مشاهدة النسخة كاملة : اكسر حدود كل الفرح
عبدالله وداعه الامين
20-12-2005, 06:39 PM
اكسر حدود كل الفرح
وفواصل الشوق الوقف
يتعلم المشي شان اجيك
اسند خطوط طولك علي
وارويها من لوني النشف
في عرقو بسال عن عينيك
عن سكة بتسوق العمر
في لحظه تسرق روعتو
وتجيبو عندك بين ايديك
علشان ايديك بتحس معاي
انو الزمن لسع جميل
وجمالو بكبر برضو بيك
والريد معاك بكبر شديد
معناهو بتعدى الخيال
الديمة بشرب من وشيك
وانا من وشيك بسقي الجمال
لو يهدا بي مره السفر
وسط الغمام الكان وشيك
يندسى في مطرك علي
يا ساقي ريحك من صفاك
ومعلم الايام مشيك
انا اصلي متعود معاك
انو الرذاذ اصل المطر
جواي وقت يرشح عليك
وانو الربيع اصل الفصول
الديمة بتجيب الفرح
والديمة برضو تودي ليك
عبدالله وداعه الامين
لندن 20.12.2005
مي هاشم
20-12-2005, 07:51 PM
حاولت تخيّر أكثر مقطعٍ أسرني لأعلق، فإذا بكل كلمات القصيدة تأسرني، ومع ذا فأختار هذا المقطع
انا اصلي متعود معاك
انو الرذاذ اصل المطر
جواي وقت يرشح عليك
وانو الربيع اصل الفصول
الديمة بتجيب الفرح
والديمة برضو تودي ليك
لا أدري ، لكني أهنيء من تحبها على هذا الفيض
خالص الود
عالم عباس
20-12-2005, 09:35 PM
تعرف يا عبد الله
أجمل ما في الحب أنو ببدل عيونك بعيون جديدة
والدنيا يا ها نفس الدنيا (فكيف الشوف يختلف)؟
أها الناس البيخلونا نقول:
علشان ايديك بتحس معاي
انو الزمن لسع جميل
وجمالو بكبر برضو بيك
والريد معاك بكبر شديد
معناهو بتعدى الخيال
الديمة بشرب من وشيك
وانا من وشيك بسقي الجمال
الريدة البيتحكم في الطبيعة والريح والقمر
الريدة البدس الريح في جيب السحاب
والريدة البتخيط من شعاع الشمس تنورة للمحبوب
الريدة الجنن المجنون جنن عبد القادر وجنن بوبي ذاتو!
الريد البخليك تكسر حدود كل الفرح وتقول:
اسند خطوط طولك علي
وارويها من لوني النشف
في عرقو بسال عن عينيك
عن سكة بتسوق العمر
في لحظه تسرق روعتو
وتجيبو عندك بين ايديك
ما ياهو يالشعر يا الريد
الأتنين بجننوا
وإنت جننتهم جن!
عكــود
21-12-2005, 10:33 AM
وانا من وشيك بسقي الجمال
قال عالمنا:ما ياهو يالشعر يا الريد
الأتنين بجننوا
وإنت جننتهم جن!
وأكتفي!
عكــود
هو يا فردة المجنون دا الا يطقع بالحجارة :p
اكسر حدود كل الفرح
وفواصل الشوق الوقف
يتعلم المشي شان اجيك
اسند خطوط طولك علي
وارويها من لوني النشف
في عرقو بسال عن عينيك
وانا تايهه غريق وسط السطور وكل كلمة تودى ليك
عبدالله وداعه الامين
05-01-2006, 01:59 PM
حاولت تخيّر أكثر مقطعٍ أسرني لأعلق، فإذا بكل كلمات القصيدة تأسرني، ومع ذا فأختار هذا المقطع
انا اصلي متعود معاك
انو الرذاذ اصل المطر
جواي وقت يرشح عليك
وانو الربيع اصل الفصول
الديمة بتجيب الفرح
والديمة برضو تودي ليك
لا أدري ، لكني أهنيء من تحبها على هذا الفيض
خالص الود
الاخت والشاعرة القديرة مي
اولا اسف جدا في تاخري في الرد لكي ولك الاعزاء الذين بادلوني ودا بود وعبروا من هنا
لقيتك انا
حتة فرح تمسح عذابات العنا
وشلال عواطف تروي زول
مشتاق يفتش لي العيون
الفينا تتفجر سنا
وزخة مطر تروي العذاب
المن زمان يسقي الفرح
وتسيل جداولو ممحنة
وشايلك انا
وسافرتا بيك احلم معاك
بي دنيا زاهيه بتشبهك
واحلام تودر كم سنة
وزفة فرح تنده عليك
وتغني ليك يادنيتي
وفرح الاماسي الممكنة
وتشد ليك عصب الزمن
الحان ترقص كلي زول
موسيقى حالمة مدوزنة
شكرا لكي عزيزتي على المرور وشكرا على كلماتك الدافئة سعيد انا بك وبكلماتك
كل سنة وانتي طيبة وربنا يحقق كل امنياتك
ودي لكي وتحياتي يا صنو الحرف
عبدالله
عبدالله وداعه الامين
05-01-2006, 02:07 PM
تعرف يا عبد الله
أجمل ما في الحب أنو ببدل عيونك بعيون جديدة
والدنيا يا ها نفس الدنيا (فكيف الشوف يختلف)؟
أها الناس البيخلونا نقول:
الريدة البيتحكم في الطبيعة والريح والقمر
الريدة البدس الريح في جيب السحاب
والريدة البتخيط من شعاع الشمس تنورة للمحبوب
الريدة الجنن المجنون جنن عبد القادر وجنن بوبي ذاتو!
الريد البخليك تكسر حدود كل الفرح وتقول:
ما ياهو يالشعر يا الريد
الأتنين بجننوا
وإنت جننتهم جن!
استاذي وشاعري العزيز عالم عباس
اولا كل سنة وانت طيب وربنا يديم عليك نعمة الصحة والعافية
دائما كلماتك تنزل بردا وسلاما على قلبي ويطربني حضورك بين اسطري وانتشي حتى افقد نفسي
لك كامل ودي وجزيل شكري وان تشرفني بحضورك القوي وقلمك الرشيق
شرف لي ان تهز نخلتي اليابسة بطيب عبقك فانت كل الطيب واقول لك:
شكرا محنة لانك معاي
محافل بتضحك تزين سماي
سماك البتفرح بتزرع جواي
مداين تلون معالم رضاي
تكوّن عوالم بترسم حشاي
خيوت المحبة البتفضح غناي
شوارعك تصارعك تدفر بكاي
تخت الحقيقة وتغتغت وراي
مصايب تجقلب تعكر صفاي
احبك حقيقة والى منتهاي
لانك حقيقي بتدهش رؤاي
شكرا لك عزيزنا ولك خالص الود والسلام
عبدالله
عبدالله وداعه الامين
05-01-2006, 02:12 PM
قال عالمنا:
وأكتفي!
عكــود
الاخ الحبيب عكود
شكرا لك عزيزي وان تشرفني بحضورك الجميل
كل سنة وانت طيب وربنا يحقق كل امنياتك
وانت تعطر سماواتي اسمح لي ان اهديك هذه الابيات:
حضورك مرتب
كلامي المشطب
وروعة سكونك
تهش السحاب
وصوتي البغني
حنين التمني
وينده ينادي
البيروي الغياب
بردد ويكتب حروفك براك
ويفضل يغني ويصفق وراك
لانك حقيقة برغم الصعاب
حضورك بيفضل
يسد الفراغ
ويفتح عوالم
تهد السراب
شكرا لك عكود ثانية ولك ودي وكل التحايا يا زول يا رائع
عبدالله
عبدالله وداعه الامين
05-01-2006, 02:16 PM
هو يا فردة المجنون دا الا يطقع بالحجارة :p
اكسر حدود كل الفرح
وفواصل الشوق الوقف
يتعلم المشي شان اجيك
اسند خطوط طولك علي
وارويها من لوني النشف
في عرقو بسال عن عينيك
وانا تايهه غريق وسط السطور وكل كلمة تودى ليك
الاخت العزيزة ودفعة سروره :D :D
كل سنة وانتي طيبة وربنا يحقق كا امنياتك
شكرا لكي عزيزتي عل المرور الجميل وطلتك الحلوة لانو:
منو الزيك بجيب الغيم
بغتي زذاذو بالالفة؟
ومن الزيك بسجن الشوق
جوه الروح ويتلفي
ويدندن جوه في الوجدان
يرجح كفة بي كفة
ويحرك فينا همس الشوق
وحبا عمرو ماكفى
وما فارق مسام الروح
لانك روحنا في المنفى
وفي زمنا وقت نشتاق
من عينيكي بنتدفى
لانك انتي اغلى الناس
وما ردناكي بس صدفة
فوتينا الحج وقعدتي؟ :( :(
لكي التحايا وكل الود عزيزتي وتسلمي كتير
فائق ودي واحترامي والسلام
عبدالله
هاشم الشيخ
05-01-2006, 07:30 PM
منو الزيك بجيب الغيم
بغتي زذاذو بالالفة؟
ومن الزيك بسجن الشوق
جوه الروح ويتلفي
ويدندن جوه في الوجدان
يرجح كفة بي كفة
ويحرك فينا همس الشوق
وحبا عمرو ماكفى
وما فارق مسام الروح
لانك روحنا في المنفى
وفي زمنا وقت نشتاق
من عينيكي بنتدفى
لانك انتي اغلى الناس
وما ردناكي بس صدفة
العزيز عبدالله وداعه الامين
ماعارف ارد علي النص الاصل ولا علي الردود خطواتنا ما بتتحمل كل المشاوير الحلوة دي ..اذن سننتظرك هنا
حيث تقف ملاين الجياع للكلمة الحلوة ..
مهند الجيلي بادي
08-12-2014, 12:05 PM
اكسر حدود كل الفرح
وفواصل الشوق الوقف
يتعلم المشي شان اجيك
اسند خطوط طولك علي
وارويها من لوني النشف
في عرقو بسال عن عينيك
عن سكة بتسوق العمر
في لحظه تسرق روعتو
وتجيبو عندك بين ايديك
علشان ايديك بتحس معاي
انو الزمن لسع جميل
وجمالو بكبر برضو بيك
والريد معاك بكبر شديد
معناهو بتعدى الخيال
الديمة بشرب من وشيك
وانا من وشيك بسقي الجمال
لو يهدا بي مره السفر
وسط الغمام الكان وشيك
يندسى في مطرك علي
يا ساقي ريحك من صفاك
ومعلم الايام مشيك
انا اصلي متعود معاك
انو الرذاذ اصل المطر
جواي وقت يرشح عليك
وانو الربيع اصل الفصول
الديمة بتجيب الفرح
والديمة برضو تودي ليك
عبدالله وداعه الامين
لندن 20.12.2005
عبد الله أخوي،،
أحييييييي من بيت البكا دا
ياخ اشتقت طلة حرفك
مرفق:
أشواقي ما فترت تجيك
بــــــادي
قاسم الحاج
09-12-2014, 06:02 PM
قمه الابداع اخي عبدالله
vBulletin® v3.8.8 Beta 2, Copyright ©2000-2026