المساعد الشخصي الرقمي

مشاهدة النسخة كاملة : *** مصطلحات عامّية سودانية ***


الصفحات : 1 2 3 4 5 6 7 [8] 9 10 11 12

أمير الشعراني
11-01-2009, 02:02 PM
الدعول
http://www.maktoobblog.com/userFiles/a/m/amir1980/images/dsc07245.jpg

فيصل سعد
13-01-2009, 08:26 AM
دا الشغل يا ابو ايثار
لحمة تمطق يا ود عمك :D:D
اورغانيك يمين تستاهل يعضوها نية كدة :D:D

فيصل سعد
14-01-2009, 08:54 AM
ملطوشة من ود عثمان
بمزااااااج :D:D:D


http://sudaniyat.net/wadosman/uploading/almugran_fi_alsbah.wma

كيشو
14-01-2009, 09:49 AM
الأتِّي دي ما تجيبا هنا الأول يا فيصل وبعدين أسرح بيها قدر قدرتك:)

فيصل سعد
14-01-2009, 10:01 AM
الأتِّي دي ما تجيبا هنا الأول يا فيصل وبعدين أسرح بيها قدر قدرتك:)

سلام يا حبوب و صباحك ابيض :D:D جبناها زمان هنا
كدي اعمل ليها مراجعة و تعال صادي ..

فيصل سعد
15-01-2009, 08:49 AM
هكذا نصبح مع مرور الوقت

في يوم، سأل تلميذ صغير في الصف الاعدادي معلمته اذا كان بامكانه التكلم معها بعد انتهاء الحصص، فاجابت بنعم.

وعندما حان الوقت:

المعلمة: ماذا تريد؟

التلميذ: اشعر باني اذكى بكثير من ان ابقى في هذا الصف، هل بامكانك ارسالي الي الصف الثانوي؟

بناءً على ذلك نقل طلب التلميذ الى مدير المدرسة
الذي قرر بدوره اخضاع التلميذ لامتحان ليختبر قدراته، ووافق التلميذ على ذلك.

المدير: كم 3*4

التلميذ: 12 حضرة المدير

المدير : حسناً، كم تساوي 6*6

التلميذ: 36

المدير: ما عاصمة اليابان؟

التلميذ: طوكيو

استمر المدير لاكثر من نصف ساعة بطرح الاسئلة والتلميذ لم يخطئ بأي سؤال

فطلبت المعلمة ان كان بامكانها هي طرح الاسئلة:

المعلمة: حسناً قل لي ما هو الشئ الذي يتواجد منه اربعة عند البقرة وعندي اثنين؟

التلميذ: الارجل، حضرة المعلمة

المعلمة: صحيح، ماذا نجد في بنطالك وليس موجوداً في بنطالي؟

التلميذ: الجيب

المعلمة: اين يتواجد الشعر المجعد لدى النساء؟

التلميذ: في افريقيا

المعلمة: ما هو الشئ اللين وعلى ايدي النساء يصبح قاسٍ؟

"فتح المدير عينيه واسعاً"

فاجاب التلميذ: طلاء الأظافر

المعلمة: ماذا يوجد لدى النساء والرجال في وسط الارجل؟

التلميذ: الركبة

المعلمة: رائع، قلي اذا ما هو الشئ الذي يتواجد لدى المرأة المتزوجة اكبر من المرأة العزباء؟

التلميذ: السرير

"لم يصدق المدير ما يسمعه "

المعلمة: ما هي المنطقة في جسمي الاكثر رطوبة؟

التلميذ: اللسان

عند هذا الحد قرر المدير وضع حد لهذا الاختبار
وقال للتلميذ: سوف ارسلك للجامعة وليس الى الثانوية
حتى انا اخطأت بجميع الاجابات ..

العبرة:

"كلما تقدمنا بالعمر كلما اصبحنا سيئ الظن"

همس الشوق
17-01-2009, 07:13 AM
يا شباب المصطلحات العامية

معليش عندي طلب غريب شوية

ياخ عندي شريط لندى القلعة أسمه ( السنين جارية ) فيهو أغنية معذباني شديد ... اسمها ( العنتالة ) ... ياخ الاغنية حماسية لدرجة ما عادية ..... تصدقوا ما عارفاها بتفول شنو ؟؟ فيها مفردات كدى يطرشني ما سمعتها ...

فيا ريت لو في حد سمعها وفهمها يشرح لي ....

فيصل سعد
20-01-2009, 07:07 AM
الكعي يا بت عمك اتناولي الغنية و رشيها هنا
و ناس شبارقة بميزوها ليك تب :D:D

اطيب التحايا ..

شبارقة
20-01-2009, 09:05 AM
(حوار بين الراعي والمزارع)
الراعي بيطاعن في المزارع :
نعل الحواشة جابت ليك نجيلتن حاره
ومن أكل الدقيق كرّشت وبطنك جاره
زارك الفلس زهجان وروحك كاره
ومن سقط الترع تقطر دمعتك حاره

رد عليهو المزارع :
وطاطك صيـَّفت وإتعوجن كرعيك
دلـَّوك بالسَّلب والآخرة من فوق ليك
تقطف بالدلو وخام الحروت بي إيديك
ومرقوك العصر متل القدود عينيك

أها ... المطلوب صياغة الحوار أعلاه في شكل قصة أو حكاية (يفهمها الحناكيش) وما تجلوا لينا الكلمات التي باللون الأحمر

كيشو
20-01-2009, 09:30 AM
هكذا نصبح مع مرور الوقت

في يوم، سأل تلميذ صغير في الصف الاعدادي معلمته اذا كان بامكانه التكلم معها بعد انتهاء الحصص، فاجابت بنعم.

وعندما حان الوقت:

المعلمة: ماذا تريد؟

التلميذ: اشعر باني اذكى بكثير من ان ابقى في هذا الصف، هل بامكانك ارسالي الي الصف الثانوي؟

بناءً على ذلك نقل طلب التلميذ الى مدير المدرسة
الذي قرر بدوره اخضاع التلميذ لامتحان ليختبر قدراته، ووافق التلميذ على ذلك.

المدير: كم 3*4

التلميذ: 12 حضرة المدير

المدير : حسناً، كم تساوي 6*6

التلميذ: 36

المدير: ما عاصمة اليابان؟

التلميذ: طوكيو

استمر المدير لاكثر من نصف ساعة بطرح الاسئلة والتلميذ لم يخطئ بأي سؤال

فطلبت المعلمة ان كان بامكانها هي طرح الاسئلة:

المعلمة: حسناً قل لي ما هو الشئ الذي يتواجد منه اربعة عند البقرة وعندي اثنين؟

التلميذ: الارجل، حضرة المعلمة

المعلمة: صحيح، ماذا نجد في بنطالك وليس موجوداً في بنطالي؟

التلميذ: الجيب

المعلمة: اين يتواجد الشعر المجعد لدى النساء؟

التلميذ: في افريقيا

المعلمة: ما هو الشئ اللين وعلى ايدي النساء يصبح قاسٍ؟

"فتح المدير عينيه واسعاً"

فاجاب التلميذ: طلاء الأظافر

المعلمة: ماذا يوجد لدى النساء والرجال في وسط الارجل؟

التلميذ: الركبة

المعلمة: رائع، قلي اذا ما هو الشئ الذي يتواجد لدى المرأة المتزوجة اكبر من المرأة العزباء؟

التلميذ: السرير

"لم يصدق المدير ما يسمعه "

المعلمة: ما هي المنطقة في جسمي الاكثر رطوبة؟

التلميذ: اللسان

عند هذا الحد قرر المدير وضع حد لهذا الاختبار
وقال للتلميذ: سوف ارسلك للجامعة وليس الى الثانوية
حتى انا اخطأت بجميع الاجابات ..

العبرة:

"كلما تقدمنا بالعمر كلما اصبحنا سيئ الظن"

ماسوء ظن يا كابتن، والحمد لله الأسئلة كانت قدام الناظر :p
البعيش كتير يشوف كتير
بعدين الولد عايز يترقى عشان كدا لازم يتجمل (وباب الأدب واااسع)
حكايتك دي كان تجرب تفتح بيها بوست:)

أبو أماني
20-01-2009, 07:54 PM
الكعي يا بت عمك اتناولي الغنية و رشيها هنا
و ناس شبارقة بميزوها ليك تب :D:D

اطيب التحايا ..

بوستك رائع حد الدهشة وأجمل ما فيه تثقيف الحناكيش .. ماعارف لو الحاجات دي وردت ولا لا في البوست .. ومافي فرصة أراجعه كله .. لانه بسم الله ماشاء الله .. عموما إليك مساهمتي المتواضعة ...
مفردات مستخدمة سمعناها إبان الطفولة الغابرة ..
المشلعيب / الحسكنيت / أبو الدرداق / ود الحداد / الكابدلو / القطيع / الدحلوب / الكنش
القرقريبة / المعراكة / الكدوندار / الكتوش / اللدايات / أم باجحوت / أبو الحصّين / كداد الدواك / الدواك .. ذاتها !!/ أم شبتو / الدفيق / العرموص / البصارة / السحارة / ملاح أم تكشو / ملاح أم دقوقة / ملاح أم شعيفة / أم فتفت / التي / أم قللو !!! ولنا عودة
looool

فيصل سعد
20-01-2009, 08:33 PM
ماسوء ظن يا كابتن، والحمد لله الأسئلة كانت قدام الناظر :p
البعيش كتير يشوف كتير
بعدين الولد عايز يترقى عشان كدا لازم يتجمل (وباب الأدب واااسع)
حكايتك دي كان تجرب تفتح بيها بوست:)

وجهة نظرك
تجد كامل الاحترام و التقدير ..

فيصل سعد
20-01-2009, 08:35 PM
بوستك رائع حد الدهشة وأجمل ما فيه تثقيف الحناكيش .. ماعارف لو الحاجات دي وردت ولا لا في البوست .. ومافي فرصة أراجعه كله .. لانه بسم الله ماشاء الله .. عموما إليك مساهمتي المتواضعة ...
مفردات مستخدمة سمعناها إبان الطفولة الغابرة ..
المشلعيب / الحسكنيت / أبو الدرداق / ود الحداد / الكابدلو / القطيع / الدحلوب / الكنش
القرقريبة / المعراكة / الكدوندار / الكتوش / اللدايات / أم باجحوت / أبو الحصّين / كداد الدواك / الدواك .. ذاتها !!/ أم شبتو / الدفيق / العرموص / البصارة / السحارة / ملاح أم تكشو / ملاح أم دقوقة / ملاح أم شعيفة / أم فتفت / التي / أم قللو !!! ولنا عودة
looool


ابو اماني مرحبا بك مشاركا فاعلا
في هذا البوست ..

فيصل سعد
28-01-2009, 08:17 AM
:D(حوار بين الراعي والمزارع)
الراعي بيطاعن في المزارع :
نعل الحواشة جابت ليك نجيلتن حاره
ومن أكل الدقيق كرّشت وبطنك جاره
زارك الفلس زهجان وروحك كاره
ومن سقط الترع تقطر دمعتك حاره

رد عليهو المزارع :
وطاطك صيـَّفت وإتعوجن كرعيك
دلـَّوك بالسَّلب والآخرة من فوق ليك
تقطف بالدلو وخام الحروت بي إيديك
ومرقوك العصر متل القدود عينيك

أها ... المطلوب صياغة الحوار أعلاه في شكل قصة أو حكاية (يفهمها الحناكيش) وما تجلوا لينا الكلمات التي باللون الأحمر

شكرا يا عاصم و جاييك برواقة ..
و بحاول انجر لي حوار بين مكنيكي و صرماتي :D:D

طارق صديق كانديك
28-01-2009, 09:31 AM
هكذا نصبح مع مرور الوقت



العبرة:

"كلما تقدمنا بالعمر كلما اصبحنا سيئ الظن"

ههههههههههه

جيت أوافق على العبرة بس ... !!

فيصل سعد
30-01-2009, 09:04 AM
العبرة بالخواتم يا ود عمك :D:D

أشتر
30-01-2009, 06:46 PM
العبرة بالخواتم يا ود عمك :D:D
والعبرة الواقفة في حلقي دي اسوي ليها شنو؟
بالمناسبة ... مشتاقين الف ومدشدشين كميات ...

أشتر
30-01-2009, 06:50 PM
اشرح لينا ديل والف مرحب بيك معانا ...

الكابدلو / القطيع / الدحلوب
أم باجحوت
كداد الدواك / الدواك .. ذاتها !!
البصارة
أم قللو !!! ولنا عودة
looool
وتعود تلقى رجاكا زول حفظ الوداد زمنا صعب ...*

المليجي
31-01-2009, 10:06 AM
الحبيب فيصل

البوست دا شامي فيهو ريحة الدعاش والحاجه الله يطول في عمرها تكون متحكرة في البنبر في ضل الراكوبه وهنداك جدي فارش برشو وبدعي بسبحتو اللالوبه والشفع جمبو بلعبو شدت

وتجيك من هناك ريحة ملاح النعيميه والتقليه وانت من الجوع تتشهق زي الزاردنك بالحبل اكان لقيتلك تصبيرة وقربت من الحله الى تقول داير تضوق الملاح ويطقو ليك المفراك في يدك وتشيلك لحسه تبل ليك شوقك للغداء

ملاح المرس
ملاح الويكاب
ملاح الرجله
الملوحة!!

تخريمه خفيفه كدا

القنقليس او(التبلدي)
البرمبيط ؟؟!!!!
البانقيقا (نبات ينمو على شكل زهرة في الترعه) ملحوظة في بانقيقا بالدخن والفتريته وطعمها رهيب دي كانت الدونات بتاعتنا زمان هههههه

الطرور (على شكل خشب وهو نبات ينمو في النيل بالذات في المناطق الضحله) ومنو كنا بنعمل المراكب البدائيه بتاعتنا ونبحر بيهو في النيل

العوامه في النيل ولا الترعه كان ليها احساس مختلف من العوم في المسابح ولا في الشوطئ الحديثه حيث العولمه ونظارات البحر وكريمات الشمس الله يرحم كنت بتمسح بي زيد السمسم بتاع امي بشيلو من الحافله بتاعتا (الحافله دي شكلي كمدينو بتاع العده ولاوزم البيت والكشخه قدام النسوان بختوها في نص البرندة )


ان شاء الله اكون اضفت لي مخزونكم الكبير من مفردات بلدي الحنينه

شبارقة
31-01-2009, 12:17 PM
الكشخه

ان شاء الله اكون اضفت لي مخزونكم الكبير من مفردات بلدي الحنينه

شكرا ً أخونا المليجي ... أضفت البعض ... لكن الكشخة دي لو إستبدلتها بكلمة من مفردات بلدك الحنينة يبقى أحسن :(

فيصل سعد
31-01-2009, 09:37 PM
شكرا ً أخونا المليجي ... أضفت البعض ... لكن الكشخة دي لو إستبدلتها بكلمة من مفردات بلدك الحنينة يبقى أحسن :(

يعني دايرو يقول ليك بوبار و كدا :D:D
سلامات يا حبوب و مالك قاطع الخبر ..
و التحايا كذلك مقرونة باسمى آيات الود لمليجي و كافة الاحباب هنا ..

فيصل سعد
31-01-2009, 09:42 PM
والعبرة الواقفة في حلقي دي اسوي ليها شنو؟
بالمناسبة ... مشتاقين الف ومدشدشين كميات ...

يا بوكش سلامة حلقك و شوفتك تزيل آلامي .. و الشوفة قربت
قاب قوسين او ادنى و امسك الخشب .. و محطتنا و راكوبتنا
الخور و مزيدا من التفاصيل تجدها عند البنج شليل سبعة :D:D

أشتر
01-02-2009, 06:08 AM
يا بوكش سلامة حلقك و شوفتك تزيل آلامي .. و الشوفة قربت
قاب قوسين او ادنى و امسك الخشب .. و محطتنا و راكوبتنا
الخور و مزيدا من التفاصيل تجدها عند البنج شليل سبعة :D:D
قلت لي الخور :D:D:D
آمين يا رب ... ونسمعك خشم تو اضان
خبر جميييييييل من الصباح ...
بلا تلج بلا كسير تلج;)

أشتر
01-02-2009, 06:09 AM
امبارح اول مرة اسمع بـ (الخفّاف) ... جنس خِفّة!!!

فيصل سعد
03-02-2009, 07:33 AM
:Dامبارح اول مرة اسمع بـ (الخفّاف) ... جنس خِفّة!!!

امبارح و اول مرة ؟ يا راجل :D:D
لو خفة روح و دم و ظل و وزن وقعت ليك في الاتو :D:D
و لو خفة جيب و عقل و قلب اخد ساتر و تبرا و تستبرا :D:D
و لو خفة راس كتر من الصودا و الثلج و اقفل التلفزيون و المروحة :D:D
و ما يغشاك شر يا بوكش ..

شبارقة
03-02-2009, 09:24 AM
نرجع بيكم لضفة مصطلحاتنا يا شباب :
اللخدر عيش الحدب
يا القايم فوق اللدب

ما الفرق بين الحدب واللدب ؟ وهل هناك علاقة بينهما والأردب؟
الجائزة : شوال فتريتة وزن عشرة :D

طارق صديق كانديك
03-02-2009, 09:48 AM
:D



و لو خفة راس كتر من الصودا و الثلج و اقفل التلفزيون و المروحة :D:D
و ما يغشاك شر يا بوكش ..



شنو ياااا عمك ... ما عصرتو علينا شويه ؟

طارق صديق كانديك
03-02-2009, 09:54 AM
نرجع بيكم لضفة مصطلحاتنا يا شباب :
اللخدر عيش الحدب
يا القايم فوق اللدب

ما الفرق بين الحدب واللدب ؟ وهل هناك علاقة بينهما والأردب؟
الجائزة : شوال فتريتة وزن عشرة :D



شبارقة تحياتي

غايتو الحدب .. سهلة كبييييييرة وواااااسعة أرض فضاء .. واللدب دي غلبت اخوك عديييييل .. وطبعا أكيد في علاقة بينهما والأردب .. اذ الأردب .. من الموازين والمكاييل المعروفة المستخدمة لوزن الذرة التى ان نبتت في الحدب او غيرو بكيلوها بالأردب .. !!

غايتو شوال فتريتك ماعايزو بس لو عملوا لينا منو عصير كلمني قبل فيصل سعد بالله .. !!

منال
03-02-2009, 12:55 PM
شبارقة تحياتي

غايتو الحدب .. سهلة كبييييييرة وواااااسعة أرض فضاء .. واللدب دي غلبت اخوك عديييييل .. وطبعا أكيد في علاقة بينهما والأردب .. اذ الأردب .. من الموازين والمكاييل المعروفة المستخدمة لوزن الذرة التى ان نبتت في الحدب او غيرو بكيلوها بالأردب .. !!

غايتو شوال فتريتك ماعايزو بس لو عملوا لينا منو عصير كلمني قبل فيصل سعد بالله .. !!

شبارقة الحدب باص لطارق غلبيتى ادييييل
من المعنى زولك بغنى للسمحة و يصف الخدرا لون بشرتا (خدارى )
قايم فوق اللدب = نشأت و تربت على الادب و سمح الاخلاق

وبى كدا بنكون سمحة خلقة و الاخلاق

فيصل سعد
10-02-2009, 08:00 AM
شنو ياااا عمك ... ما عصرتو علينا شويه ؟

انتوا يا ناس الشيراتون و المريديان :D:D عصرتكم ماها ساهلة ..
يمين برنامجكم دا قرب يبقى Virtual Meeting و كدا :D:D

فيصل سعد
10-02-2009, 09:02 AM
الى ان تجود الذاكرة الخربة بجديد و تليد مصطلحاتنا العامية
نترككم في استراحة قصيرة مع مختصر الانجليز دا للتأمل
و يا ريت واحد فيكم يترجمه و يدينا الزبدة و الخلاصة ..

و نلتقي في الخير دائما ..


GARBAGE TRUCKS


One day I hopped in a taxi and we took off for the airport
We were driving in the right lane when suddenly a black car jumped out of a parking space right in front of us

My taxi driver slammed on his brakes, skidded, and missed the other car by inches

The driver of the other car whipped his head around and started yelling at us

My taxi driver just smiled and waved at the guy. And I mean, he was really friendly

So I asked, 'Why did you just do that? This guy almost ruined your car and send us to the hospital

This is when my taxi driver taught me what I now call, 'The Law of the Garbage Truck.' He explained that many people are like garbage trucks

They run around full of garbage, full of frustration, full of anger, and full of disappointment
As their garbage piles up, they need a place to dump it
and sometimes they'll dump it on you. Don't take it personally

Just smile, wave, wish them well, and move on. Don't take their garbage and spread it to other people at work, at home, or on the streets

The bottom line is that successful people do not let garbage trucks take over their day

Life's too short to wake up in the morning with regrets

so...Love the people who treat you right

Pray for the ones who don't

Life is ten percent what you make it and ninety percent how you take it

فيصل سعد
13-02-2009, 09:59 AM
قاليك :

الناس في العروض ما تقيسها بتيبانها
و ما يهمك لباسهم و العروض عريانة
هم حراس رزق متل التكنو امانة
زي ابل الرحيل شايلا السقى و عطشانة

________________________________________

تتعرى المساجد، عندما يختفي المصلون.
تتعرى وجوه الرجال، عندما يكثر الكذب.
تتعرى وجوه الجميلات، عندما يتمدد عليها المكياج.
تتعرى الأشجار، عندما تتساقط الأوراق.
تتعرى الأماكن، عندما تغيب وجوه أطفالنا وأحبابنا.
يتعرى الحب الحقيقي، عندما تكون النهاية خيانة .
تتعرى الصداقة الحقة، حينما ندرك ماهي الا مصالح قائمة بين احد الطرفين.
تتعرى الفتاة، عندما تكون سلعة رخيصة من يد شاب لاخر.
يتعرى الشاب، حين ينجرف الى طريق الرذيلة.
تتعرى الام، حين لا تكون مدرسة حقة وصدر حنون.
يتعرى الاب، عندما لا يشعر بمسئوليته الكبرى اتجاه ابناءه.

"منقول بتصرف"

شبارقة
13-02-2009, 10:05 AM
خلاص .. المصطلحات العامية كملت ..قلبتها دوبيت ومسادير ؟! :D
ومترادفات كمان ؟!!:D

فيصل سعد
13-02-2009, 10:10 AM
خلاص .. المصطلحات العامية كملت ..قلبتها دوبيت ومسادير ؟! :D

لتغير الروتين و القلق و مزيدا من التواصل ، و تماشيا مع الجمهور
و السوق الايام دي متذبذب و دايرين ننافس مع بوستات ود الفكي المكربة
و ما نروح شمار في مرقة :D:D:D

فيصل سعد
17-02-2009, 04:13 AM
للجميع ،،،
السلام و الرحمة و البركة ...

طارق صديق كانديك
17-02-2009, 06:35 AM
للجميع ،،،
السلام و الرحمة و البركة ...

وعليكم السلام ورحمة الله وبركاته

قال ليك يا عمك

التلب .. والتيبار ... واللتيبة .. !!!

الحناكيش يمتنعون بالله ... :D

أرقد عافية

باسط المكي
17-02-2009, 12:33 PM
سلام بعد غياب
الاقنيب معناها شنو

فيصل سعد
19-02-2009, 11:51 AM
وعليكم السلام ورحمة الله وبركاته

قال ليك يا عمك

التلب .. والتيبار ... واللتيبة .. !!!

الحناكيش يمتنعون بالله ... :D

أرقد عافية

التلب دا كان استاذنا و ناظرنا في التانوي العام .. :D:D

طارق صديق كانديك
20-02-2009, 02:43 PM
التلب دا كان استاذنا و ناظرنا في التانوي العام .. :D:D

له التحية

قال ليك ياعمك ..

التلب .. هو الجمل القوي .. الذي يتحمل المشاق الكبرى .. !!

التيبار .. هو .. اناء من الفخار يسمى بالعامية السودانية ( الزير ) لحفظ الماء .. !!

اللتيبة .. هي مرحلة من مراحل نمو الذرة .. وفيها يكون عود الذرة أكثر اخضراراً وأوراقاً .. !!

شفتا كيف ... !!!

تحياتي

فيصل سعد
21-02-2009, 08:07 AM
له التحية

قال ليك ياعمك ..

التلب .. هو الجمل القوي .. الذي يتحمل المشاق الكبرى .. !!

التيبار .. هو .. اناء من الفخار يسمى بالعامية السودلنية ( الزير ) لحفظ الماء .. !!

اللتيبة .. هي مرحلة من مراحل نمو الذرة .. وفيها يكون عود الذرة أكثر اخضراراً وأوراقاً .. !!

شفتا كيف ... !!!

تحياتي

شكرا يا ود عمك ..
دا الشغل :D:D:D

فيصل سعد
24-02-2009, 04:19 PM
الكابتن شبارقة و الاستوبر البوكش
وينكم و وين ايامكم ..

شبارقة
24-02-2009, 04:36 PM
الكابتن شبارقة و الاستوبر البوكش
وينكم و وين ايامكم ..

يا أخوي اليومين ديل أختنا آمال مسـّكتنا دريب جديد (والجديد شديد :D) نعرض وندوبي ساااي بهناك (وشايفنك إنت بتصلي اليوم كلو :D).
وبمناسبة الجديد أهلنا بيقولوا في المثل : الجديد في الكرو سمح ... أها ماهو الكرو؟

شبارقة
24-02-2009, 04:41 PM
سلام بعد غياب
الاقنيب معناها شنو

أها ... كلام أخونا باسط ده جليتوهو مالكم

أبو أماني
24-02-2009, 04:47 PM
يا أخوي اليومين ديل أختنا آمال مسـّكتنا دريب جديد (والجديد شديد :D) نعرض وندوبي ساااي بهناك (وشايفنك إنت بتصلي اليوم كلو :D).
وبمناسبة الجديد أهلنا بيقولوا في المثل : الجديد في الكرو سمح ... أها ماهو الكرو؟

ولا عشان أنحنا جداد! .. جداد دي ظاطها قتها معاهن .. ولها تووو معاني .. جداد بمعني دجاج وجداد بمعني Brand new واليكم كمان .. مايلي :-ه

التقنت / الدحلوب / الكابدلو / الكودوندار / الكزرونة / الكتوش / النطع / الشملة وخليتكم بعافية تاني بجيكم ... تشاوووو الله والرسول ...

شبارقة
24-02-2009, 05:18 PM
ولا عشان أنحنا جداد! .. جداد دي ظاطها قتها معاهن .. ولها تووو معاني .. جداد بمعني دجاج وجداد بمعني Brand new واليكم كمان .. مايلي :-ه

التقنت / الدحلوب / الكابدلو / الكودوندار / الكزرونة / الكتوش / النطع / الشملة وخليتكم بعافية تاني بجيكم ... تشاوووو الله والرسول ...
أنا غايتو بجيك من الآخر نطع وشملة ودخاخين وكده :D (مرة قريب وقت العشا كده وفي زمن الرشاش ;) دخلت لي حلة من حلالنا البهناك ... ومن بعيد شفت الدخاخين ومن كترتها أنا أفتكرتها كمائن طوب :D)
أما أخونا فيصل سعد ده فنخلي ليهو الدحلوب والدغلوب والكدندارة والذي منو :D

باسط المكي
25-02-2009, 06:33 PM
أنا غايتو بجيك من الآخر نطع وشملة ودخاخين وكده :D (مرة قريب وقت العشا كده وفي زمن الرشاش ;) دخلت لي حلة من حلالنا البهناك ... ومن بعيد شفت الدخاخين ومن كترتها أنا أفتكرتها كمائن طوب :D)
أما أخونا فيصل سعد ده فنخلي ليهو الدحلوب والدغلوب والكدندارة والذي منو :D
الجحلوب والدغلوب كائنات صغير ة بتكون في موية البير
زي الحشرات ..صغيرة
الكدندارة ..نوع من الدنانين ..اوالعنكول ..
وااله اعلم

المليجي
25-02-2009, 10:45 PM
الأستاذ فيصل

بعد عصر ومصر (مع كسر الصاديين) للجمجمه طلعت ليك بحاجه جديدة لنج


العنكوليب
القعونجه:D:D

نعمل لفيتي ونجي متلبين بجاي تاني

شبارقة
26-02-2009, 10:20 AM
الأستاذ فيصل
بعد عصر ومصر (مع كسر الصاديين) للجمجمه طلعت ليك بحاجه جديدة لنج

العنكوليب
القعونجه:D:D

نعمل لفيتي ونجي متلبين بجاي تاني

يا المليجي يا خوي نحن وصلنا الصفحة 120 ومصطلحاتنا العامية كلها كمـّلناها وجاي تقول لينا عنكوليب وقعونجة .... طيب سلملي على القعويه :D

أها ... ما الفرق بين القـُرمه والبـُرمه والقاورمه؟

فيصل سعد
26-02-2009, 10:38 AM
يا المليجي يا خوي نحن وصلنا الصفحة 120 ومصطلحاتنا العامية كلها كمـّلناها وجاي تقول لينا عنكوليب وقعونجة .... طيب سلملي على القعويه :D

أها ... ما الفرق بين القـُرمه والبـُرمه والقاورمه؟

الاتنين الاوائل ما عندهم علاقة بالبصل .. و الاولى و الاخيرة بتلاقوا في الجغمسة و العضة .. و الفي النص سوائل و شراب و كدا يا رندقة :D:D

المليجي
26-02-2009, 02:31 PM
شبارقه يا قلب ماتعصر اخوك شديد كدا كمان ادينا مساحة تألق بجانبك :D

مالا القعونجه عيبا لي

المليجي
26-02-2009, 03:30 PM
حبيبنا شبارقه ما تحكها كدا مع اخوك وادينا مساحة تألق جمك :D










القعونجه مالا عيبا لي يا شبارقه

فيصل سعد
27-02-2009, 12:29 PM
حبيبنا شبارقه ما تحكها كدا مع اخوك وادينا مساحة تألق جمك :D



يا ود عمك ما تشتغل بكلام شبارقة
اصلها دي طريقته و خطته في تطفيش الزبائن :D:D
و لما نلعب بيها يشبكنا و "لا تكن فظا غليظ القلب فينفضوا من حولك"..






القعونجه مالا عيبا لي يا شبارقه


القعونجة ما عندها عوجة تب ،
لكن كعبة الضفادع و السحالي و كدا :D:D

ارقدوا عافية ..

شبارقة
27-02-2009, 03:39 PM
حبيبنا شبارقه ما تحكها كدا مع اخوك وادينا مساحة تألق جمك :D
القعونجه مالا عيبا لي يا شبارقه
:D:D:D
الحبيب المليجي إنت يا أخوي قريب فريد شوقي وتوفيق الدقن والجماعة ديل:D
وبمناسبة السينما نحن يا خوي في نهاية فيلم المصطلحات العامية ده وجاي تقول لينا قعوية وعنكوليب وعدار:D يا أخوي أكان مسكت أقرب حنكوش من أقرب محل تصفيف شعر ;) أو أقرب محل ساونا ح يعرف ليك القعوية والعنكوليبا :D.
ونحن قلناهم هنا زمااااان ... وتسلم يا الحبيب وخليك قريب وأوعك تغيب :D

شبارقة
27-02-2009, 03:48 PM
يا ود عمك ما تشتغل بكلام شبارقة
اصلها دي طريقته و خطته في تطفيش الزبائن
و لما نلعب بيها يشبكنا و "لا تكن فظا غليظ القلب فينفضوا من حولك
ارقدوا عافية ..

:D:D:D

فيصل سعد
27-02-2009, 10:24 PM
اللهم صلى على سيدنا محمد وعلى آل سيدنا محمد
عدد ما سبح طير وطار، وعدد ما تعاقب ليل ونهار،
و صلي عليه عدد حبات الرمل والتراب، و صلي عليه عدد
ما أشرق شمس النهار، وصلي عليه وسلم تسليما كثيرا ..

فيصل سعد
06-03-2009, 04:36 PM
Where is the Arabic Keyboard

شبارقة
06-03-2009, 10:27 PM
Where is the Arabic Keyboard


يمكن وقع منك في نيويورك الكنت منجعص فيها الأيام الفاتت دي goood

أبو أماني
07-03-2009, 08:28 PM
شبارقه يا قلب ماتعصر اخوك شديد كدا كمان ادينا مساحة تألق بجانبك :D

مالا القعونجه عيبا لي

هي لاكين يا المليجي يا أخوي معقول نان؟ وهو بيقدر يعيبها ليك؟؟ .. أكان الشبه بايييييين يا يابا .. !! هوووي يا شبارقة .. ما تحمر لي .. هو براهو دردقها لي وأنا شتها .. ما تبقوا ناس بتاعين مشاكل ساكت أسع دي ما تبقى زي المليجي ده .. والله روحوا رياضية وكمان 104 أسع أشبهو ليك بالجعران شوفوا بيزعل والله يضحك ساكت .. ويقطعوا في حشاه .. شايف الناس .. فيري دينست كيف .. بس إنت خليك ريلاكس ...و تشاوووو!!!

عادل عسوم
07-03-2009, 09:20 PM
انتوا يا ناس الشيراتون و المريديان :D:D عصرتكم ماها ساهلة ..
يمين برنامجكم دا قرب يبقى Virtual Meeting و كدا :D:D
أنتا ياودعمك أصلك ما يلقوك الاّ لي نفخ الجضوم وضرب أم دلدوم :mad:
وكمان الليلة جابت ليها فيرشوال ميتينق وما أدراكا:confused:
ياخوي أتا ما درسوكم حاجة أسمها (مرُّ السحابة لاريث ولاعجلٌ) في (الأولية) والاّ شنو؟:mad:
دة بالأضافة لي أنو البوستر دة بتاع (مصطلحات عامية والزي منو)
فخلينا من بلنجاتك الشملاوية دي وفسر لينا كلام أصحابك ناس عقد الجلاد ديل::mad:
الشَّمْ خَوَّخَتْ، بَـرَدَنْ لَيالـي الحِـرَّهْ
والبَرّاقْ بَرَقْ مِنْ مِنَّـا جـابَ القِـرَّهْ
شُوْفْ عيني الصِّقيرْ بِجَناحُهْ كَفَت الفِرَّهْ
تَلْقاها امْ خدودَ اللِّيلَهْ مَرَقَـتْ بَـرَّهْ
أنا غايتو غير البرق والصقير ال(كفت) الفرة ديل لي يوم الليلة مافاهم حاجة
:D

طارق الحسن محمد
08-03-2009, 08:46 PM
فيصل والله البوست دا
بقى قليد
وسمين وطويل جدا
وصعب ملاحقته
وانا شاركت فى بدايته
واقتراحى لك وان كان سوف يكون مرهق
لك كثيرا
وهو ياخى ما تصفى البوست
اى غربله
اى فقطه
وفقطه دى اسال منها العمدة عكود
قصدى لو قدرت تلم كل المفردات الوردت دى وعملتها فى رد من ردود البوست حتى لابضيف
اخر مفردة او يسال بعضهم عن
معنى كلمة وردت فى البوست المعنى
والله انا لو فقت شوية
بسويها
واقوم اعملها كتاب وحقوق فيصل
ملحوسة
نهارا جهارا
فى الضحى الاعلى
مودتى التى تعرفها

طارق الحسن محمد
08-03-2009, 09:00 PM
أنتا ياودعمك أصلك ما يلقوك الاّ لي نفخ الجضوم وضرب أم دلدوم :mad:
وكمان الليلة جابت ليها فيرشوال ميتينق وما أدراكا:confused:
ياخوي أتا ما درسوكم حاجة أسمها (مرُّ السحابة لاريث ولاعجلٌ) في (الأولية) والاّ شنو؟:mad:
دة بالأضافة لي أنو البوستر دة بتاع (مصطلحات عامية والزي منو)
فخلينا من بلنجاتك الشملاوية دي وفسر لينا كلام أصحابك ناس عقد الجلاد ديل::mad:
الشَّمْ خَوَّخَتْ، بَـرَدَنْ لَيالـي الحِـرَّهْ
والبَرّاقْ بَرَقْ مِنْ مِنَّـا جـابَ القِـرَّهْ
شُوْفْ عيني الصِّقيرْ بِجَناحُهْ كَفَت الفِرَّهْ
تَلْقاها امْ خدودَ اللِّيلَهْ مَرَقَـتْ بَـرَّهْ
أنا غايتو غير البرق والصقير ال(كفت) الفرة ديل لي يوم الليلة مافاهم حاجة
:Dعسوم
ازيك
يا خوى انا ما عارف كتير بس
اقول العارفه
الشم هى الشمس
وخوخت دى باقلى زى نزلت او اضارت
وليالى الحرة
هى ليال الحر اى سخنة
البراق هو الرق الذى يصحب المطر والرعد واعتقد منة دى جهة محدة اة مكان
القرة هى البرد
شوف عينه الصقير بجناحه كفت الفرة هى نفس المنى ولكن يدلل به على شى اخر
وام خدود هى محبوبته التى تركها فى الفريق
والحردلو دا زول كلامه مرات صعب شديد والقدال لمن عمل مسدار ابو السرة لليانكى
واقتبس من مسدار الصيد دا
كمل وقال
تقاها ام خدود الليلة مرقت برةالشّمْ خَوّخَتْ
بَرَدَنْ ليالي الحّـرّة
والبرّاق بَرَقْ ..
مِنْ مِنّا جاب القِرّة
شوف عيني الصِّقير بجناحو كَفَتْ الفِرّة
تلقاها ام خدود الليلة مَرَقَتْ بَرّة
مَرَقَتْ بَرّة ..
مَرَقَتْ بَرّة تغلي مديدة الحِلْبة التَسَمِّن رِدْفَها
السَمِنْ المبَسْتَرْ يانْكي
والويقود بعيرات الدُّخان في العين
وفي الفَشْفَاشْ يسوِّي عمايلو
شِنْ فايدة مديدة الحلبة والويقود بشيلو اليانكي

وهاك المسدار كامل
وممكن تطلع منه الف مفردة دائرة شرح
مودتى

طارق الحسن محمد
08-03-2009, 09:03 PM
أُمّاتِي القِبيلْ
بي حِنّهنْ لجّـنّي
كَرفة وقَلدة
كيف شوق اللّبن رَجّني
حُزناً جاني في مَيْع الصِّبا يلَجِّني
أطلعْ مِنِّي يا جلدي المِنمِّل جِنيِّ
واطلعْ مِنِّي يا حُزناً بِقى مكَجِّني
خَلّني أبدا مُسداري
وأودي قفايا لي داراً بِقَتْ مِي دَاري
جِيتَا ..
وجِلْدِي بينو وبين عضايا الشّحَمَة
إلا النّار بِقَتْ قِدّامي
جِلْدِي اللّيلة بينو وبين عَضَايَا المافي
إلاّ تراني شَوّالْ الكِبِسْ
نِفّيخْ جَراريب الوَرَمْ هَدّامِي
في جِلدي الورم قُولَنْلي
واللاّ صَحِي الورم عَضّامِي
سفريتك مِي في النيّة
ماها الكانت محريّة
خابراكْ عِرِّيفْ ..
ذم العُربانْ واللاّ قِيام الوردية
مالكْ ؟؟؟
تَرْيَانْ ومندِّي
كاسي الكِتّان والهندي
قولَكْ كِكّيفْ ترجى البيشان
واللاّ الغُربة البي الزِّنْدي
برقاً عِبْدِلِّي الوَزْنِ
يا طاشْ .. يا جاب المُزْنِ
فَرِّقْ يا الضّيفْ
فِعْل الغَضْبان ..
أم فِرْفيرات الحُزْنِ
وشِنْ القَعدة
يا أبو السُّرة
شِنْ القَعدة في ضُل العمارات أم كمرةً برّة
ضُقْنا الحَنْضَل اليانكي
وبَلَعْنا المُرّة
كِمْلَتْ كوتة التُّمبَاك
صَقَعْنا الجِّـرّة
ووكت إتقفّلَتْ شِقّيشْ
قَبَلْ بي المرّة
نَرْمي أمُرنا في بلد المعاني الحُـرّة
الشّمْ خَوّخَتْ
بَرَدَنْ ليالي الحّـرّة
والبرّاق بَرَقْ ..
مِنْ مِنّا جاب القِرّة
شوف عيني الصِّقير بجناحو كَفَتْ الفِرّة
تلقاها ام خدود الليلة مَرَقَتْ بَرّة
مَرَقَتْ بَرّة ..
مَرَقَتْ بَرّة تغلي مديدة الحِلْبة التَسَمِّن رِدْفَها
السَمِنْ المبَسْتَرْ يانْكي
والويقود بعيرات الدُّخان في العين
وفي الفَشْفَاشْ يسوِّي عمايلو
شِنْ فايدة مديدة الحلبة والويقود بشيلو اليانكي ؟؟
يا ابو السُّرة
قامت من دخاخين العمى تلمِّع وشِيها
اليانكي مِسْتَنِّيهَا
كان اليانكي مستنيها في مراية السَجَم في اللّيل
لقيتها مِتِلْ فريخ الطّير
مَرَقْ ود عينها من ود عينها
رجّافة المزمّلْ حُمّى
جَفَلَتْ مِنّو
وَقَعَتْ عندي
صدرها بغلي
يا ابوالسُّرة
شُفْتَ اليانكي في ود عينها
سُقْتَها للبحر
يمكن يغسِّل عينها من اليانكي
فُتْنَا الحَجْرة بالكَتّة وغطسنا مسافة
تبقى قَدُر مسالك الرّيدة
وما لاقانا من يغبانا في البحر الفَدَرْ تحتاني
ناس عارفاها
ناس عارفاكا
ناس عارفاني
نادينا القعوي والبُلْطي
قرقور السّمَك ودّانا لي دابي الخُشَشْ
نادينا عُمّال الطّمِي
عُمّال الطّمِي الصّارقيلا
والقَرْمُوط
وود الموية
وفُتْنَا عليها
كانت نايمة
عَجّال البحر حارساها
كانت نايمة بين حجرين وضُل ساسوية
وعُمّال الطّمِي الصّحونا لّمُو حصى البحر
قسموهو ياتْ من كان سبع جمراتْ
دابي الخُشّة قال :
أدُّوها في الجمرات تلات سبعاتْ
قُلْنا :
أدُّوها في الجمرات تلات سبعاتْ
مَسَكْنَا دَرِبْنَا
وعُمّال الطّمِي الصّحوها
خابرين الدّروبْ
مَرَقوبنا في مُشْرَعْ مسارب الضّيْ
لقينا الدُّنيا تترجّانَا
قُوقَا القِمْري
خَوّى صِقيرْ
وعَوّى حِديْ
وعُمّال الطّمِي الصّحونَا
لَمُّو على البعرفو الصّيْ
حَصَى القيزان
دوابي الدّارْقَة
والسِّحْليّة
والنّاسْ التِّحِتْ
النّاسْ التِّحِتْ خابرين عَمايْل اليَانْكي
مَرّة معونة لي اللّغّاف
ومَرّة دَوانْكِي
شِنْ معناهو جيبها إن كان ملوهو بوانكي
وصوتها مكتِّمو القَرَبين سيوف وسَوانْكِي
قولَنْ لي الأَخْلو ديارو
دمّكْ فَرْهَدْ في نارو
غَوّرْ في الأرض
طارو صَقْرين
أولاد الأرض ما طارو
لحمي غَطّى بِنْ عَمِّي
شو صار حالو يا إمِّي
منديل العِرْضْ في بيت الدِّينْ
دمِّي ما يخلِّي دمِّي
إنّا من دير ياسينْ
صِرْنا في جِزْر التّين
عَمْ نسقى بعضْ
حُبّ الزّيتونْ بدّو يرجع للطينْ
صابرا تحت الدورية
صابرا فوق الدورية
صابرا فوق الدورية
يا حال الضِّدْ
لحم الطِّفلين نابت غُصنْ الحريّة
جِذْري مو في شاتيلا
ما قال حالي يا ويلا
حِنّا في الأرضْ
أرضِ فلسطين
يا إمِّي هيلا هيلا
يا إمِّي هيلا هيلا
يا أُمِّى هيلا هيلا
هيلا
هيلا
هيلا
هيلا وهيلا يا ابو السُّرة كُجْ العين
تخبر الشّينة من الزّينْ
تَفُرْز الطّاري من السّاري
يا ابو السُّرة كُجْ العينْ
ومدُّو صباعك السّبابي
قول لي الغَافي يا زول هويْ
وهوي يا غافي يا زول هويْ
أرخي الغُردة للعَنّافي
شِدْ القمري بالحوبابي
في مسدارنا
شِلْنا نهارنا
في إيدنا من ساسو البحر عقدينْ
مَسَكْنا دَرِبْنا
وعُمّال الطّمي الصّحونا
خابرين الدِّروب مرقوبنا في مُشْرع مَسَارب الضّيْ
لقينا الدُّنيا تترجّانا
قوقا القِمري
خَوّى صقيْر
وعَوّى حِدَيْ
وكُنّا جماعة
دابّات الأرض والسّايمة
عَوّامة البحر والطّيرْ
وحتى الغيمة قصّاصة الأَتَرْ
فوق راسنا شايفة الدّربْ
ضِنيب اليَانْكي
قال القمري لي الضُّليلة :
خَلِّكْ صاحية زوغ اليانكي لا يودِّرنا
قال الدّابي :
إن يغباها ما بيغباني
ولمّا الشّمْ مودِّعة غاربة
وَصّتْ جملة الصّقّار عيونهنْ كَارْبة :
أبقو أَلِفْ
بَفوت لي المِتْلَكُنْ ناهضينْ
وفوق ديناب عريباً غادي
قال السِّحْلي لا تغشوهو
ديل عُربانْ توابع اليانكي
وخَلُّوها العريب الغايبة
السّراقْ طبيقو معاهو
تيجاناً عروشها الخروعْ ..
الهَشْ ..
العَويشْ
الناّر تَعَلِّبْ فوق عُقَال العَرْشْ
ولا خَسّانا بي هادي العروش الهـُرْبة
يا ابو السُّرة .. لا عَقّالْ
مسكنا دربنا
وعمال الطمي الصحوها
خابرين الدروب مرقوبنا من وادي الضلمة
الكان
وعقب لمينا في باقي الجمع
قاصين دريب اليانكي
سنور الغيب في الكونغو
وصبراً من جنوب أمريكا
ومن كلهاري ديباً ضاري
والتمساح وليد أمازون
ونمراً في النمور كمبودي
وام رَخَمْ الله مكسيكية
ولمّ لميمنا
لمّ لميمنا والشّمش البتوقد فوقنا
شدّ شديدنا لا التِّمثال مَشيّلْ روقنا
عَالَم حُرْ يدوعِلْ فوقنا
لي يوم سوقنا
نبصُق فيهو .. في عينيهو جَرْ واسوقنا
يا شمسي طِلِّي .. طِلِّي
شاوري عَ بيتي دِليِّ
كَيّال الكيل ... ختياري ماتْ
ظِلِّي عَمْ يحرس ظِلِّي
عَادِلْ عَ خَييّ ميلي
خَييّ ما يحمل شَيلي
ما خَفّ الشّيلْ
تاني المرّات ناطِرْ رصّاصِي سيلي
عيني في الفيل ما ظِلّه
كِلْنا ندريه ما نضِلّه
يا ويل الويلْ
نرمي الجمرات عَدِّ المستشْهِدْ كِلّه
نرمي الجمرات عَدِّ المستشْهِدْ كِلّه

طارق الحسن محمد
08-03-2009, 09:08 PM
عسوم اول كلمتين
انا بسالك منهن وانا عارف معناهن وهن فى اول القصيد
ما هو اللج
لانه قال اماتى القبيل بحنهن لجنى
وما هى الكرفة
ولانه قال كرفة وقلدة
ولا القلدة زاتها ما عرفها
؟ ؟
غايتو ان ما عرفت القلدة
عكود شايفه محضر سوطه
وان غلبنك الكلمتين ديل
عكود قاعد
لانه شكله انكرف كتير من ناس بيحبوه جدا
واتلج بالمحبة
محبتى لك

طارق الحسن محمد
08-03-2009, 09:10 PM
للجميع
هاتو المعنى

فُتْنَا الحَجْرة بالكَتّة وغطسنا مسافة

المليجي
09-03-2009, 12:36 AM
هي لاكين يا المليجي يا أخوي معقول نان؟ وهو بيقدر يعيبها ليك؟؟ .. أكان الشبه بايييييين يا يابا .. !! هوووي يا شبارقة .. ما تحمر لي .. هو براهو دردقها لي وأنا شتها .. ما تبقوا ناس بتاعين مشاكل ساكت أسع دي ما تبقى زي المليجي ده .. والله روحوا رياضية وكمان 104 أسع أشبهو ليك بالجعران شوفوا بيزعل والله يضحك ساكت .. ويقطعوا في حشاه .. شايف الناس .. فيري دينست كيف .. بس إنت خليك ريلاكس ...و تشاوووو!!!


العزيز ابو اماني
:D:D
حبيبنا شبارقه قطع شك عايز يقيف عراضه بيني وبين التألق في هذا البوست :D
لك ودي يا ابو اماني انت والحبيب شبارقه

طارق الحسن محمد
10-03-2009, 02:14 PM
البرنجى
مافى زول يجى يقول سجائر
وورقه بيستعمل لنظافة النظارات
هههه
ماهو المعنى
واصل الكلمة
مودىدتى

بابكر مخير
10-03-2009, 02:52 PM
Where is the Arabic Keyboard

gooodgooodgoood
كبيت الزوغة؟؟؟؟؟
عرفتا طارق الحسن جاك مشمر زندو
ناوي يساوي كل البزيد طربقة من عندو


قال كيف:confused:
الكيبورد العربي وينو...
قديما العب غيرها:D:D



ياطارق سلام وبالله عليك
بالعربي عشان نفهمو
وبالإنجليزي عشان فوفو يفسرو;)

طارق الحسن محمد
11-03-2009, 10:15 PM
gooodgooodgoood
كبيت الزوغة؟؟؟؟؟
عرفتا طارق الحسن جاك مشمر زندو
ناوي يساوي كل البزيد طربقة من عندو


قال كيف:confused:
الكيبورد العربي وينو...
قديما العب غيرها:D:D



ياطارق سلام وبالله عليك
بالعربي عشان نفهمو
وبالإنجليزي عشان فوفو يفسرو;)
ود مخير حبابك الف
والله فيصل
شكله
فارق البوست
وعمل الحجة كيبوردات
لكن انا راجيه يرد على كلامى
وبالهوساوى
المرة الجاية
مودتى يا جميل

لس اللى ينكرب لى

فيصل سعد
16-03-2009, 08:53 AM
gooodgooodgoood
كبيت الزوغة؟؟؟؟؟
عرفتا طارق الحسن جاك مشمر زندو
ناوي يساوي كل البزيد طربقة من عندو


قال كيف:confused:
الكيبورد العربي وينو...
قديما العب غيرها:D:D



ياطارق سلام وبالله عليك
بالعربي عشان نفهمو
وبالإنجليزي عشان فوفو يفسرو;)

افو يا الحبيب :D:D ما يغشك نكير عم ميادة دا و يلخبت البينا ،،
و يا طارق اركز الكيبورد جمع :D:D

اها يا شبارقة بتعرف السفاية :D:D ولا انتوا ناس طين بحر و كدا ..

التحايا للجميع ..

شبارقة
16-03-2009, 10:05 AM
اها يا شبارقة بتعرف السفاية :D:D ولا انتوا ناس طين بحر و كدا ..


السفـّايا بنعرفا لكن إنت بتعرف الفرق بينا وبين الفرناغا (الفرنغاغا)؟ وما الفرق بينهما وبين البوغا ... وسلملي على الحواشات والبلودات الحزينة:D
قال سفايا قال ... السفايا دي سموها سفايا لأنو نحن الغبش كنا بنسفـَّها سف goood

ابو روضه
16-03-2009, 08:55 PM
قالوا العندو بليلة بعاشي بيها

السواسيو
والفروج
الحملة
واللتيبة
والشراية
والفريك
والقندول
بالمناسبة دي المراحل البمر بيها الذرة من مرحلة الزراعة الى الحصاد
وبنجييييييييييكم تاني

فيصل سعد
19-03-2009, 08:21 AM
يخلق من السواسيو اربعين :D:D غايتو نحن بنعرف السوسيو الصغمبوتي بتاع الجداد داك ، و فتيل الوسكي او الجن او الفودكا او البراندي الصغيروني "السامبل" البتصبن في جيب البدلة الداخلي برضوا كان اسمه سوسيو :D:D يا ابو روضة ..

اها يا شبارقة عرفت السفاية ، بتعرف الكشمشا :D:D

أشتر
19-03-2009, 04:22 PM
اها يا ود أبوعاقلة عرفت السفاية ، بتعرف الكشمشا :D:D

الكشمشا ... كلمة دبل لكن انت لحمتها ستلين يا فردة ...
تتكون من كلمتين ... الكشّا/مشي ... أي يكش بسنفنجته أثناء المشي ...
لى وين الله أعلم ...
يعني اختصارا زول ماشي ساكت ...
وديني ... شوق للدين يا ما عندك ذمة ولا وطنية

شبارقة
19-03-2009, 05:35 PM
اها يا شبارقة عرفت السفاية ، بتعرف الكشمشا :D:D

الكشمشا ... كلمة تتكون من كلمتين ... الكشّا/مشي ... أي يكش بسنفنجته أثناء المشي ...
لى وين الله أعلم ...
يعني اختصارا زول ماشي ساكت ...


الكشمشا تطلق على الشئ الما مظبـَّط .. وما مـُجيه ...(الكشمشا = حاجة كدة أي كلام )
أي الكشمشا تعني الشئ الممهوج (وزماااان سألناكم عن الممهوج)

بابكر مخير
19-03-2009, 06:05 PM
بتكلم ساكت والبعض يقولا؛ بتكلم ساهي
الإتنين عجيبات،،
كيف يتكلم وهو ساكت أو يتكلم وهو ساهي "يعني فاصل ما مجمع"؟؟

بقولو:
طبيز

بيقولو:
قاعد يمشي

قال:
جيت ولقيتك مافيِّ "خلي بالك من لقيتك؟؟"

يكون التلفون رنا لمن الخط قطع ويقول:
ضربتا ليك تلفون وما ردآ..

عجب، عجاب..

إنشاء الله آخر الأحزان؛ دي كييييييييف؟؟؟

ما نجيكم في مكروه تاني، ما معناها أنك إتا إتلحستا وتاني اللقاء في ديييييك "الأخرة"
وكدآ يعني "دي تفسيرها شنو؟؟"

أبو أماني
19-03-2009, 06:31 PM
بتكلم ساكت والبعض يقولا؛ بتكلم ساهي
الإتنين عجيبات،،
كيف يتكلم وهو ساكت أو يتكلم وهو ساهي "يعني فاصل ما مجمع"؟؟

بقولو:
طبيز

بيقولو:
قاعد يمشي

قال:
جيت ولقيتك مافيِّ "خلي بالك من لقيتك؟؟"

يكون التلفون رنا لمن الخط قطع ويقول:
ضربتا ليك تلفون وما ردآ..

عجب، عجاب..

إنشاء الله آخر الأحزان؛ دي كييييييييف؟؟؟

ما نجيكم في مكروه تاني، ما معناها أنك إتا إتلحستا وتاني اللقاء في ديييييك "الأخرة"
وكدآ يعني "دي تفسيرها شنو؟؟"

الشكر لصاحب البوستر وللمشاركين فهو قمة الإثراء والإبداع..ودليلي القمم التي تشارك فيه، وسامحوني عندما أفج لي فرقة بيناتكم ..
المفردات العامية المتداولة مش في السودان بس بل في كل العالم العربي لها نقائص وبالتالي لها طرائف أذكر منها مثلا :-
* نسميها مكواة .. ونكوي بها الملابس كيا متقنا لا هوادة فيه فيطلع المنطلون مكوي (سيف) وفي السعودية تقابلها بالعامية السعودية كلمة (طراحة) والطراحة هنا في السودان تاكسي يحمل مختلف الركاب الذاهبين إلى مكان واحد .. وتسمي الفردة لكل تاكسي واقف في التاكسي (طرحة) كذلك الطرحة معروفة لدينا بقطعة قماش تعتمرها المرأة أو البنت في رأسها .. الوالد رحمه الله خلال 35 سنة بالسعودية تعرض لعدة مواقف طريفة لا يحسد عليها منها قصة محاولة سعيه لبيع مكوة الكهرباء التي كان يحملها في كيس عندما أستوقفه جاره السعودي ..
السعودي : وين رايح يا شيخ محجوب؟
فرد الوالد بعفوية: ماشي السوق..
السعودي: ليش..؟؟؟
فقال له : عاوز أبيع (المكوة) بتاعتي!!!
ولكم أن تتصوروا منظر أخينا السعودي .. وحجم عينيه وهو يمارس دهشة مشروعة وينظر للوالد كمن ينظر لمن به مس .. وأحجم عن تكملة الموضوع .. تموها خيال!
***
تغريني الشخصيات المشاركة بما فيها صاحب الموضوع بالمتابعة .. فلنا عودة .. goood

شبارقة
19-03-2009, 06:52 PM
تغريني الشخصيات المشاركة بما فيها صاحب الموضوع بالمتابعة .. فلنا عودة .. goood

شكرا ً يا معجب وخليك معانا يا عمنا عشان إنت زاتك تبقى معجوب :D

أها نديك عربون محبة وشوف لينا ما المقصود بالمصطلحات التالية :

1- الدمريب 2- الساكلاب 3- النوسار 4- المحويب 5- المسور

ملحوظة : الحناكيش يمشوا ينططوا بعيد :D

بدور التركي
19-03-2009, 08:37 PM
الكشمشا تطلق على الشئ الما مظبـَّط .. وما مـُجيه ...(الكشمشا = حاجة كدة أي كلام )
أي الكشمشا تعني الشئ الممهوج (وزماااان سألناكم عن الممهوج)

زى الكلام داك
الكان ما مرتب
الكلام الغير وجيه
الذى لا يليق
بالإنسانية
ولا بقيمة الإنسان
:mad:
شئ مؤلم جدا

بابكر مخير
20-03-2009, 04:14 AM
شكرا ً يا معجب وخليك معانا يا عمنا عشان إنت زاتك تبقى معجوب :D
أها نديك عربون محبة وشوف لينا ما المقصود بالمصطلحات التالية :
1- الدمريب 2- الساكلاب 3- النوسار 4- المحويب 5- المسور
ملحوظة : الحناكيش يمشوا ينططوا بعيد :D
يا شبو
سلاااااااااااااااام
يا أخي الزول يقول ليك الوالد 35 سنة في السعودية،،
غايتو ناس تجوط الأمور ساكت وساهي..
أسألو النيدو والكتشيب وشاي الليبتون
عفيط سياير
وكدآ يعني
هو عمو (أنا) ما ناقش فيها التكتحا
يبقى هو مكربا

فيصل سعد
20-03-2009, 07:09 AM
البرنجى
مافى زول يجى يقول سجائر
وورقه بيستعمل لنظافة النظارات
هههه
ماهو المعنى
واصل الكلمة
مودىدتى

يا عمو طارق البرنجي زي ما تقول :

فوق القهوة ما جلاس يا عيني انا
و فوق الكورة ماخد الكاس يا عيني انا

شفت كيف :D:D

فيصل سعد
20-03-2009, 07:14 AM
الكشمشا ... كلمة دبل لكن انت لحمتها ستلين يا فردة ...
تتكون من كلمتين ... الكشّا/مشي ... أي يكش بسنفنجته أثناء المشي ...
لى وين الله أعلم ...
يعني اختصارا زول ماشي ساكت ...
وديني ... شوق للدين يا ما عندك ذمة ولا وطنية

يا ود عمك شوق الف احمر :D:D
رغم السقط و الصقيع و العواصف و المشاوير العصية و المساسقات
و الخفسات الطارئة و كدا .. عذرا جميلا و اعفى و ارضى عننا دائما ..
و ابقى ادينا الرقم الجديد ، عشان نلفاك كان طولت من هنا ..

أشتر
21-03-2009, 10:19 AM
ما عندك عطلة يا بوكش ...
خشو لينا في الجراري دا... رمية جميلة
لطشتها من ودعثمان امبارح

http://www.herosh.com/up/73952/343376788.wma

أبو أماني
21-03-2009, 03:43 PM
يا شبو
سلاااااااااااااااام
يا أخي الزول يقول ليك الوالد 35 سنة في السعودية،،
غايتو ناس تجوط الأمور ساكت وساهي..
أسألو النيدو والكتشيب وشاي الليبتون
عفيط سياير
وكدآ يعني
هو عمو (أنا) ما ناقش فيها التكتحا
يبقى هو مكربا

والله إنت اللي فيهم يا دكتور .. الجنا شبارقة ده شايفني بتكلم كلام كبار كبار قائلني كبير قدره كده!!.. يا أخي أنا (ما بقول على نفسي حنكوش) لكين والله والله..في طفولتي أكلت المرتديلا والبلوبيف والهوط دوقز..والكافيار وعااااادي الأوفالتين والكوفي ميت كان في المطبخ .. ومرات لما أجي متأخر وجيعان وعاوز لي وجبه خفيفة بفتح التلاجة أخد لي شوية لبن وأكب عليه (شوية كورنيفليكس) وأضرب بمزااااج .. تقول لي كلام كبار أجاريك فيو لحدي الدحلوب والكجيج والدامرقة .. وأم بقبق .. تعمل لي فيها رائح وتتكلم لي كلام ناس المنشية والطائف والعمارات داك أقلب ليك .. شئ كلزوني شئ بيرغر جامبو .. وكرواسون .. وحاجات تانية حامياني .. تقول لي شنو؟ تقول لي منو؟
وشكرا على الدعم المعنوي يادكتور .. ولو إني شامي فيو ريحة ساخرة .. بس مقبولة منك يا أظرف خلق الله .. بعدين الناس الأكبر مني بفوت ليهم عشان عامل السن .. يلا باااااااي .. سيي ياااا!!! :confused:

شبارقة
21-03-2009, 10:13 PM
.. الجنا شبارقة ده شايفني بتكلم كلام كبار كبار قائلني كبير قدره كده!!.. :confused:

قلنا ليكم ألمي حامي ما لعب قعونج :p

1- الدمريب حبل زمام الناقة 2- الساكلاب الخنجر 3- النوسار الجرح أو المرض في الإبل .. والنوسار هو الشوق الشديد الذي يجلب الأمراض ... يقال منوسر أي مريض ... ويقال : فتق نوسارك أي جدد عليك أمراضك 4- المحويب حبل تربط به الأرجل الخلفية للبقرة الحلوب يمنعها من الحركة أثناء عملية الحلب 5- المسور الحصاد

فيصل سعد
26-03-2009, 08:26 AM
قلنا ليكم ألمي حامي ما لعب قعونج :p

1- الدمريب حبل زمام الناقة 2- الساكلاب الخنجر 3- النوسار الجرح أو المرض في الإبل .. والنوسار هو الشوق الشديد الذي يجلب الأمراض ... يقال منوسر أي مريض ... ويقال : فتق نوسارك أي جدد عليك أمراضك 4- المحويب حبل تربط به الأرجل الخلفية للبقرة الحلوب يمنعها من الحركة أثناء عملية الحلب 5- المسور الحصاد

شكرا يا ود عمك
و لا تعوق :D:D

و اشرح ما تحته خط ..

بدور التركي
26-03-2009, 08:47 AM
شكرا يا ود عمك
و لا تعوق :D:D

و اشرح ما تحته خط ..

لما تتشوق للزول وتحب كل شوية تشوف طلته الحلوة
ويقيف فى الباب ويقول انا ماشى
تبتسم له ابتسامة خجولة :pوتقول له ما تعوق يعنى ما تتأخر عليا:)

كيف الشرح؟

طيب عايزة اعرف يعنى شنو
ونحن العقبه والعتمور
سمعتها الليلة من موضوع اقول شنو واسوى شنو
العقبة عرفتها بس العتمور؟

شبارقة
26-03-2009, 10:44 AM
طيب عايزة اعرف يعنى شنو
ونحن العقبه والعتمور
سمعتها الليلة من موضوع اقول شنو واسوى شنو
العقبة عرفتها بس العتمور؟

اقول شنو واسوى شنو
:D:D:D
تقول لي شنو وتقول لي منو واحدة من أشهر قصائد الشاعر الدبلوماسي سيد أحمد الحردلو وشايف الأخ خالد الحاج منزلها اليوم في بوست وبصوت عثمان اليمني.

العتمور صحراء مشهورة في شمال السودان.

العقبة ليها عدة معاني في اللغة العربية وفي العامية السودانية ... والعقبة القاصدها الشاعر هنا هي الجبل الممتد وهي تعترض الطريق بسبب إمتدادها وكانت أشهرها عندنا عقبة بورتسودان .
وهناك مدينة أردنية جبلية إسمها العقبة على خليج العقبة (وهي مجموعة سلاسل جبلية وعرة).

شبارقة
26-03-2009, 11:03 AM
و لا تعوق :D:D
و اشرح ما تحته خط ..

الكلمة التي تحتها خط لو شكلتها لينا ح نفلفلها ليك فـَلـفـَلة :D

بدور التركي
26-03-2009, 11:09 AM
:D:D:D
تقول لي شنو وتقول لي منو واحدة من أشهر قصائد الشاعر الدبلوماسي سيد أحمد الحردلو وشايف الأخ خالد الحاج منزلها اليوم في بوست وبصوت عثمان اليمني.

العتمور صحراء مشهورة في شمال السودان.

العقبة ليها عدة معاني في اللغة العربية وفي العامية السودانية ... والعقبة القاصدها الشاعر هنا هي الجبل الممتد وهي تعترض الطريق بسبب إمتدادها وكانت أشهرها عندنا عقبة بورتسودان .
وهناك مدينة أردنية جبلية إسمها العقبة على خليج العقبة (وهي مجموعة سلاسل جبلية وعرة).



شكرا ليك كثير
اول مرة اعرف العتمور انها صحراء
طيب عايزة اعرف كلمة الحردلو
هل هى مشتقة من كلمة الحردان
يعنى الزول الزعلان
وإلا هى مجرد اسم
لا يعلل؟؟( وش خجلان) شديد

عادل عسوم
26-03-2009, 11:46 AM
شكرا ليك كثير
اول مرة اعرف العتمور انها صحراء
طيب عايزة اعرف كلمة الحردلو
هل هى مشتقة من كلمة الحردان
يعنى الزول الزعلان
وإلا هى مجرد اسم
لا يعلل؟؟( وش خجلان) شديد
شنو يايسمين ما كنا أصحاب :mad:
يعني عاوزة ناس شبارقة ديل يقولو علينا -نحنا كمان معسمين-واللاّ شنو؟
:D
الحردلو : قيل بأنه في الأصل (الحار دليلو)
يعني زول كدة ياياسمين من كترت ماهو فيهو صفات جميلة لغاية ما الناس حارو في أمرو (ودليلو دي هو الشخص الآخر) عرفتي كيف؟
وبعدين عسوم دي (مع انها مافي المقرروكدة) الاّ أنها (للفائدة) منطقة في ديار أهلك الشايقية وهي لقب بالنسبة (للعيلة) وكدة
وبعد كدة نقول ليكي (هاف أ نايس ويك أند)
ونتخارج نحنا
:D

بدور التركي
26-03-2009, 11:51 AM
شنو يايسمين ما كنا أصحاب :mad:
يعني عاوزة ناس شبارقة ديل يقولو علينا -نحنا كمان معسمين-واللاّ شنو؟
:D
الحردلو : قيل بأنه في الأصل (الحار دليلو)
يعني زول كدة ياياسمين من كترت ماهو فيهو صفات جميلة لغاية ما الناس حارو في أمرو (ودليلو دي هو الشخص الآخر) عرفتي كيف؟
وبعدين عسوم دي (مع انها مافي المقرروكدة) الاّ أنها (للفائدة) منطقة في ديار أهلك الشايقية وهي لقب بالنسبة (للعيلة) وكدة
وبعد كدة نقول ليكي (هاف أ نايس ويك أند)
ونتخارج نحنا
:D

ممممممممممممم
فهمت الان
كنت فاكاها من الحردان
محمد وردى غنى اغنية وذكر كلمة الحردلو
الان فهمت يا ناس الشايقية:D

( هاف أ ناس تايم ماى هانى):p

شبارقة
26-03-2009, 12:45 PM
الحردلو : قيل بأنه في الأصل (الحار دليلو)
يعني زول كدة ياياسمين من كترت ماهو فيهو صفات جميلة لغاية ما الناس حارو في أمرو (ودليلو دي هو الشخص الآخر) عرفتي كيف؟


الحار دليلو (خلينا نفلفلا ليك شوية وننجر ليك البعض :D)
الحار = إحتار (مشتق من الحيرة)
دليلو = الدليل (هو الخبير بالطرق والأماكن في الصحراء أو البادية)

إذن الحار دليلو هو الشخص الذي يخلي دليلو يحتار لأنه يعرف أكثر من الدليل زاتو .. إذن الحاردلو زي الحوار الغلب شيخو :)
بتعرفوا الحوار ؟؟

أشتر
26-03-2009, 07:56 PM
الحار دليلو (خلينا نفلفلا ليك شوية وننجر ليك البعض :D)
الحار = إحتار (مشتق من الحيرة)
دليلو = الدليل (هو الخبير بالطرق والأماكن في الصحراء أو البادية)

إذن الحار دليلو هو الشخص الذي يخلي دليلو يحتار لأنه يعرف أكثر من الدليل زاتو .. إذن الحاردلو زي الحوار الغلب شيخو :)
بتعرفوا الحوار ؟؟


منتدى الحوار ... وهل يخفى القمر ....

شبارقة
26-03-2009, 08:50 PM
منتدى الحوار ... وهل يخفى القمر ....
:D:D
بديهة حاضرة دائما ً
وينك يا فردة ؟ بقيت تظهر في الويك إند بس ... مدروش ولا ّ شنو ؟
بمناسبة الحوار في واحد أخونا كان مفتكر ولزمن طويل بأن المقولة هي : الحمار الغلب شيخو :D

فيصل سعد
29-03-2009, 06:58 AM
سلامات و عوافي يا صحاب و عساكم طيبين ..
يا عاصم ما تفكفك لينا كلمات الغنية دي ، ولا غلبتك :D:D

بابكر مخير
30-03-2009, 07:53 AM
ملفحة
لفح الكلام
لفحة شمس
لفاح
شمار
قوالة
قطيعة
شمشرة
شرشحا
خستقا
منفس
طرشِق

أشتر
30-03-2009, 08:02 AM
:D:D
بمناسبة الحوار في واحد أخونا كان مفتكر ولزمن طويل بأن المقولة هي : الحمار الغلب شيخو :D
دي بتدخل في البند التاني من مداخلة حبيبنا بابكر مخير في مداخلته أعلاه ...

أشتر
30-03-2009, 08:07 AM
يا عاصم ما تفكفك لينا كلمات الغنية دي ، ولا غلبتك :D:D
غلبتو ...
وهي براها الغلبتو ...
ما دخلنا ليكم بحاجات فجختوها ساي ...
السوريبة !!!!!!!

فيصل سعد
30-03-2009, 10:22 AM
غلبتو ...
وهي براها الغلبتو ...
ما دخلنا ليكم بحاجات فجختوها ساي ...
السوريبة !!!!!!!

يا بوكش كدي جلينا من السالفة دي :D:D حاجاتنا الفي الفرن لسة ما خلصت ، يا فردة غير لينا الغناء الفيها و اعرش على كدا :D:D قبل ما تتأهل و تاني ما نلم فيك خالص خالص :D:D و الرابط تلقاو تحت المداخلة هنا يا ود عمك ..

مودة و شوق كميات..

طارق الحسن محمد
06-04-2009, 11:01 PM
يالسكس بلي .. يا حلاوة بلي

مقطع من أغنية مشهورة من أغاني البنات ..
والسكس بلي اصلها من .. sex appeal في اللغة الانجليزية
والظاهر انو حبوباتنا كانو بيغنوا للخواجات ..

ومن الكلمات المتداولة والمشتقة من اللغة الانجليزية أيضا ..
الدبلسي .. من WC
والشكبزور من chock absorber

بوست شيق ومفيد ..

تحياتي ...

اسامة ! ! ! !
اب شيبة هنـــــــــــــــــــــا
يا لصغر هذا العالم
والله مشتاقين
وحليلك وحليل الخبر وام
الساهك
ودكتور عمار
يا خى زمن زمين والله
اتمنى انك تكون تمام التمام والبورد نوووووووووووووور
بينا الكتير
مودتى واشواقى

طارق الحسن محمد
06-04-2009, 11:09 PM
يا عمو طارق البرنجي زي ما تقول :

فوق القهوة ما جلاس يا عيني انا
و فوق الكورة ماخد الكاس يا عيني انا

شفت كيف :D:D

زوغة برضو يا ود سعد
اجب
او شل
ماهو البرنجى
واتحداك وشوف كل محركات البحث
ولا محركات طيارات
ماهو البرنجى
عشان تقعد فى القهوة وتاخد الكاس
البجد جد

توقيع موقت ؛

طارق عم ميادة
ال احرجتنا ظاتو والله

فيصل سعد
08-04-2009, 06:31 AM
زوغة برضو يا ود سعد
اجب
او شل
ماهو البرنجى
واتحداك وشوف كل محركات البحث
ولا محركات طيارات
ماهو البرنجى
عشان تقعد فى القهوة وتاخد الكاس
البجد جد

توقيع موقت ؛

طارق عم ميادة
ال احرجتنا ظاتو والله

يا شفت ما تبطل حركاتك دي :D:D
البرنجي شرحناو ليك فوق و يا هو الاول او الفائز :D:D
اها انت ورينا الناشونال او الناشولان شنو :D:D
و بالمرة خش لينا على السالط و البكري و الشديد و الداشر ..
عشان ما نرشك PERSONA NON GRATA و كدا :D:D

فيصل سعد
14-04-2009, 06:29 AM
اها يا شبارقة بتعرف الوروار ،،
و جمعها وراوير :D:D

فيصل سعد
15-04-2009, 07:37 AM
كيف تعرف أنك في عام 2009؟؟

1- تكتشف أن لديك خمسة عشر رقمًا هاتفيًا تخص أسرتك التي لا تزيد على ثلاثة أشخاص .

2- ترسل بريدًا الكترونيًا لزميلك في العمل الذي يجلس على مكتب مجاور لك.

3- تتدهور علاقاتك بأفراد أسرتك أو أصدقائك ممن ليس لديهم بريد الكتروني.

4- تقف بالسيارة تحت البيت ثم تتصل بالبيت بالموبايل لتطلب من يساعدك في حمل الاغراض.

5- كل إعلان في التلفزيون ينشر موقع إنترنت في أسفل الشاشة.

6- مغادرة البيت من دون أن تأخذ معك الموبايل – الذي لم تكن تستعمله طيلة عشرين أو ثلاثين عامًا من حياتك – تسبب لك الذعر فتعود لتأخذه.

8 - تصحو في الصباح فتفتح الإنترنت قبل أن تشرب الشاي او القهوة.

9- أنت الآن تقرأ هذا الكلام فتهز رأسك وتبتسم.( صاح )

10- أنت مشغول جدًا لدرجة أنك لم تلحظ أن القائمة بلا رقم ( 7 ).

11 - لقد حركت السطور لتتأكد من أنه لا يوجد رقم (7) فعلاً.

12 - انا متأكد انك لو رجعت مرة أخري ستجد أن الرقم 7 موجود و انك لم تلحظه جيدا.

13- لقد حركت السطور مرة أخرى لتتأكد و مع ذلك لم تجد الرقم 7 ، طبعا أنا شككتك و هذا دليل على غلاوتك عندي و أنك تصدق أي كلام يقال لك .


الآن أنت تضحك .. وترغب في إرسال هذه الرسالة إلى آخرين تحبهم بقدر محبتي لك !


* سبحان الله وبحمده عدد خلقه ورضاء نفسه وزنة عرشه ومداد كلماته *
استغفر الله وأتوب إليه * استغفر الله وأتوب إليه * استغفر الله وأتوب إليه

"من الايميل ، بتصرف"

فيصل سعد
17-04-2009, 09:30 AM
السلام و الرحمة و البركة :

محمد ابو عاقلة مشغول و بجهز للعرس، شبارقة ملخوم بالسايفونات ، بابكر مخير اختفى في ظروف غامضة، عم ميادة مركلس و لابد فوق رأي ، فيصل سعد قايم عليو حق الخواجات، ابو مناهل ساكي ليو ريدة كجر :D:D اها باقي الناس الحلوين وين :D:D
بس ما تقولوا المصطلحات كملت و كدا ،،

Only great minds can read this


This is weird, but interesting

fi yuo cna raed tihs, yuo hvae a sgtrane mnid too
Cna yuo raed tihs? Olny 55 plepoe out of 100 can.

I cdnuolt blveiee taht I cluod aulaclty uesdnatnrd waht I was rdanieg. The phaonmneal pweor of the hmuan mnid, aoccdrnig to a rscheear ch at Cmabrigde Uinervtisy, it dseno't mtaetr in waht oerdr the ltteres in a wrod are, the olny iproamtnt tihng is taht the frsit and lsat ltteer be in the rghit pclae. The rset can be a taotl mses and you can sitll raed it whotuit a pboerlm. Tihs is bcuseae the huamn mnid deos not raed ervey lteter by istlef, but the wrod as a wlohe. Azanmig huh? yaeh and I awlyas tghuhot slpeling was ipmorantt! if you can raed tihs forwrad it

أشتر
17-04-2009, 09:58 AM
صباحاتو يا جميل
وجمعتك كاربة وموزونة
عارف في كلمات تكفيها لمحة
نظرة ع الطائر
شكلها العام
حتى لو الاسبلينغ غلط ما مهم
المهم شوفة عيونك
زي رقم سبعة المافي
وما مهم وجودو بقدر ما مهم وجود شبارقة
ـ
ـ
المداخلة دي من الآيفون عشان كدا جات سليقة
لذا وجب التنويه

فيصل سعد
17-04-2009, 10:14 AM
صباحاتو يا جميل
وجمعتك كاربة وموزونة
عارف في كلمات تكفيها لمحة
نظرة ع الطائر
شكلها العام
حتى لو الاسبلينغ غلط ما مهم
المهم شوفة عيونك
زي رقم سبعة المافي
وما مهم وجودو بقدر ما مهم وجود شبارقة
ـ
ـ
المداخلة دي من الآيفون عشان كدا جات سليقة
لذا وجب التنويه

سليقة و سخينة و سوداء :D:D
و الحارة ما بردت و ست الدوكة ما فترت ،،
اها ، ما هو الفرق بين الرحمتات و الندر و الصدقة ؟؟
و ايفونك في السلك، و اخو بعلتك بختو تب :D:D

فيصل سعد
25-04-2009, 08:32 AM
الكلمة التي تحتها خط لو شكلتها لينا ح نفلفلها ليك فـَلـفـَلة :D

شبارقة يا ابن العم غيابك طال بالحيل
و عوقت شديد :D:D
و ما تعودنا منك جفاء و فراق، نتمنى
ان تكونوا بخير و عافية و في امن و امان ..

نسمع منكم ..

فتحي مسعد حنفي
25-04-2009, 10:19 AM
اها يا شبارقة بتعرف الوروار ،،
و جمعها وراوير :D:D



الوروار هو صفق الفجل الصغير..فهمت يا ورور:D

الفاتح
25-04-2009, 10:41 AM
الوروار هو صفق الفجل الصغير..فهمت يا ورور:D
يعني فيروز لمن غنت " يا رحلتي طير الورور"
كان قاصدة رحلة صفق الفجل الصغير!

فتحي مسعد حنفي
25-04-2009, 11:25 AM
يعني فيروز لمن غنت " يا رحلتي طير الورور"
كان قاصدة رحلة صفق الفجل الصغير!


طير الوروار طائر صغير مغرد يعشق أكل الورور..ياخي فوتها انت مالك لايوق كدا ..يعني غلطنا في البخاري..وبعدين انت مطلوب هناك في بوست شوقي بتاع الفرسان التلاتة..عفوا المتخلفين التلاتة..

فيصل سعد
29-04-2009, 02:49 AM
الكلمة التي تحتها خط لو شكلتها لينا ح نفلفلها ليك فـَلـفـَلة :D

شبارقة يا ابن العم غيابك طال بالحيل
و عوقت شديد :D:D
و ما تعودنا منك جفاء و فراق، نتمنى
ان تكونوا بخير و عافية و في امن و امان ..

نسمع منكم ..

و التحايا و التقدير لكما يا خواجة فتحي و للبنج شليل ..

شبارقة
29-04-2009, 08:31 AM
شبارقة يا ابن العم غيابك طال بالحيل
و عوقت شديد :D:D

تشكر يا ود سعد على السؤال ... لكن أخوك اليومين ديل معصور من جميع الجهات ومبتـّب تب :D

أها هاكم من بيت الكلاوي لغاية ما نفضى ليكم :
1- الرزامة 2- المفرفق 3- الجقلة 4- الخشش 5- الكوماج 6- بربح

7- المزرقن 8- الخمج

فيصل سعد
29-04-2009, 10:04 AM
تشكر يا ود سعد على السؤال ... لكن أخوك اليومين ديل معصور من جميع الجهات ومبتـّب تب :D

أها هاكم من بيت الكلاوي لغاية ما نفضى ليكم :
1- الرزامة 2- المفرفق 3- الجقلة 4- الخشش 5- الكوماج 6- بربح

7- المزرقن 8- الخمج

مرحبا بعودتك يا دينمو البوست يا كلس ،،
و ربك يسهل البتبتة، الا المرة دي جيت شايل مصطلحات تحير الما بتحير :D:D
و حالتك مستعجل و ملخوم و ما فضيت لينا :D:D

طارق صديق كانديك
29-04-2009, 10:11 AM
صباح الخير يا ودعمك .. وضيوفك

اها اللخو .. ( القرقاب ) بضم القاف الأولى وفتح القاف التانية .. !!!

أرقد عافية وأمنيات

فيصل سعد
29-04-2009, 10:20 AM
صباح الخير يا ودعمك .. وضيوفك

اها اللخو .. ( القرقاب ) بضم القاف الأولى وفتح القاف التانية .. !!!

أرقد عافية وأمنيات

ممكن نستعين بصديقة يا ابو الطرق ؟؟

تسلم و تطيب ..

الفاتح
29-04-2009, 10:32 AM
طير الوروار طائر صغير مغرد يعشق أكل الورور..ياخي فوتها انت مالك لايوق كدا ..يعني غلطنا في البخاري..وبعدين انت مطلوب هناك في بوست شوقي بتاع الفرسان التلاتة..عفوا المتخلفين التلاتة..

ده يقولو عليهو شنو الرد ده ،
تهكم ؟ رد ما مهذب ؟ قاصد شنو بالإشارة بتاعة المتخلفين التلاته؟
ياخ أنا ما عندي زمن أضيعو في مهاترات فارغة
إتداخلت معاك بقصد التصويب
إتقبلتا حبابك ، ما إتقبلتا برضو حبابك
لكن ما تشير لإشارات خبيثة ، خليك واضح وما تلوًح لي بالبخاري ، والمتخلفين التلاته ، والشياطين الطلطاشر
كويس؟

فيصل سعد
29-04-2009, 11:13 AM
الاخ شليل ، هون على نفسك يا اخي
و لا اعتقد ان اخونا فتحي يضمر سؤا
و يقصد شرا، و بوست شوقي الذي
دعاك بالتداخل فيه يحمل اسم المتخلفين
الثلاثة .. الرجاء عدم الانفعال و سبق
الاحداث و لتنتظر رد فتحي و تتفاهموا ..

كونوا بخير و ارقدوا عافية ..

شبارقة
29-04-2009, 04:47 PM
اها اللخو .. ( القرقاب ) بضم القاف الأولى وفتح القاف التانية .. !!!


القرقاب أو (القرباب) هو الإزار الكان بتلفحوا بيهو جدودنا وحبوباتنا .... ويمكنكم الرجوع لمداخلة العم شوقي بدري في بوست الخال خالد بتاع حبوباتنا الكانن أمفكو :D

طارق صديق كانديك
29-04-2009, 04:49 PM
القرقاب أو (القرباب) هو الإزار الكان بتلفحوا بيهو جدودنا وحبوباتنا .... ويمكنكم الرجوع لمداخلة العم شوقي بدري في بوست الخال خالد بتاع حبوباتنا الكانن أمفكو :D

ههههه

لقيتك متابع بالجد تفتيحه يا ود عمك .. !!

تحياتي

طارق صديق كانديك
29-04-2009, 04:50 PM
ممكن نستعين بصديقة يا ابو الطرق ؟؟

تسلم و تطيب ..

ممكن يا الحبيب بس .. قد سبقك بها .. شبارقة .. !!!

مودتي

شبارقة
29-04-2009, 04:51 PM
ههههه

لقيتك متابع بالجد تفتيحه يا ود عمك .. !!

تحياتي

وينك يا طارق ؟ مشتاقين وسلامات
رجعت أعدّل الخطأ الكتابي في كلمة الإزار لقيتك خطفت المداخلة ... إنت لابد لينا هنا ولا ّ شنو ؟:D

شبارقة
29-04-2009, 05:01 PM
في المداخلة رقم 1863 سألناكم يا طارق عن بعض الكلمات من ضمنها كلمة الـُخشش ... وشايف توقيعك الجميل مأخوذ من أوبريت سودانية ... وكلمة الخشش مذكورة في الأوبريت :

بت الحر وام الحر واخت الحر
وست الضنبة مردوم بي وراهو بجر
ست الفي الخشش من العصير بنتر
ست الخيل وست الفي القلوب بنقر
وام الحلفو بيك وبي العذاب المر
مابختولك الشينة ومناحة كر

أها بعد المساعدة دي إن شاء الله تكونوا عرفتو معنى الخـُشش ؟!!

طارق صديق كانديك
29-04-2009, 05:12 PM
وينك يا طارق ؟ مشتاقين وسلامات
رجعت أعدّل الخطأ الكتابي في كلمة الإزار لقيتك خطفت المداخلة ... إنت لابد لينا هنا ولا ّ شنو ؟:D

كيفك يا حلو ..؟

عملنا اللازم يا جميل

لابد ساي لابد جدن جدن

تحياتي

طارق صديق كانديك
29-04-2009, 05:15 PM
في المداخلة رقم 1863 سألناكم يا طارق عن بعض الكلمات من ضمنها كلمة الـُخشش ... وشايف توقيعك الجميل مأخوذ من أوبريت سودانية ... وكلمة الخشش مذكورة في الأوبريت :

بت الحر وام الحر واخت الحر
وست الضنبة مردوم بي وراهو بجر
ست الفي الخشش من العصير بنتر
ست الخيل وست الفي القلوب بنقر
وام الحلفو بيك وبي العذاب المر
مابختولك الشينة ومناحة كر

أها بعد المساعدة دي إن شاء الله تكونوا عرفتو معنى الخـُشش ؟!!


في ظني الذي أتمنى ألا يكون مأثوماً .. انو الخشش هي ( الأدغال أو الغابة الكثيفة ) ولعله أراد أن يقول أنها ست ( الأسد ) .. !!
تحياتي

شبارقة
29-04-2009, 05:23 PM
تعرف يا حبيبنا طارق توقيعك ده هيج لينا لواعج الزكرى وحرك بٌحيرة كانت ساكنة في دواخلنا ... فيك الفيل وفيك العنزة والجاموس
وفيك التيتل اللبات قرونه تروس
وفيك الأصلة والدابي أب درق وجروس
وفيك ريل الودي البي ناله راتع يجوس
وفيك صقر الكواهلة العينو كالفانوس
وفيك فهود وفيك نمور وفيك طاؤوس
وفي نيلك عشاري يشيل من الجاقوس


أها أشرحوا لينا المكتوب باللون الأحمر ... عشان الحناكيش وناس شهادة عربية يستفيدوا ويخشوشنو :D

شبارقة
29-04-2009, 05:43 PM
تيلادك مسكـّر في الخـِزن محروس
هجليج وأندراب ومهوقني وابنوس
ومن صمغ الهشاب سوي السنط ترتوس
ومن شدر التبلدي الموية كوس في كوس
ومن ضل النخيل الشمس دايرة تكوس
ومن حرب المطر فرع الحراز مدروس
ومن شوك السدر جيش السلم هكسوس
ومن زهر التبر البادية باقية عروس
وبي توب البرم سوي الطلح ملبوس
ومن شدر الاراك عطر الرعاش مبثوث
ومن سيف العشر جيش هكس صار مهروس


خـُشوا على الأحمر في أبريت سودانية أعلاه

شبارقة
29-04-2009, 06:06 PM
الاخ شليل ، هون على نفسك يا اخي
و لا اعتقد ان اخونا فتحي يضمر سؤا
و يقصد ..

عزيزنا شليل

أعتقد عمنا فتحي وكعادته لا يقصد غير المزاح والدعابة والهظار

البوست ده وصل الصفحة 126 وما في زول زعل من زول إلا زعلة صغيرونة من أختنا همس الشوق (وكان إسمها حلم الأماسي وقتها :D) والمتسبب كان أخونا العريس القال ح ينفض الكيس يوم 1/5 (ورجعت المياه لمجاريها .. وعسل على لبن ).
لك العتبى أخونا شليل حتى ترضى ... والخواجة راجل طيب وقلبو كبير (ما يقوم عمنا فتحي يزعل مننا هو كمان .. لأن صاحب القلب الكبير تعني أحيانا الزول الخواف :D)

فتحي مسعد حنفي
01-05-2009, 02:20 AM
[

انا عم خضر الحاوي ذاتو بعرفو ومشيت ليهم في البيت لامن مرة كنت في السودان في اجازة الحاصل..وحسين خضر كان هناك والراجل فعلا وراني حاجات خطيرة لكن ما علمني حاجة....ما علينا وانا ما عايز اعمل ليك احباط ومشاكل مع الناس لكن انت اجبرتني فيا حضرة القانوني المؤهل شوقي بطريق غير مباشر رد عليك وانت ما انتبهت لي كلامو وانا بوريك هسه بعد ما حضرتك ما كتبت مداخلتك الفيها اتهام لي... شوقي طوالي نزل وراك بوست اسمو اولاد فريق عمايا...أها فهمت دي ولا لا..ولو ما فهمت اسأل فيصل سعد وهو حيشرحها ليك..[/color]

FF1493]المشاركة الأصلية كتبت بواسطة فيصل سعد
اها يا شبارقة بتعرف الوروار ،،
و جمعها وراوير
الوروار هو صفق الفجل الصغير..فهمت يا ورور [/size]



[color=#0000FF]يا شليل للأسف الرد دا جا فيك انت بدون قصد عشان السأل عن الوروار كان فيصل سعد وبعدين أنا رديت عليه وانت جيت في الخط وسألت عن وروار فيروز وأنا عشان كنت مع فيصل ما انتبهت ان الرد بتاعك ما كان من فيصل وعملت المداخلة الزعلتك علي اساس اني برد علي فيصل واطلاقا ما لاحظت ان المداخلة منك انت والدليل اني قلت فيها انت مطلوب في بوست المتخلفين التلاتة زي ما شايف في الكوت الفوق دا..
من حقك تصدق ومن حقك تفتكرني راجل جبان نكر حاجة قالها..وصدقني أنا اليومين ديل أنا ذاتي طاقاني زهجة وقرفة وكايس لي زول يديني سبب عشان أبطل كتابة في المنتديات عشان الواحد بقي شايف روحو عواطلي والعملية بدت تكون نوع من الادمان وتضييع وقت وزي ما ملاحظ أنا بقيت مداخلاتي نادرة ومع ناس معينين أنا متأكد انهم ما بيزعلو مني جتي لو غلطت فيهم.. وأهي كمان دايرة تجيب ليها زعل من ناس انا بحترمهم..

فتحي مسعد حنفي
01-05-2009, 07:42 PM
مازلت في انتظارك يا شليل لان هذه المداخلة ستكون آخر علاقتي بسودانيات..

الفاتح
02-05-2009, 07:35 AM
مازلت في انتظارك يا شليل لان هذه المداخلة ستكون آخر علاقتي بسودانيات..
لا حولتي..
وحاتك يا أبو الفتوح ما شايل أي حاجه تجاهك
يمكن لسوء حظك/أو حظي كتبت في مزاج سئ
والغريبة على التعترك/نا.. دخلت البوست بتاع مصطلحات سودانية عشان أرسل رسالة داخلية لقيت ردك ، وأخوك كان في مزاج سئ للغايه.. فما إنتبهت لمداخلتك بعين بتاعة إخوان وهظار وزهايمر وجلكسات..
غلطان لأنو ما راجعت مداخلتي.. وما إنتبهت للردود ، ده بس لسبب بسيط إني ما شايل منك ومابفتش للبوستات البتغذي عدائي للناس..
شكراً جزيلاً لهاشم طه النبهني لجريرة زهجي/زهايمرك
وعذراً يا أبو الفتوح.. وآسف جداّ جداّ على سوء الفهم..
عذراً يا أبو الفياصل ، شبارقة ، كل من إستاء على تحوير البوست
عذراً شديداً يا بلد.

منال
02-05-2009, 08:14 AM
سلامات احبابى

يانا نحن كدا و ياها المحرايا فوق راجلنا البعدلو المايلة و البسندو قفانا .

و السمحة الفينا ياها الاعتذار البجى صادق من جوانا النبيل .

و العجيبة المشايلة القاعدين نتشيلا كلنا دى (ياخى دى الطبع و الخصال الفينا) ناس براحة تخت الكورة واطة و نتلم كلنا و نقول نحن كدا .

عالم من التواصل و المحبة

مودتى و احترامى لكل من مرة بهذا البوست البمثل حياتنا و مجتمعنا

فتحي مسعد حنفي
02-05-2009, 01:13 PM
لا حولتي..
وحاتك يا أبو الفتوح ما شايل أي حاجه تجاهك
يمكن لسوء حظك/أو حظي كتبت في مزاج سئ
والغريبة على التعترك/نا.. دخلت البوست بتاع مصطلحات سودانية عشان أرسل رسالة داخلية لقيت ردك ، وأخوك كان في مزاج سئ للغايه.. فما إنتبهت لمداخلتك بعين بتاعة إخوان وهظار وزهايمر وجلكسات..
غلطان لأنو ما راجعت مداخلتي.. وما إنتبهت للردود ، ده بس لسبب بسيط إني ما شايل منك ومابفتش للبوستات البتغذي عدائي للناس..
شكراً جزيلاً لهاشم طه النبهني لجريرة زهجي/زهايمرك
وعذراً يا أبو الفتوح.. وآسف جداّ جداّ على سوء الفهم..
عذراً يا أبو الفياصل ، شبارقة ، كل من إستاء على تحوير البوست
عذراً شديداً يا بلد.



العزيز شليل..
الاعتذار من شيم الكرام الشجعان والاستمرار في الغي من شيم اللئام حاشاك..
للأسف كلانا قد تناول حوار هذا الموضوع وهو في قمة الزهج..وشكرا لحمامة السلام الأخ هاشم الذي تابع الموضوع حتي أوصله الي بر الأمان وهذا ليس غريبا عليه.. وشكري لكل من تداخل دفاعا عن نواياي...فيصل وشبارقة وحتي هؤلاء الذين استغربوا ولم يتدخلوا في انتظار التوضيح..
قفل هذا الباب بالضبة والمفتاح ولك أيضا العتبي وأوعدك بتغيير النضارة وأكل 7 تمرات لزوم علاج الزهايمر..
تخريمة: هل صحيح انو الكنفوس هو الأولويز البلدي:confused:goood:D

الفاتح
02-05-2009, 02:27 PM
العزيز شليل..
الاعتذار من شيم الكرام الشجعان والاستمرار في الغي من شيم اللئام حاشاك..
للأسف كلانا قد تناول حوار هذا الموضوع وهو في قمة الزهج..وشكرا لحمامة السلام الأخ هاشم الذي تابع الموضوع حتي أوصله الي بر الأمان وهذا ليس غريبا عليه.. وشكري لكل من تداخل دفاعا عن نواياي...فيصل وشبارقة وحتي هؤلاء الذين استغربوا ولم يتدخلوا في انتظار التوضيح..
قفل هذا الباب بالضبة والمفتاح ولك أيضا العتبي وأوعدك بتغيير النضارة وأكل 7 تمرات لزوم علاج الزهايمر..
تخريمة: هل صحيح انو الكنفوس هو الأولويز البلدي:confused:goood:D


أشكرك شديد يا أبو الفتوح على تقبل إعتذاري
مع إنو ما شايفك ما قاعد تخستك معاي شديد ، وبتتعامل معاي بجديه شديده..
ياخ ميتين الورور وميتين صفق الفجل الأخضر ، والأخضر الإبراهيمي كمان..
آسف جداً جداً على تهوري ، وثق إذا حسيت بيك ما إتقبلت إعتذاري ده
بتلب بكره طوالي في كايرو " جلابيه " على الأقل أخمش لي سمسميه سمسميتين منك .

عادل عسوم
02-05-2009, 03:00 PM
أشكرك شديد يا أبو الفتوح على تقبل إعتذاري
مع إنو ما شايفك ما قاعد تخستك معاي شديد ، وبتتعامل معاي بجديه شديده..
ياخ ميتين الورور وميتين صفق الفجل الأخضر ، والأخضر الإبراهيمي كمان..
آسف جداً جداً على تهوري ، وثق إذا حسيت بيك ما إتقبلت إعتذاري ده
بتلب بكره طوالي في كايرو " جلابيه " على الأقل أخمش لي سمسميه سمسميتين منك .
هسي الأخضر الأبراهيمي دة مالكم ومالو:mad::D
بصدق أخي شليل ما كانت تلك (العترة) لتشبهك في شئ وأنت الذي نعلم!
لكن قلبي كان محدثي بأنك ستراجع نفسك وقد حدث
فوالله كم أراحني أعتذارك لعمنا فتحي ...أذ الرجل يملك قلبا يسع الناس جميعا
والأعتذار بحق لا يزيد العزيز الاّ عزا!
أما أنت ياأبو آلاء:
ياخي فيصل بالفاء وشليل بالشين :p:D
تسلم شليل ياحبيب
وتسلم فتحي يافارع
مودتي

فتحي مسعد حنفي
02-05-2009, 03:14 PM
ياخي فيصل بالفاء وشليل بالشين
تسلم شليل ياحبيب
وتسلم فتحي يافارع
مودتي



انت ياعادل لخبطة الكيزان ما داير تبطلاlooool شفت دا بيعمل كيف بي راسو ..بيقول ليك طالعني:D
العملية ما لخبطة حروف الموضوع لو رجعت لي الحتة المقصودة حتلقي انو شليل دخل في حتة انا كنت مستني فيها رد فيصل..يعني زي ما الخواجات بقولوا: he inserted himself in the rong place accidently.. وأخوك بدون ما يشوف منو الكاتب الرد طوالي قام دور الكي بورد..
وانت ياخوي قاعد لابد بتتفرج وخايف تجيك طوبة ولا شنوgoood عموما انت واحد من الناس الانا قلت عليهم مستنيين التوضيح وبعدين يخشو.

الفاتح
02-05-2009, 03:26 PM
طوبة عادل دي خليها..
إنت ما قلت لي
بتجي وللا نجي

الفاتح
02-05-2009, 03:27 PM
فيصل، وهاشم ، وشبارقه ، وعادل
التحيه ليكم

فتحي مسعد حنفي
02-05-2009, 03:31 PM
أشكرك شديد يا أبو الفتوح على تقبل إعتذاري
مع إنو ما شايفك ما قاعد تخستك معاي شديد ، وبتتعامل معاي بجديه شديده..
ياخ ميتين الورور وميتين صفق الفجل الأخضر ، والأخضر الإبراهيمي كمان..
آسف جداً جداً على تهوري ، وثق إذا حسيت بيك ما إتقبلت إعتذاري ده
بتلب بكره طوالي في كايرو " جلابيه " على الأقل أخمش لي سمسميه سمسميتين منك .


يا شليل انت ما محتاج اعتذار وأنا ذاتي لامن قريت ردك الأول عذرتك علي زعلك لكن بس استغربت للاسلوب وانك ما عندك وقت للمهاترات..
بعدين ابعد من الأخضر عشان ود ابو عاقلة ما يزعل لو هبشت الموز بتاعو ;)ودي بالله ما تفهما غلط..
حكاية الجدية معاك دي حقيقة وليها طبعا سبب..أنا كنت في الأول بهزر معاك وفاكيها للآخر وابتديت معاك لامن قلت ليك انت جيت من وين...ما قالو الدودو ختفك..
لكن بعد موضوعك مع أحد الاشخاص الاعتبرتو تطاول في ذكر آل بيتك ورد فعلك العنيف قلت يازول اعمل حسابك الزول دا ما يفهمك في يوم غلط ويجيك شايل سكينتو للقاهرة وانا بي صراحة حجاب السكين ضاع مني في الامارات..
موضوع جيتك دي حتكون بالخسارة عشان جلابية كايرو في الخرطوم سانت جيمس سابقا ومطعم زميلي في الدراسة صلاح البربري حاليا.. وأنا في القاهرة الداعرة.. والسمسمية هنا فاتت واو وجوبا..تخليك ترجع كداري..
في انتظار قدومك.
تسلم

الفاتح
02-05-2009, 03:45 PM
عشان ود ابو عاقلة ما يزعل لو هبشت الموز بتاعو ودي بالله ما تفهما غلط
:D:D

فتحي مسعد حنفي
02-05-2009, 04:35 PM
:D:D


تبقي فهمتها غلط والخايف منو أنا حصل..شيل شيلتك مع ود أبو عاقلةgoood

شبارقة
02-05-2009, 07:43 PM
نحمد الله على إنقشاع سحابة الصيف العابرة ما بين عمنا فتحي وأخونا شليل ... وهكذا سودانيات دائما ً .. تفاهم وحب ومودة .

ونرجع لموضوع البوست ... وكدي حاولو أشرحو لينا مقطع ود بادي الشعري التالي في شكل قصة لو سمحتو عشان الحناكيش والحنكوشات يستفيدو :

مِرحاتنا شرابهن يوت ماغبَّن
شبعانات في الشقل أب شوك ... ما شبّن
الحُمَّل ولدن وربّن
حَلمَاتِن تِقلن..جَرّن.. فوق سيقانن كبّن
اللبن العاتم في ضرعاتن جبّن
المغصة إن كان ضرعاتن خِربن
القرعة آ وليد .. السعن آ بنيا
القربة كمان... كبوها الميا
المغصة إن كان ضرعاتن خربن

فيصل سعد
02-05-2009, 10:29 PM
السلام و التحايا للجميع هنا
دمتم و دام صفاكم ،،

و يا خواجة وحياة الخوة ، تاني لو مزاجك اتعكر، و اكيد حيتعكر
طالما النفس طالع و نازل، الفرمالة دي اغمتها بعيد و ما تجي متلب بيها تاني :


مازلت في انتظارك لان هذه المداخلة ستكون آخر علاقتي بسودانيات..



و حقوا تفصل علاقتك بسودانيات عن جميع الظروف و الاجواء المناخية و الذهنية و كدا :D:D ، بعدين منتظرنك تفكفك لينا موز ود ابوعاقلة و كدا :D:D عشان نوريك آخر اخبارو مع البرتكان و العنب و الدوم و التمرهندي ..

فتحي مسعد حنفي
02-05-2009, 11:12 PM
السلام و التحايا للجميع هنا
دمتم و دام صفاكم ،،

و يا خواجة وحياة الخوة ، تاني لو مزاجك اتعكر، و اكيد حيتعكر
طالما النفس طالع و نازل، الفرمالة دي اغمتها بعيد و ما تجي متلب بيها تاني :



و حقوا تفصل علاقتك بسودانيات عن جميع الظروف و الاجواء المناخية و الذهنية و كدا :D:D ، بعدين منتظرنك تفكفك لينا موز ود ابوعاقلة و كدا :D:D عشان نوريك آخر اخبارو مع البرتكان و العنب و الدوم و التمرهندي ..





QUOTE=فيصل سعد;143842][B]السلام و التحايا للجميع هنا
دمتم و دام صفاكم ،،

[color=#FF0000]و يا خواجة وحياة الخوة ، تاني لو مزاجك اتعكر، و اكيد حيتعكر
طالما النفس طالع و نازل، الفرمالة دي اغمتها بعيد و ما تجي متلب بيها تاني :



[size=6]كدي وريني الفرمالة دي شنو..ياخ ارتفع لي مستوي كندا وأنسي بري وتوتي:

و حقوا تفصل علاقتك بسودانيات عن جميع الظروف و الاجواء المناخية و الذهنية و كدا :D:D ، بعدين منتظرنك تفكفك لينا موز ود ابوعاقلة و كدا :D:D عشان نوريك آخر اخبارو مع البرتكان و العنب و الدوم و التمرهندي ..



أفصلها كيف وهي جايبة لي الهوا:D
يازول ود ابو عاقلة دا زول لسانو طويل ما بقدر عليهو فبالله ما تدخلني معاهو في مشاكل
والحمدلله الحاجات القلتها كلها اكبر حاجة فيها البرتكانة..تخيل لو كان معاها بطيخة روسمان..أها شفت انا قمت أفلت.يافيصل بالله ما تهبشني أنا ما ناقص خرفgoood

فيصل سعد
02-05-2009, 11:36 PM
QUOTE=فيصل سعد;143842]
[size=6][color=#4169E1]كدي وريني الفرمالة دي شنو..ياخ ارتفع لي مستوي كندا وأنسي بري وتوتي:


[B]الفرمالة دي يا ود حلة حمد:

مازلت في انتظارك لان هذه المداخلة ستكون آخر علاقتي بسودانيات..


يعني تبطل حنبكة و لو زهجت او زهجناك ما تفرتق التمرين :D:D و تشيل كورتك و تفرتق يا قون التحرير يا صاحب زاهر :D:D

طارق صديق كانديك
06-05-2009, 05:53 PM
العزيز شبارقة

مساء الخير

تعال مارق ياخ .. فك طلاسم أبيات الشعر ديك وفك لينا معاك ... المدفونة بتكسر المحرات .. !!

ود سعد مساك الله بالخير

بسمله
06-05-2009, 09:25 PM
نحمد الله على إنقشاع سحابة الصيف العابرة ما بين عمنا فتحي وأخونا شليل ... وهكذا سودانيات دائما ً .. تفاهم وحب ومودة .

ونرجع لموضوع البوست ... وكدي حاولو أشرحو لينا مقطع ود بادي الشعري التالي في شكل قصة لو سمحتو عشان الحناكيش والحنكوشات يستفيدو :

مِرحاتنا شرابهن يوت ماغبَّن
شبعانات في الشقل أب شوك ... ما شبّن
الحُمَّل ولدن وربّن
حَلمَاتِن تِقلن..جَرّن.. فوق سيقانن كبّن
اللبن العاتم في ضرعاتن جبّن
المغصة إن كان ضرعاتن خِربن
القرعة آ وليد .. السعن آ بنيا
القربة كمان... كبوها الميا
المغصة إن كان ضرعاتن خربن

ايوه
اشرحو اشرحو

:mad:

فيصل سعد
07-05-2009, 06:48 AM
ود سعد مساك الله بالخير

مساء النور يا حبوب ... و نهارك سعيد
و صباحاتك ورد و لياليك حالمة ...

سارة
07-05-2009, 07:14 AM
المدفونة بتكسر المحرات .. !!

عاملين فيها gooodgoood

اشرحوا لينا الكلام دا

فيصل سعد
07-05-2009, 07:18 AM
عاملين فيها gooodgoood

اشرحوا لينا الكلام دا

بس اوعاك يكون عندها علاقة بالبعر و الزرائب و الكجور
و الحسادة و البغر و الغيرة ،، لانو ابو اماني الضحك بشرطوا و كدا :D:D

تسلمي يا بت العم ،،
و زيارتك هنا تسر و تبهج
و تسعد و تفرح ملء الاشداق ..

فيصل سعد
07-05-2009, 07:28 AM
المدفونة بتكسر المحرات .. !!

اشرحوا لينا الكلام دا

الأنيقة سارة

مساء الخير

أولا ألتمس عذرك في تأخر اطلاعي على هذه المشاركة .. الكبر حصل أكيد .. دي عشان طارق صديق كانديك ما يمسك فيها .. !!

فلك العتبى

المدفونة بتكسر المحرات ..

كما تفضلتي معنيين احدهما ظاهر وآخر خفي ربما كان الأخير هو المراد من اطلاق المقولة التي تستجمع من الحكمة الكثير .. !!

فلو أن محراثاً يحرث أرضاً وصادف شئ قوي ومدفون سيكسره ( المحراث ) لا محالة .. وربما نزع من أطلق هذا القول الى أن النفس التي تستبطن بعض المواقف في دواخلها .. ربما عجزت أغلب المحاولات في رأب ما شابها أو هكذا تصوري لهذا القول السهل الممتنع .. !!

يبدو لي أحسن نشيلو نوديهو بوست مصطلحات سودانية نخلي الجماعة يفتونا فيه أكثر .. !!

خالص مودتي

* طبعا لا يخفى عليك انه المداخلة دي ملطوشة
مع سبق الاصرار و الترصد و كدا :D:D

طارق صديق كانديك
07-05-2009, 07:39 AM
ونرجع لموضوع البوست ... وكدي حاولو أشرحو لينا مقطع ود بادي الشعري التالي في شكل قصة لو سمحتو عشان الحناكيش والحنكوشات يستفيدو :

مِرحاتنا شرابهن يوت ماغبَّن
شبعانات في الشقل أب شوك ... ما شبّن
الحُمَّل ولدن وربّن
حَلمَاتِن تِقلن..جَرّن.. فوق سيقانن كبّن
اللبن العاتم في ضرعاتن جبّن
المغصة إن كان ضرعاتن خِربن
القرعة آ وليد .. السعن آ بنيا
القربة كمان... كبوها الميا
المغصة إن كان ضرعاتن خربن

شبارقة .. صباح البوادي

جهد المقل .. هو أن أقول ..


مرحاتنا .. أي .. بهائمنا وتطلق غالباً على المجموع من الضان أو الماعز .. وشرابن يوت .. أي منحهن للألبان مستمر ومتواصل ومنتظم لا غياب فيه اذ انهن ( شبعانات ) في الشقل اب شوك .. أي يأكلن مما انخفض من الحشائش أو صغار الأشجار ما شبن .. لم تشرئب أعناقهن لتناول ما طال من الأشجار .. مما يوحي بكثرة اخضرار الأرض وهكذا تنتفي الحاجة لمد اعناقهن لما علا عليهن وارتفع .. !!

الحمل ولدن وربن .. أي .. ذوات الأحمال منهن قد ولدن وعملن على تربية مواليدهن من الصغار .

حلماتن تقلن .. جرن .. فوق سيقانن كبن .. صورة بهية جداً لإمتلاء الضرع منهن لبناً تدلت له أطراف أثداتهن حتى أنهن بللن سيقانهن لبناً من كثرة ما يحملن من لبن .. وهو أمر عادجةً لا يحدث إلا بعد أن يكن ( المرحات ) في غاية الشبع .. !!

اللبن العاتم في ضرعاتن .. جبن .. !

وتلك صورة أخرى توحي بأنهن على كثرة تزيد عن حاجة استهلاك البانهن فكادت تلك الألبان أن تتجبن .. ربما مبالغة في الوصف .. اذ أن عدم استحلابهن أدى لئن تتجبن تلك الألبان في أثدائهن .. والجدير بالملاحظة أن عدم حلب الأثداء المملوءة لبناً ربما أضر ( بالمحلوبة ) شاةً كانت أم غيرها فيتكور ثدييها ويؤلمها ألماً بليغاً وهو ما عبر عنه بقوله ..
المغصة ان كان ضرعاتن خربن .. !!
وكان قد مهد لهذا الإستنتاج بالبيت الذي قبله حين تحدث عن بقاء اللبن في ضرعاتهن حتى .. أصبح قوياً نوعاً ما كالجبن .. !!

القرعة .. آ وليد .. السعن آ بنية .. !!

القرعة .. اناء من شجر يقطع على شكل ( نصف بطيخة ) يستخدم لحلب اللبن أما السعن فهو اناء أيضاً من نبات يقفل جيداً وربما استعاض عنه بعض الناس في السودان بما يعرف ب ( البخسة ) بضم الباء وفتح السين فتحاً لا يتسرب منه اللبن .. !!!
القربة كمان .. كبوها الميه .. !!

وكذلك القربة .. وهي مصنوعة من الجلد ( غالباً جلد ماعز) لصغره وامكانية تشكيله بسهولة نسبية عن غيره .. وتحمل فيها المياه وهو تقليد اتبعه العرب الرحل في السودان وغيره .. حتى أصحاب ( اللواري ) مؤخراً أصبحوا يحملونها على صفحات عرباتهم ( ثلاجة متحركة ) .. ! !

تحياتي

Nour
07-05-2009, 07:39 AM
نحمد الله على إنقشاع سحابة الصيف العابرة ما بين عمنا فتحي وأخونا شليل ... وهكذا سودانيات دائما ً .. تفاهم وحب ومودة .

ونرجع لموضوع البوست ... وكدي حاولو أشرحو لينا مقطع ود بادي الشعري التالي في شكل قصة لو سمحتو عشان الحناكيش والحنكوشات يستفيدو :

مِرحاتنا شرابهن يوت ماغبَّن
شبعانات في الشقل أب شوك ... ما شبّن
الحُمَّل ولدن وربّن
حَلمَاتِن تِقلن..جَرّن.. فوق سيقانن كبّن
اللبن العاتم في ضرعاتن جبّن
المغصة إن كان ضرعاتن خِربن
القرعة آ وليد .. السعن آ بنيا
القربة كمان... كبوها الميا
المغصة إن كان ضرعاتن خربن

فيصل سلامات نفسي انقطع لحدي ما وصلت نهاية البوست عقبال ماانتهي من قهوة النشاط.

كدي النشرح ليكم الكلام اعلاه حسب فهمي انا.
اولا المراح هو القطيع من البهائم والمواشي هو بقصد انه مراحه دايما بشرب الموية يعني اون ديلي بيز وكدا. والمراح دا شبعان بياكل قش او عشب خالص ما برعي في حتات الشوك وهو طبعا بفخر يابمنطقته او بقوته وشجاعته وصبره لانه معروف انه الرعي بحتاج للحاجات دي في حالة انه مرعاهم بائس وفقير فبحتاجوا يسافروا والسفر فيه الخطر. البهايم البريغنانت ولدوا وربوا صغارهم اها طبعا بعد الدليفيري اللبن بكتر لدرجة انه بكون كتير ولو ماحلبوه ببقي جبنة فهو بنادي لاولاده القرعة يابت القرعة من نبات اسمو القرع بقطعوه نص بتبقي زي الكورة السعن دا بصنعهوه من جلد البهايم بعد مايحلقوه وبخشوا فيهو اللبن عشان يطلع السمن والروب يخشوا دي يعني يكبوا اللبن جوا السعن ويهزوهو هز متواصل لحدي مايطلعوا السمن والبغاشة والروب وهلم جرا اعتماد الناس في معيشتهم علي اللبن يجعلوا خوفهم من خربان ضرعات البهايم حقيقي ورهيب يعني لو خربوا هم ببيتوا القوا يعني من غير عشاء يعني دايت اجباري ان شاء الله الحناكيش فهموا.

طارق صديق كانديك
07-05-2009, 07:47 AM
* طبعا لا يخفى عليك انه المداخلة دي ملطوشة
مع سبق الاصرار و الترصد و كدا :D:D

ههههههههه

أسبق واترصد سااااي .. مسامحك يااا حبيبي .. !!

نقلك بتصرف ذكي برضو ... :D

تحياتي

سارة
07-05-2009, 09:15 AM
بس اوعاك يكون عندها علاقة بالبعر و الزرائب و الكجور
و الحسادة و البغر و الغيرة ،، لانو ابو اماني الضحك بشرطوا و كدا :D:D

تسلمي يا بت العم ،،
و زيارتك هنا تسر و تبهج
و تسعد و تفرح ملء الاشداق ..

انت فى البعر ولا فى القال ليها:-

نهدك مدفع المانيا الضرب بريطانيا

معشوقك سهى وصل الرقيبة تمانية


دى ىشرحها ما صعب علا المانيا وين وبرطانيا وين دا البخلينا نمشى للكجور عشان يفسر

ليناgoood

ولا القال ليها:

جاهله وجافية ضامر جيدها ساكنة خفاك ( بضم الخاء)
وجيدك يا ام مقل زايد علي هلاكى

فرع المحلب الما بتدخلو العتة

شعرك ريش نعام نهدك طبنجة ابو ستة

شوفتك يا ام رشوم الروح تفارق الجتة

اشرح ما تحته خط وبطل اقتباسات ( عالم عجيبة أتأهلوا ياخ :mad:)

تكون ياربى جاهلة صغيرة ولا جاهلة يعنى يخرب ما بتعرف كوعها من بوعا

بالمناسبة شنو كوعها من بوعها

شبارقة
07-05-2009, 04:06 PM
العزيز شبارقة
مساء الخير
تعال مارق ياخ .. فك طلاسم أبيات الشعر ديك وفك لينا معاك ... المدفونة بتكسر المحرات .. !!


ايوه
اشرحو اشرحو

:mad:

شبارقة .. صباح البوادي

جهد المقل .. هو أن أقول ..

مرحاتنا .. أي .. بهائمنا وتطلق غالباً على المجموع من الضان أو الماعز .. وشرابن يوت .. أي منحهن للألبان مستمر ومتواصل ومنتظم لا غياب فيه اذ انهن ( شبعانات ) في الشقل اب شوك .. أي يأكلن مما انخفض من الحشائش أو صغار الأشجار ما شبن .. لم تشرئب أعناقهن لتناول ما طال من الأشجار .. مما يوحي بكثرة اخضرار الأرض وهكذا تنتفي الحاجة لمد اعناقهن لما علا عليهن وارتفع .. !!

الحمل ولدن وربن .. أي .. ذوات الأحمال منهن قد ولدن وعملن على تربية مواليدهن من الصغار .

حلماتن تقلن .. جرن .. فوق سيقانن كبن .. صورة بهية جداً لإمتلاء الضرع منهن لبناً تدلت له أطراف أثداتهن حتى أنهن بللن سيقانهن لبناً من كثرة ما يحملن من لبن .. وهو أمر عادجةً لا يحدث إلا بعد أن يكن ( المرحات ) في غاية الشبع .. !!

اللبن العاتم في ضرعاتن .. جبن .. !

وتلك صورة أخرى توحي بأنهن على كثرة تزيد عن حاجة استهلاك البانهن فكادت تلك الألبان أن تتجبن .. ربما مبالغة في الوصف .. اذ أن عدم استحلابهن أدى لئن تتجبن تلك الألبان في أثدائهن .. والجدير بالملاحظة أن عدم حلب الأثداء المملوءة لبناً ربما أضر ( بالمحلوبة ) شاةً كانت أم غيرها فيتكور ثدييها ويؤلمها ألماً بليغاً وهو ما عبر عنه بقوله ..
المغصة ان كان ضرعاتن خربن .. !!
وكان قد مهد لهذا الإستنتاج بالبيت الذي قبله حين تحدث عن بقاء اللبن في ضرعاتهن حتى .. أصبح قوياً نوعاً ما كالجبن .. !!

القرعة .. آ وليد .. السعن آ بنية .. !!

القرعة .. اناء من شجر يقطع على شكل ( نصف بطيخة ) يستخدم لحلب اللبن أما السعن فهو اناء أيضاً من نبات يقفل جيداً وربما استعاض عنه بعض الناس في السودان بما يعرف ب ( البخسة ) بضم الباء وفتح السين فتحاً لا يتسرب منه اللبن .. !!!
القربة كمان .. كبوها الميه .. !!

وكذلك القربة .. وهي مصنوعة من الجلد ( غالباً جلد ماعز) لصغره وامكانية تشكيله بسهولة نسبية عن غيره .. وتحمل فيها المياه وهو تقليد اتبعه العرب الرحل في السودان وغيره .. حتى أصحاب ( اللواري ) مؤخراً أصبحوا يحملونها على صفحات عرباتهم ( ثلاجة متحركة ) .. ! !



مساء الورد والياسمين

إبداع عديل أخي طارق ... وهو ليس جهد المقل ولكن علم وثقافة المكثر :)

ملحوظة :
القرعة .. اناء من شجر يقطع على شكل ( نصف بطيخة) يستخدم لحلب اللبن أما السعن فهو اناء أيضاً من نبات
القرعة هي ثمرة نبات أرضي وليس شجر (ما أحلى ملاح القرع بالكـِسرة :))... وللقرع أنواع وأحجام كثيرة ... وهو اليقطين ... والقرع في مواسمه يكون متواجد بكثرة (زي الهم في القلب ... على قول حبوباتنا) ويوزع مجانا ً في أحيان كثيرة ... وزمان لما كنا صغارا ً كنا نغني (تهكما ً بالنميري) :

الشعب زرع لنميري قرع :D.

السعن فهو اناء أيضاً من نبات
:D:D السعن هو ود عم القربة

يا عزيزي طارق ... نديك 90 % من الإجابة ...

فيصل سعد
03-06-2009, 12:04 AM
مساء الورد والياسمين



يا عزيزي طارق ... نديك 90 % من الإجابة ...

و العشرة في المية غامتها لمنو :D:D
التحايا للجميع ..

شبارقة
03-06-2009, 07:27 AM
و العشرة في المية غامتها لمنو :D:D
التحايا للجميع ..

غامتنها لصاحب البوست كعربون محبة لما يرجع بالسلامة .

حمدا ً لله على السلامة يا بنج :) (أو كما يقول شليل)

فيصل سعد
13-06-2009, 10:29 AM
غامتنها لصاحب البوست كعربون محبة لما يرجع بالسلامة .

حمدا ً لله على السلامة يا بنج :) (أو كما يقول شليل)

http://dream123123.jeeran.com/أهلا11.gif

شبارقة
13-06-2009, 01:26 PM
عودا ً حميدا ً يا فيصل يا كوتش
شبارقة .. صباح البوادي

القرعة .. اناء من شجر يقطع على شكل ( نصف بطيخة ) يستخدم لحلب اللبن أما السعن فهو اناء أيضاً من نبات

وكذلك القربة .. وهي مصنوعة من الجلد ( غالباً جلد ماعز) لصغره وامكانية تشكيله بسهولة نسبية عن غيره .. وتحمل فيها المياه وهو تقليد اتبعه العرب الرحل في السودان وغيره .. حتى أصحاب ( اللواري ) مؤخراً أصبحوا يحملونها على صفحات عرباتهم ( ثلاجة متحركة ) .. ! !

تحياتي
كانديك .. شوقنا متل شوك الكـِتر الطعن الجسم لامن خـِدر
القرعة .. اناء من شجر يقطع على شكل ( نصف بطيخة ) يستخدم لحلب اللبن أما السعن فهو اناء أيضاً من نبات

اللون الأحمر من عندي وكذلك زيادة حجم الخط وذلك تعبيرا ً عن حجم دهشتي وإحمرارها من حناكيش آخر الزمن :D

عشنا وشفنا وسمعنا بشجر الجرجير وشجر القرع وشجر البطاطس وشجر البطيخ :)

ونبات السعن :D

السؤال : ما هو الفرق بين القربة والسعن ؟

همس الشوق
13-06-2009, 08:34 PM
عودا ً حميدا ً يا فيصل يا كوتش

السؤال : ما هو الفرق بين القربة والسعن ؟[/size]

أهلنا الزمان حباب

ياخ على ما أعتقد انه القربة دي البنقلوا بيها الموية ... عبارة عن نبات ... ( بيقولوا ليك الشايل القربة بتخر عليه ...

اما السعن فهو مصنوع من الجلد بخمرو فيهو اللبن
والله أعلم

فيصل سعد
14-06-2009, 03:07 AM
أهلنا الزمان حباب


اختنا و بتنا العزيزة :D:D
لك التحيات النواضر، سأل الزمان و قال
ايه غير الاحوال ؟؟

بابكر مخير
14-06-2009, 04:44 AM
أهلنا الزمان حباب

ياخ على ما أعتقد انه القربة دي البنقلوا بيها الموية ... عبارة عن نبات ... ( بيقولوا ليك الشايل القربة بتخر عليه ...

آآآآآآآآآآآآآآآآآآآآآآخ
طرآآآآآآآآآآخ
اما السعن فهو مصنوع من الجلد بخمرو فيهو اللبن
والله أعلم

غايتو قلتا عشان أساعد بنزل الصورة دي
عن نوع قربة صينية وواحدة أمريكية:D

http://sudaniyat.net/up/uploading/geraba.png


هموسي الحبيبة
لو كنتي قلتيساعدوني،،
كان بالله عليك!!
ضبحتا ليك غنم الدنيا وخرفان الكون وبقر وين ووين
عشان نوريكي القربة من شنها،،

شبارقة لو كان مداوم،،
كان ورانا الباقي

سلااااااااام يما
وخليناك عافية
وسعنا
الله
قصدي سعدنا

عبد الباقي درار علم الهدي
14-06-2009, 11:09 AM
آمل شرح المفردات التالية

الكلويقة :
الأرساية :
حلات آمنة :
الفقوس:
الكربيته :
القليبه:
البكارية :
الكول : لأهلنا في غرب السودان
وراجع برواقه إن شاء الله
عبد الباقي .

تحفة حوا
14-06-2009, 12:00 PM
آمل شرح المفردات التالية

الكلويقة :
الأرساية :
حلات آمنة :
الفقوس:
الكربيته :
القليبه:
البكارية :
الكول : لأهلنا في غرب السودان
وراجع برواقه إن شاء الله
عبد الباقي .
ناس التراث ولأصالة
جابني ليكم الكول دا
هو نبات يشبه البطاطس والبامبي ينبت تحت التربة ويصنع من ناس الغرب طعامهم بعد طحنه كالدقيق
الكوليقة مجموعة القصب
الفقوس نبات
القليبة ما يحمل من شوك على ظهر الدابة

فيصل سعد
14-06-2009, 01:28 PM
حبابك اخوي عبد الباقي
ساكنا مقيما معنا في هذه الديار ..

عبد الباقي درار علم الهدي
14-06-2009, 01:38 PM
تحفة حواء حبابك عشرة : التحية لك ولصاحب البوست الذي جمعنا بعد فرقة في هذة المفردات الجميلة :
القليبة : هي مايحمل من تراب على الدابة . أما ما يحمل من الشوك على الدابة فيسمى القاله .
أها النشوف الناس مذكره والله نست

الدكه :
أم سرتي: لأهلنا ناس الغرب ( بالمناسبة يا تحفة حواء درست الصف الثالث الإبتدائي في منطقة السواني بالقرب من أم روابة وذلك لظروف الوالد خليفة علم الهدي حيث عمل مديرا لمدرسة السواني الإبتدائية ولذلك حفظت كثيرا من مفردات تلك المنطقة العزيزة على قلبي )
المحويت :
التقا :
الأنقايه :هذة المفردات خصيصا للأخت الحنكوشة إيمان صالح مع التحية :D:D

أبو أماني
14-06-2009, 06:55 PM
مامعنى الكلمات التالية ..؟

الطابة .. الدروة ..التقابة .. والشكابة ( عوض كانديك ممنوع من المشاركة هنا)!

الكظرونة .. الكيدكاية .. أم باجحوت .. الكابدولو..

همس الشوق
14-06-2009, 09:08 PM
غايتو قلتا عشان أساعد بنزل الصورة دي
عن نوع قربة صينية وواحدة أمريكية:D

http://sudaniyat.net/up/uploading/geraba.png


هموسي الحبيبة
لو كنتي قلتيساعدوني،،
كان بالله عليك!!
ضبحتا ليك غنم الدنيا وخرفان الكون وبقر وين ووين
عشان نوريكي القربة من شنها،،

شبارقة لو كان مداوم،،
كان ورانا الباقي

سلااااااااام يما
وخليناك عافية
وسعنا
الله
قصدي سعدنا
ههههههههههههههههههه

يعني كلامي دا غلط
معنى كدا انا حنكوشة مع سبق الإصرار
كدي النمشي اغير صورتي البي هناك دي

اهو الواحد قال يجتهد .... ممكن يطلع بي فايدة ويجي زول زيك عشان يوريني
هو أنا لاقيه وين ياخ

تشكر يا عمو
وبالله خليك قريب
عشان تنقذ بت أخوك في الزنقات goood

فيصل سعد
17-06-2009, 05:53 AM
مامعنى الكلمات التالية ..؟

الطابة .. الدروة ..التقابة .. والشكابة ( عوض كانديك ممنوع من المشاركة هنا)!

الكظرونة .. الكيدكاية .. أم باجحوت .. الكابدولو..

ابو اماني ديل نكتهم من وين ؟؟
الحقنا يا عاصم الله يرضى عليك ..

شبارقة
17-06-2009, 09:12 AM
ياخ على ما أعتقد انه القربة دي البنقلوا بيها الموية ... عبارة عن نبات ... ( بيقولوا ليك الشايل القربة بتخر عليه ...

اما السعن فهو مصنوع من الجلد بخمرو فيهو اللبن
والله أعلم

:D:D:D

أولا ً :

القربة دي البنقلوا بيها الموية
لبعض المعلومات الإضافية ... البنقلو بيهو الموية إسمو الخـُرج (يصنع من الجلد) من قطعتين ويوضع على الحمار (أو أي دابة) والشخص الذي ينقل الماء إسمو الخرّاجي .

وهناك أيضا ً الجوز لنقل الماء (عبارة عن صفيحتين أو قرعتين كبار يوضعان على طرفي عود طويل يوضع هو الآخر على الكتف)

والبنشلو بيهو الموية من البئر إسمو الدلو .

القربة هي أساسا ً لحفظ ماء الشرب ويكتسب فيها الماء برودة معقولة جدا ً ويمكن حملها على الكتف (زي شنطة اليد بتاعتكم :)) وتحمل كذلك على الدابة ... وفي الزمن الحديث أصبحت توضع على جانب العربات واللواري ...

ثانيا ً :

القربة .. عبارة عن نبات

إنتو حكايتكم شنو مع النبات ؟ طارق كانديك قال السعن من النبات ... وإنتي تقولي القربة من النبات ! يا أخوانا في نبات وفي حيوان وفي فيزياء وكيمياء وجيولوجيا ورياضيات (أقسام كلية العلوم) .... شكلكم ناس جغرافيا وتاريخ سااااااي :D

أها نرجع لسؤالنا :ما هو الفرق بين القربة والسعن ؟
القربة كلمة عربية فصحى (قال الطفل لأبيه شاكيا ً من القربة بعد أن أمتلئت بالماء ولم يستطيع التحكم فيها : يا أبتي أدرك فاها فقد غلبني فوها ولا قدرة لي بفيها) ...(بالله شوفو بلاغة وفصاحة الطفل ده ومعرفته البديهية بالأسماء الخمسة) .... أما السعن فلست متأكدا ً من فصاحتها ولكنني أميل إلى أنها كلمة عربية فصحى

القربة والسعن كلاهما من جلد البهائم (غالبا ً البهائم الصغيرة كالماعز ... ) ويراعى سلخ الجلد بطريقة معينة بحيث يخرج الرأس واليدين والرجلين وتظل أماكنهما في الجلد كما هي وهذا النوع من القـِرَب لا يحتاج لخياطة .

وقد تعود العرب أن يستخدمو القربة لحفظ الماء .. أما السعن فيوضع فيه اللبن الذي يتحول إلى روب والروب يهزوهو داخل السعن إلى أن يتحول إلى سمن بلدي (وما أطيب نكهته وطعمه ;))

والله أعلم

شبارقة
17-06-2009, 09:19 AM
شبارقة لو كان مداوم،، كان ورانا الباقي


شكرا ً يا جدو وإنتا سيد العارفين ... ونحن ننهل من معينكم

شبارقة
17-06-2009, 09:48 AM
مامعنى الكلمات التالية ..؟

الطابة .. الدروة ..التقابة .. والشكابة ( عوض كانديك ممنوع من المشاركة هنا)!

الكظرونة .. الكيدكاية .. أم باجحوت .. الكابدولو..
ابو اماني ديل نكتهم من وين ؟؟
الحقنا يا عاصم الله يرضى عليك ..

الطابة والدروة والتقابة والكابدلو (أو الكابدلوك) والكيدكاي ... جميعها قتلناها نقاشا ً وفلفلة ً هنا من قبل (ويا صاحب البوست قـلـِّب صفحاتك القديمة :mad:).

الكظرونة : Pass

أم باجحوت : حيوان صغير (أصغر قليلا ً من الكديس) يحفر بيته تحت الأرض .. والبعض يسميه الصـَبـَره.

للتذكرة : الكيدكاي أو الكديكاية هو الفأر الكبير الحجم ذو ذيل طويل (الجقر) (rat) وأم سلمبوي أو أب سلمبوي هو الفأر الصغير الحجم (mouse)... وهناك مثل قوي جدا ً في غرب السودان وهو يحث على القناعة والرضا بما قسمه الله .. ألا وهو (أم سلمبويتك ولا كيدكاي زول) يعني فويرك الصغيرون أحسن ليك من جقر زول غيرك .... يعني لالوب بلدنا ولا تمر الناس.

والله أعلم

فيصل سعد
15-07-2009, 09:41 AM
السلام و التحايا للجميع هنا،
و اظهروا و كدا ..

المليجي
16-07-2009, 10:43 AM
حبيبنا واستاذنا في المعاني والتراجم
شبارقة
باري ولا صلجة

شبارقة
20-07-2009, 12:02 PM
حبيبنا واستاذنا في المعاني والتراجم
شبارقة
باري ولا صلجة

العزيز مليجي ... إنت متأكد إنو الكلام ده موجود في العامية السودانية ؟ :D

شبارقة
20-07-2009, 12:06 PM
جاء الولد الصغير إلى أمه شاكيا ً من ضرب إبن الجيران له

قالت الأم وبي زعل : يضربو الضريب :mad:

فما هو الضريب يا ترى ؟!! :D

شبارقة
20-07-2009, 12:09 PM
طلبت الأم من طفلها الكبير ألا يضرب أخاه الصغير

فقال ليها : بضربو ... بضربو

قالت ليهو : ضريبة تزوزيك

فماهي الضريبة وماهي الزوزوه ؟! :D

الكاريكاتيرست المشهور المرحوم / عزالدين عثمان عـَلـّق على هذه المقولة المشهورة في واحدة من رسوماته الساخرة في نهاية الستينيات وقال على لسان الولد الكبير : تزوزيني براي ؟!... دي زوزت الشعب كلو :D

تحفة حوا
20-07-2009, 12:30 PM
الضريب دا أظنو البرد الشديد
والزوزوة الحوامة والجهجهة
على ما أظن

منال
20-07-2009, 01:03 PM
جاء الولد الصغير إلى أمه شاكيا ً من ضرب إبن الجيران له

قالت الأم وبي زعل : يضربو الضريب :mad:

فما هو الضريب يا ترى ؟!! :D

شبارقة ازيك
والله طولت من الحله دى
المشغوليات و كدا

اها الضريب ده بخمنوا كده انو السحائى (ابو فرار - كا يقولو ناس الضهارى )

مودتى

شبارقة
21-07-2009, 12:39 PM
الضريب دا أظنو البرد الشديد
والزوزوة الحوامة والجهجهة



الضريب ده بخمنوا كده انو السحائى (ابو فرار - كا يقولو ناس الضهارى )


نأخد إجاباتكم ... ونشوف غيركم :)

فيصل سعد
27-07-2009, 12:03 AM
سلام للجميع ،،
يا شبارقة قال ليك
القهوة مكوفرة و العرقي داشر ..
اها وضح الله لا يسيئك ..

في مصطلحات لكلمات انجليزية
بستعملوها اخوانا هنا و منها :

مصطكي اسطكاكة و اصل الكلمة (Stuck)
بزاوة شديدة و اصل الكلمة (Busy)

المليجي
27-07-2009, 12:09 AM
دي فيها جوائز للمستجدين امافيصل سعد وشبارقه وباقي الجلوك يمتنعون يلا نديكم قاب يومين ونجي بالمعاني
البردلوبه
و
ام بعيره

فيصل سعد
02-08-2009, 11:44 AM
دي فيها جوائز للمستجدين امافيصل سعد وشبارقه وباقي الجلوك يمتنعون يلا نديكم قاب يومين ونجي بالمعاني
البردلوبه
و
ام بعيره

يا مليجي يا سنير خليك من البردلوبة :D:D بتعرف البرجوبة ولا لا ، و قاليك
نركب الكركابة ندلى في ام روابة الجنني و جنن العزابة ..
بالمناسبة انت زمان قلت جاي كندا (مونتريال) الحصل شنو ، و اوعاك تكون
جيت و فت بوشك و كدا :D:D

فيصل سعد
09-08-2009, 05:06 AM
سلام يغشاكم يا جماعة الخير ..

فيصل سعد
15-08-2009, 09:28 AM
عدنا :

ما هو الفرق بين حجر الزلط
و حجر الطاحونة ؟

يسلم الجنا يا ليلة
مرق مو قنا يا ليلة :D:D

فيصل سعد
18-08-2009, 05:46 PM
سلامات يا شبارقة يا ابن العم،
بالله تعال فسر لينا كلام رأفت ميلاد دا
خلي الحناكيش يفكوا المحنة بكسر الميم :

WIDTH=400 HEIGHT=50

و بعداك نتفاهم في غيابكم
و شوقكم و كدا .. التحية لك
و له و لهم و لهن :D:D

طارق صديق كانديك
18-08-2009, 06:28 PM
والله ليك وحشة يا جميل ... !!!

أمنياتي ليك .. !!

فيصل سعد
18-08-2009, 06:31 PM
والله ليك وحشة يا جميل ... !!!

أمنياتي ليك .. !!

بالاكتر يا حبوب،
و لك المودة مضاعفة
و كل عام و انتم بخير ..

فيصل سعد
25-08-2009, 03:03 PM
كل عام و انتم بخير،
رمضان كريم،
تصوموا و تفطروا على خير ...

فتحي مسعد حنفي
26-08-2009, 07:35 PM
كل عام و انتم بخير،
رمضان كريم،
تصوموا و تفطروا على خير ...





كل سنة وانت طيب يافيصل وليك والله وحشة ولي كلامك التحت تحت الما بفهموهو الا صعاليك بري وبحري وبيت المال..
أنا طبعا اليومين ديل في الخرطوم ومن كم يوم مشيت بري أسلم علي نسايبنا وسألت عن صديقي محمد يوسف بكري..تصور قالو لي توفي قبل 15 يوم في القاهرة..
طبعا كانت صدمة شديدة بالنسبة لي خلتني أطلع طوالي من بري لي بيتنا.رحمة الله عليه..

فيصل سعد
26-08-2009, 08:51 PM
سلامات يا خواجة اب احمد و رمضان كريم،
و ان شاء الله امورك في الفاشر ظابطة و سالكة،
رحم الله صديقك محمد يوسف و غفر له ..
لك اطيب التحايا و عميق الاحترام و التقدير
و ربنا يوصلك لاولادك بالسلامة ..

بالجنبة:

ما شاء الله و عيني باردة شايف رحلاتك
بقت ماكوكية جنوب الوادي ، تكون عملت
ليك ابوني طيارات :D:D و يظهر فروقات
السمسمية اوتارها ضاربة، بالله لو لاقيت قريبك
محمد ميرغني اغريه عنا السلام و التحايا،
ان شاء الله الامانات الزمان ديك لسة في الفريزر،
لاني احتمال اطلك الصيف القادم و كدا ان الله هون..

فتحي مسعد حنفي
27-08-2009, 12:47 AM
سلامات يا خواجة اب

بالجنبة:

ما شاء الله و عيني باردة شايف رحلاتك
بقت ماكوكية جنوب الوادي ، تكون عملت
ليك ابوني طيارات :D:D و يظهر فروقات
السمسمية اوتارها ضاربة، بالله لو لاقيت قريبك
محمد ميرغني اغريه عنا السلام و التحايا،
ان شاء الله الامانات الزمان ديك لسة في الفريزر،
لاني احتمال اطلك الصيف القادم و كدا ان الله هون..




ها زول انت ماك فالح !!!!قالو ليك ماشي الفاشر تقول لي فريزر:confused:أنا ماشي أجيبو من مصدرو من النوع الما بيجي الخرطوم..تفتكر تاني أمشي أفتح وأكوس الفي الفريزر..
قالو الهناك بيطرش طوالي.. سفة واحدة وتشوف ليك مكان تقعد فيهو عشان ما تقعgoood:D

فيصل سعد
06-09-2009, 05:35 AM
شبارقة و ود ابوعاقلة
و الجمع الكريم هنا ...

رمضان كريم ..

فيصل سعد
19-09-2009, 06:13 AM
http://sudaniyat.net/up/uploading/AED1.jpg

شبارقة
02-11-2009, 05:19 PM
جيناكم يا حبايبنا بعد غربة وشوق

أها ما المقصود بالكلمات التالية :

1- المُغريب
2- السُريقة
3- اللـّّـبَقَة
4- الحـُقنة
5- الجُغجُغ
6- الكاجريب
7- النجَّامَة
8- المُنضَرَة
9- السُتـّيبْ
10- السُنقَاقَـةَ...

توجد جوائز للفائزين الثلاثة الأوائل (3 من 10 يعتبر نجاح ;))

نبراس السيد الدمرداش
02-11-2009, 11:22 PM
شبارقه الكلام دا صعب جبتو من وين
غايتو احاول اصلي تربية حبوبات

اللبقه : طين يسد به مسرب الماء
الحقنة : الارض المنخفضه (تتجمع فيها المياه في الاراضي الزراعيه)(في الغرب يخفي فيها الهنباته الابل المسروقه)
الجغجغ : بالضبط ا عرفتو لكن جغ تكلم كلاما فارغا
الكاجريب : ترس يردم لحفظ ماء الامطار ويسمى بُقر ايضا
النجامة : نجّام نباتات طفيليه دقيقه تلتقط للبهائم
المنضره : المرآه (المرايه)
الستيب : زهرة تطفو على سطح الماء
السنقاقه : العُشر

لو كلامي صاح عاوزا لي جائزه مدنكله كدي 8 من 10

احمد زين
02-11-2009, 11:48 PM
جيناكم يا حبايبنا بعد غربة وشوق

أها ما المقصود بالكلمات التالية :

1- المُغريب
2- السُريقة
3- اللـّّـبَقَة
4- الحـُقنة
5- الجُغجُغ
6- الكاجريب
7- النجَّامَة
8- المُنضَرَة
9- السُتـّيبْ
10- السُنقَاقَـةَ...

توجد جوائز للفائزين الثلاثة الأوائل (3 من 10 يعتبر نجاح ;))

سلام يا عمّك
جهِّز الجوائز
وهاك
1- المُغريب
2- السُريقة :بناء من الطين فقط بدون استخدام الطوب
3- اللـّـبَقَة :سد من الطين يحجزالموية بين ابوعشرين وابوستة في الحواشة
4- الحـُقنة :الترس لحجز مياه الامطار
5- الجُغجُغ :نوع من الطير
6- الكاجريب : ده ما بعرفو
7- النجَّامَة : آلة يدوية صغيرة تستخدم لازالة الحشائش من الزراعة مصنوعة من الحديد ولها مقبض من الحطب غلى شكل(L) وهي بت عم الملود
8- المُنضَرَة : المراية
9- السُتـّيبْ: ما بعرفو
10- السُنقَاقَـةَ:الجزء السميك في السعفة ويستخدم لعمل المقاشيش البدقونا بيهم نسوانّا:D:D:D

شبارقة
04-11-2009, 08:52 AM
شبارقه الكلام دا صعب جبتو من وين
غايتو احاول اصلي تربية حبوبات

لو كلامي صاح عاوزا لي جائزه مدنكله كدي 8 من 10

سلام يا عمّك
جهِّز الجوائز


الأعزاء نبراس وود الزين ... سلام

ما قصرتو تب ... لكن خلونا نشوف الباقيين لغاية يوم الخميس إن شاء الله (موعد الفرز وتسليم النتائج والجوائز)

ملحوظة : النجاح 1 من 10 لأصحاب الشهادات العربية :D

شبارقة
04-11-2009, 09:09 AM
السنقاقه : العُشر



السُنقَاقَـةَ:الجزء السميك في السعفة ويستخدم لعمل المقاشيش البدقونا بيهم نسوانّا :D

:D:D

يا أم أحمد دُقي المحلب في توب أحمد
أحمد غائب في أم ركائب
جانا كلب سنونو صـُفـُر
حلب الناقة في السنقاقة

أشتر
04-11-2009, 09:17 AM
سلام يا عمّك
جهِّز الجوائز
وهاك
1- المُغريب
2- السُريقة :
3- اللـّـبَقَة :
4- الحـُقنة :
5- الجُغجُغ :
6- الكاجريب :
7- النجَّامَة :
8- المُنضَرَة :
9- السُتـّيبْ:
10- السُنقَاقَـةَ:D:D:D

طوّلنا من هنا ... بقينا نشوف كلامكم سربعة سربعة !!!!
شي صنقعة .. وشي طنقعة .. وشي فنقعة !!!! وغايتو !!!!

شبارقة
05-11-2009, 08:43 AM
طوّلنا من هنا ...

هنا مساحاتنا واسعة ... ومواعينـّا كبيرة

هنا نرسم البسمة على وجوهنا بكل عفوية

هنا بعيدين عن السياسة وقريبين من طبيعتنا السمحة .. ونستخدم الوشوش الخضراء

هناك الكلام في السياسة والعقائد ... وبنخش في أماكن ضيقة .. ونكثر من إستخدام الوشوش الحمراء

هناك قد نُجـبر على تغيير أسامينا (ود أبو عاقلة نموذجن ;)).... وتغيير جلودنا

لأن هناك حتى الجلود بتتكجن

مرحب بيك ... وخليك معانا ...

فتعال سربع معانا بي جاي ... وقشة ما ح تعتـِّر ليك

سمورية
05-11-2009, 08:56 AM
ازيكم
متابعين حتي وانتو مافيشين
- المُغريب
2- السُريقة :
3- اللـّـبَقَة :
4- الحـُقنة :
5- الجُغجُغ :
6- الكاجريب :
7- النجَّامَة :
8- المُنضَرَة :
9- السُتـّيبْ:
10- السُنقَاقَـةَ
يعني شنو

أشتر
05-11-2009, 09:02 AM
هنا مساحاتنا واسعة ... ومواعينـّا كبيرة
هنا نرسم البسمة على وجوهنا بكل عفوية
هنا بعيدين عن السياسة وقريبين من طبيعتنا السمحة .. ونستخدم الوشوش الخضراء
هناك الكلام في السياسة والعقائد ... وبنخش في أماكن ضيقة .. ونكثر من إستخدام الوشوش الحمراء
هناك قد نُجـبر على تغيير أسامينا (ود أبو عاقلة نموذجن ;)).... وتغيير جلودنا
لأن هناك حتى الجلود بتتكجن
مرحب بيك ... وخليك معانا ...
فتعال سربع معانا بي جاي ... وقشة ما ح تعتـِّر ليك

يعني كان في داعي للمحاضرة دي الخلت وشي قدر السمسمة ؟؟!!!:D
اتاريكم لابدينلنا فوك كورنا :D
سمح آآ عشاي .. قاعدلك تب يا فردة :D

شبارقة
05-11-2009, 09:18 AM
ازيكم
متابعين حتي وانتو مافيشين
- المُغريب
2- السُريقة :
3- اللـّـبَقَة :
4- الحـُقنة :
5- الجُغجُغ :
6- الكاجريب :
7- النجَّامَة :
8- المُنضَرَة :
9- السُتـّيبْ:
10- السُنقَاقَـةَ
يعني شنو

مرحبا ً بسمورية ... وحبابك عشرة بي جاي

دي مسابقات في لهجتنا العامية السودانية ... حاجة كدة زي الكلمة ومعناها الكانو بدوها لينا زمااان في المدارس

فوق في 10 كلمات المطلوب معناها ... وتوجد جوائز قيمة

الأخت نبراس والأخ أحمد زين أبلوا بلاءا ً حسنا ً مع وجود بعض الأخطاء

نسبة النجاح 3 من 10 للحناكيش والحنكوشات وناس الشهادة العربية :D

شبارقة
05-11-2009, 09:23 AM
سمح آآ عشاي .. قاعدلك تب يا فردة :D

إزيك يا فردة ومشتاقووون

إنت أحد دعامات هذا البوست (الصاحبو غائب) ... البيت محروس وسـِتـُّو تكوس :D

زماااان قلت ليك إنت بتدخل فينا زي النعاس

بس عايزنك (لو تكرمت) كما تعودنا عليك بصورتك السمحة وإسمك الجميل ... وحاشاك من الشتارة.

فيصل سعد
03-12-2009, 09:01 AM
كل عام وأنتم بخير

أشتر
28-01-2010, 05:04 PM
:D:D:D


أم بُـقبُـق

أشتر
28-01-2010, 05:06 PM
بس عايزنك (لو تكرمت) كما تعودنا عليك بصورتك السمحة وإسمك الجميل ... وحاشاك من الشتارة.


كدا كيف ؟؟

بدور التركي
28-01-2010, 11:00 PM
:D:D:D


أم بُـقبُـق

يعني شنو؟
صعبة
حتى نطقها صعب عليّ..بوقوبق كيف كدا:confused:

أشتر
28-01-2010, 11:16 PM
يعني شنو؟
صعبة
حتى نطقها صعب عليّ..بوقوبق كيف كدا:confused:

ما تمام !!!
دي انا لما سمعتها بضحك تلاتة يوم بلياليها ...
وكممممم مرة قطعت صلاتي لما كانت صلاتي عبارة عن نقوم وتقع ...
بعدين لو ما مليتي خشمك ما بتكون لذيذة ...
هي براها بتملا الخشم بس انتي انطقيها صاح :D

أشتر
02-02-2010, 06:49 AM
شبارقة !!!!!:eek::eek::eek:

شبارقة
02-02-2010, 09:28 AM
كدا كيف ؟؟

http://sudaniyat.net/up/uploading/ffff.bmp

شبارقة
02-02-2010, 09:30 AM
يعني شنو؟
صعبة
حتى نطقها صعب عليّ..بوقوبق كيف كدا:confused:

:D

أم بـُق بـُق هي البامية المفروكة ... لمن تستوي تقعد تنضم في الحلة :) (بـُق بـُق بـُق بـُق .. إلى مالا نهاية :D)

شبارقة
02-02-2010, 09:30 AM
السنقاقه : العُشر



السُنقَاقَـةَ:الجزء السميك في السعفة ويستخدم لعمل المقاشيش البدقونا بيهم نسوانّا :D

:D:D

يا أم أحمد دُقي المحلب في توب أحمد
أحمد غائب في أم ركائب
جانا كلب سنونو صـُفـُر
حلب الناقة في السنقاقة

أها رأئكم شنو في السنقاقة؟ وبعدين هل هي أم ركائب ولا ّ الركائب ؟ وبعدين الكلب بيحلب الناقة كيف ؟

غايتو حبوباتنا ديل كانن مـُدقـِّسات بينا :D

شبارقة
02-02-2010, 09:47 AM
شبارقة !!!!!:eek::eek::eek:

ود أبو عاقلة ... يا مبدع ... يا قوي الملاحظة

هاك القصة دي :

كان الشيخ / أحمد عوض الكريم أبو سن مصاباً بملاريا ... وفي فترة النقاهة كانوا يخرجون له عنقريبه أمام الخلوة ..و ذات يوم مرت عليه إحدى الحسناوات و هي تلبس طرحة قرمصيص وكانت ماشة للمشاط و عندما جاءت عنده رفعت يدها و قالت "أبوي أحمد كيف حالك ؟" فانكشف رأسها وكان جزء منه قد تم تمشيطه ... في الصباح الباكر جاءه ابنه عبد الباقي و قال : يابا كيف أصبحت" فرد عليه بهذا المقطع:

ليلين .. أمس و البارح لمن بي حسايسا ً عمت

ضربات قلب و كبدا ًً بالغرام إنسمت

لفحة قرمصيصا و روبتا الما انتمت

دخلن في معالق الروح بعد ما انجمت


أها .. ما المقصود بـ روبتا

أشتر
02-02-2010, 10:06 AM
ود أبو عاقلة ... يا مبدع ... يا قوي الملاحظة

هاك القصة دي :

كان الشيخ / أحمد عوض الكريم أبو سن مصاباً بملاريا ... وفي فترة النقاهة كانوا يخرجون له عنقريبه أمام الخلوة ..و ذات يوم مرت عليه إحدى الحسناوات و هي تلبس طرحة قرمصيص وكانت ماشة للمشاط و عندما جاءت عنده رفعت يدها و قالت "أبوي أحمد كيف حالك ؟" فانكشف رأسها وكان جزء منه قد تم تمشيطه ... في الصباح الباكر جاءه ابنه عبد الباقي و قال : يابا كيف أصبحت" فرد عليه بهذا المقطع:
ليلين .. أمس و البارح لمن بي حسايسا ً عمت
ضربات قلب و كبدا ًً بالغرام إنسمت
لفحة قرمصيصا و روبتا الما انتمت
دخلن في معالق الروح بعد ما انجمت

أها .. ما المقصود بـ روبتا

ح يكون المشاط طبعا أو الشعر المنقوض كمرحلة أولى وبعديهو بجي المشاط ... ولو إنو المشاط فيهو مسيرة ومساير واعتقد مسلة والبتمو بيو الشعر داك إسمو شنو نسيتو ...
أو كالتي نقضت غزلها من بعد قوة مفروض تكون العكس يا شبارقة والزولة دي مشت نقضت مشاطا وجات ماره بعمنا دا ...
غايتو في دي اتلخبت على الاختساس لكن ود عوض الكريم طلع ملاحظتو أقوى من ملاحظتي ...
لكن السبب الخلاك تسحب مداخلاتك شنو ؟؟؟؟ حيرتني بالجد !!!
خت في راسك عمك جي ميل شماراتو طاااااازه وهو الجابني ليك على فكرة فُريرة في الوكت الاأنا قاعد بدون موضوع ..

شبارقة
02-02-2010, 11:18 AM
ح يكون المشاط طبعا أو الشعر المنقوض كمرحلة أولى وبعديهو بجي المشاط

الروبه ليست المشاط طبعا ً ولكنها الشعر المنقوض

النسوان قبل المشاط لازم ينقضن المشاط القديم إستعدادا ً للجديد

والمشاط نفسو لا يكتمل في نفس اليوم (غالبا ً يومين) عشان كده بتلقى الواحدة فيهن نص راسا ممشط والنص التاني منقوض (روبه) (زي زولتنا الفوق دي)...والمشاط كانت ليهو قعدة خاصة ... جـَبـَنـه ولقيمات وشعيرية ...وأحيانا ً برنجي ... ولا يخلو طبعا ً من القطيعة والشمارات

شبارقة
02-02-2010, 11:37 AM
ولو إنو المشاط فيهو مسيرة ومساير واعتقد مسلة والبتمو بيو الشعر داك إسمو شنو نسيتو ...


ماذا تقصد بالمسلة هنا

طبعا ً هناك المسلة وهناك أحجام مختلفة للمخارز (مع إنو المسلة شائع إستخدامها مع شوالات الخيش)

أها البتمو بيهو الشعر إسمو شنو ؟

(غايتو حاجة كدة في نطقها زي الساري :))

أشتر
02-02-2010, 11:39 AM
الروبه ليست المشاط طبعا ً ولكنها الشعر المنقوض

النسوان قبل المشاط لازم ينقضن المشاط القديم إستعدادا ً للجديد

والمشاط نفسو لا يكتمل في نفس اليوم (غالبا ً يومين) عشان كده بتلقى الواحدة فيهن نص راسا ممشط والنص التاني منقوض (روبه) ...والمشاط كانت ليهو قعدة خاصة ... جـَبـَنـه ولقيمات وشعيرية ...وأحيانا ً برنجي ... ولا يخلو طبعا ً من القطيعة والشمارات

يعني اجابتي صحيحة لكنها مجوبكة حبتين ...
غايتو اخدتا المعنى من سياق الكلام .. ومن محكمة النقض برضو ;)
بمناسبة سياق الكلام دي ...
ماهي السّيَاقة ..
قبل يومين في الفطور واحد قال كلمة عجيييييبة بقولوها ناس جنوب النيل الأزرق ممكن توديك في داهية ونفس الكلمة دي في شمال دارفور لو قلتها يقابلوك بابتسامة ... بس إلا أسأل منها تاني وأعتقد السمعتها منو يكون هو ذااااتو نساها ...

أشتر
02-02-2010, 11:45 AM
ماذا تقصد بالمسلة هنا

طبعا ً هناك المسلة وهناك أحجام مختلفة للمخارز (مع إنو المسلة شائع إستخدامها مع شوالات الخيش)

أها البتمو بيهو الشعر إسمو شنو ؟

(غايتو حاجة كدة في نطقها زي الساري :))


البتمو بيها الشعر دي مااااا دي انا القصدتها لكن طلعت معاي مسلة :D:D معليش قلشت مني المرة دي
عشان تعرف الانقطاع عن التمارين ممكن تفك منك برااااحة :D
غايتو النسوان القاعدات هنا ديل بعرفوها أكيد ...
يللا يا نسوان ابقن مارقات تمرقن المرقة الياها :D:D

سمراء
02-02-2010, 11:49 AM
يعني اجابتي صحيحة لكنها مجوبكة حبتين ...
غايتو اخدتا المعنى من سياق الكلام .. ومن محكمة النقض برضو ;)
بمناسبة سياق الكلام دي ...
ماهي السّيَاقة ..
قبل يومين في الفطور واحد قال كلمة عجيييييبة بقولوها ناس جنوب النيل الأزرق ممكن توديك في داهية ونفس الكلمة دي في شمال دارفور لو قلتها يقابلوك بابتسامة ... بس إلا أسأل منها تاني وأعتقد السمعتها منو يكون هو ذااااتو نساها ...


اسمها (السلّة ) ...(بتشديد اللام ) وده شعر بتمو بيهو الشعر الطبيعى ....
وفى برضو الشعر البكون فى (الكفية) بتاعت قطع الرحط البتكون فى الراس اسمو (الجورسى ) ....

لقيتونى كيف بلاى :Dlooool

شبارقة
02-02-2010, 12:10 PM
(غايتو حاجة كدة في نطقها زي الساري :))

وفى برضو الشعر البكون فى (الكفية) بتاعت قطع الرحط البتكون فى الراس اسمو (الجورسى ) ....


فعلا ً حاجة في نطقها زي الساري طلعت الجورسي ... كلام صحيح ... ولكنه ليس حكرا ً على الرحط ... بتمو بيهو الشعر كمان

سمراء
02-02-2010, 12:14 PM
فعلا ً حاجة في نطقها زي الساري طلعت الجورسي ... كلام صحيح ... ولكنه ليس حكرا ً على الرحط ... بتمو بيهو الشعر كمان

عليكم السلام ياشبارقه :D
اسعدنا مرورك ....بالبوست :D

أشتر
02-02-2010, 12:14 PM
اسمها (السلّة ) ...(بتشديد اللام ) وده شعر بتمو بيهو الشعر الطبيعى ....
وفى برضو الشعر البكون فى (الكفية) بتاعت قطع الرحط البتكون فى الراس اسمو (الجورسى ) ....

لقيتونى كيف بلاى :Dlooool لقيناك كدا
http://sudaniyat.net/up/uploading/ffff.bmp
معليش يا شبارقة استلفت يدّك البتاكل بيها ..
جات على بالي السلة لكن طلعت مسلة ... ماشي زي بعضو وخيرا في غيرا
بس يا ريت تبقى مسلتن عندك ليها رقبة ;) يا إتي

معتصم الطاهر
02-02-2010, 12:15 PM
الروبه ليست المشاط طبعا ً ولكنها الشعر المنقوض

النسوان قبل المشاط لازم ينقضن المشاط القديم إستعدادا ً للجديد

والمشاط نفسو لا يكتمل في نفس اليوم (غالبا ً يومين) عشان كده بتلقى الواحدة فيهن نص راسا ممشط والنص التاني منقوض (روبه) (زي زولتنا افوق دي)...والمشاط كانت ليهو قعدة خاصة ... جـَبـَنـه ولقيمات وشعيرية ...وأحيانا ً برنجي ... ولا يخلو طبعا ً من القطيعة والشمارات

شبارقة سلام

الروبة .. هى الشعر الغير ممشط ..

و مرات يطبق على الشعر عامة .. ومرات على الرأس بشعره ..
لكن هنا نقول ( روبتها الما انتمّت) يمكن أن تشمل المعنيين ..

أشتر
02-02-2010, 12:16 PM
عليكم السلام ياشبارقه :D
اسعدنا مرورك ....بالبوست :D
اها يا جدادة الخلا الدايره تطرد ديك البيت gooodgoood

شبارقة
02-02-2010, 12:25 PM
عليكم السلام ياشبارقه :D
اسعدنا مرورك ....بالبوست :D

آسف يا سمراء وبعتذر لعدم الإنتباه للترحيب بك ... ولك العتبى حتى ترضي

مرحب بيك دائما ً معانا ... وأنا متأكد إنك ح تكوني إضافة حقيقية لهذا البوست الصاحبو غائب ...وهو زاتو ما ناقش حاجة في الكلام بتاعنا ده :)

سمراء
02-02-2010, 12:28 PM
آسف يا سمراء وبعتذر لعدم الإنتباه للترحيب بك ... ولك العتبى حتى ترضي

مرحب بيك دائما ً معانا ... وأنا متأكد إنك ح تكوني إضافة حقيقية لهذا البوست الصاحبو غائب ...وهو زاتو ما ناقش حاجة في الكلام بتاعنا ده :)

لا ياخ ، بهزر معاك ساى ...على فكرة انا النصيحه ليك يا الله ماقريت كل البوست
لانو كتير ...بس بحاول كل يوم اقراء شوية للفائده ......

ولحد ما اقوم اقراء يمكن اقول حاجات تكون مكررة ، يعنى اعزرونى وكده

شبارقة
02-02-2010, 12:32 PM
الروبة .. هى الشعر الغير ممشط ..


سلام يا باشمهندس وشكرا ً على الإضافة

الروبة عند المصريين هي المويه المخلوطة بالطين ... ونحن بنسميها الربوبه

شبارقة
02-02-2010, 12:38 PM
على فكرة انا النصيحه ليك يا الله ماقريت كل البوست
لانو كتير ...بس بحاول كل يوم اقراء شوية للفائده ......
ولحد ما اقوم اقراء يمكن اقول حاجات تكون مكررة ، يعنى اعزرونى وكده

الفاتك فوتو ... ولكن إذا قريتيهو وأستفدتي منو فالحقوق محفوظة للمعلم وود أبو عاقلة ... وجلـِّي فيصل سعد :D

وخشي معانا في الجديد ... وأهلنا قالوا : الجديد في الكرو سمح !! فماهو الكرو ؟

أشتر
02-02-2010, 12:57 PM
الفاتك فوتو ... ولكن إذا قريتيهو وأستفدتي منو فالحقوق محفوظة للمعلم وود أبو عاقلة ... وجلـِّي فيصل سعد :D

وخشي معانا في الجديد ... وأهلنا قالوا : الجديد في الكرو سمح !! فماهو الكرو ؟


إتا عارف يا شبارقة الكلمة دي عندها معنيين ..
لو قريتا الكرو (الكرو منو يا ناس) يعني الشخص المكري ... وجات منها النوم النوم بكريك بالدوم النوم تعال سكّت الجهال ... وما اعتقد بتقصد دي ...
اما الكرو فهو على ما اعتقد بعر الأبل ...
ولو كانت دي يبقى المثل القلتو دا مضروب ...

شبارقة
02-02-2010, 05:44 PM
اما الكرو فهو على ما اعتقد بعر الأبل ...


:D:D

بعر الإبل هو الكار ... غايتو تستاهل جائزة على إجتهادك :)

عارفك ح تقول لي أريتو إجتهادا ً في حاجتن نافعة

شبارقة
02-02-2010, 05:52 PM
يعني الشخص المكري ... وجات منها النوم النوم بكريك بالدوم النوم تعال سكّت الجهال ...

شنو يعني مكري ؟

وحبوباتنا ليه بيكرن النوم بالدوم ؟ هو النوم عندو سنون عشان يكـُد الدوم ؟

مش قلت ليك حبوباتنا ديل لقننا صغار وقعدن يخـُمـَّن فينا :)

أشتر
02-02-2010, 06:01 PM
:D:D

بعر الإبل هو الكار ... غايتو تستاهل جائزة على إجتهادك


موش قتا ليك فكّت ... لكن برضو ما مشيت بعيد ... واسمح لي اقول ليك يا موسوعة بلاك تخرب وخربانة خربانة أم بنايتن (غش)

أشتر
02-02-2010, 06:02 PM
:D:D

بعر الإبل هو الكار ... غايتو تستاهل جائزة على إجتهادك :)

عارفك ح تقول لي أريتو إجتهادا ً في حاجتن نافعة



:D:D بسم الله متين صلحتها !!!!!!!

شبارقة
02-02-2010, 06:08 PM
:D:D بسم الله متين صلحتها !!!!!!!


:D:D
أنا قايلك نائم ... أتاريك صاحي وخطفتها قبال ما أصلحا :)

أشتر
02-02-2010, 06:09 PM
شنو يعني مكري ؟

وحبوباتنا ليه بيكرن النوم بالدوم ؟ هو النوم عندو سنون عشان يكـُد الدوم ؟

مش قلت ليك حبوباتنا ديل لقننا صغار وقعدن يخـُمـَّن فينا :)

مكري يعني الدفع بمقابل ... وكانن بكرن النوم بالدوم بس عشان ماشي مع القافية ...
والدليل تعال .. والجهال:D ... والجهال نامو لا كدو دوم ولا أبو النوم ...
لكن طبعا كروة حاليا بكون شكلها تاني ...
عندك انا مثلا كانوا بطلعو لي الاتاري عشان ما اطلع الشارع gooodlooool

أشتر
02-02-2010, 06:13 PM
:D:D
أنا قايلك نائم ... أتاريك صاحي وخطفتها قبال ما أصلحا :)

والله جيت من صلاة العشاء التلفون كورك ...
قال لي يو هاف أنيو ايميل مسج .. فتحتها لقيتو ردك ...
قلت النحصل المولد خصوصا وانا اعاني الامرين ... الفراق والفراغ :D

بدور التركي
02-02-2010, 06:18 PM
شبارقة يا اخوي
يعني شنو كرور وبازجور?

وفي فرق بينهما او المعنى واحد?


محمد ابو عاقلة
مساء الخير

أشتر
02-02-2010, 06:21 PM
شبارقة يا اخوي
يعني شنو كرور وبازجور?

وفي فرق بينهما او المعنى واحد?


محمد ابو عاقلة
مساء الخير

اهلن مساء النور ...
إتي موش كانت عندك لغاويس هنا مشت وين ؟؟؟
رد كدا لا في السما لا في الواطة looool

عكــود
02-02-2010, 06:26 PM
سلام يا جماعة،

البوست ده أنا كتير بتاوقو وما قاعد أشارك، دحين أعفو لي.

يا أبو عاقلة، ود النصري عندو أغنية بيقول في واحدي من مقاطعها:

الأيّام دوليق نوريقك

أها، الدوليق شنو
و النوريق شنو

ركّزوا لي على الدوليق، النوريق عارفة ساهلة وأي حنكوش/ة ممكن ي/تفتي فيها.

على جنب:
ممكن تستعينوا بالخبير الخير إبنعوف.
على جنب تاني:
الكَرُو = الأرض الغبشة الغير ثابتة، تكون في أطراف الأراضي الزراعية وبتعمل فرناغة وغير صالحة للزراعة (ما تقول لي فرناغة يعني شنو).

بدور التركي
02-02-2010, 06:33 PM
اهلن مساء النور ...
إتي موش كانت عندك لغاويس هنا مشت وين ؟؟؟
رد كدا لا في السما لا في الواطة looool



آهلا بيك يا اللخو 000 بتعرف اللخوخة?
مسحتو بالاستيكة
ما عجبني لغاويسو
فيهو لغلوق ملغم

شبارقة
02-02-2010, 06:35 PM
شبارقة يا اخوي
يعني شنو كرور وبازجور?


الكرور هو الأشياء المهملة التي لا قيمة لها .... مثل أكوام من الأوراق أو أكوام من الخردة أو أكوام من الهدوم وهكذا .. أما البازجور فلم أسمع به من قبل

شبارقة
02-02-2010, 06:41 PM
الكَرُو = الأرض الغبشة الغير ثابتة، تكون في أطراف الأراضي الزراعية وبتعمل فرناغة وغير صالحة للزراعة

مرحبا ً بالعمدة ... ده الكرو بتاعكم إنتو لكن الكرو بتاعنا نحن مخالف شوية :)

الكرو عندنا هو نوع من أنواع العواوير (مفردها عـُوُّارة :cool:.. بلا مواخذة:)) لمن تكون جديدة وفي مراحلها الأولى بتكون حلوة ولذيذة ملمسا ً وإحساسا ً ... عشان كده صارت مثلا ً : الجديد في الكرو سمح .

إذا قلت للحناكيش عـُوُّارة يقولوا ليك : يع :mad:.... مع إنها كلمة عربية فصحى (أما ً وأبا ً) وجاءت منها عور وعوار وإعتوار ... وسلملي على عادل عسـّوم :D

عكــود
02-02-2010, 06:46 PM
الكرو عندنا هو نوع من أنواع العواوير (مفردها عـُوُّارة .. بلا مواخذة) لمن تكون جديدة وفي مراحلها الأولى بتكون حلوة ولذيذة ملمسا ً وإحساسا ً ... عشان كده صارت مثلا ً : الجديد في الكرو سمح .:D:D:D
شكراً يا شبارقة، دي أوّل مرّة اسمعبها.
طيّب وبمناسبة العواوير دي (يييييييييييييع ومعاها يااااااي :D) . .
الكيوقة شني؟

أشتر
02-02-2010, 06:48 PM
سلام يا جماعة،

البوست ده أنا كتير بتاوقو وما قاعد أشارك، دحين أعفو لي.

يا أبو عاقلة، ود النصري عندو أغنية بيقول في واحدي من مقاطعها:

الأيّام دوليق نوريقك

أها، الدوليق شنو
و النوريق شنو

ركّزوا لي على الدوليق، النوريق عارفة ساهلة وأي حنكوش/ة ممكن ي/تفتي فيها.

على جنب:
ممكن تستعينوا بالخبير الخير إبنعوف.
على جنب تاني:
الكَرُو = الأرض الغبشة الغير ثابتة، تكون في أطراف الأراضي الزراعية وبتعمل فرناغة وغير صالحة للزراعة (ما تقول لي فرناغة يعني شنو).


الفرناغة خابرنها تب يا اللخو ... علا سقافتنا حدها خور مرزوق شمالا وبعض الخيران المتفرغة لنفايات البشر :D
إتو سودانيات ليه ما فيها خور ؟؟؟ سؤال على هامش الدوليق :D
عشان كدا اعذرني والله في الكلمتين ديل ...
وشبارقة ذاتو مااااا ظنيتو يقدر عليهن لانو حدودو الشمالية ياها حدودي ...

لكن ما تقول لي : دردقتك دردقة مدرسين ;)
بس لو جبت بيت بيتين نحاول نفهم احسن من (الخلعة) دي

أشتر
02-02-2010, 06:51 PM
آهلا بيك يا اللخو 000 بتعرف اللخوخة؟

بعرف اللخوخة التقلّع ضروسك :D
عندها علاقة بالخمرة ؟ او الدلكة ؟ أو يعدي الليلة دي خير ؟؟؟

عكــود
02-02-2010, 06:59 PM
الفرناغة خابرنها تب يا اللخو ... علا سقافتنا حدها خور مرزوق شمالا وبعض الخيران المتفرغة لنفايات البشر :D
إتو سودانيات ليه ما فيها خور ؟؟؟ سؤال على هامش الدوليق :D
عشان كدا اعذرني والله في الكلمتين ديل ...
وشبارقة ذاتو مااااا ظنيتو يقدر عليهن لانو حدودو الشمالية ياها حدودي ...

لكن ما تقول لي : دردقتك دردقة مدرسين ;)
بس لو جبت بيت بيتين نحاول نفهم احسن من (الخلعة) دي


طيّب يا ود أب عاقلة، نسمع من شبارقة وبعدين بقولا ليك عشان تفهم الأغنية.
بالمناسبة، (الأيّام دوليق نوريقك) بعتبرها من أبلغ المقاطع الغنّاها ود النصري.

على جنب:
سودانيات فيها خور بس بيدلّعوهو بـ (البوستات المنقولة لمنتدى الإدارة).

نبراس السيد الدمرداش
02-02-2010, 08:53 PM
ازيكم كلكم

اول شيء شبارقه كان عندك كم كلمه سألت منها و جاوبنا و شكلو اجاباتنا انا و احمد زين صاح وانت زغت من الجائزه

استاذي عكود تحياتي
دوليق و نوريق دي عاميه شماليه بحته اظن
حسب اجتهادي ليها علاقه بالحصاد و (درس)القمح
ما متأكده تماما بس لاقتني قبل كدا
(و قمحك في النفير شهرين دوليق)