طبق اليوم...

[أم سهى]

صلاتي على النبي .. أتاريكم انتو بي جاي؟؟ وانا قاعدة افتش ليكم بي هناك لي ساعة
اها نبدأ طبق الليلة

بيض بصلصة الباشميل

المقادير:-

1 وربع كوب من صلصة الباشميل
4 بيضات مسلوقة وتقطع طوليا الى أنصاف
جبن مبشور
توم مفروم, ملعقة كبيرة بقدونس مفروم

الطريقة:-

ضعي صفار البيض والجبن والبقدونس المفروم وملعقتين من صلصة الباشميل في ماعون واضيفي الملح والفلفل واخلطي المواد لتحصلي على حشوة ملساء

خذي ملعقتين صغيرتين من بصلصة الباشميل واخلطيها مع هذه الحشوة

رتبي البيض في صينية فرن بعد ان تحشي كل بيضة من الخلطة السابقة ثم صبي مزيج الصلصه من فوقه وسخنيه في فرن حرارته 180 درجة لمدة 10 دقائق وقدميه حار وبالهنا والشفا :)

[خالد الحاج]

http://sudaniyat.net/forum/viewtopic.php?t=3696

[haneena]

رتبي البيض في صينية فرن بعد ان تحشي كل بيضة من الخلطة السابقة ثم صبي مزيج الصلصه من فوقه وسخنيه في فرن حرارته 180 درجة لمدة 10 دقائق وقدميه حار وبالهنا والشفا

سلام أم سهي
مرحبآ بأطباقك الرمضانية
لكن الطبق الفوق دة دسم شدييييد
heart attack جاهزة مع وجود أعمامنا و جدودنا :)

واصلي و سلامي للمعاك

[3mk-Tango]

ام سهي تحياتي ..

اسة يعني انا اجيب الحاجات دي واعملها بتطلع لي حاجة كويسة ؟؟

ولا اقول ليك انا بحفظ الكلام دا وبديهو للمدام بعدين وهي تدبر حالا ..

اسة بجيب بالدرب عديل ...

انا غايتو ام علي دي قدرت ليها وسحور يطمن .

[3mk-Tango]

ام سهي تحياتي ..

اسة يعني انا اجيب الحاجات دي واعملها بتطلع لي حاجة كويسة ؟؟

ولا اقول ليك انا بحفظ الكلام دا وبديهو للمدام بعدين وهي تدبر حالا ..

اسة بجيب بالدرب عديل ...

انا غايتو ام علي دي قدرت ليها وسحور يطمن

تسلم الايادي

.

[طارق الحسن محمد]

العزيزة ام سهى مشتاقين وشكرأ على ( صحانة ) رمضان دى ...وصحانة دى عشان مايعلقو لينا مشنقة ناس اللغة البيغادى ديلك ، اها رمضان خلاص قرب يشتت والمهم قضيناه طفييلين على موائد الاصدقاء والحبايب ( العوائل) اها دائرين منك وصفات ما بعد رمضان وبالذات وجبات العشاء لازم تكون يا ام سهى كلها من مطايب اللحوم يعن اى شى من الضان او البقر بدأ من الكوارع الضانى والبقرى ومرورأ بالاحشاء يعنى ( ام فتفت ...كمونية ..مرارة.. وصولأ الى لحم الراس واللسان والعكو وشوية لحم بسسسسسسسسسسسسسيط )لان المتعة فى الحاجات القلهتا ليك دى فابالله زودينا بافكار جديدة و,( طرائق ) مختلفة وجزاك الله عنا كل خير

[أم سهى]

الحبيبة حنينة
والله دسمة لكن لذيييييذة وما مشكلة اعمامنا يوم واحد ما بقتلهم:p

عمنا تنقو الظريف
يلا انا منتظراك بالدرب عديل تعال واكل المطايب وما تنسى عليك الله اعمل القشطالية للسحور والله حاجة ابهة عديل

الاخ طارق الحسن
تسلم يا طارق لكن الحاجات القلتها تحت دي لا بعرف ليها لا من ناسها ولا باكلها خلينا في الحاجات الظريفة دي تقول لي راس؟:D
ده راس كليب ولا شنو؟
طيب لمن انت بتشرف العوائل وكدة مالك نحن ما ماليين عينك ولا عشان ناس سهى وسارة مافي خلاص ما بقينا عوائل:mad:
تحياتي

[أم سهى]

كبة البطاطس

المقادير:-

4 حبات بطاطس (تقطع حلقات سميكة بعد التقشير
3 فصوص توم مطحون, بيضة , ماح , نصف ملعقة فلفل اسود
للتحمير:-
2 كأس زيت , بيضة مخفوقة - كأس بقسماط

الطريقة:-

نحمر البطاطس في زيت ونهرسها جيدا وهي ساخنة ونضيف الملح والفلفل والبيضة
نعجن العجينة ويمكن اضافة شوية بقسماط
وناخذ قطعه بحجم البيضة ونفتحها ونحشيها بالجبن والخضار المقطع
نغمسها في البيض المخفوق ثم البقسماط
نحمرها في زيت حار نسبيا ولا نقلبها حتى يحمر لونها لكي لا (تتفتفت)

ومعاها كمان
سلطة التبولة

المقادير

حزمتين بقدونس , 2-3 حبات طماطم , 4 أوراق خس , 2 حبه خيار , ربع كاس صغير برغل ناعم (يغسل ويبل في ماء لمدة 10 دقائق)
عصير ليمونتين, ربع كاس صغير زيت زيتون_ ملح

الطريقة"-

بعد غسل الخضار جيدا يفرم ناعما ويخلط مع بعض
يوضع عصير الليمون والزيت والملح في ماعون اخر
عند التقديم يضاف البرغل وعصير الليمون ويخلط مع الخضار ويقدم

اها كمان
حلى البسكويت بالاناناس

المقادير:-

باكيت بسكويت فرنسي مطحون (اي بسكويت خفيف)
نصف باكو صغيرزبده - 2 باكيت كريم كراميل
12 قطعه صغيرة جبن كيري - 2 علبة قشطة
2 ملعقة حليب بودرة_ كاس صغير من الحليب السائل
3 قطع من شرائح الاناناس

الطريقة:-

نضع الزبده في طوة ونضيف البسكويت المسحون وتقلب في نار هاادئة حتى يتحمص البسكويت ويرفع من النار
يوضع البسكويت في صينية التقديم
تخلط جميع المقادير وتصب فوق البسكويت المحمص بشكل متساوي ونضع المكسرات او شرائح التفاح ونضعها في التلاجه لحين التقديم
وبالهنا والشفا

تخريمة-
تاني ما تخلو البوست ده يرجع ورا

[أم سهى]

شكلكم مليتو البوست ده:p
لكن اصبرو على شوية ايام وتتعدي

بما انو رمضان سخن الايام دي حاقدم ليكم حاجة باردة:)

آيس كريم القهوة

المقادير:-
2 ملعقة كبيرة نسكافيه
4 ملاعق كبيرة زبدة
سكر ناعم(120) غرام
4 ملاعق كبيرة كاكاو
5 ملاعق من الماء
1وتلاتة ارباع كوب من الحليب المكثف المبرد

الطريقة:-
ضعي النسكافيه والزبده والسكر والكاكاو والماء في قدر وسخني المزيج على نار معتدله مع التحريك بهدؤ حتى الذوبان
دعيه يغلي واتركيه بعد ذلك ليبرد
2- اخفقي الحليب المكثف المبرد الى ان يصبح كثيفا واخلطيه مع مزيج القهوة البارد الى ان يمتزج به جيدا
انقلي المزيج في وعاء ودعيه يجمد زبالهناء اكلوهو:)

[مي هاشم]

ما ملينا يعلم الله..
أها..كتبتِ فوق بيض بالبشميل..
حاكتب طريقة لعمل البشميل..

بشميل (مقدار كوبين)


المقادير

ربع كوب زبدة مذابة أو سمنة
ملعقتان كبيرتان دقيق
كوبان حليب "يمكن استعمل حليب قليل الدسم"
القليل من الملح والفلفل

بيضة "حسب الرغبة"



الطريقة
نضع إناء عميق على نار هادئة ،نضع الزبده أو السمن حتى يسخن ،يوضع الدقيق على السمن ويقلب حتى يتغير لونه إلى الأصفر ثم يصب الحليب بالتدريج مع التحريك الدائم حتى يتجانس الخليط ،يضاف الملح والفلفل، يترك لمدة خمس دقائق،ويرفع من النار،تضاف البيضة بعد أن يبرد "حسب الرغبة".

يكون البشميل جاهز للإستخدام

[أم سهى]

ميويه العسل
باين عليك بتحبي الاكل اللذيذ:p

يلا كتري من المطايب وخلي الجماعة يشبعو حتى لو قراية بس
:)

[ندى]

الحبيبة أم سهى
إزيكم وواحشني شدددددددددديد والله
يا ستي قالوا الواضح ما فاضح
أنا لا بعرف أعمل حاجة ولا شئ
إلا والله جابني ليكم الجوع ساااااااااااي
والسبب التاني الجابني ليكم
قلت يمكن لو الجكس شافني داخلة بيجاي يقول والله دي ست بيت تمام وكدة
فهمتيني يا ام سهى !!

ملحوظة هاااااااااااااااااامة
كنت حاجزة البيض المسلوق لكن الحنينة ما ادتني فرصة
أظنها لاحقاني هههههههههههههههههه

[مي هاشم]

حبيبتنا أم سهى

الناس كلها بتحب اللأكل اللذيذ،وامي ربنا يديها العافية كانت بتصر علينا في الإجازة نتعلم الطبيخ "كنت بكره الإجازة"لكن الآن عرفت الفايدة.

من وصفات ست الحبايب نديكم فطاير سريعة ولذيذة



المقادير

3 أكواب دقيق
نصف كوب زيت
بيضة
نصف كوب حليب
كمون أسود
ربع ملعقة صغيرة صغيرة خميرة
ملعقة صغيرة باكنج باودر
ملعقة صغيرة سكر
ملح
ماء دافئ "حسب الحاجة في العجينة"



الحشو

أي نوع من أنواع الجبن
زيتون
أو خضار مشكلة
أو حتى تمر أو أي حلو



للزينة
بياض بيضة
سمسم مقلي



طريقة التحضير


نصب الدقيق في إناء عميق، نضيف الملح "حسب نوع الفطيرة حلو أو مالح"والسكر والخميرة والباكنج باودر والكمون نقلبهم مع الدقيق
نضيف الزيت ونواصل الخلط حتى نتأكد من وصول الزيت لكل الدقيق،نضيف الحليب ونواصل التقليب،نضيف البيضة ،نبدأ بإضافة الماء تدريجياً حتى يصبح العجين كتلة واحدة وغير لاصقة بأطراف الإناء وغير لاصقة باليد.
نغطي العجين ونضعه جانباً لمدة ربع ساعة "ويمكن الاحتفاظ بكمية في الثلاجة واستخدامها بعد أيام".
نقطع الخضار تقطيعاً ناعماً.
نقسم العجين إلى كرات "حسب الرغبة "مع مراعاة كبر حجم الكرة في الفرن.نحضر صينية فرن ونمسحها مسحة خفيفة بالزيت.
نفتح كرة العجين في كفة اليد ونضع مقدار من الحشو، نلم أطراف العجين في الوسط ونضع مكان إغلاق العجين على الصينية،وهكذا حتى نرص الكرات على الصينية،نراعي البعد بين الكرات لازدياد الحجم.
ندهن أعلى كل الكرات ببياض البيض ونرش السمسم عليه حتى يثبت ،كما ان بياض البيض يعطي لون بني فاتح جميل ونكهة طيبة.





ماعارفة شرحتها كويس ولا لأ..المهم تجربوها..ساااااااااااهلة يا ندى

[walid taha]

أُم سُهى..لكى التحية ..

تعرفى يا ام سهى انا الليلة اول مرة اشوف (طبقك) ده ...وخسارة والله انو اشوفو الليلة يوم الوقفة

أسمعى ..ما ممكن تحولى لى (لكعك اليوم) ؟ ...

تخريمة : المدام طالبة كتيب الحلويات مِنّى قلنا نوفر ;)

التحية لكى مجدداً وكل سنة وانتى طيبة والاسرة بألف خير وعافية ..

ولزهير التحية متعه الله بالصحةوالعافية

أخوك وليد

[عادل عسوم]

أم سهى
(طقشتنا) ريحة الفطيرة قلنا نرفع (الصينية) دي :p
:D
تحايا

[بابكر مخير]

أم سهى
(طقشتنا) ريحة الفطيرة قلنا نرفع (الصينية) دي :p
:D
تحايا

الحبيب عدول
لا هو رمضان
ولا، إتنين، لا خميس
شنو الحكاية؟؟
جوعة
خرمة
ولا آهااااااااااا
المدام ما موجودة:D:D:D