قصص قصيرة جداً (( ممنوع إصطحاب الأزواج )).

[mamkouna]

من وحي بوست الأخ الدكتور محمد حسن...

http://sudaniyat.net/vb/showthread.php?t=749

[mamkouna]

القصة الأولى:-

جعلته يتوسد ذراعها ....كان ضوء القمر يغسل وجهيهما.. سافرت مع النجوم البعيدة.. همست له ... كل يوم يزداد حبي لك....
تري...
هل تحبني مثل ما أحبك؟؟؟ و هل أنت سعيد في زواجك مثلي ؟؟؟؟
رد عليها:-
ده ما وكت هزار...عندي شغل كتيير بكرة....

[mamkouna]

القصة الثانية:-

أدار ظهره لها...كعادته حين يرتوي منها....
إلتصقت بظهره و همست في أذنه....(( ربنا يخليك ليا ))...تمتم بكلمات غير مفهومة...همست مرة أخرى....(( عندي مزاج ونسة معاك ))...إلتفت بشدة و هو يقول (( إنتي دايماً توقيتك غلط....حسي ده وكت ونسة؟؟؟؟))....
إغرورقت عيناها بالدموع من (( القهمة )) فما كان منه إلا أن صرخ و هو يجر عليه لحافه (( خلاص ح نبتدي الدراما....ما قلت ليكي إنك زولة نكدية ))...!!!

[Dr. Moiz Bakhiet]

القصة الثانية:-

أدار ظهره لها...كعادته حين يرتوي منها....
إلتصقت بظهره و همست في أذنه....(( ربنا يخليك ليا ))...تمتم بكلمات غير مفهومة...همست مرة أخرى....(( عندي مزاج ونسة معاك ))...إلتفت بشدة و هو يقول (( إنتي دايماً توقيتك غلط....حسي ده وكت ونسة؟؟؟؟))....
إغرورقت عيناها بالدموع من (( القهمة )) فما كان منه إلا أن صرخ و هو يجر عليه لحافه (( خلاص ح نبتدي الدراما....ما قلت ليكي إنك زولة نكدية ))...!!!


ليه كدة يا ممكونة تنكدي عليهو

باااااااالغتي وشذيتي..

أنا عاجباني الضحكة دي والسنون الرهيبة.. :D :D :D :D

[ندي عبدالمنعم]

أدار ظهره لها...كعادته حين يرتوي منها....
إلتصقت بظهره و همست في أذنه....(( ربنا يخليك ليا ))...تمتم بكلمات غير مفهومة...همست مرة أخرى....(( عندي مزاج ونسة معاك ))...إلتفت بشدة و هو يقول (( إنتي دايماً توقيتك غلط....حسي ده وكت ونسة؟؟؟؟))....
إغرورقت عيناها بالدموع من (( القهمة )) فما كان منه إلا أن صرخ و هو يجر عليه لحافه (( خلاص ح نبتدي الدراما....ما قلت ليكي إنك زولة نكدية ))...!!!






يا ربى ما كان فى شبشب تحت السرير ؟؟

[Dr. Mohammed Hassan]

بسم الله الرحمن الرحيم
الاخت الممكونة
اذنك معاك
كنت اريد ان انزل هذه القصة في بوست منفصل ، ولكن تقديرا لك وايمانا بمبدأ المشاركة قررت انزالها في بوستك
ولك مني الاحترام والود

قصة قصيرة جدا جدا ( ريفيات سودانية)

كانت امراة صارمة.. يشهد لها الجميع بالحزم والهدوء .. قناع وجها من الاستحالة سبر اغواره... انتشر الخبر في الفريق ان زوجها تزوج ... جاءتها النسوة كي يسرين عنها في مصابها ... استقبلتهن بهدوئها المعهود فيها وقالت
( مابيهمني.. ما يعرس.. الحمدلله ما ناقصني شي .. بحلب في جدادي وبلقط في بيض غنمي)!

[mamkouna]

القصة الثالثة:-
قصٌت شعرها الفاحم الطويل...أرادت أن تفاجئه بالنيو-لوك....تأنقت....تعطرت....إنتظرت عودته....
تناول غداءه صامتاً و إستعد لقيلولته.....لم تجد بداً من سؤاله....
(( ما ملاحظ حاجة جديدة فيني ))؟؟؟؟
تأملها لعدة ثواني ثم رد بإستخفاف : (( حركات المُراهِقات دي شنو؟؟ ركٌبتي عدسات؟؟؟؟!!!!))!!!

[mamkouna]

ليه كدة يا ممكونة تنكدي عليهو

باااااااالغتي وشذيتي..

ممكونة تبرا و تستبرا من النكد يا بروف...
إنت ناسي ممكونة متموم حلوها.... ;)



خلينا من الهزار (( ده ما وكت هزار )) :mad:
و قول لينا...بما إنك بتاع (( مخ )) و (( أعصاب ))...
الزول ده (( مخو )) قال ليهو شنو ؟؟؟ عشان زولتنا دي خلااااااس ...(( أعصابها )) باظت. :rolleyes: .

[Abu Bashar]

لا تعليق .. سوى .. يا نســاءنا لا تؤاخذننا بما فعل/يفعل عديمي ( الرومانسية) من رجالنا ... تذكرت الآن قاعدة 10/90 تلك !!
الممكونة ... فقط أحاول أن أضيف ما يزيد إشتعالك -الإشتعال -
Watch out ,, The Blood Pressure is SKYROCKET

[أم سهى]

قصة رابعة (بعد اذنك يا ممكونة)
طال غيابه...هذه المرة طالت ماموريته خارج البلاد كغير العادة
اتصل هاتفيا
خلي محمد ود سميرة اختي يجيني في المطار بكرة الساعة 6 مساء )
حاضر حبيبي
قضت تلك الليلة لم تذق جفونها النوم ..تخيلت كيف احتضنته وهو خارج من( صالة القدوم) في المطار .. غير ابهة بنظرات الناس
وصلت البيت .. ساعدته في تغيير ملابس السفر و و و
المهم منذ الصباح الباكر بعد ان وصلت العيال للمدارس بدأت في تجهيز البيت وترتيبه كالعادة
ذهبت الكوفير ولبست اجمل الثياب واستقلت التاكسي نحو المطار
ها هو قادم نحوها... ضايقتها ضربات قلبها حتى اعطت ثغرها فتحة تستطيع استنشاق قليل من الهواء لتريحها ..
ما ان احتضنته الا وقال
( مية مرة ما قلت ليك ما تطلعي براك؟؟) :mad:

[أم سهى]

استأذنته ليشاركها الرقص في حفلة عيد ميلاد بنتها رشا
ما ان امسكت بيده الا وبادر
(خيطتي لي الزرارة القلت ليك عليها قبيل ولا نسيتي كالعادة)

[Ghada]

معليش يا اخوات ممكونة وام سهي
عالم الرجالة دة عالم بحورة غويطة انا شخصيا بحب عيشة الرومانسية جدا
لكن تكوني رومانسية وووووب تكوني عادية وجادة ووبين
جد معادلة صعبة جد

[mamkouna]

القصة الرابعة:-

على أنغام أغنية محمد عبده (( إختلفنا مين يحب الثاني أكثر....و إتفقنا...إنتي أكثر و أنا أكثر )) كان يراقصها و يهمس في أذنها (( إنتي أمي و إنتي أختي و إنتي بتي ...إنتي حبيبتي و حتة منى ))...
خارت قواها من النشوة...أسندت رأسها على صدره و هي تردد (( و إنت سندي...و إنت سبعي و إنت ضبعي...أنت بابا و إنت ماما و إنت أنور وجدي ))!!!!

أفاقت من غفوتها ضاحكة...و هي تردد (( خير...اللهم أجعله خير ))...!!!

[mamkouna]

:يا ربى ما كان فى شبشب تحت السرير ؟؟


:D :D :D :D :D

ندوية...

في الحالات دي ما بينفع الشبشب...

مسدس....أو....قاتل مأجور :mad: ....will do ....!!!!

[أم سهى]

ممكونة

و إنت سندي...و إنت سبعي و إنت ضبعي...أنت بابا و إنت ماما و إنت أنور وجدي ))!!!!

حلوة..حلوة :D :D :D :D :D :D :D :D

[Ishrag Dirar]

قالت له :" سيقام معرضا للكاتب في دبي الاسبوع القادم .. ما رأيك ان نكتب اسماء بعض الكتب التي لا نقتنيها الان ...""
رد عليها وهو يقرأ الجريدة اليومية .." اكتبي معاك عليك الله أسبيرات العربية .....!"

[Dr. Mohammed Hassan]

بسم الله الرحمن الرحيم
كتبت الاشراق

(.." اكتبي معاك عليك الله أسبيرات العربية .....!" )

حلوووووووووووووووووووة شديييييييييييييييد
زوج واقعي :D :D :D

[alwajeeh]

ممكونه ...روعة الصفاء

المتداخلين الاحباء

ايامكم دائما حلوة وعسل ورمانسية للطيش يارب العالمين

انا غايتو ماعارف انا مستمتع جدا جدا جدا وبالجد سعيد اني بدخل الحوش دا علشان ارمي كل همومي وراي واطلع بعدكم نظيييييييييييييييييييييييف زي التوب البفتا الابيض ...علشان كدا اقول ليك الله يحفظكم من العين يارب العالمين

بالجد متعة غير عادية ..
وانا عندي قصة قصيرة ...

تعود كل يوم ان يصحي علي صوتها وهي تهمس في اذنه (صباح الخير ) ثم يلتفت اليها ويجذب يديها لطبع قبلة منعشة علي خدها شكرا وعرفان وبداية ليوم حلو ...ولكن هذا اللحظة لم يجد همس النسيم ولا صوت البلابل ففزع من نومه متوجسا ..ثم أدرك اخيرا ...انه غائب عنها وبعيد عنها اكثر من خمسة ايام ..ثم عاد الي وسادته الخالية يضرب راسه بيها عله يفيق .

ودمتم في الخير والعافية يارب

[mamkouna]

قصة قصيرة جدا جدا ( ريفيات سودانية)

كانت امراة صارمة.. يشهد لها الجميع بالحزم والهدوء .. قناع وجها من الاستحالة سبر اغواره... انتشر الخبر في الفريق ان زوجها تزوج ... جاءتها النسوة كي يسرين عنها في مصابها ... استقبلتهن بهدوئها المعهود فيها وقالت
( مابيهمني.. ما يعرس.. الحمدلله ما ناقصني شي .. بحلب في جدادي وبلقط في بيض غنمي)!


عزيزي الدكتور محمد حسن...
أنا عاجزة عن الشكر لسماحك لي بإستعارة فكرتك...و كمان تخصيص جزء من قصصك لهذا البوست (( الرومانسي)) الممكون.... :D

قصتك دي ذكرتني نكتة لطيفة....

واحدة زوجها إتأخر في الشغل....قالت لأمها...خايفاهو يكون عرٌس فيني...
امها قالت ليها...قولي خير...يمكن ضربتو عربية..!!! :D :D :D

لك منى فائق الود و الإحترام

[omrashid]

:) ممكونه وام سهي
بالله ما تقلبوا المواجع خلونا ساكتين احسن :) :) :mad:

[غاندي]

سألته بتحبني قدر شنو؟؟؟
رد عليها: (بحبك قدر الكون ده كلو وأكبر بكتير)، وقد نسي أنه واقفاً في مواجهة المرايا.

[haneena]

الممكونة و كل الممكونين و الممكونات المروا علي البوست دة.
كل ما أقرأ و أشوف الوجع الهنا دة أتعقد أكتر و تذداد قناعتي في كل مرة بإن الحل يكمن في الزواج من الأجنبي

يا ساتر يا رب :( :(

[Dr. Mohammed Hassan]

بسم الله الرحمن الرحيم
كتبت الاخت حنينة


(و تذداد قناعتي في كل مرة بإن الحل يكمن في الزواج من الأجنبي)

بما انو الاخت حنينة على ما اظن حلفاوية - يعني ألمان السودان المجهجه ده!- وانا انتسب الى سكان المتمة جذورا ومن مواطني امدرمان


فانا اجنبي :D

[mamkouna]

لا تعليق .. سوى .. يا نســاءنا لا تؤاخذننا بما فعل/يفعل عديمي ( الرومانسية) من رجالنا ... تذكرت الآن قاعدة 10/90 تلك !!
الممكونة ... فقط أحاول أن أضيف ما يزيد إشتعالك -الإشتعال -
Watch out ,, The Blood Pressure is SKYROCKET


عزيزي أبو بشار...
حسب ما يتوفر لدي من معلومات...فأنت من تنظيم الرومانسيين الجُدد ......و أنت إستثناء للقاعدة....(( و الآخرين من تنظيم القاعدة )) :D ...
يا ريت تنٌزل لينا ذلك الدوبيت الشهير الخاص بأم بشار (( يمكن يفٌشنا شوية ))..

و يا ريت تورينا 10 / 90 دي شنو!!!
is it what is meant when we say....

10% of life is made up of what happens to you.
90% of life is decided by how you react.

tell us more about it...please.........

[bayan]

سألته بتحبني قدر شنو؟؟؟
رد عليها: (بحبك قدر الكون ده كلو وأكبر بكتير)، وقد نسي أنه واقفاً في مواجهة المرايا.

دي شديدة عديل كدا :D

غاندي الايا م دي في حالة انحياز جندري..

ممكونة نشاركك بقصة الراجل" السقيل"

في يوم عيد زواجهم لبست ابهي حللها و تعطرت وتأنقت..
فتحت له قبل ان يفتح الباب..وقفت امامه قال لها: زحي يا ولية خلينا النخش..
دخل تبتعته الى الغرفة التفت اليها نصف التفاتة..
قال لها : جني وجن زول يبارني انت مالك الليلة..
قالت له: ما مذكر الليلة شنو؟
قاليها : لع في شنو
بخيبة امل قالت له: اليوم
عيد زواجنا ..
سالها العيال وينهم؟
قالت ليه مع ناس امي. عشان قلت نطلع اليوم نتغدى برة..
قاليها: انا تعبان ما بقدر امرق وما كان تودي العيال ناس امك..
سكتت رن جرس الهاتف
رفعت السماعة وجدت صديقه الذي لا تحبه في التلفون..
سمعته يقول له : اليوم الولية قالت نحتفل بعيد زاجنا
ضحك شديد وتعليق بصوت منخفض موش بالله؟
اوكي اديني نص ساعة بكون معاك.
التفت اليها وقال ساخرج وفي الرجعة بجيب العيال..
تسسسسسسسسسسسسسس نفس البالونة

[bayan]

سألته بتحبني قدر شنو؟؟؟
رد عليها: (بحبك قدر الكون ده كلو وأكبر بكتير)، وقد نسي أنه واقفاً في مواجهة المرايا.

دي شديدة عديل كدا :D

غاندي الايا م دي في حالة انحياز جندري..

ممكونة نشاركك بقصة الراجل" السقيل"

في يوم عيد زواجهم لبست ابهي حللها و تعطرت وتأنقت..
فتحت له قبل ان يفتح الباب..وقفت امامه قال لها: زحي يا ولية خلينا النخش..
دخل تبتعته الى الغرفة التفت اليها نصف التفاتة..
قال لها : جني وجن زول يبارني انت مالك الليلة..
قالت له: ما مذكر الليلة شنو؟
قاليها : لع في شنو
بخيبة امل قالت له: اليوم
عيد زواجنا ..
سالها العيال وينهم؟
قالت ليه مع ناس امي. عشان قلت نطلع اليوم نتغدى برة..
قاليها: انا تعبان ما بقدر امرق وما كان تودي العيال ناس امك..
سكتت رن جرس الهاتف
رفعت السماعة وجدت صديقه الذي لا تحبه في التلفون..
سمعته يقول له : اليوم الولية قالت نحتفل بعيد زاجنا
ضحك شديد وتعليق بصوت منخفض موش بالله؟
اوكي اديني نص ساعة بكون معاك.
التفت اليها وقال ساخرج وفي الرجعة بجيب العيال..
تسسسسسسسسسسسسسس نفس البالونة

[Garcia]

واحدة زوجها إتأخر في الشغل....قالت لأمها...خايفاهو يكون عرٌس فيني...
امها قالت ليها...قولي خير...يمكن ضربتو عربية..!!!

looooooooooooooooool@ mamkouna

:D :D :D .... اجازى محنك يا ممكونة ...

[جمال تاج السر]

ممكونة ازيك .. ومشتاقين عديل كده
وحمد الله علي سلامة العودة

دخل غرفة النوم والتفت إليها، جهزتي لي العشاء، نظرت إليه وقالت له أمشي المطبخ بتلقى فول سخنو، نظر إليها بسخرية وقال لها: (الفول أنا بسخنو لكن الفراش البتجهزي فيهو ده .. أتخمدي فيهو براك :D:D:D)

[أبو حازم]

الأستاذة ممكونة والسادة المتداخلين
أسعد الله أيامكم بكل خير..
هذه أول مشاركة بالنسبة لي بعد بوست الترحيب
أول موضوع دخلت إليه كان قصص قصيرة..
كانت لي محاولات لكتابة القصص القصيرة
وكتبت منها الكثير ونسيت أغلبه..

القصة الأولى:
سألها: إلى أيِ مدى تحبينني؟
قالت: أحبك (حتى) الموت..
فلما مات.. أحبت غيره

القصة الثانية:
رأى في نومه أنه قد مات
وكان فرحاً جداً لهذا الحدث السعيد..
ولكن فرحته لم تدم طويلاً.. إذ
أيقظته أمه أن الساعة قد تجاوزت الثامنة صباحاً..

[mamkouna]

( مية مرة ما قلت ليك ما تطلعي براك؟؟)
(خيطتي لي الزرارة القلت ليك عليها قبيل ولا نسيتي كالعادة)



عليكم الله شوفوا الراجل البارد ده!!!!! :p

أختي و عزيزتي الغالية أم سهى...
وجودك يسعدني...مشاركاتك تشرفني...
أكتبي زيادة...أكتبي الفي قلبك كله...خلينا نتفشى...و نفش باقي الممكونات في الأرض. :mad:

[mamkouna]

القصة الخامسة:-

تجاهلها...أهملها...أهانها...سخر منها...إستخف بها....مارس عليها كافة أنواع العنف اللفظي و المعنوي...
وضعت رأسها المثخن بالجراح على وسادتها و منٌت نفسها بأحلام سعيدة....إنتهرها قائلاً (( النايمة ليها شنو...؟ عايز حقي ))...إستسلمت له مُسيٌرة غير مُخيٌرة....نال ما أراده...أدار ظهره لها و هو يتأفف (( عليكم الله شوفوا المرا الباردة دي ))!!!!!!!

[أم سهى]

ممكونة...
ما شالته رمتو بي الشباك؟؟ :mad: :mad: :mad:

[ريناس]

ممكونة سلامات

قصص ممتعة جدا
قصص مضحكة جدا
قصص موجعة جدا

[bayan]

قامت بعمل شاي المغرب احضرته له امامه..قال يريد سكر زيادة. ذهبت الى المطبخ بصعوبة وهى تتوقع
ان يبدأ طلقها في اي وقت فقد رأت اشارة للمخاض . وبطنها تخزها قليلا.
رفعت يدها نزل الماء صرخت له. اتاها متثاقلا..

اتصل بأمها ثم اخذها الى المستشفي متزمرا.. حامل 9 شهور ما لقيتي تلدي الا يوم لعبة الهلال والمريخ..
اصلك ذي الديك الما بيعرف الوكت..
( راجل سقيل ودمه بارد)

[د.سيد عبدالقادر قنات]

الأخت ممكونة ، الصبر له حدود ، والمكنة كلما زادت، كان رد الفعل.......

كل قصصك من الواقع المعاش ، وكما أوضحت في بوست آخر ، أن الرجل الشرقي يهتم بنفسه فقط ألي أقصي حد وينسي أن هنالك زوجة أم العيال وشريكة الحياة ، بل وفي بعض الزيجات يبدأون من الصفر علي الحديدة ، وتتفتح أبوب الرزق ، وعندما يصير ذلك الزوج من أهل المال والشنة والرنة ، تحصل الخرمجة بكل أشكالها .
الهزار والونسة وكلام الحب دايما خارج البيت
ولكن في البيت ..... يدير الظهر بعد ان قضي منها وطرا وهنالك خارج البيت شيل يا ونسة وضحك وحاجات تانية
من الواقع :
قالت ليهو أن ماشة للبكي مع النسوان أديني حق المشوار
قاليها ماعندي
بعد ساعة زمن سمع أنو العربية أنقلبت
لاقا واحد من أولادوا ، قاليهو : أن شا ء الله أمك لقت زول يسلفا حق المشوار
من الواقع
مرت صاحبو ماتت ، مشي يرفع ليهو الفاتحة ، بعد قرا معاهو الفاتحة قاليهو : أنتو النسوان البموتن ديل بتلقوهن وين

وهو قادم من السفر ، أنتظرته في المطار بكامل أبهتها
قابله في صالة الوصول
قاليها أنا ماشي أوصل زميلتنا لبيتم وبحصلكم في البيت
واقع آخر
وهو قادم من الحج ، وهي والعيال في صالة الوصول في أنتظاره
ظهر خلف حاجز الجوازات ومعه أمراة يضحكان ويتحدثان ، :كأنها معرفة دهر
سلم علي ام العيال والعيال وقاليهم سلموا علي........... زوجة أبوكم !!!

هل ينفع هنا شبشب أو مسدس أو قاتل مأجور
وبعدين الواحدة برضو : الفول في الثلاجة سخنو وأتعشي!
الأولاد ماناموا ، بناتك صاحيات ،
والمرأة السودانية تتهندم وتتزركش للبكا والحفلات والمرقات والشمارات ، والفول في الثلاجة سخنو واتعشي
هكذا الكل مسئول رجل كان أو أمراة
والكل مجبور علي العيال والسترة

[Abu Bashar]

الممكونة الرائعة جدا ً ..
نعم هي التى أعنيهــا .. العشرة في المائة التى لاتملك خيارا آخر فيها وتكون فيها مسيـّـرا ً .. أما التسعون في المئة هذه إذا - أقول إذا - ما أحسنت التصرف فيها ، و كانت ردات أفعالك أكثر هدوءا و عقلانية .. لكانت حياتك كلها هنــاء وسعادة ..
ولكن !! كم منــّــا من يملك زمام أمره لحظتها !؟؟
قصص تحكي واقع معاش و أعجبتني كل المداخلات و لعل الجميع وصلهم (رأس السوط) ..

ذاك الرد ( الدوبيت !) كان نتاج إستفزاز ظريف من أحد الأصدقاء الأعزّاء جدا ً أن وصفنى و صديق آخر معي بجماعة ( رافعي الأعلام البيضـاء أمام حلف الست الحكومة ) كان بإمكانه أن يقول أمام زوجاتهم ... حبيباتهم - لاحظتي هنا فاتته قاعدة ال 90 إيـّـاها .. -

فكــان أن جاريته برغم أنه يملك مقدرة خرافية فى مثل هذا النظم .. وتتقطع أنفاس الجميع وهم يجارونه

جيلاني الأســــد بداية ليكــا سلام
إت ياكــا اللّزُوم.... و خاتـــي أى ملام
يا شيخ العرب ال ... متلـــى ما بتـــــلام
هاك مني الصحيح ال ما في بعده كلام
دا ( الحـلــف ) القِدِر يكبـــّـل الأقـــــــدام
بى خُلُقــا ً كريم مدْخـور مــع الأيـــــام
و بى رمشــا ً طويل مسلولة منه سهــام
وبى نَفَســا ً رقيق زايد على الأنســــام
وبى (مُهْجَـة) الجميلة ال.. زيّنت أعـــوام
وبى عُشـْره و وفــاء هى الخففت آلام
دا الحلف المتين ( الهجّــنْ ) ... الضرغـام
كيف أقدر أقيف قدامو رافع الهــــــــــام ؟
شاحد الله الكريم يرعاهـو مـا ينضــام
و يديني العمر معاهو أهنـأ و أنـــــام
و هاك مني الصحيح لى كلامي ختام
ما من خوف يمين أنا رافع الأعلام

قـــليلا فقط من الحب , و لنداوم عليه حتى نعتـــاد على إعطــاء الحب الغير محدود .. و لحظتها سنلاحظ الفرق

شكرا ً ممكونة و كل من مر بهذا البوست المتفرد

تحايا عطرات

[Dr. Mohammed Hassan]

بسم الله الرحمن الرحيم

قال لها مداعبا: بما ان جوالك المحمول به كاميرا لماذا لم تاخذي لي صورة
اجابته اخاف ان تحرق المحمول
قال لها اكتشقت انني ساذج
لانني صورتك بقلبي...
فاحترق قلبي

[mamkouna]

قالت له :" سيقام معرضا للكاتب في دبي الاسبوع القادم .. ما رأيك ان نكتب اسماء بعض الكتب التي لا نقتنيها الان ...""
رد عليها وهو يقرأ الجريدة اليومية .." اكتبي معاك عليك الله أسبيرات العربية .....!"


إشراق...المرأة الرسول...

حتى إنتي يا إشراق...!!!؟؟؟؟يا سيدة الشفافية و الرقة...!!؟؟؟
لا علينا....
لا يأس مع الحياة....و لا حياة مع اليأس...
و الرجل الرسول حامل دفء أمهاتنا...ينتظر في مكانٍ ما...
و كما قال أحدهم.......لو بطٌلنا نحلم..نموت...

[mamkouna]

تعود كل يوم ان يصحي علي صوتها وهي تهمس في اذنه (صباح الخير ) ثم يلتفت اليها ويجذب يديها لطبع قبلة منعشة علي خدها شكرا وعرفان وبداية ليوم حلو ...ولكن هذا اللحظة لم يجد همس النسيم ولا صوت البلابل ففزع من نومه متوجسا ..ثم أدرك اخيرا ...انه غائب عنها وبعيد عنها اكثر من خمسة ايام ..ثم عاد الي وسادته الخالية يضرب راسه بيها عله يفيق .

الأخ العزيز جداً جداً...الوجيه ود الزين....البيسُر القلب و العين.....
من خلال معرفتي بك أكاد أجزم أنك من (( الرومانسيين الجدد )) ...و أنك مثال رائع لكل ما تتمناه الممكونات السابقات و اللاحقات (( الأحياء منهم و الأموات :D :p ))...
دُم بخير...و كُن كما أنت...ربنا يهنيك ب أم العيال و يهنيها بيك...
تسلم من كل شر..
و عيني عليك باااااااااااردة...

[mamkouna]

ممكونه وام سهي
بالله ما تقلبوا المواجع خلونا ساكتين احسن

النبي فيكي كان تسكتي يا أم راشد...
خلينا نفضفض ...

إتفشييييييييييييييي..و فشينا معاك...

[mamkouna]

سألته بتحبني قدر شنو؟؟؟
رد عليها: (بحبك قدر الكون ده كلو وأكبر بكتير)، وقد نسي أنه واقفاً في مواجهة المرايا.

العزيز جداً و العريس جداً :p ..غاندي...

شوف عليك الله هو بيقول شنو ...و هي بتقول شنو على لسان فاطمة السنوسي...


قابلته...
أحببته..
إنصهرنا...
طلب صورتي...
أعطيته المرآة...!!!!

[ندي عبدالمنعم]

صديقتى ممكونة .....

قمت بالتعديل .. خوفة و الله بس ..:)


سيصلك اللنك بالبريد أن شاء الله

[ندي عبدالمنعم]

مكرر ......

[Ishrag Dirar]

حتى إنتي يا إشراق...!!!؟؟؟؟يا سيدة الشفافية و الرقة...!!؟؟؟
لا علينا....
لا يأس مع الحياة....و لا حياة مع اليأس...
و الرجل الرسول حامل دفء أمهاتنا...ينتظر في مكانٍ ما...
و كما قال أحدهم.......لو بطٌلنا نحلم..نموت...


ممكونة .. رائعة انت
ولكن

لكل مقام مقال ..

قال لها في التلفون متصلا في ساعات الفجر الاولي وقد هده الشوق الي لقياها ..
كل تواريخ العشق ... مرهونة بالشوق ..

كل ملائك الشوق ... تظل تطوف حول بهارج ضوء اللقياء في هزيع الليل بحثا عن بهرة ... لايفشي سرها الصباح ...! )

ردت وهي تتثاءب " قلت شنو ...؟"

[غاندي]

أحبته.. بدأ يستنشق أنفاسها .. أبعدته عنها عندما أدركت أنه لا يستخدم عطراً واحد.

[غاندي]

نظرإليها، فنظرت إليه، كانت نظراته أكثر حدة، فأرتدت نظارة سوداء إلي الأبد، ولم تكرر النظر مرة أخري.

[سجيمان]

أدار ظهره لها...كعادته حين يرتوي منها....
إلتصقت بظهره و همست في أذنه....(( ربنا يخليك ليا ))...تمتم بكلمات غير مفهومة...همست مرة أخرى....(( عندي مزاج ونسة معاك ))...إلتفت بشدة و هو يقول (( إنتي دايماً توقيتك غلط....حسي ده وكت ونسة؟؟؟؟))....
إغرورقت عيناها بالدموع من (( القهمة )) فما كان منه إلا أن صرخ و هو يجر عليه لحافه (( خلاص ح نبتدي الدراما....ما قلت ليكي إنك زولة نكدية ))...!!!


غايتو حلييييييييلنا من حقكن .. يوم الموقف العظيم

[mamkouna]

الممكونة و كل الممكونين و الممكونات المروا علي البوست دة.
كل ما أقرأ و أشوف الوجع الهنا دة أتعقد أكتر و تذداد قناعتي في كل مرة بإن الحل يكمن في الزواج من الأجنبي

يا ساتر يا رب

:eek: :confused: :rolleyes:

Now i know what you meant by

LIFE IS ALL ABOUT CHOICES!!!!!!
;)

[haneena]

Now i know what you meant by

LIFE IS ALL ABOUT CHOICES!!!!!!

No, not really ;)
Life is full of choices, from A to Z
BUT
This one could only be, a drop in the ocean.
:rolleyes: :rolleyes: :rolleyes:

[Osman Hamad]

غايتو ياممكونة وكل من تفشا فشها، بس بقت عليكن حكاية، لا بريدك ولا بحمل براك ;)

الحالة دى انا لسة ماضقتو ;) ;)

[عصمت العالم]

العزيزه الاستاذه ممكونه..

والقصه الخامسه....من كيد النساء...؟؟؟!!


ولازمتها امها طيلة فترة الولاده .وطقوسها ..المتعدده..واتمت معها يوم الاربعين.بخروفه وشيته ونيته... ومديدة التمر.والزلابيه والتحضير الخاص. والملابس .وابخور والعطور والدلكه.والدخان والكبريت.والحفل الافر نايت
بكل طيب الامانى.والمشهيات...وانفض سامر الاحتفال..واستاذنها فى ايصال والدتها الى بيتهم...اسرع وعاد على اجنحة السرعه...وهو يمنى نفسه بقضاء ليلة شهد العسل.بعدغياب ازمنة وايام... وهو يراها وهى تزداد.. سحرا وجمالا وتتدفق فتنة واغراء..حلاوه على حلا..عجوه معطونه فى عسل..ازدادت وسامه وغنج ودلال... تكسر ومزالق انكسار..فجن شوقه وتمرد اشتياقه.وهو يعد الايام على نهاية يوم الاربعين.. عاد مسرعا على اجنحة السرعه .واوقف السياره ودخل المنزل.ووجدها مستلقيه على السريرملفوفه بالثوب مستغرقه فى نوم عميق..وامسك برجلها فى رجاء الحنيه.فانتفضت جالسه...وجلس بالقرب منها يمنى النفس .فدفعته ووقفت قائلة له...امى..وصتنى..انك ما تقربنى قبل ان اتم شهرين بعد الاربعين..ودخلت الى الغرفه الثانيه واغلقتها بالمفتاح..وجلس صديقنا.هو .. والليل..والمساء
كان يمنى .النفس ..بى نيه فى قمر السماء..

وجلس وهو يسب ويلعن فى سره وعلنه..
شهرين سجن مع عدم الاشغال الشاقه...

وضحك فى هستيريا... وهو يقول..
ان كيدهن..عظيم...!!

[ندى]

اقتراح
اقترح إضافة الآتي للعنوان
"ممنوع دخول غير المتزوجين/ات"

مشاركة
قالت تسامر أختها المتزوجة وهي تمتلئ رومانسية ومحبة:
عندما أتزوج سأهب عمري لمن أحب ... سيجدني في كل لحظة يحتاجني فيها ... سيجد عندي كل ما يحب ... س ...
قاطعتها أختها: يا بت اتلهي إنت قايلة العرس كدة . الراجل لازم تديهو العين الحمرة.
وواصلت وهي تهز يديها الممتلئة بالذهب: لو بجنس كلامك دة خاتم واحد ما كان لقيتو !!!
وهكذا تتوارث المحاربات .. عفواً .. الزوجات أسرار الخطة الزوجية جيلاً بعد جيل.

احتجاج بالباااااااااااااااااارد
اتصل عليها كعادته كل مساء وهو يمني النفس بحديث حلو يعينه على مواصلة الحياة في الغربة
قال بمنتهى العذوبة والرومانسية: أشتاقك حبيبتي ..
لا يوجد رد من جانبها
واصل قائلاً: أكره هذه المسافات التي تفصلنا عن بعض ..
أيضاً لا تعليق
أضاف قائلاً : عندما نتزوج سنعيش الحياة كأجمل ما تكون .. سنشاهد شروق الشمس ومغيبها .. سنأكل على ضوء الشموع ..س
هنا فقط صاحت قائلة: لا يا أخوي قايلني ما قريت البوست بتاع ممكونة

تخريمة لكن ما بعيدة
بعد أن انتهى الطبيب من إلقاء محاضرته عن الختان ومضاره
رفعت إحدى الحاضرات يدها قائلة وسط دهشة الجميع :
جيد جداً يا دكتور لكن ماذا نفعل الآن في العقدة النفسية التي أصابتنا ؟؟؟ فكلنا مختونات !!!!

رجاء
رفقاً بنا أيها المتزوجين والمتزوجات
فغاية ما نتمناه أن تسكن أرواحنا بعد كل هذا العناء والتعب إلى حبيب نحتاجه ونرتاح إليه ..

[mamkouna]

بما انو الاخت حنينة على ما اظن حلفاوية - يعني ألمان السودان المجهجه ده!- وانا انتسب الى سكان المتمة جذورا ومن مواطني امدرمان.......
فانا اجنبي ............!!!

حنينة....
قلتي شنو في ال proposal ده ؟؟؟؟ :p :p :p

[mamkouna]

في يوم عيد زواجهم لبست ابهي حللها و تعطرت وتأنقت..
فتحت له قبل ان يفتح الباب..وقفت امامه قال لها: زحي يا ولية خلينا النخش..
دخل تبتعته الى الغرفة التفت اليها نصف التفاتة..
قال لها : جني وجن زول يبارني انت مالك الليلة..
قالت له: ما مذكر الليلة شنو؟
قاليها : لع في شنو
بخيبة امل قالت له: اليوم
عيد زواجنا ..
سالها العيال وينهم؟
قالت ليه مع ناس امي. عشان قلت نطلع اليوم نتغدى برة..
قاليها: انا تعبان ما بقدر امرق وما كان تودي العيال ناس امك..
سكتت رن جرس الهاتف
رفعت السماعة وجدت صديقه الذي لا تحبه في التلفون..
سمعته يقول له : اليوم الولية قالت نحتفل بعيد زاجنا
ضحك شديد وتعليق بصوت منخفض موش بالله؟
اوكي اديني نص ساعة بكون معاك.
التفت اليها وقال ساخرج وفي الرجعة بجيب العيال..
تسسسسسسسسسسسسسس نفس البالونة

التفت اليها وقال ساخرج وفي الرجعة بجيب العيال..

بيان...
الراجل ده ما سقيل...ده عاااااااااااااادي و زيو كتييييييييييييييييييييييييييييير....
ده القاعدة....و الباقي إستثناء.... :(
بس الصَبُر.... ..جَبُر....:(

أنا لو منها..كنت ح أقول ليهو...أمشي مشوارك يا ود أمي....انا بجيب العيال زي ما وديتهم......
و لما يجي راجع من صاحبو ..لا يلقاني لا يلقى العيال....
و خلى صاحبو ينفعو... :mad: :mad: :mad: ....!!!!

[Dr. Mohammed Hassan]

بسم الله الرحمن الرحيم
قصة حقيقية
هي فتاة طويلة يصرخ جمالها .. فتسكته بادبها الجم.. يلمع الذكاء في عينيها .. مهما حاولت ان تغطيه باسبالها لرموشها الطويلة.. تقدم اليها احد ابناء الاثرياء الجدد في السودان . . قدم مهرها بالعملات الصعبة.. فرحت الام كثيرا .. وبدا عصر العريس.. ونسيت الام في غمرة انشغالها بالمعصرة.. ( والعصر ان الانسان لفي خسر)
طلبت منه بعد شهرين من الزواج ان تنزل اجازة صغيرة تزور اهلها وتجدد اقامتها .. اسبوعين لا اكثر .. وافق وسلمها خطاب عادي معنون لوالدها.. استقبلها اهلها فرحين.. استلم الوالد الخطاب .. فتحه .. اخرج منه قسيمة الطلاق

[ندي عبدالمنعم]

You must understand how the touch of your hand
Makes my pulse react
That it's only the thrill of boy meeting girl
Opposites attract
It's physical
Only logical You must try to ignore that it means more than that
What's love got to do, got to do with it
What's love but a second hand emotion
What's love got to do, got to do with it
Who needs a heart when a heart can be broken
It may seem to you that I'm acting confused
When you're close to me
If I tend to look dazed I've read it someplace
I've got cause to be
There's a name for it
There's a phrase that fits
But whatever the reason you do it for me

What's love got to do, got to do with it
What's love but a second hand emotion
What's love got to do, got to do with it
Who needs a heart when a heart can be broken

I've been taking on a new direction
But I have to say
I've been thinking about my own protection
It scares me to feel this way

*(What's love got to do, got to do with it
What's love but a second- hand emotion
What's love got to do, got to do with it
Who needs a heart when a heart can be broken

What's love got to do, got to do with it
What's love but a sweet old fashioned notion
What's love got to do, got to do with it
Who needs a heart when a heart can be broken) *
---------------------------------------------

عشان نزيد الدبرسة على الاخت العزيزة "ندى" :)

[Dr. Mohammed Hassan]

بسم الله الرحمن الرحيم
كتبت الاخت ندى:
--------------------------------------------------------------------------------

You must understand how the touch of your hand
Makes my pulse react
That it's only the thrill of boy meeting girl
Opposites attract
It's physical
Only logical You must try to ignore that it means more than that
What's love got to do, got to do with it
What's love but a second hand emotion
What's love got to do, got to do with it
Who needs a heart when a heart can be broken
It may seem to you that I'm acting confused
When you're close to me
If I tend to look dazed I've read it someplace
I've got cause to be
There's a name for it
There's a phrase that fits
But whatever the reason you do it for me

What's love got to do, got to do with it
What's love but a second hand emotion
What's love got to do, got to do with it
Who needs a heart when a heart can be broken

I've been taking on a new direction
But I have to say
I've been thinking about my own protection
It scares me to feel this way

*(What's love got to do, got to do with it
What's love but a second- hand emotion
What's love got to do, got to do with it
Who needs a heart when a heart can be broken

What's love got to do, got to do with it
What's love but a sweet old fashioned notion
What's love got to do, got to do with it
Who needs a heart when a heart can be broken) *
---------------------------------------------
لك الشكر على رائعة تينا تيرنر فقد ارجعتني الى ايام مضت
وكل عام وانت بخير

[haneena]

حنينة....
قلتي شنو في ال proposal دة
ممكونة
رأيي في الPublic Proposals
تمامآ كرأيي في الخطاب السياسي لساستنا الأشاوس :D :D :D

[Dr. Mohammed Hassan]

بسم الله الرحمن الرحيم
حنينة قالت:

(تمامآ كرأيي في الخطاب السياسي لساستنا الأشاوس )
يجازي محنك يا حنينة
بس الاشاوس ديل بيدخلو البرلمان ( يعني بيوافقوا علي كلامهم) ;)
احد الساسة في بورتسودان كاتب الدعاية الانتخابية بتاعته على الحيطان ( انتخبوني من اجل اعادة الاغاثة)!

[أم سهى]

:D دكتور محمد
( انتخبوني من اجل اعادة الاغاثة)!

حلللللللللللللللوة دي :D :D :D

الله لا عادها تاني- ده لو اصلها فاتتنا :D :D

[bayan]

هنا فقط صاحت قائلة: لا يا أخوي قايلني ما قريت البوست بتاع ممكونة
ندي عثل ؤبث..

[Ishrag Dirar]

من أجل عيون الندي ....


( قالت لها قريبتها المتزوجة منذ أمد بعيد ..... وقد رأته يجلس قبالتها يمتص الكلمات من شفتيها .." انتظري .. حتى يتزوجك وسوف تهرعي خلفه لتكملي حديثك عند الباب ..."

[mamkouna]

looooooooooooooooool@ mamkouna

.... اجازى محنك يا ممكونة ...

إزيك يا جارسيا..
كل سنة و إنت و الحلوة و الحلوين في أحسن حال..
شكراً على المرور و على الضحكة الحلوة (( أم سنون كبار )) :D

[mamkouna]

دخل غرفة النوم والتفت إليها، جهزتي لي العشاء، نظرت إليه وقالت له أمشي المطبخ بتلقى فول سخنو، نظر إليها بسخرية وقال لها: (الفول أنا بسخنو لكن الفراش البتجهزي فيهو ده .. أتخمدي فيهو براك )

الأخ العزيز جمال تاج السر...
زولك ده شغال بنظام (( و أهجروهن )) بتاع سجيمان داك...
لكن لو قريت القصة الخامسة ح تلقى إنو أحسن ليها (( الخمدة )) براها ..!!! :o :o :o

[أم سهى]

واحدة يا ممكونة اتشاكلت مع زوجها
وجات هائجة لصاحبتها (العانس) قالت ليها (الرجال ديل جزم)
رفعت صاحبتها عيونا وعاينت ليها بي حسرة قالت ليها

الا لكن ماااا بنقدر نمشي حفايا :D :D :D
تخريمة
(مع احترامي للرجال)

[عصمت العالم]

خرجا معا لتمضية السهره على عشاء فى احد الفنادق..وكان الرومانس هو الشاهد الوحيد لطعم الليله العسل...غرقا فى مترع ضياء السعاده..لم يزعجهم الا صوت الجوال.زكانت امه ..تريده ان يحضر عندها الان..فاعتذر لها بانه خارج البيت..وتكرر النداء ووعدها بانه سيمر عليها بعد ان ينتهى من مشواره..عكر ذلك صفاء ليل العسل..احس بالحرج...حاول ان يبرر لكن لسانه تلعثم..وهى تعرف.الموضوع...الذى يقلق والدته..موضوع الخلفه...وتحدثت معه بكل صراحه..عليه ان يسمع كلام امه..ورفض بشده.واصرار..واقسم انه لن يطاوع امه فى ذلك الراى....هو سعيد هكذا ..والولاده والخلفه من الله...وقضيا باقى اللحظات..وذهبا للبيت سويه..واستاذنها فى الوصول لوالدته..التى لن تنام قبل ان تراه..ووعدها بانه سيعود وقد حسم الامر تماما...
ودخلت المنز .واستلقت على السرير...ودار بها التفكير واخذها النوم...واتى الصباح وتقلبت فى الفراش وفتحت عيناهل..واتشفت انه.زلم ياتى من امه....لقد نام معها..واكيد منعته من الرجوع..
تأوهت..وعرفتو..ان زوجها..حقيقة..ود امه.ولا يستطيع الفكاك من سيطرة ذلك الاحساس..
فتنهدت.. وجلست.فى قناعة الصبر..لما ياتى..بالقدر..

وشعرت.ببعض القىء..واحست بتغير.ما....وبى دوخه..وشحتافة روح...
الله....!!!

[mamkouna]

القصة الأولى:
سألها: إلى أيِ مدى تحبينني؟
قالت: أحبك (حتى) الموت..
فلما مات.. أحبت غيره

عزيزي أبو حازم...
القصة الحقيقية ( المعروفة ) كالآتي:-

سألته: إلى أي مدى تحبني ؟
قال: أحبك ( حتى ) الموت..
وقبل أن تموت..أحبٌ غيرها..
ماتت هي كمداً و في قلبها..شيُُ من ( حتى )!!!

[mamkouna]

ممكونة سلامات

قصص ممتعة جدا
قصص مضحكة جدا
قصص موجعة جدا

الأخت الحبيبة ريناس...
أكتبي يا ختي و فضفضي..
و ليكن شعارك للعام الجديد...
قصة أوجعتني...قصة علٌمتني...

و يااا ممكونات العالم..إتحدن !!! :mad: :mad: :mad:

[Dr. Mohammed Hassan]

بسم الله الرحمن الرحيم

كانت تحيط غرفة النوم الفخمة من كل جدرانها مكتبة ضخمة.. كان الزوجان يتوسطان سريرهما مساءا.. سالت الزوجة زوجها :
مع من تحب ان تنام اليوم ، البرتومورافيا، تولستوي، يوسف ادريس، ام تريد ان تنام معي؟

[abu qusai]

كل يوم أدخل في البوست دا وأقعد أضحك زيييييييييين وأطلع ، الليلة قمت حكيت لي جماعة بلدياتنا عنه ، تتصوري يا ممكونة واحد رد قال لي : ( ديل فايقاااااااااااات والله انا بعد ما أقضى غرضي منها تاني كان الكلبة شالتها ما بقول ليها جر . هههههههه وشر البلية ما يضحك .خلوهم يرتقوا بيها أولا لدرجة مناداتها بانسانة ( يا إنسانة ) بدل يا هيييييييييي ، ويا حاجة ، وأم العيال ، والجماعة الخ ، أصله عدد كبير منهم ما معترفين ليهم حتى بحقهم في أن يكون لهم اسم ينادونهن به .

واصلي الطرق عله يفيد ،

أبو قصي

[mamkouna]

قامت بعمل شاي المغرب احضرته له امامه..قال يريد سكر زيادة. ذهبت الى المطبخ بصعوبة وهى تتوقع
ان يبدأ طلقها في اي وقت فقد رأت اشارة للمخاض . وبطنها تخزها قليلا.
رفعت يدها نزل الماء صرخت له. اتاها متثاقلا..

اتصل بأمها ثم اخذها الى المستشفي متزمرا.. حامل 9 شهور ما لقيتي تلدي الا يوم لعبة الهلال والمريخ..
اصلك ذي الديك الما بيعرف الوكت..
( راجل سقيل ودمه بارد)

حرام عليكي يا بيان...
ما تظلمي الرجل الديك ده و تقولي عليهو سقيل و دمو بارد...
أنا ما لايماهو...
لايمة ناس الهلال و المريخ..
متلومين...و متمسحين باللوم...
ما لقوا يلعبوا لعبتهم دي...إلا ساعة وجعتها؟؟؟!!!!

[mamkouna]

والمرأة السودانية تتهندم وتتزركش للبكا والحفلات والمرقات والشمارات ، والفول في الثلاجة سخنو واتعشي
هكذا الكل مسئول رجل كان أو أمراة
والكل مجبور علي العيال والسترة

الأخ الكريم د.سيد عبد القادر قنات...
أتفق معاك في أن مسئولية نجاح أو فشل العلاقة الزوجية...مسئولية مشتركة...
و أتفق معاك في أن المرأة السودانية تتهندم و تتزركش للمناسبات...
لكن إلا تتفق معي في أن الرجل يفعل الشيء نفسه؟؟؟
هل تلبس البدلة و الكرافتة في البيت؟؟؟
هل تلبس العمة و الملفحة و العباية و العصاية في البيت؟؟؟؟
هل تتعطر لزوجتك كما تتعطر لصلاة الجمعة؟؟
...إلخ...

المسئولية مشتركة...
خلينا نخت يدنا في يد بعض..و نطرح جميع المشاكل و التحفظات على طاولة النقاش...
و...
الحشاش يملا شبكتو...

[Lolo]

سلام ياممكونه

آيه أخبارك وعيالك كيف؟

كل سنه وانتو طيبين

عايزه أشارك معاكم

قالت ليه عايزاك تشتري لي غساله

رد عليها قدام أصحابه عليكم الله شوفوا دي هي نانسي عجرم غسلت في الطشطي أمن انتي

[عصمت العالم]

بعد اجاويد.وزعل..طال.والام..معصلجه..ام البنت..بعدين اتت فى مناسه وتدخلت الاطراف للعلاج باليزر..والترا ساوند...والجراحه الميكروسكوبيه.. ونظمت حفله..تمنح حريه الحركه للتفاهم..
اشاره. هنا......يبدو انى ساشرح كل الموضوع..حاولوا انتم..وانتن..اساب ا لهجر.والنيران.الاستنباط..
وكانت الحفله اوفر نايت..قدوره فى اوج تجليه..والعيون انغرست فى العيون..وتفاصيل الحركه اصعب من تكون...

وكانت ظنون..الحفله فى اصلاح ذات البين ...ودنت منه بتين تجى ترضينى من امى....ونعيد الماضى ذى اول....وكان فى انتشاء الرجفه وقدوره..يغنى...يا دنيا ...يا خاينه..خليك يا ساهيه..اصللوا ..الزمن داهيه...
وخليه.يا لاهيه....فجاه تحركت الام .ومسكت ببنتها ..وحمرت للمدعو..انسيه..يا بتى....
ووقف حائرا.بين النسيان..واعادة التبيان...
واحرق الجزلين يا اوفر جاز...
وكانت الاغنيه الاخيره..

[mamkouna]

جيلاني الأســــد بداية ليكــا سلام
إت ياكــا اللّزُوم.... و خاتـــي أى ملام
يا شيخ العرب ال ... متلـــى ما بتـــــلام
هاك مني الصحيح ال ما في بعده كلام
دا ( الحـلــف ) القِدِر يكبـــّـل الأقـــــــدام
بى خُلُقــا ً كريم مدْخـور مــع الأيـــــام
و بى رمشــا ً طويل مسلولة منه سهــام
وبى نَفَســا ً رقيق زايد على الأنســــام
وبى (مُهْجَـة) الجميلة ال.. زيّنت أعـــوام
وبى عُشـْره و وفــاء هى الخففت آلام
دا الحلف المتين ( الهجّــنْ ) ... الضرغـام
كيف أقدر أقيف قدامو رافع الهــــــــــام ؟
شاحد الله الكريم يرعاهـو مـا ينضــام
و يديني العمر معاهو أهنـأ و أنـــــام
و هاك مني الصحيح لى كلامي ختام
ما من خوف يمين أنا رافع الأعلام

الأخ العزيز...أبو بشار...
دوبيتك السابق يجب أن يدٌرس في مدارس الممكونين الصابرين...
عسى و لعل....

ربنا يخلي ليك أم مهجة ...و يخليك ليها ...
و ما تخاف من عيني...
العين البتريدك....بتزيدك...

[mamkouna]

صديقتى ممكونة .....

قمت بالتعديل .. خوفة و الله بس ..


سيصلك اللنك بالبريد أن شاء الله

العزيزة الغالية...ندى...
مافي داعي للخوفة...الحكاية بايظة بايظة...
....
أرسلي اللنك بسرررررررررررررررعة...خلينا نتعلم حاجة... :o

[mamkouna]

غايتو حلييييييييلنا من حقكن .. يوم الموقف العظيم


العزيز جداً جداً ..سجم جم...
أول حاجة...مبروكة جيتك و طلٌتك علينا....
تاني حاجة....السودان منور بيك...
تالت حاجة...كلامك الفوق ده ما فهمت منه أي حاجة.. :confused:
.
قصدك شنو الله بيسألك يوم الموقف العظيم...

[أم سهى]

غايتو البوست ده بوري جنس محن!!!
اسة شوفو عصمت العالم ده بسوي في شنو؟؟ :)
زمان كان بوستاتو كلها (سيدة عشقي..اليكي يا ملاكي...)خلاص الود ولا مجنون ليلي :D :D
وكت الكلام الجد..بقى كمان يفتح ليه بوستات كلها في تلك ال(الملاك.. وسيدة الطلعة البهية)
نحن عارفييييييييييين كلامكم كلو حبر على موية وكت يجي النضم الجد بتطلعوا الجواكم الحقيقي

هوي يا عصمت اخوي ما تخلينا نهبشك باقي نحن بنريدك وبنفتكرك بتناصرنا .شنو القمت تسوط فيه ده ؟وكمان تفرد ليه بوست :mad: :mad:

[أم سهى]

قالو في راجلين قاعدين بتونسو
فواحد منهم سامع التاني كل ما يجي ينادي زوجته يقول ليها
تعالي يا ستهن.. تعالى يا السمحة
تعالى يا الرزينة
صاحبو قال ليه يا راجل انت جنيت؟ شنو تتغزل في الولية دي وتنادي فيها يا السمحة ويا ستهن؟شنو ما تناديها باسمها ساكت؟

صاحبو قبل جاي وقبل جاي وقال ليه هامسا
(هي نان انا تصدق ناسي اسمها؟) :mad:

[mamkouna]

غايتو ياممكونة وكل من تفشا فشها، بس بقت عليكن حكاية، لا بريدك ولا بحمل براك

الحالة دى انا لسة ماضقتو

العريس معاش...
خرفان حمد...خرفان حمد...

وكت لسه ما ضقتو....جاي مالك؟؟؟؟
ما قريت إنه ممنوع إصطحاب أرباب الحرف و المعاشات...!!؟؟ :mad:

[mamkouna]

وجلس بالقرب منها يمنى النفس .فدفعته ووقفت قائلة له...امى..وصتنى..انك ما تقربنى قبل ان اتم شهرين بعد الاربعين
فجاه تحركت الام .ومسكت ببنتها ..وحمرت للمدعو..انسيه..يا بتى....


أستاذنا الكبير..عصمت كل العالم...
وجودك يشرفني...
مشاركاتك تدخل السعادة إلى قلبي...
لكن...!!!!
القاسم المشترك بين القصتين هو الزوجة المستسلمة و الأم المتسلطة..!!!

ما كنت عارفة إنو سيدة الأسحار...under-age ....!!!! :confused:

[mohamed hemaid]

كل سنة وانتو طيبين..

بعد أن انتهت الشلة من سرد كل كبيرة وصغيرة وقرقراب يجيب الطاش
سألت واحدي رفيقاتا:
انتن يا ديل الرجال ديل وقتين يبقوا براهم قاعدين يقولوا شنو؟
ردت احدى الرفيقات:
إي وآحيتي ..مو ياهو زي كلامنا القاعدين نقول فيهو دا..
استنكرت الواحدي وقالت برفعة حاجب:
يخس عليهم والله ما كنت قايلاهم كدي.. :D

[بندر شاه]

*
مغربي يقطع أذن زوجته ويمزق وجهها لكثرة استخدامها "الجوال

http://sudaniyat.net/upload/uploading/AA123.gif

تعرضت ربة بيت مغربية لاعتداء عنيف بالسلاح الأبيض من قبل زوجها بسبب خلاف نشب بينهما بسبب رفض الزوج أن يعبئ للزوجة رصيد مكالمات هاتفها الجوال وقد رفعت جمعية تعنى بالدفاع عن النساء اللواتي يتعرض للعنف بدعوى قضائية نيابة عن الزوجة البالغة من العمر35 سنة، وترقد حاليا في العناية المركزة في أحد المستشفيات. وبحسب صحيفة "الرأي العام" الكويتية فإن جمعية (إنصاف) في مدينة بني ملال (وسط المغرب) قالت إن زوج الضحية بتر نصف أذن زوجته اليسرى وقطع وتر عصب يدها اليمني المهددة بالشلل، كما حول وجهها والجزء العلوي من جسمها إلى خريطة من الجروح تطلب رتقها من جراحي المستشفى ساعات عدة من العمل.

وأرجع المصدر نفسه ملابسات حادث الاعتداء بحسب المعلومات الأولية التي استقاها من شهود عيان، إلى كون الزوجة بالغت في الإلحاح على زوجها يوم الحادث في أن يعبئ رصيد مكالمات هاتفها الجوال حتى تستطيع الاتصال ببعض أقاربها, لكن الزوج الذي غاظه كون هاتف زوجته الجوال لم يتوقف طوال يوم الحادث عن الرنين، رفض طلب زوجته بقوة.

وتطور الخلاف حول الجوال بسرعة حتى أشعل فتيل عراك عنيف بينهما استعمل الزوج لحسمه سكيناً حادة، فانتهى الأمر بالزوجة إلى المستشفى في حالة غيبوبة وقاد الزوج أمام غرفة الجنايات متابعا بتهمة محاولة القتل والضرب والجرح.

وشهد أهل المتهم والضحية اللذين كانا يعملان في الرعي بضيعة متخصصة في تربية الأبقار أن المودة كانت تجمعهما إلى أن دخل الجوال على خط الخلاف فنسف رحلة عمرهما التي أثمرت أربعة أبناء صغار بات التشرد يتربص بهم الآن.

http://sudaniyat.net/upload/uploading/Picture0007.png
[line]
http://sudaniyat.net/upload/uploading/Picture0008.png

رفض ممارسة الجنس معها فقتلته بعشرين عضة

وجهت تهمة اعتداء لامرأة اميركية على شخص مسن بعد ان مات زوجها بعضات منها خلال شجار عائلي بينهما كما قالت شرطة كاليفورنيا اول من امس وستجري فحوصات اضافية على جثة الزوج، المدعو ارثر برات الذي توفي بعد ستة ايام من الشجار الذي حدث بينه وبين زوجته التي اقدمت على عضه في انحاء مختلفة من جسده يوم 7 اكتوبر (تشرين الأول) الجاري. وظهرت على جسده آثار اكثر من عشرين عضة اسنان عميقة كما ذكر عريف الشرطة آل كارتر اول من امس. واضاف كارتر ان اختصاصيين سيجرون اختبارات لمعرفة ما اذا كانت العضات تسببت في التهابات مميتة للزوج. وان القتيل كان يعاني من مرض السكري ومشاكل في القلب والدورة الدموية، وانه كان في المستشفى قبل العضات بعدة ايام، كما قال كارتر. وقال كارتر ان مكالمة استنجاد من برات للشرطة عبر الهاتف سجلت صرخاته من الألم حين كانت زوجته تغرس اسنانها باستمرار في جسده، مضيفا ان الشجار نشب لامتناعه عن ممارسة الجنس معها. وحين حضر رجال الشرطة الى منزل الضحية وجدوا الزوجة كيلي (45 عاما) ما تزال تعض زوجها برات (65 عاما)، كما حاولت ان تعض رجال الشرطة حينما تدخلوا لمنعها من الاستمرار في فعلتها. ووجهت الى كيلي برات تهم الاعتداء على رجل مسن وممارسة عنف عائلي ومهاجمة رجال الشرطة، كما ذكرت كارول شيبلي المدعي العام اول من امس. وامتنع جيري سميث محامي كيلي برات التعليق على الموضوع اول من امس لأنه التزم قضية موكلته حديثا حسب قوله. واطلق سراح كيلي بكفالة خمسين الف دولار. وقالت كارول شيبلي «هذه القضية من نوع مختلف. انها بالتأكيد قضية محزنة جدا. لقد مات شخص». وربما توجه للزوجة تهمة القتل اذا ما اظهرت الاختبارات ان وفاة الزوج ناجمة من عضاتها.

[mamkouna]

اتصل عليها كعادته كل مساء وهو يمني النفس بحديث حلو يعينه على مواصلة الحياة في الغربة
قال بمنتهى العذوبة والرومانسية: أشتاقك حبيبتي ..
لا يوجد رد من جانبها
واصل قائلاً: أكره هذه المسافات التي تفصلنا عن بعض ..
أيضاً لا تعليق
أضاف قائلاً : عندما نتزوج سنعيش الحياة كأجمل ما تكون .. سنشاهد شروق الشمس ومغيبها .. سنأكل على ضوء الشموع ..س
هنا فقط صاحت قائلة: لا يا أخوي قايلني ما قريت البوست بتاع ممكونة

:D :D :D :D :D :D
i have a problem with my arabic keyboard
i will be back soon ya Nada......
i loved your story.....& so did al-mamkoun................

[mamkouna]

رجاء
رفقاً بنا أيها المتزوجين والمتزوجات
فغاية ما نتمناه أن تسكن أرواحنا بعد كل هذا العناء والتعب إلى حبيب نحتاجه ونرتاح إليه ..


العزيزة...اللذيذة ندى...
كل سنة و إنتي طيبة يا عروسة سودانيات الحلوة...و السنة دي زاااااااااااتها...عروسة زي القمر و عريسك غلبوا الصبر..

أعفي لينا...ما قاصدين نعقدك يا ستي....
لكن...
قاصدين التوعية....
و...عشان ما تبقى عليكي البقت على ناس الفلجة و الشروم ديك... :D

[mamkouna]

كل يوم أدخل في البوست دا وأقعد أضحك زيييييييييين وأطلع ، الليلة قمت حكيت لي جماعة بلدياتنا عنه ، تتصوري يا ممكونة واحد رد قال لي : ( ديل فايقاااااااااااات والله انا بعد ما أقضى غرضي منها تاني كان الكلبة شالتها ما بقول ليها جر . هههههههه وشر البلية ما يضحك .خلوهم يرتقوا بيها أولا لدرجة مناداتها بانسانة ( يا إنسانة ) بدل يا هيييييييييي ، ويا حاجة ، وأم العيال ، والجماعة الخ ، أصله عدد كبير منهم ما معترفين ليهم حتى بحقهم في أن يكون لهم اسم ينادونهن به .

واصلي الطرق عله يفيد ،

أبو قصي

:D :D :D :D :D
كل سنة و إنت طيب يا أبو قصي...
و ربنا يكفينا و إياكم شر الكلب الما بيقولوا ليهو جر... :D

[mamkouna]

قالت ليه عايزاك تشتري لي غساله

رد عليها قدام أصحابه عليكم الله شوفوا دي هي نانسي عجرم غسلت في الطشطي أمن انتي

العزيزة الغالية...لولو...
مشتاقييييييييييييييييييييييييييييييييين...
كل سنة و إنتي طيبة و ربنا يحقق أمنياتك....

يا ستي...نانسي عجرم زااااااااااااااااتها ممكوووووونة و صابرة... :eek:

ما سمعتيها لمن قعدت في بطن واطات الحمام و قالت...
(( مش كفاية عليك تجرحنى...حرام عليك...إنت إيه ؟؟ ))!!!! :p

[mamkouna]

قالو في راجلين قاعدين بتونسو
فواحد منهم سامع التاني كل ما يجي ينادي زوجته يقول ليها
تعالي يا ستهن.. تعالى يا السمحة
تعالى يا الرزينة
صاحبو قال ليه يا راجل انت جنيت؟ شنو تتغزل في الولية دي وتنادي فيها يا السمحة ويا ستهن؟شنو ما تناديها باسمها ساكت؟

صاحبو قبل جاي وقبل جاي وقال ليه هامسا
(هي نان انا تصدق ناسي اسمها؟)

العزيزة الغالية...ام سهى...
كل سنة و إنتي طيبة يا ستهن...يالسمحة و رزينة :D :D :D :D

أنا غايتو عجبني الراجل ده...غيرو ممكن ينسى الإسم و يستبدلو ب (( يا ولية )) (( يا مرا )) (( يا بت الشيخ )) (( يا بت الحلال )) (( يا سجم الرماد )) :eek: ....


كل سنة و كل الممكونات الصابرات......صابرات.

[عصمت العالم]

السيده الاستاذ ام سهى...


اولا عيدكم عمر وباذن الله منورين.والفرح سيعطر سماكم..كل عام وانت بخير..العزيز زهير والحلوين سهى وساره..وانت سيدة المجمع...


العزيز ممكونه فتحت هذه البوست شركا لايقاع كانت ترجو ونجحت فيه فى توريط اكبر عدد..لكن انها قصص وبس..مجرد حكايات..
وموقفى معروف ..مناصرة المراه..فى كافة قضاياها العادله..بكل مسانده والتزام...واعشقها واهيم بها
وفيما اكتب .استلهم من فيوض جمالهن وسحرهن وفتنتهن..ودفيق الاغراء حين تفضح ابتسامة الفجر مطالع كل ذلك البهاء...انهن الازاهر..وانهن الحياه..وخريرها..وتدفقها...الحياة لاتسوى شيئا بدون وجودهن..الساحرات الماهرات التدفق والاحياء...

على خطوط همسكن الندى نتحلق ونتعلق وننتظر...تلك العيون النعسانه..والوجوه الصبوحه والرقه المتناهيه...
يا حلاوة الرحيق..حين يبسم المساء على ملامح تلك الوجوه النيره...

لا استطيع التفكير وانا لا ارى ملمحا او حسنا او تفردا...انتن الشعله والاشتعال..ورجاحة الفكر..والمشاهد التفكيروالاجتهاد...وبلوغ اسمى الغايات..من نجاح الى نجاح.ومن تقدم الى تقدم..ومن نبوغ الى نبوغ..ويغرق كل ذلك مدى الوان السحر المتداخل...

يا سبر الحياه..ورصدها..
معكن قلبا وغالبا...
والله يجازى الكان السبب..ممكونه وافكارها....!!! والله شاهد..وعالم

[عصمت العالم]

العزيز الاستاذه السيده ممكونه

لم استطع ان امسك نفسى فى بداية هذا البوست.وكنت متاكد انه شرك..لفضح مواقف بعض الناس..واصابتنى ام سهى بسهم الانتقاد...لكنها مجرد حكاوى.فيها الاستسلام والسيطره...ولكن الجمال والعشق والاشتياق والهيام.والشجن.لازالت بحوره تتضطرم .وامواجه تتلاطم..تسال عن كل الرؤى..وتبحث عن دنيا الجمال والاحبه وشوق السنين الطال...
ويا قلبى..لو كانت معزتك...ودنيا الابتهاج وصراخ الشوق...قلبى الحابيك ..ما خان لياليك....ويا حبيبى .انت لى..وعشرتنا ومحبتنا..وما بصدقكم..وانا والاشواق...وغيرهم.وغيرهم من صراخات النواح الوحيح...

و لازالت سيدة الاسحار بكل وهج ذلك الصبا مهما تقادمت الايام..ولا يزال القلب اخضر فى ريعان شبابه.,. ومازال االنبض يخفق بهمس الهوى وزمن الشجون لتلك الوجوه الصبوحه وهى تعانق نظر العيون.وهى ترش فيضان سيولها..لتبعثر دواخل الحس وقدر الايام...وتشلع نيران صبابات الهوى...وايراق الشجون....

لتبقى كل المشاهد على رفة همس خرير رعش الحس تستلهم من دفقه مشاوير الزمن القادم..وهى تلتحف لهيب الشوق وتعانق زمان الروعه والافراح.وتصطحب فيوض الجمال السحر..ليغنى الليل كل غناوى الحب على صبوة تبعثر لوعة الاحساس..وانفاس تشهق نسايم الجمال المتهافت.تختزنه فى عمق اعماقها وتستمد منه معانى جمال الحياه..وتعيش به وتعيش له..وتمنحه من صبابة ريدها كل الاعتلاج ويمنحها من تكسره زمن الميعاد ولحظة الميقات...

ولعلنى بهذا قد اعلنت..مدى استشراء البراح..ومسارات التمدد..والانفتاح.على دنيا الجمال..
العزيزه ممكونه...

ساحكى عن قصص العشق الغرام.حتى اجعل كل القلوب العاشقه تنصهر وتنسكب تدفقا من رعش وهمس وانسجام...

عميق الود.وكل عام وانت فى اوج تجليك..وفى سعادة ابديه وستر وقناعه وصحة وجمال واناقه وانسجام مع الاسره الصغيره ومع الممكون الاعظم بمزيد من الحب وعمق الربط وغلاوة الاحساس..والعافيه..والامانى العذبه...

عميق الاعزاز

[أم سهى]

صديقي عصمت
وموقفى معروف ..مناصرة المراه..فى كافة قضاياها العادله..بكل مسانده والتزام...واعشقها واهيم بها
وفيما اكتب .استلهم من فيوض جمالهن وسحرهن وفتنتهن..ودفيق الاغراء حين تفضح ابتسامة الفجر مطالع كل ذلك البهاء...انهن الازاهر..وانهن الحياه..وخريرها..وتدفقها...الحياة لاتسوى شيئا بدون وجودهن..الساحرات الماهرات التدفق والاحياء...

على خطوط همسكن الندى نتحلق ونتعلق وننتظر...تلك العيون النعسانه..والوجوه الصبوحه والرقه المتناهيه...
يا حلاوة الرحيق..حين يبسم المساء على ملامح تلك الوجوه النيره...

لا استطيع التفكير وانا لا ارى ملمحا او حسنا او تفردا...انتن الشعله والاشتعال..ورجاحة الفكر..والمشاهد التفكيروالاجتهاد...وبلوغ اسمى الغايات..من نجاح الى نجاح.ومن تقدم الى تقدم..ومن نبوغ الى نبوغ..ويغرق كل ذلك مدى الوان السحر المتداخل...
ايوة كدة ده عصمت البنعرفو
خفت تكون من جماعة احمد امين اياهم ;) :p :D
عصمت.زصديقي
كل عام وانت وزينب وام زينب بالف خير يا رب وربنا يحقق الاماني الطيبة

[عبدالله الشقليني]

عزيزتنا ممكونة .
المُبدعة بحق
( تنـزعين الحدث من زحام الدُنيا ،
وتقولي ممنوع اصطحاب الأزواج ؟،
وأنا مُصَدِق وفاكر الموضوع ما بخُسَني ،
كنت مُفتكِر الموضوع صِناعة ريحة سودانية أو
حَبة طلِح وشاف ، وحلاوة وما شابه من الأمور التي
يتعين على أخوانا الأزواج عدم معرفتا حتى لا تنقطع الدهشة
من ( الحَلاَ والنورَة ) :

لدينا ( والعياذ بالله ) الكثير من طرطشة المُجتمع الرعوي .

الرومانسية حُلُم جميل ، يحتاج خميرة طيبة من الطرفين .
وتحتاج إجتماع التكوين النفسي والثقافة التعبيرية .
وتحتاج قراءة للشعر واستجلاء معانيه ،
وقراءة الأدب الرفيع وتدبر معانيه .
والتدريب .

أنا لمَن أكتب قصة يَحاسبُوني حِساب نِكير !
قالوا كمان مُعَرِس الكَمبيوتر !
والله يا ممكونة .. دة بوست ما اعتيادي .
جميل و حِليوون .
شكراً ليك
بالمناسبة واحدة من القصص
ذكرتني أغنية قديمة لترباس بتقول :
إنتَ فايق ورايق وأنا بالي مَشغول

[mamkouna]

كل سنة وانتو طيبين..

بعد أن انتهت الشلة من سرد كل كبيرة وصغيرة وقرقراب يجيب الطاش
سألت واحدي رفيقاتا:
انتن يا ديل الرجال ديل وقتين يبقوا براهم قاعدين يقولوا شنو؟
ردت احدى الرفيقات:
إي وآحيتي ..مو ياهو زي كلامنا القاعدين نقول فيهو دا..
استنكرت الواحدي وقالت برفعة حاجب:
يخس عليهم والله ما كنت قايلاهم كدي..


:D :D :D :D :D

يخسي عليك يا حميد...ما كنت قايلاك كدي... :D

[أحمد أمين أحمد محمد]

العزيزة الممكونة جدا ً (اللهم يفك زنقتك يا شيخة)...
أهنئك .. ها أنت قد إنتصرت علي ّ واستطعت أن تسحبيني إلى عرينك هنا... الويل !
فقط سؤال واحد : لماذا تشيعين عني أنني عدو النساء رقم واحد ؟؟!!
من قال هذا .. ؟ .. صحيح أنني قد أكون قلت في زاوية Garcia أن النساء صنف لا يجب التعامل معه إلا ّ ضربا ً بالشباشب القديمة (التموت تخلي مثلا ً) , ولكن هذا لا يعني أبدا ً أنني ضدهن أو أمقتهن... بالمناسبة اقرأي ردي عليك هناك في ركن Garcia ففيه سوف ترين العبد لله يبكي كطفل صغير تركته أمه وحيدا ً بالدار...
عل كل حال , المساهمة التالية مني هي عربون محبة بيننا..
من مقالات الكاتب الساخر احمد رجب هذة المقالة :
جاءني العريس الجديد يطلب النصيحة ، فقلت له فات أوان النصيحة فأنت قد تزوجت بالفعل وعلى العموم فلتعلم يا ولدي أن أي عريس يريد أن تكون كلمته هي العليا فيقول " لا " بشكل قاطع وحاسم ليؤكد من البداية أنه صاحب السيادة والسلطان ولا خوف على الزوجة من ذلك ، فالأيام كفيلة بأن يعرف الزوج حجمه0
والفلوس هي دائما السبب في كلمة لا ، و المرأة تتعب و تخطط وتحتال بكل دهاء الأنثى لتضع على لسان الرجل حاضر يا حبيبتي ، ولذلك فهي تثور مرتين أمام كلمة " لا " مرة لأنه خذل مطلبا لها ومره لأنه أهان أنوثتها التي استعملتها سلاحا فلم تؤثر فيه وغالبا ما تعيد الزوجة الكرة دون اللجوء إلى سلاح الأنوثة بل باللجوء إلى بيت أهلها .
وعلى أي حال إذا أردت أن تختصر الطريق إلى حياة زوجية هادئة فقد تكون هذه النصائح مفيدة :-
1- الغيرة هي سبب المتاعب في الحب ، وفي الزواج الفلوس هي سبب كل المشاكل ، فأعطها كل ما يدخل جيبك واسترح .
2- أعط زوجتك الأمان فهي تعرف أن الرجل عبيط وسهل الوقوع في الشراك النسائية، فتجنب كل ما يثير شكوكها ، ولا تدخل البيت مكتئب السحنة حتى لا تعتقد زوجتك انك مهموم للقائها ، كذلك لا تدخل متهلل الوجه حتى لا تعتقد انك راجع من موعد غرام .
3- دع زوجتك " تبرطم " دون أن تدقق كثيرا في الكلمات التي تلعن العيشة معك ، فهذا التنفيس ضروري للزوجة ، وفي ذلك قيلت الحكمة المأثورة : التنفيس خير لك من أن توضع في الكيس .
4- كن متسامح مع زوجتك ، فمما يعقد الأمور كثيرا تمسك الزوج بكبريائه .
5- إذا كان لا بد من التفاهم حول موضوعات أسرية هامة وأصررت على رأيك فليكن ذلك بينك وبينها في غرفة مغلقة حتى لا تضيع هيبتك أمام الأولاد .
6- في مناقشة الخلافات الزوج المهذب لا ينطلق العيب أبدا ، أما الزوج العاقل فلا ينطق إطلاقا .
7- امتدح مهاراتها في طهو الطعام ، ولا مفر من تدريب نفسك على مذاق طعامها .
8- احترس من الوقوع في مصيدة التناقض خلال أحاديثك معها ، فاحتفظ في مكان عملك بمفكرة صغيرة تدون فيها أكاذيبك عليها أول بأول .
9- من وقت لآخر انتهز فرصة غيابها في الخارج هي و الأولاد لكي تأخذ راحتك في البكاء .

[mamkouna]

إلى الأخ العزيز...أحمد أمين...

نوٌرت البوست....







إلى الأخوات ...أم سهى...بيان..
.و...
بلقيس عوض...

أمانة ما وقع راجل..!!! :D

[Wad Elnour]

ممكونة سلامات
وكل عام أنت والممكون والعيال بألف خير.

رجل وهو علي فراش الموت نظر إلي زوجته نظرة كلها رومانسية فقال لها :
لما إترفدت كنتي معاي, ولما مرضت وقفتي جنبي, ولما فلست برضك كنتي معاي. ودلوكتي وأنا بموت لسه إنتي جنبي.
فأمسك يدها بكل حنية وقال ليها:
ما عارف ليه حاسي إنك نحس .

تحياتي

ود النـــــــــــــــــــــــور

[الطيب بشير]

مرحبتين يا مـمكونة
و الله بوست ما عادي
قاومت العنوان شوية .. و شغلتنا الولادة شويتين ...
لكن الليلة أول نقرة قريت كل صفحاتو..
كل مرة أنادي سوما، و هي لسـة الضحك بيتعبها ع شان العملية، لكن في واحدات ما قدرت أصبر عليهن ..
شكرآ كتير على إمتاعنا و تعليمنا..

عن نفسي

أنا لم أتنازل عن القيادة في بيتي أبدآ..

لأنها ما كانت بيدي يومآ أصـلآ.. :mad:

[د.سيد عبدالقادر قنات]

خرمجة :( نقلا عن سيدتى)
يقول د.جاك جونستون، توجد علاقة وثيقة بين التنفس والجنس ،فالتنفس العميق يشحن جهاز الأثارة وأجسامنا تحتاج لمزيد من الأوكسجين حين تشتد الأثارة ، ويعد عدم التنفس الجيد سببا أساسيا من أسباب خلود الرجال للنوم بعد ممارسة العلاقة الزوجية .
بعد كده يا بناتي ما تلومونا لو أديناكم ضهورنا بعد ....، الحكاية بقت علم ،وياحليل كسير العناقريب ،
والحبة ما بتحي الميت

[د.سيد عبدالقادر قنات]

وخرمجة تانية ، بس للأزواج :
1/ أعداد المكان والجو للتدريبات ، مع أحكام القفل والوقت المناسب والضوء الخافت
2/ عمل دلك متبادل حتي يتعرف كل من الزوجين علي تفاصيل جسم الآخر، مع تجنب المناطق الجنسية، وتجنب أتمام العملية الجنسية، وعلي الطرف المستقبل أن يقود المدلك ويوجهه لما يمتعه
3/ يتم عمل التدليك المتبادل مثل المرحلة الأولي ولكن يشمل المناطق الجنسية والثديين
4/ يتم لقاء الختانين (مع أو بدون أيلاج) ، علي أن تكون الزوجة هي المتحكمة في الموقف
5/ بأنتهاء هذه المراحل سيكون الزوجانأكثر قدرة علي التواصل معا ولن تكون هنالك مشكلة في أتمام العملية الجنسية والحصول علي المتعة لكليهما
تعتمد هذه الطريقة العلاجية في التركيز علي الأستمتاع بأحاسيس اللمس مع صرف الذهن في التفكير في أي شيء آخر والتفكير في اللحظة وليس الماضي ، وعلي كل طرف طلب ما يمتعه
وتصلح هذه الطريقة لعلاج ضعف الرغبة عند المرأة
ومع أنها طريقة علاجية ،
ولكن يمكن أستخدامها كنوع من التجديد بين الزوجين

ومع كل العلم ، يبقي الرجل الشرقي شرقي ، ولا يعرف غير متعة نفسه

[mamkouna]

مغربي يقطع أذن زوجته ويمزق وجهها لكثرة استخدامها "الجوال

كلامك ده دخل عليٌ ..دخلة عدوك يا بندر شاه...
خصوصاً إني من المرشحات لقطع الإضنين الإتنين ..غالباً... :(

رفض ممارسة الجنس معها فقتلته بعشرين عضة

دي الظاهر عليها جنٌت..و قالت هَووووو... :D


ملحوظة:-
أنصح الجميع...ممكوناتاً و ممكونين...
بإعادة قراءة لاءات الأخ بندر شاه...

[mamkouna]

القصة السادسة:-

عاد من الخارج و هو يهذي من الحمى...إنفلونزا حادة...صرخ متألماً (( دثروني...زملوني ))...
ركضت هي للتخفيف عنه..تحول المنزل إلى غرفة طواريء...هدوء...ممنوع الإزعاج...ممنوع إصطحاب الأطفال......ليمون دافيء...كركديه ..عصاير...فطاير...مكمدات...مساج...تدليك...حنان و تحنان...
تماثل للشفاء...عاد من عمله يومها ليجدها تهذي من الحمى...لا بد إنها العدوى...
تمتم قائلاً ( (قومي خلي الجرسة و دلع النسوان ده...
أمسكي عيالك عليك..تعبان داير أنوم ))...

[د.سيد عبدالقادر قنات]

هكذا دايما الرجالة ، نوم وصهينة
ياولية ولدك دا عمل لينا أزعاج ، رضعيهو ولا أديهو البزة أنا تعبان عاوز أنوم
ياخي أطلعي بيهو بره في الحوش وسكتيهو ، أنا خلاص عاوز أطق
أنا والله أفوت ليك البيت دا هسي أنتو يابجم ما بتحسو
الوطة صبحت وأنتي لسه متندله ونايمة
ان ماشي الشغل وين الشاي
الليل كلو ما خليتونا ننوم
وين القميص والبنطلون ؟ أوع تكوني ما غسلتيهم وكويتيهم ؟
أنت مرة نحس ، من يوم شفتك اموري كلها ماشة بالعكس
الله يفكنا منك

[mamkouna]

مسج طريفة وصلتني من ممكونة من الممكونات :-

نحن كمكعبات السكر..
نذوب و نتلاشى ....
و لكننا نبقى حتى آخر رشفة في الكوب.
هكذا علٌمنا الوفاء...
أن نبقى ...رغم سخونة القهوة...!!!!!

!!!!!

[mamkouna]

العزيزة ممكونه فتحت هذه البوست شركا لايقاع كانت ترجو ونجحت فيه فى توريط اكبر عدد..لكن انها قصص وبس..مجرد حكايات..
وموقفى معروف ..مناصرة المراه..فى كافة قضاياها العادله..بكل مسانده والتزام...واعشقها واهيم بها
وفيما اكتب .استلهم من فيوض جمالهن وسحرهن وفتنتهن..ودفيق الاغراء حين تفضح ابتسامة الفجر مطالع كل ذلك البهاء...انهن الازاهر..وانهن الحياه..وخريرها..وتدفقها...الحياة لاتسوى شيئا بدون وجودهن..الساحرات الماهرات التدفق والاحياء...

أستاذنا الكبير و نصير الرومانسية رقم واحد...
عصمت كل العالم...

نحن ما طالبين غير كلمة حلوة...و همسة ود و تقدير...
إنت قايل غير كلامك الحلو ده...المصٌبر سيدة الأسحار و مصٌبرنا شنو؟؟؟!!!!

[أبوجهينة]

العزيزة ممكونة

كل سنة و إنت طيبة

نحن كمكعبات السكر..
نذوب و نتلاشى ....
و لكننا نبقى حتى آخر رشفة في الكوب.
هكذا علٌمنا الوفاء...
أن نبقى ...رغم سخونة القهوة...!!!!!

سكر على سكر يفرق ...

فهناك سكر Diet له طعم السكر و لكن دون تلكم السعرات الحرارية في السكر الأصلي .. :D :) :cool: :rolleyes:

إذن بعض النساء تغلفهن طبقة من الحلاوة أما طعمهن الحقيقي ..... :mad:

[عكــود]

سكر على سكر يفرق
وتعتمد على تشكيل الكلمة برضو..
بعضهن سُكّر
والبعض الآخر سَكَر
اللهم أغننا بحلالك عن حرامك،

ممكونة،
بوست مليان،

عكــود

[mamkouna]

الرومانسية حُلُم جميل ، يحتاج خميرة طيبة من الطرفين .
وتحتاج إجتماع التكوين النفسي والثقافة التعبيرية .
وتحتاج قراءة للشعر واستجلاء معانيه ،
وقراءة الأدب الرفيع وتدبر معانيه .
والتدريب .

الأخ العزيز عبد الله بيكاسو...
أوافقك على الجزء الأول من التحليل...و أتحفظ على الجزء التاني...

الرومانسية التى أعنيها هي الكلمة الطيبة الصادقة النابعة من القلب...
كلمة تقدير...كلمة ود ....كلمة حنينة...
كلمة بسيطة زي (( تسلمي )) (( الله يبارك فيك )) (( مشتاق ليك )) (( محتاج ليك )) (( بريدك )) (( الله يخليك ليا )) (( يا ستي )) ....
أو المخاطبة بإسم محبب ك (( حنونة )) (( مهوية )) (( نجولة )) (( ندوية ))...أو حتى (( مكن كن أو مكونة )) :p ...

هل تحتاج هذه الكلمات لقراءة الشعر و الأدب الرفيع؟؟؟؟؟؟

[أم سهى]

هل تحتاج هذه الكلمات لقراءة الشعر و الأدب الرفيع؟؟؟؟؟؟
سؤال وجيه هل من اجابة
ديل يا ممكونة بتاعين تنظير ساي خليني منهم

ذكرتني قصة التنظير دي موقف في الجامعة
واحد من الناس (البلعلعو) وعاملين فيها مناصرين لقضية المرأة
بعدين كان في نقاش هاديء كدة بين مجموعة من الطلبة (الاولاد) فيما بينهم فكانو بتناقشو بكل هدوء وصدق مع النفس واحد نط قال ليهم والله يا جماعة لو جيتو للجد المرأة مكانها البيت بالجد كدة وبداو يناقشوهو وهو مصر على رايه فاحرج زميل له في تنظيم تقدمي بعين لمن اصر صاحبنا على رايه (نهره) صاحبو قال ليه يا زميل ده شنو - حينها استدرك صاحبنا الموقف بكلمة (زميل) دي فقام اتنفض قال ليهم لكن انتو ما سألتوني عن( رايك الماركسي)
اها عاد جنس ده يقولو عليه شنو؟؟

[mamkouna]

العزيزة الممكونة جدا ً (اللهم يفك زنقتك يا شيخة)...
أهنئك .. ها أنت قد إنتصرت علي ّ واستطعت أن تسحبيني إلى عرينك هنا... الويل !
فقط سؤال واحد : لماذا تشيعين عني أنني عدو النساء رقم واحد ؟؟!!
من قال هذا .. ؟ ..
صحيح أنني قد أكون قلت في زاوية Garcia أن النساء صنف لا يجب التعامل معه إلا ّ ضربا ً بالشباشب القديمة (التموت تخلي مثلا ً) , ولكن هذا لا يعني أبدا ً أنني ضدهن أو أمقتهن...



الأخ ...أحمد أمين...
أنا متين قلت إنك عدو المرأة الأول؟؟؟؟ :confused:
هووووووووووووووووي...
جابت ليها كمان جرجير قوايل...و لخابيت...؟؟؟!!! :mad:

أنا يا سيدي..أعترف ليك أني إعتبرك نصير المرأة رقم واحد و الملك المتوج على عرش الرومانسية المفقودة...و أنا لو محل نجلاء أسف التراب على الفرصة الضيعتها دي...
عارف ليه؟؟؟
لانك وااااااااااااااااضح....و لانك بتحب بصدق...و لأنك وفي لحبك ...
و عشان كل الفات ده يا أحمد أمين...أنا قررت أفتح ليك بوست براك....نحاول فيهو نحل مشكلتك دي...
....
.....
عشان ما تفتكر نفسك أول و آخر من تشوكش...تعال ورايا هنا....
http://sudaniyat.net/vb/showthread.php?p=10633#post10633

[mamkouna]

ممكونة سلامات
وكل عام أنت والممكون والعيال بألف خير.

رجل وهو علي فراش الموت نظر إلي زوجته نظرة كلها رومانسية فقال لها :
لما إترفدت كنتي معاي, ولما مرضت وقفتي جنبي, ولما فلست برضك كنتي معاي. ودلوكتي وأنا بموت لسه إنتي جنبي.
فأمسك يدها بكل حنية وقال ليها:
ما عارف ليه حاسي إنك نحس .

تحياتي

ود النـــــــــــــــــــــــور

كل سنة و إنت طيب يا ود النور...
ربنا يحقق أحلامك...
بس ما تكون من نوع الحلم الآتي:- :eek:

واحد زوجتو إتوفت....حزنان عليها جداً...حلم بيها بتقول ليهو...يا ريتك لو كنت معايا...
قال ليها : يا سلااااام عليكي ..حتى و إنتي في الجنة...طارياني.....
قالت ليهو: و القال ليك أنا في الجنة منو؟؟؟!!!!! :p :p :p

[Garcia]

يا ممكونة قدرتى تجرى احمد امين للمصيدة ... وتسحبى اهم مشارك فى اليوميات الساخرة بتاعتى :D :D
بس ود امين عليهو الرك ومحارب قديم ... وسوف اتابع الحوارات عن قرب ....

[قوت القلوب]

ممكونة الصديقة والاخت الوفية
سلامات عوافي
والمتداخلات

ليهههههههههههه كده ليه كده بس

خلو الطابق مستور

نحنا زاتنا عندنا متل ده

وبجي راجعة

ام حلا

[ندي عبدالمنعم]

الاخ محمد حسن ,,

رد متأخرا و واجبا . أرجو المعذرة ......

سرنى اننى قد أعدت لك أيام جميلة بكتابتى لرائعة تينا تيرنر .. أليست كلمات معبرة تغنى عن الكثير من الكلام ؟؟

لك السلام ...

[abu qusai]

اها عاد جنس ده يقولو عليه شنو؟؟

يقولوا عليه أطرش في الزفة .

[mamkouna]

عن نفسي

أنا لم أتنازل عن القيادة في بيتي أبدآ..

لأنها ما كانت بيدي يومآ أصـلآ..

:D :D :D :D :D

[أماني]

قالت له: بحبك
قال لها : حباك برص

[mamkouna]

د. سيد قنات....
أبو جهينة....
عكود....
أم سهى...
جارسيا...
ندى عبد المنعم...
أبو قصي...

مشكوريييييييييييييييين على مشاركاتكم الثرة....



أماني...

شكراً على رفع البوست...
أنا لو منها أقول ليهو:
يحبك أب نيف...التحت القيف..!!! :mad:

[غاندي]

يا ممكوناء

عندي لديك مشاركتين لم تعبرينني فيهما فعلاما التجاهل علاما وما بيني وبينك من مودة قدر ناس سودانيات وناس، أسجل صوت لوم.


الشوووووووووووووووووووووووك ضريسة :D :D

[أم سهى]

إذن بعض النساء تغلفهن طبقة من الحلاوة أما طعمهن الحقيقي
ابو جهينة صديقي
نحن سكرنا (البعشرق) في الحلق داك
بس ما لكل الناس
الناس البستاهلو بضوقوهو حلو
والناس الما بتستاهلو بعشرق ليهم وبقد حلقهم
يا ربي انت من ياتم في ديل :p

[أماني]

ممكونة مساك الله بالخير
انا البوست دا عاجبنى وكان نفسى يعلقوهو فى المعلاق
لكن تقولى شنو حسادة رجال :cool: :cool:
عشان كدا انا عاوزاه داما يكون فوق
وانت ما تختفى كتير كدا

[mamkouna]

يا ممكوناء

عندي لديك مشاركتين لم تعبرينني فيهما فعلاما التجاهل علاما وما بيني وبينك من مودة قدر ناس سودانيات وناس، أسجل صوت لوم.


الشوووووووووووووووووووووووك ضريسة

العريس جداً غاندي....

الشوووووووووووووووك هريسة.... :p

يا سيدي مافي داعي للوم...الحاصل إنو إنا رديت عليك في الصفحة رقم ( 3 ) و أي زول بيكتب زيادة بعتبرو سيد بوست (( على وزن سيد بيت )) :D ....يعني إنت حسي سيد البوست ما أنا....

فهمت علي؟؟؟!!!!
يللا دايرين مشاركات زيادة...

[mamkouna]

نحن سكرنا (البعشرق) في الحلق داك
بس ما لكل الناس
الناس البستاهلو بضوقوهو حلو
والناس الما بتستاهلو بعشرق ليهم وبقد حلقهم

العزيزة الغالية أم سهى...
ليك مني أغنيتين...

الأولى:-
سُكر...سُكر...سُكر...
وحات عينيا سُكر..
و أكتر..
أحلى نغم في منظر...

و التانية:-

سُكرنا...كملتي.....
كملتي سُكرنا...
يا عقد اللولي..اللولي...
يا بت يا حلوة يا مولي... :p

[mamkouna]

ممكونة مساك الله بالخير
انا البوست دا عاجبنى وكان نفسى يعلقوهو فى المعلاق
لكن تقولى شنو حسادة رجال
عشان كدا انا عاوزاه داما يكون فوق
وانت ما تختفى كتير كدا

صباحك خير يا أماني...

المعلاق ده أبوا لينا بيهو عديييييييييييييييييييييل كده....
لكن و لاااااااااااااااا شغالة بيهم الشغلة...

خليهم يفضوا من حفلاتهم و حبشهم...و عندي معاهم كلام تاني... :mad:

سؤال:
الراجل ده كتٌر السفر...لازمك كادوك كبير .... :rolleyes:
أديني إسمو بالكامل و إسم أمو...
و تاني كان مرق خشم الباب...قولي ممكونة قالت... ;)

[Dr. Mohammed Hassan]

بسم الله الرحمن الرحيم
الاخت ممكونة

الراجل ده كتٌر السفر...لازمك كادوك كبير .... :rolleyes:
أديني إسمو بالكامل و إسم أمو...
و تاني كان مرق خشم الباب...قولي ممكونة قالت... ;)

كتابة بالأنتٌرنت!! :confused: :confused:
شكيناكم على الله :cool: :cool:

[عطر]

هو بعيد عنها (مغترب وكدا) :(

في كل لحظة هو في بالها
وكل ما تتذكر موقف بترسل ليو رسالة (بتكون خاتة في راسا انو أكيد محتاج يحس انها بتفكر فيو وطبعا متخيلاو بيفكر فيها)
مرات يرد عليها ومرات ما يرد (طبعا بتخلق ليو العذر إحتمال يكون ما عندو رصيد أو رسل لكن الشبكة كعبة :( )
يوم تلفونا قطع فاتورة ... اليوم ما فقدا ... التاني ما اشتغل بيها ... التالت ما قدرت تصبر جرت اشترت كرت واتصلت بيو: وينك حبيبي ... فقدتك انشالله تكون بخير ... قال ليها وبكل برود: لا والله مافي حاجة .. بس مشغول شديد والله وكنتا متأكد انك انتي حتفقديني :mad: :mad: :mad:

[mamkouna]

هو بعيد عنها (مغترب وكدا)

في كل لحظة هو في بالها
وكل ما تتذكر موقف بترسل ليو رسالة (بتكون خاتة في راسا انو أكيد محتاج يحس انها بتفكر فيو وطبعا متخيلاو بيفكر فيها)
مرات يرد عليها ومرات ما يرد (طبعا بتخلق ليو العذر إحتمال يكون ما عندو رصيد أو رسل لكن الشبكة كعبة )
يوم تلفونا قطع فاتورة ... اليوم ما فقدا ... التاني ما اشتغل بيها ... التالت ما قدرت تصبر جرت اشترت كرت واتصلت بيو: وينك حبيبي ... فقدتك انشالله تكون بخير ... قال ليها وبكل برود: لا والله مافي حاجة .. بس مشغول شديد والله وكنتا متأكد انك انتي حتفقديني


الأخت العزيزة...عطر...
في البداية مرحب بيك وسط أهلك و أحبابك...
الموضوع ده قديم..متجدد...
خليها تتقل يومين تلاتة...و نشوف في الرابع ح يعمل شنو...
كان في السادس ما قال حاجة...خليها تتم الأربعين... :D :D :D

[Ishrag Dirar]

قال ليها وبكل برود: لا والله مافي حاجة .. بس مشغول شديد والله وكنتا متأكد انك انتي حتفقديني
.

... :D :D :D


كم يؤلمني
كم يضنيني

ان اسمع هذا الرد
وأنا يقتلني الشوق اليه

[mamkouna]

كم يؤلمني
كم يضنيني

ان اسمع هذا الرد
وأنا يقتلني الشوق اليه

العزيزة إشراق...
و كافة عموم الممكونات الصابرات...

ده وباء عام...قاتل...فتاك..صامت..بارد...
من أعراضه....الموت السريري للعواطف و المشاعر...

إسمه (( إنفلونزا الضِكور )) :o :o :o :o :o

[haneena]

ده وباء عام...قاتل...فتاك..صامت..بارد...
من أعراضه....الموت السريري للعواطف و المشاعر...

إسمه (( إنفلونزا الضِكور ))

:D :D :D
:D :D
:D


دة أجمل تعليق يا ممكونة يتقال بمناسبة يوم المرأة العالمي :cool: :rolleyes: :D
يا زولة الله يضحكك زي ما ضحكتيني
الليلة العارفاهم ديلاك..و حياتك
إتفرّوا من الأضان للأضان