المساعد الشخصي الرقمي

مشاهدة النسخة كاملة : ****من ويــــن أجيــــــب التـــويــــن؟؟!!!****

haneena
24-11-2006, 11:25 AM
سلام ناس المنتدى
الحاضرين منكم والغايبين

عندي مشكلة تواجهني بخصوص الإسكانر
عندي إسكانر Cano scan , flat bed أملكها لي 4 سنوات و شغالة كويس جدآ
من مدة قصيرة في مشكلة إنه الجهاز رافض يتعرف عليها رغم وجود السوفت وير
حاولت بعدة طرق بما فيها إنزال السوفت وير أبديت من موقع كانون
بتجيني ميسيج غريبة من يومين بتقول ....
TWAIN DRIVER is missing
مشيت الموقع تاني و حاولت أنزل التوين ديل لقيت زي مليون توين
نزلت منهم و برضو الجهاز ما اتعرف على الإسكانر
الغريبة شلت الإسكانر و نزل السوفت وير في جهاز أحد أقربائي إشتغلت زي العجب و إتعرف عليها الجهاز هناك
شوفوا لينا حل يا حلالين العقد

مشكورين وتحياتي
جمال تاج السر
24-11-2006, 11:38 AM
حنينة سلامات
ياخي جهازك ده اتعزب عزاب شديد خلاص :( :(

عليك الله غيري ليهو الويندوز ، ولو مرة واحدة في السنة :( :(
علي الاقل بقدر يحلل ليك مشاكلك دي
...............................
واذا رافضة .. اديني موديل الاسكنر
عشان نشوف الحاصل شنو :confused: :confused:
haneena
24-11-2006, 11:46 AM
جمال تاج السر؟
يا زول ألف مرحب و الله و شكرآ على الرد الإكسبريس دة :D
طيب..
Canoscan N1240U

همتك معانا و ليك الحلاوة
سلاماتنا للمدام
جمال تاج السر
24-11-2006, 01:29 PM
حنينة..
أول حاجة أمسي أي تعريف للأسكنر عندك أذا كان من Add And Remove Program أو من Device Manager
وافصلي الاسكنر من الجهاز خالص...

حاولي تنزلي التعريف من الرابط بالاسفل
http://software.canon-europe.com/files/soft24686/software/tb4135_en.exe

بعد نزوله ركبيه علي الجهاز وأعملي ريستارت وواصي الخطوات عادي إلي ان يطالب بالاسكنر
حينها وصلي الاسكنر في الجهاز ... وسيتعرف عليه مباشرة
ويمكنك التاكد من ذلك بعدم وجود علامة استفهام في الـ Device Manager
لاحظي الشكل..مع أختلاف نوع الاسكنر طبعاً.
http://sudaniyat.net/vb/images/uploads/119_116034566f32f1df07.jpg
haneena
24-11-2006, 04:57 PM
سلام جمال
شكرآ على الرد..السوبر إكسبريس المرة دي :D
تعرف السوفت وير نزل ..لكن التوين برضو مختفي

بالمناسبة في مكان معين للتوين في الموقع..
هل حاولت أن تجد لي الرايحة؟!!
و لا نمش نفتش خشم البقرة؟

برضو
حاولت أنزل السوفت وير في لاب توب جارتي
جات نفس الرسالة عندها
لا يوجد توين؟؟

يطير التوين... :(
شوف لينا حل الله لا يسيئك

تحياتي
Habib_bldo
04-02-2007, 05:50 PM
الأخت العزيزة حنينة قريبتي سلام مربع
المشكلة بسيطة إن شاء الله طالما الجهاز تم تعريفه وتشغيله في كمبيوتر آخر بشرط ان يكون نظام التشغيل في جهازك (WINDOWS XP).
أولا من لوحة التحكم أختاري إضافة وإذالة البرامج وأحذفي البرنامج الخاص بالإسكنر تماما. ومن إذالة وإضافة الطابعات والفاكسات أحذفي الاسكنر بوضع الماوس على اسم الجهاز ورايت كليك على الماوس ثم اختاري حذف
افصلي الاسكنر من الجهاز واعيدي تشغيل الكمبيوتر ووصليه بالنت لتنزيل برنامج التعريف من النت آلياً
بعد تشغيل الكميوتر وصلي الاسكنر ويكون موصل في الكهرباء وفي وضع تشغيل
ستجدين رسالة بان هناك جهاز جديد وجاري تعريفه انتظري حتى يتم التعريف ولا تتدخلي حتى تأتيكي رسالة بأن الجهاز تم تعريفه وجاهز للإستخدام.
ارجو ان تنفع هذه الطريقة مع امنياتي لك بأوقات سعيدة
haneena
04-02-2007, 10:01 PM
حبيب بلدو شخصيآ؟!!!

و الله لو كنا عارفين التوين بجيبك كنا سألنا من زماااااااااان
و الله جربت كل حاجة من غبر فائدة
الأيام الجاية حنعمل فورماتينق للجهاز و النظافة السنوية
لعل و عسى

تحياتي