كلام ساى بس ...(1)

[معتصم الطاهر]

**
لما تحِس بأنك براااك


ما شايف حاجة قدامك ولا وراك

والدنيا تبقى طشاش طشاش

كورِك لى

اوديك دكتور العيون


***

العريس بركبوهو الحصان

عشان تحصل حاجة من اتنين

يا يشرد .. يفِك البيرق ..

أو يقع يكسر رقبتو


****

تمتمت بأمنيتها و رمت البياض ..

شافها عمات كدة ..

ام حاكو حاكو ..

حاول يعمل زيها ..

تمتم بأمنيته وانحنى ليرمى البياض على البئر

لكنه انزلق و وقع وغرق

صرخت مندهشة

" معقول ...
بالسرعة دى
انا فقيرة عديل كدة .."

******
فى علاقات كدا زى السيجارة

تبدأ بى ولعة

ويستمر الحريق
والحريق شوية كدا يتحول دخان
وتنتهى كرماد
فى ناس مدخنين حرفاء
بستعملوا نوع واحد من السيجاير
وناس مدمنين كل مرة بدخنوا سيجارة

فى ناس سيجارتم ما بتنطفى .. أبدا ..

******

قا لت ليه
" الحب زى المخدة

تضمها فى وحدتك
تبكى عليها فى حزنك ..
تكوع عليها فى فرحك ..

فعندما تحتاج لحب
.. تعال لى ..

مشى السوق اشترى مخدة ( أرخص ليهو ) ..


***
قال "
خلطنا الموية بالعرقى .. سكرنا
خلطنا الموية بالدبوبة .. شعشعنا
خلطنا الموية بالويسكى .. رقدنا طينة

شنو يعنى
مانشرب موية ؟؟؟

[Ishrag Dirar]

اذا كان هذا هو الكلام الساكت ...
فكيف يكون الكلام المنطوق اذن ....؟؟؟

[زهيجان]

عندك فكرة يا ود الطاهر

بعد البوست ده المخدة وصلت كام

وكمان في ناس بيقولوا انها دخلت السوق الاحمر

خاصة المخدات المربربة ونااااعمه :)

[معتصم الطاهر]

اذا كان هذا هو الكلام الساكت ...
فكيف يكون الكلام المنطوق اذن ....؟؟؟


فى الخواطر

سيدة الحرف الممشوق ..

كل العمر خاطرة جميلة

[معتصم الطاهر]

عندك فكرة يا ود الطاهر

بعد البوست ده المخدة وصلت كام

وكمان في ناس بيقولوا انها دخلت السوق الاحمر

خاصة المخدات المربربة ونااااعمه :)

شيل شيلتك

عندنا هنا كرعين عناقريب

[التوم]

[QUOTE=معتصم الطاهر]



" الحب زى المخدة

تضمها فى وحدتك
تبكى عليها فى حزنك ..
تكوع عليها فى فرحك ..

***
استذ/ معتصم ..

دى دروس سنه تانيه ولاشنو
.....
انت معاى ان جملة ( كلام ساكت ) تعبير عبقرى ابتكرناهو نحن السودانيون ذى ماقال كاتب مصرى ..اذ كيف يكون الكلام ساكتا؟
..

[أبو العز الجنوبي]

الاستاذ معتصم
شكرا لهذا الابداع اللامتناهي...
وكان خلط الموية بالكانجي مورو كان فك البيرق.....

[ناصر يوسف]

غايتو لو خلطت المويه بالمريسه

ما بتبقي مريسه

بتبقي مويه ملوص ساااااااااااااااااااكت

أها

متل ما قالتلك إشراق الإشراق

لو ده كلامك الساكت

كلامك البتكلم حيكون كيف ؟؟؟


العريس بركبوهو الحصان

عشان تحصل حاجة من اتنين

يا يشرد .. يفِك البيرق ..

أو يقع يكسر رقبتو



لا لا لا

مباااااااااااااااااااالغه عدييييييييييييييييل كده

[معتصم الطاهر]

أسع البنكتوا الكلام الساكت دا يكلموهن كيف ..!

المرة الجاية بنجيب كلام ( ساى) ..

[ود البدوي]

أسع البنكتوا الكلام الساكت دا يكلموهن كيف ..!

المرة الجاية بنجيب كلام ( ساى) ..
استاذ معتصم كلام ساي (بيي لبن ) ولاَّ (شادة)..
أنا بقترح الموية العاوزين تخلطوها علي طول دى بدل ما تخلطوها أخلطوا ليكم (حاجة تانية)بعدين الموية ممكن تطفوها بيها سجارة الحب المولعة طوالي دى ولاَّ رايكم شنو؟؟؟؟؟؟

[عالم عباس]

بسم الله
يا ود الطاهر المعتصم

لما تحِس بأنك براااك


ما شايف حاجة قدامك ولا وراك

والدنيا تبقى طشاش طشاش

كورِك لى

اوديك دكتور العيون
لما يحصل كدة يا معتصم،
أكورك ليك
يا تملا لي كاسي
يا توصلني السرير!
(2)

العريس بركبوهو الحصان

عشان تحصل حاجة من اتنين

يا يشرد .. يفِك البيرق ..

أو يقع يكسر رقبتو
العريس يركبوه الحصان
1- عشان يعرف أن الحصان لما يسبق، الشكر لحماد
2- وإن اللجام و السرج قد صار حتماً مقضياً
(3)

تمتمت بأمنيتها و رمت البياض ..

شافها عمات كدة ..

ام حاكو حاكو ..

حاول يعمل زيها ..

تمتم بأمنيته وانحنى ليرمى البياض على البئر

لكنه انزلق و وقع وغرق

صرخت مندهشة

" معقول ...
بالسرعة دى
انا فقيرة عديل كدة .."

ومن اليو داك، قررت:
أن الواحد، لما يتمنى في سرو،
لازم يتأكد من نصوص أمنيته كويس، ويضبطها تمام ويكربها مظبوط، عشان يمكن...! ..مين عارف!
(4)
فى علاقات كدا زى السيجارة

تبدأ بى ولعة

ويستمر الحريق
والحريق شوية كدا يتحول دخان
وتنتهى كرماد
فى ناس مدخنين حرفاء
بستعملوا نوع واحد من السيجاير
وناس مدمنين كل مرة بدخنوا سيجارة

فى ناس سيجارتم ما بتنطفى .. أبدا ..

فى علاقات كدا زى السيجارة (الخضراء)

تبدأ بى لفة !
وتنتهي بي ولعة
وتستمر السجارة تدخن في الزول
والزول يتحول إلى دخان أبيض، ورمادي، وملون،ويصير دواير، ومربعات، وسحاب، وحاجات تانية حامياني، و...عييييك!
وفي سجاير حريفة
وتدخن نوع معين من الناس!
وفي سجاير، في كل مرة تدخن زول،
وفي سجاير،
ناسها ما بتنطفي أبداً
وفي سجاير، بس بابور!!

(5)
قا لت ليه

" الحب زى المخدة
الدرس دة محول (إلى الدروس الخصوصية في" البوست بتاع مقررات سنة أولى حب)
(6)
قال "
خلطنا الموية بالعرقى .. سكرنا
خلطنا الموية بالدبوبة .. شعشعنا
خلطنا الموية بالويسكى .. رقدنا طينة

شنو يعنى
مانشرب موية ؟؟؟

إنت خلطت الحاجات دي، وسكرت وشعشعت ورقدت طينة!
الغريبة أنا خلطت ديل كلهم، ورميتهم في الزبالة، وما حصل لي أيتها حاجة!
يا معتصم، إنت قلت خلطتهم بس حصل ليك كدة
يعني لو كنت شربتهم كان حصل ليك شنو؟
وبعدين ليه إنت خالط الموية بالحاجات دي
إنت مفروض تخلط الحاجات دي بالموية!

يعني ما نشرب الحاجات دي ولا شنو يعني؟!!

[عبد العظيم الطاهر]

بسم الله
يا ود الطاهر المعتصم


لما يحصل كدة يا معتصم،
أكورك ليك
يا تملا لي كاسي
يا توصلني السرير!
(2)


العريس يركبوه الحصان
1- عشان يعرف أن الحصان لما يسبق، الشكر لحماد
2- وإن اللجام و السرج قد صار حتماً مقضياً
(3)



ومن اليو داك، قررت:
أن الواحد، لما يتمنى في سرو،
لازم يتأكد من نصوص أمنيته كويس، ويضبطها تمام ويكربها مظبوط، عشان يمكن...! ..مين عارف!
(4)


فى علاقات كدا زى السيجارة (الخضراء)

تبدأ بى لفة !
وتنتهي بي ولعة
وتستمر السجارة تدخن في الزول
والزول يتحول إلى دخان أبيض، ورمادي، وملون،ويصير دواير، ومربعات، وسحاب، وحاجات تانية حامياني، و...عييييك!
وفي سجاير حريفة
وتدخن نوع معين من الناس!
وفي سجاير، في كل مرة تدخن زول،
وفي سجاير،
ناسها ما بتنطفي أبداً
وفي سجاير، بس بابور!!

(5)

الدرس دة محول (إلى الدروس الخصوصية في" البوست بتاع مقررات سنة أولى حب)
(6)


إنت خلطت الحاجات دي، وسكرت وشعشعت ورقدت طينة!
الغريبة أنا خلطت ديل كلهم، ورميتهم في الزبالة، وما حصل لي أيتها حاجة!
يا معتصم، إنت قلت خلطتهم بس حصل ليك كدة
يعني لو كنت شربتهم كان حصل ليك شنو؟
وبعدين ليه إنت خالط الموية بالحاجات دي
إنت مفروض تخلط الحاجات دي بالموية!

يعني ما نشرب الحاجات دي ولا شنو يعني؟!!



:D :D :D .............................زز :D :D :D

عملتها جلابية جناح أم جكو عدييييييييل يا عالم عباس :p

[wadosman]

ويستمر الحريق
والحريق شوية كدا يتحول دخان
وتنتهى كرماد
فى ناس مدخنين حرفاء
بستعملوا نوع واحد من السيجاير
وناس مدمنين كل مرة بدخنوا سيجارة

فى ناس سيجارتم ما بتنطفى .. أبدا

قال "
خلطنا الموية بالعرقى .. سكرنا
خلطنا الموية بالدبوبة .. شعشعنا
خلطنا الموية بالويسكى .. رقدنا طينة

الاخ معتصم.....

لما يتلموا الاتنين بيجهجهوا....و ما دايرة مخدة بعد داك..!

شكرا على الابدااااع الجميل...
تحياااات....

[أبو خليفه]

وفي ناس لابدخنو ولابجيبو الحجار

سمعنا الكلام المغتغت وملان وخمج

سكرة ينيّ تمشي لهناك وتجيك بي جنيّ

ست الودع أمكن تمشي وتشع

[عبد الوهاب هنداوى]

هندسة يا ابداع بمناسبة العرقى مع الموية مرة نا س اخوانا كانوا متونسين الامتداد
مع احد الموظفين القادمين من مدنى لمدينة الحصاحيصا وصاحبك بكسر العرقى بالبيبسى
عرقى حلة فور جاى من (........) ! ولمن الناس فرت صاحبك طلع وركب الشارع وماشىكدارى الى
ان وصل اربجى المصلين طلعوا من الجامع صاحبك رجع البيت , لكن الشمشارين وصلوا الخبر لام
الراجل وبقت منتظرة الى ان جاء الى مدنى والحاجة خايفة على الوليد فقالت ليهو يا وليدى ما
تخلى الشىء ده صاحبك زعل فى الخاطر وقال ليها والله ما اخليهو الا بعد سكرة تجيبنى ليك لحدى مدنى .....
ودمت يا ود الطاهر ولك العتبى حتى تجدعنا بى رسالة خاصة فى المخصوص ..................هنداوى

[haneena]

بعد تفكير إنحشرت في كرتونة و رقدت في أمان.....

بعد مدة طويييلة جاء من يقرأ المكتوب على الكرتونة

Fragile, Handle with care

:rolleyes: :rolleyes:

[معتصم الطاهر]

بعد تفكير إنحشرت في كرتونة و رقدت في أمان.....

بعد مدة طويييلة جاء من يقرأ المكتوب على الكرتونة

Fragile, Handle with care

:rolleyes: :rolleyes:

البعض

لا يفهم الا بعد أن يقرأ ..

والبعض لا تحتاجين لأن تدخلى كرتونة لترتاحى

بل مجرد وجودك معهم

أو الحديث عن بعد معهم ..

[قوت القلوب]

ود الطاهر

ده كلام ساكت جاب
خيل
ومخدات

وسجاير

وماء مخلبط

وابهجنا
ومال الكلام التاني يسويييي شنو


لي قدام

في اضان ود الحاج
ده من شنو ياربي يكون
من غيّر ..........
ودي و

[haneena]

البعض

لا يفهم الا بعد أن يقرأ ..

والبعض لا تحتاجين لأن تدخلى كرتونة لترتاحى

بل مجرد وجودك معهم

أو الحديث عن بعد معهم ..
ود الطاهر

ما قلنا كلام ساي... بس!!!!!
:rolleyes: :rolleyes:

[Deer]

ود الطاهر

ما قلنا كلام ساي... بس!!!!!
:rolleyes: :rolleyes:

تعرفي يا حنينة...

كل القراءات بتقول انه ود الطاهر دا ما عنده كلام سااااااااااي ولا ساااااكت... الله يديهوالعافية...

[أبو خليفه]

**
لما تحِس بأنك براااك
....
..
..
مشى السوق اشترى مخدة ( أرخص ليهو ) ..
قال :
خلطنا الموية بالعرقى .. سكرنا
خلطنا الموية بالدبوبة .. شعشعنا
خلطنا الموية بالويسكى .. رقدنا طينة

شنو يعنى
مانشرب موية ؟؟؟



بس كده
ما نشرب يعني ؟؟
..
..
ود الطاهر أزيك ..

[ناصر يوسف]

بس كده
ما نشرب يعني ؟؟
..
..
ود الطاهر أزيك ..



عالم تنكت المدفون من زمن

بوست عبارة عن { سهرة من الأمس بس }

حووووووووووووووله


يا نسيبي ابو خليفه


رحيق دي ما كبرت وشربت موية صحه بس

وحاتك ما خلطتها بي أي شئ تاني

علا شربوت حبوبتها المن عامن أول :p :p :p

[أبو خليفه]

يا نسيبي ابو خليفه
رحيق دي ما كبرت وشربت موية صحه بس
وحاتك ما خلطتها بي أي شئ تاني
علا شربوت حبوبتها المن عامن أول


:p :p :p


سلام يا ناصر

لكن الدم ياصاحب ..
الدم ..

شربوت حبوبتها هين ..
لكن الجينات دي يسووا ليها شنو بس .. :D :D :D

[ناصر يوسف]

سلام يا ناصر

لكن الدم ياصاحب ..
الدم ..

شربوت حبوبتها هين ..
لكن الجينات دي يسووا ليها شنو بس .. :D :D :D





يا جميل يا حُلُو الدم الشربات مُكَملُو

يا أخوي علم الجيناتيك ده ما بقي إلا علينا نحن بس ؟؟ ;) ;) ;)


كيفنك وكيفنهو السيد


نسيبي { غصباً عنك} خليفه ؟؟ :p :p

[معتصم الطاهر]

بعض الكتابات تقرأه كأنه لكاتب آخر وقلم مختلف ..

ركبت الحصان و فنجط بى ..

فتعبت و نزلت أدخن سيجارتى المولعة من زمن ..

متكأ على وسادة الزمن داك ..

و لم أبل ريقى بعد ..

أبو خليفة .. و ناصر .. ( شكيت محنكم )

[ناصر يوسف]

بعض الكتابات تقرأه كأنه لكاتب آخر وقلم مختلف ..

ركبت الحصان و فنجط بى ..

فتعبت و نزلت أدخن سيجارتى المولعة من زمن ..

متكأ على وسادة الزمن داك ..

و لم أبل ريقى بعد ..

أبو خليفة .. و ناصر .. ( شكيت محنكم )


هسي أنا مالي الدخلني هني شنو

بوست مكتوب في يوم

02-11-2005, 08:31 PM
وآخر مداخله فيه كانت بقلم أختنا الغايبه ــ دير في يوم

30-05-2006, 02:42 PM

قام أبو البحيت والنكيت أبو خليفه {نسيبي ده} ;) ;)

بَحّت بَحّت ونكتو جاب خبروا في يوم

04-10-2009 .. 10:12 AM

أها أنا ماااااااااااااا زمبي { دي عشان كورتنا يوم أمس} ;) ;)

[معتصم الطاهر]

ناصر

سلام

شوف منو الكتب هنا ..

ووجع الذكريات ..

Ishrag Dirar

اشراق سيدة الخواطر ساكنة الخواطر و العقول
أمرأة تلمس العقل .. و تعقل الحس ..

"زهيجان " .. الذى يحمل روح الفكاهة و يفك القرفة .. بدون قِرفة ..

و "التوم" نوم روحنا حتى لو غاب حضورا .. رجل حريص على التواصل ...

"أبو العز الجنوبي" ذلك الأسمر أبيض القلب .. و أخو البنات ..

" ود البدوي" صاحب المداخلات الذكية .. يعرف ماذا تكتب و تقصد ..

أستاذى "عالم عباس" الحاضر .. هنا و هنا .. ( ثم أشار لمكانين فى صدره )

عبد العظيم الطاهر " الساحر الساخر ..

Wadosman الذى يعرف من أين يلأتى النغم والى اين يذهب

أبو خليفه .. تكّات البلاوى .. صاحبى ..

و عبد الوهاب هنداوى ..رجل تفتنقده و يفقتقدك .. فتتفقد قلبك .. وعقلك ..

Haneena " التى لم تأخذها بعناية حتى لا تنكسر ..

قوت القلوب .. وقوت نفسى

Deer" أمراة بقامة الطيبة و طول تفس الغتاوى السمحة ..

[عكــود]

ناصر

سلام

شوف منو الكتب هنا ..

ووجع الذكريات ..

Ishrag Dirar

اشراق سيدة الخواطر ساكنة الخواطر و العقول
أمرأة تلمس العقل .. و تعقل الحس ..

"زهيجان " .. الذى يحمل روح الفكاهة و يفك القرفة .. بدون قِرفة ..

و "التوم" نوم روحنا حتى لو غاب حضورا .. رجل حريص على التواصل ...

"أبو العز الجنوبي" ذلك الأسمر أبيض القلب .. و أخو البنات ..

" ود البدوي" صاحب المداخلات الذكية .. يعرف ماذا تكتب و تقصد ..

أستاذى "عالم عباس" الحاضر .. هنا و هنا .. ( ثم أشار لمكانين فى صدره )

عبد العظيم الطاهر " الساحر الساخر ..

Wadosman الذى يعرف من أين يلأتى النغم والى اين يذهب

أبو خليفه .. تكّات البلاوى .. صاحبى ..

و عبد الوهاب هنداوى ..رجل تفتنقده و يفقتقدك .. فتتفقد قلبك .. وعقلك ..

Haneena " التى لم تأخذها بعناية حتى لا تنكسر ..

قوت القلوب .. وقوت نفسى

Deer" أمراة بقامة الطيبة و طول تفس الغتاوى السمحة ..سلام يا باش/ناصر،
هم/ن وغيرهم/ن آخرون/يات كثيرون/ات . .
تلزمنا ملاوحتهم/ن المرّة بعد المرّة،
فأماكنهم/ن في قلوبنا لا تمتلئ بغيرهم/ن . .
وفي القلوب متّسع!

[ناصر يوسف]

سلام يا باش/ناصر،
هم/ن وغيرهم/ن آخرون/يات كثيرون/ات . .
تلزمنا ملاوحتهم/ن المرّة بعد المرّة،
فأماكنهم/ن في قلوبنا لا تمتلئ بغيرهم/ن . .
وفي القلوب متّسع!

صدقت أيا سليل الكرم والكرام

صدقت يا عكود

صدقتَ

[همس الشوق]

كلام سااااااااااااااااااكت


لكن ملان لمن مدفق مويه

مخلوطه بي شنو كدا ما عارفه :D

[أبو خليفه]

قوت القلوب .. وقوت نفسى




بعض الفنون جنون ..
مقدسات ..

بصراحه عجبتني جداً جداً :D :D :D

[أبو خليفه]

لكن بالجد تستااهل ..
ومااالو ..

شربنا دموعنا ماروينا ..