الحزب الشيوعي أمرو عجيب

[بابكر مخير]

حاولت مرة ومرات أن أنزل جريدة الميدان
الكمبيوتر أظنو أنصاري أكتر مني، أصرا وحلف بالتميتوه وتحيهو ما ينزل الجريدة
وندهت كارل ماركس ولينين وإنجلز وبرضهم ما ساعدو وفي الأخير لجئت لي ما هو أقوي من كل شئ.
للحب والمحبة
قدرت ما كان المنادي!!
إسم صغيروني في الحجم ذي سيدوه
لكن جبل الهملايا في قامتو
وكل الكون ما بيساويهو
علي بابكر الكنين
رئيس مجلس الإدارة
لي إسمو عندي وقع السحر وحلال الطلاسم
إنسان، شنو هو الإنسان
ملاك والله ما ببالغ لو قلت أطهر
هو بيتساوى مع الأكثر خاصية عند المولى والبشر
والله يا ناس الحزب الشيوعي طول عمري بحسدكم على الزول دا
كنت بتمنى يكون أخوي وأبوي وروحي الطالعة ونازلة

علي الكنين
مهندس جد وسوداني جد
أحببته دوما وسأحبه دائما

بختكم يالشيوعين

[خالد الحاج]

حاولت مرة ومرات أن أنزل جريدة الميدان
الكمبيوتر أظنو أنصاري أكتر مني، أصرا وحلف بالتميتوه وتحيهو ما ينزل الجريدة
وندهت كارل ماركس ولينين وإنجلز وبرضهم ما ساعدو وفي الأخير لجئت لي ما هو أقوي من كل شئ.
للحب والمحبة
قدرت ما كان المنادي!!
إسم صغيروني في الحجم ذي سيدوه
لكن جبل الهملايا في قامتو
وكل الكون ما بيساويهو
علي بابكر الكنين
رئيس مجلس الإدارة
لي إسمو عندي وقع السحر وحلال الطلاسم
إنسان، شنو هو الإنسان
ملاك والله ما ببالغ لو قلت أطهر
هو بيتساوى مع الأكثر خاصية عند المولى والبشر
والله يا ناس الحزب الشيوعي طول عمري بحسدكم على الزول دا
كنت بتمنى يكون أخوي وأبوي وروحي الطالعة ونازلة

علي الكنين
مهندس جد وسوداني جد
أحببته دوما وسأحبه دائما

بختكم يالشيوعين
حبيبنا دكتور مخير
صباحاتك خير
التحية للمهندس علي الكنين

من عيوب تصميم الميدان الجديدة هو حصرها علي ملف (PDF)
وهو يتطلب وجود برنامج أكروبات ريدر (adobe)
وأنا ما قادر أستوعب لماذا صمموا الصفحة هكذا رغم وجود البدائل الأسهل للقارئ
الميدان يفترض فيها مخاطبة عامة الناس (الغلابة) فكيف توقعوا إلمامهم بتقنية أدوبا؟
وأدوبا ريدر رغم أنها متوفرة إلا أنها تعامل صفوي في إعتقادي.
هنا لنك لأدوبا قم بإنزال البرنامج وأصبر الرابط فهو بطيئ نسبيا وبعدها ستتمكن من قراءة الميدان ومرحب بيك في الحزب الشيوعي السوداني يا دكتور مخير.
البرنامج آخر إصدارة ومجاني

http://www.adobe.com/products/acrobat/readstep2_servefile.html?option=full&order=1&type=&language=English&platform=WinXPSP2&esdcanbeused=0&esdcanhandle=0&hasjavascript=1&flow=gtb&getsconly=1&getpase=1&getgtb=1&x=116&y=15

مودتي

خالد الحاج

[الطيب بشير]

الميدان يفترض فيها مخاطبة عامة الناس (الغلابة) فكيف توقعوا إلمامهم بتقنية أدوبا؟وأدوبا ريدر رغم أنها متوفرة إلا أنها تعامل صفوي في إعتقادي.
آآدوبا الشويعية ما وقـعَـت:p
ثبت عليكم الاتهام بالصفوية
الحبيب مخير و الرفيق خالد الحاج
تحية لكما
فتحت الميدان مرتين..
تذكّـرتُ (ميدان) الانتفاضـة و (خاتمها) الذي ينفع الناس و (تحذيره) من زبدها اليذهـب جفاء ..جالت بخاطري أيام تمام الفتـوّة و منتصف الثمانينات..و الحديث عن أنّ الزمان الطيّب هو الذي راح يشبه أناسآ في خريف العمر..لذا لم لأتبيّن هل سالت دمعتي القريبة الغريبة نواحآ على تلك الأيام أم على الخاتم أم على مستوى الصحافة السودانية؟؟..تعددت الأسبابُ و الدمعُ واحـد!
برغم ذا..مرحبآ بالميدان و بفرسانها..في الميدان
.

[محمد حسن العمدة]

ومرحب بيك في الحزب الشيوعي السوداني يا دكتور مخير.


اهاااااااااااااااااااااااء يا ود الحاج

بعد ما شاب عاوز تدخلو الكتاب ؟؟

اقترح ان يخصص باب في الميدان يطالب الحزب الشيوعي بالخروج من برلمان الانقاذ :cool: :D

[خالد الحاج]

اهاااااااااااااااااااااااء يا ود الحاج

بعد ما شاب عاوز تدخلو الكتاب ؟؟

اقترح ان يخصص باب في الميدان يطالب الحزب الشيوعي بالخروج من برلمان الانقاذ :cool: :D
حبيبنا عمدة ...
مرحب بي عودتك يا أخي...
أجمل حاجة فيك إنك ما بتتغير..
يعني الواحد ممكن بدون ما يقرا ليك يعرف إنت بتتكلم عن شنو..
زول واضح وهدفك واحد ..
الله يديك العافية ويخليك :D

[abu qusai]

اقترح ان يخصص باب في الميدان يطالب الحزب الشيوعي بالخروج من برلمان الانقاذ :cool: :D

ود العمدة أضم صوتي إلى صوتك وأبصم معاك بالعشرة .... أو على الأقل يكون في باب مفتوح لتقويم التجربة ما لها وما عليها مع قناعاتي بأنه العليها كتير ...


خالد الحاج

لك التحية ،

حسب معلوماتي فإنه يتم الآن تصميم جديد لموقع الميدان ، وستقرأ الصحيفة كاملة وليس على PDF ، بس قالوا القصة محتاجة ثلاثة شهور يخيل لي فات منها واحد ، والقحة ولا صمت الخشم ، هي كدا أفضل من العدم .... والمهم ناس الداخل البتخاتفوها وقالوا الخمسطاعشر ألف نسخة ما بترجا الجاري ... يديك العافي .

أبو قصي