تماضر حمزة
03-02-2008, 01:49 PM
سلام..مابتحمّل الأشواق
معذورة كان أعلنتا في ساعة النهوض ..
ومعايا كلماتي ..الجلوس ..
ماالحرف مرَّات بحتضر ..
لمّا الحلِق.. إنسدَّ بي غصّة ..عبوس ..
يابحر ..ماأحلا التوقع..
ويافكرة ماتبقي التقوقع..
شري أمواجو فـــ صلاتك
وفرحي الشط ..بي هباتك..
ومين اللي قال إنو الفرح عز البعاد ..طعمو ..الأمَر ..
ومين اللي شال حس الغُنا ..وساب الكلام.. حزنان ..ومر..
تعرف ؟؟
إني بي ريدك بقاوي ..وماظنيت محال ..بيناتنا لو إقدر.. إمُر..
وإني بي شوقك ..تقاوي..زارعة أحزاني و..بلاقي..ريدي فيك المستمر .
سلام
لكنة صوت حبوبة....ريحة اليٌمّة..وشدرة حنّة في طرف الحوش
والحوش مرشوش
لمّة ناس..وشوق بيتعِّب بيتنا وانت بعيد.
سيب العيون هي التقول ..
شوقا لي زولاً عِرف ..
إتحدَّى بي ريدو الصعاب ..
زولاً وقِف نص الغُنا..
وصوتو ماليهو الرباب
جمَّع حروف ريدي البقت..
تتشابى ..كان تلحق ..سراب..
وشايلة بس ...لهفة وتجيك..
معاها من ذكراك ..صِحاب..
ماأتعبت دربي ..المسافة..
ولا خوَّف ...أحلامي..اليباب
راسمة من نيلك..خُطايا..
وكاسرة بي موجو ...الرهاب..
وكاتبة في رملة بُعادك..
بلقاكّ ..بين..غيمة..وسحاب.
توازي في قعدة خواطرك..
خواطري كان تعرف تَمِش!
تفرد خطاك؟؟
تقصر مسافات البعاد..
تلبس مساحاتي العشم
!
الجيّة..
بتعادل خطوة منك
وواحدة مني.
لو قلت ليك الشوق دفق..
قبال مواعيد اللقا..
قبال مروقك للتعب
أو تخطيك الوجع!
تعال..همومك تنتهي
ومن فوق سمايّ تنزل قوانينك عليّ
تعال ..همومي بتنكفي
وتفرد مواعيدك فرح معروش بـ شئ
من حقيقة ومن خيال.
!
لو مشاويرك محال
بمشيها بي قُدرة خٌطاك
ببداها من ساعة توجّس
لي حين بيتيقّن لُقاك.
ليه ..بعد
الخطوة جد وازت خُطاك!
والكلمة طلعت في سفر
شدَّت رحالا عليك مشت
وفي سكتا..
رسمت خطاويها المعاك
هانت مشاويري..إنتشت
قرَّبت منّك كتير..
خلاس..
حدودك..لامست
وقدلتا في سكة دواخلك..
ماشة في كل الممرات
كم شاقني في دربك هواك
زادي..إنِّي إليك..مشيت
وياني لامليت مشيك
لاعند الوصول ..قلَّ إشتياقي..ولا إكتفيت
أنا بيك بتحدّى المواعيد الضباب
بنزل مطر
عِزالعذاب
بوفي إقترابك ليّ خريف
وتطلع مواعيدك شجر
وتمسك النيل بين إيديك
ليه..خطاويك اتأخرّت؟
.
.
مرَّات.. ..يجينا..حلو..كلامك
ومرّات..إزور..صوتك..سكات..
مرَّات....تجي..
ومرَّات...تَمِش..
إحنا بي كيفك..نريد..
واحنا بي كيفك..نحِس
الكاتمو في جوَّاك..ببين..أصلو عينيك..مابتغش..
لالا مابتعرف تغش.
بقرا في صوتك سلام
منشور علي حرفو الغمام
متوسِّد المطرة البتدفق
فينا شك..
بين ..
ارتعاش..
في كفة الدايرنو حق..وخايفين يكون برضك حرام.
بقرا في خاطرك ..سؤالي
مرَّة بيعاتب طريقك
ليه بيتعبني ..ودوام..
زايدة فيو سكة سفرنا
وحارمة أشواقنا المنام
ماني خايفة من الهطول
بعشق المطرة..التجيك
لكني خايف..ألقاك..زولا
شايل خدارو ومكتفي..
تنزل مطيرتي عليك..
لاهي تقدر تنسرب..
ولاهي تعشق ..تطفو بعدك.. وتنكفي
خلاس مابشاور إلا شوقي ليك..
لساتو زايد
زي اللي عندك برضو ليّ ؟؟
بس خايفة ماتحمل نزول المطرة في ساعة صفاك
إطلع رذاذ اللهفة ذي كدّر سماك
قلت أبقالك.. غيوم ومرَّات....
أفوت زي السحاب
عشان همومك...شفتو فـــ سماكا....رهاب ...رهاب..
يشيلني دمعي..ويرتعش
يغلبني ريدك
مرّات .. أقيف.... بي شوق عليَّ بظللك
ومرّات أمش..أخاف الهطول يشغل مواعيدك كمان
خليك قريب.
مابنسدل بعدك ستار..
أصلو بُعدك ..مرهون علي جية مواعيدك زمان
صحيح احساسي بيك..مالِكــ الروح..والعصب
لكن..بخاف عليك..مِنِّي..لو..بيجيك تعب
بشوييييش..بوصِّلك حد الغيوم.وبكلِّم المطرة توصِّي ليك ريحة الدعاش.
يازول يا باش
قصة ريدك عندي حقيقة وماهي خرافة
قصة زولاً شال الريد جوّاهو فراش
زار الحِلة ودرب البيت البعضك سافر منّو..وبعضك قاعد فيهو وعاش..
!
أصلو اللون ..معكوس من لونك..
وضي القمرة ..
خاتي القال ..سابت لحظة شموسك..
ولو بتشوف في ضلي الشجرة ..
وشوف الناس ..بحر البلد..الساند..شوفك
غالبو ..يكابِر...يقعد..وغالبو يفارق..قيفك
كل الحِتت ..موجوعة في وطن الحواس
وكل فريق من مشاعرنا الحنينة ..
غَشّيتو همي الليهو داس..
لو تجي في وكتك..
كنتا عرفت حلاوة الشوف
كنتا عرفت إنو الجاي في وكتك ..مابعرف خوف
شاور بس إحساسك..بي حريتك..الناشرة مساحة ومابتضر إحساس الزول الغيرك
وشيل الضي..إن درتا تعيش أمسيتك..وخلّي القمرة ..تضوِّي..تضوِّي الكون..ماالكل هو شريكك
في دنيا.. مقسوم الرزق الفيها ..إلا الشين..بيكوّش خيرك
وإنتا الزين ...صدقني ..سماحتك دون الناس مابتضيرك .
مامني..
كان الوكت غمام..
لابس لبساً أشتر
كان الساعةتلاوز
دار تتأخر وما تتأخر
والجية ..تتاوق ..
راجية الزول الأسمر ..
ياسيدي تعال ..سيب السبب الفاتر
من غير ماتقول وإراودك خاطر:
(لو كان النيل ..إتمطّى شوية ..
كانت غرقت فيهو بنية..)
ياخي إتدفّق ..خلّي الوهم الساكن حِسّك إغادر
شايفة السمع الجايِّ إتاوق عِنية
وشايفة الرادي الحاضن غنية
غلبك ترسم ؟؟
تعال يازول أنا عندي دواية
شيلا هديك طرف المخلاية
مابين الريد والجنبو محاية
منتظرنك..
وهمَّكــ سيبو أصلو معايا
يازول أقيف ..
أنا ذي غمام شايلو الغرام البشبهك
محتار ..أفتش لي مكان..كان صدفة إطلع حتتك
لاني ببخل بي خريف كان سيدو جاري وبندهك
ولاني بفتعل المواسم..ولان أسبّب محنتك
لكني بشتاقك أكيد..
صدقني بشتاقك دوام..
وأشتاق ألامس قمتك
حسيتك فيني الغيمة المابية نزولا
صارّي المطرة في قولة ( برضي بريدك )
ومابي تقولا
شايل الحِس الصادق ..
وراسم في جوّاكا ضباب الفكرة
ليه بتقاوم فيكا مواسم
تهوى ..وتعشق ..لون الخضرة
ليه تاعبني ؟؟ وخالّي جفافك
فيني يحنّس ريحة المطرة
يمكن..ذنبي إني هويتك..
وشلتك بين شرياني ولون السمرة
وعشتك ..في دنيايا قدر مكتوب
وإترقيتك..
وإتحسستك ..
وإنتا منابع الفطرة
أنا صارحتك..إني عشقتك
وكم وطّيت بي قولي الجمرة
إلا بريدك ولسه بقولا..
وبيها بعيش لو ترضى الحسرة
وبفرح بيها كتير ..رغم إنك
داسي شعورك..فاقد القدرة
تبقى الزول..الشايل إحساسو
وعارف الروح جوّاهو بتقرا
صدقو ..وكيف الريد..لو عاشو
تسجد ..تحت أحلامو القمرة
برضي سمعتك..
وإنتا بتنده قلبي حِداك
ولمّا لقيتك..
شلتا إحساسي وجيتك..
وإترجيتك..
وإتأخرتا..
قلتا مكاني ..هوّ نساك!
وكنتا الجواب ..وبرضو الخيار ..الماشي بينات السؤال..
أقيف ..النرتِّب ..ورق شوقي اللي فيك..فاطي سطرين من محال..
وخاتي في حرف الحقيقة ..نقطة مرسومة بـــ دلال
أقيف النلملم حصة هواك...الترتب ..مواعيداً معاك
تنادي وتشكِّل فيــك الظلال ..
بتعرف ؟؟ إنك براك...
تشد إنتباه تلاميذي التحس..
روعة ..دروساً ..بتفهم..معاك..
متين..بتلبس خُطاك..وهيبة..دروبك..معاني الجلال..
ومتين تعيش الفتر ...
تعلن نهاية..عناد..وتنده ..مـــلاك..
إجاور حنينو ..النجوم...ويحضن شذاك .....الهلال.
( ..
مادار أكون..أسباب ظنونك
سامح الهم البعاتبك في شجونك
ماساهل عليّ أبقاك..هواجس..
لا كنتا في الغيم منتظر..
تتلبَّسك منِّي العواصف
انتا ياعودة نوارس
محمّلة باللقاءات المطر.)
أخيرا..
ماقلنا حنشيل التعب
ذي الغرام
مقسوم عليّ برضو العليك
يادوبنا ماشين في درب
خالي الملام
أفراحو بس هيَّ بتجيك
الشال هواك..بيشيل شقاك..
وبحلالو مادام هو فيك.
معذورة كان أعلنتا في ساعة النهوض ..
ومعايا كلماتي ..الجلوس ..
ماالحرف مرَّات بحتضر ..
لمّا الحلِق.. إنسدَّ بي غصّة ..عبوس ..
يابحر ..ماأحلا التوقع..
ويافكرة ماتبقي التقوقع..
شري أمواجو فـــ صلاتك
وفرحي الشط ..بي هباتك..
ومين اللي قال إنو الفرح عز البعاد ..طعمو ..الأمَر ..
ومين اللي شال حس الغُنا ..وساب الكلام.. حزنان ..ومر..
تعرف ؟؟
إني بي ريدك بقاوي ..وماظنيت محال ..بيناتنا لو إقدر.. إمُر..
وإني بي شوقك ..تقاوي..زارعة أحزاني و..بلاقي..ريدي فيك المستمر .
سلام
لكنة صوت حبوبة....ريحة اليٌمّة..وشدرة حنّة في طرف الحوش
والحوش مرشوش
لمّة ناس..وشوق بيتعِّب بيتنا وانت بعيد.
سيب العيون هي التقول ..
شوقا لي زولاً عِرف ..
إتحدَّى بي ريدو الصعاب ..
زولاً وقِف نص الغُنا..
وصوتو ماليهو الرباب
جمَّع حروف ريدي البقت..
تتشابى ..كان تلحق ..سراب..
وشايلة بس ...لهفة وتجيك..
معاها من ذكراك ..صِحاب..
ماأتعبت دربي ..المسافة..
ولا خوَّف ...أحلامي..اليباب
راسمة من نيلك..خُطايا..
وكاسرة بي موجو ...الرهاب..
وكاتبة في رملة بُعادك..
بلقاكّ ..بين..غيمة..وسحاب.
توازي في قعدة خواطرك..
خواطري كان تعرف تَمِش!
تفرد خطاك؟؟
تقصر مسافات البعاد..
تلبس مساحاتي العشم
!
الجيّة..
بتعادل خطوة منك
وواحدة مني.
لو قلت ليك الشوق دفق..
قبال مواعيد اللقا..
قبال مروقك للتعب
أو تخطيك الوجع!
تعال..همومك تنتهي
ومن فوق سمايّ تنزل قوانينك عليّ
تعال ..همومي بتنكفي
وتفرد مواعيدك فرح معروش بـ شئ
من حقيقة ومن خيال.
!
لو مشاويرك محال
بمشيها بي قُدرة خٌطاك
ببداها من ساعة توجّس
لي حين بيتيقّن لُقاك.
ليه ..بعد
الخطوة جد وازت خُطاك!
والكلمة طلعت في سفر
شدَّت رحالا عليك مشت
وفي سكتا..
رسمت خطاويها المعاك
هانت مشاويري..إنتشت
قرَّبت منّك كتير..
خلاس..
حدودك..لامست
وقدلتا في سكة دواخلك..
ماشة في كل الممرات
كم شاقني في دربك هواك
زادي..إنِّي إليك..مشيت
وياني لامليت مشيك
لاعند الوصول ..قلَّ إشتياقي..ولا إكتفيت
أنا بيك بتحدّى المواعيد الضباب
بنزل مطر
عِزالعذاب
بوفي إقترابك ليّ خريف
وتطلع مواعيدك شجر
وتمسك النيل بين إيديك
ليه..خطاويك اتأخرّت؟
.
.
مرَّات.. ..يجينا..حلو..كلامك
ومرّات..إزور..صوتك..سكات..
مرَّات....تجي..
ومرَّات...تَمِش..
إحنا بي كيفك..نريد..
واحنا بي كيفك..نحِس
الكاتمو في جوَّاك..ببين..أصلو عينيك..مابتغش..
لالا مابتعرف تغش.
بقرا في صوتك سلام
منشور علي حرفو الغمام
متوسِّد المطرة البتدفق
فينا شك..
بين ..
ارتعاش..
في كفة الدايرنو حق..وخايفين يكون برضك حرام.
بقرا في خاطرك ..سؤالي
مرَّة بيعاتب طريقك
ليه بيتعبني ..ودوام..
زايدة فيو سكة سفرنا
وحارمة أشواقنا المنام
ماني خايفة من الهطول
بعشق المطرة..التجيك
لكني خايف..ألقاك..زولا
شايل خدارو ومكتفي..
تنزل مطيرتي عليك..
لاهي تقدر تنسرب..
ولاهي تعشق ..تطفو بعدك.. وتنكفي
خلاس مابشاور إلا شوقي ليك..
لساتو زايد
زي اللي عندك برضو ليّ ؟؟
بس خايفة ماتحمل نزول المطرة في ساعة صفاك
إطلع رذاذ اللهفة ذي كدّر سماك
قلت أبقالك.. غيوم ومرَّات....
أفوت زي السحاب
عشان همومك...شفتو فـــ سماكا....رهاب ...رهاب..
يشيلني دمعي..ويرتعش
يغلبني ريدك
مرّات .. أقيف.... بي شوق عليَّ بظللك
ومرّات أمش..أخاف الهطول يشغل مواعيدك كمان
خليك قريب.
مابنسدل بعدك ستار..
أصلو بُعدك ..مرهون علي جية مواعيدك زمان
صحيح احساسي بيك..مالِكــ الروح..والعصب
لكن..بخاف عليك..مِنِّي..لو..بيجيك تعب
بشوييييش..بوصِّلك حد الغيوم.وبكلِّم المطرة توصِّي ليك ريحة الدعاش.
يازول يا باش
قصة ريدك عندي حقيقة وماهي خرافة
قصة زولاً شال الريد جوّاهو فراش
زار الحِلة ودرب البيت البعضك سافر منّو..وبعضك قاعد فيهو وعاش..
!
أصلو اللون ..معكوس من لونك..
وضي القمرة ..
خاتي القال ..سابت لحظة شموسك..
ولو بتشوف في ضلي الشجرة ..
وشوف الناس ..بحر البلد..الساند..شوفك
غالبو ..يكابِر...يقعد..وغالبو يفارق..قيفك
كل الحِتت ..موجوعة في وطن الحواس
وكل فريق من مشاعرنا الحنينة ..
غَشّيتو همي الليهو داس..
لو تجي في وكتك..
كنتا عرفت حلاوة الشوف
كنتا عرفت إنو الجاي في وكتك ..مابعرف خوف
شاور بس إحساسك..بي حريتك..الناشرة مساحة ومابتضر إحساس الزول الغيرك
وشيل الضي..إن درتا تعيش أمسيتك..وخلّي القمرة ..تضوِّي..تضوِّي الكون..ماالكل هو شريكك
في دنيا.. مقسوم الرزق الفيها ..إلا الشين..بيكوّش خيرك
وإنتا الزين ...صدقني ..سماحتك دون الناس مابتضيرك .
مامني..
كان الوكت غمام..
لابس لبساً أشتر
كان الساعةتلاوز
دار تتأخر وما تتأخر
والجية ..تتاوق ..
راجية الزول الأسمر ..
ياسيدي تعال ..سيب السبب الفاتر
من غير ماتقول وإراودك خاطر:
(لو كان النيل ..إتمطّى شوية ..
كانت غرقت فيهو بنية..)
ياخي إتدفّق ..خلّي الوهم الساكن حِسّك إغادر
شايفة السمع الجايِّ إتاوق عِنية
وشايفة الرادي الحاضن غنية
غلبك ترسم ؟؟
تعال يازول أنا عندي دواية
شيلا هديك طرف المخلاية
مابين الريد والجنبو محاية
منتظرنك..
وهمَّكــ سيبو أصلو معايا
يازول أقيف ..
أنا ذي غمام شايلو الغرام البشبهك
محتار ..أفتش لي مكان..كان صدفة إطلع حتتك
لاني ببخل بي خريف كان سيدو جاري وبندهك
ولاني بفتعل المواسم..ولان أسبّب محنتك
لكني بشتاقك أكيد..
صدقني بشتاقك دوام..
وأشتاق ألامس قمتك
حسيتك فيني الغيمة المابية نزولا
صارّي المطرة في قولة ( برضي بريدك )
ومابي تقولا
شايل الحِس الصادق ..
وراسم في جوّاكا ضباب الفكرة
ليه بتقاوم فيكا مواسم
تهوى ..وتعشق ..لون الخضرة
ليه تاعبني ؟؟ وخالّي جفافك
فيني يحنّس ريحة المطرة
يمكن..ذنبي إني هويتك..
وشلتك بين شرياني ولون السمرة
وعشتك ..في دنيايا قدر مكتوب
وإترقيتك..
وإتحسستك ..
وإنتا منابع الفطرة
أنا صارحتك..إني عشقتك
وكم وطّيت بي قولي الجمرة
إلا بريدك ولسه بقولا..
وبيها بعيش لو ترضى الحسرة
وبفرح بيها كتير ..رغم إنك
داسي شعورك..فاقد القدرة
تبقى الزول..الشايل إحساسو
وعارف الروح جوّاهو بتقرا
صدقو ..وكيف الريد..لو عاشو
تسجد ..تحت أحلامو القمرة
برضي سمعتك..
وإنتا بتنده قلبي حِداك
ولمّا لقيتك..
شلتا إحساسي وجيتك..
وإترجيتك..
وإتأخرتا..
قلتا مكاني ..هوّ نساك!
وكنتا الجواب ..وبرضو الخيار ..الماشي بينات السؤال..
أقيف ..النرتِّب ..ورق شوقي اللي فيك..فاطي سطرين من محال..
وخاتي في حرف الحقيقة ..نقطة مرسومة بـــ دلال
أقيف النلملم حصة هواك...الترتب ..مواعيداً معاك
تنادي وتشكِّل فيــك الظلال ..
بتعرف ؟؟ إنك براك...
تشد إنتباه تلاميذي التحس..
روعة ..دروساً ..بتفهم..معاك..
متين..بتلبس خُطاك..وهيبة..دروبك..معاني الجلال..
ومتين تعيش الفتر ...
تعلن نهاية..عناد..وتنده ..مـــلاك..
إجاور حنينو ..النجوم...ويحضن شذاك .....الهلال.
( ..
مادار أكون..أسباب ظنونك
سامح الهم البعاتبك في شجونك
ماساهل عليّ أبقاك..هواجس..
لا كنتا في الغيم منتظر..
تتلبَّسك منِّي العواصف
انتا ياعودة نوارس
محمّلة باللقاءات المطر.)
أخيرا..
ماقلنا حنشيل التعب
ذي الغرام
مقسوم عليّ برضو العليك
يادوبنا ماشين في درب
خالي الملام
أفراحو بس هيَّ بتجيك
الشال هواك..بيشيل شقاك..
وبحلالو مادام هو فيك.