اضغاث السنسميليا...تاريخ العنف

[تاج السر الملك]

أضغاث السنسميليا( 5)
تأريخ العنف

جلس ابى فى مقعده الثابت ورائى ،و انا فى تسارعى اكيد مؤامرة الموت للمارة و السائقين من حولى ، مندفعا بسيارة من الغضب و الرعب متخطيا الأشارات و الخطوط المنمقة التى تؤطر الأسفلت و تحشده بهيئة العدالة العمياء، امرأتى فى المقعد الذى يلينى الى اليمين و ذاكرتى الوسطى ، تنظرنى فى تحد سافر و غضب ،عيناها مثبتتان على جانب وجهى الأيمن تتحدران على مسارب الدمع فيه ، تنظرانى بتحد يستنفر دمائى..قطرة..قطرة ، تحد و لؤم يستفزنى و ينكأ فى قلبى جراح القمر و الجوهرة الميتة الملقاة على سطحه... التقت عيناى و ابى فى المرآة التى تواجهنى ، غمزنى ...اصفعها...تقول ابتسامته الماكرة ، هممت بها..و همت بى ، رايت و انا فى مغامرتى المجنونة ، يدى تطوح فى الهواء ، و كلمة نابية تتبعها تقف بعناد على مشارف شفتى تهم بالأنزلاق و السقوط فى متاهة العجزو الأفلاس ... صعد( اوباما) امام حشود سجناء الأمل مثل خيط من الدهشة المتبرجة ، توقف هنيهة و صمت فى سكوته ، تأمل وجهى فى صمته الباهت .. ابتدر حيرتى ، و سكوتى و غضبى و نزقى ، غمزنى بعينه اليسرى فى بطء سينمائى ....ابى لماذا تخليت عنا؟؟؟؟ ابتسم ، اشاح بوجهه المنتصر فأحتقن وجودى بهدير العواطف و عصف الأبواق ، من خلفى و من امامى و من حولى ، ارتبكت ( آمنه) فى دواخلى و علت وجهها حمرة الشفق و الرأفة ، و الحنان فألقمتنى ثديها البكر و أحتوتنى فى أطواء ثوبها ، ثوبها الذى تنفست رائحة روحى فى مظانه ، قامت تدثرنى و انا ذائب فى اغشاءة النبأ الطيب ، تمسح فى رفقها جبينى الذى تفصد بعرق الوحى ، تسبل غطاءها على مهجتى تذود عنى لظى الهاجرة و افواج جائح الذباب ، و انا اهوى فى مزالق النعاس و مدارج الصمت و كلمة نابية واحدة فى حيرتها تهم بالسقوط من على شفتى على جوهرة القمر الميتة.
2
كان دمعا من الكحول يتصاعد من عينى لينتفى فى الفراغ ، دمع زجاجى رقيق ، له هيئة الموسى ووقع انسحابها على حواف العيون ، يجف قبل ان يتحدر على صفحة وجهى اليمنى . على حافة السرير استلقى و اختنا الصغرى قابضة على امنياتها البالية ، مستسلمة الى اقدار الكرى ووحشة الظنون ، و انا انظر من فرجة فى الثوب ، الثوب الذى يعبق برائحتها ، رائحة امى و ملامحها الحفية ، ساكنا ارقب شبحين فى الظلمة ، شبح يوشك على ابتلاع الآخر ، تتواتر الأشباح فى الظلمة ،رايتها تغو ص فى دمعها اللزج المتحدر من اتون حصارها الأبدى ، تهمس رعبها البائن همسا يوشك قلبى المتسارع ان ينقبض من حرقته و بؤسه و عجز حيلته ، يوشك ان ينفطر من بؤسى و عجزى و انهزامى ..كنت اشهد لهاث الكون و انكفاءه ..كم وددت حينها الأختباء فى شجرة القمرالمضىء مثل جوهرة ميتة مثبتة فى فراغ جمجمة ( ميدوسا).. همس يلاحقنى ، همس كائن جريح، يسيل منها غصبا ، تغطى فمها بيديها فكأنما تخاف من فتنة الحزن ان تتيقظ ، سرى الخوف و تصاعد مثل دخان و تلاشى قبل ان يقشعر جلدى ، التوى لسانى بتوسل عليل لم بتجاوز حدود خاطرة عابرة ، ثم ادركنى النعاس ، و استحكمت على اجفانى مزاليجه العصية فأضحت الرؤية فى صلابة الرصاص و ثقله ، تردد صدى الصفعة و كلمة نابية فى اثرها ، حوم الصدى حول اهدابى المنطفئة برهة قبل ان اخلد الى مشهد الوقر الذى استباح اذنى و استقر على عصبى مثل جوهرة ميتة.
انجلت الظلمة و انا غائب فى فضاء امنيات اختنا البالية ، صحوت على صوت بسملة و حوقلة و دعاء هامس من التبكيت ، و توسل ذليل مكابر و بكاء ، بكاء يحمل فى اطواءه التراب، بكاء من دمع الكحول و الأثير و الجواهر الميتة.

3

جلس ابى و الكوب ممتلىء بالشاى الى نهده ، ينشد فى سكون ، لا تملأ الدلو وغرض فيها ... فإن دون ملئها يكفيها ، جلس ابى يؤثر فى حبال ( العنقريب) و امنيات اختنا البالية ، و المساء يقترب حثيثا بظلاله الرطبة ، هبت على وجهه اغنية نافذة موحشة ، اغنية تشبه أغنيات ( آمنة) و هى تتعثر فى دمعها اللزج ، اغنية يخشاها ابى حتى تحجب عنه وهج الصحو العاثر و القلق ، برزت عروق عنقه و تضخمت ، فعض على شفته السفلى من مرارة فكان كانما يعض عل حنظلة ، اعتكرت عيناه , فصر صوت الحبال تحت عزم قبضته ، و صرخت امنيات اختنا البالية من يأس و حرقة ، نبت جدى من تحت التراب المبلل بماء الوضوء , و صفع جدتى على وجهها ، قامت تعد الشاى فما امتلأ الكوب الى نهده ، غطت فاها بيدها و سكنت الى اكفانها، اشتد اوار الغناء فهمت امرأتى بالرحيل الى مفازة الجحيم و هممت أنا بالزحف فوق الحصى الساخن الى ( آمنة) ، انسد الأفق فى وجهى ووجهها ..توتر الحبل و تقمص الوجود هيئة جوهرة ميتة..و قال ابى... لماذا تخليت عنا؟؟

تاج السر الملك

[فتحي مسعد حنفي]

أنا يا ود الملك ما مطنشك لكن المرة دي عيارك تقيل وأنا كايس لس دوب تقيل عشان أقدر أخش معاك الفلم دا وما أكون أوف بوينت وتبقي مصيبة يقولو الحلبي بقي ما بفهم:D ودي ما أظنها حقيقة لكن المرة دي سطورك كتيرة ولو حاولت أقرا ما بينها بقوم أقع من كتر النطيت بينها وأقوم أتلخبط ما بين أوباما وآمنة والحاج أبوك الرما طوبتك من ما باريت لي أولاد حلة حمد:D ياخي في زول بباري بلدية واولاد رستم ياملك:confused:ويخلي أولاد الهندي!!!!!!!!!!شئ عجيب والله....
أها ما قلت لي لسة بتعمل في الجرد السنوي بتاع راس السنة ولا خلص:pغايتو ماتنسي لما أبو عركي يكون راجع تقول ليهو يرجع بالقاهرة وياخد ليهو معانا أيام بي جاي ولو رضي قول عوك عشان نديك وسائل الاتصال..أما موضوع التمباك ممكن تسأل فيصل سعد عشان أنا اتفقت معاهو أبعت كيلو ليهو وهو يقسموا ويبعت ليك نصو ولما مشيت البريد رفضوا يستلموهوا الا بشاهدة تحليل من المعمل فقلت تشوفوا أي زول جاييكم عن طريق القاهرة تدوهو تلفوني عشان أقابلو وأديهو ليهو:D:D:D أنا ما حأتصرف فيهو لغاية ما يسوس..
الموبايل:20122422959+

[تاج السر الملك]

والله انت متهمنى بالتمباك ده ساكت..الله يسامحك هسة انا شبه تمباك؟؟

[فيصل سعد]

والله انت متهمنى بالتمباك ده ساكت..الله يسامحك هسة انا شبه تمباك؟؟

تاج السر كيفنك و ماكطيب ،، كان تقول للخواجة في عمارة بزبلوها :D:D:D طيب الامانة من الوطنية كنت دايرها لشنو :confused::confused: بس اوعى تقول كنت داير تديها اوباما :D:D و لا تعرضها في الاوبنهاوس و كدة :D:D

[تاج السر الملك]

يا فيص ما عليك مدسة
ألأمانة الكنت دايرا من الوطنية...كليب من ( ابى فوق الشجرة).

[فتحي مسعد حنفي]

يا فيص ما عليك مدسة
ألأمانة الكنت دايرا من الوطنية...كليب من ( ابى فوق الشجرة).

ياخي حرام عليك أبوك دا تعبتو معاك شديد تختو في التبروقة يقرا قرآن وآخرتها مطلعو فوق الشجرة!!!هسع كان وقع تمشي من غضب الله وين:D:D:D

[تاج السر الملك]

تأريخ العنف (2)



أشرقت الشمس كعادتها كل صباح تحمل قدرا من أحزان مؤجلة و أخرى عاجلة ، أشرقت فى صمت و سكون ، خالية المحيا من غضون البارحة ، القت بضوءها على ستر رقيق تختفى تحته تفاصيل عبث الزمن و غلظته الفادحة حيال رونق الأشياء و صفاءها.
صنعنا مصائد للطير و الأسماك ، قال أخى ان القيامة تأتى عصر الجمعة ، فضاعفنا الجهد فى الأحتيال عليها ، الطيور ( الغبشاء) ، ترتعش فى اتون محرقة النهار تجهد فى الفرار من الحدأ المحلق فى غبرة السماء ، تقف على سطح المزاريب الملتوى و سقوف المنازل التى تختزن اللهيب ، ترقب فى حيرتها قلق الحتف الحافز على مرمى حجر ، ظل المذياع يلهث بغناءه غير عابىء بالقيامة ، ظل يبث الأغنيات التى لا يترنم فى متن لحونها مطرب ، أغنيات ترزم بهزيم طبول نائية و نحاس أخرس الطلعة كئيب ، موسيقى تحمل رائحة الحذر و الفوضى ، باعثة على السقم ، اندفق نبض الأرق فى الطرقات الخالية ، ترصد الحدأ بالحمائم ، تحدث المذياع مرة دون موسيقى ، التفت ابى الى اصدقاءه و قال ( لقد اعدموا !!)
ثم عاد المذياع الى الغناء الذى الفناه بعد ايام قلائل و كأن شيئا لم يكن ، عاد يغنى غناءا فى ملوحة القيلولة ، و ضجر الأمسيات ، عادت امى الى اراجيزها التى تحتلبها من جذوة الحب و الخوف و العنز الوحيدة ، ترتجل لحونا و شعرا يتحدر من شغاف القلب متحديا الموت ، نردد من حولها جذلى فى امان انفاسها
( الليلة شوفو سماحة الزول...الزول وداعة السيده نور )
بيد ان الأغنيات التى نام عن تلاوتها المغنى تظل عالقة فى القلب مثل حصاة معلقة فى حلق العدم ، تمعن فى الشجار و تغرق فى الدم المسفوح و المكيده ، اغنيات ترتعد حين سماعها الطيور الغبشاء ، و تتحنط فى متاهتها وجوه الرجال .
جاءوا يدقون على الباب فى الصباح الباكر ، أخذوا ( فاروق) فى معيتهم ، رمى بمتاعه القليل و لحافه على ظهر عربة النقل الفاجرة ، بكت (آسيا) بكاءا مرا ، غطت وجهها باثر قشور الحناء على طلل أصابعها الجافة المعروقة ، ثم ما لبثت ان عادت الى سماع اغنياتهاالتى يبثها المذياع صباح الجمعة قبيل حلول عصر القيامة بقليل، اغنيات لا تلامس شغاف القلب ، اغنيات كاذبة مثل مشهد الموت على شاشة السينما العريضة ، موت يتبدد حالما تشتعل سيجارة فى الظلام ، كنا نقتصد من مصروفنا لنجلس فى ظلمة دار العرض نتسلى ببطولة الخارجين على القانون و عيونهم الزرقاء اللامبالية ، يجالسهم ابى فى غرفة الدرس يحلم معهم بعالم سعيد ، عالم تنطق فيه الحيوانات ملء فيها ساعة انفصال اليابسة عن اليابسة وحين تتخلق القارات ، نقتتل و جيش ( ابى سرح) ، حتى انفضاض الضجر عن النهار ، و شهد الحجر بذل الفىء لرجال يمتهنون الشجاعة ، رجال يزومون فى مشهد الموت الحقيقى دون خشية .
عاد ( فاروق) الى ( آسيا) ، يسرد على سمعها اغنية العنت ، تكدرت ، فصفعها ، رمت بمتاعها القليل على ظهر عربة النقل و مضت ، بكى ( فاروق) بكاءا مرا ، اصبح عليه نهار الجمعة التى لم تقم القيامة فى عصرها .

أشرقت الشمس..
دهور مضت وهى فى سيرورتها ، تغضنت جباه ، انحنت جباه ، تعفرت جباه بالرمل و الحصى ، غير ابى جلبابه مرات عددا ، و ذهب حين انسربت المسبحة من بين أصابعه كالأثير ..نفخ فى الصور .. ولولت امى فرقا ، فطارت العصافير نحو الحدأ فى الأعالى !!!

وقف رجال الحزب بعيدا يرمقوننا بأعجاب ، و نحن فى ثورية الأردية الزرقاء نردد فى حماس ابله ، هتاف تقطعه نقرة واحدة على طبل
مرحى
لينين
مرحى
لينين
مصفدى الرقاب بالمناديل الحمراء ، تتدلى من اعناقنا كعناقيد دم ، بعد العرض و الهتاف ، تحدث الينا الرجل السرى ذو اللحية الداكنة المهملة عن قصد ، اللحية التى لا تنم عن ورع ، و تكشف عن تهذيب و صلابة و غرور ، كان اعذب حديثا من خليفة سيدى (محمد عثمان) ، فى حلقات المولد التى كنا نؤمها كل خميس ، تحدث عن قيود و طبقة ، اكتست وجوهنا فرحا حينما تحدث عن مهرجانات قادمة فى بلاد بعيدة .
رايناهم جميعا يذهبون الى حيث ذهب ( فاروق) ، و لكنهم يلتقون بذويهم و اسرهم فى مستشفى المدينة ، يخرجون من الحبس ، بحيلة التظاهر بالأعياء و الأغماء حتى ، يبدوا الثبات على وجوه معظمهم ، و الخور على فئة أخرى ، قلة غائرة العيون مضطربة الجوانح فكأنما تطلب الصفح و الأعتذار و المساومة ، و لكن ما ان يمر اسبوع على اقامة المستشفى ، و تدفق الطعام و الشراب و النكات، حتى تطمئن الكباد المرتعدة ، و يسفر الجلد الخادع عن نفسه مثل شبح يتحين الفرصة للفرار و الأنزواء.
أخذنا وعد الرجل السرى مأخذ الجد ، تيارينا و تنافسنا بشرف طمعا فى اختيار احدنا للمهرجان فى البلد اليوتوبى البعيد ، عشر سنوات مضين قبل ان يركلنى رجال امنه فى نقطة الحدود بسبب من لونى الأسود ليعيدوننى مشيا على الأقدام من حيث اتيت فى ظلمة ووحشة و عاصفة من الجليد . حلمنا بركوب الطائرة ، و اعددنا اكياسا من النايلون تحسبا للقىء ، قيل انه يداهم من يركب الطائرة للمرة الأولى ، ثم مضى زمن المهرجان و انقضى و نحن فى حلمنا و الطائرة ، و أعلمنا ان قريبا للرجل السرى سافر الى المهرجان ممثلا لجماعتنا التى لم يكن عضوا فيها ، سأل ( محمود) مرة المشرف عمن يكون ( مرحى) ؟؟ فحدثنا الرجل السرى حديثا طويلا لا اذكر معظمه عن الرجل الأصلع عظيم الهامة الذى يرقد فى مخيلاتنا الهشة مثل مسيح يحمل صليب الخلاص ، عاد الصبى و عادت معه احلامنا الخائبة ، احلامنا التى دفعنا ثمنها من جولات مضنية فى الريف و المناحى البعيدة ، من ما اقتصدناه من زمن و جهد و بعض فنون ساذجه ، كنا صغارا لا نعرف اين يسوقنا الغضب و الغيظ ، كنا احرص ما نكون على الرداء الأزرق و الشارات و المناديل الحمراء ، وصحبة الفتيات الصغيرات نؤدى معهن ادوارا مسرحية ، و نتولى ايصالهن الى منازلهن فى آخر المساء مثل رجال حقيقيين دون شوارب او لحى داكنة مهملة ، و فى طريق العودة تحملنا الخرافة الى مسالك الخوف و الحدأ الرابض فى غبرة السماء ، فنبدأ فى انشاد ( يا حارسنا و فارسنا ) ..الى اليوم الذى لم نعد فيه ندرى الى اى الفريقين ينتمى النشيد.

[نهى أحمد]

يا ملك يا رايع
سردك جميل والله..
لكن السنسميليا دي شنو!

[فتحي مسعد حنفي]

يا ملك يا رايع
سردك جميل والله..
لكن السنسميليا دي شنو!

وررووووووووووووك أمانا ما كتل راجل ما قلت ليك يافيصل بتقبضو قلوبيتو....السنسميليا دي حاجة كدا زي حلاوة سمسمية بتخللي الزول يكتب زي أستاذنا تاج السر الملك بعيد عنك:D:D:D

[فيصل سعد]

وررووووووووووووك أمانا ما كتل راجل ما قلت ليك يافيصل بتقبضو قلوبيتو....السنسميليا دي حاجة كدا زي حلاوة سمسمية بتخللي الزول يكتب زي أستاذنا تاج السر الملك بعيد عنك:D:D:D
:D:D:D:D:D:D:D:D:D
سلامات يا خواجة و ربنا يلطف بالاخت العزيزة و يشفيها و يعافيها و يطمنكم عليها....

[نهى أحمد]

:D:D:D:D:D:D:D:D:D
سلامات يا خواجة و ربنا يلطف بالاخت العزيزة و يشفيها و يعافيها و يطمنكم عليها....

شنو يا أخوانا .. خوفتوني
سمسمية شنو التخلي الواحد يخاف منها
أكتب يا ملك
كان بقت على السمسميه
أكتب سااااااي

[فتحي مسعد حنفي]

شنو يا أخوانا .. خوفتوني
سمسمية شنو التخلي الواحد يخاف منها
أكتب يا ملك
كان بقت على السمسميه
أكتب سااااااي

أنا أعشق البراءة وكل برئ كدي شوفي صورة الملك دا وقولي لي يخوف ولا ما يخوف:D وبعدين انتي باين عليكي انسانة مطلعة أها ما قريتي جملة السم في العسل:confused::confused: أهي دي السمسمية البتخوف ذاتا وأكتر من كدا أسألي سيد الكلام يشرح ليك براهو عشان ما يجي يقول احنا عايزين نشوه صورتو وهو عارف كويس احنا كيف بنحبو وبنحب سمسميتو..والسمسمية دي رقصة علي أنغام السمسمية اشتهرت بيها المناطق الساحلية في جمهورية مصر العربية وبالأخص بورسعيد:) يعني كلامنا بريئ وما عندنا أي أغراض سيئة في حق حبيبنا تاج السر الله يديهو العافية ويستمر في رقيصو:D:D:D

[نهى أحمد]

إزيك يا عمو
إنت يتعشق البراءه
وللا السمسميه!
حيرتونا والله
أنا هسي شايفه صورة الملك دي عادية
صورة زول كتًاب وروائي
وممكن يكون بيفكر أو بالو مشغول بي "جريده"
لكن هو وينو ما داير يورينا سنسميتو دي شنو

بعدين إنت من وين؟ من مصر
لأنو أول مره أعرف مصر فيها حاجات زي حقتنا

" عندكم دقَه"

[فتحي مسعد حنفي]

إزيك يا عمو
إنت يتعشق البراءه
وللا السمسميه!
حيرتونا والله
أنا هسي شايفه صورة الملك دي عادية
صورة زول كتًاب وروائي
وممكن يكون بيفكر أو بالو مشغول بي "جريده"
لكن هو وينو ما داير يورينا سنسميتو دي شنو

بعدين إنت من وين؟ من مصر
لأنو أول مره أعرف مصر فيها حاجات زي حقتنا

" عندكم دقَه"


أولا أنا سوداني وسوداني جدا بس لي فترة عايش في مصر يعني مهاجر زي الناس الهاجروا لي امريكا واوروبا..وتاج السر دا ولدنا واحنا دايما بنشاغلو كدا يعني مداعبات بريئة وهو عارف كدا كويس بس اكيد مشغول لانو عايش في امريكا واكل العيش هناك حار وأول ما يفضي بتلقيهو جا ناطي عشان يتسدا فينا واحنا بنلقي فرصة في غيابو عشان نتفسح في بوستاتو ولمن يرجع بندسا منو لغاية ما يهدا..
السمسمية يابتي آلة وترية بتشبه الربابة أو الطنبور عندنا..أما الدقة فدي موجودة طبعا ولا انتي ما سمعتي في الأفلام البطلة بتقول آكلهة بدقة ولا أفرط في شرفي:D:D:D

[نهى أحمد]

أولا أنا سوداني وسوداني جدا بس لي فترة عايش في مصر يعني مهاجر زي الناس الهاجروا لي امريكا واوروبا..وتاج السر دا ولدنا واحنا دايما بنشاغلو كدا يعني مداعبات بريئة وهو عارف كدا كويس بس اكيد مشغول لانو عايش في امريكا واكل العيش هناك حار وأول ما يفضي بتلقيهو جا ناطي عشان يتسدا فينا واحنا بنلقي فرصة في غيابو عشان نتفسح في بوستاتو ولمن يرجع بندسا منو لغاية ما يهدا..
السمسمية يابتي آلة وترية بتشبه الربابة أو الطنبور عندنا..أما الدقة فدي موجودة طبعا ولا انتي ما سمعتي في الأفلام البطلة بتقول آكلهة بدقة ولا أفرط في شرفي:D:D:D

معليش يا عمو أنا ما فهمت
السمسميه وللا السنسميليه =آله وتريه تشبه الربابه
سمسميتكم عجيبه والله

[فيصل سعد]

معليش يا عمو أنا ما فهمت
السمسميه وللا السنسميليه =آله وتريه تشبه الربابه
سمسميتكم عجيبه والله

عجيب البدري :D:D:D
اسمعيني يا نهى ، تاج السر و فتحي ديل ما تدققي معاهم كتير :D:D لانهم حلفاء بحراويين اصيلين واحد صاحبه عجلاتي و التاني فردتوا جيار :D:D و عندهم رندوك بفهموا براهم واحد بالشيشة و واحد بالزقزاق :D:D

[تاج السر الملك]

العزيزة نهى

آسف على التأخير
لمن أخوى فتحى المصرى تولى الردود ، ديل جماعتنا مصاروة التكامل جو و حتلو فى حلة حمد و مدنى و البعض فى الجزيرة ابا..أشكرك على اهتمامك بالنص
اما ال sensemilia فهى البنقو.. و انا اقصد بها حالة عقلية اقرب الى تدفق تيار الوعى و المنولوغ الداخلى.... او رؤية افقية للزمن الذى هو احداثيات الحادث..
some sort of stimula that I use to bind frames of memories and incidents collaboratively to free myself and resist gravity of grief.
اتمنى ان اكون قد وفقت
لك مودتى و لحنفى و فيصل و كل القراء
الملك

[فتحي مسعد حنفي]

عجيب البدري :D:D:D
اسمعيني يا نهى ، تاج السر و فتحي ديل ما تدققي معاهم كتير :D:D لانهم حلفاء بحراويين اصيلين واحد صاحبه عجلاتي و التاني فردتوا جيار :D:D و عندهم رندوك بفهموا براهم واحد بالشيشة و واحد بالزقزاق :D:D

هذه المشاركة تحتوي على محتوى مخفي

[تاج السر الملك]

الأخت نهى
مرة أخرى
نصوص السنسميليا موجودة بكاملها فى ( بلوق) سأبعث لك باللنك ، و هى من النصوص القريبة جدا الى نفسى ، بل هى جزء اصيل من روحى ، هذه النصوص هى اعلى حالات جديتى ..فرحى و حزنى وكل ما املك.. أسعد اذا لمست و لو قارىء واحد.. و لا اغضب اذا مرت مرور الكرام ..ففى متنها اكتب لنفسى و بعض ارواح هائمة فى فضاء ما.

[شليل]

إزيك يا التاج
كالعاده لم تخيب ظننا في ما تكتبه
التحيه ليك ولضيوفك الكرام أختنا نهى وفيصل وأبو الفتوح
شفت ضريبة السنسيمليا شنو
جابت ليها سمسميه , وجير, وزعميط شعرغنمايه
غايتو..
بوست ممتع لكن أبو الفتوح ده لو رسل لي رطل رطلين
من الوطنيه قبال ما تسوس
بداوس معاكم.

[فتحي مسعد حنفي]

العزيزة نهى

آسف على التأخير
لمن أخوى فتحى المصرى تولى الردود ، ديل جماعتنا مصاروة التكامل جو و حتلو فى حلة حمد و مدنى و البعض فى الجزيرة ابا..أشكرك على اهتمامك بالنص
اما ال sensemilia فهى البنقو.. و انا اقصد بها حالة عقلية اقرب الى تدفق تيار الوعى و المنولوغ الداخلى.... او رؤية افقية للزمن الذى هو احداثيات الحادث..
some sort of stimula that I use to bind frames of memories and incidents collaboratively to free myself and resist gravity of grief.
اتمنى ان اكون قد وفقت
لك مودتى و لحنفى و فيصل و كل القراء
الملك


لا يفتي ومالك في المدينة واحنا بس قلنا نحفظ الموضوع سخن لغاية ما تجي بالسلامة:D:D:D أهنيك علي شجاعتك وشرحك الوافي لكن بس خليني أزيد علي ايضاحك انو السنسميليا هي نوع من انواع المارجوانا التي يندرج تحتها البنقو يعني الاتنين فروع من فروع المارجوانا التي هي في الأصل canepus indicos أو القنب الهندي والمصنع منه يسمي بالحشيش يا ملك:)

[تاج السر الملك]

قرقرقر يا شليل

معيط الغنماية و كلو سنسميليات ناس حنفى ديل واقعه ليهم الشغلة .. ديل بصيدو السمك بالريموت..ناس حليم بلدية و الدرب التحت.. وهمو اهل بحرى الجزء الساسى فى تيار الوعى و لحظات الأشراق ، بعدين دحين دى ما عين ممكونة؟؟

فتحى الحبيب
هب البوست ده خلى نارو حية..الضرب جاى لى قدام..و السنسميليا دى القش المافيهو حب..منضفة جاهزة ( على حسب رواية اهلنا و جيرانا الجامايكيين)

[شليل]

التاج أخوي..
معيط الغنماية و كلو سنسميليات ناس حنفى ديل واقعه ليهم الشغلة .. ديل بصيدو السمك بالريموت..ناس حليم بلدية و الدرب التحت.. وهمو اهل بحرى الجزء الأساسى فى تيار الوعى و لحظات الأشراق ،
أبو الفتوح ده شايفو اليومين ديل بقى يبرر بزهايمر وجلكسات
خايفنا نمعط ليهو سعوطو.. ويجيك بي جاي مبسوط 24 قيراط
الشكيه لله.
بعدين دحين دى ما عين ممكونة؟؟
قرًبت.. لكن دي عيني الطلعت دي
داير سحبه فيها!
هب البوست ده خلى نارو حية..
هب
خلًي الناس تحب.
بس أصبر لي شويه .

[فتحي مسعد حنفي]

قرقرقر يا شليل

معيط الغنماية و كلو سنسميليات ناس حنفى ديل واقعه ليهم الشغلة .. ديل بصيدو السمك بالريموت..ناس حليم بلدية و الدرب التحت.. وهمو اهل بحرى الجزء الساسى فى تيار الوعى و لحظات الأشراق ، بعدين دحين دى ما عين ممكونة؟؟

فتحى الحبيب
هب البوست ده خلى نارو حية..الضرب جاى لى قدام..و السنسميليا دى القش المافيهو حب..منضفة جاهزة ( على حسب رواية اهلنا و جيرانا الجامايكيين)

ما تخاف ياملك انا موزع القلوبيات في كل مكان ومصيرو الطير يقع ونارنا زي نيران المجوس ما بتنطفي ولما اروق شوية حأحكي ليك أول تجربة لي مع الدخاخين وكيف شفت قلعة صلاح الدين في ساعة البلدية في امدرمان ومن يوما كايس ليها وتاني أبت تجي:D

[نهى أحمد]

الأخت نهى
مرة أخرى
نصوص السنسميليا موجودة بكاملها فى ( بلوق) سأبعث لك باللنك ، و هى من النصوص القريبة جدا الى نفسى ، بل هى جزء اصيل من روحى ، هذه النصوص هى اعلى حالات جديتى ..فرحى و حزنى وكل ما املك.. أسعد اذا لمست و لو قارىء واحد.. و لا اغضب اذا مرت مرور الكرام ..ففى متنها اكتب لنفسى و بعض ارواح هائمة فى فضاء ما.
كيف يا ملك
سعيده بإهتمامك بأسئلتي
وإن كنت قد رسمت صورة بذهني عن أن شاكلة كتابه كهذه تحتاج لدرزينة من شياطين الكتابة
شكراً لهذه السنسيملية
وبإنتظارك

[تاج السر الملك]

كيفك يانهى
بين الزمن الذى كنت اود الرد عليك فيه و صباح اليوم تغيرت الدنيا و اصبح شياطين الكتابة ملائكة ابرياء امام الشياطين التى قضت على سناء.. الدنيا دى ماشة على ياتو اتجاه؟؟ هو فى لسة فى محايات فى السودان؟؟ الله يستر على الخلق ، بالله شفتى القصة العجيبة دى؟؟
لك تحياتى و مودتى

[Asma Abdel Halim]

تاج السر يا خطير إزيك!!!!!

العنوان ده جبته من وين؟

[الجيلى أحمد]

سمسمية:D- أقصد-
سنسميليا بى كرت..

دى كتابة ترد الروح ياملك
وتخلى الواحد يتمطق متعة..

[نهى أحمد]

كيفك يانهى
بين الزمن الذى كنت اود الرد عليك فيه و صباح اليوم تغيرت الدنيا و اصبح شياطين الكتابة ملائكة ابرياء امام الشياطين التى قضت على سناء.. الدنيا دى ماشة على ياتو اتجاه؟؟ هو فى لسة فى محايات فى السودان؟؟ الله يستر على الخلق ، بالله شفتى القصة العجيبة دى؟؟
لك تحياتى و مودتى
كارثه والله يا ملك
وبكل أسف المحايات بتشكل أكبر سنسيمليه في إعتقادهم.
أأسف كثيراً لها.

[تاج السر الملك]

أسما حلييييييييييييييييييييييييييييييييييييييييييم
وين الحى بيك؟؟
العنوان جبتو ولا لقيتو قدامى؟؟
المحن الداخلين فيها من يوم يبعثون دى
مشتاقين و الله و التحية لشباب الحليماب كلهم
نسمع منك

[فيصل سعد]

يرفع للرد على استفسارات كثيرة و متعددة
عن السنسميليا و مشتقاتها من سمسم و مية :D:D..
و التحية للبرنس و صحبه ..

[فيصل سعد]

حتى لا يطير الدخان :D:D
ما فيها ملحق و وصلة خم رماد و كدا ..

[تاج السر الملك]

ما اظنها بتبطل الوضوء يا سعد

[النذير بيرو]

تاج السر الملك

اضغاث السانسيمليا مفردات رائعة لوعي كتابي مختزن تفاصيل التفاصيل او كلوحة تشكيلية رائعة تعطيط كم معني طيلة ايام عرضها في معرض ( كل يوم تكتشف جزوة المعني) واصل لا ادري فالسانسيميليا قد لامست فيني سانسمليا جميلة جدا وارجعتني لزمن باذخ في داخلي معجون بالتي نسميها في الواقع ثورات ومارشات وتقاطيع ابي وهو يحادث امي باضراب مرتقب لعمال ورشة السكة الحديد وانا اقف في طابور التعاون تحذرني والدتي من الامساك بالدفتر الطويل ودفع اجرة الكارو كاملة وان لا انتقص منها شيئا ووانا اري عمنا الشيوعي الكير ( يجوب التعاون بعجلته البالية ) وبحذر من مغبة نقض العهد والطابور الخامسز

لك التحية

[فيصل سعد]

ما اظنها بتبطل الوضوء يا سعد

كلامك صاح قطع شك :D:D

و زي ما يكون :

http://sudaniyat.net/up/uploading/zey_ma_yakon.mp3

[عبدالماجد محمد عبدالماجد]

تاج السر الملك

والله أنا زي كانت أيامي ضايعة. هذه كتابة عجيبة. إنه اللون الذي أفضله في الأدب. أنت تعجن من طين بلدنا وتبني بنيان ثابت ومعطر بالدعاش والصندل وبخور اللبان وملون بمقر من جروفنا ممزوج بعرق التربالة وموية حِنَّة ماركة عزّة. يا سلااااااااام .

أنت تاريك كدا. يا زول أبقا على نوع الحكي دا عشرة.

[الجيلى أحمد]

ما اظنها بتبطل الوضوء يا سعد


قلتا لى كيف ياكينغ:D:D

[تاج السر الملك]

اخي النذير
اكثر ما يسعد الكاتب ان يلمس عصبا فى القارىء الذي هو الكاتب فى مجرة اخرى
مجموعة السنسميليا مرشحة كلها لقراءاتك اذن..ستجدني و نفسك و كلنا فيها..فى أرشيف سودانيات
و بعضها هنا
http://tajsudan.maktoobblog.com/
اشكرك من قلبي مرة اخرى



صديقي عبد الماجد
بس عرق الترابلة ده هو اساس الخلطة
لكل مودتي يا صديقي


الجيلي
قرقرقرقرقر
التيمم يا راجل


لكم جميعا التهنئة بحلول الشهر الكريم