المساعد الشخصي الرقمي

مشاهدة النسخة كاملة : *** مصطلحات عامّية سودانية ***


الصفحات : 1 2 3 4 5 [6] 7 8 9 10 11 12

فيصل سعد
29-07-2008, 09:25 AM
ومع الاعتذار ليك كمان ... اظن الرسالة وصلتك على الهوا ...
كلو معلوم ما عدا (العكو)
شاكرين حسن تعاونكم

تسلم يا حبوب و سلملي برضو على القاورمة و عصيدة الدخن و الكبكبي و القضيم و الجمبري :D:D

منال
29-07-2008, 09:32 AM
احيانا فيك ريحة جنترة ... ومكابسة ... وضفاري في وطن القماري ...
ما باكل الفسيخ ولا الملوحة ... ياخ دا سمك مدتو منتهية ما عارفكم كيف (بتستعملوهو وتستحملوهو)
ولكن !!!! ان البطن أمارة بالسوء ... إلا من أبى

الجنترة دى صدقت فيها تب يا ود ابوعاقلة :D:D... لكن لو ما ضقت سمك بلدنا دى عمرك كلو ضايع حتى اكان مدتو منتهية بس كيف يظبط بعدين ما تشيل هم البطن تدوس بس ده مصطلح عندنا لزوم الاكل فى الاماكن العامة و الشعبية
شبارقة عاد اخوى اصيل
اخوى مقنع الكاشفات و عشى البايتات و رباى اليتامى البفك الضيق و يبل الريق ...اخو الرايقة.. العينة و الزينة
و التانية
فى القهوة ما جلاس و فى الكورة ماخد الكاس (ازرق احمر )

أشتر
29-07-2008, 09:32 AM
انت غطستك فوق راى ( شى اجازة بعد زنقة شغل)... تسلم كتير يا محمد لانك جوه البال و فوق حد الشوف سلمت روحك يا جنى. و الخستقات ردوم ردوم ... و طريت المردوم عشان التراث
مودتى
لكن ما بتكون زي خستكاتي باي حال من الأحوال ... خصوصا عندما ادخل بحمد واطلع بخوجلي وربما ما اطلع .... نفس الغتسة والقلق بالدستة ... وأجر الزهج والقول للحايم في متر ...
بالنسبة للايقاعات السودانية اكيد بتحتاج لواحد عندو دراية بالموضوع ولو فيصل دق سدرو وقوقلينا الموضوع قطع شك بجيب خبرو لكن بشرط تكون في نماذج لكل ايقاع ...
وتسلم دواخلك على كلامك الحلو البدخل جوانا ولا على كيفنا ...

منال
29-07-2008, 09:38 AM
فيصل سعد مالك ياخى سمعت و لا جابوه ليك ...كمان تفتح لى عديل كده اصبر لى بجيك لا عندك و رافعة راية كمان

فيصل سعد
29-07-2008, 09:40 AM
طيب يا اللخو :

مزمز بديل لغاية ما اجيك برواقة :

التمتم ، السيرة، الشاشاي ، المردوم، الجرجار، الريقي ، الكلتش، واحد على اربعة ، عشرة بلدي

أشتر
29-07-2008, 09:41 AM
الجنترة دى صدقت فيها تب يا ود ابوعاقلة :D:D... لكن لو ما ضقت سمك بلدنا دى عمرك كلو ضايع حتى اكان مدتو منتهية بس كيف يظبط بعدين ما تشيل هم البطن تدوس بس ده مصطلح عندنا لزوم الاكل فى الاماكن العامة و الشعبية
يا فردة عندنا يوم كامل من صباح الرحمن ولغاية ما تقع الشمش في حتة بنقول ليها الدبش ... المنطقة دي بعد خزان جبل اولياء مباشرة ... بنأجر مركب ونقعد في نص البحر نصطاد سمك ... والسمكة من السنارة للحلة زي ما عملا فينا سامي لم كان اليوم عليهو ... اها شفتي ليك فِرش اسرع من كدا ... لكن المشكلة لم كلمنا ... قمنا وسّخنا البحر ... ورقدنا قش ...

فيصل سعد
29-07-2008, 09:44 AM
فيصل سعد مالك ياخى سمعت و لا جابوه ليك ...كمان تفتح لى عديل كده اصبر لى بجيك لا عندك و رافعة راية كمان

يا بت عمك افتح ليك باب الود و الترحاب و الاحترام على مصراعيه ..
و بركة بالشوفة و تسلمي من كل شر ..

منال
29-07-2008, 09:50 AM
:Dيا فردة عندنا يوم كامل من صباح الرحمن ولغاية ما تقع الشمش في حتة بنقول ليها الدبش ... المنطقة دي بعد خزان جبل اولياء مباشرة ... بنأجر مركب ونقعد في نص البحر نصطاد سمك ... والسمكة من السنارة للحلة زي ما عملا فينا سامي لم كان اليوم عليهو ... اها شفتي ليك فِرش اسرع من كدا ... لكن المشكلة لم كلمنا ... قمنا وسّخنا البحر ... ورقدنا قش ...

اصلى يا صياد السمك و من جبل اولياء على الفرش ما ضقتو ..و ساخن على الجمر و الشطة الحارة و البصل الاخضر ... و اكيد بكون يوم ما ساخن جو ع البحر الخلاكم تاكلو و ترقدوا قش :D:D

أشتر
29-07-2008, 09:52 AM
طيب يا اللخو :
مزمز بديل لغاية ما اجيك برواقة :التمتم ، ... السيرة، الشاشاي ،المردوم، الجرجار، الريقي ، الكلتش، واحد على اربعة ،
عشرة بلدي

التمتم والمردوم ... الجرجار ولا الجرار (اشك) ... من الايقاعات السودانية المعروفة
الريقي لبوب مارلي وشلتو ...
الكلتش ... كلتشي :D ولا كلتشك ...
واحد على اربع = ربع تون
عشرة بلدي ... اااااخ يا بلدي يا حبوب

منال
29-07-2008, 09:52 AM
يا بت عمك افتح ليك باب الود و الترحاب و الاحترام على مصراعيه ..
و بركة بالشوفة و تسلمي من كل شر ..

تسلم يا فردة بس فقدتك فى الخاص و العام ... الشوفة سمحة و دقى يا مزيقة و لا خلينا فى ايقاعتنا ديل راجياك

أشتر
29-07-2008, 10:02 AM
:D

اصلى يا صياد السمك و من جبل اولياء على الفرش ما ضقتو ..و ساخن على الجمر و الشطة الحارة و البصل الاخضر ... و اكيد بكون يوم ما ساخن جو ع البحر الخلاكم تاكلو و ترقدوا قش :D:D
كلامك دا اسمو ملاحقت الونسة ...
يعني الواحد لازم يكتب اي حاجة ... في اكشنات بتطلع اثناء الكتابة بنخلي القارئ (يستنبط) براو بعض الأفعال لسترة الحال:D:D:D ... تماما كما يفعل سامي قبيل الغروب ... عندما يسألنا ... القيف بى وين والمركب ماشه على وين :D والخزان دا ليه عالي كدا ومويتو فايرة ... واقوم بكل تهذيب انبزو ... ياخي انت بطنك فايرة مالك ومال الخزان إلعن ....... ... وفي تلك الأثناء اذا بـ واحد اخونا تاني حلج وبغم في تلتلة وسمين ... واكثر ما كان يرعبني مكان وجوده داخل المركب ولكن الفقري كان يحبذ الطرف وانا اصر على بقاءه في الوسط حتى لا تنكفي ونرجع كلنا بى سمكنا المويه تاني ...
هوي انا سرحت ... سوري

شبارقة
29-07-2008, 10:04 AM
ساكت تغنوا على الفتريتة
واجعني في البلح و السمك
و العكو و الكوارع و مديدة الحلبة السكات ..
"مع الاعتذار للنص الاصلي"



و سلملي برضو على القاورمة و عصيدة الدخن و الكبكبي و القضيم و الجمبري :D:D

شكراً يا فيصل على المعلومات القيمة ..والحمد لله كلهن بيعملن عمل الفتريتة ... وسلملي على اللمبة :D:D :D

منال
29-07-2008, 10:18 AM
كلامك دا اسمو ملاحقت الونسة ...
يعني الواحد لازم يكتب اي حاجة ... في اكشنات بتطلع اثناء الكتابة بنخلي القارئ (يستنبط) براو بعض الأفعال


تعرف اهم ما فى الذكريات انها بتنحكى و عشان كده ما تتخيل انك سرحت ... بعدين الكلام على بعضو ونسة و طرينا الماضى .. و ضحكت فى شكل مركبكم و اصحابك ونقطة الارتكاز كمان... اها كمان كتابتك و وصفك ده مهم لزول ما شاف الخزان و الجبل و بتساعد اصحاب الخيال الواسع :p

أشتر
29-07-2008, 10:26 AM
وبتساعد اصحاب الخيال الواسع :p
اها ..
جوة المركب .. فِضلوا يغنوا ..
يغنوا
وشوية .. شوية .. سكتْ المركب
كل الناس إتنين .. إتنين
فرح إتكلم بى لغتين ...
كانو معايا وجانى حنين الكون .. إتكوّم ...
اخخخخخخخ بس

أشتر
29-07-2008, 10:30 AM
شكراً يا فيصل على المعلومات القيمة ..والحمد لله كلهن بيعملن عمل الفتريتة ... وسلملي على اللمبة :D:D :D

بتتأثر بالمواضيع سريع يا شبارقة ...
خشيت بهناك ... كفكفت يدي لكن قلت ماف داعي كفاية الكمنجات الطلعت ام كيكي ...
بتعرف ام كيكي ؟

فيصل سعد
29-07-2008, 10:43 AM
كفكفت يدي لكن قلت ماف داعي كفاية الكمنجات الطلعت ام كيكي ... بتعرف ام كيكي ؟

غايتوا اخونا عبد الكريم الامين احمد "كيكي"
عضو و اخ زميل و صديق معانا هنا رشانا بوست مريسة
و عرقي و عسلية و كجمورو و شتت ..

كان انت قاصد تشرك ليو بالمداخة دي تكون حريف و معلم و فقري :D:D
و الا فهو معك بالدوحة و بتلاقيو و بلغه تحياتنا و كدة :D:D

شبارقة
29-07-2008, 10:50 AM
بتتأثر بالمواضيع سريع يا شبارقة ...
خشيت بهناك ... كفكفت يدي لكن قلت ماف داعي كفاية الكمنجات الطلعت ام كيكي ...
بتعرف ام كيكي ؟

بتتأثر بالمواضيع سريع يا شبارقة ...
لازم الواحد يكون مع الزمن ومتابع

خشيت بهناك ... كفكفت يدي لكن قلت ماف داعي كفاية الكمنجات الطلعت ام كيكي ...
شايف الأيام دي ناس كتار نقلوا ساحات القتال ومعتركاتهم من القرية المجاورة لينا هنا في سودانيات ... وأنا حزين لذلك ... المهم خلونا نحن زي ما نحنا في هترشاتنا وونستنا الأخوية دي في بوستاتنا المرحة والمعروفة للجميع .. نحن زهجنا من السياسة ومن الساسة كمان ... الواحد محتاج لمساحات من الفرح والود الصافي وأكيد ح نلقاهو معاكم

بتعرف ام كيكي ؟

ههههه كمنجة بلدية في غرب السودان

أها بتعرف أم جكـّاكي ؟:D

شبارقة
29-07-2008, 11:03 AM
غايتوا اخونا عبد الكريم الامين احمد "كيكي"
عضو و اخ زميل و صديق معانا هنا رشانا بوست مريسة
و عرقي و عسلية و كجمورو و شتت ..

:D:D

و شتت ..
لما تدوها أم فتفت ح يرجع ليكم :D:D

شبارقة
29-07-2008, 11:08 AM
و الا فهو معك بالدوحة و بتلاقيو و بلغه تحياتنا و كدة :D:D

شايف يا ود أبو عاقلة ... مش قلت ليك جهجهتنا

أشتر
29-07-2008, 11:37 AM
لازم الواحد يكون مع الزمن ومتابع

شايف الأيام دي ناس كتار نقلوا ساحات القتال ومعتركاتهم من القرية المجاورة لينا هنا في سودانيات ... وأنا حزين لذلك ... المهم خلونا نحن زي ما نحنا في هترشاتنا وونستنا الأخوية دي في بوستاتنا المرحة والمعروفة للجميع .. نحن زهجنا من السياسة ومن الساسة كمان ... الواحد محتاج لمساحات من الفرح والود الصافي وأكيد ح نلقاهو معاكم
ههههه كمنجة بلدية في غرب السودان

أها بتعرف أم جكـّاكي ؟:D

دي معارك اسفيرية وجعجعة ساي ... عشان كدا يا خوي نشتري دماغنا ونستفيد زي ما قلت وكفاية الغربة الطلّت زيتنا ...
سامع يا فيصل ... ام كيكي طلعت شنو ... من فصيلة الكمنجات برضو .... لكن بوتر واحد
ووردت في اغنية لنانسي عجاج هنا في بلدا هيلي انا
http://www.darg3l.com/uploaded/1639_1215072541.mp3

ام جكاكي يا كوتش لو ما كانت اكلة تبقى طيرة ... والله اعلم

فيصل سعد
30-07-2008, 10:46 AM
ام جكاكي يا كوتش لو ما كانت اكلة تبقى طيرة ... والله اعلم

انت يا بوكش :D:D اقعد احقر بالطير كدة لامن
يلم فيك ودبرك يديك الدرب :D:D

سامعني يا فتريتة :D:D

شبارقة
30-07-2008, 11:47 AM
ام جكاكي يا كوتش لو ما كانت اكلة تبقى طيرة ... والله اعلم


انت يا بوكش :D:D اقعد احقر بالطير كدة لامن
يلم فيك ودبرك يديك الدرب :D:D

:D:D

أم جكاكي هي مكنة الخياطة (لأنها بتجكجك :D) والتعبير ده مستخدم في غرب السودان وأيضاً أم جكاكي تطلق على الترزي وكان من باب أولى أن يقال للترزي (أب جكاكي) ولكنها مقصودة (حقارة عدييل كده) لأن الخياطة شغل بتاع نسوان :D:D

فيصل سعد
31-07-2008, 06:39 AM
أم جكاكي هي مكنة الخياطة (لأنها بتجكجك :D) والتعبير ده مستخدم في غرب السودان وأيضاً أم جكاكي تطلق على الترزي وكان من باب أولى أن يقال للترزي (أب جكاكي) ولكنها مقصودة (حقارة عدييل كده) لأن الخياطة شغل بتاع نسوان :D:D

اعمل حسابك كلام زي دا ما يلصق فيك تهمة عقلية ذكورية :D:D
لو الخياطة شغل نسوان زي ما بقولوا يمين ما كان ود مقنعة فيكم
لبس جلابية و عراقي على الاقل اذا طلعنا البناطلين و البدل و القمصان
و ترسنا البحر خيرصان :D:D

أشتر
31-07-2008, 06:51 AM
انت يا بوكش :D:D اقعد احقر بالطير كدة لامن
يلم فيك ودبرك يديك الدرب :D:D

سامعني يا فتريتة :D:D

سامعك يا طابت ...
والسامعك دا ما عشوشة عشان تخوفو بـ ودابرك ...:D
ودابرك زاتو غير ينط ويطير عندو شنو !!!
صحي القالو ليو طيره نبّزو !!!
صباحاتو يا لزيز يا رايق ...

أشتر
31-07-2008, 06:55 AM
أم جكاكي هي مكنة الخياطة (لأنها بتجكجك :D) :D:D
:D:D:D:D اخر حاجة ممكن اتخيلا ...
انت عارف المطرب البغني بالاورغ برضو اسمو ترزي ...
والخياطة خشم بيوت !!!

فيصل سعد
31-07-2008, 07:14 AM
سامعك يا طابت ...


طبعا فتريتة دي ما حقتك و ما ليك :D:D
لكن دقست و شلتها و لبستها براك و باختيارك :D:D
الظاهر عليك شغال بنظرية الواقعة من السماء تتلقاها الواطة :D:D

اها لسة ما اتسبك !!!

أشتر
31-07-2008, 07:42 AM
طبعا فتريتة دي ما حقتك و ما ليك :D:D
لكن دقست و شلتها و لبستها براك و باختيارك :D:D
الظاهر عليك شغال بنظرية الواقعة من السماء تتلقاها الواطة :D:D

اها لسة ما اتسبك !!!

قلت ادخل من باب اللبط لا غير ... أتلبط شراً:D
ههههه عارف والله توارد غريب
الواطة دي عندها ليها بوست متردد انزلو اسمو (مع الاعتذار للواطة)
فكرتو في راسي حايمة ليها كم يوم ... لكن بوين مع ضهبي دا
بمناسبة السباكة ... قلت ليك بالصباح الميديا ما شغالة معاي ... غايتو الا اشيل وأليس ساي على عماي ...
وطبعن يا حبيب اي شي ممكن تتخيلو الا السمع ... فبخلي الحاجة دي للامسيات والسكون ...
ورنة الحزن البخافا !!!!!!!!!!!! خخخخخخخ

شبارقة
31-07-2008, 12:52 PM
اعمل حسابك كلام زي دا ما يلصق فيك تهمة عقلية ذكورية :D:D
لو الخياطة شغل نسوان زي ما بقولوا يمين ما كان ود مقنعة فيكم
لبس جلابية و عراقي على الاقل اذا طلعنا البناطلين و البدل و القمصان
و ترسنا البحر خيرصان :D:D

ههههههههههه هييييهههييي .... يجازي مِحنـَك يا فيصل :D:D

فيصل سعد
01-08-2008, 01:39 PM
ههههههههههه هييييهههييي .... يجازي مِحنـَك يا فيصل :D:D

محني انا ولا محنك انت دي :

" حأخليك في كآبة ورتابة
لحدي ما تعتزل السايبر والكتابة
وتدخل مع ذاتك في حرابة
وتنسى الهوى والصبابة "
و سلملي على ديجانقو و سارتانا و الكضمي :D:D

ما تاخد ليك لفة يا حبوب و تقرع المصطلحات
الوراء ديك و ترص ما جاء في الونسة الفاتت برضو ينوبك ثواب..

ابقى طيب و ارقد عافية ..

باسط المكي
01-08-2008, 02:05 PM
الحلقة والسندقيقة ؟؟
............................
اجزاء من الساقية.
............................
ومعناه كل النا س موجودة.
............................
وبقولو لقيت الحلقة بي سندقيقتها
يعني الكل موجود..
..........................
مشاركة

فيصل سعد
01-08-2008, 02:43 PM
التحايا و الشكر يا باسط
للمشاركة و خليك قريب ..
و خليك في البوست دا حلقة و سندقيقة :D:D

باسط المكي
01-08-2008, 03:17 PM
التحايا و الشكر يا باسط
للمشاركة و خليك قريب ..
و خليك في البوست دا حلقة و سندقيقة :D:D
لك كل الود فيصل سعد ..
تحية بطعم المغارب وشاي لبن و ونسة مع عزيز دون هواجس وتفكير ..
.................................................. ..................................

الجرق = التور البيعتمد عليه في الزراعة ويقولو فلان جرق يعني يعتمد عليه وراكز.
الفرنيب = شرك من الحبل والعود وتد علي الارض عليه طعم للصبرة او الضبعة .
براق القنق مابلحق العبادي = نوع من البراريق زي العبادي والقبلي لكن لما يلمع ما بيبشر بالمطر
ويضرب للانسان الفاشل .

فيصل سعد
01-08-2008, 03:29 PM
لك كل الود فيصل سعد و تحية بطعم المغارب وشاي لبن
ونسة مع عزيز دون هواجس وتفكير !!


سلام يا باسط تاني و شكرا للمشاركة و التحية
رغم انه عزيز دي انت قاصد ما تخت ليها تاء مربوطة
حسادة منك بس :D:D و كدا :D:D

ملهوزة : اكتب بخط حجم 5 بظبط ليك المداخلة تب :D:D

باسط المكي
01-08-2008, 06:38 PM
بين الثريا وابريا = يعني الامل البعيد.
فلان قمرا وين يطلع = يعني لسة يدوب .
الديداب =درب الحمير او الدواب.
ايام الدهاريب والسماء الهراج = ايام الرياح الخريفية والرعد والبرق.
الباشندي فتق = نبات في البطانة تغني به الحاردلو.
الحنتوت = نبات خريفي في البطانة .
النبرو= ري الارض بالجوز عبارة عن صفيحتين اوجركانتين.

كده حلقة وسندقيقة ..
.................................................. ...................

اها قلت لي ونسة المغارب والقدلة قبل المغيب اجمل شي
والملايات تهبب ..

و يا حلاة الشاي من يدين عزيزة ..

تحياتي ..

فيصل سعد
02-08-2008, 09:52 AM
سلام يا باسط و شكرا للاضافات الثرة..
بمناسبة النبرو ناس خالد الحاج و اهله الشوايقة
عندهم معنى تاني بعيد جدا من المعنى الذي ذكرته ..
فاقنص ليو خلي يجي يوريك ليو بضرب مثل و كدة :D:D

فيصل سعد
03-08-2008, 12:53 PM
هدية للجميع هنا اتمنى ان تنال اعجابكم ..
http://sudaniyat.net/up/uploading/taha-ahla.ram

أشتر
03-08-2008, 08:32 PM
هدية للجميع هنا اتمنى ان تنال اعجابكم ..
http://sudaniyat.net/up/uploading/taha-ahla.ram

مساءآآآتو ...
أغنية تاريخ صلاحيتا قرّب ينتهي ... مجوبكة ومكعكعة ... وخاشه عليها موجة تانية ...
تكون سجلتها من الأس دبليو فور يا شنكاتي ...

من شبارقة ولشبارقة مع اجمل تحياتي ...
كما أحب أن أهديها للأهل بفانكوفر واستكهولم وشعلوها الخوالدة وفاتحه الجعليين مع كتير اشواقي وعقبال مية شمعة ...

أشتر
03-08-2008, 08:37 PM
مساءآآآتو ...
أغنية تاريخ صلاحيتا قرّب ينتهي ... مجوبكة ومكعكعة ... وخاشه عليها موجة تانية ...
تكون سجلتها من الأس دبليو فور يا شنكاتي ...

لكن ليه لم اقتبستها جاتني واضحة ومن فنان ما عرفتو وفي الأول سمعت شبارقة !!!

أشتر
03-08-2008, 08:42 PM
مرحبن باسط المكي للاضافات الشديدة والتي نالت اعجابي واعجاب القاعد معاي وقال ليك ايام الدهاريب والسما الهراج دي مفروض تكون في قصيدة شعر مليانة شعفوفة ...

أشتر
03-08-2008, 08:54 PM
لكن ليه لم اقتبستها جاتني واضحة ومن فنان ما عرفتو وفي الأول سمعت شبارقة !!!

هههههههههههههههههههههههههههههههههههههههههههههههههه
اكتشفت السر
هههههههههههههههههههههههههههههه
فتحت اتنين تاب ... واحد بتاع انتا يا خالد الحاج اديتني شنو والتاني مصطلحات
هناك الاغنية بتشتغل اوتوبلاي وشغلت الاغنية بتاعت فيصل هنا ...
فعملو مكس ...
غايتو يا جننتونا يا كمان جنينا برانا وفي الحالتين ... جنترة أس مافي ...
واسفين للازعاج يا شباب !!!!!!!

فيصل سعد
05-08-2008, 08:13 AM
يا زول مافي ازعاج و فالك طيب ..

ماهو الفرق و العلاقة بين الازعاج و الصداع و وجع الراس و البندول (التالينول)
و الشاي و القهوة و الصعوط و السجاير و الهمبريب و المطرة و الريق الحلو؟؟؟

بابكر مخير
05-08-2008, 08:57 AM
أبو العقل
سلام
كدي
خش دي موقعها وين
عربي عاربة ولا هول مستعربة
سألنا منك في بوستن تاني
أتاريك بي جاي
آها
قولت
: قبلي جاي، قبلي جاي
دي، جايا من وين

شبارقة
05-08-2008, 11:47 AM
في الخزام والشيح والبراح

ماهو الخزام وماهو الشيح وماهو البراح .... وسلمولي على الضواحي وطرف المدائن :D

شبارقة
05-08-2008, 11:57 AM
كدي
خش دي موقعها وين

خشينا ورغم الإستواء لسة مواصلين في الصنة :D


وبمناسبة الصنة :- لما ريغان ضرب ليبيا بالطائرات في 86م طلع الليبيون في هتافات داوية ضده مثل :
ونه ونه فرعة ريغان فيها صنه

فماذا كانوا يقصدون يا ترى :D:D

شبارقة
05-08-2008, 12:06 PM
ده إن أدّاك وكتـّر ما بقول أديت
أبدرق الموشح كلو بالسوميت
أب رسوة البكر حجر شراب سيتيت
كاتال في الخلا وعقباً كريم في البيت ..

أها أقرعوا لينا الحُمُر

باسط المكي
05-08-2008, 01:46 PM
ده إن أدّاك وكتـّر ما بقول أديت
أبدرق الموشح كلو بالسوميت
أب رسوة البكر حجر شراب سيتيت
كاتال في الخلا وعقباً كريم في البيت ..

أها أقرعوا لينا الحُمُر
تحياتي
شبارقة
والله اعلم السوميت الوان بتكون زاهية علي الثعبان او الدابي والسوميت اي وشاح بكون علي الر باللة العامية القديمة اسمو السوميت
علي ما اظن ابرسوة الا سد والرسوة رجله اليسراي الامامية
ستيت نهر موسيمي او مشرع ترد عنده الناس لتجلب او شرب الماء
والاسد لما يكون هناك مافي مخلوق بحوم انسا ن او حيوان
كاتال يعني شرس ومستعد للقتال
والله اعلم

باسط المكي
05-08-2008, 01:49 PM
مرحبن باسط المكي للاضافات الشديدة والتي نالت اعجابي واعجاب القاعد معاي وقال ليك ايام الدهاريب والسما الهراج دي مفروض تكون في قصيدة شعر مليانة شعفوفة ...
تحياتي
لك ولمن معك فعلا
جزء منقصيدة ودايما في بعض ايام الخريف والشهفوفة
الناس بتنطق دهاريب
وداهاريب الهواء والمطر الشيد في الظلام
والجنبك مابتشوفو

فيصل سعد
10-08-2008, 04:24 AM
اها نخش في مصطلحات متشابهة و متقاربة لفظا و شكلا :D:D

شفخانة ، جبخانة ، سلخانة ، دربخانة ، كرخانة ، اجزخانة ، جركانة ..
سرير ، درير ـ عصير ، فطير ، خمير ، طرير ..
عصاية ، محاية ، قناية، دواية، مراية، قلاية، براية ..
روب ، توب ، كوب، لالوب ، دوب، ووب ..
دوم، كوم، لوم، ردوم ..
مزة ، لزة، هزة ، فزة ..

شبارقة بتعرف الجميز و الدليب و القضيم و المسكيت و التمربونا و الزونة ؟؟
ولا انت زول فول و تسالي و نبق و دوم و قنقوليز و لالوب ساي يا ود العم ؟؟

فيصل سعد
12-08-2008, 05:00 PM
للسؤال عن شبارقة و محمد ابو عاقلة ..
طال الغياب و كدا ما كويس ..

أشتر
13-08-2008, 01:25 PM
للسؤال عن شبارقة و محمد ابو عاقلة ..
طال الغياب و كدا ما كويس ..

قاعد لكن مزنوق !!!
سي يو في ساعة خير ...

سفيان ابوقصيصة
13-08-2008, 03:27 PM
تعرف يا فيصل انا قاعد اعمل في شنو اسع؟
بعمل في حلة عكو انا ما اكااااااااااال..
بالمناسبه دي اشارك ببعض المعلومات التي لا تخرج عن نطاق الاكل وفي اللحم بالذات..
العكو: ذنب البقر
السرى : اسفل الضلع القصيره
الصينيه : الفطعه الرابطه اعلي الفخذ مع المخروقه
القريبه : اعلي الساق داخل الخذ
البيانكو : قطعه داخل الفخذ
الفلتو : قطعة لحم ما فيها اي عصب توجد في طول السلسله الفقريه

باسط المكي
13-08-2008, 06:26 PM
تعرف يا فيصل انا قاعد اعمل في شنو اسع؟
بعمل في حلة عكو انا ما اكااااااااااال..
بالمناسبه دي اشارك ببعض المعلومات التي لا تخرج عن نطاق الاكل وفي اللحم بالذات..
العكو: ذنب البقر
السرى : اسفل الضلع القصيره
الصينيه : الفطعه الرابطه اعلي الفخذ مع المخروقه
القريبه : اعلي الساق داخل الخذ
البيانكو : قطعه داخل الفخذ
الفلتو : قطعة لحم ما فيها اي عصب توجد في طول السلسله الفقريه
ابوقصيصة
تحياتي
هنيئا لك بالعكو
ياخي شهيتنا الاكل وجوعتنا
نحن كرهنا اكل اللحم المتلج
والمعلبات ...
ممكن تورينا وصفة حلة العكو
......
اها
كدي بتعرف ملاح البصارة
والمطالة
....................
كلمة كري === يعني الاجير
والكروة يعني ..تحفيز مادي

سفيان ابوقصيصة
13-08-2008, 07:52 PM
[QUOTE=باسط المكي;105077]ابوقصيصة
...
ممكن تورينا وصفة حلة العكو
......
اها
كدي بتعرف ملاح البصارة
والمطالة
....................
بالحيل يا باسط اخوي..
الطريقه:
قطع العكو و البصل, ختهم في الحله و كب ليهم مويه و شوية بهارات والصلصه والتوم والملح قريب
النهايه و ابقي مارق...! اااي ياها زاتا..!!
البصاره حاجه اقرب للملوخيه..لكن المطاله خليني افتش ليك وصفات ابله نظيره..

فيصل سعد
14-08-2008, 04:37 AM
سلام يا سفيان و باسط و شكرا للمشاركة و الاضافات
و خليكم معانا و خليكم مع الحلل جوار المناقد :D:D و الكمشة ..

أشتر
14-08-2008, 09:42 AM
ماهو الخزام وماهو الشيح وماهو البراح .... وسلمولي على الضواحي وطرف المدائن :D

الخزام والشيح ... نباتات عشبية ...
والبراح ... الصّقِيعًة

وكان أكلنا بناكل فطائس
وكان عشقنا بنعشق عجائز ...
وفي العجائز ... الجقق الكبار

أشتر
14-08-2008, 09:50 AM
أبو العقل
سلام
كدي
خش دي موقعها وين
عربي عاربة ولا هول مستعربة
سألنا منك في بوستن تاني
أتاريك بي جاي
آها
قولت
: قبلي جاي، قبلي جاي
دي، جايا من وين

خش دي على ما اعتقد اصلها ايراني من خوش ... وخوش بمعنى تمام
اما (قبّلى جاي) فجايه من القبلة (ضم القاف برااااحه وبحنية) ودي مصدر شين وبتبرا منو ...
او كما قال عز وجل في محكم تنزيله (فَلَنُوَلِّيَنَّكَ قِبْلَةً تَرْضَاهَا) بعدما رأى تقلّب وجهه الكريم سيدنا محمد عليه افضل الصلاة وأتم التسليم ...
والله أعلم

أشتر
14-08-2008, 09:55 AM
تعرف يا فيصل انا قاعد اعمل في شنو اسع؟
بعمل في حلة عكو انا ما اكااااااااااال..


لكن العكو مااااا عندك ...
يقروها ليك كيف دي ... وطبعن اول مرة اسمع بالعكو
والناقصني التنوين يا ابوالسيوف ...

يعني ممكن تكون بالنسبة لي عَكّوْ والواو واو الضمير ... والعك يعني الدغمسة وجزء من البشتنة ...
زي العك البعك فيو دا ... وعكّه (الضمير هنا راجع لفيصل) لا مواخذه

أشتر
14-08-2008, 10:01 AM
ده إن أدّاك وكتـّر ما بقول أديت
أبدرق الموشح كلو بالسوميت
أب رسوة البكر حجر شراب سيتيت
كاتال في الخلا وعقباً كريم في البيت ..

أها أقرعوا لينا الحُمُر
حُمُر النعم ... والنعم
السوميت ما قلنا قبل كدا نوع من الخرز ...يا باسط المكي
سيتيت ... باص
كاتال = شاكال ... جايه من قتال ... وقلبنا القاف كاف لعقدتنا الأزلية من هذا الحرف

أشتر
14-08-2008, 10:04 AM
كدي بتعرف ملاح البصارة والمطالة

يطرشني كان سمعت بيهن ...
لكن البصارة دي ممكن تكون جايه من المباصرة ...
يعني شوية بتاعة على شوية بتاع والرزق تلاقيط :D:D

أشتر
14-08-2008, 10:07 AM
http://www.darg3l.com/uploaded/1639_1215072541.mp3

أشتر
14-08-2008, 10:20 AM
سلام يا سفيان و باسط و شكرا للمشاركة و الاضافات
و خليكم معانا و خليكم مع الحلل جوار المناقد :D:D و الكمشة ..

يا ناس الحلل انتو ...
ما هو اصل كلمة (تمبّل باي) باي نق تربيع ...

سفيان ابوقصيصة
14-08-2008, 05:12 PM
يا ناس الحلل انتو ...
ما هو اصل كلمة (تمبّل باي) باي نق تربيع ...

داير تقول شنو يا ود ابوعاقله؟
يعني داير تقول الواحد ضرب الحله و اتمبل نام و راح في الباي باي..؟

يا ود ابوعاقله...عارف كلمة جمارك اصلها شنو..؟

جا...مارق...

يعني ما راح في الباي باي..

لكن كيف؟ الله اعلم..
يمكن اعفا..يمكن قيمة مضافه..يمكن مافي زول شاف..يمكن.........!!
الاسمها شنو ديك..كدي قولا لي..!

سفيان ابوقصيصة
14-08-2008, 05:46 PM
سلام يا سفيان و باسط و شكرا للمشاركة و الاضافات
و خليكم معانا و خليكم مع الحلل جوار المناقد :D:D و الكمشة ..

شكرا اخي فيصل على الاذن...
انا اصلا خشيت توش في البوست بتاعك مع الاخ باسط بدون استئذانك..
لكن ما انا في الحوش الكبير و النفاجات كلها بتفتح فيهو ...
لك ودي وتحياتي...

أشتر
14-08-2008, 11:14 PM
داير تقول شنو يا ود ابوعاقله؟
يعني داير تقول الواحد ضرب الحله و اتمبل نام و راح في الباي باي..؟

يا ود ابوعاقله...عارف كلمة جمارك اصلها شنو..؟

جا...مارق...

يعني ما راح في الباي باي..

لكن كيف؟ الله اعلم..
يمكن اعفا..يمكن قيمة مضافه..يمكن مافي زول شاف..يمكن.........!!
الاسمها شنو ديك..كدي قولا لي..!
يمكن قلبي يقسى ... والناس ما بتريح ...

وكلمة جمارك والتي ذكرت اصلها ... جا .. مارق ... فدي فيها إنّ
فاذا جاءك مارق بكضبة ... فتبين ...
وانا مارق مريت ... جنب ابواب البيت ...
وكو كو كب لي جالون ... واعفيني من القيمة المضافة وما الى ذلك سبيلا ...

فيصل سعد
15-08-2008, 07:12 AM
يعني ممكن تكون بالنسبة لي عَكّوْ والواو واو الضمير ... والعك يعني الدغمسة وجزء من البشتنة ...
زي العك البعك فيو دا ... وعكّه (الضمير هنا راجع لفيصل) لا مواخذه

يا كلس وعكة و بتصيبنا كلنا بعد الشر علينا ..
لكن عكة مافي تب :D:D و بقينا حجازين و الشكر لصاحبك
ود الحاج ادانا بدلة و كرفتة و يونيفورم و دثرنا ببعض الفلكسبلتي و
حلاكم من لايوق و متلقى حجج كبير :D:D و انت عارف ..
و غايتو مرة مرة بندقش و نتدقش على خفيف و مرات بنشيل وش القباحة
بصدق و مودة و حسن نية و مرات بناكلها في حنانا :D:D:D

فيصل سعد
15-08-2008, 07:17 AM
الخزام والشيح ... نباتات عشبية ...
والبراح ... الصّقِيعًة

وكان أكلنا بناكل فطائس
وكان عشقنا بنعشق عجائز ...
وفي العجائز ... الجقق الكبار

طبعا انت قاصد البهايم و ربنا يكرم السامعين :D:D

أشتر
15-08-2008, 08:22 AM
يا كلس وعكة و بتصيبنا كلنا بعد الشر علينا ..
لكن عكة مافي تب :D:D و بقينا حجازين و الشكر لصاحبك
ود الحاج ادانا بدلة و كرفتة و يونيفورم و دثرنا ببعض الفلكسبلتي و
حلاكم من لايوق و متلقى حجج كبير :D:D و انت عارف ..
و غايتو مرة مرة بندقش و نتدقش على خفيف و مرات بنشيل وش القباحة
بصدق و مودة و حسن نية و مرات بناكلها في حنانا :D:D:D

وعكة (وبت زول) يا فردة ...
انت عارف يا فيصل يا خوي ... الكلام مرات بجي بالغفلات ... او عندما تسرح بى غنمو انصاص الليالي ... وكبّو ببقى ساهل ... فلذا يا فِلِز :D يا نشيط ... ما تتوقع مني ادس دس :D يا دسيس ... ومن واجبكم سيدي ان تفلتر ما تراه مناسبا لكبت جماح الحروف ... ويقيني ان لجامك شدّااااااااد :D خصوصا وصهيلي يخلع الما بتخلع ...
طاب صباحكم ومًَقَدّر نواحكم ...

أشتر
15-08-2008, 08:47 AM
طبعا انت قاصد البهايم و ربنا يكرم السامعين :D:D

وفي البهائم التيس الهُمام ...
تيس قرنو ماكن !!!
لو نطح ... ينطح ويعاين ...
ولو رفس ... يجيب اجلك معاهن ...

وديا اختاهم ...
المنخنقة والموقوذة والمتردية والنطيحة وما اكل السبع...

محمد ديكور
15-08-2008, 03:20 PM
كونشبر : قفة صغيرة يستخدمها المزارع في نقل التراب لسد الماء.
الهضليم : الشعر
التكم : قفل الباب.
الدوكه : مكان لوقد النار علي الارض.
التيوه : نواه ثمره الدوم
الدافوري : لعب كره القدم في شوارع او ميدان وسط الحله.
كدندارة : حشرة تطير حول الزرع
جربوكس : ترس ناقل السرعة في العربات.
دكوة : زبدة الفول السوداني.
مررو : فول حاجات ، فول مدمس
الدفتر : ورق شفاف رهيف يستعمل في نظافة النظارات

الاخ فيصل عليك السلام
تحيه وود
طبعا الموضوع كبير شديد ومتشعب الالفاظ او اللغه التى كادت ان تندثر لولا المجتهدين من امثالك وربنا يقدرنا كناس ريف نساهم ولو بقدر قليل من الكلمات الجديده القديمه
اللبقه:حاجز من الطين يستخدم فى الجدول ليجعل المياه تتدفق داخل حوض معين.
الهربه:حفره داخل حوض الرع تتشكل بفعل التششقات فى التربه وهى غير مرغوبه لانها تسرب مياه الرى لداخل التربه
التقنت:حاجز من التراب يصنع حول حوض الزرع لحفظ مياه الرى
السعن:وعا من جلد الماعز يستخدم لخش الروب
الفرصه:الزبده الى تقلى لصنع السمن
الغباشه:لبن مخشوش بالسعن

فيصل سعد
15-08-2008, 06:29 PM
سلام يا محمد و مرحبا بك في لمة الاحباب ،،
و هنا وجب السؤال عن حال و احوال دينمو هذا البوست اخونا شبارقة
الغائب و المختفي من زمن و عساه بخير و عافية ..و يا ود ابوعاقلة الكع و الفى
الزول دا و ادينا اشارة :D:D

شبارقة
16-08-2008, 08:00 AM
و هنا وجب السؤال عن حال و احوال دينمو هذا البوست اخونا شبارقة
الغائب و المختفي من زمن و عساه بخير و عافية ..و يا ود ابوعاقلة الكع و الفى
الزول دا و ادينا اشارة :D:D

راجي منك بس إشارة وكلمة تديني البشارة ;)

تشكر يا حبوب على السؤال ... الغياب كان بسبب إنكماش في البعد البؤري ...وضعف في المفاوضات ما بين الذاكرة العشوائية ومركز الإستشعار عن بعد في النخاع الشوكي... كما حدث إجهاض للمعاني والمفردات وكسر مُركـّـب في رأس عصعص الأفكار البرجوازية الكبيرة والصغيرة ... وكذلك إعصار سونامي أصاب مد وجزر بحار البوليتاريا والمعذبون والمهمشون في الأرض .... مما دعانا للإستعانة بملاذ أفكارنا الهيمانة ويا ريتك ما تشوف تيارا وين ودانا

شبارقة
16-08-2008, 08:05 AM
الغباشه:لبن مخشوش بالسعن

هلا وحباب ديكور ... ويا ريت تظبِّط لينا ديكور المعاني هنا:D

مخشوش دي زاتا الجماعة ما ح يعرفوها ... هل هي من الخششان أم من الغششان:D

وما هو الفرق ما بين اللبن المغشوش واللبن المخشوش ؟ وسلم لي على اللبن المقنن (بترقيق القاف) :D

شبارقة
16-08-2008, 08:14 AM
5- الكر (دابي الكر)

الكر هو حجر يوضع بجانبي القبر (أقرب ما يكون للشاهد) وبالذات في مقابر جدودنا وحبوباتنا القديمة ... وهذا الحجر يمثل ملاذ آمن لواحد من أخطر أنواع الثعابين من حيث نوع السم ومن حيث مقاومته وإستعداده للقتال ... ولذا كان الناس يعملون ألف حساب عند مرورهم بالقرب من الكر في المقابر القديمة بالذات خوفاً من ذلك الدابي ... ومن هنا جاء تشبيه خليل فرح (إفتخاراً) في ملحمته الشهيرة : نحن ونحن الشرف الباذخ دابي الكر شباب النيل .... والله أعلم

شبارقة
16-08-2008, 08:17 AM
ما الفرق بين الدسيس والهسيس وما الفرق بين الحنقوق والطنقوق:D
وسلمولي على سمبر مريوق :D

ملحوظة : الجائزة للفائز تذكرة سفر ذهاب وإياب لجزيرة الأحلام الوردية :D

محمد ديكور
16-08-2008, 08:52 AM
هلا وحباب ديكور ... ويا ريت تظبِّط لينا ديكور المعاني هنا:D

مخشوش دي زاتا الجماعة ما ح يعرفوها ... هل هي من الخششان أم من الغششان:D

وما هو الفرق ما بين اللبن المغشوش واللبن المخشوش ؟ وسلم لي على اللبن المقنن (بترقيق القاف) :D

طبعا يا شبارقه مخشوش تعنى تحريك اللبن داخل سعن مربوط فى شعبه للامام والخلف بقوه حتى تنفصل الذبده عن اللبن ويصبح اللبن روب(نفس فكرة النابذه فى المعامل-centrifugal- ويمكن ان يحول الى غباشه تشرب منها وتمشى تشوف ليك عنقريب هبابى تحت شجرة الطندب القاعه حدا البيت.
نوم العافيه يا اخ شبارقه.

أشتر
17-08-2008, 09:11 AM
راجي منك بس إشارة وكلمة تديني البشارة ;)

تشكر يا حبوب على السؤال ... الغياب كان بسبب إنكماش في البعد البؤري ...وضعف في المفاوضات ما بين الذاكرة العشوائية ومركز الإستشعار عن بعد في النخاع الشوكي... كما حدث إجهاض للمعاني والمفردات وكسر مُركـّـب في رأس عصعص الأفكار البرجوازية الكبيرة والصغيرة ... وكذلك إعصار سونامي أصاب مد وجزر بحار البوليتاريا والمعذبون والمهمشون في الأرض .... مما دعانا للإستعانة بملاذ أفكارنا الهيمانة ويا ريتك ما تشوف تيارا وين ودانا


عاااااااااارفك شِفِت ... وبتقدر تت فك فك ...:D:D

أشتر
17-08-2008, 09:18 AM
هاكم إلى أن نلقاكم وبدون تنوين عشان تشطحو وتنطحو :-

1- الحوبة دُخري الحوبة ... العنكبة والقتال او الدواس...
2- البغيتة ... PASS
3- الدعفسة ... العكلتة...
4- الدباسة ... آلة لتدبييس الورق ...

5- الكر (دابي الكر) ...الكر هو الاقتحام ... ودابي الكر للزول المقدام


والله على ما اقول شهيد

شبارقة
17-08-2008, 09:58 AM
4- الدباسة ... آلة لتدبييس الورق ...



قلنا بدون تنوين عشان تشطحو وتنشكحو وتنداحو والمقصود إنشطاحة وإنشكاحة وإندياحة في مرادفات لها علاقة بالمصطلحات العامية بتاعتنا ... وما أظن إنو الدبـّاسه وردت على لسان حبوباتنا وجدودنا ... وسلملي على الخرّامة :D

فما هي الدَبَاسة ؟

شبارقة
17-08-2008, 10:04 AM
...الكر هو الاقتحام ... ودابي الكر للزول المقدام


قال له أبوه : كُرّ يا عنتر فقال : العبدُ لا يحسن الكَرّ إنّما يحسنُ الحِلاب والصّر ...

وهل الدابي مقدام وبيكـُـر على أب عينينن حُمر:D

أشتر
17-08-2008, 10:21 AM
قلنا بدون تنوين عشان تشطحو وتنشكحو وتنداحو والمقصود إنشطاحة وإنشكاحة وإندياحة في مرادفات لها علاقة بالمصطلحات العامية بتاعتنا ... وما أظن إنو الدبـّاسه وردت على لسان حبوباتنا وجدودنا ... وسلملي على الخرّامة :D

فما هي الدَبَاسة ؟

طبعن انا شفت اقرب حاجة مناسبة واتناولتها ... هذا لا يعني انني شطّاح وشكاح ومنداح ...
بس العيب في الخفة والانكرابة
عشان كدا شرشحتني بمزاااااج منقطع النظير !!!!!!

باسط المكي
17-08-2008, 03:33 PM
هاكم إلى أن نلقاكم وبدون تنوين عشان تشطحو وتنطحو :-

1- الحوبة
2- البغيتة
3- الدعفسة
4- الدباسة
5- الكر (دابي الكر)
تحياتي
وعلي معلوماتي
الكر عبارة عن زريبة للحملن لماتكون صغير
او البهائم لماتكون يدوب مولودة
وتفصل عن امها
لماتذهب للرعي
ويقولو الكر ززريبة صغير ة بجانب الزريبة الكبيرة
للحملان او السخلان حديثة الولاة
ودابي الكر ..بكون يعيش في حجر تحت الزريبة
وياكل الحملان
الصغار او العصافير او الطيور
.........
ويقولون الدابي الكركابي
وكركاب يعني الجداداة بين الفروج والدجاجة
وهنا يقولو كركابة
والدابي الكركابي دة البايكل الجداد
والله اعلم

شبارقة
17-08-2008, 04:17 PM
دابي الكر ..بكون يعيش في حجر تحت الزريبة وياكل الحملان الصغار او العصافير او الطيور
والله اعلم

عزيزي باسط سلامات

أولاً : كويس إنك قلت والله أعلم ... الفردة ود أبو عاقلة شهّد الله :D

ثانياً : لو كان دابي الكر بتاع عصافير وحمام وطيور يكون ده دابي حنكوش سااي :D وما كان غنى ليهو خليل فرح وقال :

نحن ونحن الشرف الباذخ دابي الكر شباب النيل

شبارقة
17-08-2008, 04:58 PM
بس العيب في الخفة والانكرابة
عشان كدا شرشحتني بمزاااااج منقطع النظير !!!!!!

حاشاك الشرشحة يا فردة .... هو أنا بقدر عليك ..ده إنت تمرمط بلد :D

باسط المكي
17-08-2008, 05:54 PM
عزيزي باسط سلامات

أولاً : كويس إنك قلت والله أعلم ... الفردة ود أبو عاقلة شهّد الله :D

ثانياً : لو كان دابي الكر بتاع عصافير وحمام وطيور يكون ده دابي حنكوش سااي :D وما كان غنى ليهو خليل فرح وقال :

نحن ونحن الشرف الباذخ دابي الكر شباب النيل
شبارقة
تحياتي
دابي الكر غني لي خليل فرح
لانو دابي كر شرس
بتاع حمام وعصاير قصدي بعيش هنا
ودلالة علي سمو قاتل علي الانسان
لنو الانسان بتردد في الكر الفيهو صغار البهائم
وعن تجربة انا بيددي كنا بنسوي الكر للحملان
وهي صغير
وكتير ما نشاهد الثعابين الضخمة
ودة هنا مربط الفرس
الدابي الشرس
وضيع ناس كتيرين ..
وخيال التراث الشعبي اضافو
لدابي الكركرة ..بالممناسبة البعرف الكركرة ...الكرد
والسارة ..والكونية ..واللية ..والهرف ..منو
كدي النشوفك عميق في التراث

الزوول
17-08-2008, 07:57 PM
السلام عليكم
مشاركة متأخرة بعد متابعة طويلة للبوست

:D

فما هي الدَبَاسة ؟

http://sudanyat.org/vb/imgcache/593.imgcache.bmp

.........

شبارقة
18-08-2008, 06:59 AM
السلام عليكم
مشاركة متأخرة بعد متابعة طويلة للبوست



http://sudanyat.org/vb/imgcache/593.imgcache.bmp
.........

شكراً د.الزوول على المتابعة ... وإجابتك صحيحة وتستحق الجائزةوفعلاً الدَبَاسة هي الحمامة بل هي أجمل أنواع الحمام من حيث الشكل ... والشعراء غنوا وقالوا : القـِدَيْم قـِديم الحمام والصدير صدير الحمام ويا سلام.. والمرأة الجميلة (التي تمتلك صفات معينة في مواصفات ومقاييس الجمال) تـُلقـّب بالدباسة في كثير من مناطق السودان.

شبارقة
18-08-2008, 07:25 AM
5- الكر (دابي الكر)

الكـَر هو حجر يوضع على جانبي القبر وبالذات في مقابر جدودنا وحبوباتنا القديمة ... وهذا الحجر يمثل ملاذ آمن لواحد من أخطر أنواع الثعابين من حيث نوع السم ومن حيث مقاومته وإستعداده للقتال ... ولذا كان الناس يعملون ألف حساب عند مرورهم بالقرب من الكر في المقابر القديمة بالذات خوفاً من ذلك الدابي ... ومن هنا جاء تشبيه خليل فرح (إفتخاراً) في ملحمته الشهيرة : نحن ونحن الشرف الباذخ دابي الكر شباب النيل .... والله أعلم

شبارقة
18-08-2008, 08:47 AM
2- البغيتة ... PASS



زمااااااان قلنا ليكم : بخيتة الغتيتة عندها خبيتة عشان كده سقوها البغيتة :D

إذاً البغيتة حاجة بيشربوها ... فماهي يا ترى ؟

تخريمة : أين أنت يا فيصل سعد ... أين أنت يا حلم الصبا وأين أنت يا أمل الشباب

أشتر
18-08-2008, 08:51 AM
شكراً د.الزوول على المتابعة ... وإجابتك صحيحة وتستحق الجائزةوفعلاً الدَبَاسة هي الحمامة بل هي أجمل أنواع الحمام من حيث الشكل ... والشعراء غنوا وقالوا : القـِدَيْم قـِديم الحمام والصدير صدير الحمام ويا سلام.. والمرأة الجميلة (التي تمتلك صفات معينة في مواصفات ومقاييس الجمال) تـُلقـّب بالدباسة في كثير من مناطق السودان.

كلام عجيب ...
انت عارف يا شبارقة ... بعد مداخلة الزوول ... قلت اقوقل كلامو عشان اتأكد من الحتة دي
فعملت بحث للدباسة ... طبعن الصفحة طلعت لي كلها دبابيس وادوات مكتبية ...
واصلا مما قال لي :
هل تقصد : الدراسة ... قنعت وبطني طمت ... قلت يا زول عمك قوقل زااااتو طلع داقس وبعيد عن الموضوع ...
وطبعن يا استاذ دي المرة التانية او التالتة اقوقل لي حاجة عشان ما تقول علي زول (شفّاف)
لكن الصديرا صدير الحمام دي فيها حبة دقسة فدحين اعمل اندو او ألبد ...
ماهو هنا الموضوع
القديما قديم الحمام
الوزين في موجو عام
ياما رايقة قليلة كلام
واحلاتا تقول السلام
والسلام ختام ...

شبارقة
18-08-2008, 09:16 AM
لكن الصديرا صدير الحمام دي فيها حبة دقسة فدحين اعمل اندو او ألبد ...


لا دقسة ولا حاجة يا حبوب ... ما أظنك أمعنت النظر في صدر الدباسة (تأكلو ساااي :D) بالله كده قف تأمل وشوف وقفتا وشوف فزرتا وشوف صديرا ... تشبيه لملكات الجمال :D

أشتر
18-08-2008, 09:23 AM
لا دقسة ولا حاجة يا حبوب ... ما أظنك أمعنت النظر في صدر الدباسة (تأكلو ساااي :D) بالله كده قف تأمل وشوف وقفتا وشوف فزرتا وشوف صديرا ... تشبيه لملكات الجمال :D

ياخي حاجة زي المسح الميداني ... وبعدين ما تنسى عمود الطواري الفي النص الطالع لى بره ...
دا ما ليهو علاقة لا من بعيد ولا من قريب بالوادي الهناك او مهبط السلاسل (الجبلية)
ضربة مزدوجة يا ريت تعوقك:D:D

شبارقة
18-08-2008, 09:27 AM
. قلت اقوقل كلامو عشان اتأكد من الحتة دي
... قلت يا زول عمك قوقل زااااتو طلع داقس وبعيد عن الموضوع ...
وطبعن يا استاذ دي المرة التانية او التالتة اقوقل لي حاجة عشان ما تقول علي زول (شفّاف)


إنت عارف يا فردة كلامنا ده قوقل ما ح يعرف يوثـقوا إلا بعد ما نحن ننزلوا هنا في البوست ده حتى بعد داك قوقل يحفظوا عندو ... ده كلام حبوباتنا وقوقل ما ح يعرف حبوباتنا إلا من خلالنا ...أها شنو قولك ؟:D سنقدم لكم فننا فإن عجبناكم فقولوا لغيرنا وإن لم نعجبكم فقولوا لنا (مش لنا جعفر:D)

شبارقة
18-08-2008, 09:39 AM
ياخي حاجة زي المسح الميداني ... دا ما ليهو علاقة لا من بعيد ولا من قريب بالوادي الهناك او مهبط السلاسل (الجبلية)
:D:D
نحن قاصدين الترائب ... الترائب عموماً يا فردة دون الخوض في التفاصيل ... وسلملي على الجات واردة رهيدا وكيفن ما بريدا :D

أشتر
18-08-2008, 09:46 AM
إنت عارف يا فردة كلامنا ده قوقل ما ح يعرف يوثـقوا إلا بعد ما نحن ننزلوا هنا في البوست ده حتى بعد داك قوقل يحفظوا عندو ... ده كلام حبوباتنا وقوقل ما ح يعرف حبوباتنا إلا من خلالنا ...أها شنو قولك ؟:D سنقدم لكم فننا فإن عجبناكم فقولوا لغيرنا وإن لم نعجبكم فقولوا لنا (مش لنا جعفر:D)
(لنا) الشكر ... اما الخيل البت جقلب ديك خليها ساي قشة ما تعتر ليها ...
وسمح الكلام من كيبورد سيدو ... ما قصرت تب والله معانا
ربنا يعلي مراتبك ويخليك (لنا) ذخرا وعنوانا لعزيمة وشعب ...
قدمت (لنا) الكثير المثير وما إندك من مصطلحات ...
باسلوب شيّق وجذاب ... تسوده الروح اللزيزة والتواصل الحميم ...
ياخ ما تخليني اكسر تلجي ساي ...

على فكرة ... رسلت ليك ايميل اليوم الصباح ... قلت اشوف درب الزول دا سالك ولا كمان ايميلن قديم ...

أشتر
18-08-2008, 09:52 AM
نحن قاصدين الترائب ... الترائب عموماً يا فردة دون الخوض في التفاصيل ... وسلملي على الجات واردة رهيدا وكيفن ما بريدا :D

اللخو بقى بتاع أشعة وانا ما عارف ...:D:D
بقيت تفط فط يا بوكش:D:D
بدون الخوض!!!!

شبارقة
18-08-2008, 10:05 AM
باسلوب شيّق وجذاب ... تسوده الروح اللزيزة والتواصل الحميم ...
ياخ ما تخليني اكسر تلجي ساي ...



إنت عارف يا حبوب البوست ده ما وصل المكانة دي من حيث الصدارة ومن حيث الأفضلية إلا من خلال الروح السمحة والحلوة و اللذيذة والقفشات الممتعة والأسلوب المتميز والراقي من جميع المشاركين ... ما في حاجة بتزعِّـل ليها زول هنا طالما نحن بعيدين عن السياسة والنظرات والنعرات الحزبية الضيقة والمهاترات (كيزان - شيوعيون - أمة - أرباب صناديق الإقتراع وإن أتت بغيرنا :D وهلمجرا ....) وجندرة وتجندر وعقلية ضكرية وعقلية نتائية وعقلية مثلية :D (نسمع جعجعة ً ولا نرى طحينا ً :D) عشان كده الواحد بيلقى نفسو هنا معاكم ... ولو قلبتوهو لينا سياسة وما عارف داك شنو ... يانا المفارقنكم فراق الطريفي لي جملو (يا ربي ياتو جمل :D)

شبارقة
18-08-2008, 10:11 AM
اللخو بقى بتاع أشعة وانا ما عارف ...:D:D


يجازي محنك يا ود أبو عاقلة ... معانا أطفال هنا ... خلينا بعيد بعيد :D:D

أشتر
18-08-2008, 10:17 AM
إنت عارف يا حبوب البوست ده ما وصل المكانة دي من حيث الصدارة ومن حيث الأفضلية إلا من خلال الروح السمحة والحلوة و اللذيذة والقفشات الممتعة والأسلوب المتميز والراقي من جميع المشاركين ... ما في حاجة بتزعِّـل ليها زول هنا طالما نحن بعيدين عن السياسة والنظرات والنعرات الحزبية الضيقة والمهاترات (كيزان - شيوعيون - أرباب صناديق الإقتراع وإن أتت بغيرنا وهلمجرا ....) وجندرة وتجندر وعقلية ضكرية وعقلية نتائية وعقلية مثلية :D (نسمع جعجعة ً ولا نرى طحينا ً :D) عشان كده الواحد بيلقى نفسو هنا معاكم ... ولو قلبتوهو لينا سياسة وما عارف داك شنو ... يانا المفارقنكم فراق الطريفي لي جملو (يا ربي ياتو جمل :D)
جُمَلْ مُفيدة :D

ما هو عشان ماف طحين الناس دي بتبيت القوى كلو يوم ... وح يكونو لافين سورو لمن الواحد بردلوب يقع الواطة ولاااا في زول بجيب خبرو ... عشان كدا بعنا القضية وخليناهم في هترشتم دي لمن الله يغفر ليهم او غير ذلك والتسوي كريت تلقى في جلدا (أعرب ) ... دي حاجة
طبعن دا موضوع طويل وخلينا يا زول في رواكيبنا دي وكركارنا دا نلفلف في البلود بمزاج مزاجناونسجل خروج بدون وجع راس ولا حبة بندول ...

شبارقة
18-08-2008, 11:30 AM
1- الكركرة
2- الكرد
3- السارة
4- الكونية
5- اللية
6- الهرف

يا أخوانا الكلام الفوق ده كلام أخونا باسط المكي ... كدي شوفوهو وأجتهدوا فيهو (قوقل ما بيحلكم :D)وكان غلبكم إلا تشوفو أخينا باسط :D

منال
18-08-2008, 11:56 AM
يجازي محنك يا ود أبو عاقلة ... معانا أطفال هنا ... خلينا بعيد بعيد : اجى يا شبارقة الشفع منو و ينو اتلومت يا اخى انتو يا بطان جنس المحن دى بتوديكم الاخرة ... انا ما بشوف سمح D:D
جُمَلْ مُفيدة :D

ما هو عشان ماف طحين الناس دي بتبيت القوى كلو يوم ... وح يكونو لافين سورو لمن الواحد بردلوب يقع الواطة ولاااا في زول بجيب خبرو ... عشان كدا بعنا القضية وخليناهم في هترشتم دي لمن الله يغفر ليهم او غير ذلك والتسوي كريت تلقى في جلدا (أعرب ) ... دي حاجة
طبعن دا موضوع طويل وخلينا يا زول في رواكيبنا دي وكركارنا دا نلفلف في البلود بمزاج مزاجنا
ونسجل خروج بدون وجع راس ولا حبة بندول ...

البندول هين يا ود ابوعاقلة بجيبو ليك اكان من باقان اموم الحرد مشى جوبا ولا اجيب سلفا:::p
إنت عارف يا حبوب البوست ده ما وصل المكانة دي من حيث الصدارة ومن حيث الأفضلية إلا من خلال الروح السمحة والحلوة و اللذيذة والقفشات الممتعة والأسلوب المتميز والراقي من جميع المشاركين ... ما في حاجة بتزعِّـل ليها زول هنا طالما نحن بعيدين عن السياسة والنظرات والنعرات الحزبية الضيقة والمهاترات (كيزان - شيوعيون - أمة - أرباب صناديق الإقتراع وإن أتت بغيرنا :D وهلمجرا ....) وجندرة وتجندر وعقلية ضكرية وعقلية نتائية وعقلية مثلية :D (نسمع جعجعة ً ولا نرى طحينا ً :D) عشان كده الواحد بيلقى نفسو هنا معاكم ... ولو قلبتوهو لينا سياسة وما عارف داك شنو ... يانا المفارقنكم فراق الطريفي لي جملو (يا ربي ياتو جمل :
ده طبعا من روحكم الحلوة البتحلق فوقنا مما نصبح لمن نمسى ... و بقيت انسى hihi و سمح انت و عسل انت ااااااااااااااااااى gooodgoood قلت بتلقى نفسك وين ... الحكومة يا ناس البديها لكزة منو :D:D:D الرسول يا شبارقة اكان ما سالت الطريفى من جنس نضمى الفلهمة ده ... و اكيد اكيد بتتوقع ردو يكون شنو و الاقيك فى ملف تانى ::p

شبارقة
18-08-2008, 12:03 PM
ده طبعا من روحكم الحلوة البتحلق فوقنا مما نصبح لمن نمسى ... و بقيت انسى hihi و سمح انت و عسل انت ااااااااااااااااااى gooodgoood ::p

منولة إزيك ... وينك إنتي الطال غيابك .. العيون تسألني عنك والقليب بيقول حبابك ... وشوفي البخاف من الحكومة منو :D:D

jezabell
20-08-2008, 07:06 AM
شباب المصطلحات العامة..

لما الواحد يقول ليك اخد حاجة تلتمك..

مصطلح اللتمة دا مصطلح متداول ومعروف والا دي حركات جيش ساي؟ :D:D

شبارقة
20-08-2008, 07:16 AM
مصطلح اللتمة دا مصطلح متداول ومعروف والا دي حركات جيش ساي؟ :D:D

أولاً : حبابك يا رشا

ثانياً: حركاتك دي حركات جيش سااااي :D

ثالثاً : يا ريت تنطقيها لينا :D عشان نعرف مرت علينا قبل كدة ولاّ لا

jezabell
20-08-2008, 07:21 AM
أولاً : حبابك يا رشا

ثانياً: حركاتك دي حركات جيش سااااي :D

ثالثاً : يا ريت تنطقيها لينا :D عشان نعرف مرت علينا قبل كدة ولاّ لا

باااالغت لكن يا شبارقة

وحاااة الله ما حركات جيش لكن اتوغوشت وكدا :D:D

وبالنسبة لموضوع النطق دا فعليك بفتح اللام وتسكين ما بعدها ومن ثم فتح الميم وخلي التاء المربوطة بعد داك تنكشح سااااي :D

بابكر مخير
20-08-2008, 10:37 AM
.

كدي يابا ليك، شبو وأبوالعقل
سوأل؟؟؟
قال: الدود قرقر حبس الدرب
وقال: قاعد يقرقر سااااااااكت
قال: قرقور
قال: مقرقر
ليه بيتشابهن في الحروف
وبتفرقن في المعنى

شبارقة
20-08-2008, 10:44 AM
كدي يابا ليك، شبو وأبوالعقل
سوأل؟؟؟
قال: الدود قرقر حبس الدرب
وقال: قاعد يقرقر سااااااااكت
قال: قرقور
قال: مقرقر
ليه بيتشابهن في الحروف
وبتفرقن في المعنى

دي يا دكتور إلا نشوف أخونا القريقراوي يحلها لينا :D

أشتر
20-08-2008, 10:57 AM
كدي يابا ليك، شبو وأبوالعقل
سوأل؟؟؟
قال: الدود قرقر حبس الدرب
وقال: قاعد يقرقر سااااااااكت
السطر الأول الدود قرقر وانتهي من قرقرتو ...
وفي السطر التاني لسه قاعد يقرقر في نفس الدرب ... أي فعل مضارع مرفوع وعلامة رفعة القرقرة ...

قال: قرقور
قال: مقرقر
ليه بيتشابهن في الحروف
وبتفرقن في المعنى
شي طبيعي ... زي بابكر وابوبكر ... واحمد وحاج أحمد ...

أشتر
20-08-2008, 11:00 AM
شباب المصطلحات العامة..

لما الواحد يقول ليك اخد حاجة تلتمك..

مصطلح اللتمة دا مصطلح متداول ومعروف والا دي حركات جيش ساي؟ :D:D

اول مرة تدقش اضاني ... يطرشني كان سمعت بيها قبل كدا ...
ويا مرحب بالطلة ...
الطلّة البت سمّح خلق الله :p

بابكر مخير
20-08-2008, 11:18 AM
شباب المصطلحات العامة..
لما الواحد يقول ليك اخد حاجة تلتمك..
مصطلح اللتمة دا مصطلح متداول ومعروف والا دي حركات جيش ساي؟ :D:D
سلام رشويا;)
تعرفي من صوتها (لما صوتها، غنية ولا آخر) كدا ذي؛
عجوز سدت بيتها
وهناك في، الكف الساداتي
وهناك في، سد الحنك
وفي تاني؛ لمن زكما تزكمك
وفي عربية إسمها؛ ألتيما
ودي أقرب الكلمات لي: تلتمك
والعامل المشترك: الطمك؛ فعل من لطم، لطما، يلطم وهو الملطوم
لطيما، المسمى ويكون الطم بالكف أو بباطن اليد وإن كان بخارجها فهو، باك هاند لطم، ذي في التنس، فورهاند وباكهاند
كفااااااااااااااااية
مش
hihihihi

jezabell
20-08-2008, 11:34 AM
اول مرة تدقش اضاني ... يطرشني كان سمعت بيها قبل كدا ...
ويا مرحب بالطلة ...
الطلّة البت سمّح خلق الله :p

من يومهم شرط :p

jezabell
20-08-2008, 11:39 AM
سلام رشويا;)
تعرفي من صوتها (لما صوتها، غنية ولا آخر) كدا ذي؛
عجوز سدت بيتها
وهناك في، الكف الساداتي
وهناك في، سد الحنك
وفي تاني؛ لمن زكما تزكمك
وفي عربية إسمها؛ ألتيما
ودي أقرب الكلمات لي: تلتمك
والعامل المشترك: الطمك؛ فعل من لطم، لطما، يلطم وهو الملطوم
لطيما، المسمى ويكون الطم بالكف أو بباطن اليد وإن كان بخارجها فهو، باك هاند لطم، ذي في التنس، فورهاند وباكهاند
كفااااااااااااااااية
مش
hihihihi

بعييييييييييييييييييييييييد عن الموضوع يا بابكر..
حاجة تلتمك.. يعني تسندك..
تشد حيلك.. تضارفك.. تضايرك..
لكن ما المضايرة بتاعة الخجلة..
المضايرة بتاعة الغتغتة والضل الاحسن من ضل الحيطة :D:D

أشتر
20-08-2008, 11:44 AM
بعييييييييييييييييييييييييد عن الموضوع يا بابكر..
حاجة تلتمك.. يعني تسندك..
تشد حيلك.. تضارفك.. تضايرك..
لكن ما المضايرة بتاعة الخجلة..
المضايرة بتاعة الغتغتة والضل الاحسن من ضل الحيطة :D:D

الضل الاحسن من ضل الحيطة زااااتو اتضاير ...
اصلا الشمس عمودية (كان في سجارة بتطلع دخان كتا ختيتا):D

أشتر
20-08-2008, 11:46 AM
الضل الاحسن من ضل الحيطة زااااتو اتضاير ...
من يومهم شرط :p

ما قتا ليك !!!!!!!!!!!!!

jezabell
20-08-2008, 12:44 PM
الضل الاحسن من ضل الحيطة زااااتو اتضاير ...
اصلا الشمس عمودية (كان في سجارة بتطلع دخان كتا ختيتا):D

ما تعامد الشمس دا ياهو زااااتو البخلي الضل اتضاير


جوانا :p:p

وبدون سجاير كمان :D:D

jezabell
20-08-2008, 12:46 PM
ما قتا ليك !!!!!!!!!!!!!

ما تشد من طرف..
الطاقية دي كانت تبعي لو سمحت :D:D

شبارقة
20-08-2008, 03:32 PM
ما الفرق بين الدسيس والهسيس وما الفرق بين الحنقوق والطنقوق:D
وسلمولي على سمبر مريوق :D

ملحوظة : الجائزة للفائز تذكرة سفر ذهاب وإياب لجزيرة الأحلام الوردية :D

الدسيس والهسيس دي نديكم فرصة أخيرة تفكروا فيهن

الحنقوق هو ...... أما الطنقوق فهو الحلقوم

بابكر مخير
20-08-2008, 03:44 PM
بعييييييييييييييييييييييييد عن الموضوع يا بابكر..
حاجة تلتمك.. يعني تسندك..
تشد حيلك.. تضارفك.. تضايرك..
لكن ما المضايرة بتاعة الخجلة..
المضايرة بتاعة الغتغتة والضل الاحسن من ضل الحيطة :D:D

بنيتي رشوية
لو خجلة ذي الفي الصورة دي التحي إسمك
يبقى
حلاتا
أجمل خجلة شوفها في حياتي وأريت لوالناس كلها تخجل كدي
0000
سؤال؟؟
من الخجيلانا دي؟؟
بنيتك ولا إخيتك

أشتر
20-08-2008, 04:26 PM
سؤال؟؟
من الخجيلانا دي؟؟
بنيتك ولا إخيتك

:D:D:D:D:cool:

أشتر
20-08-2008, 04:29 PM
الدسيس والهسيس دي نديكم فرصة أخيرة تفكروا فيهن

الحنقوق هو ...... أما الطنقوق فهو الحلقوم

غايتو انا بعرف الدسيس يعني الحاجة اللذيذة شنو ما تكون ...
الهسيس باص
الحنقوق ما قلنا السعف المستخدم لخياطة البرش ...
اما الطنقوق فدي بطنقع ليها ...
والطنقعة ياها الصهينة ...

أشتر
20-08-2008, 04:36 PM
وهاكم الى ان القاكم ...
1 - الشّغيل
2 - الحُترُب
3 - الطُندُب
4 - الدلاها (شدو لي الدال لمّ تنكسر مع فتح الخشم فتحا مبينا)
5 - إنبدوربو :D:D:D حليلك يا ابوكجنكي وحليل ايامك :D

الزوول
20-08-2008, 05:49 PM
السلام عليكم
قال أحد الشعراء الفطاحل يصف جماليات محبوبته

شَعَرك ... الحنقوق الضكر
وعينك .... النُخّامة في الجَرْ

.......
مع الإعتذار للألفاظ
وعزائي أن لا "قرف" في العلم :):)

شبارقة
20-08-2008, 05:49 PM
:D

الدلاها (شدو لي الدال لمّ تنكسر مع فتح الخشم فتحا مبينا)
نفتح خشومنا نبقى دلاهات يعني ولا ّ شنو :D

إنبدوربو
ده زي مرقنبو قرنبو :D

شبارقة
20-08-2008, 05:54 PM
قال أحد الشعراء الفطاحل يصف جماليات محبوبته

شَعَرك ... الحنقوق الضكر
وعينك .... النُخّامة في الجَرْ

وعزائي أن لا "قرف" في العلم :):)

هههههههههه كنا قايلين الحياء براهو ... يجازي مـِحـَنـَك يا دكتور

تخريمة وخرميجة : مع معرفتك للحنقوق تأكدت إنك من القرير .. و إياك أعني وأسمعوا يا أسايطة :D:D

شبارقة
20-08-2008, 05:56 PM
قلنا الطنقوق (بترقيق القافين) هو الحلقوم .. وللمعلومية هذه الكلمة مستعملة بكثرة في كردفان الغرة أم خيراً جوه وبرّه

فيصل سعد
21-08-2008, 08:45 AM
السلام عليكم
قال أحد الشعراء الفطاحل يصف جماليات محبوبته

شَعَرك ... الحنقوق الضكر
وعينك .... النُخّامة في الجَرْ



و عليكم السلام و الرحمة و البركة يا حبوب ..
و خليك متابع و مواصل معانا ..

فيصل سعد
23-08-2008, 05:57 AM
وهاكم الى ان القاكم ...
1 - الشّغيل
2 - الحُترُب
3 - الطُندُب
4 - الدلاها (شدو لي الدال لمّ تنكسر مع فتح الخشم فتحا مبينا)
5 - إنبدوربو :D:D:D حليلك يا ابوكجنكي وحليل ايامك :D

نمرة خمسة بمعنى شن بدوربو او بعد ايه ؟ :D:D
و عندنا هنا بمعنى Too Late ..

نمرة اتنين بمعنى ما تبقى من اثر الاستهلاك و الفضل و الفاضل و الباقي و البواقي و البقاء لله..
في الجرايد و زيت المكنة اسمه الراجع و في زيت الطعام اسمه مكرر و في التمباك اسمه الجرك
و يقوليك فلان ما تسف من حقته لانه بجرك و كدة :D:D

بابكر مخير
23-08-2008, 12:31 PM
نمرة خمسة بمعنى شن بدوربو او بعد ايه ؟ :D:D
و عندنا هنا بمعنى Too Late ..

نمرة اتنين بمعنى ما تبقى من اثر الاستهلاك و الفضل و الفاضل و الباقي و البواقي و البقاء لله..
في الجرايد و زيت المكنة اسمه الراجع و في زيت الطعام اسمه مكرر و في التمباك اسمه الجرك
و يقوليك فلان ما تسف من حقته لانه بجرك و كدة :D:D
فوفو
فاتح ليك بوست سجل رقم واحد من الأرقام القياسية وسط المنتديات السودانية وتجاوب على سؤالين من خمسة
يعني 40 من مية
يعني رسوب بالمزيكا
أبو عاقلة والشبارقة ،،، زولكم قدا وعايز ليهو واحد شاطرن جمبوloooollooool
ناس إحنا ما مراقبين ساااااااااااكت (توحة وروفي معايا)
الحبيب الجيلي،
لو خلود شال ال loooollooool
نخت شنو؟؟؟؟؟:confused::confused:

أشتر
23-08-2008, 08:12 PM
قلنا الطنقوق (بترقيق القافين) هو الحلقوم .. وللمعلومية هذه الكلمة مستعملة بكثرة في كردفان الغرة أم خيراً جوه وبرّه

كمان القاف بقيتو ترققوها :D
قاف السودانيين دي ولا قافن تانية ...
ياها قاف (الرُقاق) مافي غيرا ...
الطنقوق ... هسي لو قلت لينا اقروها بالفصحى ما بتتقري لينا ...
وهذا للمعلومية !!!!

التوقيع : مُتلقي حجج:D

شبارقة
24-08-2008, 07:35 AM
كمان القاف بقيتو ترققوها :D
قاف السودانيين دي ولا قافن تانية ...
ياها قاف (الرُقاق) مافي غيرا ...
الطنقوق ... هسي لو قلت لينا اقروها بالفصحى ما بتتقري لينا ...
وهذا للمعلومية !!!!

التوقيع : مُتلقي حجج:D

نفس قاف أم بـُقبـُق:D:D

jezabell
24-08-2008, 07:53 AM
بنيتي رشوية
لو خجلة ذي الفي الصورة دي التحي إسمك
يبقى
حلاتا
أجمل خجلة شوفها في حياتي وأريت لوالناس كلها تخجل كدي
0000
سؤال؟؟
من الخجيلانا دي؟؟
بنيتك ولا إخيتك

غايتو الفي الصورة دي، حسب معرفتي بيها، اخر واحدة ممكن تخجل :D:D

دي بنيتي يا بابكر لكن في الحسبة كدا ممكن تطلع اخيتي :D:D

jezabell
24-08-2008, 07:59 AM
وهاكم الى ان القاكم ...
1 - الشّغيل
2 - الحُترُب
3 - الطُندُب
4 - الدلاها (شدو لي الدال لمّ تنكسر مع فتح الخشم فتحا مبينا)
5 - إنبدوربو :D:D:D حليلك يا ابوكجنكي وحليل ايامك :D

غايتو نمرة اتنين دي يعني الباقي البكون في قعر الكباية او الحلة من اي شي مميوص :D:D

منال
24-08-2008, 09:12 AM
السلام عليكم
قال أحد الشعراء الفطاحل يصف جماليات محبوبته

شَعَرك ... الحنقوق الضكر
وعينك .... النُخّامة في الجَرْ

.......
مع الإعتذار للألفاظ
وعزائي أن لا "قرف" في العلم :):)

يا زول القرف خلى الا عليك الله هو كان بصف فى جمال محبوبته هو احوص :eek::eek:

وهاكم الى ان القاكم ...
1 - الشّغيل
2 - الحُترُب
3 - الطُندُب
4 - الدلاها (شدو لي الدال لمّ تنكسر مع فتح الخشم فتحا مبينا)
5 - إنبدوربو :D:D:D حليلك يا ابوكجنكي وحليل ايامك :D

الاخيرة كدى النفكها إن بدوربو = عايز بيهو شنو تدور يعنى ..ترغب بالفصحة او تريد و لما تشبكا بتبقى لغة اهل العوض ساى الكلام فى حته و الشى المراد يوهدبك عديل ...
الرابعة غايتو يا ود ابوعاقلة اكان هى القاصدها شبارقة ما تخلينا نرخى الشلوفة كدى و نصر العين و نكرفس الوش :D:D:D

بابكر مخير
24-08-2008, 09:42 AM
غايتو نمرة اتنين دي يعني الباقي البكون في قعر الكباية او الحلة من اي شي مميوص :D:D

في الفلتر وفي الفيلترات
الحترب هو الفيلترات
يعني الباقي من عملية التصفية (filtration) وبعد مرات مامنو فايدة وبترمي
عندنا في الصيدلة ممكن تعملي ليهو بلورا (crystlisation) ومنو تعملي بلورات الدواء...
ذي من الفسيخ شربات... وكدا
زميلنا الله يرحمو، كنا طلبة سوا في كلية الصيدلة، بعد 4 شهور في تحضير السايل، كان مفروض يحفظ الفيلترات ويعمل ليهو بلورا، قام شافو ذي الموية وكشحو وحفظ الفي الفلتر،،،،
آها، عاد السنة بالكامل.....
الحترب بعض مرات بيقولوهو للجني التعبان في وسط الأسرة
وفي الفصل بيكون في وش وديل الشطار وفي حترب (لمن جاتني خمت نفس وإتلفتا الطراني منو؟)
والحترب الفي الزير من الموية المن البير، ذي التراب
وبتقال: تربت يداك
وكمان إتقال: تبت يدا أبي لهبٍ وتب
00000000000
آها ..........
تبْ
تبا
تاتا
يا أم البنية الخجيلانا

jezabell
24-08-2008, 10:04 AM
00000000000
آها ..........
تبْ
تبا
تاتا
يا أم البنية الخجيلانا

تب
بلغة اهلنا العرب تعني قط
اما تبا فاذا اضفناها لتب الفوق تصبح تب تبا فدي بعرفوها ناس عقد الجلاد، اما انا فبعرف الجب جبة :D:D
وتاتا تاتا يعني بشويش بشويش وحبة حبة على اللي تحبه :D:D

شبارقة
25-08-2008, 09:42 AM
قالت ليهو وهي زعلانة : تأكل الحمترمـِت :mad:
فماهو الحمترمت :D

شبارقة
25-08-2008, 09:47 AM
حليلك يا ابوكجنكي وحليل ايامك :D

أبو كنجنكي ده منو ؟! خُـتـَّنا في الصورة يا فردة

باسط المكي
25-08-2008, 01:04 PM
قالت ليهو وهي زعلانة : تأكل الحمترمـِت :mad:
فماهو الحمترمت :D
سلامات
شبارقة
احسمن من تقوليه
تاكل الدغنا =الدغنا دي لاقتك

شبارقة
25-08-2008, 03:20 PM
سلامات
شبارقة
احسن من من تقوليه
تاكل الدغنا =الدغنا دي لاقتك

الدغنا دي أول مرة أسمع بيها وإن شاء الله ما تلاقيني .... لكن رأئك شنو في القال ليهو : تشرب موية السلـعلـع

باسط المكي
25-08-2008, 06:45 PM
الدغنا دي أول مرة أسمع بيها وإن شاء الله ما تلاقيني .... لكن رأئك شنو في القال ليهو : تشرب موية السلـعلـع

شبارقة تحياتي
تشرب موية السلعلع
ياالنبي يالنبي
عليك الله ماعرفت موية السلعلع
انت بتعرفها لك اسمها غير
....تحياتي والله اعلم

شبارقة
26-08-2008, 08:23 AM
موية السلعلع


العزيز باسط ... تحياتي

السلعلع شجيرة كثيفة خضراء اللون ذات أفرع لينة لها قابلية التسلق وهي ملئية بالماء (الأفرع يمكن تشبيهها بالعنكوليب أو جذور النخيل التي تحتوي على الماء وبيشربوهو عندنا في الشمالية) والسلعلع تنمو عشوائيا ً على جوانب الخيران ومجاري الأمطار ..وموية السلعلع لا يمكن تذوقها من شدة مرارتها ... لو قارنتها بالحنضل تجد الحنضل زي العسل :D

أشتر
27-08-2008, 08:38 AM
نفس قاف أم بـُقبـُق:D:D

:D:D
الكلمة التي تملا الخشم ...
بعض الحبوبات (الحبوبات) يقولن (مليت خشمي بى الله) يعني قسم كاااارب ... قسم الواثق من نفسو ...
وكانت لنا ايام مع ام بُقبُق وما الى ذلك ...
حاليا ياخي جنس بُقّاق ... (خطين تحت بُقّاق)

أشتر
27-08-2008, 08:43 AM
قلنا الطنقوق (بترقيق القافين) هو الحلقوم .. وللمعلومية هذه الكلمة مستعملة بكثرة في كردفان الغرة أم خيراً جوه وبرّه

خارج منطقة نفوذي ... فاحتمال وارد اني اسطّح بكل بساطة ...
في كلمات قادرة على اختراق الحدود وبتجي مع العفش ...
وفي كلمات حاضنة حضنة السنين ... في اماكن نائية لا نستطيع الوصول اليها إلا من كان شليقاً أو على سفر ...

أشتر
27-08-2008, 08:55 AM
[color=#0000FF]الاخيرة كدى النفكها إن بدوربو = عايز بيهو شنو تدور يعنى ..ترغب بالفصحة او تريد و لما تشبكا بتبقى لغة اهل العوض ساى الكلام فى حته و الشى المراد يوهدبك عديل ...
الرابعة غايتو يا ود ابوعاقلة اكان هى القاصدها شبارقة ما تخلينا نرخى الشلوفة كدى و نصر العين و نكرفس الوش :D:D:D
الله يكفينا شر رخيت الشلاليف وصرت العيون وكرفسة (الأوشاش) وياها زاتا ...
لكن فكفكت الكلام يخلوها ليك ... وفكفكتي خليها ساي
إن بدور بو ... تلاتة في واحد شامبو برت بلس وبانتين ...
و(بو) طبعن ضمير المتكلم في العامية لغالبية اهل البطانة
وهنالك عاميه في قاموسنا السوداني ليست ببعيدة عن اللغة العربية والبعض الآخر خليو ساي !!!! ركيييييييك

أشتر
27-08-2008, 08:59 AM
قالت ليهو وهي زعلانة : تأكل الحمترمـِت :mad:
فماهو الحمترمت :D
الكلمة دي تنفع تتفكفك ولا ما نتعب روحنا ساي ؟...
ممكن تكون الرّمة ...

أشتر
27-08-2008, 09:01 AM
أبو كنجنكي ده منو ؟! خُـتـَّنا في الصورة يا فردة
دي صورة ما عندك ليها برواز ...
فدحين
سوق سواقتك ودوّر لينا البوست دا ...

شبارقة
27-08-2008, 10:12 AM
يعاينن توبتي في كامن ضميري ويمحن
والشاف فاتن جمالن وإنتشارن يمحن
قلوباً ما إنكون بي نار غرامن قمحن
الله يكبرن الكبرني وسمحن

المطلوب شرح الكلام الفوق ده بالتفصيل الممل :D

فيصل سعد
27-08-2008, 03:44 PM
يعاينن توبتي في كامن ضميري ويمحن
والشاف فاتن جمالن وإنتشارن يمحن
قلوباً ما إنكون بي نار غرامن قمحن
الله يكبرن الكبرني وسمحن

المطلوب شرح الكلام الفوق ده بالتفصيل الممل :D

سلام يا عاصم و رمضان كريم ، بالتفصيل الممل الا تشوف عبد الكريم الكابلي يشرحوا ليك
لكن انا بشرح ليك خلاصته و هي على وزن :

"راعي حرماني و اخشى عامل السن"

بعدين يا ود عمك :D:D مرات الشرح ببوظ المعنى و الاحساس
فاحسن تبكي ساي و تنبرش بدون فهم ..

باسط المكي
27-08-2008, 04:49 PM
سلام يا عاصم و رمضان كريم ، بالتفصيل الممل الا تشوف عبد الكريم الكابلي يشرحوا ليك
لكن انا بشرح ليك خلاصته و هي على وزن :

"راعي حرماني و اخشى عامل السن"

بعدين يا ود عمك :D:D مرات الشرح ببوظ المعنى و الاحساس
فاحسن تبكي ساي و تنبرش بدون فهم ..ه
ههههههههههههههه
فيصل رمضان كريم
الانبراشة بتحل
تحياتي

فيصل سعد
27-08-2008, 04:55 PM
ه
ههههههههههههههه
فيصل رمضان كريم
الانبراشة بتحل
تحياتي

سلام يا باسط و تصوم و تفطر على خير ..
الانبراشة كان ما نفعت؟؟ الا تعمل امى و تصهين و تموت بغباك ..
و دي حالة سعبة :D:D خلاس :D:D تحياتي يا ملك ..

jezabell
28-08-2008, 07:17 AM
قالت له بزعل: تزازي بيك ام كلعلع :mad:

فما هي ام كلعلع :p

فيصل سعد
28-08-2008, 12:03 PM
قالت له بزعل: تزازي بيك ام كلعلع :mad:

فما هي ام كلعلع :p

ام كلعلع العندها علاقة بالمزازة،
مؤكد هي حرم ابو كلعلع
و هو مزازي كبير قطع شك ..

لكن لو فكيتي لينا شفرة كلعلع و اديتينا اخرو
بنرد على سؤالك و بنجيهو تب :D:D

jezabell
28-08-2008, 12:50 PM
ام كلعلع العندها علاقة بالمزازة،
مؤكد هي حرم ابو كلعلع
و هو مزازي كبير قطع شك ..

لكن لو فكيتي لينا شفرة كلعلع و اديتينا اخرو
بنرد على سؤالك و بنجيهو تب :D:D

آل كلعلع شكلهم كلهم مشفرين يا فيصل يااااخ :D
نسأل الله السلامة :D:D:D

فيصل سعد
30-08-2008, 04:45 AM
آل كلعلع شكلهم كلهم مشفرين يا فيصل يااااخ :D
نسأل الله السلامة :D:D:D

كلعلع و آله و مآله جليناهم عشان خاطرك :D:D
اها تزازي ذاتها معناها شنو و استعمالاتها وين ؟؟

فيصل سعد
30-08-2008, 05:00 AM
رمضان كريم يا شباب تصوموا و تفطروا على خير ..

حدد مواقيت الاطعمة و المشروبات التالية في شهر رمضان :

موية زرقاء او "الموية الفارغة" :D:D

سلطة روب
رز بلبن
آبري ابيض
حلومر
قراصة
سلطة فواكه
شاي لبن
قهوة
صحن فول
عصير قمر الدين
سجق
رقاق
عصير كركدي
مديدة تمر
شوربة عدس
كبسة دجاج
عصير برتقال
بليلة كبكبي و عدسية
عصيدة دخن
كسرة بملاح
رغيف بلبن
ذبيب ، تين، و بناتي
باسطة و بسبوسة
شاي احمر
سلطة خضراء

أشتر
30-08-2008, 09:03 AM
رمضان كريم يا شباب تصوموا و تفطروا على خير ..

حدد مواقيت الاطعمة و المشروبات التالية في شهر رمضان :

موية زرقاء او "الموية الفارغة" :D:D

سلطة روب
رز بلبن
آبري ابيض
حلومر
قراصة
سلطة فواكه
شاي لبن
قهوة
صحن فول
عصير قمر الدين
سجق
رقاق
عصير كركدي
مديدة تمر
شوربة عدس
كبسة دجاج
عصير برتقال
بليلة كبكبي و عدسية
عصيدة دخن
كسرة بملاح
رغيف بلبن
ذبيب ، تين، و بناتي
باسطة و بسبوسة
شاي احمر
سلطة خضراء

من تمغرب الواطة لغاية الامساك ...
والله يكفينا شر الامساك ...
بس اهم حاجة ...
تلت وتلت وتلت

فيصل سعد
31-08-2008, 07:51 AM
من تمغرب الواطة لغاية الامساك ...
والله يكفينا شر الامساك ...
بس اهم حاجة ...
تلت وتلت وتلت

يا ود ابو عاقلة قلت لي تلوك و تكوضم
و تجغم من المغرب للامساك،،
دي كاجا ما سبقك عليها :D:D

أشتر
31-08-2008, 08:27 AM
يا ود ابو عاقلة قلت لي تلوك و تكوضم
و تجغم من المغرب للامساك،،
دي كاجا ما سبقك عليها :D:D

مع الأخذ في الاعتبار كم حاجة
الموضوع عندي ما ون قوووووو
لكن سؤالك تعجيزي ومحتاج شغل كتير في الاقتباس والفرتنة يا فردة ...
احدد ليك كيف مواقيت الأطعمة والمشروبات يا جوك
لكن مواقيت اذان المغرب بتتحفظ بالدقيقة
ونقلب الكيبورد هجري ...
لا اغسطس ولا اكتوبر لغاية خامس يوم في العيد ...
وبعداك شنو ؟
ترجع ريما لعادتها القديمة

شبارقة
31-08-2008, 03:33 PM
كل عام وأنتم بخير يا قوم ... يا رهط ... يا خير من تعرفنا عليهم في هذه الفضاءات الواسعة

http://sudanyat.org/vb/imgcache/718.imgcache.bmp (http://www.l44l.com/up/)


علينا وعليكم يتبارك .... نصوم جميعنا ونفطر على خير ...

اللَّهُمَّ بَلـِّغْنا رَمَضَانَ وَأَعِنَـّا عَـلَى صِيَامِهِ وَقِيَامِهِ عَـلَى الوَجْهِ الّذِي يُرْضِيكَ عَنـَّا , اللَّهُمَّ تَقَبـَّلْ مِنـَّا ...

أشتر
31-08-2008, 09:26 PM
تصوموا وتفطرو على خير يا ناس هنا ...
ورمضان كريم ...

فيصل سعد
04-09-2008, 08:22 AM
اختبار الربع الثالث :



اشرح ما يلي :


ام دلدوم
اب فرار
بت مسيمس
جنا البط
الشرقرق
الوقاية
كونشبر
نفاخ النار
قرمبوز
الماشة
الجعران
البربيت
اب كباس
النواتي
الدكاي
البوبينا
الجميز
الكرورية
الجبردين
الغباشة
الترتار
العنسيت
الدكة
الديدبان
البوبلين
الساجور
المنفلة

عبدالماجد محمد عبدالماجد
04-09-2008, 09:40 AM
صباح الخير, فيصل سعد

هادي ورقتي,


ام دلدوم : بونية (بوكس) بقبضة اليد لكن تهوي الكف رأسياً من الأعلى إلى الأسفل
اب فرار : إلتهاب السحايا (السحائي)
بت مسيمس : شخصية تاؤيخية واسنعارها لعيبة الكوتشينة
جنا البط: ؟؟؟؟؟ سمين ومدغلب وصدرو ناط ؟؟ الله أعلم
الشرقرق : إناء من الصفيح تصنع فيه القهوة
الوقاية : حلقة من القماش مزخرفة بالخرز (السكسك) يوضع عليها إناء طيني (الجبنة) لمنعها من الكسر أو الإندلاق,
كونشبر : ؟؟؟؟ كونسيرت؟!
نفاخ النار: عود من الحطب مضعل باستمرار يزاد عليه لما بريدون إشعال النار فينفخون حتى تضطرم تحاشيا لعملية الفرك الشاقة ولم تكن أعواد الكبريت معروفة أو متيسرة.
قرمبوز: ؟؟؟؟؟؟
الماشة. حديدة يمسكون بها الجمر
الجعران : الخنفساء (أبو الدرداق)
البربيت: طبقة من طبقات البناء عند البنائين.
اب كباس : حلم مزعج يصحبه ضيق في التنفس والصدر كأنما جثم عليه جان.
النواتي: المراكبي
الدكاي: نبيذ من التمر مسكّر
البوبينا: موزع الكهرباء في السيارة
الجميز: فاكهة تشبه التين و شجرنها ضخمة
الكرورية: بكرة الخيوط يلف عليها الخيط في شكل كرة
الجبردين: نوع من القماش القطني تصنع من البناطلين
الغباشة: الروب أو اللبن يخلط بالماء ويكون أخفّ على المعدة
الترتار: حلقة (عحلة) يلعب بها الصبية
العنسيت: ؟؟؟؟؟ الضكر الجّنّب ذو البأس ؟ لدي الإحساس بالمعني والله أعلم.
الدكة: منصة من الطين أو التراب يجلس عليها كبير القوم
الديدبان: حارس السجن أو المحكمة يقف دون حراك (عسكري)
البوبلينن : قماش اصطناعي (أو مخلوط) تصنع منه الجلابيب الرجالية وكان المقتدر يصنع منه الملاءات.
الساجور: جلد يربط حول عنق الكلب ووصله بحبل للقيادة, وهو أيضا علامة على عنق الأسد في شكل حلقة لونها مختلف .
المنفلة: المحفّلة (المزيّنه) بالكساء والحلي وبالأرومة (منعة الأصل وعز المنبت)

شبارقة
04-09-2008, 01:08 PM
اختبار الربع الثالث :



كونشبر : ؟؟؟؟ كونسيرت؟!
العنسيت: ؟؟؟؟؟ الضكر الجّنّب ذو البأس ؟ لدي الإحساس بالمعني والله أعلم.


سلامات يا شباب .. ورمضان كريم

تهانينا للأخ عبد الماجد على معظم الإجابات الصحيحة ...ويا عبد الماجد يا أخوي المرحوم المبدع / مصطفى سيد أحمد بيقول : يا مطر عز الحريق ويا مصابيح الطريق .. إلى أن يقول كون شبر طورية منجل سبحة فانوساً ..... إلى آخر الأغنية

إذن الكون شبر هو القفة الصغيرونة

أما العـِنسيت (بكسر العين والياء) فهو فرس النهر

شبارقة
04-09-2008, 01:12 PM
هاكم إلى أن نلقاكم :

1- العرق (بكسر العين والراء)

2- الكينكيج

3- التامبيره

4- الجـَلـَب

5- أم بشـّار

6- الكركجية

7- البسيقة

فيصل سعد
06-09-2008, 06:54 AM
التامبيرة نوع من الطير ..
العرق له اكثر من معنى فهو جزور النبات في الارض، او الوريد في اليد لضرب الابرة، او عرق المحبة ، او عرق البير ، او العرق دساس :D:D
الكينكيج اعتقد الشي المجيه و مكرب ..
الباقي نخلي لباقي الاخوان و الاخوات يشاركوا فيه و كدا :D:D

اها ،، ماهو الكجنكي و الكدروك ؟؟

بابكر مخير
06-09-2008, 07:20 AM
التامبيرة نوع من الطير ..


بغالطك، مع إني غرابي وما من ناس البحر
آها
دا نوع من السمك وبينتفخ حتى يتكور
وبيقولو: لمن واحد يتحنفش ولا ينفخ في الفارغة؛ دا منفوخ ذي التامبيرة أو التامبيرا
ومن الأسماك، الضغناها عندكم في البحر:D
البلطي والبياض والعجل (برضو بيضربو بيهو المثل في أنو سمك وشوكو قليل، يعني في الشح) والقرقور (موردة بتلعب) وخشم البنات (لأنو قدومو صغيروني، وما عارف ليه يعني بيوصفهو بخشم البنات، هل يعني القدووم الصغيروني مقياس جمال؟؟،،، ذي حكاية: وش القمر البقن بنياتنا كلهن ماسحيين الوشوش لمن تبقى عديمة شكل بيضا ذي القمر، لامعالم ولا تفاصيل،،،
لي خشم البنات؟؟ الغريبة الخواجات بقو يفضلو الشفاة المكتزة (أفريقيا تلعب).. وديل طبعن ذوقهم أرفع مننا إحنا، الطرش ديل،،، ما شفتا حسي بقوا يطعنو ليك شفايفهم كيف؟؟؟
وبس
عليك واحدloooolloooollooool

فيصل سعد
06-09-2008, 07:39 AM
بغالطك، مع إني غرابي وما من ناس البحر
آها
دا نوع من السمك وبينتفخ حتى يتكور
وبيقولو: لمن واحد يتحنفش ولا ينفخ في الفارغة؛ دا منفوخ ذي التامبيرة أو التامبيرا

وبس عليك واحدloooolloooollooool

يا الحبيب خالي العزيز و رفيق الصبا "وليد عثمان علي"
كنا مسمينه وليد تامبيرا :D:D و طول هذه السنين مصنف مع الطيور،،
تجي بجرة كيبورد تطلعوا لينا سمكة .. احتمال التامبيرا عندكم في الغرب سمكة ، لكن عندنا نحن في العاصمة المثلثة و الوطنية :D:D طيرة ساكت يا حبوب :D:D و السودان للسودانيين ..
بطريقتك دي بتطلع لينا الروب و النعيمية عصائر و العصيدة و التقلية شربات :D:D
دايرين حكم يدينا النتيجة هسي اونلاين .. و للوكت داك التعادل سيد الموقف :D:D
و يا كوركنا يا بيكو الزين مغلوب اتنين و لا هتفتوا يا فوفو الشين دخلت بوين :D:D

بابكر مخير
06-09-2008, 08:24 AM
يا الحبيب خالي العزيز و رفيق الصبا "وليد عثمان علي"
كنا مسمينه وليد تامبيرا :D:D و طول هذه السنين مصنف مع الطيور،،
تجي بجرة كيبورد تطلعوا لينا سمكة .. احتمال التامبيرا عندكم في الغرب سمكة ، لكن عندنا نحن في العاصمة المثلثة و الوطنية :D:D طيرة ساكت يا حبوب :D:D و السودان للسودانيين ..
بطريقتك دي بتطلع لينا الروب و النعيمية عصائر و العصيدة و التقلية شربات :D:D
دايرين حكم يدينا النتيجة هسي اونلاين .. و للوكت داك التعادل سيد الموقف :D:D
و يا كوركنا يا بيكو الزين مغلوب اتنين و لا هتفتوا يا فوفو الشين دخلت بوين :D:D

تعال نحتكم عند شوقي بدري
عندك رأي تاني:mad:
وبالمناسبة
أنا قوآآآآآآآآآآآآآآآآآآآآآآل
وحأقول لي ويلي (وليد كما يحلو لي مناداتو) أنك كشفك للمغطى دا

شبارقة
06-09-2008, 10:39 AM
التامبيرة نوع من الطير ..


بغالطك، مع إني غرابي وما من ناس البحر
آها
دا نوع من السمك وبينتفخ حتى يتكور
وبيقولو: لمن واحد يتحنفش ولا ينفخ في الفارغة؛ دا منفوخ ذي التامبيرة أو التامبيرا


تعال نحتكم عند شوقي بدري
عندك رأي تاني:mad:


قبل ما يجيكم عمنا شوقي بدري ...يفترض تسألوا شبارقة لأنو هو الأداكم الإمتحان ده وبالتأكيد بيكون عارف الإجابات ... التامبيره نوع من السمك يا فيصل ...مع تحياتنا لعمنا ود مخير
وبعدين يا دكتور طالما إنك غرابي أم بشـّار الفوق دي ما عرفتها مالك ؟

شبارقة
06-09-2008, 10:44 AM
الكينكيج اعتقد الشي المجيه و مكرب ..


لا يا فيصل :mad: الكينكيج هو سمكة نهرية شرسة وقوية ... وبضربوا بيها المثل في القوة والشجاعة والإستماتة

شبارقة
06-09-2008, 10:56 AM
وخشم البنات (لأنو قدومو صغيروني، وما عارف ليه يعني بيوصفهو بخشم البنات، هل يعني القدووم الصغيروني مقياس

هل يعني القدووم الصغيروني مقياس

عمنا ودكتورنا ود مخير هناك أغنية شهيرة لخلف الله حمد بيقول فيها :

يردد لي نغيمن تشتاق لي المسامع
تتلب فوق شفاهو لؤلؤة المدامع
أعاين فيهو وأضحك وأمشي وأجيهو راجع
متلاعب ليس إلا ما من مطامع
وأقيس الفم بودعة وألقى الودع واسع
وأقيس الليل بشعرو وألقى الفرق شاسع
دي ما بلقاهو زولن زينا صيدو ناجع
أها يا عمنا ود مخير بعد ده رأئك شنو في القدوم الصغيروني :Dورأئك شنو في خشم البنات البقيسوهو بالودعة .. وسلملي على الشلاضيم والشلاليف والتلاليش :D:D

بابكر مخير
06-09-2008, 06:40 PM
[align=justify]عمنا ودكتورنا ود مخير هناك أغنية شهيرة لخلف الله حمد بيقول فيها

ورأئك شنو في خشم البنات البقيسوهو بالودعة .. وسلملي على الشلاضيم والشلاليف والتلاليش :D:D

شبو الحبيب
أولن تبادي شكرن ليك على النصرة اللقيتها منك، على نصي الساكن كندا
وقدر ما بقول ليهو أدي العمر فرصة وأعمامك الاكبر منك أعرف منك، من دا
لكنو ما راسو ناشفة،،، شفتا حسي يمشي يبقى لينا ذي خالو داك ما دا
يزعل ويزوم من غير لزوم........
تاني شي
قولتا ليا أم بشّار البتجي نص نهار
تملى الخيران تبقيها أنهار
أنا ما بقول ليك هي شنو
بعدين الشباب ما يلقو اليقولوهو
(كبيت الزوغة،،، مش؟؟)
تالتن
حكاية الخشم الفي شبهو حبة
دا يبقى،
كيف إن دار يأكل تسالي؟؟؟
وبعدين الحبيب
إتا عارف ناس كلام الغنا ديل
بيقولو كلام كُتر
أسأل عصمت العالم، بيقول ليك ولا هو ظنيتو قالا قبل في بوستن مثير للجدل
رمضانك بركة الحبيب

شبارقة
06-09-2008, 09:35 PM
قولتا ليا أم بشّار البتجي نص نهار
تملى الخيران تبقيها أنهار
أنا ما بقول ليك هي شنو
بعدين الشباب ما يلقو اليقولوهو
(كبيت الزوغة،،، مش؟؟)


هههههه ما قصرت تب ... لكن برضو خائف حناكيشنا الهنا ديل ما ح يعرفوها :D:D

عبدالماجد محمد عبدالماجد
06-09-2008, 09:55 PM
شبارقة
شكرا ليك. بس والله أنا نا راضي عن النتيجة دي. أصلو أخوك من ما قام وليد كان بيقبل بنتبيجتو, يعني كان طلع العشرين بيقول ليه ما جيت الخمستاشر ولو طلعت الخمسطاشر أقول عايز الخمس الأوائلز, وهكذا...

بعدين, وبصراحة , اختبار فيصل كان أكثر عدالةً من كلماتك السبع(ة) ديل لأنها جات من مجتمع محلي خالص ورففتنا نحنا عيال الرملة.
أخونا الدفعة بابكر مخيّر. ليك تحية بس غرّابي كيف ؟ تقدر تقول لي بعد ما اتربطت شديد (ومن انتسب للقوم فهو منهم (الحديث)). غرابي أنا وبالميلاد وبرضو عرفت التامبيرة. مش السمكة البتتنفخ بمجرد ما يطلعوها من الموية وشكلها زي الهبابة؟

عندي ليكم اختبار غرّابي خالص, وعشان تحلّو يا ود مخير بإماكانك الرجوع لأستاذنا شوقي كونو من عشيرة أعمامنا ممحمد أحمد صلاح (ود الأمير الذي كان من بين أول مجموعة كوّنت ناادي ثقافي سياسي في السودان, وما تسمعو كلام نادي الخريجين دا, كضِب عواصم ساي) ومن رهط شوقي عمنا محمد عبدالرحمن أبتر وهو صنو أبو صلاح في الكرم الذي يضرب به المثل. وديل غرابة (بس أبو صلاح مش بالميلاد). وهاكم:

1 – ابْ قَوِي (أبُنْقَوي)
2 – أم أباط
3 – ابونضبايا
4 – حراب هوسا
5 – السِتّيب
6 – الدالاية
7 – أم قَبَرين
8 – حوّا شرور
9 – الكُوزي
10 – الدّانقا
11 – المُرحال
12 – العقيق
13 – أبو جكجوك
14 – قِرين حشّاش
15 – الوَقَر
16 – الدحلوب
17 – الدُوانة
18 – ود أم دوكة
19 – الكادوك
20 - أم شعيفة
21 – الكِشيب
22 - القعّاد
23 – أم قللو
24 – الكِجيجي
25 - الخمّال
26 – الكِرْكِر
27 – السًّرنو
28 – الكوكاب
29 – الطُرقاعة
30 - الجرداق

أشتر
06-09-2008, 10:42 PM
لا يا فيصل :mad: الكينكيج هو سمكة نهرية شرسة وقوية ... وبضربوا بيها المثل في القوة والشجاعة والإستماتة

الاستماتة دي عجبتني شديد يا شبارقة ... كتّر لينا منها
وكلامك صاح يا راستا

أشتر
06-09-2008, 10:45 PM
عمنا ودكتورنا ود مخير هناك أغنية شهيرة لخلف الله حمد بيقول فيها :

يردد لي نغيمن تشتاق لي المسامع
تتلب فوق شفاهو لؤلؤة المدامع
أعاين فيهو وأضحك وأمشي وأجيهو راجع
متلاعب ليس إلا ما من مطامع
وأقيس الفم بودعة وألقى الودع واسع
وأقيس الليل بشعرو وألقى الفرق شاسع
دي ما بلقاهو زولن زينا صيدو ناجع
أها يا عمنا ود مخير بعد ده رأئك شنو في القدوم الصغيروني :Dورأئك شنو في خشم البنات البقيسوهو بالودعة .. وسلملي على الشلاضيم والشلاليف والتلاليش :D:D
القدوم الصغيروني بدون شلوفتين اخير عدمو ولن اخوض في اكثر من ذلك لاني حادخل في حتة ضيقة قدر ودعتك دي
وودعتك الله

بابكر مخير
07-09-2008, 06:37 AM
1 – ابْ قَوِي (أبُنْقَوي)
2 – أم أباط
3 – ابونضبايا
4 – حراب هوسا
5 – السِتّيب
6 – الدالاية
7 – أم قَبَرين
8 – حوّا شرور
9 – الكُوزي
10 – الدّانقا
11 – المُرحال
12 – العقيق
13 – أبو جكجوك
14 – قِرين حشّاش
15 – الوَقَر
16 – الدحلوب
17 – الدُوانة
18 – ود أم دوكة
19 – الكادوك
20 - أم شعيفة
21 – الكِشيب
22 - القعّاد
23 – أم قللو
24 – الكِجيجي
25 - الخمّال
26 – الكِرْكِر
27 – السًّرنو
28 – الكوكاب
29 – الطُرقاعة
30 - الجرداق

شنو الحبيب عبد الماجد
دا بتجيبو من رأسك ولا من كراسك:confused:
وين الحاجات السهلة الممتنعا، ذي ناس:
نتشا
قرشا
كرش
درشا
هبشا
وكد، كدا، كدا
loooollooool

فيصل سعد
07-09-2008, 07:11 AM
شبو الحبيب
أولن تبادي شكرن ليك على النصرة اللقيتها منك، على نصي الساكن كندا
وقدر ما بقول ليهو أدي العمر فرصة وأعمامك الاكبر منك أعرف منك، من دا
لكنو ما راسو ناشفة،،، شفتا حسي يمشي يبقى لينا ذي خالو داك ما دا
يزعل ويزوم من غير لزوم........


غايتو راسي المسكينة دي :D:D مافي زول نشفها غيرك..
و مبروك الفوز و القوالة معا :D:D اما خالي التاني داك فسلم لي عليهو و بلغه الاشواق و التحايا لانه ليه زمن رافع القزاز :D:D
ابقى طيب يا غرابي يا حبوب ..

فيصل سعد
07-09-2008, 07:18 AM
1 – ابْ قَوِي (أبُنْقَوي)
2 – أم أباط
3 – ابونضبايا
4 – حراب هوسا
5 – السِتّيب
6 – الدالاية
7 – أم قَبَرين
8 – حوّا شرور
9 – الكُوزي
10 – الدّانقا
11 – المُرحال
12 – العقيق
13 – أبو جكجوك
14 – قِرين حشّاش
15 – الوَقَر
16 – الدحلوب
17 – الدُوانة
18 – ود أم دوكة
19 – الكادوك
20 - أم شعيفة
21 – الكِشيب
22 - القعّاد
23 – أم قللو
24 – الكِجيجي
25 - الخمّال
26 – الكِرْكِر
27 – السًّرنو
28 – الكوكاب
29 – الطُرقاعة
30 - الجرداق

يا عبد الماجد شغلك دا صعب تب :D:D و الدليل انه غلب ود مخير الما بتحير :D:D
فاحسن تلكع و تجينا بالشرح ساي يا ود عمك :D:D

somiaadam
07-09-2008, 10:49 AM
مرحبا حبابكم عشره في العاميه السودانيه
لكن قبل ماأكتب اي شئ كلام الاخ عبد الماجد اعملو لينا ليهو جدول ذي الابتدائي الكلمه ومعناها
أنا غايتو عرفت الدانقا وفي البلد بقولوها للبرنده وشكلها كبيره وماهله بي بابين
والثانيه الجرداق اظنه يقصد الجردقه الترابيه والله اعلم وأم شعيفه ده ملاح ..........ترجمو الباقي هاكم ديل:- المرقون وهو بناء داخل الغرف ويخزن فيه الاشياء يعني مخزن
السحاره ودي عباره عن صندوق تستعمله النساء لوضع اشيائهن مثل الاواني وغيرها
الباقي......................أصبرو افتش تاني
تفطروا علي خير

عبدالماجد محمد عبدالماجد
08-09-2008, 12:06 AM
أخونا فيصل سعد
معليش أنا قصدت أن يكون من محيط اجتماعي محدود لأن التوثيق المتوازن مهم (على وزن التنمية المتوازنة).
بعدين صاحبك دا ماهو غرّابي منشأ. أبّاهتو صحي ركابين للخيل بدون ركايب وحافطين خريطة النجوم في السما, انا بعرفهم إلا زولك دا شرب موية حنفية كتير.

عزيزي بابكر مخير
لك الود

يا أخي نحنا عندنا مروّة لناس " هبشا وشخبتا" الهرمون وينو؟!


1 - ابْ قَوِي : نوع من الفول ثمرته بحجم النبقة وقشرته صلبة ولا زيت فيه ويتفت كأنه دقيق مخبوز (زي الغُرَيْبة). أبوزبد وما حولها
2 - أم أباط : الذرة الشامية (عيش الريف) المسيرية
3 – ابونضبايا : الذرة الشامية (عيش الريف) أبوزبد ومل حولها (حمر؟)
4 - حراب هوسا: نبتة لم تكن معروفة في السودان أدخلها أم بررو لمّا تدافعوا للسودان في الخمسينات والستينات قادمين من غرب إفريقية فغزت المراعي وقلّصت كمية النباتات التي تعلفها المواشي. ويقال أن هذه النبتة التي لا تقربها الأبقار هي التي سببت في هجرة أم بررو الذين شرّقوا حتي حدود السودان مع إثيوبيا (كانوا وثنيين ولكنهم الآن اعتنقوا الإسلام ولهم مشيخات ونظارة عمومية وهم بنو عم الفلاتة الفوطا (قبائل الفولاني الذين نشروا الإسلام والمعرفة بقيادة الشيخ العالم عثمان دان فوديو الذين نبغ بعضهم حتى درسوا في المسجد النبوي مثل الشيخ ألفا هاشم ولهم عقب في السودان من العلماء الأفاضل اختلطوا بقبيلتي الجعليين والمحس).
5 - السِتّيب – ثمرة من الفوليات لا تنمو إلا داخل البرك وتثمر في الطين تحت الماء ولا يستخرجها إلا العارفون. الثمرة (الجذر) بحجم كرة التنس وقشرتها سوداء خشنة صلبة ولما تسلق تكون كما البطاطس المسلوق. وتباع في بريطانيا في أرفف المعلبات (وتستورد من الصين). وكنت شاهدت أم الأولاد في فيلم "كلكم أبنائي – ماظّر إنديا" تستخرج تلك الثمرة لمّا ضاق بهم الحال وهجرهم الأب (نجع) لتطعم ولديها بُرْجو (البطل) والآخر نسيت اسمه - المسيرية
6- الدالاية – الطريق الضيق (لا يتسع لأكثر من شخص) في الغابة,وهو بمنزلة الزقاق في المدينة) المسيرية
7 - أم قَبَرين - عنكبوت ضخم الكرش كأنه امرأة حبلى . أبوزبد وما حولها (السعاتات ....الخ).
8 - حوّا شرور – طائر أسود اصغر من القمري ولعله من فصيلة الغربان يضرب به المثل في النسيان وميتة القلب (وقد رأيت منها عكس ذلك). حمر ومسيرية
9 - الكُوزي: بيت من القش (القطية) مسيرية
10 –الدّانقا – الديوان من الطين للضيوف والمناسبات.
11 - المُرحال: عكس الدالاية (6) وهو الطريق الواسع يتسع لكل القطيع والركبان. وكانت الحكومات السابقة تهتم به وتعبده للرُحّل. واليوم تداخل المراحيل واستخدامها بواسطة الآخرين صار جزءا من مشكلة دارفور وجزءا من حلّها إن شاء الله. المسيرية وكافة الرحل في غرب السودان.
12 – العقيق : العنكوليب ( كأنهم أخذوها من الفصيحة "عَقِيق" بسبب الفصوص,والله أعلم. غرب كردفان.
13 - أبو جكجوك – عظم في عرقوب البقر ينظفه الصبية ويلعبون به في الرمل.
14 - قِرين حشّاش: طائر مولع ببناء أعشاشه في البيوت (في المطارق والأعمدة والسباليق).
15 – الوَقَر: العَرَق
16 – الدحلوب: آنية من الفخار يطبخ فيها الملاح (مقابل الحلّة).
17 - الدُوانة : آنية فخارية كبيرة تتسع لأكثر من 6 – 8 جالونات تحفظ فيها المريسة والعسلية للاعراس وفي الأفراح او للمشترين. غرب السودان.
18 - ود أم دوكة: بيض مفقوع (او بيض أصفر استخرج من الدجاجة بعد ذبحها قبل تكوين القشرة) يوضع على دوكة العواسة الفخارية لينضج,وذلك قبل العواسة أو بعدها ويقدمونه للصغار الملتفين حول العوّاسة فيلتهمونه بنهم شديد ويكون لهم تصبيرة. عرب كردفال (وبالمناسبة هي كردفال وليست كردفال ولكن المستعمر كان يغير الأسماء بدون اكتراث وعلى سبيل المثال " الأُبيض" هي في الأصل الإبيض (بكسر الهمزة فأرادوا تفصيحها ولكن ذلك لا يجوز في اسماء الأعلام ومنه "ود مدني (نسبة للعالم الفقيه المعروف مدني السنّي) فحّولوها لـ "وادي مدني وليس هناك وادي بهذا الاسم !!).
19 – الكادوك: حرز (حجاب) فيه آيات أو طلاسم سحرية أو عروق , يلف في واقٍ من الجلد أو القماش لمنع العين أو السحر أو الوصول للغايات الدنيوية . يلبس في العضد أو يعلّق في الرقبة, وكان أحرص الناس عليه الطلاب والجنود الذين يعتقدون فيه إلى يومنا هذا وهو هراء ليس من الإسلام ولكن أصله عميق في الثقافة السودانية لأن علم الآثار اكتشف أن إنسان الشهيناب (أقدم حضارة إنسانية) كان يستخدمه وكذلك المرويون. وياما مقلب ناس كتار. وعندما أدرك الجيش السوداني السلطان علي دينار اتفقوا على أن السلاح الناري لن يخترق جسده لأنه طاهر ومسلح بالحجبات (والكواديك) فاقترح أحدهم أن يبول أحدهم في الطلق الناري حتى إذا ما اطلقوه نجّس جسد السلطان فيبطل عمل الحجاب فتخترق الرصاصة الجسد (محن سودانية (والحقوق لشوقي بدري).
20 - أم شعيفة : إدام المسكين (الملاح) يكتفي فيه بالويكة الناشفة والملح وربما شوية بصل ولا لحم أو شرموط فيه,
21- الكِشيب : ما تبقّى في الزرع بعد الحصاد من حبوب أو قناديل يراجع جمعه وغربلته المساكين أو صاحب الزرع نفسه.
22 – القعّاد: مقعد ينجر من الخشب ويٌملَس تجلس فيه النساء (وبخاصة العجائز) وهو غير البنبر (المنبر).
23 - أم قللو: جلسة معينة يكون فيها الحمل كله على أمشاط القدمين ولا يقدر عليها السمين أو الهرِم.
24 –الكِجيجي: نبتة طيبة الرائحة تحرق في البخور مع صمغ اللبان وحطب الشاف (الطلح) والكليت.
25 – الخمّال: خرز من الأحجار شبه الكريمة واحدته في حجم البصلة تصنع منه الفتيات حلقات تربط حول الخصر.
26 – الكِرْكِر: شجر ثمرته لذيذة جدا وتصنع من فروعه مفاريك الملاح, وذكره الصحافي العصامي الرائد عبدالله رجب في مذكراته إذ كان يتلذذ بأكله لما يزور أخواله في كردفان.
27 – السًّرنو: عجوة الهجليج. يخرطون الحلوي ويفرزونها من النوى ويدخرونها كنوع من الحلوى أو علاجا للإمساك. أمّا النوى فكانت جرّته تجمع ويصنع منها الصابون المحلي والقشرة للمسابح.
28- الكوكاب: رمح رأسه مخروط (كالذي ىنشاهده في الألعاب الأولمبية) وهو غير الحربة ذات الحرفين السنينين.
29 – الطُرقاعة: الصاقعة
30 – الجرداق: هو مقابل الدوبيت عند قبائل البقارة ولكن يؤدى بلحن مختلفٍ عن الدوبيت تماما.

بابكر مخير
08-09-2008, 05:11 AM
أخونا فيصل سعد
معليش أنا قصدت أن يكون من محيط اجتماعي محدود لأن التوثيق المتوازن مهم (على وزن التنمية المتوازنة).
بعدين صاحبك دا ماهو غرّابي منشأ. أبّاهتو صحي ركابين للخيل بدون ركايب وحافطين خريطة النجوم في السما, انا بعرفهم إلا زولك دا شرب موية حنفية كتير.
عزيزي بابكر مخير
لك الود
يا أخي نحنا عندنا مروّة لناس " هبشا وشخبتا" الهرمون وينو؟!


قال ليك في الموت رحمة
الله يرحم بروفسير عون الشريف قاسم
يعني ذي شيتك دا، كن دخلو في إحباط
دا إتا يا زول موسوعة بي حالها
ربنا يديم ليك الصحة والعافية وزيدك من المعرفة، عشان تزيدنا علم...
هو أنا
من ناحية أهل الوالد بي أبوهو ناس إبل ساااااااااكت ومن ناحية أُمو ناس بقر سااااااااااااااااااهي... وناس الخيل ديل شوية جنوب شرق مننا،،، أنا بين زيادية أبالا وتعايشة بقارا...
الخيل ركبتو أيام كلية الشرطة.. والبقر شربتا لبنو والإبل شراب لبنو غلبني والله حار في البطن، إلا للناس المتعوداهو وكبدتو ديك البتتقرمش، عفاني الله منها...
هند هي البتاكل الكبدا
صيامك إنشاء الله ليك فيهو أجر قدر ما تتحمل وتقدر تشيل
وليك المودة
بس ما قلتا ليا
دا من رأسك ولا من كراسك:):p;)
loooollooool
إتا من زمن الهرمون
ما منعوه لأنو منشط وإتا كفاك
الراجيك من شبو وأبو العقل،،، ود سعد داك الله ما يخليهو يقبل عليك
بفحمك:D

فيصل سعد
09-09-2008, 09:34 AM
شكرا عبد الماجد لهذة الاضافات الثرة و خليك قريب ..
و التحية لدكتور بابكر ود الغرب التايواني :D:D امين شباب الامة
و ود البحر المحكر المخير و ما مسير و الصابر و عند الله جزاو :D:D

عبدالماجد محمد عبدالماجد
10-09-2008, 04:54 AM
سميّة ,
حياك الله وبياكِ وشكرا على التفقاعل مع الجدول, أبقو عشرة لسان أهلكم قبال ما الخرتمة تضيعو.

اخوي بابكر مخير
شكرا على التقريظ التشجيعي. أمّأ العلم فلا أدعيه والله دا كلّو تلاقيط من القضّل في الراس. وعشان الزمن ماشي وسايق الخلق معاهو قلنا أحسن كل زول يفرغ الفي ذاكرتو عشان خاطر عيال بلدنا وبناتها. أستاذنا عون (رحمه الله) بدا عمل عظيم وخلا كتير للاحقين. عشان كدا أنا بعتبر البوست دا من أهم البوستات المتجهة لتوثيق التراث وتعزبز الهوية على نحو لا يتجاوز الأطراف.
الهرمون؟ با خوي أنا ما بتكلم عن الببيعوه في الأجزخانات. بتكلّم عن البتصنعو قدرة الله جوّة أجسادنا
الله يعافيك ويتقبّل

الأخ فيصل سعد
وأنتم أحق بالشكر. وإن كان من ثراء في كلامي فهو ثراء اللهجات السودانية. وأنا متأكد لو كل زول شارك بالعندو سيكون عندنا مادة بحجم مجلّد. والله يقدركم .

1 – الدُّربان
2 – جمل العروس:
(أ)
(ب)
3 – أنقارا
4- الشِقَيّانة
5 – الطرور
6 – النِسْعِة
7 – الأرْساية
8 – المَكْمَك
9 – المِقْرِح
10 – القَرْدود
11 – الشّرْبِكِيت
12 – المرواد:
(أ)
(ب)
13 – جمل أبو مسعود
14 – العقرب:
(أ)
(ب)
15 – السَرَف
16 – أُمْ كِيكِي
17 – الأبَديب
18 – الدُوراية
19– الكُشنة
20 – أبو حوّا
21 – الكعكول
22 – اللّقاي
23 – الإشفا
24 – الدّامِرْقة
25 – التِّفْنة
26 – قَرْوّة
27 – الشّنْقاقة
28 - العُصْرة
29 – الأضاة
30 – البوطة:
(أ)
(ب)

بابكر مخير
10-09-2008, 04:59 AM
الهرمون؟ با خوي أنا ما بتكلم عن الببيعوه في الأجزخانات. بتكلّم عن البتصنعو قدرة الاه في جسومنا.
الله يعافيك ويتقبّل

كلامك سمح
لكن
الفياجرا شن نفرا، أكان الجسم لسة بيصنع هرمونات:D:D:D
ولا الزنجيل، ما كان ختهو في القهوة
ولا الجرجير زرعهو تحت السرير
loooollooool
شكرن الحبيب
وواصل زيدنا علم
يزيدك الله من نعمو

شبارقة
10-09-2008, 10:10 AM
إبداع يا عبد الماجد ... يديك العافية ..واصل

wadosman
10-09-2008, 10:45 AM
بوست ود لذينة...ما بينفع هسى...!!!

احسن نرجع هنا بعد الفطور...و نشوف ست الودع...:D

jezabell
10-09-2008, 11:01 AM
التامبيرة نوع من الطير ..
العرق له اكثر من معنى فهو جزور النبات في الارض، او الوريد في اليد لضرب الابرة، او عرق المحبة ، او عرق البير ، او العرق دساس :D:D
الكينكيج اعتقد الشي المجيه و مكرب ..
الباقي نخلي لباقي الاخوان و الاخوات يشاركوا فيه و كدا :D:D

اها ،، ماهو الكجنكي و الكدروك ؟؟

انا غايتو بفط الفوق دا كلوووووو وبجيك يا فيصل.. غتاتة ساااااااااي :D:D
الكجنكي مسمار الزنك والكدروك غايتو بيكون شي معفص وشين لإنو زمان لما كنا نحب نوصف واحدة شينة نقول وشها زي الكدروك :D:D

فيصل سعد
10-09-2008, 11:16 AM
انا غايتو بفط الفوق دا كلوووووو وبجيك يا فيصل.. غتاتة ساااااااااي :D:D
الكجنكي مسمار الزنك والكدروك غايتو بيكون شي معفص وشين لإنو زمان لما كنا نحب نوصف واحدة شينة نقول وشها زي الكدروك :D:D

يا ام شهد الاول جليتيو شديد لكن التاني قربت منه شديد
كدي حاولي تاني قبل شبارقة ما يجي و يديك الاكيدة :D:D
و مرورك مفرح و مسعد و رومانسي :D:D

شبارقة
10-09-2008, 01:00 PM
كدي حاولي تاني قبل شبارقة ما يجي و يديك الاكيدة :D:D
:D:D

شكرا ً ليك يا فيصل الناس كانو بيتسآلوا لفترة طويلة : هل أكل الكدروك حلال أم حرام :o (ما عارفهم وصلو لشنو :D لكن كديس الخلا وحمام الشقوق بياكلوهم عادي :D)


ويا رشا يا أخيتي ...الكدروك هو حيوان بري يشبه الخنزير إلى حدٍ ما ونحن بنسميهو الحلوف والمرعفين وأحياناً المرفعين :D

عبدالماجد محمد عبدالماجد
10-09-2008, 09:52 PM
سلامات يا رشا
انت ست الحكمة زاتها كوتك بتحاولي وبتسألي والبسـأل ما بضهب كونو " الراي بيفتشوه ولو عِنْ راعي الغنم".

عزبزي الشبارقة
الليله ليك في الاجتهاد فَرِدْ أجُر واحد كونك اجتهدت في الرد على رشا ولكنك ضهبت , في ظني:

الناس كانو بيتسآلوا لفترة طويلة : هل أكل.....لكدروك حلال أم حرام.......!!!!!

يا راجل والله حسب علمي الكدروك دا أصلو ما في زولين اختلفوا في حرمتو لأنو خنزير عديل وما بيقدر يعيش إلا مع بني آدم (يعني حيوان أليف).
ولا علاقة له مع المرافعة أبدا لأن المرافعة من فصيلة الكلاب (واامرفعين هو الضبع وبنو عمومته االسموعة والذئاب).
أحسن تفول للبنية:
" يا رشا يا أخيتي ...الكدروك هو خنزير أليف وعبد الماجد شاهد عيان على سعايتو وأكلو وتصديرو للعاصمة هنا جوة السودان. والكدروك لو سمع صوت المرفعين أو شم ريحتو ساي بيدخل في أمرن قاسي.

عبدالماجد محمد عبدالماجد
10-09-2008, 11:04 PM
صور حلّوف وكدروك ومرفعين (انقر على الربط):

http://sudaniyat.net/up/uploading/Kadrook-byMAGID.JPG

أشتر
10-09-2008, 11:12 PM
http://sudanyat.org/vb/imgcache/735.imgcache.jpg

أشتر
10-09-2008, 11:15 PM
الكلام دخل الحوش ومرقتونا بقد القفة ...

شبارقة
11-09-2008, 10:42 AM
الكدروك هو خنزير أليف وعبد الماجد شاهد عيان على سعايتو وأكلو وتصديرو للعاصمة

التفاصيل عندك يا عبد الماجد .... وطالما سعيت وربيت وصدرت لا نستطيع أن ندخل معك في مغالطة ولا نملك إلا أن نشكرك على هذه المعلومات الثرة ... ولكن يا ريت تجيب لينا صور من السودان للكدروك والمرعفين والضبعة.

شبارقة
11-09-2008, 10:46 AM
الكلام دخل الحوش ومرقتونا بقد القفة ...

ألمي حامي ما لعب قعونج :D:D

عبدالماجد محمد عبدالماجد
11-09-2008, 11:25 PM
محمد أبوعاقلة

شكرا ليك كتير على تنزيل الصور من الربط. غلبني أنزالها. بعدين يا خوي ألمي دا دافي ما حار لأن المصادر موجودة. الله يخلي ليكم كباركم.


الشبارقة

تحياتي مع نصف شكر مدنكل على الثراء الذي وصفت به المشاركة أما النصف الآخر فمحفوظ حتى تراجع ردك القلت فيه: "ما دام ربيت وسعيت ...الخ". منذ متي كانت الشهادة اقتراف عيب. يا خي والله نحن سعاية الماعز عندنا فيها كلام وفي النهاية تبقينا سعاة كداريك !! على العموم مافي مشكلة يا زول.والله شفت سعاية الكدروك وطريقة ذبحو وسعرو مقارنة بالخراف وشفت الأسود ذاتها راقدة لينا في نص الشارع ولم نملك غير أن ننتظر حتى تخلي لنا الطريق (قعدنا جوة اللوري حوالي 10 دقايق) ولي مع المرفعين قصتان (وش لوش) شفتو كيف؟

أشتر
11-09-2008, 11:38 PM
ولي مع المرفعين قصتان (وش لوش) شفتو كيف؟

اباطنا والنجم ... وعبد الماجد في الأحراش ...

أشتر
11-09-2008, 11:40 PM
ألمي حامي ما لعب قعونج :D:D

غاغ غاغ ... وبغم بغم ...
ويا الحبان ... صيّعتو بينا :D

عبدالماجد محمد عبدالماجد
12-09-2008, 01:26 AM
أبو عاقلة

أحراش شنو ؟ جوّة الحلّة سنة 50 وسنة 54 وسنة 61 وبعد داك بدت تختفي أو نزحت بسبب السكة الحديد والجفاف وانتشار السلاح الناري ولمّا دخل الجنوب كانت الحرب الطويلة. هل ستعود هذه الحيوانات التي هربت لدول الجوار وهل سنخاف الله فيها إذا عادت ؟ الله أعلم.

باسط المكي
12-09-2008, 08:50 AM
السورج ==
كان مهم في زمان مضي في واحد
بعرف معناهو..

فيصل سعد
12-09-2008, 08:58 AM
السورج ==
كان مهم في زمان مضي في واحد
بعرف معناهو..

غايتو يا باسط يا خوي سورج العارفينه هو محل التمباك السالط في سوق امدرمان
و المسمى على اسم صاحبه ،، غير كدا!! احسن تخش لينا بالمعنى :D:D

باسط المكي
12-09-2008, 09:06 AM
غايتو يا باسط يا خوي سورج العارفينه هو محل التمباك السالط في سوق امدرمان
و المسمى على اسم صاحبه ،، غير كدا!! احسن تخش لينا بالمعنى :D:D
تحياتي
فيصل ورمضان كريم
السورج ==نوع زي الحسوة ..والبقنية والعسلية
ويجففف كوجبة للمسافر ..في زمان عهد سلطنة الفونج
يعني ممكن تقول هو وجبة اطعم من الكسرة اليابسة والابري
كان شيوخ الصوفية بحملو ها كذاد
لسفر عبر احراش وغابات البلد ..وخصوصا في الخلوات ....
الروحية 00
طيب بتعرف العتنيبة

عبدالماجد محمد عبدالماجد
12-09-2008, 12:45 PM
باسط المكي

السورج عندنا في غرب كردفان (وبالذات جبال الكاركو الذي يتحدثون لغة تكاد تتطابق مع الدنقلاوية) هو عصيدة مجففة وبها ملح وبهارات لونها بني أو أحمر داكن وتصنع منها كوّر صغيرة وعند الحاجة يصب غليها الماء الساخن.
أما سكان شمال غرب كردفان فيجففون الكسرة بها بهارات وقوي وسمسم لأغراض السفر أيضا, وكنا طفمناها مع بعض زملائنا في الداخليات.

شبارقة
13-09-2008, 07:39 AM
تحياتي مع نصف شكر مدنكل على الثراء الذي وصفت به المشاركة أما النصف الآخر فمحفوظ حتى تراجع ردك القلت فيه: "ما دام ربيت وسعيت ...الخ". منذ متي كانت الشهادة اقتراف عيب. يا خي والله نحن سعاية الماعز عندنا فيها كلام وفي النهاية تبقينا سعاة كداريك !! على العموم مافي مشكلة يا زول.والله شفت سعاية الكدروك وطريقة ذبحو وسعرو مقارنة بالخراف وشفت الأسود ذاتها راقدة لينا في نص الشارع ولم نملك غير أن ننتظر حتى تخلي لنا الطريق (قعدنا جوة اللوري حوالي 10 دقايق) ولي مع المرفعين قصتان (وش لوش) شفتو كيف؟

الأخ عبد الماجد شكرا ً على نصف الشكر .... وأنا آسف جداً لو زعلت من كلامي ...ووالله العظيم أنا لا أقصد شئ من وراء تعليقي ... وكلنا سعينا ورعينا بالأغنام ضاناً كانت أم ماعز وليس عيباً (وهي مهنة الأنبياء كما تعلم)...ولك الفضل في تعريفنا بالفرق بين الكدروك والحلوف والمرفعين وكثيرين أمثالي كان الأمر مختلط عليهم ...وأفيدك علماً بأن هذا البوست إستمر منذ بداياته في شهر 12 الماضي وما زال في الصفحة الأولى ليس بفضل الكلمات العامية التي كنا نتداولها فقط (قد يكون معظم الناس عارفين معانيها) ولكن بفضل الروح الأخوية المرحة بين الجميع مشاركين كانوا أم مشاركات ...والقفشات والأسلوب والطرح الذي كنا نتناول به مشاركاتنا في جو أخوي (أشاد به الجميع) خالي إطلاقاً من أي نوع من أنواع الزعل أو العتاب ...ويمكنك الرجوع إلى مشاركاتنا في هذا البوست ...ومثل هذا البوست مفتوح في جميع المنتديات السودانية ولكنه لم يستمر بسبب إنعدام الحس الأخوي فيما بين المشاركين ... ونحن في سودانيات ليس بيننا عتاب ولا حاجة لنا لمراجعة ردودنا ... وشكراً لك ... مع ودي

عبدالماجد محمد عبدالماجد
13-09-2008, 08:27 PM
الشبارقة

محامي؟ وليد موية؟ أمْ غمّوج ألْمي؟ ما بتنقدر كلّو كلّو. وأهلنا وصّونا وقالوا لينا: " الما عايشتو بطبعو ظلمتو" ومن هان ولقدام نحاول ندردش شوية ونتونس وإن كنت وبصراحة شديدة أنا داخل البوست دا بمعناه الحرفي وماخدو جد وفوق للإجتماعيات وشايف أنو إي زول لازم يحاول يدقّش فيهو لأهميتو. وأنا برضو متأسف لو زعلتك وحأضحكك كتير إن شاء الله في غرفة الشات لأني هنا في الغالب لا بسمع لا بشوف, زي|رؤساء العسكر , مشغول بتركة عون الشريف قاسم اللازم نضيف ليها هنا من داخل البوست دا .

أبو عاقلة , ياخي ضحكتني بتورياتك وقفشاتك اللذيذة.

يا باسط
العنتيبة؟ دا تشاينيز ولا شنو؟
أشرح يا خويا الله يرضى عليك.

فيصل

كيفنك يا زول. آمل أن لا نكون عكّرنا عليكم. معليش.


وبعدين بشرح الاختبار ,أرجو محاولة ما استطعتم
وشكرا ليكم

عبدالماجد محمد عبدالماجد
13-09-2008, 10:38 PM
1 – الدُّربان: الظربان , دويبة متوحشة من فصيلة السنانير يضرب بها المثل في الغيرة على الزوجة لدرجة أن الذكر يتعقّب الأنثى بين الأعشاب ويقوم بقرض أي قصبة أو فرع لامس جسدها وإذا اقترب منها إنسان شرع في عرقوبه عضّا وخمشا. غرب كردفان

2 – جمل العروس: زهرة بريّة حمراء اللون باهية المنظر في شكل كأس بحجم كوب الشُّب أو أكبر قليلا ولا ترتفع عن الأرض كثيرا. تنبت في رمال كردفان في أول الخريف (الرُشاش) ولعلها اتخذت اسمها من:
(أ) زينة الجمل الذي تُرَحَلُ به العروس من سروج وهودج وبروش وسجاجيد وسيور حمراء وبيض نعام مزخرف وبٌخَس. ومعروف أن الأعراب مولوعون باللون الأحمر, قال أبوالطّيّب المتنبىء:
مَنِ الجآذِرُ في زيِّ الأعاريبِ * * * حُمْرُ المطايا والحُلي والجلابيبِ
(ب) موضع الدخول على العروس عقب ليلة الزفاف يحمّرُّ من الهياج ....
ويعرف العرب هده الزهور باسم " شقائق النعمان "

3 – أنقارا: الكركدي : زهرة حمراء وتميل للبنفسجي بعد التجفيف غنية بالفايتمين ج ولم تكن موجوده إلا في السودان إلأ أن المصريين زرعوها في مصر بكميات تجارية وكذلك الباكستان وهكذا فرّطنا في حماية ثروتنا ولم نعد ننافس وكان أول اهتمامنا التجاري بها لما استوردها منّا الألمان. الآن سيطرت عليها دول أخرى. أما الأمريكان فقد تدخلوا في تعديلها وراثيا بحيث صارت تعطي زهرة بيضاء لزوم خلطها بمشروبات أخرى أو إدخالها في صناعات أخرى وتلوينها حسب الطلب.
4- الشِقَيّانة: حذاء نسائي رخيص الثمن متين الخامة يصنع من جلد البقر غالبا.

5 – الطرور: الفلين : نبات ينمو داخل الماء خفيف الوزن ويطفو على الماء بيسر وسهولة. تصنع منه الأطواف لقطع البرك والبحيرات . جنوب غرب كردفان والجنوب.

6 – النِسْعِة: حبال تضفر من سعف الدوم وتستخدم في بناء القطاطي والدرادر والكرانك والحيشان.

7 – الأرْساية: خشبة في شكل علامة (صح) يستخدمها البناؤون في تبادل النسعة وبينهما الصريف. وكان خالي لأمي حسن ود العمدة العوض يبني في صريف ومعه رجل من النوبة (صديقه كافي) يستخدمان الأرساة في الرشاش فنزلت عليهما صاعقة ظنها حسنٌ وقعت بعيدا إلا أنه بعد توقف كافي عن المشاركة في المهمة وعدم رده على النداء اتضح أن الصاعقة قتلته وكان بينه وبين حسن شبر واحد أو شبران على الأكثر لا يفصلهما إلا الصريف. والنسعة )6( كلمة فصيحة وردت في أشعار العرب (أنظر أمرأ القيس) أو معلقة طرفة بن العبد:

كَأَنَّ عُلُوبَ النِّسْعِ فِي دَأَبَاتِهَا ....... مَوَارِدُ مِن خَلْقَاءَ فِي ظَهْرِ قَرْدَدِ

وقال آخر:

قد غادر النسع في صفحاتها جددا * كأنها طرق لاحت على أكم

وأواصل.

فيصل سعد
15-09-2008, 07:10 AM
سلامات يا شباب و صباحاتكم خير و دربكم اخدر :D:D

ماهي الجملكا او الجملكة و فيما تستخدم ؟؟
و لونها قريب من لون الخط دا ...

شبارقة
15-09-2008, 07:23 AM
و لونها قريب من لون الخط دا ...

حلوة يا فيصل رمزية اللون دي ... عجبتني شديد
للمساعدة ... الجملكة لها علاقة بالخشب (دواليب ...سراير ... كنب ... ترابيز ..إلخ ) وكانت سائدة قبل ظهور الفورمايكا التي بادت هي الأخرى ... وسلملي على النجارين :D

فيصل سعد
15-09-2008, 07:37 AM
حلوة يا فيصل رمزية اللون دي ... عجبتني شديد
للمساعدة ... الجملكا لها علاقة بالخشب (دواليب ...سراير ... كنب ... ترابيز ..إلخ ) وكانت سائدة قبل ظهور الفورمايكا التي بادت هي الأخرى ... وسلملي على النجارين :D

شفت :D:D بكسر الشين و الفاء يا عاصم ..
فقري و بتقوم بدري :D:D
ما فضل ليك الا تقول ليهم و ريحتها بتصقع و تلطش و تكبسن :D:D
و لو بعد دا كلو ما عرفوها ،، الشكية لله على قول اخونا الكبير :D:D

شبارقة
15-09-2008, 07:46 AM
هاكم إلى أن نلقاكم :

1- العرق (بكسر العين والراء)

2- الكينكيج

3- التامبيره

4- الجـَلـَب

5- أم بشـّار

6- الكركجية

7- البسيقة

أديناكم زمن كافي وما جبتو لينا الحلول عشان كده ح نحلحل ليكم الحاجات الما عرفتوها :
4- الجـَلـَب : هو خيط السـنـّـارة
5- أم بشـّار : ساعدكم فيها د. بابكر مخير وهي السحابة الشايلة في موسم الخريف... والإسم متداول في غرب السودان
6- الكركجية : هي طين البحر المتشقق ... تربة طينية خصبة جداً

7- البسيقة : حجر في وسط النهر يرقد عليه التمساح ويقعد ينكرش :D

شبارقة
15-09-2008, 07:50 AM
ما فضل ليك الا تقول ليهم و ريحتها بتصقع و تلطش و تكبسن :D:D
و لو بعد دا كلو ما عرفوها ،، الشكية لله على قول اخونا الكبير :D:D

والله يا فيصل قربت أقولا ...غايتو أبناء جيلي وجيلك ح يعرفوها وأكيد شمّوها :D

شبارقة
15-09-2008, 07:53 AM
أها هاكم إلى أن نلقاكم :

1- التورتا (لها علاقة بالمويه)

2- الداله (لها علاقة بالتماسيح :D)

3- الكـُـبته : (لها علاقة بالجغرافيا ... والكلمة بيعرفوها ناس الشمالية ... وسلمولي على الهبباي)

4- الأسكله ... ( من الأسكله وحلا ... شنو يعني أسكله وما أصلها ككلمة)

ملحوظة : صاحب الإجابات الصحيحة له هدية تذكرة سفر ذهاب (وغياب) ( زي ما بيقول أهلنا الكبار :p) إلى بلاد العجائب والغرائب :D

عبدالماجد محمد عبدالماجد
15-09-2008, 09:57 AM
سلام عليكم

فيصل سعد

الجملكّة , صدق الشبارقة : قرّبنا نشمها. هي سائل لونه بين البني والأحمر يُلّون به الخشب ويلمع, يعني بمثابة الورنيش من الجلد وإن شئت أقول "ورنيش للخشب".

الشبارقة:
لائحة صعبة بلحيل.
الأسكلة: الميناء (المرسي) الذي تغادر منه الوابوراات النهرية:
من الأسكلة وحلا ..... أمأ اصلها فلا علم لنا.

فيصل سعد
15-09-2008, 10:01 AM
سلام عليكم

فيصل سعد

الجملكّة , صدق الشبارقة : قرّبنا نشمها. هي سائل لونه بين البني والأحمر يُلّون به الخشب ويلمع, يعني بمثابة الورنيش من الجلد وإن شئت أقول "ورنيش للخشب".



تمام يا عبد الماجد .. طيب ،، بتعرف الجبكسين ؟؟

فيصل سعد
15-09-2008, 10:24 AM
صاحب الإجابات الصحيحة له هدية تذكرة سفر ذهاب (وغياب) ( زي ما بيقول أهلنا الكبار :p) إلى بلاد العجائب والغرائب :D

إلى بلاد العجائب والغرائب ولا إلى زمن العجائب والغرائب :D:D
التورتا البنعرفها البلاك فوريست بتاعة بابكر مخير و هاشم طه البحندكونا بيها ديك :D:D و بشركوا بيها للقماري :D:D و بهشوا بيها الحمام الزاجل :D:D و سلملي على بترينات لندن عمارات فوق :D:D اما تورتتك العندها علاقة بالموية دي ،، فتعال ادينها آخرها و اعمل حسابك ما تجرح الصيام ..
وين صاحبك مكنيكي الريدة ود ابو عاقلة و نظامه العام ،، مختفي شديد و بساسق مع تفويت شنابر و شكبزوربرات و فتح روادي و مدور كوزو و قايم باللواري و فاتح لينا كبري :D:D يديو العافية !!

jezabell
15-09-2008, 10:28 AM
تمام يا عبد الماجد .. طيب ،، بتعرف الجبكسين ؟؟

الجملكة دي انا كنت عارفاها والله بس شكلي جيت بعد ما جمعو الورق :D
ممكن اشارك بغنية؟؟؟؟؟
زمان غايتو كنت بسمع حبوبة بتغني لينا:
الليلة هو بلا يا سمارة الليلة هو بلا
جاتكم التيلة شايلة منديلا دايرة تشرو في حبل تيلا
ضربت الشنطة دفقت الشطة والحجر طقّ والحمام ركّ ضربو جملكة :D:D

اما فيما يخص الجبكسين.. فلو هو نفس الجمكسين البنعرفو نحنا بالميم فهو بودرة بيضا زي سم الفيران كدا.

شبارقة
15-09-2008, 10:46 AM
زمان غايتو كنت بسمع حبوبة بتغني لينا:
الليلة هو بلا يا سمارة الليلة هو بلا
جاتكم التيلة شايلة منديلا دايرة تشرو في حبل تيلا
ضربت الشنطة دفقت الشطة والحجر طقّ والحمام ركّ ضربو جملكة :D:D

اما فيما يخص الجبكسين.. فلو هو نفس الجمكسين البنعرفو نحنا بالميم فهو بودرة بيضا زي سم الفيران كدا.

نعم ... نحن عايزين كلام الحبوبات ده ... لكن يعمينا ويطرشنا في الحمام الجملكاوي :D

الجمكسين طبعاً هو مادة كيميائية (الكيمياء العضوية) ومعروف عالمياً كمبيد ... وأهلنا بيقولوا الجبكسين ... وزمان الناس بيطلعوا كل عفش البيوت بره لما يجونا ناس الجبكسين لرش البيوت من الناموس والذباب وهكذا حشرات وبلاوي

عبدالماجد محمد عبدالماجد
15-09-2008, 10:49 AM
الجملكة دي انا كنت عارفاها والله بس شكلي جيت بعد ما جمعو الورق :D
ممكن اشارك بغنية؟؟؟؟؟
زمان غايتو كنت بسمع حبوبة بتغني لينا:
الليلة هو بلا يا سمارة الليلة هو بلا
جاتكم التيلة شايلة منديلا دايرة تشرو في حبل تيلا
ضربت الشنطة دفقت الشطة والحجر طقّ والحمام ركّ ضربو جملكة :D:D

اما فيما يخص الجبكسين.. فلو هو نفس الجمكسين البنعرفو نحنا بالميم فهو بودرة بيضا زي سم الفيران كدا.

أظنو الجمكسين مبيد الحشرات أخو ال DDT . تقولي الجمكسين والجبكسين لأن النون والباء حرفان متقاربان (شفهيان) يكمنهما تبادل المواقع, صاح يا فيصل؟

فيصل سعد
15-09-2008, 10:53 AM
أظنو الجمكسين مبيد الحشرات أخو ال DDT . تقولي الجمكسين والجبكسين لأن النون والباء حرفان متقاربان (شفهيان) يكمنهما تبادل المواقع, صاح يا فيصل؟

صاح يا ود عمك
و صاح تب :D:D

شبارقة
15-09-2008, 10:57 AM
التورتا البنعرفها البلاك فوريست بتاعة بابكر مخير و هاشم طه البحندكونا بيها ديك :D:D

نعم دي التورتة البيعرفوها الحناكيش العمرهم ما سمعوا بالبني كربو والضرّاب والويكاب ... (بني كربو أمفلمي رأس الكديس :D) عشان كده قلنا ليكم تورتتنا دي ليها علاقة بالموية ... أها راجينكم قدام

فيصل سعد
15-09-2008, 10:58 AM
نعم ... نحن عايزين كلام الحبوبات ده ... لكن يعمينا ويطرشنا في الحمام الجملكاوي :D

الجمكسين طبعاً هو مادة كيميائية (الكيمياء العضوية) ومعروف عالمياً كمبيد ... وأهلنا بيقولوا الجبكسين ... وزمان الناس بيطلعوا كل عفش البيوت بره لما يجونا ناس الجبكسين لرش البيوت من الناموس والذباب وهكذا حشرات وبلاوي

اها يا خالتو رشا زمان حاسبينك دفعة و ما راضية :D:D
هسي ود عمك دا طلعك حبوبة ،، شفتي كيف ؟؟
عاد تقبلي وين و تحكي الوجعة
و ياتو خديد يشيل الدمعة :D:D

خليك معانا و شاركي و وزعي الورق ..

شبارقة
15-09-2008, 11:01 AM
الأسكلة: الميناء (المرسي) الذي تغادر منه الوابوراات النهرية:
من الأسكلة وحلا ..... أمأ اصلها فلا علم لنا.

فعلاً الأسكلة هي الميناء النهري وهي بلغة الروم

شبارقة
15-09-2008, 11:07 AM
زمان غايتو كنت بسمع حبوبة بتغني لينا:
الليلة هو بلا يا سمارة الليلة هو بلا
جاتكم التيلة شايلة منديلا دايرة تشرو في حبل تيلا
ضربت الشنطة دفقت الشطة والحجر طقّ والحمام ركّ ضربو جملكة :D:D


اها يا خالتو رشا زمان حاسبينك دفعة و ما راضية :D:D
هسي ود عمك دا طلعك حبوبة ،، شفتي كيف ؟؟
عاد تقبلي وين و تحكي الوجعة
و ياتو خديد يشيل الدمعة :D:D

خليك معانا و شاركي و وزعي الورق ..

يا فيصل زولة بتعرف التيلة والتيل وحبل الغسيل وطق الحجر ورككان الحمام الضربوهو جملكة :D عاد تكون شنو غير حبوبة ...وحبوبة مشلخة كمان :D رشا يا كحيل شلوخك عاجباني :D

شبارقة
15-09-2008, 11:18 AM
شبارقة
..بالممناسبة البعرف الكركرة ...الكرد
والسارة ..والكونية ..واللية ..والهرف ..منو
كدي النشوفك عميق في التراث

وينك يا باسط ... رمضان كريم ... وتعال حلحل لينا كلامك ده وينالك ثواب .. ويا أخوي التراث ده بحر لا ساحل له ... والبحر بشيل عوّامو

فيصل سعد
15-09-2008, 11:36 AM
وينك يا باسط ... رمضان كريم ... وتعال حلحل لينا كلامك ده وينالك ثواب .. ويا أخوي التراث ده بحر لا ساحل له ... والبحر بشيل عوّامو

* للمساعدة في الحل :

ود البجرد الالفية
الليلة خاتي اللية

تمساح جزائر الكرد
بتقضى الغرض
و انت بتشيل بوكد
ما متلك ولد

و ابشروا بالخير ..

* الهرف له علاقة بالبحر و الصيد و ادواته ..

* و كحافز و عربون محبة لكم جميعا ، فالكركرة هي صوت المعدة عند الجوع . و ربما لها معاني اخرى ..

ابقوا طيبين ..

شبارقة
15-09-2008, 11:36 AM
هاكم وبدون تنوين عشان نديكم الخيال والإنشطاحة والإنشكاحة :D زي ما عمل عمنا فتحي في الجبنه الفي الصفحة الفاتت

1- الخشش 2- النتر 3- التيلاد 4- الأندراب 5- الترتوس
6- البرم 7- الشوتال 8- الجاقوس 9- الدوداي 10- الكاتول

الكلام ده كان في الصفحة خمسين (من الأمس :D) جبناهو ليكم تاني عشان نشوف الناس الجدد رأئهم شنو ... وإنتو يا ناس فيصل وود أبو عاقلة الفيكم إتعرفت :)

عبدالماجد محمد عبدالماجد
15-09-2008, 12:22 PM
الكلام ده كان في الصفحة خمسين (من الأمس :D) جبناهو ليكم تاني عشان نشوف الناس الجدد رأئهم شنو ... وإنتو يا ناس فيصل وود أبو عاقلة الفيكم إتعرفت :)

الناس الجداد !! ما عارف الباقين لكين نحنا أقدم من الكسرة, ما شاء الله.

- الخشش ........؟ نبات جاف ؟ خشخاش؟
2- النتر: أ - الهبة والهجمة من الشجاع تشبيها بزئير الأسد ؟
3- التيلاد : العز الموروث وليس المستجد
4- الأندراب: شجر وسميت به قرية أم اندرابة في شمال كردفان وهي أقرب لأم درمان
5- الترتوس .........؟ حاجز أومانع ؟
6- البرم : النوار الأبيض ويشبه به الشيب الجميل وليس كل شيبٍ جميلا, وترعاه الغزلان في مراتعها.
7- الشوتال:: سلاح ابيض متعدد السنان (هدندوه)
8- الجاقوس:-------- (يذكرني بناس جقس وجرقاس (الكلاب) ولعله يتعلق بالزراعة (الداقوس) وبقية الألفاظ ذات الأصل النوبي؟؟؟
9- الدودا-------
10- الكاتول: شيء صعب ولعله قاتل وينعت السكرجية العرقي البكري القوي بالكاتول.

jezabell
15-09-2008, 12:27 PM
اها يا خالتو رشا زمان حاسبينك دفعة و ما راضية :D:D
هسي ود عمك دا طلعك حبوبة ،، شفتي كيف ؟؟
عاد تقبلي وين و تحكي الوجعة
و ياتو خديد يشيل الدمعة :D:D

خليك معانا و شاركي و وزعي الورق ..

ههههههههههههههههههههههه
اتجدع يا فردة.. لقيت فرصتك.. غايتو براااااي سويتا في نفسي..
ما مشكلة لكن.. وكت بتحسبو بزمن الحكاوي.. اعدي لي يوم يومين واجي اشارك بنشيد من كي جي ون :D:D

jezabell
15-09-2008, 12:29 PM
يا فيصل زولة بتعرف التيلة والتيل وحبل الغسيل وطق الحجر ورككان الحمام الضربوهو جملكة :D عاد تكون شنو غير حبوبة ...وحبوبة مشلخة كمان :D رشا يا كحيل شلوخك عاجباني :D

ماااا عندك مشكلة يا شبارقة..
حبوبة حبوبة.. بس المهم امرق من دفعة فيصل دا :D:D
بعدين انا حبوبة سادة لو سمحت :D

شبارقة
15-09-2008, 10:00 PM
الناس الجداد !! ما عارف الباقين لكين نحنا أقدم من الكسرة, ما شاء الله.

- الخشش ........؟ نبات جاف ؟ خشخاش؟
2- النتر: أ - الهبة والهجمة من الشجاع تشبيها بزئير الأسد ؟
3- التيلاد : العز الموروث وليس المستجد
4- الأندراب: شجر وسميت به قرية أم اندرابة في شمال كردفان وهي أقرب لأم درمان
5- الترتوس .........؟ حاجز أومانع ؟ الترتوس هو جذور بعض الأشجار النهرية يستخدم بديل للفحم تستعر ناره لفترة طويلة ولذا يفضلونه على الفحم (لقلة التكلفة وعدم تحوله لرماد إلى بعد ساعات طويلة)
6- البرم : النوار الأبيض ويشبه به الشيب الجميل وليس كل شيبٍ جميلا, وترعاه الغزلان في مراتعها.
7- الشوتال:: سلاح ابيض متعدد السنان (هدندوه)
8- الجاقوس:-------- (يذكرني بناس جقس وجرقاس (الكلاب) ولعله يتعلق بالزراعة (الداقوس) وبقية الألفاظ ذات الأصل النوبي؟؟؟ الجاقوس من مكونات المركب
9- الدودا------- الدوداي هو صوت الرعد 10- الكاتول: شيء صعب ولعله قاتل وينعت السكرجية العرقي البكري القوي بالكاتول.

شكراً يا عبد الماجد
أولاً : الناس الجدد أعني بها المشاركين الجدد في هذا البوست

ثانياَ : معظم إجاباتك صحيحة وهذا يدل على معرفة ودراية وخبرة طويلة بكلامنا الدارجي مما يدل فعلاً وما شاء الله بأنكم مش أقدم من الكسرة وبس ده إنتو من زمن حفروا البحر :D (ونحن أولاد دفعة برضو ;))عشان كده وجودكم إضافة حقيقية لهذا البوست الممتع.
ثالثاً : قمنا بتصحيح بعض الإجابات باللون الأحمر

فيصل سعد
16-09-2008, 02:51 PM
طيب ... ماهو المحريب ؟؟
و ما هي البصيرة ؟؟

فيصل سعد
16-09-2008, 02:55 PM
ماااا عندك مشكلة يا شبارقة..
حبوبة حبوبة.. بس المهم امرق من دفعة فيصل دا :D:D
بعدين انا حبوبة سادة لو سمحت :D

سادة و خفيف الدم !!
سادة و لا سليماني ؟؟ :D:D

و اشرحوا ما تحته خط ؟؟

عبدالماجد محمد عبدالماجد
16-09-2008, 06:09 PM
فيصل سعد

ليه الاختبارات بقت موية كدة؟

المحريب, سنا مكة, حلفا بر , حلبة ...الخ كلها أعشاب يتداوى بها بلدياّ (نفاخ, وجع بطن, حرقان...الخ.
البصيرة: أ – الطبيبة لبلدية ( تجبير كسور وتوليد (لما الداية تغلب حيلة) وحتى الغنيمات لما يدخلن ريسينهن في البرام (أم حمد) وتحنيك الشفع و و و
ب - الإبصار بالقلب .

سادة ولا سليمانية؟ ؟ له علاقة بالشاي؟ أحمر أم بالحليب؟ شكلها كدة , والله أعلم.

بابكر مخير
16-09-2008, 07:32 PM
طيب ... ماهو المحريب ؟؟
و ما هي البصيرة ؟؟

يا ود يا حنكوش
الناس بيقولو ترتركو وكلام من دا
تجي تسأل من مصطلحات الناس الجاية في اللأفية التالتا حيكونو عارفنو؟؟؟
يا شبارقة وسيد العقل أبو عاقلة
زولنا ما لو؟؟؟
فتح البوست وغلبو يفوت قدرو ؟؟؟؟؟؟؟؟؟

فيصل سعد
17-09-2008, 08:51 AM
فيصل سعد

ليه الاختبارات بقت موية كدة؟


سادة ولا سليمانية؟ ؟ له علاقة بالشاي؟ أحمر أم بالحليب؟ شكلها كدة , والله أعلم.

مية مية يا عبد الماجد ،، و السليماني هو الشاي الاحمر
او الشاي السادة .. و المحريب و البصيرة برضو صاح ..

اها ،، ماهو البارجغل ؟؟
"البارجغل في بطنه شغل" :D:D

شبارقة
17-09-2008, 09:18 AM
هاكم إلى أن ألقاكم :

1- الفوسيب 2- الشوشه 3- السروبه 4- الباصور 5- الشالع

6- القراف 7- الشايه 8- الهو 9- الصي :D :D:D

الكلام ده جاكم زمان وما حلحلتوهو لينا .... خُش عليهو يا عبد الماجد

فيصل سعد
18-09-2008, 10:40 AM
يا ود يا حنكوش
الناس بيقولو ترتركو وكلام من دا
تجي تسأل من مصطلحات الناس الجاية في اللأفية التالتا حيكونو عارفنو؟؟؟
يا شبارقة وسيد العقل أبو عاقلة
زولنا ما لو؟؟؟
فتح البوست وغلبو يفوت قدرو ؟؟؟؟؟؟؟؟؟

يا الحبيب سلام :

ما لازم تواصل الاجيال و تلاقح و تبادل المعارف و الخبرات و التجارب ينتقل و ينساب بهدؤ و تآني و صبر و هداوة و طولة نفس و بال :D:D
ولا كيف يا حكيم و يا امين الشباب ..
تحياتنا الصادقة الطيبة من صقيع البراري
لكم في فيافي الشحوح :D:D

فيصل سعد
19-09-2008, 11:38 AM
الكلام ده جاكم زمان وما حلحلتوهو لينا .... خُش عليهو يا عبد الماجد

الشالع هو النورو ضاوي شديد و مبهرج و تطلق على البرق ...
او النوروا طافي شديد من ارتشاف الراح و المرايس ،
في ناس بتشلع في التاني و الثالث و ديل بسقوهم موية زير :D:D
و ناس في الخامس و السادس و ناس تجغم للنهاية و تستمر في كل الزيادات و الفزعات
و عيونها مفتحة و لسانهم سالك :D:D و ناس تشلع بالريحة ساي ..
و كلوا على حسب الراس و خفته يا ود عمك gooodgoood

فيصل سعد
20-09-2008, 02:33 PM
القراف اكبر من السعن يصنع من الجلد و يستخدم في نقل المياة على ظهور الجمال ..
و المثل بيقول " دق القراف خلي الجمل يخاف" ...

الفوسيب هو النبات الغض الطري الذي لم يستوي و يغلظ ساقه ..
" فوسيب السواقــــــي البي اللدوب شَرَبـــان"

فما هو اللدوب ؟؟

فيصل سعد
21-09-2008, 07:16 AM
اعتقد الباصور هو الناسور او البواسير و الله اعلم ..
حمانا الله و اياكم، بس نبعد من الشطوط
و نقلل السواقة و القعدة في النت :D:D

شبارقة
21-09-2008, 11:11 AM
اعتقد الباصور هو الناسور او البواسير و الله اعلم ..
حمانا الله و اياكم، بس نبعد من الشطوط
و نقلل السواقة و القعدة في النت :D:D

يا فيصل فعلا ً علميا ً هناك خيط رفيع ما بين الباصور والبواسير (ونترك الموضوع لأصحاب الإختساس :D)... لكن أهلنا في كلامهم الدارجي لم يذكروا الباصور كمرض إطلاقا ً لأنهم لا يعرفون إلا البواسير ويرمزون لها حياءا ً بأسماء أخرى (ليس هذا مكانها ... يمكن الإفادة عن طريق رسالة داخلية :D بشرط ألا تـَطـَلـِع عليها الإدارة :D .... (هسي ناس الإدارة والأمين العام والمشرفين (وإنت منهم) يجوني ناطين ويـبـلـِعوني كلامي :D ويطلـِّعوا لي الميثاق والقوانين زي ما حصل قبل يومين ;);)) ...(وهناك قصة تاريخية مشهورة حصلت بين الشيخ / أبو سن والخواجة في موضوع البواسير .. وبرضو ليس هذا مكانها ... يمكنك أن تسأل عنها جدودك ناس بُري :D)
الخلاصة : الباصور هو الهودج يا فيصل

شبارقة
21-09-2008, 11:17 AM
الفوسيب هو النبات الغض الطري الذي لم يستوي و يغلظ ساقه ..
" فوسيب السواقــــــي البي اللدوب شَرَبـــان"

فما هو اللدوب ؟؟

اللدوب هو تور الساقية وأيضا ً في بعض المناطق هو الموية التي تستخرج بواسطة الساقية .. وسلملي على عكود :D

فيصل سعد
23-09-2008, 06:22 AM
شبارقة ملك الفراسة :D:D

الهو غير صوت الكلب :D:D و الله يكرم السامعين ،، دحين ما عنده علاقة بالعو و البو ؟؟
اما الصي فهو الارض البور القاحلة و الخلاء على ما اعتقد ...

فيصل سعد
23-09-2008, 04:37 PM
سلام و تحايا للجميع ،،
و يا شبارقة ود ابو عاقلة وين غاطس و وين اراضيو،،
لا سلك لا ايميل لا رسالة ؟؟؟ على وزن
لا خطاب لا عتاب لا افادة :D:D:D

ما هو الكنتوش و الكدمبس و الحمريطي ؟؟

فيصل سعد
24-09-2008, 11:04 AM
يا شبارقة السروبه اسم بدلعوا بيو الحسان الغيد و الغواني في خليج العرب :D:D
لكن قطع شك عندنا في ارض السؤدد معناو غير :D:D

ماهي التيوه ، و ما هو اللدر ؟؟

شبارقة
24-09-2008, 11:39 AM
الهو غير صوت الكلب :D:D و الله يكرم السامعين ،، دحين ما عنده علاقة بالعو و البو ؟؟
اما الصي فهو الارض البور القاحلة و الخلاء على ما اعتقد ...

الهو والصي والخلاء والفلاء والبر :D كلها مترادفات لحاجة واحدة

شبارقة
24-09-2008, 11:43 AM
ما هو الكنتوش و الكدمبس و الحمريطي ؟؟

الكنتوش والكدمبس تم شرحهما وتفسيرهما ووصفهما سابقا ً ....

الحمريطي (قلعتها من وين دي :D) الحمريطي هو الحلبي أو أي زول لونو أحمر (حمرة وحمريطي) :D

فيصل سعد
25-09-2008, 05:34 PM
الكنتوش والكدمبس تم شرحهما وتفسيرهما ووصفهما سابقا ً ....

الحمريطي (قلعتها من وين دي :D) الحمريطي هو الحلبي أو أي زول لونو أحمر (حمرة وحمريطي) :D

الحمريطي بمعنى الاحمق سريع الغضب ،، و المرة دي جليت يا ود عمك :D:D
و رميتها ساي في الحلب و ظاهر عليك شغال و متأثر بالحمرة الاباها المهدي :D:D

بالله ادينا معنى الكنتوش و الكدمبس تاني يا معلم ..

بدور التركي
25-09-2008, 07:13 PM
الاحباب الكرام :

تحية طيبة ،،

اتمني مشاركة الجميع في تسليط الضو علي المصطلحات العامية السودانية قديمها و جديدها و الامثال و الحكم و التراث و تبادل المعلومات حولها و بسم الله نبدأ :-

ود اللحد : المكان الذي يوضع فيه الجثمان داخل القبر.
الضانقيل : الطوب الاحمر.
الانداية : محل لبيع و تعاطى الخمور البلدية .
المريسة : خمرة بلدية تتكون من تخمير الذرة .
الصارقيل : دودة صغيرة تعيش في الطين تستخدم كطعم لصيد الأسماك.
المساير : الجزء الامامى للشعر فى المشاط.
العنقريب : سرير من الخشب ينسج بالحبال .
القرقريبة : تصنع من السعف وتستخدم في العواسه.
السعن : جلد يستخدم في حمل الماء او اللبن.
الصاج : قطعة من الحديد توضع على اربع حجارة وتعاس عليه الكسرة و الحلومر.
الكشف : المشاركة المادية فى المآتم و الافراح.
القدوم : آلة نجارة لقطع الاخشاب.

كنت فاكرةالقدوم يعنى فم الانسان:p

سفيان ابوقصيصة
26-09-2008, 03:07 PM
حكي عامي سوداني

يحكي واحد عن واحد يقول:
نحن قاعدين شفناهو من هناك جاي (ماشي جري) ومن غير سلام دخل و(قام قعد)
و بعد شويه دخل في الموضوع وبدا (يتكلم ساكت) من غير فهم و الموضوع كان عن
مشروب (الحلو مر ).