المساعد الشخصي الرقمي

مشاهدة النسخة كاملة : صيدا الكاميرا (2) .. نفيسة ..نسنس - علويه .. علو - فاطمة.. فطمطم

3mk-Tango
09-12-2005, 06:45 PM
http://216.86.150.60/videos/0/260457_3830b.wmv


التحية للعم قاسم ..اطال الله في عمره وهو راضي سعيد..
____

اها الراي شنو في الناس البكتشفو الشلوخ يوم العرس ديل ...؟؟

:D :D

.
.
Osman Hamad
09-12-2005, 08:00 PM
العزيز تنقو
معك نحيى العم قاسم، متعه الله بالصحة والعافية.

والشكر لك وانت تمتعنا بهذة الروائع.
haneena
09-12-2005, 10:45 PM
العزيز تنقو
ياخي و الله حاجة حلوة و مليانة معاني كمان
الناس كانت كيف علي سجيتها و آخر بساطة و كل شئ بالبركة
لكن ناموس الكون ينادي بالتغيير

لكن بالله ما شافها إلا يوم العرس؟!!!
و اخينا إتمقلب في الشلوخ..رغم حبي لذوات الشلوخ

لو كان حضر أيام صفاء..صفصف
و سناء..نوسة
و لمياء...لولو

كان بقي في كلام تاني :D :D

شكرآ علي البسمة يا خالد
طارق الحسن محمد
10-12-2005, 12:22 AM
ألعزيز تنقو اللذيذ ...............اسمعنى يا خوى القصة كانت ماشة والامور كانت ماشة ؟ والنقة دائمأ ما قعد تمشى لقدام ؟ ؟ ؟؟ ؟ ؟ لانه الزمن ( مكعبر) ؟ ؟ ؟ ونحنا نتاج الفكرة دى من الالف للياء ؟؟؟؟ اها قولك شنو ؟؟؟؟ والشلوخ دى كانت بتعمل عمايل فى اخوك ؟ ! ؟!! وما تفهم انه اخوك جلكيم زى ما بيقول عثمان حامد ؟ ! ؟ ! لكن حنيين لزمن لن يعود ! ! وحسن عطية بيقول ما شلخوك بفصادة اهوى الخدود السادة ؟ ؟ ؟ اها شن قولك ؟ ؟ ؟ ؟
مي هاشم
10-12-2005, 11:45 AM
عمك تنقو
جميل والله ورائع صيد الكاميرا

الزمان بيتغير نعمل شنو؟؟
3mk-Tango
11-12-2005, 10:14 PM
تحياتي الحبيب عثمان

العفو يا حبيب .. اهو في ناس بعيدين بنحاول نخليهم متابعين وزي
وزي ما الاخبار بتصل برضو قليل من الابتسامات تريح القلب ..

لك الود
3mk-Tango
11-12-2005, 10:17 PM
لو كان حضر أيام صفاء..صفصف
و سناء..نوسة
و لمياء...لولو

كان بقي في كلام تاني

فعلا ياحنينة العم قاسم اختار بي اسم الدلع
يعني في الزمن دا كانو بجوهو جاهزين بي اسم دلعهم الا يشوف ليهو
طريقه تانية للاختيار ...

ناس كانت حلوه وتعيش حياتها بالبساطه حقيقه ..

تحياتي
3mk-Tango
11-12-2005, 10:21 PM
طارق الحسن .. تحيات الف ..

والله كان جلكيم من زمن العرس بي 15 جنية تكون جدو عدييييل ...

كتير الاتقال عن الشلوخ وعن الخدود السادة .... خليني احرك ليك الذاكرة واجيك ..

لك الود
3mk-Tango
11-12-2005, 10:24 PM
عمك تنقو
جميل والله ورائع صيد الكاميرا

الزمان بيتغير نعمل شنو؟؟

تسلمي يامي ..

طبعا فقط نستلهم منو الجميل ونحاول نغرسو في انفسنا واولادنا
وندعو للجميلين الحملو الروح الحلوه بدوام الصحة والعافية ..

لك الود
alwajeeh
13-12-2005, 10:51 AM
عمك تنقو

دائما تسعي لاسعاد الاخرين بالحب والجمال ...جهدك مقدر حقيقة .

ياخي احبك كثير والله العظيم ....وبث

ود الزين
3mk-Tango
13-12-2005, 05:32 PM
ود الزين الزول الزين

تسلم كتير ..

تعرف زي ناس عمنا قاسم ديل انا احبهم جدا .. ناس بدوك العصارة بتاعه تجاربهم بي بساطه
وبتطلع منهم حكم وابتسامات روعة .. الزول دا اول مرة اشوفو في الحلقة دي .. لكن اتخايل
لي اني بعرفو من زمن طويييل .... فقدنا كتير بي السفر ومن ضمن الفقد انو فقدنا التواصل مع
الاجيال دي ..

ليك الشكر