :p ) ..

بعدين حواشي إياك أعني وأسمعي ياجاره دي ياها البتقّلِب حجارة الجحور ..
وفي مثل هذه الأجواء معتدلة الوجهة -ولو من باب كلنا في الهوا سوا - تجدني انتحي ركنا قصياً لأستمتع بأجواء اللقاء ..أتخلي عن حيادي فقط حال إحتاج الأمر رمية عود حطب ..
فشنو البقت بقت ولم يتبقى من قارورة العطر إلا ما علق بها من ذكريات ..

هبشة:
تخيل أمس فطرنا في نفس الأجواء التي تعلمها .. وطبعاً ذكرتك والصيام مودعٌ والهمبريب يستفز ذاكرة الأشياء كما استفز الذين من قبلكم ..

ياخي جرحت صيامنا .. قوم لف

[منال]

هبشة:
تخيل أمس فطرنا في نفس الأجواء التي تعلمها .. وطبعاً ذكرتك والصيام مودعٌ والهمبريب يستفز ذاكرة الأشياء كما استفز الذين من قبلكم ..

ياخي جرحت صيامنا .. قوم لف

يا الرويت حضانو مسروف ماهو قطير ماقطعت شرابو في الحراية وأمشير


بالطمي من فيض إشتهاي
أرقوق عناي
ماروق غناي
نبرو رجاي
حاحاي صحاي
أرقد عليَّا قفا
وعليكي
أعبِّي سعن الصبرِ بيكي
أربِّي ليكي
وأجيِّهِك
... ... ...
بالأربل ..
الواسوق .. إيدي
أمشاط رؤايا ..
أسرِّحك
بعرق شقايا
أريِّحِك
فوق إنتي سمحة
أسمِّحِك ..
برهق لقايا .. أريِّحك
تحتار عيون الموية
فيك
يا ,, الله ,,
إلاَّ يشبِّهك
شجر الحقيقة
-الماحصل
من تالا عارض جهجك -
-وإن دهدهك -
على أوجهك !!
طير العشم فيهو إستراح
يخفس
قبُل جية الرياح
مرسالو يجري ينبهك
شتلك عن الشدر الكبار
فيهو الصمغ
لا يشدهك



مهما المحل
مهما المطر
ظلمَ الرياح
حمِّى الخطر
تنمقَّى فيكي
وتنبحك ..
بتحتحت أغصانك
جراح ..
لكن محال
أن تطرحك ؟؟


شاعرنا محمد الحسن سالم حميدنا

[طارق صديق كانديك]

ياخ صاحبك نايم في "السريد:D" الإ وحاتك استيمو ساكت ما شماهو وزي ما قت لي صاحبك طارق الزول دة "لا نخّس سنونو ولا خلانا شربنا الكولا"
.


قلت لي لست معني بدلق الماء علي الجحور ..
ومطيرتك الجاي سايقا لوعود ميتة لتحيي بها أشواق صاحبك المكبوتة دي تطلع شنو ؟؟
تشرك وتحاحي .. (لو ده هو كان أضاف وتكاكي :p ) ..


فشنو البقت بقت ولم يتبقى من قارورة العطر إلا ما علق بها من ذكريات ..

هبشة:
تخيل أمس فطرنا في نفس الأجواء التي تعلمها .. وطبعاً ذكرتك والصيام مودعٌ والهمبريب يستفز ذاكرة الأشياء كما استفز الذين من قبلكم ..

ياخي جرحت صيامنا .. قوم لف

:D:D:D:D


رمضان كريم يا حلوين .. كريم جدا .. !!

الشوق ليكم يقدل سااااي ولا هاميهو شئ ... !!

جمعنا الله واياكم

[الرشيد اسماعيل محمود]

:D:D:D:D
الشوق ليكم يقدل سااااي ولا هاميهو شئ ... !!

شوقك دة كوز ولا شنو..؟

[الأغبش]

منال ..رمضان كريم عليك وعلي مطر بلادي ..
ود كانديك ... قدل الشوق للنفوس الجميلة ..

[طارق صديق كانديك]

شوقك دة كوز ولا شنو..؟

:):)

ولا شنو

[سجمان]

قلت لي لست معني بدلق الماء علي الجحور ..
ومطيرتك الجاي سايقا لوعود ميتة لتحيي بها أشواق صاحبك المكبوتة دي تطلع شنو ؟؟
تشرك وتحاحي .. (لو ده هو كان أضاف وتكاكي :p ) ..

بعدين حواشي إياك أعني وأسمعي ياجاره دي ياها البتقّلِب حجارة الجحور ..
وفي مثل هذه الأجواء معتدلة الوجهة -ولو من باب كلنا في الهوا سوا - تجدني انتحي ركنا قصياً لأستمتع بأجواء اللقاء ..أتخلي عن حيادي فقط حال إحتاج الأمر رمية عود حطب ..
فشنو البقت بقت ولم يتبقى من قارورة العطر إلا ما علق بها من ذكريات ..

هبشة:
تخيل أمس فطرنا في نفس الأجواء التي تعلمها .. وطبعاً ذكرتك والصيام مودعٌ والهمبريب يستفز ذاكرة الأشياء كما استفز الذين من قبلكم ..

ياخي جرحت صيامنا .. قوم لف

اهلك العرب زمان كانو بقولو نوسر يا جرح وغور.. إن شاء الله ماتن طبّ.. والحاردلو قال:
اعضاي انشوت واللرض بقت ملالة
وانا عمري بلا لماك قط ما بشوفلو طلالة
بت السرة كان حكمت علي بي لالا
رضيان إن بقيت ودوني لي الشيالة

شفت كيف أنا زولي دا مو زول باردة وعارفو بتلافاها من "هبّودا" فدلق الموية هذا من باب التخفيف وقيل الرش رشة بتخفف التش تشة أو كما قال صاحب الجملlooool ثم إن الذكريات يا قولو صادقة.. فما عسانا أن نفعل..

أما في موضوع هذا الوقوف المحايد.. ياخ كلامك دا قولو لي زول ما دقتو مطرة في حلتكم (وكمان قت لي عود حطب هعهعهع) قوم لف ياخ إنت وصاحبك طق طقة
ما جيتو تحتطبو قدامنا ثم أن رائحة الصندل التي جئنا على أثرها ما كانت إلا من أثر (كبّيركم) ثم إن عبارة (كلنا في الهواء) دي جميلة جداً.. يا ربي إنتو كم الفكوكم بدون جنحات ثم قالو لكم ترجلوا.. وإنتو ظاتكم وكت ما بتعرفو تطيرو البوديكم الترعة شنو:D ..
حبشة:looool
إنت آخر حجة ليكlooool برغم إنو حجتك باطلة (بمعنى أنك لم تقف بعرفة) أحرمت من وين عشان الواحد ما يدقس وتتحسب ليهو زيارة ساكت.. أما عن وقوف عرفة فنحن جايين عمرة ثم "نتعقل ونتطبقlooool" ومن ثم نعود إلى جحورنا والله تاني توسنامي ما يمرقنا.. شفت كيف..
ثم كلام حمودي ولدك دا ماااااااااااااا تاباهو :p:p

قوم لف بالله وما تفتل لينا البوست بتاعنا دا لينا شهر مساهرين في مويتو:mad:

[منال]

منال ..رمضان كريم عليك وعلي مطر بلادي ..
ود كانديك ... قدل الشوق للنفوس الجميلة ..

البحبو كلو كريم
و ينعاد عليك بالصحة و العافيه يا حافظ
كتابتى ليك هنى مشت وين بعد دقتا المطره - اسكت خلها
وسيد البوست قال ليك الا هطول مطر بس
اها حتى المطيرة دى ما نشوفها صابى شقيش غايتو عشان الصيام
سمونا رضينا :D:D:D
و البك غبوش من نظم حميدنا




في الموية .. في الريح .. في المطرْ

في الدَابِي .. في التمْر الخطرْ


غيَّرْ وقفتو .. الدندهوب زالَفْ هَبَرْ

يا غيمة ..هوي .. دا وكِتْ مطرْ ؟؟

واِرتجَّ جوف الجوْ رعدْ


والمطر ..... جا ....... عليكْ

أتيرب في أوجّ العينة .. تُربال التّوحّدو فيكْ

إرادة وقُدرة الإنسان ْ

وكت يبقى إنبعاثو وشيكْ

إرادة وقُدرة الإنسان ْ

وكت يبقى إنبعاثو وشيكْ



طيبة تمِّي الحكوة قولي

الصّبرُ خلقوهو هولي

ده الزمن يقسى ويَرِقْ

وانتي يا كتمه تطولي

اليطول بال الخلق

طَرِّقْ الغنوات يا زولي

وتم نشيدك في الحلقْ

عدّ فات الريح شَرِقْ

من بعد جاب السِّحاب

من بعد قشّ التراب

مشّط القش والشجرْ

رجّع الطير للوكرْ

ها البرق شال البرق

الرعد ريحة الدعاش

عاش بريق القبلي عاشْ

ابشروا بالخير نقطت

أي والله المطر !!!

[سجمان]

عذراً ..
منال..
الرشيد..
طارق صديق..

وأنا كلما أزداد الحنين..
يا مطرة كفّيني الوجع..
وكلما مرقن حسوسي علي الدرب..
من غيمك أديهن فزع..
فعل الرزاز في الشوق كتير..
يا طينة ما أهملت يوم..
في الفيك من ريد انزرع..

[سجمان]

إنلمن سوا..
وانحاورن..
كما الأشواق..
بتدخل في المسام..
وتخرج..
كلما "قلّق" منامك اشتهى..
وتسرح إذا ..
طلت خيالات في النهى..
وتدرك حجم فقدك إذا..
نزل المطر..
وكتين تفلع في البيوت..
يبقى بالي علي الهبر..
كسر المعوّج..
وفي البعيد..
غرقان فرح..
للبيا ما جايب خبر..
لما الرزاز نفض نعيلاتو ومرق..
بمجرد إن "نهرو الرعد"..
أنا فيني زايد كم شعور..
وفيني قام نَفَسْ الشعر..
واتوكلك..
يا موكراني مع الرزاز..
واتوهطك..
يا موهطاني مع الغياب..
ونزعة الريدة الفقر..
واتسولك..
يا مسوّلالك نفسي..
بي أجمل خبر..
الدنيا..
والكون..
والوجود..
والحالة من بعدك قفر..

[سجمان]

جيناكا في ذات الوكت..
نفس المكان..
لما العيون شرقت..
من المطر الدعاش..
واتحت باقي الكان صبر..
غابت ملامحك في الرعود..
من تاني صحاها الرشاش..
لمن تطل يا خلي شمش البكرة ديك..
من الغمام متكبرتة..
أنا بشتهيك كما الطلوع..
والناس معاي..
في عيونا نيل..
وقلوبا شاش..
أمرق تعال..
كفينا شر فعل المطر..
في البال وكت تقدح..
رزازا على الغباش..
ورينا خير فعل الغمام..
وكت الرويحة
تدور تروح..
والكون تشوفو طشاش طاش..
ياكا البتمرق مني غول الشوق..
وكت يرميني في نصت جمر..
أمرق تعال..
خل النشوفك..
قبال خبرنا يجيك طاش..