عشق قديم -- فراق أليم -- يا سودانياتنا

[أبوذر بابكر]

وفى كفى
أحمل القلب

ثم أقرأ فاتحة الشوق لأدلف إلى حيث الطيب والطيبة، وما بينهما

لأحيى الصحاب والأحباب
حضورا يمد لسان شوقه لوجه الغياب

وأعتذر
يملأنى إستحياء جارف
لكل من سأل حراس بوابات الغياب عنا

فقد تكالبت علينا مفازات التيه وجحافل المسافات بلؤمها المعهود

وعلى أمل بمعاودة الغناء مع جوقة الألق ها هنا

ثم

أذكر
أنه وفى آخر قطرة من كأس الفرح، ارتشفها قلب الود هنا
كانت للمعشوقة العصية "سودانيات"
وقتها كانت مثخنة بجراح الفرقة وتنافر الخلان

و
حزنئذ غنينا لها

صبية حالمة مفرهدا
فى ليل ضفايرك
نتكى
نغزل خيوط ريدنا البدا
ويبدا الحكى
ووجيهك المليان سنا
كون من ألق
إترص فى خاطر المدى
كون من أغانى مدوزنا
إلفة بشر
نشوة سهر
صبة مطر
وعشان حدايقك وسوسنا
من تالا حسادك يجيك
شر الخطر
محجوبة بالحصن الحصين
مزروبة بى ريدنا المكين
إسمك فرح
طيبك طمح
ومن طيب حدايقك وسوسنا
فاحت نسايمك
فى جميع الأمكنه
محت بشايرك
كل أحزان السنين
شالت محاسنك
كل قبح الأزمنة

صبية حالمة مفرهدا
والريد بدا
شفنا معاك
ريدة الناس محاوشاكى
يمشى حداك
طيب المعنى يغشاكى

صبية حالمة مفرهدا
ليكى المحبة
وامنيات
عمرا مديد
ليكى المودة
وأغنيات
فرحة ونشيد
ليكى الصباح
والأمسيات
أعراس وعيد

وليك من قلوبنا
الريد أكيد

كل يوم جديد
===============

أما بعد
فالمحبة عليكم جميعا

ونلتقى

[عكــود]

كم افتقدناك يا أباذر..
عُدْ كما عهدناك
وكما أحببناك
فأنت المُقيم فينا،

عكــود

[أم سهى]

صديقي ابو ذر
منو القال ليك غبت من دواخلنا؟؟
انت دائما في البال والخاطر
وتجدنا عطشى لحروفك المتفردة التي تملأنا ودا وحبا وعشقا
فهلا زدتنا منها (زدنا عشقا يا هذا )

وليك من قلوبنا
الريد أكيد
.... يا أباذر
مع احترامي

[خالد الحاج]

الزول الزين أب حالآ زين أبوذر
ما كان مثلك ليغيب عن الخاطر يا أباذر
فقد زرعت فينا من الخير والجمال ما يكفينا ثمره دهور وظله وريف ماهو الرقراق
وتبقي يا صديقي صاحب دار وسيد بيت فقد قامت هذه الزهرة سودانيات علي أكتاف أغانيكم
(أبوذر، جورج،صلاح شتات،ملكة سبأ،تمبس، أبوجهينة) ....

هلا بيك يا أبا آمنة وفرحة كبيرة والله

[Ishrag Dirar]

مواسم الخصب قد بزغت شموسها ..
فلتغرقنا بمطر الشمس
وعدك الذي وعدت

[haneena]

مرحب أباذر يا مطرنا
جيدآ جيت ...فلنغني غنوات الفرح

[ملكة سبأ]

يا هلا والله المطر

فعلا سعدت جدا بعودتك هنا تاني ...

وياخال البيت بيتنا ، أمشي في مشيك وما تشيل هم

وربنا يقويك

يا مرحب تاني ابوذر المطر

وهو نحن حا نرحب بيك في بيتك ؟؟

ادخل ياخ ....

[المجدلية]

العزيز أبو ذر المطر
لقد سكت الصوت طويلا ..‏ واختلط الزمان بالمكان‏..‏ وأنشب السكون أظفاره في عنق الأمل.
والزهر الذي ارتفع يقبل غيامات المطر‏..‏ لا يزال منحنيا راكعا يقبل الثري‏..‏ يسأل عما جري‏!!‏
إثرغيابك الطويل

فمرحبا بعودتك الفرح
وباقة ورد
لقلبك وقلمك

http://www.mzunh.com/files_s/worrd/05.jpg

دم أبدا مطرا
دم بخير

[معتصم الطاهر]

أبا ذر

يا متجدد

ومجدد فينا العشق ..

[3mk-Tango]

ابا ذر ..

ساكن في القلوب دائما .. مكانك محفوظ
والانتظار ود عم الصبر .. وحضورك اكيد ..

لك الود وعودة الامطار الي ارضنا .

[أبوذر بابكر]

و أمد كفى
حاملا القلب وما حوى من محبة خضراء
متلفعا الشوق والفرح

لعناق الأعزاء
رفاق الضوء ، أهل المعزة العالية
مثلما هم تماما

وأنا فى كامل زهوى بكم ونشوتى

أحييكم

عكود
أم سهى
خالد الحاج
إشراق
حنينة
بلقيس
المجدلية
معتصم الطاهر
خالد تنقو

وحتما
تتربع فى الكف الأخرى

وردة زرقاء لكل فرد منكم
تمتد جذورها من عمق مسام المحبة لكم

وحتما
سوف آتيكم مجددا

عسى أن "ينبل الشوق"

وأسعد بكم

[أبوذر بابكر]

مكرر

مع الإعتذار

[مُهيَّد]

دائماً أنت حاضراً وإن إستأذن المداد منك غياباً ...........

لن تغيب شمس الإبداع يوماً وبنا أنفاس تنتظر .........

ألف ألف ألف مرحب بيك أباذر ......

وُدي ،،

مُهيَّد

[alwajeeh]

:mad: :mad: :mad: :mad: :mad: :mad: :mad: :mad: :mad:


لا شوفتنا تبل الشوق ولا خبرنا يطمن ....وبعدين قلبي علي اخوي وقلب اخوي علي حجر


الله كريم


المهم حمد لله علي السلامة واجازة سعيدة وان شاءالله الاسرة والعيال وامونه بخير وعافية كما يحب قلبك

تحياتي

وخلاص المقاطعة والمفاصلاة ...خلاس انتهينا ...بث ومافي زول بيتدخل بينا علشان يبقي واسطة علشان يصلحنا ..خلاص

[عالم عباس]

أبا ذر المطر
أهطل أيها الغَدِق

لم يصبنا المحل، ولكن غياب رذاذك، يورق فينا الشوق إليك!

ثمة دائماً لحنٌ يهفو إليه الفؤاد، فهو يؤنسه ويستكين إليه، ويدمنه!
أيها العازف الماهر، أيها المايسترو،
ما تزال الأوركسترا كلها في انتظارك!

لم تغب، إلا بمقدار ما تمكنا من ضبط الأوتار في غيابك، في انتظار المعزوفة الكبرى!
هي بمقدار فواق (وقفة يسيرة بين حلبتين ) من سلسبيل حروفكم!

أبا ذر أيها المطر
إهطل!

[أبوذر بابكر]

يا صحابى

الأعزاء

مهيد

الوجيه

عالم عباس

يا تمنحون الفرح إسمه العالى
فيسير نهارا عبر أخاديد الروح نشوة
ويسرى ليلا فوق أرض المعزة

حاملا أسماءكم
عناوينا للصفاء وعلامات للبهاء

أحييكم
ولكم ينحنى القلب محبة وودا شاسع الأرجاء

واسعد والله ايما سعادة بلقياكم

أدامكم الخالق واسعد ايامكم

[عبدالله الشقليني]

صدق من قال :
( مَيِّل عَلىَ أَهَلْ السَمَاحْ )
عُدت سيدي لدفئ البيت الحنون بأهله ،
وبمن يصنعون لنا : أن تكون بيننا .
وهذه هِبة حين تمُد الدنيا وتُفسِح
شكراً لهذا النسيج الشعري الفاره

[أبوذر بابكر]

الله يا شقلينى

وهل للسماح عشيرة غيركم؟

توهجت جنبات الدرب يا شقلينى
وأنا أتنكب عارم الشوق لآتيكم

والمحبة لا تكذب أهلها ابدا

فأجمل الهبات، أن تجد الروح موئلها الوثير بين الأنقياء الطيبين

وها أنا قد وهبت ذاك وغيره

لا أظن الشكر وحده يكفى
لذا يستوجب الأمر دس كل ما فى القلب من إمتنان جزيل وود خميل
فى يد ترحابكم المفرح

ودمت يا شقلينى

[الطيب بشير]

ووجيهك المليان سنا
كون من ألق
إترص فى خاطر المدى
كون من أغانى مدوزنا
إلفة بشر
نشوة سهر
صبة مطر
وعشان حدايقك وسوسنا
من تالا حسادك يجيك
شر الخطر
محجوبة بالحصن الحصين
مزروبة بى ريدنا المكين

أبوذر يا أخا الحـرف و الفـرح
مرحبتين و شـوق
بركة الجـيت

[أبوذر بابكر]

العزيز
الطيب بشير

ود أبواتى الطيبين

"طابت" بلقياك حشايا الروح
وغنت بالنشوة أطيار الدوح

كيف الحال وعساك كما تود وتشتهى دائما

نأمل أن يزداد طيب المكان بحضورنا معكم

تحياتى والود غامرا وعامرا يا ايها الطيب

[الجيلى أحمد]

الزول المطر
عودآ حميدآ
افتقدناك كثيرآ

مخرج

لاذالت الدعوه مفتوحه لزيارة مدينة (كورليونى)

[أبوذر بابكر]

الجيلى الجليل

كيف الحال يا صديقى

وأنا والله افتقدتك عميقا وكثيرا
وسعيد الآن بى شوفتك

أما عن الزيارة يا سعادة الدون

فيا حليل ايام كنا لايصين وحايمين فى أرجاء العالم الشاسع الجميل

هسه يا الجيلى بقينا والله كان الزول داير "يجغم" ليهو حبة مويه

إلا ياخد الإذن

يا حليلنا منها الدنيا

لكن كان الله هون
عندى مشروع واحد بس هسه شاغل البال
وليك على لو إنتهيت منه، آخذ لى حومه طوييييييييييييييييييييييييله وتريانه ومليانه
وأكيد جواها حيكون فى غشوه لربوع فينيسيا وضفاف التيبر وهضاب باليرمو وحقول فيرونا

وونتلاقى والله يا الجيلى كان الله مد فى الأيام

وليك المحبة كاملة

[مهند الجيلي بادي]

ياخ انت وين ؟؟




مرفق:
أشواق وأشواق
بـــادي