ســـــــــــــــــــعـــــــــــــــال .............. ممكن ؟ ؟

[طارق الحسن محمد]

يا شباب
كيف احول ملف adobe reder الى word

وشكرا جزيلا

[جمال تاج السر]

الاخ طارق
مرحباً بك في منتدي الكمبيوتر ;)
طلبك تجده هنا http://www.verypdf.com/pdf2word/index.html
أن شاء الله
ودمت بخير

[طارق الحسن محمد]

الاخ طارق
مرحباً بك في منتدي الكمبيوتر ;)
طلبك تجده هنا http://www.verypdf.com/pdf2word/index.html
أن شاء الله
ودمت بخير

:eek: :eek: :eek:
جمال
:eek: :eek:
هنا ؟؟؟
ويرد !!!!!!
:eek: :eek:
وكمان على انا
؟؟؟؟
واحد يقرصنى بالله
:D :D
شكرا يا جيمى
اتفكا من خلعتى واجيك
:D :D

[طارق الحسن محمد]

جــــــــــــــــــيــــــــــــــمى
ياخ كمل جميلك كملو
واشرح
والله انا فى قصة تنزيل وتنصيب
البرامج دى
تور الله فى برسيمو:D :D
بالجد والله

مودتى

[جمال تاج السر]

:eek: :eek: :eek:
جمال
:eek: :eek:
هنا ؟؟؟
ويرد !!!!!!
:eek: :eek:
وكمان على انا
؟؟؟؟
واحد يقرصنى بالله
:D :D
شكرا يا جيمى
اتفكا من خلعتى واجيك
:D :D

ياخي خلعتك دي خلعتني أنا ذاتي
أنت جيتني في بيتي ،،، كيفن ما ارد عليك،،،
وبعدين ما تدي الناس فكرة سيئة عني ياخ:D :D
أنا اي زول يجني هنا، كان طلب لبن الطير بلقاهو ان شاء الله ;)
كدي اتفكا من خلعتي الخلعتني ليها بي خلعتك ،، واجيك راجع بالشرح:D

[جمال تاج السر]

أحححح ... أنتهت الخلعة
نبدأ الشرح...
أول حاجة ياقصة ... بعد تفتح الرابط تضغط علي (Free Download) عشان تنزل البرنامج من النت علي الكمبيوتر بتاعك
بعدين تضغط علي ايقونة البرنامج دبل كليك، وتضغط علي Next اربعة مرات وبعدها علي Install ، وتتنتظر حتى نزول البرنامج علي الجهاز ثم تضغط علي Finish.
بعد ذلك أفتح البرنامج، وبيطالبك بالتسجيل،،
أذا عاوز تشتري البرنامج اضغط Buynow واذا عاوز تشتغل مرة مرتين بالبرنامج وبعد داك يطالبوك بالشراء اضغط علي Try، أما أذا عاوز تسرق البرنامج من ناس الشركة المساكين وتعبوا فيهو... فاتصل بي حمدي اب جقادوا فوراً
بيجيك طاير بي السيريال نمبر بتاعوا...
ونواصل الشرح...